Алматы әкімі Ерболат Досаев жұмыс сапары және халықпен кездесу барысында Жетісу ауданындағы «Халық қатысатын бюджет» бағдарламасы аясында абаттандырылған жасыл аймақты аралап көрді. Бұрын бұл жерде табиғи полигон болған. Бұл нысан қаланың Жетісу ауданындағы Уссурийская көшесінде орналасқан.«Халық қатысатын бюджет» бағдарламасының арқасында біз өз идеяларымызды ұсына алдық. Көше танымастай өзгерді, жайлы және тұруға тартымды болды», - деп атап өтті жергілікті тұрғын.Жоба аясында бір шақырымнан астам тротуар салынды, ауданы 220 ш. м. футбол алаңы жабдықталды, сондай-ақ 750 ш. м. аумағында балалар және спорт алаңдары орнатылды.Жобамен танысқан Ерболат Досаев мегаполис тұрғындары үшін қолайлы қалалық орта құру жұмыстары жалғасатынын атап өтті.Өз кезегінде аудан тұрғындары қала басшысына ересектер мен балалардың демалуына, жайлы серуендеуге қолайлы жағдай жасағаны үшін алғыстарын білдірді. Олардың өтініштері бойынша биыл «Халық қатысатын бюджет» бағдарламасы аясында Крылов, Омаров, Боткин, Бөкейханов, Назарбаев, Райымбек даңғылдарындағы скверлерге ағымдағы жөндеу жүргізілді.«Қалада бос жер учаскелері жоқ, сондықтан келесі жылы біз саябақ немесе сквер қалыптастыру үшін тіпті шағын учаскелерге ағаш отырғызуды бастаймыз. Біз 5 немесе 10 акр жер учаскелерін қолданамыз, оларды абаттандырып, серуендеуге арналған орындарға айналдырамыз. Мұндай бағдарламаны бүкіл қала бойынша жүзеге асыруды жоспарлап отырмыз», - деді Ерболат Досаев аудан тұрғындарымен кездесу барысында.Айта кетейік, мегаполисте «Халық қатысатын бюджет» бағдарламасы белсенді жүзеге асырылуда. Ағымдағы жылы жобаға 18,8 млрд теңге бөлінді, бұл өткен жылмен салыстырғанда 5,8 млрд теңгеге артық. Қала тұрғындары аулаларды, қоғамдық кеңістіктерді абаттандыру, спорт және ойын алаңдарын құру бойынша 364 жобаны ұсынуға және іске асыруға мүмкіндік алды.Ақпарат көзі : https://www.gov.kz/memleket/entities/almaty/press/news/details/884084

«КЕЛЕШЕК» БІРЫҢҒАЙ ЕРІКТІ ЖИНАҚТАУ ЖҮЙЕСІ ЖӘНЕ ОНЫҢ ІСКЕ АСЫРЫЛУЫ Мемлекет басшысының 2023 жылғы 1 қыркүйектегі «Әділетті Қазақстанның экономикалық бағыты» атты Қазақстан халқына Жолдауында айтылған тапсырмасын іске асыру үшін «Келешек» бірыңғай ерікті жинақтау жүйесі (бұдан әрі – Келешек) әзірленді. Келешектің негізгі моделі мемлекеттік білім беру жинақтау жүйесінің (МБЖЖ) қолданыстағы алаңы шеңберінде іске асырылатын болады. 2013 жылдан бастап 77 мыңнан астам банктік салымдар мен сақтандыру шарттары ашылды. Келешектің тартымдылығын арттыру мақсатында ағымдағы күнтізбелік жылы 5 жасқа толған балаларға 60 АЕК (221 520 теңге) және жетім балалар үшін 120 АЕК (443 040 теңге) мемлекеттен бастауыш білім беру капиталын белгілеу, барлық балалар үшін жыл сайын 5% барлық балалар үшін, 7% Халықтың әлеуметтік осал топтары санатына жататын балалар (ХӘОТ) үшін мемлекеттік сыйлықақы төлеу көзделген. Келешек сонымен қатар ата-аналардың балаларды оқыту траекториясын құруға қатысуын көздейді және сол арқылы оларда ақшалай жинақ мәдениетін қалыптастырады. Келешек шоттарын Екінші деңгейдегі банктерде және балаларға арналған МБЖЖ қатысушылары болып табылатын сақтандыру компанияларында ашуға болады. Қазіргі уақытта МБЖЖ саласындағы белсенді серіктестер: «Отбасы банкі», «Халық Банкі», «Jusan Вапк», «Нұрбанк», сондай-ақ «ВТБ Банк». Бұдан басқа, Келешекті енгізумен Bank RBK, Еуразиялық банк, Bereke Bank және «Қазпошта» ұлттық пошта операторы да жұмыс істейтін болады. Бұдан басқа, МБЖЖ шеңберінде 5 сақтандыру компаниясымен ынтымақтастық жүзеге асырылады. Ынтымақтастық тек жұмыс істеп тұрған тұрақты қаржы ұйымдарымен ғана жүзеге асырылады. Осыған байланысты, ата-аналар осы шоттарды ашқаннан кейін жыл сайын ХӘОТ балалары үшін 12 АЕК және қалған балалар үшін 24 АЕК мөлшерінде ең төменгі жарна төлеуі тиіс. Заңнамалық негізде банктер сыйақысының ең төменгі мөлшері белгіленеді. Мәселен, 1 жылға дейінгі мерзімде жасалған салымдар үшін 200 базистік тармақтан ( - 2%) төмен емес (мысалы, егер ҰБ базалық мөлшерлемесі 15% болса, онда жылдық тиімді мөлшерлеме 13%-дан төмен болмауы тиіс), бір жылдан астам жасалған салымдар үшін 300 базистік тармақтан (- 3%) төмен емес (мысалы, егер ҰБ базалық мөлшерлеме 15% болса, онда жылдық тиімді мөлшерлеме 12% - дан төмен болмауы керек). Бұл ретте, осы салымдардағы ақшаны қазақстандық депозиттерге кепілдік беру қоры, ал сақтандыру төлемдерінің сомасын Сақтандыру төлемдеріне кепілдік беру қоры сақтандырады. Мектеп аяқталғаннан кейін жинақталған қаражатты еліміздің колледждері мен жоғары оқу орындарында және шетелде оқуға пайдалануға болады. Грант алған жағдайда жинақталған қаражатты басқа білім беру қажеттіліктеріне немесе білім алу үшін аударуға болады, қаражатты үшінші тұлғаға аударуға, жинақтауды жалғастыруға, оларды тұрғын үйге пайдалануға, сондай-ақ білім туралы құжат ұсынылған жағдайда жинақталған қаражатты алуға болады. Осылайша, ата-аналардың жинақтаған қаражаты мемлекеттен бастапқы білім беру капиталын, жыл сайынғы мемлекеттік сыйлықты, инвестициялық табысты (банктердің сыйақысын), сондай-ақ «Ұлттық қор-балаларға» жобасы шеңберінде қалыптастырылған жинақтарды ескере отырып, сапалы білім алуға немесе тұрғын үй жағдайларын жақсартуға мүмкіндік береді. Осыған байланысты, нысаналы мақсатқа жеткеннен кейін – білім алу (ТжКБ немесе ЖО дипломы), салымшы «Ұлттық қор – балаларға» жобасына ұқсас тұрғын үй жағдайларын жақсартуға жинақталған қаражатты аударудың қосымша құқығын пайдалана алады.Ақпарат көзі : https://www.gov.kz/memleket/entities/sci/press/news/details/884074

ІІМ-де Ведомствоаралық есірткіге қарсы штабтың отырысында жоғары аудиторлық палатаның тексеру нәтижелері, Нашақорлыққа және есірткі бизнесіне қарсы күрес жөніндегі 2023-2025 жылдарға арналған кешенді жоспар аясындағы тапсырмалардың орындалу барысы талқыланды. Іс-шараға мемлекеттік органдардың басшылары, сондай-ақ өңір әкімдерінің орынбасарлары қашықтықтан қатысты.Ішкі істер министрлігінің басшылығы көтерген мәселелердің бірі мемлекеттік шекарадағы есірткі қылмысына тосқауыл қою жөніндегі шараларды күшейту болды. Есірткі зертханаларында қолдануға ыңғайлы прескурсорлардың контрабандасына қарсы күрес бойынша жұмыстың тиімділігін арттыру үшін қысқа мерзімде тексеру жабдықтарының санын көбейту қажеттігі атап өтілді. Осыған байланысты қажетті техникалық құралдарды сатып алуға бөлінген қаржыны уақтылы және толық игеру қажеттігі сөз болды.Отырысқа қатысушылар жастарды есірткі тұтынуға тарту, оның ішінде “дәріханалық”түрлеріне тәуелді қылу фактілеріне алаңдаушылық білдірді. Денсаулық сақтау министрлігіне есірткіге тәуелділерді емдеу және оңалту жөніндегі жұмысты бақылауды күшейту, бұл ретте толық нашақорлар есебін қамтамасыз ету ұсынылды.Оқу-ағарту министрлігінің оқу орындарында жүргізіп жатқан есірткіге қарсы жұмысы да талқыланды. Мемлекеттік құрылымдар мен азаматтық қоғам осы мәселеде профилактиканың барлық қолда бар ресурстарын шоғырландыруға неғұрлым байсалды қарау қажеттігі ескертілді.Жергілікті атқарушы органдарға бірқатар тапсырмалар берілді, атап айтқанда, есірткіге қарсы іс-шараларды қаржыландыру, әкімдіктердің мемлекеттік-құқықтық бөлімдеріне “жұмыс органдарының” функцияларын жүктеу, өңірлік штабтар мен соның қарауындағы бөлімшелердің Нашақорлыққа және есірткі бизнесіне қарсы күрес бойынша кешенді жоспардың іс-шараларын уақтылы орындау жөніндегі қызметін жандандыру тапсырылды.Ақпарат көзі : https://www.gov.kz/memleket/entities/qriim/press/news/details/884101

Бүгін Қарағанды қаласының Достық үйінде этносаралық қатынастар саласындағы мемлекеттік саясатты іске асыру мәселелеріне арналған оқыту семинары өтті.Семинарда этносаралық қатынастар саласындағы мемлекеттік саясаттың басымдықтары, міндеттері мен негізгі бағыттары талқыланып, мемлекеттік органдардың өзара іс-қимыл алгоритмдері түсіндірілді.Спикерлер этносаралық интеграция мен келісімді қамтамасыз етудің негізгі құралы ретінде этносаралық коммуникацияларды дамытудың маңыздылығын атап өтті. Сондай-ақ, этностарды біріктіру және ұлт бірлігін қалыптастыру үшін, әсіресе жастар арасында патриотизм мен жалпыазаматтық құндылықтарды тәрбиелеудің маңыздылығына тоқталды.Этносаралық инциденттердің уақытылы алдын алу және этномедиацияны дамыту мәселелеріне ерекше назар аударылды. Спикер тұрақтылықтың негізгі факторы этникалық тегіне қарамастан, азаматтардың құқықтарының теңдігін сақтау, қандай да бір кемсітушілік пен ксенофобияға жол бермеу болып табылатынына баса назар аударды.Сонымен қатар, этносаралық негіздегі кез келген инциденттердің алдын алу бойынша мемлекеттік және құқық қорғау құрылымдарының тиімді жұмысы үшін этносаралық саладағы өзара іс-қимыл алгоритмдерін қатаң сақтау қажеттігі айтылды.Семинар этносаралық саладағы диалог пен тәжірибе алмасу үшін маңызды алаңға айналды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/884087

Еуразиялық экономикалық комиссия Алқасының 2024 жылғы 5 қарашадағы № 122 шешімімен Еуразиялық экономикалық одақтың «Тасымалдауға және (немесе) қолдануға дайындалған табиғи жанғыш газдың қауіпсіздігі туралы» техникалық регламенттің (ЕАЭО 046/2018 ТР) өтпелі ережелерінің қолдану мерзімі Одақтың ортақ газ нарығын қалыптастыру туралы халықаралық шарт күшіне енген күнге дейін, бірақ 2030 жылғы 1 қаңтардан кешіктірмей ұзартылды.Еуразиялық экономикалық комиссия Алқасының 2024 жылғы 5 қарашадағы № 123 шешімімен Еуразиялық экономикалық одақтың «Тасымалдауға және (немесе) қолдануға дайындалған мұнай қауіпсіздігі туралы» техникалық регламенті (ЕАЭО 045/2017 ТР) өтпелі ережелерінің қолдану мерзімі 2027 жылғы 1 қантарына дейін ұзартылды.Көрсетілген өзгерістер Еуразиялық экономикалық комиссия Алқасының тиісінші 2019 жылғы 19 наурыздағы № 39 және 2018 жылғы 6 наурыздағы № 36 шешімдеріне енгізілді.Еуразиялық экономикалық комиссия Алқасының 2024 жылғы 5 қарашадағы № 122 және 2024 жылғы 5 қарашадағы № 123 шешімдерімен Еуразиялық экономикалық комиссияның ресми сайтында https://docs.eaeunion.org/docs/ru-u/01046275/err_08112024_122, https://docs.eaeunion.org/docs/ru-ru/01046278/err_08112024_123 сілтеме бойынша танысуға болады.Ақпарат көзі : https://www.gov.kz/memleket/entities/energo/press/news/details/884096

Шымкент қаласының әуежайында әуе кемесіндегі өртті сөндіру бойынша өрт-тактикалық оқу-жаттығу өтті.Өрт-тактикалық оқу-жаттығудың тактикалық мақсатына сәйкес «Алматы-Шымкент» бағыты бойынша ұшқан «АН-24» ұшағының апаттық қонуы салдарынан өрт орын алды. Әуе кемесінің бортында 48 жолаушы және 4 экипаж мүшесі болды. Шасси тағанының істен шығуы, қозғалтқыштың және оң жақ жанармай багының бұзылуы салдарынан жанармай төгіліп, өрт шықты. Әуежайдың ұшуларды іздестіру мен апатты-құтқаруды қамтамасыз ету қызметінің қызметкерлері қаланың өрт сөндірушілерімен және құтқарушыларымен бірлесіп әуе кемесіндегі өртті сөндіру, экипаж бен жолаушыларды құтқару жұмыстарын жүргізді.Оқу-жаттығудың мақсаты қызметкерлердің төтенше жағдай кезінде дағдыларын жаттықтыру, сондай-ақ әуежайдың бөлімшелері мен қалалық қызметтерінің өзара бірлесіп қызмет атқару іс-қимылдарын машықтау болды. Оқу-жаттығудың соңында талдау жүргізіліп, қорытынды жасалды. Ақпарат көзі : https://www.gov.kz/memleket/entities/emer/press/news/details/884089

Шымкент қалалық орта сапасы және бақылау басқармасы сатып алу үшін ұсынылмайтын тұрғын үй кешендерінің тізімін жасады. Бұл тұрғын үй кешендері үлескерлердің қаражатын тартуға рұқсаты жоқтығына және құрылыс-монтаж жұмыстарының басталғаны туралы хабарламаның болмауына байланысты ұсынылмайды. Абай ауданы:1. “РАМАДАН” ТК – “Асар-2” шағынауданы, 3195/1 учаске2. “BAQSARAI” ТК – “Асар-2” шағынауданы, 3203 учаске Әл-Фараби ауданы:3. Көпқабатты тұрғын үй (атауы жоқ) – “Күншығыс” шағынауданы, Жібек Жолы даңғылы, 63 Тұран ауданы:4. “AVENUE-32” ТК – Н.Төрекұлов көшесі, 4/35. Көпқабатты тұрғын үй (атауы жоқ) – “Отырар” шағынауданы, М.Дулати көшесі, 206А Сонымен қатар, “Шымкент Сити” шағынауданында орналасқан “DAMDES-OTAU” тұрғын үй кешені, 10 және 15А учаскелері бойынша пәтер иелерінен тұрғын үй сапасына қатысты шағымдар түсіп жатыр. Құжаттардың бар-жоғын тексеру үшін қалалық орта сапасы және бақылау басқармасына хабарласуға болады.Байланыс нөмірі: 8 747 430 16 03.Ақпарат көзі : https://www.gov.kz/memleket/entities/shymkent/press/news/details/884013

Қазақстан Республикасы Ғылым және жоғары білім министрлігі Profit Education Day конференциясында жоғары білімді цифрландырудағы жетістіктерін таныстырды 15 қараша 2024 жылы – Қазақстан Республикасының Ғылым және жоғары білім министрлігі (ҒЖБМ) Profit Education Day конференциясына қатысып, жоғары білім беру саласындағы өзекті цифрлық бастамалар мен жобаларды таныстырды. ҒЖБМ Цифрландыру және мемлекеттік қызметтер департаментінің директоры Нұрсұлтан Махатов білім беру жүйесін заманауи цифрлық технологиялар мен жасанды интеллектті пайдалану арқылы жаңғырту бағытындағы министрліктің жетістіктері мен болашаққа арналған жоспарлары туралы баяндады. Жиында басты назар Жоғары білім берудің бірыңғай платформасының (ЖББП) енгізілуіне аударылды. Бұл платформа студенттер, оқытушылар құрамы және білім беру бағдарламалары туралы деректерді жинау, талдау және алмасуға арналған. ЖББП платформасы цифрлық қызметтерге кең қолжетімділікті қамтамасыз етеді, оның ішінде құжаттарды онлайн тапсыру, ЖОО-ға қабылдау, жатақханалар мен стипендияларды рәсімдеу сынды қызметтер бар, бұл жоғары білім жүйесін барынша ашық әрі қолжетімді етеді. Министрлік, сонымен қатар, халықаралық компаниялармен ынтымақтастықты нығайтып, инновацияларды қолдауға бағытталған бірқатар жобаларды жүзеге асыруда. Олардың қатарында Google компаниясының Generative AI курстары, Nvidia-ның DLI University Ambassador бағдарламасы және Huawei ICT Academy сияқты бастамалар бар. Қазақстанның цифрлық инфрақұрылымын дамытудағы маңызды қадамдардың бірі – қазақ тілін қолдайтын ұлттық Kaz-LLM тіл моделін және жасанды интеллект пен машиналық оқыту саласындағы міндеттерді шешуге арналған PARAM BILIM суперкомпьютерін іске қосу. Сонымен қатар, Binance Academy бастамасы аясында жүзеге асырылатын «Криптомектеп» жобасы студенттерге блокчейн және криптовалюта негіздерін оқып-үйренуге мүмкіндік беріп, оларды болашағы зор цифрлық экономикада жаңа мансаптық мүмкіндіктермен қамтамасыз етеді.Ақпарат көзі : https://www.gov.kz/memleket/entities/sci/press/news/details/884001

«Қазақмыс корпорациясы» ЖШС филиалы «Жезказғантүстімет» ӨБ атауы ресми түрде Қ.И. Сәтбаев атындағы «Жезказғантүстімет» ӨБ болып өзгертілді.Бұл тарихи қадам биыл 125 жасқа толған көрнекті ғалым және қазақстандық геологияның тұңғыш жол салушысы Қаныш Сәтбаевтың ғылымға қосқан үлесін мәңгі есте қалдыруды көздейді. Қаныш Имантайұлы Сәтбаев Қазақстанның тау-кен металлургия саласының дамуына зор үлес қосты.Филиал атауын өзгерту – бұл ұлы ғалымның рухына құрмет ғана емес, оның Қазақстанның өнеркәсіптік және әлеуметтік дамуына қосқан үлесін мойындау.Ақпарат көзі : https://www.gov.kz/memleket/entities/mps/press/news/details/884012

Қазақстан Республикасының Экология және табиғи ресурстар вице-министрі М. Ошурбаев COP29 алаңында Жапонияның «GOSAT көмегімен ашықтық: әлемге жаңа тексеру механизмін ұсыну» тақырыбындағы іс-шарасына қатысты.Сессияға Орталық Азия елдерінің, сондай-ақ Әзербайжанның өкілдері қатысты. Өз сөзінде М. Ошурбаев: «Біздің бірлескен жұмысымыз парниктік газдар шығарындыларын кері модельдеуді талдау үшін GOSAT сериялы спутниктің мүмкіндіктерін пайдалануға бағытталған, бұл ұлттық кадастрдағы есептеулерді, сондай-ақ құжатта белгіленген мақсатты жылмен BTR1 үшін сапаны бақылау және тексеру процестерін жетілдіруге мүмкіндік береді» деп атап өтті.Ақпарат көзі : https://www.gov.kz/memleket/entities/ecogeo/press/news/details/884010

15 ноября 2024 года Шымкент объединился ради общей цели – сделать свой город чище и уютнее. В рамках республиканской программы «Таза Қазақстан» в каждом районе прошли масштабные экологические мероприятия. К слову, эти акции были не просто уборкой, а настоящим примером силы единства и любви к родной земле.Так, в микрорайонах «Самал-3» и «Нұршуақ» на улицах царила особая атмосфера. Семьи с детьми, активисты и ветераны вышли на уборку. Председатель совета ветеранов района Улыкпан Башенов отметил - каждое участие в таких акциях – это вклад в будущее:"Мы не просто убираем мусор, мы учим друг друга уважать свою землю".А в микрорайоне «Забадам» аль-Фарабийскийского района улицы преобразились благодаря усилиям горожан. Здесь не только очистили тротуары и газоны, но и высадили цветы на клумбах. «Когда вместе создаешь красоту, хочется сохранить ее надолго. Сегодня мы делаем это для себя и наших детей», - сказал Толебек Кенжехан, председатель городского совета ветеранов.Также вдоль канала Шымкент прошла масштабная уборка. Волонтеры очистили участок от улицы Алимбетова до Торекулова. Молодежный лидер Айгерим Нурлан призналась: «Когда видишь чистую территорию, понимаешь, насколько важен твой вклад. Это мотивирует не мусорить и ценить чистоту».В микрорайоне «Туран» участники с самого утра убирали улицы, высаживали деревья и украшали свои дворы. Заместитель председателя районного совета ветеранов Пердеш Есенбек выразил надежду: «Пусть такие дни станут доброй традицией, которая объединяет нас всех».Особое внимание уделили микрорайону «Қазығұрт». Жители убрали территорию вдоль трассы А-2 и улицы Акжар. Руководитель совета ветеранов Әділбек Сатыбалды подчеркнул - ответственность за чистоту – это не работа отдельных людей, а дело каждого.С начала реализации программы «Таза Қазақстан» только в Шымкенте в мероприятиях приняли участие более 15 тысяч человек, было задействовано 120 единиц техники, вывезено свыше 500 тонн мусора. В ближайших планах – проведение дополнительных акций, чтобы охватить еще больше территорий и привлечь к участию максимальное число горожан. Ақпарат көзі : https://www.gov.kz/memleket/entities/shymkent/press/news/details/883964

Жаһанды алаңдатып отырған экологиялық проблемалармен қоғам болып күреспейінше, нәтиже аз. Сондықтан, елімізде өтіп жатқан «Таза Қазақстан» бағдарламасы аясындағы экономикалық іс-шаралардың мәні тереңде жатыр.ҚР Президенті Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдауында атап өткендей, елімізде көктемнен бері «Таза Қазақстан» жалпыұлттық экологиялық бағдарламасы жүріп жатқаны белгілі. Бұл тұтас халықты ұйыстырған берекелі бастамаға айналды. Шымкент қаласының тұрғындары «Таза Қазақстан» республикалық экологиялық бағдарламасын қызу қолдап, экологиялық іс-шараларды жоғары деңгейде өткізуге атсалысып жатыр.Бүгін Шымкент қаласының барлық аудан аумақтарында «Таза Қазақстан» бағдарламасы аясында тазалық іс-шарасы өтуде. Оның ішінде, Абай ауданына қарасты «Самал-3» шағынауданы, Тұран ауданына қарасты Қазығұрт шағынауданында, Қаратау ауданы, Тұран шағынауданының, Әл-Фараби ауданы «Забадам» шағынауданының орталық көшелерінде және Еңбекші ауданындағы 12 шағынауданында ұйымдастырылды.Іс-шараға аудан тұрғындары тұрғындары, белсенді жастар, аудандық коммуналдық мекемесінің қызметкерлері, ардагерлер қатысты.Су және жер ресурстарын, жасыл желектерді және ерекше қорғалатын табиғи аумақтарды пайдалануға ұқыпты қарауды насихаттау, экологиялық дүниетанымға тәрбиелеу мақсатында ұйымдастырылған тазалық іс-шараларына қатысушылар, барша азаматтарды осынау игілікті іске белсенді түрде атсалысуға шақырады.Айта кетейік, «Таза Қазақстан» бағдарламасы аясындағы тазалық іс-шаралары бір күнмен шектелмей, бүкіл қаламыз бойынша тұрақты түрде жалғасып келеді. Ақпарат көзі : https://www.gov.kz/memleket/entities/shymkent/press/news/details/883965

Ақтөбеде дзюдодан ерлер мен әйелдер арасындағы Қазақстан чемпионаты басталды. Ол 15-18 қараша аралығында «Қоныс» спорт кешенінде өтеді. Жарысқа 17 облыстан, сондай-ақ Астана, Алматы және Шымкенттен 500-ге жуық қатысушы келді. Спортшылар жеті салмақ дәрежесінде медаль үшін бақ сынасады.Чемпионатқа аралас командалық жарыстар да кіреді, олардың жеңімпазы Қазақстан Кубогін иеленеді. Былтыр бұл кубокті Қызылорда облысының командасы жеңіп алды.Чемпионат қорытындысы бойынша Қазақстан ұлттық құрамасы жасақталады. Жаңартылған құрамда ел құрамасы желтоқсан айында өтетін Токиодағы Grand Slam сериясының соңғы турнирінде өнер көрсетеді.Айта кетейік, «Қоныс» спорт кешеніне кіру тегін.Ақпарат көзі : https://www.gov.kz/memleket/entities/aktobe/press/news/details/883957

Бұл туралы ҚР Көлік министрлігінің теміржол және су көлігі комитеті хабарлады.Өткен жылмен салыстырғанда теңіз көлігі арқылы тасымалдау көлемі 3 % - ға, оның ішінде транзиттік жүктерді тасымалдау 18 % - ға өсті. Құрық паром кешені арқылы жүк автокөлік құралдарын өңдеуде 22 %-ға өсу байқалады. Ақтау порты арқылы өткен 27 мыңға жуық контейнерді қоса алғанда «Шығыс-Батыс» транзиттік қатынасындағы контейнер тасымалының көлемі 84 % - ға ұлғайған.Сондай-ақ, биыл Құрық портының «Саржа» терминалы аталған кезеңде Түркия мен Иран бағытында шамамен 55 мың тоннаға жуық жүк (түсті металдар, аммофос, арпа) өңдеді. Сонымен қатар, Құрық портының «Ерсай» теңіз терминалынан 2024 жылы Қазақстан арқылы Әзірбайжаннан Өзбекстанға транзитпен 153 габаритті емес жүк тасымалданды. Айта кетейік, биыл қазан айында Құрық портында жылына қуаты 1 млн тоннаны құрайтын тағы бір астық терминалы қолданысқа енгізілді. Сонымен қатар, Мемлекет басшысының тапсырмасы аясында Құрық портының базасында толыққанды логистикалық кластер құру жұмысы белсенді жүріп жатыр. Ақпарат көзі : https://www.gov.kz/memleket/entities/transport/press/news/details/883966

Қазақстан Республикасы Үкіметінің қаулысымен Рахымжан Ержанұлы Исақұлов өнеркәсіп және құрылыс вице-министрі қызметіне тағайындалды. Бұл туралы Үкіметтің Баспасөз қызметі хабарлайды.1987 жылы Шымкент қаласында дүниеге келді. Роял Холлоуей Лондон университетін, Бедфорд Нью колледжін, Жапонияның Ұлттық аспиранттар саяси зерттеулер институтын бітірген.Еңбек жолын 2010 жылы Қазақстан Республикасы Президенті Кеңсесі референтінің міндетін атқарушы болып бастады.2013-2018 жылдары Қазақстан Республикасы Президентінің Әкімшілігінде Мемлекеттік қызмет және кадр саясаты бөлімінің консультантынан бастап Мемлекеттік бақылау және ұйымдастыру-аумақтық жұмыс бөлімінің мемлекеттік инспекторына дейін түрлі лауазымды қызметтер атқарды.2018-2020 жылдары — Батыс Қазақстан облысы әкімі аппаратының басшысы.2020-2023 жылдары — Астана қаласы әкімі аппаратының басшысы.2022-2023 жылдары — Қазақстан Республикасы Ақпарат және қоғамдық даму министрлігі аппаратының басшысы. 2023 жылдан бастап қазіргі уақытқа дейін Қазақстан Республикасы Өнеркәсіп және құрылыс министрлігі аппаратының басшысы қызметін атқарды.Ақпарат көзі : https://www.gov.kz/memleket/entities/mps/press/news/details/883974

Биыл еліміздің музыка өнері үшін маңызды оқиға – Құрманғазы атындағы Қазақ ұлттық консерваториясының 80 жылдық мерейтойы өтеді. Консерватория мерейтойын көптеген өнер майталмандары атап өтті. Олардың қатарында скрипкашы Марат Бисенғалиев, баяншы Yves Moulin, опера әншісі Талғат Мұсабаевтар үлкен концерттер қойып, болашақ жұлдыздарға шеберлік сабақтарын жүргізді.Сексен жылда консерватория Қазақстанды әлемге танытқан музыканттардың бірнеше буынын тәрбиелеп шығарған ордаға айналды. Қара шаңырақ түлектерінің арасында Бибігүл Төлегенова, Әлібек Дінішев, Юрий Клушкин, Алан Бөрібаев, Байғали Серкебаев, Медет Шотабаев сияқты Қазақстанның халық әртістері, Еңбек сіңірген қайраткерлері мен дарынды музыканттар бар.Консерватория 25 қараша мен 2 желтоқсан аралығында өтетін мерейтойлық марафонға барша көрерменін шақырады. Күн сайын қазақстандық музыканың бай тарихы, заманауи жетістіктері көрсетіледі. Бағдарламада халықаралық конференция, көрмелер және басқа да көптеген іс-шаралар жоспарланған.Қазақстанның жетекші музыканттары тәжірибесін бөлісу үшін шеберлік сабақтары мен кездесулер өткізеді. Олардың қатарында Қазақстанның халық әртісі Айман Мұсаходжаева, Ресей скрипкашысы Назар Кожухарь, қазақтың дарынды дирижерлары Алан Бөрібаев пен Абзал Мухитдинов, ҚР Еңбек сіңірген қайраткері Нұрлан Измайлов және т.б. бар.Мерейтойлық марафон 3 желтоқсан күні Республика сарайында өтетін гала-концертпен қорытындыланады. Қазақстанның ең беделді сахнасында консерваторияның шығармашылық ұжымдары – оркестрлер, ансамбльдер, хор және солистер, сондай-ақ қонақ ретінде шақыртылған әртістер жиналады. Бұл кеш ұрпақтар арасындағы байланысты, музыкалық дәстүрлердің байлығы мен қазақстандық өнердің заманауи үлгісін көрсететін мерейтойдың қорытындысы болмақ.Мерейтойлық марафон бағдарламасын консерватория сайтынан көре аласыз. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/883947

Таразда «Архив ісі және құжаттама саласындағы заңнама мен нормативтік құқықтық актілердің нормаларын түсіндіру» тақырыбында өңірлік семинар өтті.Өңірлердегі архив мамандарының біліктілігін арттыру және архив саласындағы өзекті мәселелер бойынша тәжірибе алмасу мақсатында өткен екі күндік іс-шара Қазақстан Республикасы Мәдениет және ақпарат министрлігі мен Жамбыл облысы әкімдігінің қолдауымен ұйымдастырылды.Семинарға Алматы, Шымкент қалалары мен Түркістан, Қызылорда, Жамбыл облыстарының жергілікті атқарушы органдарының, мемлекеттік архивтерінің басшылары мен мамандары, сондай-ақ ведомстволық архив мекемелерінің қызметкерлері қатысты.Жиын барысында ҚР МАМ Архив, құжаттама және кітап ісі комитетінің басқарма басшылары архив саласындағы нормативтік-құқықтық актілер туралы баяндады.Семинарда архив ісін басқару, құжаттарды сақтау және цифрландыру, істер номенклатурасын қалыптастыру талаптары талқыланып, Жамбыл облысы мемлекеттік архивінде өзара тәжірибе алмасу жұмыстары жүргізілді.Семинар аясында архив құжаттары негізінде дайындалған көрме таныстырылды. Көрмеге облыстың әлеуметтік, экономикалық және мәдени тұрғыдан дамуына еңбегі сіңген азаматтардың архив қорындағы жеке тектік құжат көшірмелері мен жергілікті басылымдардың фототілшілерінің 50-ге жуық фотосуреті қойылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/883969

Талдықорған қаласында аутизм және басқа да менталды бұзылулары бар балаларға арналған күндізгі болу орталығы бір жарым жылдан бері жұмыс істеп келеді. Осы уақыт аралығында мұнда 174 бала ем алды. Соның бірқатары қатарға қосылып, мектеп табалдырығын аттап, өз тұрғыластарымен бірге білім ала бастады. Бүгінгі күні мұнда 124 бала оңалтудан өтуде, - деп хабарлайды Жетісу облысы әкімінің баспасөз қызметі.Орталық 125 орынға арналған. Мұнда әлеуметтік-тұрмыстық, медициналық, педагогикалық, психологиялық, еңбек, мәдени, экономикалық және әлеуметтік-құқықтық қызмет түрлері ұсынылады. Орталыққа балалар ПМПК жолдамасымен және жеке оңалту жоспарына сәйкес келеді. Жартылай стационарлық үлгідегі ұйым бекітілген кестеге сәйкес балаларға ұзақтығы 4,5 сағат болатын екі ауысымда қызмет етеді. Осы жерден тиісті ем алған балалардың денсаулығы түзеле бастағанына ата-аналары да қуанышты.– Балам Аман Мадияр дүниеге ерекше бала болып келді. Дамуына бастапқыда өзім күш салғаныммен, аутизм орталығы ашылғаннан бері мамандарға жүгінуді жөн санадық. Бұл орталықтың емінің арқасында баламның мінез-құлқы тұрақтанып, өзі қатарлы балалармен араласып, тіл табыса алатын күйге жетті, екі-үш сөздің басын құрап сөйлей бастады. Әр баланың қоғамға қосылуы ата-ана үшін арман десек, сол күнге жетуімізге септігін тигізіп жатқан мұндағы әрбір тәрбиеші, мамандарға аналық алғысымды білдіремін, – дейді 4 баланың анасы Айнұр Кенжебекова.Орталықтағы психолог, логопед, дефектолог кабинеттері, жеке және топтық сабақтарға арналған АВА кабинеттері, музыка, арт-терапия, оқу-әдістемелік бөлмелеріндегі емдік шаралардың арқасында балаларда оң нәтиже байқалады. Медициналық бағытта психиатр, невропатолог, педиатр, галотерапия кабинеті (тұзды шахта), БАК терапия, массаж, емдік дене шынықтыру залы қарастырылған. Оған қоса қыш, тігін, ағаш шеберханалары, робототехника және LEGO кабинеті, әлеуметтік-тұрмыстық бағдарлау кабинеттері де бар.– Орталық қызметінің мақсаты - аутизм және басқа да менталды бұзылулары бар балаларға қызметтер кешенін ұсыну, сол арқылы олардың өмірінде туындаған әлеуметтік проблемаларды еңсеруге жағдай жасау, қоғам өміріне басқалармен тең қатысуына жол ашу. Бізде оңалтуға лайық қолайлы, мейірімді атмосфера қалыптасқан. Мұнда 1,5 жастан 18 жасқа дейінгі мүгедектігі бар балалар да қабылданады. Жалпы қазіргі уақытта мұнда 109 қызметкер еңбек етеді, – дейді орталық директорының орынбасары Гүлназ Әуелбекова.Жалпы облыс бойынша 18 жасқа дейінгі балаларға стационар және жартылай стационар жағдайында арнаулы әлеуметтік қызмет көрсететін 8 орталық жұмыс істейді. Аталған орталықтарда бүгінде 450 ерекше бала қызмет алуда. Жетісу облысы әкімінің баспасөз қызметі. Фотосуреттер авторы: Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/883939

Бүгін Түркістан қаласында мемлекет және қоғам қайраткері, Түркі халықтарының бірлігі үшін күрес жүргізген біртуар тұлға Тұрар Рысқұловтың 130 жылдығына арналған «Тұрар және Түркістан идеясы» Халықаралық ғылыми-тәжірибелік конференциясы өтіп жатыр.Түркістан облысы әкімдігі мен Қ.А.Ясауи атындағы ХҚТУ-нің ұйымдастыруымен өтіп жатқан жиынға Түркия, Өзбекстан, Моңғолия елдерінен арнайы өкілдер мен еліміздің танымал ғалымдары, тарихшылар, Тұрартанушы азаматтар арнайы қатысып жатыр. Оқу ордасының мәдениет сарайына келген қонақтар алдымен арнайы көрмені тамашалап, тұлға тарихы таспаланған фото-шежіремен танысты.Ауқымды жиынның модераторы – академик, ҚР Парламенті Сенатының депутаты Дархан Қыдырәлі. ҚР Президентінің кеңесшісі Мәлік Отарбаев алғаш болып сөз алып, Мемлекет басшысы Қасым-Жомарт Тоқаевтың сәлемін жеткізді. Содан соң ҚР Парламенті Сенатының төрағасы Мәулен Әшімбаев пен ҚР Парламенті Мәжілісінің төрағасы Ерлан Қошановтың құттықтау хаты оқылды. Наурызбай қажы, Моңғолияның Қазақстандағы Төтенше және Өкілетті елшісі Баярхуу Дорж, Дүниежүзі қазақтар қауымдастығының төрағасы Зауытбек Тұрысбеков, Түркия Республикасының Түркістандағы Бас консулы Илкер Пак, Қ.А.Ясауи атындағы ХҚТУ ректоры Жанар Темірбекова сөз алып, сан қырлы қасиетіне тоқталды.Түркістан облысы әкімінің орынбасары Бейсенбай Тәжібаев қатысып, өңір басшысы Дархан Сатыбалдының ықыласын жеткізді.– Біз қашан да ұлын ұлықтап, тұлғаларын қадірлеген халықпыз. Сондықтан да олардың еңбегі тарих беттерінде алтын әріптермен жазулы. Бұл маңызды жиынның Түркістан төрінде өтуі заңдылық. Өйткені, көрнекті қоғам қайраткері, дарынды көшбасшы Тұрар Рысқұлов өткен ғасырдың алғашқы ширегінде Түркістан идеясын көтеріп, Түркі жұртының тұтастығына бар ғұмырын арнады. Түркістанның ойшылы, Түркі әлеміне ортақ тұлға Қожа Ахмет Ясауидің «Халқыңа қызмет ет, Ізгілерге ізет ет, Жаны жақсы жайсаңдарға құрмет ет» деген қанатты сөзі бар.Тұрар Рысқұловтың өмір жолы осы ұстанымға толықтай келеді. Халқына адал қызмет етті, отаншылдық пен адалдықтың өлшеміне айнала білді.Ол – Түркістандағы түркі халықтарының ұлт-азаттық қозғалысының көсемі, аса көрнекті қоғам және мемлекет қайраткері, ғалым, публицист, дипломат. Ұлт санасына сілкініс әкелетін мұндай маңызды бастамалар 100 жыл бұрын Тұрардай тұлғалар бастаған бауырластық идеясын іске асырудың алғышарттарына айналары анық. Ізгілікті істердің заңды жалғасы ретінде бастау алған бүгінгі шараның берері мол болмақ. Бүгінгі конференцияда ғалымдарымыз, зиялы қауым өкілдері тарапынан Тұрар Рысқұловтың саяси, рухани, тарихи болмысын ашып, тың деректер айтылады деп сенемін! – деді әкім орынбасары.Мазмұнды жиын әрі қарай панельдік сессияға ұласады. Онда Тұрар Рысқұловтың тұлғалық болмысын айқындай түсетін еңбек жолы жайлы баяндамалар жасалмақ. Бұдан бөлек қонақтар мерейтойға арналған конференция аясында шынар ағашын отырғызады. Ал күні ертең туған жері Түлкібас ауданында рухани шара жалғасады деп жоспарлануда.Айта кетейік, қазіргі таңда Тұрар Рысқұловтың еңбектерін насихаттап, есімін ұлықтау бағытында нәтижелі жұмыстар атқарылуда. Түркістан облысында Түлкібас ауданының орталығы және аудан, қалалардағы 3 мектеп пен 40-тан аса көше мемлекет қайраткерінің атымен аталады. Сонымен қатар Тұраркент ауылында арнайы музейі жұмыс істеп тұр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/883955

23 қарашада "Шалқыма" концерт залында Е. Рахмадиев атындағы академиялық симфониялық оркестрдің концерті өтеді. Бұл скрипкашы ҚР еңбек сіңірген қайраткері Асқар Дүйсенбаевтың өнер кеші.Асқар Дүйсенбаев – профессор, халықаралық байқаулардың лауреаты, Қазақстан Республикасының еңбек сіңірген қайраткері, "Дарын" мемлекеттік жастар сыйлығының лауреаты, "Мәдениет саласының үздігі" медалімен марапатталған. ҚР Мемлекеттік ішекті квартетінің алғашқы скрипкашысы, Metro-philarmonic (Мәскеу-Швеция) Халықаралық Жастар оркестрінің концертмейстері болды. Иордания, Германия, Швейцария, Испания, Италия, Франция, Швеция, Жапония, АҚШ, Ресей, Өзбекстан және Қырғызстан қалаларын аралады.Кеш бағдарламасында жанды концерттік қойылымдарында классикалық музыка жауһарлары бар. Бұл Габриэль фор "Павана", 50 шығарма, Анри Вьетан скрипка концерті № 5 кіші оркестрмен, 37 шығарма, Эрнест Шоссон оркестрмен скрипкаға арналған өлең, 25 шығарма, Александр Глазунов № 5 Симфония №5 си бемоль мажор, 55 шығарма.Дирижерлік пультта артында ҚР еңбек сіңірген қайраткері Петр Грибанов.Басталуы 17: 00. Ақпарат көзі : https://www.gov.kz/memleket/entities/karaganda/press/news/details/883668