Биыл Қазақстан волонтерлікті дамытуда айтарлықтай жетістіктерге қол жеткізді. Халықаралық стандарттарға бейілділігін растап, қоғамдық маңызды міндеттерді шешуде волонтерлердің рөлін нығайтты.Бүгінгі таңда елімізде 755 волонтерлік ұйым, 2 мың бастамашыл топ, 275 мың белсенді волонтер, оның ішінде 3,5 мың «Күміс» волонтер белсенді жұмыс істейді.Азаматтардың волонтерлік қозғалысқа белсенді қатысуы және мемлекет тарапынан бұл үшін жағдай жасауы елдегі волонтерліктің дамуына ықпал етті. Үкімет Қазақстан Республикасының 2024-2026 жылдарға арналған волонтерлікті дамыту мен қолдаудың жаңа Жол картасын бекітті.Оны іске асыруда әлеуметтік және медициналық волонтерлік, экологиялық және ЗОО волонтерлік, білім беру және медиа саласындағы волонтерлік, төтенше жағдайлар салдарын жою саласындағы волонтерлік және басқа да салаларда салалық волонтерлікті дамытуға баса назар аударылды.Елімізде Ұлттық фронт-кеңсе және өңірлік 20 волонтерлік фронт-кеңсесі өз қызметін белсенді жүзеге асырып келеді, олар ұйымдастырушылық, ақпараттық және ресурстық қолдау көрсетеді, сондай-ақ еріктілер топтарына, ұйымдарға және еріктілерге консультациялық көмек береді.2024 жылы 5,6 мыңнан астам іс-шара ұйымдастырылды. Бір жыл ішінде волонтерлік бойынша бірыңғай Call-орталық құрылып, оған 2095-тен астам өтініш келіп түсті. Бірыңғай онлайн «Qazvolonteer.kz» платформасы жұмыс істейді, онда 67 мыңнан астам ерікті тіркелген.2024 жылы мемлекеттік органдар волонтерлік қоғамдастықпен бірлесіп 55 жобаны іске асырды, сондай-ақ волонтерлік бастамаларды қолдау мақсатында 240 шағын грант берілді. Жобалар аясында 42 мыңға жуық түрлі форматтағы іс-шара өткізілді. 10 мың волонтер салалық волонтерлік бойынша оқудан өтті.Халықаралық волонтерлік белсенді дамып келеді. Ұлттық волонтерлер фронт-кеңсесінің жанында 2023 жылдан бастап Халықаралық волонтерлік орталық жұмыс істейді. Қыркүйек айында 7 Қазақстандық волонтер БҰҰ құрылымдарына Түркия, Кения және Таиланд сияқты елдерге жұмысқа жіберілді.Осы жылы 3-4 қазанда Астанада АӨСШК Жастар кеңесінің қолдауымен волонтерлер слеті өтті. Слет Азияның волонтерлері мен волонтерлік ұйымдары үшін ең ірі халықаралық іс-шаралардың біріне айналды. Оған АӨСШК-ға мүше 14 мемлекеттен (Қазақстан, Қырғызстан, Ресей, Шри-Ланка, Қытай, Бахрейн, Өзбекстан, Әзербайжан, Иран, Таиланд, Тәжікстан, Кувейт, Үндістан, Катар) 450 адам қатысты.ҚР Президенті Қ.Тоқаевтың тапсырмасы бойынша 2020 жылы Қазақстанның дамуына үлес қосқан үздік қазақстандық және шетелдік еріктілерді ынталандыру үшін «Жыл волонтері» халықаралық сыйлығы тағайындалды. 2020-2024 жылдар аралығында Қазақстан, Ресей, Өзбекстан және Қырғызстаннан 234 волонтер сыйлық алды.«Игі істер марафоны» жобасы іске асырылды, оның шеңберінде қазақстандықтар 50 мыңға жуық адамның қатысуымен 7 000 «Игі іс» жасады. Жоба аясында еріктілер 7 000 жануарға көмек көрсетті, 3 200 көшет отырғызып, 240 тонна қоқыс жиналды. 5 желтоқсанда 10 номинация бойынша жобаның 20 жеңімпазы марапатталды.2025 жылы осы бағыттағы жұмысты жалғастыру шеңберінде волонтерлік саласы бойынша қолданыстағы заңнаманы жетілдіру үшін жаңа тәсілдерді әзірлеу жоспарлануда.Сондай-ақ, халықаралық волонтерлер жылын өткізуге дайындық аясында Қазақстанда Ұлттық ұйымдастыру комитеті құрылып, іс-шаранының жоспарын әзірлейді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/902358

Алматыда Қазақстан Жазушылар одағының 90 жылдық мерейтойына арналған салтанатты шара өтті. Оған Қазақстан Республикасының Мемлекеттік кеңесшісі Ерлан Қарин, Мәдениет және ақпарат министрі Аида Балаева, ТҮРКСОЙ халықаралық ұйымының бас хатшысы Сұлтан Раев, Еуразия Жазушылар одағының президенті Уфук Тузман қатысты.Мемлекеттік кеңесші Ерлан Қарин Қазақстан Республикасының Президенті Қасым-Жомарт Тоқаевтың Одақтың 90 жылдығына орай жолдаған құттықтау хатын оқып берді. Мемлекет басшысының хатында «Жазушылар одағы – руханиятымыздың алтын діңгегі. Бұл ұйым қаламгерлеріміздің кәсіби қауымдастығы ретінде төл әдебиетіміз бен мәдениетімізді өркендетуге және оны әлемге танытуға зор ықпал етеді. Сөз өнерінің қарашаңырағын ұлттық бірегейлігіміздің берік тұғыры деуге болады.Қазір біз ұлттың жаңа сапасын қалыптастырып жатырмыз. Озық ойлы ұрпақ тәрбиелеу ісінде зиялы қауым айрықша рөл атқаруы керек. Осы жауапкершілікті терең сезініп, адамгершілік құндылықтарды кеңінен дәріптеп жүрген барша қаламгерлерге шынайы ризашылығымды білдіремін» делінген.Бұдан соң Қырғыз Республикасы Президентінің кеңесшісі Арслан Қойшиев Қырғыз Республикасының Президенті Садыр Жапаровтың құттықтауын оқыды.Салтанатты шараға шетелден арнайы қонақтар – Түркия Жазушылар одағының Төрағасы Муса Казым Арыжан, Қытай Халық Республикасы Жазушылар одағы Басқармасының мүшесі, Қазақстанның құрметті жазушысы Әкбар Мәжит, Әзірбайжан Жазушылар одағының Төрағасы Анар Рзаев, Әзірбайжан Жазушылар Одағының хатшысы Рашад Мажитов, Өзбекстан Жазушылар одағы Төрағасының орынбасары Мажид Гайрат, Өзбекстанның Халық жазушысы Усманкул Азимов, швед жазушысы, әдебиет зерттеушісі Пауэль Фрийес, Қырғыз Республикасы Ұлттық Жазушылар одағының Төрағасы Қаныбек Иманалиев, Қырғызстанның Ел жазушысы, Қырғызстан Республикасы Президентінің кеңесшісі Арслан Қойшиев, Ресей жазушысы Андрей Рейзвых, Татарстан Жазушылар одағының Төрағасы Ркаил Зайдуллин, Башқұртстан Жазушылар одағының Төрағасы Айгиз Баймухаметов, Якутия Жазушылар одағының Төрағасы, «Чолбон» журналының бас редакторы Гаврил Андросов, Чуваш Республикасы Жазушылар одағы басқарма төрағасының орынбасары Василий Захаров, сондай-ақ еліміздің түкпір-түкпірінен келген ақын-жазушылар, қоғамдық ұйымдар мен кәсіпкерлік өкілдері де қатысты.Жазушылар одағының төрағасы Мереке Құлкенов өз баяндамасында «Бүгінде біз Әділетті Қазақстанға қадам бастық. Қазіргі қазақ әдебиеті де жаңару үстінде деп нық сеніммен айта аламыз. Тың да тосын тақырыптар, жаңа жанрлар, соны стильдер, амбициясы зор авторлар әдеби процеске жаңаша серпін беруде» деп атап өтті.Анықтама үшін:Қазақстан Жазушылар одағының тарихы 1934 жылы 12-18 маусымда Алматыда өткен Қазақстан Жазушыларының I Съезінен басталады. Әр жылдары Одақты белгілі қаламгерлер І.Жансүгіров, Ғ.Тоғжанов, С.Мұқанов, Т.Дүрімбетов, М.Қаратаев, Д.Әбілев, Ә.Тәжібаев, Ә.Жаймурзин, Ғ.Мұстафин, Ғ.Мүсірепов, Ә.Шәріпов, Ә.Әлімжанов, Ж.Молдағалиев, О.Сүлейменов, Қ.Найманбаев, Н.Оразалин, Ұ.Есдәулет басқарған.Қазіргі таңда Жазушылар одағы – 1015 мүшесі бар еліміздегі ең ірі шығармашылық бірлестіктердің бірі. Одаққа қарайтын «Қазақ әдебиеті» газеті, «Жұлдыз», «Простор», «Жалын» журналдары өнер мен әдебиеттің жаршысына айналды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/902527

Қазақ ұлттық хореография академиясында Агриппина Ваганова атындағы Орыс балеті академиясының түлегі Вадим Рзаевтың шеберлік сыныбы өтті.Вадим Рзаев – классикалық және заманауи би өнерінде тәжірибесі мол өнерпаз. Ол әлемнің жетекші театр сахналарында жеке партиялар орындап, шетелдік танымал хореографтармен де бірлесе жұмыс істеген.«Хореографиялық өнер педагогикасы» және «Балетмейстер өнері» білім беру бағдарламасының студенттері мастер-классқа қатысып, болашағы үшін құнды тәжірибе жинады. Вадим Рзаев классикалық би техникасын, өзінің кәсіби әдістері мен тәсілдерін бөлісті.Бұл іс-шара – студенттердің кәсіби дағдыларын жетілдіруге және әлемдік хореографиялық өнер туралы білімдерін кеңейтуге бағытталған Академияның білім беру және мәдени бағдарламасының бір бөлігі. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903176

Тәуелсіздік күні қарсаңында Түркістанда ÓzgeEpic креативті хабы ашылды. Бұл – еліміздегі он бірінші хаб. Шығармашылық кеңістік Мемлекет басшысының тапсырмасымен құрылған. Қасым-Жомарт Тоқаев креатив индустрияларды дамытуға ерекше назар аударып, Қазақстанның барлық ірі қалаларында хабтар ашу міндетін қойды.Салтанатты іс-шараға ҚР Парламентінің депутаттары, ҚР Мәдениет және ақпарат министрлігінің өкілдері, «Қазпошта» АҚ, жергілікті атқарушы органдар және өңірдің креаторлары қатысты.Түркістандағы креатив хаб ҚР Мәдениет және ақпарат министрлігі мен «Қазпошта» АҚ арасындағы келісім аясында ашылды. Орталық акционерлік қоғам филиалдарының бірінде орналасқан. Ынтымақтастық бойынша ортақ жобалар жасалатын болады.Хабтың ашылуында инклюзивті креатив индустриясын қолдауға бағытталған «Көрінбейтін әлем» көрмесі де ұсынылды.Аталмыш алаңның ауданы – 400 шаршы метр. Негізгі назар түрлі халықтардың қолөнер туындыларына аударылған.Түркістан облысында барлығы 1341 креатив индустрия субъектісі тіркелген. Өңір киім тігу және аксессуарлар жасау бағыттары бойынша көш бастап тұр. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903256

Алматыда «Қоғамдық сенім және әлеуметтік капитал» тақырыбында V халықаралық конференция өтті.Іс-шарада спикерлер Азаматтық қоғамды дамыту тұжырымдамасын өзектендіру шеңберінде жүргізілген әлеуметтанушылық зерттеулердің қорытындыларымен және азаматтардың мемлекетке деген сенімін нығайтуға бағытталған жұмыстармен бөлісті.Айта кетейік, ашықтық пен айқындық қағидаттарын тиімді іске асыру мақсатында биылғы сәуір айынан бастап «Қоғамдық бақылау туралы» ҚР Заңы заңды күшіне енді.Сондай-ақ, Қоғамдық кеңестің мүшелері 2025 жылы өкілеттік мерзімінің аяқталуына байланысты құрамы 80%-ға жаңартылмақ. Осыған орай Қоғамдық кеңестің 3 мыңнан астам мүшесінің қатысуымен 20-ға жуық оқыту семинарларын өткізу жоспарланған.Конференцияға ҚР Президенті жанындағы Ұлттық ғылым академиясының, БҰҰ-ның Жаһандық коммуникациялар департаментінің, халықаралық және қазақстандық қоғам қайраткерлерінің, мемлекеттік органдардың өкілдері қатысты. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903283

2024 жылғы 9-13 желтоқсан аралығында Астанада Қазақстан Республикасының Мәдениет және ақпарат министрлігінің қолдауымен Қазақ ұлттық өнер университеті ұйымдастырған жас «Astana Piano Passion» II Республикалық жас пианистер байқауы өтті.Байқау ұлттық фортепиано мектебін дамыту, дарынды жас музыканттарды анықтау және қолдау, классикалық, академиялық музыканы, фортепианолық орындаушылықты және Қазақстан композиторларының музыкасын дәріптеу мақсатында өткізілді.Конкурсқа Қазақстан Республикасының мәдениет және өнер саласындағы білім беру ұйымдарында «Фортепиано» мамандығы бойынша білім алып жатқан, 7-18 жас аралығындағы жас пианистер қатысты.Байқау 4 жас санаты бойынша өтті. Олар – 7-9 жас, 10-12 жас, 13-15 жас және 16-18 жас аралығындағы өнерпаздар.Байқау аясында Беларусь мемлекеттік музыка академиясының арнайы фортепиано кафедрасының меңгерушісі, профессор Владимир Дулов пен Қазақстан Республикасының еңбек сіңірген қайраткері, халықаралық конкурстардың лауреаты Әмір Тебенихин шеберлік сабақтарын өткізді.Биыл байқауға Павлодар, Қарағанды, Өскемен, Ақтау, Алматы және Астана қалаларынан 60 жас пианист қатысты.Гран-при иегері – Даниал Дюсембаев (оқытушысы Асабаева Сара Шәкірқызы).«А» санаты (7-9 жас):І орын: Иса Аяла (оқытушысы Бейсембаева Гаухар Серікқызы).ІІ орын: Жарменов Рустам (оқытушысы Қосаманова Гүлназ Ғаянқызы) және Абдулла Жанболат (оқытушысы Мухамеджанова Гүлжәмилә Бурханқызы).ІІІ орын: Алиханова Томирис (оқытушысы Манжула Ольга Николаевна), Сәкенқызы Сана (оқытушысы Тоқтаған Ақдидар Айтжанқызы) және Тян Ратмир (оқытушысы Чечнёва Ольга Геннадьевна).«В» санаты (10-12 жас):І орын: Оңғарбаева Жансая (оқытушысы Здорнова Жанна Викторовна).ІІ орын: Нұрсұлтан Іңкәр (оқытушысы Жакеева Гүлнәра Сапиоллайқызы) және Көпбай Бексұлтан (оқытушысы Бекишева Хадича Искандарқызы).ІІІ орын: Дүйсекеева Аман (оқытушысы Даукеева Мензия Кенжебекқызы), Думитреску Марк (оқытушысы Цветцих Елена Валерьевна) және Каримов Алан (оқытушысы Сұрапбергенова Светлана Алмабайқызы).«С» санаты (13-15 жас):І орын: Ахметов Рауан (оқытушысы Жұмақова Ғафура Рахметоллақызы).ІІ орын: Алдабаев Марлен (оқытушысы Құсаинов Алтай Карпықұлы) және Шайхов Айдар (оқытушысы Кремер Евгения Андреевна).ІІІ орын: Азаматұлы Айтөре (оқытушысы Қаражігітова Шолпан Нариманқызы) және Булат Әдина (оқытушысы Сұрапбергенова Светлана Алмабайқызы).«D» санаты (16-18 жас):І орын: Мхитарян Ашот (оқытушысы Сұрапбергенова Светлана Алмабайқызы).ІІ орын: Нұғманқызы Дария (оқытушысы Ольга Каминская Михайловна) және Каменецкая Софья (оқытушысы Кремер Евгения Андреевна).ІІІ орын: Жанас Бекмырза (оқытушысы Измаилов Нұрлан Тохтарұлы), Жұманғарина Тоғжан (оқытушысы Асабаева Сара Шәкірқызы) және Дастан Елнар (оқытушысы Абдуллаева Әйгерім Оңдасынқызы) ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903302

Астанада «Ардагерлер кеңесі» РҚБ-ның Орталық аппараты төралқасының отырысы өтті.Отырыста Мемлекет басшысының «Адал адам – Адал еңбек – Адал табыс» идеологемасын іске асыру мәселелері талқыланып, жастарды тәрбиелеудің басым бағыттарына назар аударылды.Осы саладағы негізгі стратегиялық құжат – Қазақстан Республикасы мемлекеттік жастар саясатының 2023 – 2029 жылдарға арналған тұжырымдамасы.Айта кетейік, қоғамдағы ұлттық бірлік, этностар мен діни топтар арасындағы өзара түсіністік, жастарды есірткі, лудомания секілді түрлі жағымсыз әрекеттерден сақтауда ардагерлер иниституты үлкен рөл атқарады.Сондай-ақ, елімізде аталған бағыт бойынша 167,6 мыңнан астам адамды қамти отырып, 1,1 мыңнан астам профилактикалық іс-шаралар өткізілді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903306

Астанада Бибігүл Төлегенованың 95 жасқа толуына орай салтанатты концерт өтті.Іс-шараны Қазақстан Республикасының Мәдениет және ақпарат министрлігінің қолдауымен «Қазақконцерт» мемлекеттік академиялық концерттік ұйымы ұйымдастырды.Кеш шымылдығын мерейтой иесінің бейнеқұттықтау сөзі ашты. Архивтік бейнематериалдар, музыкалық шығармалар және әсерлі естеліктер кештің рухани мазмұнын айшықтай түсіп, жиналған қалың көпшілікке ерекше әрі жылы әсер сыйлады.Концерт бағдарламасында ұлттық және әлемдік музыкалық мәдениеттің жауһарлары шырқалды. Қазақконцерттің «Халық қазынасы» ұлттық өнер орталығының, классикалық және эстрадалық өнер бөлімдерінің солистері, Қазақ мемлекеттік симфониялық оркестрі және «Гүлдер» ансамбльдері жоғары деңгейде өнер көрсетті.Бұл концерттің ерекшелігі - оның деректі, танымдық сипатында. Бибігүл Төлегенова өзінің шығармашылық жолын, өнерге келуін, операдағы маңызды рөлдерін, сахналас әріптестері, гастрольдік сапарларымен байланысты естеліктерін экран арқылы баяндады. Концерт тек музыка мен би ғана емес, Бибігүл Төлегенованың өнер жолын толық қамтитын мазмұнды, тағылымы мол бейнебаяндар ұсынды. Экран арқылы өткен шақтағы естеліктер мен маңызды оқиғалар көрермендермен бөлісіп, оның өнердегі жетістіктері мен жеке тұлғасы тереңірек таныстырылды.Сондай-ақ кештің көркін Қазақстанның еңбек сіңірген қайраткерлері Толқын Забирова мен Жұпар Ғабдуллина келтірді.Мерекелік шараға ҚР Мәдениет және ақпарат министрі Аида Балаева және бірқатар мәдениет, өнер, қоғам қайраткерлері қатысты. Кештің басты қонағы мерейтой иесі Бибігүл Төлегенованың өзі болды.Барлық әртістердің бірігіп орындаған «Мама» шығармасы концертті ерекше қорытындылады. Жүрек тебірентер осынау шығарма опера әншісінің шығармашылығындағы отбасы, махаббат пен адамгершілік сынды мәңгілік құндылықтардың жарқын символы іспеттес.Бұл кеш Қазақстанның музыка өнерін дамытуға зор үлес қосқан көрнекті әншінің шығармашылығын тағы бір мәрте асқақтатқан айшықты мәдени оқиға болды.Іс-шарада Бибігүл Төлегеноваға ҚР Мәдениет және ақпарат министрлігі атынан ықылас гүлі табыс етілді.Айта кетейік, аты аңызға айналған әншінің мерейтойы аясында Қазақстан бойынша концерттер, көрмелер, музыкалық кештер, дөңгелек үстелдер мен конференциялар секілді 150-ге жуық іс-шара өткізілді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903376

16 желтоқсанда аты аңызға айналған опера әншісі, актриса, педагог Бибігүл Төлегенова туған күнін атап өтті. Биыл халық әртісі, «Отан» орденінің иегері 95 жасқа толды.Бибігүл Ахметқызын осындай айтулы күнмен құттықтауға Алматы әкімі Ерболат Досаев келді. Ол Президент Қасым-Жомарт Тоқаевтың құттықтау хатын оқыды.Президент құттықтау хатында ұлттық мәдениеттің дамуына зор үлес қосқан көрнекті өнер қайраткерінің еңбегін атап өтіп, оның өнері жас ұрпаққа шабыт беріп, ел мақтанышына айналғанын жеткізді.«Ұзақ жылғы жемісті шығармашылық жолыңыз Сізді абырой биігіне көтерді. Еліміздің алтын қорына мол мұра қалдырдыңыз. Өнегелі де өнерлі шәкірттер тәрбиелеп шығардыңыз. Ерен еңбегіңіздің жоғары мемлекеттік наградалармен, мәртебелі атақтармен және айрықша сыйлықтармен аталып өтуі – зор мерей», - делінген Мемлекет басшысының құттықтауында.Өз кезегінде Бибігүл Ахметқызы жылы лебіздер үшін алғысын білдіріп, барша қазақстандықтарды Тәуелсіздік күнімен құттықтады.21 желтоқсан күні сағат 15:00-де Республика Сарайында Бибігүл Төлегенованың 95 жасқа толуына арналған салтанатты концерт өтеді.Бағдарламада Бибігүл Ахметқызының шығармашылығы шабыт берген, өздері де жетекші жұлдызға айналған көрнекті әртістердің орындауындағы классикалық және қазақ музыкасының ұлы туындылары орындалады.Айта кетейік, аты аңызға айналған әншінің мерейтойы аясында Қазақстан бойынша 150-ге жуық іс-шара өтті. Концерттер, көрмелер, музыкалық кештер, дөңгелек үстелдер мен конференциялар ұйымдастырылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903470

Стамбулда «Хан Сұлтан. Алтын Орда» операсының премьерасы өтті. Абай атындағы Қазақ ұлттық опера және балет театрының қойылымы Жошы ұлысының 800 жылдығына арналды.Қойылым премьерасы Ататүрік мәдениет орталығында өтті.Көптеген елдің шығармашылық өкілдерін біріктірген жаңа ұлттық опера мәдени өмірдегі айтулы оқиғалардың бірі болды. Операны дайындау барысында Алтын Орда тарихы бойынша белгілі ғалымдар — Ильнур Миргалиев, Ілияс Кемалоглу және Нұрлан Атығаевпен кеңестер алынып, тақырып егжей-тегжейлі зерделенген. Тарихи нақтылық сақталған.Екі күн ішінде қойылымды 4080 адам тамашалап, орта ғасырдың ең ірі мемлекеті – Алтын Орданың қалыптасу дәуіріне саяхат жасады. Қалың көрермен маңызды тарихи оқиғалар мен ерекше сәттерді сезіне алды.Қойылымға барлығы үш жүзден астам опера, хор, балет әртістері қатысты. Театрдың симфониялық оркестрінің сүйемелдеуі, сахнаның түрленуі, жарық эффектілері мен бейнепроекциялар көрерменді ерекше әсерге бөледі.Айта кетейік, «Хан Сұлтан. Алтын Орда» операсының премьерасы 2024 жылдың 29, 30 қарашасы және 1 желтоқсанында Алматы қаласында өткен еді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903987

«Kazakhstan International jiu-jitsu championship» беделді халықаралық турнирінде мықты балуандар өнер көрсетті, олардың арасында елордалық құтқарушы Хамзе Баққуар ерекше көзге түсті. Ол чемпион атағын алу арқылы Ресей Федерациясынан, Өзбекстан Республикасынан, Қырғызстаннан, Кувейттен, Палестинадан және Бразилиядан 1500-ге жуық спортшы қатысқан турнирден өтіп, шеберлік пен тактикалық дайындығын көрсете білді. Баққуар 94 келі салмақ дәрежесінде No-GI бөлімінде жеңіске жетіп, чемпион атанды. Хамзе Баққуар джиу-джитсудан ҚР халықаралық дәрежедегі спорт шебері, сондай-ақ грепплингтен ҚР спорт шебері болып табылады. Джиу-джитсудан ұлттық құраманың мүшесі, ҚР және джиу-джитсудан Қазақстан кубогының бірнеше дүркін чемпионы, грепплингтен Қазақстан Кубогының чемпионы. Джиу-джитсудан бірнеше дүркін Азия чемпионы және жүлдегері, 2 дүркін әлем чемпионы. Жауынгерлік самбодан ҚР чемпионы және жүлдегері, кәсіби панкратионнан әлем чемпионатының финалисті. Ақпарат көзі : https://www.gov.kz/memleket/entities/emer/press/news/details/903877

Бүгін Төтенше жағдайлар министрлігінің Стратегиялық жоспарлау және жедел басқару командалық орталығында «Қыс мезгілінің өтуі туралы. Авариялық-құтқару жұмыстары» тақырыбында брифинг өтті. Іс-шараға ТЖМ Төтенше жағдайларды жою департаментінің бас маманы Бауыржан Ахметалин, ТЖМ Азаматтық қорғаныс және әскери бөлімдер комитетінің аға офицері Қуаныш Темірбеков, сондай-ақ Өртке қарсы қызмет комитетінің бас маманы Аспандияр Сапарғалиев қатысты. Бауыржан Ахметалин атап өткендей, қысқы кезең басталғалы бері құтқару бөлімшелері 517 адамға, оның ішінде 72 балаға көмек көрсетіп, оларды қар құрсауынан эвакуациялады. Сонымен қатар 113 бірлік техника шығарылды. 19 жылыту пунктінде 348 адам орналастырылды, онда ыстық тамақпен және жылы заттармен қамтамасыз етілді. Қысқы кезеңдегі төтенше жағдайларға жедел ден қою үшін саны 37,4 мың адам және 13,6 мың бірлік техника бар күштер мен құралдар дайындалды. Республикада жедел штаб, осындай штабтар еліміздің 12 өңірінде құрылды. Халықты ықтимал қауіпті метеорологиялық құбылыстар және абайсыздық шаралары туралы ақпараттандыру бойынша белсенді жұмыс жүргізілуде. Қыс мезгілінде зардап шеккен адамдарға көмек мақсатында 1 548 жылыту пункті дайындалды. Сонымен қатар 40 трассалық медициналық-құтқару пункті де жылыту пункттері ретінде пайдаланылатын болады. Өз кезегінде аға офицер Қуаныш Темірбеков журналистерге ТЖМ бастамасымен қараша айының соңында «Мұз-24» республикалық акциясы басталғанын айтты, оның барысында әртүрлі мемлекеттік ведомстволардың қызметкерлері қатысуымен рейдтер өткізілді. Іс-шараға 2 мыңнан астам қатысты, оның барысында 50 мың адамға, оның ішінде 30 мыңға жуық балықшыға нұсқау берілді. Желтоқсан айының басында басталған өрт қауіпсіздігі айлығының өтуі туралы Өртке қарсы қызмет комитетінің бас маманы Аспандияр Сапарғалиев айтты. Мемлекеттік органдармен және үкіметтік емес ұйымдармен бірлесіп 20 мыңнан астам үйді аралау жұмысы жүргізілді, онда 74 мың адамға нұсқау берілді. Халықтың әлеуметтік осал топтарында 5 мыңнан астам иісті газ және түтін датчигі орнатылды. Айлық аясында жаңа жылдық іс-шараларды қауіпсіз өткізуге ерекше назар аударылады. 1000-нан астам жаппай мерекелік іс-шаралар өткізілетін орындар тексерілді, сондай-ақ 127 өрт-тактикалық жаттығу өткізілді. Сонымен қатар оқу орындарында балаларға, студенттерге және педагогтарға эвакуациялық жаттығулар ұйымдастырылды. ТЖМ қыс мезгілінде қауіпсіздік ережелерін сақтау қажеттілігі туралы ескертеді, дауылды ескертулерге назар аударыңыз және ауа-райы нашарлаған жағдайда үйде болыңыз! Төтенше жағдай туындаған жағдайда құтқару қызметінің «112» бірыңғай нөміріне қоңырау шалыңыз. Сонымен қатар қараңғы уақытта және нашар көрінген кезде мұзға шығуға қатаң тыйым салынады, сондай-ақ балаларды ешқашан мұзда қараусыз қалдырмаңыз! Ақпарат көзі : https://www.gov.kz/memleket/entities/emer/press/news/details/903978

Ақтөбе облысына жұмыс сапары барысында Қазақстан Республикасының Төтенше жағдайлар министрі генерал-майор Шыңғыс Әрінов пен облыс әкімі Асхат Шахаров Төтенше жағдайлар департаментінің инфрақұрылымын дамытудың 2025-2027 жылдарға арналған Жол картасына қол қойды. Жоспар азаматтық қорғау органдары қызметкерлерінің жұмысы мен еңбек жағдайларын жақсартуға бағытталған 11 негізгі іс-шараны қамтиды. Құжат бірқатар бастамаларды қамтиды. Атап айтқанда өрт сөндіру бөлімдеріне күрделі жөндеу жүргізу және абаттандыру, модульдік депо салу, қызметкерлердің әлеуметтік мәселелерін шешу және құтқару бөлімшелерінің материалдық-техникалық базасын нығайту. «Өңірлерде ТЖД инфрақұрылымын дамыту - азаматтардың қауіпсіздігін қамтамасыз етудегі басымдық. Аталмыш жоспар қызметкерлердің жұмысы үшін заманауи жағдайлар жасап қана қоймай, төтенше жағдайларға ден қоюдың жеделдігін арттырып, облыстың барлық тұрғындары үшін қауіпсіздіктің жоғары деңгейін қамтамасыз етеді», — деп атап өтті Шыңғыс Әрінов. Асхат Шахаров атап өткендей: «Жол картасын іске асыру қызметкерлердің әлеуметтік-тұрмыстық жағдайларын жақсартып, шұғыл бөлімшелердің материалдық-техникалық базасын нығайтып, ТЖ-ға ден қоюдың жауынгерлік әзірлігі мен жеделдігін арттырады, сондай-ақ өңір тұрғындары үшін қауіпсіздіктің неғұрлым жоғары деңгейін қамтамасыз етеді». Сонымен қатар құжатқа қол қойылған күні Ақтөбе қаласының Есет Батыр шағын ауданында жаңа өрт сөндіру депосы ашылды. Іс-шара аясында ТЖД қызметкерлеріне арнайы техника мен қызметтік пәтерлердің кілттері табысталды.Ақпарат көзі : https://www.gov.kz/memleket/entities/emer/press/news/details/904004

Астанада ауыл мектептерінің оқушыларына арналған қоғамдық-гуманитарлық бағыттағы II республикалық олимпиаданың қорытындысы шығарылды. Қорытынды кезеңге Қазақстанның түкпір-түкпіріндегі ауылдардан 450 оқушы қатысты.Үш күнге созылған білім сайысының нәтижесі бойынша ең жоғары бағаға қол жеткізген 197 оқушы жүлдегер атанды, оларға 36 - алтын, 65 - күміс, 96- қола медаль табысталды.«Қазақ тілінде оқытатын мектептер арасында орыс тілі пәнінен олимпиадаға қатыстым. Олимпиада арқылы өз білімімді сынап қана қоймай, Қазақстанның әр өңірінен келген өзім қатарлы балалармен танысып, достастым. Бұл – ауыл оқушыларына өздерін сынауға, тәжірибе жинауға және республикалық деңгейдегі жарыстардың қалай өтетінін көруге тамаша мүмкіндік деп ойлаймын. Осындай мүмкіндік сыйлаған мемлекетімізге, оқу-ағарту министрлігіне және барлық ұйымдастырушыларға алғысымды білдіремін», –дейді Шығыс Қазақстан облысы Марқакөл ауданының 11-сынып оқушысы Ернияз Ерланұлы.«Үздік олимпиадалық команда» номинациясы бойынша I дәрежелі дипломмен Алматы облысының құрама командасы марапатталды. II дәрежелі диплом Түркістан, Атырау және Маңғыстау облыстарының командаларына, III дәрежелі диплом Қызылорда, Солтүстік Қазақстан, Қостанай және Батыс Қазақстан облыстарының командаларына берілді.Жеті жеңімпаз елдің жетекші жоғары оқу орындарының ректорлық гранттарына ие болды (SDU – 4, Халықаралық Қ.А. Ясауи университеті – 3).Еске сала кетейік, Республикалық олимпиада 13 пән бойынша үш кезеңде өткізіліп келеді. Биыл мектепішілік кезеңге 99 264 оқушы қатысып, олардың 53 593-і аудандық деңгейге өтті. Облыстық кезеңде 12 000 оқушы бақ сынаса, финалдық кезеңге 1 000-ға жуық оқушы іріктелді. Қоғамдық-гуманитарлық бағытта 450, ал жаратылыстану-математика бағытында 486 оқушы білім бәсекесіне түсті. Барлығы екі бағыт бойынша 418 жүлдегер анықталды.Ақтық кезеңге қатысушы 940 оқушының барлығы болашақ интеллектуалдық жарыстарға дайындалу мақсатында «Дарын» республикалық сырттай мектебіне қабылданды. Ал I дәрежелі диплом иегерлері 2025 жылдың наурызында өтетін жалпы білім беретін пәндер бойынша республикалық олимпиаданың соңғы кезеңіне қатыса алады.Ақпарат көзі : https://www.gov.kz/memleket/entities/edu/press/news/details/903837

Астанада 300 мыңнан астам оқушы есірткінің зияны туралы диктант жазды.Мұндай шара елордада алғаш рет ұйымдастырылып отыр. Аталған іс-шараның мақсаты – жастар арасында нашақорлықтың таралуының алдын алу және жолын кесу, есірткі қылмысының салдары туралы ақпараттандыру жұмыстарын жүргізу.Есірткі – бұл үнемі жас ұрпақтың есіне салып отыруды қажет ететін өзекті мәселелердің бірі. Осыған орай «Астана – есірткісіз қала» акциясы аясында есірткі қылмысына қарсы күрес басқармасының қызметкерлері қаладағы колледждер мен жоғары оқу орындарының 1, 2-курс студенттерінен және жоғары сынып оқушыларынан есірткіні қолданудың зияны туралы қалалық диктант алды. Нашақорлықтың алдын алуға және есірткі қылмысымен күресуге бағытталған ауқымды шараға 300 мыңнан астам мектеп оқушысы мен студенттер қатысты. Жазбаша жұмыстармен қатар, полиция қызметкерлері студенттермен профилактикалық әңгімелесу өткізді.Студенттерге нашақорлықтың салдары, нашақорлыққа тәуелділіктің қалыптасуы және психиканың бұзылуы, сонымен қатар есірткіні таратқаны үшін өмір бойына бас бостандығынан айыруға дейінгі қылмыстық жауаптылық көзделетіні туралы айтылды.Мұндай іс-шаралар жастардың есірткіге қарсы иммунитетін қалыптастырудың, құқықтық сауаттылығын арттырудың бір жолы саналады. Бұл іс-шара жасөспірімдерді есірткіге, ішімдікке тәуелді болмауға, қылмыс жасамауға, өзінің жарқын болашағын ойлауға дәріптейді.Ақпарат көзі : https://www.gov.kz/memleket/entities/qriim/press/news/details/902578

Алматыда кинология орталығына ерекше балалар экскурсия жасады.Қазақстан Республикасы ІІМ-нің кинологиялық орталығы Алматы қаласының оқушылары мен студенттеріне есігін айқара ашады. Қонақтардың қатарында мүмкіндігі шектеулі балалар бар, олар өздерін полицей-кинолог ретінде сынап көре алады.Ерекше балалармен кездесу үшін ізкесуші иттер олармен қарым-қатынас жасау әдістеріне арнайы үйретілді: иттер психикалық және жүйке шаршауларын жеңілдетеді және белгілі бір әлеуметтік және коммуникативті іс-әрекеттерді дамытуға көмектеседі.Кішкентай қонақтарға дәстүр бойынша есірткі заттарын, жарылғыш заттарды іздестіру, күштеп ұстау және одорологиялық сәйкестендіру сияқты бағыттар бойынша кинологтардың қызметтік иттермен жұмысы көрсетіледі. Мұндай экскурсиялар кезінде балалар полиция иттерінің тұқымдары мен әдеттері туралы көп мағлұмат біліп шығады және көптеген жағымды эмоциялар алады.Ақпарат көзі : https://www.gov.kz/memleket/entities/qriim/press/news/details/902779

ТЖМ қызметкерлері батылдық, рух пен кәсібилік құтқарушылардың ажырамас қасиеттері екенін тағы да дәлелдеді. Индонезияның Джакарта қаласында өткен "GAMMA" ММА әлем чемпионатында біздің құтқарушылар Ерназ Мұсабек, Мансур Шахгереев және Сайран Сағындықов алтын медальды, күміс медальды иеленіп, Әділ Сұлтанбеков қола жүлдегер атанды. Сонымен қатар, біздің үш спортшымыз Қазақстан Республикасының еңбек сіңірген спорт шеберінің нормативтерін орындады. "Әлем чемпионатында еліміз бен ТЖМ намысын қорғау мен үшін үлкен мәртебе. Бүгінгі жетістігіміз ең алдымен, біздің министріміз генерал-майор Шыңғыс Әріновтың қолдауының нәтижесі. Құтқарушының жұмысы бізден тек күш пен мықтылықты ғана емес, сонымен қатар ақыл — ой мен төзімділікті талап етеді. Біз, құтқарушылар, күн сайын қызметте де, спорттық аренада да күш пен рухтың шегі жоқ екенін дәлелдедік", - деді Ерназ Мұсабек. Бұл спорттағы жоғары жетістік Қазақстан азаматтарының қауіпсіздігін қамтамасыз етіп жүрген құтқарушылардың кәсібилігі мен рухының күшін көрсетеді.Ақпарат көзі : https://www.gov.kz/memleket/entities/emer/press/news/details/903313

Қазақстан Республикасының Тәуелсіздік күні қарсаңында Ақтөбеде қала мен өңірдің қауіпсіздігін жақсартудағы маңызды қадам болған, көптен күткен жаңа өрт сөндіру бөлімі ашылды. Салтанатты рәсім аясында жаңа пәтерлер мен заманауи техниканың кілттері табысталды. Іс-шараға Төтенше жағдайлар министрі генерал-майор Шыңғыс Әрінов, Ақтөбе облысының әкімі Асхат Шахаров және азаматтық қорғау ардагерлері қатысты. ТЖМ басшысы Шыңғыс Әрінов жаңа өрт сөндіру бөлімі қала мен оған іргелес аумақтың қауіпсіздігін қамтамасыз етуде, сондай-ақ қызмет қызметкерлерінің жұмыс жағдайын жақсартуда шешуші рөл атқаратынын атап өтті. «Осы игі іске атсалысқан барлық адамдарға алғысымды білдіремін. Биыл еліміздің түрлі өңірлерінде 9 заманауи өрт сөндіру бөлімі ашылды, қазір бұл тізімде Ақтөбе де бар. Қызметтік жатақханалар да салынуда. Әкімдік біздің қызметімізді қолдайтынын көріп отырмыз. Бүгін біз қызметкерлерге пәтер кілттерін табыс еттік. Бұл мен үшін үлкен қуаныш», - деп ТЖ министрі атап өтті. Ол министрлік құтқару қызметтерінің инфрақұрылымын жаңартуға, соның ішінде қауіпсіздік пен жарақтандырудың заманауи стандарттарына сәйкес келетін объектілерді салуға бағытталған жаңа бастамаларды белсенді түрде енгізіп жатқанын айтты. Ақтөбедегі жаңа өрт сөндіру бөлімі 1,5 гектар жерді алып жатқан учаскеде орналасқан, онда негізгі екі қабатты ғимарат пен 6 қызметтік пәтерге арналған жатақхана бар. Депо ғимараты өрт сөндірушілердің тиімді жұмыс істеуі үшін озық техникадан бастап заманауи жабдыққа дейін барлық қажеттіліктермен жабдықталған. Ғимараттың ауданы 1612 шарты метрді құрайды, ал гараж 7 өрт сөндіру техникасына арналған. Әкімшілік ғимаратта диспетчерлік бөлмелер, қызметкерлер бөлмелері, демалыс және тамақтану бөлмелері бар. Ангар алаңы аязға және көктайғаққа төзімді автоматты қақпалармен жабдықталған, сондай-ақ арнайы техниканы жууға арналған жеке аймағы бар. Сонымен қатар депо аумағында балалар мен спорт алаңын және көшені жарықтандыру жүйесін қоса алғанда, қызметкерлердің жайлы тұруы үшін жағдайлар жасалған. «Біз құтқарушыларымыз үшін қолайлы жағдай жасаудың маңыздылығын түсінеміз. Бұл олардың жұмыс жағдайларын жақсартып қана қоймай, өңірдің жалпы қауіпсіздігін арттыруға ықпал етеді», — деп Ақтөбе облысының әкімі Асхат Шахаров атап өтті. Жоба жергілікті бюджет есебінен жүзеге асырылды, жергілікті биліктің қолдауы жаңа нысанның құрылысында маңызды рөл атқарды. Жаңа өрт сөндіру бөлімі Ақтөбе қаласының да, оған іргелес елді мекендердің де қауіпсіздігін қамтамасыз ететін болады. Бүгінгі таңда Ақтөбе облысында 25 өрт сөндіру бөлімшесі бар, олар 181 бірлік өрт сөндіру автотехникасымен жарақталған. Ақтөбедегі жаңа өрт сөндіру бөлімі-бұл өрт қауіпсіздігін нығайтудағы маңызды қадам ғана емес, сонымен қатар өңірдің жедел ден қоюды және құтқару қызметтерін жоғары дәрежелі жарақтандыруды талап ететін заманауи сын-қатерлер мен қауіп-қатерлерге дайындығының көрсеткіші. Сонымен қатар жергілікті атқарушы органдардың қолдауымен Ақтөбе облысы ТЖД-нің 20 қызметкерге тұрғын үй берілді. ТЖ министрі мен өңір басшысы қоныс иелерінің үйлеріне барды. Ақпарат көзі : https://www.gov.kz/memleket/entities/emer/press/news/details/903347

Қазақстан Республикасының Тәуелсіздік күні қарсаңында Төтенше жағдайлар министрі генерал-майор Шыңғыс Әрінов пен Ақтөбе облысының әкімі Асхат Шахаров ТЖ департаментінің қызметкерлеріне жаңа пәтерлердің кілттерін табыс етті. Мемлекет басшысының тапсырмасы бойынша жергілікті атқарушы органдардың қолдауымен іске асырылып жатқан Азаматтық қорғау органдарының өрт сөндірушілері, құтқарушылары және әскери қызметшілерінің тұрғын үй жағдайларын жақсартуға бағытталған бағдарламаның маңызды бөлігіне айналды. Жаңа тұрғын үй алғандардың қатарында радиотелефоншылар, өрт сөндіруші-құтқарушылар, жүргізуші-нұсқаушылар, бөлімше командирлері және авариялық-құтқару қызметтерінің қызметкерлері бар. Қызметкерлер тұрып жатқан жаңа тұрғын үй кешені Есет Батыр шағын ауданында салынды. Үш қабатты үйдегі барлық пәтерлер газдандырылған және әрі қарай жаңа қоныстанушыларға үй-жайларды өз қалауы бойынша жөндеу жұмыстарын жасауға дайын күйінде берілді. Шыңғыс Әрінов жаңа қоныс иелерімен жеке кездесіп, олардың қажырлы еңбектері үшін алғысын білдірді."Президенттің тұрғын үй жағдайын жақсарту мәселесі, оның ішінде пәтер алу мүмкіндігін қолдауы құтқарушыларға сенімділік пен мотивация береді. Бұл оларға батылдық пен табандылықты қажет ететін өз жұмыстарына ерекше көңіл бөлуге мүмкіндік береді", — деп ТЖМ басшысы атап өтті. Ақтөбе облысының әкімі Асхат Шахаров қызметкерлер үшін жаңа пәтерлер берудің маңыздылығын атап өтті."Біз құтқарушыларымыз үшін қолайлы жағдай жасай алатынымызды мақтан тұтамыз. Бұл олардың еңбегін мойындау ғана емес, сонымен қатар өңір тұрғындарының өмірі мен денсаулығын қорғаудағы күнделікті жұмысы үшін алғысымыз", — деді Асхат Шахаров. Сонымен қатар әлеуметтік бағдарламаны іске асыру аясында жаңадан ашылған № 25 өрт сөндіру бөлімінің аумағында орналасқан жаңа қызметтік жатақханада алты пәтер берілді. Жатақхана аумағында балалар алаңы бар, көшеге жарық жүргізілген, яғни қызметкерлер мен олардың отбасыларына барлық қолайлы жағдай жасалды.Ақпарат көзі : https://www.gov.kz/memleket/entities/emer/press/news/details/903467

Елдің электр энергетикалық кәсіпорындары өнеркәсіп пен мемлекеттік секторының қажеттіліктерін электр және жылу энергиясымен тұрақты қамтамасыз етеді.Энергетика министрлігі саланы 2035 жылға дейін дамыту жөніндегі кемінде 26 ГВт жаңа қуат енгізуді көздейтін жоспарды әзірледі және бекітті.Мемлекет басшысының және Үкіметтің тапсырмаларын орындау үшін қолданыстағы энергетикалық объектілерді ауқымды жаңғырту және реконструкциялау, сондай-ақ Энергетиканың жаңа объектілерін салу жұмыстары жүргізілуде.ЖЭК саласында бүгінгі күні белгіленген қуаты 2 903,7 МВт 148 ЖЭК нысаны (100 кВт-тан жоғары) іске қосылды және жұмыс істейді. Олардың қатарында:– Қуаттылығы-1 409,55 МВт жел электр станцияларының 59 нысаны;– Қуаттылығы-1 222,61 МВт күн электр станцияларының 46 нысаны;– Қуаты 269,785 МВт болатын 40 гидроэлектростанция нысаны;– Қуаты 1,77 МВт болатын биогаз электр станцияларының 3 объектісі бар.Өткізілген аукциондық сауда-саттықтың және "ЖЭК бойынша РФО" ЖШС-мен жасалған шарттардың қорытындысы бойынша жиынтық қуаты 1 682,4 МВт 66 ЖЭК жобасын пайдалануға беру жоспарлануда. Тартылған инвестициялар сомасы шамамен 720 млрд теңгені құрайды. Атап айтқанда:- Қуаты 311,11 МВт болатын 34 гидроэлектростанция нысаны:- Қуаты 1 110 МВт жел электр станцияларының 20 объектісі;- Күн электр станцияларының 9 нысаны 250 МВТ;- Қуаты 11,35 МВт биогаз электр станцияларының 3 объектісі.Ағымдағы жылдың соңына дейін жалпы қуаты 163,35 МВт болатын сегіз жаңа ЖЭК жобасын іске асыру көзделген. Ақмола облысында "Jasil jel" ЖШС 4,95 және 10 МВт-қа екі жел электр станциясы салынды; Жамбыл облысында "HEVEL KAZAKHSTAN" ЖШС 20 МВт-қа күн электр станциясы салынды; Алматы облысында іске асыру сатысында қуаты 3 МВт "ВЭС Толқын" ЖШС гидроэлектростанциясы тұр; Жетісу облысында 14,9 МВт-қа су электр станциясының құрылысы іске асырылуда МВт "Baskan Power" ЖШС; Ақтөбе облысында 12,5 МВт жел электр станциясын іске асыру сатысында "ERG Capital Project"ЖШС; Маңғыстау облысында "Sarkylmas Kuat" ЖШС 50 МВт жел электр станциясының құрылысы жүргізілуде; Атырау облысында "Дивитэл"ЖШС 48 МВт жел электр станциясының іске асырылу сатысында.2027 жылға дейін Энергетика министрлігі ЖЭК жобаларын іске асыру бойынша жалпы белгіленген қуаттылығы 4 500 МВт-тан астам ЖЭК генерациясының әр түрлі түрлеріне аукциондық сауда-саттық өткізуді жоспарлап отыр.Үкіметаралық уағдаластықтар шеңберінде Энергетика министрлігі "Самұрық-Қазына" ҰӘҚ " АҚ - мен бірлесіп ЖЭК жобаларын іске асыруға кірісті: Жамбыл облысында Total Energies ЖЭС 1 ГВт; Жамбыл облысында Masdar ЖЭС 1 ГВт; Юнигрин Энерджи 1 ГВт; Жетісу облысында ЖЭС 1 ГВт жобасы. Жоғарыда аталған жобалар шеңберінде отандық өндіріс жабдықтарын кемінде 30% қолдану күтілуде. Ауқымды жобалар 2025 жылы құрылыс-монтаж жұмыстарын бастайды.Қытай Халық Республикасымен ЖЭК саласындағы жобаларды іске асыру жөніндегі үкіметаралық келісімге қол қойылды, оның шеңберінде жалпы қуаты 1,8 ГВт ЖЭК объектілерін салу жоспарлануда. Осы Келісімге сәйкес үкіметаралық келісімнің контурына қосымша ЖЭК жобаларын енгізу мүмкіндігі бар.Жылу генерациясы бойыншаБиылғы жылы Екібастұз ГРЭС-1-де қуаттылығы 500 МВт жаңа генерацияның бірінші энергоблогы желіге қосылды, жыл соңына дейін Атырау ЖЭО-да тағы 65 МВт, сондай-ақ 2025 жылы Топар ГРЭС-те 130 МВт іске қосылады деп күтілуде.Қолданыстағы электр станцияларын реконструкциялау және кеңейту есебінен қосымша 5,6 ГВт іске қосу қамтамасыз етілетін болады, оның ішінде 2024 жылы министрлік энергия өндіруші ұйымдармен жалпы қуаты 1,4 ГВт 13 инвестициялық келісім жасасты. Осындай жобалардың қатарында қуаты 325 МВт Ақсу ГРЭС-на №7 блоктың құрылысы, Қарағанды ЖЭО-3-те қазандық агрегатының құрылысы және турбинаны ауыстыру және "Karabatan Utility Solution" ЖШС-нің бу-газ қондырғысын 310 МВт-тан 620 МВт-қа дейін кеңейту бар.Өткен жылы жалпы қуаты шамамен 9 ГВт жаңа генерация салу жоспарлары анықталды. Қазіргі уақытта бұл жобалар іске асырудың әртүрлі кезеңдерінде болып табылады.Аукциондық сауда-саттық шеңберінде маневрлік генерацияны іріктеу бойынша 2,5 ГВт жаңа қуаттарды іске қосу жоспарлануда.Бүгінгі таңда Түркістан, Қызылорда, Ұлытау облыстарында және Алматыда іске асырылатын жалпы қуаттылығы шамамен 1,8 ГВт болатын бу-газ қондырғыларының төрт ірі жобасы бойынша құрылыс жұмыстары жүргізілуде, олардың аяқталу мерзімі 2026 жылы жоспарланған.Сонымен қатар, 2024 жылдың тамызында Қазақстанда жалпы қуаттылығы 700 МВт болатын кезекті аукциондық сауда-саттық өтті, оның қорытындысы бойынша Жамбыл, Ақтөбе және Атырау облыстарында бу-газ қондырғыларын сату құқығына төрт жеңімпаз анықталды. Қазіргі уақытта олар аяқтау мерзімі 2028 жылға жоспарланған жобаларды іске асыруға кірісті.2029 жылға дейін инвестициялардың көлемі 8 трлн теңгеден астам болады деп күтілуде.Үкіметаралық келісім шеңберінде стратегиялық инвесторлардың қатысуымен қуаты 2 ГВт ауқымды жобаларды пысықтау жүргізілуде.Мысалы, Катармен қол қойылған үкіметаралық келісім шеңберінде Қызылорда облысында қуаты 1100 МВт бу-газ қондырғысын салу жоспарланып отыр, оның аяқталу мерзімі 2029 жыл.Тағы бір үкіметаралық келісім – Ресеймен – Көкшетау, Семей және Өскемен қалаларында көмір генерациясы базасында жаңа жылу электр орталықтарын (ЖЭО) салуға бағытталған (Көкшетау ЖЭО — 240 МВт, Семей — 360 МВт, Өскемен-360 МВт), пайдалануға берудің жоспарланған мерзімдері 2028-2030 жылдар.Бұл жобалар "таза" көмір технологияларын пайдалана отырып іске асырылатын болады және ұзақ жылыту кезеңімен және газ тасымалдау инфрақұрылымының болмауымен ерекшеленетін Қазақстанның солтүстік өңірлеріндегі қолданыстағы көмір паркін алмастыруға бағытталған.Жылыту маусымына дайындық және өтуЕліміздің электр станцияларында 2024 жылы 10 энергоблокты, 55 қазандықты және 45 турбинаны күрделі жөндеу жоспарланған. 9 энергоблокта, 53 қазандықта, 39 турбинада жөндеу жұмыстары аяқталды. Соңғы кезеңдердегі жөндеу жұмыстары 1 энергоблокта, 2 қазандықта және 6 турбинада жүргізілуде.АЭК электр желілерінде 20,7 шақырым электр беру желілері, 422 қосалқы станция және 4 мың трансформаторлық қосалқы станция жөнделді.Жылумен жабдықтау желілерінде ағымдағы жылға жоспарланған 542 шақырым жөндеу және реконструкциялау толық көлемде орындалды.Уақытылы жүргізілген жұмыстардың арқасында жылыту кезеңін тұтастай ұйымдасқан түрде бастауға және оны ірі технологиялық бұзушылықтарсыз жүзеге асыруға мүмкіндік туды.Қазақстанның ұлттық электр желісін дамыту жұмыстары жалғасуда2023 жылғы қарашада "Қазақстан БЭЖ Батыс аймағының электр желісін күшейту" жобасы сәтті іске асырылды, оның шеңберінде "Батыс Қазақстан энергожолы-Атырау – Маңғыстау"бағыты бойынша ұзындығы 780 км 220 кВ электр беру желісі (ЭБЖ) салынды. Бұл қадам электр қуатының өткізу қабілеті мен сенімділігін арттыруға бағытталған.Келесі қадам ретінде 2028 жылдың соңына дейін батыс аймақтың электр желілерін бірыңғай электр энергетикалық жүйемен біріктіру жобасы іске асырылатын болады, ол үшін Ақтөбе және Атырау облыстарын жалғайтын ұзындығы 604 км 500 кВ ЭБЖ салынады. Бұл Солтүстік және Оңтүстік аймақтардағы электр энергиясы мен қуаттағы теңгерімсіздіктерді өтеу үшін Батыс аймақта икемді газ энергия көздерін пайдалануды қамтамасыз етеді.Қазіргі уақытта жобалау-сметалық құжаттама әзірленуде, құрылыс-монтаждау жұмыстарына 2025 жылы кіріседі.Оңтүстік өңірлердің тұтынушыларын энергиямен жабдықтау сенімділігін арттыру және Орталық Азия елдерінің энергия жүйелерінің жұмыс режимдерімен байланысты авариялық бұзушылықтардың туындау тәуекелдерін азайту Оңтүстік аймақтың (Шу-Жамбыл-Шымкент) электр желілерін күшейтуді талап етеді. Қазіргі уақытта "KEGOC" АҚ осы жобаны іске асыруды бастады, оның 1-кезеңі 2027 жылы аяқталады, оның шеңберінде Шу-Жамбыл-Шымкент бағыты бойынша ұзындығы 475 км 500 кВ ӘЖ салынады. Қазіргі уақытта ЖСҚ әзірлеу жүріп жатыр.Елдің солтүстік және оңтүстік өңірлері арасындағы байланысты одан әрі күшейту, сондай-ақ транзиттік әлеуетті арттыру үшін кернеуі +/- 500 кВ "Солтүстік-Оңтүстік" тұрақты ток желілерін салу жоспарлануда.Қазақстанның бүкіл біртұтас электр энергетикалық жүйесін айналып өтуге мүмкіндік беретін елдің батыс және оңтүстік аймағын жалғайтын тұрақты ток желісін салудың орындылығын зерделеу жүргізілуде.Бұл жобаларды іске асыру тұрақты және сенімді электрмен жабдықтауды қамтамасыз етеді, сондай-ақ ұзақ мерзімді энергетикалық қауіпсіздікті қамтамасыз ете отырып, Қазақстанның энергетикалық инфрақұрылымын дамытуға ықпал етеді.АЭСАтом генерациясын құру жоспарларын іске асыру және 2060 жылға қарай көміртегі бейтараптығына қол жеткізу міндеті тұрғысында 2024 жылғы 6 қазанда Республикалық референдум өткізілді, онда азаматтардың көпшілігі АЭС салу идеясын қолдады. Қазіргі уақытта Алматы облысының Жамбыл ауданындағы Үлкен ауылының маңында 2-ден 2,8 ГВт-қа дейінгі атом электр станциясының құрылысы қаралуда, сондай-ақ ядролық технологияның әлеуетті жеткізушілерімен келіссөздер жүргізілуде, үкіметаралық комиссия құрылды, ол барлық вендорлардың ұсыныстарын бәсекелестік негізде қарайды.Жаңартылатын, баламалы энергия көздерін және газ генерациясын енгізу электр энергиясын тұтыну көлеміндегі көмір генерациясының үлесін айтарлықтай төмендетуге мүмкіндік береді. Осылайша, 2035 жылға қарай көміртекті офсетке жылына 44 млн.тн СО2 деңгейінде қол жеткізу жоспарлануда.Энергия көздері штаттық режимде жұмыс істейді, жылыту маусымы тұрақты. Іске асырылып жатқан жобалар бастапқы ресурстармен жеткілікті көлемде қамтамасыз етілген.Ақпарат көзі : https://www.gov.kz/memleket/entities/energo/press/news/details/903448