Алматы облысы қалдықтарды кәдеге жарату саласында ауқымды өзгерістерге дайындалуда. Жақында Іле ауданында тұрмыстық қатты қалдықтарды қайта өңдейтін заманауи зауыттың құрылысы басталады, бұл өңірдің экологиялық жағдайын жақсартуға жасалған маңызды қадам болмақ.Зауыт қоқыс алаңдарының қоршаған ортаға тигізетін кері әсерін айтарлықтай азайтуымен қатар, электр қуатын да өндіретін болады. Жоба жылына 350 мың тоннаға дейін қалдықты өңдеуді және 16 мегаватт электр энергиясын өндіруді көздейді.Жоба түріктің «Инева» компаниясы мен «ADC Taza Alem» ЖШС-мен бірлесіп жүзеге асырылмақ. Зауыттың сұрыптау желісі ірі құрылыс қалдықтары мен қайта өңдеуге жарамды қалдықтарды қосқанда 240 мың тонна қалдыққа есептелген. Бүгінде жоба 60 пайызға дайын. Сұрыптауға қажетті құрал-жабдықтар сатып алынып, инфрақұрылым мәселелері, оның ішінде газ және сумен қамту мәселелері шешілді.Алматы облысының әкімі Марат Сұлтанғазиев екі компания өкілдерімен кездесу барысында, жобаның өңір үшін маңыздылығына ерекше тоқталды:- Біз сіздермен ынтымақтастықтың бірнеше маңызды артықшылықтары бар деп есептейміз. Біріншіден, жоба өңіріміздің экологиялық жағдайын жақсартуға зор үлес қосады. Екіншіден, ірі инфрақұрылымдық жобаларды жүзеге асыру тәжірибесі аймақтағы жасыл экономиканы дамытуға оң әсер етеді.Жобалық қуаттылық Іле ауданындағы полигонда қазіргі және жинақталған қалдықтарды қайта өңдеуге мүмкіндік береді.«ADC Taza Alem» ЖШС бас директоры Ерлан Дүйсебаев былай деп қосты:-Біз құрылыс жұмыстарын биылғы жылдың аяғында немесе келесі жылдың басында бастауға дайынбыз. Жоба экологиялық жағынан таза және бұл Түркиядан келген инновациялық компанияның қолдауымен жүзеге асырылады. Күн сайын біз шамамен 700 тонна қалдықты өңдей аламыз, бұл бізде жиналған немесе келетін қалдық көлемдерімен күресуге мүмкіндік береді.Жобаны жүзеге асыру үшін қаржыландыру екі кезеңге бөлінеді. Индустрияны дамыту қоры арқылы қаржы бөлініп бірінші кезеңі аяқталды. Қазіргі уақытта электрмен жабдықтаудың техникалық шарттарын алу жұмыстары жүргізілуде, одан кейін жоба келесі кезеңге өтеді. Зауыттың өндірістік қуаты 16 МВт құрайды, ал алынған электр энергиясы кәсіпорынның қажеттілігіне жұмсалып, артылғаны облыстық энергетика жүйесіне жеткізіледі.«Облыста жыл сайын 450 мың тоннадан астам тұрмыстық қалдық жиналады, зауыттың салынуы жасыл экономикаға маңызды қадам болмақ», - дейді Алматы облысы энергетика және тұрғын үй-коммуналдық шаруашылық басқармасының басшысы Айдын Бегімбеков. «Бұл алдағы он жылда аймақтағы тұрмыстық қалдықтар мәселесін жояды».Жоба жылына 120 мың тонна ірі құрылыс қалдықтарын және 80 мың тонна қайталама шикізатты сұрыптауды қамтиды. Қазіргі уақытта электрмен жабдықтаудың техникалық шарттарын алу сатысында, одан кейін негізгі нысандардың құрылысы басталады.Жиында зауыттың тиімді тұстарының қатарында экологиялық және әлеуметтік-экономикалық аспектілері де атап өтілді. Кәсіпорынның құрылысы мен жұмыс істеуі отандық және шетелдік елеулі инвестицияларды тартуға мүмкіндік береді. Алматы облысы қалдықтар мәселесін мойындап, оны шешу жолдарын белсенді іздестіретін өңірдің үлгісіне айналуда.Сондай-ақ зауыт Іле өңірінде жаңа жұмыс орындарын ашып, экологиялық жағдайды жақсартып, стихиялық полигондар мен топырақтың ластануын азайтады.Жиналғандардың бәрі жобаның табысты болуы мемлекет пен бизнес өкілдерінің тығыз ынтымақтастығына байланысты екенін атап өтті. Алматы облысының әкімі айтқандай, облыс жобаны табысты жүзеге асыру үшін барлық инфрақұрылымдық және логистикалық мәселелерді шешуді, сондай-ақ инвестиция үшін қолайлы жағдай жасауға қажетті барлық қолдауды көрсетуге дайын. «Біз бұл жобаның экологиялық мәселелерді шешуде, бизнес пен биліктің табысты ынтымақтастығының қалыптасуын көздеп отырмыз», - деп атап өтті «ӘДК Таза Әлем» ЖШС-ның бас директоры Ерлан Дүйсебаев.Құрылысты аяқтау 2025 жылдың соңына жоспарланған, және қазіргі қарқынмен бұл жоба мерзімінде аяқталады деуге болады.Ақпарат көзі : https://www.gov.kz/memleket/entities/almobl/press/news/details/874784

01.01.2024ж. бастап 30.09.2024ж. дейінгі уақыт аралығында "Бірыңғай жинақтаушы зейнетақы қоры" АҚ (бұдан әрі – БЖЗҚ, Қор) халыққа 33,9 млн астам қызмет көрсетті. Қызметтердің жалпы санының 16,6 млн астамы электрондық форматта көрсетілсе, 15,9 млн жуық қызмет автоматты түрде атқарылды. Бұл операциялардың 96% қашықтықтан көрсетілді. Күндізгі форматта 871 мыңнан астам қызмет көрсетіліп, оның ішінде тікелей Қор кеңселерінде шамамен 840 мың қызмет ұсынылды.2024 жылғы 1 қаңтардан бастап Қазақстанда жұмыс берушінің міндетті зейнетақы жарнасының (ЖМЗЖ) енгізілуіне, сондай-ақ "Ұлттық қор-балаларға" бағдарламасы шеңберінде нысаналы талаптар мен нысаналы жинақтарды есепке алу және есептеу бойынша БЖЗҚ қызмет ауқымының кеңеюіне байланысты автоматты режимде көрсетілетін қызметтер саны өсті. Әсіресе, нысаналы талаптарға қатысушылар үшін шоттар (ЖЗШ/ШЗШ/НЖШ) мен карта ашу ерекше серпін бергенін байқауға болады. Естеріңізге сала кетсек, барлық зейнетақы шоттары БЖЗҚ-ға алғашқы жарна түскен кезде автоматты түрде ашылады. Сондай-ақ, "Ұлттық қор - балаларға" бағдарламасының қатысушыларына нысаналы талаптар мен нысаналы жинақтар автоматты түрде есептеледі.2024 жылдың есепті кезеңінде шартты зейнетақы шоттарын (жұмыс берушінің ЖМЗЖ аудару нәтижесінде ашылған ШЗШ) және нысаналы жинақтау шоттарын (НЖШ, "Ұлттық қор-балаларға" бағдарламасы шеңберінде) қоса алғанда, зейнетақы жарналарының барлық түрлері бойынша жаңадан ашылған жеке зейнетақы шоттарының (ЖЗШ) жалпы саны барлық формат бойынша 4,9 млн асты.Жеке зейнетақы шотынан, шартты зейнетақы шотынан (ШЗШ), сондай-ақ, нысаналы жинақтау шотынан (НЖШ) үзінді көшірме алу - әлі де ең танымал қызмет қатарында. Жыл басынан бері ЖЗШ, ШЗШ, НЖШ-дан 18,9 млн астам үзінді көшірме берілді. Оның ішінде 15,0 млн үзінді көшірме электронды түрде және 3,3 млн астамы автоматты режимде рәсімделген.БЖЗҚ сайттағы және ұялы қосымшадағы Жеке кабинетте салымшылардың (алушылардың) өз деректемелеріне, банктік деректемелеріне өзгерістер мен толықтырулар енгізу, ЖЗШ бар екендігі туралы анықтама алу, 1 немесе 2 топтағы мүгедектіктің мерзімсіз белгіленуіне байланысты немесе ерікті зейнетақы жарналары бойынша зейнетақы төлемдерін тағайындау туралы өтініш беру сияқты қызметтерді пайдалануға мүмкіндіктері бар екенін еске салады. Сондай-ақ, зейнетақы жарналарын төлеу туралы өтініштің мәртебесін қадағалау, инвестициялық портфельді басқарушыға (ИПБ) жинақтардың бір бөлігін аудару, зейнетақы калькуляторының көмегімен болашақ зейнетақыны болжамды есептеу, ерікті зейнетақы жарналарын аудару және т.б. қызметтер әлемнің кез-келген нүктесінде 24/7 режимінде қолжетімді. 2024 жылғы қаңтар-қыркүйек айларында деректемелерді өзгертуге 158,1 мыңнан астам өтініш қабылданып, оның 144,2 мыңы Қордың кеңселерінде ұсынылды. БЖЗҚ мамандарына қандай да бір қызметке жүгіне отырып, салымшылар, әдетте, жинақтарды қалыптастыру бойынша да қосымша кеңестер ала алады.Ақпараттық-түсіндіру жұмыстары аясында 31,5 мыңнан астам көшпелі таныстырылым өткізіліп, оған 658,5 мың адам қатысты. Бұқаралық ақпарат құралдарында БЖЗҚ хабарламалары бойынша 30,6 мың материал жарияланды.Салымшылардың кері байланыс арналары бойынша түскен өтініштерінің саны шамамен 481,7 мың. Естеріңізге сала кетейік, кез келген компания Қор кеңсесіне барып жинақтаушы зейнетақы жүйесінің мәселелері бойынша таныстырылым мен кеңестер өткізуге өтінім бере алады. Ол үшін 1418 нөмірі бойынша байланыс орталығына қоңырау шалып, Қор сайты немесе ұялы қосымшасы арқылы хабарласу қажет. БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, Twitter, Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/abay/press/news/details/874741

Қазақстан Республикасының Көлік министрлігі жаңа халықаралық бағыттарды ашу және қолданыстағы бағыттар бойынша, оның ішінде шетелдік әуе компаниялар бойынша рейстер санын ұлғайту жөніндегі жұмысты тұрақты негізде жалғастыруда.Мәселен, осы жұмыс шеңберінде Қазақстан Республикасының Көлік вице-министрі Т.Т. Ластаев бастаған Қазақстан Республикасының делегациясы Куала-Лумпур қаласында (Малайзия) өткен Әуе қатынасы туралы келіссөздер жөніндегі ИКАО (ICAN-2024) іс-шарасына қатысты.ICAN-2024 16-шы рет өткізілді және халықаралық рейстерді орындау үшін құқықтық базаны кеңейту бойынша Ұйымға мүше елдердің кездесулерін ұйымдастыру мақсатында өткізілетін ИКАО-ның маңызды іс-шараларының бірі болып табылады.Іс-шараға ИКАО Кеңесінің Президенті Сальваторе Шаккитано мырза қатысты және ұйымдастырушылардың ақпараты бойынша 70-тен астам елден 700-ден астам қатысушы болды, оның барысында 800-ге жуық екіжақты келіссөздер жүргізілді. Қатысушылар арасында қатысушы елдердің азаматтық авиация саласына жауапты 14 Министр мен министрлердің орынбасарлары болды.ICAN-2024 алаңында ИКАО кеңесінің президенті С. Шаккитано мырзаның қазақстандық делегациямен кездесуі өтті. Шаккитано мырза Қазақстан Республикасының елдегі әуе тасымалы нарығын ырықтандыру бойынша жүргізіп жатқан жұмыстарының барысын жоғары атап өтті және 2025 жылы Қазақстан Республикасына бару ниетін растады.Осы іс-шара аясында қазақстандық делегация Ресей Федерациясының, Сингапурдың, Малайзияның, Ұлыбританияның, Сауд Арабиясы Корольдігінің, Вьетнамның, Грузияның, Марокконың, Эфиопияның және Руанданың авиациялық билік орындарымен келіссөздер жүргізді, оның қорытындысы бойынша елдермен тұрақты рейстерді орындау үшін құқықтық базаны кеңейту жөнінде уағдаластыққа қол жеткізілді.Қазақстандық делегация сондай-ақ Ресей Федерациясы Көлік министрінің орынбасары В.В. Потешкинмен кездесу өткізді, оның барысында ғарыш станциясына туризмді дамыту мақсатында Қазақстан мен Ресейден Байқоңыр қаласына әуе қатынасын орнату жөнінде уағдаластыққа қол жеткізілді.Қол жеткізілген келісімдерге сәйкес, 4 елмен (Вьетнам, Марокко, Эфиопия, Руанда) рұқсат етілген жиіліктер саны 5 еседен астам ұлғайтылды (аптасына 14-тен 73 рейске дейін). Сондай-ақ, 5 елмен (Сингапур, Вьетнам, Марокко, Эфиопия, Грузия) "ашық аспан" режимі орнатылды, оның ішінде тасымалдаушыларға "ауа еркіндігінің" бесінші дәрежесін пайдалану құқығы берілді. Сонымен қатар, келіссөздер барысында Ұлыбританияға рейстерді орындау құқықтары бекітілдіАқпарат көзі : https://www.gov.kz/memleket/entities/transport/press/news/details/874734

Ақтау гарнизонының әуе шабуылына қарсы қорғаныс бригадасында белгіленген мерзімде қызмет еткен әскери қызметшілердің Жауынгерлік тумен қоштасу рәсімі өтті.Салтанатты рәсімге еліміздің тоғыз өңірінен бір жыл бұрын шақырылған 206 әскери қызметші қатысты. Іс-шараға шақырылғандардың арасында Қарулы күштердің ардагері запастағы полковник Сабыр Нәжекенов, Ақтау қаласы мен Маңғыстау облысы бойынша «Аналар жүрегі» сарбаз аналары комитетінің өкілі Гүлмира Жанысбаева болды.Бригада командирі полковник Марат Құдабаев запасқа шығарылатын әскери қызметшілерге арнаған сөзінде олардың көпшілігі азаматтық әскери-есептік мамандықтарды игергенін атап өтті.- Сіздер осы бір жыл ішінде баға жетпес өмірлік тәжірибеге ие болдыңыздар. Алдағы өмірлеріңе сәттілік тілеймін. Ата-аналарыңызға сәлем айта барыңыздар, - деді ол.Адал қызмет атқарғаны және оқу-жауынгерлік тапсырмаларды сапалы орындағаны үшін бірқатар жауынгерлер грамотамен, естелік сыйлықпен және фотоальбоммен марапатталды.- Батыс өңірінің әуе шекараларын қорғауға қатысқанымды мақтан тұтамын. Қызмет барысында біз өзімізге пайдалы тәжірибе алдық. Адал достар таптық. Командирлерге қолдау көрсеткені үшін рахмет айтамын. Жастарға айтарым, қызметке бәріміз дайын болуымыз керек, – деді бөлімше командирі – техникалық дивизионның аға операторы, Ақтөбе облысынан шақырылған кіші сержант Игорь Якушенко.Айта кету керек, осы күзде Ақтау гарнизонынан 1500-ден астам мерзімді қызметтегі әскери қызметші запасқа шығарылды.Ақпарат көзі : https://www.gov.kz/memleket/entities/mod/press/news/details/874729

Абай облысының әкімдігі мен ҚР Президенті Іс Басқармасының Медициналық орталығы арасында ынтымақтастық туралы меморандумға қол қойылды. Құжат аймақ басшысы Нұрлан Ұранхаев пен ҚР ПІБ МО басшысы Алексей Цойдың қол қоюымен бекітілді.Екіжақты келісім шеңберінде клиникалық тәжірибе алмасу, бірлескен ғылыми, клиникалық және білім беру жобаларын іске асыру, сондай-ақ өңірдің медицина қызметкерлерінің біліктілігін арттыру көзделген. Ынтымақтастық екі жақтың дәрігерлеріне тығыз кәсіби байланыс орнатуға мүмкіндік береді. Соңғы үш жылда медициналық орталықтың мамандары Қазақстанда 150-ден астам инновациялық технологияларды енгізді. Ал облысымыздың 500-ден астам тұрғыны орталықтың жетекші клиникаларының базасында медициналық көмек, санаторлық емдеу және оңалту алды.Серіктестік сонымен қатар мамандардың консультацияларын, санаторий-курорттық емдеу мен оңалтуды, өңір дәрігерлерін диагностика мен емдеудің инновациялық әдістеріне оқытуды қамтиды. Аурулардың алдын алу және емдеу саласында белсенді тәжірибе алмасу, мектепке дейінгі тәрбиеге озық медициналық технологиялар мен инновациялық әдістемелерді енгізу жоспарлануда.«Мемлекет басшысы еліміздегі денсаулық сақтауды дамытудың негізгі бағыттарын айқындады. Елдің әрбір азаматы озық технологиялар мен әлемдік стандарттарға сай сапалы медициналық көмекпен қамтамасыз етілуі керек. Облыс тұрғындарына медициналық қызмет көрсету сапасын арттыру үшін біз мамандардың біліктілігін арттыруға, озық тәжірибе мен технологияларды меңгеруге басымдық береміз. Осы орайда еліміздің жетекші клиникаларымен, атап айтқанда ҚР Президенті Іс Басқармасының Медициналық орталығымен жұмыс істеу өте маңызды. Мен бұл стратегиялық серіктестік медициналық қызмет көрсету сапасын айтарлықтай жақсартып, денсаулық сақтау саласына заманауи технологияларды енгізуге ықпал етеді деп сенемін», - деді облыс әкімі Нұрлан Ұранхаев.ҚР ПІБ Медициналық орталығы еліміздің алдыңғы қатарлы клиникаларын, соның ішінде Астанадағы ядролық медицинаның бірегей орталығы бар Президент Іс басқармасының ауруханасын, Алматыдағы Орталық клиникалық аурухана, сондай-ақ EuropeSPA стандарты бойынша сертификатталған «Оқжетпес» емдеу-сауықтыру кешенін біріктіреді. Орталықтың құрамына санитарлық-эпидемиологиялық сараптама орталығы, медициналық технологиялар және ақпараттық жүйелер орталығы, сондай-ақ мектепке дейінгі білім берудің инновациялық бағдарламалары бар «Қарлығаш» балабақшалар желісі кіреді.Айта кетейік, Абай облысында «ҚР ПІБ Медициналық орталығының күндері» өткізілді. Делегация құрамына JCI, ISO, GLP, GMP халықаралық стандарттарымен аккредиттелген ҚР ПІБ Медициналық орталығы ауруханаларының дәрігерлері кірді. Білікті мамандар облыс тұрғындарына тегін медициналық көмек көрсетіп, өңір мамандарымен әдістемелік жұмыс жүргізді.Ақпарат көзі : https://www.gov.kz/memleket/entities/abay/press/news/details/874680

ҚР Көлік Министрлігі жаңа халықаралық маршруттарды ашу және қолданыстағы бағыттар бойынша рейстер санын ұлғайту бойынша тұрақты негізде жұмыс жүргізуде.Күзгі-қысқы кезеңнің басынан бастап "Air Astana" әуекомпаниясы Таиландқа, Біріккен Араб Әмірліктеріне және Сауд Арабиясы Корольдігіне жаңа халықаралық бағыттарды іске қосады, сондай-ақ қолданыстағы маршруттар бойынша рейстер санын көбейтеді.Осылайша, әуекомпания ағымдағы жылдың 26 қазанынан бастап аптасына 3 рейс жиілігімен Астана – Пхукет (Таиланд) бағыты бойынша жаңа әуе қатынасын ашты;Атырау – Дубай (БАӘ) бағыты бойынша аптасына 2 рейс жиілігімен әуе қатынасын ашты;28 қазаннан бастап Алматы – Фукуок (Вьетнам) аптасына 2 рейс жиілігімен және желтоқсаннан бастап аптасына 5 рейске дейін ұлғайтумен іске қосылды;29 қазаннан бастап аптасына 2 рейс жиілігімен Алматы – Медина (Сауд Арабиясы) бағыты бойынша әуе қатынасын іске қосты;30 қазаннан бастап аптасына 2 рейс жиілігімен Астана – Әбу-Даби (БАӘ) әуе қатынасын іске қосты;12 желтоқсаннан бастап аптасына 2 рейс жиілігімен Алматы – Әбу-Даби (БАӘ) бағыты бойынша әуе қатынасын іске қосады;"Air Astana " әуекомпаниясы Дубайға Алматы қаласынан (аптасына 7 – ден 11-ге дейін) және Астана қаласынан (7-ден 9-ға дейін), Астана-Сеул бағыты бойынша (2-ден 3-ке дейін) рейстер санын көбейтуде.Жаңа авиамаршруттардың ашылуы, сондай-ақ қолданыстағы бағыттар бойынша рейстер санының артуы жолаушыларға қысқы кезеңде, сондай-ақ жаңа жылдық каникул кезінде демалысты жоспарлау үшін көбірек мүмкіндіктер береді.Ақпарат көзі : https://www.gov.kz/memleket/entities/transport/press/news/details/874647

024 жылғы 29 қазанда Ақпараттық қауіпсіздік комитетінің (бұдан әрі-Комитет) әдеп жөніндегі уәкілі С. Г. Аганасова "Лудомания" тақырыбында дәріс өткізді.Дәріс лудомания синдромы, гемблинг (құмар ойындарға патологиялық бейімділік, ойынға тәуелділік) туралы хабардарлықты арттыруға бағытталған. Дәріс барысында патологиялық гемблерлердің түсініктері ашылды, гемблерлердің қалыптасуының негізгі себептері, сондай-ақ гемблингке бейім факторлар келтірілген.Сонымен қатар, дәріс аясында лудоманияға тарту механизмдері, гэмблингтің даму кезеңдері, лудоманиядағы ойлау қателіктері, құмар ойындарға патологиялық тартымдылықты қалыптастыру кезеңдері бойынша жіктеу, құмар ойындарға тәуелділік қандай әлеуметтік-экономикалық салдарға әкелетіні талқыланып, сонымен қатар ойынға тәуелділік бұзылыстарын емдеу (дәрі-дәрмек және психотерапия) мәселесі көтерілді.Сонымен қатар, отбасында да, жұмыс орнында да лудоманияның алдын алудың маңыздылығы түсіндірілді.Өткізілген дәріс соңында әдеп жөніндегі уәкіл заңнаманың нормаларын түсіндірді, атап айтқанда, мемлекеттік қызметшілерге, әскери қызметшілерге, құқық қорғау және арнаулы мемлекеттік органдардың қызметкерлеріне құмар ойындар мен бәс тігуге қатысуға тыйым салу көзделген.Бұл ретте, 2024 жылғы наурызда "eGov mobile" мобильді қосымшасы арқылы онлайн форматта құмар ойындарға және бәс тігуге қатысуды ерікті түрде өзін-өзі шектеу жөніндегі сервис іске қосылды. Ақпарат көзі : https://www.gov.kz/memleket/entities/mdai/press/news/details/874695

Тыңдауды ұйымдастырушының атауы мен орналасқан жері: Қазақстан Республикасы Әділет министрлігі Астана қаласы Мәңгілік Ел даңғылы, 8 Министрліктер үйі, 13-кіреберіс;Тыңдауды өткізу күні, орны және уақыты: Астана қаласы, Керей-Жанибек хандары көшесі, 4, zoom арқылы, 2024 жылғы 21 қарашада, сағат 16.00;Субъектінің атауы: «Азаматтарға арналған үкімет» мемлекеттік корпорациясы» коммерциялық емес акционерлік қоғамы;Хабарлама немесе ақпарат берілген баға жобаларын жариялауға мемлекеттік монополияға жатқызылған тауарлардың, жұмыстардың, көрсетілетін қызметтердің түрі: Көрсетілетін қызметті алушының қалауы бойынша жеделдетілген түрде жылжымайтын мүлік объектілерінің кадастрлық паспортын және жаңадан құрылған жылжымайтын мүлік объектісіне жүргізілген мемлекеттік техникалық тексеру қорытындылары бойынша сәйкестендіру және техникалық мәліметтердің алшақтықтарын белгілеу туралы қорытындыны беру. Бағалар Қазақстан Республикасының Цифрлық даму, инновациялар және аэроғарыш өнеркәсібі министрінің 2024 жылғы 16 қаңтардағы «Ғимараттардың, құрылыстардың және (немесе) олардың құрамдастарының жаңадан құрылған жылжымайтын мүлікке сәйкестендіру және техникалық мәліметтерін құқықтық кадастр ақпараттық жүйесіне енгізу және ғимараттарды, құрылыстардың және (немесе) олардың құрамдастарын мемлекеттік техникалық тексеру бойынша мемлекеттік монополияға жатқызылған «Азаматтарға арналған үкімет» мемлекеттік корпорациясы» коммерциялық емес акционерлік қоғамы өндіретін және (немесе) өткізетін тауарларға (жұмыстарға, көрсетілетін қызметтерге) бағаларын бекіту туралы» № 21/НҚ бұйрығымен бекітілген бағасына сәйкес есептелген.Уәкілетті мемлекеттік органның ақпарат алуға болатын байланыс телефондары: 8 (7172) 74 08 59.Субъектінің ақпарат алуға болатын байланыс телефондары:8 (7172) 95-50-38, ішкі 135, ұялы тел. 87716656035, 87015258600.Субъектінің интернет-ресурсының мекенжайы (бар болса): r.kasymgozhina@gov4c.kz және s.arinova@gov4c.kz.Жария тыңдаулар - бұл тұтынушыларды, монополияға қарсы органның, мемлекеттік қоғамдық бірлестіктердің өкілдерін, тәуелсіз сарапшыларды, бұқаралық ақпарат құралдарын, «Атамекен» Ұлттық кәсіпкерлер палатасы мен мемлекеттік монополия субъектілерін шақыра отырып, уәкілетті мемлекеттік орган жүргізетін мемлекеттік монополияға жатқызылған тауарлар, жұмыстар, көрсетілетін қызметтер бағаларының жобасын талқылау рәсімі.Ақпарат көзі : https://www.gov.kz/memleket/entities/adilet/press/news/details/874642

Теміртауда ҚР еңбек сіңірген жаттықтырушысы Амантай Айдархановты еске алуға арналған "Магнитка жұлдыздары" атты дзюдодан XXIII халықаралық турнир басталды. Жарысқа Қазақстан, Өзбекстан, Ресей, Тәжікстан және Қырғызстан спортшылары қатысады. 20-дан астам команда 2008–2009 жылдары туылған 700-ге жуық ұлдар мен қыздарды ұсынады.Турнир Qarmet спорт кешенінде төрт күн бойы өтеді. 29–31 қазан аралығында жеке біріншіліктер, ал 1 қарашада командалық жарыстар өтеді. Барлық ниет білдірушілер келіп, қатысушыларды қолдай алады.Жеңімпаздар медальдармен, кәдесыйлармен, алғыс хаттармен және ақшалай сыйлықтармен марапатталады. Турнир соңында оқу-жаттығу лагері жоспарланған, онда әрбір дзюдошы құнды халықаралық тәжірибе жинақтай алады."Магнитка жұлдыздары" турнирі дзюдошыларды ел чемпионатына дайындауда да маңызды рөл атқарады.Жарысты ұйымдастырушылар – Теміртау әкімдігі, Qarmet компаниясы, Қарағанды облысының дзюдо күрес федерациясы және Jenyc кәсіби клубы.Ақпарат көзі : https://www.gov.kz/memleket/entities/karaganda/press/news/details/873108

Теміртауда жаңа өрт сөндіру депосы ашылады. Оның қажеттілігі жайлы көптен бері айтылып келеді. Мәселе облыстық әкімдіктің қолдауымен шешілді.Бұрынғы өрт сөндіру бөлімінің ғимаратын күрделі жөндеуге қаражат бөлінді. Жұмыстар аяқталуға жақын.Нысанға Қарағанды облысының әкімі Ермағанбет Бөлекпаев барып, құтқарушылар үшін қандай жағдай жасалғанын көрді.Қайта жасақтау техникалық жарақтандыруды жақсартып қана қоймай, қызметкерлер үшін жайлылық жасауға мүмкіндік береді.Ғимарат үш қабатты. Бірінші және екінші қабаттарда әкімшілік және шаруашылық-тұрмыстық үй-жайлар, өрт сөндіру автотехникасының тұрағына арналған гараж орналасқан. Ал үшінші қабатта жеке құрам мен олардың отбасыларына арналған пәтерлер бар.Ескі қасбет өңсіз болған. Жаңартудан кейін ол жарқын және заманауи бола түсті. Қайта құру үшін желілі панельдер қолданылды.Ғимарат ішінде есіктер орнату және жиһаз қою қалады.Өрт сөндіруші-құтқарушыларды даярлауға арналған оқу мұнарасы бар.Қосымша өрт сөндіру депосын ашу құтқарушылардың жедел әрекет етуін арттырады. Республикалық трекке жақындығын ескере отырып, қызметкерлер қиын жағдайға тап болған адамдарға көмекке тез жете алады.– Шығуға арналған екі бірлік техника бар. Пайдалануға берілгеннен кейін өрт депосы алты шағын ауданға және Екатеринбург – Алматы тас жолына қызмет көрсетеді, онда жолдағы ЖКО мен ТЖ кезінде көмек көрсетіледі, – деді Қарағанды облысы ТЖД бастығы Марғұлан Аманбаев.Сондай-ақ, Ермағанбет Бөлекпаев Теміртауда Металлургтер даңғылында күрделі жөндеу жұмыстары қалай жүріп жатқанын көрді. Қаланың негізгі көлік артерияларының бірін қайта құру жарты ғасырда алғаш рет қолға алынды. Жоба екі жылдық. Жұмыстар кешені қарастырылған: жол төсемін ауыстыру, жаңа тротуарлар, гүлзар аймағын абаттандыру. Нөсерлі кәріз мәселесі шешіледі. Мүгедектерге арналған бейімделген алаңдарды қоса алғанда, веложолдар, ойын және спорт аймақтары жоспарлануда.Даңғылдың ұзындығы екі жағынан шамамен үш шақырым.Бүгінгі таңда Республика даңғылынан Абай көшесіне дейінгі тақ жақтағы жұмыстар аяқталды. Қозғалыс қауіпсіздігін арттыру үшін жол белгілерін орнату ғана қалып, бұл учаске ашылуға дайын болады.Екінші учаскені асфальттау жұмыстары жүргізілуде. Бейбітшілік даңғылынан Амангелді көшесіне дейінгі жұп жақтағы және учаскедегі жұмыстар келесі жылдың көктемінде жалғасады. Ақпарат көзі : https://www.gov.kz/memleket/entities/karaganda/press/news/details/873318

Қарағанды облысы әкімінің өкімімен Саран қаласының әкімі Еркін Баулықов қалада жылу беру маусымының басталуында олқылық жібергені үшін атқаратын қызметінен босатылды.Қала басшысы міндетін уақытша осыған дейін Саран қаласы әкімінің орынбасары болған Мақсат Қайрешов атқаратын болады.Ақпарат көзі : https://www.gov.kz/memleket/entities/karaganda/press/news/details/873682

Теміртауда сапалы жылумен қамтамасыз ету басым міндеттердің бірі болып қала береді. Бұл бағытта 2022 жылдан бастап ауқымды жұмыстар жүргізілуде. Осы жазда қалада магистральдық желілер ғана емес, сонымен қатар квартал ішіндегі желілер де жөнделді – жалпы көлемі екі есеге жуық ұлғайтылды. Келесі жылы тағы да бірқатар жобалар жоспарланған.Бұл туралы Қарағанды облысының әкімі Ермағанбет Бөлекпаев Теміртау және Ақтау кентінің тұрғындарымен кезекті кездесуде мәлімдеді.– Жалпы, алдыңғы кездесуден кейін белгілі бір жұмыс жүргізілді. Біздің басты міндетіміз – сапалы жылумен қамтамасыз ету. Біз бұл жұмысты келесі жылы жалғастырамыз. Сараптаманың оң қорытындысы бар жалпы ұзындығы 12,3 км болатын жылу желілерінің бес учаскесін қайта жаңартуға ЖСҚ дайын, – деді өңір басшысы.Ол тұрғындарды ашық әңгімеге шақырды. Баяндамаларсыз бірден сұрақ-жауап сессиясына көшті. Теміртау мәдениет сарайындағы кездесу екі сағатқа созылды. Тұрғындар жалпы қала бойынша және нақты аулалардағы проблемалар туралы айтып берді.Мысалы, Республика даңғылы 47 мекенжайындағы көпқабатты үйдің өкілі лифт қалпына келтірілгенше күте алмайтындығына шағымданды. Оның айтуынша, тұрғындар инвестиция салуға дайын, үйде қарт адамдар көп, олар жоғарғы қабаттарға жаяу көтерілуге қиналады. Ермағанбет Бөлекпаев мәселені шешуді жеделдетуді тапсырды.ТКШ проблемалары әлі де теміртаулықтарды толғандырады. Алтыншы шағын ауданда жаңа кәріз коллекторын салу қажет. Қала әкімі Ғалым Әшімов қажетті есептеулер жүргізілгенін хабарлады.Ақтау кентінің тұрғындарына орталық қазандық қажет. Жобалау-сметалық құжаттама әзірленді және мемлекеттік сараптамада. Оң қорытындыдан кейін қаржыландыру мәселесі шешілетін болады.Теміртаулықтар ашық құдықтарға назар аударды. Қауіпсіздік – ең басты міндет, деп атап өтті Ермағанбет Бөлекпаев.– Мұндай өтініштерге бірден жауап беріңіздер! Мұнда "алтын сағат" ережесі болуы керек. Дереу жабыңыздар, содан кейін бұл құдықтың кімге тиесілі екенін анықтаңыздаи, – деді облыс әкімі.Сондай-ақ қоғамдық көліктің жұмысы бойынша сұрақтар қойылды. Ермағанбет Бөлекпаев мәселе белгілі екенін және келіссөздер нәтижесінде жаңа тасымалдаушы табылғанын хабарлады.Ойын алаңдарының жай-күйі, мектептердің жанындағы жарықтандыру, қоқыстарды бөлек жинау, қаңғыбас иттердің проблемасы – теміртаулықтар кездесуде осы мәселелерді де көтерді.Ермағанбет Бөлекпаев кездесуге қатысушыларға қала өміріне бей-жай қарамағаны үшін алғысын білдірді. Бірде-бір сұрақ назардан тыс қалмайды, деп сендірді ол.Облыс әкімі азаматтарды жеке мәселелері бойынша да қабылдады. Ақпарат көзі : https://www.gov.kz/memleket/entities/karaganda/press/news/details/873735

Қарағандыда 1 қараша "Наурыз" және "Отау" жаңа ипотекалық бағдарламалары бойынша тұрғын үй сертификаттарын алуға өтініш қабылдау басталады. Бұл туралы қалалық жұмыспен қамту және әлеуметтік бағдарламалар бөлімі хабарлады.Әлеуметтік көмекті келесі санаттағы кезекте тұрғандар пайдалана алады:Ұлы Отан соғысының ардагерлері және жеңілдіктері бойынша оларға теңестірілген ардагерлер, сондай-ақ басқа мемлекеттер аумағында соғыс әрекеттерінің ардагерлері;бірінші және екінші топтағы мүгедектігі бар адамдар;мүгедек балалары бар немесе сондай бала тәрбиелеп отырған отбасылар;тізімді денсаулық сақтау саласындағы уәкілетті орган бекіткен созылмалы аурулардың ауыр түрлерімен ауыратын адамдар;жасы бойынша зейнеткерлер;жетім балалар мен ата-анасының қамқорлығынсыз қалған балалар;қандастар;экологиялық зілзалалардың, табиғи және техногендік сипаттағы төтенше жағдайлардың салдарынан тұрғын үйінен айырылған адамдар;"Алтын алқа", "Күміс алқа" алқаларымен наградталған немесе бұрын "Батыр ана" атағын алған, сондай-ақ I және II дәрежелі "Ана даңқы" ордендерімен марапатталған көп балалы аналар, көп балалы отбасылар;мемлекеттік немесе қоғамдық міндеттерді атқару, әскери қызмет, адам өмірін құтқару, құқықтық тәртіпті қорғау кезінде қаза тапқандардың (қайтыс болғандардың) отбасылары;толық емес отбасылар.Мемлекеттік қызметке өтініш "Электрондық үкімет" веб-порталы арқылы беріледі (еgov.kz).Қажетті құжаттар:1. Электрондық цифрлық қолтаңбамен куәландырылған электрондық өтініш.2. Халықтың әлеуметтік осал топтарын қоспағанда, жұмыс орнынан анықтаманың электрондық көшірмесі (мүгедек балалар, жетім балалар, ата-анасының қамқорлығынсыз қалған балалар). Соңғы 6 айдағы кірістер туралы анықтама.3. Ипотекалық тұрғын үй қарызы бойынша бастапқы жарнаның сомасы, мөлшері және ай сайынғы төлем сомасы туралы мәліметтерді қамтитын өтініш берушіге тұрғын үй сатып алуға ипотекалық тұрғын үй қарызын беруді мақұлдау туралы екінші деңгейдегі банк хатының электрондық көшірмесі.Толығырақ ақпарат алу үшін және сұрақтармен мына мекен-жайға хабарласуға болады: Қарағанды, Чкалов көшесі, 7, каб. 301. Телефон: (8-7212) 95-56-01.Жұмыс уақыты: дүйсенбі-жұма, 09:00-ден 18:30-ға дейін, түскі ас 13:00-ден 14:30-ға дейін.Ақпарат көзі : https://www.gov.kz/memleket/entities/karaganda/press/news/details/873962

Қарағандылықтарды 2 қараша күні кезекті ауыл шаруашылығы жәрмеңкесіне шақырады.Онда облыс аудандарының өндірушілері өнімдерін ұсынады. Саудаға 500 тоннадан астам ет, балық, сүт өнімдері мен көкөністер дайындалды. Сондай-ақ, жұмыртқа, бал, шұжықтар, қолөнер бұйымдарын және т. б. сатып алуға болады.Басталуы 09:00.Жәрмеңке Global city СОО аумағында 134-ші есептік тоқсан, 921-ғимарат мекенжайы бойынша өтеді.Жәрмеңкеге келесі автобустармен жетуге болады: 5, 19, 31, 40, 56, 63, 70, 146, 02, 29.Ақпарат көзі : https://www.gov.kz/memleket/entities/karaganda/press/news/details/873969

Балқашта жедел медициналық жәрдем қосалқы станциясы 30 жыл ішінде алғаш рет өз ғимаратына ие болды. Оны қайта құру кезінде инженерлік жүйелер жаңартылып, төбесі ауыстырылды. Сондай-ақ, өртке қарсы қауіпсіздік және бейнебақылау жүйелері орнатылған.– Бұрын Балқаштың жедел медициналық жәрдем бригадалары стационар жанындағы жеке бөлінген үй-жайларға орналастырылған болатын. Кейінде жедел жәрдем бригадаларының еңбек жағдайларын жақсарту қажеттілігі ерекше байқалды. Осыған байланысты ескі ғимаратты қайта құру туралы шешім қабылданды. Қосалқы станцияда алты жедел жәрдем бригадасы бар, олар бір жыл аралығында 30 мыңға дейін шақыруға шығып, медициналық қызмет көрсетеді. Тәулік бойы жұмыс істейтін екі диспетчерлік бекет бар. Демалыс бөлмелері, көліктерге арналған жуу, тұрақ және жөндеу секілді үш бокс қарастырылған, – деді облыстық жедел медициналық жәрдем станциясы директорының м. а. Ақылбек Сарбаев.Балқашқа жұмыс сапары барысында Қарағанды облысының әкімі Ермағанбет Бөлекпаев бұл шешімдер Балқаш өңірінің 80 мың тұрғынына медициналық көмек көрсету сапасын жақсартатынын атап өтті.Сондай-ақ, балқаштықтар облыс орталығына бармай-ақ уақтылы медициналық көмек алуы үшін ауданаралық ауруханаға 25 жас маман тартылды: анестезиолог-реаниматолог, травматологтар, невропатологтар, акушер-гинекологтар, неонатологтар, педиатрлар, жалпы тәжірибе дәрігерлері және т. б. Тағы 12 дәрігер резидентурада оқиды және келесі жылы Балқашқа жұмысқа келеді.Мамандар жұмыспен қамтамасыз етіліп, тұрғын үй мәселесі шешілді. Қалалық аурухана аумағында 30 пәтерлі үш қабатты ғимарат жөнделді. Олардың барлығы жиһаз және тұрмыстық техникамен жабдықталған.– Мен Приозерск қаласының тумасымын. Алматыда оқып, Балқашқа жұмысқа келдім. Маған екі бөлмелі пәтер берді. Толық жабдықталған, барлық жағдайлар бар. Барлығы ұнайды, – деп бөлісті жалпы тәжірибе дәрігері Жадыра Сетенова.30 жас маман жаңа қоныстанушы атанды.Облыс бойынша биыл барлығы 130 пәтер берілді.Ал қалалар мен аудандарға дәрігерлерді тарту үшін көтерме сомасы 1,5 млн теңгеден 8 млн теңгеге дейін ұлғайтылды.Өзгерістер Балқаш көпсалалы ауруханасы емханасының базасында да орын алып, алғашқы үздік тәжірибелер орталығы ашылды. Медициналық мекеме заманауи диагностикалық жабдықтармен жабдықталған.Орталықта кешенді медициналық, әлеуметтік және психологиялық көмек алуға болады. Сондай-ақ, "Халық кеңесі" қоғамдық қабылдау бөлмесі жұмыс істейді, онда тұрғындар өз өтініштерін қалдыра алады. Салауатты өмір салты кабинеті және барлық тілек білдірушілер үшін денсаулық мектебі ашылды.– Мұнда медициналық, әлеуметтік және психологиялық қызметтердің симбиозы – отбасылық медицина принципі қарастырылған. Отбасылық дәрігер, қамқоршы медбике, акушер, психолог және әлеуметтік қызметкерден тұратын көпсалалы топ белгілі бір отбасымен айналысады, ауруларға әкелетін себептерді анықтайды. Орталық "науқастың 5 минутта байқағаны" қағидаты бойынша жұмыс істейтін болады. Тіркеуден бастап-ақ пациент 5 минут ішінде өзіне қажетті ақпаратты алуы керек. Кіре берісте екі инфотабло бар, сұрақтарға жауап беретін жүйелік әкімші бар. Биыл біздің мемлекетіміз Қазақстанның түрлі жоғары оқу орындарының бес отбасылық дәрігерлерімен толықты, – дейді Балқаш көпсалалы ауруханасының директоры Серікбол Түсіпбеков.– Сіздер Мемлекет басшысының медицинаны қолдау, осы бағытты жаңғырту және халыққа сапалы медициналық қызмет көрсету жөніндегі бастамасы туралы білесіздер. Біз осы тапсырма аясында медициналық нысандарды ашып, инновациялар енгізіп жатырмыз – мұның бәрі халыққа сапалы қызмет көрсету үшін. Біз өз тарапымыздан осындай бастамаларды қаржылай қолдаймыз. Біз үшін бірінші кезектегі міндет – осындай нысандарды мүмкіндігінше ашу. Ол үшін біз тұрғын үй саламыз, мамандарға осы медициналық мекемелерде жұмыс істеу үшін көтерме жәрдемақы береміз, – деп атап өтті Ермағанбет Бөлекпаев.Бұл Қарағанды облысындағы үздік тәжірибелердің бесінші орталығы. Оның басты мақсаты – медициналық көмектің қолжетімділігін арттыру, шағымдардың санын азайту және халықтың медициналық сауаттылығын жақсарту.Ақпарат көзі : https://www.gov.kz/memleket/entities/karaganda/press/news/details/873980

Қарағандылық спортшылар самбодан шеберлер арасындағы әлем чемпионатында алтын және екі қола медаль жеңіп алды. Болат Манабаев, Зейнолла Махметов және Дәурен Есімханов ерекше көзге түсті.Жарыс Душанбеде (Тәжікстан) өтті. Медальдар үшін 13 елден 400-ге жуық спортшы күресті. 35 жастан асқан самбошылар жеті жас санатында өнер көрсетті.Қарағандылықтардың қоржынында үш медаль бар. Болат Манабаев М6 (60-64 жас) жас санатында үздік атанды. Зейнолла Махметов (М5 – 55–59 жас) және Дәурен Есімханов (М2 – 40–44 жас) қола жүлдеге ие болды.– Менің салмағымда 11 қатысушы болды. Мен бірінші жекпе-жекте өзбек спортшысынан басым түсіп, екіншісінде ресейлік спортшыны жеңдім. Жартылай финалда моңғол самбошыларынан жеңіліп қалдым. Үшінші орын үшін күресте ол ресейлікті жеңдім. Енді келесі жолы бірінші орын алу үшін қателіктермен жұмыс істейтін боламын, – дейді Қарағанды облысының олимпиадалық емес спорт түрлері бойынша жоғары спорт шеберлігі мектебінің басшысы Дәурен Есімханов.Қазақстан жалпы командалық есепте екінші орын алды: 11 алтын, 14 күміс, 19 қола.Ақпарат көзі : https://www.gov.kz/memleket/entities/karaganda/press/news/details/874016

Балқашта магистральдық жылу желілерін қалыпқа келтіру бойынша ауқымды жұмыстар жалғасуда. Сондай-ақ, магистраль ішіндегі және орамішілік жылу желілерін жаңарту бойынша жұмыстар жүргізілуде. Биыл 25 км жөнделді. Осылайша, қаладағы желілердің тозуы 75-тен 65%-ға дейін төмендеді.Жаңарту жұмыстары жылумен жабдықтау сапасын жақсартуға және жүйеде қысымды арттыруға мүмкіндік береді. Бұл әсіресе қаланың шалғай аудандары үшін өте маңызды. Бұл бағытта не істелгені туралы Қарағанды облысының әкімі Ермағанбет Бөлекпаевқа Балқашқа жұмыс сапары барысында баяндалды. Қала әкімі Сапар Сатаев су құбыры және кәріз желілерін жөндеу туралы да айтып берді. Мысалы, қаланың 90-шы орамында 320 м су құбыры ауыстырылды. Ұзындығы 850 м болатын 8 Наурыз көшесіндегі құбырларды ауыстыру үшін дайындық жұмыстары жүргізілуде, сондай-ақ Токрау – Саяқ су құбыры бағытындағы жұмыстар жалғасуда: бүгінде 160 км апатты учаскелердің 72 шақырымы ауыстырылды. Келесі жылы осы су ағардың шамамен 20 км жаңарту жоспарлануда, бұл келесі жылы сумен жабдықтауда туындайтын проблемаларды шешуге мүмкіндік береді.Ермағанбет Бөлекпаев қала жағалауына келіп, абаттандыру жұмыстарының қалай жүріп жатқанын көрді. Жоба екі кезекке бөлінген: біріншісі 80%-ға аяқталды және жаяу жүргіншілер субұрқағын салуды, аумақты абаттандыруды және жарықтандыру орнатуды қамтиды.Екінші кезек тренажерлар және скейтпаркі бар спорт аймақтарын, балалар алаңдары мен демалыс аймақтарын жайластыруды көздейді. Жағалауда желкенді қайық тәрізді жеті субұрқақтан тұратын ерекше кешен болады.Сондай-ақ, жоба бойынша аумақты көгалдандыру, шағын сәулет нысандарын орнату және велосипед инфрақұрылымын құру қажет.Облыс басшысы мердігерлердің есептерін тыңдап, жобаға сәйкес барлық жұмыстарды орындауды және жоспарланған мерзімдерден қалыс қалмауды тапсырды.Ақпарат көзі : https://www.gov.kz/memleket/entities/karaganda/press/news/details/874092

Аймақ басшысы Серік Шәпкенов Махамбет ауданына жұмыс сапары аясында салынып жатқан нысандармен танысты,-деп хабарлайды облыс әкімінің баспасөз қызметі.Алдымен Талдыкөл ауылының кіре беріс жолымен танысты. Жолдың жалпы ұзындығы - 6,2 шақырым. Былтыр тамызда кірме жолды қайта жаңғырту жұмыстары басталғанмен, негізгі бөлігінің тығыздығы нормаға сай келмейді. Жобаға түзету жұмыстары жүріп жатыр.Бұдан кейін осы ауылдағы Жайық өзенінің жағасын бекіту жұмыстарын қарады. Талдыкөл ауылының судан қорғану бөгеті 3 км құрайды. Келер жылы тасқынның алдын алу үшін 2,1 км жерін қайта жөндеуді және 500 метр жерге уақытша қапшық салуды қажет етеді. Аталған жұмысқа жобалық сметалық құжаттама жасақталды. Серік Шәпкенов жауапты мамандарға Жайық суы деңгейінен көтерілмей тұрып жұмыстарды жеделдетуді міндеттеді.Сонымен қатар Махамбет ауылдық округінде салынып жатқан 60 пәтерлік үйдің құрылысымен танысты. Қазір жұмыстар аяқталып келеді, инженерлік инфрақұрылым жүргізіліп, аулалар абаттандырылуда. Аймақ басшысы жауапты басшыларға жыл соңына дейін барлық жұмысты аяқтауды жүктеді.Кейін Ж.Қартқожақов көшесінде орналасқан полиция ғимаратына барды. Өткен ғасырда салынған екі қабатты ғимарат 20 жыл бұрын күрделі жөндеуден өткен. Жаңа ғимарат салуды қажет етеді.Биыл мамырда Жалғансай ауылындағы су тазарту қондырғысын қайта жаңғырту жұмыстары басталды. Қазір ғимарат толық жөнделді. Тазалау жабдықтары мен сорғыларды бөлшектеу жұмыстары жүргізіліп, 1-көтергіш сорғы орнатылды. Сондай-ақ, 200 текше метрлік 3 су резервуары тазаланып, толықтай гидрооқшаулағыш жасалынды. 2-көтергіш сорғы ғимаратының іші жөнделіп, су сору станциялары қойылды. Жоспар бойынша қарашада пайдалануға беріледі. Нысанды аралаған Серік Шәпкенов аудан халқына берілетін таза ауыз суды үздіксіз жіберіп, ғимаратты күтіп-ұстау қажеттігін айтты.Ақпарат көзі : https://www.gov.kz/memleket/entities/atyrau/press/news/details/874577

NU ЖАСАНДЫ ИНТЕЛЛЕКТТІҢ ЖОҒАРЫ БІЛІМГЕ ЫҚПАЛЫН ЗЕРТТЕЙТІН ХАЛЫҚАРАЛЫҚ ЖОБАҒА ҚОСЫЛДЫ NU жасанды интеллекттің жоғары білім беру саласындағы рөлін зерттеуге арналған жаһандық консорциумның құрамына енді. Зерттеу Африка, Азия, Солтүстік және Оңтүстік Америкада жүргізіледі. WISE (Білім берудегі инновациялар жөніндегі дүниежүзілік саммит) және IIE (Халықаралық білім беру институты) басқаратын бұл консорциумға әлемнің жеті университеті қатысуда. Алдағы 12 айда олар жасанды интеллекті білім беру жүйелеріне біріктіру жолдарын зерттемек. Мақсаты – студенттерге жасанды интеллект рөлі айқын болатын әлемдік экономиканың талаптарына дайындалуға көмектесу. NU Кәсіби оқыту және дамыту жөніндегі сарапшысы Аида Нұранова: «NU осы бастама аясында foundation, бакалавриат пен магистратура әртүрлі деңгейлеріндегі оқыту әдістеріне бағытталған көпсалалы зерттеулер жүргізеді. Бұл маңызды зерттеу жоғары оқу орындарында білім беру үдерісінде жасанды интеллекті қолданудың үздік тәжірибелерін айқындайды. Жобаға шақырту NU аймақтағы беделін және білім беру саласындағы инновацияға деген ұмтылысын растайды», - деп атап өтті. Консорциум құрамына NU бөлек, University of Pennsylvania (АҚШ), Universidad Camilo José Cela (Испания), Ashesi University (Гана), Birla Institute of Technology & Science (Үндістан), Universidad de los Andes (Колумбия), Hamad Bin Khalifa University (Катар) кіреді. Олар білім мен тәжірибе алмасуға арналған бірлескен семинарларға қатысады. WISE консорциумы ресми түрде Нью-Йоркте, БҰҰ Бас Ассамблеясы отырысымен қатар бастау алды. WISE бас директоры Ставрос Яннука: «Бұл консорциум әртүрлі өңірлер мен көзқарастарды ескеріп, аймақтық ерекшеліктерді зерттеуге мүмкіндік береді. Біздің мақсатымыз – саясатты қалыптастырып, қуатты технологиялардың барлығына қолжетімді білім беруге қызмет етуін қамтамасыз ету», - деді. Консорциум мүшелері кездесу барысында семинарлар мен панельдік талқылауларға қатысып, жоғары білім беру саласында жасанды интеллекті тиімді пайдаланудың жолдарын талқылады. NU атынан Аида Нұранова университеттің зерттеулері мен жасанды интеллект дамуының білім беру болашағына әсерін түсіндірді. Зерттеу нәтижелері келесі қарашада Катарда өтетін WISE саммитінде ұсынылады. NU бұл жобаға қатысу арқылы білім беру саласындағы инновациялар мен жасанды интеллект болашағын қалыптастыруға үлес қосып, өзінің жаһандық байланыстарын нығайта түседі.Ақпарат көзі : https://www.gov.kz/memleket/entities/sci/press/news/details/874622

Министр Ержан Саденов бастаған Қазақстан Республикасы Ішкі істер министрлігінің делегациясы Доха қаласына (Катар) іссапармен барды.Сапар аясында Катардың Ішкі істер министрі шейх Халиф бен Хамад Әл Танимен кездесу өтті.Кездесуде тараптар қылмысқа қарсы күрестегі өзара іс-қимыл перспективаларын, соның ішінде қылмыстың ұйымдасқан түрлеріне, есірткінің заңсыз айналымына, экстремизмге, киберқылмысқа қарсы күрес мәселелерін, сондай-ақ адамдарды іздестіру және тәжірибе алмасу саласындағы ынтымақтастықты талқылады.“MILIPOL QATAR-2024” 15-ші халықаралық қауіпсіздік көрмесінің аясында өткен Қылмысқа қарсы күрестегі ынтымақтастық туралы үкіметаралық келісімге қол қою сапардың басты нәтижесі болды.Бұл келісім құқық қорғау саласындағы Қазақстан-Катар қатынастарының жаңа кезеңін ашып, қауіпсіздік бағытындағы өзара іс-қимыл мен күш-жігерді үйлестірудің құқықтық негізін қалыптастырады.Ақпарат көзі : https://www.gov.kz/memleket/entities/qriim/press/news/details/874578