Телекоммуникациялық инфрақұрылымды дамыту жобасы облыстық цифрландыру басқармасымен және инвестор — «Мобайл Телеком-Сервис» (Tele2/Altel) байланыс операторымен бірлесіп жүзеге асырылуда.Жобаның алғашқы кезеңінде «Береке» шағын ауданында байланыс антенналары мен көше жарығын біріктіретін екі тірек орнатылды. Олар 5 мыңға дейін абонентті қамтып, интернет жылдамдығын 600 Мбит/с-қа дейін қамтамасыз етеді.Жоба аясында шамамен 60 базалық станциядан тұратын желі салу жоспарланған. Негізгі назар сигнал деңгейі төмен аудандарға, атап айтқанда «Береке», «Қонай» шағын аудандарына, индустриялық аймаққа және Триатлон-паркке аударылған. Жеке инвестициялардың жалпы көлемі шамамен 3 млрд теңгені құрайды.Қазіргі таңда цифрлық шешімдер көше жарығы, жол қозғалысын басқару және коммуналдық инфрақұрылым сияқты негізгі салаларда енгізілуде. Бұл жүйелердің барлығы тұрақты әрі сапалы интернетке тәуелді.Жобаны іске асыру жыл соңына дейін интернет қамтудағы «ақ дақтарды» жоюға және байланыс сапасын айтарлықтай арттыруға мүмкіндік береді.Ақпарат көзі : https://www.gov.kz/memleket/entities/kostanai-kalasy-akimat/press/news/details/1198713?lang=kk

2026 жылғы 9–10 сәуір күндері Шығыс Қазақстан облысы білім басқармасының «Örken» өңірлік білім беруді ақпараттандыру және дамыту ғылыми-әдістемелік орталығы мектепке дейінгі ұйым басшыларының көшбасшылық құзыреттіліктерін дамытуға, команданы тиімді басқару дағдыларын жетілдіруге және заманауи талаптарға сәйкес болашақтың білім беру ортасын қалыптастыруға бағытталған кәсіби алаң құру мақсатында «Мектепке дейінгі білім беру ұйымындағы көшбасшылық: команданы басқару және болашақтың білім беру ортасын дамыту» тақырыбында облыстық BRAIN BRIDGE митап-сессиясын өткізді.Кездесу барысында балабақша директорлары келесі тақырыптар бойынша тәжірибелерімен бөлісті:– «Құндылықтар арқылы тәрбиелеу: «Адал азамат» және жасанды интеллект әлеуеті» (Каримова Ж.К., №106 «Қарлығаш»);– «Балабақшаның цифрлық трансформациясы: жасанды интеллектті енгізудің қадамдық стратегиясы» (Михеева О.В., №7 «Радуга»);– «Бүгінгі жас маман – ертеңгі табысты көшбасшы!» (Оралханова А.О., №18 «Еркетай»);– «Балабақшаны дамыту үшін демеушілік қолдауды тарту: басшының практикалық тәжірибесі» (Раимбекова Д.О., №1 «Балапан»);– «Даму жоспары, мектепке дейінгі ұйымды басқару құралы ретінде» (Ахаева Н.В., Дарынды балаларға арналған валеологиялық мектеп-кешені).Сондай-ақ шара барысында мектепке дейінгі жастағы балаларға арналған инклюзивті білім беру туралы Сәрсен Аманжолов атындағы ШҚУ КЕАҚ «Dana bala» үздіксіз және инклюзивті білім беру орталығының басшысы Алипова А.К. баяндама жасады.Іс-шара аясында мектепке дейінгі ұйымдардың басшыларына арналған «Идеядан нәтижеге дейін: балабақшаны өзгертетін жобалар мен бастамалар» атты облыстық хакатон ұйымдастырылды.Хакатонның мақсаты - мектепке дейінгі ұйымдарда инновациялық жобалар мен бастамаларды әзірлеу арқылы балабақшалардың қызметін жетілдіруге бағытталған идеяларды қолдау, сондай-ақ басшылардың шығармашылық және жобалық құзыреттіліктерін дамыту.Хакатонға облыс мектепке дейінгі ұйымдарының 90 басшысы қатысты. Сараптамалық комиссиясының шешімі бойынша анықталған үздік командалар I, II және III дәрежелі дипломдармен, сондай-ақ арнайы номинациялармен марапатталды.   Кездесу қатысушыларға шабыт беріп, жаңа мүмкіндіктерге жол ашқан мазмұнды алаңға айналды. Әрбір басшы өз қоржынына құнды тәжірибе жинап қайтты.Жеңімпаздарды құттықтаймыз және жұмыстарына табыс тілейміз!Ақпарат көзі : https://www.gov.kz/memleket/entities/vko-bilim/press/news/details/1198604?lang=kk

2026 жылғы 10 сәуір күні Облыс орталығында аймақ басшысы Нұрымбет Сақтағановтың қатысуымен «Ардагерлер ұйымы» республикалық қоғамдық бірлестігінің Шығыс Қазақстан облыстық филиалының ІХ конференциясы өтті. Іс-шара барысында есепті кезеңдегі атқарылған жұмыстар қорытындыланып, алдағы міндеттер айқындалды.Облыстық ардагерлер кеңесінің төрағасы А. Шерубаев баяндама жасап, ұйымның есепті кезеңдегі қызметі туралы жан-жақты ақпарат берді.Жиын барысында Шығыс Қазақстан облыстық ардагерлер кеңесінің қызметіне қатысты өзекті мәселелер қаралып, ұйым жұмысының басым бағыттары белгіленді.Жиын қорытындысы бойынша қатысушылар ардагерлер ұйымының алдағы кезеңдегі жұмысын одан әрі жетілдіруге бағытталған ұсыныстар қабылдады.Ақпарат көзі : https://www.gov.kz/memleket/entities/vko-bilim/press/news/details/1198618?lang=kk

Техникалық реттеудің негізгі мақсаттарының бірі – тұтынушыларды өнімнің қауіпсіздігі мен сапасына қатысты жаңылыстыратын әрекеттердің алдын алу.Өнімді сатылымға шығармас бұрын өндірушілер, импорттаушылар және сатушылар оның сынақтан өткенін қамтамасыз етіп, қауіпсіздігін сертификаттау немесе сәйкестік декларациясы арқылы растауға міндетті.Тұтынушылар үшін маңыздысы – техникалық регламенттер талаптарын сақтау өндірушілердің, импорттаушылардың және сатушылардың тікелей міндеті. Техникалық регламенттер өнімнің қауіп-қатер деңгейін ескере отырып, ең төменгі қажетті талаптарды белгілейді. Бұл талаптар биологиялық, механикалық, өрт, жылу, химиялық, электр, радиациялық қауіпсіздікті, сондай-ақ құрылғылар мен жабдықтардың қауіпсіз жұмысын қамтамасыз етуге қатысты электромагниттік үйлесімділікті, сәулелену қауіпсіздігін, жарылысқа төзімділікті, қауіпті өндірістік нысандарда қолданылатын техникалық құрылғылардың қауіпсіздігін және өзге де талаптарды қамтиды.Қазақстан Республикасы Сауда және интеграция министрлігінің Техникалық реттеу және метрология комитетінің қызметі құқықбұзушылықтардың алдын алуға, талаптарға сәйкес келмейтін өнімнің нарыққа шығарылуына жол бермеуге бағытталған.Осыған байланысты тұрақты түрде бару арқылы емес, профилактикалық бақылау жүргізіледі. Оның мақсаты – бұзушылықтардың алдын алу және жолын кесу, сондай-ақ бақылау және қадағалау субъектілеріне анықталған кемшіліктерді өз бетінше түзету мүмкіндігін беру және әкімшілік жүктемені азайту.Бұл бағытта түрлі ақпарат көздерінен алынған мәліметтер зерделеніп, талданып, салыстырылады. Олардың қатарында бұқаралық ақпарат құралдары, ашық дереккөздер, сондай-ақ жеке және заңды тұлғалардың өтініштері бар.Профилактикалық жұмыстың маңызды құралдарының бірі – бақылау мақсатындағы сатып алу. Ол Қазақстан Республикасының Кәсіпкерлік кодексіне және техникалық реттеу саласындағы заңнамаға сәйкес аумақтық бөлімшелер арқылы жүзеге асырылады.Комитет төрағасының орынбасары Бауыржан Қасымовтың мәліметінше, 2025 жылы мемлекеттік бақылаудың 3163 түрі жүргізіліп, оның 978-інде (31%) заңбұзушылықтар анықталған. Жалпы сомасы 26,749 млн теңгеге айыппұл салынды. Сонымен қатар 197 өнім үлгісі сынақтан өткізіліп, нәтижесінде жедел әрекет ету шараларын қолдану туралы 41 қаулы қабылданды.Ағымдағы жылы бақылау сатып алуы аясында Қарағанды облысында көмірдің 4 үлгісі, Қостанай облысында кабель өнімдерінің 4 үлгісі және жанар-жағармайдың 2 үлгісі сатып алынып, сынаққа жіберілді.Бақылау сатып алуы көлік құралдарына, құрылыс материалдарына, жанар-жағармай мен майлау материалдарына, көмірге, сондай-ақ айнымалы ток кернеуі 1000 В-қа дейін (немесе тұрақты ток 1500 В-қа дейін) болатын, электр энергиясын қабылдауға, таратуға, жүктемені басқаруға және желілерді қорғауға арналған электр техникалық құрылғыларға қатысты жүргізіледі.Комитет тұтынушыларға еске салады: егер өнім техникалық регламент талаптарын бұзды деген нақты негіздер мен дәлелдер болса, адам өмірі мен денсаулығына, қоршаған ортаға немесе жеке және заңды тұлғалардың, мемлекеттің заңды мүдделеріне қауіп төнудің алдын алу немесе оны жою мақсатында тиісті органдарға өтініш беруге құқылы.Техникалық реттеу саласындағы заңнамаға сәйкес, техникалық регламенттер қолданылатын өнімдер нарықта тек белгіленген талаптарға сәйкестігі тиісті тәртіппен расталған жағдайда ғана айналымға жіберіледі.Сонымен қатар техникалық регламенттер талаптарына сәйкес келмейтін, сәйкестікті бағалаудан өтпеген, тиісті құжаттары жоқ немесе мұндай құжаттар туралы мәліметтер техникалық реттеу тізілімінде не Еуразиялық экономикалық одақтың бірыңғай тізілімдерінде тіркелмеген өнімдерді нарыққа шығаруға тыйым салынады.Техникалық регламент талаптарына сәйкес келмейтін өнімді айналымға шығарғаны үшін, сондай-ақ сәйкестікті бағалау құжаттарында көрсетілген мәліметтерге сәйкес келмейтін немесе тиісті бағалаудан өтпеген өнімді өткізгені үшін әкімшілік жауапкершілік қарастырылған.Құқықбұзушылық жасаған тұлғаларға айыппұл салынады: жеке тұлғаларға – 90 айлық есептік көрсеткіш, лауазымды тұлғаларға, шағын кәсіпкерлік субъектілеріне немесе коммерциялық емес ұйымдарға – 195 АЕК, орта кәсіпкерлік субъектілеріне – 310 АЕК, ірі кәсіпкерлік субъектілеріне – 600 АЕК мөлшерінде.Ақпарат көзі : https://www.gov.kz/memleket/entities/mti-ktrm/press/news/details/1198562?lang=kk

Қорғаныс министрінің тыл және әскери инфрақұрылым жөніндегі орынбасары генерал-майор Алмаз Жұмакеевтің батыс өңірдегі гарнизондарға жасаған жұмыс сапарында әскери қызметшілердің тамақтануын «швед үстелі» қағидаты бойынша ұйымдастыру және әскери инфрақұрылымды жаңғырту негізгі басым бағыттардың бірі болды.Генерал-майор Алмаз Жұмакеев Ақтөбе облысында өңір басшысы Асхат Шахаровпен Жем қаласының инфрақұрылымын дамыту және Әуе қорғанысы күштерінің әскери институты жатақханаларын жөндеу мәселелерін талқылады. Жем қаласында министрдің орынбасары әкімдіктің қолдауымен жөнделіп жатқан тұрғын үйлер, амбулатория, мектеп және балабақша секілді әлеуметтік нысандарды қалпына келтіру жұмыстарының барысымен танысты. Әскери госпитальдің медициналық техникамен жабдықталуы және дәрі-дәрмекпен қамтамасыз етілуі тексерілді.20709 әскери бөлімі нысандарын инженерлік желілерге қосу туралы қолбасшылыққа нақты тапсырмалар берілді.Ақтау гарнизонында 29011 әскери бөліміндегі «швед үстелі» қағидаты бойынша тамақтандырудың пилоттық жобасына ерекше назар аударылды. Әскери қызметшілерге тағамды өз бетінше таңдауға мүмкіндік беретін жаңа жүйе азық-түлікпен қамтамасыз етуді жаңғыртудың бір бөлігі болып табылады.Сондай-ақ әскери-теңіз базасы, теңіз жаяу әскері, әуе шабуылына қарсы қорғаныс, авиация және арнайы операциялар күштерінің бөлімшелері тексеріліп, қызмет ету жағдайлары мен инфрақұрылымның жай-күйі бағаланды. «Орал» кемесі мен «Қайсар» катерінде министрдің орынбасары қызметтің ұйымдастырылуымен танысты.Атырау гарнизонында аумақтық қорғаныс бригадасының нысандары, қоймалар және «Қаработан» полигоны, сондай-ақ материалдық-техникалық қамтамасыз ету мәселелері тексерілді.Жұмыс сапарының қорытындысы бойынша «Батыс» өңірлік қолбасшылығы басқармасында өткен кеңесте әскери инфрақұрылымды одан әрі дамыту, материалдық-техникалық қамтамасыз ету деңгейін арттыру және әскери қызметшілердің қызметі мен тұрмыс жағдайларын жақсарту сынды басым міндеттер айқындалды.Ақпарат көзі : https://www.gov.kz/memleket/entities/mod/press/news/details/1198573?lang=kk

Техникалық реттеу және метрология комитетінің Түркістан облысы бойынша департаменті тексеру іс-шаралары барысында Қазақстан Республикасының «Өлшем бірлігін қамтамасыз ету туралы» заңнамасының бұзылғанын анықтады.Тексеру кезінде өңірдегі екі коммуналдық кәсіпорындарымен міндетті метрологиялық тексеруден өтпеген бақылау есепке алу аспаптарын (электр есептегіштерін), амперметрлер мен вольтметрлерді пайдаланғаны белгілі болды.Заңнамаға сәйкес, қызмет көрсетуші мен тұтынушы арасындағы өзара есеп айырысуда, сондай-ақ өндірістегі қауіпсіздікті қамтамасыз етуде қолданылатын барлық аспаптардың қолданыстағы тексеру сертификаты болуы тиіс. Тексерілмеген аспаптарды пайдалану тұтынудың нақты көрсеткіштерін бұрмалайды және электр желілерін пайдалану қауіпсіздігіне күмән келтіреді.Электр өлшегіш құралдардың дәлдігі — бұл тек түбіртектегі дұрыс цифрлар мәселесі ғана емес, сонымен қатар техникалық қауіпсіздіктің кепілі.«Вольтметрлер мен амперметрлер жұмысындағы қателіктер электр желілеріне түсетін жүктемені дұрыс бағаламауға әкеп соғуы мүмкін, бұл авариялық жағдайлардың туындау қаупін арттырады. Өз кезегінде, тексерілмеген есептегіштерді қолдану тұтынушылардың тұтынылған ресурстар көлемі туралы шынайы ақпарат алу құқығын бұзады», — деп атап өтті Департамент өкілдері.Тексеру қорытындысы бойынша екі кәсіпорын әкімшілік жауапкершілікке тартылды. Субъектілерге 3 892 500 теңге мөлшерінде әкімшілік айыппұлдар салынып, заңбұзушылықтарды жою туралы нұсқамалар берілді. Ақпарат көзі : https://www.gov.kz/memleket/entities/mti-ktrm/press/news/details/1198574?lang=kk

2026 жылғы 9 сәуірде облыс әкімдігі ғимаратында облыс әкімінің орынбасары Б.Қ. Байахметовтың төрағалығымен туристік саланың ағымдағы жай-күйіне және жазғы туристік маусымға дайындық барысына арналған жұмыс кеңесі өтті. Іс-шараға облыстық басқармалар, қалалар мен аудандардың әкімдіктері, сондай-ақ құқық қорғау органдары мен департаменттердің өкілдері қатысты. Кеңес барысында туризмді дамыту Шығыс Қазақстан облысы экономикасын әртараптандырудың басым бағыты екені атап өтілді. Қазақстан Республикасы Президентінің 2025 жылғы 13 қазандағы Жарлығына сәйкес, жергілікті атқарушы органдардың басшыларына бейінді инфрақұрылымды кешенді дамыту үшін дербес жауапкершілік жүктелген. Алайда жүргізілген талдау жүйелі мәселелердің бар екенін айғақтайды. Туризм басқармасы басшысының орынбасары Ирина Смит өз баяндамасында Туристендіру картасы бойынша өзектендірілген ақпараттың уақтылы ұсынылмау фактілерін атап өтті. Статистикалық есептің объективтілігі мәселелері талқылаудың жеке блогына айналды. 2025 жылғы туристік ағындар мониторингі аясында ұялы байланыс операторларының аналитикалық деректері пайдаланылды, олар ресми мәліметтермен айтарлықтай алшақтықты анықтады. Атап айтқанда, Катонқарағай ауданында отандық туристердің нақты саны 211 мың адамды құрады, бұл бұрын тіркелген көрсеткіштерден шамамен сегіз есе көп. Бұл жағдай саланың дамуын сапалы стратегиялық жоспарлауды қамтамасыз ету үшін бастапқы деректерді жинау тәсілдерін қайта қарау қажеттігін көрсетеді. Алдағы жазғы маусымға дайындық шеңберінде кеңеске қатысушылар 20-24 сәуір аралығында Қазақстан Республикасы Үкіметі Аппараты мемлекеттік инспекторының жоспарланған сапары туралы хабардар етілді. Инспекцияның мақсаты — өңірдің туристерді қабылдауға жалпы дайындығын тексеру. Бақылаудың тиісті деңгейін қамтамасыз ету үшін құрамына төтенше жағдайлар, санитарлық-эпидемиологиялық бақылау, полиция және мемлекеттік кірістер департаменттерінің өкілдері кірген ведомствоаралық жұмыс тобының құрамы бойынша жоба әзірленді. Бұл топтың қызметі жаппай демалыс нысандарының қауіпсіздік стандарттары мен санитарлық нормаларға сәйкестігіне кешенді тексерулер жүргізуге бағытталады. Кеңес қорытындысы бойынша қалалар мен аудандардың әкімдеріне анықталған кемшіліктерді жою және маусымның басталуына инфрақұрылымның жүз пайыздық дайындығын қамтамасыз ету бойынша нақты тапсырмалар берілді.Ақпарат көзі : https://www.gov.kz/memleket/entities/tourism-vko/press/news/details/1198535?lang=kk

2026 жылғы 9 сәуірде Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы «Örken» ШҚО ББ  Шемонаиха ауданы бойынша білім бөлімінің «И. М. Астафьев атындағы жалпы орта білім беретін мектебі» КММ базасында «Заманауи білім беру технологияларын қолдану - білім беру үдерісінің сапасын арттырудың маңызды компоненттерінің бірі» тақырыбында «Ауыл мектебі – сапа алаңы» жобасы аясында облыстық семинар-практикум өткізді.Семинар-практикумнің негізгі мақсаты -  білім сапасын арттыруға, оқушылардың функционалдық сауаттылығын дамытуға және ШҚО мектептер желісінде табысты тәжірибені таратуға бағытталған тиімді педагогикалық тәжірибелерді енгізу бойынша тірек мектеп мұғалімдерінің кәсіби құзыреттілігін жетілдіру.«И. М. Астафьев атындағы жалпы орта білім беретін мектебі» КММ тірек мектебі және оған бекітілген шағын жинақты мектептер жаратылыстану-математикалық цикл пәндері, ағылшын тілі бойынша сабақтар өткізіп, тиімді педагогикалық тәжірибелерін ұсынды.Білім алушылардың зерттеушілік және шығармашылық қабілеттерін дамытуға ерекше назар аударылды. Оқушылар STEM бағыты бойынша жобалық жұмыстарын ұсынып, сыни ойлау, талдау және білімді тәжірибеде қолдану дағдыларын қалыптастыруға бағытталған жұмыстарын таныстырды.Семинарға облыстың 62 педагогі қатысты.Ақпарат көзі : https://www.gov.kz/memleket/entities/vko-bilim/press/news/details/1198531?lang=kk

🔰«KEDEN» ақпараттық жүйесінде «Тауарға арналған декларация» функционалын іске қосу туралы❇️Құрметті сыртқы экономикалық қызметке қатысушылар!🔹МКК «KEDEN» ақпараттық жүйесінде «Тауарға арналған декларация» функционалын іске қосуға қатысты қосымша ақпаратты хабарлайды.2026 жылғы 10 сәуірде сағат 21:00-ден бастап «АСТАНА-1» АЖ функционалды көшіру бойынша техникалық жұмыстар жүргізіледі, осыған байланысты жүйеге қолжетімділік шектеледі.▫️«KEDEN» ақпараттық жүйесінде «Тауарға арналған декларация» функционалы 2026 жылғы 11 сәуірде сағат 00:00-ден бастап жұмыс істей бастайды.▪️«KEDEN» АЖ тіркелу және авторизациялау кезінде туындауы мүмкін қиындықтарды болдырмау мақсатында:• жүйеде алдын ала тіркеуден өтуді;• ұзақ уақыт белсенділік болмаған жағдайда тіркелу жазбаларының бұғатталмағанын тексеруді;• «KEDEN» ақпараттық жүйесінде кедендік операцияларды жүзеге асыру кезінде қолданылатын электрондық цифрлық қолтаңбалардың қолданылу мерзімдерін бақылауды және қажет болған жағдайда оларды уақтылы ұзартуды сұраймыз.🔷2026 жылғы 11 сәуірде сағат 00:00-ден бастап:1. «ВТД» декларациялау ерекшелігімен «АСТАНА-1» ақпараттық жүйесінде шығарылған ТД бойынша рәсімдер «АСТАНА-1» ақпараттық жүйесінде аяқталуға жатады («ПВД» декларациялау ерекшелігі ТД тапсыру және шығару).🔶2.Тауарларды шығару «АСТАНА-1» ақпараттық жүйесінде ЕАЭО кедендік заңнамасына сәйкес жүзеге асырылған «ВДТ» декларациялау ерекшелігі бар ТД бойынша декларацияларды беру «АСТАНА-1» ақпараттық жүйесінде жүзеге асырылады.🔷3.«KEDEN» ақпараттық жүйесінде ТД функционалы іске қосылған сәтте кедендік бақылауы аяқталмаған ТД бойынша тауарларды шығару «АСТАНА-1» ақпараттық жүйесінде жүзеге асырылады.🔶4. «АСТАНА-1» ақпараттық жүйесінде тіркелген «ПТД» декларациялау ерекшелігі бар ТД бойынша тауарларды шығару «АСТАНА-1» ақпараттық жүйесінде жүзеге асырылатынын қосымша түсіндіреміз.🔳Қосымша ақпарат жаңартылған сайын МКК ресми ақпараттық ресурстарында орналастырылады.СЭҚ қатысушылар үшін тәулік бойы әдіснамалық және техникалық қолдау сервисі жұмыс істейтінін еске саламыз.Ақпарат көзі : https://www.gov.kz/memleket/entities/kgd-shymkent/press/news/details/1198416?lang=kk

Азық-түлік тауарларына мониторинг жұмыстары жүргізілдіӘлеуметтік маңызы бар азық-түлік тауарларының бағасына және қолжетімділігіне мониторинг жүргізілді.Мониторинг барысында әлеуметтік маңызы бар 31 түрлі азық-түлік тауары тексеріліп, қолданыстағы талаптарға сәйкестігі қаралды.⚜️Баянды ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-bayandy/press/news/details/1198461?lang=kk

2026 жылдың 8 сәуірінде Астана қаласындағы БҰҰ Үйінде KazAID Басқарма төрағасының орынбасары - Әріптестік және аймақтық жобалар департаментінің директоры Ж. Асановтың Қазақстандағы Халықаралық көші-қон ұйымының (IOM) басшысы С. Актопракпен кездесті. Кездесу барысында IOM өкілдері ұйымның мигранттарға арналған инклюзивті білім беру, табиғи апаттар қаупін азайту, мигранттар үшін төтенше жағдайларға дайындықты қамтамасыз ету және жұмыс күшінің ұтқырлығы саласындағы әріптестік бағдарламалары туралы ақпараттарды ұсынды. Қос тарап екі ұйым арасында қол қойылған меморандум шеңберінде бірлескен жобаларды іске асыру мақсатында ынтымақтастық мәселелерін талқылады. Кездесу соңында KazAID өкілдері тұрақты даму мақсаттарына қол жеткізу мақсатында көші-қон саласында тәжірибе және білім алмасу үшін алдағы IOM іс-шараларына шақырылды. Анықтамалық мәліметтерҚазақстанның Халықаралық даму агенттігі «KazAID» – 2020 жылы Қазақстан Үкіметі құрған ресми даму көмегін (ДРК) жүзеге асыратын агенттік. Агенттіктің миссиясы – даму ресми көмегі саласында мемлекеттік саясатты жүзеге асыру, серіктес елдерде даму мен тұрақты өсімді ілгерілету, Қазақстандағы әртүрлі салалардағы жетістіктерді көрсету және әртүрлі елдердің мамандары арасында тәжірибе алмасу мен байланыс орнатуды жеңілдету.The International Organization (IOM) -БҰҰ жүйесінің бір бөлігі болып табылады және миграция саласындағы жетекші үкіметаралық ұйым ретінде қызмет етеді. IOM Жарғысы миграция мен экономикалық, әлеуметтік және мәдени даму арасындағы байланысты, сондай-ақ қозғалыс еркіндігі құқығын мойындайды.БАҚ үшін байланыс: a.kopisheva@kazaid.kzАқпарат көзі : https://www.gov.kz/memleket/entities/kazaid/press/news/details/1198366?lang=kk

Токио, 2026 жылғы 10 сәуір - Қазақстан Республикасының Жапониядағы Елшісі Ерлан Баударбек-Қожатаев Жапонияның Экономикалық қауіпсіздік мәселелері жөніндегі министрі Кими Онодамен кездесу өткізді.Жапон саясаткері ғылым, технология және ғарыш қызметі саласындағы ынтымақтастықты тереңдетуге мүдделілік танытып, Қазақстанды «Токионың берік және сенімді әріптесі» деп атады. Ол екі елдің жетекші компаниялары мен экономикалық ұйымдарының қатысуымен іске асырылып жатқан бірлескен жобаларды жоғары бағалап, Қазақстанның елеулі экономикалық әлеуетін және іскерлік байланыстарды одан әрі арттыруға кең мүмкіндіктердің бар екенін атап етті.Тараптар Қазақстан мен Жапония арасындағы ынтымақтастықтың қазіргі жағдайы мен оны одан әрі даму перспективаларын талқылады. Басым бағыттардың қатарында аса маңызды минералдық ресурстар саласы, энергетика, ақпараттық технологиялар, жасанды интеллект және ғарыш бағыты белгіленді.Өз тарапынан ҚР Елшісі жапон тарапын елдің ағымдағы әлеуметтік-экономикалық дамуы, Үкіметтің экономиканы цифрландыру, сондай-ақ көлік инфрақұрылымын жаңғырту шаралары туралы хабардар етті. Осы тұрғыда Транскаспий халықаралық көлік бағытының әлеуетін одан әрі дамыту және кеңейту перспективалары ұсынылды.Кездесу қорытындысы бойынша тараптар кеңейтілген стратегиялық әріптестікті алдағы уақытта да  нығайтуға, практикалық өзара іс-қимылды дамытуға және Қазақстан мен Жапония арасындағы дәстүрлі достық қатынастарды тереңдетуге өзара міндеттемелерін растады.Ақпарат көзі : https://www.gov.kz/memleket/entities/mfa-tokyo/press/news/details/1198374?lang=kk

Брюссель, 2026 жылғы 9 сәуір – Брюссель қаласының Сен-Жиль коммунасы мэриясында қазақ музыкасының кеші жоғары деңгейде өтті.Іс-шара Қазақстанның Бельгиядағы Елшілігі тарапынан Астана қаласы әкімдігінің қолдауымен ұйымдастырылып, алғашқы Shanyraq Fest Brussels фестивалі аясында өтті.Кешке Бельгия Корольдік сарайының өкілдері, Еуропалық одақ институттарының қызметкерлері, дипломатиялық корпус, сондай-ақ іскерлік және мәдени орта өкілдері қатысты.Құттықтау сөз сөйлеген коммуна мэрі Жан Спинетт:«Қазақстан бай әрі бірегей мәдениетке ие, ол халықаралық деңгейде кеңінен танылуға лайық. Біз оны Брюссельде таныстыруға қуаныштымыз», – деп атап өтті.Қазақстан Республикасының Бельгиядағы Елшісі Роман Василенко мұндай концерттер қазақстандық заманауи өнерді еуропалық аудиторияға таныстыруға мүмкіндік беретінін, өзара түсіністікті нығайтып, мәдени ынтымақтастықты дамытуға жаңа мүмкіндіктер ашатынын атап өтті.Іс-шараға Қазақстан Республикасының Креативті индустрияларды дамыту қорының басқарушы директоры Ерлан Каналимов қатысты. Ол Қазақстандағы креативті индустриялардың қарқынды дамып келе жатқанын және олардың халықаралық алаңдарға шығуы жаңа серіктестік мүмкіндіктерін ашып, қазақстандық әртістерді ілгерілетуге жол ашатынын жеткізді.Концерттік бағдарламада Еркеғали Рахмадиев атындағы Астана қаласының Мемлекеттік академиялық филармониясының әртістері өнер көрсетті. Арасында «Жошы» және «Қорқыт» халық аспаптар ансамбльдері, сондай-ақ танымал қазақстандық орындаушылар Ринат Гайсин, Сүндет Байгожин, Әмре, Рухия Байтукенова және басқалар қатысты. Кеш барысында күйлер, вокалдық және аспаптық шығармалар орындалды.Кештің көрнекі сәні ретінде Сен-Жиль коммунасының символдарының бірі – су тасушы қыз мүсініне қазақтың ұлттық киімі кигізілді.Ақпарат көзі : https://www.gov.kz/memleket/entities/mfa-brussels/press/news/details/1198386?lang=kk

ХАБАРЛАНДЫРУ!Бақбақты ауылдық округінің әкімшілік ғимаратында «Құқықтық кабинет» жұмыс істейді.Ауыл тұрғындары осы кабинетке келіп, құқықтық сауаттылығын арттыру, әртүрлі бағыттар бойынша өздерінің заңды құқықтарын қорғау және қорғаудың құқықтық құралдары туралы ақпарат ала алады.Сонымен қатар, Қазақстан Республикасының заңнамасын өз бетінше зерделеу дағдыларын игеріп, құқықтық мәселелер бойынша тегін кеңес алу мүмкіндігі бар.Жұмыс уақыты: дүйсенбі – жұма күндері, сағат 08:00-ден 17:30-ге дейін.Мекенжай: Бақбақты ауылдық округі, әкімшілік ғимараты, Бақбақты ауылы, Абай көшесі 14Байланыс телефоны: 8(727)7399252.Ақпарат көзі : https://www.gov.kz/memleket/entities/balkhash-bakbakty/press/news/details/1198387?lang=kk

⁣⁣ Бүгін Шымкент қаласында «Дарын» республикалық ғылыми – практикалық орталығының ұйымдастыруымен жалпы білім беретін пәндер бойынша 10–11 (12) сынып оқушыларына арналған қоғамдық-гуманитарлық бағыттағы республикалық олимпиада басталды. Аталған білім сайысы құқық негіздері, орыс тілі мен әдебиеті, сондай-ақ, қазақ тілінде оқытатын мектептердегі орыс тілі мен әдебиеті пәндерін қамтиды.⁣⁣ ⁣⁣ Республикалық олимпиаданың басты мақсаты – қоғамдық-гуманитарлық пәндерге қызығушылығы жоғары, дарынды әрі қабілетті оқушыларды анықтау, олардың шығармашылық әлеуетін дамыту, сондай-ақ, халықаралық және республикалық деңгейдегі білім додаларына қатысатын үздік оқушыларды іріктеп, жүйелі түрде даярлау болып табылады.⁣⁣ ⁣⁣ Республикалық олимпиадаға еліміздің барлық өңірінен дарынды оқушылар жиналды. Биылғы білім бәйгесіне 270 оқушы, оның ішінде Шымкент қаласынан 12 оқушы қатысып, өзара білімін сынауда. Бұл – білім мен бәсекеге толы, дарынды жастардың басын қосқан ауқымды іс-шара. Қатысушылар өз білімдерін сынға салып қана қоймай, тәжірибе алмасып, жаңа достық байланыстар орнатуға мүмкіндік алады.⁣⁣ ⁣⁣ Үш күнге созылатын іс-шара аясында оқушылар үшін мазмұнды мәдени-танымдық бағдарлама да ұйымдастырылған. Қатысушылардың бос уақытын тиімді өткізу мақсатында түрлі мәдени іс-шаралар, экскурсиялар және танымдық кездесулер жоспарланған. Олимпиадаға қатысушылар Шымкент қаласының тарихи-мәдени орындарын аралап, өңірдің бай тарихымен, рухани мұрасымен жақынырақ танысатын болады.⁣⁣ ⁣⁣ Осылайша, Шымкентте өтіп жатқан білім бәйгесі – тек білім сайысы ғана емес, сонымен қатар, жас ұрпақтың мәдени-рухани дамуын көздейтін маңызды алаң. Осындай игі бастамалардың нәтижесінде республикалық олимпиада дарынды жастардың білімін шыңдап қана қоймай, олардың тұлғалық және рухани дамуына да зор ықпал ететін маңызды алаңға айналып отыр.⁣⁣

Қазіргі жаһандану дәуірінде елдің бәсекеге қабілеттілігі ең алдымен оның адами капиталына, яғни білімді, зерделі әрі зияткер ұрпағына байланысты. Осы тұрғыда Қазақстан Президенті Қасым-Жомарт Тоқаев ғылым мен білімнің маңызын айрықша атап өтіп, ұрпақ тәрбиесі – мемлекет пен ата-ананың ортақ жауапкершілігі екенін жеткізді.Мемлекет басшысы өз сөзінде ғылымды қолдау – тек ғалымдарға жағдай жасау ғана емес, бұл қоғамда еңбекқорлық, білімпаздық және жасампаздық сияқты маңызды құндылықтарды қалыптастыру екенін айтты. Шын мәнінде, халықтың танымы жоғары болса, жас ұрпақтың ғылым-білімге деген қызығушылығы да арта түседі. Сондықтан зерделі ұрпақ тәрбиелеу – баршаға ортақ міндет.Осы бағытта нақты қадамдардың бірі – «Келешек» бірыңғай жинақтау жүйесінің іске қосылуы. Бұл жоба арқылы ата-аналар баласының болашақ білім алуына қаржы жинай алады. Қазіргі таңда 200 мыңға жуық азамат арнайы есепшот ашып үлгерген. Бұл бастама – тек қаржылық құрал ғана емес, ол болашаққа салынған стратегиялық инвестиция.Президент ғылымның тек теориялық деңгейде қалып қоймай, нақты экономика мен қоғам сұранысына қызмет етуі тиіс екенін ерекше атап өтті. Ғалымдардың жаңалықтары зертханалар шеңберінде шектелмей, өндірісте қолданылуы қажет. Бұл – дамыған елдердегі ірі технологиялық компаниялардың негізгі қағидасы. Олар білім мен ғылымды басты орынға қойып, инновацияларды жедел түрде өндірісте пайдаланады. Сонымен қатар, мұндай компаниялар таланттарды тарту арқылы адам капиталын басты күшке айналдырып отыр.Қазақстанда да қолданбалы ғылымды дамытуға ерекше көңіл бөлінуде. Соңғы жылдары университеттер тек білім беру орталығы ғана емес, технологиялық даму хабына айнала бастады. Соның жарқын мысалы – University Medical Center жанындағы Жүрек орталығының дәрігерлері ойлап тапқан ALEM инновациялық құрылғысы. Бұл аппарат донорлық ағзалардың өміршеңдігін 24 сағаттан астам уақыт сақтауға мүмкіндік береді. Мұндай жаңалықтар отандық ғылымның әлеуеті жоғары екенін көрсетеді.Дегенмен, ғылым саласында шешімін күткен мәселелер де жоқ емес. Соның ішінде қаржыландыру жүйесін жетілдіру, бөлінген қаражаттың тиімді жұмсалуын қадағалау маңызды. Мемлекет басшысы атап өткендей, басты мақсат – қаржыны игеру емес, қоғамға нақты пайда әкелетін жобаларды жүзеге асыру.Қорытындылай келе, зияткер ұрпақ тәрбиелеу – тек білім беру жүйесінің міндеті емес, бұл – бүкіл қоғамның ортақ ісі. Ғылым мен білімге басымдық беру арқылы ғана елдің болашағын баянды етуге болады.

Мемлекет басшысы Қасым-Жомарт Тоқаев Ғылым қызметкерлері күні қарсаңында өткен салтанатты жиында отандық ғылым өкілдерін марапаттап, ғылымның қоғам мен мемлекет дамуындағы шешуші рөліне жан-жақты тоқталды.Президент өз сөзін мерекелік құттықтаумен бастап, бұл күннің ел үшін маңызы ерекше екенін атап өтті. Ақордада ғалымдардың бас қосуы – мемлекет тарапынан ғылыми қауымдастыққа көрсетілетін жоғары құрметтің айқын көрінісі екеніне назар аударды. Оның айтуынша, кез келген дамыған мемлекеттің іргетасы – ғылым, ал ең басты байлығы – ғалымдар.Мемлекет басшысы ғылымды дамыту – тек бір саланың емес, тұтас елдің өркендеуінің негізгі факторы екенін ерекше атап өтті. «Ғылымға басымдық беретін ел ғана өркениет көшінің алдыңғы қатарынан көрінеді» деген Президент, адамзат өркениетінің барлық жетістігі ғалымдардың тынымсыз зияткерлік еңбегінің нәтижесі екенін айтты.Салтанатты жиында сөз сөйлеген Президент Абай Құнанбайұлы даналығын мысалға келтіріп, ғылым мен білімнің мәңгілік құндылық екенін жеткізді. Ұлы ойшылдың «Адам баласы адам баласынан ақыл, ғылым, ар, мінез арқылы озады» деген қағидасы бүгінгі күні де өзектілігін жоғалтпағанын атап өтті.Сондай-ақ Мемлекет басшысы еліміздің бәсекеге қабілетті болуы үшін ғылым мен инновацияны дамыту, жаңа технологияларды игеру және жасанды интеллектіні кеңінен енгізу қажеттігін айтты. Осы орайда Президент биылғы жылды Цифрландыру және жасанды интеллект жылы деп жариялағанын еске салды.Президент ғылым саласына көрсетіліп жатқан нақты қолдау шараларына ерекше тоқталды. Соңғы бес жыл ішінде ғылымды қаржыландыру көлемі алты есеге артқан. Бұл – мемлекет тарапынан ғылымға деген көзқарастың түбегейлі өзгергенінің дәлелі. Сонымен қатар, елімізде зерттеу университеттерінің саны артып келеді, ал ғылыми жобаларға инвестиция салатын кәсіпкерлерге салықтық жеңілдіктер қарастырылған.Жас ғалымдарды қолдау мәселесі де Мемлекет басшысының назарынан тыс қалған жоқ. Оның айтуынша, ғылымның болашағы – білімді, ізденімпаз және жаңашыл жастардың қолында. Сондықтан жас зерттеушілерге барынша қолайлы жағдай жасау – стратегиялық міндеттердің бірі.Қазіргі таңда 600-ден астам жас ғалым баспанамен қамтамасыз етілген. Бұдан бөлек, оларға арнайы гранттар бөлініп, ғылыми ізденістерін дамытуға мүмкіндік берілуде. Сонымен қатар, жас зерттеушілер әлемнің жетекші ғылыми орталықтарында тәжірибе жинақтап, кәсіби деңгейін арттыруда.Президент сөзінде талапты жастардың болашақта елдің интеллектуалдық тірегіне айналатынына сенім білдірді. Олар Қаныш Сәтбаев сынды ұлы тұлғалардың жолын жалғастырып, ұлттық ғылымды жаңа белестерге көтеретіні анық екенін атап өтті.Жалпы, Мемлекет басшысының бұл жиындағы сөзі ғылымның ел дамуы үшін стратегиялық маңызға ие екенін тағы бір мәрте айқындап берді. Ғылымға жасалған әрбір инвестиция – елдің ертеңіне салынған сенімді кепіл. Ал ғалымдарға көрсетілген құрмет – ұлттың зияткерлік әлеуетіне деген құрмет.

9 сәуір күні Қазақстанның Ливандағы Елшісі Расул Жұмалы адам құқықтары жөніндегі Елші, Ливанның Біріккен Ұлттар Ұйымының Экономикалық және әлеуметтік кеңесінің мүшесі Шарбель Юнан және Дүниежүзілік Ливан мәдени одағының Океания бойынша вице-президенті Анри Бу Сааб қатысты. Тараптар Қазақстан мен Ливан арасындағы өзара бизнестен бизнеске арналары арқылы іс-қимылды тереңдету жолдарын талқылады. Әсіресе инвестицияларды ынталандыру, сауда-экономикалық байланыстарды нығайту, сондай-ақ гуманитарлық және ынтымақтастықты кеңейту мәселелеріне назар аударылды. Жиын барысында Қазақстанның инвестициялық мүмкіндіктерін таныстыру перспективалары атап өтіліп, өзара сапарлар мен іскерлік іс-шараларды ұйымдастырудың практикалық нұсқалары қаралды. Сондай-ақ тараптар тиісті ұйымдар мен кең бизнес қауымдастығы арқылы Қазақстан–Ливан ынтымақтастығын ілгерілетуге бағытталған бастамаларды бірлесіп зерделеуді жалғастыру және тұрақты байланыста болу туралы келісті. Ақпарат көзі : https://www.gov.kz/memleket/entities/mfa-beirut/press/news/details/1198255?lang=kk

Құрметті сыртқы экономикалық қызметке қатысушылар!Мемлекеттік кірістер комитеті «KEDEN» ақпараттық жүйесінде «Тауарға арналған декларация» функционалын іске қосуға қатысты қосымша ақпаратты хабарлайды.2026 жылғы 10 сәуірде сағат 21:00-ден бастап «АСТАНА-1» ақпараттық жүйесінде функционалды көшіру бойынша техникалық жұмыстар жүргізіледі, осыған байланысты жүйеге қолжетімділік шектеледі.«KEDEN» ақпараттық жүйесінде «Тауарға арналған декларация» функционалы 2026 жылғы 11 сәуірде сағат 00:00-ден бастап жұмыс істей бастайды.          «KEDEN» ақпараттық жүйесінде тіркелу және авторизациялау кезінде туындауы мүмкін қиындықтарды болдырмау мақсатында:    жүйеде алдын ала тіркеуден өтуді;ұзақ уақыт белсенділік болмаған жағдайда тіркелу жазбаларының бұғатталмағанын тексеруді;«KEDEN» ақпараттық жүйесінде кедендік операцияларды жүзеге асыру кезінде қолданылатын электрондық цифрлық қолтаңбалардың қолданылу мерзімдерін бақылауды және қажет болған жағдайда оларды уақтылы ұзартуды сұраймыз.2026 жылғы 11 сәуірде сағат 00:00-ден бастап:«ВТД» декларациялау ерекшелігімен «АСТАНА-1» ақпараттық жүйесінде шығарылған ТД бойынша рәсімдер «АСТАНА-1» ақпараттық жүйесінде аяқталуға жатады («ПВД» декларациялау ерекшелігі ТД тапсыру және шығару).Тауарларды шығару «АСТАНА-1» ақпараттық жүйесінде ЕАЭО кедендік заңнамасына сәйкес жүзеге асырылған «ВДТ» декларациялау ерекшелігі бар ТД бойынша декларацияларды беру «АСТАНА-1» ақпараттық жүйесінде жүзеге асырылады.«KEDEN» ақпараттық жүйесінде ТД функционалы іске қосылған сәтте кедендік бақылауы аяқталмаған ТД бойынша тауарларды шығару «АСТАНА-1» ақпараттық жүйесінде жүзеге асырылады.«АСТАНА-1» ақпараттық жүйесінде тіркелген «ПТД» декларациялау ерекшелігі бар ТД бойынша тауарларды шығару «АСТАНА-1» ақпараттық жүйесінде жүзеге асырылатынын қосымша түсіндіреміз.Қосымша ақпарат жаңартылған сайын Комитеттің ресми ақпараттық ресурстарында орналастырылады.Сыртқы экономикалық қызметке қатысушылар үшін тәулік бойы әдіснамалық және техникалық қолдау сервисі жұмыс істейтінін еске саламыз.«KEDEN» ақпараттық жүйесінің қолдау сервисінің байланыс деректері:Email: keden_support@kgd.minfin.gov.kzTelegram: https://t.me/kedenkgdgovkzАқпарат көзі : https://www.gov.kz/memleket/entities/kgd-akmola/press/news/details/1200746?lang=kk

Құрметті сыртқы экономикалық қызметке қатысушылар!Мемлекеттік кірістер комитеті «KEDEN» ақпараттық жүйесінде «Тауарларға декларация» функционалын іске қосуға қатысты қосымша ақпаратты хабарлайды.2026 жылғы 10 сәуір сағат 21:00-ден бастап «АСТАНА-1» ақпараттық жүйесінде функционалды көшіру бойынша техникалық жұмыстар жүргізіледі, осыған байланысты жүйеге қолжетімділік шектеледі.«KEDEN» ақпараттық жүйесінде «Тауарларға декларация» функционалы 2026 жылғы 11 сәуір сағат 00:00-ден бастап жұмыс істей бастайды.«KEDEN» жүйесінде тіркелу және авторизациядан өту кезінде ықтимал қиындықтарды болдырмау мақсатында сіздерден:* жүйеде алдын ала тіркеуден өтуді;* ұзақ уақыт белсенділік болмаған жағдайда есептік жазбалардың бұғатталуын тексеруді;* «KEDEN» жүйесінде кедендік операцияларды жүзеге асыру кезінде пайдаланылатын электрондық цифрлық қолтаңбалардың қолданылу мерзімдерін бақылауды және қажет болған жағдайда оларды уақытылы ұзартуды сұраймыз.Қосымша түсіндіреміз, 2026 жылғы 11 сәуір сағат 00:00-ден бастап:1. «АСТАНА-1» жүйесінде «ВТД» декларациялау ерекшелігімен шығарылған ДТ «АСТАНА-1» жүйесінде аяқталуға жатады («ПВД» ерекшелігімен ДТ беру және шығару).2. «ВДТ» декларациялау ерекшелігі бойынша, тауарларды шығару «АСТАНА-1» жүйесінде ЕЭА-ға сәйкес жүзеге асырылған ДТ-ны беру «АСТАНА-1» жүйесінде жүзеге асырылады.3. «KEDEN» жүйесінде ДТ функционалы іске қосылған сәтке дейін кедендік бақылауы аяқталмаған ДТ бойынша тауарларды шығару «АСТАНА-1» жүйесінде жүзеге асырылады.4. «АСТАНА-1» жүйесінде тіркелген «ПТД» декларациялау ерекшелігі бар ДТ бойынша тауарларды шығару «АСТАНА-1» жүйесінде жүзеге асырылады.Қосымша ақпарат жаңартылған сайын Комитеттің ресми ресурстарында жарияланатын болады.Сыртқы экономикалық қызметке қатысушылар үшін тәулік бойы әдіснамалық және техникалық қолдау қызметі жұмыс істейтінін еске саламыз.«KEDEN» ақпараттық жүйесінің қолдау қызметінің байланыстары:Email:(mailto:keden_support@kgd.minfin.gov.kz)Telegram:(https://t.me/kedenkgdgovkz) Ақпарат көзі : https://www.gov.kz/memleket/entities/kgd-astana/press/news/details/1198089?lang=kk