Қазақстанда Түркістанға әуе рейстерінің саны артты. Оның ішінде 13 қаңтардан бастап туристік қалаға Қарағандыдан ұшу мүмкіндігі туды. Субсидияланатын әуе рейсін Qazaq Air отандық лоукостері іске қосты.Бұл туралы ҚР Көлік министрлігі хабарлады.Мақсат – әуе сапарларының қолжетімділігін арттыру және ішкі туризмді дамытуды ынталандыру.Қарағанды – Түркістан бағыты бойынша рейстер аптасына екі рет орындалатын болады:дүйсенбі күндері:IQ 441 Түркістан (09:50) - Қарағанды (11:40);IQ 442 Қарағанды (12:20) – Түркістан (14: 00);сәрсенбі сайын:IQ 441 Түркістан (12:10) – Қарағанды (14: 00);IQ 442 Қарағанды (14:40) – Түркістан (16:40).Субсидияланатын авиарейстердің құны бір бағытта 20 мың теңгені құрайды. Ақпарат көзі : https://www.gov.kz/memleket/entities/karaganda/press/news/details/915821

Қарағандыда "Наскальный кит" тәуелсіз театры "Есептік нүкте" плакаттар мен постерлер көрмесін ұйымдастырады. Суретшілер мен дизайнерлерге арналған Open call жарияланды. Өтінімдер 20 қаңтарға дейін қабылданады.Қатысу тегін."Жылдың басында біз сіздерге қарапайым, бірақ маңызды сұрақ қойғымыз келеді: қазір өзіңізді қалай сезінесіз? Бұл өзіңізді тыңдау және ішіңіздегі нәрсені білдіру сәті. Біз сіздерді өз күйлеріңізбен, сезімдеріңізбен, тіпті армандарыңызбен және жеке оқиғаларыңызбен бөлісуге шақырамыз. Сіз көптен бері айтқыңыз келген, бірақ ешқашан айтпаған нәрселерді ортаға салуды ұсынамыз. Сіз 2024 жылдың соңында қандай қорытынды жасадыңыз? 2025 жылға қандай қадам жасадыңыз? Қазір сіз үшін шын мәнінде не маңызды екенін айтып берулеріңізді сұраймыз", – деп көрменің бастамашылары әлеуетті қатысушыларға жүгінді.Техника әртүрлі болуы мүмкін: типография, жазу, сурет, коллаж және т. б.Постер, баспа және плакат форматтары: A3 / A2 / A1.10-ға дейін жұмыс ұсынуға болады.Өтінімдер поштаға қабылданады: nonmuseumstp@gmail.com.Міндетті түрде: жұмыстың атауы, сипаттамасы, техникасы, сондай-ақ автордың аты, тегі (немесе бүркеншік аты) көрсетілуі керек, өзі туралы қысқаша ақпарат берілуі тиіс.Барлық қосымша ақпарат: +7-775-942-64-92, +7-701-799-46-50.Ақпарат көзі : https://www.gov.kz/memleket/entities/karaganda/press/news/details/915895

Қарағандыда мұғалімдерге арналған "Алтын тұғыр" олимпиадасының облыстық кезеңінің қорытындысы шығарылды. Бірінші орын алған тоғыз педагог байқаудың республикалық кезеңінде өңірді таныстыруы тиіс.Облыстық кезеңге барлығы 167 педагог қатысты. Олимпиада "Қысқы мектеп" жобасының бір бөлігі болып табылады, оның аясында мұғалімдер үшін сегіз шеберлік сабағы мен математикалық квиз ұйымдастырылды.Байқаудың өзі үш блоктан тұрды. Біріншісі тест: есепті шешіп, ұсынылған жауаптың дұрыс нұсқасын таңдау керек болды. Екіншісінде жауап нұсқалары жоқ есепті шешу қажет болды. Үшінші, ең қиын блокта есепті шешу және оның шешімінің дұрыстығын дәлелдеу қажет болды.Барлық үш блоктың қорытындысы бойынша тоғыз педагог бірінші орынға ие болып, конкурстың республикалық кезеңіне қатысуға дайындалуда.– Әрине, біраз толқу бар, – дейді олимпиада жеңімпаздарының бірі - № 19 Теміртау жалпы білім беретін мектебінің қызметкері Татьяна Шостак. – Егер аудандық кезең өте жеңіл, ал облыстық кезең әлдеқайда қиын болғанын ескеретін болсақ, онда республикалық олимпиада өте қиын болады. Бірақ мен дайындықты жалғастырамын. Өткен олимпиадаға дайындық кезінде мен әр жексенбіде онлайн курстардан өтіп, үйде олимпиададағыдай есептерді шештім.Бірінші орындарды иеленгендер: №24 ЖББМ мұғалімі Елена Синицына, Т. Әубәкіров атындағы Теміртау гимназиясынан Жанна Соболева, №18 ЖББМ Дана Омарова, Осакаров ауданы А. Байтұрсынов атындағы ЖББМ Ольга Травнева, "Альтер" ЖББМ Елена Фахрттинова, Қарағанды қаласы №33 ЖББМ Екатерина Немирович, Светлана Белянина – арнайы мектеп- №5 интернат, Айман Талипова – Қарағанды облысының №1 арнайы мектеп-интернаты.Екінші дәрежелі дипломдарды 27 оқытушы алды. Үшінші орынды 29 мұғалім иеленді. 22 педагог Құрмет грамоталарымен марапатталды.Ең көп жүлделі орындар қарағандылық оқытушылар қоржынында – 20. Екінші орында теміртаулықтар - 12 жүлдегер. Саран қаласынан келген мұғалімдер үшінші болды – олардың есебінде 6 жүлделі орын бар.Ақпарат көзі : https://www.gov.kz/memleket/entities/karaganda/press/news/details/915916

Өткен және келе жатқан жылдың бейнелері - ұлу мен жылан, ертегілер мен мультфильмдер кейіпкерлері, көңілді қар адамдары, қолтырауын мен аю. Балқашта 14 мектептің оқушылары ең әдемі қар мүсінін жасаудан өзара сайысты. Балалар мүсіндері Ағыбай батыр атындағы Оқушылар сарайының алдындағы алаңды безендірді.Қатысушыларға шамамен бір сағат уақыт берілді. Осы уақыт ішінде олар қар мүсінін жасап, оны бояп, безендіруі тиіс болатын.Балалар күректермен қаруланып, өздерімен бірге ашық түсті бояулар алып келді және жақсы көңіл-күймен жұмысқа кірісті. Кішкене күш пен қиялды біріктіріп, ұлпа қарды мүсінге айналдырды.Оқушылардың жұмысын қазылар алқасы бағалады. Олар қатысушы командалардың ең мықты жақтарын атап өтті. Судьялардың шешімімен Ағыбай батыр атындағы Оқушылар сарайының тәрбиеленушілері, № 24 мектеп-интернат, Ә. Ермеков атындағы мектеп-лицей және Ы. Алтынсарин атындағы мектеп оқушылары соққан мүсіндер үздік деп танылды.Екінші орында – Әл-Фараби атындағы, Ә. Бөкейхан атындағы, № 9, 5 мектептер және С. Сейфуллин атындағы мектеп-гимназия оқушыларынан құралған командалар.Үшінші орында – Б. Момышұлы атындағы, № 3, 4, 1, мектептердің, М. Русаков атындағы мектеп-интернат. Байқау мектеп демалысы кезінде "Біртұтас тәрбие" бағдарламасы аясында өтті. Ақпарат көзі : https://www.gov.kz/memleket/entities/karaganda/press/news/details/915952

Бүгінде азаматтардың барлық өтініштерін бірыңғай қабылдау терезесі қағидаты бойынша "Е-otinish"ақпараттық жүйесі жұмыс істейді.Әрбір адам осы жүйе арқылы мемлекеттік органдардың және басқа мекемелердің бірінші басшыларына жүгіне алады.Платформа өтініш берушілерге өтінішті қарау барысын бақылауға және дербес бақылауға мүмкіндік береді https://eotinish.kz/Жүйеге келіп түсетін барлық өтініштер мен сұрау салулар мемлекеттік органның өзі де, Бас прокуратура да қатаң есепте және бақылауда болады. Нұсқаулық:Авторизациядан өту және «Көрсетілетін қызметке онлайн тапсырыс беру» батырмасы бойынша өту (көрсетілетін қызметті алу үшін eotinish.kz сайтында тіркелген болуыңыз тиіс немесе бір реттік тіркелуіңіз тиіс).- Мемлекеттік органдарға өтініш беру.- Ұсынылған нысанды толтырыңыз.- Қазақстан Республикасының Ұлттық куәландырушы орталығының (ҚР ҰКО) ЭЦҚ өтінішіне қол қойылсын және мемлекеттік органға жіберілсін.- Орындалуын қадағалаңызАқпарат көзі : https://www.gov.kz/memleket/entities/almobl/press/news/details/915920

2025 жылғы 1 қаңтардан бастап зейнетақы жинақтары көлемінің өсуіне, әлеуметтік өлшемдердің жыл сайын артуына және төлемдердің индекстелуіне байланысты жинақтаушы зейнетақысын жаңадан ала бастағандар мен алып жүрген азаматтардың «БЖЗҚ» АҚ-дан (БЖЗҚ, Қор) зейнетақы төлемдерінің мөлшерін ұлғайту биыл да жалғасын таппақ.Бәрімізге белгілі, әрбір салымшының жинақтаушы зейнетақысы оның зейнетақы жарналары және жинақталған инвестициялық кірісі есебінен қалыптастырылған зейнетақы жинақтарының сомасына тікелей байланысты. Зейнет жасына толғанда немесе Әлеуметтік кодексте көзделген өзге де жағдайлар туындған кезде салымшы БЖЗҚ-дан тұрақты төлемдер ала бастайды.Естеріңізге сала кетейік, БЖЗҚ-дан берілетін төлемдер Қазақстан Республикасы Үкіметінің 2023 жылғы 30 маусымдағы қаулысымен бекітілген Зейнетақы төлемдерінің мөлшерін есептеу әдістемесіне сәйкес жүзеге асырылады. Әдістемеге сай, зейнетке шығатын азаматтарға ай сайын жасалатын төлем былай есептеледі: төлем ала бастайтын алғашқы жылы зейнетақы жинақтарының сомасы зейнетақы жинақтарының 6,5% төлем мөлшерлемесіне көбейтіліп, 12-ге бөлінеді. Одан кейінгі жылдары ай сайынғы төлем зейнетақы төлемдерін индекстеудің 5% мөлшерлемесіне ұлғайып отырады. Бұл ретте БЖЗҚ-дан берілетін ай сайынғы төлем республикалық бюджет туралы заңда тиісті қаржы жылына белгіленген ең төменгі күнкөріс деңгейінің (бұдан әрі - КД) кемінде 70% мөлшерінде жүзеге асырылады (2025 жылғы ең төменгі күнкөріс деңгейі - 46 228 теңге). Қордан берілетін төлемдердің ең жоғары мөлшері шектелмейді және алушының зейнетақы жинақтарының сомасына байланысты.Мерзімсіз уақытқа белгіленген 1 немесе 2 топтағы мүгедектігі бар адамдар, сондай-ақ зиянды және қауіпті өндірістерде жұмыс істеп, зейнет жасына толған, олардың пайдасына жиынтығында кем дегенде алпыс ай міндетті кәсіптік зейнетақы жарналары төленген адамдар сияқты белгілі бір санаттағы алушылар үшін Әдістемеде ай сайынғы зейнетақы төлемінің мөлшерін арттыратын түзету коэффициенттері көзделген. Жоғарыда көрсетілген шарттардың біреуінен артығын қанағаттандыратын адамдар үшін ең үлкен мәнге ие түзету коэффициенті қолданылады. БЖЗҚ-дан берілетін зейнетақы төлемдері жеке зейнетақы шотындағы зейнетақы жинақтары таусылғанға дейін жүзеге асырылады. Жеке зейнетақы жинақтары салымшының меншігі болғандықтан, олар азаматтық заңнамада көзделген жалпы тәртіппен мұраға да қалдырылады.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/abay/press/news/details/915792

2024 жылы Абай облысы әкімдігінің қолдауының арқасында Төтенше жағдайлар департаментінің бөлімшелері заманауи техника мен жабдықтар алды.Жергілікті бюджет қаражаты есебінен жедел-құтқару автомобильдері, жол талғамайтын көліктер, жүзу құралдары, сондай-ақ инженерлік және сүңгуір жабдықтар сатып алынды. Олардың қатарына авариялық-құтқару құралдары, жылу тексеретін құрылғы (тепловизорлар), генераторлар, шынжырлы ара, кескіш және су астында іздеуге арналған жабдықтар кіреді. Техникалар қазірдің өзінде пайдаланылуда. Олар қиын жағдайларда құтқару операцияларын жүргізу үшін қолданылады.Сонымен қатар, құтқарушылар іс-қимылдарды үйлестіруге және төтенше жағдайларда уақытты барынша тиімді пайдалануға мүмкіндік беретін заманауи байланыс құралдары мен техникаға ие болды.Халықты дер кезінде ақпараттандыруға ерекше көңіл бөлінеді. Семей қаласында ескерту жүйесін жаңғыртудың алғашқы кезеңінде телерадио хабарларын қабылдауға арналған жаңа қондырғылар орнатылды. Заманауи жүйе кез келген төтенше жағдай туралы ақпаратты тұрғындарға жедел жеткізуге, ықтимал тәуекелдерді азайтуға мүмкіндік береді.Ақпарат көзі : https://www.gov.kz/memleket/entities/abay/press/news/details/916018

Облыс бойынша инфляция деңгейін сипаттайтын тұтыну баға индексі 2024 жылғы желтоқсанда өткен айға қатысты алғанда 100,9 % құрады. 2024 жылғы желтоқсанда облыс бойынша тұтыну бағасының индексі пайызбен 2024 жылғыжелтоқсан2024жылғы қаңтар- желтоқсан2023жылдың қаңтар-желтоқсанына2024 жылдыңқарашасына 2023 жылдыңжелтоқсанына Барлық тауарлар мен қызмет көрсетулер100,9109108,7Азық-түлік тауарлары101,1106,5106,3Азық-түлік емес тауарлар100,7108,5106,9Ақылы қызметтер100,9113114,6 Азық-түлік тауарларыныңарасында 2024 жылғы желтоқсанда 2024 жылдың қарашасымен салыстырғанда жемістер мен көкөністер–4,2% (басты пияз–13,4%, ақ қауанды қырыққабат–1,4%, картоп–1,3%, қызылша–1%, сәбіз–0,6%, алма–0,5%), май және тоң май–1,7% (күнбағыс майы–3,2%, тұздалмаған сары май–1,3%), алкогольдік ішімдіктер–1,4%, сүт өнімдері–1,3% (қатты ірімшік–2,1%, қаймақ–1,4%, пәстерленген сүт–0,9%, айран (майлылығы 2,5%)–0,3%, сүзбе (майлылығы 5-9%)–0,1%), балық және теңіз өнімдері–1,3%, нан өнімдері–1,1% (бірінші сұрыпты ұннан пісірілген бидай наны–4,3%, жоғары сұрыпты бидай ұны–0,4%), темекі өнімдері–0,8%, 1 санаттағы жұмыртқа, кондитерлік өнімдері –0,5%, шай–0,3%, күріш, макарон өнімдері–0,1% қымбаттағаны тіркелді.Қант–1%, жарма–0,1%(қарақұмық жармасы–0,2%, ұнтақ–0,1%) арзандай түсті.Азық-түлік емес тауарлардан сұйытылған газ (баллондағы)–9,3%, киім және аяқ киім–0,9%, үй-жайларды жөндеу және қызмет көрсетуге арналған материалдары–0,4%, фармацевтикалық өнімдері–0,2%, бензин–0,1% қымбаттады.Жеке пайдалануға арналған тауарлар–0,2% арзандады.Ақылы қызмет бойынша ыстық су тарифтері–13,1%, тұрғын үйді жалға беру–3%, қоғамдық тамақтандыру қызметтері–2%, шаштараздар мен жеке қызмет көрсету орындарының қызметі–0,4% өсті.Әдіснамалық түсініктемелерИнфляцияның деңгейін сипаттайтын тұтыну бағасының индексі (ТБИ) халықтың жеке тұтынуы үшін сатып алған тауарлары мен қызметтеріне бағалардың өзгеруін көрсетеді. Тауарлар мен қызметтер жиынтығы 508 ұстанымды біріктіреді. Бағаларды тіркеу облыс орталығының және қалалар мен аудан орталықтарының белгілі бір тобы бойынша меншіктің әртүрлі нысандарындағы сауда және қызмет көрсету салалары кәсіпорындарының іріктемелі желісі бойынша жүргізіледі. Агрегаттау үшін қолданылатын салмақтау жүйесінің шығыс бөлігі өткен жылғы үй шаруашылықтарын зерттеу материалдары негізінде есептеледі. 2022 жылғы қаңтардан бастап ТБИ құрылымында азық-түлік тауарларының үлесі 40,7%-ды, азық-түлік емес тауарлар–30,2%-ды, ақылы қызметтер 29,1%-ды құрайды.www.stat.gov.kz/ ҚР өңірлерінің статистикасы/Абай облысы/Электрондық кестелер /Баға статистикасы Орындаушы:Ж. И. КорпешоваТел. +7 7222 36-27-25Баға статистикасы бөлім басшысы:Г.Т. ШакшановаТел. +7 7222 36-27-25Адрес:180000, Cемей қаласыМәңгілік ел көшесі, 25 © Қазақстан Республикасы Стратегиялық жоспарлау және реформалар агенттігі Ұлттық статистика бюросыАқпарат көзі : https://www.gov.kz/memleket/entities/abay/press/news/details/916154

Қазақстанда су үнемдеуге мүмкіндік беретін мажарлық препаратты сынақтан өткізудің алғашқы кезені аяқталды. Су ресурстары және ирригация министрлігінің бастамасы бойынша сынаққа 4 ғылыми-зерттеу институты қатысты.Бұл Тараз қаласындағы «Қазақ су шаруашылығы ғылыми-зерттеу институты», Қызылордадағы «Ы.Жақаев атындағы Қазақ күріш шаруашылығы ғылыми-зерттеу институты», «Мақта және бақша ауыл шаруашылығы тәжірбие станциясы» және «Аграрлық инновациялар институты». Сынақ барысында әр түрлі топта және климаттық жағдайда препараттың топырақты ылғалдандыруға әсері, аз мөлшерде суару жағдайында өнімділікті арттыру сынды зерттеу жүргізілді.Ғалымдар препаратты қолдана отырып күріш алаңында 37%-ға дейін су үнемдеуге болатынын мәлімдеді. Себебі, дәстүрлі әдіс бойынша күріш 90 күн бойы суарылады. Ал, ылғал сақтайтын препаратты пайдаланған кезде 51 күн суару жеткілікті. Қант қызылшасы алаңында 23,9%, жүгеріде 28,7%-ға дейін су үнемделген. Бұдан бөлек, сарапшылар өнімділік те артқанын айтады.«Сынақтың алғашқы кезеңі жақсы нәтиже көрсетті. Келесі кезекте үлкен көлемдегі егіс алқаптарында препараттың тиімділігін тексеру керек. Ол үшін шаруалармен кездесіп, сынақ нәтижесін көрсету керек. Түсіндіру жұмыстарын жүргізу қажет. Себебі, жыл өткен сайын суармалы суға сұраныс артып келеді және біздің дихандар заманауи су үнемдеу әдістеріне көшуге мүдделі»,- деді министр Нұржан Нұржігітов.Өз кезегінде мажарлық «Soil solution» компаниясының өкілдері шаруалар тарапынан үлкен сұраныс болса Қазақстанда препарат шығаратын зауыт ашуға ниетті екендіктерін мәлімдеді.«Біз бүгінгі таңда Қазақстанда өз өнімімізді шығаратын зауыт ашу мүмкіндігін де қарастырып жатырмыз. Осы арқылы жол шығынын азайтуға болады. Яғни, шаруалар үшін препараттың бағасы бірнеше есе арзандайды. Сондай-ақ, Қазақстанда жасалған өнім ретінде шетелге де экспорттауға болады»,- деді «Soil solution» компаниясының өкілі Даниел Репасси.Ақпарат көзі : https://www.gov.kz/memleket/entities/water/press/news/details/915748

2025 жылдың 10 қаңтарында ҚР Өнеркәсіп және құрылыс министрлігінде Dena (Deutsche Energie-Agentur) Германия агенттігінің өкілдерімен кездесу өтті. Кездесу барысында энергетика саясаты, қала құрылысы және энергия тиімділігі саласындағы негізгі мәселелер талқыланды.Кездесу барысында энергетика мәселелері бойынша пікір алмасу өтіп, қатысушылар осы саладағы перспективалар мен өзекті мәселелерді қарастырды. Ерекше назар энергия тиімділігі саласында жоспарлау мен талдауды жақсартуға арналған интерактивті картаны әзірлеу мен енгізуге аударылды. Сонымен қатар, Германияның заңнамалық тәжірибесі қарастырылып, энергия үнемдеу және тұрақты құрылыс үшін тиімді нормативтік актілерді әзірлеу мәселесі талқыланды. Германиялық сарапшылар декарбонизация мақсаттарын жүзеге асыру стратегиясына қатысты ұсыныстарын білдіріп, Энергетикалық концепцияның мақсаттарына жету үшін бірнеше тәсілдердің бірігуінің маңыздылығын атап өтті. Әсіресе, тұрақты заңнамалық негіздерді құруға бағытталған сенімді әкімшілік нормаларды әзірлеудің қажеттілігіне ерекше көңіл бөлінді.Сондай-ақ, 2024 жылғы ғимараттардағы энергия тиімділігі туралы заңға (GEG 2024) назар аударылды, ол жаңа және қолданыстағы ғимараттардың энергетикалық сапасын, соның ішінде олардың жаңғыртылуын реттейді.Бұдан бөлек, энергетикалық инфрақұрылымды жақсартуға бағытталған Felicity II жобасын жүзеге асыру мүмкіндіктері және жобалық офис құру мәселелері қаралды.Тараптар энергия тиімділігі, тұрақты құрылыс және энергетика саласындағы халықаралық жобалар бойынша ынтымақтастықты одан әрі тереңдетуге қызығушылық білдірді.Ақпарат көзі : https://www.gov.kz/memleket/entities/mps/press/news/details/916185

Коммуналдық қызметтер тәулік бойы күшейтілген режимде жұмыс істеуде. Күн сайын қаладан ондаған мың текше метр қар шығарылады, деп хабарлайды Астана әкімдігінің ресми сайты.10 қаңтарда күндізгі ауысымда қаланы қардан тазалау жұмыстарына 2600-ден астам жол жұмысшы мен 1700-ден астам арнайы техника жұмылдырылды.9 қаңтардан 10 қаңтарға қараған түні қаладан 3600-ден астам ауыр жүк рейсімен 50 мың текше метр қар шығарылды.Қыс мезгілі басталғалы қаладан 2 740 222 текше метр қар 209 896 ауыр жүк рейсімен шығарылды.Ең алдымен, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз. Ақпарат көзі : https://www.gov.kz/memleket/entities/astana/press/news/details/915847

Бұл туралы Коммуникациялар қызметінде өткен брифингте Астана қаласы сотының әкімшілік істер жөніндегі сот алқасының төрағасы Дамир Әбдіғалиев мәлімдеді, деп хабарлайды Астана әкімдігінің ресми сайты.Астана қаласы азаматтардың және бизнес өкілдерінің құқықтары мен мүдделерін қорғауды қамтамасыз ете отырып, айқындылық, кәсібилік принциптері негізінде әкімшілік сот төрелігі жүйесін жетілдіруді жалғастыруда.«2024 жылы Астана қаласының соты 4223 істі қарады. Бұл өткен жылмен салыстырғанда 118 іске көп. Нәтижелерге сүйенсек, 2024 жылы азаматтар мен кәсіпкерлердің құқықтық белсенділігінің артқанын көрсетеді. Шешім шығару арқылы аяқталған істер саны 1437-ге дейін өсті (2%-ға артты). Жүктеменің өсуіне қарамастан, сот өз жұмысының тұрақтылығы мен тиімділігін көрсетті. Істердің көптеп аяқталуы соттың құқықты жоғары қолдану белсенділігін және дауларды жедел шешуге ұмтылысын көрсетеді. Біз әрбір азамат пен кәсіпкердің өз құқықтары мен мүдделерін қолданыстағы заңнама шеңберінде тиімді қорғауына мүмкіндік беруге тырысамыз», – деп атап өтті Дамир Әбдіғалиев.2024 жылы істердің көп бөлігі кеден, салық және мемлекеттік сатып алу салаларындағы дауларға қатысты болды. Негізгі санаттар бойынша талаптардың қанағаттандырылу деңгейі жоғары болып қалды: кедендік даулардың 80,5%-ы, салықтық даулардың 68,6%-ы және мемлекеттік сатып алуларға қатысты даулардың 50,7%-ы қанағаттандырылды. Бұл нәтижелер әкімшілік сот төрелігі жүйесінің азаматтар мен бизнестің құқықтарын қорғаудың сенімді құралына айналғанын көрсетеді.Соттың басты міндеттерінің бірі – Әкімшілік рәсімдік-процестік кодекс (ӘРПК) нормаларын түсіндіру. Сот заманауи коммуникация арналары арқылы құқықтық білімді кең аудиторияға қолжетімді ету үшін белсенді жұмыс жасауда.«2024 жылы Астана қаласының соты азаматтардың құқықтық сауаттылығын арттыру және бизнес, қоғам мен мемлекеттік органдар арасындағы келісімді нығайтуға бағытталған іс-шараларды ұйымдастырды. Жылдың маңызды оқиғаларының бірі Әкімшілік әділет пікірталас клубының отырыстары, зияткерлік меншік, салық және кеден даулары бойынша дөңгелек үстелдер және «ӘРПК: күрделі мәселелер туралы қарапайым тілмен» брошюрасының екінші бөлімін таныстыру болды»,- деді Дамир Әбдіғалиев. Астана қаласының соты әкімшілік сот төрелігі саласындағы көшбасшылардың бірі болып, мемлекет, азаматтар мен бизнес арасындағы оң тәжірибені қалыптастыруда.«Әкімшілік сот ісінің болашағы айқындылықта, кәсібилікте және қоғаммен тығыз байланыста деп санаймыз. Біздің мақсатымыз – әділ шешімдер мен түсінікті рәсімдер арқылы сот төрелігіне деген сенімді арттыру», – деп атап өтті Дамир Әбдіғалиев.Ақпарат көзі : https://www.gov.kz/memleket/entities/astana/press/news/details/915892

Елордада 2025 жылы Жұмысшы мамандықтар жылы аясында жұмысшы мамандықтарының беделін арттыруға және жастарды қала экономикасының нақты секторына тартуға бағытталған бірқатар маңызды іс-шаралар өтеді. Бұл туралы Астана қаласы білім басқармасының басшысы Қасымхан Сенғазыев мәлімдеді, деп хабарлайды Астана әкімдігінің ресми сайты.Басты оқиғалардың бірі «WorldSkills», «JasSkills» және «DeafSkills» форматтарындағы қалалық кәсіби шеберлік чемпионаты болмақ. Елорданың колледждері мен жоғары оқу орындарында орналасқан 15 алаңда 49 құзырет бойынша 500-ден астам адам қатысады деп күтілуде. Жыл сайын қатысушылар саны артып келеді, әсіресе мектеп оқушылары мен мүмкіндігі шектеулі жандар арасында байқалады. Чемпионат жеңімпаздары осы жылдың күзінде өтетін ұлттық чемпионатқа қатысуға мүмкіндік алады.Сонымен қатар, 2025 жылы колледждер базасында 10-11 сынып оқушыларын оқыту жобасын кеңейту жалғасады. Орта мектеп оқушылары тігінші, наубайшы, аспаз, шаштараз, флорист, жиһаз өндірісінің маманы және электр газды дәнекерлеуші сияқты кәсіптің біреуін таңдап, практикалық дағдылар мен жұмыс біліктілігін ала алады. Курстар аяқталғаннан кейін оқушылар аттестат пен біліктілік туралы куәлік алады.Кәсіптік бағдар беру жұмысы шеңберінде қаланың 100 мектебінде экономиканың түрлі салаларына бағдарланған бейіндік сыныптар ашылатын болады. 40 педагогикалық, 10 медициналық, 10 тігін, 10 сервис және 10 дизайн бойынша сынып құру жоспарлануда. Бұл сыныптар университеттермен және колледждермен бірлесіп, тұрақты кәсіптік бағдар беру іс-шараларын жүргізеді.Маңызды бағыттардың бірі колледждерді интернационалдандыру, шетелдік білім беру мекемелерімен келісімдер жасасу болады. Сингапур, Франция және Түркия колледждерімен ынтымақтастық туралы меморандумдарға қол қойылды. Осы келісімдер шеңберінде оқытушылар мен студенттер арасында тәжірибе алмасу дамитын болады.Жұмысшы мамандықтар жылы аясында колледждер базасында жаңа ресурстық орталықтар ашу жоспарлануда. Бұл орталықтар Практикалық оқыту үшін заманауи білім беру бағдарламаларымен және жабдықтармен жабдықталады, сондай-ақ жұмыс біліктілігі бойынша қысқа мерзімді курстар өткізеді. Ол үшін 90-нан астам оқу бағдарламасы әзірленді.Техникалық және кәсіптік білім берудің тартымдылығын арттыру үшін Астанада жеке инвестициялар мен жергілікті бюджет қаражатын тарта отырып, колледждердің материалдық-техникалық базасы жаңғыртылатын болады. 2025 жылы колледж студенттеріне арналған 1000 орындық жатақхана салу жоспарланған, бұл орын тапшылығын шешуге көмектеседі.Колледждерді халықаралық сертификаттауға ерекше назар аударылатын болады. Қоғамдық тамақтану және сервис колледждері, " ASTANA POLYTECHNIC "және технологиялық колледжі" Richemont " (Швейцария) және City & GUILDS (Ұлыбритания) сияқты халықаралық ұйымдармен ынтымақтасады, бұл олардың түлектерінің әлемдік еңбек нарығында бәсекеге қабілеттілігін арттырады.Жұмысшы кәсіптерін дамытудағы маңызды қадам жұмыс берушілердің кадрлар даярлауға қатысуын кеңейту болады. Кәсіпорындарды оқытушылардың тағылымдамаларына қосу және қаланың 200 жұмыс берушісі қатысатын «Professional Communication»жұмыс берушілер форумын ұйымдастыру Бизнес пен білім беру мекемелері арасындағы әріптестік байланыстарды нығайтуға көмектеседі.Жұмысшы мамандықтар жылы аясында Астанада жұмысшы мамандықтарды ілгерілету бойынша бірқатар халықаралық, республикалық және қалалық іс-шаралар өтеді. Аспаздық, тігін, гастрономия бойынша чемпионаттар, шығармашылық байқаулар, спорттық жарыстар және «AstauFest-2025» сияқты фестивальдар әлемнің түкпір-түкпірінен қатысушыларды тартады.Сондай-ақ, коммуналдық қызметкерлер арасында қалалық футбол турнирі, теміржолшылар арасында ұлттық ойындар чемпионаты және спартакиада сияқты мәдени және спорттық іс-шараларды өткізу жоспарланған. Бұл оқиғалар экономика мен әлеуметтік саланың әртүрлі секторлары арасындағы корпоративтік мәдениет пен өзара түсіністікті нығайтуға ықпал етеді.Ақпарат көзі : https://www.gov.kz/memleket/entities/astana/press/news/details/915961

«Таза Қазақстан» және «Игі істер марафоны» акциялары аясында елордалық еріктілер мұқтаж адамдарға көмектесуді жалғастырып жатыр, деп хабарлайды Астана әкімдігінің ресми сайты.Биыл «Астана жастары» жастар ресурстық орталығының еріктілері қолдауға мұқтаж азаматтардың аулаларында қар тазалауға көмектесуді жалғастырып жатыр. Жыл сайын осы акциялар аясында еріктілер зейнеткерлердің, мүгедектердің және басқа да мұқтаж адамдардың үйлеріне барып, оларға үй-жайларды тазалауға, аулаларды қардан тазартуға және басқа да тұрмыстық шаруаларды орындауға көмектеседі.Бүгін еріктілер мүмкіндігі шектеулі елорда тұрғынының үйіне барып, ауласында қар тазалау акциясын өткізді.Акцияның басты мақсаты-көмекке мұқтаж жандарды қолдау.«Жыл сайын «Астана жастары» еріктілері ардагерлерге, зейнеткерлерге және мүмкіндігі шектеулі жандарға ерекше көңіл бөледі. Жыл басынан бері біз 10 үйде қар тазаладық», - деді «Астана жастары» ЖРО волонтерлік қозғалысын дамыту бөлімінің маманы Дана Тәкенова.Айта кетейік, «Астана жастары» белсенділері қаланы тәулік бойы қардан тазартатын коммуналдық қызметкерлерге де көмектесуде. Еріктілер қала тіршілігі үшін маңызды жұмыс атқарып жатқан жандарға тұрақты негізде ыстық шай мен бауырсақ тарату бойынша акциялар өткізеді. Ақпарат көзі : https://www.gov.kz/memleket/entities/astana/press/news/details/916033

Астана қаласындағы Шейх Халифа бен Заид әл-Нахаян атындағы №84 мектеп-лицейдің 9-сынып оқушысы Саулебек Алидан халықаралық аренада ғылыми олимпиадаға қатысып, абсолютті жеңімпаз атанды, деп хабарлайды Астана әкімдігінің ресми сайты.Әлемнің түкпір-түкпірінен жүздеген дарынды оқушылар қатысқан СОРЕRNICUS олимпиадасы физика, химия, биология, география пәндері бойынша өтті. Елордалық оқушы химия пәні бойынша сайысқа түсті. Ақпарат көзі : https://www.gov.kz/memleket/entities/astana/press/news/details/916043

Елордалық полицейлер вандализм актілерімен және қоғамдық тәртіпті бұзушылармен күресті жалғастыруда. Соңғы күндері Астанада бөтеннің мүлкіне зиян келтірудің жаңа жағдайлары тіркелді. Оған кінәлілер тез табылып, жауапқа тартылды, деп хабарлайды елорда әкімдігінің ресми сайты.Мәселен, 2025 жылғы 1 қаңтарда таңғы сағат 06:00 шамасында 26 жастағы азамат жеке үйлердің бірінің кіреберіс есігін қасақана зақымдап, 34 900 теңге сомасына материалдық шығын келтірді.Жаңа жыл қарсаңында, яғни 31 желтоқсан сағат 00:45-те 21 жастағы әйел пәтердің кіреберіс есігі мен есік қоңырауына зақым келтіріп, 37 000 теңге шығын келтірді.3 қаңтар күні сағат 23:30 шамасында, 33 жастағы ер адам қоғамдық орындағы лифт есігін тепкілеп, сындырған.ҚР ӘҚБтК-нің 147-1-бабы бойынша барлық құқық бұзушылар табылды және әкімшілік жауапкершілікке тартылды.Бұл оқиғалар елордадағы вандализмнің жолын кесу жөніндегі кешенді жұмыстың бір бөлігі болып табылады. Полиция қалада тәртіп пен тазалықты сақтауға, сондай-ақ қоғамға жат мінез-құлықтың алдын алуға бағытталған профилактикалық жұмыстарды белсенді жүргізіп жатыр.Акцияның мақсаты - вандализмнің кез келген көрінісін болдырмау және елордада тазалық пен тәртіпті сақтау.Вандализм үшін 332 азамат жауапқа тартылды, оның ішінде 191 адамға айыппұл салынды, 141 адам әкімшілік қамауға алынды. Оны алдын алу жұмыстары қалалық прокуратура мен полиция департаментінің үйлестіруімен жүргізіледі.Ақпарат көзі : https://www.gov.kz/memleket/entities/astana/press/news/details/916109

Астанадан Қызылордаға күнделікті рейс іске қосыладыQAZAR AIR әуекомпаниясы 13 қантардан бастап Астанадан Қызылордаға күнделікті тұрақты рейстердікелесі кесте бойынша орындайтын болады:Күнделікті:IQ 425 Астана (17:50) – Қызылорда (19:40)IQ 426 Қызылорда (20:10) – Астана (22:10)Күнделікті тұрақты рейстердің ашылуы Қызылорда облысының сауда-экономикалық, туристік әлеуетін дамытуға, сонымен қатар көлік қызметтерінің қолжетімділігін қамтамасыз етуге ықпал етеді.Ақпарат көзі : https://www.gov.kz/memleket/entities/transport/press/news/details/916255

UTEBAYEV UNIVERSITY-ДЕ ҚЫТАЙЛЫҚ JINGSHI INSTITUTE АШЫЛДЫUtebayev University-де қытайлық Jingshi институты (Petroleum Engineering Technology) ашылды. Білім ордасы мұнай инженериясы саласына жоғары білікті кадрлар даярлайды. Мұнда болашақ мамандар озық технологиялардың көмегімен тәжірибелерін шыңдап, кәсіби дағдысын жетілдіреді. Институтта ағылшын тілін меңгерген 25-тен астам студент білім алып, Қытайда тәжірибе алмасу жоспарланып отыр. Бастама «Бір жол – бір белдеу» жобасы аясында қолға алынған.– Цзинши институты әлемдік деңгейдегі білім беру стандарттары мен технологиялық жетістіктерімен танымал. Жоба арқылы қазақстандық студенттер халықаралық білім беру бағдарламаларына қол жеткізіп, Қытайдың жетекші университеттерінің профессорларынан дәріс алу мүмкіндігіне ие болады. Алдағы уақытта Қытайдағы Қарамай колледжінен профессорлар келіп, университетімізде мұнай-газ саласына қатысты және дрон технологиясы бағытында дәріс береді, – дейді Utebayev University Халықаралық қатынастар орталығының жетекшісі Алмагүл Тұрдағалиева.Айта кетейік, «Beijing Huatec Information Technology Co.» компаниясы Орталық Азияда білім беруді интернационалдандыру жөніндегі стратегиялық бағдарламаны іске асырып келеді. Бағдарлама энергетика және химия өнеркәсібі, металлургия, мұнай-газ ісі мен жаңа материалдар өндіру саласы бойынша білім беруді қамтиды. Өткен жылы компания мен Utebayev University арасында келісімшартқа қол қойылды. Осы келісім шеңберіндегі Utebayev University мен Jingshi Institute (Petroleum Engineering Technology) ынтымақтастығы еліміздің мұнай-газ саласындағы кадрларды даярлауға жаңа серпін беріп, ғылыми-зерттеу әлеуетін дамытуға септігін тигізбек.Ақпарат көзі : https://www.gov.kz/memleket/entities/sci/press/news/details/915946

Бүгін СҚО әкімі Ғауез Нұрмұхамбетов Петропавлдағы туризм саласындағы құрылыс нысандарын аралады. Петропавл маңында тұрғындар мен туристер үшін жаңа санаторлық-курорттық кешен пайда болады. Жергілікті кәсіпкер бұрынғы «Волна» балалар лагерін қайта жаңғыртып, оны жыл бойы жұмыс істейтін кешенге айналдыруда. Жоба үшжылдық, ал инвестиция көлемі – 2,5 млрд. теңге. Жаңа нысанда 500 адамға арналған 150 нөмір болады, демалушыларға сауықтыру процедуралары ұсынылмақ. Кешеннің ашылуы демалыстың сапасын жақсартып қана қоймай, 150 тұрақты жұмыс орнын құрады. Бұл жоба өңірде медициналық туризмнің дамуына оң әсерін тигізеді. Сонымен қатар облыс орталығында жаңа «Самовар» қонақ үйі ашылмақ. Бұл жобаға 1 млрд. теңге инвестиция салынған. «Даму» қорынан мемлекеттік қолдау көрсетілді. Қонақ үйде 34 нөмір болады, 15 жаңа жұмыс орны құрылады. Петропавлда қазір 26 қонақ үй бар, олар 800 демалушыны қабылдай алады.Одан бөлек, Имантау-Шалқар курорттық аймағында инвесторлар 16 жобаны жүзеге асырып, экоотельдер мен глэмпингтер салуда. Мұндай жобалар туристік инфрақұрылымды және қызметтердің сапасын жақсартуға, халықты жұмыспен қамтамасыз етуге, жаңа инвесторларды тартуға және өңірімізді қосымша табыс көздерімен қамтуға ықпал етеді.Ақпарат көзі : https://www.gov.kz/memleket/entities/sko/press/news/details/915807

Әбілхан Қастеев атындағы Мемлекеттік өнер музейінде «Тұран таулары» халықаралық симпозиум-пленэр көрмесі ашылды.Көрмеде Қазақстан, Қырғызстан, Өзбекстан, Ресей қылқалам шеберлерінің 80-нен астам туындылары ұсынылды.Халықаралық симпозиум-пленэр жұмысы 2024 жылы басталды. Жоба үш кезеңнен тұрды. Үш түрлі географиялық алаңда өткізіліп, бірнеше айға созылды. Бірінші кезеңде суретшілер Ыстықкөлдің тыныш, сұлу табиғатымен шабыттанып, қырғыз жерінің көркем пейзаждарын бейнеледі. Екінші кезеңі Қазақстанның Тянь-Шань тауында орналасқан Кеген ауданына қарасты Меркі жайлауында өтті. Қорытынды кезең Өзбекстанның мәдени және сәулет мұралары саналатын Орта Азияның тарихи қалалары – Самарқанд, Бұхара және Ташкентте өтті. Бұл үш қала да орталық Азияның рухани тірегіне айналған, ғасырлар бойы өнер мен мәдениеттің ошағы болған мекендер.Симпозиум-пленэр Әбілхан Қастеев пен Орал Таңсықбаевтың өнердегі дәстүрлерін жаңғыртып, олардың шығармашылығынан алған әсер мен рухани мұраға құрметпен қоса, қылқалам шеберлеріне шабыт сыйлап, қолдау көрсету мақсатында ұйымдастырылды.Экспозиция қаңтар айының 23-не дейін жалғасады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/916112