Тараз қаласында «Оңтүстік» өңірлік қолбасшылығы әскерлері қолбасшысының башылығымен командалық-штабтық жұмылдыру жаттығуы өтті. Оның барысын Қорғаныс министрінің бірінші орынбасары – ҚР Қарулы күштері Бас штабының бастығы генерал-лейтенант Сұлтан Камалетдинов қадағалады.Бұрын мұндай жаттығулар шектеулі құрамда өткізілетін. Биыл Құрлық әскерлері Бас штабының бастығы генерал-майор Қуанышбек Үштаевтың басшылығымен өткен жұмылдыру жаттығуына алғаш рет жергілікті атқарушы органдардың өкілдері тартылды.Оқу-жаттығу барысында Жамбыл, Қызылорда, Түркістан облыстары, сондай-ақ Астана және Шымкент қалалары әкімдіктерінің жұмылдыру дайындығы, азаматтық және аумақтық қорғаныс басқармаларының бастықтары өзара іс-қимыл мәселелерін талқылап, проблемалық мәселелерді белгілеп, оларды шешу жолдарын бірлесіп іздеді.Оқу-жаттығуда әскерлерді жоғары жауынгерлік дайындық жағдайына келтіру, жұмылдыру ресурстары мен техниканы жеткізу мәселелері бойынша жергілікті әкімдіктердің өзара іс-қимыл тетіктері пысықталды. – Әкімдіктердің қатысуы бізге өңірдің қауіпсіздігін қамтамасыз ету үшін армия мен жергілікті атқарушы органдардың ресурстарын интеграциялау алгоритмін пысықтауға мүмкіндік берді. Барлығы бірдей үйлесімді әрекет ету үшін жасалуда, – деп бөлісті Құрлық әскерлері Бас штабының бастығы генерал-майор Қуанышбек Үштаев.Командалық-штабтық жұмылдыру оқу-жаттығуы ұлттық қауіпсіздікті нығайтуға жасалған маңызды қадам болды. Оған барлық деңгейдегі билік өкілдерінің қатысуы ықтимал қауіптерге тиімді әрекет ету үшін әскери және азаматтық құрылымдар арасындағы өзара іс-қимылды едәуір нығайтты.Ақпарат көзі : https://www.gov.kz/memleket/entities/mod/press/news/details/920406

Қатысушылар ведомствалық бағынысты ұйымдардың 2023 жылғы даму жоспарларының іске асырылу нәтижелерін және Қоғамдық Кеңестің ағымдағы жылға арналған жұмыс жоспарын қарастырды.Қоғамдық Кеңестің Төрағасы Дәрмен Сәдуақасов атап өткендей, осы жылдың соңына дейін ҰЭМ-нің 23 өзекті мәселесін: «Дипломмен ауылға», «Бизнестің цифрлық картасы» жобаларының, «Тарифті инвестицияға айырбастау» бағдарламасының іске асырылу барысы, сонымен қатар ҚР әлеуметтік-экономикалық дамуы және т.б. қарау жоспарлануда.«Қазақстандық мемлекеттік-жеке меншік әріптестік орталығы» АҚ Басқарма төрағасы Аслан Қалиғазин Аслан Қалигазин жобаларға экономикалық сараптама жасауды, олардың іске асырылуын бағалауды және оқытуды қоса алғанда, МЖӘ орталығы жұмысының негізгі бағыттары туралы хабардар етті.«Қызметтің негізгі көрсеткіштері орындалды, оның ішінде МЖӘ мәселелері бойынша зерттеулер жүргізу, МЖӘ жобаларын, концессиялық жобаларды және бюджеттік инвестициялық жобаларды, Бюджеттік инвестицияларды сараптау және іске асырылуын бағалау. МЖӘ орталығы бюджеттік инвестициялар және мемлекеттік-жекешелік әріптестік саласында оқыту мен біліктілікті арттыруды жалғастыруда», - деді А. Калиғазин.МЖӘ орталығы МЖӘ заңнамалық және әдіснамалық базасын дамыту бойынша жұмысты жалғастыруда, сондай-ақ 2025 жылы әлеуметтік салада және ТКШ-да бағдарламалық жобаларды іске қосуды жоспарлап отыр.«Экономикалық зерттеулер институты» АҚ бюджеттік тәуекелдер және орта мерзімді макроэкономикалық модель туралы есептер әзірленді, сондай-ақ өңірлердің инвестициялық тартымдылығы бойынша деректер базасы құрылды. Ағымдағы жылы Институт әлеуметтік-экономикалық зерттеулер саласындағы жұмысын жалғастырады.Ақпарат көзі : https://www.gov.kz/memleket/entities/economy/press/news/details/920215

Еліміздің ең жас қалаларының бірі Қосшыда бүгін 93 отбасы жаңа баспанаға ие болды. Көптен күткен пәтер кілттерін алғандардың қатарында көпбалалы аналар, 1 және 2-топтағы мүгедектер, жетім балалар, балаларын тәрбиелеп отырған жалғызбасты ата-аналар мен толық емес отбасылар бар.Жаңа пәтерлер Мемлекет басшысының бастамасымен жүзеге асырылып жатқан 2023–2029 жылдарға арналған тұрғын үй-коммуналдық инфрақұрылымды дамыту тұжырымдамасы аясында сатып алынды. Үйлер Қосшы қаласының келешегі зор аудандарында орналасқан және әлеуметтік нысандар мен қажетті инфрақұрылымға жақын жерде салынған.Ақмола облысының әкімі Марат Ахметжанов қоныс тойын тойлап жатқан тұрғындарды құттықтай отырып, тұрғын үймен қамтамасыз ету мәселесі мемлекеттік органдар қызметінің маңызды бағыттарының бірі екенін атап өтті.«Мемлекет басшысы қазақстандықтардың әл-ауқатын арттыру мен өмір сүру сапасын жақсартуға бағытталған әлеуметтік жобаларды іске асыруға ерекше назар аударады. Облыста жаңа тұрғын үйлердің құрылысы қарқын алып келеді. Соңғы жылдары өңірдің тұрғын үй құрылысына 200 миллиард теңгеден астам инвестиция тартылып, шамамен 2 миллион шаршы метр тұрғын үй пайдалануға берілді. Нәтижесінде 12 мыңға жуық ақмолалық отбасының тұрғын үй мәселесі шешілді. Биыл біз барлық санаттағы азаматтарға шамамен 2 мың пәтерді табыстауды жоспарлап отырмыз», – деп атап өтті М. Ахметжанов.«Бүгін біз үйіміздің кілтін алдық. Отбасымыз бұл мүмкіндік үшін ел Президентіне алғысын білдіреді. Үйімізде жөндеу жұмыстары жасалғаны қуантады. Пәтеріміз жарық әрі жайлы – кір де тұра бер», – деді бес баланың анасы Күлшат Токпетова.Айта кетейік, өткен жылдан бастап тұрғын үй мәселесін шешудің тәсілдері өзгертіліп, азаматтарды баспанамен қамтамасыз етудің қосымша шаралары енгізілді. Республикалық бюджеттен әлеуметтік осал топтағы азаматтар үшін 850 пәтер сатып алуға қосымша қаражат бөлінді. Атап айтқанда, Қосшы қаласында 180 жаңа пәтердің кілттері табысталды.Соның нәтижесінде жыл ішінде мемлекеттік тұрғын үй қорынан баспана алу кезегінде тұрған 2,5 мыңға жуық отбасының тұрғын үй жағдайы жақсарды. Бұл көрсеткішке 1,5 мың пәтердің құрылысы мен облыстың 10 өңірінде 850 пәтерді сатып алу арқылы қол жеткізілді. Жалпы, облыста 661 мың шаршы метр тұрғын үй салынды. Бұл 6,3 мың ақмолалық жаңа әрі жайлы пәтерлерге қоныстанды деген сөз.Ақпарат көзі : https://www.gov.kz/memleket/entities/aqmola/press/news/details/920422

✔️Спорт, мәдениет, дін істері және жастар саясаты салаларының жай-күйімен танысу үшін облыс әкімінің орынбасары Ертай Алтаев Төлеби ауданына іссапармен арнайы барды. Онда қоғам, мәдениет, дін саласының өкілдерімен кездесіп, осы саладағы түйіткілдер бойынша ұсыныстарына құлақ асып, туындаған сұрақтарына жауап берді.✔️Бірінші кезекте облыс әкімінің орынбасары тиісті басқармалардың мамандарымен бірге Төлеби ауданының музейіне табан тіреді. Ондағы жәдігерлермен танысты. Музейде тарихи-медени құндылықтарды есепке алу, ғылыми-зерттеу жұмыстары, экскурсия, экспозиция және көрме ұйымдастыру бойынша жұмыс атқарылуда. Жалпы 3 518 экспонат бар.✔️Нысанды аралау барысында музей қызметкерлері мұражайдағы түйіткілді мәселелер мен атқарылып жатқан жұмыстарды атап өтті.📌Қазіргі таңда балалар мен жасөспірімдерге арналған шығармашылық және спорт бағыты бойынша Леңгір қаласында шахмат, көркем гимнастика және ұлттық билер үйірмесі ашылып, балаларды баулуда. Мемлекеттік шығармашылық тапсырыспен ашылған ЖК «Садыкова» үйірмесінің жұмысымен танысқан облыс әкімінің орынбасары Ертай Алтаев балалардың шахмат, гимнастика үйірмесіне қатысып жүргені құптарлық жайт екенін айтып, баланың ойлау жүйесін жан-жақты дамытып, математикалық ойлау қабілетін дамытып, зеректігін арттыратынын жеткізді.📌Облыс әкімінің орынбасары сондай-ақ, дін өкілдерімен кездесуде аудан аумағындағы рухани жұмыстар жөнінде пікір алмасып, ел тұтастығын сақтау мен өзара ынтымақтастықты нығайту жолдарын талқылады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/920442

Түркістан облысында туризм саласына басымдық беріліп, тиісті жұмыстар атқарылуда. Жыл сайын аймаққа келетін туристер саны да артып келеді. Өткен жылдың 9 айында орналастыру орындарында 235 мыңнан аса адамға қызмет көрсетілген. Бір күндік келушілер саны 900 мыңға жуықтаса, туризм бойынша 5,3 млрд теңгенің қызметі көрсетілген. Түркістан облысының әкімі Нұралхан Көшеров туризм саласындағы жұмысты жандандыруды тапсырды.– Туризм саласын дамыту бойынша нақты жоспар әзірлеңіздер. Осы салаға қатысты индикаторлар толық орындалуы керек. Жұмысты жүйелеңіздер. Спорт, мәдениет басқармаларымен бірлесіп, жұртшылықты қызықтыратын іс-шаралар тізбегін әзірлеңіздер. Туристік инфрақұрылымды жақсарту, жол бойындағы сервистік қызмет сапасын көтеру, оқиғалы іс-шаралар бойынша нақты жұмыс істеңіздер. Түркістан облысына келген саяхатшы өзіне не ұсынылатынын, қайда баруға болатынын білуі тиіс. Ол үшін арнайы турпакеттер әзірленіп, ақпараттық жұмыстар жандануы қажет, – деген Нұралхан Көшеров жауапты басшыларға тиісті тапсырмалар берді.Түркістан облыстық туризм басқармасының басшысы Нұрдәулет Медеуов атқарылған жұмыстар мен алдағы жоспарларға тоқталды. Оның айтуынша, «e-qonaq» жүйесі арқылы есеп жүргізіліп, өткен жылы өңірге 21 мыңнан астам шетелдік турист келген. Шетелдік қонақтардың басым бөлігі көршілес елдерден келсе, АҚШ, Германия, Франция елдерінен де саяхатшылар бар. 2025 жылы 27 инвестициялық жобаны жүзеге асырып, мыңнан аса жұмыс орнын ашу көзделіп отыр. Жалпы 26,3 млрд теңге инвестиция тартылады деп жоспарланған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/920439

✔️Түркістан облысындағы аудандар мен ауылдардағы мәдениет, білім, спорт нысындары зерделеніп, жөндеу бойынша жұмыс атқарылады. Түркістан облысы әкімінің орынбасары Ертай Алтаев Төлеби ауданына жұмыс сапарымен барып, құрылыс жұмыстарын қажет ететін бірқатар әлеуметтік нысандарды аралап, мәселені шешу жолдарын саралады.✔️Алдымен Зағамбар елді мекеніндегі Әл-Фараби атындағы жалпы білім беретін мектептің жай-күйімен танысты.✔️Мектеп 2000 жылдың басында тұрғындардың асарлатып, күш біріктіруімен бой көтерген. 2018 жылы қосымша ғимарат соғылған. Білім ошағында физика, химия, биология, мультимедия, робототехника STEAM кабинеттері, асхана, спорт залы бар. Оқушылардың қауіпсіздігі үшін ғимарат бейнебақылау камераларымен қамтылған.📌Облыс әкімінің орынбасары мектепті аралау барысында білім ошағының жай-күйіне баса мән беріп, ұстаздармен тілдесті. Мектепте ақпараттық көрнекіліктерді жаңартып, оқушылардың араласып білім алуы қажеттігін айтып, ұстаздарға сапалы білім, саналы тәрбие беріп, өз қызметтерін адал атқаруды тапсырды. Жауаптыларға оқушылардың сапалы білім алуына барлық жағдай жасалуы керек екенін айтты.📌Қазіргі таңда білім ошағының оқу корпусына күрделі жөндеу жұмыстары жүргізілуі қажеттігі жөнінде облыстық білім басқармасына ұсыныс берілген. Қаржы бөлініп, құрылыс жүргізілсе, мектептің жиhаздары мен компьютерлерін жаңарту жоспарлануда.📌Облыс әкімінің орынбасары мұнан соң Түркістан көпсалалы-техникалық колледжінің жұмысшы мамандықтарының оқу базасына барып, студент жастармен кездесті. Кездесу барысында студенттерге заман талабына сай өз ісінің кәсіби маманы болуы үшін білім алып, үнемі ізденісте жүріп, уақыт ағымына бейім болу қажеттігін айтты. Пікір алмасты.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/920440

✔️Мемлекет басшысы Қасым-Жомарт Тоқаевтың ауылды аймақтардың инфрақұрылымын жақсарту бағытындағы тапсырмасына сәйкес, облыс әкімі Нұралхан Көшеров өңірдегі құрылыс нысандарын тұрақты қадағалауды тапсырған болатын. Осыған орай, облыс әкімінің орынбасары Ертай Алтаев Көксәйек елді мекеніндегі «Ауыл – Ел бесігі» бағдарламасы аясында салынып жатқан спорт кешенінің құрылыс барысын бақылады.✔️Аталған нысанның құрылысы үшін республикалық бюджеттен қаржы бөлініп, бүгінде мердігер мекеме «Корпорация Алем-құрылыс» ЖШС тарапынан құрылыс жұмыстары жүргізілуде. Нысанды жіті қадағалаған облыс әкімінің орынбасары атқарылып жатқан құрылыс жұмыстары бойынша мердігер мекеме өкілдеріне сын-ескертпелер айтты. Сондай-ақ құрылыс жұмыстарының сапалы салынуын, жұрт игілігіне уақытылы тапсыруды міндеттеді. 2023 жылы құрылысы басталған спорт кешенінің қуаттылығы 250 көрерменге арналған. Нысанда кіші баскетбол, волейбол, күрес, тренажер залдары орналасқан. Ғимараттың жалпы ауданы 4267,99 шаршы метр. Аталған спорт кешенінің құрылысы биыл аяқталады деп күтілуде.✔️Біркөлік елді мекеніндегі «Бәйшешек» спорттық суықтыру кешеніне барған облыс әкімінің орынбасары спортшылар тынығатын орын, жаттығу залын аралап көріп, асхананың жағдайына назар аударды. Аталған ғимаратта анықталған кемшіліктерге тоқтала келе, облыстық спорт басқармасының мамандарына оларды ретке келтіруді тапсырып, саланы дамытуға байланысты ұсыныстар беруді ескертті.📌Сонымен қатар облыс әкімінің орынбасары спортты дамыту мақсатында жаңаша бағытта жұмыс істеу керектігін жеткізді.📌Аудандар мен шалғай елді мекендерден жас таланттарды іздеп, спортқа баулуды тапсырды. 1972 жылы негізі қаланған спорттық кешен бір мезгілде 250 баланы қабылдауға қауқарлы. Мұнда күрес, бокс, ауыр атлетика, футбол, волейбол сияқты түрлі спорт түрлерімен айналысуға арналған жабдықталған залдар бар. Дегенмен, ғимараттың жағдайы бүгінде күрделі жөндеуді қажет етеді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/920441

17 қаңтар күні Маңғыстау облысының әкімі Нұрдәулет Қилыбай облыс әкімдігі ғимаратында кезектілік тәртібімен жеке қабылдау өткізіп, тұрғындардың мәселелерін тыңдады.Қабылдауға келгендердің бірі - 18 жыл шекара қызметінде еңбек еткен Жаңаөзен қаласының тұрғыны 2019 жылы жұмыстан шығарылғанына шағымданып, көмек сұрады. Өңір басшысы аталған жағдайдың заңдылығын тексеру жөнінде құзырлы органдарға тапсырма берді. Сонымен бірге, оның жұбайының кәсіп ашуына заң аясында қолдау көрсету мәселесін қарастыруды тапсырды.Тағы бір Жаңаөзен тұрғыны балаларын мансап орталығында бар жұмысқа орналастыруды сұрады. Әкім бұл өтінішті назарға алып, қалалық жұмыспен қамтуды үйлестіру және әлеуметтік бағдарламалар бөліміне бос жұмыс орындарына орналастыру бойынша нақты тапсырма жүктеді.Әкіммен кездесуге келген ақтаулық көп балалы ана жеке концертін ұйымдастыруға және кәсіп ашуға ықпал етуін сұрады. Облыс әкімі мәдениет және кәсіпкерлік басқармаларына бұл мәселелерді назардан тыс қалдырмай, тиісті қолдау көрсетуді тапсырды.Жалпы қабылдау барысында тұрғындар жұмыссыздық, әлеуметтік қолдау, балаларға арналған оңалту орталықтары және кәсіпкерлікті дамыту мәселелерін көтерді.Облыс әкімі Нұрдәулет Қилыбай түйткілді мәселелердің түйінін тарқату үшін жауапты басқарма басшыларына өтініштердің заң аясында шешу жолдарын қарастыруды тапсырды және тұрғындардың өтініштері бақылауда болатынын жеткізді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/920425

16-18 қаңтар аралығында Вьетнам Социалистік Республикасы, Дананг қаласында "достық және ынтымақтастық қалаларының форумы - 2025"өтеді. Аталған іс-шара аясында 17 қаңтарда Ақтау мен Дананг қалалары арасында бауырластық қатынастар орнату туралы Меморандумға қол қойылды, деп хабарлайды қала әкімдігінің баспасөз қызметі.Екі қала арасындағы бауырластық қатынастар Қазақстан Республикасының Президенті Қасым-Жомарт Тоқаевтың 2023 жылғы 20-22 тамыз аралығында Вьетнамға ресми сапары шеңберінде берген тапсырмасына сәйкес және бастамасы бойынша белгіленді.Ақтаудың Данангтағы делегациясын Ле Чунг Чин қаласының мэрі және Қазақстанның Вьетнамдағы елшісі Қанат Тұмыш қарсы алды.Ақтау қаласының әкімі Әбілқайыр Байпақов бастаған делегация Маңғыстау облысының әкімі Нұрдәулет Қилыбайдың қолдауымен Дананг қаласына барып, осы әкімшілік басқарумен келіссөздер жүргізді-аумақтық бірлік.Нәтижесінде Әбілқайыр Байпақов Дананг қаласының халық Комитетінің төрағасымен (мэрімен) бірлесіп екі порт қаласы арасында бауырластық қатынастар орнату туралы құжатқа қол қойды.Қол қойылған келісім Ақтау қаласының әлеуметтік-экономикалық дамуы үшін маңызды ынталандыру болады. Меморандум екі қала арасындағы сауда, экономика, инвестициялар, көлік, логистика, туризм және мәдени-гуманитарлық ынтымақтастық сияқты салалардағы бауырластық байланыстар мен ынтымақтастықты нығайтуды көздейді. Сонымен қатар, сапар аясында жақын болашақта Ақтау мен Дананг қалалары арасында әуе қатынасын ашу туралы мәселені қарастыру қажеттігі туралы мәселе талқыланды."Достық және ынтымақтастық қалалары форумы 2025" - те Дананг қаласы Ақтау (Қазақстан) және Генуя (Италия) қалаларымен бауырластық байланыс орнату туралы екі келісімге қол қойды. Барлығы Дананг 24 елдің 50 қаласымен бауырластық қарым-қатынасты сақтайды.Ақпарат көзі : https://www.gov.kz/memleket/entities/mangystau/press/news/details/920424

Маңғыстау облысы әкімдігі мен жергілікті өнім өндірушілер және бес ірі жергілікті сауда желілері арасында үшжақты меморандумға қол қойылды.Келісімге сәйкес, сауда желілері жергілікті отандық өндірушілер үшін көбірек сауда орындарын бөлуге және "Қазақстанда жасалған" таңбалауын белсенді пайдалануға міндеттенеді.Сондай-ақ, ірі сауда желілері 14 күн ішінде жергілікті өндірушілердің өнімдерін жеткізу үшін ақы төлеуі керек.Келісімге қол қойған ірі жергілікті сауда желілерінің қатарына «Анвар», «Дина", «Алтын фуд», «Лидер», сондай — ақ "Аман", «Дана» және «Нұр» кіреді.- Былтыр біз 12 жергілікті тауар өндірушімен меморандумдар жасадық, биыл олардың саны 23-ке дейін өсті. Бұл жергілікті өндірушілерді қолдауға ерекше назар аударатынымызды білдіреді. Жалпы Азық-түлік қауіпсіздігін қамтамасыз ету үшін отандық өндірушілерді қолдау және азық-түлік өндірісін ұлғайту өте маңызды", - деді Маңғыстау облысының кәсіпкерлік және сауда басқармасының басшысы Дастан Мұраталиев.Меморандумға қатысушылар арасында «Maga-Bread», «Берекет-Ф», «Agargan", «Ақтау Агро», «Тұман Шах", «әділ сүт зауыты»,«Korkem Alem», «Жаңаөзен сүт зауыты», «Brick Center», «Millina Food" сияқты танымал жергілікті өндірушілер бар Production"," Nataly Company"," Ақтау – балық компаниясы",«Акво Идеал»,«Керуен ауыз су»," Керемет FOOD», «доктор Агро «ЖШС» «Абдрахманов» ЖК, «Рысбек» ЖК, «Еңбек» ЖК, «Қайнар» ЖК, «JIBEK" ЖК».Ақпарат көзі : https://www.gov.kz/memleket/entities/mangystau/press/news/details/920428

Бейнеу ауданындағы астық терминалы ұзақ үзілістен кейін қайта жанданды. 2018 жылдан бері жұмысы тұралап қалған кәсіпорын бүгін алғашқы өнімін шығарды.Қазіргі таңда терминалға 10 вагон, яғни 700 тонна бидай келді. Астықтың 75 пайызынан ұн шықса, 25 пайызынан кебек өндіріледі.Бейнеу ауданының әкімі Рахымжан Шалбаев және аудандық мәслихат төрағасы Ардақ Бораш алғашқылардың бірі болып ұн шығару жұмысымен танысып, аудандық ардагерлер кеңесі төрағасының орынбасары Қадыр Сарсен игі істің бастауына батасын берді.- Бүгін тарихи сәт. Көптен жұмысы тоқтап тұрған астық терминалы іске қосылды. Осы істің басы-қасында жүріп, үлкен жұмыс атқарған азаматтарға, кәсіпорын мамандарына алғыс айтамыз. Енді зауытымыз тоқтамай, Қазақстанда жасалған брендімен «Бейнеу ұны» әлемге танылады деген үміттеміз,- деді аудан әкімі Рахымжан Шалбаев.“Еуразия Транс Логистик" ЖШС "Каспий" әлеуметтік-кәсіпкерлік корпорациясымен бірлесе отырып, астық терминалының қайта іске қосылуын қамтамасыз етті.Бейнеу астық терминалы Маңғыстау облысында орналасқан стратегиялық маңызды нысан. Оның жалпы ауданы 26 гектарды құрайды және Қазақстан-Түрікменстан шекарасына тікелей шығуға мүмкіндік беретін 8 шақырымдық теміржолмен өзінің жылжымалы құрамы бар перспективалы логистикалық хаб саналады.Терминалдың қуаттылығы бір мезгілде 100 мың тонна астық сақтауға мүмкіндік беріп, тәулігіне 320 тонна ұн мен 80 тонна кебек өндіре алады. Ал, жаңғыртудан кейін бұл көрсеткіштер сәйкесінше 400 тонна ұн және 240 тонна құрама жем беруге дейін ұлғайтылады.Ақпарат көзі : https://www.gov.kz/memleket/entities/mangystau/press/news/details/920438

Қарағандыда Үлкен Бұқпа өзенінің арнасын санациялау жобасын іске асыру жалғасуда. Тазарту жұмыстары аяқталғаннан кейін саябақ көлдері таза сумен толтырылады. Биыл Орталық саябақ аумағында жергілікті тазарту құрылыстары салынуы тиіс.Қарағанды облысының әкімі Ермағанбет Бөлекпаев жобаны одан әрі іске асыру жөнінде кеңес өткізді.Үлкен Бұқпаны санациялау жөніндегі жоба ауыспалы. Ол биыл толығымен аяқталуы тиіс.Үлкен Бұқпаның жалпы ұзындығы – 17 шақырым. Тазарту өзеннің бойымен толық жүргізіледі: Костенко атындағы шахта учаскесінің шекарасындағы басынан бастап Соқыр өзеніне құятын жерге дейін. Балшықтан, қоқыстан және бұталардан тазартудан басқа, түбін тереңдету және кеңейту көзделген.Саябақ аймағында өзен учаскесі шамамен 2,5 шақырымды құрайды. Аймақ басшысына өткен жылы жер асты коллекторын тазартумен айналысқаны баяндалды. Ол қоқыс және лаймен қатты бітеліп қалған. Оның барлығын қолмен шығаруға тура келді. Сонымен қатар, бақылау люктері орнатылды.– Жоба бойынша жергілікті тазарту құрылғылары көктемгі су тасқынында 14 күн жұмыс істеуі тиіс. Осы уақыт ішінде саябақ көліне 168 текше метр таза су құйылады. Бұл көлдегі судың үштен бір бөлігі ғана. Қазір бірінші көлдегі су деңгейі төмендеп, екінші және үшінші көлге түспейді. Егер біз суды қысыммен беретін жергілікті тазарту құрылғыларын жасасақ, онда жазда суды одан әрі беруге болады. Көлдерге келетін таза су көлемі артады. Бұл олардың экологиясын жақсартады, – деп түсіндірді «Гидро құрылыс» ЖШС учаскесінің бастығы Нұралы Қалиев.Облыс әкімі мердігерлер өкілдерімен бірге өзен арнасы тазартылған көлдің Михайловка маңындағы бөлігіне барды.– Бүгін біз Үлкен Бұқпа өзенінің арнасын тазарту жұмыстарын тексердік. Екі жылдан бері осымен белсенді айналысып келеміз. Тұрғындар бұл мәселені көтерген еді. Жергілікті тазарту құрылыстарын орналастыруға арналған жерді қарадық. Бұл саябақ көлдеріне келетін суды тазарту үшін қажет. Саябақтағы көлдердің жағдайын талқыладық. Өткен жылы қоқыстан тазарту жұмыстары басталды, биыл жұмыс жалғасады. Қала әкімдігінде жоспар бар, – деді Ермағанбет Бөлекпаев. Ақпарат көзі : https://www.gov.kz/memleket/entities/karaganda/press/news/details/920414

Бүгін Алматы облысының әкімі Марат Сұлтанғазиев облыс орталығына жұмыс сапарымен барып, қалалық инфрақұрылымды дамыту мен халықтың өмір сүру сапасын арттыруға бағытталған бірқатар маңызды нысандармен танысты.Жұмыс сапарының алғашқы нысаны туристік-спорттық ASP Arena кешені болды. Облыс әкімі спорттық және мәдени іс-шараларды өткізуге арналған кешенді аралап көрді. -“ASP Arena – бұл спорт, мәдениет және туризмді ұштастыра отырып, жаңа тартымды орын мен аймақ тұрғындары мен жастар үшін шабыт көзі бола алатын жарқын жоба. Бұл Конаев қаласы үшін жаңа мүмкіндіктер ашатын нысан”,- деді облыс әкімі.Естеріңізге сала кетейік, 16 қаңтарда Конаев қаласында Орталық Азиядағы ең үлкен мұз айдыны – 20 600 шаршы метр аумақта орналасқан кешен іске қосылды. Бұл алаң жылдың ең жарқын қысқы оқиғасы – WINTER ASIA DRIFT SHOW жарысының орталығына айналды. Бұл тек жарыс қана емес, сондай-ақ жылдамдық, шеберлік және адреналиннің нағыз мерекесі. Әртүрлі елдерден және Қазақстанның түкпір-түкпірінен келген кәсіби пилоттар қысқы дрифт бойынша үздік атағы үшін бақ сынасуда.Әрі қарай, облыс әкімі көпфункционалды білім беру орталығының құрылыс алаңына барды. Мұнда оған құрылыс жұмыстарының барысы таныстырылды. Орталықтың аумағы 3000 шаршы метрден асады және заманауи оқу орындары мен кеңсе бөлмелерін қамтиды. Бұл жастар үшін білім беру мүмкіндіктерін кеңейтуге ықпал етеді. Нысанды 2025 жылдың екінші тоқсанында пайдалануға беру жоспарланған.Қаладағы рекреациялық инфрақұрылымды дамытуға да ерекше назар аударылды. Марат Сұлтанғазиев жаңғырту жұмыстары жүргізіліп жатқан №6 жағажайды қарап шықты. Жоба туралы пікір білдіріп, жаңартылған жағажайдың қала тұрғындарының сүйікті демалыс орындарының біріне айналатынын атап өтті.Сонымен қатар, өңір басшысы қайта жаңғырту жұмыстары жүргізіліп жатқан “Алматы демалыс” жағажайына барды. Жаңа жоба халықаралық стандарттарға сай курорттық кешен құруды көздейді.-“Конаев – әлеуеті зор қала, және біздің міндетіміз – оны кешенді түрде дамыту. Әрбір жоба – ол білім беру орталықтары, туристік кешендер немесе демалыс орындары болсын – бұл бүкіл аймақ үшін алға жасалған маңызды қадам. Біз әрі қарай да азаматтарымыздың өмір сүруі мен дамуы үшін жайлы жағдай жасауға жұмыс істейміз”, - деді Марат СұлтанғазиевӘкім жоспарланған жобаларды іске асыруды жеделдетуді тапсырды және орындалатын жұмыстардың сапасын қатаң бақылау қажеттігін ерекше атап өтті.Ақпарат көзі : https://www.gov.kz/memleket/entities/almobl/press/news/details/920433

Бүгін Қонаевта, ASP Arena туристік-спорттық-ойын-сауық кешенінің аумағында қысқы дрейф-шоудың соңғы кезеңі өтуде.Шоу 16 қаңтарда Орталық Азиядағы ең үлкен 20 600 шаршы метрлік мұз айдынында басталды. Жарысқа әлемнің түкпір-түкпірінен автошабандоздар жиналды, ал көрермендер үшін қолайлы жағдайлар жасалды: мейрамхана жұмыс істейді, сонымен қатар тегін ыстық шай мен кофе ұсынылады.Іс-шараның жүлде қоры жеке жеңімпаздар үшін 1 1,000 және командалар үшін 2 2,000 құрайды. Жарыс аяқталғаннан кейін көрермендерді afterparty күтеді, оның тақырыбы Танымал суретшілер Нигатив пен V X XV PRiNCE болады.Спорттық шоудан басқа, бүгін Қонаев әкімдігі облыстық білім, дене шынықтыру спорт, жұмыспен қамтуды үйлестіру және әлеуметтік бағдарламалар басқармаларымен бірлесіп 500 балаға арналған тегін мұз айдынын ұйымдастырды, бұл қаланың жас тұрғындары үшін нағыз мереке болды.ASP Arena-туризм мен автоспортты дамыту үшін бірегей мүмкіндіктерді қамтамасыз ететін Қонаевтың негізгі инвестициялық жобаларының бірі.Кешенге 3200 көрерменге арналған қонақ үй кешені, мейрамхана, картинг және Трибуна кіреді. Нысанның жалпы ауданы 63 гектарды, ал инвестициялардың жалпы көлемі 8,1 млрд теңгені құрайды. Инвесторлардың айтуынша, тұру, мұз аренасына кіру, мейрамханаға бару және картингті қамтитын кешендегі демалыс орташа есеппен 35 000 теңгені құрайды, бұл қызметтерді көпшілікке қолжетімді етеді.Естеріңізге сала кетейік, өткен жазда ASP Arena аумағында дрейф-шоулар мен ауқымды рок-фестиваль өтті, бұл жылдың жарқын оқиғаларына айналды.Ақпарат көзі : https://www.gov.kz/memleket/entities/almobl/press/news/details/920435

«Қазақ Құрылыс және сәулет ғылыми-зерттеу институты» АҚ мамандары Алматыда ЖЭО-2 аумағында топырақтың статикалық сынақтарын жалғастыруда.Аталған сынақтар мамандарға топырақтың физика-механикалық қасиеттерін, оның ішінде көтергіш қабілетін, деформацияларға төзімділігін, сондай-ақ топырақтың отырғыштығы немесе шайылуымен байланысты әлеуетті қауіптерді анықтауға бағытталған.Сонымен қатар, бұл сынақтар жобалық шешімнің дұрыстығын растау және ЖЭО-2 кешенінің ауқымды модернизациясы аясында тіреуіш негіздердің сенімділігін қамтамасыз ету үшін қажет. Модернизацияның мақсаты – станцияның экологиялық әсерін азайту және табиғи газбен жылытуға көшу.Ақпарат көзі : https://www.gov.kz/memleket/entities/mps/press/news/details/919891

2025 жылы Қазақстанда отандық тауар өндірушілердің Бірыңғай тізілімі (Тізілім) іске қосылады. Жаңа жүйе қолданыстағы СТ-KZ сертификаты мен Индустриялық сертификатты алмастырады. Бұл өзгеріс кәсіпкерлер үшін бюрократиялық кедергілер мен шығындарды азайтып, барлық рәсімдерді жеңілдетіп, заманауи деңгейге көтеруге мүмкіндік береді.«Реформаның басты мақсаты – қазақстандық тауар өндірушілердің мәртебесін растау үдерістерін барынша ашық және әділ ету, олардың бәсекеге қабілеттілігін арттыру, сондай-ақ мемлекеттік қолдау шараларының тиімділігін жоғарылату», – делінген ҚР Өнеркәсіп және құрылыс министрлігінің хабарламасында.Тізілімде республикада өндірілетін тауарлар, оларды өндірушілер, қызмет түрлері, жұмысшылар саны мен өндіріс көлемі туралы толық ақпарат қамтылатын болады. Жаңа жүйе қазақстандық тауар өндірушілердің барлық реттелетін сатып алуларға қатысуына жол ашатын тиімді құрал болмақ, сондай-ақ, бұл тетік мемлекеттік қолдаудың қаржылай және қаржылай емес шараларын ұсынуды жеңілдетіп, барынша қолжетімді етеді.Тізілім қолданыстағы платформаға қарағанда негізгі артықшылықтарға ие.Біріншіден, мемлекеттік ақпараттық жүйелерден алынған мәліметтер негізінде скорингтік жүйені қолдану адами факторды жою арқылы процесті әлдеқайда объективті және ашық етеді.Екіншіден, жеке сараптамадан мемлекеттік сараптамаға көшу негізсіз шешімдер қабылдау тәуекелдерін азайтып, жауапкершілікті нақты бөледі.Үшіншіден, Тізілім шеңберіндегі қызметтер өтеусіз негізде көрсетілетін болады, бұл өндірушілерге мемлекеттік қолдауға қол жеткізуді жеңілдетеді.Жаңа ережелер бойынша тауар өндірушілердің өтініштері оларды тапсырған күннен бастап 10 жұмыс күні ішінде қаралады деп жоспарлануда. Өтініш берушіге хабарлама жеке кабинет арқылы жіберіледі. Егер бейнемазмұн жеткіліксіз болса, бару арқылы тексеру шешімі қабылданады. Өтініштерді қараудың ең ұзақ мерзімі – 15 жұмыс күні.Тізілімнің іске қосылуы биылға жоспарланған, бірақ нақты мерзімдер заңның қабылдануына байланысты, қазіргі уақытта заң жобасы Мәжілісте қаралуда.Талқылау кезеңіне мүдделі мемлекеттік органдардың, бизнес және сараптамалық қоғамдастықтардың өкілдері қатысуда. Парламент Мәжілісінің жұмыс топтарының 10-нан астам отырысы, сондай-ақ «Атамекен» ҰКП, салалық қауымдастықтар мен кәсіпкерлердің өкілдері қатысқан 30-дан астам кездесу өткізілді.Бұл бағыттағы жұмыс жалғасуда. ҚР Өнеркәсіп және құрылыс министрлігі қағидалар жобасын жан-жақты талқылауға ашық. Келіп түскен ескертуелер мен ұсыныстар заңнама шеңберінде қаралатын болады.Еске сала кетейік, Мемлекет басшысы «берік өнеркәсіптік негіз» қалыптастыруды және өңдеуші сектордың дамуын жандандыруды тапсырған болатын. Қазақстандық тауар өндірушілердің бірыңғай тізілімін әзірлеу – Президенттің тапсырмаларын жүзеге асыруға бағытталған маңызды қадамдардың бірі болып табылады.Ақпарат көзі : https://www.gov.kz/memleket/entities/mps/press/news/details/920302

Бүгін Өнеркәсіп және құрылыс министрі Қанат Шарлапаевтың «Think tank» форматында қала құрылысы саласындағы сарапшылар қауымдастығымен кездесуі өтті.«Алматыгенплан» ҒЗИ» ЖШС бас директоры Асхат Садуов, Almaty Management University Президенті Асылбек Қожахметов, AlmaU ректоры Гүлнара Куренкеева, «Болашақ қалалары» Ғылыми-білім беру орталығының академиялық директоры Сергей Мурунов баяндама жасады.С.Мурунов аумақтық-кеңістіктік жоспарлауды дамытудың және тиімді басқарудың негізгі құралы ретінде айтты. Сонымен қатар, ол орталықтың «Қазақстан үшін жеделдетілген технологиялық әртараптандыру және жаңа индустриялық саясат стратегиясын әзірлеу» ғылыми-зерттеу жобасын таныстырды.А. Садуов қалаларды жоспарлау теориясына тоқталды. Ол қала құрылысы тұжырымдамаларын әзірлеуде әлемдік тәжірибені пайдаланудың маңыздылығын атап өтті.Г. Куренкееваның баяндамасы жаңа өнеркәсіптік саясат, аумақтар мен өңірлерді дамыту тұжырымдамасы тақырыбына арналды.Кездесу барысында аумақтың тұрақты дамуын қамтамасыз ететін қала құрылысының үздік әлемдік тәжірибесін қолдану тәсілдері талқыланды. Сондай-ақ, қала құрылысының басымдықтары, аумақтық және өнеркәсіптік саясатпен үйлесімді аймақтық даму тұжырымдамасы да талқыланды.«Think tank» форматында сарапшылар қауымдастығымен кездесу Қазақстанның тұрақты дамуы мен инфрақұрылымын жаңғыртуға, сондай-ақ құрылыс саласының өзекті мәселелерін шешуге ықпал етудегі маңызды қадам болып табылады.Think tank – қала құрылысы саласын реформалау мақсатында сарапшылардан кері байланыс жинау әдісі. Жаңа біртұтас қала құрылысы саясатын қалыптастыру үшін осындай кездесулер сериясын өткізу жоспарлануда.Ақпарат көзі : https://www.gov.kz/memleket/entities/mps/press/news/details/920432

Жетісу өңіріне іс-сапары барысында көлік министрі Марат Қарабаев Мемлекет басшысының өңірдің туристік әлеуетін дамыту және жол инфрақұрылымын жақсарту тапсырмасы аясында орындалған «Лепсі – Балқаш» жолын қайта жаңарту жұмыстарының қорытындысымен танысты. Бұл жол Балқаш көлінің оңтүстік-шығыс жағалауына апарады және өңірдің жаңа туристік нысандары мен шалғайдағы елді мекендерге жетуге мүмкіндік береді.✅Лепсіден Балқашқа дейінгі жаңартылған жолдың ұзындығы 27 шақырымды құрайды. Қайта құру жұмыстары барысында жолдың ені 6-дан 7 метрге дейін ұлғайды, ал техникалық санаты V-ден III-ге ауысты. Жол былтырғы жылдың қазан айында пайдалануға берілді. Жұмыстар жергілікті атқарушы органның қаражаты есебінен салынды.Сондай-ақ Марат Қарабаев «Алматы – Өскемен – Лепсы – Ақтоғай» жолын қайта жаңарту жұмыстары барысымен танысты. Жоба шеңберінде 110 шақырым жол жаңартылмақ. Өткен жол құрылысы маусымының қорытындысы бойынша жұмыстардың 87%-ы аяқталды: жолдың 55 шақырымына асфальтбетонның төменгі қабаты төселді, ал 20 шақырымында жабынның төменгі қабаты жайластырылды.Барлық жұмыстар 2025 жылдың үшінші тоқсанының соңына жоспарланған.2024 жылы «Қарағанды – Алматы» күре жолын қайта жаңарту жұмыстары аяқталды. Бұл жолдың 300 шақырымы Балқаш көлінің батыс жағалауымен өтеді. Бұл жобаны іске асыру еліміздің солтүстік және оңтүстік өңірлері арасындағы көлік байланысын едәуір нығайтып қана қоймай, батыс жағынан бірегей Балқаш көліне жайлы, әрі қауіпсіз жетуге мүмкіндік береді.Айта кетейік, өткен жылы Жетісу облысында Мемлекет басшысының тапсырмасы аясында ірі инфрақұрылымдық жоба жүзеге асты. «Талдықорған – Өскемен» автомобиль жолын қайта жаңарту жұмыстары аяқталды.Сөз етілген стратегиялық маңызға ие бағыт өңірлер арасындағы көлік қатынасын жақсартып қана қоймай, ішкі туризмді дамыту үшін жаңа мүмкіндіктерге жол бастайды. Тасжол танымал туристік орын – Алакөл көліне апарады.Сонымен қатар, көлік министрі Лепсі теміржол станциясына барды. Нысан алдағы уақытта теміржол желісін дамыту аясында жаңартылады.Ақпарат көзі : https://www.gov.kz/memleket/entities/transport/press/news/details/920418

Бүгін «Түркістан» әлеуметтік-кәсіпкерлік корпорациясы» АҚ-ның ұйымдастыруымен облыс орталығында азық-түлік тауарларын тұрақтандыру қорының жәрмеңкесі өтті. Халықтың әлеуметтік жағдайын жақсартуға бағытталған маңызды бастама шаһарда жиі өткізіліп келеді.Жәрмеңкеде тұрмысқа қажетті 19 түрлі азық-түлік тауарлары нарықтағы құнымен салыстырғанда 30-40 пайызға төмен бағада ұсынылды.Атап айтқанда, тұрғындар ет, картоп, ұн, қант, май, күріш, макарон секілді күнделікті тұтынатын тауарларды арзан бағада сатып алып, жәрмеңкенің игілігін көрді.Сондай-ақ, баға тұрақтылығын сақтау және тиімді сауда-саттық жүргізу бағытындағы жәрмеңкелерді жыл бойы өткізу жоспарланып отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/920341

Түркістан облысында пробация қызметі есебінде тұрған жаза өтеушілерді жұмыспен қамту тұрақты жүргізіліп келеді. 2024 жылдың қорытындысы, биылғы жоспарларды саралау облыс әкімінің орынбасары Бейсенбай Тәжібаевтың төрағалығымен өткен жиында қаралды. Мәжіліске жауапты басқармалар мен құқық қорғау органдары өкілдері қатысты. Күн тәртібіне сәйкес талдау нәтижелері, анықталған заңбұзушылықтар мен алдын алу шаралары, өзекті мәселелер мен оны шешу жолдары талқыланды.— 2024 жылы облыс прокуратурасы тарапынан пробация қызметінің есебінде тұрған жаза өтеушілерді жұмыспен қамту және заңдылығын тексеру мақсатында мониторинг жүргізді. Талдау мен ұсынымға сәйкес кемшіліктерді жою бойынша атқарылған жұмыстарды баяндадыңыздар. Нәтижесі көңіл көншітпейді. Қадағалау болмаған. Бекітілген квота мақсатсыз пайдаланылған. Мұндай іс-әрекеттер кейбір аудандарда қайталанып, тіпті фактілер көбейген. Заңсыздықтарға жол берген тұлғаларға тәртіптік шара көрілді. Тек көрсеткіш үшін жұмыс істеуді тоқтатыңыздар. Биыл талапты күшейтеміз. Есепте тұрған азаматтардың әлеуметтік жағдайын қайта зерделеуді тапсырамын. Өйткені олардың арасында әлеуметтік қорғауды талап етпейтіндері де кездесіп жатыр. Сондай-ақ шағын несие мен грант алуға ниеттілердің санаттарын анықтап, тізім жасақталсын. Жүктелген міндетке тиісті құрылымдар, құқық қорғау органдары, аудан және қала әкімдіктері бірлесіп, толық жұмылдырылсын, - деді Бейсенбай Дәулетұлы.Облыстық жұмыспен қамтуды үйлестіру және әлеуметтік бағдарламалар басқармасының басшысы Әсия Темірбаеваның мәлімдеуінше, 2024 жылы 4300-ден астам адам пробация қызметі есебіне тіркелген. Оның ішінде 1700-ге жуығы мерзімін өтеуіне байланысты есептен шығарылса, 579-ы басқа өңірлерге қоныс аударған. 2025 жылдың 1 қаңтардағы жағдай бойынша 2040 адам есепте тұр. 1549-ы жұмыспен қамтылған. Былтыр 90 жұмыс берушіден 131 квота орны нақтыланып, жоспар толық орындалған. Өңір көлемінде 44 рет бос жұмыс орындары жәрмеңкесі ұйымдастырылып, оған 683 адам қатысқан. Басқарма басшысы «2025 жылы жұмыс орындарының квотасын белгілеу туралы» ұсыным қайта қаралатынын айтты.Түркістан облысы әкімдігінің баспасөз қызметіАқпарат көзі : https://www.gov.kz/memleket/entities/ontustik/press/news/details/919619