Астанада Үйлестіру кеңесінің отырысы өтті. Оған ҚР Мәжіліс депутаттары, ҚР Мәдениет және ақпарат вице-министрі Айзада Құрманова, сондай-ақ орталық мемлекеттік және жергілікті атқарушы органдардың басшылары, үкіметтік емес ұйымдардың өкілдері қатысты.Күн тәртібінде Астана және Алматы қалаларында азаматтық бастамаларды қолдау мәселелері қаралды. Үкіметтік емес ұйымдар басшыларының балама баяндамалары алғаш рет тыңдалды. Бұл ашықтық пен өзара іс-қимыл тиімділігін арттырудағы маңызды қадам болды.Астана қаласының әкімдігі Үйлестіру кеңесінің мүшелеріне мемлекеттік әлеуметтік тапсырыс аясында жүзеге асырылған жобалармен танысу мақсатында баспасөз турын ұйымдастыруды ұсынды. Кеңес мүшелері Алматы қаласы әкімдігінің Тұрақты даму мақсаттарын жүзеге асырудағы оң тәжірибесін атап өтіп, осы тәжірибені елдің басқа өңірлерінде енгізуді ұсынды.Үйлестіру кеңесі отырысының қорытындысы бойынша әлеуметтік жобаларды іске асыруды қоғамдық бақылау, сондай-ақ оларды халықтың қажеттіліктеріне бағыттау мәселелері бойынша ұсыныстар әзірленді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/874612

Шығыс Қазақстан облысы «Қосымша ашық деректер жиынтығына қажеттілікті анықтау» тақырыпта интернет-конференция өткізу бастағанын хабарлайды.https://dialog.egov.kz/conference/5036 сілтемесі бойынша аталған интернет-конференция қолжетімді.Осы конференцияға қатысуларыңызды сұраймыз.Сіздердің ұсыныстарыңызды күтеміз.Ақпарат көзі : https://www.gov.kz/memleket/entities/akimvko/press/news/details/1025388?lang=kk

Қонаев қаласында Қазақстан халқы Ассамблеясы Журналистер клубының көшпелі отырысы өтті. Жиында этносаралық қатынастардың негізгі мәселелері және олардың дамуындағы бұқаралық ақпарат құралдарының рөлі талқыланды.Іс-шараға Ұлытау, Жетісу, Түркістан және Жамбыл облыстарының, сондай-ақ Алматы және Шымкент қалаларының мемлекеттік органдар өкілдері, сарапшылар мен Журналистер клубының мүшелері қатысты.Спикерлер елдегі этносаралық қатынастарды үйлесімді дамыту мен ел бірлігін нығайтуда, мемлекеттік тілді этносаралық қарым-қатынас тілі ретінде насихаттауда, азаматтардың арандатушылық пен деструктивті ақпаратқа иммунитет қалыптастыруда, әлеуметтік желілердегі этносаралық тақырыпта, әсіресе «араздық тілінің» алдын алу үшін БАҚ-тың рөлі маңызды екенін атап өтті.ҚР Мәдениет және ақпарат министрлігі ҚХА хатшылығымен және жергілікті атқарушы органдармен бірлесіп, этносаралық келісім мен жалпыұлттық бірлік бағытындағы жұмысқа ҮЕҰ мен БАҚ-ты тарта отырып, танымдық, мәдени және өзге де шаралар кешенін іске асырып келеді.Бұл тұрғыда ҚХА мен этномәдени бірлестіктердің мүшелерін, ҮЕҰ мен БАҚ-ты да әдістемелік қолдау маңызды.Отырыс соңында қатысушылар пікір алмасып, өзекті мәселелерді ортаға салды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/872456

Астанада Мәдениет және ақпарат министрлігінің қолдауымен «Салтанат» мемлекеттік би ансамблінің «Күн дидарлы — Қазақстан» атты концерті өтті. Концерттік бағдарламада репертуарға жаңадан енген қазақтың ұлттық және әлем халықтарының билері сахналанды.Ансамбль көрермен назарына «Моңғол биі», орыс биі «Вензеля», өзбек биі «Хорезм термәләрі», «Көңілді серуен», «Жастық жалын», тәжік биі «Идона», ұйғыр биі «Долан», корей биі «Кальчум», татар биі «Женихи», қытай биі «Liming», сондай-ақ «Жарық», «Ел салтанаты», «Қыз қуу» сияқты ерекше би қойылымдарын ұсынды.Сонымен қатар, концертте халықаралық және республикалық байқаулардың лауреаттары Біржан Айтахмет, Асылхан Шалқаров, Айгерім Елемесова және Мәдениет саласының үздігі Рахат Сәрсенов өнер көрсетті.Бүгінгі таңда «Салтанат» мемлекеттік би ансамблі – ұлттық хореография мәдениетінің бай мұрасын және әлемдік хореографияның алуан түрлілігін толық насихаттай алатын жалғыз кәсіби би ұжымы.Айта кетейік, келер жылы «Салтанат» мемлекеттік би ансамблінің құрылғанына 70 жыл толады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/872568

Астанада Жастар ресурстық орталықтарын дамыту жөніндегі үйлестіру кеңесінің кезекті отырысы өтті. ҚР Мәдениет және ақпарат министрлігінің Жастар және отбасы істері комитетінің өкілдері, сарапшылар және ЖРО басшылары жастарды қолдауға бағытталған өзекті мәселелер мен бастамаларды талқылады. Атап айтқанда, жастардың даму индексі, NEET санатындағы жастармен жұмыс және тағы басқа мәселелер қарастырылды.Кездесу барысында ЖРО-ның тиімділігі туралы да сөз етілді. Жастар ресурстық орталықтары қызметкерлерінің кәсіби дағдыларын дамытуға бағытталған іс-шаралар мен оқыту курстары тұрақты түрде өткізіліп тұрады. Сондай-ақ, «Жастар» ғылыми-зерттеу орталығы жастар саясатының өзекті мәселелері бойынша әдістемелік ұсынымдар әзірлеуде. Биыл буллингтің алдын алу және тұрмыстық зорлық-зомбылыққа қатысты материалдар жариялау жоспарланған.Еске сала кетейік, Жастар ресурстық орталықтарын дамыту жөніндегі үйлестіру кеңесі мемлекеттік жастар саясаты жүйесіндегі жұмыс сапасын және тиімділігін арттыру мақсатында «Жастар» ғылыми-зерттеу орталығының жанынан құрылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/872574

Алматыда ҚР МАМ қолдауымен «Жастар Орталық Азияның тұрақты дамуы үшін» халықаралық форумы өтуде. Іс-шара БҰҰДБ-ның «Орталық Азиядағы зорлықшыл экстремизмінің алдын алу мақсатында жергілікті қоғамдастықтардың тұрақтылығын нығайту» өңірлік жобасы шеңберінде ұйымдастырылды. Оған Қазақстан, Қырғызстан, Өзбекстан, Тәжікстан, Түрікменстан өкілдері, сондай-ақ Жапония мен Швейцариядан келген БҰҰ сарапшылары қатысады.Форум тәжірибе алмасуға, жастар саясатының өзекті мәселелерін талқылауға, сонымен қатар қазіргі жастардың құқықтары мен қажеттіліктерінің жағдайы туралы ақпарат беруге бағытталған. Жұмыс барысында өңірлік ынтымақтастық үшін негізгі басымдықтар айқындалатын болады.Форум аясында Орталық Азия елдерінде жастарды дамыту және оларды жұмыспен қамту мәселелерімен айналысатын мемлекеттік органдар, ведомстволық бағынысты ұйымдар, үкіметтік емес ұйымдар, діни қызметкерлер мен құрылымдар өкілдері өз ойын ортаға салады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/872635

2024 жылғы 6 қарашада Қазақстан мен Франция Мемлекет басшыларының қолдауымен Гиме – Азия өнерінің ұлттық музейінде (Париж) Қазақстан Республикасының Ұлттық музейі мен «Әзірет Сұлтан» мемлекеттік тарихи-мәдени қорық-музейінің коллекциясынан «Қазақстан: Ұлы Дала жауһарлары» көрмесі ашылады.Көрме 2025 жылдың 24 наурызына дейін жалғасады.Қазақстан Еуропа елдерімен мәдени-гуманитарлық ынтымақтастықты нығайтуға көп көңіл бөледі.Бұл саладағы өзара іс-қимылдың маңызды бағыттарының бірі – тарихи-мәдени мұраны дәріптеу.Қорында Қазақстанның бірнеше мәдени жәдігері бар, Азия өнерінің әлемдегі ең толық және Еуропа аймағындағы ең ірі коллекциялары сақталған Гиме – Азия өнерінің ұлттық музейінде Қазақстанның тарихи мұрасынан көрме өткізу өнер әлеміндегі елеулі оқиға болатыны анық.Көрме мақсаты: музей жәдігерлерін иммерсивті технологиялардың сүйемелдеуімен қазақ мемлекеттілігінің ғасырлар бойы дамуының тарихи-өркениетті бастауларына, қазақ халқының мәдени кодының сабақтастығы мен бірегейлігіне ерекше назар аудара отырып, Еуропа және француз жұртшылығына Қазақстан мәдениетінің көпғасырлық тарихы мен бай қазынасын көрсету.Экспозицияда Қазақстан тарихының негізгі кезеңдерін (б.з.д. ІІІ мыңжылдықтан XVIII ғасырға дейін) сипаттайтын 35 сирек артефакт ұсынылған.Экспозиция 5 бөлімнен тұрады:– Тобыл ойшылы, Ботай мәдениеті және жылқыны қолға үйрету;– Алтын Адам. Алғашқы сақ мемлекеттерінің пайда болуы;– Тас мүсін (Балбал). Түркі билігі кезеңіндегі ортағасырлық Қазақстан;– Қожа Ахмет Ясауи кесенесінің шырағдандары. Исламның дамуы;– Қазыбек бидің шапаны. Қазақ хандығы және бүгінгі Қазақстанның пайда болуы.Ашылу салтанатына Қазақстан мен Францияның көрнекті мемлекеттік саяси қайраткерлері, дипломатиялық корпус, мәдениет және өнер өкілдері, ғылыми және студенттік қоғамдастық, Еуропадағы қазақ диаспорасы қатысады.Көрме 2025 жылдың 24 наурызына дейін жалғасады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/872771

Роза Бағланова атындағы «Қазақконцерт» мемлекеттік академиялық концерттік ұйымының «Астана сазы» қазақ мемлекеттік фольклорлық ансамблі Қазақстан мен Испания арасындағы стратегиялық әріптестіктің 15 жылдығы және еліміздің Республика күнін мерекелеу аясында Мадрид қаласының ең танымал концерттік залдарының бірінде өнер көрсетті.«Астана сазы» қазақ мемлекеттік фольклорлық ансамблі – еліміздің жетекші шығармашылық ұжымдарының бірі. Ансамбль музыканттары тыңдаушыларды домбыра, қобыз, шертер, шаңқобыз, саз сырнай, сыбызғы, асатаяқ, дауылпаз, тұяқтас, қоңырау және басқа да халық музыкалық аспаптарының үнімен таныстырып келеді. Ансамбльдің көркемдік жетекшісі - Нұркен Яқияев.Мадридте өткен концертте ансамбль жиналған қауым назарына ұлттық өнеріміздің жауһарлары мен өз репертуарындағы танымал шығармаларын ұсынды. Рухани кеш қаладағы ерекше мәдени оқиға ғана емес, сонымен қатар Қазақстан мен Испания арасындағы байланыстарды нығайтуға бағытталған маңызды қадам болды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/873223

Қазақстан Республикасы Мәдениет және ақпарат министрлігі Архив, құжаттама және кітап ісі комитеті Орталық мемлекеттік кино-фотоқұжаттар мен дыбыс жазбаларының архивінде сақталған кино, фото және аудиоқұжаттар негізінде жасалған бейнематериалдар әзірледі.Тарихи көрсетілім еліміздегі Астана, Алматы, Шымкент қалалары мен облыс орталықтарындағы – жалпы 24 кинотеатрда, әр аптаның жұма, сенбі және жексенбі күндері кешкі уақытта көрсетілуде.Көрсетілетін бейнероликтер «Қазақстан тарихындағы ең алғашқы фотосурет», «Қазақстан тарихындағы ең алғашқы аудиожазба», «Түрксіб – Шығыс пен Батысты жалғаған жол», «Алматы архитектурасының эволюциясы», «Нейрожелінің көмегімен өмірге келген этнографиялық фотосуреттер» сынды түрлі тақырыптарды қамтиды.Жоба ҚР Мәдениет және ақпарат министрлігі Архив, құжаттама және кітап ісі комитеті мен «Cinema Invest Group» ЖШС Кинопаркі арасында аудиовизуалды құжаттарды насихаттау жөніндегі ынтымақтастық пен өзара іс-қимыл туралы меморандум аясында жүзеге асырылды.Бұл бастама көрерменнің назарын тарихи материалдарға аудара отырып отандық тарих пен мәдениетке деген қызығушылықты арттыруды көздейді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/873611

Шығыс Қазақстан облысында «Атадан қалған асыл тін» атты Маңғыстау облысының қолөнер және қылқалам шеберлері мен зергерлерінің көрме-жәрмеңкесі басталды. Іс-шараның мақсаты – батыс өңірінің өнерімен таныстыру және креативті индустрия өкілдерін қолдау.Өскеменге суреттер, қолөнер және зергерлік бұйымдар, этностильдегі ересектер мен балалар киімдерінің коллекциялары әкелінді. Өз жұмыстарын танымал брендтер де, жаңадан бастаған креаторлар да ұсынды.Сондай-ақ, маңғыстаулық әртістер шығыс қазақстандықтарды өз шығармашылығымен тәнті етті.Көрме-жәрмеңке екі күнге созылады. Батыс өңірінің шеберлері енді Павлодар қаласына барады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/873893

ҚР Мәдениет және ақпарат министрлігінің қолдауымен белгілі жазушы, драматург, Қазақстанның еңбек сіңірген қайраткері, Қазақстан Республикасының Абай атындағы мемлекеттік сыйлығының лауреаты, Франц Кафка медалінің иегері, профессор Роза Мұқанованың 60 жас мерейтойына арналған «Роза Мұқанова шығармашылығы: әдебиет, театр, кино» халықаралық ғылыми-практикалық конференциясы өтті. Іс-шарада ҚР МАМ Архив, құжаттама және кітап ісі комитетінің төрағасы Рустам Әли министр Аида Балаеваның құттықтау хатын табыс етті. «Роза Қажығалымқызы – қазақ прозасы мен драматургиясына өзіндік қолтаңбасын қалдырып, оқырманның жүрегіне жол тапқан қаламгер. Бүгінгі іс-шара – Роза Қажығалымқызының әдебиет, театр, кино және педагогикадағы жарқын жолын тереңінен тануға мүмкіндік береді деп сенемін»,– делінген министрдің құттықтау хатында. Конференцияға Қазақстан Республикасының мемлекет және қоғам қайраткерлері, белгілі әдебиеттанушылар, кинотеледраматургтер, кинотанушылар мен театртанушылар, өнертанушылар және шетелдік ғалымдар, әдебиет және өнер қайраткерлері қатысты. Конференция аясында Роза Мұқанованың шығармашылығы негізінде түрік тілінде жазылған Сабина Саидтың кітабы мен ұжымдық монография және фотокөрменің тұсаукесері өтті. Сонымен қатар Сатыбалды Нарымбетовтің Роза Мұқанованың әңгімесі негізінде түсірілген «Қызжылаған» фильмі көрсетілді. Іс-шара барысында конференция қатысушыларына ҚР Ұлттық архивінің ұйымдастыруымен «Розаның әдебиет әлемі» атты жеке қорынан құжаттар көрмесі ұсынылды. Көрмеде жазушының журналистика мамандығы бойынша дипломдары, куәлігі мен марапат құжаттары және «Қызжылаған», «Мәңгілік бала бейне», «Муза» сынды тағы да басқа драмаларының қолжазбалары, театрлық афишалар, әкесі Қажығалым Мұқановтың қолжазбалары, отбасылық фотосуреттері таныстырылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/874354

Бүгін «Астана Балет» театрында ҚР Мәдениет және ақпарат министрі Аида Балаева мәдениет саласындағы беделді халықаралық жастар байқауларының жеңімпаздарын құттықтады.Министр жеңімпаздарды құттықтай отырып, олардың жетістікке жетуіне ата-аналары мен ұстаздарының үлесі зор екенін айрықша атап өтті.«Сіздермен жүздескеніме өте қуаныштымын. Бұл кездесу Республика күні қарсаңында өтуі тиіс еді. Бірақ мерекеге арналған ауқымды іс-шараларға байланысты бүгін ғана жолығып отырмыз. Ұлттық мерекемізге орай, Мемлекет басшысы және оның атынан біз түрлі салада еңбек сіңірген қызметкерлерді, түрлі мамандық иелерін құттықтадық. Олардың қатарында ұстаздар, дәрігерлер, құтқарушылар, мәдениет қызметкерлері бар», – деді А. Балаева.Министр жас дарындардың жетістіктері олардың ұстаздарының ұзақ жылғы табанды еңбегінің нәтижесі екенін айтты.«Сіздердің жетістіктеріңіз – өздеріңіздің ғана емес, сондай-ақ ұстаздарыңыз бен ата-аналарыңыздың да қажырлы еңбегінің нәтижесі. Еңбек адамдары – мемлекеттің ең басты құндылығы. Сондықтан бүгінде олардың еңбегі жоғары деңгейде мойындалып, құрметтеліп отыр. Сіздерге балаларыңызды тәрбиелеуге жұмсаған күш-жігерлеріңіз үшін алғыс айтамын. Бүгінде Қазақстанда түрлі салада, оның ішінде мәдениет пен өнер саласында жастарды қолдауға және талантын ашуға бағытталған көптеген бастамалар мен жобалар іске асуда. Мемлекет басшысы ел болашағы жастардың қолында екенін үнемі айтып келеді. Сіздер өз қатарластарыңыз бен кейінгі ұрпаққа үлгі боласыздар. Сіздерді алда үлкен жеңістер күтіп тұрғанына сенімдімін», - деді министр.Кездесу барысында қатысушылар жас дарындарды қолдауға және олардың шығармашылық әлеуетін дамытуға бағытталған мемлекеттік жобаларды талқылады.Кездесу соңында А. Балаева байқау жеңімпаздары мен олардың ата-аналарына және ұстаздарына халықаралық аренадағы жетістіктері үшін алғыс хаттар мен естелік сыйлықтар табыстады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/874480

«Еңбек ресурстарын дамыту орталығы» АҚ жұмыспен қамтудың цифрлық экожүйесін дамыту бойынша жұмысты жалғастыруда. Осылайша, Skills Enbek платформасында «Әлеуметтік» қосымшасы құрылды, онда халықтың әлеуметтік осал топтарына жататын қазақстандықтарға кейбір ақылы курстар бойынша тегін негізде оқуға мүмкіндік беріледі.Оқытуды бастау үшін азаматтарға «Әлеуметтік» қосымшасындағы курсты таңдау кезінде ЭЦҚ арқылы олардың мәртебесінің сәйкестігін растау қажет. Тексеруден сәтті өткеннен кейін курс пайдаланушының жеке кабинетінде қолжетімді болады.Қазіргі уақытта жаңа бөлімде киіз басу және тігу сияқты қолданбалы мамандықтар, сондай-ақ экологиялық және әлеуметтік білім беру дағдылары бойынша сурдо аудармасы бар бірнеше курстар бар. Бұл курстарды USAID қолдауымен «Инклюзивті қолөнер» жобасы аясында «Qolqanat Foundation» қоғамдық қоры әзірледі.Естеріңізге сала кетейік, Skills Enbek платформасы маркетплейс қағидаты бойынша курстарға қол жеткізуді қамтамасыз ететін халықаралық оқыту алаңдарының қазақстандық аналогы болып табылады. Іске қосылғаннан бері Skills Enbek-те әртүрлі бағыттар бойынша 600-ден астам курстар орналастырылды, олардың жартысы тегін қол жетімді. Платформа қазірдің өзінде 474 мыңнан астам тіркелген пайдаланушыларды тартты, олардың 390 мыңнан астамы оқуды сәтті аяқтады.Ақпарат көзі : https://www.gov.kz/memleket/entities/enbek/press/news/details/874503

Ризабек Айтмұхан Албания астанасы Тиранада өтіп жатқан күрестен әлем чемпионатында (U23) жеңімпаз атанды.Ұлттық құрама спортшысы 97 кг дейінгі салмақтың финалында ирандық қарсыласы Махди Мұхарамәли Морафаны ұтты.Осылайша, Ризабек 3 түрлі жас санатында әлем чемпионатында алтын алған тұңғыш қазақ палуанына айналды. Еске сала кетейік, Ризабек былтыр Белградта ересектер арасында (92 кг дейінгі салмақ), ал биыл Понтеведра қаласында 20 жасқа дейінгі палуандар арасында әлем чемпионы (97 кг дейінгі салмақ) атанған.22 жастағы Махди - жасөспірімдер арасындағы әлем чемпионатының күміс жүлдегері (2021 жыл).Отандасымыз кеше 3 белдесу өткізіп, алғашқысында Каллум Уильям Нокты (Канада), сосын Владислав Козловты (Бейтарап атлет) таза жыққан. Ал жартылай финалда Шамиль Имам Гаджалиевтен басым түскен.Ақпарат көзі : https://www.gov.kz/memleket/entities/tsm/press/news/details/872043

31 қазан - 6 қараша – Ә.Асқаровты еске түсіруге арналған ересектер арасындағы көкпардан республикалық ашық турнир. Жарысқа еліміздің барлық өңірі мен Астана, Алматы қалаларынан 150 спортшы қатысады.Өтетін орны: Шымкент қаласы. 28-31 қазан – Тиранда (Албания) олимпиадалық емес салмақтарда күрес түрлерінен әлем чемпионаты. Қазақстан құрамасынан қатысатын палуандар:28-31 қазан – Грек-рим күресі:55 кг: Исхар Құрбаев63 кг: Ержет Жарлықасын72 кг: Мейіржан Шермаханбет82 кг: Евгений Поливадов 29 қазан – Әйелдер күресі:55 кг: Зүлфия Яхьярова59 кг: Диана Қаюмова65 кг: Ирина Казюлина72 кг: Жәмила Бақбергенова 30-31 қазан – Еркін күрес:61 кг: Асыл Айтақын70 кг: Нұрғожа Қайпанов79 кг: Дәулет Ергеш92 кг: Нұрдәулет Бекенов 1-3 қараша – Қазақстан спортшылары мәнерлеп сырғанаудан Grand Prix de France 2024 халықаралық турниріне және Гран-при сериясының үшінші кезеңіне қатысады.Өтетін орны: Франция, Анжер қ., AngersIce Parc мұз сарайы. 1-3 қараша – Солт-Лейк-Ситиде (АҚШ) шорт-тректен Әлем кубогінің екінші кезеңі өтеді. Қазақстан құрамасынан 12 спортшы қатысады.Өтетін орны: АҚШ, Солт-Лейк-Сити. 30 қазан - 2 қараша – Киокушинкай-кан каратэден ҚР чемпионаты. 15 өңірден 120-ға жуық спортшы қатысады деп күтілуде.Өтетін орны: Талдықорған қаласы. 31 қазан - 4 қараша – Жасөспірімдер мен ересектер арасындағы комбат дзю-дзюцудан Қазақстан кубогі. Жарысқа 200-ден астам спортшы қатысады.Өтетін орны: Түркістан облысы, Сарыағаш қаласы. 2-3 қараша – AIGA грэпплингтен ҚР чемпионаты.Өтетін орны: Қостанай қаласы.Ақпарат көзі : https://www.gov.kz/memleket/entities/tsm/press/news/details/872218

ҚР Туризм және спорт министрлігі Ойын бизнесін және лотереяны реттеу комитеті лицензиясы жоқ интернет-ресурстар тізімін жаңартты. Тізімге ҚР Заңының 6-бабының 2-тармағында тыйым салынған интернет-казино белгілері бар 1820 бірегей желілік мекенжай енді. Бұл тізім Комитеттің жүйелі ақпарат жинап, интернет-казино мен заңсыз букмекерлік қызметтердің жұмысын анықтағаны нәтижесінде жасалды.Сонымен қатар тізім Telegram және WhatsApp мессенджерлерінен толықтырылып отырады. Заңсыз ойын бизнесінің таралуына бей-жай қарамайтын азаматтар күдікті сайттар мен әлеуметтік желілердегі парақшалардың сілтемелерін жібереді.Тізімге Vavada, Sultan Games, Pin Up, Play Fortuna, Riobet, Casino-X секілді танымал платформалар да енгізілген.Анықталған ақпарат «Кибернадзор» ақпараттық жүйесіне енгізіліп, Қазақстан Республикасының аумағында олардың қызметін шектеу үшін заң тұрғысынан бағалау жүргізіледі.Естеріңізге сала кетейік, мұндай ресурстарды анықтаумен ҚР Үкіметінің қаулысына сәйкес 2024 жылғы 4 қыркүйекте құрылған ҚР Туризм және спорт министрлігі Ойын бизнесін және лотереяны реттеу комитеті айналысады.Ақпарат көзі : https://www.gov.kz/memleket/entities/tsm/press/news/details/872224

Қазақстан Республикасының Туризм және спорт министрі Ербол Мырзабосынов Француз Республикасының Қазақстандағы Төтенше және Өкілетті Елшісі Сильван Гиогемен кездесті. Тараптар келіссөз барысында туризм саласындағы екіжақты әріптестікті одан әрі дамыту әлеуетін талқылады.Министр Қазақстан мен Франция арасындағы қарым-қатынасты нығайтуда өзара іс-қимылдың маңызын атап өтіп, туризм саласындағы ынтымақтастық екі ел үшін жаңа мүмкіндіктер ашатынын жеткізді.«Елдеріміз арасындағы туристік ынтымақтастық халықаралық қатынастарды дамыту, мәдени және экономикалық байланыстарды нығайту жолындағы маңызды қадам деп есептеймін. Қазақстан аталған салада тәжірибе алмасуға және Франциямен бірлескен жобаларды іске асыруға ниетті. Бұл туристік инфрақұрылымды, әсіресе тау және экологиялық туризмді кеңінен насихаттауға зор септігін тигізеді», - деді министр.Кездесу соңында тараптар екіжақты іскерлік қатынастарды нығайтуға негіз болатын бастамаларды іске асырудың негізгі қадамдары туралы уағдаласты.Ақпарат көзі : https://www.gov.kz/memleket/entities/tsm/press/news/details/872954

Қазақстан Республикасының Президенті Қасым-Жомарт Тоқаевтың Моңғолияға мемлекеттік сапары аясында екі ел делегациялары төмендегідей құжаттарға қол қойды:1. Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісім;2. Қазақстан Республикасы мен Моңғолия арасындағы 2025-2027 жылдарға арналған сауда-экономикалық ынтымақтастықты жандандыру жөніндегі жол картасы;3. Қазақстан Республикасының Үкіметі мен Моңғолия Үкіметі арасындағы авиациялық іздестіру және құтқару саласындағы ынтымақтастық туралы келісім;4. Қазақстан Республикасының Көлік министрлігі мен Моңғолияның Жол және көлік саласын дамыту министрлігі арасындағы автомобиль жолдарын дамыту туралы меморандум;5. Қазақстан Республикасының Сыртқы істер министрлігі мен Моңғолияның Сыртқы істер министрлігі арасындағы 2025-2027 жылдарға арналған ынтымақтастық туралы жоспар;6. Қазақстан Республикасының Мәдениет және ақпарат министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы мәдениет саласындағы ынтымақтастық туралы меморандум;7. Қазақстан Республикасының Туризм және спорт министрлігі мен Моңғолияның Мәдениет, спорт, туризм және жастар ісі жөніндегі министрлігі арасындағы туризм саласындағы ынтымақтастық туралы меморандум;8. Қазақстан Республикасының Ауыл шаруашылығы министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы ынтымақтастық туралы меморандум;9. Қазақстан Республикасының Ауыл шаруашылығы министрлігі Ветеринариялық бақылау және қадағалау комитеті мен Моңғолияның Бас ветеринариялық басқармасы арасындағы ветеринария қызметі және карантин саласындағы өзара түсіністік туралы меморандум;10. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Моңғолияның Цифрлық даму, инновациялар және коммуникациялар министрлігі арасындағы ынтымақтастық туралы меморандум;11. Қазақстан Республикасының Энергетика министрлігі мен Моңғолияның Атом энергиясы жөніндегі комиссияның атқарушы кеңсесі арасындағы атом энергетикасы саласындағы ынтымақтастық туралы меморандум.t.me/aqorda_resmiАқпарат көзі : https://www.gov.kz/memleket/entities/tsm/press/news/details/873228

Қазақстан Республикасы Президенті Қасым-Жомарт Тоқаевтың тапсырмасына сәйкес, өңірлік спорт басқармаларының басшыларын тағайындау тәртібі өзгерді. Бұдан былай басқарма басшылығына ұсынылған үміткерлер ҚР Туризм және спорт министрлігінің жанынан құрылған комиссияның келісімін алуы керек. Комиссия жұмысына министр Ербол Мырзабосынов жетекшілік етеді. Президент Қасым-Жомарт Тоқаев ХХХІІІ жазғы Олимпиада жүлдегерлерімен кездесуінде әрбір өңір қандай спорт түрін дамыту керектігіне қатысты шешімді дербес қабылдайтынын сынға алған болатын. Осыған орай, Мемлекет басшысы спорт саласындағы барлық деңгейдегі басқару вертикалін қалпына келтіру жөнінде Үкіметке нақты тапсырма берді. Комиссияның жұмысы барысында өңірлік спорт басқармалары басшылығына ұсынылған кандидаттар нақты талаптар бойынша бағаланады. Үміткерлердің саладағы тәжірибесі мен дамыту жоспары болуы, сондай-ақ спорт ғылымының негізі мен менеджментін меңгергені ескеріледі. Кандидаттарды ұсынуды жергілікті атқарушы органдар және министрлік жүзеге асыра алады. Жергілікті атқарушы орган комиссияның оң қорытындысын алған кандидаттарды ғана тағайындайды.Ақпарат көзі : https://www.gov.kz/memleket/entities/tsm/press/news/details/873672

Астанада қоян-қолтық ұрыстан III республикалық турнир өтті. Бәсеке Сыбайлас жемқорлыққа қарсы іс-қимыл агенттігінің 10 жылдығы аясында ұйымдастырылды. Жарысқа еліміздің құқық қорғау, күштік және арнайы мемлекеттік органдарының қызметкерлері мен әскери қызметшілер қатысты.Туризм және спорт министрі Ербол Мырзабосынов турнирдің финалдық жекпе-жектерін тамашалап, жеңімпаздарды марапаттады.«Мұндай турнирлер қызметкерлердің физикалық шеберлігін шыңдап қана қоймай, батыл әрі мықты болуға тәрбиелейді. Бұл, өз кезегінде, дені сау ұлт қалыптастыруда және қызметкерлер арасында спортты насихаттауда маңызды қадам. Спорт адамдарды ұйымшылдыққа ұйыстырып, тәртіпті дәріптейді. Тәртіп – табысты қызмет пен берекелі өмірдің кепілі», - деді министр Ербол Мырзабосынов.Турнирге Ұлттық қауіпсіздік комитеті, Мемлекеттік күзет қызметі, Бас прокуратура, Қаржылық мониторинг агенттігі, Ішкі істер, Төтенше жағдайлар және Қорғаныс министрлігінің командалары қатысты.Жарыс елордадағы Жақсылық Үшкемпіров атындағы жекпе-жек сарайында Олимпиадалық жүйе бойынша ұйымдастырылды. Турнир жеңімпаздары мен жүлдегерлері кубок және медальмен марапатталды.Ақпарат көзі : https://www.gov.kz/memleket/entities/tsm/press/news/details/873977