Білім беру саласындағы инновациялық шешімдерге маманданған Astana Hub резиденті – CodiPlay стартабы Қазақстан Республикасының Премьер-Министрі Олжас Бектенов тарапынан жоғары бағаланды. Ол Қазақстан Республикасы Оқу-ағарту министрлігіне жергілікті атқарушы органдармен бірлесіп, CodiPlay жобасының шешімдерін қазақстандық мектептерге енгізуді тапсырды. Бұған дейін Оңтүстік Корея, Сауд Арабиясы және Түркия сияқты елдердің оқу орындарында іске асырылған жоба енді қазақстандық оқушылардың цифрлық дағдыларын дамытуға үлес қосады.Премьер-Министр Назарбаев Университеті жанындағы технопаркті аралау барысында ғылыми жобалар жетекшілерінің әзірлемелерді коммерцияландыру және ілгерілету саласындағы жетістіктерімен танысты. CodiPlay жобасы TRL (технологиялық дайындық деңгейі) шкаласы бойынша ең жоғары баға алды.Олжас Бектенов ел экономикасы мен өмір сапасын жақсартуға бағытталған инновациялық жобаларға Үкімет тарапынан қолдау көрсетілетінін атап өтті. Аталған стартапқа Қазақстан Республикасы Цифрлық даму, инновациялар және аэроғарыш өнеркәсібі министрлігі тарапынан Astana Hub резиденті мәртебесі аясында жан-жақты қолдау көрсетіліп келеді, сондай-ақ Seed Money бағдарламасы аясында қаржыландыру берілді.CodiPlay әлемнің 10 еліндегі 450-ден астам оқу орнын қамтиды, олардың қатарында Ұлыбритания, Оңтүстік Корея, Сауд Арабиясы, Түркия және Әзербайжан бар. 2024 жылдың соңына дейін Түркістан облысындағы 10 білім беру ұйымы CodiPlay экожүйесіне қосылса, 2025 жылы тағы 60 мектеп, оның ішінде Ақтөбе және Қарағанды облыстары қамтылады. «CodiPlay жобасына жоғары баға берілгені үшін алғысымыз шексіз. Жобаның қазақстандық мектептерде іске асырылуы білім сапасын айтарлықтай арттырып, оқушыларымызды цифрлық әлемнің сын-қатерлеріне дайындайды», – деді CodiPlay жобасының жетекшісі Жанәділ Талдыбаев. «Мақсатымыз – балаларға тек білім беріп қана қоймай, халықаралық деңгейде бәсекеге қабілетті болуға көмектесетін дағдыларды да үйрету».Жоба Ы. Алтынсарин атындағы Ұлттық білім академиясының мақұлдауын алды, ал компанияның Coditeach атты өнімі UNICEF тарапынан цифрлық қоғамдық игілік (Digital Public Good) ретінде танылып, халықаралық нарыққа шығу мүмкіндіктерін кеңейтті.Қазақстан мектептерінде CodiPlay-ды іске асыру – білім беру саласындағы маңызды қадам. Бұл оқушыларға білімді ғана емес, оны тәжірибеде қолдану мүмкіндігін де береді. Осындай бағдарламаларды енгізу елде бәсекеге қабілетті білім беру ортасын қалыптастыруға ықпал етеді.Жоба туралыCodiPlay – 2021 жылы құрылған білім беру технологиялары (EdTech) саласындағы қазақстандық стартап. Жоба жас ұрпақты цифрлық сауаттылыққа үйретудің ерекше әрі инновациялық шешімін ұсынады. CodiPlay жобасының құны 100 миллион долларға бағаланған, бұл – Қазақстанның білім беру компаниялары үшін рекордтық көрсеткіш. Ақпарат көзі : https://www.gov.kz/memleket/entities/mdai/press/news/details/897097

ҚР Еңбек және халықты әлеуметтік қорғау министрлігінде Еңбек және халықты әлеуметтік қорғау мәселелері жөніндегі қоғамдық кеңестің кезекті отырысы өтті, онда әлеуметтік-еңбек саласын цифрлық трансформациялау барысы және ана мен баланы әлеуметтік қолдау шаралары талқыланды.Іс-шараға Қоғамдық кеңес мүшелері, Еңбекмині және ведомстволық бағынысты ұйымдардың өкілдері қатысты.Ведомствоның қызметтерін цифрлық трансформациялау барысы туралы Мемлекеттік қызметтерді цифрландыру және автоматтандыру департаментінің директоры Нұржігіт Әзбергенов хабарлады. Ол мемлекеттік көрсетілетін қызметтердің қолжетімділігін арттыруға және оларды алу процестерін жеңілдетуде қабылданып жатқан шаралар туралы айтып берді.«Көрсетілетін қызметтерді автоматтандыру біртіндеп жүргізілуде, автотолтыру енгізілуде. Бұған адам факторын алып тастау арқылы қол жеткізіледі.Қызметтердің кең спектрін проактивті көрсетуге Отбасының цифрлық картасы бағдарланған, онда қандастар мен ішкі мигранттардың отбасыларына қолдау көрсету мониторингіне, өңірлердің әлеуметтік портретін қалыптастыруға бағытталған бірқатар жаңа модульдермен толықтырылған. «Дағдарысты» және «мүшкіл» санаттардағы отбасылар санын азайту бойынша өңірлер рейтингін есептеу әдістемесі әзірленді, FSM Social және басқа да мобильді қосымша енгізілді», – деді ол.Отырысқа қатысушыларға ана мен баланы әлеуметтік қолдау туралы Әлеуметтік көмек департаментінің директоры Асқар Аймағамбетов айтып берді. Ол балалы отбасыларға, оның ішінде көпбалалы және мүгедектігі бар балаларды тәрбиелеп отырған отбасыларға арналған мемлекеттік жәрдемақылардың мөлшері мен алушылар саны туралы егжей-тегжейлі хабарлады.Сондай-ақ отырысқа қатысушылар жеке және заңды тұлғалардың өтініштерін қарау мәселелерін талқылады.Ақпарат көзі : https://www.gov.kz/memleket/entities/enbek/press/news/details/897035

Тұрғын үй секторындағы өрттердің негізгі себептері электр жабдықтарын монтаждау және техникалық пайдалану ережелерін бұзу, пешті салу және қолдану кезінде өрт қауіпсіздігі ережелерін бұзу мен халықтың отты абайсыз пайдалану болып табылады. Республикалық өрт қауіпсіздігі айлығы аясында өңірлерде өрттің алдын алу бойынша ауқымды рейдтер ұйымдастырылды. Тұрғын үй секторын аралау барысында тұрғындармен түсіндіру жұмыстары жүргізілді. Халықтың әлеуметтік осал топтарына және зейнеткерлерге ерекше көңіл бөлінді. Павлодар облысы ТЖД қызметкерлері жергілікті атқарушы органдардың өкілдерімен, депутаттармен, волонтерлермен, полициямен бірлескен рейд барысында Атамекен кентіндегі халықтың әлеуметтік осал топтарының үйлерінде иісті газ датчиктері мен пеш алды металл парақтары орнатылды. «Облыс аумағында жергілікті атқарушы органдар мен үкіметтік емес ұйымдар есебінен 687 иісті газ датчигі орнатылды. 98 үйде жылыту пешінің түтін мұржасын тазарту жұмыстары жүргізілді, 87 үйде пеш алды металл тақтайшалар орнатылды. Халықты кеңінен ақпаратпен қамту мақсатында дүкендер желісімен бірлесіп өртке қарсы тақырыптағы ақпараты бар азық-түлікке арналған пакеттер шығарылды. Жылыту кезеңі барысында ТЖД қызметкерлері 76 мың адамды қамтыған 54 мыңнан астам тұрғын үйді аралады», - деп Павлодар облысы ТЖД бастығы Рустамбек Амрин атап өтті. Қарағанды облысы ТЖД қызметкерлері жергілікті атқарушы органы, полиция бөлімі және баспа басылымымен бірлесіп, Бұқар жырау ауданының Көкпекті ауылында тұрғын секторды аралау бойынша рейд ұйымдастырды. Рейд барысында тұрғындарға жылыту құрылғыларын қауіпсіз пайдалану ережелері, мұржаларды тазалау және өрт қауіпсіздігі шараларын, соның ішінде жаңа жылдық мерекелер кезеңінде өрт қауіпсіздігінің маңыздылығын түсіндіріп, еске салды. Сонымен қатар Көкпекті ауылының әлеуметтік осал топтағы 5 отбасының үйлеріне иісті газ датчиктері орнатылды. Шығыс Қазақстан облысы ТЖД құтқарушылары мен жұмыспен қамту және әлеуметтік бағдарламаларды үйлестіру бөлімінің мамандары өрт қауіпсіздігі айлығы акциясы аясында Глубокое ауданының үш көпбалалы отбасындағы ақаулы және қауіпті пештерді ауыстырып, жөндеу жұмыстарын жүргізді. Енді бұл пештер үйді жақсы жылытады, пайдаланылуы қарапайым және ыстан оңай тазартылады, ал бұл өз кезегінде иісті газдан қорғануды қамтамасыз етеді. Қостанай облысы ТЖД жылыту маусымында өрттерді болдырмау мақсатында ауқымды іс-шара өткізді. Акцияға газ қызметі мен тұрғын үй инспекциясының өкілдері, волонтерлер, жергілікті полиция қызметкерлері, сондай-ақ ІІМ Ш. Қабылбаев атындағы Қостанай академиясының курсанттары қатысты. Іс-шара барысында қатысушылар Надеждин ауылдық округін қамтыды. Тұрғындармен диалог жүргізіп, өрт қауіпсіздігі бойынша жадынамалар таратты. Сонымен қатар ауылдағы бірқатар үйлерге датчиктер орнатылып, мұржалар тазартылды. Бұл бағыттағы жұмыстар жылыту маусымы кезеңінің соңына дейін өңірлердің барлық елді мекендерінде жалғасатын болады. ТЖМ азаматтарға өрт қауіпсіздігі ережелерін сақтау және жылыту құрылғыларын дұрыс пайдалану қажеттілігін еске салады. Ақпарат көзі : https://www.gov.kz/memleket/entities/emer/press/news/details/897023

Азаматтарды қабылдау орталығында ҚР Оқу-ағарту вице-министрі Еділ Оспан азаматтарды жеке қабылдады. Тұрғындар орта білім және балалардың құқықтарын қорғауға қатысты өзекті мәселелер бойынша жауап алды. Еділ Оспан тұрғындардың барлық өтініштеріне егжей-тегжейлі жауап берді. Қарауға қосымша уақытты қажет ететін мәселелер оның жеке бақылауына алынды. Комитеттер мен құрылымдық бөлімшелердің басшыларына тиісті тапсырмалар берілді.Айта кетейік, азаматтарды жеке қабылдау өңірлерде де, Мәңгілік Ел даңғылы 8, Министрліктер үйі, 16 кіреберісте орналасқан азаматтарды қабылдаудың мамандандырылған орталығында да өтеді.Ақпарат көзі : https://www.gov.kz/memleket/entities/edu/press/news/details/897072

Мектептерінің 75 пайызы ауылдық жерлерде орналасқан Абай облысында тірек білім беру мекемелерін дамыту бойынша ауқымды жұмыс жүргізілді. Мемлекет пен қайырымдылық қорларының қолдауымен жүзеге асырылып жатқан жоба ауыл мектептерінің әлеуетін нығайту және оқушылардың білім сапасын арттыруды көздейді.Өңірдегі білім мекемелерінің 7-і тірек мектебіне айналды. Бұл мектептерге қомақты қаржы бөлініп, материалдық-техникалық базалары жаңартылды. Атап айтқанда, STEM, қыздар мен ұлдарға арналған технология, физика, химия, информатика, биология құралдарымен қамтылған арнайы кабинеттер, зертханалар мен спорттық инвентарьлар, интерактивті панельдермен жабдықталды.«Қазандықтарды ауыстыру, сумен жабдықтауды жақсарту, интернет жылдамдығын арттыру сынды инфрақұрылымды дамытуға ерекше көңіл бөлінуде. Облысымыздың шалғайындағы 127 мектепке «Starlink» спутниктік байланысын енгізу педагогтар мен оқушыларға жоғары жылдамдықты интернетті қамтамасыз етуге мүмкіндік берді», - деді білім басқармасының басшысы Нұржан Ахметқалиев облыс әкімдігінің кеңейтілген аппараттық жиынында.Ауыл педагогтарымен жұмыс жобалау кеңсесі және әдістемелік қолдау арқылы жүргізіледі. 22 әдіскер-ментор арнайы оқытудан өтіп, білім беру процесіне инновациялық тәсілдерді енгізуге көмектесуде. Педагогтерге кеңес беру үшін call-орталық құрылды. Ал әлеуметтік желілер арқылы жүздеген пән мұғалімдері қолдау алды.«Jas Akademik» жобасы және басқа да бастамалар аясында ауылдық жерлердегі оқушылар жаңа мүмкіндіктерге ие болады. Оқу-жаттығу жиындары, бейіндік сыныптар мен олимпиадалар таланттарды анықтауға және дамытуға көмектеседі. Екі жыл ішінде жаратылыстану-математикалық пәндер бойынша бағдарламаларға 100-ден астам оқушы қатысты. Ал олимпиадалық резерв жаттығулары республикалық және халықаралық деңгейлерде оң нәтижесін көрсетіп отыр.Облыс бойынша 2025-2027 жылдары жергілікті бюджет есебінен 75 (оның ішінде: 52 – ауылдық, 23 – қалалық) мектепті реновациядан өткізу (күрделі жөндеуден өткізіп, материалдық-техникалық базаны жарақтандыру) жоспарлануда.Ақпарат көзі : https://www.gov.kz/memleket/entities/abay/press/news/details/896910

Бүгінгі таңда Абай облысында сумен қамтамасыз ету деңгейі 92,8% құрайды. 33 жоба іске асырылуда, оның 24-і аяқталады деп жоспарлануда. Бұл 22 497 адамды сумен қамтамасыз етуге және сумен қамтамасыз ету үлесін 96,6% - ға дейін жеткізуге мүмкіндік береді.Семейде су құбыры желілерінің құрылысына 7 жобалық-сметалық құжаттама әзірленуде. Ағымдағы жылы 7 сумен жабдықтау нысанын іске қосу есебінен 9 780 адам суға қол жеткізе алады. Бұл Семей қаласындағы сумен қамтамасыз ету үлесін 91,5%-дан 94,6%-ға дейін арттыруға мүмкіндік береді. Бұдан басқа, ағымдағы жылы сумен жабдықтау желілерін кеңейту және салу бойынша 20 жобаны іске асыру жүргізілуде. Жыл қорытындысы бойынша төрт нысанды енгізу жоспарлануда, бұл облыстағы желілердің тозуын 48,1%-дан 46,7%-ға дейін төмендетеді.2025 жылға 27,3 млрд теңгеге жаңа құрылыс пен жаңғырту үшін 24 жобаға бюджеттік өтінім берілді.Басқарма басшысының баяндамасына орай облыс әкімі тұрғындарды ауыз сумен қамтамасыз етуде жұмыстардың сапалы әрі уақытында атқарылуын қадағалауды тапсырды.Ақпарат көзі : https://www.gov.kz/memleket/entities/abay/press/news/details/896915

Қарулы күштерде қысқы оқу кезеңінің басталуына орай «Оңтүстік» өңірлік қолбасшылығының әскерлері кешенді тактикалық-саптық сабақтар өткізуге кірісті.Бұл күндер әскери қызметшілерді таңертеңгілік күн сайын қысқа мерзім ішінде қызмет орнына келіп, қару алуға және өз бөлімшесінің құрамында жауынгерлік міндеттерді орындауға дайын болуға міндеттейтін «жиын» сигналынан басталады.Ешкім жауынгерлік тапсырмалардың мәнін алдын ала білмейді. Осылайша бөлімшелердің кез келген жағдайда үйлесімді әрі тиімді әрекет ету қабілетіне баға беріледі. «Оңтүстік» өңірлік қолбасшылығы әскерлерінің қолбасшысы генерал-майор Ержан Ибраев өз орынбасарларымен және штаб офицерлерімен бірге тексеру жоспарын егжей-тегжейлі талқылап, міндеттерді тұжырымдады. Уақыт, техника, ЖЖМ және оқ-дәрілер санының есебі жүргізіліп, бөлімшелер шоғырланатын аудандар мен олардың қозғалыс бағыттары айқындалады. Сондай-ақ жұмылдыру ресурстарын тарту мәселелері де шешілуде. – Жауынгерлік дайындық бойынша кешенді тактикалық-саптық сабақтар өткізу – жаңа оқу жылының басындағы дәстүрлі іс-шара, – деп атап өтті «Оңтүстік» ӨңҚ әскерлері қолбасшысының бірінші орынбасары – штаб бастығы полковник Нұрлан Кәрібаев. – Осылайша әскерлер мен әскери басқару органдарының әртүрлі жағдайларда тапсырмаларды орындауға дайындығы тексеріліп, жаңа оқу кезеңінің қарқыны белгіленеді.Практикалық іс-қимылдарға дайындық үшін жауынгерлік машиналар бокстардан шығарылып, оқ-дәрілер жүктеледі. Әскери техника кез келген уақытта жүктелген тапсырмаларды орындау үшін белгіленген ауданға жылжуға дайын.Кешенді тактикалық-саптық сабақтар барысында «Оңтүстік» өңірлік қолбасшылығының басшылығы командирлердің жұмысын бақылайды. Бұл ретте олардың бағынысты және берілген бөлімшелерді басқару машығы, бөлімдердің белгіленген мерзімде қойылған тапсырмаларды орындау үйлесімділігі мен қабілеті бағаланады.Жаңа оқу жылының басында әскерлерді әртүрлі жауынгерлік дайындық дәрежесіне келтіру – бұл әскерлер үшін емтиханның бір түрі. Сөреде қабылданған қарқын алдағы кезеңдерде де сақталып, жауынгерлік оқу сапасына оң әсер ететіні сөзсіз.Ақпарат көзі : https://www.gov.kz/memleket/entities/mod/press/news/details/896943

Парагвай астанасы Асунсьон қаласында өткен ЮНЕСКО-ның Материалдық емес мәдени мұраны қорғау жөніндегі үкіметаралық комитеттің 19-шы сессиясында қазақтың ежелден келе жатқан «Беташар» салты Адамзаттың материалдық емес мәдени мұрасының репрезентативтік тізіміне енгізілді.Аталған сессия барысында Комитет 58 елден ұсынылған 58 номинацияның 45-ін қарастырып, соның ішінде 43-ші реттік нөмірмен «Беташар» рәсімі ЮНЕСКО-ның репрезентативтік тізіміне енді.Бүгінде ЮНЕСКО-ның Адамзаттың материалдық емес мәдени мұрасының репрезентативтік тізіміне 13 элемент кірді, оның 5-еуі қазақтың ұлттық мәдени мұрасына қатысты. Тізімнің қатарында «Қазақтың дәстүрлі домбырада күй ойнауы» (2014), «Қазақ күресі» (2016), «Асық ату ұлттық ойыны» (2017), «Қазақ жылқы баптайтындарың көктемгі мерекелік салт-дәстүрлері» (2018), қазақтың ұлттық биі «Ортеке» (2022) бар.«Киіз үй тұрғызу» (2014), «Айтыс өнері» (2015), «Наурыз» және «Қатырма» (2016), «Қорқыт ата мұрасы» (2018), «Тоғызқұмалақ» (2020) және «Құсбегілік» (2021), «Қожанасырдың әзіл әңгімелері» (2022) секілді ұлттық 8 элемент түркілерге ортақ мәдени мұра ретінде енгізілді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/896903

Бүгін Астанада Халықаралық волонтерлер күні аясында «Жыл волонтері» халықаралық сыйлығының және «Игі істер марафоны» жобасының жеңімпаздары марапатталды.«Жыл волонтері» халықаралық сыйлығы негізінде арнайы комиссия 15 бағыт бойынша 118 үміткердің өтінімін қарады. Қорытындысы бойынша 47 үміткер жеңімпаз деп танылды.Халықаралық волонтерлер күнін мерекелеу аясында Қазақстан халқы арасында волонтерлік және қайырымдылық мәдениетін дамытуға бағытталған «Игі істер марафоны» жобасының жеңімпаздарын марапаттау рәсімі өтті.Айта кетейік, «Игі істер марафоны» жобасы 2024 жылғы 9 шілде мен 1 желтоқсан аралығында ұйымдастырылды. Марафон аясында 7 мыңнан астам игі іс жасалды, ал оның қатысушыларының саны 50 мың адамға жуықтады.Іріктеу нәтижесінде 20 үміткер жеңімпаз атанды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/896998

Қарағанды облысы Бұқар Жырау ауданының "Эдельвейс" үлгілі хореографиялық ансамблінің аға тобы халықаралық байқауда екі Гран-при жеңіп алды.Астанада GULNAR FEST көп жанрлы халықаралық байқауы өтті. Оған хореографиялық ансамбльдер, әншілер, музыканттар, спикерлер мен гимнасттар қатысты.Би бағдарламасымен Бұқар Жырау ауданынан үлгілі "Эдельвейс" хореографиялық ансамблінің аға тобы өнер көрсетті. Байқау қорытындысы бойынша ұжым бірден екі Гран-при жеңіп алды: "Кербез гүлдер" және "Девичьи страдания" билері үшін. Бұл қазіргі заманғы сахнаға бейімделген ұлттық билер.Атай кету керек, ансамбльге марапат қазылар алқасының да, көрермендердің де шешімімен берілді.Ақпарат көзі : https://www.gov.kz/memleket/entities/karaganda/press/news/details/896435

Теміртауда "Халық қатысатын бюджет" бағдарламасының танымалдылығы артып келеді. Бұл шара тұрғындарға қалалық ортаны жаңғырту – аулаларды, гүлзарларды абаттандыру, балалар мен спорт алаңдарын салу бойынша өз жобаларын ұсынуға мүмкіндік береді. Биыл жақсы мысал ретінде қараусыз қалған бос жерде заманауи гүлзар жабдықталғанын атап айтуға болады. Аумақ өзгерді, енді тұрғындар балалармен бірге ол жерде серуендеп, спортпен шұғылдана алады. Теміртаулықтардың бағдарламаға деген қызығушылығы үдей түсті.Белсенділік артты. Қала өміріне немқұрайлы қарамайтын тұрғындар жиырмаға жуық жоба ұсынды. Онлайн-халықтық дауыс беру нәтижелері бойынша 13-і іріктелді. Оларды сараптамалық кеңес мақұлдады. Келесі жылы бұл ұсыныстар жергілікті бюджет қаражаты есебінен іске асырылатын болады.Олардың көпшілігі аулаларды абаттандыруға қатысты. Сондай-ақ, жаңа алаңдар, спорт және ойын алаңдары пайда болады.Осылайша тұрғындар өмірінің жақсаруына тікелей әсер ете алады. Олардың бастамалары жергілікті қазынаны бөлу кезінде ескеріледі.Бағдарлама ашық. Барлық жеңімпаз жобалармен қалалық әкімдіктің сайтында, "Халық қатысатын бюджет" бөлімінде танысуға болады. Ақпарат көзі : https://www.gov.kz/memleket/entities/karaganda/press/news/details/896436

Қарағанды облысының әкімі Ермағанбет Бөлекпаевпен кезекті кездесуде Қарағанды тұрғындары тұрғын үй-коммуналдық шаруашылық, абаттандыру, жолдарды жөндеу, әлеуметтік сала мәселелерін көтерді. Байланыс үш сағат бойы жалғасты, өңір басшысы қала тұрғындарының барлық өтініштерін тыңдап, кейін тағы екі сағатқа созылған жеке қабылдау өткізді. Майқұдықтағы жергілікті өзін-өзі басқару өкілі №4 магистральдық су құбырындағы апатқа шағымданды. Бір жыл ішінде төрт апат болған. Қарағанды әкімі Мейрам Кожухов бұл мәселе белгілі екенін және шешіліп жатқанын атап өтті. Су құбыры қала балансына беріледі және ЖСҚ дайындалады. Келесі жылы магистральдың төрт тармағының екеуін ауыстыру жоспарлануда.Н. Әбдіров даңғылы, 25 үйінің тұрғыны кіреберістеріндегі лифті жұмыс істемейтіне шағымданды. Көршілерімен бірге олар тұрғын үй қорын жаңғырту орталығына өтініш берді, бірақ қаржыландыру жоқ. Келесі жылы өтінім мақұлданады, деп уәде берді тұрғынға. Бүгінгі таңда Қарағанды бойынша тұрғын үй қорын жаңғырту орталығына лифттерді ауыстыру бойынша 15 өтініш келіп түскен.Федоров тұрғындары шағын көшелерде жарықтың жоқтығына наразы. Жарық тек басты – Молоков көшесінде орнатылған. Қала басшысы бұл мәселе біртіндеп шешілетінін атап өтті. Келесі жылы мектептерге іргелес көшелерді жарықтандыру жоспарланған.Саяжай иелерінен де бірнеше сұрақтар түсті. Олар бақша учаскелеріне апаратын жолдар жөнделе ме және сумен жабдықтау тарифтерін қайта қарауға бола ма деп сұрады. Облыс әкімі саяжай қауымдастықтары мен бақша учаскелері туралы заң қабылдауға бастама жіберілгенін хабарлады. Егер ол қабылданса, көптеген мәселелер өз шешімін табады.Шағымдардан басқа ұсыныстар да келіп түсті. Бірінші топтағы мүгедектер мүдделерінің өкілі оларды шипажайға ертіп жүретіндерге жолдамалар сапарға дейін алдын-ала төленуін ұсынды. Облыс әкімі мәселені зерделеуге уәде берді.Қала тұрғындары көптеген мәселелер шешіліп жатқанын атап өтті, бірақ билікпен тығыз қарым-қатынас орнату ниеттерін жеткізді. Ермағанбет Бөлекпаев белсенді тұрғындармен жұмыс істеудің маңыздылығын атап өтіп, бір кездері жергілікті өзін-өзі басқару органдарын құруға бастамашы болғанын еске салды.Кездесуге облыстық басқармалардың басшылары қатысып, өтініштердің бір бөлігі бірден қаралды. Ермағанбет Бөлекпаев жекелеген мәселелерді бақылауға алды.Ақпарат көзі : https://www.gov.kz/memleket/entities/karaganda/press/news/details/896439

Қарағандылық екі спортшы Unifight – әмбебап жекпе-жектен әлем чемпионатында алтын медаль жеңіп алды. Сондай-ақ, жерлестеріміздің қоржынында бір күміс және екі қола бар.Unifight – бұл кедергілерді жеңу және рингтегі жекпе-жекті қамтитын спорт түрі.Бұқар Жырау ауданының спортшысы Жасұлан Нұрболат және ІІМ Қарағанды академиясының төртінші курс студенті Нұрасыл Қалиханов осы түр бойынша Әлем чемпиондары атанды.Жасұлан Нұрболат 60 келіге дейінгі салмақ дәрежесінде өнер көрсетті. Әмбебап жекпе-жекпен ол небәрі үш ай айналысады. Бұған дейін спортшы сегіз жыл еркін күреске қатысқан.– Unifight туралы маған жаттықтырушым айтты. Маған қызықты болды, өзімді осы спорт түрінен сынап көргім келді. Еркін күрестің техникасы мен әдістерін білу маған көп көмектесті. Менің ойымша, егер адам жекпе-жекке әуес болса, онда ол өзін жаңа нәрседе сынап көруге қызығушылық танытады, – дейді спортшы.Нұрасыл Қалиханов абсолютті салмақ дәрежесінде чемпион атанды.85 келіге дейінгі санаттағы қола медальді ІІМ академиясының тағы бір төртінші курс студенті – Нұрбек Закарин жеңіп алды.Нұрасыл Қалиханов "Қорғаныс техникасы" бөлімінде абсолютті салмақ дәрежесінде алтын медаль жеңіп алды. Осы бөлімде 85 келіге дейінгі салмақта Нұрбек Закарин үшінші орынды иеленді.Unifight бойынша әлем чемпионаты Өзбекстанда өтті. Оған әлемнің 17 елінен барлығы 500-ге жуық палуан қатысты.Ақпарат көзі : https://www.gov.kz/memleket/entities/karaganda/press/news/details/896474

Әлеуметтік төлемдер мен жалақыны арттыру, тұрғын үй құрылысы, денсаулық сақтау және білім беру салаларын жаңғырту. 2024 жылы қазақстандықтарды әлеуметтік қолдау шаралары туралыПрезидент Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауында еліміздің экономикалық даму стратегиясының негізінде азаматтардың мүддесі болуы қажет екені атап өтілді. 2024 жылы Үкімет бұл бағытты маңызды әлеуметтік бастамалармен жүзеге асыруды жалғастырды. 2024 жылы Қазақстанда әлеуметтік сала қарқынды дамуын жалғастырды. Мемлекет басшысы халыққа Жолдауында білім, денсаулық сақтау салаларының сапасын арттырып, азаматтарды әлеуметтік қорғауды нығайту қажеттілігін атап өтті. Осы міндеттердің шеңберінде реформалар жасалып, бірқатар маңызды жобалар жүзеге асырылды. 2024 жылы мемлекеттік бюджеттің жартысынан астамы (52,8%) әлеуметтік салаға бағытталды. Жыл сайын зейнетақыны көтеру аясында 2024 жылдың 1 қаңтарынан бастап төлемдер: базалық зейнетақы 7%-ға, ынтымақты зейнетақы 9%-ға инфляцияны ескере отырып, индекстелді. Нәтижесінде 2,4 млн зейнеткердің оның ішінде, БЖЗҚ жинақтау қорынан зейнетақы алатын 459,3 мың зейнеткердің зейнетақысы көбейді. Орташа зейнетақы көлемі 165 мың теңгеден асты. Бұдан бөлек, базалық зейнетақыны кезең-кезеңімен көбейту жұмыстары жалғасып жатыр. Сондай-ақ жұмыс беруші төлейтін міндетті зейнетақы жарнасы 2028 жылға қарай 5%-ға ұлғаяды.2024 жылдың 1 қаңтарынан бастап ең төменгі жалақы 85 мың теңгеге дейін артты. 1,8 млн адам, оның ішінде бюджет қызметкерлері қамтылды. 600 мың азаматтық қызметшілердің жекелеген санаттарының жалақысын кезең-кезеңімен 20%-ға арттыру жалғасуда. Мемлекет басшысының тапсырмасына сәйкес жұмыспен қамтуға жәрдемдесу және әлеуметтік қорғау шаралары жүзеге асырылып жатыр, табысы күнкөріс деңгейінен төмен адамдар саны азайып келеді. Цифрлық отбасы картасы арқылы 8430 мыңнан астам адамға мемлекеттік қызметтер көрсетілді.845 мыңнан астам адам жұмыспен қамтылды, оның 401 мыңнан астамы жастар. 9 мыңға жуық азамат, оның ішінде мүгедектігі бар жандар және ерекше қажеттілігі бар балалы ата-аналар бизнес-идеясын жүзеге асыруға грант алды.Мемлекеттік инвестициялар тиімділігін арттыру және сапалы жоспарлау үшін Жобалардың инновациялық навигаторы әзірленді. Бұл жүйе кадрларға қажеттілікті болжап, талдау жасайды, сондай-ақ жобаларды үйлестіруге, сапасын бақылауға және тиімділігіне мониторинг жасауға мүмкіндік береді. Платформа арқылы жалпы құны 33 трлн теңге болатын 755 инвестициялық жоба қадағаланып отыр. Бұл жобалар аясында 150 мыңға дейін жұмыс орнын ашу жоспарланған. Сонымен қатар навигатор қажетті еңбек ресурстары жоқ адал емес жеткізушілерді анықтауға мүмкіндік береді. 2024 жылдың 1 қыркүйегінен бастап Қазақстанда интернет-платформаларда жұмыс істейтін адамдар ең төменгі әлеуметтік кепілдікпен қамтылды. Жеке кәсіпкерлер үшін e-salyqBusiness қосымшасы арқылы әлеуметтік төлем мөлшерлемелерін 4%-ға дейін төмендету және интернет-платформа операторларын салық агенттері ретінде тану арқылы жағдайлар жеңілдетілді. Бұл операторларға жеке кәсіпкерлер атынан жеке табыс салығы мен әлеуметтік төлемдерді төлеу міндетін жүктейді. «Яндекс.Такси» компаниясымен жүзеге асырылған пилоттық жоба аясында аталған тәсіл сынақтан өткізілді. 36 мыңнан астам жүргізуші Яндекс платформасында жеке кәсіпкер ретінде тіркелген. Олардың фискалдық чектер саны 36,9 млн болды. Мемлекеттік кірістер комитетінде фискализацияланған жалпы кіріс көлемі 47,5 млрд теңгеге жетті.«Ұлттық қор – балаларға»: тұрғын үй және білім алуға арналған төлемдер2024 жылдан бастап Қазақстанда «Ұлттық қор – балаларға» бағдарламасы жүзеге асырылуда. Бағдарламаға сәйкес Ұлттық қордың жыл сайынғы инвестициялық кірісінің 50%-ы 18 жасқа дейінгі балалардың арнайы жинақ шоттарына аударылады және оны мерзімінен бұрын шешуге болмайды. 2024 жылдың 1 ақпанынан бастап төлемдер басталды, олар Қазақстан азаматтығы бар 18 жасқа дейінгі барлық балаға арналған. 2024 жылы бағдарлама қатысушыларының шоттарына $695,5 млн төленді. $30,6 млн 2024 жылы 18 жасқа толған немесе толатын балаларға төленеді. Қазірдің өзінде уәкілетті операторлар арқылы $3,4 млн сомасына 33,5 мыңнан астам өтінімнің қаражаты банктік шоттарға аударылды. Оның ішінде $1,8 млн сомасына 18 мыңға жуық өтінім тұрғын үй жағдайын жақсартуға бағытталса, $1,6 млн сомасына 15,5 мың өтінім білім алу үшін төленді.Тұрғын үй құрылысыТұрғын үй құрылысы әлеуметтік саясаттың маңызды элементі болып табылады. 7 жыл ішінде Қазақстанда 111 млн шаршы метр тұрғын үй салынуы керек. Сондай-ақ 2024 году жылы тұрғын үй құрылысы 18 млн шаршы метрге жетеді. Осылайша 1 млн-нан астам отбасы баспанамен қамтылады. Тұрғын үйді уақытылы пайдалануға беру үшін Астана, Шымкент және облыстар әкімдіктері биыл қолданысқа берілетін нысандар нақты көрсетілген Жол картасын әзірлеп, бекітті. Қаңтар-қазан аралығында 14 млн шаршы метр тұрғын үй немесе 123,8 пәтер мен үй пайдалануға берілді. Бұдан бөлек, 2024 жылы ел бойынша тұрғын үйлердегі 200-ден астам лифтіні ауыстыру жоспарланған. Бұл өз кезегінде мыңдаған қазақстандықтың өмір сүру деңгейін жақсартпақ. Денсаулық сақтау және инфрақұрылымды дамыту 2024 жылы әсіресе ауылдық жерлердегі денсаулық сақтау инфрқұрылымын дамыту жұмыстары жалғасын тапты. «Ауылда денсаулық сақтауды жаңғырту» Ұлттық жоба аясында 655 бастапқы медициналық-санитарлық көмек көрсету жоспарланған – 257 медициналық пункт, 238 фельдшерлік пункт және 160 дәрігерлік амбулатория. 251 нысан құрылысы аяқталды. Бұл медициналық қызметтерді шалғай елді мекен және ауылдық жерлердегі халыққа қолжетімді етеді. 1 мыңнан астам жұмыс орны ашылды. Бұдан бөлек, фельдшерлік-акушерлік пунктілер мен дәрігерлік амбулаторияларды қоса алғанда, жаңа денсаулық сақтау нысандар құрылысына қаражат бөлінді. Еліміздегі әлеуметтік саясаттың басты міндеттерінің бірі – ана өлімін азайту. 2024 жылғы көрсеткіштер былтырғы жылмен салыстырғанда 15%-ға жақсарған. Жаңа бағдарламаларды енгізу, оныі ішінде клиникалық хаттамаларды қайта қарау, босануға тарифтерді арттыру денсаулық сақтау саласындағы жағдайды айтарлықтай жақсартуға септігін тигізді. Биыл амбулаториялық деңгейде жалпы сомасы 212,8 млрд теңгеге 3,5 млн пациент дәрі-дәрмекпен қамтамасыз етілді. Амбулаториялық көмекті жақсартуға басымдық бере отырып, дәрі-дәрмекпен қамтамасыз ету жүйесін жетілдіру бойынша жұмыс жүргізіліп жатыр. Денсаулық сақтау министрлігінде дәрілік заттар мен медициналық заттарды тіркеу, бағасын белгілеу процестерін цифрландырумен, сондай-ақ олардың есебін жүргізу және айналымының цифрлық жүйесін жасаумен айналысатын жобалық кеңсе құрылды. Бұл жүйе дәрі-дәрмек саясаты процестерін кешенді талдау функциясын қамтиды. Нәтижесінде дәрілердің объективті бағасын анықтап, үстеме баға қосуға жол бермейді. Білім беру және мектепке дейінгі тәрбиеМемлекет басшысының тапсырмасы бойынша «Жайлы мектеп» Ұлттық жобасы белсенді іске асырылуда, оның мақсаты бүкіл еліміз бойынша заманауи, қауіпсіз әрі қолжетімді білім беру мекемелерін ашу. Жоба мектеп оқушыларын оқыту үшін жағдайды жақсартуға, сондай-ақ мектептерді заманауи технологиялармен жабдықтауға және уақыт талаптарына жауап беретін инфрақұрылым дайындап, білім беру сапасын арттыруға бағытталған.Жобаны іске асыру шеңберінде жаңа мектептердің 40%-дан астамы ауылдық жерлерде салынды. Онда оқу кабинеттері, STEM-зертханалар, робототехника кабинеттері, хореография және спорт залдары, демалыс аймағы мен нетворкинг бар. Ерекше білім беру қажеттіліктері бар балалар үшін де жағдайлар қарастырылған. Сыныптарда интерактивті тақталар мен компьютерлер орнатылған. Барлығы 36 жаңа жайлы мектеп пайдалануға берілді, оның 15-і ауылдық елді мекендерде салынды. 31 желтоқсанға дейін 76 нысан есігін айқара ашады.Білім беру саласында 2024 жылы балалардың мектепке дейінгі білімге қол жеткізуін жақсарту бойынша жұмыстар да жалғасын тапты. Бүгінгі таңда Қазақстанда 11,6 мың мектепке дейінгі ұйым жұмыс істейді, онда 988 мыңнан аса бала тәрбиеленуде, мектептерде мектепалды даярлықпен 160 мың бала қамтылды. Балаларды қамту 92,5%-ға жетті, 62,3 мың орындық 547 жаңа балабақша ашылды. Мектепке дейінгі ұйымдарда 4,2 мыңнан астам консультация пункті жұмыс істейді.Білім беруді цифрландыруға ерекше көңіл бөлінеді, мысалы, ата-аналарға бала күтімі бойынша консультациялық көмекке қол жеткізуге мүмкіндік беретін «Беске дейін үлгер» мобильді қосымшасы іске қосылды. Сондай-ақ мектеп жасына дейінгі балаларды дамытудың жеке картасы цифрлық форматқа аударылды. Ол Ұлттық білім беру дерекқорымен біріктірілген, бұл ақпаратты мектептерге жіберуге мүмкіндік береді әрі мектепке дейінгі және бастауыш білім беру арасындағы үздіксіз ауысуды қамтамасыз етеді. Бұл жаңалық бастауыш сынып мұғалімдері үшін балалардың мектеп бағдарламасын одан әрі дамытудың маңызды құралына айналды.«Қаражатты баланың соңынан ілестіру» қағидатын іске асыру мақсатында білім беру қызметтерін алушылар бойынша дербестендірілген білім беру қызметін ескере отырып, мектепке дейінгі тәрбие мен оқытуға мемлекеттік білім беру тапсырысын (бұдан әрі – мемлекеттік тапсырыс) орналастырудың жаңа тетігі әзірленді, ол осы жылдың қыркүйек айынан бастап Шымкент, Тараз және Түркістан қалаларында сынақтан өткізілді.Пилоттық жобаның мақсаты мектепке дейінгі ұйымдарды қаржыландыру процесіне мемлекеттік қызмет көрсетудің ашықтығын қамтамасыз ету болып саналады.Студенттердің шәкіртақысын өсіруҚазақстанда инновациялық экономика құру және білім деңгейін арттыру мақсатында студенттер, ғалымдар үшін жағдайды жақсарту, ғылыми зерттеулерді дамыту үшін маңызды қадамдар жасалды. Осы шаралардың барлығы елімізді ғылыми-техникалық прогресс көшбасшыларының қатарына қосуға мүмкіндік береді. Білім беру жүйесіндегі ең маңызды қадамдардың бірі студенттерге арналған шәкіртақыны көбейту болды. Мемлекет басшысының тапсырмалары аясында 2020 жылдан бастап елімізде шәкіртақыларды арттыру бойынша дәйекті жұмыстар жүргізілуде, 2025 жылға қарай олар ЖОО студенттері үшін 2 есе, магистранттар мен докторанттар үшін 1,75 есе көбейеді деп жоспарлануда.Бакалавриат студенттерінің шәкіртақысы 20%-ға, 47 135 теңгеге дейін, ал педагогикалық және медициналық бағыттағы студенттер үшін – 75 600 теңгеге дейін ұлғайтылды. Интерндердің стипендиясы енді 85 376 теңгені, ал резиденттердің стипендиясы — 123 122 теңгені құрайды. Магистранттардың стипендиялары 15%-ға, 107 061 теңгеге дейін, ал докторанттар үшін – 240 000 теңгеге дейін көбейді.Жоғары білім беруді жаңғырту және халықаралық серіктестіктер Қазақстанда жоғары білім беруді дамыту және жаңғырту, оның ішінде шетелдік университеттермен стратегиялық әріптестік орнату арқылы да жалғасуда. 2021 жылы жоғары білім мен ғылымды дамыту тұжырымдамасы қабылданды, ол 2025 жылға дейін елімізде шетелдік жоғары оқу орындарының кемінде 12 филиалын ашуды көздейді. Осы тұжырымдама аясында 12 елдің, соның ішінде Ұлыбритания, Германия, АҚШ, Франция және Оңтүстік Кореяның университеттерімен 23 стратегиялық серіктестік пысықталды. 2024 жылдың қазан айында стратегиялық серіктестер – 67 шетелдік университеттің 120 өкілі қатысқан форум өтті. Жаңа оқу және ғылыми әріптестік құру Қазақстанға жаһандық білім беру кеңістігіне кірігуге көмектеседі әрі студенттердің ең заманауи білім беруге және ғылыми әдістемелерге қол жеткізуін қамтамасыз етеді деп күтілуде.Отандық ғалымдар мен ғылыми жобаларды қолдауГранттық бағдарламалар мен докторантурадан кейінгі зерттеулер арқылы отандық ғалымдарды қолдау және дамыту да маңызды бағыт саналады. Осындай бастамалардың жарқын мысалдарының бірі – Мемлекет басшысының тапсырмаларын орындау аясында әзірленген және жас ғалымдарды қолдауға бағытталған «Жас ғалым» жобасы.2021 жылдан 2024 жылға дейін гранттық қаржыландыруға 16 конкурс өткізілді. Нәтижесінде жас ғалымдар 2 мыңнан астам ғылыми жобаны жүзеге асырды. Оның ішінде 686 жоба инженерлік білім мен технологияларды академиялық зерделеуді дамытуға бағытталған докторантурадан кейінгі бағдарлама аясында жүзеге асырылуда.Сондай-ақ «Жас ғалым» бағдарламасы бойынша 2025-2027 жылдарға арналған жаңа конкурс жарияланды, бұл еліміздің ғылыми әлеуетін одан әрі дамытуды қамтамасыз етеді.Ғылыми әзірлемелерді коммерцияландыру және инновацияларды дамыту Сондай-ақ маңызды күш-жігер ғылыми әзірлемелер мен технологияларды коммерцияландыруға бағытталған, бұл инновациялық экономиканы құрудың маңызды міндеттерінің біріне айналды. Ғылыми-техникалық қызмет нәтижелерін коммерцияландыру бойынша 5 конкурсты іске асыру шеңберінде ғылымды қажетсінетін өнімді сатудан түскен кірістерді, қоса қаржыландыру мен салықтық түсімдерді қосқанда, 97 млрд теңгеден астам қаражат алынды. Бұл ретте ғылыми зерттеу өнімінің экспорты 571 млн теңгені құрады.Осы жетістіктер негізінде венчурлік қаржыландыруды одан әрі дамыту, технологиялық стартаптарды қолдау үшін қорлар Қорын құру және ғылыми-акселерациялық бағдарламаларды дамыту жоспарлануда. 2025 жылы стартаптар мен коммерцияландыру кеңселері үшін коммерцияландыруға жәрдемдесу бағдарламасы іске қосылады, бұл ғылым мен технология саласындағы кәсіпкерлер үшін жаңа мүмкіндіктер ашады.Бірегей ғылыми өнімдер мен технологияларды дамытуОтандық ғылымның маңызды жетістігі бірегей өнімдерді дамыту. Мысалы, тазартылған селен 2023 жылға дейін Қазақстанда өндірілмеген. Селен фармацевтика, жартылай өткізгіш өнеркәсібі және металлургия сияқты әртүрлі салаларда қолданылатын маңызды элемент саналады. 2023 жылы «Қазақмыс Прогресс» ЖШС өндірістік қуаты арқылы селенді тазарту бойынша учаске пайдалануға берілді. Технология сапасы 99,5%-дан асатын жоғары тазалықтағы селен алуға мүмкіндік береді. Бұл аталған жоғары технологиялық салада Қазақстан үшін жаңа перспективалар ашады. Алдағы жылдары қуатын кеңейту және құрамында селені бар материалдарды қайта өңдеудің жаңа әдістерін енгізу жоспарлануда, бұл елімізде кірістерді ұлғайтуға және жаңа жұмыс орындарын ашуға ықпал ететін болады.Сонымен қатар Қазақстанда онкологиялық аурулармен күресуге бағытталған жаңа дәрілік препараттар белсенді әзірленуде. Осындай жобалардың бірі – D-изоаскорбин қышқылы негізінде дәрі-дәрмек жасау. Ол KRAS мутациясы бар қатерлі ісіктерді емдеу үшін қолданылады. Nazarbayev University қолдаған жоба фармацевтика саласындағы маңызды қадам болды және Қазақстанда онкологиялық ауруларды емдеуді айтарлықтай жақсарта алады. Биыл жоба одан әрі клиникалық зерттеулер мен емдеу әдістерін әзірлеу үшін 2,1 млрд теңге сомасына мақұлданды. primeminister.kz Ақпарат көзі : https://www.gov.kz/memleket/entities/karaganda/press/news/details/896587

Саран арнаулы әлеуметтік қызмет көрсету орталығының спортшылары Қазақстандық арнайы олимпиада аясында баскетболдан жеңіске жетті. Республикалық турнир Шымкентте өтті. Оған Қарағанды, Алматы және Ақмола облыстарынан тоғыз команда қатысты.Финалда Саран арнаулы әлеуметтік қызмет көрсету орталығының спортшыларының қарсыластары алматылықтар болды. Шешуші матч Саран баскетболшыларының пайдасына 7–2 есебімен аяқталды. Олар турнирдің чемпиондары атанып, кубокты жеңіп алды. Команда капитаны – Вячеслав Воронов.Саран қаласының АӘҚКО атап өткендей, ойыншылар командасы салыстырмалы түрде жақында құрылды. Оларды дене шынықтыру пәнінің мұғалімі Жомарт Оразбеков жаттықтырады.Спортшыларды даярлау мекеменің спорт залында өтеді. Сондай-ақ, орталықта шағын футбол, волейбол және флорбол бойынша жаттығулар өткізіледі. Ал қыста қызмет алушылар шаңғы мен коньки тебеді.Қарағанды облысының жұмыспен қамтуды үйлестіру және әлеуметтік бағдарламалар басқармасының ақпараты бойыншаАқпарат көзі : https://www.gov.kz/memleket/entities/karaganda/press/news/details/896667

9 желтоқсан "Шалқыма" концерт залында Қазақстанның Халық әртісі, ҚР Мемлекеттік сыйлығының лауреаты Шахымардан Әбіловтың шығармашылық кеші өтеді. Көрермендер ақын және ағартушы Абайдың шығармашылығына арналған "Толық адам, ой толғау, хәкім Абай" монооперасын тыңдайды. Кіру тегін.Музыкалық монореквиемнің авторы және орындаушысы Шахымардан Әбілов өзінің 40 жылдық шығармашылық жолының бүкіл тарауын Абай әндеріне арнады. Көрермендер танымал "Көзімнің қарасы" және "Бойы бұлғаң" композицияларын, сондай-ақ терең адамгершілік мазмұны бар танымал "Сегіз аяқ" туындысын тыңдайды.Шахымардан Қайдарұлы талантты оқушыларды тәрбиелеп, оқытушылық қызметті шығармашылық мансаппен сәтті ұштастырған. Жамбыл атындағы Қазақ мемлекеттік филармониясының солисі ретінде өз жолын бастаған ол сахна өнеріне көп күш жұмсады. Оның репертуарында ариялар, романстар, қазақ және шетелдік композиторлардың жауһарлары жинақталған 500-ден астам туынды бар.Кештің басталуы сағат 18:00-де.Ақпарат көзі : https://www.gov.kz/memleket/entities/karaganda/press/news/details/896710

С. Сәпиев атындағы Бокс орталығының алаңында Қарағандыда жыл сайын 5 желтоқсанда өтетін Халықаралық еріктілер күніне арналған волонтерлер форумына 500-ден астам қатысушы жиналды. Оны Облыстың жастар ресурстық орталығы ұйымдастырды.Форумда грант байқауының жеңімпаздары марапатталды, спикерлердің баяндамалары және қатысушылардың өзара байланыс орнатуына мүмкіндік туды.– Біздің іс-шараның мақсаты – еріктілерді біріктіру, алдымызда тұрған міндеттерді талқылау және бірлесіп жұмыс істеудің маңыздылығын атап өту. Біз волонтерлердің, әсіресе Қарағанды облысындағы еріктілердің құндылығы мен ықпалын атап өтіп, оларға ортақ іске қосқан үлестері үшін шағын мереке ұйымдастырдық, – дейді Қарағанды облысы жастар ресурстық орталығы директорының орынбасары Әкіжан Құтваров.Биыл байқауға алты бағыт бойынша 29 өтінім берілді: Әлеуметтік сала, зоо- және этноволонтерлік, экология, мәдениет және зияткерлік. Арнайы комиссия әрқайсысы 500 мың теңгеден 10 шағын грантты мақұлдады. Жеңімпаздарға сертификаттарды Қарағанды облысы әкімінің орынбасары Әлібек Әлденей табыстады. Ол еріктілерді мерекемен құттықтап, аймақтың дамуына қосқан баға жетпес үлесі үшін алғыс айтты.Грант иегерлерінің бірі Елена Величко "Рөлдік үстел ойындарын құру бойынша жасөспірімдер клубы" жобасын ұсынды. Ол жасөспірімдерге гаджеттерді кейінге қалдыруға және жүзбе-жүз қарым-қатынас орната отырып, уақыт өткізуге көмектесуді мақсат етеді.– Бұл жобаға екі жыл болды. Ол М. Әуезов атындағы кітапхананың қолдауымен іске асырылды. 2023 жылдың аяғынан бастап клуб мүшелері ойындарға арналған сюжеттерді өздері жасай бастады. Қазір біз "Тәуелсіз Қазақстан" және "Тылсы Қарағанды" атты екі жаңа ойынмен жұмыс істеп жатырмыз. Алынған гранттың арқасында мен ойын материалдарын, миниатюралар мен кейіпкерлердің фигураларын жасау үшін түрлі-түсті және 3D принтерлерді сатып ала аламын. Бұл менің жобамды одан да жанды және қызықты етуге көмектеседі, – дейді Елена Величко.Форумда белсенді еріктілер де аталып, оларға облыс әкімдігінің Алғыс хаттары табысталды.Қарағанды облысының еріктілер фронт-кеңсесінің басшысы Ардана Мырзанова атқарылған жұмыстар мен 2025 жылға арналған жоспарлар туралы айтып берді. Келесі жылы өңірдің шалғай аудандарындағы жобалар кеңейтіледі, оқу орындарымен өзара іс-қимылды күшейтеді және волонтерлік ұйымдарды үйлестіру үшін ақпараттық платформа құрады. Сондай-ақ, жастарға волонтерлік туралы бірқатар білім беру іс-шараларын өткізу жоспарлануда.Форум қатысушыларын табысты волонтерлік жобалармен таныстырды. TEDx форматында тәжірибелі спикерлер сөз сөйледі.Олар волонтерлік тақырыптарды әлеуметтік өзгерістердің құралы, оның медицина мен ұлт денсаулығына қосқан үлесі, мансап пен жеке дамуға әсері ретінде қарастырды.Форумның хедлайнері белгілі қазақстандық орындаушы Айдын Жұмахан болды.Ақпарат көзі : https://www.gov.kz/memleket/entities/karaganda/press/news/details/896846

Ел Президенті Қасым-Жомарт Тоқаев бұқаралық спортты дамытудың маңыздылығы отандастарымыздың денсаулығы мен әл-ауқатын нығайтуда екенін бірнеше мәрте атап өткен болатын. Президент тапсырмасын орындау мақсатында «Дене шынықтыру мен бұқаралық спортты дамыту жөніндегі 2023-2029 жылдарға арналған тұжырымдамасы» әзірленіп, ол Үкімет қаулысымен бекітілген. Аймақ басшысы Нұрлан Ұранхаевтың төрағалығымен өткен кеңейтілген аппараттық жиында облысымыздағы бұқаралық спортты дамыту үшін салынып жатқан спорттық инфрақұрылым жағдайы туралы ақпарат айтылды.Спорт және дене шынықтыру басқармасының басшысы Ержан Әбілқасымовтың мәліметінше, ағымдағы жылдың есебі бойынша облысымызда 244 мың адам спортпен тұрақты айналысатын көрінеді. Бұл өңір тұрғындарының 40 пайызын құрайды. Бүгінгі таңда халықты спорттық инфрақұрылыммен 1000 адамға шаққанда қамтамасыз ету 52 пайызға жетті. Бұл көрсеткіш екі жыл бұрын 38 пайызды құраған еді. Бұл ауылдық елді мекендердегі жылдам тұрғызылатын ғимараттарды қоса алғанда, ірі спорттық кешендердің белсенді салынуының арқасында мүмкін болып отыр. Облыста стадион, жүзу бассейндері, хоккей, теннис корттары, ипподромдар мен жазықтағы құрылымдарды қоса алғанда 610 спорт нысаны бар. Соның ішінде ауылдық елді мекендерде 472 нысан жұмыс істейді.2024 жылы облысымыздың Таскескен ауылындағы спорт модулі, «Самұрық-Қазына» қорының қаражаты есебінен Шүлбі кентінде көпфункционалды кешен мен демеушілер есебінен қайта жаңғыртылған Барқытбел ауылындағы спорт залы сияқты нысандар пайдалануға берілді. Бородулиха ауылындағы дене шынықтыру-сауықтыру кешені мен Көкпекті ауылындағы жүзу бассейні құрылысы толық аяқталды. Енді нысандарды теңгерімге алу жұмыстары жүріп жатыр.Қазігі таңда Курчатов қаласында дене шынықтыру-сауықтыру кешені, Бесқарағай ауылындағы жүзу бассейні, Бородулиха ауданының Петропавловка ауылындағы спорт-демалыс орталығы, Абай ауданының Көкбай ауылындағы спорт модулінің құрылысы жүріп жатыр.Демеушілер есебінен пайдалануға берілген және салынып жатқан спорт нысандары да бар. Мәселен, Үржар ауданы Жанай ауылында жаңа спорт залының құрылысы жүргізілсе, Егінсу, Бестерек және Елтай ауылдарында спорт залдары жаңғыртылуда. Семей қаласында толық көлемді жабық футбол манежін салу бойынша «Freedom Holding» компаниясы Абай облысы әкімдігімен меморандумға қол қойылды. Қазіргі таңда құрылыс жұмыстары жалғасуда. Бұрыңғы Пищевик стадионының аумағына 12,5 мың адамдық стадион салынады. Бұдан басқа, облыс бойынша 12 объектіге жобалау-сметалық құжаттама әзірленуде.Өз баяндамасының соңында басқарма басшысы Семей қаласында 500 көрерменге арналған трибуналары бар мұз модулін салуға баламалы жер учаскесін анықтауға көмек сұрады.Аймақ басшысы өңірімізде салынатын спорт нысандары замануи талапқа сай әрі тұрғындар сұранысын қанағаттандыратын үлгіде болуы керектігі туралы басқарма басшысына тапсырма жүктеді.Ақпарат көзі : https://www.gov.kz/memleket/entities/abay/press/news/details/896858

2024 жылы облыста ауыл шаруашылығы дақылдарының егін жинау алаңы 749,5 мың гектарды құрады. Оның ішінде дәнді дақылдар 299,0 мың га, майлы дақылдар 295,8 мың га, картоп 5,8 мың га, көкөністер 5,4 мың га, ал жемшөп дақылдары 143,5 мың гектар алқапқа егілді. Бұл туралы облыс әкімдігінде өткен кеңейтілген аппараттық жиында облыстық Ауыл шаруашылығы басқармасының басшысы Ертай Қуанбаев айтты.Бүгінгі таңда өңірде астық жинау толық аяқталды. Орташа өнімділігі 15,0 ц/га болатын 449,7 мың тонна астық бастырылды. 444,8 мың тоннадан астам майлы дақыл, 134,2 мың тонна картоп, 128,4 мың тонна көкөніс жиналды.5,8 мың га алқаптан картоп 229,8 ц/га жиналып, нәтижесінде 134,2 мың тонна өнім алынды. Көкөністерді жинау да аяқталды. Өнімділігі 236,9 ц/га болатын 128,4 мың тонна жиналды.Егін ору жұмысына 4 мың трактор, 2,4 мың комбайн және 700 орақ тартылды. Ауыл шаруашылығы техникасының үздіксіз жұмыс істеуі үшін литріне 250 теңге бағамен 15,3 мың тонна жеңілдетілген дизель отыны бөлінді.Тұқым сапасын жақсартуға ерекше көңіл бөлінуде. Биыл тұқымның элиталық сорттарын пайдалану үлесі 8,3% құрады. Бұл 2023 жылмен салыстырғанда 0,8%-ға жоғары. Сондай-ақ 49 мың тонна минералды тыңайтқыштар енгізілді.Машина-трактор паркін жаңарту аясында «ҚазАгроҚаржы» АҚ арқылы 7 млрд теңгеге 547 бірлік техника сатып алынды. Егін жинауға арналған қоймаларға жалпы сыйымдылығы 206 мың тонна лицензияланған элеваторлар және 870,9 мың тонна фермерлік астық қоймалары кіреді.2025 жылдың көктемгі егісіне 39,6 мың тонна тұқым дайындалды, бұл қажетті көлемнің 103,3% құрайды.Ағымдағы жылы облыста су үнемдеу технологияларын қолдану арқылы 13,9 мың гектар алаңға ауыл шаруашылығы дақылдары егілді.Ақпарат көзі : https://www.gov.kz/memleket/entities/abay/press/news/details/896860

«ТАЗА ҚАЗАҚСТАН»: АТЫРАУДА КРЕАТИВТІ ЖОБАЛАР ТАНЫСТЫРЫЛДЫХ.Досмұхамедов атындағы Атырау университетінің студенттері «Таза Қазақстан» жалпыұлттық экологиялық акциясы аясында креативті жобаларын ұсынды. Жас ғалымдар қоқыстан әшекей бұйымдар жасап, өндіріс қалдықтарын құрылыс материалына айналдырған. Атыраулық жастардың мақсаты – ҚР Президенті Қасым-Жомарт Тоқаевтың «Таза Қазақстан» экоакциясында айтылған табиғатқа қамқор болу, экомәдениетті қалыптастыру бастамаларын қолдау және еліміздегі экологиялық проблемаларды шешуге креативті идеялар ұсыну.«Біз шыны қалдықтарын пайдалана отырып, эпоксидті шайырдан бұйымдар жасаймыз. Бұл жобада ластанудың алдын ала отырып, қоқысты өңдеу арқылы шағын және орта бизнесті де дамытуға да үлкен мүмкіндік бар екеніне көз жеткіздік. Болашақта дайын өнімдерімізді жергілікті нарыққа шығармақпыз. Университет бұл идеямызды қолдап, стартап жоба ретінде қаржы бөлді», – дейді жоба авторларының бірі, студент Ақмарал Сағынғалиева.Экология кафедрасында оқитын студенттер БАҚ өкілдеріне арналған презентациясында 4 жобаны таныстырды. Онда биопластик жасау, күкірт қалдықтарынан бетон өндіру, темекі тұқылынан тас төсеніш құю және әйнек ұнтағынан тұрмысқа қажетті бұйымдар мен әшекей өндіру сынды жобаға айналған тың идеялар бар.«Темекі қалдықтарын ешкім өңдемейді. Біз соларды жинап алып, құрылысқа қажетті бұйымдарды жасаймыз. Ол үшін бізге керегі тек темекі тұқылы, әйнек қалдықтары және топырақ. Ең жақсы нәтижеге жету үшін топырақты әртүрлі жерден аламыз. Темекі тұқылдарынан радиоактивті химиялық улы заттар бөлінетіндіктен, біз оларды пайдаға жаратып, бір жағынан еліміздің экологиясына өз үлесімізді қосып жатырмыз», – деді жоба авторларының бірі Мұрабек Сабидолла.Биыл Х.Досмұхамедов университеті жалпыұлттық акцияға үнқосу үшін оқу орнында әр аптаның бейсенбі күндері «Таза бейсенбі» тазалық іс-шарасын өткізуді дәстүрге айналдырған. Оқу жылының көктемгі және күзгі маусымында ерікті студенттер Жайық өзені жағасынан, университет пен жатақхана ғимараттары орналасқан аумақтардан 3 тоннадан астам қоқысты жинап, табиғатты тазартқан. Бұл іс-шара алдағы уақытта жалғасын табады.Ақпарат көзі : https://www.gov.kz/memleket/entities/sci/press/news/details/896897