2026 жылғы 8 шілдеде Астана қаласында Қазақстан Республикасының Израиль Мемлекетіндегі Төтенше және Өкілетті Елшісі Дәулет Ембердиев «Халықаралық бағдарламалар орталығы» АҚ Басқарма Төрағасының міндетін атқарушы Абай Рахметпен кездесу өткізді.Кездесу барысында тараптар Tel Aviv University университетімен академиялық ынтымақтастықты дамыту және «Болашақ» халықаралық стипендиясы аясындағы өзара іс-қимылды кеңейту перспективаларын талқылады. Қазақстандық мамандардың Израильдің жетекші жоғары оқу орындарының бірінде білім алу мүмкіндіктерін кеңейтуге және ғылыми-білім беру саласындағы ынтымақтастықты нығайтуға ерекше назар аударылды.Д. Ембердиев Tel Aviv University басшылығының «Болашақ» бағдарламасымен әріптестікті дамытуға қызығушылық танытып отырғанын атап өтіп, мұндай ынтымақтастық жоғары білікті кадрларды даярлауға және Қазақстан мен Израиль арасындағы академиялық алмасуларды кеңейтуге ықпал ететінін айтты.Қазіргі уақытта Tel Aviv University «Болашақ» бағдарламасы бойынша ұсынылатын шетелдік жоғары оқу орындарының тізіміне енгізілген. «Болашақ» және «Ғылыми тағылымдамалар» бағдарламалары жүзеге асырылған кезеңнен бері Израильде 145 қазақстандық маман білім алып, ғылыми тағылымдамадан өтті.Кездесу қорытындысы бойынша тараптар жоғары білім беру саласындағы ынтымақтастықты одан әрі дамытуға және Қазақстан мен Израиль арасындағы академиялық байланыстарды нығайтуға дайын екендіктерін растады. Ақпарат көзі : https://www.gov.kz/memleket/entities/mfa-tel-aviv/press/news/details/1256034?lang=ru

2026 жылғы 8 шілдеде Алматы қаласы Департаментінің мәжіліс залында Қазақстан Республикасы Конституциясының нормаларын түсіндіруге арналған кездесу өтті. Іс-шара Қазақстан Республикасы Үкіметінің 2026 жылғы 8 сәуірдегі № 237 өкімімен бекітілген Іс-шаралар жоспарын іске асыру шеңберінде ұйымдастырылды.Қатысушыларға арналған кіріспе сөзді Адам ресурстарын басқару басқармасының басшысы Динара Маратхановна Жарылқасынова сөйледі.Кездесудің бас спикері — заң ғылымдарының кандидаты, Әл-Фараби атындағы ҚазҰУ және Абылай хан атындағы ҚазХҚжӘТҮ доценті Нұрбол Сатыбалдиұлы Жетібаев Департамент мамандарын ҚР Конституциясындағы негізгі ережелермен және өзгерістермен таныстырды, сондай-ақ құқық қолдану практикасының сұрақтарына толыққанды жауап берді.Қазақстан Республикасының Конституциясы мемлекет тұрақтылығының негізі және азаматтар құқықтарының кепілі болып табылады, ал оны мемлекеттік қызметшілердің анық түсінуі — мемлекеттік саясатты тиімді іске асырудың басты шарты.Ақпарат көзі : https://www.gov.kz/memleket/entities/kgd-almaty/press/news/details/1256021?lang=ru

Жақында Air Astana әуекомпаниясы Қазақстан мен Грузия арасындағы тікелей рейстердің 15 жылдығына орай Тбилисиде жетекші грузиялық БАҚ өкілдері қатысуымен арнайы іс-шара өткізді.Іс шара барысында жолаушылар және жүк тасымалы бойынша сату директоры Серік Рыс-Ұлы мен Кавказ өңірі бойынша бас менеджер Қарлығаш Өмірбаева екі ел арасындағы әуе қатынасының қарқынды дамуы туралы айтып берді. 2011 жылы Алматы мен Тбилиси арасында аптасына үш рейспен басталған бағыт Орталық Азия мен Кавказды байланыстыратын ең ауқымды әуе желілерінің біріне айналды. 2026 жылдың жазғы маусымында Air Astana тобы Қазақстан мен Грузия арасында аптасына 44 рейске дейін орындайды.Соңғы 15 жылда Air Astana тобы сұраныстың артуына сәйкес бағыттар желісі мен рейстер жиілігін тұрақты түрде кеңейте отырып, Қазақстан мен Грузия арасында 1,5 миллионнан астам жолаушы тасымалдады. 2025 жылы Air Astana тобы екі ел арасында 270 000-нан астам жолаушы тасымалдап, жаңа рекорд орнатты. Бұл өткен жылмен салыстырғанда 17%-ға артық. Топ Алматы, Астана, Ақтау және Атырау қалаларынан Тбилиси, Батуми және Кутаисиге тікелей рейстер орындайды. Сонымен қатар Алматы мен Астанадағы хабтары арқылы Қазақстан, Орталық Азия, Қытай, Үндістан және басқа да аймақтарға ыңғайлы түйісулер ұсынады.Грузия мен Қазақстан арасындағы саяхатқа сұраныс артып келе жатқандықтан, Air Astana екі ел арасындағы туризм, бизнес және мәдени алмасу мүмкіндіктерін одан әрі кеңейтуге ниетті. Кеңейтілген өңірлік желісі, марапаттарға ие болған қызметі және ыңғайлы түйісулері арқылы Air Astana тобы Қазақстан мен одан тыс елдерге саяхаттайтын грузиндік жолаушылар үшін сенімді әуе серіктесі болуға толық дайын.Ақпарат көзі : https://www.gov.kz/memleket/entities/mfa-tbilisi/press/news/details/1256024?lang=ru

ҚР Сыртқы істер министрінің орынбасары Әлібек Қуантыров METLEN грек өнеркәсіптік тобының басшылығымен кездесті.Тараптар Қазақстанның инвестициялық ахуалы жөнінде пікір алмасып, ынтымақтастық мүмкіндіктерін талқылады. Сонымен қатар металлургия және өнеркәсіп секторларындағы, оның ішінде аса маңызды шикізат, экономикалық цикл мәселелері және алюминийдің өндіру тізбегін дамыту бағытындағы инвестициялық мүмкіндіктер қарастырылды.Аталған сапар «Kazakh Invest» ҰК» АҚ қолдауымен жүзеге асырылып, шетелдік инвесторларға «бір терезе» қағидаты аясында компанияның Қазақстандағы инвестициялық жобаларын одан әрі пысықтау жұмыстары таныстырылды.METLEN компаниясы энергетика және металлургия салаларында қызметін жүзеге асырады, әлемнің 40-тан астам елінде жұмыс істейді және Лондон қор биржасында листингтен өткен.Ақпарат көзі : https://www.gov.kz/memleket/entities/mfa/press/news/details/1256005?lang=ru

Ресей Федерациясында армия қоян-қолтық ұрысынан Тәуелсіз Мемлекеттер Достастығының чемпионаты өтті. Сайысқа ТМД-ға мүше елдер қарулы күштерінің құрама командалары сапындағы кіл мықты спортшылар қатысты.Чемпионат қорытындысы бойынша жалпы командалық есепте Ресей Федерациясы Қарулы күштерінің құрамасы бірінші орын иеленді. Екінші орынды Қазақстан Республикасы Қарулы күштерінің құрамасы, үшінші орынды Беларусь Республикасы Қарулы күштерінің құрамасы олжалады. Төртінші орын Өзбекстан Республикасына, бесінші орын Қырғызстан Республикасына, алтыншы орын Тәжікстан Республикасына бұйырды.Қазақстан Республикасы Қарулы күштерінің өкілдерінің қоржынында алты медаль: үш алтын, бір күміс және екі қола.Чемпионатта қатардағы жауынгер Қасымбай Мұхит (65 келіге дейін), лейтенант Ержан Олжас (70 келіге дейін), майор Вадим Федосеев (75 келіге дейін) жеңіске жетті. 80 келіге дейінгі салмақта ефрейтор Дархан Дабылбек күміс жүлделі болды. Қола жүлде алғандар: сержант Досқали Әшіров (85 келіге дейін), сержант Еламан Қуатов (85 келіден жоғары).Қазақстан Республикасы Қорғаныс министрлігі Спорт комитетінің төрағасы – Армия орталық спорт клубының бастығы полковник Арман Әбеуов спортшылар мен жаттықтырушылар штабын нәтижелі жетістіктерімен құттықтады.– Қазақстан Республикасы Қарулы күштерінің құрамасы армия қоян-қолтық ұрысынан ТМД чемпионатында лайықты жекпе-жек көрсетті. Достастықтың ең мықты командалары арасында екінші жалпы командалық орын және жеңіп алған алты медаль біздің әскери қызметшілеріміздің жоғары дайындығының, кәсібилігінің, батылдығы мен мықты рухының айқын дәлелі. Сіздер Қазақстанның Қарулы күштерін намысын халықаралық аренада абыроймен қорғап, отандық армия қоян-қолтық жекпе-жек мектебінің беделін көрсеттіңіздер. Спортшыларға, жаттықтырушыларға және осы жетістікке үлес қосқандардың бәріне алғыс айтамын. Еліміздің атынан жаңа жеңістерге жете беріңіздер, – деді Спорт комитетінің төрағасы.Армия құрамасының жемісті өнер көрсетуі әскер спортшыларының дайындық деңгейі жоғары және оларды оқытудың қолданыстағы жүйесінің тиімді екенін айқындады.Ақпарат көзі : https://www.gov.kz/memleket/entities/mod/press/news/details/1256010?lang=ru

Ағымдағы жылдың  9 шілдеде Ақмола облыстық Өңірлік коммуникациялар қызметінде «Алкоголь өнімдерін сатуға байланысты лицензиялау. Акцизделетін өнімнің заңсыз айналыма қарсы құрес.  Қазақстан Республикасынан мұнай өнімдерін экспорттауға енгізілген шектеулер туралы» тақырыбында брифинг өтті.Шара барысында Ақмола облысы бойынша  Мемлекеттік кірістер департаментінің  бөлім басшысы Ержан Шұлембеков келесіні хабарлады. Қазақстан Республикасының аумағында алкоголь өнімдерін өткізу лицензияланатын қызмет түрлеріне жатады. Алкоголь өнімдерін көтерме немесе бөлшек саудада заңды түрде өткізу үшін кәсіпкерлер белгіленген тәртіппен тиісті лицензия алуы қажет.Алкоголь өнімдерін өндіру аумағындағы қызметті қоспағанда, алкоголь өнімдерін сақтау және өткізуге лицензияны Қазақстан Республикасы Қаржы министрлігі Мемлекеттік кірістер комитетінің аумақтық органдары береді.Лицензия алу үшін өтінішті электрондық форматта www.egov.kz электрондық үкімет порталы арқылы беруге болады. Бұл құжаттарды қарау мерзімін едәуір қысқартып, рұқсат құжаттарын алу процесін бизнес үшін анағұрлым ыңғайлы етеді.Лицензия беру немесе оны беруден бас тарту туралы дәлелді жауап беру мерзімі – өтініш тіркелген күннен кейінгі 1 (бір) жұмыс күнінен кешіктірілмей жүзеге асырылады. Лицензияны қайта ресімдеу мерзімі – 3 (үш) жұмыс күні.Лицензия алу үшін өтініш беруші электрондық өтінішті, лицензиялық алымның төленгенін растайтын құжатты, сондай-ақ үй-жайды пайдалану құқығын растайтын құжаттарды ұсынуы қажет. Сонымен қатар сумен жабдықтау, электрмен жабдықтау, кәріз жүйесі және деректерді тіркеу мен беру функциясы бар бақылау-касса машинасының болуы туралы мәліметтер ұсынылады.Мемлекеттік қызмет көрсету кезінде көрсетілетін қызметті алушыдан алынатын төлем мөлшері және оны алу тәртібі. Қазақстан Республикасы Салық кодексінің 616-бабының 4-тармағына сәйкес, қызметтің жекелеген түрлерімен айналысу құқығы үшін лицензиялық алым мөлшерлемелері республикалық бюджет туралы заңда белгіленген және алым төленген күнге қолданыста болатын айлық есептік көрсеткіш (АЕК) мөлшеріне қарай белгіленеді және төмендегідей мөлшерде алынады:-  астанада, республикалық және облыстық маңызы бар қалаларда -100 АЕК-  аудандық маңызы бар қалалар мен кенттерде - 70 АЕК-  ауылдық елді мекендерде - 30 АЕК.Біліктілік талаптарының сақталуына ерекше назар аударылады. Алкоголь өнімдерінің көтерме саудасын жүзеге асыру үшін алкоголь өнімдерін сақтау, қабылдау және босатуға арналған қойма үй-жайлары болуы қажет. Мұндай үй-жайлар білім беру, денсаулық сақтау ұйымдарының, спорт объектілерінің, жанармай құю станцияларының, базарлардың және мәдени-демалыс мекемелерінің аумағында орналаспауы тиіс.Алкоголь өнімдерін бөлшек саудада өткізу үшін заңнама талаптарына сәйкес келетін стационарлық үй-жайдың болуы міндетті. Үй-жай сумен жабдықтау, электрмен жабдықтау және кәріз жүйесімен қамтамасыз етіліп, тіркелген бақылау-касса машинасымен жабдықталуы қажет.Заңнамада лицензия беруден бас тарту жағдайлары да көзделген. Оларға лицензиялық алымның төленбеуі, біліктілік талаптарына сәйкес келмеу, жалған мәліметтер ұсыну немесе лицензияланатын қызметті жүзеге асыруға қатысты сот шектеулерінің болуы жатады.Өтінішті қарау нәтижесінде көрсетілетін қызметті алушы лауазымды тұлғаның электрондық цифрлық қолтаңбасымен куәландырылған электрондық лицензияны немесе бас тарту себептері көрсетілген дәлелді жауапты алады.Белгіленген талаптарды сақтау және лицензияны уақытылы рәсімдеу алкоголь өнімдерін өткізу қызметін жүзеге асырудың міндетті шарты болып табылады және кәсіпкерлік қызметтің заңдылығын қамтамасыз етуге ықпал етеді.Ағымдағы жылдың  алты айында  Ақмола облысы бойынша Мемлекеттік кірістер департаментінің қызметкерлері 90 тексеру жүргізді, оның барысындазаңсыз айналымнан 2 679 литр алкоголь өнімі, 11 777 қорап темекі және 1 060,6 тонна мұнай өнімі тәркіленді.Алкоголь өнімдерін тиісті лицензиясыз немесе қажетті жолдама құжаттарынсыз өңдеу алкоголь өнімдерін тәркілеумен қатар, 15-тен 200 айлық есептік көрсеткішке дейінгі айыппұл түріндегі әкімшілік жауапкершілікке әкеп соғатынын еске саламыз.Сондай-ақ, біз сіздерді мұнай өнімдерінің жекелеген түрлерін экспорттауға енгізілген шектеулер туралы хабарлаймыз.Қазақстан Республикасы Энергетика министрінің 2026 жылғы 30 сәуірдегі № 175-н/қ бұйрығымен мұнай өнімдерін экспорттауға тыйым салынды: Тыйым 2026 жылғы 22 мамырдан 2026 жылғы 22 қарашаға дейінгі мерзімді қамтиды. Сондай-ақ Еуразиялық экономикалық одаққа мүше мемлекеттерді қоса алғанда, автомобиль және теміржол көлігімен бензиндерді, дизель отынын және жекелеген мұнай өнімдерін әкетуге жол берілмейтіні айтылған.Автомобиль көлігімен экспорттауға тек көлік құралын өндіруші орнатқан отын бактарында және күніне бір реттен артық емес рұқсат етіледі;Қазақстан Республикасының Мемлекеттік шекарасынан өткізу пункттерінде ережелерді бұзу, атап айтқанда, адамдар мен көлік құралдарының кіруіне, болуына, қозғалуына және шығуына, немесе жүктер мен тауарларды әкелуге, болуға, жылжытуға және әкетуге қатысты белгіленген тәртіпті сақтамау «Әкімшілік құқық бұзушылық туралы» Қазақстан Республикасы Кодексінің 513-бабына сәйкес әкімшілік жауапкершілікке тартылады, бұл 5 (бес)-тен 10 (он) айлық есептік көрсеткішке (АЕК) дейін айыппұл салуға немесе Қазақстан Республикасынан әкімшілік жолмен шығарып жіберуге әкеп соғады.Сонымен қатар, тиісті рұқсатсыз көлік құралдарын рұқсатсыз өзгерту Қазақстан Республикасы Әкімшілік құқық бұзушылық туралы кодексінің 590-бабының 7-бөлігі бойынша әкімшілік жауапкершілікке әкеп соғатынын және 15 (он бес) айлық есептік көрсеткіш (АЕК) мөлшерінде айыппұл салынатынын ескертеміз.Қазіргі уақытта Ақмола облысы бойынша мұнай өнімдерінің заңсыз экспорты мен айналымына қарсы күрес мақсатында Мемлекеттік кірістер органдарының, құқық қорғау органдарының және басқа да тиісті органдардың қатысуымен рейдтер жүргізілуде; алдын алу және ақпараттық-түсіндіру жұмыстары да жүргізілуде.Заңнаманы бұзбауға шақырамыз.Шара барысында қойылған сұрақтарға толық жауаптар берілді.Ақпарат көзі : https://www.gov.kz/memleket/entities/kgd-akmola/press/news/details/1255991?lang=ru

💳 Ақшалай есеп айырысу:Тауарлар, жұмыстар немесе қызметтерге қолма-қол ақша, төлем карточкалары немесе мобильді төлемдер арқылы төлем жасау. Кез келген ақша алу – ақшалай есеп айырысу болып саналады.🧾 БКМ чегі деген не:Контрольно-кассалық машина чегі — төлем фактісін растайтын бастапқы есеп құжаты. Шығарылады:* Қағаз түрінде;* Электронды түрде ККМ немесе «Е-Салық Бизнес» мобильді қосымшасы арқылы.⚠️ Ақаулар мен жауапкершілік:* Чекті бермеу немесе дұрыс емес сомамен беру — ескерту, қайталанған жағдайда — айыппұл:o Шағын және орта бизнес (ШОБ): 20–30 АЕКo Ірі бизнес: 40–50 АЕК ✅ БКМ қолдану талаптары:БКМ іс-әрекет басталғанға дейін салық органында есепке қойылады;Әр төлем чекпен расталады;Салық органдары БКМ-ге бақылау үшін қол жеткізе алады;Чек мазмұны және деректерді беру талаптарына сәйкес болуы тиіс;БКМ-ді өзгерту немесе есептен шығару мүмкін жағдайлары:o қызметті тоқтату, ликвидация немесе қайта ұйымдастыру;o техникалық ақау;o ұрлық немесе жоғалту;o жаңа модельге ауыстыру.💡 Маңызды:* БКМ кірістерді бақылауға, салықтарды дұрыс есептеуге және айыппұлдан сақтануға көмектеседі. Чем тұтынушынын құқықтарын қорғайды.* Онлайн немесе карточка арқылы төлем жасалған жағдайда да чек міндетті. Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1255942?lang=ru

Астана қаласы бойынша Мемлекеттік кірістер департаменті азаматтарды телефон арқылы жасалатын алаяқтық фактілерінің жиілеп кеткені туралы ескертеді.Мемлекеттік кірістер органдарының қызметкері ретінде таныстыратын алаяқтар азаматтардың жеке деректерін түрлі сылтаулармен иемденуге әрекет жасауда. Олар ресми хаттың келіп түскені туралы жалған ақпарат хабарлап немесе құжаттарды пошта не курьерлік қызмет арқылы алу қажет екенін айтып, сенімге кіруге тырысады.Әңгімелесу барысында алаяқтар 1414 нөмірінен келетін SMS-кодтарды, растау кодтарын, құпиясөздерді, банк карталарының деректемелерін және басқа да құпия ақпаратты хабарлауды сұрауы мүмкін.Есте сақтаңыз: мемлекеттік кірістер органдарының қызметкерлері ешқашан құпия сөздерді, банк карталарының деректемелерін немесе өзге де жеке деректерді сұрамайды.Егер сізге осындай қоңырау шалынса:SMS-кодтарды және жеке деректеріңізді хабарламаңыз;хабарламалардағы сілтемелерге өтпеңіз;белгісіз қосымшаларды орнатпаңыз;әңгімені дереу тоқтатыңыз;қажет болған жағдайда Мемлекеттік кірістер департаментіне тек ресми байланыс арналары арқылы өзіңіз хабарласыңыз.Астана қаласы бойынша Мемлекеттік кірістер департаменті азаматтарды қырағылық сақтауға, мұндай алаяқтық тәсілдері туралы туған-туыстары мен жақындарын алдын ала ескертуге және тек ресми ақпарат көздеріне ғана сенуге шақырады. Ақпараттың дұрыстығын тексеруге жұмсалған бірнеше минут сіздің жеке деректеріңіз бен қаржы қаражатыңызды қорғауға көмектеседі.Ақпарат көзі : https://www.gov.kz/memleket/entities/kgd-astana/press/news/details/1255909?lang=ru

Бүгін Алматы облысында Су шаруашылығы қызметкерлері күні қарсаңында өңірдің су қауіпсіздігін қамтамасыз етіп, ирригациялық жүйелердің үздіксіз жұмысын тәулік бойы қадағалайтын мамандарға құрмет көрсетілді. Іс-шараға сала ардагерлері, «Алматыоблсушар» мекемесінің, Д. Қонаев атындағы Үлкен Алматы каналы филиалының, Балқаш-Алакөл бассейндік инспекциясының қызметкерлері, сондай-ақ жобалау және құрылыс ұйымдарының өкілдері қатысты, – деп хабарлайды Алматы облысы әкімінің баспасөз қызметі.Жиында облыс әкімінің орынбасары Бақытнұр Бақытұлы құттықтау сөз сөйледі.«Егістік алқаптарының өнімділігі, аграрлық саланың дамуы және халықтың азық-түлік қауіпсіздігі – сіздердің қажырлы еңбектеріңіздің жемісі. Өңірде су қоймалары мен каналдарды жаңғырту, ирригациялық инфрақұрылымды жетілдіру бағытында атқарылып жатқан жұмыстар экономиканың өркендеуіне зор үлес қосуда. Баршаңызды кәсіби мерекелеріңізбен құттықтаймын!» – деген Бақытнұр Бақытұлы бұл салада қажырлы еңбек етіп жүрген мамандарға мемлекеттік және ведомстволық наградаларды, Құрмет грамоталары мен Алғыс хаттарды табыстады.Марапатталғандардың бірі – Тасқұтан су көтергіш бөгетінде инженер-гидротехник болып еңбек ететін Абзал Рахымбаев. Ол «Су шаруашылығының үздігі» ведомстволық төсбелгісінің иесі атанды. Осы салада он жылдан астам уақыт бойы еңбек етіп келеді.«Бұл марапат – тек менің емес, бүкіл ұжымның еңбегінің нәтижесі. Тасқұтан бөгетінде біз суармалы аймақтарға судың уақытылы әрі тұрақты жеткізілуін бақылаймыз. Әрбір литр су диқандар үшін аса маңызды. Сондықтан біздің жұмысымыз үлкен жауапкершілікті талап етеді. Әсіресе суару маусымында демалыс пен мереке деген ұғым болмайды. Бірақ еңбегіңнің арқасында елдің ырысы артып, мол өнім жиналғанын көргенде, мамандығыңның қаншалықты маңызды екенін сезінесің. Барша әріптестерімді кәсіби мерекемен құттықтаймын», – деді Абзал Рахымбаев.Бүгінде мемлекеттік деңгейде кеңінен талқыланып жатқан су инфрақұрылымын дамыту мен су үнемдеу технологияларын енгізу ісі дәл осындай өз кәсібіне адал мамандардың еңбегі арқылы жүзеге асуда. Ардагерлердің мол тәжірибесі мен жас мамандардың жігері су ресурстарын сақтай отырып, болашаққа нық қадам басуға мүмкіндік беріп келеді.Ақпарат көзі : https://www.gov.kz/memleket/entities/almobl/press/news/details/1255856?lang=ru

Қостанай облысының әкімі Құмар Ақсақалов Арқалық қаласына барып, шаһардың 70 жылдығы қарсаңында атқарылып жатқан жұмыстармен танысты. Қалада инфрақұрылым, спорт және көлік салаларын дамытуға бағытталған жұмыстар жоспар бойынша жүзеге асырылуда.3 жыл ішінде 138 тұрғын үйдің қасбеті жаңартылды, биыл тағы 50 үйдің сырт келбеті жөнделеді.Теміржол вокзалы жаңғыртылуда. Инженерлік желілер, күту залдары мен кассалық аймақтар, санитариялық жайлар жаңартылып, заманауи қауіпсіздік жүйелері енгізілетін болады.Биыл Арқалықта облыстық жазғы спартакиада өтеді. Жарыстар өтетін басты нысан — «Жігер» стадионы жөнделіп жатыр. Өткен жылы Арқалықта 3 жаңа спорт нысаны пайдалануға берілді.Жабық хоккей корты мен денешынықтыру-сауықтыру кешені салынып жатыр.Арқалық әуежайының құрылысы аяқталуға жақын. Терминал бойынша негізгі құрылыс және инженерлік жұмыстар орындалды. Авариялық-құтқару станциясының, диспетчерлік мұнараның құрылыс жұмыстары жалғасуда. Ұшу-қону жолағында асфальт фрезерлеу жұмыстары жүргізіліп жатыр. Автономды қазандық пен сорғы станциясы толығымен орнатылды.Ақпарат көзі : https://www.gov.kz/memleket/entities/kostanay/press/news/details/1255870?lang=ru

Абай облысында Қаржы министрлігі Ішкі мемлекеттік аудит комитетінің төрағасы халықпен кездесу өткізіп, 2026 жылдың бірінші жартыжылдығындағы комитет қызметінің қорытындылары мен алдағы кезеңге арналған негізгі міндеттерді таныстырды.Кездесу барысында мемлекеттік аудитті цифрландыру, тәуекелге бағдарланған тәсілді дамыту және алдын алу тетіктерін кеңінен енгізу нәтижесінде аудит тиімділігінің артқаны атап өтілді. Есепті кезеңде 541 аудиторлық іс-шара жүргізіліп, 1,8 трлн теңге көлеміндегі бюджет қаражаты қамтылды. Нәтижесінде 455,7 млрд теңге қаржылық бұзушылық анықталып, олардың басым бөлігі жойылды.Сондай-ақ мемлекеттік сатып алу, онлайн бюджеттік мониторинг, электрондық аудит және қаржылық есептілік аудиті бағыттарында енгізілген цифрлық шешімдердің тиімділігі баяндалды. Онлайн бюджеттік мониторинг жүйесі тәуекелі жоғары операцияларды уақтылы анықтауға және негізсіз шығыстардың алдын алуға мүмкіндік бергені айтылды.Кездесуде мемлекеттік аудиттің жаңа құралдары, оның ішінде SMART AUDIT QAZAQSTAN бірыңғай аналитикалық платформасын құру, жасанды интеллект элементтерін қолдану және мемлекеттік аудиторлардың кәсіби біліктілігін арттыруға бағытталған «Аудитор қалқаны AI» жүйесін енгізу жөніндегі жұмыстар таныстырылды.Іс-шара барысында азаматтардың өтініштерін қарау, жеке қабылдаулар өткізу және халықпен кері байланысты күшейту мәселелеріне де ерекше назар аударылды.Кездесу қорытындысында Комитет алдағы уақытта да цифрлық технологияларға негізделген, тәуекелге бағдарланған және бұзушылықтардың алдын алуға бағытталған мемлекеттік аудит жүйесін дамыту жұмыстарын жалғастыратыны атап өтілді.Ақпарат көзі : https://www.gov.kz/memleket/entities/kvga/press/news/details/1255847?lang=ru

Ақпарат көзі : https://www.gov.kz/memleket/entities/kostanay-fedorov/press/news/details/1255826?lang=ru

Ұлттық «Энергетикалық және коммуналдық секторды жаңғырту» жобасы аясында АСКУЭ жүйесін кезең-кезеңімен енгізу жоспарланған. Жоба бойынша 359 733 электр энергиясын есепке алу нүктесін жаңғырту көзделген, бұл жалпы нүктелердің 75,8%-ын құрайды.Жоба аясында ескірген есептегіш құралдары заманауи көптарифті интеллектуалды құрылғыларға ауыстырылады. PLC және RF байланыс арналары арқылы жұмыс істейтін «Орман» және «Дала» типті есептегіштер орнатылады.2026 жылы инвестициялық бағдарлама шеңберінде АСКУЭ функциясы бар 8 753 есептегіш орнату жоспарланған. Оның ішінде Өскемен қаласында 7 403 құрылғы іске қосылады.Сондай-ақ 2026 жылы СК-11 бағдарламалық-техникалық кешені енгізілуде. Бұл жүйе электр желілерін жедел басқаруды жаңа деңгейге көтереді.Цифрлық трансформацияның маңызды бағыты — цифрлық егіздерді енгізу. Оның аясында 35–220 кВ электр желілерінің цифрлық моделі жасалып, телемеханикалық деректермен алмасу жүйесі қалыптастырылады.Ақпарат көзі : https://www.gov.kz/memleket/entities/vko-uca/press/news/details/1255813?lang=ru

Алматының Алатау ауданындағы Саялы шағын ауданында балалар мен жастарға арналған жаңа Даму және шығармашылық орталығының құрылысы толық аяқталды.Жалпы ауданы 10 мың шаршы метрден асатын үш қабатты заманауи кешен күніне 1350 баланы қабылдай алады.Нысан құрылысы 2025 жылы басталған. Бүгінде барлық құрылыс жұмыстары толық аяқталып, инженерлік желілер қосылды және аумақ абаттандырылды. Орталық пайдалануға берілгеннен кейін 70 тұрақты жұмыс орны ашылады.Жоба аясында балалар мен жасөспірімдердің жан-жақты дамуына арналған заманауи әрі қолайлы орта қалыптастыруға ерекше көңіл бөлінді.Орталықтың бірінші қабатында 253 орындық көрермендер залы, жүзу бассейні, бокс және жекпе-жек залдары, сондай-ақ психолог, логопед және дефектолог кабинеттері орналасқан.Екінші қабат шығармашылық бағыттарға арналған. Мұнда музыка және дыбыс жазу студиялары, хореография залдары, бейнелеу өнері, мүсін және гончарлық шеберханалар, сондай-ақ 3D-модельдеу сыныптары жұмыс істейді.Ал үшінші қабат технопарк форматында жабдықталған. Онда робототехника, электроника, авиа және судомодельдеу зертханалары, планетарий, агрокультура және аквапоника кабинеттері қарастырылған.Ақпарат көзі : https://www.gov.kz/memleket/entities/almaty-us/press/news/details/1255818?lang=ru

Елордада ҚР ІІМ Ұлттық ұлан ән-би ансамблінің солисті, «Құрмет» орденінің кавалері Бауыржан Макаевтің «Самғау» атты шығармашылық кеші өтті.Филармония концерт залында көрермен назарына өнерпаздың шығармашылық жолы, сахнадағы жетістіктері мен рухани мұрасы кеңінен дәріптелді. Концерттік бағдарламада өнер иесінің орындауында таңдаулы әндер шырқалып, көрерменге көтеріңкі көңіл-күй сыйлады.Шығармашылық кешке арнайы қонақ ретінде елімізге танымал өнерпаздар да қатысып, өз өнерлерін ұсынды. Атап айтқанда, Санжай Әлмишев, Болат Қохаманов, Марат Нүкеев, Олжас Құрманбек және Мұрат Зайнұла сахна төрінде өнер көрсетіп, кештің мазмұнын аша түсті.Концерт барысында өнер иелері қазақ эстрадасының құндылықтарын дәріптеп, көрерменмен ерекше байланыс орнатты. Ән мен әуенге толы кешке жиналған қауым өнерпаздардың шығармашылығына жоғары бағасын берді.«Самғау» шығармашылық кеші – өнерге деген құрметті арттырып, ұлттық музыка мен сахна мәдениетінің дамуына үлес қосқан мазмұнды мәдени шаралардың бірі болды. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1255789?lang=ru

Баянды ауылы әкімі аппаратының әкімі Қадырбек Құдабайұлы мекеме қызметкерлерімен сыбайлас жемқорлықтың алдын алу, мемлекеттік қызметшілердің әдеп нормаларын сақтау және қызметтік тәртіпті күшейту мәселелері бойынша түсіндірме жиналысы өткізді.Жиналыс барысында сыбайлас жемқорлыққа қарсы іс-қимыл талаптарын қатаң сақтау, азаматтармен қарым-қатынаста әдептілік таныту және қызметтік міндеттерді сапалы орындау қажеттігі атап өтілді.⚜️Баянды ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-bayandy/press/news/details/1255791?lang=ru

Шығыс Қазақстан облысындағы барлық білім беру нысандары Қазақстан Республикасы Білім және ғылым министрлігінің №117 бұйрығымен бекітілген терроризмге қарсы қорғаныс талаптарына сәйкес қауіпсіздік жүйелерімен қамтамасыз етілген.Қазіргі таңда облыста 344 мемлекеттік жалпы білім беретін мектеп, 85 мемлекеттік балабақша және 18 мемлекеттік колледж жұмыс істейді.Білім беру ұйымдарының қауіпсіздігін қамтамасыз ету мақсатында 407 нысан Жедел басқару орталығына (ЖБО) және полицияның кезекші бөлімдеріне қосылған. Оның ішінде 325 нысан террористік тұрғыдан осал объектілер санатына жатады.Сонымен қатар, облыстағы 447 білім беру ұйымы дабыл түймелерімен жабдықталған. Оның ішінде 325 нысан террористік тұрғыдан осал объектілер болып табылады.Білім беру ұйымдарында қауіпсіз ортаны қалыптастыру, оқушылар мен педагогтердің өмірі мен денсаулығын қорғау бағытындағы жұмыстар тұрақты бақылауда.Қауіпсіздік – басты назарда!Ақпарат көзі : https://www.gov.kz/memleket/entities/vko-uca/press/news/details/1255783?lang=ru

Бүгін жұмыс сапары барысында қала әкімі балалар және спорт алаңдарын салу жобаларының жүзеге асу барысымен танысты.Үй маңындағы заманауи қоғамдық кеңістіктерді қалыптастыру – жайлы қалалық ортаны дамытудың маңызды бағыттарының бірі. Осыған байланысты Қостанай қаласының барлық аудандарында аулалық инфрақұрылымды кезең-кезеңімен жаңғырту жұмыстары жүргізілуде.Биыл қалада 40 жаңа балалар алаңын салу жоспарланған. Оның ішінде 10 алаң тұрғын үй-коммуналдық шаруашылық бөлімінің жоспары аясында орнатылса, тағы 30 алаң тұрғындардың бастамасымен «Халық қатысатын бюджет» жобасы арқылы жүзеге асырылуда. Сонымен қатар, қыркүйек айының ортасына дейін Жастар бульварында, Қонай шағын ауданында және «Керуен» саябағында үш ірі ойын кешенін орнату көзделген.Қазіргі уақытта тұрғын үй-коммуналдық шаруашылық бөлімінің жоспары бойынша жүзеге асырылып жатқан 10 алаң толық, яғни 100 пайызға аяқталған. Ал «Халық қатысатын бюджет» жобасы аясындағы 30 алаң бойынша жұмыстар ағымдағы жылдың 15 қазанына дейін аяқталады.Жыл соңына қарай Қостанай қаласындағы 550 аула аумағының 256-сында заманауи балалар ойын алаңдары орнатылатын болады.Сонымен қатар, қолданыстағы инфрақұрылымды жаңарту жұмыстары да жалғасуда. Биыл тағы 79 аулада жөндеу жұмыстары жүргізіледі.Ақпарат көзі : https://www.gov.kz/memleket/entities/kostanai-kalasy-akimat/press/news/details/1255756?lang=ru

Алматы әкімі Дархан Сатыбалды Республика алаңында аяқталған көріктендіру жұмыстарының нәтижесімен танысты. Жұмыс сапары барысында оған қаланың басты қоғамдық кеңістіктерінің бірі – Республика алаңын қайта жаңғырту қорытындысы таныстырылып, сондай-ақ Сәтбаев көшесінің Байзақов көшесінен Луганский көшесіне дейінгі аралығын кешенді көркейту жобасының жүзеге асырылу барысы баяндалды.Жобаның тұжырымдамасын Ұлыбританияның Лондон қаласындағы LDA Design компаниясы әзірлеген. Бұл жұмысты Алматы қаласының Қоғамдық кеңістіктерді дамыту басқармасы «қасбеттен қасбетке дейін» қағидаты негізінде жүргізді.Жобаның басты мақсаты – жүргіншілерге басымдық берілетін, заманауи, қауіпсіз әрі жайлы орта қалыптастыру. Республика алаңында көріктендірілген аумақтың жалпы көлемі 4,5 гектар.Алаңда қоғамдық кеңістіктің жабындары толық жаңартылып, инженерлік желілер, сыртқы жарықтандыру және автоматтандырылған суару жүйесі заман талабына сай жаңғыртылды. Құрылыс барысында пайдалану мерзімі 10 жылдан заманауи, төзімді материалдар қолданылды. Бұл алдағы уақытта аумақты күтіп-ұстау шығынын айтарлықтай азайтуға мүмкіндік береді.Көгалдандыру жұмыстары ауқымды көлемде жүргізілді. Алаңға 233 ірі ағаш, 63 мыңнан астам бұта және 17,7 мың көпжылдық өсімдік егіліп, көгалдар мен беде жамылғысы төселді. Кешкі уақытта жасыл желек сәулеттік-көркем жарықпен әрленіп, қоғамдық кеңістіктің ажарын аша түседі. Сонымен бірге, аумаққа 129 заманауи жарық шамы орнатылып, алаң толық жарықтандырылды.Тұрғындардың жайлы демалысы үшін заманауи балалар ойын алаңдары, серуендеу жолдары, демалыс аймақтары және екі амфитеатр салынды. Сондай-ақ, алаңда велосипед жолақтары жасалып, олар болашақта Сәтбаев көшесі бойымен өтетін бірыңғай веложол желісінің құрамына енеді. Бұдан бөлек, орындықтар, қоқыс жәшіктері, велосипед тұрақтары, үстелдер, креслолар, ландшафтық жиһаздар, аркалар және басқа да шағын сәулет нысандарын қамтитын 500-ден астам көріктендіру элементі орнатылды.Жаңартылған алаңның басты ерекшеліктерінің бірі – қоғамдық кеңістіктің жаңа ландшафтық келбетін айшықтайтын сегіз сәндік су айдыны. Бұған қоса, бұрыннан бар субұрқақтар толық жөндеуден өткізіліп, заманауи жаңа субұрқақ кешендері салынды. Олар қала тұрғындары мен қонақтарының сүйікті демалыс орындарының біріне айналмақ.Жоба аясында көлік және жаяу жүргінші инфрақұрылымын жетілдіруге де ерекше көңіл бөлінді. Сәтбаев көшесінде жаңа қоғамдық көлік аялдамасы пайдалануға беріліп, қаланың әкімшілік әрі іскерлік орталығына қатынау мүмкіндігі жақсарды. Сонымен қатар қосымша бағдаршамдар орнатылып, реттелетін жүргіншілер өткелдері жасалды және халықтың барлық санатына қолайлы кедергісіз орта қалыптастырылды.Жобаны іске асыру барысында ескі жабындар алынып, жаңа инженерлік коммуникациялар тартылды, автоматты суару жүйесі, павильондарға арналған негіздер және басқа да қажетті құрылыс жұмыстары орындалды.Жоба толық аяқталған соң Сәтбаев көшесі бойында біртұтас заманауи қоғамдық кеңістік қалыптасады. Ал жаңарған Республика алаңы Алматының ең көрікті әрі тартымды қоғамдық орындарының бірі ретінде тұрғындар мен қала қонақтарына серуендеуге, тынығуға, спортпен айналысуға, мәдени іс-шаралар мен мерекелік басқосулар өткізуге қолайлы мекен болмақ.Ақпарат көзі : https://www.gov.kz/memleket/entities/almaty/press/news/details/1255740?lang=ru

Бүгін Алматы қаласында белгілі актер Джеки Чанның қатысуымен түсірілетін Armour of God: Ultimatum («Доспехи бога: Ультиматум») халықаралық көркем фильмінің өндірісін ресми түрде бастау рәсімі өтті.Салтанатты іс-шараға ҚР Премьер-Министрінің орынбасары – Мәдениет және ақпарат министрі Аида Балаева, Алматы қаласының әкімі Дархан Сатыбалды, Алматы облысының әкімі Марат Сұлтанғазиев, сондай-ақ қазақстандық және халықаралық киноиндустрия өкілдері қатысты.Үкімет басшысының орынбасары Джеки Чанның Қазақстан мен Қытай арасындағы мәдени-гуманитарлық байланыстарды дамытуға қосып отырған үлесін жоғары бағалады.«Қазақстан мәдениетін әлемдік аренада танытуға және екі ел арасындағы мәдени-гуманитарлық байланысты нығайтуға қосып отырған үлесіңіз үшін Сізге алғыс білдіремін. Алдағы түсірілім жұмыстарына сәттілік, жаңа шығармашылық табыстар тілеймін», – деді Аида Балаева.Кездесу барысында Джеки Чан Алматының талантты жас суретшілерімен және Т. Жүргенов атындағы Қазақ ұлттық өнер академиясының түлектері – жас кинематографистермен әңгімелесті. Ол жастарға шығармашылық жолда табыс тілеп, үздіксіз ізденіс пен өз ісіне деген сүйіспеншіліктің маңызын атап өтті. Кездесу соңында балалар әйгілі актерге өздері салған портреттерді тарту етті.Іс-шара соңында қатысушылар дәстүрлі түсірілім тақтайшасымен естелік суретке түсті. Осылайша фильм өндірісінің ресми басталғаны айшықталды.Жоба ҚР Мәдениет және ақпарат министрлігінің және Қытайдың мемлекеттік кинокомпаниясы China Film Group Corporation-ның қолдауымен жүзеге асырылуда. Фильм өндірісімен қазақстандық Sәlem Entertainment компаниясы және гонконгтық Billion Target компаниясы айналысады.Фильм түсірілімі 2026 жылғы шілде мен қазан айлары аралығында Қазақстан аумағында өтеді. Картинаның қоюшы режиссері – қазақстандық Роберт Кун. Туынды кең халықаралық прокатқа бағытталған. Негізгі түсірілім алаңдары Алматы қаласында, Алматы және Маңғыстау облыстарында орналасады.Бұл жоба Қазақстан үшін стратегиялық әрі имидждік тұрғыдан маңызды. Оның жүзеге асырылуы еліміздің мәдени, туристік және инвестициялық әлеуетін ілгерілетуге, кинотуризмді дамытуға, халықаралық ынтымақтастықты нығайтуға және Қазақстанды әлемдік деңгейдегі ірі киножобаларды түсіруге қолайлы заманауи алаң ретінде кеңінен танытуға ықпал етеді.ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/almobl/press/news/details/1255715?lang=ru