Шымкент қаласы Полиция департаменті басшысының тапсырмасына сәйкес, «Қауіпсіз жол» жедел-профилактикалық іс-шарасы аясында, «Заң мен Тәртіп» қағидатын қамтамасыз ету мақсатында жол қозғалысы қауіпсіздігін арттыру және құқық бұзушылықтардың алдын алу бағытында кешенді жұмыстар жүргізілуде.Аталған іс-шара шеңберінде полиция қызметкерлері «Жас сақшы» және «Жас жол инспекторлары» қатысушыларымен арнайы кездесу өткізіп, жасөспірімдер арасында жолдағы қауіпсіздік мәдениетін қалыптастыруға бағытталған түсіндіру жұмыстарын жүргізді.Кездесу барысында тәртіп сақшылары жол қозғалысы ережелерін қатаң сақтау, қоғамдық орындарда өзін-өзі ұстау мәдениеті, сондай-ақ жолдағы жауапкершілік мәселелеріне ерекше назар аударды. Сонымен қатар, самокат пен мопедті пайдалану кезінде, әсіресе веложолдарда қозғалу барысында қауіпсіздік талаптарын сақтау қажеттігі нақты мысалдар арқылы түсіндірілді.Іс-шара аясында жол-көлік оқиғаларының салдарынан зақымданған автокөліктер мен мопедтер көрнекі түрде ұсынылды. Бұл қатысушыларға жол қозғалысы ережелерін сақтамаудың қандай ауыр салдарға әкелуі мүмкін екенін нақты көрсетуге бағытталды.Полиция қызметкерлері жол-көлік оқиғаларының алдын алу ең алдымен тәртіп пен жауапкершілікке байланысты екенін атап өтіп, жас сақшылардың бұл бағыттағы рөлінің маңызды екенін жеткізді.Аталған бастама жасөспірімдердің құқықтық сауаттылығын арттыруға, жол қозғалысы мәдениетін қалыптастыруға және қоғамдық қауіпсіздікті нығайтуға бағытталған жүйелі жұмыстардың бір бөлігі болып табылады.Шымкент қаласы Полиция департаменті жол қауіпсіздігін қамтамасыз ету бағытындағы профилактикалық шараларды тұрақты түрде жалғастырады.

⁣⁣⠀Шымкент қаласындағы әуе шабуылына қарсы қорғаныс бригадасында «Авиценна» атындағы жоғары медициналық колледжінің студенттері үшін ашық есік күні өтті.⁣⁣⠀⁣⁣⠀Экскурсия барысында студенттер көптеген жаңа әрі пайдалы мәліметтермен танысты. Әскери бөлімнің басшылығы әскери қызметшілердің күнделікті тыныс-тіршілігін көрсетті. Іс-шара бағдарламасы әуе шабуылына қарсы қорғаныс әскерлеріндегі қызметтің негізгі бағыттарын жан-жақты қамтыды.⁣⁣⠀Қонақтарға бақылау-өткізу пункті, саптық алаң көрсетіліп, әскери қызметтің атқарылу тәртібі түсіндірілді. Студенттер казарма ғимараттарын, оқу сыныптарын аралап, қару-жарақ үлгілерімен және оларды пайдалану ережелерімен танысты, сондай-ақ әскери киім үлгілерін көрді.⁣⁣⠀Қатысушыларға ерекше әсер қалдырған сәттердің бірі – қаруды қолмен ұстап көріп, оны бөлшектеу мен жинақтауды өздері орындау мүмкіндігі болды.⁣⁣⠀– Бүгін біз колледж студенттерімен бірге әскери бөлімге танысу мақсатында келдік. Бұл сапар өте танымдық болды, себебі біз бөлімнің тыныс-тіршілігімен танысып, сарбаздардың күнделікті өмірін көрдік. Армия – шыдамдылық пен тәртіптің нағыз мектебі, ол әрбір жас үшін үлкен тәжірибе береді, – деді «Авиценна» атындағы жоғары медициналық колледжі директорының тәрбие ісі жөніндегі орынбасары Айнур Жандарбаева.⁣⁣⠀Іс-шара соңында қонақтар сарбаздар асханасында түскі ас ішті. Бұған дейін оларға тағамдардың қандай өнімдерден дайындалатыны және әскери қызметшілердің ас мәзірі қалай жасақталатыны көрсетілді.⁣⁣⠀Заманауи әскери қызмет жағдайлары студенттерді өзінің ұқыптылығымен және жайлылығымен жағымды таңғалдырды. Отан қорғаушы мамандығы туралы жарқын әсерлер адам жадында ұзақ сақталып, патриоттық рухтың, жауапкершілік пен азаматтық ұстанымның қалыптасуына ықпал етеді.⁣⁣⠀

🔹 Әл-Фараби ауданы прокуратурасының үйлестіруімен «Заң мен Тәртіп» қағидаты аясында №15 мектеп-лицейінде оқушылармен құқықтық сабақ өткізілді.Іс-шараның мақсаты - кәмелет жасқа толмағандар арасындағы құқықбұзушылық алдын алу және жауаптылықтарын түсіндіру.Шымкент қаласының прокуратурасы🔹 При координации прокуратуры Аль-Фарабийского района в рамках принципа «Закон и Порядок» в №15 школе-лицее был проведён правовой урок с учащимися.Цель мероприятия — профилактика правонарушений среди несовершеннолетних и разъяснение их ответственности.Прокуратура города Шымкент

Астана, 2026 жылғы 15 сәуір – Қазақстан Республикасының Сыртқы істер министрі Ермек Көшербаев Қазақстан Республикасындағы Иран Ислам Республикасының Елшісі Әли Акбар Джоукарды қабылдады.Тараптар екіжақты өзара іс-қимылдың қазіргі жағдайы мен даму перспективаларын талқылап, саяси, сауда-экономикалық, инвестициялық және мәдени-гуманитарлық салалардағы ынтымақтастықты одан әрі дамытуға өзара мүдделілігін растады.Кездесу барысында халықаралық күн тәртібіндегі өзекті мәселелер де қаралды. Таяу Шығыстағы деэскалацияның маңыздылығы және ұзақ мерзімді тұрақтылықты қамтамасыз ету қажеттігі атап өтілді. Қазақстан тарапы БҰҰ Жарғысының қағидаттарына сәйкес келіспеушіліктерді тек саяси-дипломатиялық жолмен реттеуге берік бейілділігін атап өтті, сондай-ақ Қазақстан Республикасы Президенті Қасым-Жомарт Тоқаевтың бастамасына сәйкес Түркістан қаласында келіссөздер өткізу үшін алаң ұсынуды және тиісті халықаралық күш-жігерге жәрдем көрсетуге дайын екенін білдірді.Ақпарат көзі : https://www.gov.kz/memleket/entities/mfa/press/news/details/1201748?lang=kk

Премьер-министрдің орынбасары – ұлттық экономика министрі Серік Жұманғарин Вашингтонда Дүниежүзілік банктің Еуропа және Орталық Азия өңірі бойынша вице-президенті Антонелла Бассанимен және Дүниежүзілік банк тобының өкілдерімен кездесті.Кездесу қазақстандық делегацияның АҚШ-қа сапары шеңберінде жоспарланған Қазақстанның инвестициялық мүмкіндігінің тұсаукесеріне дайындық аясында өтті.Кездесу барысында Қазақстанның сенім, кәсіпқойлық және тұрақты дамудың ортақ міндеттемесіне негізделген қалыптасқан стратегиялық әріптестікті жоғары бағалайтыны атап өтілді. 1993-2026 жылдар аралығындағы ынтымақтастық шеңберінде көлік, білім беру, экология, «жасыл» технология мен цифрландыру саласында $8 млрд-тан аса сомаға 50-ден астам жоба жүзеге асырылды.Дүниежүзілік банк экономикалық реформаларды ілгерілетуде, инфрақұрылымды дамытуда, сондай-ақ елдің макроэкономикалық және фискалдық тұрақтылығын қамтамасыз етуде маңызды рөл атқаруды жалғастыруда.Серік Жұманғарин Қазақстанның соңғы шешуші реформаларының бірі – бюджет-салық реформасы болғанын, оның тиімділігі биылғы бірінші тоқсанның қорытындысымен расталғанын атап өтті.Әріптестіктің 2026-2030 жылдарға арналған жаңа негіздемелік стратегиясында айқындалған ынтымақтастықтың басым бағыттары Қазақстанның стратегиялық мақсаттарына сәйкес келетіні қаперге берілді. Олардың қатарында көлік және цифрлық байланыстарды дамыту, су және энергетика секторын жаңғырту, қаржы нарығын дамыту, жеке инвестиция тарту, климаттық күн тәртібін нығайту және жаңартылатын энергия көзін пайдалануды кеңейту бар.Ағымдағы портфель шеңберінде екі инфрақұрылымдық жоба жүзеге асырылуда. Олар:– құны 1 182,5 млрд теңге болатын Қарағанды-Жезқазған автожолын қайта жаңарту (жүзеге асыру кезеңі 2025-2028 жылдар);– қаржыландыруы шамамен $84 млн көлеміндегі «Қазақстанның инклюзивті экономикасы үшін жеделдетілген цифрландыру» жобасы.Сонымен қатар, көлік, энергетика, су ресурсы және цифрландыру саласындағы тағы сегіз жоба пысықталуда. Перспективалық бастама қатарында Солтүстік Арал теңізін қалпына келтіру, «Бейнеу – Сексеуіл» автомобиль жолын салу, Қазақстандағы теміржол қатынасы мен көлік байланысын трансформациялау және тағы да басқа жобалар қарастырылуда.Табиғи монополиялардың 200-ден астам субъектісін жаңартуды көздейтін «Энергетикалық және коммуналдық секторларды жаңғырту» ұлттық жобасына ерекше назар аударылды. Бұл еліміздің тұрақты экономикалық өсуін қамтамасыз етудегі маңызды жобаның бірі.Қазақстан экономиканы әртараптандыру, цифрлық трансформациялау және «жасыл» өсуге көшу күн тәртібін дәйекті түрде жүзеге асыруда. Осыған байланысты Дүниежүзілік банкпен, оның ішінде тұрақты энергетика, су ресурсын басқару, көлік логистикасы және инновациялық шешімдер енгізу саласындағы ынтымақтастықты одан әрі арттыруға мүдделілік білдірілді.Антонелла Бассани Дүниежүзілік банк әріптестіктің негіздемелік стратегиясына енген барлық талқыланған жобаларды жүзеге асыруға дайын екенін атап өтті.«Теңізге шығатын жол жоқ болуына қарамастан, Қазақстан айтарлықтай әлеуетке ие бола отырып, тұрақты өсу қарқынын көрсетуде. Сонымен қатар, жаһандық өзгеріс бейімделу мен өнімділікті арттыруды талап етіп отыр. Біз елді инфрақұрылымға инвестиция салу арқылы да, реформаларды жүзеге асыру арқылы да қолдауға дайынбыз», — деді ол.Сондай-ақ, энергетика мен су секторын жаңғырту бағдарламасының ынтымақтастықтың неғұрлым капиталды қажетсінетін бағытының бірі ретіндегі маңыздылығы атап өтілді. Бұл ретте Дүниежүзілік банк мемлекеттік қаржыландыруға ғана емес, жеке инвестиция тартуға да жәрдемдесуге ниетті.Тараптар ағымдағы жылғы мамырда жоспарланған инфрақұрылымдық саладағы инвестициялық бағдарламаны талқылауды қосқанда, ынтымақтастықты одан әрі кеңейтуге әзірлігін растады.Ақпарат көзі : https://www.gov.kz/memleket/entities/economy/press/news/details/1201743?lang=kk

Қазақстандық делегацияның Вашингтонға ресми сапары барысында Дүниежүзілік банктің штаб-пәтерінде «Қарағанды-Жезқазған» автожолының құрылысын қаржыландыру туралы келісімге қол қойылды.Келісім «ҚазАвтоЖол» ҰК» АҚ, Халықаралық қайта құру және даму банкі мен Азия инфрақұрылымдық инвестициялар банкі арасында жасалды.Жоба көлік инфрақұрылымын дамытуға, транзиттік әлеуетті арттыруға және өңірлердің байланысын жақсартуға арналған. Жаңа жол жүру уақытын едәуір қысқартуға, қозғалыс қауіпсіздігін арттыруға және Орталық Қазақстанның дамуына қосымша серпін береді.Қазіргі уақытта конкурстық рәсімдер соңғы сатысында тұр. Жолдың ұзындығы – 457 шақырым. Қарыз сомасы – 650 млрд теңге. Биыл автожолды жобалау жұмыстары және құрылысы бастау алады.Жоба сонымен қатар логистиканы дамытуға, өңірдің инвестициялық тартымдылығын арттыруға және жаңа жұмыс орнын құруға мүмкіндік береді.Жұмыстар жақын уақытта басталады.Ақпарат көзі : https://www.gov.kz/memleket/entities/economy/press/news/details/1201740?lang=kk

Астана, 2026 жылғы 15 сәуір – Қазақстан Республикасы Сыртқы істер министрінің орынбасары Арман Исетов Қазақстан Республикасындағы Монако Князьдігінің жаңадан тағайындалған Елшісі Мирей Мартиниден сенім грамоталарының көшірмелерін қабылдады.Сұхбат барысында тараптар екіжақты ынтымақтастығының саяси, экономикалық, инвестициялық және мәдени-гуманитарлық өзекті мәселелерін талқылады.А.Исетов Қазақстанның Монакомен қарым-қатынасты дамытуға ерекше мән беретінін және өзара тиімді әріптестікті, соның ішінде, туризм, қаржы және экология салаларындағы ынтымақтастықты кеңейтуге мүдделі екенін атап өтті.Осыған байланысты Қазақстан мен Монако арасындағы байланыстарды нығайтудың және ынтымақтастықтың жаңа перспективалы бағыттарын айқындаудың маңыздылығы атап өтілді.Кездесу соңында Министрдің орынбасары Монако Елшісіне Қазақстандағы миссиясына табыс тіледі.Ақпарат көзі : https://www.gov.kz/memleket/entities/mfa/press/news/details/1201731?lang=kk

Қарулы күштердің Ұлттық әскери-патриоттық орталығында Әскери-техникалық мектеп филиалдары арасында «Қазақ деген халқынан, Батыр шыққан даңқынан» атты жыр сайысы өтті.Іс-шараның негізгі мақсаты – қазақ батырларының ерлік жолын кеңінен насихаттау арқылы жас ұрпақтың бойына отансүйгіштік қасиеттерді қалыптастыру және ұлттық рухани құндылықтарды дәріптеу.Онлайн форматта ұйымдастырылған байқауда курсанттар өзара бақ сынап, тақырып таңдау шеберлігі, жырды мәнерлеп оқу деңгейі және сахна мәдениеті бойынша бағаланды. Қатысушылар ел тарихындағы даңқты батырлардың ерлігі туралы жыр-дастандардан үзінді оқып, өз өнерлерін жоғары деңгейде көрсете білді.Сайыстың қазылар алқасына Әскери-техникалық мектептің бас директоры генерал-майор Әділбек Алдабергенов төрағалық етті. Қазылар құрамында бас директордың әскери-патриоттық тәрбие жөніндегі орынбасары генерал-майор Марат Нағұманов, халықаралық «Алаш» әдеби сыйлығының лауреаты, ақын Әбубәкір Смайылов, Қазақстан Жазушылар одағының мүшесі, ақын Мұхарбек Жәкейұлы және «Атамның аманаты» қоғамдық бірлестігінің төрағасы Мұрат Молдағалиев болды.Жыр оқу сайысын ашқан генерал-майор Әділбек Алдабергенов әскери-патриоттық тәрбиенің маңыздылығына ерекше тоқталды. – Жастарға әскери-патриоттық тәрбие берудің 2030 жылға дейінгі тұжырымдамасының негізгі бағыттарының бірі – ел тарихына, мәдениетіне, дәстүріне құрмет және Отан қорғауға деген жауапкершілікті ояту. Сол себепті бүгінгі жыр сайысы – тек өнер додасы ғана емес, бұл – ұлттық рухты жаңғыртудың маңызды алаңы.Қазақ батырларының ерлігі – жас ұрпақ үшін әрдайым үлгі. Осындай тағылымды шаралар арқылы біз курсанттардың бойында отансүйгіштік қасиетті нығайтып, олардың ел алдындағы жауапкершілігін арттырамыз. Болашақта Отан қорғайтын азаматтар дәл осындай рухани құндылықтармен қалыптасуы тиіс, – деді ол.Тартысты өткен жыр сайысының қорытындысы бойынша бірінші орынды Әскери-техникалық мектептің Қызылорда филиалының курсанты Абылайхан Бәйділдаев иеленді. Екінші орын Тараз филиалының курсанты Жәнібек Ермұхамбетке бұйырса, үшінші орынды Қарағанды филиалының курсанты Жанболат Қадырбай алды.Жеңімпаздар Әскери-техникалық мектеп бас директорының грамоталарымен марапатталды. Сонымен қатар, барлық қатысушыларға «Атамның аманаты» қоғамдық бірлестігінің алғыс хаттары табысталы.Аталған іс-шара курсанттардың шығармашылық қабілетін шыңдап қана қоймай, олардың тарихи сана-сезімін нығайтып, Отанға деген құрметі мен сүйіспеншілігін арттыруға зор ықпал етті.Ақпарат көзі : https://www.gov.kz/memleket/entities/mod/press/news/details/1201703?lang=kk

2026 жылғы 10 сәуірде Жетісу облысы бойынша МКД басшысының орынбасары – әдеп жөніндегі уәкіл Н.А. Баймулдинов Панфилов ауданы бойынша МКБ-да, «Нұр жолы», «Алтынкөл жол» кеден бекеттерінде және «Қорғас» ШЫХО-да көшпелі семинар-кеңестер өткізді.Семинарлар барысында Н.А. Баймулдинов «Сыбайлас жемқорлыққа қарсы іс-қимыл туралы», «Қазақстан Республикасының мемлекеттік қызметі туралы» ҚР Заңдарының және Мемлекеттік қызметшілердің әдеп кодексінің ережелері мен талаптарын түсіндірді.Қылмыстық сыбайлас жемқорлық құқық бұзушылықтардың, әкімшілік сыбайлас жемқорлық құқық бұзушылықтардың және мемлекеттік қызметтің беделіне нұқсан келтіретін тәртіптік теріс қылықтардың алдын алу және профилактикасы мәселелері талқыланды.Сыбайлас жемқорлыққа қарсы шектеулерді бұзу мәселелеріне, соның ішінде лауазымды тұлғалардың құмар ойындарға қатысуына, кәсіпкерлікпен және басқа да ақылы қызметпен айналысуына, мүлікті сенімгерлік басқаруға беруіне және басқа да сұрақтарға ерекше назар аударылды.Мүдделер қақтығысы, қызметтік әдеп және жұмыстан тыс уақыттағы әдеп ұғымдары түсіндірілді.Ақпарат көзі : https://www.gov.kz/memleket/entities/kgd-zhetysu/press/news/details/1201592?lang=kk

2026 жылғы 15 сәуірде Қазақстан Республикасы Сауда және интеграция министрлігінің Әдеп жөніндегі уәкілі заң департаментімен бірлесіп оқыту семинарын өткізді.Іс-шара барысында мемлекеттік қызметшілерге сыбайлас жемқорлыққа қарсы шектеулер мен тыйымдарды сақтау мәселелеріне байланысты заңнама талаптары және қызметтік мінез-құлық нормалары түсіндірілді.Мемлекеттік мүлікті тиісінше пайдалану мәселелеріне ерекше назар аударылды. Мемлекеттік қызметшілердің сеніп тапсырылған ресурстардың сақталуын қамтамасыз ету, қызметтік жабдықты, көлікті және өзге де материалдық құралдарды тек қызметтік мақсаттарда пайдалану міндеті, сондай-ақ әкімшілік ресурстарды жеке мүдделерде пайдалануға жол бермеу қажеттігі атап өтілді.Жеке блокта мүдделер қақтығысы мәселелері, оның ықтимал алғышарттары мен алдын алу тетіктері қарастырылды. Осыған байланысты мүдделер қақтығысы туындаған жағдайда оны уақтылы хабарлау және оны реттеу бойынша шаралар қабылдау қажеттілігіне ерекше назар аударылды.Семинар аясында мемлекеттік қызметшілердің Әдеп кодексінің талаптары қосымша түсіндірілді, оның ішінде іскерлік әдеп пен іскерлік қарым-қатынас нормаларын сақтау, адалдық қағидаттарын ұстану және сыбайлас жемқорлық құқық бұзушылықтарына нөлдік төзімділік қағидаты.Сонымен қатар мемлекеттік қызметшілерге заңнамамен белгіленген шектеулер мен тыйымдарды сақтау қажеттілігі еске салынды, оның ішінде темекі шегуге, ойын-сауық (құмар ойын) орындарына баруға тыйым салу, діни бейтараптық қағидатын сақтау, еңбек тәртібі мен жұмыс режимі талаптарын сақтау.Іс-шара қорытындысы бойынша сыбайлас жемқорлыққа қарсы тұрақты мәдениетті қалыптастырудың, қызметтік әдеп нормаларын сақтаудың және мемлекеттік қызмет туралы заңнама талаптарын мүлтіксіз орындаудың маңыздылығы атап өтілді.Ақпарат көзі : https://www.gov.kz/memleket/entities/mti/press/news/details/1201596?lang=kk

2026 жылғы 13 сәуірде Текелі қаласы бойынша Мемлекеттік кірістер басқармасы (МКБ) мен Ескелді ауданы бойынша МКБ-да сыбайлас жемқорлыққа қарсы заңнаманы, мемлекеттік қызмет туралы заңнаманы, сондай-ақ мемлекеттік қызметшілердің Әдеп кодексінің нормаларын сақтау мәселелері бойынша техникалық оқу өткізілді.Шараға Департаменттің Адами ресурстарды басқару басқармасының (АРББ) басшысы М.Н. Пулатов қатысты.Оқу барысында заңнаманың негізгі талаптары жеткізілді, әрбір мемлекеттік қызметшінің дербес жауапкершілігіне, сыбайлас жемқорлық көріністеріне жол бермеуге және қызметтік әдепті қатаң сақтауға ерекше назар аударылды.Басты назар теорияға емес, практикаға аударылды: нені істеуге болады, ал не заң бұзушылық болып табылады; қызметтік мінез-құлық пен теріс қылық арасындағы шекара қайда; және тіпті кішігірім «ауытқулар» неліктен ауыр салдарға әкелуі мүмкін.Ашық диалог, нақты жағдайларды талдау және тәуекелдер туралы шынайы әңгіме – мұндай формат заң нормаларын еске салып қана қоймай, оларды түсінуге және жұмыста қолдануға мүмкіндік береді.Іс-шара құқықтық мәдениетті арттыру, тәртіпті нығайту және сыбайлас жемқорлыққа мүлдем төзбеушілікті қалыптастыру мақсатында ұйымдастырылып өткізілді.Ақпарат көзі : https://www.gov.kz/memleket/entities/kgd-zhetysu/press/news/details/1201619?lang=kk

        2026 жылғы 13–14 сәуір, Брюссель - «Қазақстан Республикасы – Еуропалық одақ» кедендік ынтымақтастық жөніндегі кіші комитетінің 9-отырысы аясында техникалық консультациялар өтті.      Консультациялар кедендік әкімшілендірудің практикалық аспектілерін талқылауға және тәжірибе алмасуға бағытталды, оның ішінде тәуекелдерді басқару жүйесін қолдану, мобильді кедендік топтардың қызметі, сондай-ақ кедендік зертханаларды пайдалану саласындағы озық тәжірибені зерделеу мәселелері қамтылды.      Өткізілген консультациялар ынтымақтастықтың жекелеген бағыттарын егжей-тегжейлі пысықтауға, оларды іске асырудың практикалық тәсілдерін айқындауға, сондай-ақ негізгі отырысқа шығарылған мәселелер бойынша тараптардың келісілген ұстанымдарын қалыптастыруға мүмкіндік берді.      2026 жылғы 15 сәуірде «Қазақстан Республикасы – Еуропалық одақ» кедендік ынтымақтастық жөніндегі кіші комитетінің 9-отырысы өтті.      Қазақстан тарапынан Қазақстан Республикасы Қаржы министрлігі Мемлекеттік кірістер комитетінің өкілдері қатысты:Исмагулов Кадыр – Аудит департаментінің директоры;Қожабергенов Ермек – Халықаралық ынтымақтастық басқармасының басшысы;Тобыкбаев Аслан – Аудит департаментінің Еуразиялық экономикалық одақ шеңберіндегі қосылған құн салығын әкімшілендіру басқармасының басшысы.      Отырыс барысында тараптар екіжақты өзара іс-қимылды дамытудың өзекті мәселелерін қарастырды, оның ішінде кеден заңнамасы мен рәсімдерін жетілдіру, құқық қорғау саласындағы ынтымақтастықты дамыту, сондай-ақ тауарлар мен көлік құралдары бойынша алдын ала ақпарат алмасу тетіктерін дамыту мүмкіндіктері талқыланды.      Атап айтқанда, келесі бағыттарға ерекше назар аударылды:кедендік процестерді цифрландыру,қағазсыз технологияларды енгізу,зияткерлік меншік құқықтарын қорғау,өзара әкімшілік көмек көрсетуді одан әрі дамыту.       Іс-шаралар қорытындысы бойынша практикалық өзара іс-қимылдың бірқатар бағыттары бойынша ортақ түсіністікке қол жеткізіліп, оларды іске асырудың кейінгі қадамдары айқындалды.      Техникалық консультациялар мен Кіші комитет отырысын өткізу Қазақстан Республикасы мен Еуропалық одақ арасындағы қалыптасқан диалогтың тиімділігін, сондай-ақ кедендік әкімшілендірудің қолданбалы міндеттерін шешу, тәжірибе алмасу және келісілген тәсілдерді қалыптастыру үшін осы форматтың өзектілігін растады.       Тараптар практикалық өзара іс-қимылды одан әрі нығайтуға және кедендік әкімшілендірудің тиімділігін арттыруға, заңды сауданы дамытуға бағытталған бірлескен бастамаларды іске асыруға дайын екендіктерін растады.      Кіші комитеттің 10-отырысын 2027 жылы Қазақстан Республикасында өткізу жоспарлануда.Ақпарат көзі : https://www.gov.kz/memleket/entities/mfa-brussels/press/news/details/1202670?lang=kk

«Заң мен Тәртіп» қағидатын іске асыру аясында Шымкент қаласында Шымкент қаласының Жастар ресурстық орталығында прокуратура, Полиция департаменті, «Қазақтелеком» АҚ, Өңірлік кәсіпкерлер палатасы және бизнес өкілдерінің қатысуымен кездесу өтті.Кездесудің негізгі тақырыбы – бизнес нысандарының бейнебақылау камераларын полицияның Жедел басқару орталығына қосуды көздейтін «ShymSafe360» жобасын іске асыру мәселесі болды.Аталған жүйені енгізу құқық бұзушылықтардың алдын алуды күшейтуге, оқиғаларға жедел әрекет етуге, сондай-ақ бейнежазбалардың сақталуын қамтамасыз етуге мүмкіндік беретіні атап өтілді. Бұдан бөлек, жоба тәулік бойы жұмыс істейтін нысандардың қауіпсіздігін арттырып, азаматтардың сенімін нығайтуға ықпал етеді.Кездесу барысында кәсіпкерлерге жүйенің техникалық мүмкіндіктері, қосылу шарттары және қоғамдық қауіпсіздікті қамтамасыз етудегі цифрлық шешімдердің артықшылықтары түсіндірілді.Талқылау қорытындысы бойынша кәсіпкерлердің пікірлерін ескере отырып, жобаны кезең-кезеңімен іске асыру және бейнебақылау жүйесінің қамту аясын кеңейту жөнінде ұсыныстар әзірленді.«ShymSafe360» жобасын іске асыру қауіпсіз қалалық ортаны қалыптастыруға және құқық бұзушылықтардың алдын алуды цифрлық технологиялар арқылы күшейтуге бағытталған.Шымкент қаласының прокуратурасы

Оңайлатылған салық режиміне көшу кезінде 200-нысанды тапсыру тәртібі туралыСалық төлеушілерден келіп түсетін сұрақтарға байланысты, жалпыға бірдей белгіленген салық салу режимінен оңайлатылған декларация негізіндегі арнаулы салық режиміне көшу кезінде салықтық есептілікті ұсыну тәртібі түсіндіріледі.Жалпыға бірдей белгіленген режимді қолданатын салық төлеуші Қазақстан Республикасының салық заңнамасында белгіленген талаптарға сәйкес оңайлатылған режимге көшуге құқылы.Осыған байланысты келесі сұрақ туындайды:200-нысан қандай түрде ұсынылады — жою (ликвидациялық) ма, әлде кезекті ме?Қазақстан Республикасының Салық кодексінің 114-бабына сәйкес салықтық есептілік келесі түрлерге бөлінеді:бастапқы;кезекті;қосымша;хабарлама бойынша қосымша;жою (ликвидациялық).Жою салықтық есептілігі тек мынадай жағдайларда ұсынылады:салық төлеушінің қызметі тоқтатылған кезде;қайта ұйымдастыру кезінде;жекелеген салық түрлері бойынша тіркеу есебінен шығарылған кезде.Ал кезекті салықтық есептілік салық төлеушінің қызметі жалғасқан жағдайда тиісті салық кезеңі үшін ұсынылады.Жалпыға бірдей белгіленген режимнен оңайлатылған режимге көшу салық төлеушінің қызметін тоқтату болып табылмайды және оның жойылуына немесе қайта ұйымдастырылуына әкеп соқпайды.ҚорытындыОсыған байланысты оңайлатылған режимге көшу кезінде 200-нысан кезекті салықтық есептілік ретінде ұсынылады, жою есептілігі ретінде емес.Назар аударыңызСалықтық есептіліктің түрін дұрыс көрсетпеу ақпараттық жүйелерде техникалық қателерге және камералдық бақылау нәтижелері бойынша хабарламалардың қалыптасуына әкелуі мүмкін.Ақпарат көзі : https://www.gov.kz/memleket/entities/kgd-kostanay/press/news/details/1201559?lang=kk

2026 жылдың 1 сәуіріндегі жағдай бойынша 2024 жылғы 1 ақпаннан бастап 273 371 өтініш орындалып, жалпы сомасы 46,83 миллион АҚШ долларынан астам қаражат өтініш берушілердің банктік шоттарына аудару үшін уәкілетті операторларға аударылды. Оның ішінде тұрғын үй жағдайын жақсарту мақсатында 29,40 млн АҚШ долларына 171 696 өтініш, білім беру ақысын төлеу үшін 17,43 млн АҚШ долларына 101 675 өтініш қанағаттандырылды. Нысаналы жинақтарды (НЖ) алушы барлық соманы немесе оның бір бөлігін ғана пайдалануға құқылы, пайдаланылмаған сома нысаналы жинақтау шотында (НЖШ) қалады. Тұрғын үйді жақсартуға арналған қаражатты пайдаланудың ең танымал қосалқы мақсаты – одан әрі жинақтау үшін тұрғын үй құрылысы жинақтарындағы салымды толықтыру (28,79 млн АҚШ долларына 167 776 өтініш орындалды). Сонымен қатар тұрғын үй сатып алуға ипотекалық тұрғын үй қарызын алу үшін бастапқы жарнаны енгізу үшін 214,39 мың АҚШ долларына 1345 өтініш, азаматтық-құқықтық мәмілелер бойынша меншікке тұрғын үй сатып алу (түпкілікті есеп айырысу) – 144,47 мың АҚШ долларына 938 өтініш қанағаттандырылды. НЖ-ны білім беру ақысын төлеу шеңберіндегі ең танымал қосалқы мақсаты – Қазақстан Республикасының аумағында орналасқан білім беру ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе толық көлемде бір мезгілде (бүкіл оқу мерзімі үшін) ақы төлеу (16,32 млн АҚШ долларына 93 586 өтініш орындалды). Бұдан бөлек білім беруге жинақтау салымы туралы шарт бойынша білім беруге жинақтау салымын толықтыру (748,76 мың АҚШ долларына 5 590 өтініш орындалды), шетелдік білім беру ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеуге (294,58 мың АҚШ долларына 2 018 өтініш орындалды) төлем жасалды. Нысаналы жинақтарды тұрғын үй жағдайларын жақсарту және (немесе) білім алуға ақы төлеу мақсатында төлеу туралы уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады.Естеріңізге сала кетейік, 2025 жылдың қорытындысы бойынша қазақстандық бір балаға 130,71 АҚШ доллары кезекті есептеу жүргізілді. 2024 жылы – 129,38 АҚШ доллары, 2023 жылы - 100,52 АҚШ доллары мөлшерінде қаражат аударылған болатын.18 жасқа дейінгі балаларға жыл сайын Ұлттық қордан бөлінетін сомалар олардың БЖЗҚ-да ашылған шоттарында ескерілетін нысаналы талаптар түрінде есептеледі. Бұл ретте, заңнамаға сәйкес, жас қазақстандықтарға есептелген сомалар Ұлттық қор активтерінің құрамында қалады және инвестициялануын жалғастырады. Одан әрі инвестициялау нәтижесінде жыл сайын әрбір баланың нысаналы талаптарының сомасы алынған инвестициялық табыс есебінен қосымша өседі.Нәтижесінде бағдарламаға қатысатын балада барлық жинақталған нысаналы талаптардың жиынтық сомасы (жыл сайын қосымша есептелетін инвестициялық кірісті қоса алғанда) :- үшінші жыл - 370 доллар 56 цент;- екінші жыл - 263 доллар 93 цент;- бірінші жыл қатысып отырған баланың шотында 130 доллар 71 цент. Кәмелетке толмаған балалардың бағдарламаға қатысуын оның ата-анасы мен өзге де заңды өкілдері баланың ЖСН енгізе отырып, kids.enpf.kz сайты, eGov.kz электронды үкімет порталындағы жеке кабинет, eGov Mobile және бірқатар екінші деңгейлі банктердің мобильді қосымшалары арқылы тексере алады. Егер 2025 жылы балаларға есептелген нысаналы талаптар туралы мәлімет  көрінбей тұрса, онда қосымшалардағы құжаттарды келесі әдіспен жаңарту керек:eGov Mobile қосымшасында: «Цифрлық құжаттар» - «Отбасы» - «Құжаттар тізімін жаңарту» - «Ұлттық қордан түсімдер».Банктердің мобильді қосымшаларында (мысалы, Kaspi.kz): «Мемлекеттік қызметтер» - «Барлық құжаттар» - «Құжаттар тізімін жаңарту» - «Ұлттық қордан түсімдер». Заңды өкілдің жеке кабинетінде ағымдағы жылы 18 жасқа толған не толатын балаларға нысаналы талаптарды есептеу туралы мәліметтердің болмауы нысаналы талаптардың НЖ мәртебесін алуына және осыған байланысты бала туралы ақпаратқа қол жеткізу тікелей НЖ алушыға (2026 жылы 18 жасқа толған немесе толатын азаматқа) беріледі. Аталған тұлғалар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы дербес алуы тиіс, содан кейін 18 жасқа толған кезде уәкілетті операторға АҚШ долларында банктік шот ашу және тұрғын үй жағдайларын жақсарту және (немесе) білім беру ақысын төлеу үшін ОЖ төлеуге онлайн-өтініш беру үшін жүгінуі тиіс. Бүгінгі күні уәкілетті операторлар:"Отбасы банкі" АҚ (тұрғын үй және білім алу ақысын төлеу),"Халық банкі" АҚ (білім алу ақысын төлеу),"Банк ЦентрКредит" АҚ (білім алу ақысын төлеу). Нысаналы талаптарға қатысушы кәмелетке толмаған балалар және нысаналы жинақтарды кәмелетке толған алушылар бойынша, сондай-ақ нысаналы жинақтарды тұрғын үйге және (немесе) білім алуға пайдалану жөніндегі статистикамен enpf.kz сайтында танысуға болады.kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен танысып, қажетті нұсқаулықтар алып, өзіңізді қызықтыратын сұрақтарыңызға жауап алуға болады. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында көруге болады: «БЖЗҚ» АҚ Басқарма төрағасы Ж.Б. Құрмановтың бейнетүсініктемесі:https://www.youtube.com/watch?app=desktop&v=30CdPWl6dv0          «БЖЗҚ» АҚ Басқарушы директоры М.Т. Шәріповтың бейнетүсініктемесі:https://www.youtube.com/watch?v=APg2vATmMk0«Ұлттық қор – балаларға» бағдарламасы бойынша«Сұрақ-жауап» бейнетүсініктемесі:https://www.youtube.com/watch?v=4cKr1VCAvUkhttps://www.youtube.com/watch?v=mrV0y37Gjnk «Ұлттық қор – балаларға» сайты бойынша нұсқаулық:https://www.youtube.com/watch?v=VgP3dmMwAHchttps://www.youtube.com/watch?v=jyC2c-HgqpQ«Ұлттық қор – балаларға» бағдарламасын жүзеге асыру туралы нұсқаулық: https://www.youtube.com/watch?v=bqeT41rWecAhttps://www.youtube.com/watch?v=pNBSS1VHdWU БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1201489?lang=kk

2026 жылдың 1 сәуіріндегі жағдай бойынша 2024 жылғы 1 ақпаннан бастап 273 371 өтініш орындалып, жалпы сомасы 46,83 миллион АҚШ долларынан астам қаражат өтініш берушілердің банктік шоттарына аудару үшін уәкілетті операторларға аударылды. Оның ішінде тұрғын үй жағдайын жақсарту мақсатында 29,40 млн АҚШ долларына 171 696 өтініш, білім беру ақысын төлеу үшін 17,43 млн АҚШ долларына 101 675 өтініш қанағаттандырылды. Нысаналы жинақтарды (НЖ) алушы барлық соманы немесе оның бір бөлігін ғана пайдалануға құқылы, пайдаланылмаған сома нысаналы жинақтау шотында (НЖШ) қалады.Тұрғын үйді жақсартуға арналған қаражатты пайдаланудың ең танымал қосалқы мақсаты – одан әрі жинақтау үшін тұрғын үй құрылысы жинақтарындағы салымды толықтыру (28,79 млн АҚШ долларына 167 776 өтініш орындалды). Сонымен қатар тұрғын үй сатып алуға ипотекалық тұрғын үй қарызын алу үшін бастапқы жарнаны енгізу үшін 214,39 мың АҚШ долларына 1345 өтініш, азаматтық-құқықтық мәмілелер бойынша меншікке тұрғын үй сатып алу (түпкілікті есеп айырысу) – 144,47 мың АҚШ долларына 938 өтініш қанағаттандырылды.НЖ-ны білім беру ақысын төлеу шеңберіндегі ең танымал қосалқы мақсаты – Қазақстан Республикасының аумағында орналасқан білім беру ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе толық көлемде бір мезгілде (бүкіл оқу мерзімі үшін) ақы төлеу (16,32 млн АҚШ долларына 93 586 өтініш орындалды). Бұдан бөлек білім беруге жинақтау салымы туралы шарт бойынша білім беруге жинақтау салымын толықтыру (748,76 мың АҚШ долларына 5 590 өтініш орындалды), шетелдік білім беру ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеуге (294,58 мың АҚШ долларына 2 018 өтініш орындалды) төлем жасалды. Нысаналы жинақтарды тұрғын үй жағдайларын жақсарту және (немесе) білім алуға ақы төлеу мақсатында төлеу туралы уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады.Естеріңізге сала кетейік, 2025 жылдың қорытындысы бойынша қазақстандық бір балаға 130,71 АҚШ доллары кезекті есептеу жүргізілді. 2024 жылы – 129,38 АҚШ доллары, 2023 жылы - 100,52 АҚШ доллары мөлшерінде қаражат аударылған болатын.18 жасқа дейінгі балаларға жыл сайын Ұлттық қордан бөлінетін сомалар олардың БЖЗҚ-да ашылған шоттарында ескерілетін нысаналы талаптар түрінде есептеледі. Бұл ретте, заңнамаға сәйкес, жас қазақстандықтарға есептелген сомалар Ұлттық қор активтерінің құрамында қалады және инвестициялануын жалғастырады. Одан әрі инвестициялау нәтижесінде жыл сайын әрбір баланың нысаналы талаптарының сомасы алынған инвестициялық табыс есебінен қосымша өседі.Нәтижесінде бағдарламаға қатысатын балада барлық жинақталған нысаналы талаптардың жиынтық сомасы (жыл сайын қосымша есептелетін инвестициялық кірісті қоса алғанда) :- үшінші жыл - 370 доллар 56 цент;- екінші жыл - 263 доллар 93 цент;- бірінші жыл қатысып отырған баланың шотында 130 доллар 71 цент.Кәмелетке толмаған балалардың бағдарламаға қатысуын оның ата-анасы мен өзге де заңды өкілдері баланың ЖСН енгізе отырып, kids.enpf.kz сайты, eGov.kz электронды үкімет порталындағы жеке кабинет, eGov Mobile және бірқатар екінші деңгейлі банктердің мобильді қосымшалары арқылы тексере алады.Егер 2025 жылы балаларға есептелген нысаналы талаптар туралы мәлімет  көрінбей тұрса, онда қосымшалардағы құжаттарды келесі әдіспен жаңарту керек:eGov Mobile қосымшасында: «Цифрлық құжаттар» - «Отбасы» - «Құжаттар тізімін жаңарту» - «Ұлттық қордан түсімдер».Банктердің мобильді қосымшаларында (мысалы, Kaspi.kz): «Мемлекеттік қызметтер» - «Барлық құжаттар» - «Құжаттар тізімін жаңарту» - «Ұлттық қордан түсімдер».Заңды өкілдің жеке кабинетінде ағымдағы жылы 18 жасқа толған не толатын балаларға нысаналы талаптарды есептеу туралы мәліметтердің болмауы нысаналы талаптардың НЖ мәртебесін алуына және осыған байланысты бала туралы ақпаратқа қол жеткізу тікелей НЖ алушыға (2026 жылы 18 жасқа толған немесе толатын азаматқа) беріледі. Аталған тұлғалар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы дербес алуы тиіс, содан кейін 18 жасқа толған кезде уәкілетті операторға АҚШ долларында банктік шот ашу және тұрғын үй жағдайларын жақсарту және (немесе) білім беру ақысын төлеу үшін ОЖ төлеуге онлайн-өтініш беру үшін жүгінуі тиіс.Бүгінгі күні уәкілетті операторлар:"Отбасы банкі" АҚ (тұрғын үй және білім алу ақысын төлеу),"Халық банкі" АҚ (білім алу ақысын төлеу),"Банк ЦентрКредит" АҚ (білім алу ақысын төлеу).Нысаналы талаптарға қатысушы кәмелетке толмаған балалар және нысаналы жинақтарды кәмелетке толған алушылар бойынша, сондай-ақ нысаналы жинақтарды тұрғын үйге және (немесе) білім алуға пайдалану жөніндегі статистикамен enpf.kz сайтында танысуға болады.kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен танысып, қажетті нұсқаулықтар алып, өзіңізді қызықтыратын сұрақтарыңызға жауап алуға болады. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында көруге болады:«БЖЗҚ» АҚ Басқарма төрағасы Ж.Б. Құрмановтың бейнетүсініктемесі:https://www.youtube.com/watch?app=desktop&v=30CdPWl6dv0«БЖЗҚ» АҚ Басқарушы директоры М.Т. Шәріповтың бейнетүсініктемесі:https://www.youtube.com/watch?v=APg2vATmMk0«Ұлттық қор – балаларға» бағдарламасы бойынша«Сұрақ-жауап» бейнетүсініктемесі:https://www.youtube.com/watch?v=4cKr1VCAvUkhttps://www.youtube.com/watch?v=mrV0y37Gjnk «Ұлттық қор – балаларға» сайты бойынша нұсқаулық:https://www.youtube.com/watch?v=VgP3dmMwAHchttps://www.youtube.com/watch?v=jyC2c-HgqpQ«Ұлттық қор – балаларға» бағдарламасын жүзеге асыру туралы нұсқаулық: https://www.youtube.com/watch?v=bqeT41rWecAhttps://www.youtube.com/watch?v=pNBSS1VHdWUБЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/kyzylorda-karmakshy/press/news/details/1203314?lang=kk

2026 жылдың 15 сәуірінде ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы облыс оқушыларына Google meet форматында танымдық-интеграциялық сабақ өткізді. Тақырып – «Ғалым, педагог, композитор: Ахмет Жұбановтың үш қыры» - тарих пен музыканы біріктіріп, қатысушыларға қазақ мәдениетінің көрнекті қайраткерінің қосқан үлесін тереңірек түсінуге мүмкіндік берді.Екі тәжірибелі мұғалім жетекші болды:* Мағзиева Гүлзат Қабдешқызы-тарих пәнінің мұғалімі, педагог-28 жылдық өтілі бар зерттеуші;* Сарынова Алуа Қалдынқызы — музыка мұғалімі, педагог-21 жылдық тәжірибесі бар сарапшы.Олар Ахмет Жұбановтың үш қырын шеберлікпен ашып көрсетті, бір адамның бір мезгілде қалай шығармашылықпен айналысып, оқытып және зерттеу жүргізе алғанын көрсетті. 1937 жылдан бастап Жұбанов композициямен белсенді айналысты. Ол Ғабит Мүсіреповтің «Қозы Көрпеш» драмасына, Мұхтар Әуезовтің «Абай» спектакліне және «Амангелді» фильміне музыка жазды. Оның камералық шығармаларының қатарында «Қазақтың жеті қызы» және «Тәжіктің қызы» фортепианолық циклдары, қобызға арналған романстар бар. 1940 жылдары халық сүйетін «Ақ көгершін» және әсіресе «Қарлығаш» әндері пайда болды, олар республика бойынша тез ұшып, тіпті «Абай» операсына кірді (Латиф Хамидимен бірге).1945-1971 жылдар аралығында Ахмет Жұбанов Қазақстанның кәсіби музыкалық білімінің бастауында тұрды: ол Алматы мемлекеттік консерваториясының жұмысын ұйымдастырды. Ғалым ретінде ол қазақ музыкасының тарихын және халық композиторларының өмірбаянын алғаш рет жүйелеп, ондаған мақалалар, зерттеулер мен очерктер жазды.Отандық мәдениетке сіңірген еңбегі үшін Жұбанов Қазақстан Мемлекеттік сыйлығымен, Ленин орденімен және басқа да көптеген наградалармен марапатталды. Бүгінде оның есімін республикалық музыкалық мектеп-интернат, Ақтөбе музыкалық колледжі, Алматыдағы көше және өзі тұрған үйдегі мемориалдық тақта алып жүр.Сабақ шынымен тірі болды. Оқушылар әйгілі «Сарыарқа» күйінің бейнефрагментін тамашалады, сұрақтарға жауап берді, Жұбановтың домбыра оркестрін құрудағы жаңашылдығын және оның қазақ музыкасының әлемдік аренаға шығуындағы рөлін талқылады. Конференцияға облыстың әртүрлі аудандарынан ондаған оқушылар қатысты-олар сұрақтар қойып, әсерлерімен бөлісті, тіпті өздері қысқа хабарламалармен сөз сөйледі. Атмосфера жылы және шабыттандырды: балалар салтанатты түрде, микрофондармен, жалпы чатта және камерада белсенді жұмыс істеді.Мұндай интеграциялық сабақтар жай ғана «материалдан өту» емес, ұлттық мұраға тікелей сүңгу. «Örken» және дарынды педагогтардың арқасында Шығыс Қазақстан оқушылары тағы да көз жеткізді: Ахмет Жұбанов — бұл оқулықтың беттері ғана емес, сонымен қатар біздің ортақ мәдени жадымыздың тірі бөлігі.Ақпарат көзі : https://www.gov.kz/memleket/entities/vko-bilim/press/news/details/1201512?lang=kk

ХАБАРЛАНДЫРУ!Балатопар округінің әкімшілік ғимаратында «Құқықтық кабинет» жұмыс істейді.Ауыл тұрғындары осы кабинетке келіп, құқықтық сауаттылығын арттыру, әртүрлі бағыттар бойынша өздерінің заңды құқықтарын қорғау және қорғаудың құқықтық құралдары туралы ақпарат ала алады. Сонымен қатар, Қазақстан Республикасының заңнамасын өз бетінше зерделеу дағдыларын игеріп, құқықтық мәселелер бойынша тегін кеңес алу мүмкіндігі бар. Жұмыс уақыты: дүйсенбі – жұма күндері, сағат 08:00-ден 17:30-ге дейін.Мекенжайы: Балатопар ауылдық округі, әкімшілікғимараты, Балатопар ауылы, Т. Күлмаханұлы көшесі 8Байланыс телефоны: +7 701 364 0406 Ақпарат көзі : https://www.gov.kz/memleket/entities/balkhash-balatopar/press/news/details/1201396?lang=kk

📂2026 жылы КТС бойынша аванстық төлемдерді төлеуші болып табылмайтын тұлғалар.📖Мынадай тұлғаларды қоспағанда, корпоративтік табыс салығын төлеушілер аванстық төлемдерді төлеушілер болып табылады: 1️⃣алдыңғы қаржы жылынан бұрынғы салық кезеңі үшін түзетулерді ескере отырып, жиынтық жылдық табысы 600 000 АЕК-тен аспайтын салық төлеушілер (2026 жылы-2 595 000 000 теңге); 2️⃣жаңадан құрылған (пайда болған) салық төлеушілер — мемлекеттік тіркеу жүргізілген салық кезеңі ішінде, сондай-ақ одан кейінгі салық кезеңі ішінде; 3️⃣ҚР салық органдарында алғаш рет тіркелген және құрылымдық бөлімше ашпай тұрақты мекеме арқылы қызметін жүзеге асыратын бейрезидент заңды тұлғалар-тіркелген салық кезеңі ішінде және одан кейінгі кезеңде; 4️⃣Салық кодексінің 329-бабы 1-тармағы мен 330-бабының ережелерін қолданатын коммерциялық емес ұйымдар; 5️⃣Салық кодексінің 331-бабының шарттарына сәйкес келетін мүгедектігі бар адамдар ұйымдары; 6️⃣«Астана Хаб» қатысушылары; 7️⃣жалғыз акционері ҚР Үкіметі болып табылатын және екінші деңгейдегі банктердің кредиттік портфельдерінің сапасын жақсартуға мамандандырылған ұйым; 8️⃣ «Астана» халықаралық қаржы орталығының органдары және АХҚО ұйымдары; 9️⃣Салық кодексінің 83-тарауында көзделген арнайы салық режимін қолдана отырып, құрлықтағы газ кен орындарын игеру жобаларын жүзеге асыратын жер қойнауын пайдаланушылар. ⏩Бұл ретте, аталған ерекшеліктер цифрлық активтер саласында қызметін жүзеге асыратын салық төлеушілерге қолданылмайды — олар көрсетілген шарттарға сәйкес келгеніне қарамастан, КТС бойынша аванстық төлемдерді төлеуге міндетті.Ақпарат көзі : https://www.gov.kz/memleket/entities/kgd-shymkent/press/news/details/1201466?lang=kk

Вена, 2026 жылғы 13 сәуір – Қазақстан Республикасының Аустрия Республикасындағы Елшілігі Вена қаласындағы Шварценберг алаңында орналасқан Кеңес жауынгерлеріне арналған мемориалға гүл шоқтарын қою рәсіміне қатысты.Іс-шара Ұлы Отан соғысы Аустрия астанасын нацизмнен азат ету кезінде қаза тапқан кеңес сарбаздарын еске алуға арналды.Рәсімге қатысушылар Ұлы Отан соғысы туралы тарихи жадыны сақтаудың маңыздылығын ерекше атап өтті.Қазақстан ортақ тарихи өткенге және бостандық пен тәуелсіздікті қорғаған ұрпақтардың ерлігіне құрметке негізделген халықтар арасындағы бейбітшілікті, өзара түсіністік пен ынтымақтастықты нығайтуды әрдайым қолдайды. Ақпарат көзі : https://www.gov.kz/memleket/entities/mfa-vienna/press/news/details/1201291?lang=kk