Түркістан облысының Төтенше жағдайлар департаменті Білім басқармасымен бірлесіп Сайрам ауданының Қайнарбұлақ ауылдық округінде орналасқан «Green school» инновация мектебінде «Жас құтқарушылар» бірінші кадет сыныбының салтанатты ашылуын өткізді. Жаңа кадет сыныбы оқушылардың жұмысшы кәсіптерінің қағидаттарына негізделген құтқарушы мамандығына деген қызығушылығының артып келе жатқанын көрсетеді. Бағдарламада балаларға төтенше жағдайлардағы мінез-құлық ережелерін үйретуге ерекше назар аударылады, бұл жас кезінен бастап өмірге қауіпсіз және жауапкершілікпен қараудың негізін қалады. Жас курсанттар саптық дайындықтан өтеді, қауіпсіздік негіздерін үйренеді және ішкі және ведомстволық іс-шараларға белсенді қатысады. ТЖД қызметкерлері жас ұрпақпен жүйелі жұмыс жүргізіп, білімдерін ғана емес, сонымен қатар төтенше жағдайларда дұрыс әрекет ету үшін қажетті өмірлік маңызды дағдыларды да береді. Сыныптың ашылуы ТЖ жағдайында жедел және кәсіби әрекет етуге қабілетті азаматтарды тәрбиелеуге бағытталған кадет бағдарламаларын дамытудағы маңызды кезең болды. «Жас құтқарушылар» кадет сыныптары арасында жарыстар өткізіліп, балаларға алған білімдері мен дағдыларын шындыққа жақын жағдайларда көрсетуге мүмкіндік берілді. «Кадет сыныбының ашылуы – төтенше жағдайларда жедел әрекет етуге дайын азаматтардың жаңа буынын қалыптастырудағы маңызды қадам. Балаларды қауіпсіздік негіздеріне үйрете отырып, біз қоғамымызды қорғау үшін берік іргетас қалаймыз», - деп атап өтті облыс ТЖД бастығы Асқар Төлешев. Осылайша, өңірдің ТЖМ кез келген жағдайда азаматтардың өмірі мен денсаулығын қорғауға дайын мамандардың жаңа буынын қалыптастыра отырып, балалармен және жастармен жұмыс істеуге өзінің адалдығын растайды. Ақпарат көзі : https://www.gov.kz/memleket/entities/emer/press/news/details/948428

Премьер-министрдің орынбасары – ұлттық экономика министрі Серік Жұманғарин Әли Джавад Әл-Эйдті 2025 жылғы 28 қаңтарда ХВҚ миссиясының басшысы лауазымына тағайындалуымен құттықтап, Қазақстан ХВҚ-ның сараптамалық қорытындысы мен ұсынымдарын әрдайым жоғары бағалайтынын, бұл еліміздің экономикалық саясатын қалыптастыру мен маңызды стратегиялық шешімдер қабылдау үшін таптырмас ресурсқа айналғанын атап өтті.«Қазақстан Қормен 30 жылдан астам уақыт жемісті ынтымақтастық орнатып, айрықша қолдауға ие болды. Біздің ХВҚ-мен ұзақмерзімді әріптестігіміз экономикалық тұрақтылықты қамтамасыз етіп, Қазақстан экономикасының сапалы әрі орнықты өсуі үшін өте маңызды», — деп атап өтті Серік Жұманғарин. Кездесуге қатысушылар құрылымдық реформаларды жүзеге асыру, салық-бюджет саясатын жетілдіру және ұлттық қаржы нарығын дамытуға бағытталған жобалардың оң нәтижелерін атап өтті. Бұл жобаларды іске асыру барысында ХВҚ-ның тәжірибесі мен ұсынымдары ескерілгені айтылды. Сондай-ақ 2021 жылдан бері Алматыда жұмыс істеп келе жатқан ХВҚ-ның Кавказ, Орталық Азия және Моңғолия әлеуетін дамыту жөніндегі өңірлік орталығының өңірлік ынтымақтастықты нығайтуға қосқан елеулі үлесі ерекше атап өтілді.Сонымен қатар вице-премьер мен миссия басшысы мемлекеттің экономикалық нақты секторын қаржыландыру, бюджет-салық реформасын іске асыру жөніндегі жоспарларын, сондай-ақ өзара іс-қимылдың басқа да аспектілерін талқылады.Ақпарат көзі : https://www.gov.kz/memleket/entities/economy/press/news/details/947794

ҚР Еңбек және халықты әлеуметтік қорғау вице-министрі Асқар Биахметов ҚР Президенті жанындағы Орталық коммуникациялар қызметінің алаңында өткен баспасөз мәслихатында жұмыспен қамтуға жәрдемдесу шараларын іске асыру туралы айтты. 2024 жылдың қорытындысы бойынша Қазақстанда 979 мың азамат жұмысқа орналастырылды.Асқар Биахметов ҚР Еңбек және халықты әлеуметтік қорғау министрлігі (бұдан әрі – Еңбекмині) қызметінің негізгі бағыттарының бірі азаматтарды сапалы жұмыс орындарымен қамтамасыз ету болып табылатынын атап өтті. Еңбек нарығын дамытудың 2030 жылға дейінгі тұжырымдамасында 2029 жылға қарай сапалы жұмыс орындарының санын 3,8 млн бірлікке дейін ұлғайту көзделеді. 2024 жылдың қорытындысы бойынша 2,5 млн-ға жетті.«2024 жылдың қорытындысы бойынша Қазақстанда 979 мың азамат жұмыспен қамтылды, оның 714 мыңы тұрақты жұмыс орындарына орналастырылды. Ұлттық жобалар мен салалық тұжырымдамалар аясында 65 мыңға жуық азамат жұмысқа орналастырылды. Мемлекет басшысының «10 мың тұрғынға шаққанда 100 жұмыс орны» бастамасы аясында – 314 мыңнан астам адам, жұмыс берушілер ұсынған бос жұмыс орындарына – 359 мың адам және тағы 241 мыңнан астам адам жұмыспен қамтуға жәрдемдесудің белсенді шаралары аясында жұмысқа орналасты», – деді вице-министр.Сондай-ақ Асқар Биахметов ай сайын Еңбекминінің ақпараттық жүйелері арқылы жұмысқа орналасқандардың міндетті зейнетақы жарналарының бар-жоғын тексеру және олармен электрондық еңбек шарттарын жасасу арқылы жұмысқа орналасуға мониторинг жүзеге асырылатынын айтты.Жұмыс орындарын құру мониторингінің нәтижелері бойынша зейнетақы жарналары жұмысқа орналастырылғандардың жалпы санының 85%-на түскені, шамамен 60%-да электрондық еңбек шарттарының болғаны анықталды.2024 жылы жұмыспен қамтуға жәрдемдесудің белсенді шараларына 325 мың азамат тартылды.67,5 мың адам үшін қысқа мерзімді кәсіптік оқыту курстары ұйымдастырылды, оның ішінде: білім беру ұйымдарында – 7,8 мың адам, жұмыс берушіде – 1,9 мың адам, Skills Enbek платформасында онлайн-оқытумен 57,7 мың адам қамтылды. Оқудан кейін барлығы 14,6 мың адам жұмысқа орналастырылды.«Онлайн курстардан өткен азаматтардың жалпы санының 52 мыңнан астамы немесе 91%-ы оқуды сәтті аяқтап, тиісті сертификаттар алды.Бүгінде Skills Enbek-те жаңа дағдыларды игеруге немесе біліктілігін арттыруға ниет білдіретін кез келген азамат үшін 858 курс бар, оның ішінде 311-і тегін. Осы жылы VR және AR-технологияларды пайдалана отырып, жаңа практикалық курстар да қолжетімді болады», – деді Асқар Биахметов.«Бастау Бизнес» жобасы бойынша кәсіпкерлік негіздерін оқытумен 60 мың адам қамтылды.Субсидияланатын жұмыс орындарына 188 мыңнан астам адам жұмысқа орналастырылды, оның ішінде: қоғамдық жұмыстарға – 110 мың адам, әлеуметтік жұмыс орындарына – 15,5 мың адам, жастар практикасына – 33 мың адам, «Алғашқы жұмыс орны» жобалары шеңберінде – 9,6 мың адам, «Ұрпақтар келісімшарты» – 420 адам, «Күміс жас» – 19,1 мың адам.Жұмыспен қамтуға жәрдемдесу жөніндегі шаралардың тағы бір бағыты азаматтардың кәсіпкерлік бастамаларын қолдау үшін халықтың әлеуметтік осал санаттарына мемлекеттік гранттар беру болып табылады.«2024 жылы гранттар екі ағынмен берілді, жоспарланған 9 мың адамның 8 941-і қамтылды. Бұл ретте грант алушылардың 64%-дан астамы ауылдық жерлердің тұрғындары болып табылады», – деп толықтырды Асқар Биахметов.Грант алушылардың негізгі үлесі технологиялық жабдықты сатып алуға ақшалай қаражатты пайдаланды (44%), мұнда қатысушылардың ең көп саны Түркістан (923 адам) және Қызылорда (602 адам) облыстарында, сондай-ақ Алматы қаласында (211 адам) байқалды.«Грантқа өтініш берген кезде үміткер міндетті түрде бизнес-жобаны іске асыру нәтижелері бойынша жұмыс орындарын құрудың жоспарлы көрсеткішін көрсетеді. Осылайша, грант алған тұлғалар өздерін жұмыспен қамтамасыз ете отырып, қосымша 3 мыңнан астам тұрақты жұмыс орнын құрды. Жұмыс орындарының көбі Жамбыл (941 бірлік), Қызылорда (920 бірлік) және Түркістан (482 бірлік) облыстарында құрылды», – деп атап өтті вице-министр.Ол сондай-ақ халықты жұмыспен қамту саласында іске асырылған цифрлық жобалар туралы егжей-тегжейлі айтты.Еңбекмині «Жобалардың инновациялық навигаторы» платформасын құрды, ол кадрларға қажеттілікті талдау мен болжауды және барлық іске асырылатын жобалардың тиімділігіне уақтылы мониторингті қамтамасыз етеді. Қазіргі уақытта жүйеде 168 мың жұмыс орнын құру жоспарымен 906 инвестициялық жоба бойынша мониторинг жүргізілуде.Оқушыларға болашақ кәсіпті таңдауға мүмкіндік беретін «Мансап компасы» платформасы енгізілді. Платформада сұранысқа ие 400-ден астам кәсіп туралы ақпарат бар.«ТжКБ және ЖОО студенттері үшін Электрондық еңбек биржасында өндірістік практикадан өту орнын таңдауға мүмкіндік беретін функционал іске асырылды. Студенттер нақты дағдыларды игеріп қана қоймай, кейін практикадан өткен кәсіпорында жұмыс қарастыра алады. Бүгінде 610 жұмыс беруші практикадан өту үшін 3,8 мың бос орын орналастырды, 130 ТжКБ ұйымдары тартылды, студенттерден 15 мың сауалнама алынды», – деді Асқар Биахметов.Бұдан басқа, брифинг барысында вице-министр Мемлекет басшысының Жұмысшы мамандықтары жылын өткізу жөніндегі тапсырмаларын орындау мақсатында 2025 жылға жоспарланған іс-шаралар кешені туралы айтып берді.«Алдағы 6 жылда кадрларға жиынтық сұраныс 1,6 млн адам санында бағаланады, оның ішінде кәсіптік-техникалық білімі бар қызметкерлерге шамамен 900 мың және жұмысшы мамандықтары бар мамандарға 400 мыңнан астам. Жұмысшы кадрлар құрылыс, ауыл шаруашылығы, өңдеу өнеркәсібі және денсаулық сақтау салаларында сұранысқа ие. Бұл салаларда жұмысшы мамандықтарға сұраныс 56%-ды құрайды», – деді Асқар Биахметов.Орталық мемлекеттік органдар мен әкімдіктер жұмысшы кәсіптер жылын өткізу шеңберінде іс-шаралар жоспарын іске асыру бойынша бірлескен жұмысты бастады. Мемлекеттік органдардың салалық жоспарлары жаңа кәсіпорындар ашу және жаңа жұмыс орындарын құру (тұрақты және уақытша) бойынша негізгі көрсеткіштерді қамтиды.«Жастар практикасы» жобасы аясында жас мамандарды даярлау үшін кемінде 35 мың тәлімгерді тарту, сондай-ақ тәлімгермен жұмыс орнында кәсіптік оқыту жоспарланған. Жұмыс берушіде жұмыссыздарды жұмыс орындарында ұзақтығы 6 айдан аспайтын кәсіптік оқыту ұйымдастырылады.Осы жылы 100 кәсіптік стандарт әзірленіп, жаңартылатын болады. Біліктілікті тануды бағалау 4 тәуелсіз орталықтың базасында басталды, тағы 5-інші орталықты ашу жоспарлануда, оның ішінде халықаралық стандарттар бойынша 2 орталық болады.«Жыл ішінде кемінде 500 мың оқушы мен ТжКБ студенттері «Электрондық еңбек биржасы» бірыңғай цифрлық платформасын пайдалана отырып, жұмыс іздеу және жұмысқа орналастыру дағдыларына оқытумен қамтылатын болады. ТжКБ-ның үздік 1 мың түлегін елдің жетекші компанияларына жұмысқа орналастыру жоспарланған. «Мансап компасы» платформасының базасында 100 мың адамды қамти отырып, кәсіптік бағдар беру жұмыстары жүргізілетін болады.Жоғарыда аталған шараларды қабылдау кірістерді арттыруға, іскерлік белсенділікті жандандыруға, халықтың әлеуметтік әл-ауқатын жақсартуға мүмкіндік береді», – деп түйіндеді вице-министр.Ақпарат көзі : https://www.gov.kz/memleket/entities/enbek/press/news/details/948129

Риддер қаласындағы «Синегорье» демалыс базасында үш күнге созылған республикалық «Ассамблея Жастары» лагері – «ЭТНО WINTER CAMP» өтті. Бұл шара елдің түкпір-түкпірінен келген белсенділер мен еріктілерге өзара тәжірибе алмасып, жаңа білім алу мүмкіндігін сыйлады.Лагерьге Алматы, Шымкент қалалары мен Алматы, Атырау, Жамбыл, Қарағанды, Түркістан, Қостанай, Шығыс Қазақстан және Абай облыстарынан келген «Ассамблея Жастары» ұйымының белсенділері қатысты.Биылғы кездесу Қазақстан халқы Ассамблеясының 30 жылдығы мен Алғыс айту күніне орайластырылды. Үш күн бойы қатысушылар танымдық және ойын-сауықтық бағдарламаларға белсене атсалысты.- Лагерь ерекше әсерлі өтуде. Ұжымдық жұмысқа баулитын тренингтер, шешендік өнерді дамыту сабақтары, қызықты шеберлік сағаттары – мұның бәрі Шығыс Қазақстанның көркем жерінде, «Синегорье» демалыс базасында ұйымдастырылды! Мен көптеген талантты жастармен таныстым. Біз өңірлердегі экологиялық, патриоттық, қайырымдылық шараларын ұйымдастыру тәжірибесімен бөлісіп, жаңа идеялармен шабыттандық. Бұл кездесулеріміз әлі де жалғасын табады деп сенемін! – деді Жамбыл облысынан келген «Ассамблея Жастары» мүшесі Әзиза Исманова.Кездесулер мен интерактивті тренингтердің негізгі бөлігі нашақорлық, алкоголь және құмар ойындарға тәуелділіктің алдын алу тақырыбына арналды. Жастарға зиянды әдеттерден қалай сақтану керектігі және тәуелді адамдарға қандай көмек көрсетуге болатыны жөнінде тәжірибелі психолог-тренерлер кеңес берді.Сондай-ақ, табысты кәсіпкер Михаил Лунев жас қатысушыларға өз кәсібін ашу жөнінде практикалық семинар өткізіп, кәсіпкерлік қабілеттерді дамытуға көмектесетін әдебиеттерді ұсынды.Лагерьдің басты қонақтарының бірі – отандық актер, Қазақстан халқы Ассамблеясының белсендісі, домбырашы-ақын Даниэль Джеймс болды.Лагерьдің жабылу салтанатына Ішкі саясат басқармасының басшысы Ернұр Бурахан мен Риддер қаласы әкімінің орынбасары Қаныбек Төлеуханов қатысып, жастарды толғандырған экология, туризмді дамыту және басқа да маңызды сұрақтарға жауап берді.Бұл шара жастардың бірігуіне, жаңа бастамаларды дамытуға және ұлттық бірлікті нығайтуға бағытталған маңызды қадам болды.Ақпарат көзі : https://www.gov.kz/memleket/entities/akimvko/press/news/details/947906

Аймақтағы студенттерді Қазақстан халқы Ассамблеясының қызметіне тарту, ел жастарының өзіндік тұлғасын қалыптастыру және олардың бастамаларын қолдау мақсатында облыстағы үш жоғары оқу орны мен төрт колледжде «БІРЛІК POWER» студенттік ассамблеялары ашылды.Ассамблеяларды ашу аясында Өскемендік студенттер Дәулет Серікбаев атындағы Шығыс Қазақстан техникалық университетіндегі зертханаларға экскурсия жасап, ондағы технологиялық жетістіктермен танысты. Сонымен қатар, Қазақстан-Американдық еркін университетінде өткен студенттік ассамблеяның салтанатты ашылу рәсіміне қатысып, аймақтың белсенді жастарымен және «Ассамблея жастары» республикалық қоғамдық бірлестігінің төрағасы Тимур Жұмырбаевпен кездесті. Кездесу барысында ұйым төрағасы студенттерге студенттік ассамблея жастарының қызметі туралы баяндады.«БІРЛІК POWER» студенттік ассамблеяларының ашылуы аясында «Достық үйі – қоғамдық келісім орталығында» концерттік бағдарлама ұйымдастырылып, ассамблея қатарына қабылданған жастарға куәліктер табысталды.- Биыл Қазақстан халқы Ассамблеясының 30 жылдығы. Ассамблея жастардың бастамалары мен әлеуетін дамытуға ерекше көңіл бөліп келеді. Бүгін біз Шығыс Қазақстан облысында жеті жаңа студенттік ассамблея аштық. Қазіргі уақытта еліміздегі 50-ден астам ЖОО мен колледждерде осындай ассамблеялар құрылып, белсенді жұмыс істеп жатыр. «Ассамблея жастары» қозғалысы және жаңадан ашылған студенттік ассамблеялар жастарды қоғамдық келісім мен бірлікті сақтауға, жаңа бастамаларға ұмтылуға бағыттайды деп сенемін, – деді «Ассамблея жастары» бірлестігінің төрағасы Тимур Жұмырбаев.Ақпарат көзі : https://www.gov.kz/memleket/entities/akimvko/press/news/details/947910

Астанадағы №99 орта мектепте Есіл ауданы прокуратурасы мен қалалық Полиция департаментінің Есірткі бизнесіне қарсы күрес басқармасының ұйымдастыруымен темекі өнімдерінің зияны мен нашақорлық туралы оқушыларға арналған дәріс өтті, деп хабарлады елорда әкімдігінің ресми сайты.Аталған іс-шараның басты мақсаты – есірткінің заңсыз айналымы үшін жауапкершілік және оларды пайдаланудың зияны мен өз денсаулығына деген жауапкершілікті насихаттау.Жиында алдымен жоғары сынып оқушыларына есірткіні тарату және осы себепті түзеу мекемелеріне түскендердің тағдыры туралы бейнеролик көрсетілді. Әрі қарай Астана қаласы Полиция департаментінің Нашақорлықпен күрес басқармасының аға жедел уәкілі, полиция подполковнигі Лейла Разимова есірткі қылмысының салдары туралы оқушыларға егжей-тегжейлі түсіндіріп берді.Есіл ауданы полиция басқармасының кәмелетке толмағандар істері жөніндегі инспекторы, полиция капитаны Айгүл Мадмарованың айтуынша, жалпы аудан бойынша мектептерде әкімшілік құқық бұзушылық туралы жиындар өтіп тұрады.«Есіл ауданының полиция инспекторлары өздері бекітілген мектептерде жалпы әкімшілік құқық бұзушылық туралы дәрістер ұйымдастырып отырады. Әсіресе есірткі қылмысының салдары туралы мектеп оқушыларына жиі түсіндіреміз. Мұндай жиындарға тек оқушылар ғана емес, ата-аналар да қатысады», - дейді Айгүл Мадмарова.Айта кетейік, бүгінде елордада «Заң және тәртіп», «Астана – есірткісіз қала» акциялары өтіп жатыр. Аудан әкімдіктері мен «Астана жастары» ресурстық орталығының еріктілері қоғамдық орындарда тыйым салынған есірткі граффитилерін өшіріп жатыр.Ақпарат көзі : https://www.gov.kz/memleket/entities/astana/press/news/details/947969

«Ораза айт» мерекесі 30 наурыз күніне жоспарланған. Осы жылы ораза 29 күнге созылады.Астана қаласында Қазақстан мұсылмандары діни басқармасының филиалы 15 мешіт қызмет атқарады.Қазіргі таңда Астана қаласының әкімдігі Қазақстан мұсылмандары діни басқармасының қала бойынша өкілдігімен және тиісті мемлекеттік мекемелермен бірлесе дайындық және ұйымдастыру жұмыстарын жүргізуде.Сондай-ақ, Рамазан айы күндері діни өзекті мәселелер бойынша туындаған сұрақтарға тәулік бойы «109» Call-center арқылы ақпарат алуға болатындығын ескеркім келеді.Қауіпсіздік пен тәртіпті қамтамасыз ету мақсатында, тиісті мемлекеттік органдар Рамазан айы кезінде қоғамдық тәртіпті қорғауға ерекше көңіл бөледі. Қауіпсіздік шаралары мешіттер мен басқа да көпшілік жиналатын орындарда күшейтіліп, тұрғындарға қауіпсіз және жайлы жағдай жасау қамтамасыз етіледі.Ақпарат көзі : https://www.gov.kz/memleket/entities/astana/press/news/details/947988

Ақпарат көзі : https://www.gov.kz/memleket/entities/qriim/press/news/details/948108

ІІМ қоғамда «Заң мен Тәртіп» қағидатын нығайту, сондай-ақ республика жолдарында қауіпсіздікті қамтамасыз ету бойынша жұмысын жалғастыруда. Алғыс айту күніне орай Астанада ерекше акция өтті – жыл бойы жол жүрісі қағидаларын қатаң сақтаған жүргізушілер марапатталды.Іс-шараға қатысу үшін күн сайын қозғалыста болатын және былтыр жол қозғалысы ережелерін мүлдем бұзбаған автокөлік жүргізушілері таңдалды. Ынталандыру ретінде көлік иелеріне бір жылдық мерзімге сақтандыру полисіне сертификаттар табысталды.Акция полиция, Sergek және Freedom Insurance компанияларының өзара іс-қимылы нәтижесінде ұйымдастырылды.– Ішкі істер министрімен жарияланған «профилактика жылы» аясында өткізіліп жатқан «Қауіпсіз жол» акциясының басты мақсаты – жол-көлік оқиғаларының алдын алу, жол жүрісіне қатысушылардың барлығының қауіпсіздігін қамтамасыз ету және қағидаларды бұзуды болдырмау. Сонымен қатар бүгінгі таңда өткізіліп жатқан акция барысында жыл көлемінде ешқандай құқық бұзушылыққа жол бермеген, жол апаттарына түспеген жүргізушілер марапатталады, – деді ІІМ әкімшілік полиция комитетінің ерекше тапсырмалар жөніндегі аға инспекторы Ақтоты Боранова.Күн сайын Астана жолдарына 284 мыңнан астам автокөлік шығады, оның 77 мыңы соңғы жылы жол қозғалысы ережелерін бұзбаған. Олардың арасынан жүрісі көп, яғни көптеген қашықтықты еңсерген, марапатқа лайық он жүргізуші цифрлық жүйелердің көмегімен таңдап алынды.Ұйымдастырушылардың пікірінше, мұндай акциялар жүргізушілерді қауіпсіз қозғалысқа, қағидаларды бұзбауға, жол апаттарын болдырмауға ынталандырады.Ақпарат көзі : https://www.gov.kz/memleket/entities/qriim/press/news/details/948123

Шымкентте көлік қозғалысын оңтайландыру және жол қауіпсіздігін арттыру мақсатында бірқатар жұмыстар жүргізілуде. Бұл шаралар кептелістерді азайтуға және қала тұрғындарының қауіпсіздігін қамтамасыз етуге бағытталған.– Атап айтқанда, бүгінде Бәйдібек би және Арғынбеков көшелерінің қиылысындағы жолайрықтағы бағыттар өзгерді. Бәйдібек би және Арғынбеков көшелері арқылы айналмалы жолға қосылатын автокөліктер 2 жолақтан да өтуге мүмкіншілік қарастырылып, жол таңбалары сызылды.– Назарбаев пен Шаяхметов көшелерінің қиылысында жол қозғалысы бағыттарына өзгерістер енгізілді. Яғни, Шаяхметов көшесі арқылы Назарбаев даңғылына екі жолақтан оңға бұрылуға мүмкіншілік жасалып, жол белгісі орнатылды.– Арғынбеков – Назарбеков көшелерін жалғайтын «Рахима плаза» сауда үйі маңындағы көшемен екі бағытты көлік қозғалысы ұйымдастырылды.– Бәйтереков көшесінен Н.Назарбаев даңғылына солға бұрылуға қосымша секция орнатылды.– Шаяхметов көшесіндегі кептелісті азайту мақсатында Шаяхметов-Арғынбеков көшелерінің қиылысында қосымша секция орнату жоспарлануда. Шаяхметов көшесіне келе жатқан кезде сол жаққа бұрылуға арналған қосымша секция кептелістерді азайтуға және қозғалысты оңтайландыруға көмектеседі.Қала көшелеріндегі көлік ағынын реттеу, қозғалысты оңтайландыру және қауіпсіздікті арттыру бағытындағы жұмыстар одан әрі жалғасын табады.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/948060

Облыс әкімі Серік Шәпкенов тұрғындарды жеке сұрақтары бойынша қабылдап, өтініш-тілектерін тыңдады,-деп хабарлайды облыс әкімінің баспасөз қызметі.Аймақ басшысы азаматтардың көтерген мәселесін сала мамандарымен бірге қарап, қажетті кеңес берді.Облыс әкімінің жеке қабылдауына келген тұрғындардың арасында Өркен ықшамауданының тұрғындары Тілекқабыл Губашев, Рузия Күзембаева бар. Олар өздері тұрып жатқан елді мекенге балабақша салуды, балалар ойын алаңын жөндеп беруді сұрады.- Өркен ықшамауданын дамытуға үлесімізді қосып, балаларымызға барлық жағдай жасау үшін ауыл белсендісі ретінде жүрген жайымыз бар. Бұрын Өркенде карьерлерді көму мәселесі актуалды болса, қазір ол да шешімін тапты. Енді бізді алаңдатып отырған мәселе - балабақшаның жоқтығы. Қазір оларды жеке не жақын маңдағы балабақшаға тасымалдап апарып жүрміз. Ол ата-анаға қиындық келтіріп отыр. Бұдан бөлек, балалар ойын алаңының да күйі кеткен, жаңартуды қажет етеді. Осы мәселелерді шешіп беруіңізді сұраймын,-деді Т. Губашев.Серік Шәпкенов Өркен ықшамауданында 280 орындық балабақша салу үшін жоба жасалатынын айтты. Атырау қаласы әкімінің орынбасары Мейіржан Мұқасовқа Өркенге барып, ойын алаңдарының жағдайымен танысуды тапсырды.- 2018 жылдан бері Өркенде көптеген оң өзгеріс болды, инфрақұрылым кезең-кезеңімен шешіліп келеді. 280 орындық балабақша салу үшін жобалық-сметалық құжаттама жасау үшін наурызда өтетін мәслихат отырысының күн тәртібіне енгізіп, қаржы сұралады. Бала үйіне жақын жерге қатынау қажет, сол үшін барлық жұмысты жасаймыз. Бұдан бөлек, жауапты басшылар сіздің елді мекендегі ойын алаңдарының жағдайымен танысып, тиісті шешім қабылдайды. Қажет болса жөндеп береміз, бірақ күтіп ұстау тұрғындардың мойнында,-деді С.Шәпкенов.Сондай-ақ кездесуде білім беру, жұмыспен қамту, денсаулық сақтау, инфрақұрылым, әлеуметтік көмек көрсету сынды мәселелер қаралды.Ақпарат көзі : https://www.gov.kz/memleket/entities/atyrau/press/news/details/947746

АХМЕТ ЯСАУИ УНИВЕРСИТЕТІНІҢ БОТАНИКАЛЫҚ БАҒЫНДА ҚЫЗҒАЛДАҚТАР ГҮЛДЕДІАхмет Ясауи университетінің «Ботаникалық бақ» ғылыми-зерттеу институтында көктемнің жаршысы, табиғаттың нәзік сыйы – қызғалдақ гүлдері бүр жарып, көркем келбетімен көз қуанта бастады.Университет ғалымдары бірнеше жылдан бері жылыжай жағдайында қызғалдақтарды көбейтудің инновациялық технологиясын әзірлеумен айналысып келеді. Бұл зерттеулер 2022-2024 жылдар аралығында ҚР Ғылым және жоғары білім министрлігінің қолдауымен жүзеге асырылып, «Қазақстанда қызғалдақтың бастапқы материалдар коллекциясын жасау, эксклюзивті түрлері мен сорттарын көбейту мен өсірудің инновациялық технологиясын әзірлеп, қолданысқа енгізу» ғылыми жобасы аясында гранттық қаржыландыруға ие болды.Жобаның негізгі мақсаты – қызғалдақтың перспективті, жерсіндірілген түрлері мен сорттарын өндіріске енгізу, селекциялық жұмыстар үшін бастапқы материалдар жинағын қалыптастыру және Қазақстанның гүл өсіру саласын дамыту.Жоба сәтті аяқталса да университет бағында гүлді өсіру жұмыстары жалғасын тауып келеді. Алғашында 3 мың дана қызғалдақ егілген жылыжай көлемі бүгінде айтарлықтай ұлғайып, биыл Голландиядан әкелінген 8 мың дана қызғалдақ пиязшығы отырғызылды. Қазіргі уақытта жылыжайда қызғалдақтың 14 түрлі сұрыптары өсірілуде, олардың қатарында: Ace of Spades, Barcelona Blanca, Bullit, Crème Fraich, Crisco, Jumbo Beauty, Lady Bell, Pink Stone, Rebellious Yellow, San Luiz, Showroom, Strong Gold, Triple A, Strong Love сынды ерекше сорттар бар.Жылдағы дәстүр бойынша ботаникалық бақта өсірілген қызғалдақтар наурыз айындағы мереке күндері университеттің ардагер ұстаздары мен серіктестеріне сый ретінде ұсынылады. Сонымен қатар гүлдерді коммерцияландыру жұмыстары да қолға алынып, сатылымға шығару жоспарланып отыр.Ахмет Ясауи университетінің ғалымдары қызғалдақ өсіру мен зерттеу жұмыстарын одан әрі жетілдіре отырып, Қазақстанның гүл шаруашылығын дамытуға үлес қосуды жалғастыра береді.Ақпарат көзі : https://www.gov.kz/memleket/entities/sci/press/news/details/947854

Бүгін ұлы ақын, өлең сөздің дүлділі Жамбыл Жабаевтың туғанына 179 жыл толып отыр. Осыған орай облыс әкімдігі ғимаратының алдындағы тау тұлғаның еңселі ескерткішіне гүл шоқтарын қою рәсімі өтті. Тағылымды шараға Жамбыл облысының әкімі Ербол Қарашөкеев, ақын, ақындар, айтыс ақындары мен жыршы термешілердің халықаралық Одағының Басқарма төрағасы Жүрсін Ерман, ҚР Парламенті Мәжілісінің депутаты, айтыскер ақын Аманжол Әлтай, облыстық, қалалық ардагерлер, қоғамдық кеңес төрағалары, мәслихат депутаттары, зиялы қауым және қоғам белсенділері мен тараздықтар қатысып, тұлға рухына тағзым етті. Айта кетейік, бүгін бір ғасырдың куәсі болған Жыр Алыбының туған күніне орай «Баласағұн» ОКЗ-де дәстүрлі «Жамбыл – менің жай атым, Халық – менің шын атым» республикалық ақындар айтысы өтеді.Ақпарат көзі : https://www.gov.kz/memleket/entities/zhambyl/press/news/details/948014

Көлік министрлігі ғимаратында Марат Қарабаев пен Канаданың Қазақстандағы Төтенше және Өкілетті елшісі Кристофер Дагганның кездесуі өтті.Келіссөз барысында авиация саласындағы ынтымақтастықты одан әрі дамыту мәселесі талқыланды. Атап айтқанда, тараптар әуе қатынасын кеңейту, заманауи технологияларды енгізу және авиациялық тасымалдардың қауіпсіздік деңгейін арттыру мүмкіндіктерін қарастырды.Сондай-ақ, Қазақстанда шағын авиацияны дамыту үшін De Havilland ұшақтарын сатып алу перспективалары талқыланды.Кездесу қорытындысы бойынша тараптар бірлескен бастамаларды одан әрі талқылап, келесі қадамдарды нақтылау үшін байланыста болуға келісті.Ақпарат көзі : https://www.gov.kz/memleket/entities/transport/press/news/details/947728

Жарыс бағдарламасына президенттік көпсайыс жаттығулары, атап айтқанда жасөсіпірімдер үшін белтемірде тартылу, қыздар үшін шалқалап жатып денені көтеру, сондай-ақ үш шақырымдық шаңғы жарысы және пневматикалық мылтықтан оқ ату кіреді.Іс-шараны Қорғаныс министрлігінің Армия орталық спорт клубы, Қарулы күштердің Ұлттық әскери-патриоттық орталығы және «Жас сарбаз» республикалық балалар-жасөспірімдер әскери-патриоттық қозғалысы ұйымдастырып отыр.Жарыстың салтанатты ашылуына Ұлттық әскери-патриоттық орталықтың бастығы Арман Әсенов, Десанттық шабуылдау әскерлері қолбасшысының бірінші орынбасары полковник Алмас Исабеков, Алматы қаласы білім басқармасы қалалық дене шынықтыру және спорт оқу-тәжірибелік орталығының директоры Бақтияр Елемесов және «Жас сарбаз» әскери-патриоттық қозғалысының төрағасы майор Мейірбек Меңдіғалиев қатысты.– Қысқы спорт ойындары төзімділік пен шеберлікті, күш пен ептілікті талап етеді. Осы жарыста сіздер тек спорттық жетістіктерге ғана емес, сонымен қатар командалық рух пен ынтымақтастықтың нағыз үлгісін көрсетесіздер деп сенемін, – деп атап өтті Арман Әсенов.Ережеге сәйкес спартакиада 14-17 жасқа дейінгі жасөспірімдер арасында өтеді. Оған еліміздің әр аймағынан 3 жас сарбаздан тұратын 17 команда қатысып бақтарын сынайды.Командалық есепте жеңімпаздар спортшылардың жинаған ұпай санына қарай анықталадыЖарысқа қатысушылар үшін Алматы қаласының көрікті жерлеріне экскурсия, «Қалқан жалыны» кешкі алауы, патриоттық фильмдер көрсетілімі, жоғары әскери білім беретін мекемелермен таныстыру сынды мәдени-тынығу бағдарламасы да қарастырылған.«Жас сарбаздықтардың» қысқы спартакиадасы биыл төртінші жыл қатарынан өткізіліп жатқанын айта кету керек. Алғаш рет өткізілген «Қалқан» қысқы спартакиадасында Қостанай облысының командасы жеңімпаз атанған болатын. Ал екінші қысқы спартакиада ойындарында Солтүстік Қазақстан облысы абсолюттік чемпион атанды. Былтырғы сайыста Ақмола облысының құрамасы кубок иегері болған.Ақпарат көзі : https://www.gov.kz/memleket/entities/mod/press/news/details/947813

Ақтау гарнизонындағы теңіз жаяу әскерлері десанттық-шабуылдау батальонының әскери қызметшілері облыс орталығынан 20 шақырым жерде боранда қалған автокөліктерді қар құрсауынан шығарды. Ауа-райының қолайсыздығына байланысты тас жолда жолаушыларымен көліктер легі қалған. Теңіз жаяу әскерлері тез арада жолда қалған адамдарға көмектесу туралы шешім қабылдады. Олар көліктерді қауіпсіз жерге сүйреп апарып, КамАЗ көлігімен жолаушыларды облыс орталығына жеткізді. – Біз өзіміздің пунктке келе жатқанбыз. Жолда қарлы боранның салдарынан қозғала алмай тұрған көліктерді көрдік. Барлығы сегіз жеңіл автокөлікті, автобусты және екі жүк микроавтобусын сүйреп шығардық, – деді минаатқыштар батареясы командирінің орынбасары аға лейтенант Айтмұхамед Әбдімүтәліп. Бұл жағдай әскери қызметшілердің жағдайды тез бағалау қабілетін және олардың болған жайда нақты және үйлесімді әрекет етуге дайындығын растайды. Жүргізушілер мен жолаушылар теңіз жаяу әскерлеріне жағдайға бей-жай қарамай, жедел әрекет еткендері үшін шын жүректен алғыс айтты.Ақпарат көзі : https://www.gov.kz/memleket/entities/mod/press/news/details/947948

        Министр Айдарбек Сапаровтың төрағалығымен өткен ҚР Ауыл шаруашылығы министрлігінің кеңейтілген алқа отырысында 2025 жылға арналған АӨК қаржыландыру мәселелері талқыланды.         Отырысқа Парламент Мәжілісінің депутаттары, Президент Әкімшілігінің, Үкімет Аппаратының, мемлекеттік органдардың өкілдері, облыс әкімдерінің орынбасарлары, ҮЕҰ, бизнес, облыстық ауыл шаруашылығы және ветеринария басқармалары, барлығы 300 адам қатысты.         Министр Үкімет шаруаларды дизель отынымен, тұқыммен, минералды тыңайтқыштармен, көктемгі егіс жұмыстарын жүргізу үшін қорғау құралдарымен арзандатылған жеңілдетілген несиелеу және лизингпен қамтамасыз ету жөнінде қажетті шаралар қабылдағанын атап өтті.        "Биыл егіс және егін жинау жұмыстарын қаржыландыруды 700 млрд теңгеге дейін ұлғайту жоспарлануда. Алдағы кезеңдегі басты міндет-оларды оңтайлы агротехникалық мерзімде ұйымдастыру. Бірақ өңірлерде ақпараттық-түсіндіру жұмыстарына қатысты сұрақтар бар", - деді Айдарбек Сапаров.        ҚР АШМ қаржылық құралдар және микрокредит беру департаментінің директоры Жанар Маханова жергілікті жерлерде түсіндіру жұмыстарын күшейту қажет деп санайды.        Департамент директоры 2024 жылы министрлік қажетті нормативтік құқықтық актілерді әзірлеу және мемлекеттік органдармен келісу бойынша үлкен жұмыс жүргізгенін еске салды.       "Бұған дейін бұрын-соңды болмаған жаңа тәсілдер мен құралдарды тарту бойынша жағдайлар жасалуда, бірақ іс жүзінде ӘКК арқылы қаржыландырылатын 17 өңірдің тек 4-і ғана жұмыс істейді. Ауыл шаруашылығы үшін сыйақы мөлшерлемелері екі есе өсетін кейбір елдерде пайыздық мөлшерлемелердің өсуі жағдайында Қазақстан Үкіметі жеңілдетілген қарыздар бере отырып, шаруаларды қолдауды жалғастыруда. Бұл отандық ауыл шаруашылығының бәсекеге қабілеттілігін арттыруға жағдай жасайды, алайда өңірлер әлсіз нәтижелер көрсетуде", - деді ол.        “2 жыл ішінде көктемгі егіс жұмыстарын қаржыландыру 140 млрд теңгеден 700 млрд теңгеге дейін ұлғайтылды. Бұл шаруаларға берілген үлкен мүмкіндік. Облыстарда ешкім айналыспайтын тағы бір маңызды мәселе – тәуекелдерді сақтандыру. Өңірлерде қолдау шаралары туралы біле ме? Жұмыс сапарлары кезінде шаруалар олар туралы бірінші рет естіп отырмыз деп мәлімдейді. Облыстардың, аудандардың әкімдері сала өкілдерін уақтылы хабардар етуі қажет”, – деді Парламент Мәжілісінің депутаты Серік Егізбаев.         Отырысты аяқтай отырып, министр әкімдіктерге қаржыландырудың барлық тетіктері, бағдарламалары мен мемлекеттік қолдау шаралары туралы әрбір шаруашылықтың назарына жеткізуге тиіс жұмыс топтарын құруды тапсырды.Ақпарат көзі : https://www.gov.kz/memleket/entities/moa/press/news/details/947751

Президенттің агроөнеркәсіптік кешендегі қайта өңделген өнім үлесін 70%-ға дейін арттыру жөніндегі тапсырмасы аясында Солтүстік Қазақстан облысында 34 млрд теңге көлеміндегі ірі инвестициялық жоба жүзеге асырылды. Петропавл қаласында «Масло-Дел» ЖШС майлы дақылдарды қайта өңдейтін май экстракциялау зауыты салынды. Кәсіпорынның жылдық өңдеу қуаты 400 мың тоннаға дейін жетеді, ол заманауи еуропалық жабдықтармен жабдықталған және толық автоматтандырылған. Зауытта күнбағыс, рапс және зығыр майы, сондай-ақ жоғары ақуызды мал азықтық қоспалар – күнжара мен шрот өндіріледі. Көктемде экстракция желісін іске қосу жоспарланса, 2025 жылдың соңына дейін тамақ өнеркәсібінде сұранысқа ие лецитин өндіруге арналған өсімдік майын терең қайта өңдеу цехы ашылады. Өндірісте жергілікті ауыл шаруашылығы өндірушілерінің шикізаты пайдаланылады. Май экстракциялау зауытының іске қосылуының арқасында өңір өз өнімін толықтай қайта өңдеуді қамтамасыз етеді. 2024 жылы СҚО-да 780 мың тонна майлы дақыл жиналды, ал өңдеу кәсіпорындарының жалпы қуаты енді 813 мың тоннаға жетті. Биылғы жылы егістік алқаптарын әртараптандыру аясында майлы дақылдардың егістік көлемі 85 мың гектарға ұлғайып, 760 мың гектарға жетті.Ақпарат көзі : https://www.gov.kz/memleket/entities/moa/press/news/details/947980

Роза Бағланова атындағы «Қазақконцерт» мемлекеттік академиялық концерттік ұйымының сахнасында «Дода» өнер сайысы өтті.Байқауға «Қазақконцерт» ұйымының әртістері, «Бірлік» және «Шалқыма» би ансамбльдері, Еркеғали Рахмадиев атындағы мемлекеттік академиялық филармонияның шығармашылық ұжымы, «Астана сазы» Қазақ мемлекеттік фольклорлық ансамблі және «Қорқыт» этно-ансамблі қатысты.Сахнада күмбірлеген күйлер шертіліп, халық әндері шырқалды. Асқан шеберлікпен орындалған хореографиялық нөмірлер кеш көркін аша түсті.Көптеген кәсіби музыкант пен орындаушылардың репертуарынан орын алған белгілі композитор Нұрғиса Тілендиевтің «Аққу», қазақ халқының табиғатқа деген терең сүйіспеншілігін, әсемдігін жырға қосқан Манарбек Ержановтың «Сайра бұлбұл» шығармалары орындалды.Көрерменге қазақ халқының еңбексүйгіштігі, адалдығы мен табандылығы суреттелетін «Еңбек туралы» жыр-термесі ерекше әсер қалдырды. Аталмыш терме биылғы «Жұмысшы мамандықтары жылы» аясында өтетін концерттің репертуарына енді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/947785

ҚР Ұлттық музейінде «Ер есімі – ел есінде» және «Жеңіс - ұрпаққа аманат» жалпыреспубликалық акциялары аясында «Батырлар – ұрпақ аманаты» атты көрменің ашылуы өтті.Көрме Кеңес Одағы Батырларының мерейтойына арналады. Атап айтсақ, биыл Бауыржан Момышұлының туғанына 115 жыл, Мәлік Ғабдуллиннің 110 жылдығы, Әлия Молдағұлованың туғанына 100 жыл толады.Іс-шарада Қазақстан Республикасы Ұлттық музейі, Жамбыл тарихи-өлкетану музейі, Әлия Молдағұлова мемориалдық музейі және Мәлік Ғабдуллин музейі қорларынан алынған заттар қойылған.Экспозицияда Кеңес Одағы Батырларының наградалары, хаттары мен жеке заттары бар. М.Ғабдуллиннің «Алтын жұлдыз» медалі, КСРО Жоғарғы Кеңесі Президиумының А. Молдағұловаға берген грамотасы, Б. Момышұлының әскери стратегиялық картасы және басқа да бірегей заттар қойылған.Сонымен қатар, көрмеге Астана қаласы «Атамның Аманаты» қоғамдық бірлестігінің материалдары қойылды.Ақпарат көзі : https://www.gov.kz/memleket/entities/mam/press/news/details/947939