Астананы дамыту орталығы мүгедектігі бар адамдар мен мобильділігі төмен топтар үшін қолжетімді қалалық және әлеуметтік орта құру бойынша еліміздегі алғашқы курсты бастады, деп хабарлайды елорда әкімдігінің ресми сайты.Астанада «Мүгедектігі бар адамдар мен мобильділігі төмен топтардың қажеттіліктерін ескере отырып, халыққа қолжетімді инфрақұрылым және қызметтер бойынша семинар» жобасы басталды. Жобаның ұйымдастырушысы – Астана қаласы әкімдігінің «Астана даму орталығы» ЖШС.Инклюзия – физикалық және ақыл-ой кемістігі бар адамдардың қоғамдық өмірге толық араласа алуына жағдай жасауға бағытталған қазіргі қоғамның негізгі элементі. Бұл жобаны іске асыру қолжетімді және инклюзивті қалалық ортаны қалыптастыру, азаматтардың барлық санаты үшін тең мүмкіндіктер беру, сондай-ақ Астананың баршаға заманауи, жайлы және қонақжай қала ретіндегі ұстанымын нығайту жолындағы маңызды қадам болады.Жобаны іске асыру үшін ҚР Сауда және интеграция министрлігі Техникалық реттеу және метрология комитеті төрағасының 2023 жылғы 14 қарашадағы бұйрығымен бекітілген ҚР СТ 3846-2023 ұлттық стандартын әзірлеген «Еуразиялық инклюзивті қоғамды дамыту қауымдастығы» ЗТБ сарапшылары тартылды.Жұмыстың алғашқы күндерінде, яғни 2-3 желтоқсанда 30 адам оқудан өтті. Астана қаласының туристік нысандары мен қонақүйлерінің 200 маманы дайындалады. Қатысушылар ұтқырлығы төмен азаматтар үшін қолайлы және қолжетімді орта құру үшін теориялық және практикалық білім мен құралдар алады, бұл болашақта елорданың туристік тартымдылық деңгейін арттырады.Оқыту 2 ағыны: 5-6 желтоқсан;Оқыту 3 ағыны: 12-13 желтоқсан;Оқыту 4 ағыны: 17-18 желтоқсан;Өтетін орны: Қонаев 12/1.Ақпарат көзі : https://www.gov.kz/memleket/entities/astana/press/news/details/895810

Қыс мезгілінің басынан бері коммуналдық қызметтер елорданың көшелері мен алаңдарынан 831 мың текше метрден астам қар шығарды. Жұмыстар тәулік бойы үздіксіз режимде жүргізілуде, деп хабарлайды Астана әкімдігінің ресми сайты.3-інен 4 желтоқсанға қараған түнде қар полигондарына 169 рейс, яғни 1 828 текше метр қар шығарылды.4 желтоқсандағы күндізгі ауысымда қар тазалау жұмыстарында 2,7 мыңнан астам жол жұмысшысы және мыңға жуық арнайы техника жұмыс істейді.Қыс мезгілінің басынан бері қаладан 65 мыңға жуық рейспен 831 мың текше метрден астам қар шығарылды.Ережеге сәйкес, ең алдымен, қалада кептеліс болмас үшін өте қарқынды қозғалыс учаскелері тазаланады. Сондай-ақ орташа қарқындылығы бар учаскелер-алаңдар, вокзал маңы аумақтары, тротуарлар, әлеуметтік нысандарға кірме жолдар және т. б. орындар қардан тазартылады.Орталық көшелерде, жолаушылар көлігі маршруттарында, аялдамалар мен тротуарларда тазалау басымдыққа ие.Елордада бірнеше жабдықталған қар полигоны жұмыс істейді. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылған, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарлардан бас тартуды сұрайды.Төтенше жағдай туындаған кезде «112» телефонына хабарласыңыз.Ақпарат көзі : https://www.gov.kz/memleket/entities/astana/press/news/details/895784

Әлем қалаларында цифрлық технологияларға басымдық беріліп, «ақылды қала» тұжырымдамасы тұрғындардың тұрмыс-тіршілігінде маңызды рөл атқарып келеді. Астана қаласында да инновациялық бастама қолға алынып, қала тұрғындарының көптеген мәселесі заманауи автоматтандырылған ақпараттық технологиялар арқылы шешімін табуда, деп хабарлайды елорда әкімдігінің ресми сайты.Астанада жүзеге асырылып жатқан инновацияның бірі - жайлы әрі қауіпсіз өмір сүруді қамтамасыз ететін Smart Astana тегін мобильді қосымшасы.2015 жылы іске қосылған мобильді қосымшада бүгінде 28 мыңнан астам қолданушы бар. Қалалық цифрландыру және мемлекеттік қызмет басқармасына қарасты «Астана Innovations» акционерлік қоғамы елорданы цифрландыруға белсенді атсалысып келеді.«Астана Innovations» АҚ цифрлы сервистер департаментінің мәліметінше, мобильді қосымшада көлік, денсаулық сақтау, білім беру, мәдениет және коммуналдық қызметтерді қамтитын 70-тен астам қалалық қызмет біріктірілген.Бұл қосымша - тек елордалықтарға ғана емес, бас қалаға саяхаттап келетін туристер мен өзге өңір тұрғындарына бағыт-бағдар беретін таптырмас құрал.Қосымшадағы «Саяхатшыға» бөлімі өзекті ақпараттар мен түрлі қызметтерге қол жеткізуге мүмкіндік береді.«Саяхатшыға» бөлімі өз ішінде 10 қызмет ұсынады.Теміржол вокзалының пойыз кестесі: станциялар мен маршруттарды көре отырып, пойыздардың кету және келу уақытын тексеруге арналған.Әуежайдың ұшу кестесі: келу және кету уақытының өзгеруін қоса алғанда, рейстер туралы жаңартылған ақпаратты көрсетеді.Іс-шаралар: бұл бөлімде елордадағы концерттер, көрмелер, жарыстар және басқа да мәдени, спорттық іс-шаралар кестесі беріледі.Сауда орталықтары: елордадағы сауда орындарының орналасқан жері, жұмыс тәртібі мен байланыс нөмірлері туралы ақпарат ұсынылады.Мәдени нысандар: Visit Astana туристік ақпараттық орталығының веб-сайтымен біріктірілген бөлім. Онда елордадағы мұражайлар, сәулет ескерткіштері, театрлар мен басқа да көрікті жерлердің тізімі мен сипаттамасын оқуға болады.Ойын сауық мекемелері: бұл бөлімде мейрамханалар мен дәмханалардың қауіпсіздік критерийлері мен қызмет көрсету деңгейін ескере отырып жасалған электрондық рейтингті көруге болады.Автобекет кестесі: қалааралық автобустар туралы ақпарат береді. Олардың кету және келу уақыты жазылып, билет құны да көрсетілген.Демалыс орындары мен саябақтар: демалуға, серуендеуге және белсенді уақыт өткізуге арналған жерлердің тізімін ұсынады.Қоғамдық дәретханалар: бұл бөлімде қалада орналасқан дәретханалар тізімі берілген және шағым қалдыру мүмкіндігі де қарастырылған.Бұған қоса, қосымша мектептердегі сабақтың болмауы, тасжолдардың жабылуы мен ашылуы және қаладағы қолайсыз ауа райы туралы push-хабарламаларды лезде алу функциясымен жабдықталған. Астаналықтар үшін ұсынылатын маңызды ақпарат тізімі үнемі жаңартылып отырады.Жасыратыны жоқ, әлем елдері туризмді дамыту арқылы мемлекет қазынасын арттыруға әлдеқашан кіріскен. Біздің елордада да шетелдіктерге көрсететін көрікті жерлер баршылық. Ал олар туралы ақпарат беретін Smart Astana мобильді қосымшасы еліміздің туристік әлеуетін арттыруға мүмкіндік беріп келеді.Айта кетейік, қосымшаны App Store немесе Google Play дүкендерінен тегін жүктеуге болады.Ақпарат көзі : https://www.gov.kz/memleket/entities/astana/press/news/details/895927

«Астана жастары» жастар ресурстық орталығы мен елордалық жастар саясаты мәселелері басқармасы Астанадағы Мәскеу күндері аясында елордалық сервис және туризм колледжінің студенттерімен Aqyl Life үшінші кітап кездесуін өткізді, деп хабарлайды қалалық әкімдіктің ресми сайты.Шақырылған спикерлер ерекше әсер қалдырған және олардың дүниетанымына әсер еткен үш шығарманы талқылады.«Мұндай кездесулер спикерлерге өздерінің өмірлік және кәсіби тәжірибелерін өскелең ұрпақпен бөлісуге мүмкіндік беру мақсатында өткізіледі. Бұл – білім, мотивация және шабыт алмасудың маңызды платформасы, онда жастар өздерінің дамуы үшін құнды сабақтар ала алады. Спикерлер өз тәжірибелерімен ғана емес, жастарға өзіне деген сенімділіктерін арттыруға, көкжиектерін кеңейтуге және өмірдің түрлі салаларында табысқа жету үшін қандай қадамдар жасау керектігін білуге көмектесетін білімдерімен де бөліседі», - деді «Астана жастары» жастар ресурстық орталығының қызметкері Камилла Мұқатаева.Іс-шараға танымал спикерлер қатысты, олардың қойылымдары көрермендерге ерекше әсер сыйлады. Қазақстандық актер, режиссер және тележүргізуші Дәурен Серғазин кітаптың кәсіби және жеке өсуіне қалай көмектескенін айтып берді.«Әр адам жұмысына немесе оқуына қарамастан, аз да болсын кітап оқуы керек. Кітаптың стилі бойынша үш түрлі болуы керек: бірі — кәсіби қызметі бойынша, екіншісі — қазақ әдебиеті бойынша, үшіншісі — тарих бойынша. Жеке өзім бір уақытта 4-5 кітап оқимын: олардың кейбірі оңай қабылданады, ал басқаларына мұқият көңіл бөлу керек. Мен әр кітапты ойластырып, талдау жасаймын. Олар түрлі ойларға жетелейді, - деді ол.Ашық пікірталаста сұрақтар қоюға, пікірлерін ортаға салуға және ұсынылған кітаптардың ең есте қалған сәттерін талқылауға мүмкіндік жасалды.Сондай-ақ, қатысушылар Aqyl life жобасы жастардың бірігуіне, жаңа идеялар қалыптастыруына және өзін-өзі дамытуға көмектесетінін атап өтті.Ақпарат көзі : https://www.gov.kz/memleket/entities/astana/press/news/details/895929

Астана қаласы полиция департаментінің жергілікті полиция қызметі басқармасының бастығы Ержан Әділбеков өңірлік коммуникациялар қызметінде өткен брифингте елордада өткізіліп жатқан «Учаске» жедел-алдын алу іс-шарасы туралы айтты, деп хабарлайды қалалық әкімдіктің ресми сайты.Қызмет көрсетілетін әкімшілік учаскелерде құқық бұзушылықтардың алдын алу үшін осы жылдың 16 қыркүйегінен 15 желтоқсанына дейін елорда аумағында «Учаске» жедел-алдын алу іс-шарасы өткізіледі.Жедел-алдын алу іс-шарасы шеңберінде пәтерлер мен аулаларды аралау жүргізіледі, тұрғындар өздерінің аумақтық учаскелік инспекторларымен танысып, оған өздерін толғандырған мәселелерімен жүгіне алады.«Жалдамалы пәтерлерде тұратын адамдар бөлек тексеріледі. Жаңадан анықталған жалға берілетін тұрғын үй туралы ақпарат салық заңнамасының сақталуын тексеру үшін Мемлекеттік кірістер органдарына жіберіледі. Жедел-алдын алу іс-шарасы басталғаннан бері 380 мыңнан астам пәтер мен 28 мың жеке меншік үй иелері тексеруден өтті», - деді Ержан Әділбеков.Сонымен қатар заңдылықтың басқа да бұзушылықтары анықталуда. Барлығы 24 мыңнан астам әкімшілік құқық бұзушылық анықталды.«Жедел-алдын алу іс-шарасы барысында ішкі істер органдарының профилактикалық есептерінде тұрған адамдар қосымша тексеріледі. Сот белгілеген тыйымдар мен шектеулерді бұзудың 64 фактісі анықталды, 19 есепке алынушы әкімшілік жауапкершілікке тартылды», - деп толықтырды Әділбеков.Айта кету керек, заңдылықтың кез келген бұзылуына «нөлдік төзімділік» қағидаты аясында жүзеге асырылатын вандализмнің жолын кесу жұмыстары жандандырылды.«Жыл басынан бері 147-1-бап бойынша бөтеннің мүлкін қасақана жойғаны немесе бүлдіргені үшін 338 адам әкімшілік жауапкершілікке тартылды, соның ішінде 125 адам қамауға алынды, 177 адамға айыппұл салынды. Ұсақ бұзақылық жасау фактілері бойынша 2 071 адам жауапқа тартылып, оның 628-і қамауға алынды, 1220 адамға айыппұл салынды», - деді спикер.Бұдан бөлек, қалалық инфрақұрылым мен жалпы үй мүлкінің зақымдану фактілерін анықтау бойынша мамандандырылған жергілікті рейдтік пысықтауларды тұрақты жүргізу ұйымдастырылды. Жыл басынан бері барлығы 1000-нан астам осындай іс-шаралар өткізілді.Вандализмнің алдын алу жұмыстары қалалық прокуратура мен полиция департаментінің үйлестіруімен жүргізіледі.Ақпарат көзі : https://www.gov.kz/memleket/entities/astana/press/news/details/895951

Елордадағы «Жастар» сарайында «Студенттік өзін-өзі басқару» жобасы аясында өткен байқаудың жеңімпаздары марапатталды, деп хабарлады қала әкімдігінің ресми сайты.«Астана жастары» жастар ресурстық орталығы ұйымдастырған марапаттау рәсімі басталғанға дейін заманауи би, халық биі, ұлттық аспаптарда ойнау және вокал сияқты номинациялар бойынша байқаулар өтті. Аталмыш іс-шараға елордалық ЖОО студенттері белсене қатысты.«Мұндай іс-шаралар жастардың өзара қарым-қатынасын нығайтып, нетворкинг орнатуына және көшбасшылық қасиеттерін танытуына ықпал етеді. Сондай-ақ, олардың спортқа, белсенді өмір салтына деген қызығушылығы артатын болады. Осылайша тұрақты негізде ұйымдастырылатын іс-шаралар арқылы елордалық жастарға жиі бас қосып, жаңа идеяларды ортаға тастап, оны жүзеге асыруда бірлесе іс-әрекет істеуге, солайша дами түсуге жол ашылмақ», - деді Астана қаласының мәслихат депутаты Арсланбек Мағзұм.Шығармашылық байқаулар аяқталған соң жеңімпаздарды салтанатты марапаттау сәті басталды.«Іс-шараның негізгі мақсаты – Астана жастарын біріктіру. Мұнда елордалық студенттер өздерін танытып қана қоймайды, сонымен бірге оқу орындарының абыройын асқақтатуға үлес қосады. Марапаттау рәсімі өз деңгейінде өтті деп ойлаймын. Барлық жеңімпаз алғыс хаттар мен қаржылай сыйлықтар, ал спортшылар кубоктар мен медальдарға ие болды», - деді «Астана жастары» жастар ресурстық орталығының қызметкері Камилла Мұқатаева.Жеңімпаздарды атап айтсақ, футболдан және волейболдан APEMS командасы, теннистен Л.Гумилев атындағы Еуразия ұлттық университеті, баскетболдан С.Сейфуллин атындағы Қазақ агротехникалық зерттеу университеті студенттері 1-орынды жеңіп алды. Ал аспаптарда ойнау мен вокал бойынша Қазақ ұлттық өнер университеті, замануи биден Esil University, халық биінен Astana international university студенттері 1-орынды иеленді.Ақпарат көзі : https://www.gov.kz/memleket/entities/astana/press/news/details/896138

Биыл Астанада «ESIRTKISIZ ELORDA» жастар қозғалысы іске қосылды. Жоба нашақорлықтың алдын алуға және жастар арасында салауатты өмір салтын қолдауға бағытталған іс-шаралар кешенін іске асырады. Бұл жұмыс туралы коммуникациялар қызметінде өткен брифингте елорданың Жастар саясаты мәселелері басқармасының басшысы Самат Ибраев айтты, деп хабарлайды қалалық әкімдіктің ресми сайты.Жоба аясында Астанада түрлі іс-шаралар өткізілуде. Сонымен, онлайн-тренингтерде кәсіби психологтар мен аддиктологтар (мінез-құлық бұзылыстары бойынша мамандар) елорданың мектептері мен университеттерінде тәуелділіктің табиғатына, оның қалыптасу кезеңдері мен механизмдеріне, құмар ойындар мен ішімдіктің алдын алуға, сондай-ақ әлемдік емдеу әдістеріне қатысты сабақтар өткізді. Жоба аясында әр кездесуде үнемі ақпараттық буклеттер таратылады. Бұл материалдарда салауатты өмір салты, тәуелділіктің алдын алу және саналы таңдаудың маңыздылығы туралы пайдалы мәліметтер бар.«Спорттық іс-шаралар да жобаның ажырамас бөлігіне айналды. «Astana CUP» футбол турниріне аула клубтарының командалары қатысты. Футболдан басқа бокс және таэквондо бойынша спорттық челлендждер өткізілді, бұл командалық рухты қалыптастыруға және спорттық дағдыларды дамытуға ықпал етті. Сондай-ақ 150-ден аса спортшыны біріктірген жыл сайынғы «Астана кубогі» турнирі өтті, онда жеңімпаздарға Кубок табыс етілді, ал қалған қатысушылар спорттық разрядтарға ие болды. Жобаның білім беру бөлігі ретінде танымал қоғам қайраткерлері, полиция қызметкерлері және танымал блогерлер қатысатын подкастар іске қосылды, онда есірткі қылмысының маңызды тақырыптары, есірткіні қолданудың салдары және тәуелділікпен күресудің тиімді әдістері талқыланды. «JAUAP» подкасының қонақтары ретінде Астана қаласы Прокуратурасы басқармасының бастығы Айжан Аймағановамен, полиция полковнигі Сергей Ильинихпен, бұрынғы нашақор, қазіргі таңда блогер Ринатпен және инфлюенсер Әлібек Ермағамбетов сияқты меймандармен әңгімелер жүргізілді», - деді спикер.Қала прокуратурасы оқушыларға есірткіге байланысты істер бойынша сот ісін жүргізудің ерекшеліктерін көрнекі түрде көрсететін симуляциялық сот процестерін ұйымдастырды.Ақпарат көзі : https://www.gov.kz/memleket/entities/astana/press/news/details/896320

Халықаралық волонтерлер күніне орай Астанада аға буынның ең белсенді өкілдері – «күміс» волонтерлерді марапаттау рәсімі өтті. 30-ға жуық зейнеткер Астананың дамуына қосқан үлесі үшін алғыс хаттар мен сертификаттарға ие болды, деп хабарлайды қалалық әкімдіктің ресми сайты.Іс-шараны «Ұлттық еріктілер желісі» ЗТБ, «Астана жастары» жастар ресурстық орталығы және белсенді ұзақ өмір сүру орталығы ұйымдастырды.«Біздің клубта 80-ге жуық қарт кісі бар, олар біздің орталықта түрлі іс-шараларды ұйымдастыруға тегін көмектеседі. Бұл еріктілер әртүрлі бастамаларға белсенді қатысады, мысалы, «Ұрпақтар сабақтастығы» жобасы аясында олар шала туылған нәрестелерге табиғи жүннен киім тоқиды. Сонымен қатар, олар кілем тоқу бойынша шеберлік сабақтарын өткізеді, бұл дағдыларды ұмытпау үшін балаларға дәстүрлі қолөнерді үйретеді. Біз мектептермен меморандумдар жасадық, еріктілер апта сайын оқу орындарына барып, білімдері мен дағдыларын жас ұрпаққа үйретеді. Сондай-ақ, «күміс» еріктілер мәдени іс-шараларға, қайырымдылық акцияларына, экологиялық сенбіліктерге белсенді қатысып, қоғамды жақсартуға өз үлестерін қосып жүр», – деп атап өтті Белсенді ұзақ өмір сүру орталығының әдістеме және есептілік бөлімінің басшысы Қымбат Тасымова.«Астана жастары» ЖРО еріктілерінің үйлестірушісі Индира Маремова атап өткендей, «күміс» еріктілер жас еріктілерге әртүрлі бастамаларға, соның ішінде сенбіліктер мен әлеуметтік аз қамтылған отбасыларға арналған гуманитарлық себеттер жинауға көмектесуде маңызды рөл атқарады.«Олар жас ұрпақпен – оқушылармен және студенттермен тең дәрежеде еңбек етіп, қоғам өміріне елеулі үлес қосып жүр. Олардың атсалысуы ерекше маңызды және жасына қарамастан, олар сергек. Біздің аға буын еріктілер жастарға немерелері сияқты мейірімділікпен, қамқорлықпен қарайды. Біз оңай тіл табысамыз және қашанда достық қарым-қатынастамыз. Олар өзгелерге үлгі болып, ересек жаста да белсенді болып, қоғамға пайда әкелетінін көрсетеді, сондай-ақ жас еріктілерге өмірлік кеңестерін жеткізеді. Мұндай еріктілерді марапаттау оларға ерекше күш сыйлайды. Бұл олардың мотивациясын арттырып қана қоймайды, сонымен қатар олардың қоғамға қосқан үлесінің маңыздылығын көрсетеді. Осылайша, біз олардың қажырлы еңбегі үшін алғыс білдіреміз», – деп атап өтті Индира Маремова.Нұра ауданының белсенді ұзақ өмір сүру орталығының еріктісі Риза Бекпаева өз әсерімен бөлісті, ол орталықта зияткерлік ойындар курсын басқарады және «Күміс жоба» волонтерлік жобасына белсенді қатысады.«Мені іс-шараға шақырды, бірақ мұндай марапат болатынын білген жоқпын. Өте қуаныштымын, өйткені бұл өте жауапты жұмыс. Ерікті ретінде біз өзімізді қоғамның дамуына үлес қосып жатқандай сезінеміз. Біздің орталық еріктілер қозғалысы аясында ғана емес, балалармен және мектеп оқушыларымен де көптеген іс-шаралар өткізеді. Қазақ халқының салт-дәстүрлері мен мәдени салт-дәстүрлеріне арналған концерттер мен іс-шаралар ұйымдастыратын «Жансая» оңалту орталығымен ынтымақтастығымыз туралы айтпай кете алмаймын. Мұндай іс-шараларға қатысу маған үлкен күш сыйлайды, өйткені өзімнің жүрегім мен мейірімділігімнің бір бөлігін өз ісіме салғандай сезінемін. Бұл мен үшін өте маңызды», – деп қорытындылады Риза Бекпаева.Марапаттау рәсімінен кейін концерттік бағдарлама өтті. Іс-шарада белсенді ұзақ өмір сүру орталығының клубтық қызметіне белсенді қатысатын «Бәйтерек» хор ұжымы өнер көрсетті. Ақпарат көзі : https://www.gov.kz/memleket/entities/astana/press/news/details/896298

Астанада уәкілетті органдар әкімдікпен бірлесіп, әсіресе жастар арасында есірткі қылмысына қарсы белсенді күрес жүргізуде. Жыл басынан бері қалада 400-ден астам есірткі қылмысы тіркелді. Бұл туралы коммуникациялар қызметінде өткен брифингте Астана қаласы полиция департаментінің есірткі қылмысына қарсы іс-қимыл басқармасының аға жедел уәкілі Әлия Қибатқызы айтты, деп хабарлайды қалалық әкімдіктің ресми сайты.2024 жылдың 11 айында Астанада 407 есірткі қылмысы тіркелген, соның ішінде 285 өткізу фактісі, сондай-ақ есірткінің синтетикалық түрлерімен байланысты 621 есірткі құқық бұзушылық.Заңсыз айналымнан 339 келі есірткі заттары, соның ішінде 20,8 келі «синтетика» тәркіленді.«Нашақорлыққа және есірткі бизнесіне қарсы күрестің 2023-2025 жылдарға арналған республикалық кешенді жоспары және мемлекеттік органдар мен жұртшылық барынша тартылған «Астана – есірткісіз қала 2023-2025 жылдарға арналған» бағдарламасы іске асырылуда. Оның аясында уәкілетті органдармен нашақорлықтың алдын алуға және есірткінің заңсыз айналымы саласындағы қылмыстарды анықтауға бағытталған бірқатар іс-шара жүргізілуде», - деді спикер.Мемлекеттік органдармен және ҮЕҰ-мен бірлесіп құқық қорғау органдары 496 алдын алу іс-шараларын, соның ішінде акциялар, семинарлар, дәрістер, дөңгелек үстелдер, кездесулер, спорттық турнирлер, конкурстар өткізді.Ақпарат көзі : https://www.gov.kz/memleket/entities/astana/press/news/details/896336

Астана қаласының әкімі Жеңіс Қасымбек өзінің инстаграм парақшасында елорданың Есіл ауданынан орын тепкен Шұбары елдімекенінің қашан газдандырылатыны туралы жазды, деп хабарлайды қала әкімдігінің ресми сайты.«Шұбары елдімекенінің белсенділерімен кездестім. Елдімекен Есіл ауданында орналасқан, мұнда 5 мыңға тарта адам тұрады. Белсенділермен өзекті мәселелерді талқылап, елді мекенді одан әрі дамыту жоспарын белгіледік.Сол жағалаудың ортасында орналасқан елдімекеннің маңызды мәселелерінің бірі – газдандыру. Қазіргі уақытта газдандыру үшін көшелерде тарату желісінің құрылысы жүріп жатыр. Желілердің жартысынан көбі аяқталды. Жеткізуші газ құбырының құрылысын келер жылдың соңына дейін аяқтауды жоспарлап отырмыз. Бұл Шұбары елдімекенінің тұрғындарына үйлерін газға қосуына мүмкіндік береді, сол сияқты ауданның және жалпы қаланың экологиясына жағымды әсер етеді әрі қала тұрғындарының өмір сүру сапасын арттырады.Сондай-ақ келер жылы сумен жабдықтау желілері мен кәріз желілерін салуды бастаймыз, бұл жоба 2025-2027 жылдары толық іске асырылады.Сонымен қатар жолдарды жөндеу, инженерлік желілер, камералар, бағдаршамдар орнату, абаттандыру, оқу орындарын салу және т.б. мәселелер қозғалды», - деп жазды Жеңіс Қасымбек.Ақпарат көзі : https://www.gov.kz/memleket/entities/astana/press/news/details/896377

Целиноград ауданында халықтың тұрмысын жақсарту үшін жүйелі жұмыстар жүргізілуде. Жылдан жылға аудан аумағында әлеуметтік маңызды мәселелер шешіліп, халықтың өмір сүру сапасын арттыруға бағытталған жобалар жүзеге асырылып келеді. Ірі және шағын ауылдар мемлекеттің қолдауын түрлі бағдарламалар мен бастамалар арқылы айқын сезінуде.Мәселен, Рахымжан Қошқарбаев ауылында көше жарықтандыру жүйесін орнатуды қамтитын кентішілік жолдарды күрделі жөндеу жобасының екінші кезеңі аяқталды.Жоба аясында «Строительная компания АТТМ групп» ЖШС мердігерлік ұйымымен 466 тірек орнатылып, 11 шақырымнан астам электр сымдары мен СИП-кабельдер тартылды.Көше жарығы Қызылсуат ауылдық округінде де пайда болды. Бюджеттің төртінші деңгейінің қаражаты есебінен жергілікті әкімдік Шұбар, Аққайың және Қызылсуат ауылдарының көшелерін жарықтандыру бойынша сметалық құжаттама әзірледі.Іске асырылған жоба шеңберінде шамдары бар 99 тірек орнатылды, бұл жалпы ұзындығы 3,5 км жол учаскелерін жарықтандыруға мүмкіндік берді. Бұл жұмыстарға округтің жеке салық түсімдерінен 20 млн. теңге бөлінді.Айта кету керек, Қызылсуат ауылдық округінің бюджеті трансферттерді тартпай-ақ өзінің салық түсімдері есебінен ғана қалыптасады, бұл жергілікті қаржы ресурстарының дербестігі мен тиімді басқарылуын көрсетеді.Қызылсуат ауылдық округінің әкімдігі халықтың тұрмыс жағдайын жақсарту бойынша белсенді жұмыс жүргізуде. Алдағы жоспарда - Қызылсуат ауылында хоккей кортын салу және елді мекеннің кіреберіс жолын жарықтандыру.Жергілікті өзін-өзі басқару органдары тұрғындардың сенімін нығайту және одан әрі дамудың негізін қалау арқылы ресурстарды тиімді пайдаланудың мысалын көрсетеді.Тұтастай алғанда, бастамалар Целиноград ауданы өмір сүруге, жұмыс істеуге және инвестиция құюға тартымды бола отырып, бұдан ары дамуын жалғастыруда. Ақпарат көзі : https://www.gov.kz/memleket/entities/aqmola/press/news/details/895827

Тазалық апталығы кезінде «Таза Қазақстан» тұжырымдамасы аясында қыс мезгіліне дайындық мақсатында қалада көшелер мен қоғамдық кеңістіктерді жаппай тазарту өтті. Аула аумақтарына ерекше назар аударылады.Белгілісі, 2023 жылдың 1 қаңтарынан бастап Алматы әкімі Ерболат Досаевтың тапсырмасы бойынша үй ішіндегі аумақтар аудан әкімдіктерінің қаражаты есебінен жиналады. Бұған дейін ПИК тазалаушыларының сапасыз жұмысы мәселе болып, оған тұрғындар үнемі шағымданған. Аудан әкімдігінің бұл жұмысқа қаражаты болмады. Сонымен қатар, мүлік иелері мен қарапайым серіктестіктердің бірлестіктерін құру кезінде үй ішіндегі аумақтар іс жүзінде иесіз қалған кезде құқықтық вакуум пайда болды.Бүгінде жағдай жақсы жаққа өзгерді. Енді көшелер, саябақтар мен аулалардың тазалығына жауапты мердігерлер өз міндеттерін дұрыс орындамағаны үшін қатаң жауап береді. Бостандық ауданының әкімі Санжар Алин атап өткендей, тазалау сапасын бақылау үшін ОСИ және ПИК төрағалары, сондай-ақ мессенджерлер арқылы аудан тұрғындарымен кері байланыс жүйесі қолданылады.«Егер мердігерлер өз міндеттемелерін орындамаса, біз жедел әрекет етеміз. Алдымен учаске бастығына, содан кейін ұйымның өзіне айыппұл саламыз. Егер жағдай түзетілмесе, біз шартты сот арқылы бұзамыз. Сотқа дейінгі хат жіберілген мердігер бар», - деді аудан әкімі.Жалпы, Бостандық ауданында аумақтарды жинау жүйелі негізде жүргізіледі. Осылайша, «Stamp Service» ЖШС жалпы ауданы 309,7 га болатын 4 саябақты, 13 скверді, 9 бульварды, бөлу жолақтарын, қоғамдық пайдалану орындарын, Үлкен Алматы және Есентай өзендерінің жағалауларын және көлік айрықтарын тазалау және күтіп ұстау жұмыстарын жүргізуде.«Алматы Тазалық» КМК аудан аумағы шегінде жалпы ұзындығы 272,9 км 6 көлік жол айрығы, 263 көше мен өтпе жолдың жол төсемін тазалау жүргізіледі. бұдан басқа, ауданы 456 678 ш. м. 180,9 км тротуарларды механикаландырылған және қолмен тазалау жүргізіледі. 7 бірлік арнайы техника, 28 жұмысшы жұмылдырылды.«Еуразияказинвест» ЖШС 7 жер үсті және 12 жерасты жаяу жүргіншілер өткелдерін күтіп ұстауды жүзеге асырады. Аулаларды күтіп ұстаумен «АБС-ЛД Строй» ЖШС, «Аван Құрылыс» ЖШС, «Алматы дормеханизация» ЖШС, «Senim Group Construction» ЖШС сияқты ауданның мердігерлік ұйымдары күн сайын 670 аулаішілік аумақты санитарлық тазалаумен айналысады.Сонымен қатар, Алматы қаласы коммуналдық инфрақұрылымды дамыту басқармасы басшысының орынбасары Жанат Жақыпбектің ақпараты бойынша, күндізгі кезеңде техниканың көшелерді тазалауға шығуы 600-ге жуық бірлікті және 800 жол жұмысшысын, түнгі ауысымда 220 бірлік техниканы және 250-ге дейін жол жұмысшысын құрайды. 9 мердігер ұйымның күшімен «Алматы тазалық» МКК-нен басқа жалпы ұзындығы 2,7 мың км-ден асатын 2318 көшеден санитарлық тазалау жүргізіледі.Қысқы кезеңге аумақтарға қызмет көрсету үшін 841 бірлік техника дайындалды, жолдар мен тротуарларды тазартуға 1400 жол жұмысшысы тартылатын болады.Ақпарат көзі : https://www.gov.kz/memleket/entities/almaty/press/news/details/895988

Алматыда 2025 жылы бюджет жобасында әлеуметтік салаға 806,1 млрд теңге бөлу жоспарлануда, бұл алдын ала ақпарат бойынша қала бюджеті шығыстарының 41% -ын құрайды. Әлеуметтік саланы қаржыландыруды ұлғайтудың болжамды өсуі 8,7% -ды құрайды. 2024 жылы әлеуметтік салаға 741,2 млрд., 2023 жылы 664,5 млрд. бағытталды.2025-27 жылдарға арналған бюджеттің тиісті жобасы Алматы Мәслихатының алдағы сессиясында қабылдау қарастырылуда. Бұл туралы қалалық Мәслихаттың баспасөз қызметі хабарлады.Естеріңізге сала кетейік, Мәслихаттың келесі отырысында Алматының 2025-2027 жылдарға арналған бюджетін бекіту мәселесі қаралатын болады.Мәслихаттың алдын ала ақпараты бойынша, денсаулық сақтау инфрақұрылымын жаңғыртуды қаржыландыру 2025 жылы 2,6 есеге - 69,4 млрд теңгеге дейін ұлғаяды. Сондай-ақ 1326 дәрігер мен медициналық персоналды оқытудың үш деңгейлі бағдарламасы іске асырылады. Жаңа бюджеттен қаражаттың бір бөлігі Бостандық ауданында 500 адам қабылдайтын №4 жедел медициналық жәрдем қосалқы станциясының, екі отбасылық-дәрігерлік амбулаторияның және жаңа емхананың құрылысын аяқтауға бағытталады. Қалалық медициналық мекемелер қажетті дәрі-дәрмектермен және жабдықтармен, оның ішінде вакциналармен және иммунопрофилактикалық препараттарымен қамтамасыз етілетін болады. Сирек кездесетін аурулары бар 4 мыңнан астам пациент тегін дәрі-дәрмектермен қамтылады.2025 жылы жедел жәрдемнің автопаркін жаңарту жалғасады, ол үшін 50 автокөлік сатып алу жоспарлануда. Сонымен қатар, 2024-2025 жылдары 20 денсаулық сақтау нысаны күрделі жөндеуден өтеді, оның ішінде он нысанды 2025 жылы аяқтау жоспарланып отыр және 30 жаңа және ескі денсаулық сақтау нысандарын жобалау жұмыстары жалғасуда.Ақпарат көзі : https://www.gov.kz/memleket/entities/almaty/press/news/details/896004

2025-27 жылдарға арналған бюджеттің тиісті жобасын Алматы Мәслихатының алдағы сессиясында қарау жоспарлануда. Бұл туралы қалалық Мәслихаттың баспасөз қызметі хабарлады. Қала үшін негізгі бағыттардың бірі көлік инфрақұрылымын дамыту болып қала береді.Мәселен, бюджетте алдын ала ақпарат бойынша 300 км жолға орташа жөндеу жүргізуге, 30 км тротуарларға, аялдама қалталары мен алаңдарына, сондай-ақ басқа да көлік құрылыстарына 35,8 млрд теңге бөлу жоспарлануда.Экологиялық жағдайды жақсарту мақсатында қалалық қоғамдық көлікті жаңарту бойынша жұмыстар жалғасатын болады. 2025 жылға арналған бюджет жобасында газбен жүретін 600 автобус пен 200 электроавтобус сатып алу жоспарланған.Алматы әкімі Ерболат Досаевтың тапсырмасы аясында қалаға қосылған аумақтардағы Жас Қанат, Шұғыла, Әлмерек, Ақжар, Рахат, Мәдениет, Боралдай ш/а жол құрылысы жалғасады. Жаңа жолдарды салу қалаға қоыслаған аумақтардағы 70 мыңнан астам тұрғынды қамти отырып, көлікк қызмет көрсетуді едәуір жақсартуға мүмкіндік береді.2025 жылы Сейфуллин даңғылы - Жансүгіров көшесінің қиылысында және Рысқұлов даңғылынан Ақын Сара көшесіне дейін, Абай даңғылынан қала шекарасына дейінгі жол айрықтарының құрылысын аяқтау жоспарланған.Ақпарат көзі : https://www.gov.kz/memleket/entities/almaty/press/news/details/896023

Алматыда 2025 жылы инклюзивті туризмді дамытуға және мүмкіндігі шектеулі адамдар үшін қолжетімділікті жақсартуға бағытталған жоба жүзеге асырылады.Алматы Мәслихатының алдағы сессиясында 2025-27 жылдарға арналған бюджеттің тиісті жобасын қарау жоспарлануда. Бұл туралы қалалық Мәслихаттың баспасөз қызметі хабарлады.Жоба аясында көру қабілеті бұзылған және қабылдаудың басқа да ерекшеліктері бар адамдарға қаланың маңызды туристік нысандары туралы толық түсінік алуға көмектесетін бес тактильді модель орнату жоспарлануда. Тактильді модель келушілерге ғимараттың егжей-тегжейлі пішіні мен элементтерін сезінуге және зерттеуге мүмкіндік береді.Модельдер келесі нысандарда орналастырылады:* Вознесенский соборы-өзінің керемет күмбездерімен және тарихи маңыздылығымен танымал Алматының басты сәулеттік көрікті жерлерінің бірі.* Ықылас атындағы ұлттық аспаптар мұражайы - Қазақстанның музыкалық мұрасына арналған мәдени орталық.* МАОБТ (Мемлекеттік академиялық опера және балет театры) — керемет спектакльдерімен және сәулетімен танымал маңызды өнер орталығы.* Алматы мұражайы-қаланың дамуы мен тарихын көрсететін мәдени-тарихи мұражай.* Ғылым академиясы-зерттеу қызметінде маңызды рөл атқаратын елдің жетекші ғылыми мекемелерінің бірі.Тактильді модельдер әр нысанның ерекше архитектуралық ерекшеліктерін ескере отырып жасалады, осылайша келушілер ғимараттардың пішінін физикалық түрде сезініп қана қоймай, олардың мәдени және тарихи маңыздылығын түсіне алады. Модельдерді жасауда беріктік пен пайдаланудың қарапайымдылығын қамтамасыз ететін, сондай-ақ объектілерді толық және шынайы қабылдауға мүмкіндік беретін сапалы материалдар мен технологиялар пайдаланылады.Тактильді модельдерді орнату жобасы туристердің барлық санаттары үшін тең жағдай жасауға ықпал ететін және қаланың мәдени және тарихи көрікті жерлерінің қолжетімділігін арттыратын инклюзивті туризмді дамытуға бағытталған.Ақпарат көзі : https://www.gov.kz/memleket/entities/almaty/press/news/details/896046

Алматыда 2025 жылы Үлкен Алматы шатқалының ең көрнекті нысандарының бірі - «Алма-Арасан» радон көзін реконструкциялау жоспарлануда.Алматы Мәслихатының алдағы сессиясында 2025-27 жылдарға арналған бюджеттің тиісті жобасын қарау жоспарлануда. Бұл туралы қалалық Мәслихаттың баспасөз қызметі хабарлады.Бірегей емдік қасиеттерімен танымал орын туристер мен қала тұрғындарын, қазақстандықтарды ғана емес, шетелдіктерді де өзіне тартады. Қазіргі инфрақұрылымның жағдайына, қолайсыздықтар мен тәуекелдерге байланысты қала тұрғындары мен туристердің көптеген шағымдарына жауап ретінде кешенді жаңарту туралы шешім қабылданды.Радон көзін соңғы жөндеу 2019 жылы жүргізілді, содан бері оның инфрақұрылымы жайлылық пен қауіпсіздіктің заманауи стандарттарына сәйкес келу үшін реконстуркциялауды қажет етеді.Абаттандыру жобасы инфрақұрылым объектілерін толық реконструкциялауды көздейді. Негізгі іс-шаралардың қатарында қауіпсіз сырғанауға қарсы жабындары бар жаңа көпірлер орнату, жол желісін және жаяу жүргіншілер аймақтарын жаңарту бар. Ең қауіпті учаскелерде қоршаулары бар баспалдақтар орнатылады, сондай-ақ зақымдалған элементтерді күшейту және ауыстыру жүргізіледі. Сонымен қатар, барлық учаскелердің палубасы болат тордан жасалады, бұл жазда да, қыста да қауіпсіздікті қамтамасыз етеді.Сонымен қатар, жоба туристерге рельефті бағдарлауға көмектесетін, сондай-ақ радон көзінің емдік қасиеттерімен таныстыратын жаңа көрсеткіштер мен ақпараттық стендтерді орнатуды қамтиды.Ақпарат көзі : https://www.gov.kz/memleket/entities/almaty/press/news/details/896055

Алматы саяхатшылар үшін жаңа мүмкіндіктер жасап, халықаралық туристік индустриядағы мәртебесін нығайта отырып, туристік әлеуетті дамытуды жалғастыруда. 2025 жылы Алматыда таулы және қалалық инфрақұрылымды дамытуға 697,4 млн. теңге бөлінеді.2025-27 жылдарға арналған бюджеттің тиісті жобасын Алматы Мәслихатының алдағы сессиясында қарау жоспарлануда. Бұл туралы қалалық Мәслихаттың баспасөз қызметі хабарлады.Жоспарда навигациялық объектілері бар 10 тау маршруттарын құру, жету қиын жерлерде күн панельдері бар 3 кемпинг-аймақтарды жайластыру, «Алма-Арасан» термалды көзін реконструкциялау, туристік объектілердің тактильді үлгілерін дайындау, ақпараттық орталықтарға, тотемдер мен терминалдарға қызмет көрсету бар. Бұл іс-шаралар Алматының бірегейлігін, оның мәдени және табиғи көрікті жерлерін, сондай-ақ туристік өнімдердің алуан түрлілігін көрсетеді.Естеріңізге сала кетейік, 2024 жылы Алматы қаласының туризм басқармасы 10 тау бағытын абаттандыру жұмыстарын аяқтады (1. "Тұйық Су" альплагеріне соқпақ жол. 2. Юннат көлі-Бутаковка-Орман асуы. 3. Юннат соқпақтары 4. "Ақ-Қайың" шипажайы - Кіші Алматы шатқалы 5. ҮАО-Погребецкий шыңы 6. КАШ.Тұйық су альплагері – "Тұйық су" мұздығы. 7. Бутаковка-Бұлақ (Бутаков шатқалында 2 км соқпақ абаттандырылды, өзен арқылы өткел салынды, ерекше қажеттіліктері бар азаматтарға арналған орындықтар мен беседкалар орнатылды.) 8. Медеу. Демалыс жолы 9. Медеу. Қаракүнгей жотасы. Бақылау палубасы ("піл") 10. Медеу. Қаракүнгей Жотасы. "Серкебай" шеңбері).Тау соқпақтарының бойында 367 ақпараттық белгі, 15 беседка, 66 орындық, 6 демалыс платформасы, 4 көпір орнатылған. Барлық элементтер ауа-райының қолайсыздығына төзімді жоғары балқитын болатты қоса алғанда, беріктігі жоғары материалдардан жасалған. Вандалдарға қарсы конструкциялар қолданылды, бұл инфрақұрылымның ұзаққа төзімділігі мен беріктігін, тіпті қарқынды жұмыс кезінде де қамтамасыз етеді.Қауіпсіздікке ерекше назар аударылады: өзендер арқылы берік өткелдер салынды, сонымен қатар маршруттар физикалық дайындығы әртүрлі адамдарға бейімделді. Жұмыстар қала тұрғындары мен қонақтары арасында осы бағыттардың жоғары танымалдылығын ескере отырып жүргізілді. Ыңғайлы және қауіпсіз маршруттар жаяу серуендеу тәжірибесін жақсартуға ғана емес, сонымен қатар аймақтың табиғи байлығын көрсетуге де арналған.Алматының таулы бағыттарын абаттандыруға жүйелі қадам туристер тарта түсетін жаңа орындарды құруға ықпал етеді. Жарқын мысалдардың бірі - инфрақұрылымды жақсарту бойынша кешенді жұмыстар аясында 2023 жылы Малыш шыңында орнатылған орындық. Малыш шыңы туристер мен табиғат әуесқойлары арасында танымал болды, бірақ бұл бағытқа қызығушылықты арттыру үшін қосымша екпін қажет болды - қазір орындық маңызды элементке айналды, нысанды туристер үшін ерекше тартымдылыққа айналдырды.Алматы қаласының Туризм басқармасы туристер мен қала тұрғындарын қауіпсіздік шараларын сақтауға, ауа райы жағдайларын ескеруге, таулы серуендеуге мұқият дайындалуға, сондай-ақ табиғи орта мәдениетін ұстануға шақырады. Табиғат пен қалалық инфрақұрылымға ұқыпты қарау, тазалықты сақтау, қоқыстарды жинау және болашақ ұрпақ үшін айналадағы ландшафттардың ерекше сұлулығын сақтау қажет.Ақпарат көзі : https://www.gov.kz/memleket/entities/almaty/press/news/details/896309

2025 жылы Алматыда ШОБ субсидиялау құралын іске асыруға жергілікті бюджеттен 32,6 млрд.теңге, республикалық бюджеттен 20 млрд. теңгеден астам қаражат бөлінеді. Қаражат өңдеуші өнеркәсіпті, IT және туризмді қоса алғанда, экономиканың басым салаларында ШОБ субъектілерінің 2 мыңнан астам жобасын қолдауға мүмкіндік береді.2025-27 жылдарға арналған бюджеттің тиісті жобасын Алматы Мәслихатының алдағы сессиясында қарау жоспарлануда. Бұл туралы қалалық Мәслихаттың баспасөз қызметі хабарлады.Естеріңізге сала кетейік, 2024 жылы Алматыда кәсіпкерлікті субсидиялау құралын іске асыруға 47,9 млрд.теңге бөлінді, оның 18,1 млрд. теңгесі жергілікті бюджеттен, 29,8 млрд. теңгесі республикалық бюджеттен түсті. Бұл қаражат субсидиялау мерзімі әлі жалғасып жатқан 2 298 қолданыстағы жобаны қолдауға, сондай-ақ 82,8 млрд.теңге кредит сомасына 875 жаңа жобаны мақұлдауға мүмкіндік берді.Субсидияланған жобалардың ең көп саны Көлік және қойма салаларына (27,7%) және өнеркәсіпке (25,5%) тиесілі. Бұл ретте, барлық жобалардың 72% - ы негізгі жабдықтарды сатып алуды және бизнесті жаңғыртуды қоса алғанда, инвестициялық мақсаттарға қаржыландырылады.Субсидиялаудың арқасында кәсіпкерлер үшін сыйақының түпкілікті мөлшерлемесі 8% - ға дейін төмендетілді.Кредиттер бойынша пайыздық мөлшерлемені субсидиялау көрсетілетін мемлекеттік қолдау шаралары арасында ең сұранысқа ие құрал болып қала береді және кәсіпорындарды өз бизнесін кеңейту не жаңарту үшін "қолжетімді" қаржылық қаражатпен қамтамасыз етеді, осылайша тауарлардың бәсекеге қабілеттілігі мен сапасын арттырады.Кәсіпкерлікті қолдаудың бірыңғай кешенді бағдарламасы бизнесті ынталандыру, отандық өндірушілердің бәсекеге қабілеттілігін арттыру және Қазақстан кәсіпкерлері үшін жаңа мүмкіндіктер жасау жөніндегі мемлекеттік стратегия шеңберінде іске асырылады.Жалпы, ағымдағы жылдың басынан бастап Алматыда кәсіпкерлік белсенділіктің тұрақты өсуі байқалады. 2024 жылғы 1 қарашадағы жағдай бойынша жұмыс істеп тұрған ШОК субъектілерінің саны 364,6 мыңды құрады (жыл басынан бері өсім 7,2% - ға). Бұл ретте, білім беру (жыл басынан бері+13,6%), ақпарат және байланыс (+5,8%) және өңдеу өнеркәсібі (+5,6%) сияқты секторлардағы кәсіпорындар санының артуы байқалады. Ағымдағы жылдың бірінші жартыжылдығында ШОБ өнімін шығару 10,9 трлн. теңгені құрап, 22,4%-ға өскен.Ақпарат көзі : https://www.gov.kz/memleket/entities/almaty/press/news/details/896312

2025-2027 жылдарға арналған бюджеттің тиісті жобасын Алматы Мәслихатының алдағы сессиясында қарау жоспарлануда. Бұл туралы қалалық Мәслихаттың баспасөз қызметі хабарлады.Негізгі бағыттардың бірі қала тұрғындарын әлеуметтік қолдау болып қала береді. Осылайша, жаңа бюджет қаражатының бір бөлігі әлеуметтік бағдарламаларды іске асыруға және инклюзивті қалалық ортаны құруға бағытталатын болады.Алматыда «Инватакси» қызметіне үлкен сұранысқа байланысты автокөліктердің саны 130-ға дейін ұлғайтылады, бұл 2,7 мыңнан астам мүгедек адамды көлік қызметтерімен қамтуға мүмкіндік береді. Ай сайын «Инватакси» арқылы 30 мыңнан астам қызмет көрсетіледі.Бұдан басқа, Алматы әкімі Ерболат Досаевтың тапсырмасы бойынша 2025 жылғы 1 сәуірге дейін «Инвестиция орнына тариф» бағдарламасы шеңберінде азаматтардың сегіз санаты үшін өтемақы төлеу жалғасады, бұл коммуналдық қызметтер тарифтерінің өсуін өтеуге мүмкіндік береді.Алматыда 2025 жылдан бастап жұмысқа орналастырудың барлық кезеңдерінде - бос орын іздеуден бастап жұмыс орнында бейімделуге дейін мүгедек адамдарды қолдауға бағытталған жаңа Jobcoach жобасы іске қосылуда. Жоба Берлиндегі табысты жұмыс тәжірибесіне негізделген және қызметкерлер мен жұмыс берушілерге көмектесетін арнайы оқытылған тәлімгерлердің жұмысын қамтиды. 2025 жылы 300 адамға дейін жұмыспен қамту жоспарлануда.Кедергісіз орта құру маңызды бағыт болып қала береді. 2025 жылы тұрғын үйлерді, қоғамдық кеңістіктерді, тротуарлар мен аялдама кешендерін қоса алғанда 32,5 мың нысанды паспорттау және қаланың 1,5 мың инфрақұрылым нысандарын бейімдеу жоспарлануда.Ақпарат көзі : https://www.gov.kz/memleket/entities/almaty/press/news/details/896315

Алматыда тұрақ инфрақұрылымын жаңғырту жалғасуда. 5 желтоқсаннан бастап Жетісу ауданындағы «Адем» СО, «Ялян» СО, «Алатау 1» СО, «Батыр» СО, «Алмалы» СО, «Олжа» СО, «Барыс» базары, сондай-ақ әл-Фараби даңғылының солтүстігіндегі «Нұрлы Тау» БО алдындағы алаңдық үлгідегі автотұрақтар аумағында әл - Фараби, Желтоқсан көшесінің шығысында Бостандық ауданында кедергісіз тұрақ жүйесі іске қосылады.Шлагбаумсыз автотұрақ жүйесі автомобильдердің кіруі мен шығуын бақылау үшін заманауи фото және бейне түсіру камераларын пайдаланады. Автотұраққа кірген кезде камера автоматты түрде көліктің мемлекеттік нөмірі мен келу уақытын тіркейді. Сол сияқты шығу уақыты да белгіленеді. Бұл автотұрақтың ұзақтығын дәл ескеруге мүмкіндік береді және шлагбаум алдында тоқтау қажеттілігін болдырмайды, бұл уақытты едәуір қысқартады және кезектерді жояды.Автотұрақтың бұл түрін іске қосу мыңдаған жүргізушілерге күн сайын уақытты үнемдеуге және кірулер мен шығулардағы кептелістерді болдырмауға мүмкіндік береді. Жылдам төлеу үшін нұсқаулық тақтайшалары мен QR кодтарын орнату процесті одан да ыңғайлы етеді.Коммуналдық автотұрақтарда алдын ала төленген төлем жүйесі бар. Жүргізушілерге бірнеше ыңғайлы тәсілдер ұсынылады:* «Алматы автотұрақтары» мобильді қосымшасы: iOS және Android құрылғылары үшін қолжетімді. Қолданбада «алдын ала төлемді» немесе «кейінгі төлемді» таңдауға болады (ағымдағы күннің 23:59 дейін).* Сайт Almaty-parking.kz: автотұрақты тіркеусіз онлайн төлеуге мүмкіндік береді.* SMS-төлем: Kcell, Activ, Beeline, Tele2, Activ абоненттері 1309 нөміріне SMS жібере алады және мобильді шоттың балансынан төлей алады.* Kassa24 және Qiwi терминалдары: қолма-қол есеп айырысуды қалайтындар үшін.* Банктік қосымшалар: екінші деңгейлі банктердің мобильді қосымшалары арқылы төлеу.Естеріңізге сала кетейік, ағымдағы жылдың қазан айында «Қазына», «Арлан», «Алатау-2», «Ақбұлақ-1», «Ақбұлақ-2» және «Ақбұлақ-3» әмбебап базарларының алаңдық үлгісіндегі автотұрақтар аумағында осындай тұрақ жүйесі іске қосылды. Жүргізушілер жаңа жүйенің ыңғайлылығын атап өтеді.«Алдыңыздағы көлік өз талонын алып, автотұраққа кіргенше күтудің қажеті жоқ. Шығу кезінде сіз басқа жүргізушілердің төлем жасауын күтпейсіз, кейде олар қалай төлеу керектігін білмейді. Кіру және шығу кезінде кептелістер айтарлықтай аз болды», - деп түсіндірді жүргізушілердің бірі.Кедергісіз тұрақ жүйесін енгізу қалалық инфрақұрылымды жақсартудың жаһандық стратегиясының бөлігі болып табылады. Жақын арада алматылықтарға ыңғайлы болу үшін мұндай жүйе қаланың көптеген коммуналдық тұрақтарында орнатылады деп жоспарлануда.Барлық сұрақтар бойынша тұрғындар күн сайын сағат 08:00-ден 20:00-ге дейін +7 (727) 390-8000 телефоны бойынша call-орталыққа жүгіне алады. «Алматы паркинг» ШЖҚ КМКАқпарат көзі : https://www.gov.kz/memleket/entities/almaty/press/news/details/896321