2025 жылдың қаңтарынан бастап елордадағы мектепке дейінгі ұйымдар ваучерлік қаржыландыруға көшеді, бұл туралы елордалық коммуникациялар қызметінде өткен брифингте Астана қаласы Білім басқармасының басшысы Қасымхан Сенғазиев мәлімдеді. Бұл туралы қала әкімдігінің ресми сайты хабарлайды.Қазіргі таңда жоба Тараз, Шымкент және Түркістан қалаларында ваучерлік қаржыландыру бойынша жүзеге асырылуда.Елордалық білім басқармасының басшысы ваучердің негізгі артықшылықтарын атады. қаржыландыру жүйесі:1. Ата-аналардың таңдау еркіндігі. Жолдаманы алған ата-аналар Тізімнен кез келген мектепке дейінгі мекемені таңдай алады, бұл балабақшаларға көрсетілетін қызметтердің сапасын арттыруға және жаңа тұтынушыларды тартуға және ұстап тұруға ынталандырады. Бұл «әділдік» принципіне қол жеткізуге ықпал етеді.2. Сапаны объективті бағалау. Балабақшалардың жұмысын бағалаудың қайта қаралған тәсілі ата-аналарға білім беру қызметінің сапасын тікелей бағалауға мүмкіндік береді, бұл субъективтілікті жояды және қызмет көрсетудің жалпы деңгейін жақсартады. Жоба сонымен қатар салауатты бәсекелестік тудырып, «сапа» қағидасына сәйкес келетін қызметтердің сапасын арттыра отырып, нарықтың жаңа қатысушыларына жол ашады.3. Қаржыландырудың ашықтығы. Жергілікті атқарушы органдардың әрбір балабақшаға мемлекеттік тапсырыс көлемін бекіту функционалдығы жойылып, қаражат тікелей балаға беріледі. Егер бала таңдап, басқа балабақшаға ауысса, жолдама оның соңынан ереді, бұл «мөлдірлік» принципін қамтамасыз етеді.Сонымен қатар, Қасымхан Сенғазиев ваучерлік қаржыландырудың негізгі принциптері туралы айтты.«Егер бұрын бала балабақшаға кезекке тұрды, қазір жолдамаға кезекке тұр. Енді балабақша таңдау да ата-ананың қолында. Бұрын мемлекеттік білім беру тапсырысы балабақшаға тағайындалса, қазір жолдама баланың соңынан келеді», - деп түсіндірді ол.Назар аударыңызшы, Астанада ваучерлік қаржыландыруды жүзеге асыру 2025 жылдың қаңтарында басталады.Ваучерлік қаржыландыру жүйесінде , кезек баланың жасы мен әлеуметтік жағдайына байланысты 18 санатқа бөлінеді. Әрбір санаттың өз кезегі болады.Ваучер итерациялық негізде шығарылады және кезек жылына екі рет автоматты түрде жаңартылады.Ақпарат көзі : https://www.gov.kz/memleket/entities/astana/press/news/details/907638

Шығыс Қазақстан облысы «Ашық деректердің қосымша жинақтарына қажеттілікті анықтау үшін сұрау» тақырыбына сауалнама өткізу басталғаны жөнінде хабарлайды. https://dialog.egov.kz/surveycontroller/index#/view?id=5986 сілтемесі бойынша аталған сауалнама қолжетімді.Осы сауалнамаға қатысуларыңызды сұраймыз. Ақпарат көзі : https://www.gov.kz/memleket/entities/akimvko/press/news/details/907395

Қошқарбаев Нұрбек Тұрсынқанұлы 1979 жылы 5 маусымда Көкпекті ауданы Көкпекті ауылында дүниеге келген.Семей қаласындағы М.О. Әуезов атындағы педагогикалық колледждің «Бастауыш сынып және ұлттық мектепте орыс тілі пәні мұғалімі», М.О. Әуезов атындағы Семей университетін «Қазақ тілі және әдебиет мұғалімі», Қазақ инновациялық гуманитарлық-заң университетін «Құқықтану», Семей қаласының Шәкәрім атындағы университетін «Құрылыс материалдарын, бұйымдарын және құрастырылымдарын өндіру» мамандықтары бойынша бітірген.Еңбек жолын Семей қаласының № 33 орта мектебінің бастауыш сыныптарындағы орыс тілі пәнінің мұғалімі болып бастаған.2002-2008 жж. Семей қаласының № 17 орта мектебінде қазақ тілі және әдебиеті пәнінің мұғалімі, тәрбие жұмысы бойынша директордың орынбасары.2008-2009 жж. Семей қаласының № 36 орта мектебінде қазақ тілі және әдебиеті пәнінің мұғалімі, оқу-тәрбие жұмысы бойынша директордың орынбасары.2009-2010 жж. Ақмола облысының Жақсы ауданының Жақсы ауылының № 2 Жақсы орта мектебінің директоры.2010-2012 жж. Семей қаласының білім бөлімінің бас маманы.2012-2013 жж. Бесқарағай ауданы әкім аппаратының ұйымдастыру-кадр және мемлекеттік-құқық жұмысы бөлімінің басшысы.2013 жылдың ақпан - қыркүйек айларында Семей қаласы әкім аппаратының ұйымдастыру-кадр жұмысы және марапаттау бөлімінің бас маманы.2013-2014 жж. Семей қаласы әкім аппаратының персоналды басқару бөлімінің басшысы.2014 - 2015 жж. Семей қаласы әкім аппаратының ұйымдастыру-инспекторлық жұмыс бөлімінің басшысы.2015-2019 жж. Курчатов қаласы әкім аппаратының басшысы.2019 жылдан соңғы тағайындауға дейін Абай облысы Курчатов қаласы әкімінің орынбасары қызметін атқарған.Ақпарат көзі : https://www.gov.kz/memleket/entities/abay/press/news/details/907238

Аймақ басшысы Нұрлан Ұранхаев Бесқарағай ауданына жұмыс сапары аясында бірқатар әлеуметтік маңызды нысандарды аралады. Соның ішінде әлеуметтік және спорттық инфрақұрылымды дамыту мәселелеріне сондай-ақ құрылыс-монтаждау жұмыстарын орындау сапасына ерекше назар аударылды.Аудан орталығында жаңа хоккей корты ашылды. Қыста хоккей және мәнерлеп сырғанау, ал жазда шағын футбол алаңына айналады. Жоспарда бұл жерде спорттық-бұқаралық іс-шаралар өткізу бар. Бұл тұрғындар арасында салауатты өмір салтын насихаттап, аудан тұрғындарының дене денсаулығын нығайтуға ықпал етеді. Облыс әкімі корттың тұрақты пайдаланылуын, демалушыларға қолжетімді болуын қадағалауды атап өтті.«Жайлы мектеп» ұлттық жобасы аясында ауданда 300 орындық заманауи жалпы білім беретін мектептің құрылысы жүріп жатыр. Заманауи талаптарды ескере отырып жобаланған жаңа білім беру кешені екі қабаттан тұрады. Бұл оқушылардың оқуы мен дамуына қолайлы жағдай жасайды. Бүгінгі таңда ауданда 21 мектеп жұмыс істейді, оның 16 – сы шағын жинақты.Сондай-ақ, облыс әкімі «Таза Қазақстан» республикалық экологиялық бағдарламасы аясында ашылған саябаққа барды. Саябақтың ауданы 1,0079 га құрайды, оның аумағында балаларға арналған ойын және воркаут-алаңдар жабдықталған. Сондай-ақ іс-шараларды өткізуге арналған сахна және LED-экран орнатылған.Сапар барысында өңір басшысы ауданның жаңа әкіміне бірқатар нақты тапсырмалар берді. Оның ішінде барлық сапа стандарттарын сақтай отырып, мектеп құрылысын уақтылы аяқтауды қамтамасыз ету, мектептердің материалдық-техникалық базасын жақсарту және педагогикалық құрамның біліктілігін арттыру жөніндегі іс-шаралар жоспарын әзірлеу, бұқаралық іс-шараларды белсенді насихаттау және секциялар құру арқылы жастарды спортпен шұғылдануға тарту жөніндегі жұмысты күшейтуді тапсырды.Ақпарат көзі : https://www.gov.kz/memleket/entities/abay/press/news/details/907500

Қуаныш Серқазыұлы Сүлейменов 1973 жылы 14 қыркүйекте Семей облысы Шар қаласында дүниеге келген. Семей қаласының Шәкәрім атындағы мемлекеттік университетін «Тарих мұғалімі», Қазақ мемлекеттік университетін «Құқықтану», Семей қаласының Шәкәрім атындағы мемлекеттік университетін «Мал шаруашылығы өнімдерін өндіру технологиясы» мамандықтары бойынша бітірген. Мал шаруашылығы өнімдерін өндіру технологиясының магистрі.Еңбек жолын Жарма ауданы Шалабай ауылындағы «Шалабай» асыл тұқымды зауыты кәсіподақ комитетінің «Парус» жасөспірімдер клубында жаттықтырушы болып бастаған. 1990-1991 жылдары-Семей қаласындағы «Ауа райы» шағын кәсіпорнының суретші-дизайнері. 1993-1994 жылдары Жамбыл облысындағы «Шайзада» кооперативінің жабдықтаушы – экспедиторы. 1994-1995 жылдары-Алматы қаласындағы «Гүлжан» шағын жеке кәсіпорнының директоры. 1995-1996 жылдары-Жарма ауданы, Шалабай ауылы, Н. Крупская атындағы орта мектепте үйірме жетекшісі.1996-2001 жылдары-Жарма ауданы, Шалабай ауылы, Н. Крупская атындағы орта мектептің әскери жетекшісі. 2001-2006 жылдары-Жарма ауданы, Шалабай ауылындағы Н. Крупская атындағы орта мектептің директоры. 2006-2022 жылдары-Жарма ауданы, Шалабай ауылындағы «Шалабай» жауапкершілігі шектеулі серіктестігінің Бас директоры.Тағайындалғанға дейін Абай облыстық мәслихатының төрағасы қызметін атқарды.Ақпарат көзі : https://www.gov.kz/memleket/entities/abay/press/news/details/907533

Абай облысының әкімі Нұрлан Ұранхаев өңірдің дарынды оқушыларымен және студенттерімен кездесті. Кездесуге зияткерлік олимпиадалардың, ғылыми жобалардың, сондай-ақ спорттық және шығармашылық байқауларда жүлдегер болған 50 оқушы мен 20 студент қатысты.Еркін форматта өткен шарада балалар өздерінің жетістіктері туралы айтып, идеялары мен ұсыныстарын ортаға салды. Аймақ басшысы сөз алған әрбір қатысушыны мұқият тыңдап, ақыл-кеңесін берді. Жастардың өңірдің дамуына қосатын үлесінің маңызын атап өтті.«Сіздер - облысымыз бен еліміздің болашағысыздар. Оқу, ғылым, спорт және шығармашылықтағы жетістіктеріңіз табандылық пен таланттың арқасында биіктерге қалай жетудің нақты дәлелі. Семейде кретивті идеялар орталығы жұмыс істейді. Тың жобаларыңызды сонда ұсынып, жүзеге асырсаңыздар болады. Біз өз тарапымыздан сіздердің бастамаларыңызды қолдап, ары қарай дамуларыңыз үшін қолдан келгеннің бәрін жасаймыз», – деп атап өтті өңір басшысы.Іс-шараға қатысушыларға облыс әкімінің атынан ақшалай сертификаттар табысталды.Айта кетейік, облыс жастары республикалық олимпиадаларда 114 жүлделі орын, оның ішінде 21 Алтын, 33 күміс және 60 қола медаль иеленді. Переменовка орта мектебінің оқушысы Әділхан Әділанов екінші жыл қатарынан ауыл оқушылары арасында математика олимпиадасында алтын медаль алды. Биыл ол университетте оқу грантының иегері атанды.Робототехникада облыс оқушылары үздік нәтижелер көрсетті: 600 -ден астам оқушы облыстық, 50-ден астамы республикалық және 25 халықаралық жарыстардың жеңімпаздары атанды. Жетістіктердің қатарында Индонезияда 3-ші, Түркияда 2-ші, Сингапурда 1-ші, Қытайда «үздік робот» номинациясында Гран-при бар. «Айбын-2024» халықаралық әскери-патриоттық жастар слетінде облыс оқушыларының командалары жалпы командалық есепте 2-ші және 3-ші орындарға ие болды.Сонымен қатар WorldSkills республикалық чемпионатында Абай облысының командасы жалпы республикалық есепте 1-ші орынды иеленді. Команда 2 алтын, 6 күміс, 4 қола және 7 медальонға қол жеткізді. Өткен жылғы чемпионатқа қатысушылар Франциядағы әлем чемпионатында үздік номинацияға ие болды.Ақпарат көзі : https://www.gov.kz/memleket/entities/abay/press/news/details/907568

Талғат Батырұлы Мұратов 1972 жылы 28 қаңтарда Алматы облысында дүниеге келген. Үш жоғары білімі бар. 2007 жылы Қазақ бас сәулет-құрылыс академиясын «Сарапшы-бағалау», 2015 жылы Қазақ инновациялық университетін «Құқықтану», ал 2018 жылы Қазақ қатынас жолдары университетін «Техника және технологиялар» мамандықтары бойынша бітірген.Еңбек жолын 1993 жылы Семей қаласындағы «Стройдеталь» компаниясының атқарушы директоры болып бастаған. Кейін «Семей Сельхозтехника» ЖШС-де экономист, «Комфорт-Экспресс» ЖШС директорының орынбасары, сондай-ақ «Тау-кен металлургия жабдықтарының конструкторлық бюросы» ЖШС филиалының директоры болып жұмыс істеді.2012-2014 жылдары - «Шығыс Самғау» жауапкершілігі шектеулі серіктестігі Бас директорының орынбасары. 2014 жылғы мамырдан қыркүйекке дейін - «АТФ Банк» акционерлік қоғамының Семей қаласы филиалының бөлшек сауда орталығы бөлімшесінің бастығы. 2014-2015 жылдары-Бесқарағай ауданының құрылыс, сәулет және қала құрылысы бөлімінің бас маманы. 2016-2018 жылдары-Жарма ауданының сәулет, қала құрылысы және құрылыс бөлімінің басшысы. 2018 жылдан 2022 жылға дейін – Жарма ауданы әкімінің орынбасары.Осы тағайындауға дейін Бесқарағай ауданының әкімі қызметін атқардыАқпарат көзі : https://www.gov.kz/memleket/entities/abay/press/news/details/907717

Абай облысының әкімі Нұрлан Ұранхаев өңірдегі Ауған соғысы ардагерлерімен кездесті. Кездесуде майдангерлер аймақ басшысына өздерін толғандырған сауалдарын қойып, ұсыныс-пікірлерін ортаға салды.Ардагерлер әлеуметтік мәселелерді алға тартты. Соның ішінде қоғамдық көлікте жол жүру мен шипажайларда емделуге жеңілдік қарастырылып, пәтер алу кезінде көмек көрсетілсе деген тілектерін білдірді.Сонымен қатар, ай сайынғы төленетін коммуналдық төлемақы мен ауған соғысы ардагерлеріне қойылған ескерткішке жөндеу жұмысын жүргізуге көмек сұрады.«Сіздердің мәселелеріңіз маған жақсы таныс. Біз ауған соғысы ардагерлерін назардан тыс қалдырмаймыз. Бірақ бір дүниені түсінуіміз керек. Еліміздегі Заң талаптарына сай жұмыс істейміз. Қолда бар мүмкіндікті ескеріп, алдағы уақытта өздеріңізбен бірлесе отырып сіздер көтерген мәселелерді біртіндеп шешуге тырысамыз», - деді аймақ басшысы.Өз кезегінде ауған ардагерлері жастар тәрбиесіне араласып, кез келген патриоттық шараларға қатысуға әзір екендерін жеткізді. Қазір облысымызда 600-ден аса ауған соғысы майдангерлері тұрады.Ақпарат көзі : https://www.gov.kz/memleket/entities/abay/press/news/details/907933

Бүгін Абай облысының әкімі Нұрлан Ұранхаев облыс активімен кездесті. Кездесуде басшылық лауазымға жаңадан тағайындалғандарды таныстырды. Олардың қатарында облыстық мәслихат төрағасы Шалқар Байбеков, облыс әкімінің орынбасары Қуаныш Сүлейменов, Семей қаласының әкімі Талғат Мұратов, Бесқарағай ауданының әкімі Нұрбек Қошқарбаев бар.Аймақ басшысы жаңа қызметке тағайындалған азаматтарға сәттілік тілей отырып, облысты өркендету жолында еңбек ететіндіктеріне сенім білдірді. Сонымен қатар, басқа жұмысқа ауысуына байланысты қызметінен босаған Әділбек Мұсабаев пен Нұрбол Нұрсағатовқа атқарған жұмыстарына ризашылық білдірді.«Күні бүгінге дейін облысымызда ауқымды шаруалар жүзеге асты. Алда атқаратын істер аз емес. Сондықтан осы бағыттағы жұмыстарды жүйелі түрде жалғастыра беруіміз керек. Жоспарымыздағы жобаларымызды бірлесе еңсеру міндеті тұр», -деді облыс әкімі.Жиында сөз алған Нұрбол Нұрсағатов әріптестері мен Семей жұртшылығына алғыс айтты.Ақпарат көзі : https://www.gov.kz/memleket/entities/abay/press/news/details/907937

Осы жылдың желтоқсан айының басынан бастап еліміздің өңірлерінде 250-ден астам ауыл шаруашылығы жәрмеңкесі өтті, оған миллионға жуық азамат қатысты.Мұндай деректер вице-премьер Серік Жұманғариннің төрағалығымен өткен негізгі азық-түлік өнімдерінің бағасын тұрақтандыру жөніндегі кеңесте айтылды. Сауда және интеграция бірінші вице-министрі Айжан Бижанова атап өткендей, жәрмеңкелерді өткізу тұрғындар арасында жоғары сұранысқа ие болуда, әкелінетін өнім көлемі толығымен сатылып жатыр.«Ең көп картоп Қарағанды облысында сатылды – 110 тонна, Алматыда – 90 тонна, Шымкентте мерекелік демалыс күндері 45 тонна картоп сатылды», — деп атап өтті бірінші вице-министр.Жәрмеңкелермен қатар өңірлердегі сауда сөрелеріне тұрақтандыру қорындағы көкөністер шығарылуда. Ауыл шаруашылығы вице-министрі Ермек Кенжеханұлының айтуынша, 19 желтоқсан күнгі мәліметке сәйкес тұрақтандыру қорындағы 9,2 тонна картоп, 2,6 тонна сәбіз, 2,8 тонна пияз бен 2,1 тонна қырыққабат сатылды. Сондай-ақ кеңесте әр өңірдің қажеттілігін ескере отырып, алдағы мамыр айына дейін қорлардағы көкөністерді сату кестесі ұсынылды.Өткен аптаның қорытындысы бойынша әлеуметтік маңызы бар азық-түлік өнімдері бағасының орташа өсу индексі – 0,1%-ды, ал жыл басынан – 1,1%-ды құрады.Жиын соңында Серік Жұманғарин жәрмеңкелерді белсенді ұйымдастыруды және мереке қарсаңында бағаның негізсіз өсуіне жол бермеу мақсатында сауда заңнамасына миемлекеттік бақылауды күшейтуді тапсырды.Ақпарат көзі : https://www.gov.kz/memleket/entities/mti/press/news/details/907570

18.12.АСТАНАНұржан Нұржігітов су тасқынын болжау және модельдеуге арналған Tasqyn.gov.kz, Talsim және Delft-FEWS жүйелерін көрді. Tasqyn.gov.kz жүйесі төтенше жағдайлардың алдын алуға және стратегиялық шешімдер қабылдау үшін болжам жасауға мүмкіндік береді.МАҢЫЗДЫ: Әдістемеге сәйкес, уәкілетті органдар ақпараттық жүйеге су қоймаларындағы су көлемі, су жіберу және гидрометеоболжам секілді деректерді енгізеді. Жүйе жинақталған мәліметтер негізінде су тасқынының ықтимал сценарийлерін модельдейді.19.12.ТҮРКІСТАН ОБЛЫСЫСу ресурстары және ирригация вице-министрі Ерболат Ибрайханов Жетісай қаласында өңірдің шаруа қожалықтарының басшыларымен кездесті. Биыл өңірде суару маусымы тұрақты өтіп, «Қазсушар» филиалы облыстың 274 мың гектар егіс алқабын сумен қамтамасыз етті.17.12.АСТАНАБиыл су саласының 500-ден астам қызметкері мамандандырылған орталықтарда біліктілік арттыру курстарынан өтті. Бұл бастапқы жоспардан 12%-ға артық.18.12.АСТАНАБиыл 470 мың гектарға жуық егіс алқабы су үнемдейтін технологияларды қолдана отырып суарылды. Бұдан бөлек, 58 мың гектарға жуық жер лазерлік жоспарлаушы арқылы тегістелді.ЕСКЕ САЛСАҚ: Су ресурстары және ирригация министрлігі «2024-2026 жылдарға арналған су үнемдеудің жол картасын» әзірлеген болатын. Жоспарда 39 іс-шара қарастырылған.20.12.ЖЕТІСУ ОБЛЫСЫЖетісу облысы бойынша «Қазсушар» филиалы инертті және құрылыс материалдарын тасуға арналған жүк көліктерін жаңартты. Арнайы техника гидротехникалық құрылыстарды реконструкциялау және жөндеу кезінде пайдаланылады, сондай-ақ, су тасқыны кезінде шұғыл іс-шараларды неғұрлым жылдам орындауға мүмкіндік береді.18.12.ПАВЛОДАР ОБЛЫСЫСу тасқыны кезеңіне дайындық аясында Павлодар облысы бойынша «Қазсушар» филиалы бөгеттерге, су өткізетін құрылыстарға ағымдағы жөндеу жұмыстарын жүргізуде. Шідерті лиманды суару жүйесінде төрт гидротехникалық құрылыстың бөгеттері жөнделіп, балшықтан, қамыс және бұталардан тазартылды.17.12.АҚМОЛА ОБЛЫСЫАқмола облысы бойынша «Қазсушар» филиалы «Алва» лиманды суару жүйесінің бөгеттерін жөндеу жұмыстарын аяқтады. Жүргізілген іс-шаралар нысанның қауіпсіздігін арттырады, сондай-ақ жоғары өнімділікті қамтамасыз ету үшін тасқын суын лиманды суару жүйесінде ұстап қалуға мүмкіндік береді.20.12.ЖАМБЫЛ ОБЛЫСЫБиыл суару кезеңінде Жамбыл облысының 5 ауданына трансшекаралық Шу және Талас өзендері арқылы суармалы су берілді. Бұл Қордай, Меркі, Байзақ, Жамбыл және Талас аудандары.АЙТА КЕТУ КЕРЕК: Биыл Талас өзені арқылы Қазақстанға болжанған 380 млн текше метр судың орнына іс жүзінде 418 млн текше метр су келді. Бұл өткен жылмен салыстырғанда 94,2 млн текше метрге артық. Шу өзенімен бекітілген кестеге сәйкес 165,3 млн текше метр су алынды, бұл былтырмен салыстырғанда 29,7 млн текше метрге көп.Ақпарат көзі : https://www.gov.kz/memleket/entities/water/press/news/details/907256

Биыл еліміздің су қоймаларына рекордты - 75 млрд текше метрден астам су жиналды. Оның 12 млрд текше метрден астамы тасқын суы.Тасқын суын дұрыс бөлу су қоймаларын толтырып қана қоймай, соңғы жылдары құрғауға айналған өзендер мен көлдерге, шабындықтарға, табиғи жайылымдарға және басқа да айдындарға су жіберуге мүмкіндік берді.Жыл басынан бері Балқаш көліне 15,4 млрд текше метр су келді, бұл өткен жылғы көрсеткіштен 4 млрд текше метрге артық. Оның ішінде тасқын кезінде 3,3 млрд текше метр су түсті. Жыл басынан бері Каспий теңізіне 17 млрд текше метр су келді. Алматы облысындағы Қапшағай су қоймасы соңғы 10 жылда алғаш рет 100%-ға толып, 18 млрд текше метрден астам су жинады.Су тасқыны кезінде Батыс Қазақстан облысының Қамыс-Самар көлдеріне 80 млн текше метр су жіберілді. Ұлытау облысынан Қызылорда облысына 839 млн текше метр су келді. Осының арқасында, бақылау тарихында алғаш рет бұл су Сарысу өзені арқылы Қызылорда облысының көлдер жүйесіне жетті.Су дипломатиясы, суды дәл бөлу және су үнемдеу технологияларын енгізу арқылы еліміздің оңтүстігінде су балансын жақсартуға қол жеткізілді.Мәселен, биыл Солтүстік Аралға шамамен 2,5 млрд текше метр су жіберілді, бұл 2023 жылмен салыстырғанда 400 млн текше метрге артық. Бұл ретте, Қызылорда облысының шаруалары су үнемдеу технологияларын пайдаланғандықтан 200 млн текше метрге дейін су үнемдеп, ол су Солтүстік Аралға жіберілгенін де айта кеткен жөн.Жыл басынан бері Қызылорда облысының көлдер жүйесіне 4,7 млрд текше метрден астам су жіберілді. Салыстыру үшін, өткен жылы бұл көрсеткіш шамамен 4,3 млрд текше метр еді.«Біз әрқашан су ресурстарын бөлуде экономиканың қажеттіліктері мен су нысандарының экожүйесін қолдау арасындағы дұрыс тепе-теңдікті іздейміз. Биыл шаруалар мен басқа да су пайдаланушыларға кері әсерін тигізбестен үлкен және шағын су айдындарын сақтау және қалпына келтіру бойынша үлкен жұмыс атқарылды. Мысалы, өткен суару кезеңінде еліміздің шаруа қожалықтарына шамамен 11 млрд текше метр су берілді. Болашақта бұл бағыттағы жұмыс жақсарады. Оның ішінде суды сауатты басқару және тұтынуға басымдық беретін жаңа нормативтік-құқықтық база құру есебінен де нәтижеге жетуге ниеттіміз», - деді Су ресурстары және ирригация министрі Нұржан Нұржігітов.Ақпарат көзі : https://www.gov.kz/memleket/entities/water/press/news/details/907257

Министрлік құрылғалы бері 100-ден астам конкурстық өткізілді. Жарияланған бос орындарға 1100-ден артық үміткер өтініш білдіріп, қортынды бойынша 148-ге жуық адам тағайындалды.Толығырақ «Іскерлік үзіліс» айдарының кезекті санында ҚР Су ресурстары және ирригация министрлігінің Кадр жұмыстары департамент басшысы Әсия Баймұратқызы айтып берді. Ақпарат көзі : https://www.gov.kz/memleket/entities/water/press/news/details/907665

Батыс Қазақстан облысы бойынша «Қазсушар» филиалы көктемде тасқын суын қабылдау үшін 14 су қоймасын орта есеппен 50%-ға босатты. Бүгінгі таңда мекеме иелігіндегі су қоймаларында 247 млн текше метрге жуық бос орын бар.Филиал су тасқыны кезеңінде лимандарға, көлдерге және су қоймаларына шамамен 500 млн текше метр су жіберуді жоспарлап отыр.«Бүгінгі таңда барлық су қоймалары қысқы жұмыс кестесіне ауысты. Яғни, біз тасқын суын қабылдау үшін бос орындар дайындап жатырмыз. Мысалы, Шолақаңқаты су қоймасы 70%-ға, Шаған су қоймасы 60%, Сұлусай су қоймасы 65%, Емболатов су қоймасы 50%-ға босатылды. Су тасқынын қауіпсіз өткізу үшін су қоймаларынан су жіберу жұмысы жалғасуда»,- деді Батыс Қазақстан облысы бойынша «Қазсушар» филиалының директоры Рауан Хусаинов.Сондай-ақ, су тасқыны кезеңіне дайындық аясында Батыс Қазақстан филиалы инертті материалдар және жанар-жағармай қорын әзірлеп жатыр. Жалпы ұзындығы 73,6 шақырым болатын канал механикалық әдіспен тазартылып, 6 нысан қалпына келтірілді, 13 гидротехникалық құрылыста ағымдағы жөндеу жүргізілді.Ақпарат көзі : https://www.gov.kz/memleket/entities/water/press/news/details/907679

Каспий теңізіне 17 млрд текше метр, Балқаш көліне 15,4 млрд текше метр және Солтүстік Аралға 2,5 млрд текше метр су жіберілді.Қапшағай су қоймасы соңғы 10 жылда алғаш рет 100%-ға толып, 18 млрд текше метрден астам су жинады.Жыл басынан бері Қызылорда облысының көлдер жүйесіне 4,7 млрд текше метрден астам, Батыс Қазақстан облысының Қамыс-Самар көлдеріне 80 млн текше метр су жіберілді.Алғаш рет Ұлытау облысынан Сарысу өзені арқылы Қызылорда облысының көлдер жүйесіне 839 млн текше метр су келді.Ақпарат көзі : https://www.gov.kz/memleket/entities/water/press/news/details/907681

ҚР Оқу-ағарту министрлігінің 2024 жылдың қорытындысы бойынша жетістіктері 2024 жыл - Қазақстанның білім беру жүйесінің дамуында маңызды кезең болды. Оқу-ағарту министрлігі уәкілетті орган ретінде мектепке дейінгі білім беруден бастап техникалық және кәсіптік білім беруге дейінгі барлық деңгейдегі білім берудің сапасын арттыруға бағытталған стратегиялық мақсаттарды жүзеге асырып келеді. Мектепке дейінгі білім беру Бүгінгі таңда елімізде 11,6 мың мектепке дейінгі білім беру ұйымында шамамен 1 миллион бала тәрбиеленуде. 2024 жылдың қорытындысы бойынша ел өңірлерінде 75,5 мың орынға арналған 627 мектепке дейінгі ұйым ашылып, кезекте тұрған 2-6 жас аралығындағы балалардың 93,1%-ы мектепке дейінгі оқыту және тәрбиемен қамтылды.Мектепке дейінгі ұйымдарда ашықтықты қамтамасыз ету мақсатында 2024 жылы Тараз, Шымкент, Түркістан және Орал қалаларында пилоттық режимде ваучерлік қаржыландыру жүйесі енгізілді. Алдағы уақытта бұл жүйені бүкіл ел аумағы бойынша тарату жоспарлануда.Сонымен қатар мектепке дейінгі ұйымдар жанынан балалары балабақшаға бармайтын ата-аналар үшін 4,2 мыңнан астам кеңес беру пункті жұмыс істейді. Бұл пункттер балаларды тәрбиелеу мен дамытуда ата-аналар үшін үлкен көмек, сондай-ақ ол балалардың мектепке дейінгі білім алуына тең мүмкіндікті қамтамасыз етеді. Биылғы жылы 328 мыңнан астам ата-ана мен балаға әдістемелік және педагогикалық қолдау көрсетілді. Балабақшаға бармайтын балалардың ата-аналарын қолдау мақсатында «Беске дейін үлгер» мобильді қосымшасы әзірленіп, іске қосылды. Ол Абай, Ақтөбе, Қарағанды және Қызылорда облыстарында пилоттық режимде сынақтан өтіп, ата-аналар тарапынан оң бағаланды.Мектепке дейінгі және бастауыш білім берудің арасында синхрондау жұмыстары жүргізілуде. Оның шеңберінде баланың жеке даму картасы цифрландырылғанын да атап өту керек.Ұлттық құндылықтар негізінде «Тәрбие бесігі» бағдарламасы әзірленді. Балаларды ерте жастан тілдік ортаға бойлату мақсатында биылғы жылдың қыркүйек айында білім беру ұйымдарында әлеуметтік орта қалыптастыруға бағытталған «Тілге бойлау» пилоттық жобасы іске қосылды. Бұл жоба халықаралық инновациялық тәжірибелерге негізделген, ол баланың шығармашылық дамуын ынталандырып, оқу процесінде қолдау көрсетеді. Әдістің ерекшеліктерінің бірі – балалардың шығармашылығын шектемей, керісінше оны дамыту, бұл олардың байланыстырып сөйлеу қабілеті мен сөздік-логикалық ойлау деңгейіне оң әсер етеді. Қазіргі уақытта жоба елдің бес өңірінде жүзеге асырылуда.Сонымен қатар болашақ бірінші сынып оқушыларына арналған «Балақайлар мектебі» мектепалды даярлық бағдарламасы әзірленді. Ол бағдарлама мектепке дейінгі білім мен бастауыш мектеп арасындағы сабақтастықты қамтамасыз етіп, педагогтер мен ата-аналарға балаларды мектептегі оқу процесіне стандартты оқу бағдарламасының барлық бағыттары бойынша даярлауға мүмкіндік береді. Бағдарлама Мемлекеттік жалпыға міндетті мектепке дейінгі білім беру және оқыту стандарттарының талаптарына сәйкес әзірленген. Биыл бұл бағдарламадан 115 мың бала өтті. Орта білім беру Бүгінде орта білім беру жүйесінде 7964 мектеп бар, онда 3,9 миллионнан астам бала білім алып, 408 мың педагог қызмет етеді.2024 жылы қол жеткізген ірі жетістіктердің бірі – халықаралық олимпиадаларға қатысқан қазақстандық оқушылардың әрбір екіншісі жүлделі орындарға ие болды. Химия пәні бойынша ең беделді Халықаралық олимпиадада (IChO) және робототехникадан «First Global Challenge» әлем чемпионатында қазақстандық оқушылар 190 елдің арасынан оза шауып, екі олимпиадада да үш мәрте әлем чемпионы атанды. Қазақстан құрамасының қоржыны жалпы 563 медальмен толықты, оның ішінде 77 алтын, 201 күміс және 285 қола медаль бар. Ең беделді 7 олимпиадада жүлделі орындарға ие болған 26 қазақстандық оқушыға ақшалай сыйақылар тағайындалды: алтын медаль үшін – 1500 АЕК, күміс үшін – 1000 АЕК, қола үшін – 500 АЕК.Тағы бір жарқын оқиға ретінде - шілде айында Қазақстанда IBO-2024 ең беделді биология пәні бойынша Халықаралық олимпиаданың өткізілуін атауға болады. Оған 81 елден 305 жас биолог пен 275 ғалым қатысты. Қазақстан құрамасы 100% медальдық нәтиже көрсетіп, халықаралық аренада еліміздің абыройын асқақтатты.Екінші жыл қатарынан Ауыл мектептерінің оқушыларына арналған республикалық пәндік олимпиада өткізіліп келеді. Нәтижесінде ауылдық оқушылардың жүлделі орындарға ие болу көрсеткіші 10 есеге жуық артып, мыңдаған ауыл балалары үшін жаңа мүмкіндіктерге жол ашты.Еліміздің тарихында алғаш рет екі бірдей педагог «Қазақстанның Еңбек Ері» атағына ие болды. Оларға сондай-ақ, «Алтын жұлдыз» ерекше белгісі мен «Отан» ордені табысталды. Педагогтердің мұндай атаққа ие болуы Президенттің олардың еңбегін жоғары бағалауы және ұстаздар қауымына көрсеткен құрметі. Марапат иегерлері: Алматы қаласындағы №4 арнайы мектеп-интернатының 40 жылдық еңбек өтілі бар математика пәні мұғалімі Гүлжанар Нұрпейісова және Батыс Қазақстан облысы Орал қаласындағы Асан Тайманов атындағы №34 мектеп-гимназиясының мұғалімі Эльмира Траисова.Сонымен қатар, Мемлекет басшысының қолынан 23 педагог «Қазақстанның еңбек сіңірген ұстазы» атағын алды. Республикалық байқау қорытындысы бойынша тағы 64 педагог «Үздік педагог» атанды. Барлық 89 педагогке 1000 АЕК (3,6 миллион теңге) көлемінде мемлекеттік сыйақы тағайындалды.Педагог мамандығына түсуге ниет білдіруші жастар саны айтарлықтай артты. Егер өткен жылы 1500 «Алтын белгі» иегері мұғалім болуды таңдаса, 2024 жылы олардың саны 1800-ге жетті. Биылғы жылы еліміздің мектептеріне 8 мыңнан астам жас мұғалім жұмысқа қабылданды.Сапалы білім беру мен елдік мақсатқа бағдарланған тәрбие жұмыстарының дұрыс жүргізілуі әрине, білім беру ұйымдарының басшыларының кәсіби әлеуетіне байланысты. 2023 жылы Мемлекет басшысының бастамасымен «Президенттік жастар кадрлық резерві» үлгісімен «Білім берудегі өзгерістердің 1000 көшбасшысы» жобасы іске қосылды. Нәтижесінде шығармашылық, көшбасшылық және жасампаздық қасиеттерге ие жаңа басшылар құрамы құрылды. Жоба аясында өткен жылы 207 педагог, биыл – мектепке дейінгі, орта, техникалық және кәсіптік білім беру ұйымдарының 376 педагогі іріктеу мен дайындықтан өтті.Сонымен қатар, орта білім беру ұйымдарынан 80 мыңнан астам педагог «Өрлеу» БАҰО ұйымдастырған тегін біліктілікті арттыру курстарынан өтті, олардың 57,8%-ы ауыл мектептерінің мұғалімдері.Еліміздегі мектептердің 67%-ы ауылдық жерлерде орналасқан. Қала және ауыл мектептері арасындағы білім сапасының алшақтығын азайту және ауыл мектептерінің әлеуетін көтеру мақсатында «Ауыл мектебі – сапа алаңы» республикалық жобасы жүзеге асырылуда. Жоба аясында өңірлерде де кіші жобалар іске қосылды. Атап айтар болсақ, мәселен, Ақтөбе облысында «Шағын жинақты ауыл мектептерінің әлеуетін цифрлық технологияларды пайдалана отырып дамыту», Алматы облысында «Жаратылыстану-математика бағытындағы пәндер бойынша білім сапасын арттыру», Маңғыстау облысында ««Отпан» тірек мектептер желісін дамыту» Ұлытау облысында «Ustaz Ulytau» жобалары өз нәтижелерін берді. Жалпы, жоба нәтижелерінен биылғы жылы 2023 жылмен салыстырғанда, шағын жинақты ауыл мектептеріндегі білім сапасының орта есеппен 7-9%-ға артқанын аңғаруға болады.Әлеуметтік жағынан осал отбасы балаларына қорытынды емтихандарға дайындалуда қолдау көрсету мақсатында 2024 жылдың қыркүйегінде 2576 мектепте «Цифрлық ұстаз» жаңа жобасы іске қосылды. Оның аясында оқушыларға электронды платформалар мен цифрлық білім беру ресурстарына қолжетімділік берілді. Сондай-ақ базалық пәндер бойынша қосымша сабақтармен 27 114 оқушы қамтылды.Мемлекет басшысының тапсырмасына сәйкес ҚР оқу-ағарту министрлігі ЦДАӨМ-мен, Astana hub халықаралық технопаркімен және «Өрлеу» БАҰО-мен бірлесе отырып, оқушылар мен педагогтерді бағдарламалау негіздеріне оқытуға арналған онлайн білім беру платформасының пилоттық жобасын іске қосты. Оның аясында 300-ден астам мұғалім мен дәріс берушілер екі бағыт бойынша біліктіліктерін арттырады: «Жасанды интеллект» және Game Development. Сонымен қатар, 27 мыңнан астам мектеп оқушысы бағдарламалау дағдыларын меңгереді. Техникалық және кәсіптік білім Бүгінде елімізде 772 техникалық және кәсіптік білім беру ұйымы бар, онда 565 мың студент білім алуда, оның ішінде 177 мың студент оқуға биылғы жылы қабылданды.Дуальды оқытумен 91 мың студент қамтылған. 2024 жылдың қорытындысы бойынша еліміздегі колледждерде мемлекеттік білім беру тапсырыстарының көлемі 143 мың орынға өсті, бұл өткен жылмен салыстырғанда 10 мыңға артқанын көрсетеді. Ал студенттерді сұранысқа ие мамандықтар бойынша тегін техникалық және кәсіптік біліммен қамту 90 пайызды құрады. Мемлекет басшысының тапсырмасы бойынша мемлекеттік тапсырыстардың 65 пайызы техникалық мамандықтарға, оның ішінде машина жасау, көлік, энергетика, IT, құрылыс салаларына бағытталған. Бүгінгі таңда Қазақстандағы колледж түлектерінің жұмысқа орналасу көрсеткіші 79 пайызды құрайды.Колледж студенттерін қолдау мақсатында шәкіртақы төлемдері екі есеге ұлғайтылды: 2023 жылы – 50%, 2024 жылы 300 мыңнан астам студентті қамти отырып тағы 50%-ға артты. Мұқтаж студенттердің 87 пайыздан астамы жатақханаларда орынмен қамтамасыз етілді. 2019-2023 жылдар аралығында 14,8 мың орындық 76 жатақхана, биыл 1,2 мың орындық тағы 4 жатақхана пайдалануға берілді. Бұдан басқа мемлекеттік тапсырыс бойынша білім алатын студенттерге әлеуметтік қолдау көрсетіледі: олар үшін тамақтану ұйымдастырылады және жолақы төленеді. Әрине, бұл техникалық мамандықтарға түсуге ниет білдірушілердің санының артуына өз септігін тигізді.Ұлттық құрама ел тарихында тұңғыш рет Францияның Лион қаласында өткен 47-ші Халықаралық WorldSkills чемпионатында ауыз толтырып айтарлықтай нәтиже көрсетіп, 6 үздік медальон мен «Ұлт үздігі» номинациясын жеңіп алды.Техникалық және кәсіптік білім беру жүйесін дамытудың жаңа тәсілдері әзірленді. Колледждерде кадрларды даярлау өңірлердің экономикасын ескере отырып, 4 макроөңірдің ерекшеліктері негізінде жүзеге асырылады. Бүгінгі таңда 195 колледжді бейіндеу және ірілендіру жұмыстары басталды.Колледждерде 160 стартап жоба іске қосылып, 104 колледждің материалдық-техникалық базасы жаңартылды. Кәсіби стандарттардың, МЖМБС және WorldSkills стандарттарының талаптарын ескере отырып, 8 мыңға жуық білім беру бағдарламасы әзірленді. Оқытудың тиімді озық әдістері мен тәсілдерін тарату мақсатында локомотив колледждер анықталды, заманауи колледждер базасында 3 IT орталық құрылды. Инклюзивті орта Білім беруде инклюзивті және кедергісіз орта құру барлық оқушылар үшін тең мүмкіндіктер қамтамасыз етудің негізгі факторы болып табылады. Бүгінде еліміздегі мектептердің 90%-да инклюзивті білім алуға жағдай жасалған, ал балаларды арнайы психологиялық-педагогикалық қолдаумен қамту 85%-ға жетті.Биыл алғаш рет психологиялық-педагогикалық қолдаудың үш деңгейлі моделі енгізілді, ерекше білім беру қажеттіліктері бар балалармен жұмыс істеуге арналған қолдау көрсету бөлмелері мен жеке бағдарламалар үшін жаңа талаптар әзірленді.Мектептерде «педагог-ассистент» лауазымы енгізілді, бұл осы саладағы мамандардың санын бір жылда 1 мыңнан 2,5 мыңға дейін арттыруға мүмкіндік берді. I және II топтағы мүгедектігі бар жандар, бала кезінен мүгедектер және мүгедек балалар үшін техникалық және кәсіптік білім беру ұйымдарына оқуға қабылдау квотасы 10%-ға ұлғайтылды.ПМПК ашудың нормативі 60 мың баладан 50 мың балаға дейін төмендетілді. Арнайы ұйымдар желісі көбейіп келеді. Олардың саны 496-ға жетіп, өткен жылмен салыстырғанда 10 бірлікке артты. Ерекше білім алуды қажет ететін балаларға арналған 96 қолдау бөлмесі ашылды. 600-ден астам арнайы оқыту бағдарламасы әзірленді. Балалардың құқықтарын қорғау Балалардың қауіпсіздігін қамтамасыз ету және олардың құқықтарын қорғау еліміздің әлеуметтік саясаты мен құқықтық жүйесінің маңызды аспектілерінің бірі болып табылады.Балалардың құқықтарын бұзу жағдайларына жедел ден қою үшін биылығы жылдан бастап бақылау субъектілеріне ескертусіз жоспардан тыс тексерулер енгізілді, объектілердің тізбесін ұлғайту бөлігінде Балалардың құқықтарын қорғау комитетінің бақылау функциялары кеңейтілді, оның ішінде әкімшілік жауапкершілікке тарту өкілеттігі берілді. Өңірлік бала құқықтары жөніндегі уәкілдің мәртебесі мен өкілеттігі заңмен белгіленді.Әйелдердің құқықтарын және балалардың қауіпсіздігін қамтамасыз ету туралы заңының аясында биылығы жылдың маусым айында балаларға қатысты зорлық-зомбылықтың кез келген көріністері үшін жауапкершілікті күшейтетін нормалар енгізілді. «111» байланыс орталығының қызметі заңды түрде бекітілді.Елімізде 330-дан астам адам жетім балаларға тәлімгерлік етуде. Қорғаншылық және қамқоршылық органдарының мамандардың штаттық саны 692 бірлікке дейін ұлғайтылды. Жетім балаларға арналған 36 ұйым Балаларды қолдау орталықтарына трансформацияланды.Мемлекет әлеуметтік жағынан осал отбасылардан шыққан 510 мыңнан астам балаға Жалпыға міндетті білім беру қорынан киім-кешек пен оқу құралдарын сатып алуға 22,5 миллиард теңгеден астам қолдау көрсетті. Ол атаулы әлеуметтік көмек (АӘК) алатын, табысы ең төменгі күнкөріс деңгейіне жетпейтін отбасылардағы оқушыларға, жетім және ата-анасының қамқорлығынсыз қалған балаларға, сондай-ақ төтенше жағдайлар салдарынан шұғыл көмекке мұқтаж отбасылардағы оқушыларға көрсетілді.Биыл алғаш рет еліміздің 20 өңірінде Психологиялық қолдау көрсету орталықтары ашылды. Бірнеше айдың ішінде бұл орталықтарда 240 мыңға жуық азаматқа (оқушылар, ата-аналар, мұғалімдер) көмек көрсетілді.Білім беру ұйымдарында Жеке қауіпсіздік сабақтары жүргізіле бастады. Сабақтарда жеке бас қауіпсіздігінің негіздері, қоғамдық орындарда, көшеде, үйде және интернетте өзін-өзі ұстаудың қауіпсіз ережелері туралы дәрістер беріледі. «Қазақстанның медиация мектептері» жобасы жүзеге асырылуда. Ол қауіпсіз және қолдаушы білім беру ортасын құруға бағытталған. Бастама аясында еліміздің барлық мектептерінде мектеп медиация қызметтері жұмыс істей бастайды. Медиация қызметіне жоғары сынып оқушылары, мұғалімдер, психологтар, әлеуметтік қызметкерлер, ата-аналар, сондай-ақ үкіметтік емес ұйымдардың, қамқоршылық кеңестер мен аға буын өкілдері тартылды. Тәрбие жұмысы. Қосымша білім беру. Мектеп балалардың бойында азаматтық-патриоттық құндылықтарды қалыптастыруда басты рөлдердің бірін атқарады.Өткен жылдың қыркүйек айында министрлік алғаш рет «Біртұтас тәрбие» бағдарламасын әзірлеп, қабылдаған болатын. Биылғы жылы бағдарлама Мемлекет басшысының Ұлттық Құрылтайдың үшінші отырысында жария еткен «Адал адам – Адал еңбек – Адал табыс» қағидатындағы алты құндылық тобына және 77 қадамдық іс-шараға сәйкес қайта жаңартылды.Бағдарлама аясында еліміздің барлық мектептерінде Ата-аналарға педагогикалық қолдау көрсету орталықтары жұмыс істеуде. Олардың басты бағыты балаларды оқыту мен тәрбиелеуде отбасы мен мектептің өзара ынтымақтастығын арттыру, позитивті ата-ана мәдениетін қалыптастыру болып табылады. Бағдарламаның жүзеге асырылуының арқасында ата-аналардың балаларының мектептегі өміріне қатысуы 40%-дан 60%-ға дейін өсті. Мұғалімдер арасында жүргізілген сауалнама нәтижесі бойынша респонденттердің 82%-ы бағдарламаның сынып жетекшілерінің кәсіби дамуына оң әсерін, 84%-ы «Біртұтас тәрбиенің» оқушы белсенділігінің өсуіне оң әсерін, ал 71%-ы мектеп пен отбасының өзара ынтымақтастығының артқанын атап өтті.«Оқуға құштар ұлт» жобасына қосылған оқушылар саны 30 пайыздан асты, мектеп кітапханаларының қоры биылғы жылы 1,3 миллион кітапқа артып, жалпы саны 4,8 миллион дананы құрады. 1717 коворкинг-орталықтарын құру арқылы білім беру ұйымдары кітапханаларының материалдық-техникалық базасы жақсартылды.Ел Президенті балалардың шығармашылық пен қолөнердің қыр-сырын меңгеруі үшін балалар үйірмелерінің жұмысын қалпына келтіру міндетін қойды. Биылғы жылы балаларды қосымша біліммен қамту 86,3%-ға дейін өсті – бұл 3,3 млн бала, ал қосымша білім беру ұйымдарының желісі 1625-тен 1713-ке дейін артты. Жалпы, қосымша білім беру үш бағытта жүзеге асырылады: мектептен тыс ұйымдар, мектеп үйірмелері мен спорт секциялары. Елімізде барлығы 1625 мектептен тыс ұйым бар және әртүрлі бағыттағы 380 үйірме түрі ұсынылады.Сонымен қатар қосымша білім беру ұйымдарының құрылысы да қарқынды жүруде. Биылдың өзінде 8 қосымша білім беру орталығы, 3 балалар сауықтыру орталығы (лагерьлер), ауылдық мектептерде 779 комъюнити-орталықтар ашылды, 190 қосымша білім беру ұйымы жаңартылды.Балалардың сауықтыру демалысын, жұмыспен қамтылуын және бос уақытын тиімді пайдалануды ұйымдастыру 2024 жылдың жазында басты мәселелердің біріне айналды. Биыл алғаш рет лагерьлер үшін бірыңғай талаптар әзірленіп, оның жұмысына волонтерлер мен қосымша білім беру мұғалімдері тартылды. Сондай-ақ, лагерьге қабылдау мен нұсқаулық өткізудің республикалық мониторингі құрылды. Уәкілетті мемлекеттік органдар бекіткен балаларды сауықтыру орталықтарының тізілімі жасалды. Балалар мен олардың ата-аналарына ыңғайлы болу үшін «Балаларға базарлық» және «Қауіпсіз жаз» ақпараттық пакеті әзірленді. Балалардың жазғы демалыс мәдениетін дамыту және олардың қауіпсіздігін қамтамасыз ету үшін Қазақстан Республикасының Оқу-ағарту министрлігі «Сенің қуанышқа толы демалысың» Guidebook-ін әзірледі. 120 мың педагог-ұйымдастырушы арнайы оқудан өтті. Өңірлерде «Ұлы дала кереметі», «Жас Ғалым», «Гастро туризм», «Бір күн қалада», «Қонақжай отбасы» атты жазғы демалысты ұйымдастыру бойынша бірегей жобалар жүзеге асырылды. 2024 жылдың жазының қорытындысы бойынша 11287 балалар сауықтыру орталықтарында 3,1 млн оқушы немесе балалардың 93,4%-ы демалыспен және сауықтырумен қамтылды, оның ішінде 600 мыңнан астам бала әлеуметтік жағынан осал отбасылардан және 5 мыңнан астамы су тасқынынан зардап шеккен өңірлерден. Инфрақұрылым, қауіпсіздік, цифрландыруБілім беру инфрақұрылымын жақсартуға ерекше көңіл бөлініп келеді. Биылғы жылдың қорытындысы бойынша елімізде 200 мыңнан астам оқушы орны құрылды.Оның ішінде 19 нысан Білім беру инфрақұрылымын қолдау қоры есебінен қаржыландырылды. Республикалық және жергілікті бюджет есебінен, сондай-ақ инвестиция тарту есебінен – 56 мектеп ашылды.Ел тарихындағы ең жарқын оқиғаның бірі - «Жайлы мектеп» Ұлттық жобасының басталуы болды, оның аясында бүгінге дейін 41 мектеп ашылды. Қуанарлығы сол, жайлы мектептердің 44 пайызы ауылдық жерлерде орналасқан.Мектеп құрылысының бұрын-соңды болмаған қарқынмен салынуы - білім беру ұйымдарында орын тапшылығы мен үш ауысымда оқу мәселесін едәуір азайтуға мүмкіндік берді. Осылайша, бүгінде елімізде бір ауысымда жұмыс істейтін мектептер саны 3 мыңға жуықтады. Сонымен қатар, 280 мектеп күрделі жөндеуден өтті, 842 мектепке 1395 заманауи пән кабинеттері (робототехника, химия, биология, физика, STEM) сатып алынды. 1000 ауыл мектебін жаңғырту 7 бағыт бойынша жүргізілді: ағымдағы жөндеу, жиһаздарды, кітапханаларды, асханаларды жаңарту, қауіпсіздік жағдайын жақсарту. Су тасқынынан зардап шеккен 25 нысан қалпына келтірілді.10 мыңнан астам білім беру ұйымдарының қауіпсіздік жүйелерінің техникалық жарақтандырылуы арттырылды.Биылғы жылдың қыркүйек айынан бастап әлеуметтік жағынан осал отбасылардан шыққан 1,7 миллион мектеп оқушысы мен 97 мың балабақша тәрбиеленушісі тегін ыстық тамақпен қамтылды. Денсаулық сақтау министрлігімен бірлесіп білім беру ұйымдарындағы балалардың тамақтану стандарттары қайта қаралып, білім беру ұйымдарында жаңа тамақтану стандарты әзірленді.Мемлекет басшысының тапсырмасы бойынша білім беруді цифрландыру үдерісін жеделдету бойынша кешенді жұмыстар жүргізілуде. Осылайша, 2024 жылдың қорытындысы бойынша мектептерде интернет жылдамдығы 19%-дан 90%-ға дейін ұлғайтылды. Қазақстандық мектептердегі жоғары сапалы интернет көрсеткіші 3 есеге өсті. Сондай-ақ мектеп оқулықтары 100 пайыз цифрлық форматқа көшіріліп, 11 платформада қолжетімді болды.Еgov Mobile мобильді қосымшасында жаңа Bilim қызметі іске қосылды. Онда негізгі және жалпы орта білім туралы цифрлық аттестат қолжетімді. Электронды үкіметтің egov.kz веб-порталында мектептердің бірінші сынып оқушыларын және колледж студенттерін қабылдау жүйесі автоматтандырылды.«Педагогтерді жұмысқа қабылдау» модулі әзірленді, онда бос оқытушы лауазымына орналасу үшін ашық конкурс өткізіледі. Цифрлық шешімдердің арқасында мұғалімдер үшін республикалық байқаулар өткізу кезінде өтінімді онлайн беру, оның қай кезеңде екенін, сарапшылардың қандай балл қойғанын бақылау және т.б. қызметтер қолжетімді болды.Астана қаласында және Маңғыстау, Ақмола, Батыс Қазақстан облыстарында 215 мектепте тиісті санаттағы балаларды тегін тамақтандыру бойынша «Әлеуметтік әмиян» пилоттық жобасы жүзеге асырылуда.Ақпарат көзі : https://www.gov.kz/memleket/entities/edu/press/news/details/907391

Қазақстан Республикасы Білім министрлігінің қолдауымен ағымдағы жылдың сәуір айында басталған «Педагогикалық идеялар панорамасы - 2024» республикалық бейне сабақтар мен бейнедәрістер байқауының қорытындысы шығарылды. қорытындылады. Оған 5000-ға жуық педагог қатысты, оның ішінде 108-і жүлделі орындарға ие болды. Мақсаты пәнаралық негізде оқушылардың ерте/функционалдық сауаттылығын дамыту саласындағы заманауи педагогикалық тәжірибе мен мұғалімдер арасындағы өзара іс-қимылдың озық тәжірибесін жинақтау және танымал ету. . Байқау екі кезеңнен тұрады: облыстық және республикалық. 12 бағыт бойынша бейнероликтер жасалып, оларды облыстық сарапшылық кеңес мүшелері жеті критерий бойынша бағалады. «Республикалық сарапшылық кеңес жұмысына «Өрлеу» АҚ өкілдері мен байқау бағыттары бойынша сыртқы сарапшылар тартылды. Конкурстық жұмыстарды бағалау тәртібі ашық және айқын болды. Республикалық кезең жеңімпаздарының тізімі біздің орталықтың сайтында және филиалдарының ресми аккаунттарында орналастырылады», - деді «Өрлеу» біліктілікті арттыру ұлттық орталығының басқарма төрайымы Айдана Шилібекова. Осылайша, 102. мұғалімдер 1, 2, 3 дәрежелі дипломдардың иегерлері атанды. Әр сала бойынша YouTube-те ең көп қаралған бейнероликтердің авторлары анықталды. Сонымен қатар, биыл ЮНЕСКО алғаш рет байқауға қатысушылардың жұмысын бағалап, «Жаһандық азаматтық үшін білім беру» және «Климаттың өзгеруі бойынша білім беру» салаларында қосымша арнайы марапаттарды табыс етті. Бұл бастама байқаудың сапасы мен өзектілігін арттырып, оның мәртебесін халықаралық сарапшылық деңгейге жақындатты.Ақпарат көзі : https://www.gov.kz/memleket/entities/edu/press/news/details/907809

Астанада «Қазақстан туризмінің болашағы: стратегиялар, сын-қатерлер және шешімдер» атты стратегиялық сессия өтті. Қатысушылар саладағы негізгі сын-қатерлерді талқылап, 2024 жылдың жетістіктерін қорытындылады. Сондай-ақ саланың болашақтағы даму жоспарын айқындады.Сессияға ҚР Үкіметі Аппараты мен ҚР Сыртқы істер министрлігі секілді мемлекеттік құрылымның өкілдері, Kazakh Tourism және Kazakh Invest ұлттық компанияларының басшылары, сондай-ақ Қазақстан туристік индустриясының жетекші халықаралық сарапшылары мен өкілдері қатысты. Халықаралық спикерлер арасында Marriott International және Gratiya Advisory компанияларының өкілдері сөз сөйлеп, әлемдік тәжірибелерін ортаға салды.Іс-шара барысында саланың 2024 жылғы жұмысы қорытындыланды. Мәселен, биыл шетелдік туристер ағыны 11,5 миллион адамға жетіп, 2023 жылмен салыстырғанда екі есе артты. Орналастыру орындарының табысы 27%-ға артып, 224 миллиард теңгеге жетті. Сондай-ақ Қазақстанның әлемдік туристік нарықтағы имиджін нығайтуға ықпал еткен «Қазақстан бойынша гид» атты ауқымды конкурс пен қазақстандық белгілі тұлғалар қатысқан халықаралық жарнамалық науқандар сынды жобалар іске асырылды.«Жыл басынан бастап жеке инвесторлар мен кәсіпкерлік субъектілеріне мемлекеттік қолдау шараларының тиімділігін арттыруға назар аудару қажет. Сонымен қатар туристік салаға тікелей шетелдік инвесторларды тарту жөніндегі жұмыстарды жандандыру керек. Бұдан бөлек, курорттық аймақтардың инженерлік-инфрақұрылымдық қамтамасыз етілуін жақсарту үшін, соның ішінде жолдар, электрмен қамтамасыз ету және су құбыры жүйелері бойынша қажетті нормативтік құқықтық актілер мен заңнамаға өзгерістер енгізу маңызды», – деп атап өтті Туризм және спорт министрінің орынбасары Ержан Еркінбаев.Жиында мемлекеттік қолдау механизмдерін жетілдіруге, саланың инвестициялық тартымдылығын арттыруға және Kazakh Tourism-нің стратегиялық рөліне ерекше назар аударылды.Сессия қорытындысы бойынша қатысушылар Қазақстандағы туризмді дамыту үшін нақты қадамдарды айқындап, Kazakh Tourism функцияларын жетілдіру, жаңа қаржыландыру тетіктерін енгізу және еліміздің халықаралық туристік алаңдағы орнын нығайту мәселелерін қарастырды.Туризм және спорт министрлігі Қазақстанның туристік саласының тұрақты өсуіне негіз болатын сындарлы диалог пен ынтымақтастық үшін барлық қатысушыларға алғыс білдіреді.Ақпарат көзі : https://www.gov.kz/memleket/entities/tsm/press/news/details/907952

ҚР Туризм және спорт министрінің орынбасары Серік Жарасбаев Павлодар облысының тұрғындарымен есеп беру кездесуін өткізді. Жиынға жергілікті атқарушы органдардың өкілдері, қоғам белсенділері, спортшылар, жаттықтырушылар, БАҚ өкілдері және басқа да тұлғалар қатысты. Кездесу барысында министрдің орынбасары министрліктің туризм және спорт саласындағы негізгі бастамалары, сондай-ақ «Дене шынықтыру және спорт туралы» жаңартылған заң жобасы туралы баяндады. Серік Жарасбаев Мәжілісте бірінші оқылымда қабылданған жаңа заң жобасына балалар мен бұқаралық спортты дамытуға, қаржыландырудың ашықтығын арттыруға және ұлттық спорт түрлерінің рөлін нығайтуға бағытталған маңызды өзгерістер енгізілгенін атап өтті. «Спорт саласында ресурстарды ашық және әділ бөлу – чемпиондардың жаңа буынын тәрбиелеуге және барлық ел азаматтарына қолайлы жағдай жасауға негіз болады», – деді ол. Кездесу барысында 2025 жылы спорт мектептерінде жан басына шаққанда қаржыландырудың пилоттық жобасын енгізу жоспарланып жатқаны айтылды. Жиынға қатысушылар облыстың спорт инфрақұрылымын дамытудағы жаңа тәсілдерге қызығушылық танытты. Серік Жарасбаев Павлодар облысында 24 балалар мен жасөспірімдер спорт мектебі жұмыс істейтінін, онда 24 356 оқушы жаттығатынын және министрлік Дене шынықтыру мен спорттың цифрлық платформасын (E-sport) іске асыруды жалғастырып жатқанын айтты. Аталған платформа саланы модернизациялауда маңызды қадам болмақ. «Әрбір аймақ, әрбір спорт мектебі балалар мен жастар үшін қызықты орталыққа айналуға тиіс. Біздің міндетіміз – спортты қолжетімді әрі тартымды ету, сондай-ақ әрбір адамның спорттық әлеуетін толық ашуға жағдай жасау», – деді Серік Жарасбаев. Министрдің орынбасары есеп беру кездесуінен кейін азаматтарды жеке қабылдап, олардың сұрақтарына жауап беріп, мәселелері мен ұсыныстарын тыңдады. Сондай-ақ өңірдегі бірқатар спорт нысандарын аралап, жұмыс барысымен танысты.Ақпарат көзі : https://www.gov.kz/memleket/entities/tsm/press/news/details/907954

Тәуелсіздік күніне орай Алматы облысының Райымбек ауданында маңызды оқиға орын алды – жаңа жастар орталығының салтанатты ашылуы. Бұл облыста биыл ашылған төртінші орталық болып табылады және ол жастарға арналған кешенді қолдау бағдарламасын жүзеге асыруда маңызды қадам болып табылады.Жастар орталығы жастарға кең ауқымды қызметтерді ұсынады, оның ішінде мемлекеттік бағдарламалар бойынша консультациялар, психологиялық және құқықтық көмек, жұмысқа орналасуға жәрдем көрсету, сондай-ақ NEET категориясына (жұмыс істемейтін, оқымайтын және біліктілігін арттырмайтын жастар) ерекше назар аударылып, қаржылық сауаттылықты арттыру курстары ұсынылады. Бұл шара жастарға қазіргі экономика жағдайында дұрыс бағдар табуға және өзін-өзі дамытуға қажетті мүмкіндіктерді анықтауға көмектеседі. Сонымен қатар, орталықта білім беру курстары, шеберлік сыныптары және жастардың шығармашылық әлеуетін дамытуға бағытталған мәдени шаралар өтеді.Алматы облысында бұрын ашылған Конаев қаласы мен екі аудандағы жастар орталықтары өз тиімділігін көрсетті. Өткен жылы бұл орталықтар 1000-нан астам іс-шара ұйымдастырып, оның ішінде дәрістер, экологиялық акциялар, спорттық турнирлер және мәдени кештер өткізілді. Осы іс-шараларға 40 мыңнан астам адам қатысып, жастардың осындай бастамаларға жоғары қызығушылық танытқанын көрсетеді.Жастар орталықтарының NEET санатындағы жастармен жұмыс нәтижесіне ерекше назар аударуға болады. 2024 жылы мұндай жастар саны 19 779 адамға азайып, 45 994-тен 26 215-ке дейін төмендеді. Бұл көрсеткіш жастар орталықтарының тек пайдалы ақпарат пен ресурстарға қолжетімділікті қамтамасыз етіп қана қоймай, маңызды әлеуметтік міндеттерді шешуде де үлкен рөл атқаратынын дәлелдейді.Алматы облысының жастар саясаты басқармасының басшысы Мади Ахметовтің айтуынша, жастардың өзін-өзі дамыту үшін жаңа алаңдарды құру жұмыстары келесі жылы да жалғасын табады. Алдағы уақытта жастардың шығармашылық қабілеттерін дамыту, олардың карьералық бағдарларын анықтау және әлеуметтік маңызы бар жобаларды жүзеге асыруға қолдау көрсету үшін жағдайлар одан әрі жақсартылатын болады.Сонымен қатар, 2024 жылғы 13 желтоқсанда «Заңғар-2024» жастар сыйлығының жеңімпаздарын марапаттау салтанатты шарасы өтті. Алматы облысының жастар саясаты басқармасы мен Жастар ресурстық орталығы ұйымдастырған бұл сыйлық жастар арасындағы ең үздік жетістіктерді мойындап, түрлі саладағы табысты жас мамандарды марапаттады. Биылғы жылы премия 10 номинация бойынша табысталды: «Үздік жас мемлекеттік қызметші», «Үздік жас дәрігер», «Үздік жас ұстаз», «Үздік жас кәсіпкер» және басқа да санаттар. Сонымен қатар, биылғы жылы жеңімпаздарға берілетін ақшалай сыйақы көлемі 300 мың теңгеден 500 мың теңгеге дейін ұлғайды.Бұл салтанатты марапаттау рәсімі өңірдегі жастардың қоғамдағы рөлі мен жастарды қолдаудың маңыздылығын тағы да айқындады. Мұндай бастамалар жастардың кәсіби өсуі мен дамуына, сондай-ақ олардың шығармашылық әлеуетін ашуға серпін береді.«Заңғар» сыйлығының қорытындысы Алматы облысындағы жастардың қоғамдық өмірге белсенді қатысуын және олардың болашақта даму мүмкіндіктерін арттыруға бағытталған жобалардың тиімділігін көрсетеді.Ақпарат көзі : https://www.gov.kz/memleket/entities/almobl/press/news/details/907237