БҰҰ РКИК тараптарының 29-шы конференциясы (COP29) шеңберінде Qazaqstan павильонында аграрлық сектордағы көміртегі шығарындыларын өлшеудің және сертификаттаудың инновациялық әдістеріне арналған панельдік сессия өтті.Қазақстан Республикасы Экология және табиғи ресурстар министрлігінің қолдауымен Chapter Zero Kazakhstan коммерциялық емес ұйымы ұйымдастырған панельдік сессияға мемлекеттік органдардың, бизнес пен қоғамдық ұйымдардың өкілдері қатысты. Қазақстан Республикасының Экология және табиғи ресурстар министрі Ерлан Нысанбаев іс — шараны аша отырып, регенеративті ауыл шаруашылығы-табиғи ресурстарды сақтау мен елдің азық-түлік қауіпсіздігін қамтамасыз етудің кілті екенін атап өтті.Тұрақты егіншілік саласындағы әлемдік сертификат беруші ARMEX компаниясының бас директоры және негізін қалаушы Гүлнар Агиян Еcosystemic Regenerative Agriculture (ERA) инновациялық әдіснамасын ұсынды. Бұл әдістеме топырақтың құнарлылығын қалпына келтіріп қана қоймайды, сонымен қатар көміртегі нарықтары арқылы экономикалық өсуге мүмкіндік береді. Озық экологиялық стандарттарға негізделген бұл әдістеме аграрлық сектор үшін тиімді шешім ретінде ұсынылды.Chapter Zero Kazakhstan Бас директоры Сәбит Мұханов сессияның негізгі нәтижелерінің бірі Қазақстанның жаңартылған ұлттық айқындалған үлесі (NDC 3.0) шеңберінде іске асырылатын Қазақстандағы көміртекті жою саласындағы алғашқылардың бірі болып табылатын жобаны ұсыну екенін атап өтті. Бұл жоба көміртегі шығарындыларын едәуір төмендетуге және Қазақстанның азық-түлік егемендігін нығайтуға ықпал ететін болады.«Жасыл Даму» АҚ парниктік газдарды түгендеу департаментінің директоры Айман Есекина көміртегі шаруашылығын дамытудың маңыздылығы мен келешегін атап өтті, осы бағыттағы негізгі санаттарды, сондай-ақ көміртегі бірліктерінің халықаралық стандарттарға сәйкестігін ұсынды. Оның сөзін Қазақстандағы «Жолтаптық» көміртекті секвестрлеу жөніндегі алғашқы жобаны ұсына отырып, «Орнықты даму» Жер қоры ҮЕҰ-дан Алан Бесен толықтырды.Сессия тұрақты Ауыл шаруашылығы мен климаттық тұрақтылықты ілгерілету үшін мемлекет, бизнес және халықаралық серіктестер арасындағы тығыз ынтымақтастыққа шақырумен аяқталды. Қазақстан инновацияларды, экологияны және экономикалық пайданы қалай табысты үйлестіруге болатынын көрсете отырып, регенеративті шешімдер саласында өңірлік көшбасшы болуға сенімді түрде барады.Ақпарат көзі : https://www.gov.kz/memleket/entities/ecogeo/press/news/details/883423

Қазақстан Республикасының Экология және табиғи ресурстар министрлігі елдің ауыл шаруашылығы секторында көміртегі кредиттерін есептеудің халықаралық стандарттарын бейімдеу үшін FORMEX және Chapter Zero Kazakhstan-мен ынтымақтастық туралы Меморандумға қол қойды.ОRMEX экожүйелік регенеративті егіншіліктің (ERA) инновациялық әдістемесін қолданады және көміртегі несиелерін есепке алу үшін блокчейнді қолданады. Бұл жоба Қазақстанның жаңартылған ұлттық айқындалған үлесі (NDC 3.0) шеңберінде іске асырылатын көміртекті жою саласындағы алғашқылардың бірі болады. Ол 1990 жылғы деңгейден 2030 жылға қарай шығарындыларды 15% - ға азайту жөніндегі ұлттық мақсатқа айтарлықтай үлес қосады деп күтілуде. Жоба көміртекті топырақта ұстап алуға және сақтауға мүмкіндік береді, бұл Қазақстанға ағымдағы міндеттемелер шеңберінде көміртегі шығарындыларын 25 миллион тоннаға азайту жөніндегі мақсатына жақындауға көмектеседі.«Бұл Меморандум климаттың өзгеруіне байланысты мәселелерді шешуде сектораралық ынтымақтастықтың маңыздылығын көрсетеді. Тұрақтылықты ауыл шаруашылығына біріктіре отырып, біз Қазақстан үшін тұрақты болашаққа кепілдік бере отырып, басқа салалар мен өңірлер үшін үлгі жасай аламыз», - деп атап өтті Chapter Zero Kazakhstan Бас директоры Сәбит Мұханов.FORMEX әдіснамасын және климатты басқару саласындағы Chapter Zero Kazakhstan сараптамасын біріктіре отырып, бастама Қазақстанды регенеративті ауыл шаруашылығы және көміртекті басқару саласындағы өңірлік көшбасшы ретінде орналастыруға бағытталған.Ақпарат көзі : https://www.gov.kz/memleket/entities/ecogeo/press/news/details/883519

Бес жыл бұрын Қарағанды облысының Абай қаласында "Бірлік" шығармашылық тобы құрылды. Онда мүгедектігі бар жандар бірікті. Осы жылдар ішінде олар облыста ғана емес, елімізде таныла бастады. Енді халықаралық деңгейді бағындырды. Топтың төрт мүшесі Түркия фестивалінде өнер көрсетіп, бас жүлде мен I дәрежелі дипломдарға ие болды.Кемерде IX Халықаралық шығармашылық фестиваль-байқауы өтті. Әр түрлі елдерден келген 400-ге жуық әртіс шеберліктерін көрсетті. Қазақстан атынан Абай қаласының әншілері – Корлан Бажиева, Хамит Достахин, Мұрат Сұлтан, Айымгүл Қуанғанқызы қатысты. Түркияға сапарға Абай аудандық әкімдігі мен демеушілер қаржылай қолдау көрсетті.Байқау ережесі бойынша әр үміткер халықтық және заманауи екі ән ұсынған.Корлан Бажиева "Вокалдық ән" аталымында бас жүлде жеңіп алды. Ол "Хәләулім-ай" және "Әриайдай" халық әндерін орындады. Әділ қазылар алқасы оның өнеріне жоғары баға беріпті. Қалған жеке орындаушылар мен вокалдық дуэт I дәрежелі дипломдар алды. Абай қаласының өнерпаздары Кемер қалалық әкімдігіне қазақтың ұлы ақын-ағартушысының шығармалары жазылған кітаптарды сыйға тартты.Халықаралық байқауға қатысу – тамаша тәжірибе және үлкен сахнаға жол ашу мүмкіндігі, деп атап өтті ұжым мүшелері. "Бірлік" шығармашылық тобы Абай аудандық мәдениет үйінде орналасқан. "Өнер ұжымы 18 орындаушыдан құралған. Олардың барлығында мүгедектік бар. Диагноз әртүрлі: Бұл көзі көрмейтін зағип жандар,церебральды сал ауруына шалдыққандар және тірек-қимыл аппараты бұзылған азаматтар . Бұл ерекше жандардың рухы биік. Оларды қиындықтан алып шыққан ән әлемі. Сондықтан оларды шығармашылыққа деген сүйіспеншілік біріктіреді", – деді мәдениет үйінің мамандары.Ақпарат көзі : https://www.gov.kz/memleket/entities/karaganda/press/news/details/882863

15 қараша Қазақстанда ұлттық валюта күні және қаржы жүйесі қызметкерлерінің кәсіби мерекесі. Бүгін Қарағанды облысының әкімі облыстың қаржыгерлері, экономистері мен банк қызметкерлеріне құрмет көрсетті.– Бүгінде қаржы жүйесінде адал әрі жауапкершілігімен құзыреттілігі жоғары мамандар жұмыс істейді. Олар бюджет пен салық заңнамасын жақсы біледі. Сіздерге абыройлы да, адал қызметтеріңіз үшін алғыс айтқым келеді. Бұл еліміздің жетістіктерін еске түсіріп таразылайтын мереке. Сондықтан осы атаулы күн жыл сайын Қазақстанның одан әрі өркендеуіне түрткі болсын! – деді облыс әкімі Ермағанбет Бөлекпаев.Аймақ басшысы Қарағанды облысы блоктық бюджеттің пилоттық жобасына кіргенін атап өтті. Бұл бюрократиялық яғни қағазбастылық кедергілерді жоюға мүмкіндік береді. Сонымен қатар жылдам шешім қабылдауды арқылы процесті айтарлықтай жеңілдетеді. Облыстың таңдалуы қаржылық тәртіптің жоғары деңгейі әрі білікті мамандардың бар болуымен байланысты екендігін баса айтты аймақ басшысы.Қаржы жүйесінің мамандары марапаттар мен Құрмет грамоталары табысталды. "Қаржы қызметінің үздігі" төсбелгісіне облыстың білім беру ұйымдарындағы өмір және материалдық-техникалық даму бөлімінің басшысы Бағлан Раимжанова ие болды.– 1995 жылдан бері білім саласында қызмет етіп келемін. Бюджет қаражатын тиімді пайдалану және жоспарлау – менің сүйікті ісім. Біз білімнің үнемі дамып отыруын мақсат етіп отырмыз. Марапат алғаным үшін алғысым шексіз! Барлық әріптестерімді мерекемен құттықтаймын! Денсаулық, бақыт және қаржылық тұрақтылық тілеймін, – дейді Бағлан Раимжанова.ҚР Қаржы Министрлігінің Алғыс хатын қаржы басқармасының басшысы Людмила Башарина алды. Экономика басқармасының басшысы Татьяна Аблаеваға ҚР Ұлттық экономика министрлігінің алғыс хаты табысталды. Қарағанды облысы әкімінің Құрмет грамоталарымен қаржы саласының тағы 21 қызметкері марапатталды.Ақпарат көзі : https://www.gov.kz/memleket/entities/karaganda/press/news/details/883112

Қарағанды облыстық бейнелеу өнері музейі оқушылар мен студенттерді мұражай сабақтарында күтеді. 19–30 қараша аралығында ауыл шаруашылығы күніне арналған "Ауылым – алтын бесігім" сабағы өтеді. Мұражай қорынан аграрлық тақырыптағы көркем және графикалық туындылар ұсынылатын болады. Оқушылар Социалистік Еңбек ерінің портреттерін, пейзаждарын, соның ішінде шексіз дала бейнелерін көре алады.Картиналар мысалында музей қызметкерлері Қазақстандағы ауыл шаруашылығының тарихы және оның өңір өміріндегі рөлі туралы әңгімелейді. Сабақтар қазақ және орыс тілдерінде өткізіледі.Алдын ала міндетті түрде жазылу керек.Музейдің мекен-жайы: Бұқар жырау даңғылы, 76. (8-7212) 475-475 телефон номері арқылы жазылуға болады.Ақпарат көзі : https://www.gov.kz/memleket/entities/karaganda/press/news/details/883170

Қарағанды облысында 15 қарашадан бастап жастар ғылыми, ІТ-, медиа- және бизнес-жобаларын қолдауға арналған "Тәуелсіздік ұрпақтары" аймақ басшысының грантын беру үшін байқауға өтінімдер қабылдау басталады. Байқауға 18–34 жас аралығындағы облыс тұрғындары қатыса алады.Бір гранттың сомасы 2 млн теңге.– Биыл біз алғаш рет жаңа бағыттарды қостық. Енді мұндай қолдау ақпараттық технологиялар, медиа, мәдениет және ғылым салаларында жүрген жастарға да көрсетілетін болады. Алайда «бизнес» бағыты сақталады, кәсіпкерлерге көмек көрсету шаралары жалғаса береді. Үміткерлер өңірдің дамуы үшін маңызды тетіктерді айқын түсінуі керек. Егер кәсіпкерлік туралы айтатын болсақ, бұл әлеуметтік жобалар болуы тиіс. Біздің облыс үшін сұранысқа ие өзекті идеялар қажет. Жалпы 25 грант шамасында қаржы бөлінетін болады. Іріктеу қатал болады, – деп хабарлады жастар саясаты басқармасының бас маманы Ұлан Омаров.Грант келесі бағыттар бойынша беріледі:- Ғылым-жаңа ғылыми жобаларды іске асыру үшін;- Мәдениет-Қазақстанның мәдени мұрасын насихаттауға, халықтық мәдени дәстүрі мен өнерді ілгерілетуге бағытталған жобаларды іске асыру үшін;- Ақпараттық технологиялар-жаңа IT-шешімдер мен жобаларды, яғни стартап-жобаларды іске асыру және әзірлеу үшін;- Бизнес – жаңа бизнес-идеяларды жүзеге асыру үшін;- Медиа-жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыру үшін.Байқауға қатысу үшін өтінім толтырып, Қарағанды қаласы, Тәттімбет көшесі, 709, 2-қабат, Community орталығы мекен-жайы бойынша фронт-кеңсеге немесе электрондық мекен-жайға жіберу қажет. apko2011@mail.ru 15–29 қараша аралығында (қоса алғанда).Толық ақпаратты call-орталықтан +7-701-377-42-11, +7-700-526-28-88 нөмірлер арқылы алуға болады.Call-орталық пен фронт-кеңсе дүйсенбіден жұмаға дейін 09:00-ден 18:30-ға дейінгі аралықта жұмыс істейді.Грант жаңалықтары телеграмм-каналында да қолжетімді https://t.me/grantskaragandaregion2024.Байқау ережесі. Ақпарат көзі : https://www.gov.kz/memleket/entities/karaganda/press/news/details/883185

Қарағанды облысында Қазақстан халқы Ассамблеясының жұмысына жастар тартылады. Сонымен қатар жас ұрпақты тәрбиелеп, әлеуметтік жат қылықтармен күресу мәселелеріне көбірек назар аударылмақшы. 2025 жылы Қазақстан халқы Ассамблеясы 30 жылдық мерейтойын атап өтеді. Бірегей қоғамдық институттың жаңа міндеттері облыс әкімі Ермағанбет Бөлекбаевтың ҚХА мүшелерімен, этно бірлестіктердің басшыларымен өткен кездесуде талқыланды.Биыл ақсақалдар кеңесінің жұмысы республикалық деңгейде атап өтілді. Оның төрағасы Бекзат Алтынбеков атқарылған істерге толығырақ тоқталып, тың бастамаларды ұсынды. Кеңеске өңірлерден өкілдертарту тиімді деп санайды. Бұл жастарға үлгі болатын азаматтар болуы керек.Қарағанды облысы ҚХА Аналар кеңесінің төрағасы Айжан Қиясова отбасылық тәрбиенің рөлі туралы айтты.– Республикалық Аналар кеңесі "Өзіңнен баста" акциясын қолдады. Балаларға жас кезінен бастап заңға бағыну қажеттігін санасына салмақтау маңызды. Яғни, құқықтық тәртіп туралы дұрыс түсінігі болуы үшін аймақтық деңгейде біз бұл жұмысты жүргізуге ниеттіміз, – деп атап өтті Айжан Қиясова.Облыс ҚХА ғылыми-сараптамалық тобының төрағасы Вилен Молотов-Лучанскийдің айтуынша, жастармен жұмыс жасау кезінде кері байланыспен тікелей диалог маңызды.– Біз отырыстардан тікелей қарым-қатынас жағына шықтық. Көптеген кездесулер мектеп оқушыларымен де өткізілді. Қоғамдық және саяси тақырыптар бойынша зерттеулер, экспедициялар, конференциялар да жалғасады, – дейді ол.Белгілі кәсіпкер Шамиль Осин «Жомарт жан» орталығының жетекшісі. Ол ассамблея мүшелерінің қайырымдылық қызметі туралы айтты. Олар су тасқынынан зардап шеккен отбасыларға үлкен көмек көрсеткен. Сондай-ақ, әлеуметтік маңызы бар жобаларды жүзеге асырудан да тыс қалмайды.Ермағанбет Бөлекпаев облыстағы 68 мектептің жаңғыртуға таңдалып алынғандығын хабарлады. Олар жайлы білім ошағы деңгейіне жететін болады. Күрделі жөндеу жұмыстары жоспарланған. Үш жыл ішінде толық жаңартылады деп күтілуде. Облыс әкімі кәсіпкерлерді осы іске қосылуға шақырды.2025 жылы облыста меценаттардың Республикалық форумы өткізіледі. Кездесуде білім беру, мәдениет, жастарға патриоттық және адамгершілік тәрбие беру, мемлекеттік тілді дәріптеу бойынша басқа да көптеген ұсыныстар айтылды.Достық үйінде театр студиясын ашу ұсынылды. Этно бірлестіктердің ұжымдары халық шығармашылықтарын және сұлулығын әспеттей алады. Кейін күллі облыс бойынша гастрольге жібере алады.– Барлық ұсыныстармен жұмыс жасаййық. Алда Қазақстан халқы Ассамблеясының 30 жылдығы. Бұл айтулы күн. Біз осы датаға белсенді дайындалуымыз керек. Ұйымдастырылатын іс – шаралардың практикалық маңызы болуы тиіс, – деп атап өтті Ермағанбет Бөлекпаев. – Сіздер қазір айтып өткеннің бәрі ҚХА-ның XXXIII сессиясында Мемлекет басшысының сөздерін растау болып табылады: "Ассамблея ұлттың құндылықтары мен ынтымақтастығының тиімді жолсерігі екенін тағы да дәлелдеді". Барлық жобаларға жастарды белсенді тарту қажет. Бұл ҚХА жұмысының басты құрамдас бөлігі болуы тиіс.Ақпарат көзі : https://www.gov.kz/memleket/entities/karaganda/press/news/details/883205

Қарағанды қаласындағы жолдардағы қозғалысқа бейнебақылау күшейтілуде. Оңтүстік-Шығыс шағын ауданында 15 қарашадан бастап үш жаңа жылдамдық өлшегіш жұмыс істей бастайды.Полиция департаменті жылдамдық өлшегіш орнатылған мекен-жайларды атады:- Құрылысшылар даңғылы 33/4, "Kids Park"балалар ойын залы;- Б. Әшімов көшесі, "Sapphire" ТК үйінің жанында, 137-ші есептік тоқсан 349 мекен-жайы бойынша;- Гапеев көшесі, "Аян" сауда үйіне қарама-қарсы.Полиция департаменті бұл жолдардағы жылдамдық 60 км/сағ аспайтынын еске салды.Ақпарат көзі : https://www.gov.kz/memleket/entities/karaganda/press/news/details/883292

Қарағанды облысының кәсіпкерлік басқармасының мамандары 15 қарашада түрлі мемлекеттік қызметтерді алу тәртібін түсіндіреді.Кәсіпкерлер туристік операторлық қызметке лицензия алу үшін қандай құжаттар қажет екенін, өндірістік инфрақұрылымды дамытуда қандай мемлекеттік қолдауға сенуге болатынын, әлеуметтік кәсіпкерлік үшін қандай гранттар берілетінін біле алады. Басталуы сағат 15.00-де.Мекен-жайы: Тәттімбет көшесі, 709. Ақпарат көзі : https://www.gov.kz/memleket/entities/karaganda/press/news/details/883304

Бүгін Астанада «Адал ұрпақ» ерікті мектеп клубтарының қалалық слетінің ақтық кезеңі өтті, деп хабарлайды елорда әкімдігінің ресми сайты.«Астана қаласы әкімдігі мемлекеттік әлеуметтік тапсырыс аясында ұзақ мерзімді үш жылдық жобаны жүзеге асырып жатыр. Осымен екінші рет өткізіліп жатқан жоба елордада парасаттылықты ілгерілету, жемқорлықпен күресу мәдениетін қалыптастыруға бағытталған», - деді Астана қаласы Ішкі саясат басқармасы Үкіметтік емес сектормен жұмыс жасау бөлімінің басшысы Айдана Қамзаева.Іс-шара екі кезеңнен тұрады: іріктеу және ақтық кезеңдер. Іріктеу кезеңдері әр аудан бойынша өткізілді. Оған елордадағы 80 мектептен 300-ге жуық оқушы қатысып, нәтижесінде ақтық кезеңге 10 мектеп жолдама алды. Әр мектеп өз қойылымында «Жемқорлықсыз өмір – адал өмір» тақырыбын айқындап, әділдік пен ар-намыстың маңыздылығын көрсетуі қажет.Слетті Астана қаласы Ішкі саясат басқармасы, ҚР Сыбайлас жемқорлыққа қарсы іс-қимыл агенттігінің Астана қаласы бойынша департаменті, Астана қаласының Білім басқармасы және «Қарағанды облысының жастар мен балалар ұйымдарының одағы» жастар қоғамдық бірлестігі ұйымдастырып отыр.«Адал ұрпақ» ерікті мектеп клубтарының слетіне біз жыл сайын қатысып тұрамыз. Мұндағы басты мақсат – сыбайлас жемқорлықты бастапқы кезеңде мектеп қабырғасынан үйрету және түсіндіру. Сондай-ақ сыбайлас жемқорлыққа қарсы мәдениетті қалыптастыру. Бұл іс-шараның пайдасы мол. Мәселен, былтыр алғаш рет өткенде слетке көп оқушы қызығушылық танытты. Олар сыбайлас жемқорлық тақырыбында суреттер салды», - деді Астана қаласының Сыбайлас жемқорлыққа қарсы іс-қимыл департаментінің превенция басқарма басшысының орынбасары Диас Қозыбаев.Ақтық кезеңге жолдама алған мектептер:1. Ілияс Жансүгіров атындағы №58 мектеп-гимназиясы;2. Абай Құнанбайұлы атындағы №87 мектеп-гимназиясы;3. Мұхтар Әуезов атындағы №86 мектеп-гимназиясы;4. Смағұл Сәдуақасұлы атындағы №78 мектеп-гимназиясы;5. Шейх Тәмим бен Хамад Әл-Тани атындағы №85 мектеп-лицейі;6. Ілияс Есенберлин атындағы №67 гимназия;7. Мұқағали Мақатаев атындағы №74 мектеп-гимназиясы;8. №15 мектеп-лицей;9. Дінмұхамед Қонаев атындағы №66 мектеп-лицейі;10. №97 мектеп-гимназия.«Мұнда үздік қойылымдар марапатталып, жеңімпаздарға ақшалай сыйақы берілді. 3-орынға 30 000 теңгелік, 2-орынға 50 000 теңгелік және 1-орынға 100 000 теңгелік сертификаттар табысталды. Сонымен қатар мектептерге белсенді қатысқаны үшін дипломдар берілді», - деді Астана қаласы Ішкі саясат басқармасы Үкіметтік емес сектормен жұмыс жасау бөлімінің басшысы Айдана Қамзаева.Ұйымдастырушылардың айтуынша, мұндай іс-шара жастарды сыбайлас жемқорлыққа қарсы күреске, әділдік пен адалдыққа шақыра отырып, еліміздің болашағын жарқын әрі адал етіп қалыптастыруға зор үлес қосады.Ақпарат көзі : https://www.gov.kz/memleket/entities/astana/press/news/details/883401

Елордадағы LRT жoбаcының нeгiзгi инфpақұpылымдық ныcаны – дeпoның құpылыcы баcталды. Oл Xалықаpалық әyeжай маңайындағы 16,84 гeктаp аyмақта opналаcпақ. Дeпo LRT жүйeciнe тexникалық қызмeт көpceтy жәнe баcқаpy opталығына айналады, деп хабарлайды Астана әкімдігінің ресми сайты CTS-ке сілтеме жасап.Жалпы аyданы шамамeн 80 мың шаpшы мeтpдi құpайтын дeпo ғимаpаттаpында жылжымалы құpамға тoлыққанды тexникалық қызмeт көpceтy жәнe жөндey үшiн қажeттi баpлық ныcандаp opналаcтыpылады. Keшeн вагoндаpды жyy ғимаpатынан, қocалқы бөлшeктep мeн жабдықтаp қoймалаpынан, жoлдаpды жөндeyгe аpналған аpнайы тexника, coндай-ақ қызмeткepлepдi oқытy жәнe бiлiктiлiгiн аpттыpyға аpналған әкiмшiлiк ғимаpаттаpдан тұpады.City Transportation Systems мәлiмeтiншe, дeпo аyмағында пилoтcыз пoйыздаpды баcқаpy opталығы да құpылады. Автoматтандыpылған баcқаpy жүйeci қаyiпciздiк пeн тиiмдiлiктi eдәyip аpттыpyға мүмкiндiк бepeдi, coндай-ақ icкe қocy, тeжey жәнe cтанциялаpда тoқтаy cияқты пpoцecтepдi автoматтандыpып, адами фактopдың әcepiн баpынша азайтады.Эcтакада бoйынша нeгiзгi құpылыc жұмыcтаpының аяқталyына байланыcты, қыcқы кeзeңдe құpылыc тexнoлoгияcына cәйкec, LRT жoбаcының жұмыcтаpы дeпo құpылыcына шoғыpланады.Ақпарат көзі : https://www.gov.kz/memleket/entities/astana/press/news/details/883388

Үш конкурстық күн ішінде, 14-16 қараша аралығында «ЭКСПО» халықаралық көрме орталығының аумағында еліміздің колледж студенттері мәлімделген құзыреттер бойынша өздерінің дағдылары мен қабілеттерін көрсетпек.Болашақ дәнекерлеуші мен аспаздар, токарь мен шаштараздар, слесарь мен дизайнерлер, құрылысшы мен IT-мамандар және басқа да 32 ақмолалық студенттерден құрылған команда барлық 30 құзыреттілік бойынша жарысады. Мемлекет Басшысы Қасым-Жомарт Тоқаев жұмысшы мамандықтарының беделін арттыруға шақырды. Президенттің Жолдауына сәйкес 2025 жыл жұмысшы мамандықтар жылы болып жарияланды. Бүгінде облыстың 29 колледжінде жұмысшы біліктілігі бойынша 5,5 мыңнан астам студент оқиды. Орта буын және қолданбалы бакалавриат мамандарына шамамен 14 мың студент, бірақ олар бойынша да жұмысшы біліктіліктерін игеру көзделген.Колледждердің білім беру бағдарламалары кәсіби стандарттары мен WorldSkills стандарттарына өзектендірілгенін атап өту қажет.Жұмыс берушілер WorldSkills чемпионаттарына тәуелсіз сарапшылар ретінде белсенді қатысып, біліктілік және демонстрациялық емтихандар жөніндегі комиссияларды басқарады.Ынтымақтастықтың барлық осы формалары кәсіпорындарға түлектерді қайта даярлаусыз оқыту кезеңінде де өз кәсіпорындарының талаптарына бейімдеуге мүмкіндік береді.Естеріңізге сала кетейік, 2015 жылдан бастап облыс колледждері студенттер арасында WorldSkills кәсіби шеберлік чемпионаттарына белсенді қатысады. Ақмола командасы осы жылдар ішінде 33 Алтын, 20 күміс, 26 қола медаль, 46 кемелдік медальон жеңіп алды.Республика құрамасындағы Ақмола колледждерінің студенттері халықаралық, Еуропа чемпионаттарында ел намысын қорғайды. Нәтидесінде жалпы командалық есепте 2 медаль, 1 күміс, 5 қола медальды WorldSkills Kazakhstan қоржынына енгізді.Ел ордамыз Астанада «Жұмысшылар олимпиадасы» тоғызыншы рет өткізілуде. Биыл оған еліміздің барлық өңірлерінен 500-ден астам студент қатысуда. Ақпарат көзі : https://www.gov.kz/memleket/entities/aqmola/press/news/details/883371

Алматы қаласының әкімі Ерболат Досаев Алатау ауданындағы жұмыс сапары барысында Қарасу көлін тазарту жұмыстарының нәтижесімен танысты.Қарасу шағын ауданының тұрғындары көлді тазарту туралы қала әкімінен көмек сұраған болатын. Ерболат Досаевтың тапсырмасымен Балқаш-Алакөл бассейндік инспекциясымен келісілген жоба әзірленді. Су қоймасын механикалық тазалауды мердігер – «TOLAGAI-2050» ЖШС-2023 жылдың наурыз айында бастап, қыркүйекте аяқтауға тиіс еді. Алайда жобаның аяқталу мерзімі биылғы жылдың тамызына ауыстырылды, себебі түбіндегі лайдың қалыңдығы жобалау кезінде болжанғаннан бірнеше есе көп болып шықты (30 см орнына 100-120 см). Сонымен қатар, ауыр техниканың өтуі үшін көлдің түбінен уақытша жол салу қажеттілігі де мерзімге әсер етті. Бастапқыда тазарту жұмыстарын топырақ қатқан қыс мезгілінде жүргізу жоспарланған еді.Көлді тазарту жұмыстары аяқталған соң уақытша жол лаймен бірге шығарылды. Айта кету керек, бұл жұмыс тоған тарихында алғаш рет жүргізілді. Соның нәтижесінде көлдің түбінен 53 тонна қоқыс және 10 мың текше метр лай шөгіндісі шығарылды. Сонымен қатар, су деңгейін реттеу және оның жағаға асып кетуін болдырмау үшін су ағызу құрылыстары салынды.Жоба қалалықтардың шағымданған бірнеше мәселесін шешуге мүмкіндік берді: бірінші кезекте, тазарту арқылы су айдынының экологиялық тепе-теңдігі мен биологиялық алуан түрлілігі қалпына келеді. Көл тұрғындар мен қала қонақтары үшін қайтадан демалуға ыңғайлы орынға айналады.Сапар барысында Қарасу шағын ауданының тұрғындары көлді тазарту жұмыстары үшін алғыс білдіріп, әкімнен су қоймасы маңында жаяу жүргіншілер аймағын салуды өтінді. Бұған жауап берген Алматы әкімі Ерболат Досаев өзінің тапсырмасымен спортпен шұғылдануға арналған серуендеу және белсенді демалыс аймақтарын салуды қамтитын көріктендіру жобасы әзірленетінін айтты.Ақпарат көзі : https://www.gov.kz/memleket/entities/almaty/press/news/details/883394

Алатау ауданын аралау барысында Алматы әкімі Ерболат Досаев Қарасу шағын ауданындағы Бағаналы Орда көшесіндегі скверді абаттандыру барысымен танысты.Жоба «Халық қатысатын бюджет» бағдарламасы аясында жүзеге асырылды. Шілде айында басталған ұзындығы 800 метр болатын жаңа жаяу жүргіншілер аймағы Мойылды және Қаламбаев көшелерінің аралығында орналасқан. Жоба келесі айда аяқталады деп жоспарлануда. Бұл өткен жылы Шаяхметов пен Мойылды көшелері арасында жөнделген 400 метрлік жолақтың жалғасы болды. Осылайша, ұзындығы 1200 метр болатын біртұтас серуендеу аймағы құрылды.Жобаны жүзеге асыру үшін тікенек пен шөп басқан аумақ тазартылып, тегістеліп, асфальт және тас төселді. Жалпы ауданы 55,4 мың шаршы метрге көгалдандыру жұмыстары жүргізіліп, 950 метрлік автосуару жүйесі орнатылды. Тұрғындардың жайлылығы үшін 150 шам, орындықтар және қоқыс жәшіктері қойылды. Жаңартылған аумақтың жалпы ауданы 6,5 гектар.Атқарылған жұмыстармен танысқан соң Алматы әкімі жобаны уақытылы аяқтауды және ірі ағаштар отырғызуды тапсырды. Ол сондай-ақ қоғамдық кеңістікті дамытудағы тұрғындардың үлесін ерекше атады.«Сіздердің белсенді ұстанымдарыңыз аудан мен қала әкімдігіне көріктендіруге және жайлы жасыл аймақтар құруға қаражат бөлуге көмектеседі. «Халық қатысатын бюджет» бағдарламасына қатысып, жобаларыңызды ұсынып, сүйікті қаламыздың өркендеуіне үлкен үлес қосып келесіздер», – деп Ерболат Досаев қала тұрғындарын жаңартылған аумақтарда тәртіп сақтауға және балаларда қалалық кеңістікке деген құрмет пен ұқыптылық сезімін тәрбиелеуге шақырды.Тұрғындар өзгерген кеңістік үшін қала әкіміне алғыс білдірді.«Енді біз отбасымызбен осы жерде серуендейміз, достарымызбен кездесіп, уақытымызды тиімді өткіземіз. Жаңа алаңның арқасында жақсы демалыс үшін орын көбейді. Билік тұрғындардың өтінішін естіп, оларды жүзеге асырып жатқанына қуаныштымыз», – деді тұрғындар.Ақпарат көзі : https://www.gov.kz/memleket/entities/almaty/press/news/details/883397

Жетісу ауданына жұмыс сапары барысында Алматы әкімі Ерболат Досаев «Кемел» шағын ауданында Есентай өзені бойына салынып жатқан көпірді аралап көрді. Бұған дейін мегаполис басшысының тапсырмасы бойынша көпірдің апатты жағдайына қатысты қозғалыс жабылған болатын.60-шы жылдары салынған көпір құрылысына маусым айында жүргізілген техникалық зерттеу бетон конструкцияларының ішінара бұзылуын, көпір тіректерінде жарықтардың пайда болуын, деформациялық тігістің болмауын және т.б. анықтады. Осыған байланысты ТЖ аясында жаңа көпір салу туралы шешім қабылданды.Бастапқыда көлік қозғалысын қазан айының соңында ашу жоспарланған болатын. Алайда, топырақ құрылымына байланысты жоспарланған 9 метрдің орнына 29 метрлік бұрғылау қадаларын орнату қажет болды. Сонымен қатар, арнайы техниканың негізін дайындау кезінде өзен арнасында көпірдің жаяу жүргіншілер бөлігі құлады. Бұл бөлік жаңа көпір салынғаннан кейін бөлшектелуі керек еді, бірақ құлау салдарынан оны ертерек бөлшектеуге тура келді. Осылайша, жұмыстың мерзімі ауыстырылды.Қала басшысына қалалық мобилділік басқармасының басшысы Сағындық Телібаев айтып өткендей, бүгінде қадаларды орнату және сынау, тіректерді, тіреу қабырғаларын орнату, арқалықтарды монтаждау және инженерлік желілерді қайта құру жұмыстары жүргізілді. Сондай-ақ, ғимарат сынақтан өтті.Реконструкциялау құру нәтижесінде көпірдің ұзындығы 16,8 – ден 33 метрге дейін, ені 8,5-тен 14,5 метрге дейін ұлғайтылады. Сонымен қатар, екі жағынан 1,5 м тротуарларды орнату жоспарлануда.«Көпір бірнеше шағын аудандар мен жақын маңдағы елді мекендердің тұрғындары үшін көлік байланысын қамтамасыз етеді. Бұл маңызды инфрақұрылымдық нысан, сондықтан құрылыс мүмкіндігінше қысқа мерзімде жүргізілді. Геология топырақтың тұрақсыздығын анықтады, сондықтан қадаларды шамамен 30 метр тереңдікке орнату туралы шешім қабылданды, көпір ұзындығы бойынша екі есеге жуық ұлғайтылды. Жұмыстың негізгі көлемі орындалды, қозғалысты келесі аптаның соңына дейін ашып, содан кейін жаяу жүргіншілер бөлігі мен іргелес аумақ бойынша жұмыстарды аяқтау қажет», - деп атап өтті Ерболат Досаев.Естеріңізге сала кетейік, жаңа көпір салу бойынша жөндеу жұмыстары аяқталғанға дейін аталған учаскені айналып өту Мұхамеджан Сералин көшесі арқылы қамтамасыз етілген.Ақпарат көзі : https://www.gov.kz/memleket/entities/almaty/press/news/details/883415

ӨЗБЕКӘЛІ ЖӘНІБЕКОВ АТЫНДАҒЫ ОҚПУ-ДА 72 ЖАСТАҒЫ ЗЕЙНЕТКЕР «КҮМІС УНИВЕРСИТЕТ» СТУДЕНТІ АТАНДЫ Өзбекәлі Жәнібеков атындағы ОҚПУ-да «Күміс университет» жобасы аясында елуден асқан тыңдаушылар тегін курстар бойынша білім алуда. Олардың қатарында 72 жастағы Сұлушаш Ташкенбаева да бар. Ол жоба аясында «Ерте жастан балаларды дамыту» курсын оқып жатыр. «Ерте жастан балаларды дамыту» курсы 1 жастан бастап баланың моторлы, интеллектуалды және сезімтал сфераларының, оның сөйлеуі мен негізгі психикалық процестерін қарқынды дамытуды үйретеді. Оқытушы Жұпаркүл Бекназарқызы ерте жастағы балалардың танымдық белсенділігін дамытудағы қазақ шығармашылығының құралдарын пайдаланып, теориясы мен әдістерін оқытуда. - Бұл курстың немере, шөберелерді тәрбиелеуде біз үшін алатын орны ерекше болды. Көріп жүргендеріңіздей, қазір балалардың сөйлеуі кеш дамиды. Оны жетілдіруді халық тәрбиесімен ұштастырып, халықаралық дәрежеде, әлемдік тәжірибелер арқылы жаңа ақпараттарды, терминдерді, инновациялық технологияларды тиімді пайдалану жолдарымен таныстық. Англия, Италия, Париж, Жаңа Зеландия мемлекеттеріндегі білім беру жүйесіндегі ерекшеліктерді интерактивті тақтаны пайдалану арқылы түсіндік, - дейді 72-дегі студент. Сұлушаш Ташкенбаева 1979 жылы Қазақ қыздар педагогикалық университетін бітіріп, зейнетке дейін мұғалім болған. Төрт перзенттен 14 немере, 2 шөбере сүйіп отырған әже. 2021 жылдан бастап жүзеге аса бастаған «Күміс университет» жобасы жоғары буынға түрлі бағыт бойынша білім мен дағдыны меңгеруге мүмкіндік береді. Ғылым мен технология қарыштап дамыған кезеңде егде жастағы адамдардың білім деңгейін соған сай жетілдіруді көздейді. Қазақстанда аталмыш бағдарлама білім беруді және ғылымды дамытудың 2020-2025 жылдарға арналған мемлекеттік бағдарламасы аясында үздіксіз білім беру және жұмыс тұжырымдамасын жүзеге асыру мақсатында жұмыс істейді. Бүгінгі таңда аталмыш жоба Өзбекәлі Жәнібеков атындағы ОҚПУ-да 13 түрлі мамандық бағыты бойынша жүргізілуде. Бір тыңдаушы бірнеше курстарға қатар жазыла алады. Оқуды сәтті аяқтағаннан кейін тыңдаушыға тиісті бағыт бойынша оқығаны туралы сертификат беріледі.Ақпарат көзі : https://www.gov.kz/memleket/entities/sci/press/news/details/883399

2024 жылғы 24 қазан мен 13 қараша аралығында Жайық-Каспий облысаралық балық шаруашылығы бассейндік инспекциясының мамандары Маңғыстау облысының Түпқараған ауданында Каспий теңізінің жағалауынан 1034 итбалық тапты.Мониторинг және гидробиология және экология институты, итбалықтарды зерттеу және оңалту орталығы және микробиология ҒЗИ және вирусология ҒЗО сияқты ғылыми ұйымдармен бірлесіп жұмыс істеу барысында одан әрі зерттеулер жүргізу үшін өлген жануарлардың тіндерін ішінара іріктеу жүргізілді.Балық шаруашылығы комитеті табиғи құбылыстар, соның ішінде су астындағы жер сілкінісі салдарынан табиғи газдар шығарындылары себеп болуы мүмкін деп болжайды. Итбалықтардың өлу себептері туралы түпкілікті тұжырымдар ғылыми ұйымдардың мәліметтері бойынша 3-4 айға созылатын зертханалық зерттеулер аяқталғаннан кейін алынады.Балық инспекциясы итбалықтардың өлу факторларын анықтау үшін аумақтық сулардың акваториясына тұрақты мониторинг жүргізуді жалғастыруда.Ветеринариялық бақылау және қадағалау комитетінің қызметкерлері қазіргі уақытта Астанадағы ветеринария жөніндегі ұлттық референттік орталықта жұқпалы аурулардың бар-жоғына зерттеу жүргізіліп жатқан патологиялық материалдың сынамаларын іріктеп алды. 2024 жылдың 13 қарашасында пастереллез, құс тұмауы, жыртқыш оба, сальмонеллез және листериозға арналған ПТР әдісімен зерттелген барлық сынамалар теріс нәтиже көрсетті.Каспий теңізінің жағалауына Мониторинг жалғасуда.Айта кету керек, Каспий теңізінде итбалықтардың жаппай қырылу жағдайлары 2000 жылдардың басынан бері тіркеліп келеді. Атап айтқанда, 2000 жылы 10 000-ға жуығы тіркеліп және олардың өлімінің себебі созылмалы токсикоз екені анықталған. Ақпарат көзі : https://www.gov.kz/memleket/entities/moa/press/news/details/883389

Жобаның мақсаты: Көміртегі бірліктерінің сауда жүйесін жетілдіру және 2030 жылға дейін ұлттық деңгейде айқындалатын салым (ҰДАС) бөлігінде Қазақстанның жаңартылған мақсаттарын іске асыруға және 2060 жылға дейін көміртегі бейтараптығына қол жеткізуге жәрдемдесу.Ашық жұмыс орындары:Жоба Үйлестірушісі.Қаржылық басқару жөніндегі маман.Сатып алу жөніндегі маман.Талаптар: техникалық тапсырмаларда нақтыланған (ТТ).Конкурсқа қатысу үшін өз түйіндемелеріңізді және ілеспе құжаттарыңызды белгіленген мерзімде ТТ-ға сәйкес me.alipbaeva@ecogeo.gov.kz электрондық поштасына жолдауыңызды сұраймыз.госзакуп координатор финансист каз.Ақпарат көзі : https://www.gov.kz/memleket/entities/ecogeo/press/news/details/883386

Жамбыл облысында ағымдағы жылы 16 мәдениет нысанының құрылысын жүргізуге 3 млрд. теңге көлемінде қаржы қарастырылды. 2024 жылы 8 мәдениет нысанын пайдалануға беру көзделіп отыр. Бүгінге дейін Байзақ, Жамбыл, Т. Рысқұлов, Талас аудандарында 4 мәдениет үйі мен бір музей ашылды. Жыл соңына дейін Жамбыл, Қордай аудандарында 2 мәдениет үйінің құрылысы аяқталады деп күтілуде. Бұдан бөлек, «Тектұрмас» этно-мәдени кешенінде салынып жатқан «Ежелгі бекініс» нысаны пайдалануға беріледі. Қалған 8 нысан қаржыландыру жоспарына сәйкес келер жылы ел игілігіне тапсырылады. Ағымдағы жылы Жамбыл ауданы Аса ауылындағы аудандық мәдениет үйін, Т. Рысқұлов ауданы Д. Қонаев ауылдық мәдениет үйін күрделі жөндеу жоспарланып, бүгінде жұмыстар бітуге жақын. Сонымен бірге 14 мәдениет нысанын, А. Тоқпанов атындағы Жамбыл облыстық қазақ драма театрын ағымдағы жөндеу жұмыстары толық аяқталды. Айта кетейік, Жамбыл облысында 199 мәдениет үйі мен клуб, 275 кітапхана, 2 драма театр, 1 филармония, 2 кинотеатр, 19 музей мен өзге де орталықтар халыққа қызмет көрсетеді.Ақпарат көзі : https://www.gov.kz/memleket/entities/zhambyl/press/news/details/883324

Сайрам аудандық «Жастар ресурстық орталығы» КММ және аудандық мәслихаттың ұйымдастыруымен Қазақстан мәслихаттарының 30 жылдығына орай, білім мен зияткерлікті дамытуға арналған облыстық «Эрудит» интеллектуалды ойыны өтті.Іс-шараны Түркістан облысы қоғамдық даму басқармасы «Жастар ресурстық орталығы» КММ басшысы Ернар Бектаев, Сайрам аудан әкімінің орынбасары Мадияр Әліпов, аудан мәслихатының депутаттары Асанәлі Каримов мен Дархан Айдарханов ашып, қатысушыларға сәттілік тіледі.Жобаның мақсаты – жастардың білімге құштарлығын оятып, ой-өрісін кеңейту, логикалық және шығармашылық қабілеттерін дамыту, өзара қарым-қатынас пен командалық жұмыстың маңыздылығын ұғындыру.Интеллектуалды ойынға облыс аумағындағы аудан, қалалардан және аудандағы түрлі мекемелерден келген түрлі сала өкілдері мен жас еріктілерден құралған 15 команда қатысты.Сайыс 5 кезеңнен тұрып, әр кезеңде қатысушылар тарих, әдебиет, спорт, ұлттық дәстүрлер, логикалық тапсырмалар сияқты әртүрлі салалар бойынша сынға түсті.Тартысты да, қызықты өткен сайыстың нәтижесінде 1-орынды Созақ ауданының «Теріскей» командасы иеленіп, 300 мың теңгені қанжылады. 2-орыннан сайыста бірдей ұпай жинаған облыстық «Жастар ресурстық орталығының» «Алаш» және Келес ауданының «Келес» командалары көрініп, 200 мың теңгені еншілесе, Сайрам ауданының «Бәйтерек» командасы 3-орынды місе тұтып, 100 мың теңге сыйақыға ие болды. Сондай-ақ «Үздік талпыныс» номинациясын Сарыағаш ауданының «Конина Power» командасы жеңіп алып, 50 мың теңгені иеленді.Жеңімпаздар мен жүлдегерлерге алғыс хаттар мен қаржылай сыйлықтар табысталды.«Эрудит» ойыны облыстың білімді жастарын бір ортада жинап, олардың өзара достық қарым-қатынасын нығайтатын игі дәстүрге айналып отыр. Аталған бағыттағы іс-шара алдағы уақытта да жалғасын табады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/883246