Link - Newsletter - 26.02.2026Ақпарат көзі : https://www.gov.kz/memleket/entities/mfa-brussels/press/news/details/1170632?lang=kk

Любляна, 2026 жылғы 26 ақпан – Словения СЕІМ‑нің Дипломатиялық протокол басшысы, Елші Наташа Прахпен кездесуде Қазақстанның Словениядағы Елшісі А.Әбибуллаев екіжақты қатынастардың жоғары қарқынын және олардың дәйекті дамуын, соның ішінде Словенияның Қазақстандағы жаңа Елшісін Люблянада резиденциясымен тағайындау жоспарын да талқылады.Елші 2027 жылы Қазақстан мен Словения арасындағы дипломатиялық қатынастардың 35 жылдығына орай жоспарланған бірлескен іс‑шаралар, сондай‑ақ Қазақстанның жасанды интеллект пен цифрлық технологияларды дамытудағы жетістіктері мен жоспарлары туралы ақпарат берді. Бұл тұрғыда Люблянада өтетін «AI Digital Bridge» қазақстан‑словен бизнес форумының маңыздылығы атап өтілді.Кездесу барысында тараптар дипломатиялық және визалық‑аккредитациялық рәсімдерді жетілдіру мәселелері бойынша пікір алмасып, практикалық өзара іс‑қимылдың бірқатар аспектілері бойынша келісімге келді. Ақпарат көзі : https://www.gov.kz/memleket/entities/mfa-ljubljana/press/news/details/1170602?lang=kk

Лондон, 2026 жылғы 26 ақпан – Құрама Корольдікке сапары аясында Қазақстан Республикасының Сыртқы істер министрі Ермек Көшербаев Ұлыбританияның Сыртқы істер министрі Иветт Купермен екіжақты кездесу өткізді.Е.Көшербаев «Орталық Азия – Ұлыбритания» форматындағы алғашқы министрлік кездесуін өткізу бастамасы үшін британ Үкіметіне алғысын білдіріп, оның өзектілігі мен іс жүзіндегі бағыттылығын атап өтті.Кездесу барысында тараптар қазақ-британ қатынастарының қазіргі жай-күйі мен перспективаларын, сондай-ақ сауда және инвестициялар, маңызды минералдар, көлік және логистика, қаржы, цифрландыру, білім беру және климаттық күн тәртібі салаларындағы өзара іс-қимылды кеңейту мәселелерін талқылады.2024 жылы қол қойылған Стратегиялық серіктестік және ынтымақтастық туралы келісімнің маңыздылығы аталып өтіп, оны ратификациялау өзара іс-қимылды кең ауқымды бағыттар бойынша тереңдетуге қосымша мүмкіндіктер беретіндігі көрсетілді.«Биыл елдеріміз дипломатиялық қатынастардың орнатылғанына 34 жыл толуын атап өтуде. Осы кезең ішінде Астана мен Лондон белсенді саяси диалог орнатып, сауда-экономикалық және инвестициялық ынтымақтастықты кеңейтіп, халықтар арасындағы байланыстарды нығайтты. Ұлыбритания Қазақстанның Еуропадағы негізгі серіктестерінің бірі болып қала береді және біз стратегиялық серіктестікті одан әрі тереңдетуге бейілдіміз», – деп атап өтті Қазақстан СІМ басшысы.Маңызды минералдар саласындағы ынтымақтастыққа ерекше назар аударылды. Қол қойылған 2026-2027 жылдарға арналған Жол картасының өзара іс-қимылға қолданбалы сипат беріп, геологиялық барлау, өңдеу және заманауи технологияларды енгізу салаларында бірлескен жобаларды іске асыруға мүмкіндік ашатыны атап көрсетілді.Тараптар Еуразиялық байланысты нығайтудың және жаһандық логистикалық тізбектердің тұрақтылығын қамтамасыз етудің негізгі бағыттарының бірі ретінде Транскаспий халықаралық көлік маршрутын дамыту перспективаларын талқылады.Білім және ғылым саласында академиялық ынтымақтастықты одан әрі кеңейтуге өзара қызығушылық расталды. Соңғы жылдары Қазақстанда «De Montfort University», «Heriot-Watt University», «Coventry University» және «Cardiff University» жетекші британ университеттерінің филиалдары ашылды. Бұл өзара іс-қимылдың неғұрлым терең институционалдық модельге көшуін және экономика мен инновациялардың ұзақ мерзімді дамуы үшін берік негіз қалыптастырылғанын айғақтайды.Кездесу қорытындысы бойынша тараптар стратегиялық серіктестікті одан әрі нығайтуға назар аударылғанын растады.Ақпарат көзі : https://www.gov.kz/memleket/entities/mfa-london/press/news/details/1171634?lang=kk

Лондон, 2026 жылғы 26 ақпан – Қазақстан Республикасының Сыртқы істер министрі Ермек Көшербаевтың Лондонға сапары аясында Ұлыбританияның Бизнес және сауда министрінің міндетін атқарушы, сондай-ақ Қазақстан-Ұлыбритания сауда-экономикалық ынтымақтастық жөніндегі Үкіметаралық комиссиясының тең төрағасы Крис Брайантпен кездесуі өтті.«Қазақстан-Ұлыбритания үкіметаралық комиссиясының тең төрағасы ретінде Сіз көп жоспарлы серіктестікті ілгерілетуде маңызды рөл атқарасыз. Біз осы тетіктің көмегімен бұдан арғы іс жүзіндегі нәтижелерге жете аламыз деп санаймыз. Аса маңызды қазбалар, ядролық энергетика, цифрлық трансформация және жасанды интеллект секілді басым секторлардағы инновациялық серіктестікті кеңейте отырып, біздің елдер ұзақ мерзімді өзара тиімді ынтымақтастыққа негіз қалай алады», – деп сұхбат барысында Е.Көшербаев хабарлады.Сұхбат барысында тараптар саяси диалогтың оң серпіні мен екіжақты сауда көлемінің айтарлықтай өскенін атап өтті. Өткен жылы өзара сауда айналымы 1,6 млрд АҚШ долларына жетіп, 84 пайызға ұлғайған. Ұлыбританияның инвестициялық белсенділігіне ерекше назар аударылды: бүгінде Қазақстанда британ капиталының қатысуымен 500-ден астам компания табысты жұмыс істеп келеді. Олар маңызды минералдар, жасыл энергетика, цифрлық технологиялар және жасанды интеллект сияқты басым салаларда жобаларды іске асыруда.     Энергетика саласында тараптар Қазақстан мұнайының Еуропаға тұрақты жеткізілуін және британ компанияларымен ынтымақтастықты кеңейту мүмкіндіктерін талқылады.Е.Көшербаев маңызды минералдар секторын дамытудың стратегиялық маңызына ерекше тоқталып, «Rio Tinto» және «Maritime House» компанияларымен бірлескен табысты жобаларды атап өтті. Қол қойылған Маңызды минералдар жөніндегі жол картасы шеңберінде сирек жер элементтерін өндіру және қайта өңдеу бағытындағы ынтымақтастықты жандандыру жөнінде келісімге қол жеткізілді.Өткен жылы жарияланған Ұлыбританияның маңызды минералдар жөніндегі стратегиясына айрықша назар аударылды, онда Қазақстан тиімді әрі ұзақ мерзімді ынтымақтастықтың үлгісі ретінде көрсетілген. Ұлыбритания стратегиялық маңызы бар деп айқындаған 36 минералдың 22-сі бүгінде Қазақстанда өндіріледі. Олардың қатарында уран, титан, кремний және рений бар. Бұл еліміздің тұрақты әрі сенімді жеткізу тізбегін қамтамасыз етудегі маңызды серіктес ретіндегі рөлін растайды.Сұхбаттастар қазіргі таңда бұл саладағы ынтымақтастық нақты жобалар кезеңіне өтті деген пікірге келді. Басымдық қосылған құн қалыптастыруға, яғни қайта өңдеу және тазарту өндірістерін дамытуға, ілеспе компоненттерді бөліп алуға, тиісті сервистік қызметтер ұсынуға, заманауи қайта өңдеу қуаттарын құру мен жобаларды қаржылық сүйемелдеудің ашық тетіктерін енгізуге бағытталған.Келіссөздердің жекелеген бөлігі білім беру саласындағы бастамаларға арналды. Атап айтқанда, Алматы қаласында «Coventry University» жаңа кампусының ашылуы және «Heriot-Watt University» қызметін кеңейту жоспарлары талқыланды. Е.Көшербаев қос диплом бағдарламаларының, академиялық ұтқырлық пен тағылымдамалардың жүзеге асырылып жатқанын, сондай-ақ қазақ тілінің алғашқы Оксфорд сөздігінің жарық көруін және «Oxford University»-де қазақ тілі курстарының іске қосылғанын атап өтті.Тараптар цифрлық және технологиялық серіктестіктің перспективаларын, оның ішінде «OneWeb» компаниясымен өзара іс-қимылды және жасанды интеллект саласындағы ынтымақтастықты дамыту мәселесін талқылады. Сондай-ақ ұлттық денсаулық сақтау жүйесін жаңғыртуға британ сарапшылары мен компанияларының белсенді қатысып отырғаны аталып өтті.Кездесу қорытындысында К.Брайант Ұлыбританияның Қазақстанмен стратегиялық серіктестікті одан әрі тереңдетуге, негізгі жобаларды іске асыруға және экономика, ғылым мен технология салаларында нақты нәтижелерге қол жеткізу үшін үкіметаралық диалогты кеңейтуге дайын екенін білдірді.Ақпарат көзі : https://www.gov.kz/memleket/entities/mfa-london/press/news/details/1171640?lang=kk

Лондон, 2026 жылғы 26 ақпан – Ұлыбритания тарапының шақыруымен Лондонға келген Қазақстан Республикасының Сыртқы істер министрі Ермек Көшербаев «Орталық Азия + Ұлыбритания» (CA5+UK) форматы аясында Орталық Азия мемлекеттері мен Ұлыбритания сыртқы саяси ведомстволары басшыларының кездесуіне қатысты.Тараптар екіжақты және өңірлік күн тәртібіндегі кең ауқымды мәселелерді, соның ішінде экономикалық өсу мүмкіндіктерін, сауда және инвестициялық ынтымақтастықты кеңейтуді, өңірлік өзара байланыстылықты нығайту және халықаралық көлік дәліздерін дамыту жөніндегі бірлескен жұмысты талқылады.Өз сөзінде Е.Көшербаев өңір мен Ұлыбритания арасындағы прагматикалық, өзара тиімді стратегиялық өзара іс-қимылдың маңыздылығын атап өтіп, оның барлық қатысушы елдердің орнықты экономикалық дамуына ықпал ететінін жеткізді.           «Қазақстан өңірлік байланыстылықты қамтамасыз етуде жетекші рөл атқарады. Біздің аумақ арқылы 13 ірі транзиттік дәліз өтеді, ал Еуропа мен Азия арасындағы құрлық арқылы жүк тасымалының шамамен 85 пайызы Қазақстан арқылы жүзеге асырылады. Дәл осы стратегиялық маңыздылық «CA5+UK» форматының өзегін құрайды. Оның шеңберінде біз Ұлыбританияны ұзақ мерзімді серіктес ретінде қарастырамыз және экономикаларымыздың, қоғамдарымыздың және ортақ болашағымыздың игілігі үшін іс жүзіндегі нәтижелерді қамтамасыз етуге дайынбыз», – деп атап өтті Е.Көшербаев.Ұлыбритания Сыртқы істер министрі Иветт Купер өз сөзінде Орталық Азияның орнықты экономикалық өсуімен, өңірлік ынтымақтастықтың артуымен және халықаралық үдерістердегі рөлінің күшеюімен ерекшеленетін серпінді дамып келе жатқан өңір ретіндегі маңызын атап өтті. Сондай-ақ өңір елдерінің өзара іс-қимылға прагматикалық тұрғыдан келіп, өзара байланыстылықты нығайтып, экономикалық және саяси ынтымақтастықтың заманауи архитектурасын қалыптастыруға қатысуын дәйекті кеңейтіп жатқанын айтты.Талқылаулар барысында Орталық Азияның ресурстық және транзиттік әлеуетін Ұлыбританияның қаржы, реттеушілік стандарттар, технологиялар және білім беру салаларындағы артықшылықтарымен ұштастыру мүмкіндіктеріне ерекше назар аударылды.Орталық Азия елдерінің сыртқы істер министрлері «CA5+UK» Ұлыбритания мен Орталық Азия елдерінің арасындағы өзара іс-қимылдың маңызды форматы деп жоғары бағалады. Бұл формат құрылымдалған және нәтижеге бағдарланған диалогты дамыту үшін маңызды алаң ретінде атап өтілді. Ол Орталық Азия елдерінің ортақ мүдделерін ескере отырып, өңірлік күн тәртібін кешенді қарастыруға, сондай-ақ экономикалық бастамаларды ілгерілету және бірлескен жобаларды іске асыру үшін қосымша мүмкіндіктер жасауға мүмкіндік береді.Ақпарат көзі : https://www.gov.kz/memleket/entities/mfa-london/press/news/details/1171627?lang=kk

Шымкент қалалық адвокаттар алқасында еліміздің жаңа Конституциясына енгізілген нормалар жан-жақты түсіндірілді. Басқосуға Ата заңдағы өзгерістермен тікелей жұмыс істейтін заңгерлер мен құқық саласының өкілдері қатысты.Жиында Мемлекет басшысы бастамасымен еліміз жаңа тарихи кезеңге қадам басқаны айтылды. Қатысушылардың пікірінше, жаңа Конституция саяси, құқықтық және қоғамдық дамудың жаңа бағыттарын айқындап отыр.Адвокаттар атап өткендей, ауқымды өзгерістер – қоғамның ұзақ жылдар бойы қалыптасқан сұранысының және уақыт талабына берілген заңды жауап. Жаңа құжат «Күшті қоғам – Әділетті мемлекет» қағидатын алға шығарып, Парламенттің рөлін күшейтуді, жергілікті өзін-өзі басқаруды дамытуды және азаматтардың құқықтары мен бостандықтарын нақты қорғауды көздейді.Талқылау барысында Конституцияның ел болашағын айқындайтын басты құқықтық негіз екені ерекше аталды. Сонымен қатар жаңа Парламент – Құрылтайдың өкілеттіктері қарастырылды. Заң шығарушы орган 145 депутаттан тұрады және олар пропорционалды сайлау жүйесі арқылы 5 жыл мерзімге сайланады.Сонымен бірге жаңа жалпыұлттық диалог алаңы – Қазақстан Халық Кеңесінің құрылатыны хабарланды. Бұл орган Қазақстан халқы Ассамблеясы мен Ұлттық Құрылтайдың стратегиялық функцияларын жалғастырып, заңнамалық бастама құқығына ие жоғары консультативтік орган болып табылады.Жаңа Конституцияға сәйкес, Вице-президент институты енгізіледі. Ол Президент атынан қоғамдық-саяси, ғылыми және мәдени-ағартушылық ұйымдармен, сондай-ақ шетелдік әріптестермен өзара іс-қимылды жүзеге асырады.Бұдан бөлек, Конституцияда алғаш рет адвокаттық қызмет пен адвокатураға арналған жеке бап бекітілген.Жиын қорытындысында қатысушылар құқықтық реформалардың табысты жүзеге асуы кәсіби қауымдастықтың белсенділігіне тікелей байланысты екенін атап өтіп, жаңа құжатқа қолдау білдіретіндіктерін жеткізді.

«Астана» халықаралық қаржы орталығы (АХҚО) Astana Finance Days (AFD) 2026: Delivering Impact. Capital in Action  форумының өтетін күндерін жариялады – іс-шара 2026 жылдың 9-10 қыркүйегінде Астанада өтеді. Форум банкирлерді, брокерлерді, инвесторларды, қаржы және технологиялық секторлардың, сондай-ақ мемлекеттік және квазимемлекеттік институттардың өкілдерін қоса алғанда, нарықтың кәсіби қатысушыларын біріктіреді.2018 жылы алғаш өткізілген сәттен бастап Astana Finance Days өзін инвестициялар тарту, капитал нарықтарын нығайту және Қазақстанда жаңа бизнес-мүмкіндіктерді қалыптастыру үшін қаржы индустриясы көшбасшыларын бір алаңға жинайтын Еуразия аймағының негізгі қаржы форумы ретінде танытты.Форумға қатысушылар әрдайым оның практикалық құндылығын атап көрсетіп келеді: алаң жаңа жобаларға, мәмілелерге және ұзақ мерзімді стратегиялық серіктестіктерге айналатын өзара іс-қимылды жолға қоюға мүмкіндік береді. Мұнда бизнес өзіне серіктестер таба алады, қаржылық күн тәртібіндегі мәселелер шешіледі, ал қатысушылар саны жыл сайын артып келеді.2025 жылы форум әлемнің 82 елінен 5 500-ден астам қатысушыны, соның ішінде жиынтық көлемі $1,5 трлн құрайтын активтерді басқарушыларды жинады. Бағдарлама 160 спикерді, 40-тан астам іскерлік іс-шараны, Astana International Exchange биржасындағы төрт жаңа листингті және жеті келісімге қол қоюды қамтыды. AFD 2025 спикерлерінің қатарында мемлекеттік органдардың өкілдері, қазақстандық және халықаралық банктер мен инвестициялық компаниялардың топ-менеджерлері, активтерді басқарушылар, реттеушілер, финтех-кәсіпкерлер және жаһандық қаржы нарығының пікір көшбасшылары, соның ішінде танымал футуролог, кәсіпкер және әлемдік бестселлерлердің авторы Бретт Кинг болды.AFD 2026 бұл динамиканы практикалық шешімдерді әзірлеуге бағытталған терең талқылау форматында жалғастырады. Форум қатысушыларына жаһандық үрдістерді талдау, жаңа бизнес пен инвестициялық бағыттарды іздеу, қаржылық қызметтердің кәсіби көрмесін тамашалау, сондай-ақ инвесторлармен, топ-менеджерлермен және сала көшбасшыларымен іскерлік байланыстар орнату үшін мүмкіндіктер ашылады.AFD 2026 басты тақырыптарының қатарында – капитал нарықтары және инвестициялық өнімдер; сенім инфрақұрылымы: реттеу, құқықтық орта және нарықтардың тұрақтылығы; институционалдық ауқымдағы инновациялар; экономиканың нақты секторын қаржыландыру; капитал нарықтарындағы өңірлік және трансшекаралық ынтымақтастық.АХҚО экожүйесінің мүмкіндіктері мен артықшылықтарына жеке назар аударылмақ. Форум аясында компаниялардың өсу тарихынан бастап капиталды табысты тартуға және халықаралық нарықтарға шығуға дейінгі Орталықтың юрисдикциясында бизнесті дамыту кейстері ұсынылатын болады.Форумның тағы бір маңызды тұсы AFD Exhibition болады – бұл қатысушылар өз шешімдері мен жұмыс нәтижелерін көрсететін көрме платформасы.  Компаниялар үшін бұл нарықтағы позицияны нығайту және стратегиялық серіктестермен тікелей байланыс орнату мүмкіндігі.Форум дәстүрлі түрде серіктестер мен демеушілердің қолдауы арқасында өткізіледі. 2025 жылы Freedom Broker, Solidcore Resources, ITS, MYD Production, LMAX Group, Teniz Capital Investment Banking, Allur, Binance, Mastercard және т.б. серіктестердің рөлін атқарған еді.  AFD 2026-ға демеушілер ретінде қатысуға нарықтағы позицияларды нығайтуды және қаржы саласының көшбасшыларымен стратегиялық серіктестіктер құруын көздейтін компаниялар шақырылады. Сондай-ақ компанияларды AFD Exhibition-ге қатысуға шақырамыз.Қатысушыларды тіркеу және іс-шараның егжей-тегжейлі бағдарламасы форумның astanafindays.org ресми сайтында қолжетімді болады. Форумға қатысты жалпы сұрақтар бойынша afd@aifc.kz, серіктестік мәселелері бойынша partnership@aifc.kz электронды мекенжайға хабарласыңыздар. «Астана» халықаралық қаржы орталығы (АХҚО) – халықаралық стандарттарға сай ашық әрі тиімді бизнес жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. АХҚО ресми веб-сайты: www.aifc.kzАХҚО баспасөз қызметіАйнұр Исабаева, баспасөз хатшысыE-mail: pr@aifc.kzАқпарат көзі : https://www.gov.kz/memleket/entities/mfa-sofia/press/news/details/1170577?lang=kk

Шымкент қаласында Бельгия Корольдігінің Құрметті консулдығының салтанатты ашылу рәсімі өтті. Жаңа дипломатиялық өкілдік Шымкент қаласында, сондай-ақ, Түркістан, Қызылорда және Жамбыл облыстарында қызмет көрсететін болады.Іс-шараға Бельгия Корольдігінің Қазақстандағы Төтенше және Өкілетті Елшісі Эрик Де Майер, қала әкімі Ғабит Сыздықбеков, дипломатиялық корпустың және іскерлік ортаның өкілдері қатысты.Салтанатты рәсімде сөз сөйлеген қала әкімі Құрметті консулдықтың ашылуы екіжақты қарым-қатынастарды нығайту мен өзара тиімді ынтымақтастықты кеңейтудегі маңызды қадам екенін атап өтті. Шымкент Қазақстандағы үш ірі мегаполистің бірі ретінде өнеркәсіптік, инвестициялық және логистикалық әлеуетке ие екеніне, бұл бірлескен жобаларды жүзеге асыруға кең мүмкіндік беретініне тоқталып өтті.Мегаполис басшысы Еуропа мемлекеттерімен серіктестікті дамыту халықаралық ынтымақтастықтың басым бағыттарының бірі болып қала беретінін жеткізді. Сондай-ақ, консулдық қызметі сауда-экономикалық байланыстарға серпін беріп, инвестициялар тартуға және іскерлік қарым-қатынастарды нығайтуға ықпал ететініне сенім білдірді.Шымкент қаласы әкімінің баспасөз қызметі

Оңтүстік Қазақстан медицина академиясында жаңа Конституцияны қабылдауға арналған жалпыхалықтық референдумға байланысты түсіндіру жиыны өтті. Кездесуге Шымкент қалалық мәслихатының депутаттары, фракция мүшелері Бөкейхан Әбішев және Бақытжан Позилов қатысып, студенттер мен оқытушылар құрамымен ашық пікір алмасты.Жиын барысында депутаттар жаңа Конституция жобасының негізгі бағыттарына тоқталып, ұсынылып отырған өзгерістердің мәні мен маңызын жан-жақты түсіндірді. Атап айтқанда, адам құқықтарын қорғау тетіктерін күшейту, заң үстемдігін нығайту, мемлекеттік басқару жүйесін жетілдіру, сондай-ақ білім мен ғылымды дамытуға басымдық беру мәселелері кеңінен талқыланды.Бөкейхан Әбішев өз сөзінде жаңа Конституцияның ел дамуының стратегиялық бағдарын айқындайтын маңызды құжат екенін атап өтті.– Бұл референдум – жай ғана дауыс беру науқаны емес, ел дамуының алдағы кезеңін айқындайтын тарихи қадам. Ұсынылып отырған өзгерістер билік тармақтары арасындағы тепе-теңдікті сақтауға, мемлекеттік басқару тиімділігін арттыруға бағытталған, – деді депутат.Өз кезегінде Бақытжан Позилов жастардың азаматтық белсенділігіне ерекше назар аударды.– Бүгінгі студент – ертеңгі білікті маман. Конституцияда білім мен ғылымды дамыту мемлекеттік саясаттың стратегиялық бағыты ретінде белгіленуі – болашаққа жасалған нақты инвестиция. Әсіресе, медицина саласы үшін ғылымның дамуы аса маңызды. Сондықтан жастардың бұл үдеріске бейжай қарамауы қажет, – деді ол.Кездесу еркін форматта өтіп, қатысушылар тарапынан бірқатар сұрақтар қойылды. Атап айтқанда, референдумның құқықтық тәртібі, ұсынылып отырған өзгерістердің мазмұны мен олардың қоғам өміріне ықпалы жөнінде пікір алмасу болды. Депутаттар әр сауалға нақты жауап беріп, референдумның маңызын түсіндірді.Жиын соңында қатысушылар 15 наурыз күні өтетін жалпыхалықтық референдумның ел болашағы үшін маңызы зор екенін атап өтіп, жаңа Конституцияға қолдайтындарын жеткізді.

Шымкент қалалық аумақтық референдум комиссиясында Қазақстан Республикасы Орталық референдум комиссиясы төрағасының орынбасары Мұхтар Ерман қалалық мемлекеттік орган өкілдерімен жұмыс кеңесін өткізді. Жиында 15 наурызға тағайындалған республикалық референдумды ұйымдастыру және өткізу мәселелері жан-жақты талқыланды.Қазіргі таңда еліміз бойынша республикалық референдумды өткізу жөніндегі негізгі іс-шаралардың күнтізбелік жоспары бекітілген. Кеңес барысында Орталық референдум комиссиясы төрағасының орынбасары атқарылатын жұмыстардың кезеңдері мен қолданыстағы талаптар туралы кеңінен баяндады.– Шымкент қаласында 695 мыңнан астам сайлаушы тіркелген. Референдум барысында азаматтарға қолайлы жағдай жасау – басты міндеттердің бірі. Осы бағыттағы дайындық мәселелерін пысықтау үшін жиналып отырмыз. 27 ақпаннан бастап азаматтарды референдумға шақыру және ақпараттандыру жұмыстары басталады. Барлық тұрғын үйлер мен пәтерлерге шақыру қағаздары таратылады. Сонымен қатар мобильді байланыс операторлары арқылы СМС-хабарламалар жіберіледі. Мүмкіндігі шектеулі азаматтардың дауыс беруіне қажетті жағдайлар толық қамтамасыз етіледі, – деді Мұхтар Тілдәбекұлы.Өз кезегінде Шымкент қаласы әкімі аппаратының басшысы Берік Әшірбеков қалада референдум өткізуге дайындық аясында атқарылып жатқан жұмыстар туралы мәлімет берді. Оның айтуынша, шаһарда тиісті ұйымдастыру шаралары жүргізілуде. Осы мақсатта жергілікті штаб құрылып, жұмысын бастаған.Сондай-ақ мүгедектігі бар азаматтарға қолайлы жағдай жасау, ақпараттық-түсіндіру жұмыстарын жүргізу, қоғамдық тәртіп пен қауіпсіздікті қамтамасыз ету бағытында жауапты мекемелермен бірлескен іс-қимыл жоспары бекітілген.Жиын қорытындысында тараптар референдумды заң талаптарына сәйкес, ашық әрі ұйымдасқан түрде өткізу бойынша бірлескен жұмысты жалғастыруға уағдаласты.

Шымкент қаласында жаңа Конституцияның мазмұнын түсіндіруге бағытталған кездесулер жалғасуда. Осындай жиындардың бірі алюминий банкілері мен қақпақтарын өндіретін QazalPack ЖШС базасында өтті.Бүгінде аталған кәсіпорында 500-ден астам қызметкер еңбек етеді. Кездесу барысында ұжымға жаңартылған Ата Заңның негізгі қағидаттары кеңінен таныстырылып, ұсынылып отырған өзгерістердің мәні мен маңызы түсіндірілді. Мамандардың айтуынша, бұл құжат елдің алдағы даму бағытын айқындайтын стратегиялық негіз болмақ.Жиынға шақырылған заңгер сарапшы Қуаныш Серікбай сөз сөйлеп, жаңа құқықтық тетіктерді енгізу уақыт талабынан туындап отырғанын атап өтті. Оның айтуынша, 1995 жылы қабылданған Конституция өз кезеңінде тарихи миссиясын абыроймен атқарды. Алайда бүгінгі қоғам сұранысы мен елдің даму қарқыны құқықтық жүйені одан әрі жетілдіруді қажет етеді.– Жаңа Конституция азаматтардың мүмкіндіктерін кеңейтуге бағытталған. Онда халық үшін маңызды бірқатар жаңашыл нормалар көзделген. Мәселен, 14-баптың 1-тармағына сәйкес, шетелде жүрген Қазақстан азаматының қауіпсіздігін мемлекет қамтамасыз етеді. Басты мақсатымыз – әр азаматтың өзгерістерден толық хабардар болуы, – деді Қуаныш Серікбай.Спикердің айтуынша, жаңа редакцияда әрбір қазақстандықтың құқығы мен заңды мүддесін қорғауға бағытталған әлеуметтік және құқықтық кепілдіктер күшейтілген. Сонымен қатар, түпкілікті шешім халықтың тікелей ерік білдіруі арқылы қабылданатыны атап өтілді.– 15 наурызға дейін барлық баптармен мұқият танысуға мүмкіндік бар. Өзгерістердің мәнін терең түсініп барып таңдау жасау маңызды. Алдағы референдумда әрбір дауыс шешуші рөл атқарады, – деді ол.Мұндай кездесулер еңбек ұжымдарымен ашық пікір алмасуға мүмкіндік беріп, тұрғындардың көкейіндегі сұрақтарға жұмыс орындарында жауап беруге жол ашады. Жиын қорытындысы бойынша қатьысушылар жаңа Ата заңға қолдау білдіретіндерін жеткізді.

ЖАҢА КОНСТИТУЦИЯ – ӘДІЛЕТТІ ЖӘНЕ ПРОГРЕССИВТІ ҚАЗАҚСТАННЫҢ БЕРІК НЕГІЗІ«Әділетті және Прогрессивті Қазақстанның Халықтық Конституциясы үшін!» жалпыұлттық коалициясы 16 ақпаннан бастап ел өңірлерін аралап, азаматтармен Жаңа Конституция жобасын талқылап келеді. Қысқа уақыт ішінде коалиция мүшелері тоғыз өңірде болып, мыңдаған кездесулер өткізді. Мен де осы жұмысқа қатысып, бірнеше аймақта халықпен жүздесіп қайттым.Кездесулер барысында азаматтарды алаңдатқан бірқатар өзекті мәселелер көтерілді. Соның бірі – білім беру мен денсаулық сақтау саласындағы тегін қызмет көрсетуге қатысты сауалдар. Кейбір ақпарат көздерінде бұл қызметтер ақылы болады деген жаңсақ пікірлер айтылуда. Алайда бұл шындыққа жанаспайды.Қазақстан – әлеуметтік мемлекет. Бұл қағида қолданыстағы Конституцияда да, Жаңа Конституция жобасында да нақты бекітілген. Мемлекеттік бюджеттің шамамен 40 пайызы әлеуметтік салаға бағытталуы – соның айқын дәлелі. Білім беру мен денсаулық сақтау қызметтері азаматтар үшін ақысыз әрі қолжетімді болып қала береді және алдағы уақытта да мемлекеттік бюджет есебінен қаржыландырылады.Сонымен қатар, жоғары білім беру саласына қатысты өзгерістер де түсіндірілді. Конституция мәтінінен «мемлекеттік жоғары оқу орындары» деген тіркесті алып тастау ұсынылуда. Бұл – қазіргі жағдайға сай келетін орынды шешім. Бүгінде мемлекеттік гранттар тек мемлекеттік емес, жекеменшік жоғары оқу орындарында да оқуға мүмкіндік береді. Яғни грант иегерлері меншік нысанына қарамастан, кез келген аккредиттелген оқу орнында тегін білім ала алады.Қоғамда жиі талқыланатын тағы бір тақырып – сөз бостандығы. Жаңа Конституция жобасында сөз бостандығы нақты бекітілген. Сын айту құқығы сақталады. Алайда адамның ар-намысы мен қадір-қасиетін әдейі қорлауға жол берілмейді. Бұл – халықаралық тәжірибеде орныққан қағида және құқықтық мемлекеттің ажырамас бөлігі.Сондай-ақ арнайы құқықтық режимдерге қатысты сұрақтар да қойылды. Бұл нормалар елдің егемендігі мен аумақтық тұтастығына нұқсан келтіру үшін емес, керісінше экономикалық дамуды жеделдету үшін енгізілуде. Конституциялық деңгейде бекітілген кепілдіктер ірі инвестициялық жобалардың тұрақтылығын қамтамасыз етеді және ұзақ мерзімді экономикалық өсімге негіз болады.Қорыта айтқанда, Жаңа Конституция – әлеуметтік кепілдіктерді қысқарту емес, оларды заманауи талаптарға сай нақты әрі берік бекіту. Оның басты мақсаты – азаматтардың құқықтары мен бостандықтарын қорғау, елдің тұрақты дамуын қамтамасыз ету және халықтың әл-ауқатын арттыру.Референдумға аз уақыт қалды. Осы маңызды кезеңде әрқайсымыз белсенділік танытып, қоғамдағы талқылауларға жауапкершілікпен қарауымыз қажет. Еліміздің болашағы – өз қолымызда.

Шымкент қалалық мәслихатының төрағасы Бахадыр Нарымбетов базар кәсіпкерлерімен және саудагерлермен кездесу өткізіп, жаңа Конституцияның мазмұны мен маңызын жан-жақты түсіндірді. Еркін форматта ұйымдастырылған жиында ел дамуының басты құқықтық құжатының қоғам өміріндегі рөлі кеңінен талқыланды.Кездесу барысында Конституцияның кез келген мемлекеттің құқықтық іргетасы екені, оның даму бағыты мен стратегиялық бағдарын айқындайтыны атап өтілді. Спикердің айтуынша, жүргізіліп жатқан конституциялық реформа саяси жүйені заман талабына сай жаңғыртуға, мемлекеттік басқару тиімділігін арттыруға және қоғам мен билік арасындағы сенімді нығайтуға бағытталған.Сонымен қатар қолданыстағы Конституцияның Қазақстанның тәуелсіз мемлекет ретінде қалыптасу кезеңінде тарихи миссиясын абыроймен атқарғаны айтылды. Дегенмен қазіргі геосаяси ахуалдың күрделенуі, халықаралық қатынастардағы өзгерістер, ғылым мен технологияның қарқынды дамуы, сондай-ақ қоғам сұранысының артуы құқықтық жүйені жетілдіруді талап ететініне назар аударылды. Бұл – елдің ішкі әлеуетін күшейтіп, тұрақты әрі бәсекеге қабілетті даму жолына түсуге бағытталған қадам.– Бүгінгі таңда халықты толғандыратын басты мәселе – заңның үстемдігі мен әділ шешімдердің нақты жүзеге асуы. Жаңа Конституция жобасы осы қажеттіліктерге жауап беруге бағытталған. Бұл – тек құқықтық құжат емес, мемлекет пен халық арасындағы сенімді нығайтатын берік негіз. Негізгі мақсат – әр азамат өзін қорғалған, үні естілген және құрметтелгенін сезінетін жүйе қалыптастыру, – деді Бахадыр Нарымбетов.Кездесуде білім беру саласына қатысты нормалар да қозғалды. Сапалы білім – ел болашағының басты кепілі екені атап өтіліп, жаңа өзгерістер азаматтардың білім алуға тең құқығын қамтамасыз етуге, педагогтердің құқықтық және әлеуметтік қорғалуын күшейтуге, сондай-ақ білім беру ұйымдарының ашықтығы мен жауапкершілігін арттыруға бағытталғаны айтылды. Білім саласындағы реформалар – келешек ұрпақтың мүмкіндігін кеңейтуге арналған маңызды бастама.Жиын қорытындысында базар кәсіпкерлері мен саудагерлер елде жүзеге асырылып жатқан реформаларға қолдау білдіріп, конституциялық өзгерістерге бейжай қарамайтындарын жеткізді. Олар тұрақты даму мен әділетті қоғам құруға бағытталған бастамаларға әрдайым атсалысуға дайын екендерін атап өтті.

Арман Исмаиловтың төрағалығымен Қостанай қалалық мәслихатының бюджет, экономика, басқару және өзін-өзі басқару мәселелері жөніндегі тұрақты комиссиясының отырысы өтті.Отырыс барысында қаланың әлеуметтік-экономикалық дамуына, бюджеттің орындалуына, басқару тиімділігін арттыруға және жергілікті өзін-өзі басқару тетіктерін жетілдіруге қатысты өзекті мәселелер қаралды. Комиссия мүшелері ұсынылған баяндамаларды талқылап, пікір алмасты және алдағы міндеттерді іске асыру бойынша бірқатар ұсыныстар енгізді.Сондай-ақ бюджет қаражатын тиімді пайдалану, басқару үдерістерінің ашықтығын қамтамасыз ету және мемлекеттік органдар мен халық арасындағы өзара іс-қимылды нығайту мәселелеріне ерекше назар аударылды. Отырыс қорытындысы бойынша тиісті ұсынымдар мен шешімдер қабылданды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1170510?lang=kk

2026 жылғы 1 қаңтардан бастап жаңартылған Қазақстан Республикасының Салық кодексі күшіне енеді. Құжат салықтық тексерулер жүргізу тәртібін едәуір өзгертеді. Реформаның негізгі мақсаты – бизнеске түсетін әкімшілік жүктемені азайту, бақылау рәсімдерінің ашықтығын арттыру және дауларды қарау мерзімдерін қысқарту.Негізгі өзгерістерЖоспарлы және жоспардан тыс тексерулерді бөлу жойыладыЕнді салықтық тексерулер жоспарлы және жоспардан тыс болып бөлінбейді. Тексерулер жаңа регламенттелген рәсімдерге сәйкес тағайындалады. Бұрын Қазақстан Республикасының Бас прокуратурасы сайтында жарияланған жария тізімдер қолданылмайды. Бұл тексерулерді тағайындау рәсімін неғұрлым нақты әрі жүйелі етеді.Кешенді салықтық тексерулерге шектеу енгізіледіКешенді тексерулер салық жүктемесінің коэффициентін (СЖК) ескере отырып тағайындалады. Егер салық төлеушінің СЖК-і тиісті сала бойынша орташа салалық жоғарғы көрсеткіштің кемінде 90%-ын құраса, сол кезең үшін кешенді тексеру жүргізілмейді.Ерекшеліктер:салық төлеушінің өз өтініші бойынша;Қазақстан Республикасының Қылмыстық-процестік кодексі негізінде;прокуратура органдарының талабы бойынша.Талап қою мерзімінің тоқтатылуыСалықтар мен бюджетке төленетін төлемдерді есептеу бөлігіндегі талап қою мерзімі салықтық тексеру басталған күннен бастап оның нәтижелері туралы хабарлама орындалған күнге дейін тоқтатылады.Сонымен қатар, тексеру басталған күні талап қою мерзімінің аяқталуына 30 күннен аз уақыт қалған салық кезеңдері бойынша арнайы тәртіп қолданылады.Нұсқаманы табыстау және шағымдану тәртібіСалықтық тексеруді тағайындау туралы нұсқама ол жазылған күннен кейінгі үш жұмыс күні ішінде салық төлеушіге табысталуы тиіс.Нұсқамаға шағым беру тексеруді тоқтатуға негіз болмайды.Құжаттарды ұсыну туралы талаптарға шектеулерШағын және микробизнес субъектілері үшін:тексеру барысында құжаттарды ұсыну туралы талап екі реттен артық берілмейді;талапты орындау мерзімі 10 жұмыс күні болып қысқартылды (қажет болған жағдайда, салық төлеушінің өтініші бойынша 30 жұмыс күніне дейін ұзартылуы мүмкін).Шағын бизнеске қатысты мораторий2026 жылғы 1 қаңтардан бастап микро және шағын кәсіпкерлік субъектілеріне қатысты салықтық тексерулерге мораторий енгізіледі (заңнамада көзделген жағдайларды қоспағанда).Жалпы алғанда, енгізіліп отырған өзгерістер салықтық бақылау жүйесінің ашықтығын арттыруға, цифрландыруды дамытуға және адал бизнесті қолдауға бағытталған. Ақпарат көзі : https://www.gov.kz/memleket/entities/kgd-pavlodar/press/news/details/1170538?lang=kk

 Лондон, 2026 жылғы 25 ақпан – Ұлыбритания корольдік отбасының мүшесі, Эдинбург герцогы ханзада Эдвард Орталық Азия мемлекеттерінің сыртқы істер министрлерін ресми кездесуге шақырды. Кездесу барысында тараптар өңір мен Ұлыбритания арасындағы білім беру, ғылым және технология салаларындағы ынтымақтастықты одан әрі дамыту перспективаларын талқылады.«CA5+UK» форматындағы сапар Орталық Азия мен Ұлыбритания арасындағы серіктестіктің жаңа кезеңін бастайды. Осы форматтағы бірлескен жұмыс біздің мемлекеттеріміздің дамуына және өңіраралық ынтымақтастықты тереңдетуге тың серпін беретініне сенімдімін», – деп атап өтті Қазақстан Республикасының Сыртқы істер министрі Ермек Көшербаев.Сонымен қатар Министр елімізді халықаралық білім беру хабына айналдыру бағытында жүргізіліп жатқан жұмыстарға тоқталып, Қазақстанда өздерінің дербес кампустарын ашқан «Cardiff University», «Coventry University» және «De Montfort University» секілді жетекші британдық университеттермен белсенді серіктестікті атап өтті.Кездесу барысында қазақ тарапы британдық стипендиялар мен гранттарға, білім беру бастамаларына қолжетімділікті кеңейтуге, сондай-ақ орнықты даму, климаттың өзгеруі, цифрлық технологиялар мен медицина салаларында бірлескен ғылыми-зерттеу орталықтарын құруға мүдделі екенін білдірді.Тарих, өнер және туризм салаларындағы бірлескен жобаларды дамыту, сондай-ақ студенттерге, зерттеушілерге және кәсіпкерлерге арналған визалық рәсімдерді жеңілдету, тікелей әуе қатынасын кеңейту және өңірлер арасында жаңа туристік бағыттарды қалыптастыру мәселелеріне бөлек назар аударылды.Өз сөзінде ханзада Эдвард ұзақ мерзімді серіктестіктің негізі ретінде халықтар арасындағы байланыстарды нығайтудың ерекше маңызын атап өтті. Ол Ұлыбритания екі тарап үшін басым бағыттарда ынтымақтастықты дамытудағы Қазақстанның ашықтығы мен белсенді ұстанымын жоғары бағалайтынын жеткізді.  Ақпарат көзі : https://www.gov.kz/memleket/entities/mfa-london/press/news/details/1171609?lang=kk

Құрметті салық төлеушілер!2026 жылғы 27 ақпанда сағат 12:00-де Департаменттің «Instagram» әлеуметтік желісіндегі @pavlodar_mkd парақшасында «Арнаулы салық режимдеріне көшу. «Халық бухгалтері» акциясы» тақырыбына тікелей эфир өтеді.Спикер түсіндіру жұмысы және байланыс-орталығы басқармасының басшысы Төлеген Білялұлы Шаймарданов сөз сөйлейді.Трансляцияны жіберіп алмау үшін Павлодар облысы бойынша мемлекеттік кірістер Департаментінің Instagram парақшасына – pavlodar_mkd жазылыңыз.Павлодар облысы бойынша МКД түсіндіру жұмысыжәне Байланыс-орталығы басқармасы  Ақпарат көзі : https://www.gov.kz/memleket/entities/kgd-pavlodar/press/news/details/1170551?lang=kk

Қазақстан Республикасының Ұлттық қорғаныс университетінде Қазақстанда аккредиттелген әскери-дипломатиялық корпус өкілдеріне арналған брифинг өтті.Қорғаныс ведомстволары арасындағы өзара іс-қимылдың басым бағыттарын атап өткен Халықаралық ынтымақтастық департаментінің бастығы полковник Олжас Құсайынов брифингке қатысушыларды Қазақстан Қарулы күштерін дамытудың негізгі басымдықтарымен және биылғы жылдың алдағы маңызды оқиғалармен таныстырды.Сонымен қатар әскери дипломаттардың назарына Қарулы күштер Құрлық әскерлері бас қолбасшысы басқармасының, Қорғаныс министрлігі Қару-жарақты бақылау және инспекцияларды қамтамасыз ету орталығының, ҚР Сыртқы істер министрлігі жанындағы Сыртқы саяси зерттеулер институтының және ҚР Президенті жанындағы Қазақстан стратегиялық зерттеулер институтының брифингтері ұсынылды.Ақпарат көзі : https://www.gov.kz/memleket/entities/mod/press/news/details/1170554?lang=kk

26 ақпан 2026 жыл, Астана – «KazAID» Қазақстанның халықаралық даму агенттігі Қазақстан Республикасындағы Қырғыз Республикасы, Тәжікстан Республикасы және Өзбекстан Республикасы елшіліктерінің өкілдеріне арналған ағымдағы жылға арналған дамуға ресми көмек (ДРК) бағдарламалары бойынша брифинг ұйымдастырды.Кездесу барысында «KazAID» Басқарма төрағасы А. Арыстанов өңіріміздегі орнықты ілгерілеу практикалық ынтымақтастық, тәжірибе мен білім алмасу, сондай-ақ елдеріміз арасындағы кәсіби байланыстарды нығайту арқылы мүмкін екенін атап өтті. Қатысушыларға алдағы жылға жоспарланған нақты жобалар туралы ақпарат ұсынылып, сондай-ақ өткен кезеңдегі іс-шаралардың қорытындыларымен бөлісті. Атап айтқанда, «Достық: Цифрландыру» және «Достық: Дипломатия» бағдарламаларының, сондай-ақ «Авиценна: Денсаулық сақтау» бағытының екі құрамдас бөлігі бойынша іске асыру нәтижелері атап өтілді.Брифинг Орталық Азия елдерінің дипломатиялық миссиялары өкілдері арасында пікір алмасу және кері байланыс алу үшін тиімді алаңға айналды.Ақпарат көзі : https://www.gov.kz/memleket/entities/kazaid/press/news/details/1170475?lang=kk

March 1, 2026 \\ 2:00 PM - 6:00 PM \\ Metro Toronto Convention Centre (MTCC), Room 205DThe Kazakhstan Chamber of Mines, the official organizer of Kazakhstan Day at PDAC 2026, invites industry leaders, investors, and exploration professionals to attend one of the key national sessions of the Convention. The event supported by the Ministry of Industry and Constriction of Kazakhstan, and sustained by Aurora Minerals.The event will feature the participation of the Minister of Industry and Construction of the Republic of Kazakhstan, senior representatives of national mining companies, and leading international investors — members of the Chamber. Together, they will present Kazakhstan’s updated geological exploration strategy, regulatory reforms, and priority investment projects.Panel discussions will highlight major discoveries of 2024–2025, priority minerals, and practical case studies from operating companies. Special attention will be given to sediment-hosted copper potential and its strategic importance in global energy transition supply chains.Kazakhstan Day offers direct access to decision-makers and first-hand insight into one of Eurasia’s most dynamic exploration jurisdictions.Registration: office@chamberofmines.kz by COB February 26, 2026Ақпарат көзі : https://www.gov.kz/memleket/entities/mfa-ottawa/press/news/details/1170449?lang=kk