Ағымдағы жылдың 12 сәуірінде Запорожье ауылдық округі әкімінің сайлауы өтті. Сайлаушылардың келуі 72,08 % құрады (1440-тан 1038).Дауыс беру қорытындысы бойынша ауылдық округ әкімі болып Ақылбек Айтуғанұлы Алдажаров сайланды.Ағымдағы жылғы 13 сәуірдегі АСК шешімімен Ақылбек Айтуғанұлы Алдажаров Жақсы ауданының Запорожье ауылдық округінің әкімі болып тіркелді.Ақылбек Айтуғанұлы, 1984 жылы Терісаққан ауылында туған, білімі жоғары: 2017 жылы Орталық Қазақстан академиясын құқықтану мамандығы бойынша бітірген.Еңбек жолын 2006 жылы Ақмола облысы ІІД Жақсы аудандық ішкі істер бөлімінің арнайы тобының кіші қызметкері болып бастаған.2012 жылдың қараша айынан 2017 жылдың қыркүйек айына дейін Ақмола облысы ІІД Жақсы АІІБ кадр жұмысы тобының жауынгерлік, қызметтік және кәсіптік даярлау жөніндегі инспекторы лауазымын атқарды.2017 жылдың қыркүйек айы мен 2025 жылдың тамыз айы аралығында ҚР ІІМ Ақмола облысы полиция департаменті Жақсы ауданы полиция бөлімі бастығының орынбасары лауазымын атқарып, кадр саясаты мәселелеріне жетекшілік етті.Ақпарат көзі : https://www.gov.kz/memleket/entities/aqmola-zhaksy/press/news/details/1199765?lang=kk

Әдеп жөніндегі уәкіл өзінің функцияларына жататын мәселелер бойынша мемлекеттік қызметшілерді және басқа да азаматтарды олардың өтініші бойынша немесе баршаға көрінетіндей жерде орналастырылған кестеге сәйкес айына кемінде бір рет қабылдауды жүзеге асырады.Қажет болған жағдайда, азаматпен немесе мемлекеттік қызметшімен әңгімелесу телефон арқылы не тиісті ақпарат беруді қамтамасыз ететін басқа да коммуникациялар құралдарын пайдаланумен жүргізілуі мүмкін.Әдеп жөніндегі уәкіл туралы мәліметтер, оның ішінде тегі, аты-жөні, фотосуреті, кабинет және телефон нөмірлері заңнамада белгіленген тәртіппен мемлекеттік органның интернет-ресурсында және мемлекеттік органның ғимаратында баршаға көрінетіндей жерде орналастырылады.Ақпарат көзі : https://www.gov.kz/memleket/entities/kgd-mangistau/press/news/details/1199660?lang=kk

Шығыс Қазақстан облысы бойынша Мемлекеттік кірістер департаменті  Салық кодексінің нормаларын біркелкі қолдану мақсатында мынаны мәліметке жеткізеді.2026 жылғы 1 қаңтардан бастап Бюджет кодексінің нормаларымен жергілікті бюджеттердің қаржылық дербестігін кезең-кезеңімен арттыру шеңберінде кең таралған пайдалы қазбаларға, жер асты суларына және емдік балшықтарға салынатын пайдалы қазбаларды өндіру салық (бұдан әрі – КТПҚ, ЖАС және ЕБ ПҚӨС) түсімдерін бюджет жүйесінің 3-ші (аудандық, облыстық маңызы бар қала) және 4-ші (аудандық маңызы бар қала, ауыл, кент, ауылдық округ) деңгейлегі бюджеттеріне есептеу көзделген.Осыған байланысты, «Бюджет түсімдерін бюджеттердің деңгейлері, Қазақстан Республикасы Ұлттық қорының, салықтық емес төлемдер есебінен қалыптастырылатын бюджеттен тыс қорлардың қолма-қол ақшаны бақылау шоттары және Еуразиялық экономикалық одаққа мүше мемлекеттердің бюджеттері арасында бөлу кестесі» Қазақстан Республикасы Қаржы министрінің 2025 жылғы 4 сәуірдегі № 152 бұйрығымен 2026 жылғы 1 қаңтардан бастап КТПҚ, ЖАС және ЕБ ПҚӨС 105310 БКК-на есептеледі.Сонымен қатар, 2025 жылғы 18 шілдедегі Салық кодексінің (бұдан әрі – Салық кодексі) 788 және 789-баптарына сәйкес салық төлеуші салық кезеңінен кейінгі екінші айдың 25-інен кешіктірмей орналасқан жері бойынша есептелген салық сомасын бюджетке төлеуге және салық кезеңінен кейінгі екінші айдың 15-інен кешіктірмей орналасқан жері бойынша салық органына декларация тапсыруға міндетті.Бұл ретте Салық кодексінің 11-бабы 4) тармақшасына сәйкес резидент заңды тұлғаның, оның құрылымдық бөлімшесінің, бейрезидент заңды тұлғаның құрылымдық бөлімшесінің орналасқан жері – Қазақстан Республикасында тіркелу кезінде Бизнес-сәйкестендіру нөмірлерінің ұлттық тізіліміне енгізілген оның тұрақты жұмыс істейтін органының орналасқан жері.Осыған байланысты, қайшылықтарды болдырмау мақсатында аталған мәселе 2026 жылғы 3 наурызда жаңа Салық кодексін енгізу жөніндегі Жобалық кеңсенің отырысында қаралды, оның шеңберінде КТПҚ, ЖАС және ЕБ ПҚӨС-ты салық салу объектісінің орналасқан жері бойынша төлеу бөлігінде Салық кодексіне ретроспективті түзетулер енгізу туралы шешім қабылданды.Жоғарыда баяндалғанды ескере отырып, Салық кодексіне тиісті өзгерістер мен толықтырулар енгізілгенге дейін мыналарды басшылыққа алу қажет:1) КТПҚ, ЖАС және ЕБ ПҚӨС бойынша 2025 жылдың 4-тоқсанына арналған декларацияны жер қойнауын пайдаланушы заңды тұлғаның орналасқан жері бойынша салық органына ұсынады (105306 БКК-на төлей отырып);2) 2026 жылғы салық кезеңдері үшін КТПҚ, ЖАС және ЕБ ПҚӨС бойынша декларацияны жер қойнауын пайдаланушы салық салу объектісінің орналасқан жері бойынша салық органына ұсынады (105310 БКК-на төлей отырып).Ақпарат көзі : https://www.gov.kz/memleket/entities/kgd-vko/press/news/details/1199662?lang=kk

«Таза Қазақстан» республикалық экологиялық бағдарламасын іске асыру аясында, сондай-ақ көктемгі екі айлық санитарлық тазарту жұмыстары барысында әкімдік пен мемлекеттік мекемелердің қызметкерлері жалпықалалық сенбілікке қатысты.2026 жылғы 11 сәуірде қала аумағында санитарлық тазарту, абаттандыру және көгалдандыру жұмыстары жүргізілді.Қаланың санитарлық жағдайын жақсарту және көріктендіру жұмыстары жалғасуда.#ТазаҚазақстан #ТазаҚалаАқпарат көзі : https://www.gov.kz/memleket/entities/kostanai-kalasy-akimat/press/news/details/1199614?lang=kk

Сағадат Нұрмағамбетов атындағы Құрлық әскерлері әскери институтының үшінші курс курсанттары оқу-жаттығу сабақтары барысында Қонаев гарнизонында түнгі парашютпен секіруді сәтті орындады. Секірулер Ми-17 тікұшағынан 800 метр биіктіктен десант түсіру алаңына жүзеге асырылды.Парашютпен секірмес бұрын «барлау бөлімшелерін басқару» мамандығы бойынша білім алып жатқан курсанттар теориялық және практикалық сабақтардың толық кешенінен өтті. Жердегі дайындық бағдарламасы қарапайымнан күрделіге қарай қағидасымен жүргізілді. Алдымен курсанттар парашютті жинау тәртібін, секірудің жекелеген элементтерін меңгеріп, кейін динамикалық кешенді тренажерларда дағдыларын бекітті.Түнгі жағдайда тапсырмаларды пысықтау үшін секіру аймағы алдын ала жарықтандыру, белгі беру бағдарлары және басқару құралдарын қамтитын техникалық құралдар кешенімен жабдықталды. Курсанттар сондай-ақ маңдай шамдармен, жеке қорғаныс және байланыс құралдарымен қамтамасыз етілді.– Сіздер қажетті дайындықтан өттіңіздер. Іс-әрекеттеріңізге сенімді болуларыңызды, барлық нұсқаулықтарды қатаң сақтауларыңызды және сәтті қонуларыңызды тілеймін, – деп курсанттарға Құрлық әскерлері әскери институтының бастығы полковник Ербол Нұржанов ақ жол тіледі.Парашютпен секіру – болашақ офицерлердің кәсіби даярлығындағы маңызды кезең. Дайындықтың барлық сатыларында нұсқаушылар қатаң бақылау жүргізіп, әр курсанттың жабдықтарын мұқият тексерді. Қауіпсіздік шараларын сақтау мәселесіне ерекше көңіл бөлінді.– Бұған дейін күндіз секірген болатынмын. Түнгі секіру мен үшін тың тәжірибе болды. Көріну шектеулі болғандықтан сәл қиындық туғызды, бірақ дайындықтың арқасында тапсырма сәтті орындалды, – деді кіші сержант Сұңғат Дәукен.Нұсқаушылар құрамы курсанттардың үйлесімді іс-қимылын, тәртібін және парашютпен секіру кезінде көрсеткен кәсібилігін жоғары бағалады.Ақпарат көзі : https://www.gov.kz/memleket/entities/mod/press/news/details/1199638?lang=kk

 Көкшетау қаласында мемлекеттік қызметшілер арасында «Отан» облыстық спартакиадасының волейбол бойынша жарыстары өтті.Мәмілесіз ойындар нәтижесінде Ақмола облысы бойынша Мемлекеттік кірістер департаментінің уәкілдері жеңіске қөл жеткізді, екінші орында Ақмола облысы әкімдігінің командасы, ал үшінші орында Аршалы ауданының командасы.    Жеңіпаздарға денешынықтыру мәдениеті және спорт басқармасының медальдары мен грамоталары тапсырылды.Жеңімпаздар командасының капитаны кедендік бақылау басқармасы бөлімінің басшысы Қайрат Исимбаев осындай шараларды өткізу салауатты өмірдің салттың насихаттауға және дамуына жол беретіндігі туралы атап кетті.Жеңімпаздарды құттықтаймыз!Ақпарат көзі : https://www.gov.kz/memleket/entities/kgd-akmola/press/news/details/1199582?lang=kk

2026 жылғы 1 сәуірден бастап банктер жеке тұлғалардың мобильді аударымдары туралы мәліметтерді салық органдарына ұсынуды бастайды.Аталған шараның мақсаты — қаржылық ашықтықты қамтамасыз ету және тіркелмеген кәсіпкерлік қызметті анықтау.Қандай жағдайлар бақылауға алынады?Барлық аударымдар емес, тек келесі шарттар бір уақытта орындалған жағдайда ғана тексеру жүргізіледі:- әртүрлі 100 және одан да көп адамнан қаражат түсуі;- аударымдардың қатарынан 3 ай бойы қайталануы;- жалпы сомасы 1 020 000 теңгеден асуы.Осы талаптардың барлығы сәйкес келгенде ғана назарға алынады.Назар аударыңызБұл өзгерістер шоттарды автоматты түрде бұғаттауды білдірмейді.Тексеру кезең-кезеңімен жүзеге асырылады:- бастапқыда камералдық бақылау жүргізіледі;- кейін салық төлеушіге ресми хабарлама жолданады;- 30 жұмыс күні ішінде:— түсіндірме беру;— қаражаттың шығу тегін дәлелдеу;— қажет болған жағдайда бұзушылықтарды түзету мүмкіндігі ұсынылады.Жеке аударымдарға қатыстыЕгер қаражат:- жақындардан көмек ретінде;- емделу үшін жиналған қаржы;- қарызды қайтару;- сыйлық немесе жеке қажеттілік мақсатында түскен болса,мұны тиісті дәлелдермен растауға болады.Мұндай түсімдерге салық салынбайды.Бақылаудың негізгі бағытыБұл шара ең алдымен жасырын кәсіпкерлік қызметті анықтауға бағытталған.Мысалы:- тұрақты түрде тауар сату;- қызмет көрсетіп, бірақ ЖК (ИП) тіркелмеу;- жүйелі табыс таба отырып, салық төлемеу.Маңызды білу қажет- Жеке тұлғалар арасындағы аударымдар заң шеңберінде жүзеге асырылады және салық салынбайды;- Бақылау қарапайым азаматтарға емес, көлеңкелі бизнеске бағытталған;- Егер кәсіпкерлік қызмет жүргізбесеңіз, алаңдаудың қажеті жоқ.ҚорытындыМобильді аударымдарды бақылау — заңсыз кәсіпкерлікті анықтауға арналған құрал. Бұл барлық азаматтардың жеке қаржылық операцияларын толық бақылау деген сөз емес.Ақпарат көзі : https://www.gov.kz/memleket/entities/kgd-mangistau/press/news/details/1199589?lang=kk

Шығыс Қазақстан облысының прокуратурасы кәмелетке толмаған балалардың құқықтарын қорғау және алимент өндіріп алу туралы сот актілерінің орындалуын қамтамасыз ету бойынша тұрақты негізде жұмыс жүргізуде.Борышкерлерге қатысты мәжбүрлеу сипатындағы нақты шаралар, соның ішінде Қазақстан Республикасынан тыс жерлерге шығуға шектеу қою, іздеу жариялау, сондай-ақ заңмен белгіленген жауаптылыққа тарту шаралары қолданылуда.Ағымдағы жылдың басынан бері 29 борышкер әкімшілік, 8 борышкер қылмыстық жауаптылыққа тартылды.Сонымен қатар, сот орындаушыларының қызметіне тексеру жүргізілуде.Мәселен, қадағалау қызметі барысында үш кәмелетке толмаған баланың пайдасына алимент өндіріп алу туралы атқарушылық өндірістердің бірі бойынша заң бұзушылықтар анықталды. Сот орындаушысының берешекті ұзақ уақыт бойы есепке алмауы, қарыздың бар екендігі туралы мәліметтердің бұрмалануына әкеп соқтырғаны белгілі болды.Бұдан бөлек, 2024 жылы өндірілген 300 мың теңге көлеміндегі қаражат өндіріп алушыларға ұзақ уақыт бойы аударылмаған және тек прокуратураның араласуынан кейін ғана бағытталған.Аталған факті бойынша облыс прокуратурасы тәртіптік іс қозғау туралы қаулы қабылдады. Нәтижесінде сот орындаушысы Қазақстан Республикасы Жеке сот орындаушыларының республикалық палатасы мүшелігінен шығарылды.Қабылданған шаралардың нәтижесінде 328 баланың пайдасына 80 млн теңгеден астам алимент бойынша берешек өтелді.Облыс прокуратурасы балаларды асырап-бағу міндеті ата-анаға жүктелгенін ескертеді. Алимент төлеуден жалтару әкімшілік және қылмыстық жауаптылыққа әкеп соғады.Балалардың құқықтарын қорғау жұмыстары жалғасуда және тұрақты бақылауда.                                                                      Шығыс Қазақстан облысының прокуратурасыАқпарат көзі : https://www.gov.kz/memleket/entities/prokuratura-vko/press/news/details/1199570?lang=kk

Амстердам, 2026 жылғы 12 сәуір – Еуропаның беделді концерт залдарының бірі – Консертгебауда көрнекті пианист Людмила Берлинскаяның қатысуымен Ғазиза Жұбанова атындағы Қазақ квартетінің концерті өтті.Концерттік бағдарлама әлемдік классика мен қазақстандық музыкалық мәдениеттің туындыларын, соның ішінде Роберт Шуман, Ғазиза Жұбанова және Дмитрий Шостаковичтің шығармаларын қамтыды. Бұл өнер көрсету еуропалық және қазақстандық музыкалық дәстүрлердің үйлесімді тоғысуының жарқын үлгісіне айналды.Ғазиза Жұбанова атындағы Қазақ квартеті – Қазақстандағы жетекші камералық ансамбльдердің бірі. Биылғы маусымда ұжым өзінің 30 жылдық мерейтойын атап өтуде және ұлттық музыкалық өнерді халықаралық деңгейде белсенді түрде насихаттап келеді. Ұжым әлемнің ең беделді сахналарында, соның ішінде Нью-Йорктегі Carnegie Hall-да өнер көрсетіп, жетекші әлемдік музыканттармен ынтымақтастық орнатуда.Пианист Людмила Берлинская – халықаралық деңгейде мойындалған орындаушы, Еуропа, Солтүстік Америка және Азияның ең ірі концерт залдарындағы өнер көрсетулерімен, сондай-ақ қазіргі заманның танымал музыканттарымен ынтымақтастығымен кеңінен белгілі.Іс-шара Қазақстан Республикасының Нидерланд Корольдігіндегі Елшілігінің қолдауымен ұйымдастырылып, қазақстандық мәдениетті ілгерілетуге және Қазақстан мен Нидерланд арасындағы мәдени-гуманитарлық байланыстарды нығайтуға бағытталды.Концерт дипломатиялық корпус, мәдени және іскерлік орта өкілдері, сондай-ақ кең жұртшылық тарапынан жоғары қызығушылық тудырып, қазақстандық өнерге халықаралық деңгейде қызығушылықтың артып келе жатқанын көрсетті.Концерт аяқталғаннан кейін қонақтар мен әртістер арасында бейресми әңгіме өтті.Ақпарат көзі : https://www.gov.kz/memleket/entities/mfa-hague/press/news/details/1199548?lang=kk

Қазақстан Республикасы Президентінің жанындағы Мемлекеттік басқару академиясы 2026–2027 оқу жылына арналған қабылдау науқанын жариялап, үміткерлерге қойылатын талаптар мен қажетті құжаттардың толық тізімін ұсынды. Биылғы ерекшелік – қабылдау үдерісі толықтай цифрлық форматта өтіп, барлық құжаттар заманауи онлайн платформа арқылы қабылданады.Академияға түсу үшін үміткерлер ең алдымен жеке басын куәландыратын құжаттың көшірмесін және жоғары білім туралы дипломын (магистратураға) немесе жоғары оқу орнынан кейінгі білім туралы құжатты (докторантураға) ұсынуы тиіс. Мемлекеттік қызметшілер үшін қосымша мемлекеттік органның жолдамасы қажет.Маңызды талаптардың бірі – мемлекеттік тілді меңгеру деңгейін растау. Үміткерлер QAZAQ RESMI TEST немесе ҚАЗТЕСТ жүйелері арқылы кемінде В1 деңгейіндегі сертификат тапсыруы тиіс. Ал шетел азаматтарына бұл талап қолданылмайды.Халықаралық қатынастар және мемлекеттік саясат бағыттары бойынша магистратураға, сондай-ақ докторантура бағдарламаларына түсушілер үшін ағылшын тілін меңгергенін дәлелдейтін халықаралық сертификат міндетті. Магистратураға түсу үшін IELTS бойынша кемінде 4.0 балл талап етілсе, докторантураға үміткерлер үшін бұл көрсеткіш 5.5 баллдан төмен болмауы тиіс. Сонымен қатар TOEFL, TOEIC және Duolingo English Test нәтижелері де қабылданады.Еңбек тәжірибесіне де ерекше мән беріледі. Мемлекеттік қызметшілер бірыңғай кадрлық жүйеден алынған қызмет тізімін немесе кадр қызметі растаған анықтаманы ұсынуы қажет. Ал басқа үміткерлер еңбек өтілін растайтын құжаттарды тапсырады. Кейбір білім беру бағдарламалары үшін лауазымдық нұсқаулық пен құрылымдық бөлімше туралы ереже де талап етіледі.Докторантураға түсушілер үшін қосымша талап – зерттеу жұмысы жоспарының жобасын (research proposal) әзірлеу. Бұл құжатта зерттеудің өзектілігі, әдістері және мәселені шешу жолдары нақты көрсетілуі тиіс.Қабылдау үдерісі бірнеше кезеңнен тұрады. Бірінші кезеңде үміткерлер аналитикалық эссе жазады. Бұл олардың кәсіби саладағы білімін, ойлау қабілетін және талдау дағдыларын бағалауға бағытталған. Екінші кезең – сұхбат. Онда талапкерлердің кәсіби және жеке құзыреттері, мотивациясы, сондай-ақ заңнама мен стратегиялық құжаттарды білу деңгейі тексеріледі. Сұхбат қазақ, орыс және ағылшын тілдерінде өткізіліп, бейнежазбаға түсіріледі.Докторантураға түсушілер үшін үшінші кезең қарастырылған. Бұл – зерттеу жоспарын қорғау және сараптамалық бағалау. Аталған кезең ғылыми әлеуетті анықтауға бағытталған маңызды сүзгі саналады.Айта кетейік, биыл мемлекеттік білім беру тапсырысы аясында магистратураға 200, ал докторантураға 12 үміткер қабылданады. Сонымен қатар өзге қаржы көздері есебінен де оқуға мүмкіндік бар. Мұндай жағдайда талапкерлердің жинаған балдары, конкурстық комиссияның қорытындылары және сараптамалық бағалау нәтижелері ескеріледі.Толығырақ:  https://youtube.com/live/O8PR8nxlT_k?feature=share#РСКШЫМКЕНТ #БРИФИНГ

Шымкент қаласында халықты жұмыспен қамту бағытындағы жұмыстар жүйелі түрде іске асырылып келеді. Бұл жөнінде қалалық жұмыспен қамту және әлеуметтік қорғау басқармасының басшысы Жанат Өмірсейітқызы Утебаева Өңірлік коммуникациялар қызметінде өткен брифинг барысында мәлімдеді. Кездесуде 2026 жылдың алғашқы үш айында атқарылған жұмыстардың қорытындысы таныстырылды.Басқарма басшысының айтуынша, қаланың әлеуметтік-экономикалық дамуында халықты тұрақты жұмыспен қамту маңызды бағыттардың бірі саналады. Осыған орай, 2026 жылға 31 398 адамды жұмыспен қамту шараларына тарту жоспарланған. Есепті кезеңде бұл көрсеткіш 8 179 адамды құрап, жоспарлы жұмыстың кезең-кезеңімен жүзеге асып жатқанын көрсетеді.Жоспарға сәйкес, 21 952 азаматты субсидияланатын жұмыс орындарына орналастыру, кәсіпкерлікті дамытуға қолдау көрсету және қысқа мерзімді кәсіптік оқыту шараларымен қамту көзделген. Алайда алғашқы тоқсан қорытындысы бойынша кейбір бағыттарда жоспардың толық орындалмағаны байқалады. Мәселен, кәсіпкерлікті қолдау шараларымен 2 530 адамның орнына 1 033 адам қамтылған. Субсидияланатын жұмыс орындарына 4 335 адамның орнына 756 адам жолданған. Ал бос жұмыс орындарына жоспарланған 11 427 азаматтың 2 098-і ғана жұмысқа орналасқан. Кәсіптік оқыту бойынша 3 660 адам жоспарланып, нақты 2 257 адам оқуға жіберілген.Жалпы алғанда, жұмыспен қамту шараларына 6 265 адам жолданып, жоспардың орындалу деңгейі 28,5 пайызды құрады.Сонымен қатар, қалада жаңа жұмыс орындарын ашу бағытында да жүйелі жұмыстар жүргізілуде. 2026 жылға 9 446 жаңа жұмыс орнын құру жоспарланған. Оның ішінде 9 086-сы тұрақты, ал 360-ы уақытша жұмыс орындары. Есепті кезеңде нақты 1 914 жұмыс орны ашылған.Атап айтқанда, түрлі мемлекеттік бағдарламалар мен тұжырымдамалар аясында 2 527 жұмыс орнын ашу көзделіп, бүгінгі таңда 137 жұмыс орны іске қосылған. Ал жеке бастамалар есебінен 6 919 жұмыс орнын құру жоспарланып, қазіргі уақытта 1 777 азамат жұмыспен қамтылған. Бұл көрсеткіштер жекеменшік сектордың белсенділігін айқындайды. Аталған жұмыс орындары жекеменшік балабақшаларда, спорт кешендерінде, білім беру ұйымдарында, дәріханаларда, сондай-ақ қоғамдық тамақтану және қызмет көрсету салаларында ашылған.Жалпы, Шымкент қаласында халықты жұмыспен қамту және жаңа жұмыс орындарын құру бағытындағы жұмыстар жоспарлы түрде жүзеге асырылып келеді. Алдағы кезеңде бұл шаралар одан әрі жалғасын тауып, тұрғындардың әл-ауқатын арттыруға өз үлесін қоса бермек.Толығырақ:  https://youtu.be/Lk2hEiH2Yn0 #РСКШЫМКЕНТ #БРИФИНГ

Атамекен ауылдық округінде жолдарды күтіп ұстау қызметі есебінен жолақтар жаңартылып, жол сызбалары жүргізілуде.Ақпарат көзі : https://www.gov.kz/memleket/entities/mangystau-munaily-atameken/press/news/details/1199467?lang=kk

Атамекен ауылдық округінің әкімі Ахмедов Абылайхан Сандыбайұлы Болашақ тұрғын үй массивінің Самал көшесі тұрғындарымен жүрмелі кездесу өткізді.Кездесу барысында тұрғындардың ұсыныс-пікірлері тыңдалып, өзекті мәселелер талқыланды. Көтерілген сұрақтар бойынша тиісті түсіндірме жұмыстары жүргізіліп, жауапты мамандарға нақты тапсырмалар берілді.Ақпарат көзі : https://www.gov.kz/memleket/entities/mangystau-munaily-atameken/press/news/details/1199447?lang=kk

Қостанай облысында мектеп оқушылары арасында ақпараттық технологиялар мен жасанды интеллектті танымал етуге бағытталған «IT brAInstorm» интеллектуалдық квизі алғаш рет ұйымдастырылды.Аталған іс-шара жастардың цифрлық дағдыларын дамытуға және заманауи IT-мамандықтарға қызығушылығын арттыруға бағытталған жүйелі жұмыстың маңызды бөлігіне айналды.Квизге Қостанай қаласының 7 жалпы білім беретін мектебінен құралған командалар қатысты. Қатысушылар бірнеше кезеңнен тұратын сайыста ақпараттық технологиялар мен жасанды интеллект тақырыптары бойынша білімдерін сынап, логикалық есептерді шешу, жылдам ойлау және командалық өзара әрекеттесу дағдыларын көрсетті.«IT brAInstorm» форматы дәстүрлі викториналардан ерекшеленіп, оқушыларға тек білімдерін тексеруге ғана емес, сонымен қатар аналитикалық ойлауын, креативтілігін және топта тиімді жұмыс істеу қабілеттерін дамытуға мүмкіндік берді. Квиз барысында қатысушылар заманауи технологиялық үрдістермен танысып, IT саласының мүмкіндіктері туралы түсініктерін кеңейтті.Квиз басталар алдында қатысушылар үшін Qostanai Hub базасында экскурсия ұйымдастырылды. Экскурсия барысында оқушылар орталықтың инфрақұрылымымен танысып, білім беру бағдарламалары, стартап-жобалар және технологиялық даму мүмкіндіктері туралы жан-жақты ақпарат алды.Ақпарат көзі : https://www.gov.kz/memleket/entities/kostanay/press/news/details/1199434?lang=kk

Басқұдық ауылдық округі көшелерінде істен шыққан жарық шамдар ауыстырылды.Ақпарат көзі : https://www.gov.kz/memleket/entities/mangystau-munaily-basqudyq/press/news/details/1199407?lang=kk

2026 жылдың 9 сәуірінде кәсіптік бағдар беру жұмысы аясында Қарағанды академиялық музыкалық комедия театрының өкілдері Осакаровка кентіндегі мектептерінің және No13 орта мектептің 9-сынып оқушыларымен кездесу өткізді. Кездесу барысында түлектерге академия туралы толық ақпарат беріліп, білім беру бағдарламалары, оқыту форматы, гранттар, қабылдау талаптары туралы жан-жақты түсіндірілді.Оқушылар шығармашылық мамандықтармен таныстырылды, атап айтқанда, «Музыкалық театр әртісі» және «Би ансамблінің әртісі». Түлектер театрландырылған ортаға еніп, актерлік шеберліктің ерекшеліктері мен Қазақстандағы жалғыз музыкалық әзіл-сықақ театрының жұмысымен танысты.Ақпарат көзі : https://www.gov.kz/memleket/entities/edu-osakarovka/press/news/details/1199347?lang=kk

Наурыз айынан бастап ХҚКО-ларда цифрлық сауаттылық бойынша оқыту курстары Қазақстанның барлық өңірінде қолжетімді болды. Бір айдың ішінде шамамен 700 қазақстандық оқудан өтіп, мемлекеттік қызметтерді онлайн алуды меңгерген. Бұл туралы «Азаматтарға арналған үкімет» мемлекеттік корпорациясы хабарлады.Жоба алғашында Астанада пилоттық форматта іске қосылған. Сұраныс жоғары болғандықтан, наурыз айынан бастап ол еліміздің барлық өңіріне кеңейтілді.Сабақтар Халыққа қызмет көрсету орталықтарында өтеді. Оқыту барысында азаматтар цифрлық сервистерді еркін пайдалану мен мемлекеттік қызметтерді өз бетінше онлайн алу дағдыларын меңгереді.Практикалық оқыту барысында қатысушылар электрондық цифрлық қолтаңба алу, тұрғылықты жері бойынша тіркелу, соттылығы бар-жоғы туралы анықтама алу сияқты қызметтерді қалай рәсімдеу керектігін үйреніп, оларды бірден өз беттерінше жасап көреді. Мұндай формат әсіресе ересектер мен зейнет жасындағы адамдар үшін қолайлы - олар цифрлық қызметтерді асықпай, түсінікті түрде меңгере алады.Астанада сабақтар тұрақты түрде сәрсенбі және жұма күндері өтеді, ал өңірлерде кесте ХҚКО жүктемесіне қарай жасалады. Оқыту тегін, алдын ала жазылу талап етілмейді.«Бүгінде мемлекеттік қызметтерді ХҚКО арқылы да, түрлі цифрлық сервистер арқылы онлайн форматта да алуға болады. Бұл мүмкіндіктер азаматтар үшін шынымен қолайлы болуы үшін цифрлық дағдыларды дамыту және пайдаланушыларды оқыту маңызды. Бұл өз кезегінде әр азаматқа қажетті қызметтерді өз бетінше алуға мүмкіндік береді», – деді Мемлекеттік корпорацияның Басқарма төрағасы Арман Кенжеғалиев.Жоба Цифрландыру және жасанды интеллект жылы аясында жүзеге асырылып жатыр. Оның мақсаты – мемлекеттік қызметтерді барынша қолжетімді ету және қазақстандықтардың онлайн форматқа сенімді көшуіне көмектесу.Оқыту «Азаматтарға арналған үкімет» мемлекеттік корпорациясының «Таным» корпоративтік оқу орталығы тарапынан ұйымдастырылған. Сабақтар 4 ақпан мен 30 маусым аралығында өтеді және барлық қатысушылар үшін тегін. Анықтама үшін:Цифрлық сауаттылық бойынша сабақтар келесі мекенжайлардағы ХҚКО-ларда өтеді:Астана қ., Нұра ауданы — Керей және Жәнібек хандар көшесі, 4Алматы қ., Бостандық ауданы — Марков көшесі, 44Шымкент қ. — Бәйтереков көшесі, 89Ақмола облысы, Көкшетау қ. — Есенберлин көшесі, 18/2Алматы облысы, Есік қ. — Абай көшесі, 314аАқтөбе облысы, Ақтөбе қ. — Сәңкібай батыр көшесі, 249Атырау облысы, Атырау қ. — Әбілқайыр хан даңғылы, 66 (1-корпус)Жамбыл облысы, Тараз қ. — Ұлы дала ықшамауданы, 137Батыс Қазақстан облысы, Орал қ. — Исатай-Махамбет көшесі, 84Қарағанды облысы, Қарағанды қ. — Архитектурная көшесі, 8Қостанай облысы, Қостанай қ. — Тәуелсіздік көшесі, 114Қызылорда облысы, Қызылорда қ. — Ғ. Мұратбаев көшесі, 2ЕМаңғыстау облысы, Ақтау қ. — 15-шағынаудан, 676Павлодар облысы, Павлодар қ. — Дюсенов көшесі, 80 (№2 бөлім)Солтүстік Қазақстан облысы, Петропавл қ. — М. Әуезов көшесі, 157Шығыс Қазақстан облысы, Өскемен қ. — Белинский көшесі, 37аТүркістан облысы, Түркістан қ. — 160 квартал ықшамауданы, 236, 1-құрылысАбай облысы, Семей қ. — Б. Момышұлы көшесі, 22 (№2 бөлім)Улытау облысы, Жезқазған қ. — Абай көшесі, 140 (№2 бөлім)Жетісу облысы, Талдықорған қ. — Назарбаев көшесі, 67БАқпарат көзі : https://www.gov.kz/memleket/entities/akimat-beyneu/press/news/details/1200438?lang=kk

Облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай аймақ басшысы Нұрлыбек Нәлібаевтың тапсырмасымен Қармақшы ауданына барған жұмыс сапарында әлеуметтік нысандарды аралап шықты.Алдымен ІІІ Интернационал ауылындағы денешынықтыру-сауықтыру кешеніне барды. Заманауи талаптарға сай салынған нысанды «Астана Сервис LTD» ЖШС 2024 жылы пайдалануға берді. Құрылысына 409 млн теңге қаралған кешенде бүгінде ауыл тұрғындары, әсіресе оқушылар спортпен тұрақты шұғылданады.Әрі қарай, №284 мамандандырылған мектеп-лицей-интернатының жұмысымен де танысты. 120 орынға арналған білім ордасының оқу корпустары, жатақхана, асхана және спорт алаңдары бар.Жұмыс сапары кезінде облыс әкімінің орынбасары Жосалы кентіндегі «Руханият орталығына» да арнайы барды. Екі жыл бұрын пайдалануға берілген орталықта аудандық кітапхана, тарихи-өлкетану музейі, архив, ардагерлер кеңесі, жастар орталығы және қоғамдық ұйымдар орналасқан.Қармақшы ауданында 2023-2024 жылдары 207 пәтерлік 103 тұрғын үй сатып алынып, кезекте тұрған азаматтарға берілсе, былтыр тағы 30 тұрғын үй табысталған. Осы сапарда әлеуметтік осал топтарға арналған тұрғын үйлердің қазіргі жай-күйі де назардан тыс қалмады.Ақпарат көзі : https://www.gov.kz/memleket/entities/kyzylorda-karmakshy/press/news/details/1199128?lang=kk

Мемлекеттік қызметті алу үшін көрсетілетін қызметті алушы көрсетілетін қызметті берушіге портал арқылы осы Қағидаларға 1-қосымшаға сәйкес нысан бойынша көрсетілетін қызметті алушының ЭЦҚ-мен қол қойылған электрондық құжат нысанында өндіріс объектісіне есепке алу нөмірін беруге арналған өтініш жолдайды.Мемлекеттік қызметті көрсету үшін сұранымның қабылданғаны туралы жеке кабинеттегі тиісті мәртебе порталда өтініштің қабылданғанын растау болып табылады.Өндіріс объектісіне есепке алу нөмірін беру үшін Қазақстан Республикасы Ауыл шаруашылығы министрінің 2015 жылғы 21 мамырдағы № 7-1/453 бұйрығымен (Қазақстан Республикасының Нормативтік құқықтық актілерді мемлекеттік тіркеу тізілімінде № 11898 болып тіркелген) бекітілген Ветеринариялық құжаттарды беру қағидаларына және олардың бланкілеріне қойылатын талаптарға сәйкес өтініш берілген күнге дейін күнтізбелік 30 (отыз) күннен асырмай берілген өндіріс объектісінің ветеринариялық (ветеринариялық-санитариялық) талаптарға сәйкестігі туралы ветеринариялық-санитариялық қорытынды болуы қажет.Мемлекеттік қызметті көрсету және нәтижесін беру мерзімі өтініш тіркелген сәттен бастап 2 (екі) жұмыс күнін құрайды.Өндіріс объектілеріне есепке алу нөмірлері жалға беру немесе өтеусіз пайдалану шарты негізінде өндірістік үй-жайларда қызметін 3 (үш) жылдан кем мерзіммен жүзеге асыратын өндіріс объектілерін, сондай-ақ мал сою алаңдарын қоспағанда, 3 (үш) жыл мерзімге беріледі.Өндіріс объектілеріне (жалға беру немесе өтеусіз пайдалану шарты негізінде өндірістік үй-жайларда қызметін 3 (үш) жылдан кем мерзіммен жүзеге асыратын өндіріс объектілерін, сондай-ақ мал сою алаңдарын қоспағанда) 2026 жылғы 1 қаңтарға дейін олардың қолданылу мерзімін көрсетпей берілген есепке алу нөмірлері бойынша есепке алу нөмірлерінің қолданылу мерзімі 2026 жылғы 1 қаңтардан бастап есептеледі.Мал сою алаңдарына есепке алу нөмірлері 1 (бір) жыл мерзімге беріледі және осы өңірде ет өңдеу кәсіпорындары немесе мал сою пункттері салынғанға дейін жыл сайын расталуға тиіс. Жалға беру немесе өтеусіз пайдалану шарты негізінде өндірістік үй-жайларда қызметін 3 (үш) жылдан кем мерзіммен жүзеге асыратын өндіріс объектілеріне есепке алу нөмірлері жалға беру, өтеусіз пайдалану шартының қолданылу мерзіміне беріледі.Өндіріс объектілері есепке алу нөмірінің қолданылу мерзімі аяқталғанға дейін күнтізбелік 30 (отыз) күн ішінде берілген есепке алу нөмірлерін сақтай отырып, осы Қағидаларға сәйкес есепке алу нөмірін беруде қайта рәсімдеуден өтеді.Есепке алу нөмірінің қолданылу мерзімі өткен жағдайда, есепке алу нөмірінің қолданылуы ақпараттық жүйеде "Есепке алу нөмірінің қолданысы тоқтатылды" мәртебесі көрсетіле отырып тоқтатылады.Көрсетілетін қызметті берушінің жауапты жұмыскері өтініш тіркелген сәттен бастап 1 (бір) жұмыс күні ішінде ұсынылған құжаттардың және (немесе) өтініште қамтылған мәліметтердің толықтығын тексереді.Көрсетілетін қызметті алушы құжаттар топтамасын және (немесе) өтініште қамтылған мәліметтерді толық ұсынбаған, қолданылу мерзімі өтіп кеткен құжаттарды ұсынған жағдайда, көрсетілетін қызметті берушінің жауапты жұмыскері көрсетілетін қызметті беруші басшысының ЭЦҚ қойылған электрондық құжат нысанында өтінішті одан әрі қараудан уәжді бас тартуды дайындайды және көрсетілетін қызметті алушының жеке кабинетіне жібереді.Көрсетілетін қызметті алушы құжаттардың толық топтамасын және (немесе) мәліметтерді ұсынған жағдайда, көрсетілетін қызметті берушінің жауапты қызметкері өтінім тіркелген сәттен бастап 2 (екі) жұмыс күні ішінде өндіріс объектісіне есепке алу нөмірін береді және осы Қағидаларға 3-қосымшаға сәйкес нысан бойынша өндіріс объектісіне есепке алу нөмірінің берілгені туралы растауды не осы Қағидаларға 4-қосымшаға сәйкес нысан бойынша мемлекеттік қызмет көрсетуден уәжді бас тартуды ресімдейді.Өндіріс объектісіне есепке алу нөмірінің берілгені туралы растау немесе мемлекеттік қызмет көрсетуден уәжді бас тарту көрсетілетін қызметті алушының жеке кабинетіне көрсетілетін қызметті беруші басшысының ЭЦҚ қойылған электрондық құжат нысанында жіберіледі.Жеке тұлғаның аты, әкесінің аты (бар болса), тегі өзгерген, дара кәсіпкерді қайта тіркеу және (немесе) оның атауы өзгерген, заңды тұлғаның атауы өзгерген және (немесе) заңды тұлға бірігу, қайта құру, заңды тұлғаның басқа заңды тұлғаға қосылуы, бөліп шығару және бөліну нысанында қайта ұйымдастырылған, өндірістік үй-жайларға меншік құқығы өзгерген немесе өндірістік үй-жайларды жалға беру шарты (өтеусіз пайдалану шарты) өзгерген, бұзылған, тоқтатылған жағдайда, көрсетілетін қызметті алушы өзгерістер туындаған сәттен бастап 1 (бір) ай ішінде көрсетілетін қызметті берушіге ақпараты мемлекеттік ақпараттық жүйелерде қамтылған құжаттарды қоспағанда, өзгерістер туралы ақпаратты растайтын тиісті құжаттарды қоса бере отырып, осы Қағидаларға 1-қосымшаға сәйкес нысан бойынша өндіріс объектісіне есепке алу нөмірін беруге өтініш береді.Егер осы тармақтың бірінші бөлігінде көрсетілген өзгерістер өндіріс объектісінің жүзеге асырылатын қызмет түрінің өзгеруіне әкеп соқпаса, онда көрсетілетін қызметті беруші өтініш тіркелген сәттен бастап 2 (екі) жұмыс күні ішінде өндіріс объектісіне есепке алу нөмірінің берілгені туралы растауды қайта ресімдейді.Қызмет түрі өзгерген жағдайда, өндіріс объектісі осы Қағидаларға сәйкес есепке алу нөмірін беру рәсімінен қайта өтеді.Жылжымалы (мобильді) объектілері бар өндіріс объектілері оларды қолданыстағы есепке алу нөміріне байланыстырады.  «ҚР АШМ ВБжҚК Меңдіқара  ААИ»ММ Боровское  ауылы,  Алтынсарин  көшесі  83,  тел.: 2-40-94  Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1199131?lang=kk

Көктем өз күшіне еніп, Самар ауданының шаруа қожалықтары алдағы егіс науқанына жерді белсенді түрде дайындап жатыр. Бұл тек маусымдық жұмыс емес, сонымен қатар шаруашылықтар өз қызметіне заманауи технологияларды енгізіп, жұмысшылардың еңбегін жеңілдетуге басымдық беруде.Аққала ауылдық округінде орналасқан «Әмірғали» шаруа қожалығында биыл жер жырту жұмыстары автопилот жүйесін қолдану арқылы жүргізілуде. Трактор өздігінен қозғалады, ал механизатор тек процесті бақылап отырады.- Биыл біз шаруашылық басшысы Рапеков Әділет Әмірғалиұлы екеуміз даму басымдықтарын толық қайта қарастырдық. Ең басты құндылық ретінде адам мен жүйелі жұмысты алға қойдық. Біз автопилот пен навигациялық жүйелерді ұзақ уақыт зерттеп, басқа шаруашылықтардың тәжірибесін қарадық. Бірақ біз үшін тек жабдық сатып алу емес, сенімді серіктес пен сапалы сервисті таңдау маңызды болды, - дейді шаруашылық басқарушысы Талғат Батпанов. Шаруашылықта бір трактор автопилот жүйесімен сынақ режимінде жұмыс істеп жатыр. Бір апталық қолдану нәтижесінде жүйе тұрақты нәтиже көрсетті: техника берілген маршрутпен қозғалады, деректер серверге жіберіледі, ал басшылық жұмысты телефон арқылы онлайн бақылай алады. Қайталанатын жүрістер азайып, артық жырту мен жанармай шығыны қысқарады.- Сынақ сәтті өтті, сондықтан жыл соңына дейін барлық техниканы кезең-кезеңімен осындай жүйелермен жабдықтау туралы шешім қабылданды, - дейді Талғат Батпанов. Басшылықтың айтуынша, бұл жаңашылдықтың басты әсері тек экономикалық тиімділікте емес, сонымен қатар еңбек жағдайында. Автопилот механизатордың жүктемесін азайтып, артық шаршауды төмендетеді және жұмысты әлдеқайда жеңіл әрі жайлы етеді.- Мен бұл шаруашылықта 4 жылдан бері жұмыс істеймін. Қазір жұмыс процесі автоматтандырылғанына өте қуаныштымын. Тракторды басқару жеңілдеді, ауысым соңында шаршау азайды. Автопилотты қосамыз да, техника өзі жүреді, біз тек бақылап отырамыз, тіпті кофе ішуге де болады, - деп күледі механизатор Владимир Шипилов. Шаруашылық басшылығы адам ресурсына инвестиция салуды және еңбек етуге, дамуға дайын мамандарды қолдауды жалғастырып отырғанын айтады. Сонымен қатар басқару жүйесі де бірізді жолға қойылуда: процестерді бақылау, тиімділік, тәртіп және ашықтық.Округ жастары да жаңа технологияларға қызығушылық танытуда. Екінші механизатор-ауысымшы Михаил Анищенко шаруашылықта екі жылдан бері еңбек етеді.- Мен техникаға бала кезімнен жақынмын. Мұнда жаңа технологияларды тәжірибеде қолдануға мүмкіндік бар. Автопилотпен жұмыс істеу жеңіл әрі қызықты, - дейді ол. Алайда ауыл жастарының барлығы Михаил сияқты емес, көпшілігі жеңіл жұмыс іздеп қалаға кетеді. Қазір ауданда көптеген шаруашылықтар жас мамандарға мұқтаж, бірақ аграрлардың айтуынша, ол үшін ең алдымен ауылдағы өмір сапасын арттыру қажет.Бүгінде «Әмірғали» шаруа қожалығы егін шаруашылығымен айналысып қана қоймай, агротехнологиялар бойынша жаңа тәсілдерді де сынақтан өткізуде. Биыл шаруашылық агрокомпаниялармен бірлесіп әртүрлі тұқымдар мен препараттарды тәжірибеден өткізіп, аудан жағдайына ең тиімді шешімдерді таңдауда.Осылайша, Самар ауданы осындай шаруашылықтардың арқасында адам еңбегін алмастырмай, керісінше күшейтетін дәлме-дәл және жүйелі егін шаруашылығына қадам жасап келеді.Ақпарат көзі : https://www.gov.kz/memleket/entities/vko-samar/press/news/details/1199304?lang=kk