Батыс Қазақстан облысында «Ауылдық денсаулық сақтауды жаңғырту» ұлттық жобасының шеңберінде жоспарланған 24 медициналық-санитариялық алғашқы көмек нысандарынан 11 ауылдық нысан пайдалануға берілді.Батыс өңірінің картасында пайда болған жаңа медициналық ұйымдардың тізімінде келесі нысандар бар:Бөрлі ауданы Қарағанды ауылындағы фельдшерлік-акушерлік пункт;Бәйтерек ауданы Байқоңыс ауылдық округінде, Новенький ауылындағы фельдшерлік-акушерлік пункт;Бәйтерек ауданы Садовое ауылындағы фельдшерлік-акушерлік пункт;Бәйтерек ауданы Жайық ауылындағы медициналық пункт;Бәйтерек ауданы Красноармейское ауылындағы медициналық пункт;Бөрлі ауданы Жаңақоныс ауылындағы медициналық пункт;Жәнібек ауданы Борсы ауылындағы медициналық пункт;Қаратөбе ауданы Үшағаш ауылындағы медициналық пункт;Теректі ауданы Үлкен Еңбек ауылындағы медициналық пункт;Бәйтерек ауданы Өркен ауылындағы медициналық пункт;Бәйтерек ауданы Болашақ ауылындағы медициналық пункт.2025 жылға дейін ауылдық елді мекендерде 50 медициналық-санитариялық алғашқы көмек нысандарының құрылысы жоспарланған болатын.Қазіргі заманғы стандарттарға сәйкес пациенттерді ФАП-қа қабылдау үшін фельдшер кабинеті, акушерка кабинеті, қарау кабинеті, емшара кабинеті, егу кабинеті, стерилизация, дәріхана пункті, физиотерапия кабинеті, қақырық жинау кабинеті, ақпараттандыру кабинеті, шаруашылық-тұрмыстық үй-жайлар көзделген.Сондай-ақ, медициналық пункттерде орта медициналық персоналдың кабинеттері, емшара кабинеті, физиотерапия кабинеті, дезинфекциялау құралдарын дайындауға және сақтауға арналған үй-жай, дәріхана пункті мен анықтамалық вестибюль, шаруашылық және тұрмыстық үй-жайлар көзделген.Ұлттық жобаны іске асырудың мақсаты - онкологиялық ауруларды ерте сатысында анықтауды, скринингтік зерттеп-қарауларды уақтылы жүргізуді, нысаналы топтарды вакцинациялауды және созылмалы аурулары бар науқастарды емдеп-қарауды қоса алғанда, ауыл халқының денсаулығы мен өмір сүру сапасын жақсарту болып табылады.Ақпарат көзі : https://www.gov.kz/memleket/entities/dsm/press/news/details/899312

Қазақстандық делегация Санкт-Петербургтегі ТМД елдерінің денсаулық сақтау саласындағы ынтымақтастық жөніндегі кеңестің XXXVII отырысына қатысты.Форумның күн тәртібінде жаһандық сын-қатерлермен күресу және денсаулық сақтау саласындағы орнықты даму мақсаттарына қол жеткізу, дәрі-дәрмекпен қамтамасыз етудің қолжетімділігі, онкологиялық аурулармен және туберкулездің таралуымен күресу үшін күш-жігерді біріктіруге байланысты маңызды тақырыптар талқыланды.Денсаулық сақтау министрі Ақмарал Әлназарова медициналық көмектің қолжетімділігін арттыру және жоғары технологиялық медициналық қызметтерді дамыту, цифрландыру саласындағы жобалар, міндетті медициналық сақтандыру жүйесі, медициналық көмектің заманауи стандарттарын енгізу бөлігінде қол жеткізілген нәтижелер туралы айтып берді.Кеңестің отырысында Қазақстанның басты бастамасы 2025 жылды ТМД елдеріндегі медициналық-санитариялық алғашқы көмек жылы деп жариялау туралы ұсыныс болды. Бұл ұсынысты ТМД Кеңесінің барлық мүшелері қолдады.Отырыстың қорытындысы бойынша ынтымақтастықты одан әрі дамытуға және бірлескен жобаларды іске асыруға бағытталған шешімдер қабылданды, бұл ТМД аумағында медициналық көмектің сапасы мен қолжетімділігін арттыруға мүмкіндік береді.Сонымен қатар, ТМД денсаулық сақтау саласындағы ынтымақтастық жөніндегі кеңестің XXXVII отырысына қатысу шеңберінде министр бастаған Қазақстан делегациясы «Герофарм» фармацевтикалық компаниясының өндірістік алаңына барды.Мұнда қазақстандық мамандар толық циклді гендік-инженерлік инсулиннің үздік жетекші ресейлік фармацевтикалық өндірушілерінің ТОП-20 қатарына кіретін биотехнологиялық препараттарды шығару жөніндегі ұлттық компанияның жұмысымен танысты.Денсаулық сақтау саласындағы ынтымақтастық жөніндегі кеңес 1992 жылғы 26 маусымда халықтың денсаулығын сақтау саласындағы ынтымақтастық туралы келісімнің негізінде құрылғанын атап өткен жөн. Оның құрамына ТМД-ның 7 елі: Армения, Беларусь, Қазақстан, Қырғызстан, Ресей, Тәжікстан, Өзбекстан кіреді.Ақпарат көзі : https://www.gov.kz/memleket/entities/dsm/press/news/details/899320

ҚР Еңбек және халықты әлеуметтік қорғау министрлігі Мемлекеттік еңбек инспекциясы комитеті Ұлытау облысы бойынша департаментінің басшысы тағайындалды. Жасұлан Рүстемов 1986 жылы 19 тамызда туған. Д.А.Қонаев атындағы университетін «Ақпараттық жүйелер» мамандығы және Қазақ технология және бизнес университетін «Мемлекеттік және жергілікті басқару» мамандығы бойынша бітірген. Еңбек жолын 2007 жылы «Фемида» заң колледжінде ақпараттық жүйелер оқытушысы болып бастаған. 2008-2013 жылдары ҚР Көлік және коммуникация министрлігінің «Ақпараттық-тұсаукесер орталығы» республикалық мекемесінде ақпараттандыру қызметінің техник-инженері және осы қызметтің бастығы болған. Әр жылдары ҚР Көлік және коммуникация министрлігі Көліктік бақылау комитетінде бас сарапшы, ҚР Инвестициялар және даму министрлігі құжаттамалық қамтамасыз ету басқармасының басшысы, Жезқазған қаласы әкімі аппаратының басшысы болған. Облыс құрылған сәттен бастап, 2024 жылдың қазан айына дейін Ұлытау облысы әкімі аппараты басшысының орынбасары болып қызмет етті.Ақпарат көзі : https://www.gov.kz/memleket/entities/ulytau/press/news/details/899216

Қазақстан Республикасының Президентінің Катар Мемлекетіне мемлекеттік сапары аясында Цифрлық даму, инновациялар және аэроғарыш өнеркәсібі министрі Жаслан Мәдиев Mekdam Holding және Wisdom Technology сияқты Катардың ірі компанияларының өкілдерімен өнімді кездесулер өткізіп, сондай-ақ Катардың Байланыс және ақпараттық технологиялар министрі Мұхаммед бин Әли бин Мұхаммед Әл-Маннаймен кездесті. Әл-Маннай мырзамен кездесу барысында тараптар цифрлық саладағы ынтымақтастықты нығайту перспективаларын талқылады. Қазақстан GovTech саласындағы жетістіктерін таныстырып, 80-нен астам мемлекеттік деректер базасын интеграциялау, проактивті мемлекеттік қызметтерді енгізу және 4,6 миллион пайдаланушысы бар eGov mobile қосымшасы сияқты табысты жобаларын атап өтті. Тараптар жасанды интеллектті дамыту және оны экономиканың түрлі секторларында қолдану бойынша ортақ басымдықтарды айқындады. Қазақстан бұл салада тәжірибе алмасып, бірлескен жобаларды жүзеге асыруды ұсынды. Киберқауіптердің артуына байланысты тараптар деректерді және ұлттық инфрақұрылымды қорғау саласындағы ынтымақтастықтың маңыздылығын мойындады. Қазақстан Катардың киберқауіпсіздік жүйелерін құрудағы тәжірибесін зерттеуге қызығушылық білдірді. Министр Катарға Қазақстанның спутниктік топтамасын құру жобасына қатысуды ұсынды, бұл тараптарға ғылыми және қолданбалы мақсаттарда деректерді бірлесіп пайдалануға мүмкіндік береді. Жаслан Мәдиев катарлық серіктестерді Astana Hub жобаларына қатысуға, сондай-ақ Қазақстанның АҚШ, Сауд Арабиясы мен Сингапурда құрылған халықаралық IT-хабтарының мүмкіндіктерін технологиялық стартаптарды жаһандық нарықтарда қолдау үшін пайдалануға шақырды. Кездесу қорытындысы бойынша тараптар ынтымақтастықтың нақты бағыттарын пысықтау үшін жұмыс тобын құру туралы келісті. Жұмыс сапарының маңызды оқиғаларының бірі Министрдің 2024 жылғы Doha Forum аясында «Инновацияның императиві» тақырыбында сөз сөйлеуі болды. Өз сөзінде Министр GovTech саласындағы Қазақстанның жетістіктерін, соның ішінде мұқтаж азаматтарға мемлекеттік көмек көрсетуді автоматтандыратын және 3 миллионнан астам адамды қамтитын «Цифрлық отбасы картасы» жобасын атап өтті. Бұл жоба «Инклюзивті цифрлық трансформация» номинациясы бойынша GovTech Prize халықаралық сыйлығын жеңіп алды. Министр Қазақстанның табысты бастамаларын ауқымын кеңейтіп, халықаралық серіктестермен тәжірибе бөлісуге дайын екенін ерекше атап өтті. Ақпарат көзі : https://www.gov.kz/memleket/entities/mdai/press/news/details/899297

Алматының Жетісу ауданындағы Кемел ш/а құрылысы ағымдағы жылдың тамыз айында басталған көпірдің техникалық ашылуы өтті. Естеріңізге сала кетейік, бұған дейін мегаполис басшысы Ерболат Досаевтың тапсырмасы бойынша көпір бойындағы апатты жағдайға салдарынан қозғалыс жабылып, жаңасын салу туралы шешім қабылданған болатын.Бір аралықты типтегі жаңа көпір құрылымы қысқа мерзімде-шамамен 4 айда тұрғызылды. Жұмыстың бірінші кезеңі аясында апаттық көпірді бөлшектеу, инженерлік желілерді қайта құру, 29 метрлік бұрғылау қадаларын монтаждау, тіректер мен тірек желілерін орнату жүргізілді.Салынған көпір ескіден екі есе ұзын: 16,8 метрге қарсы 33 метр. Сондай-ақ ені 8,5-тен 14,5 метрге дейін ұлғайтылды, жүріс бөлігінің екі жағында әрқайсысы 1,5 метр жаяу жүргіншілер тротуары ұйымдастырылды.Жаңа көпір толығымен аяқталды және барлық ережелерге сай салынған. Ол автокөлік жүргізушілері мен жаяу жүргіншілер үшін қауіпсіз қозғалысқа кепілдік бере отырып, барлық қажетті тексерулер мен сынақтардан өтті.Екінші кезең аясында өзен арнасын нығайту және жарықтандыруды қамтитын абаттандыру жұмыстары жалғасуда. Бұдан басқа, өзен арнасын техника үшін уақытша негізден тазарту жүргізілетін болады. Бұл жұмыстарды ағымдағы айдың соңына дейін жүргізу жоспарлануда.Естеріңізге сала кетейік, маусым айында 60-шы жылдардағы көпір құрылысына жүргізілген техникалық тексеру бетон конструкцияларының ішінара бұзылуын, көпір тіректерінде жарықтардың пайда болуын, деформациялық тігістің болмауын және өзге де ақауларды анықтады.Жергілікті тұрғындар нормативтік мерзімнен әлдеқайда жылдам салынған көпірдің аяқталғанына қуаныштарын жасырмайды.«Біз ескі көпірді ұзақ уақыт жөндеуді күттік, бірақ біз жаңасын, сонымен қатар өте қысқа мерзімде салынғанына таң қалдық. Жұмыс сапалы және жаяу жүргіншілерге ыңғайлы жүргізілгенін көруге болады. Жаңа көпір талай онжылдықтарға қызмет ететін болады деп сенімді түрде айтуға болады», - деді Юлия Хвалынская.Семейгүл Зияданова да жаңа көпірді бағалады. «Бұл көпір шағын аудан тұрғындары үшін үлкен маңызға ие, өйткені ол арқылы бірнеше автобус маршруттары, сондай-ақ мектеп автобусы өтеді. Бұл облыс тұрғындары мен жақын маңдағы ауылдарға баратындар үшін өте қажет. Көпір күнделікті сапарлардың қысқа болуын қамтамасыз етеді», - деді ол.Ақпарат көзі : https://www.gov.kz/memleket/entities/almaty/press/news/details/898841

Бүгін Дохада Қазақстан мен Катардың мемлекеттік ұйымдары мен іскер топтары өкілдерінің қатысуымен екінші Катар-Қазақстан инвестициялық дөңгелек үстелі өтті.Іс шара барысында қатысушылар екі елдің іскер топтары арасындағы мұнай, газ және газ-химия өнеркәсібі салаларындағы ынтымақтастық мәселелерін талқылады.Бүгінгі таңда катарлық инвесторлармен бірлесіп бірқатар жобалар жүзеге асырылуда, оның ішінде қуаттылығы жылына 1 млрд м³ және 2,5 млрд м³ екі газ өңдеу зауытының құрылысы, жаңа КС-14 компрессорлық станциясының және «КС-14-Қостанай-Ақтөбе» магистральдық газ құбыры, сондай-ақ «Бейнеу-Бозой-Шымкент» газ құбырының екінші желілерінің құрылысы,«Газ өнеркәсібінің әлемдік көшбасшысы ретінде Катар біз үшін стратегиялық қызығушылық тудырады. Сіздердің нарықтарыңыз біздің компаниялар үшін өте маңызды екеніне сенімдімін, өйткені катарлық серіктестермен ынтымақтастық оларға баға жетпес тәжірибе алуға және бірлескен кәсіпорындарын құруға мүмкіндік береді. Бұл білікті компаниялар алдағы уақытта Қазақстанның газ саласын дамытуда шешуші рөл атқаратын болады», - деп атап өтті вице-министр.Сондай-ақ, дөңгелек үстел аясында Энергетика министрлігі мен «UCC Concession, Infrastructure, Oil & Gas» компаниясы арасында «Инвестициялық келісім», «Қуаттылық нарығы туралы келісім» және «Электр энергетикасын сатып алып-сату шарттары» сияқты бірнеше бағыттар бойынша Жол картасына қол қойылды.Ақпарат көзі : https://www.gov.kz/memleket/entities/energo/press/news/details/899213

Азаматтарды қабылдау барысында Астана, Алматы, Тараз, Өскемен қалалары мен Ақмола, Жамбыл облыстарының тұрғындары вице-министрге өз шағымдарын жеткізді.Тұрғындар тарапынан әділет органдарының қызметіне қатысты сұрақтар көтеріліп соның ішінде алимент өндіру мәселесі, заң кеңесі палатасының қызметкерлеріне, жеке сот орындаушылар мен адвокаттардың іс-әрекетіне қатысты шағымдар айтылды.Азаматтарды қабылдау қорытындысы бойынша вице-министр Әділет министрлігінің аумақтық бөлімшелерінің басшылары мен әділет департаменттерінің директорларына бірқатар нақты тапсырмалар берді.Азаматтарды қабылдау барысында көтерілген мәселелер вице-министрдің жеке бақылауына алынды.Ақпарат көзі : https://www.gov.kz/memleket/entities/adilet/press/news/details/899292

Қазақстан Төтенше жағдайлар министрлігі азаматтарды демалыс және мереке күндері қауіпсіздік шараларын сақтауға шақырады. Жаппай өткізілетін іс-шаралар мен адамдардың, әсіресе қыста таза ауада демалу оқиғаларының көбеюіне байланысты төтенше жағдайлардың алдын алу маңызды. 2024 жылғы 14 желтоқсаннан бастап ТЖМ бөлімшелері ТЖ қаупінің жоғарылауына байланысты қызметтің күшейтілген режиміне көшуде. Бұған қосымша рейдтер, жаппай өткізілетін іс-шараларды бақылау және демалыс орындарындағы қауіпсіздік кіреді. Сонымен қатар өрт-тактикалық жаттығулар, бизнес объектілерінің қызметкерлерімен нұсқамалар және ұсынымдар бере отырып, комиссиялық тексерулер өткізілетін болады.ТЖМ азаматтарға қауіпсіздіктің негізгі ережелерін сақтау қажеттігін ескертеді: Өрт қауіпсіздігі: жылыту және электр аспаптарын пайдалану кезінде абай болыңыз, балаларды қараусыз қалдырмаңыз, пиротехниканы пайдалану кезінде қауіпсіздік шараларын сақтаңыз Судағы қауіпсіздік: жұқа мұзға шықпаңыз, су айдындарында жүріс-тұрыс ережелерін сақтаңыз, балалардың қараусыз судың жанында болуына жол бермеңіз. Таудағы қауіпсіздік: тексерілген жабдықты пайдаланыңыз, тиісті дайындықсыз және маршрутты білмей тау маршруттарына шықпаңыз. Жол қауіпсіздігі: жол ережелерін сақтаңыз, әсіресе қысқы ауа-райында және көлікті басқару кезінде мұқият болыңыз.ҚР Төтенше жағдайлар министрлігінің ақпараты бойыншаҚазақстан ТЖМ мереке күндері қауіпсіздік ережелерін сақтауға шақырадыАқпарат көзі : https://www.gov.kz/memleket/entities/zhetysu-oblysy/press/news/details/898962

Осы жылдың басында Жетісу облысының Талдықорған қаласында зейнеткерлік жастағы азаматтарға сапалы қызмет көрсету мақсатында Белсенді ұзақ өмір сүру орталығы ашылған болатын, бұл нысанға қазір күніне 250-ден астам адам келеді. Мұнда 12 түрлі қызмет көрсетіледі, 40-қа жуық жұмыс орны ашылған, - деп хабарлайды Жетісу облысы әкімінің баспасөз қызметі. Облыстық жұмыспен қамтуды үйлестіру және әлеуметтік бағдарламалар басқармасының басшысы Ермек Мизамбаевтың айтуынша, облыс орталығы Талдықорған қаласының өзінде 25 мыңға жуық зейнеткер тұрады, сондықтан облыс әкімінің тапсырмасы бойынша «Еңбек ресурстары және белсенді ұзақ өмір сүру орталығы» КММ құру туралы шешім қабылданған.- Біздің орталық жұмысының негізгі мақсаты - мәдени, шығармашылық, спорттық және іскерлік қабілеттерін шыңдау арқылы зейнет жасындағы адамдардың физикалық және психикалық саулығын нығайту. Бүгінгі таңда белсенді ұзақ өмір сүру орталығына күн сайын 250-ден астам адам келеді. Сонымен қатар жыл басынан бері орталыққа келушілердің қатысуымен 50-ден астам түрлі іс-шаралар, сондай-ақ Ақсу, Кербұлақ, Қаратал аудандарының киелі орындарына, тарихи нысандарына экскурсиялар, Абай облысының Семей қаласына сапар ұйымдастырылды. Талдықорғанның зейнеткерлік жастағы кез келген тұрғыны біздің орталыққа келе алады, мұнда барлық қызметтер тегін көрсетіледі. Тек жеке куәлігі мен зейнеткер куәлігін алып келуі керек, - деді «Еңбек ресурстары және белсенді ұзақ өмір сүру орталығы» КММ басшысы Әсет Оразбекұлы.Мұндағы қолайлы жағдайларға орталыққа келушілер риза. Орталықтан қызмет алатын Сайра Ахметова:- Мен Белсенді ұзақ өмір сүру орталығына ашылғаннан бері тұрақты келемін. Фитнеспен, йогамен, бимен айналысамын. Емдік массаж курсынан өттім. Бір жағынан денсаулыққа пайдалы, екіншіден араласатын ортаң кеңейеді, бұл біз үшін өте маңызды. Қаласақ, тіл үйренуге де жағдай жасалған. Мұнда әркім өз қалауына қарай айналысатын іс табады. Орталықтың есігі біз үшін таңертеңнен кешке дейін ашық. Осы мүмкіндікті пайдаланып, оны құруға, жұмысын жүргізуге қатысқан азаматтардың барлығына алғысымды білдіремін, - деді ардагер.Атап өтсек, келесі жылы Талдықорғанда ерекше қажеттілігі бар азаматтарға арналған 150 орынды оңалту орталығының құрылысы жоспарланған. Сонымен қатар «Инватакси» қызметінің саны өткен жылдан аймақта 18-ден 32-ге дейін өсті. Жетісу облыс әкімінің баспасөз қызметі. Фотограф: Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/899148

Жаңаөзен қаласында тұрғындар үшін сапалы жол инфрақұрылымын құру бағытында 13 жоба іске асырылып жатыр. Оның ішінде 8 жоба «Ауыл – Ел бесігі» және «Моноқалаларды дамыту» бағдарламалары шеңберінде қолға алынған.«Ауыл – Ел бесігі» бағдарламасы аясында Теңге, Кендірлі, Қызылсай және Рахат ауылдарында жолдарды салу және жөндеу жұмыстары жүргізілуде. Жобалар сапалы көлік қатынасын қамтамасыз етуге және тұрғындардың өмір сапасын арттыруға бағытталған.«Моноқалаларды дамыту» бағдарламасы аясында Рахат ауылындағы және Мерей шағын ауданындағы жол құрылыстары қарқынды жүргізілуде.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/899071

Бүгін, 9 желтоқсан күні Маңғыстау облысының әкімі Нұрдәулет Қилыбай Жаңаөзен қаласының тұрғындарымен кездесу өткізіп, жергілікті халықтың ұсыныс-пікірлерін тыңдады.Алдымен қала әкімі Жансейіт Қайнарбаев Жаңаөзеннің 2024 жылдың қаңтар-қазан айларындағы әлеуметтік-экономикалық даму көрсеткіштері және 2025 жылға арналған негізгі жоспарлары туралы баяндама жасады.Жансейіт Қайнарбаевтың айтуынша, қалада 2024-2026 жылдар аралығында жалпы құны 174 млрд. теңгеден асатын 13 жаңа ірі инвестициялық жобаларды жүзеге асыру жоспарлануда. Оның нәтижесінде мыңнан астам жаңа жұмыс орындары ашылмақ.Жоспарланған жобалар қатарында Бетон шығару зауыты, Жаңа газ өңдеу зауыты, сондай-ақ «ҚазМұнайГаз» ҰК АҚ мен Eni S.p.A. компаниясының бірлескен гибридті электр станциясы бар. Бұдан бөлек, 2025 жылы «KazPetroDrilling» АҚ-ның сорғы-компрессорлық құбырлар мен сорғы штангаларын өндіретін зауыт және шағын құс фермасы жобасын жүзеге асыру жоспарланып отыр.Жолаушылар тасымалы саласында биыл қала аумағында 5 қосымша бағыттар ашылып, қазіргі уақытта 10 маршрут бойынша 33 автобус қызмет көрсетуде.Сондай-ақ, Кендірлі туристік аймағын дамыту аясында киелі орындарға жаңа маршруттар ашу көзделуде. Мысалы, «Кендірлі – Темір Баба қорымы – Қауынды, Қорғанбай ойпаттары – Кендірлі-Қаясан – Адамтас – Ақсу» туристік маршруты арқылы Қарақия ауданына қарасты «Өнере бұлағы – Қарынжарық ойпаты – Булыойық үңгірі – Қызылкүп шатқалы – Боқты тауы – Сенектің құмы – Бозжыра – Бекет ата» маршрутына жалғастыру көзделіп отыр.Әлеуметтік саланы жақсарту мақсатында Кендірлі ауылында 50 адамға арналған дәрігерлік амбулаторияның құрылысы аяқталды. Қазіргі таңда қабылдау жұмыстары жүргізілуде. Жыл соңына дейін амбулатория пайдалануға беріледі.Жаңаөзен қаласы мен оған қарасты ауылдарда 442 кәсіпкерлік нысан тіркелген. Кәсіпкерлікті дамыту мақсатында «Бір ауыл – Бір өнім» ұлттық жобасы аясында форум мен жәрмеңке ұйымдастырылып, жергілікті кәсіпкерлер өз өнімдерін таныстыруға мүмкіндік алды. Нәтижесінде, екі жоба финалға шығып, олардың әрі қарай дамуына арнайы ғимарат бөлінді.Кездесуде қала тұрғындары облыс әкіміне толғандырған мәселелерін жеткізіп, шешімін күткен түйткілдерді ортаға салды. Халықтың басым көпшілігі тұрғын үй, жұмыссыздық, жол мәселесі, кәсіпкерлік, білім саласы мен үлескерлерге қатысты мәселелерді көтерді.Нұрдәулет Қилыбай көтерілген сұрақтарға жауап беріп, қала әкімі мен тиісті басқарма басшыларына мәселелерді заң аясында шешуді тапсырды. Кездесу соңында облыс әкімі тұрғындарға жеке қабылдау өткізді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/899109

Жаңаөзен қаласының кіреберісіне биіктігі 10, ені 4 метр болатын «Домбыра» инсталляциясы орнатылды.Бұл арт-объект селфи үшін тартымды орын ғана емес, қазақтың үні мен асыл дүниесін жан-жақты насихаттап, жас ұрпақтың санасына сіңіру бағытында маңызды рөл атқармақ.- Домбыра - біздің тарихымыз, ұлттың үні. Ата-бабамыз ішкі күйзелісін де, қуанышын да домбырамен жеткізген. Келіннің бетін де ұлттық аспаппен ашқан. Біз Жаңаөзенді қаймағы бұзылмаған салт-дәстүр мен мәдениеттің ошағы, білім мен өркениеттің қаласы екенін көрсеткіміз келді, дейді Жаңаөзен қалалық тұрғын үй коммуналдық шаруашылық және тұрғын-үй инспекциясы бөлімінің басшысы Әділет Сәми.Қазіргі уақытта инсталляция аумағына қосымша жарық шамдар қойылып, аббаттандырылуда.Ақпарат көзі : https://www.gov.kz/memleket/entities/mangystau/press/news/details/899188

Су ресурстары және ирригация бірінші вице- министрі Болат Бекнияз Сауд Арабиясының «Asharq Al-Awsat» басылымына сұхбат бердіhttps://english.aawsat.com/business/5087751-kazakh-official-reveals-details-water-summit-co-chaired-saudi-arabia-france Ақпарат көзі : https://www.gov.kz/memleket/entities/water/press/news/details/898767

Қорғаныс бөгеті – елді мекендерді су тасқынынан қорғау үшін салынатын бөгет.Ақпарат көзі : https://www.gov.kz/memleket/entities/water/press/news/details/898814

Еуразиялық азаматтық авиация конференциясының озық тәжірибе орталығында (EACAC) Сингапурдың Азаматтық авиация басқармасының (CAAS) оқу бөлімшесі болып табылатын Сингапур Авиация академиясы (SAA) және Қазақстанның авиациялық әкімшілігімен бірлесіп, Астана қаласында алғашқы курсын өткізді.Аудит әдіснамасы мен озық тәжірибелер бойынша бұл бес күндік курс Қазақстанның авиациялық әкімшілігі және CAAS үшін бүкіл Орталық Азиядағы авиациялық аудит құзыреттерін нығайтудағы маңызды кезең болды. Оған Қырғызстан, Тәжікстан және Өзбекстаннан қатысушыларды қоса алғанда, қауіпсіздік пен тиімділіктің жоғары стандарттарын қамтамасыз ету үшін аудиттің негізгі әдістері мен әдістемелеріне назар аударған 30 өкіл қатысты. SAA-дан тәжірибелі нұсқаушы Конг Чонг Так жүргізген курс қатысушыларға ұйымдық процестерді бағалау және халықаралық авиация стандарттарына сәйкестікті сақтау бойынша практикалық дағдыларды берді.Қатысушылар сонымен қатар аймақтық ынтымақтастықты нығайтуға және авиациялық аудит саласындағы құзыретті арттыруға ықпал еткен білім және тәжірибе алмасу мүмкіндігіне ие болды.Бұл бастама өңірдегі авиация саласының өсіп келе жатқан қажеттіліктерін қанағаттандыруға қабілетті білікті жұмыс күшін құру бойынша ауқымды күш-жігердің бір бөлігі болып табылады.Іс-шара барысында ҚАӘ бас директоры Каталин Раду аймақтық ынтымақтастық пен авиациялық индустриядағы әлеуетті арттыруғадеген көзқарасымен бөлісті:«Курс Орталық Азиядағы ынтымақтастықты нығайту және авиациялық аудиттің маңызды дағдыларын дамыту жолындағы алғашқы қадам болып табылады. Біліммен бөлісу аймақтағы қауіпсіздікпен тиімділік стандарттарын арттыру үшін өте маңызды және мен бұл бастаманы жүзеге асыруға өз үлесімді қосқанымды мақтан тұтамын. Орталық Азиядағы авиацияның болашағын нығайту үшін бірлесіп жұмыс істейтіндіктен, біздің аймақтық ынтымақтастыққа деген ұмтылысымыз арта береді».Нұсқаушы Конг Чонг Так былай деп қосты:"CAAS авиация мамандарының келесі буынын дамытуды қолдауға және Орталық Азия аймағында ұшу қауіпсіздігін қадағалау мүмкіндіктерін кеңейтуге өз үлесін қосуға тырысады. Біз өз тәжірибемізбен бөлісуге және қатысушылармен өзара әрекеттесудің пайдасын көруге қуаныштымыз. Бұл курстың мақсаты қатысушыларға құнды ақпарат пен практикалық дағдыларды беру болды және олар өз елдерінде қауіпсіз және тиімді авиациялық қызметті қамтамасыз ете отырып, осы дағдыларды өз жұмыстарына тікелей қолдана алады деп үміттенемін". Осы пилоттық бағдарламаның жетістігі авиациялық қауіпсіздікті жақсартуға және бүкіл Орталық Азияда кеңірек ынтымақтастықты дамытуға бағытталған болашақ оқыту бастамалары үшін перспективті үлгі болып табылады.Ақпарат көзі : https://www.gov.kz/memleket/entities/transport/press/news/details/898944

ХАБАРЛАНДЫРУҚазақстан Республикасы Көлік министрлігі «Ашық НҚА» порталында «Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидаларын бекіту туралы» Қазақстан Республикасы Көлік және коммуникация министрлігінің 2011 жылғы 24 тамыздағы № 523 бұйрығына өзгерістер енгізу туралы Қазақстан Республикасы Көлік министрлігінің бұйрық жобасының орналасқаны туралы хабарлайды.Сіздерді осы бұйрықтың жобасы бойынша қоғамдық талқылауға қатысуларыңызды сұраймыз.Толығырақ: https://legalacts.egov.kz/npa/view?id=15336879 Ақпарат көзі : https://www.gov.kz/memleket/entities/transport/press/news/details/899073

Астанада 2024 жылғы 9-13 желтоқсан аралығында Қазақстан Республикасы Мәдениет және ақпарат министрлігінің қолдауымен Қазақ ұлттық өнер университеті ұйымдастырған «Astana Piano Passion» II Республикалық жас пианистер байқауы өтіп жатыр.Байқау ұлттық фортепиано мектебін дамытып, дарынды жас музыканттарды қолдауға, сондай-ақ классикалық және академиялық музыканы, қазақстандық композиторлардың музыкасын және фортепианода орындау шеберлігін дәріптеуге бағытталған.Ұйымдастырушылар қатысушылардың орындау шеберлігін арттыру, олардың кәсіби дамуына үлес қосу және халықаралық жобаларға дайындық жасау секілді міндеттерді алға қояды. Сонымен қатар, іс-шара барысында тәрбиешілер мен оқушылар арасында тәжірибе алмасуға да жағдай жасалған.Байқауға Қазақстанның мәдениет және өнер саласы бойынша білім беру ұйымдарында «Фортепиано» мамандығында оқитын 7 жастан 18 жасқа дейінгі жас пианистер қатыса алады. Алдыңғы «Astana Piano Passion» конкурстарының Гран-при жəне бірінші орын иегерлері бұл додаға сол жас категориясында қатыса алмайды. Байқау төрт жас категориясы бойынша өтеді. Атап айтсақ, 7-9 жас, 10-12 жас, 13-15 жас және 16-18 жас аралығындағы өнерпаздар.Байқаудың бірінші күні «С» санатындағы қатысушылардың жеребесі мен тыңдалымы және ҚР еңбек сіңірген әртісі А. Тебенихиннің шеберлік сыныбы өтті. Конкурстың онлайн-трансляциясын ҚазҰӨУ YouTube-арнасынан тамашалауға болады.Қосымша ақпаратты www.pianopassion.kz сайтынан таба аласыз. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898999

ҚР Мәдениет және ақпарат министрлігі 2024 жылғы қызметін қорытындылап, креативті индустриялар саласындағы негізгі жетістіктерді ұсынады.Креативті индустриялардың дамуы – Мемлекет басшысының жіті бақылауындағы сала.«Креативті индустрия еліміздің экономикасын өркендетуге тың серпін беретініне сенемін», - деді Қасым-Жомарт Тоқаев Ұлттық құрылтайдың үшінші отырысында.2024 жыл Қазақстанның креативті индустриялары үшін маңызды кезең болды. Global Innovation Index-2024 әлемдік рейтингісінде «Креативті тауарлар мен қызметтер» көрсеткіші бойынша Қазақстан 93-ші орыннан 65-ші орынға көтерілді.Бұл жетістік – жоспарлы жұмыс пен мемлекеттік қолдаудың нәтижесі. Креативті экономиканы одан әрі дамыту үшін Мәдениет және ақпарат министрлігі жеке шаралар пакетін әзірледі.Ведомствоның алғашқы міндеттерінің бірі креаторларды көлеңкелі экономикадан шығару болды. Осы мақсатта тізімге арнайы салық режиміне жататын шығармашылық қызметтің 40 түрі енгізілді. Бизнес салықтың барлық түрлерін (КТС, ЖТС, ҚҚС) төлеуден босатылып, тек бірыңғай салық – ЖК үшін – 2-4%, ЖШС үшін – 8% төлейді.Нәтижесінде бүгінде креативті индустрия саласында 135 мыңға жуық қазақстандық жұмыс істейді. Олардың саны 2029 жылға қарай екі есе артады деген болжам бар.Креативті өнімдер мен қызметтер – адам еңбегінің өзіндік ерекшелігімен, жаңашылдығымен және жоғары құндылығымен сипатталады. Мемлекеттің міндеті – зияткерлік меншіктің қауіпсіздігі мен оның қорғалуын қамтамасыз ету. Бұл бағытта Дүниежүзілік зияткерлік меншік ұйымымен (ДЗМҰ) тығыз ынтымақтастық орнатылды. Оқыту семинарлары, тренингтер өткізіліп тұрады. Сондай-ақ ДЗМҰ, СІМ және ӘМ қазақстандық креаторлар үшін білім беру платформасын іске қосуды жоспарлап отыр.Креативті тауарлар мен қызметтерді коммерцияландыруды қолдау үшін оларды Қазақстан банктерінің маркетплейсіне орналастыру жөнінде уағдаластыққа келісім жасалды.Тағы бір маңызды мәселе – креаторлар үшін инфрақұрылым құру. Президенттің тапсырмасы бойынша Қазақстанның барлық ірі қалаларында хабтар жоспарлы түрде ашылып жатыр. Қазіргі уақытта мұндай орталықтар Астана, Алматы, Түркістан, Шымкент, Атырау, Қызылорда, Петропавл, Ақтөбе және Алматы облыстарында жұмыс істейді.Сонымен қатар Корпоративті қор да құрылып жатыр. Қордың негізгі міндеті халықаралық нарыққа креативті тауарлар мен қызметтерді шығару, таланттарды қолдау, өнімдер мен зияткерлік қызмет нәтижелерін экспорттау және коммерцияландыру болады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898997

Primeminister.kz сайтының редакциясы еліміздің 2024 жылғы даму қорытындылары туралы жарияланымдар сериясын ұсынуды жалғастырады. 2024 жыл Қазақстан туризмі үшін айтулы жыл болды. Мемлекет басшысы Қасым-Жомарт Тоқаевтың тапсырмасы бойынша елімізде туризм саласын жаңғыртуға, оның бәсекеге қабілеттілігін арттыруға және жаһандық экономикаға кірігуге бағытталған жүйелі шаралар кешені жүзеге асырылуда. Мемлекеттік қолдаудың, инвестиция тарту мен халықаралық аренада ілгерілетудің арқасында еліміз экономикалық өсу мен мәдениетаралық өзара іс-қимылдың маңызды қозғаушы күшіне айналып отырған туризм саласындағы оң нәтижелер көрсетіп отыр.Еліміздің туризм саласы тұрақты түрде дамып келеді. 2024 жылдың 9 айында ішкі туристер саны 562 мыңға артып, 6 млн адамға жетті. Шетелден келетін туристер легі 11,5 млн адамды құрады, бұл 2023 жылдың сәйкес кезеңіндегі көрсеткішпен салыстырғанда екі есеге жуық көп. Оның ішінде шетелдік 969 мың турист орналастыру орындарына жайғасты. Бұл көрсеткіштер қабылданып жатқан шаралардың тиімділігі мен туристік бағыт ретінде Қазақстанға қызығушылықтың артып келе жатқанын айғақтайды.Саланың экономикалық көрсеткіштері де айтарлықтай өсім көрсетіп отыр. Орналастыру нысандарының жалпы кірісі 27%-ға өсіп, 224 млрд теңгені құрады. Орналастыру нысандарының саны 306 бірлікке өсіп, 4 315-ке жетті, ал олардың сыйымдылығы 18 мың төсек-орынға дейін артып, 226 мыңды құрады. Бұл Қазақстанның ішкі және халықаралық туристерді қабылдауға дайындығын едәуір арттыруға мүмкіндік береді.Туризмге салынған инвестиция көлемі қарқынды өсіп келеді. 2024 жылдың 10 айында олардың көлемі 33,6%-ға артып, 668,1 млрд теңгені құрады. Негізгі жобалар қатарында алдын ала құны 194 млрд теңгені құрайтын Астана туристік ауданы бар, ол 2 мыңға жуық жұмыс орнын ашып, толық іске қосылғанда жыл сайын 10 млрд теңге салық аударымдарын түсіреді. Жобаның аяқталуы 2026 жылға жоспарланған.Екінші жоба – Маңғыстау облысындағы Каспий Ривьерасы, онда ҚР Премьер-министрінің қатысуымен туризм бойынша халықаралық ауқымды форум өтті. Жоба жағажай демалыс орны, гольф қонақ үйі, виллалар кешені, аквапарк және ойын-сауық орталығы сияқты бірнеше бастама аясында «Жылы жағажай» аумағын кешенді игеруді қамтиды. Жобаның жалпы бағалау құны 137,4 млрд теңгені құрайды, ал жоспарланған іске асыру мерзімі – 2024–2026 жылдар. Елімізде туризм саласын мемлекеттік қолдау күшейтілді. Биыл мемлекеттік қолдауға мақұлданған өтінімдер көлемі 3 есеге артты. Тек 2024 жылдың өзінде 37 туристік нысан мен 6 туристер тасымалдайтын автобусқа 2,1 млрд теңге мақұлданды.Халықаралық ынтымақтастыққа ерекше көңіл бөлінеді. 2024 жылды Қытайдағы Қазақстандық туризм жылы деп жариялау Қазақстанды ілгерілету үшін маңызды қадам болды. Қытайдың ірі қалаларында 30-дан астам іс-шара өтті.18 қарашада Қазақстан «цифрлы» көшпенділерге арналған Neo Nomad Visa енгізді, бұл елімізді қашықтан жұмыс істейтін саяхатшылардың жаңа буыны үшін тартымды етеді. Прогресс халықаралық рейтингіде де көрініс тапты: Қазақстан 2019 жылғы 80-ші орыннан позициясын жақсартып, 119 елдің ішінде 52-ші орынға көтерілді.5-ші Дүниежүзілік көшпенділер ойындарының Астанада өтуі халықаралық аренада маңызды оқиғаға айналды. Ойындарға 89 елден 2 700 қатысушы жиналды. «Астана – Арена» және «Қазанат» ипподромы сияқты спорт нысандарын қайта жаңарту қаланың инфрақұрылымын жақсартты. Сондай-ақ Қазақстан ауылдық туризмді дамытқаны үшін марапаттарға ие болды: Саты ауылы Best Tourism Village Award жүлдесін алды, ал Катонқарағай ауданының жобасы ITB Berlin 2024 көрмесінде үшінші орын иеленді.2024 жылдың соңына дейін жалпы құны 120,4 млрд теңгені құрайтын 119 инвестициялық жобаны аяқтау жоспарланып отыр, бұл 1 319 жұмыс орнын ашуға мүмкіндік береді. Негізгі бастамалар қатарына Түркістандағы «Medina Palace» қонақ үйінің құрылысы мен жаңа қонақ үй нысандарын қосу арқылы «Ақсу – Жабағылы» шипажайын жаңғырту кіреді.Глэмпинг алаңдары мен қонақ үйлер құру арқылы 10 мың ауыл тұрғынын қосымша жұмыспен қамтамасыз ететін агротуризмді дамытуға ерекше көңіл бөлінуде. Ұлттық парктер аумақтарындағы инфрақұрылымды дамытуға арналған қонақүйлерді жіктеу жүйесін жаңарту және жергілікті атқарушы органдар өкілеттіктерін кеңейту жоспарланып отыр.Аймақтардағы туризм: өсу, инвестиция және инфрақұрылымның дамуыАқмола облысыБиылғы 9 ай қорытындысы бойынша өңірге келген туристер легі 1 млн-нан астам туристке жетті, оның ішінде 404,7 мың адамға орналастыру орындары қызмет көрсетті. Бурабай курорттық аймағына 932 мың адам келді. Туризм саласынан бюджетке түсетін салықтық түсім мөлшері 3,1 млрд теңгені құрады, өсім 30%-ды құрады. Биылғы 10 ай қорытындысына сәйкес, негізгі капиталға салынған инвестиция көлемі 23,1 млрд теңгені құрап отыр.Алматы облысы2024 жылдың 9 айында туристер саны 384,1 мың адамды құрады, бұл 2023 жылдың сәйкес кезеңімен салыстырғанда 19%-ға көп (322,3 мың адам).Туристер арасында «Іле-Алатау», «Көлсай көлдері», «Шарын» өңірінің мемлекеттік ұлттық табиғи парктері пайдаланылады.Биылғы 10 ай қорытындысы бойынша негізгі капиталға салынған инвестиция көлемі 24,4 млрд теңгені құрады.Алматы облысы еліміздің туристік стратегиясындағы негізгі бағыттардың біріне айналған бірегей тау кластерін белсенді дамытып келеді. Туристік саланы дамытудың 2023–2029 жылдарға арналған бекітілген тұжырымдамасы шеңберінде Түрген көркем шатқалынан Қаскелең шатқалына дейін тау шаңғысы базаларын құру мен жаңғыртуды қамтитын кешенді жоспар әзірленіп жатыр. Аталған жоба таулы демалыс үшін заманауи және сұранысқа ие инфрақұрылымды қалыптастыруға, сондай-ақ Алматы өңірінің халықаралық деңгейдегі туризм орталығы ретіндегі мәртебесін нығайтуға қабілетті жаңа тартымды орындар ашуға бағытталған.Алматы қаласы9 айдың қорытындысына сәйкес, 2024 жылы туристердің жалпы саны 14%-ға (2023 жылдың сәйкес кезеңімен салыстырғанда) өсіп, 1,7 млн адамға жетті. Шетелдік туристер саны 24%-ға өсіп, 507,5 мың адамға жетті. Ішкі туристер саны 1,2 млн адамды құрады, бұл өткен жылдың сәйкес кезеңімен салыстырғанда 1,1%-ға артық. Туристер легінің артуы негізгі капиталға инвестицияның ұлғаюымен қатар жүреді. 2024 жылдың 10 айында 29,3% өсіммен 86,6 млрд теңге инвестиция тартылды. Туризмнен түскен салық түсімдері 76,9 млрд теңгені құрады, бұл өткен жылдың сәйкес кезеңімен салыстырғанда 2 есеге жоғары. Қаланың туризм саласында 83,1 мың адам жұмыспен қамтылған.2024 жылы Алматыда жеке қаражат есебінен 25 туристік нысан ашылды, атап айтқанда, 15 қонақ үй, 4 глэмпинг алаңы, 4 жатақхана және 2 қонақ үй. Сондай-ақ жеке инвестиция есебінен 2027 жылға дейін 339,5 млрд теңгеге қонақүй құрылысы бойынша 30 жобаны аяқтау және 125 млрд теңгеге 29 туристік нысан салу жоспарланып отыр.Батыс Қазақстан облысы2023 жылдың 9 айымен салыстырғанда елімізге келушілер санының 18%-ға артқаны байқалады. Туризм саласында 2024-2026 жылдарға жалпы құны 25 млрд теңгені құрайтын 14 жобадан тұратын пул қалыптастырылды. Биылғы 10 айдың қорытындысы бойынша туризм саласына тартылған инвестиция көлемі 14,5 млрд теңгені құрады, бұл өткен жылдың сәйкес кезеңімен салыстырғанда 47%-ға артық.Жетісу облысыЖалпы, өңірде туризм саласын дамыту 5 негізгі бағыт: Алакөл және Балқаш көлдері, «Алтын-Емел» және «Жоңғар-Алатау» ұлттық парктері, сондай-ақ Жоңғар Алатауы тау сілемі әлеуетіне негізделген.2024 жылғы 9 айда туристік нысандарға 253 мыңнан астам адам келген, бұл 2023 жылдың осы кезеңімен салыстырғанда 15%-ға артық. 10 айдағы негізгі капиталға салынған инвестиция көлемі биыл 9,4 млрд теңгені құрады.Үшарал әуежайының ұшу-қону жолағын реконструкциялау жұмысы аяқталды, «Талдықорған – Үшарал» автомобиль жолдарының (313,5 шақырым) асфальтбетон жабыны қамтамасыз етілді, «Тальго» жүрдек пойызы іске қосылды.Қарағанды облысы2024 жылы 9 айдың қорытындысы бойынша туризм саласында көрсетілген қызмет көлемі – 7 млрд теңге немесе өткен жылдың сәйкес кезеңі көрсеткішімен салыстырғанда 75%. Салаға құйылған инвестиция 17,4 млрд теңгені құрады.Жыл басынан бері жалпы құны 4,1 млрд теңге болатын 7 инвестициялық жоба іске қосылып, 23 жұмыс орны ашылды.Сондай-ақ 2025–2027 жылдары туризм саласында ірі инфрақұрылымдық жобаларды іске асыру жоспарланған: Балқаштағы қалалық жағажай жағалауы аймағын абаттандыру және қаладағы әуежайды реконструкциялау жұмыстарын аяқтау.Қызылорда облысыБиыл өңір 9 айда 116,6 мың турист қабылдады. Биылғы 10 айдың қорытындысына сәйкес, туризм саласына құйылған инвестиция көлемі – 26,1 млрд теңге, бұл өткен жылдың сәйкес кезеңімен салыстырғанда 40,5%-ға артық.Маңғыстау облысы 2024 жылдың қаңтар-қыркүйек айларындағы ресми деректер бойынша облысқа 367,4 мың турист келген, бұл өткен кезеңмен салыстырғанда 13%-ға артық. Өңірде көрсетілген туристік қызметтердің жалпы құны 15,2 млрд теңгеге жетіп, 34,7%-ға өсті. Биылғы 10 айдың қорытындысы бойынша туризм саласына құйылған инвестиция көлемі – 6,6 млрд теңге, бұл өткен жылдың сәйкес кезеңімен салыстырғанда 50%-ға артық.2024 жылы жалпы инвестиция көлемі 8,5 млрд теңгені құрайтын 3 жоба іске қосылды, бұл 80 жұмыс орнын ашуға мүмкіндік берді. 2025–2027 жылдар аралығында жалпы құны 100 млрд теңге болатын 500-ге жуық жұмыс орнын құра отырып, 11 жобаны іске асыру жоспарланып отыр. Жергілікті атқарушы органдар Туризм және спорт министрлігімен бірлесіп, Кендірлі туристік аймағын дамыту бойынша мастер-жоспар әзірленіп жатыр.Ұлытау облысы 2024 жылғы 9 айда орналастыру орындарында қызмет көрсетілген туристер саны 21,2 мыңнан астам адамды құрады, оның ішінде 732-ден астамы – шетелдік туристер. Орналастыру орындарында көрсетілген қызметтер өткен жылдың сәйкес кезеңімен салыстырғанда 23,5%-ға артып, 497,9 млн теңгеден асты.Биылғы 10 айдың қорытындысы бойынша туризм саласына тартылған инвестиция көлемі – 2 млрд теңге, бұл өткен жылдың сәйкес кезеңімен салыстырғанда 50,6%-ға артық.Сонымен қатар 1 млрд теңге сомасына 3 қонақ үй кешені іске қосылды. 2025 жылы жалпы құны 1,5 млрд теңгені құрайтын екі қонақ үйді пайдалануға беру, тарихи орындар бойынша жеңіл инфрақұрылым мен далалық навигация орнату жоспарлануда. Сондай-ақ жеке инвестициялар есебінен 2025 жылы Тасбұлақ бқлағы аумағын абаттандыру және Сәтбаев қаласынан Жошы хан және Домбауыл кешеніне дейін құны 12,5 млрд теңгені құрайтын тас жолын салу жұмыстары да қарастырылған.Қазақстан мәдени бай мұраны, табиғи әртүрлілікті және заманауи инфрақұрылымдық шешімдерді үйлестіре отырып, саяхат үшін ең тартымды бағыттардың бірі ретінде өзінің имиджін қалыптастыруды жалғастырып келеді.#Инвестициялар #Инфрақұрылымдық даму #Туризм #ӨңірлерАқпарат көзі : https://www.gov.kz/memleket/entities/aqmola/press/news/details/898563

2024 жылы Kazakh Tourism кезекті рет туризм индустриясының жоғары стандарттары мен талаптарына сәйкес келетін туристік сала өкілдеріне «сапа белгісін» табыс етті. Биылғы жылы Қазақстанның барлық аумағы бойынша 89 туристік бизнес өкілі, оның ішінде Ақмола облысынан 11 кәсіпорын беделді марапатқа ие болды.Сервис деңгейін бағалау нәтижелеріне сәйкес сапа белгісімен туристік объектілердің түрлі санаттары марапатталды. «Қонақ үйлер» санатында nice деңгейіндегі наградаға бес нысан ие болды, соның ішінде «Rixos Borovoe Hotel», «Wyndham Residences Aqkol», «Riverside Burabay Hotel», «Grand Hotel Burabay» және «Дом у озера» Бутик-қонақ үйі. Өз кезегінде «Оқ-Жетпес» емдеу-сауықтыру кешені және «Бурабай» емдеу-сауықтыру кешені сияқты санаторийлік мекемелерге Very nice деңгейіндегі сапа белгісі берілді. «Демалыс үйлері» санатында «Lake View» нысаны Very nice деңгейіндегі марапатқа ие болды, ал «Кафе» санатында Nice деңгейіндегі сапа белгілері «Dostar Tau» және «Dostar TÖR» мекемелеріне берілді.Сапа белгісін алу-бұл қызмет көрсетудің жоғары деңгейін лайықты мойындау ғана емес, сонымен қатар өңірдің туристік инфрақұрылымын дамытуға елеулі үлес қосудың көрсеткіші. Бұл жетістік клиенттер тарапынан сенімді нығайтуға, сондай-ақ Ақмола облысында туризмнің беделін арттыруға ықпал етеді.Бұл марапат кәсіпорындардың сапалы қызмет көрсетуге деген ұмтылысын және қызметтерді жақсартуға үздіксіз ұмтылысын растайды. Сапа белгісін алған әрбір нысан туризмнің дамуына өз үлесін қосты және олардың жетістіктері бүкіл салаға шабыт береді. Ақпарат көзі : https://www.gov.kz/memleket/entities/aqmola/press/news/details/898593