Бүгін Премьер-министрдің орынбасары Тамара Дүйсенова, облыс әкімі Нұрлыбек Нәлібаев облыстық көпбейінді ауруханада медицина қызметкерлерімен кездесті. Жиынға салалық министрліктің өкілдері, өңірдегі денсаулық сақтау саласының қызметкерлері қатысты.Аймақ басшысы Нұрлыбек Нәлібаев мәжілісті жүргізіп, тұрғындарға медициналық қызмет көрсету сапасын арттыру мәселесіне тоқталды.«Мемлекет басшысы Қасым-Жомарт Кемелұлы 2022 жылы Қазақстан Республикасы Президенті лауазымына кіріскеннен кейін ең бірінші «Ауылдық аумақтарды дамытудың 2023-2027 жылдарға арналған тұжырымдамасы туралы» Жарлыққа қол қойды. Елімізде «Ауылда денсаулық сақтауды жаңғырту» ұлттық жобасы, «Ауыл – ел бесігі» мемлекеттік бағдарламасы сәтті жүзеге асырылуда. Биыл облыстың медицина саласына 146 млрд. 200 млн. теңге қаржы бөлініп, ауқымды жұмыстар атқарылуда. Өткен 11 айдың қорытындысымен негізгі көрсеткіштерде оң динамика қалыптасты. «Ауылда денсаулық сақтауды жаңғырту» ұлттық жобасымен 27 медициналық нысан салу жоспарланып, өткен жылы 15 дәрігерлік амбулатория, 1 медициналық бекет ел игілігіне табысталды. Қалған 11 нысанның құрылысы жақын күндері аяқталып, іске қосылады»,- деді Н.Нәлібаев.Мәжілісте Тамара Дүйсенова денсаулық сақтау саласындағы ауқымды жобаларға тоқталып, қатысушылардың ұсыныс-пікірлерін тыңдады. Сонымен қатар, Денсаулық сақтау вице-министрі Тимур Сұлтанғазиев, "Әлеуметтік- медициналық сақтандыру қорының" басқарма төрағасы Әбілқайыр Сқақов, облыстық денсаулық сақтау басқармасының басшысы Олжас Искаков сөз алып, атқарылған жұмыстар мен алдағы міндеттер туралы баяндады.Айта кету керек, өңірімізде 4 млрд. 500 млн. теңгеге төрт көпбейінді аудандық орталық аурухана жанынан қосымша құрылыс салу жоспарланған. Шиелі ауданында 30 төсектік инфекциялық бөлімше, Шиелі көпбейінді ауруханасының қосымша құрылысы басталды. Қалған қосымша құрылыстар келесі жылы бой көтереді.Облыс орталығында 36 млрд. 400 млн. теңгеге емханасы және онкологиялық бөлімшесі бар 300 орындық көпбейінді аурухананың құрылысы жүруде. Арал ауданы Сексеуіл кентінде 40 төсек-орынға, Жаңақорған ауданы Төменарық ауылында дәрігерлік амбулаториямен қоса 15 төсек-орынға арналған ауылдық аурухана құрылысы аяқталды. Жаңа нысандар жақын күндері ел игілігіне табысталады.Ана мен бала өмірін қорғау басты назарда. Жыл басында көпбейінді облыстық аурухана базасында жаңа МРТ аппараты іске қосылып, перинаталдық бөлім ашылды. Жаңақорған ауданында «Қамқорлық» оңалту орталығы пайдалануға берілді. Жақын күндері осындай орталық Арал ауданында ашылатын болады.Соңғы 2 жылда денсаулық сақтау мекемелеріне 225 санитарлық автокөлік табысталды.Ақпарат көзі : https://www.gov.kz/memleket/entities/kyzylorda/press/news/details/902471

Тәуелсіздік күні қарсаңында облыс әкімі Нұрлыбек Нәлібаев тұрғын үй кезегіндегі азаматтарға жеті қабатты 84 пәтерлік 6 жаңа тұрғын үйдің кілтін табыстады. Рәсімге Сыр өңіріне жұмыс сапарымен келген Премьер-министрдің орынбасары Тамара Дүйсенова, жауапты сала басшылары, еңбек ардагерлері мен қала тұрғындары қатысты.Аймақ басшысы жаңа пәтерге қоныстанушыларды құттықтап, өңірдің құрылыс саласының жетістіктеріне тоқталды.«Ел Президенті Қасым-Жомарт Кемелұлы өз Жолдауында «Елімізде бірыңғай тұрғын үй саясатын әзірлеу қажет. Негізгі қағидат – тұрғындар үшін баспананың қолжетімділігін арттыру» деген болатын. Мемлекет басшысының қолдауымен ұлттық жобалар аясында соңғы 2 жылда 4 мыңға жуық пәтер табысталып, 17 мың тұрғынның баспана мәселесі шешілді. Жыл басынан бері 1500-ден астам отбасы қоныс тойын тойлады. Биыл мемлекеттік бюджеттен бөлінген 34 млрд. 100 млн. теңгеге 2,5 мыңнан астам пәтер пайдалануға беріледі. Осылайша тұрғын үй құрылысының көлемі 126 пайызға өсті.Мемлекет басшысының қолдауымен аймағымыз бүгінде қарқынды құрылыс алаңына, өркенді өзгерістердің ордасына айналды. Өткен жылдан бері қаламызда жеті, тоғыз, он екі қабатты тұрғын үйлер бой көтеруде. Бүгін өздеріңізбен бірге тағы 500-ден астам отбасының қуанышын еселеп, баспана бақытына кенелгеніне куә боламыз! Шаңырақтарыңыз жылулық пен мейірімге, балалардың шат күлкісіне толсын!»– деді Н.Нәлібаев.Сыр өңірінде соңғы жылдары мақсатты бастамалар қолға алынып, ауқымды жобалар жүзеге асуда. Әлеуметтік-экономикалық дамудың барлық негізгі көрсеткіштерінде оң серпін сақталып, облыс республика бойынша алдыңғы қатарға тұрақтады. Екі жыл бұрын облыс бюджеті 364 млрд. теңге болса, бүгінде екі есе артып, 750 млрд. теңгеге жетті. Бұл ауқымды қаражат аймақтағы ең өзекті деген мәселелерді шешуге, тұрғындардың өмір сүру сапасын арттыруға және ауқымды инфрақұрылымдық жобаларды жүзеге асыруға жұмсалуда.Тұрғындарды электр энергиясымен қамту бағытында 38 жоба қолға алынған. Бұл тозған электр желілерін 66 пайыздан 62 пайызға төмендетеді. Елді мекендерді газдандыру бойынша 30 млрд. 500 млн. теңгенің 20 жобасы іске асуда. Жыл соңына дейін өңірді газбен қамту көрсеткіші 78 пайызға жетеді. Тұрғындарды орталықтандырылған ауыз сумен қамтуға бағытталған 5 млрд. 300 млн. теңгенің 13 жобасы бар. Сондай-ақ, 43 млрд. 300 млн. теңгеге 300 шақырымнан астам автомобиль жолдары жөндеуден өтуде. Осылайша облыс аумағындағы жақсы жағдайдағы жолдардың үлесі 92 пайыздан аспақ.Ақпарат көзі : https://www.gov.kz/memleket/entities/kyzylorda/press/news/details/902846

Қазақстан Республикасы Премьер-Министрінің орынбасары Тамара Дүйсенова Қызылорда облысына жұмыс сапары барысында спорт мекемелерінің басшыларымен кездесті.Кездесуде өңір басшысы Нұрлыбек Нәлібаев, спорттық инфрақұрылымды дамыту жұмыстарына, алдағы жобалар мен қолға алынып жатқан бастамаларға тоқталды.< br>- Облыста ҚР Туризм және спорт министрлігімен үйлестірілген жұмыстар жүргізіліп, ауқымды іс-шаралар өткізілуде. – деді Н.Нәлібаев – Бар 1490 спорт нысаны. Халықты спорттық ғимараттармен қамтамасыз ету 44 пайызды құрап, 328 597 адам дене шынықтырумен және спортпен тұрақты айналысады. Облыстағы 22 спорт мектебінде 640 жаттықтырушы-педагог жұмыс істейді, 22266 бала жаттығады. Биыл қызылордалық спортшылар әлем және Азия чемпионаттары мен кубоктарында 120 медаль, Қазақстан Республикасының чемпионаттары мен кубоктарында 808 медаль жеңіп алды.Ақпарат көзі : https://www.gov.kz/memleket/entities/kyzylorda/press/news/details/903084

Президент Қасым-Жомарт Тоқаевтың тапсырмасымен елімізде 23 сәуір - Ұлттық кітап күні болып белгіленді. Бұл мереке оқырман мәдениетін дамытуға және жастарға кітапқа деген сүйіспеншілікті арттыруға бағытталған маңызды қадам болып табылады.2024 жылдың 16 желтоқсанында, Қазақстан Республикасының Тәуелсіздік күнінде, Батыс Қазақстан облысында жаңартылған кітапханалар - қауымдастық орталықтары салтанатты түрде ашылды. Жоба аясында Байтерек ауданының Переметное және Дариян ауылдарында алғашқы «Jaña klub» орталықтары таныстырылды.Ашылу салтанатына Батыс Қазақстан облысының әкімі Нариман Төреғалиев, «Қазақстан халқына» қоғамдық қорының төраға орынбасары Ләззат Чинкисбаева, қордың басқарма мүшесі София Айсагалиева, «TANA» қоғамдық қорының негізін қалаушы Камила Лұқпанова, сондай-ақ жергілікті қоғам өкілдері мен балалар қатысты. Шарада ауылдық қауымдастықтар үшін осындай жобалардың маңыздылығы ерекше атап өтілді.«Қазақстан халқына» қоры, Батыс Қазақстан облысы әкімдігі және «TANA» қоры жүзеге асырып отырған қайырымдылық жобасы аясында облыстағы 356 кітапхананың ішінен 25-і жаңартылып, қауымдастық орталықтарына айналдырылатын болады. Бұл жобамен 130 мыңнан астам тұрғын қамтылады.Әр орталықтың кітап қоры 68 миллион теңгеден астам қаражатқа сатып алынған 800-ден аса жаңа кітаппен толықтырылады. Олардың ішінде қазақстандық және шетелдік авторлардың үздік туындылары бар.Облыс әкімдігі орталықтарды жөндеуден өткізіп, жалпы ауданы 680 шаршы метрді құрайтын ғимараттарды жаңартты. Переметное және Дариян ауылдарындағы екі орталықты абаттандыруға 43 345 000 теңге бөлінді.Қауымдастық орталықтары заманауи музыкалық аспаптармен, үстел ойындарымен, тігін және қолөнер жабдықтарымен қамтамасыз етілген. Жергілікті тұрғындарға заманауи технологиялармен қатар, білім беру және мәдени іс-шараларға арналған алаңдар қолжетімді.Орталықтар жергілікті тұрғындардың сүйікті орнына айналуда. Жаңа клубтар ашылды: «Жамылған көк желегін жұмақ мекен» өлкетану клубы, «Абайтану», әйелдерге арналған «Сырғағлым» клубы және ерекше қажеттіліктері бар адамдарға арналған «Күншуақ» клубы.Батыс Қазақстан облысы елімізде алғаш рет ескі кітапханаларды заманауи қауымдастық орталықтарына айналдырды. Облыс әкімі Нариман Төреғалиев кітапханаларды жаңғырту жастардың шығармашылық қабілеттерін дамыту үшін маңызды серпін болатынын атап өтті.«Мемлекет басшысы жастарды қолдауға және мәдениетті дамытуға ерекше көңіл бөледі. Осы мақсатта облысымызда бірнеше жоба жүзеге асырылуда. Солардың бірі - кітапханаларды жаңғырту. Біздің өңірдегі кітапханаларды модернизациялау мен оларды қауымдастық орталықтарына айналдыруды «Қазақстан халқына» қоры қаржыландырды. Сонымен қатар, «TANA» қоғамдық қоры оқырмандар үшін заманауи технологиялармен жабдықталған жайлы орта құрды. Мұнда жастарымыз жаңа білім алып, шығармашылық қабілеттерін дамытып, жаңа идеяларын жүзеге асыра алады», - деп атап өтті Батыс Қазақстан облысының әкімі Нариман Төреғалиев.2025 жылдың соңына дейін 9 мың шаршы метр кітапхана ғимараттары қайта жаңғыртылады, 100-ден астам кітапханашы қайта даярлаудан өтеді. «Қазақстан халқына» қоры кітапханаларды жабдықтауға және кітап қорын жаңартуға 797 миллион теңге бөледі. Переметное және Дариян ауылдарындағы кітапханаларды жабдықтауға бюджет 34 миллион теңгені құрады.«Жоба ауыл кітапханаларын заманауи қауымдастық орталықтарына айналдыруға, олардың дәстүрлі функцияларын сақтай отырып, мәдени бағдарламаларын байытуға және барлық жастағы тұрғындарға арналған тартымды орталықтар құруға бағытталған. Біз үшін бұл жобаға тұрғындардың өздері де «асар» дәстүрі бойынша қатысқаны өте маңызды», – деп атап өтті «Қазақстан халқына» қоры басқарма төрағасының орынбасары Ләззат Чинкисбаева.«TANA» қоры мәдениет, білім және тұрақты даму салаларында жұмыс істейді. Ұйым кітапханаларды қолдау, білім беру бастамалары мен мәдени мұраны сақтау бойынша жобаларды жүзеге асырады. Қордың басты мақсаты - жергілікті қауымдастықтардың өмір сүру сапасын жақсарту.«Ауыл кітапханаларын жаңғырту – бұл болашаққа жасалған қадам. Біз әр тұрғын, жасынан кәрісіне дейін, заманауи технологиялар мен білімге, мәдениетке қол жеткізу үшін заманауи кеңістіктер жасаймыз. Кітапханалар сұранысқа ие қоғамдық орындарға айналып, әр адам үшін білімнен бастап шығармашылық мүмкіндіктерге дейін құнды нәрсе ұсынады. Біз бұл жобаны Қазақстанның басқа аймақтарында жалғастыруды көздеп отырмыз және әрқашан табысты ынтымақтастыққа ашықпыз», - деді «TANA» қорының негізін қалаушы Камила Лұқпанова.Жақын арада кітапханашыларды жетекші оқу орындарымен серіктестік аясында оқыту жоспарлануда. Жаңартылған қауымдастық орталықтары ауылдық қауымдастықтарды тұрақты дамытуға бағытталған маңызды қадам. Бұл адамдардың өз туған жерлерінде қалып, мәдениетке, білімге және технологияларға қол жеткізуіне мүмкіндік береді.Ақпарат көзі : https://www.gov.kz/memleket/entities/bko/press/news/details/903452

Ырғыз ауданының Ырғыз ауылында пәтер кілтін табыстау рәсімі Тәуелсіздік күні мерекесіне орай өтті.Әрқайсысы 8 пәтерлі 2 қабатты үш бірдей тұрғын үйде халықтың әлеуметтік осал тобына жататындар, мүгедектігі бар, ата-ана қамқорлығынсыз қалған азаматтар қоныстанады.Бірнеше пәтер әлі де бос. Ол үйлерге Ырғызға көшіп барған дәрігерлер орналаспақ.Еске салайық, 2023 жылы облыс әкімі Асхат Шахаров Ырғыз ауданына жасаған сапарында аталған құрылыс нысанына барып, мердігерлерге жұмысты уақытылы әрі сапалы аяқтауды тапсырған еді.Жаңа тұрғын үйлердің кілтін тапсыру рәсіміне ауыл тұрғындары, еңбек ардагерлері, аудандық мәслихат депутаттары, мекеме басшылары қатысты.Шарада аудан әкімінің орынбасары Серік Қонақбаев және еңбек ардагері, Ырғыз ауданының құрметті азаматы Қуанышбай Кенжебаев, қуаныш иелерінің атынан ауыл тұрғыны Мөлдір Тасекенова сөз сөйлеп, көпшілікті құттықтады.Бұдан соң, ардагерлер жаңа баспана иелеріне кілт табыстады. Ауылдың қадірменді ақсақалы Сейітқұл Махаев бата берді, әжелер шашу шашты.Ақпарат көзі : https://www.gov.kz/memleket/entities/aktobe/press/news/details/904142

Жетісу облысының әкіміБейбіт Өксікбайұлы Исабаевтың16 желтоқсан – Қазақстан Республикасының Тәуелсіздігі күніне арналған құттықтауы Құрметті жетісулықтар!Баршаңызды 16 желтоқсан – Қазақстан Республикасының Тәуелсіздігі күнімен шын жүректен құттықтаймын!Ата-бабаларымыздың азаттықты аңсаған асыл арманы орындалған бұл күн бүгінде ерекше мән-маңызға ие болып отыр.Мемлекет басшысы айтқандай, бостандық үшін арпалысқан ұлт перзенттерін ел жадында мәңгі сақтау – қасиетті парызымыз. Ал олардың тағылымды ғұмыр жолы – жас ұрпақ үшін әрдайым өнеге.Бүгінде тарихтан сабақ ала отырып, мемлекетіміздің қол жеткізген табыстарын еселеу мен елдің лайықты болашағын жасаудағы ортақ жауапкершілік баршамызға бірдей жүктеліп отыр. Ол үшін тұрғындардың әл-ауқатын арттыруға, әділетті мемлекет, ашық қоғам құруға бағытталған әлеуметтік-экономикалық жаңғырулар мен өзгерістерді іске асыруға әрқайсымыз атсалысуымыз керек. Осы орайда Жетісу облысының тұрғындары ел игілігі жолындағы ортақ іске үлес қосуға бұдан былай да белсене қатысады деп сенемін.Баршаңызға зор денсаулық, еңбекте жеміс, бейбіт те берекелі ғұмыр тілеймін!Тәуелсіздігіміз тұғырлы болып, Отанымыз – Қазақстан өркендей берсін! Ақпарат көзі : https://www.gov.kz/memleket/entities/zhetysu-oblysy/press/news/details/903430

Жетісу облысында Тәуелсіздік күніне орай халықтың әлеуметтік осал топтары санатындағы 76 отбасы жаңа баспаналарының кілтіне ие болды. Сол сияқты медициналық және ветеринариялық пункттер, дәрігерлік амбулаториялар, мәдениет үйі, ауылдық клуб және спорт кешені, жалпы алғанда 10 жаңа әлеуметтік нысан іске қосылды, - деп хабарлайды Жетісу облысы әкімінің баспасөз қызметі.Атап айтқанда, Көксу, Ескелді, Панфилов аудандарында кезекте тұрған азаматтарға үй беріліп, өңірдегі 76 отбасы жаңа қоныс қуанышына кенелді. Оның 50-і Панфилов қаласының Жаркент қаласында, 16-сы Көксу ауылының Бозтоған және Мұқыры ауылдарында, 10-ы Ескелді ауданының Бақтыбай ауылында тұрғын үйге қол жеткізді.- Қуанышымызды сөзбен айтып жеткізе алмаймын. Өз үйіміз болса деген бірнеше жылдан бергі арманымыз орындалды. Бүгін үлкен отбасымыз кең, жайлы, жаңа үй алды. Мемлекеттің қолдауы мен қамқорлығының арқасында Тәуелсіздік күнін, алдағы Жаңа жылды енді өз үйімізде атап өтеміз, - деді Жаркент қаласының тұрғыны, көп балалы ана Шынар Азатбекова.Отбасымен бірге мерекелік қоныстой қуанышына жеткен Ескелді ауданының тұрғыны:- Тұрғын үйге кезекте тұрғанымызға біраз жыл болды. Шаңырағымызда төрт бала бар, міне, баспанамыздың кілтін алдық, үйдің ішін аралап көрдік, жақын жандарымыз құттықтап келіп жатыр. Еліміздің айтулы күні қарсаңында қоныс тойға жеткенімізге қуаныштымыз, – деді мұқырылық Сәулеш Жауынбаева.Сонымен қатар мереке қарсаңында Ескелді ауданында бірден 3 жаңа нысан іске қосылды. Аудан орталығы Қарабұлақ ауылында мәдениет үйі, Ақын Сара ауылында 120 орынды жаңа блокты-модульді ауылдық клуб пен әкімдік ғимараты пайдалануға берілді.Осы күні облыстың бірқатар ауылдарында жаңа медициналық мекемелер есігін ашты. Мәселен, Көксу ауданының 140 тұрғыны бар ПЧ-45 станциясында жаңа блок-модульдік медициналық пункт қолданысқа енгізілді.- Мұндай заманауи медициналық пункттің ауылымызда ашылғанына қуаныштымыз. Адам болған соң бас ауырып, балтыр сыздамай тұрмайды. Сондай кезде ешқайда бармай-ақ енді осында қараламыз. Бұл жаңа нысан тұрғындардың денсаулығын жақсартуға ықпал етеді деп сенеміз, - деді медицина саласының ардагері, ПЧ-45 станциясының тұрғыны Айша Сәрсенбаева.Сондай-ақ Панфилов ауданының Шежін, Керімағаш және Қызылжиде ауылдарында фельдшерлік-акушерлік пункт пен екі медпункт салынды. Оған қоса, Үшарал ауылында 50 орындық спорт кешені пайдалануға берілді. Онда күрес, бокс, бұқаралық спорт түрлері бойынша секциялар ашылды. Сонымен қатар ауданда алғаш рет инвестор есебінен салынған «Орбұлақ» халықаралық автовокзалы жұмысын бастады. Вокзал автопаркінде 31 автобус бар, 67 адам жұмыспен қамтылды. Жетісу облысы әкімінің баспасөз қызметі.Фотографтар: Жұмабай Мұсабеков, Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/903460

Бүгін облыс әкімі Бейбіт Исабаев желтоқсанның үшінші жексенбісінде аталып өтілетін энергетика саласы қызметкерлерінің кәсіби мерекесіне орай сала мамандарына және Тәуелсіздік күніне байланысты бірқатар ұстаздарға мемлекеттік марапаттар тапсырды, - деп хабарлайды Жетісу облысы әкімінің баспасөз қызметі.Облыс әкімдігінде энергетика мамандарымен өткен жиында Бейбіт Исабаев өңірдің жылды жақсы көрсеткіштермен қорытындылап отырғанын, онда барлық сала қызметкерлерінің үлесі бар екенін атап өтті.- Энергетика - елдің дамуы мен өркендеуінің негізі. Экономиканың қай саласын да, тіпті халықтың күнделікті тұрмысының өзін жылу мен электрсіз елестету мүмкін емес. Осы орайда сала мамандарына облыс тұрғындарының атынан ризашылығымды білдіремін. Алдағы уақытта да маңызды міндеттерді сіздермен бірге нәтижелі орындаймыз деп сенемін, - деген облыс басшысы сала үздіктеріне мемлекеттік марапаттар тапсырды.Атап айтқанда, еліміздің энергетика саласын дамытуға қосқан елеулі үлесі үшін «Темірбетон» ЖШС технологиялық жабдықтардың слесарь-жөндеушісі Манарбек Мұртазин ІІІ дәрежелі «Еңбек даңқы» орденін иеленсе, «ТАТЭК» АҚ техникалық директоры Дәулет Илипбаевқа, «Талдықорғанжылусервис» КМК бас инженері Ақылбай Тәжиевке, «Текелі энергокешені» ЖШС қазандық турбиналық цехының бастығы Владимир Коржға «Ерен еңбегі үшін» медалі берілді.Осы күні Бейбіт Исабаев облыста балаларға сапалы білім беру жолында жемісті еңбек етіп жүрген бірқатар ұстаздармен кездесіп, олардың ұрпақ тәрбиесіндегі қызметіне ризашылығын білдіріп, марапаттау рәсімін атқарды. Бұл ретте елдің әлеуметтік-мәдени және қоғамдық дамуына қосқан үлесі үшін Талдықорған қаласы Ынтымақ ауылындағы № 30 орта мектептің директоры Сәуле Усеноваға «Құрмет» ордені, Қаратал ауданындағы орта мектептің мұғалімдері Светлана Гончарова мен Нұрзия Рахметоваға «Шапағат» медалі, сол сияқты олардың әріптестері Бәтен Даниярова мен Алмагүл Малдыбековаға және Кемел Тоқаев атындағы қайырымдылық қорының өкілі Валентина Спиридоноваға Қазақстан Республикасы Президентінің Алғыс хаты табысталды. Жетісу облысы әкімінің баспасөз қызметі. Фотограф: Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/903910

Баршаңызды еліміз үшін ардақты, халқымыз үшін қастерлі мереке – Тәуелсіздік күнімен шын жүректен құттықтаймын! Ата-бабаларымыз сан ғасыр бойы аңсап өткен азаттықтың ақ таңы атқанына биыл отыз үш жыл толып отыр. Осынау уақыт аралығында еліміз көптеген биік белеске қол сермеп, айқын мақсаттарын жүзеге асырып келеді. Егемендіктің арқасында жеткен әр жетістігіміз – көзіміздің қарашығындай қадірлі.Өздеріңіз білетіндей 2022 жылы, өңір халқы тағатсыздана күткен үлкен қуаныш – Ұлытау облысының құрылуы орын алды. Бұл тарихи сәтті де Тәуелсіздіктің тәтті жемісі дер едім. Сол уақыттан бері Жошы хан ордасын тіккен тарихи аймақ жаңаша түрленіп, дамудың даңғыл жолына аяқ басып келеді. Академик Қаныш Сәтбаевтың маңдай тері сіңген кенді өлкеміз Азаттықтың арқасында бұдан әрі тіпті көркейіп, гүлдене береді деген сенім мол.Қадірменді жерлестер!Еуразия жүрегінде, өркениеттердің ұштасқан орталығында талай ұлт пен ұлыстың қадірлі мекеніне айналған Ұлы далада азат елдің азаматы атанғаннан асқан бақыт жоқ. Тәуелсіздіктің тал бесігінде тербеліп, қыран құсы қалықтаған көк аспанымыздың астында баянды да бақытты ғұмыр кешулеріңізге тілектеспін.Мерейлі күн қарсаңында бастарыңызға амандық, дендеріңізге саулық, отбасыларыңызға бақ-береке тілеймін!Құрметпен,Ұлытау облысының әкімі Дастан РыспековАқпарат көзі : https://www.gov.kz/memleket/entities/ulytau/press/news/details/903414

Арнайы рәсімде облыс әкімі Дастан Рыспеков, облыстық мәслихат төрағасы Бауыржан Шыңғысов, құқық қорғау органдарының қызметкерлері, қоғам қайраткерлері мен Желтоқсан оқиғасының қатысушылары құрбандарды бір минут үнсіздікпен еске алды. Іс-шара Қазақстан Республикасының Мемлекеттік Әнұранымен ашылып, боздақтардың рухына тағзым етумен жалғасты. «Тәуелсіздік – ата-бабаларымыздың сан ғасырлық арманы мен күресінің жемісі, ұлттық рухымыздың биігі. Осыдан 33 жыл бұрын, 1991 жылы, халқымыздың үміті ақталып, Қазақстан өз тағдырын өзі шешуге мүмкіндік алды. Бұл тарихи таңдау – ұлттың ең ұлы жетістігі.Ұлытау – ұлы бабаларымыздың рухани бесігі, қазақ мемлекеттілігінің бастау алған киелі мекені. Осындай қасиетті жерде біз Тәуелсіздігімізді ерекше қадірлеуге, оның әр сәтін бағалауға тиіспіз»,-деді өңір басшысы Дастан Рыспеков өз сөзінде. Іс-шара соңында жиналғандар «Тәуелсіздік» монументіне гүл шоқтарын қойып, естелік суретке түсті.Ақпарат көзі : https://www.gov.kz/memleket/entities/ulytau/press/news/details/903818

«Сіз тек облыс төңірегінде ғана емес, бүкіл республикаға және шетелге танымал тұлғасыз. Біз өзіңізді жерлесіміз ретінде мақтан тұтамыз және өзіңізге қарап бой түзедік. Мемлекетке және халық игілігіне сіңірген еңбек жолыңызбен көпке үлгі болып жүре беріңіз»,-деді өңір басшысы өз құттықтауында. Сондай-ақ жиында облыс әкімі бар ғұмырын мемлекеттік қызметке арнаған бірқатар жерлесімізге ведомстволық марапаттар табыс етті. Атап айтар болсақ, «Мемлекеттік қызмет ардагері» наградасы Валентин Куприяновқа, «Қаржы қызметінің үздігі» төсбелгісі - 40 жылдан астам қаржы саласында қызмет етіп зейнетке шыққан Сайлаукүл Аманжоловаға, Ұлытау ауданының қаржы саласында 27 жылдық тәжірибесі бар, бүгінгі таңда қаржы бөлімін басқарып келе жатқан Тасболат Шайхинге берілді. Айта кетейік, 2022-2023 жылдары өңірдің айтулы 10 тұлғасына «Ұлытау облысының құрметті азаматы» атағы берілген. Комиссия шешімімен биыл Республика күніне арналған салтанатты жиында тағы бес жерлесіміздің есімі ерекше аталған болатын. Әлихан Мұхамедияұлы Бәйменовтің белгілі себептермен рәсімге қатыса алмауына байланысты бүгін табыс етілді.Ақпарат көзі : https://www.gov.kz/memleket/entities/ulytau/press/news/details/903825

Жаңаарқа ауданы, Бидайық ауылының тұрғыны Ғалия Отарбаева «Ауыл аманаты» ұлттық жобасының үздік қатысушысы атанып, «Үздік сүт өнімі» номинациясына ие болды. Жерлесіміз марапатқа Қазақстан Республикасы Парламенті Мәжілісінің Төрағасы Ерлан Қошановтың және Премьер-Министрдің орынбасары Тамара Дүйсенованың төрағалығымен Қызылорда облысында өткен жиында қол жеткізді. Жиында «Ауыл аманаты» жобасының ауыл халқының өмір сапасын арттырудағы маңызы және оның болашақта қалай жалғасын табатыны жөнінде пікірлер айтылды. Айта кетейік, Ғалия Отарбаева «Ұлытау»ӘКК арқылы «Ауыл аманаты»бағдарламасы бойынша биыл мамыр айында 9 230 000 теңге жеңілдетілген несие алған. Қолдау қаражатына кәсіпкер 30 бас ірі қара мал және 10 тонна шөп азығын сатып алды. Бүгінде жерлесіміз сол уақытта сатып алған сиыр малының сүт өнімдерін өңдеумен және сатумен айналысады.Ақпарат көзі : https://www.gov.kz/memleket/entities/ulytau/press/news/details/903838

Президент тапсырмасын жүзеге асыру үшін 204 негізгі жобаны қамтитын Қазақстанның 2029 жылға дейінгі Ұлттық инфрақұрылымдық жоспары әзірленіп, Үкімет бекіткен болатын. Бұл жобалар төрт негізгі бағытты қамтиды: Энергетикалық инфрақұрылым (46 жоба) – ЖЭО, ГЭС және энергия шаруашылықтарын қоса алғанда, жылумен және электрмен қамтамасыз ету саласындағы жаңа нысандарды жаңғырту және салу. Бұл еліміздің барлық өңірлерін тұрақты әрі сенімді энергиямен қамтамасыз етуге мүмкіндік береді. Көлік инфрақұрылымы (59 жоба) – негізгі көлік дәліздерін дамыту, автожолдарды реконструкциялау және теміржол желісін жаңғырту. Бұл ішкі және халықаралық логистиканы жақсартып, Қазақстанның көлік торабы ретіндегі экономикалық тартымдылығын арттырады. Сумен жабдықтау және су бұру инфрақұрылымы (89 жоба) – сумен қамтамасыз ету, су бұру және сарқынды суларды тазарту нысандарын салу және жаңғырту. Бұл, ең алдымен, су ресурстары мәселесі өткір тұрған ауылдық және шалғай елді мекендердегі өмір сүру жағдайын жақсартуға бағытталған. Цифрлық инфрақұрылым (10 жоба) – инфрақұрылымды бақылау және басқару үшін цифрлық шешімдерді енгізу, бұл жобаларды іске асырудың барлық кезеңдерінде тиімділік пен ашықтықты қамтамасыз етеді. @KZgovernmentАқпарат көзі : https://www.gov.kz/memleket/entities/transport/press/news/details/904089

Транскаспий халықаралық көлік бағыты (ТХКБ) тұрақты өсімді жалғастырып келеді. Өткізу мүмкіндігі жылына 6 млн тоннаға, оның ішінде 100 мың ЖФБ контейнерлік тасымалдарға дейін ұлғаюда. 2024 жылдың 11 айында жүк тасымалының көлемі 63%-ға артып, 4,1 млн тоннаға жетті, ал контейнерлік тасымалдар көлемі 2,6 есе өсіп, 50,5 мың ЖФБ құрады. Бұл көрсеткіштер бағыттың айтарлықтай өскенін дәлелдейді. 2024 жылы Транскаспий көлік дәлізінің үйлестіру орталығы іске қосылды. Ол инфрақұрылымды дамытуға және бағыттың функционалын кеңейтуге бағытталған. Жаңа платформа ТХКБ-ның бәсекеге қабілеттілігін арттыру үшін жұмыс істейтін болады. Бұл Еуропа мен Азия арасындағы жеткізу мерзімін 15 күнге дейін қысқартуға мүмкіндік береді. Жобаға Қазақстан, Әзербайжан, Грузия, Түркия, Қытай сияқты негізгі елдер мен компаниялар белсенді қатысуда. Бұл ТХКБ-ның жаһандық сауда үшін маңыздылығын айқындайды. Өткізу мүмкіндігін арттыруға және қызмет көрсету сапасын жақсартуға бағытталған инфрақұрылымды жаңғыртуға ерекше көңіл бөлінуде. @KZgovernmentАқпарат көзі : https://www.gov.kz/memleket/entities/transport/press/news/details/904094

Баланың жолдағы қауіпсіздігі басты назарда. Ішкі істер министрлігінің қызметкерлері елордалық тұрғындарға осы мәселенің маңыздылығын түсіндірді. Бұл істе тәртіп сақшыларына «Q88» аумақтарды тұрақты дамыту қауымдастығы көмектесті.Оқу орындарының алдында полиция қызметкерлері қоғам белсенділерімен бірге балаларды тасымалдау кезінде ережелерді сақтау қажеттігі туралы профилактикалық акция өткізді.Биыл 10 айда жол апатында 267 бала көз жұмған. Олардың жартысынан көбі автокөліктерде жолаушы болған. Басым көпшілігін ересектер қауіпсіздік ережелерін бұза отырып тасымалдаған, яғни арнайы орындықты, адаптерлер мен ұстағыштарды пайдаланбаған.Айта кетейік, заңнама бойынша елімізде 12 жасқа дейінгі балаларды автокөліктерде тасымалдау үшін балаларға арналған автокреслоларды пайдалану міндетті болып табылады. Бұл балалардың жолдағы қауіпсіздігін арттыруға бағытталған.Сонымен қатар апаттылықты азайту мақсатында ел мектептерінде қозғалыстың жас инспекторлары отрядтары құрылған. Олар полицейлермен бірге қатарластарына жол жүрісі қағидаларын үйретіп жатыр.Ақпарат көзі : https://www.gov.kz/memleket/entities/qriim/press/news/details/903772

Радиоэлектроника және байланыс әскери-инженерлік институтында өткен шара ынтымақ пен патриотизмнің жарқын көрінісі болды.Білім ордасының бастығы генерал-майор Нұртас Қабақов жеке құрамды мемлекеттік мерекемен құттықтап, оның әрбір қазақстандық үшін маңыздылығын атап өтті.– Тәуелсіздік күні баршамызды еліміздің жетістіктерін сақтауға және нығайтуға ұмтылдырады. Борышқа адал, тәртіпті және мемлекеттің қорғаныс қабілетін нығайтуға қосқан үлестерің үшін алғыс айтамын, – деді ол.Генерал-майор Нұртас Қабақов жыл қорытындысы бойынша қызметтік міндеттерін үлгілі атқарғаны үшін әскери қызметшілер мен мерзімді қызмет сарбаздарына грамоталар табыс етіп, алғыс жариялады. Оқуда және жауынгерлік даярлықта жетістіктері бар курсанттарға "кіші сержант" әскери атағы берілді. Алматы қаласындағы № 1 Оқушылар үйінің шығармашылық ұжымы жоғары оқу орнының жеке құрамына концерт қойды. Жас әртістер жауынгерлерді басты құндылықтар – Қазақстан халқының бостандығы, бірлігі мен дәстүрлері туралы еске салатын жарқын қойылымдармен қуантты.Оларға оқу орнының аумағына арнайы экскурсия ұйымдастырылды, оқушылар ЖОО-ның ерекшеліктерімен және әскерилердің қызметімен танысты.Ақпарат көзі : https://www.gov.kz/memleket/entities/mod/press/news/details/903275

Арнайы операциялар күштерінде қызмет ететін майор Вадим Федосеев қоян-қолтық ұрыстан әлем чемпионатында алтын олжалады.Ресей Федерациясының астанасында өткен жарысқа 18 елдің спортшысы қатысты.73 келіден асатын салмақтағы майор В. Федосеевтің қарсыластары Түркіменстаннан және Ресейден келген спортшылар болды. Соңғы жекпе-жекте ол Өзбекстан өкілін 11:7 есебімен жеңді.Халықаралық әуежайда чемпионды әріптестері қошеметпен қарсы алды, олар әскери қызметшіні чемпиондық белбеуді жеңіп алуымен жылы құттықтады.Тұғырға апаратын жол оңай емес. Бұл жол сынақтар мен ауыр жаттығуларға толы. Оған соққылар, комбинациялар мен қорғаныс әдістерін үйренуге жаттықтырушылар подполковник Нұрдәулет Ержігітов пен Дәуірбек Дәулетов көмектесті.Спортшы бұған дейін де қоян-қолтық ұрыстан Қазақстан қорғаныс министрі кубогының және әлем чемпионатының, армия қоян-қолтық ұрысынан ТМД чемпионы атанған.Вадим Федосеевтің Мәскеуде көрсеткен тамаша өнері – қазақстандықтарға Тәуелсіздік күніне арналған тамаша сыйлық және спортшының жеке жетістіктерінің қоржынына қосқан тың үлесі.Ақпарат көзі : https://www.gov.kz/memleket/entities/mod/press/news/details/903289

Алматы қаласындағы №102 орта мектептің "Жас сарбаз" сыныбының тәрбиеленушілері білім ордасының әскери дайындық жетекшісі Бақытжан Перімбетпен бірге теңіз деңгейінен 3450 метр биіктіктегі Күләш Байсейітова шыңына шықты.Шыңға олар Қазақстанның Мемлекеттік Туын тікті. Осылайша оқушылар Отанға деген адалдықтарын және жаңа биіктерге ұмтылыстарын білдірді.Жас альпинистер жасағының командирі Игнат Зизиннің айтуынша, қысқы жағдай өрмелеуді қиындатты.– Қар, –23 градусқа дейін аяз және биікке өрмелеу сынағы жақсы бейімделуді қажет етеді. Тек мұқият дайындықтың арқасында ғана біз барлық қиындықты жеңе алдық. Бұл тек сынақ қана емес, үлкен мәртебе болды, – деді ол.Шыңға шығуда сегіз жыл бойы жұмыс істеп келе жатқан "Киров" әскери-патриоттық клубы жас альпинистерінің бұл біраз жетістіктерінің бір бөлігі. Бұған дейін клуб қатысушылары Үлкен Алматы шыңы және Тұран шыңы (ЯФИ) сияқты шыңдарды бағындырды.Дайындық кезінде әскери-патриоттық клубтың тәрбиеленушілері бағдарлау дағдыларын меңгеруді, альпинистік жабдықтармен жұмыс істеуді және экстремалды жағдайларда өмір сүруді қамтитын жеңіл атлетика және тау даярлығының жартыжылдық курсынан міндетті түрде өтетінін атап өткен жөн.Ақпарат көзі : https://www.gov.kz/memleket/entities/mod/press/news/details/903328

Тәуелсіздік күні қарсаңында Қазақстан Республикасының Ұлттық қорғаныс университетінде бірнеше шара өтті.Әскери қызметшілердің балаларына "Ұлт қорғау" әскери-патриоттық клубы ашылды. Балалар елордалық № 88 мектеп-гимназияның 9-сыныбында оқиды. Бұл оларға клуб құрамында кіру ғана емес, робототехниканың негіздерін үйренуге, шахмат ойнауға, садақ атуды үйренуге, көркем еңбек, аэробика және бимен айналысуға берілген жақсы мүмкіндік.Айтулы күн университет қабырғасында қазақстандықтардың екі буыны Отанға адал болуға ант беруімен ерекшеленді. Әскери-ғылыми взводтың сарбаздары Отанға адал болуға, ал "Жас сарбаз" балалар-жасөспірімдер қозғалысының қатарына кірген оқушылар білімді табандылықпен үйренуге, тәрбиелі және мақсатты болуға ант берді.Іс-шараға Парламент Сенаты мен Мәжілісінің депутаттары, әскери қызметшілер мен университет қызметкерлері, сарбаздардың туған-туыстары қатысты.Жас жауынгерлер мен жас сарбаздықтарды ҚР Ұлттық қорғаныс университетінің бастығы генерал-майор Асқар Мұстабеков маңызды оқиғамен құттықтады. Жас жауынгерлерге мықты денсаулық, толағай табыс тілеп, барлық бастамаларға сәттілік серік болсын деді. Бұдан басқа ол клубтағы сабақтар мектеп оқушыларының таланттарын ашуға көмектесетініне сенім білдірді.Әскери қызметші Диас Нәбиев білім ордасының взводтағы қызметін үлкен үмітпен байланыстыратынын айтты.– Мен Астана тұрғынымын. Әскерге шақырылғанға дейін елордадағы IТ университетін бітірдім. Ғылыми взводтағы қызмет маған өз әлеуетімді іске асыруға мүмкіндік береді. Алда жүзеге асырғым келетін идеялар бар, – деді Диас Нәбиев.Салтанатты рәсім барысында әскери-патриоттық клуб тәрбиеленушілеріне куәліктер мен естелік сыйлықтар табыс етілді.– Менің әкем әскери қызметкер. Бала күнімнен маған казармалар мен әскери өмір таныс. Өсе келе мен де әкемнің жолымен Отаныма және еліме абыроймен қызмет еткім келетінін түсіндім. "Жас сарбаз" қатарына қосылу мен үшін өте маңызды оқиға, – деді тоғызыншы сынып оқушысы Мұқағали Темірхан.Іс-шара соңында Арнайы операциялар күштерінің әскери қызметшілері жиынға қатысушыларға қару-жарақ үлгілерін көрсетті.Ақпарат көзі : https://www.gov.kz/memleket/entities/mod/press/news/details/903330

Құрметті сарбаздар мен сержанттар, офицерлер мен генералдар! Қымбатты отандастар! Сіздерді Қорғаныс министрлігі жеке құрамының атынан және өз атымнан Қазақстан Республикасының Тәуелсіздік күні мерекесімен шын жүректен құттықтаймын! Бұл мереке – азаттық жолында күрескен ұлт батырларын ұлықтайтын күн, мемлекетіміздің бостандығы мен еркіндігінің нышаны! Қазақ халқы талай ауыр сынақтарды, аштық пен қуғын-сүргінді басынан кешірді, қаншама нәубеттен аман қалып, елдігін сақтады. Президент Қасым-Жомарт Тоқаев: «16 желтоқсан – төл тарихымыздағы мерейлі белес. Бұл – егемен ел болуды аңсаған ата-баба арманы ақиқатқа айналған ұлы күн» деді. Халқымыз ұлттық құндылықтарды, тілді, тарих пен мәдениетті қайта жаңғыртуда талай сыннан өтті. Бұл ата-бабаларымыз армандаған азаттық пен тәуелсіздік жолы. 1991 жылдан бастап осы күнге дейін Қазақстан болашағын бағамдап, армандарын жүзеге асыруда. Бүгінде бәріміз Қазақстанның қауіпсіздік, экономикалық және гуманитарлық ынтымақтастық, білім және ғылым саласындағы халықаралық қоғамдастықпен интеграциялануға ұмтылысын айғақтайтын шынайы тарихи оқиғалардың куәсіміз. Елдегі болып жатқан өзгерістер мемлекетіміздің болашағы елдің мықты, қарқынды дамуынан, бәсекеге қабілетінен және халықаралық беделінен көрінуде. Осы жолда әрқайсымыз аянбай еңбек етуіміз керек. Қазақстан Республикасының егемендігі мен аумақтық тұтастығын қорғауда Қарулы Күштер қауіпсіздікті сақтаудың кепілі. Бүгінде Қарулы Күштер жауынгерлік құрамды кезең-кезеңімен нығайтуға жұмыс істеп жатыр. Жоғарғы Бас Қолбасшының тапсырмасымен құрылған Арнайы операциялар күштері қарқынды дамып келеді. Жалпы әскери, әскери-теңіз және авиациялық құралымдарды күшейтуге, барлау-жауынгерлік және әскери-көлік әлеуетін, оған қоса артиллерия мен ӘШҚҚ әскерлерінің мүмкіндіктерін арттыруға бағытталған кешенді ұйымдастыру шаралары да өткізілді. Мемлекеттің әскери қауіпсіздігін қамтамасыз етудің жалпы жүйесіне енгізілген аумақтық әскерлер де жетіліп келеді. Жеткен жетістіктеріміз де баршылық, алайда алда алар асу, бағындырар шың да көп. Әлем алдында елімізді өркендеп келе жатқан мемлекет, Қазақстан халқын ынтымағы жарасқан ел ретінде таныттық. Осындай ұлы мереке күні Қарулы Күштердің барлық жеке құрамына, барлық отандастарға зор денсаулық, ырыс-ынтымақ және ашық аспан тілеймін! Құрметпен,Қазақстан Республикасының Қорғаныс министрігенерал-полковник Р. ЖақсылықовАқпарат көзі : https://www.gov.kz/memleket/entities/mod/press/news/details/903403