Мемлекеттік қызметті алу үшін көрсетілетін қызметті алушы көрсетілетін қызметті берушіге портал арқылы осы Қағидаларға 1-қосымшаға сәйкес нысан бойынша көрсетілетін қызметті алушының ЭЦҚ-мен қол қойылған электрондық құжат нысанында өндіріс объектісіне есепке алу нөмірін беруге арналған өтініш жолдайды.Мемлекеттік қызметті көрсету үшін сұранымның қабылданғаны туралы жеке кабинеттегі тиісті мәртебе порталда өтініштің қабылданғанын растау болып табылады.Өндіріс объектісіне есепке алу нөмірін беру үшін Қазақстан Республикасы Ауыл шаруашылығы министрінің 2015 жылғы 21 мамырдағы № 7-1/453 бұйрығымен (Қазақстан Республикасының Нормативтік құқықтық актілерді мемлекеттік тіркеу тізілімінде № 11898 болып тіркелген) бекітілген Ветеринариялық құжаттарды беру қағидаларына және олардың бланкілеріне қойылатын талаптарға сәйкес өтініш берілген күнге дейін күнтізбелік 30 (отыз) күннен асырмай берілген өндіріс объектісінің ветеринариялық (ветеринариялық-санитариялық) талаптарға сәйкестігі туралы ветеринариялық-санитариялық қорытынды болуы қажет.Мемлекеттік қызметті көрсету және нәтижесін беру мерзімі өтініш тіркелген сәттен бастап 2 (екі) жұмыс күнін құрайды.Өндіріс объектілеріне есепке алу нөмірлері жалға беру немесе өтеусіз пайдалану шарты негізінде өндірістік үй-жайларда қызметін 3 (үш) жылдан кем мерзіммен жүзеге асыратын өндіріс объектілерін, сондай-ақ мал сою алаңдарын қоспағанда, 3 (үш) жыл мерзімге беріледі.Өндіріс объектілеріне (жалға беру немесе өтеусіз пайдалану шарты негізінде өндірістік үй-жайларда қызметін 3 (үш) жылдан кем мерзіммен жүзеге асыратын өндіріс объектілерін, сондай-ақ мал сою алаңдарын қоспағанда) 2026 жылғы 1 қаңтарға дейін олардың қолданылу мерзімін көрсетпей берілген есепке алу нөмірлері бойынша есепке алу нөмірлерінің қолданылу мерзімі 2026 жылғы 1 қаңтардан бастап есептеледі.Мал сою алаңдарына есепке алу нөмірлері 1 (бір) жыл мерзімге беріледі және осы өңірде ет өңдеу кәсіпорындары немесе мал сою пункттері салынғанға дейін жыл сайын расталуға тиіс. Жалға беру немесе өтеусіз пайдалану шарты негізінде өндірістік үй-жайларда қызметін 3 (үш) жылдан кем мерзіммен жүзеге асыратын өндіріс объектілеріне есепке алу нөмірлері жалға беру, өтеусіз пайдалану шартының қолданылу мерзіміне беріледі.Өндіріс объектілері есепке алу нөмірінің қолданылу мерзімі аяқталғанға дейін күнтізбелік 30 (отыз) күн ішінде берілген есепке алу нөмірлерін сақтай отырып, осы Қағидаларға сәйкес есепке алу нөмірін беруде қайта рәсімдеуден өтеді.Есепке алу нөмірінің қолданылу мерзімі өткен жағдайда, есепке алу нөмірінің қолданылуы ақпараттық жүйеде "Есепке алу нөмірінің қолданысы тоқтатылды" мәртебесі көрсетіле отырып тоқтатылады.Көрсетілетін қызметті берушінің жауапты жұмыскері өтініш тіркелген сәттен бастап 1 (бір) жұмыс күні ішінде ұсынылған құжаттардың және (немесе) өтініште қамтылған мәліметтердің толықтығын тексереді.Көрсетілетін қызметті алушы құжаттар топтамасын және (немесе) өтініште қамтылған мәліметтерді толық ұсынбаған, қолданылу мерзімі өтіп кеткен құжаттарды ұсынған жағдайда, көрсетілетін қызметті берушінің жауапты жұмыскері көрсетілетін қызметті беруші басшысының ЭЦҚ қойылған электрондық құжат нысанында өтінішті одан әрі қараудан уәжді бас тартуды дайындайды және көрсетілетін қызметті алушының жеке кабинетіне жібереді.Көрсетілетін қызметті алушы құжаттардың толық топтамасын және (немесе) мәліметтерді ұсынған жағдайда, көрсетілетін қызметті берушінің жауапты қызметкері өтінім тіркелген сәттен бастап 2 (екі) жұмыс күні ішінде өндіріс объектісіне есепке алу нөмірін береді және осы Қағидаларға 3-қосымшаға сәйкес нысан бойынша өндіріс объектісіне есепке алу нөмірінің берілгені туралы растауды не осы Қағидаларға 4-қосымшаға сәйкес нысан бойынша мемлекеттік қызмет көрсетуден уәжді бас тартуды ресімдейді.Өндіріс объектісіне есепке алу нөмірінің берілгені туралы растау немесе мемлекеттік қызмет көрсетуден уәжді бас тарту көрсетілетін қызметті алушының жеке кабинетіне көрсетілетін қызметті беруші басшысының ЭЦҚ қойылған электрондық құжат нысанында жіберіледі.Жеке тұлғаның аты, әкесінің аты (бар болса), тегі өзгерген, дара кәсіпкерді қайта тіркеу және (немесе) оның атауы өзгерген, заңды тұлғаның атауы өзгерген және (немесе) заңды тұлға бірігу, қайта құру, заңды тұлғаның басқа заңды тұлғаға қосылуы, бөліп шығару және бөліну нысанында қайта ұйымдастырылған, өндірістік үй-жайларға меншік құқығы өзгерген немесе өндірістік үй-жайларды жалға беру шарты (өтеусіз пайдалану шарты) өзгерген, бұзылған, тоқтатылған жағдайда, көрсетілетін қызметті алушы өзгерістер туындаған сәттен бастап 1 (бір) ай ішінде көрсетілетін қызметті берушіге ақпараты мемлекеттік ақпараттық жүйелерде қамтылған құжаттарды қоспағанда, өзгерістер туралы ақпаратты растайтын тиісті құжаттарды қоса бере отырып, осы Қағидаларға 1-қосымшаға сәйкес нысан бойынша өндіріс объектісіне есепке алу нөмірін беруге өтініш береді.Егер осы тармақтың бірінші бөлігінде көрсетілген өзгерістер өндіріс объектісінің жүзеге асырылатын қызмет түрінің өзгеруіне әкеп соқпаса, онда көрсетілетін қызметті беруші өтініш тіркелген сәттен бастап 2 (екі) жұмыс күні ішінде өндіріс объектісіне есепке алу нөмірінің берілгені туралы растауды қайта ресімдейді.Қызмет түрі өзгерген жағдайда, өндіріс объектісі осы Қағидаларға сәйкес есепке алу нөмірін беру рәсімінен қайта өтеді.Жылжымалы (мобильді) объектілері бар өндіріс объектілері оларды қолданыстағы есепке алу нөміріне байланыстырады.  «ҚР АШМ ВБжҚК Меңдіқара  ААИ»ММ Боровское  ауылы,  Алтынсарин  көшесі  83,  тел.: 2-40-94  Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1199131?lang=kk

Көктем өз күшіне еніп, Самар ауданының шаруа қожалықтары алдағы егіс науқанына жерді белсенді түрде дайындап жатыр. Бұл тек маусымдық жұмыс емес, сонымен қатар шаруашылықтар өз қызметіне заманауи технологияларды енгізіп, жұмысшылардың еңбегін жеңілдетуге басымдық беруде.Аққала ауылдық округінде орналасқан «Әмірғали» шаруа қожалығында биыл жер жырту жұмыстары автопилот жүйесін қолдану арқылы жүргізілуде. Трактор өздігінен қозғалады, ал механизатор тек процесті бақылап отырады.- Биыл біз шаруашылық басшысы Рапеков Әділет Әмірғалиұлы екеуміз даму басымдықтарын толық қайта қарастырдық. Ең басты құндылық ретінде адам мен жүйелі жұмысты алға қойдық. Біз автопилот пен навигациялық жүйелерді ұзақ уақыт зерттеп, басқа шаруашылықтардың тәжірибесін қарадық. Бірақ біз үшін тек жабдық сатып алу емес, сенімді серіктес пен сапалы сервисті таңдау маңызды болды, - дейді шаруашылық басқарушысы Талғат Батпанов. Шаруашылықта бір трактор автопилот жүйесімен сынақ режимінде жұмыс істеп жатыр. Бір апталық қолдану нәтижесінде жүйе тұрақты нәтиже көрсетті: техника берілген маршрутпен қозғалады, деректер серверге жіберіледі, ал басшылық жұмысты телефон арқылы онлайн бақылай алады. Қайталанатын жүрістер азайып, артық жырту мен жанармай шығыны қысқарады.- Сынақ сәтті өтті, сондықтан жыл соңына дейін барлық техниканы кезең-кезеңімен осындай жүйелермен жабдықтау туралы шешім қабылданды, - дейді Талғат Батпанов. Басшылықтың айтуынша, бұл жаңашылдықтың басты әсері тек экономикалық тиімділікте емес, сонымен қатар еңбек жағдайында. Автопилот механизатордың жүктемесін азайтып, артық шаршауды төмендетеді және жұмысты әлдеқайда жеңіл әрі жайлы етеді.- Мен бұл шаруашылықта 4 жылдан бері жұмыс істеймін. Қазір жұмыс процесі автоматтандырылғанына өте қуаныштымын. Тракторды басқару жеңілдеді, ауысым соңында шаршау азайды. Автопилотты қосамыз да, техника өзі жүреді, біз тек бақылап отырамыз, тіпті кофе ішуге де болады, - деп күледі механизатор Владимир Шипилов. Шаруашылық басшылығы адам ресурсына инвестиция салуды және еңбек етуге, дамуға дайын мамандарды қолдауды жалғастырып отырғанын айтады. Сонымен қатар басқару жүйесі де бірізді жолға қойылуда: процестерді бақылау, тиімділік, тәртіп және ашықтық.Округ жастары да жаңа технологияларға қызығушылық танытуда. Екінші механизатор-ауысымшы Михаил Анищенко шаруашылықта екі жылдан бері еңбек етеді.- Мен техникаға бала кезімнен жақынмын. Мұнда жаңа технологияларды тәжірибеде қолдануға мүмкіндік бар. Автопилотпен жұмыс істеу жеңіл әрі қызықты, - дейді ол. Алайда ауыл жастарының барлығы Михаил сияқты емес, көпшілігі жеңіл жұмыс іздеп қалаға кетеді. Қазір ауданда көптеген шаруашылықтар жас мамандарға мұқтаж, бірақ аграрлардың айтуынша, ол үшін ең алдымен ауылдағы өмір сапасын арттыру қажет.Бүгінде «Әмірғали» шаруа қожалығы егін шаруашылығымен айналысып қана қоймай, агротехнологиялар бойынша жаңа тәсілдерді де сынақтан өткізуде. Биыл шаруашылық агрокомпаниялармен бірлесіп әртүрлі тұқымдар мен препараттарды тәжірибеден өткізіп, аудан жағдайына ең тиімді шешімдерді таңдауда.Осылайша, Самар ауданы осындай шаруашылықтардың арқасында адам еңбегін алмастырмай, керісінше күшейтетін дәлме-дәл және жүйелі егін шаруашылығына қадам жасап келеді.Ақпарат көзі : https://www.gov.kz/memleket/entities/vko-samar/press/news/details/1199304?lang=kk

Рияд, 2026 жылғы 12 сәуір – Қазақстанның Сауд Арабиясындағы Елшісі Мадияр Меңілбеков «Saudi Agricultural and Livestock Investment Company» (SALIC) тобының Бас атқарушы директоры Сүлейман Әл-Румайхпен келіссөздер жүргізді.Сұхбат барысында тараптар агроөнеркәсіптік кешендегі ынтымақтастықтың мүмкіндіктерін талқылады. Ауыл шаруашылығы өнімдерін өндіру және қайта өңдеу саласындағы бірлескен жобаларды іске асыру, сондай-ақ қазақстандық экспортты ілгерілету мәселелеріне ерекше назар аударылды.Осы тұрғыда, «SALIC» компаниясының басшылығы Қазақстанның жоғары инвестициялық әлеуетін атап өтіп, қазақстандық тараппен бірлескен жобаларды жүзеге асыруға қызығушылық танытты.Кездесудің қорытындысы бойынша тараптар өзара тиімді ынтымақтастықты дамыту жөніндегі алдағы қадамдар туралы келісті.«SALIC» 2009 жылдың сәуір айында құрылды және Сауд Арабиясындағы ең ірі ауыл шаруашылығы және мал шаруашылығы компанияларының бірі болып табылады. Компания стратегиялық инвестициялар арқылы азық-түлік және ауыл шаруашылығы секторларын трансформациялауда, жеткізу көздерін әртараптандыруда және Корольдіктің жаһандық нарықтарға интеграциясын нығайтуда маңызды рөл атқарады.Ақпарат көзі : https://www.gov.kz/memleket/entities/mfa-riyadh/press/news/details/1199087?lang=kk

Брюссель, 2026 жылғы 11 сәуір – Қазақстанның Бельгиядағы Елшілігінің ұйымдастыруымен Брюссельде ауқымды мәдени шара өтті. Кешке 500-ден астам қонақ жиналып, олардың қатарында отандастарымыз бен студенттер, бельгиялық билік өкілдері, дипломатиялық корпус, еуропалық институттар мен іскерлік орта өкілдері болды.  Іс-шара барысында Қазақстан Республикасының Елшісі Роман Василенко сөз сөйлеп, мұндай мәдени бастамалардың елдер арасындағы өзара түсіністік пен сенімді нығайтудағы рөлін атап өтті.Шараның айрықша көркі – Қарағанды облысы әкімдігінің қолдауымен Елшілік аумағында тігілген киіз үй болды. Ол бүгінде Елшіліктің ажырамас бөлігіне айналып, халқымыздың қонақжай болмысын айшықтайтын әрі көшпелі өркениеттің бай мұрасын танытатын рухани кеңістік қызметін атқаруда.Қонақтардың ерекше ықыласына бөленген мәдени бағдарлама «Жошы» этно-ансамблі мен белгілі қазақстандық өнерпаздардың қатысуымен өтті. Астана қаласы әкімдігінің қолдауымен ұйымдастырылған бұл бағдарлама көрерменге қазақтың салт-дәстүрін тек тамашалап қана қоймай, оны терең сезінуге мүмкіндік берді. Ұлттық ойындар арқылы халықтың болмысы мен бәсекелестік рухы көрсетіліп, көпшілікке кеңінен таныс беташар рәсімі де сахналанды. Бұл – отбасы құндылықтары мен дәстүр сабақтастығын дәріптейтін маңызды ғұрып.Кештің ең әсерлі сәттерінің бірі – 200-ден астам адамның қатысуымен өткен ауқымды флешмоб болды. Бұл көрініс бірлік пен ынтымақтың белгісіне айналып, Еуропада қазақ мәдениетіне деген қызығушылықтың артып келе жатқанын айқын көрсетті.Шара еуропалық қауымдастық тарапынан Қазақстанның мәдени мұрасына деген қызығушылықтың жоғары екенін тағы бір мәрте дәлелдеді. Сонымен қатар, мәдени дипломатияның елдер арасын жақындастыратын тиімді құрал екені айқын байқалды.Аталған іс-шара Брюссельде алғаш рет ұйымдастырылған Shanyraq Fest Brussels фестивалі аясында өтіп, алдағы уақытта жыл сайынғы мәдени дәстүрге айналатын жаңа алаңның негізін қалады.Ақпарат көзі : https://www.gov.kz/memleket/entities/mfa-brussels/press/news/details/1199090?lang=kk

Қазақстанның Малайзиядағы Елшілігі болу елінің іскер топтарымен сауда-экономикалық және инвестициялық ынтымақтастықты нығайту бағытындағы жүйелі жұмысты жалғастыруда. Соңғы кезеңде жетекші малайзиялық компаниялар мен салалық бірлестіктермен өткен кездесулер Қазақстанға бизнес жүргізу және инвестициялық жобаларды іске асыру үшін перспективалы бағыт ретінде қызығушылықтың артып келе жатқанын көрсетеді.Малайзия Өндірушілер федерациясымен өзара іс-қимыл аясында ынтымақтастықты кеңейту мүмкіндіктері талқыланды. Атап айтқанда, «Қорғас» Халықаралық шекара маңы ынтымақтастығы орталығы аумағында Малайзияның Сауда үйін ашу бастамасы қарастырылды. Сонымен қатар, Қазақстанның инвестициялық әлеуетімен жан-жақты танысу мақсатында малайзиялық іскерлік делегацияның сапарын ұйымдастыру мәселесіне ерекше назар аударылды.«Mega Fortris Group» компаниясымен өткен кездесуде оның Орталық Азия нарығына шығу перспективалары қаралды. Қазақстанда өңірлік офис ашу және өндірісті жергіліктендіру мәселелері талқыланып, бұл өз кезегінде жаңа өндірістік тізбектердің қалыптасуына және өнеркәсіптік ынтымақтастықтың нығаюына ықпал етуі мүмкін екені атап өтілді.Малайзияның ең ірі электр энергетикалық компаниясы «Tenaga Nasional Berhad» өкілдерімен жүргізілген келіссөздер энергетика саласындағы өзара іс-қимылды дамытуға екіжақты қызығушылықты растады. Атап айтқанда, компанияның Қазақстандағы жаңартылатын энергия көздері жобаларына қатысу мүмкіндіктері қарастырылды. Бұдан бөлек, білім беру саласындағы ынтымақтастықты кеңейту, соның ішінде қазақстандық студенттерді UNITEN базасында инженерлік мамандықтар бойынша, оның ішінде атом энергетикасы бағытында даярлау мәселелері талқыланды. Қазақстандық студенттерге гранттар ұсыну мүмкіндігі атап өтілді.Қазақстанның Малайзиядағы Елшілігі серіктестік байланыстарды кеңейту, іскерлік байланыстарды ілгерілету және еліміздің экономиканың басым секторларына инвестициялар тарту бағытында белсенді жұмыс жүргізуде.Ақпарат көзі : https://www.gov.kz/memleket/entities/mfa-kuala-lumpur/press/news/details/1199097?lang=kk

Ғылым қызметкерлері күніне орай Ұлттық қорғаныс университетінде мерекелік іс-шара өтті. Оған оқу орнының басшылығы, профессорлық-оқытушылар құрамы және ардагерлер қатысты.Ғылым мен білімді дамыту арқылы ұлттық қауіпсіздікті қамтамасыз етуге елеулі үлес қосып отырған оқу орны үшін бұл күннің маңызы ерекше. Университет ұжымы бұл бағытта жүйелі жұмыс жүргізіп, ғылыми-зерттеу және инновациялық қызметті дамытып келеді. Заманауи әзірлемелер енгізіп, білікті мамандар даярлауды қамтамасыз етуде. Оқу орнының ғылыми әлеуетін 5 ғылым докторы, 24 ғылым кандидаты, 57 философия докторы (PhD), 1 бейін бойынша доктор құрайды.2018-2025 жылдары гранттық және бағдарламалық-нысаналы қаржыландыру аясында олар жалпы құны 1,9 млрд теңгені құрайтын 22 ғылыми-техникалық жобаны жүзеге асырды. Оның ішінде авторлық бағдарламалық қамтамасыз етуі бар «Шағала» барлау ұшқышсыз ұшу аппараты, инженерлік әскерлердің қаруына қабылданған жаңғыртылған минасыздандыру қондырғысы және басқа да жобалар бар. Сондай-ақ барлау-соққы беру және барлау-оқ ату кешендерін құру бойынша зерттеулер жүргізіліп, оларды қолдану жөнінде ұсынымдар әзірленді.Сала мамандарын мерекемен университет бастығы генерал-майор Бауыржан Әбжанов құттықтады. Ол ғылымның мемлекетті дамытудағы және ұлттық қауіпсіздікті нығайтудағы стратегиялық рөліне тоқталып, қазіргі геосаяси жағдайда ғылым мен тәжірибенің тығыз байланысы ерекше маңызға ие екенін атап өтті.– Ғылым – мемлекетті дамытудың негізгі қозғаушы күші. Ал әскери ғылым – ел қауіпсіздігінің сенімді қалқаны. Сіздердің табанды еңбектеріңіз бен ғылыми ізденістеріңіздің арқасында отандық әскери ғылым жаңа деңгейге көтерілуде. Бұл – үлкен жетістік әрі жоғары жауапкершілік, – деп атап өтті генерал-майор Б. Әбжанов.Іс-шарада әскери білім мен ғылымды дамытуға елеулі үлес қосқан бірқатар әскери қызметшілер мен ғалымдар алғыс хаттармен марапатталды.Ғылым қайраткерлерінің құрметіне Ұлттық әскери-патриоттық орталықтың Орталық ансамблінің әртістері мен «Күмбір» триосы өнер көрсетті. Ұлттық нақыштағы және патриоттық композициялар көрермендердің ыстық ықыласына бөленді.Ақпарат көзі : https://www.gov.kz/memleket/entities/mod/press/news/details/1199077?lang=kk

Құрметті еліміздің православ қауымы!Сіздерді Пасха мерекесімен құттықтаймын!Христиан жылнамасында ерекше орын алатын бұл мереке үміт пен сүйіспеншіліктің, рухани жаңарудың символы саналады. Пасха мейрамында және оған дайындық кезеңінде жанашырлық, мейірімділік, тату көршілік, өзара көмек қасиеттері ел ішінде кеңінен дәріптеледі. Православ қауымы қоғамда әділдік, бейбітшілік, келісім, төзімділік және сенім қағидаттарын қалыптастыруға елеулі үлес қосып келеді. Ұрпақтан ұрпаққа жалғасқан Пасха дәстүрі отбасындағы ынтымақты сақтауға және адамгершілік қарым-қатынасты нығайтуға ықпал етеді, үлкенге құрмет көрсетіп, жақыныңа жанашыр болуға баулиды.  Ұлттық бірлік пен конфессияаралық келісімнің сақталуы, дәстүрлі құндылықтар мен жан-жақты жаңғыруға деген ұмтылыстың үйлесім табуы еліміздің өсіп-өркендеуіне арқау болып отыр.Халқымыз бейбітшілік пен тұрақтылық, заң мен тәртіп, білім мен инновация, қоршаған ортаға қамқорлық пен тазалық қағидаттары берік орныққан озық елде өмір сүріп, еңбек етуге ұмтылады. Республикалық референдумда қабылданған Халық Конституциясы – соның айқын дәлелі.Біз қастерлі Отанымыздың болашағы жолындағы ортақ жауапкершілікті терең сезіне білсек, кез келген сын-қатерді еңсеріп, биік мақсаттарымызға жететінімізге кәміл сенемін.Осы жарқын мереке әрбір шаңыраққа шаттық пен бақ-береке сыйласын!Баршаңызға зор денсаулық, мол бақыт және толағай табыс тілеймін!Ақпарат көзі : https://www.gov.kz/memleket/entities/mfa-minsk/press/news/details/1199072?lang=kk

  Ғарышкерлер күні қарсаңында Ақтөбеде мектеп партасын болашақ мамандықпен тікелей байланыстыратын маңызды қадам жасалды. № 83 орта мектеп, облыстық планетарий және Әуе қорғанысы күштерінің әскери институты өзара ынтымақтастық туралы нақты тәжірибелік бағыттағы меморандумға қол қойды.Құжат тек ғылымға қызығушылықты арттыруды ғана емес, сонымен қатар ерте кәсіби бағдар беруді көздейді. Оқушылар астрономия, физика және география пәндері бойынша қосымша сабақтарға қатысып, мамандардың әдістемелік қолдауымен ғылыми жобалармен айналыса алады.  Әуе қорғанысы күштерінің әскери институты базасында өтетін теориялық дәрістер тәжірибемен ұштастырылады. Ынтымақтастық аясында ғылыми конференциялар, олимпиадалар және тақырыптық кездесулер өткізу жоспарланған. Әлеуметтік тұрғыдан осал топтағы оқушыларды қолдауға ерекше көңіл бөлінеді.  Жобаның символдық бөлігі ретінде «Ғарыш бұрышы» ашылды. Онда Қазақстан космонавтикасының тарихы білім беру ортасының бір бөлігіне айналады. Іс-шараға оқушылар, «Жас сақшы» сыныбының тәрбиеленушілері және жас ұшқыштар мектебінің шәкірттері қатысты.  Институт бастығының орынбасары полковник Мақсат Уәйіс  бастаманың тәжірибелік маңызын атап өтті. – Біздің міндетіміз – балаларға білімді түсінікті түрде жеткізу, оларды мамандығымызға қызықтырып, аспанды сүюге баулу. Институт базасында, нақты әскери ортада оқыту олардың мамандық таңдауға саналы түрде келуіне және біздің ісімізді жалғастырып, әскери ұшқыш болуына көмектеседі, – деді ол.  Дайындық жүйесінің маңызды бөлігі – институт жанындағы жас ұшқыштар мектебі. Биыл оған 57 жыл толып отыр. Осы уақыт ішінде әскери-патриоттық клуб аспанды мамандық ретінде таңдаған жастар үшін бастау алаңына айналды. Қазіргі таңда тәрбиеленушілер аэродинамика, навигация, метеорология және әскери пәндерді меңгеріп, болашақ қызмет пен оқуға қажетті негіз қалай алады.Жас ұшқыштар мектебі түлектерінің 40%-ы Әуе қорғанысы күштерінің әскери институтында оқуын жалғастырып, бала күнгі арманын жүзеге асырып, аспанды бағындыруда.  Осылайша, Ақтөбеде мектептегі қызығушылықтан саналы мамандық таңдауға дейінгі үздіксіз білім беру жүйесі қалыптасып келеді. Біреулер үшін бұл – балалардың болашағына сенім болса, енді енді біре үшін – аспанға бастар алғашқы қадам.Ақпарат көзі : https://www.gov.kz/memleket/entities/mod/press/news/details/1199060?lang=kk

Қасым-Жомарт Тоқаев пен Шавкат Мирзиёев Бұхарада Жасанды интеллект бойынша өтіп жатқан жалпыұлттық хакатонды тамашалады.Мемлекеттер басшыларына бұл сайыс ІТ және жасанды интеллект салаларын меңгерген талантты жастарды тауып, оларға қолдау көрсету мақсатында ұйымдастырылғаны баяндалды.Хакатон білім беру мекемелері, бизнес және мемлекеттік құрылымдар арасындағы ынтымақтастықты нығайтуға септігін тигізеді. Хакатонға қатысушылар медицина, білім беру технологиялары, сондай-ақ кәсіпкерлік бағыттарындағы нақты міндеттердің түйінін тарқатумен айналысады.Өңірлік жарысқа мыңнан астам жас маман, студенттер мен бағдарлама әзірлеушілер қатысты.Президенттерге Govtech Өзбекстан цифрлық үкіметінің соңғы әзірлемелері, көлік, кеден, салық, энергетика, денсаулық сақтау, әлеуметтік қорғау, құрылыс, өнеркәсіп салаларындағы цифрлық шешімдер таныстырылды.

Бұхара қаласының әуежайында мәртебелі мейманды Өзбекстан Президенті Шавкат Мирзиёев қарсы алды.Салтанатты қарсы алу рәсімінде Қазақстан Президентінің құрметіне ұлттық ән мен би орындалды.Бүгін мемлекеттер басшылары бейресми кездесу өткізіп, шаһардағы бірқатар тарихи және өнеркәсіп нысанын аралайды.Сапар банысында Қасым-Жомарт Тоқаев пен Шавкат Мирзиёев Бахауддин Нақышбанди мемориалдық кешеніне барды.Қазақстан Президентінің Өзбекстанға жұмыс сапары Бұхарадағы Бахауддин Нақышбанди кесенесіне зиярат етуден басталды.Мемлекеттер басшылары медресе, екі мешіт пен мұнарадан тұратын мемориалдық кешенді аралап көрді. Зиярат барысында Құран оқылып, бауырлас халықтарға бейбіт өмір мен бақ-береке тілеп, дұға жасалды.Қасым-Жомарт Тоқаев пен Шавкат Мирзиёев мемориалдық кешенге келушілермен жылы рәуіште әңгімелесіп, суретке түсті.Нақышбандия тариқатының негізін салушы Бахауддиин Нақышбандидің кесенесі XVI ғасырда салынған.Ескерткіш жанындағы музейде XIX ғасырдағы Құран қолжазбасы, тарихи құжаттар, кітаптар мен басқа да құнды жәдігерлер сақталған.

Шымкент қаласында ауыл шаруашылығы саласын дамытуға арналған «AUYL INVEST FEST – 2026» халықаралық фестивалі өтті. Іс-шара аясында балық шаруашылығын дамыту, инвестициялық әлеуетті арттыру және саладағы тәжірибе алмасу мәселелері кеңінен талқыланды.Фестивальге Қазақстанның барлық өңірлерінен келген балық шаруашылығы мамандары, сондай-ақ Еуропа және Орталық Азия елдерінен жетекші сарапшылар мен ғалымдар қатысты. Қатысушылар балық шаруашылығын табыс көзіне айналдырудағы мемлекеттік қолдау мен заманауи технологиялардың маңызын атап өтті.Алқалы жиын «Түркістан» сарайында өтіп, онда саладағы өзекті мәселелер мен даму бағыттары сараланды. Форумға Қазақстан Республикасы Парламенті Мәжілісінің депутаты, Аграрлық мәселелер комитетінің төрағасы, «Ауыл» партиясының жетекшісі Серік Егізбаев, Шымкент қаласы әкімінің орынбасары Айдын Кәрімов, сондай-ақ Чехия, Дания және Өзбекстан елдерінен келген балық шаруашылығы саласының ғалымдары мен технологтары қатысты.Қазақстан Республикасы Ауыл шаруашылығы министрі Айдарбек Сапаровтың құттықтау хатын Балық шаруашылығы комитетінің төрағасы Серік Сермағанбетов оқып берді. Құттықтауда саладағы халықаралық ынтымақтастық пен тәжірибе алмасудың маңызы айтылды.Форум барысында Серік Егізбаев мұндай алаңдардың аграрлық саланы дамытудағы рөлін атап өтті:«Сала мамандары тәжірибе алмасып, жетістіктерін талқылайды, ортақ мәселелерді көтереді. Форум қорытындысы бойынша қарар қабылданып, алдағы жұмыстардың бағыты айқындалды», – деді ол.Балық шаруашылығы комитетінің төрағасы Серік Сермағанбетов елімізде балық шаруашылығын дамыту бағытында атқарылған жұмыстарға тоқталды. Оның айтуынша, бүгінге дейін 95 жоба іске асырылып, 21 мың тонна балық өндірілген. Сондай-ақ 41 жоба жүзеге асырылу кезеңінде болған. Салада балық өнімдерін қайта өңдеу және аквамәдениетті дамытуға ерекше мән берілді.Мамандардың мәліметінше, 2021–2030 жылдарға арналған балық шаруашылығын дамыту бағдарламасы аясында жем сатып алуға 30–50 пайызға дейін субсидия қарастырылған. Бұл қолдау шаралары сала тиімділігін арттыруға ықпал еткені атап өтілді.Форум барысында халықаралық тәжірибе де талқыланды. Өзбекстаннан келген «Балық шаруашылығы ғылыми орталығы» ЖШС директоры Дилмұрат Шохимарданов жекешелендіру кезеңінен кейін саланы дамытуда ассоциация құру тәжірибесі маңызды рөл атқарғанын айтты.Сондай-ақ форумда Қазақстан–Чех халықаралық аквамәдениет ғылыми орталығының директоры Жақсығали Қуанчалеев, Шерхан Мұртаза атындағы халықаралық университеттің «Аквамәдениет» зертханасының меңгерушісі Дмитрий Шумейко, TENGRY FISH ЖШС директоры Жайдарәлі Таңжарық және өзге де мамандар баяндама жасап, дәстүрлі балық аулаудан өндірістік аквамәдениетке көшу, уылдырық инкубациясы, форель және көксерке өсіру технологиялары, тұйық су жүйелерін дамыту бағыттарын талқылады.Форум қорытындысы бойынша саланы дамытуға бағытталған қарар қабылданды.Айта кетейік, фестиваль аясында балық өнімдерінен дайындалған тағамдар байқауы, «Ауыл нақыштары» республикалық фотокөрмесі, ауыл шаруашылығы өнімдерінің жәрмеңкесі, қолөнер көрмелері және ұлттық спорт түрлерінен жарыстар ұйымдастырылды. Атап айтқанда, асық ату, ләңгі тебу, арқан тарту және кір тасын көтеру сайыстары өтті.Фестивальдің басты көрмелерінің бірі – балық шаруашылығы жетістіктеріне арналған экспозиция болып, ол саланың инвестициялық және технологиялық әлеуетін кеңінен таныстырды.

Шымкент қаласында «Таза Қазақстан» республикалық экологиялық бағдарламасы аясында кең ауқымды жалпықалалық «Таза қала» акциясы ұйымдастырылып, санитарлық-тазалық және абаттандыру жұмыстары жүргізілді. Іс-шараның негізгі мақсаты – тұрғындар арасында экологиялық мәдениетті қалыптастыру, қоршаған ортаға жауапкершілікті арттыру және қаланың санитарлық жағдайын жақсарту.Акция барысында қала аумағындағы барлық аудандарда аулалар, саябақтар, гүлзарлар мен қоғамдық кеңістіктер тазартылып, жасыл аймақтар ретке келтірілді. Сонымен қатар ағаштарды әктеу, шөп шабу, бұталарды қырқу, заңсыз қоқыс орындарын жою, тұрмыстық және құрылыс қалдықтарын шығару жұмыстары жүргізілді. Қалалық инфрақұрылым элементтерін қалпына келтіру мақсатында дәнекерлеу және сырлау жұмыстары да атқарылды.Жалпы акцияға 57 мыңға жуық адам қатысып, 304 бірлік арнайы техника жұмылдырылды. Нәтижесінде қала аумағынан 440 тоннадан астам тұрмыстық және құрылыс қалдықтары шығарылды.Абай ауданында ауқымды жұмыстар жүргізілдіАбай ауданы аумағында тазалық жұмыстары бес негізгі сектор бойынша ұйымдастырылды. Олардың қатарында «ШымСити», «Қызылжар», «Ақжайық» шағын аудандары, «Асар» тұрғын алабы және Есімхан көшесі бар.Аудан бойынша сенбілікке 25 мыңнан астам адам қатысты. Іс-шараға тұрғындар, жастар, еріктілер, коммуналдық қызмет мамандары мен түрлі ұйым өкілдері белсене атсалысты. 56 арнайы техника жұмылдырылып, 146 тоннадан астам қоқыс шығарылды.«ШымСити» аумағында өткен тазалық жұмыстарына тұрғындармен бірге жастар мен еріктілер белсенді қатысып, аумақты абаттандыруға үлес қосты. Сонымен қатар ардагерлер қауымы да сенбілікке қатысып, экологиялық мәдениетті қалыптастырудың маңызын атап өтті.Абай ауданы Ардагерлер кеңесінің мүшесі Орынша Тәжібаева мұндай бастамалардың тәрбиелік мәніне тоқталып:««Таза Қазақстан» бағдарламасына қатысу – тек еңбек емес, бұл тәрбиелік үдеріс. Ардагерлер жастарға туған жерге сүйіспеншілік пен жауапкершілікті үлгі етеді», – деді.Қаратау ауданында тазалық жұмыстары жүргізілдіҚаратау ауданы аумағындағы Нұртас-1 шағын ауданында тұрғындар, еріктілер, коммуналдық қызметкерлер мен мемлекеттік мекемелер өкілдері бірлесіп тазалық жұмыстарын атқарды. Мұнда Кәусар каналы бойы тазартылып, тұрмыстық қалдықтар шығарылды.Аталған аумақта шамамен 1000-ға жуық адам қатысып, қоғамдық орындарды ретке келтіру жұмыстарына үлес қосты. Жалпы аудан бойынша 7000-нан астам адам жұмылдырылып, 58 арнайы техника көмегімен 41 тонна қоқыс шығарылды.Тұран ауданында кең көлемді сенбілік өттіТұран ауданы аумағында сенбілік 6 негізгі аумақта ұйымдастырылды. Ең ауқымды жұмыстар Өтегенов және Алтынжол көшелерінде жүргізілді.Іс-шараға 70-тен астам арнайы техника жұмылдырылып, 10 мыңнан астам адам қатысты. Тұрғындармен бірге студенттер, еріктілер, ардагерлер мен мекеме қызметкерлері де белсенді атсалысты. Сенбілік барысында аулалар мен қоғамдық аумақтар тазартылып, жасыл желектер күтіп-бапталды.Әл-Фараби ауданында Сәуле шағын ауданы тазартылдыӘл-Фараби ауданы аумағындағы Сәуле шағын ауданында жалпықалалық Тазалық күні аясында санитарлық жұмыстар жүргізілді.Сенбілікке шамамен 5000 адам қатысты. Іс-шараға тұрғындармен бірге коммуналдық қызмет мамандары, «Оңтүстік Жарық Транзит» ЖШС қызметкерлері және әскери бөлімнің жеке құрамы жұмылдырылды. Нәтижесінде шамамен 50 гектар аумақ тазартылып, заңсыз қоқыс орындары жойылды. 33 арнайы техника тартылып, 110 тонна қоқыс шығарылды.Еңбекші ауданында жастар белсенділік таныттыЕңбекші ауданы аумағында өткен тазалық жұмыстарына қала жастары мен еріктілері белсенді қатысты. Олар Шымкент мұнай өңдеу зауыты маңында санитарлық тазалау және көгалдандыру жұмыстарын жүргізді.«Жастар ресурстық орталығының» басшысы Жансерік Жұман жастардың белсенділігіне тоқталып, экологиялық мәдениетті қалыптастырудың маңызын атап өтті.Жалпы аудан бойынша 12 мыңнан астам адам қатысып, 81 арнайы техника жұмылдырылды. Нәтижесінде 66 тонна қоқыс шығарылды.ҚорытындыҰйымдастырушылардың айтуынша, «Таза Қазақстан» экологиялық акциясы бір реттік іс-шара емес, қала экологиясын жақсартуға және тұрғындардың экологиялық жауапкершілігін арттыруға бағытталған жүйелі бастама болып табылады. Мұндай шаралар алдағы уақытта да тұрақты түрде жалғасып, қоғамның барлық санаттарын ортақ экологиялық мәдениетке жұмылдыруға ықпал етпек.

«Батыс» өңірлік қолбасшылығының әскери бөлімдерінде белгіленген мерзімді қызметін аяқтаған сарбаздарды запасқа шығару құрметіне арналған салтанатты іс-шаралар өтіп жатыр.Теңіз жаяу әскерлерінің бригадасында 600-ден астам әскери қызметші Жауынгерлік тумен қоштасты. Оның бір бөлігі келісімшарт бойынша қызметін ары қарай жалғастырмақ.Сарбаздар бір жыл ішінде әскери мамандықты меңгеріп қана қоймай, азаматтық салада да қажет болатын практикалық дағдыларға ие болғанын баса айту керек. Бригада командирі подполковник Азамат Сүлейменовтің айтуынша, қызмет барысында сарбаздар әскери мамандықты игеріп, жауынгерлік және мемлекеттік-құқықтық дайындықта тұрақты нәтижелер көрсетті. Сондай-ақ «Айбалта-2025» жедел-стратегиялық командалық-штабтық оқу-жаттығулары кезінде жоғары дайындық деңгейін дәлелдеді.Гвардия кіші сержанты Әділет Балықбаев бригададағы қызмет өміріндегі маңызды кезең болғанын айтады.– Мұнда біз жауапкершілікке, ата-ананы сыйлап, достықты бағалауға үйрендік. Қызмет барысында бізді оқытып, бағыт-бағдар беріп, қолдау көрсеткен командирлерге алғыс айтамын, - деді ол.Қолбасшылық үздік көзге түскен теңіз жаяу әскерлерін грамоталармен, естелік сыйлықтармен және ата-аналарына жолданған алғыс хаттармен марапаттады. Бірқатар әскери қызметшілерге кезекті әскери атақтар берілді. Сонымен қатар, 15 әскери қызметші Қарулы күштерде келісімшарт бойынша қызметін жалғастыруға шешім қабылдады.Жалпы, Ақтау гарнизонында ағымдағы жылдың сәуір-маусым айлары аралығында шамамен 1000 адам запасқа шығарылады. Олардың басым бөлігі қызмет барысында алған тәжірибесі мен бастапқы кәсіби дағдыларының арқасында жаңа еңбек жолын бастайды.Ақпарат көзі : https://www.gov.kz/memleket/entities/mod/press/news/details/1199007?lang=kk

Бүгін Алматы облысында «Таза Қазақстан» экологиялық акциясы аясында ауқымды сенбілік өтті. Оған өңір бойынша 30 мыңға жуық адам қатысып, 200 арнайы техника жұмылдырылды. Нәтижесінде 20 мыңға жуық ағаш отырғызылып, 394 тонна қоқыс шығарылды, – деп хабарлайды Алматы облысы әкімінің баспасөз қызметі.Айтулы шараның бірі Қонаев қаласында ұйымдастырылды. Онда 10 гектар аумақты қамтитын «Барыс» эко-паркінің негізі қаланып, алғашқы көшеттері отырғызылды. Игі шараға қала тұрғындары, жастар, мекеме қызметкерлері мен белсенділер қатысты. Сондай-ақ облыс әкімі Марат Сұлтанғазиев те қолына кетпен-күрек алып, экологиялық акцияға өз үлесін қосты.«Қонаев қаласы – облыс орталығы ретінде қарқынды дамып келе жатқан шаһар. Сондықтан мұнда халықтың демалысына, салауатты өмір салтын ұстануына қолайлы жағдай жасау – біздің басты міндетіміз. «Барыс» эко-паркі тек ағаш егетін орын емес, ол – қала тұрғындары мен қонақтары үшін заманауи мәдени демалыс орталығы, жайлы қоғамдық кеңістік болмақ.Мұндай игі шараларға қоғам белсенділерінің, ардагерлеріміз бен жалынды жастарымыздың атсалысуы көңіл қуантады. «Атадан мал қалғанша, тал қалсын» деген даналықты ұстанған халқымыз үшін ағаш егу – ең сауапты істердің бірі. Бұл акция өскелең ұрпақтың бойында патриотизм мен табиғатқа деген сүйіспеншілікті оятады деп сенемін», – деді Марат Елеусізұлы. Аймақ басшысының айтуынша, биыл өңірімізде 220 мың ағаш егу жоспарланса, жыл басынан бері оның 22 мыңы отырғызылған.Қала тұрғындары шаһардың көркейіп, дамуы ортақ жауапкершілік екенін айтып, игі бастамаға біркісідей атсалысты. Жұмылған жұмыстың нәтижесінде парк аумағына 200 түп көшет егілді. Алдағы уақытта бұл жерге жалпы саны 5 мың түп ағаш отырғызу жоспарланған. Жасыл-желек жайқалып өсуі үшін өңірдің климаттық ерекшелігі ескеріліп, төзімді әрі сәнді ағаш түрлері таңдап алынған. Одан бөлек мұнда жаяу жүргіншілер жолы, заманауи жарықтандыру жүйелері мен демалатын орындар жасалып, тұрғындар үшін жайлы ортаға айналмақ. Жыл соңына дейін толық пайдалануға беріледі. Сонымен қатар «Көшпенділер қалашығы» маңында да эко-парк құрылып, онда 500 түп ағаш отырғызу жоспарланған. Абаттандыру жұмыстары кезең-кезеңімен жүргізіледі.Ақпарат көзі : https://www.gov.kz/memleket/entities/almobl/press/news/details/1199005?lang=kk

Шымкент қаласында «Таза Қазақстан» республикалық экологиялық бағдарламасы аясында жалпықалалық сенбілік ұйымдастырылуда. Осыған орай Тұран ауданында 6 аумақта тазалық жұмыстары жүргізілуде. Ең ауқымды жұмыстар Өтегенов және Алтынжол көшелерінде атқарылуда.Тазалық жұмыстарына 70-тен астам арнайы техника жұмылдырылып, 10 мыңнан астам адам қатысты. Іс-шараға жергілікті тұрғындар, еріктілер, студент жастар, ардагерлер және түрлі мекеме қызметкерлері белсенді атсалысты.Тазалық жұмыстары барысында аулалар мен қоғамдық орындар ретке келтіріліп, қоқыс қалдықтары шығарылуда, сондай-ақ жасыл желектерге күтім жасалуда. Ұйымдастырушылардың айтуынша, жалпықалалық сенбілік бір реттік акция емес, ол тұрақты түрде жүргізілетін экологиялық жұмыстардың бір бөлігі болып табылады. Мұндай бастамалар қала экологиясын жақсартуға және тұрғындардың қоршаған ортаға деген жауапкершілігін арттыруға ықпал етеді.#ТазаҚазақстан#ТазаОрта#ТазаШым#Шымкент2026

Бүгін Шымкент қаласында өтіп жатқан «Таза Қазақстан» республикалық экологиялық акциясы аясында қала жастары тазалық шарасына белсенді қатысты.Аталған іс-шара Еңбекші ауданы аумағында ұйымдастырылып, белсенді жастар мен еріктілер Шымкент мұнай өңдеу зауытының аумағында санитарлық тазалық жұмыстарын жүргізді. Белгіленген аумақ қоқыстан тазартылып, жасыл желектер ретке келтірілді, қыс мезгілінен кейін қалған қалдықтар жиналып, аумақ абаттандырылды.Сенбілікке қатысқан жастар жоғары ұйымшылдық пен белсенділік танытты. Мұндай бастамалар жастар арасында экологиялық мәдениетті қалыптастыруға және азаматтық жауапкершілікті арттыруға ықпал етеді.Іс-шара барысында Шымкент қаласы «Жастар ресурстық орталығының» басшысы Жансерік Жұман қатысушылармен бірге тазалық жұмыстарына атсалысты. Оның айтуынша, қоршаған ортаның тазалығы – әрбір азаматтың ортақ міндеті.«Бүгінгі жастардың белсенділігі ерекше қуантады. Осындай игі бастамалар арқылы біз өскелең ұрпаққа үлгі көрсетеміз. Табиғатты қорғау – бір реттік шара емес, ол күнделікті өмір салтына айналуы тиіс», – деді Жансерік Жұман.Ұйымдастырушылардың айтуынша, мұндай іс-шаралар тек санитарлық тазалық жұмыстарымен шектелмей, жастар арасында экологиялық мәдениетті қалыптастыруға бағытталған маңызды тәрбиелік мәнге ие.Алдағы уақытта да «Таза Қазақстан» акциясы аясындағы іс-шаралар жалғасын тауып, қоғамның барлық топтарын ортақ іске тарту көзделуде.#ТазаҚазақстан#ТазаОрта#ТазаШым#Шымкент2026

Бүгін Шымкент қаласында «Таза Қазақстан» республикалық бағдарламасы аясында жалпықалалық Тазалық күні ұйымдастырылды. Экологиялық шара Сәуле шағын ауданында өтті.Сенбілікке шамамен 500-ге жуық адам қатысты. Іс-шараға аудан тұрғындары, коммуналдық сала қызметкерлері, «Оңтүстік Жарық Транзит» ЖШС мамандары және әскери бөлімнің жеке құрамы белсенді атсалысты. Жүзге жуық әскери қызметші қаланың жасыл белдеуін қоқыстан тазарту жұмыстарына қатысты.Тазалық жұмыстары барысында 50 гектардан астам аумақ ретке келтірілді. Сонымен қатар заңсыз қоқыс орындары жойылып, ұзақ уақыт жиналған тұрмыстық қалдықтар толық шығарылды. Бұл жұмыстарға 15 арнайы техника жұмылдырылды.Ұйымдастырушылардың айтуынша, мұндай іс-шаралар экологиялық мәдениетті қалыптастыруға және тұрғындардың жауапкершілігін арттыруға бағытталған. «Таза Қазақстан» бағдарламасы аясында жүйелі жұмыстар алдағы уақытта да жалғасады.#ТазаҚазақстан#ТазаОрта#ТазаШым#Шымкент2026

Бүгін Шымкент қаласының Абай ауданында «Таза Қазақстан» республикалық экологиялық акциясы аясында ауқымды сенбілік ұйымдастырылды. Іс-шараның негізгі мақсаты – тұрғындар арасында экологиялық мәдениетті қалыптастыру және қоршаған ортаға деген жауапкершілікті арттыру.Сенбілік аясында аудан аумағында кең көлемді абаттандыру және санитарлық тазалық жұмыстары жүргізілді. Атап айтқанда, «ШымСити» саябағында өткен шараға тұрғындар, еріктілер, жастар, коммуналдық сала қызметкерлері және түрлі ұйым өкілдері белсенді қатысты.Аудан аумағының ауқымдылығын ескере отырып, жұмыстар бес негізгі сектор бойынша ұйымдастырылды. Олардың қатарында «ШымСити» шағын ауданы, «Қызылжар», «Ақжайық» шағын аудандары, «Асар» тұрғын алабы және Есімхан көшесі бар.Абай ауданы бойынша сенбілікке 25 мыңнан астам адам қатысты. Олардың қатарында қала тұрғындары, еріктілер, жастар, коммуналдық сала қызметкерлері және коммерциялық ұйымдардың өкілдері бар. Сонымен қатар, аудан ардагерлері де жастармен бірге тазалық жұмыстарына белсенді атсалысты.Абай ауданы Ардагерлер кеңесінің мүшесі Орынша Тәжібаева аталған күннің маңыздылығын атап өтті:«Аға буын үшін «Таза Қазақстан» бағдарламасына қатысу — жай ғана физикалық еңбек емес, бұл маңызды тәрбиелік үдеріс. Ардагерлер жастарға туған жерге деген сүйіспеншілікті дәріптеп, өз ауласы мен қаласының тазалығын сақтаудың маңыздылығын үлгі етуде. Сонымен қатар, қатысушылар тазалық жұмыстарымен қатар халық арасында түсіндіру жұмыстарын жүргізіп, әрбір тұрғынды қоғамдық тәртіпті тұрақты сақтауға шақыруда», - деді.Жүргізілген жұмыстардың нәтижесінде 146 тоннадан астам қоқыс жиналып, арнайы орындарға шығарылды. Тазалық шарасына 56 бірлік арнайы техника жұмылдырылды.Сенбілік барысында қатысушылар тұрмыстық қалдықтарды жинаумен қатар, шөп шабу, бұталар мен ағаштардың құрғақ бұтақтарын кесу, құрылыс қалдықтарын шығару жұмыстарын жүргізді. Сонымен бірге, қала инфрақұрылымының жекелеген элементтерін қалпына келтіру мақсатында дәнекерлеу және сырлау жұмыстары атқарылды.Ұйымдастырушылардың атап өтуінше, мұндай іс-шаралар тұрғындардың экологиялық мәдениетін арттыруға және қала аумағын таза ұстауға бағытталған. «Таза Қазақстан» акциясы алдағы уақытта да жүйелі түрде жалғасын табады.#ТазаҚазақстан#ТазаОрта#ТазаШым#Шымкент2026

Бүгін Шымкент қаласында «Таза Қазақстан» республикалық экологиялық бағдарламасы аясында ауқымды сенбілік ұйымдастырылды. Аталған іс-шара қоршаған ортаның санитарлық жағдайын жақсартуға және тұрғындар арасында экологиялық мәдениетті қалыптастыруға бағытталған.Сенбілік барысында қала аумағында кең көлемді тазалық жұмыстары жүргізілді. Барлық аудандарда аулалар, саябақтар мен гүлзарлар тазартылып, жасыл аймақтар ретке келтірілді. Сонымен қатар ағаштарды әктеу, қоғамдық орындарды абаттандыру және тұрмыстық қалдықтарды шығару жұмыстары атқарылды.Аталған іс-шара аясында Қаратау ауданында да тазалық жұмыстары жоғары деңгейде ұйымдастырылды. Әсіресе, «Нұртас-1» шағын ауданында тұрғындар, еріктілер мен жастар және коммуналдық сала қызметкерлері белсенділік танытты.Сенбілікке 1000-ға жуық адам қатысты. Оның ішінде қала тұрғындары, жастар, еріктілер және коммуналдық сала қызметкерлері бар. Қатысушылар «Нұртас» тұрғын алабындағы «Каусар» каналы маңындағы сай-салаларды тазарту жұмыстарын жүргізді.Жалпы аудан бойынша көпқабатты тұрғын үйлердің тұрғындары, әлеуметтік нысандар мен кәсіпкерлік субъектілерінің қызметкерлері сенбілікке қатысып, аумақтарды санитарлық тазалау және абаттандыру жұмыстарына үлес қосты.Ұйымдастырушылардың атап өтуінше, қала тазалығын сақтау – әрбір тұрғынның ортақ міндеті. Қоршаған ортаға ұқыпты қарау және тазалық мәдениетін қалыптастыру – тұрақты дамудың маңызды құрамдас бөлігі.«Таза Қазақстан» бағдарламасы аясындағы мұндай іс-шаралар алдағы уақытта да жүйелі түрде жалғасын табатын болады.#ТазаҚазақстан#ТазаОрта#ТазаШым#Шымкент2026

«Кеңсай» қорымында Радиоэлектроника және байланыс әскери-инженерлік институтының курсанттары Қазақстанның көрнекті тұлғаларының зираттарын абаттандыруға арналған әскери-патриоттық акция өткізді.Іс-шара Әуе қорғанысы күштері бас қолбасшысының орынбасары полковник Талғат Сыздықовтың жетекшілігімен ұйымдастырылды.Курсанттарға даңқты отандастардың ерлігі мен өмір жолы туралы баяндалып, бұл олардың ел тарихын тереңірек білуге және тарихи жадыны сақтауды түсінуіне ықпал етті.– Нағыз патриотизм нақты істерден – батырлардың рухына құрмет көрсетуден, олардың мәңгілік мекеніне қамқорлық жасаудан және өмір жолын зерделеуден басталады, – деді полковник Талғат Сыздықов.Болашақ офицерлер аумақты тазалап, қоршауларды жаңартып, Бауыржан Момышұлы, Рақымжан Қошқарбаев, Талғат Бигелдинов және Қасым Қайсенов сынды батырлардың зираттары маңын ретке келтірді.Аталған іс-шара ұрпақтар сабақтастығының үзілмейтінін және тарихи жадыны сақтаудың маңыздылығын айқын көрсетті.Ақпарат көзі : https://www.gov.kz/memleket/entities/mod/press/news/details/1198918?lang=kk