Науырзым ауданында «Біз еріктіміз» атты акция ұйымдастырылып, жастар игі іске өз үлестерін қосты. Іс-шара аясында ауданның белсенді еріктілері бас қосып, Ұлы Отан соғысы ардагерлеріне арналған ескерткіш аумағында тазалық жұмыстарын жүргізді.Акция барысында еріктілер ескерткіш маңын қоқыстан тазалап, айналасын ретке келтірді. Мұндай шаралар жас ұрпақтың бойында патриоттық сезімді қалыптастырып, тарихи мұраға деген құрметін арттыруға бағытталған.Айта кету керек, елімізде еріктілер қозғалысы белсенді дамып келеді. Түрлі әлеуметтік және экологиялық бастамалар жастардың азаматтық белсенділігін арттырып, қоғам игілігі жолындағы нақты істерге жұмылдыруда.Ұйымдастырушылардың айтуынша, «Біз еріктіміз» акциясы – бір реттік шара емес. Алдағы уақытта да осындай игі бастамалар жалғасын тауып, аудан жастары қоғам өміріне белсенді араласа бермек.Ақпарат көзі : https://www.gov.kz/memleket/entities/kostanay/press/news/details/1198917?lang=kk

Вена, 2026 жылғы 10 сәуір — Біріккен Ұлттар Ұйымының Өнеркәсіптік даму ұйымы (ЮНИДО) мен Аустрия Республикасының Федералдық еуропалық және халықаралық істер министрлігі бірлесіп ұйымдастырған Халықаралық Вена энергетика және климат форумы шеңберінде қазақстандық HydroTech Atm стартапы Global Cleantech Innovation Programme (GCIP) халықаралық байқауының жүлдегері болып атанды.Аталған жетістіктің айрықша маңызы HydroTech Atm жобасының негізгі қалаушысы және жетекшісі Дана Қадырбек GCIP бағдарламасының ең жас әрі жалғыз 17 жастағы қатысушысы болып ерекшеленеді. Жас болуына қарамастан, Д. Қадырбек наноматериалдар негізінде атмосферадан таза ауыз су алуға арналған толықтай автономды құрылғыны әзірледі. Қазіргі уақытта аталған технология Қазақстанда пилоттық енгізу кезеңінен өтуде. Атап айтқанда, зертханалық сынақтар жүргізіліп, бейінді мемлекеттік органдармен және ғылыми ұйымдармен тиісті өзара іс-қимыл жолға қойылған.Сонымен қатар, форум аясында Д. Қадырбек «Жасыл көшуді қамтамасыз ету: орнықты технологиялар мен инфрақұрылым» тақырыбындағы пленарлық сессияға спикер ретінде қатысып, халықаралық аудиторияға өз жобасын және оның негізгі артықшылықтарын таныстырды.HydroTech Atm жобасының халықаралық деңгейде мойындалуы қазақстандық жас инноваторлардың жоғары әлеуетін айқын көрсетеді. Бұл жетістік Қазақстанның су қауіпсіздігі, экология және климат салаларындағы жаһандық сын-қатерлерге жауап бере алатын заманауи әрі сұранысқа ие технологиялық шешімдерді ұсыну бағытындағы әлеуетін де растайды.Анықтама: Қазақстан Республикасы Орталық Азия өңірінде GCIP бағдарламасына қосылған алғашқы мемлекет болып табылады. 2025 жылғы желтоқсанда GCIP-Kazakhstan бағдарламасы шеңберінде климаттық стартаптардың ұлттық байқауы өткізілді. Оның қорытындысы бойынша HydroTech Atm, SpaceLab және Forest Hero стартаптары жүлдегер танылып, Вена қаласында өткен Cleantech Days 2026 жаһандық финалына қатысты.Ақпарат көзі : https://www.gov.kz/memleket/entities/mfa-vienna/press/news/details/1198892?lang=kk

Премьер-министрдің орынбасары – ұлттық экономика министрі Серік Жұманғарин Ақтөбе облысына жұмыс сапары аясында өңірдің шаруаларымен кездесті.Кездесуге кеңейтілген форматта онлайн байланыс арқылы аудандардағы шаруа қожалықтарының басшылары да қатысты. Облыс әкімі Асхат Шахаров өңір ауыл шаруашылығының негізгі бағыты мал шаруашылығы болып қала беретінін атап өтті. Бұл ретте Әйтеке би, Қарғалы, Хромтау және Мәртөк аудандарында егін шаруашылығы да қарқынды дамып келеді.2025 жылдың қорытындысы бойынша облыста ауыл шаруашылығы өнімінің көлемі 412 млрд теңгені құрап, былтырғы жылмен салыстырғанда 2,5%-ға өсті. 2026-2028 жылдары өңірдің агроөнеркәсіп кешенінде жалпы сомасы 94,9 млрд теңгені құрайтын 11 инвестициялық жобаны жүзеге асыру жоспарлануда, оның ішінде 4 жоба биыл іске қосылады. Олардың қатарында «Жаннұр» ШҚ мен «Agroproduct development» ЖШС-ның бордақылау алаңдарын салу және кеңейту, «Рамазан құс» ЖШС-ның құс фабрикасын іске қосу, сондай-ақ «АЙС» ЖШС-ның сүт-тауар фермасын ашу бар.2025 жылы өңірде 554 мың тонна дәнді дақыл және 72,4 мың тонна майлы дақыл жиналды. Сондай-ақ көкөністен, соның ішінде картоптан мол өнім алынды. Егіс алқаптарын әртараптандыру аясында майлы және мал азықтық дақылдардың көлемі ұлғайтылды.Кездесу барысында ауыл шаруашылығы вице-министрі Аманғали Бердалин қатысушыларды мал шаруашылығын дамыту жөніндегі жаңа Кешенді жоспардың негізгі параметрлері туралы хабардар етті.Талқылау кезінде шаруалар бірқатар мәселе көтерді. Атап айтқанда, Қазақстан фермерлері қауымдастысының облыстық филиалының жетекшісі Құсайын Сәрсембай «Игілік», «Береке» және «Жайлау» бағдарламалары бойынша «Даму» кәсіпкерлікті дамыту қоры арқылы кепілдік беру мүмкіндігін қарастыруды ұсынды.Серік Жұманғарин қазіргі уақытта осы бағдарламалар бойынша «Даму» қоры арқылы кепілдіктер беру тетігі пысықталып жатқанын айтты. Бұл құралды енгізу жөніндегі алдын ала келісімге қол жеткізілген, алайда жекелеген шарттар мен техникалық параметрлер әлі де келісу сатысында.Сонымен қатар несие мен лизинг бойынша пайыздық мөлшерлемелерді субсидиялаудың қолжетімділігі мәселесі көтерілді. «Айс плюс» ЖШС директоры Қуаныш Ищанов бюджет қаражатының жоқтығына байланысты портал жұмысы тоқтатылғанын, сондықтан өтінім беру мүмкін еместігін мәлімдеді.Сондай-ақ өңірдегі «Степное» ЖШС, «Құмқұдық» ЖШС, «Пригородное» ЖШС және «Меңдібай-Қарағаш» ШҚ өкілдері де өз сұрақтарын қойды. Барлық көтерілген мәселе бойынша жиын барысында тиісті түсіндірмелер берілді.Кездесу қорытындысында вице-премьер Ақтөбе облысы 25,3 млн гектар жайылымдық жері бар еліміздегі ең ірі өңір екенін атап өтті. Мемлекет шаруаларға қолдау көрсетуді жалғастырады, сонымен қатар қарсы талаптар да күшейтілуде. Оның негізгісі – ауыл шаруашылығы жерлерін тиімді пайдалану. Осы бағытта жерді пайдаланудың тиімділік көрсеткіштерін енгізу, сондай-ақ егін шаруашылығымен айналысатын шаруашылықтардың мал шаруашылығын да қатар алып жүру мүмкіндіктері қарастырылуда.Сол күні Серік Жұманғарин бюджет мәселелері бойынша бөлек жиын өткізіп, онда қаржыландырудың негізгі параметрлері мен шығыстардың басым бағыттары қарастырды. Талқылау қорытындысы бойынша бюджет қаражатын тиімді пайдалану және оның игерілуіне бақылауды күшейту жөнінде тапсырмалар берілді.Жұмыс сапары аясында министр «KAZFELTEC» ЖШС-нің жүн өңдеу зауытының жұмысымен де танысты. Кәсіпорын италиялық технологияларды пайдаланып, табиғи қой жүнінен жылу және дыбыс оқшаулағыш материалдар өндіруге маманданған.Ақпарат көзі : https://www.gov.kz/memleket/entities/economy/press/news/details/1198893?lang=kk

2026 жылғы 10 сәуірде Женева қаласында Қазақстан Республикасының Тұрақты өкілдігі алаңында Наурыз мейрамына арналған салтанатты іс-шара өтті. Аталған жиын Швейцария аумағында «Наурызнама» науқаны шеңберінде ұйымдастырылған мәдени-ағартушылық және насихаттық іс-шаралардың қорытынды кезеңі болды.Іс-шараға Азия, Африка, Таяу Шығыс және Еуропа мемлекеттерінің дипломатиялық өкілдіктерінің басшылары, халықаралық және үкіметтік емес ұйымдардың жетекшілері, іскерлік және ғылыми қауымдастық өкілдері, сондай-ақ Швейцарияда тұратын қазақстандық азаматтар қатысты.Салтанатты жиынды ашқан Елші Ержан Қазыхан, Қазақстан Республикасының Женевадағы БҰҰ жанындағы Тұрақты өкілі, Наурыз мейрамының тарихи-мәдени маңызына тоқталып, оның ұлттық бірлік пен қоғамдық келісімді нығайтудағы рөлін атап өтті. Сонымен қатар, Президент Тоқаевтың сөзін негізге ала отырып, қазіргі жаһандық өзгерістер жағдайында Наурыздың жаңғыру, өзара түсіністік пен конструктивті диалогты дамытудағы маңызы ерекше екенін жеткізді.Мәдени бағдарлама аясында Қызылорда облысынан келген кәсіби шығармашылық ұжым ұлттық музыкалық және би өнерін жоғары деңгейде ұсынды. Концерт барысында «Сарыарқа», «Бақсы», «Бесік жыры» және «Наурыз» секілді туындылар орындалып, көрермендер тарапынан жоғары бағаланды.Іс-шара соңында ұйымдастырылған ресми қабылдау барысында қонақтарға қазақ халқының дәстүрлі ұлттық тағамдары ұсынылды.Қатысушылар өнерпаздардың кәсіби шеберлігіне жоғары баға беріп, Женева қаласында Наурыз мейрамын атап өтудің мәдениетаралық және өркениетаралық диалогты ілгерілетудегі маңызын ерекше атап өтті.Ақпарат көзі : https://www.gov.kz/memleket/entities/mfa-geneva/press/news/details/1198897?lang=kk

2026 жылдың 23-24 сәуірінде Тараз қаласындағы «Көне Тараз» тарихи-этномәдени кешенінде «Тараз – қолөнершілер қаласы» халықаралық қолөнершілер фестивалі ұйымдастырылады. Ұлттық фестивальді өткізудегі негізгі мақсат – өңірдің туристік имиджін көтеру, отандық қолөнершілерді халықаралық деңгейде танымал ету, шетелдік және жергілікті қолөнершілер арасында достық қарым-қатынас пен ынтымақтастық орнату, тәжірибе алмасу, сондай-ақ, кенже қалып бара жатқан ежелгі қолөнер түрлерін сақтау және қайта жаңғырту. Фестивальға шетелден (Қырғызстан, Өзбекстан, Тәжікстан), көрші өңірлерден (Алматы, Түркістан) келетін және жергілікті 100-ден астам шебер қатысады. Фестиваль аясында көрермендерге ерекше көңіл күй сыйлау мақсатында «Тараз – қолөнершілер қаласы. Дәстүр мен заманауи қолөнер» тақырыбында ғылыми-практикалық конференция, қолөнер бұйымдарының көрмесі мен шеберлік сағаттары, «Менің әлемім: қиял мен шынайылық» атты жас қолөнершілер мен суретшілердің  көрмесі өтеді. Бұдан бөлек, сән мен дәстүрді тоғыстыратын «ASPARA FASHION WEEK» халықаралық сән апталығы, «Гиннес» рекордтар кітабына енген киіздің жанында «Dombyra Party» іс-шарасы, ұлттық нақыштағы киімдердің сән көрсетілімі және өнер жұлдыздарының гала-концерті ұйымдастырылады.  Фестивальге қатысушы қонақтарға көрме бұйымдарын сатып алуға және Тараз қаласындағы тарихи-мәдени орындарға экскурсия жасауына толық мүмкіндік қарастырылған. Бұл күндері Тараз ұлттық дәстүр мен шалқыма шабыттың тоғысқан ортақ мекеніне айналмақ.Ақпарат көзі : https://www.gov.kz/memleket/entities/mfa-seoul/press/news/details/1200520?lang=kk

2026 жылдың 23-24 сәуірінде Тараз қаласындағы «Көне Тараз» тарихи-этномәдени кешенінде «Тараз – қолөнершілер қаласы» халықаралық қолөнершілер фестивалі ұйымдастырылады. Ұлттық фестивальді өткізудегі негізгі мақсат – өңірдің туристік имиджін көтеру, отандық қолөнершілерді халықаралық деңгейде танымал ету, шетелдік және жергілікті қолөнершілер арасында достық қарым-қатынас пен ынтымақтастық орнату, тәжірибе алмасу, сондай-ақ, кенже қалып бара жатқан ежелгі қолөнер түрлерін сақтау және қайта жаңғырту. Фестивальға шетелден (Қырғызстан, Өзбекстан, Тәжікстан), көрші өңірлерден (Алматы, Түркістан) келетін және жергілікті 100-ден астам шебер қатысады.Фестиваль аясында көрермендерге ерекше көңіл күй сыйлау мақсатында «Тараз – қолөнершілер қаласы. Дәстүр мен заманауи қолөнер» тақырыбында ғылыми-практикалық конференция, қолөнер бұйымдарының көрмесі мен шеберлік сағаттары, «Менің әлемім: қиял мен шынайылық» атты жас қолөнершілер мен суретшілердің көрмесі өтеді. Бұдан бөлек, сән мен дәстүрді тоғыстыратын «ASPARA FASHION WEEK» халықаралық сән апталығы, «Гиннес» рекордтар кітабына енген киіздің жанында «Dombyra Party» іс-шарасы, ұлттық нақыштағы киімдердің сән көрсетілімі және өнер жұлдыздарының гала-концерті ұйымдастырылады. Фестивальге қатысушы қонақтарға көрме бұйымдарын сатып алуға және Тараз қаласындағы тарихи-мәдени орындарға экскурсия жасауына толық мүмкіндік қарастырылған.Бұл күндері Тараз ұлттық дәстүр мен шалқыма шабыттың тоғысқан ортақ мекеніне айналмақ.Ақпарат көзі : https://www.gov.kz/memleket/entities/mfa-tallin/press/news/details/1198879?lang=kk

Астана, 2026 жылғы 10 сәуір – Астанада Қазақстан-Польша Экономикалық ынтымақтастық жөніндегі Үкіметаралық комиссиясының (ҮАК) 10-шы отырысы өтті. Іс-шараның мақсаты екі ел арасындағы сауда-экономикалық және инвестициялық байланыстарды одан әрі нығайту болды.ҮАК тең төрағалары – Қазақстан Республикасы Сыртқы істер министрінің орынбасары Арман Исетов және Польша Республикасы Экономикалық даму және технологиялар министрінің орынбасары Михал Барановский – салалық ведомстволар өкілдерімен бірге екіжақты өзара іс-қимылдың қазіргі жай-күйі мен даму перспективаларын, сондай-ақ тұрақты экономикалық өсуді қамтамасыз ету шараларын талқылады.Тараптар серіктестікті дамытуға өзара мүдделілікті растады және агроөнеркәсіптік кешен, энергетика, тау-кен өнеркәсібі, көлік, фармацевтика және цифрлық технологиялар сияқты негізгі салалардағы ынтымақтастық перспективаларын қарастырды.«Польша Орталық-Шығыс Еуропа мен Еуропалық Одақтағы Қазақстанның сенімді серіктесі болып табылады. Дипломатиялық қатынастар орнағаннан бері Астана мен Варшава сындарлы саяси диалогты нығайтып, сауда-экономикалық және инвестициялық байланыстарды кеңейтіп келеді», – деді А.Исетов, Польша компанияларының Қазақстандағы табысты қызметін атап өтіп.Өз кезегінде, поляк тарапы Қазақстанда жүзеге асырылып жатқан экономиканы әртараптандыру және инвестициялық тартымдылықты арттыру шараларына қызығушылық танытып, Қазақстанның Орталық Азиядағы маңызды серіктес ретіндегі рөлін растады.Тараптар сондай-ақ бұған дейін өткен Қазақстан-Польша бизнес-форумының іскер топтар арасында тікелей байланыстар орнатудағы тиімді алаң ретіндегі маңызын атап өтті.Отырыс қорытындысы бойынша Үкіметаралық комиссияның 10-шы отырысының Хаттамасына қол қойылды.Ақпарат көзі : https://www.gov.kz/memleket/entities/mfa-warsaw/press/news/details/1199542?lang=kk

Алматы облысында «Таза Қазақстан» экологиялық бағдарламасы аясында арнайы жоспар әзірленді. Оған әртүрлі форматтағы 300 экологиялық іс-шара енгізілді. Онда 25-30 адамнан тұратын шағын көлемдегі іс-шаралармен қатар, кең ауқымды акциялар, ағаш отырғызу науқандары, сенбіліктер, экологиялық челлендждер, ақпараттық-түсіндіру кездесулері және танымдық тренингтер қамтылған, – деп хабарлайды Алматы облысының баспасөз қызметі. Бүгін облыс әкімі Марат Сұлтанғазиевтің төрағалығымен өткен жиында «Таза Қазақстан» бағдарламасы аясында атқарылған жұмыстар сараланып, алдағы жоспар бекітілді. Аймақ басшысы кемшіліктерді жойып, жұмыс қарқынын күшейту керегін айтты. Жыл басынан бері облыста экологиялық шараларға 120 мыңға жуық адам қатысқан. Нәтижесінде 1321 тонна қоқыс жиналып, 102 арнайы техника жұмылдырылды және 450 гектарға жуық аумақ тазартылды. Сонымен қатар Telegram-бот арқылы 1402 өтініш келіп түскен. Оның ішінде 1132-сі орындалды, 259-ы кері қайтарылды, ал қалған 11-і – орындалу сатысында.Бүгінде көктемгі-күзгі санитарлық тазарту, абаттандыру және көгалдандыру жұмыстарын жүргізу бойынша қаулы қабылданған. Соған сәйкес облыстың әрбір ауданы мен қаласын, елді мекенін, сондай-ақ 2000-ға жуық кәсіпорынды қамтитын санитарлық тазарту және абаттандыру жұмыстары жүргізіледі. Тұрғындар, жастар, бизнес өкілдері және қоғам белсенділерінің қатысуымен аптасына екі рет – бейсенбі және сенбі күндері ауқымды іс-шаралар ұйымдастырылады. Ол үшін облыс бойынша 30 мың адам және 50-ге жуық арнайы техника жұмылдырылады. Биыл өңірде көгалдандыру бағытында 220 мың ағаш отырғызу жоспарланған. Жыл басынан бері оның 22 мыңы егілді. Қазіргі таңда Мемлекет басшысының тапсырмасына сәйкес Қонаев қаласында экопарк құру жұмыстары басталды. Жоба 10 гектар аумақты қамтиды.Экопарк аумағын абаттандыру және көгалдандыру жұмыстары кезең-кезеңімен жүзеге асырылады. Онда 5 мың ағаш (терек, акация, ива, қарағаш, катальпа, сумах) отырғызу жоспарланған. Сонымен қатар «Көшпенділер қалашығы» маңында экопарк құру жұмыстары қолға алынған. Осы жылдың 18 сәуірінде алғашқы 500 түп ағаш отырғызылатын болады. Мемлекет басшысы Қасым-Жомарт Тоқаевтың орман қорын ұлғайту тапсырмасына сәйкес 2021-2027 жылдар аралығында өңірде 23,8 мың гектар аумаққа 52,6 млн ағаш отырғызу жоспарланған. Өткен 5 жыл ішінде бұл жоспар 83 пайызға орындалды.Биыл 2077 гектар аумаққа 4,6 млн түп ағаш егу көзделген. Облыста жалпы аумағы 129,9 гектар болатын 12 тұқымбақ бар. Орман қорын молайту бағытындағы жұмыстар үшін тұқымбақта өсірілетін көшеттер толығымен жеткілікті. «Мөлдір бұлақ» экоакциясы аясындағы шаралар да басты назарға алынған. Осы уақытқа дейін Түрген шатқалындағы Киелі, Шилібастау, Диірмен базы, Құртты, Әлмерек баба және Еңбек ауылы маңындағы бұлақтар тазартылып, 300 түп ағаш отырғызылды. Шараға еріктілер, ақсақалдар және түрлі ұйым өкілдерінен құралған 1500-ден астам адам қатысты. 21 техника жұмыс істеді. Бұдан бөлек, «Алматыоблсушар» кәсіпорнының өндірістік учаскелері және Үлкен Алматы каналы филиалы тарапынан 42 шақырым канал тазаланып, 80 тал егілді.Марат Елеусізұлы өңірдегі экологиялық шаралар жоспарға сай жүргізілуі үшін жауапты мекемелерге нақты міндеттер жүктеді.- «Экологиялық шаралардан өңірдегі ешқандай елді мекен қалыс қалмауы керек. Тазалық сақтамаған жеке тұлғалар мен компанияларға тиісті шара қолданылуы қажет. Ол үшін бейнебақылау, жасырын мониторинг, рейд жүргізу шаралары күшейтілуі тиіс. Егілетін ағаш түрлері өңірдің табиғи-климаттық ерекшеліктеріне бейім болуы шарт. Қоғамда экологиялық мәдениет қалыптастыру маңызды. Ал тәртіпке бағынбаған жағдайда жауапқа тартылатынын түсінуі керек. Экологиялық акцияларға жастар мен еріктілер, кәсіпорындар мен үкіметтік емес ұйымдар, тұрғындар бір кісідей атсалысқанда ғана нақты нәтиже қол жеткіземіз», – деді облыс әкімі.Сондай-ақ бұл бағыттағы жұмыстар жүйелі түрде жалғасуы керегін ерекше атап өтті.Ақпарат көзі : https://www.gov.kz/memleket/entities/almobl/press/news/details/1198823?lang=kk

Мадрид, 2026 жылғы 9 сәуір – Қазақстан Республикасының Испания Корольдігіндегі Елшілігі Мадрид қаласында Наурыз мерекесін ұйымдастырды. Іс-шараға Испания министрліктері мен ведомстволарының өкілдері, іскерлік топтар, бұқаралық ақпарат құралдары мен академиялық қауымдастық мүшелері, сондай-ақ қазақстандық диаспора қатысты.Құттықтау сөзінде Елші Данат Мұсаев Наурыздың жаңару, бірлік пен келісім мерекесі ретіндегі символдық мәнін атап өтіп, оның халықтар арасындағы мәдениаралық өзара түсіністік пен достықты нығайтудағы рөлін ерекше көрсетті.Концерт жарқын мәдени оқиғаға айналып, Қазақстан мен Испания арасындағы мәдени-гуманитарлық байланыстарды нығайтуға, сондай-ақ испан аудиториясы арасында қазақтың ұлттық мәдени мұрасын насихаттауға елеулі үлес қосты.Кештің басты оқиғасы Түркістан облысынан келген «Алқоныр» ансамблінің өнер көрсетуі болды. Ұжым дәстүрлі музыка, халық әндері мен ұлттық орындаушылық өнер элементтерін қамтыған әсерлі концерттік бағдарлама ұсынды. Орындаудың жоғары деңгейі мен бағдарламаның шынайылығы қонақтардың ерекше ықыласын тудырып, Қазақстанның бірегей мәдениетімен тереңірек танысуға мүмкіндік берді.Іс-шара қонақтары концерттің жоғары деңгейде ұйымдастырылғанын атап өтіп, мұндай бастамалардың мәдени және гуманитарлық салалардағы екіжақты ынтымақтастықты дамытудағы маңыздылығын ерекше атап өтті.Ақпарат көзі : https://www.gov.kz/memleket/entities/mfa-madrid/press/news/details/1198814?lang=kk

2026 жылғы 11 сәуір күні Шымкент қаласында «Таза Қазақстан» экологиялық акциясы аясындағы «Таза қала» жалпықалалық сенбілігі өтеді.Аталған акция барысында қала аумағындағы 5 аудан бойынша тазалық жұмыстары жүргізіледі. Олар:Абай ауданы:•    «Шымсити» саябағы (Алатау, Абылай хан, Әбілхайыр хан көшелерінің бойы);•    Асар шағын ауданы (Жейхун көшесінің бойы, көпқабатты тұрғын үйлер маңы);•    Ақжайық шағын ауданы (Қ. Төлеметов және Көкшетау көшелерінің бойы, көпқабатты тұрғын үйлер маңы).Әл-Фараби ауданы:•    Сәуле шағын ауданы (Отырартөбе көшесі, Көксай-1, Көксай-2 және Көксай-3 көшелері).Еңбекші ауданы:•    Қапал батыр көшесі (көпір маңы);•    Қаратөбе тас жолы;•    Қапал батыр көшесі (ШМӨЗ баратын жол).Қаратау ауданы:•    Нұртас шағын ауданы (Д. Қонаев атындағы мектеп жанындағы автотұрақ).Тұран ауданы:•    Самал-1 шағын ауданы (Өтегенов және Алтынжол көшелерінің қиылысы).Қала тазалығы – баршамызға ортақ міндет. Әрбір тұрғынның белсенді қатысуы туған қаламыздың көркеюіне үлес қосады.Бірге таза, көрікті Шымкентті қалыптастырайық!Тазалық – өзімізден басталады!#ТазаҚазақстан #ТазаҚала #Шымкент #Сенбілік

«Заң мен Тәртіп» қағидатын іске асыру аясында Шымкент қаласындағы Жастар ресурстық орталығында прокуратура, Полиция департаменті, «Қазақтелеком» АҚ, Өңірлік кәсіпкерлер палатасы және бизнес өкілдерінің қатысуымен жұмыс кездесуі өтті.⁣⁣⠀⁣⁣⠀Іс-шараның негізгі мақсаты – кәсіпкерлік нысандардағы бейнебақылау камераларын полицияның Жедел басқару орталығына қосу мүмкіндігін қарастыратын «ShymSafe360» жобасын іске асыру тетіктерін талқылау болды.⁣⁣⠀⁣⁣⠀Кездесу барысында аталған жобаның негізгі бағыты – қоғамдық қауіпсіздікті күшейту, құқық бұзушылықтардың алдын алу және оқиғаларға жедел әрекет ету тиімділігін арттыру екені атап өтілді. Сонымен қатар, бейнебақылау жүйесін интеграциялау бейнематериалдардың сақталуын қамтамасыз етіп, тәулік бойы жұмыс істейтін нысандардың қауіпсіздігін арттыруға және азаматтардың құқық қорғау органдарына деген сенімін нығайтуға ықпал ететіні айтылды.⁣⁣⠀⁣⁣⠀Мамандардың пікірінше, камераларды Жедел басқару орталығына қосу қылмыстарды анықтау мен олардың жолын кесуде тиімді құрал болып табылады. Бұл әсіресе «соқыр аймақтарды» азайтып, қалалық бақылау жүйесінің тиімділігін арттыруға мүмкіндік береді.⁣⁣⠀⁣⁣⠀Кездесу барысында кәсіпкерлерге жүйенің техникалық мүмкіндіктері, қосылу тәртібі және цифрлық шешімдерді енгізудің артықшылықтары жан-жақты түсіндірілді.⁣⁣⠀⁣⁣⠀Талқылау қорытындысы бойынша қатысушылардың ұсыныс-пікірлері ескеріліп, жобаны кезең-кезеңімен іске асыру және бейнебақылау жүйесінің қамту аясын кеңейту бойынша нақты ұсыныстар әзірленді.⁣⁣⠀⁣⁣⠀Жалпы, «ShymSafe360» жобасы цифрлық технологияларды тиімді пайдалану арқылы қауіпсіз қалалық ортаны қалыптастыруға және қоғамдық қауіпсіздік жүйесін күшейтуге бағытталған.

Құрметті сыртқы экономикалық қызметке қатысушылар!Техникалық жұмыстар және іске қосу кестесі2026 жылғы 10 сәуірде сағат 21:00-ден бастап – «АСТАНА-1» АЖ-да функционалды көшіру бойынша техникалық жұмыстар басталады. Жүйеге кіру шектеледі.2026 жылғы 11 сәуірде сағат 00:00-ден бастап – «KEDEN» АЖ-да «Тауарларға арналған декларация» функционалы штаттық режимде жұмысын бастайды.Алдын ала не істеу қажет«KEDEN» АЖ-да тіркелу және авторизациялау кезінде туындауы мүмкін қиындықтарды болдырмау үшін сұраймыз:Тіркелуден өту: жаңа жүйеде алдын ала тіркеліңіз.Есептік жазбаларды тексеру: ұзақ уақыт бойы белсенділіктің болмауына байланысты аккаунтыңыздың бұғатталмағанына көз жеткізіңіз.ЭЦҚ мәртебесін тексеру: кедендік операциялар үшін пайдаланылатын электрондық цифрлық қолтаңбаларыңыздың қолданылу мерзімін бақылауды қамтамасыз етіңіз. Қажет болған жағдайда оларды уақтылы ұзартыңыз.Өтпелі кезеңдегі жұмыс қағидалары (2026 жылғы 11 сәуір сағат 00:00-ден бастап)Ескі жүйеде басталған тауарларға арналған декларациялар (ТД) бойынша операцияларды аяқтау тәртібіне назар аударамыз:ВТД аяқтау: «АСТАНА-1» АЖ-да «ВТД» декларациялау ерекшелігімен шығарылған ТД «АСТАНА-1» АЖ-да аяқталуға жатады («ПВД» ерекшелігімен ТД беру және шығару).ВДТ беру: Тауарларды шығару «АСТАНА-1» АЖ-да ТД бергенге дейін тауарларды шығару туралы өтінішке (ТШӨ / ЗВТ) сәйкес жүзеге асырылған «ВДТ» декларациялау ерекшелігімен ТД беру «АСТАНА-1» АЖ-да жүзеге асырылады.Аяқталмаған бақылау: «KEDEN» АЖ іске қосылған кезде кедендік бақылауы аяқталмаған ТД бойынша тауарларды шығару «АСТАНА-1» АЖ-да жүзеге асырылады.ПТД шығару: «АСТАНА-1» АЖ-да тіркеліп қойған «ПТД» декларациялау ерекшелігімен ТД бойынша тауарларды шығару «АСТАНА-1» АЖ-да жүзеге асырылады.Досымша ақпарат өзектендірілуіне қарай Мемлекеттік кірістер комитетінің ресми ресурстарында орналастырылатын болады.Қолдау қызметі СЭҚ қатысушылары үшін «KEDEN» АЖ әдіснамалық және техникалық қолдау қызметі тәулік бойы жұмыс істейді:Email: keden_support@kgd.minfin.gov.kzTelegram-арна: (https://t.me/kedenkgdgovkz) Ақпарат көзі : https://www.gov.kz/memleket/entities/kgd-pavlodar/press/news/details/1198790?lang=kk

Жыл сайынғы «Парыз 2026» конкурсына қатысуға өтінімдерді қабылдау басталғаны туралы хабарландыруАбай әуданының жұмыспен қамтуды үйлестіру және әлеуметтік бағдарламалар басқармасы облыстың жұмыс берушілері мен кәсіпкерлерінің назарына ҚР Еңбек және халықты әлеуметтік қорғау Министрлігі, жұмыс берушілердің Ұлттық палатасы, Қазақстан Республикасының кәсіподақтар Федерациясы 2026 жылы бизнестің әлеуметтік жауапкершілігі жөніндегі «Парыз» республикалық конкурсын өткізудің басталғаны туралы хабарлағанын жеткізеді. Байқау қорытындысы жыл соңында шығарылады.Конкурс жеке кәсіпкерлік субъектілерінің халықтың әл-ауқатын одан әрі жақсарту үшін қоғам алдындағы өзінің корпоративтік әлеуметтік жауапкершілігін қалыптастыруға және арттыруға бағытталған.Конкурстың өңірлік және республикалық кезеңдеріне қатысу тегін.Байқау 4 номинация бойынша өткізіледі:1) «Үздік әлеуметтік жауапты кәсіпорын».Бұл номинацияда өз персоналын қолдауға, өңірдің әлеуметтік жобаларын іске асыруға қатысуға, мүмкіндіктері шектеулі адамдарды әлеуметтік бейімдеуге және жалпы қоғамның әл-ауқатын жақсартуға бағытталған әлеуметтік бағдарламаларды (еңбекке ақы төлеуді және әлеуметтік төлемдерді ұйымдастыру, кадрларды кәсіптік даярлау және қайта даярлау жүйелері, мүмкіндіктері шектеулі адамдардың барынша көп санын жұмысқа орналастыру және т.б.) іске асыратын үміткерлердің қызметі қаралады.2) «Еңбекті қорғау саласындағы үздік кәсіпорын».Бұл номинацияда еңбек қызметі процесінде қызметкерлердің денсаулығын сақтауға мүмкіндік беретін еңбек жағдайларын жасайтын үміткерлердің қызметі қаралады.3) «Үздік ұжымдық шарт».Бұл номинацияда Қазақстан Республикасының заңнамасында көзделген қызметкерлердің еңбек және әлеуметтік құқықтарын едәуір жақсартатын және нығайтатын ұжымдық шарттар қаралады.4) «Экологияға қосқан үлесі үшін».Бұл номинацияда қоршаған ортаның жай-күйін жақсартуға бағытталған табиғатты қорғау (экологиялық) бағдарламаларын іске асыруда ерекше көзге түскен үміткерлердің қызметі қаралады.Сонымен қатар, Конкурста «Жылдың үздік әлеуметтік жобасы» арнайы сыйлығы бекітіледі.Бұл арнайы сыйлықта бизнес іске асыратын, халықтың әлеуметтік осал және аз қамтылған топтарының жұмыспен қамтылуына және (немесе) тұрмыс жағдайларын жақсартуға ықпал ететін әлеуметтік жобалар қарастырылады.«Парыз 2026» конкурсына қатысу қағидалары мен тәртібі туралы толық ақпарат алу үшін жұмыспен қамту және әлеуметтік бағдарламалар бөлімдеріне жүгінулеріңізді сұраймыз.Ақпарат көзі : https://www.gov.kz/memleket/entities/social-abay/press/news/details/1198748?lang=kk

Хельсинки, 2026 жылғы 10 сәуір – Қазақстанның Финляндиядағы Елшісі Азамат Әбдіраимов Финляндия Республикасы Әділет министрлігінің Сайлау және демократия мәселелері жөніндегі департаментінің басшысы Никлас Вилхелмссонмен кездесті.Кездесу барысында қазақстандық дипломат сұхбаттасын Қазақстан Республикасы Конституциясының жаңа редакциясын қабылдау жөніндегі республикалық референдумның қорытындылары туралы хабардар етті. Құжатта билік тармақтары арасындағы өкілеттіктерді қайта бөлу, парламенттік жүйені дамыту және азаматтардың қоғамдық-саяси процестерге қатысуын кеңейтуге бағытталған өзгерістер көзделгені атап өтілді. Осы тұрғыда бір палаталы парламенттік модельге көшу, оның ішінде Финляндия секілді қалыптасқан демократиялық институттары бар елдердің тәжірибесін ескере отырып жүзеге асырылатыны айтылды.Қазақстан Республикасы Президенті Қасым-Жомарт Тоқаевтың саяси және конституциялық реформалары аясында жүзеге асырылып жатқан бұл өзгерістер мемлекеттік басқару жүйесін одан әрі жетілдіруге, соның ішінде сайлау рәсімдері мен оларды өткізу тетіктерін дамытуға бағытталғаны ерекше атап өтілді.Фин тарапы екіжақты өзара іс-қимылды одан әрі нығайтуға дайын екенін білдірді. Атап айтқанда, бейінді мемлекеттік органдар арасындағы ынтымақтастықты кеңейту, сондай-ақ сайлау технологиялары мен құқықтық реттеу саласындағы озық тәжірибемен алмасу мәселелері қолдау тапты. Ақпарат көзі : https://www.gov.kz/memleket/entities/mfa-helsinki/press/news/details/1198766?lang=kk

💠 2 сәуірде, Тараз қаласында Департамент ғимаратында Қазақстан Республикасы Қаржы министрлігі Мемлекеттік кірістер комитетінің аудит Департаментінің басшылығымен жұмыс кездесуі өтті. Кездесу жұмыста жаңа тәсілдерді, оның ішінде салықтық, кедендік тексерулер, экспорттық бақылау және берешекті өндіріп алу бағыттары бойынша цифрлық шешімдерді енгізуге, сондай-ақ, салықтық әкімшілендіруді оңтайландыру және бизнеспен өзара іс-қимылдың сервистік моделіне көшуге арналған.🔹 Жұмыс кездесуі Мемлекеттік кірістер комитеті аудит департаментінің директоры Қадыр Рыспанұлы Исмагулов пен Мемлекеттік кірістер комитеті аудит департаментінің экспорттық бақылау басқармасының басшысы Аслан Нұрбосынұлы Тобықбаевтың қатысуымен өтті. Кездесуге департамент басшысы Төлеген Қапсалықұлы Сәрсембаевтың басшылығымен Департамент ұжымы қатысты.🔹 Бұл кездесу нәтижелі және сындарлы түрде өтті. Департаменттің жұмысы бойынша ағымдағы жағдай, сондай-ақ жекелеген бағыттардың маңызды мәселелері айтылды, Мемлекеттік кірістер комитеті өкілдері тарапынан Департаменттің барлық назар аударарлық бастамаларына қолдау көрсетілетіні айтылды. Сонымен қатар, жалпы өңірдің дамуының оң динамикасы атап өтілді.🔹 Жаңа тәсілдерді іске асыру салық процестерінің көпшілігі автоматты түрде жүргізілетін мемлекет пен бизнестің өзара іс-қимылының ыңғайлы және ашық жүйесін қалыптастыруға бағытталған.Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1198650?lang=kk

Астана, 2026 жылғы 9 сәуір – Қазақстан Республикасы Сыртқы істер министрлігінде Экономикалық ынтымақтастық жөніндегі үкіметаралық комиссияның 10-отырысы аясында қазақ–поляк бизнес-форумы өтті.Іс-шара екіжақты сауда-экономикалық және инвестициялық ынтымақтастықты дамытуға бағытталып, оған Қазақстан мен Польшаның жетекші компанияларының 120-дан астам өкілі қатысты.Қазақстан тарапынан Үкіметаралық комиссияның тең төрағасы, Қазақстан Республикасы Сыртқы істер министрінің орынбасары Арман Исетов және Қазақстан Республикасы Энергетика вице-министрі Санжар Жаркешов сөз сөйледі.Польша тарапынан комиссияның тең төрағасы, Польша Республикасы Экономикалық даму және технологиялар министрінің орынбасары Михал Барановский, сондай-ақ мемлекеттік органдар мен жетекші поляк компанияларының өкілдері қатысты.Пленарлық отырысты аша отырып, А. Исетов екіжақты қатынастардың тұрақты дамуын атап өтті.«Өткен жылдың қорытындысы бойынша екі ел арасындағы тауар айналымы 1,2 млрд АҚШ долларынан асты. Қазіргі таңда Қазақстанда Polpharma, Selena Group, Rogalik, Suus және Maspex сынды белгілі брендтерді қоса алғанда Польша капиталының қатысуымен 150-ге жуық компания жұмыс істейді», – деді қазақстандық дипломат.Өз кезегінде М. Барановский форум жаңа іскерлік байланыстар орнатуға және бірлескен жобаларды іске қосуға қосымша серпін беретініне сенім білдіріп, ынтымақтастықтың басым бағыттары ретінде логистика, көлік, энергетика және агроөнеркәсіптік кешенді атады.Форум бағдарламасы өнеркәсіптік серіктестік, инвестициялық өзара іс-қимыл және көлік-логистика саласындағы ынтымақтастықты дамыту мәселелеріне арналған екі панельдік сессияны қамтыды. Іс-шара аясында Польша компанияларының таныстырылымдары өтіп, екіжақты B2B кездесулер ұйымдастырылды.Жалпы, бизнес-форум Астана мен Варшаваның сауда-экономикалық ынтымақтастықты одан әрі кеңейтуге өзара мүдделілігін растады.Ақпарат көзі : https://www.gov.kz/memleket/entities/mfa-warsaw/press/news/details/1198763?lang=kk

Телекоммуникациялық инфрақұрылымды дамыту жобасы облыстық цифрландыру басқармасымен және инвестор — «Мобайл Телеком-Сервис» (Tele2/Altel) байланыс операторымен бірлесіп жүзеге асырылуда.Жобаның алғашқы кезеңінде «Береке» шағын ауданында байланыс антенналары мен көше жарығын біріктіретін екі тірек орнатылды. Олар 5 мыңға дейін абонентті қамтып, интернет жылдамдығын 600 Мбит/с-қа дейін қамтамасыз етеді.Жоба аясында шамамен 60 базалық станциядан тұратын желі салу жоспарланған. Негізгі назар сигнал деңгейі төмен аудандарға, атап айтқанда «Береке», «Қонай» шағын аудандарына, индустриялық аймаққа және Триатлон-паркке аударылған. Жеке инвестициялардың жалпы көлемі шамамен 3 млрд теңгені құрайды.Қазіргі таңда цифрлық шешімдер көше жарығы, жол қозғалысын басқару және коммуналдық инфрақұрылым сияқты негізгі салаларда енгізілуде. Бұл жүйелердің барлығы тұрақты әрі сапалы интернетке тәуелді.Жобаны іске асыру жыл соңына дейін интернет қамтудағы «ақ дақтарды» жоюға және байланыс сапасын айтарлықтай арттыруға мүмкіндік береді.Ақпарат көзі : https://www.gov.kz/memleket/entities/kostanai-kalasy-akimat/press/news/details/1198713?lang=kk

2026 жылғы 9–10 сәуір күндері Шығыс Қазақстан облысы білім басқармасының «Örken» өңірлік білім беруді ақпараттандыру және дамыту ғылыми-әдістемелік орталығы мектепке дейінгі ұйым басшыларының көшбасшылық құзыреттіліктерін дамытуға, команданы тиімді басқару дағдыларын жетілдіруге және заманауи талаптарға сәйкес болашақтың білім беру ортасын қалыптастыруға бағытталған кәсіби алаң құру мақсатында «Мектепке дейінгі білім беру ұйымындағы көшбасшылық: команданы басқару және болашақтың білім беру ортасын дамыту» тақырыбында облыстық BRAIN BRIDGE митап-сессиясын өткізді.Кездесу барысында балабақша директорлары келесі тақырыптар бойынша тәжірибелерімен бөлісті:– «Құндылықтар арқылы тәрбиелеу: «Адал азамат» және жасанды интеллект әлеуеті» (Каримова Ж.К., №106 «Қарлығаш»);– «Балабақшаның цифрлық трансформациясы: жасанды интеллектті енгізудің қадамдық стратегиясы» (Михеева О.В., №7 «Радуга»);– «Бүгінгі жас маман – ертеңгі табысты көшбасшы!» (Оралханова А.О., №18 «Еркетай»);– «Балабақшаны дамыту үшін демеушілік қолдауды тарту: басшының практикалық тәжірибесі» (Раимбекова Д.О., №1 «Балапан»);– «Даму жоспары, мектепке дейінгі ұйымды басқару құралы ретінде» (Ахаева Н.В., Дарынды балаларға арналған валеологиялық мектеп-кешені).Сондай-ақ шара барысында мектепке дейінгі жастағы балаларға арналған инклюзивті білім беру туралы Сәрсен Аманжолов атындағы ШҚУ КЕАҚ «Dana bala» үздіксіз және инклюзивті білім беру орталығының басшысы Алипова А.К. баяндама жасады.Іс-шара аясында мектепке дейінгі ұйымдардың басшыларына арналған «Идеядан нәтижеге дейін: балабақшаны өзгертетін жобалар мен бастамалар» атты облыстық хакатон ұйымдастырылды.Хакатонның мақсаты - мектепке дейінгі ұйымдарда инновациялық жобалар мен бастамаларды әзірлеу арқылы балабақшалардың қызметін жетілдіруге бағытталған идеяларды қолдау, сондай-ақ басшылардың шығармашылық және жобалық құзыреттіліктерін дамыту.Хакатонға облыс мектепке дейінгі ұйымдарының 90 басшысы қатысты. Сараптамалық комиссиясының шешімі бойынша анықталған үздік командалар I, II және III дәрежелі дипломдармен, сондай-ақ арнайы номинациялармен марапатталды.   Кездесу қатысушыларға шабыт беріп, жаңа мүмкіндіктерге жол ашқан мазмұнды алаңға айналды. Әрбір басшы өз қоржынына құнды тәжірибе жинап қайтты.Жеңімпаздарды құттықтаймыз және жұмыстарына табыс тілейміз!Ақпарат көзі : https://www.gov.kz/memleket/entities/vko-bilim/press/news/details/1198604?lang=kk

2026 жылғы 10 сәуір күні Облыс орталығында аймақ басшысы Нұрымбет Сақтағановтың қатысуымен «Ардагерлер ұйымы» республикалық қоғамдық бірлестігінің Шығыс Қазақстан облыстық филиалының ІХ конференциясы өтті. Іс-шара барысында есепті кезеңдегі атқарылған жұмыстар қорытындыланып, алдағы міндеттер айқындалды.Облыстық ардагерлер кеңесінің төрағасы А. Шерубаев баяндама жасап, ұйымның есепті кезеңдегі қызметі туралы жан-жақты ақпарат берді.Жиын барысында Шығыс Қазақстан облыстық ардагерлер кеңесінің қызметіне қатысты өзекті мәселелер қаралып, ұйым жұмысының басым бағыттары белгіленді.Жиын қорытындысы бойынша қатысушылар ардагерлер ұйымының алдағы кезеңдегі жұмысын одан әрі жетілдіруге бағытталған ұсыныстар қабылдады.Ақпарат көзі : https://www.gov.kz/memleket/entities/vko-bilim/press/news/details/1198618?lang=kk

Техникалық реттеудің негізгі мақсаттарының бірі – тұтынушыларды өнімнің қауіпсіздігі мен сапасына қатысты жаңылыстыратын әрекеттердің алдын алу.Өнімді сатылымға шығармас бұрын өндірушілер, импорттаушылар және сатушылар оның сынақтан өткенін қамтамасыз етіп, қауіпсіздігін сертификаттау немесе сәйкестік декларациясы арқылы растауға міндетті.Тұтынушылар үшін маңыздысы – техникалық регламенттер талаптарын сақтау өндірушілердің, импорттаушылардың және сатушылардың тікелей міндеті. Техникалық регламенттер өнімнің қауіп-қатер деңгейін ескере отырып, ең төменгі қажетті талаптарды белгілейді. Бұл талаптар биологиялық, механикалық, өрт, жылу, химиялық, электр, радиациялық қауіпсіздікті, сондай-ақ құрылғылар мен жабдықтардың қауіпсіз жұмысын қамтамасыз етуге қатысты электромагниттік үйлесімділікті, сәулелену қауіпсіздігін, жарылысқа төзімділікті, қауіпті өндірістік нысандарда қолданылатын техникалық құрылғылардың қауіпсіздігін және өзге де талаптарды қамтиды.Қазақстан Республикасы Сауда және интеграция министрлігінің Техникалық реттеу және метрология комитетінің қызметі құқықбұзушылықтардың алдын алуға, талаптарға сәйкес келмейтін өнімнің нарыққа шығарылуына жол бермеуге бағытталған.Осыған байланысты тұрақты түрде бару арқылы емес, профилактикалық бақылау жүргізіледі. Оның мақсаты – бұзушылықтардың алдын алу және жолын кесу, сондай-ақ бақылау және қадағалау субъектілеріне анықталған кемшіліктерді өз бетінше түзету мүмкіндігін беру және әкімшілік жүктемені азайту.Бұл бағытта түрлі ақпарат көздерінен алынған мәліметтер зерделеніп, талданып, салыстырылады. Олардың қатарында бұқаралық ақпарат құралдары, ашық дереккөздер, сондай-ақ жеке және заңды тұлғалардың өтініштері бар.Профилактикалық жұмыстың маңызды құралдарының бірі – бақылау мақсатындағы сатып алу. Ол Қазақстан Республикасының Кәсіпкерлік кодексіне және техникалық реттеу саласындағы заңнамаға сәйкес аумақтық бөлімшелер арқылы жүзеге асырылады.Комитет төрағасының орынбасары Бауыржан Қасымовтың мәліметінше, 2025 жылы мемлекеттік бақылаудың 3163 түрі жүргізіліп, оның 978-інде (31%) заңбұзушылықтар анықталған. Жалпы сомасы 26,749 млн теңгеге айыппұл салынды. Сонымен қатар 197 өнім үлгісі сынақтан өткізіліп, нәтижесінде жедел әрекет ету шараларын қолдану туралы 41 қаулы қабылданды.Ағымдағы жылы бақылау сатып алуы аясында Қарағанды облысында көмірдің 4 үлгісі, Қостанай облысында кабель өнімдерінің 4 үлгісі және жанар-жағармайдың 2 үлгісі сатып алынып, сынаққа жіберілді.Бақылау сатып алуы көлік құралдарына, құрылыс материалдарына, жанар-жағармай мен майлау материалдарына, көмірге, сондай-ақ айнымалы ток кернеуі 1000 В-қа дейін (немесе тұрақты ток 1500 В-қа дейін) болатын, электр энергиясын қабылдауға, таратуға, жүктемені басқаруға және желілерді қорғауға арналған электр техникалық құрылғыларға қатысты жүргізіледі.Комитет тұтынушыларға еске салады: егер өнім техникалық регламент талаптарын бұзды деген нақты негіздер мен дәлелдер болса, адам өмірі мен денсаулығына, қоршаған ортаға немесе жеке және заңды тұлғалардың, мемлекеттің заңды мүдделеріне қауіп төнудің алдын алу немесе оны жою мақсатында тиісті органдарға өтініш беруге құқылы.Техникалық реттеу саласындағы заңнамаға сәйкес, техникалық регламенттер қолданылатын өнімдер нарықта тек белгіленген талаптарға сәйкестігі тиісті тәртіппен расталған жағдайда ғана айналымға жіберіледі.Сонымен қатар техникалық регламенттер талаптарына сәйкес келмейтін, сәйкестікті бағалаудан өтпеген, тиісті құжаттары жоқ немесе мұндай құжаттар туралы мәліметтер техникалық реттеу тізілімінде не Еуразиялық экономикалық одақтың бірыңғай тізілімдерінде тіркелмеген өнімдерді нарыққа шығаруға тыйым салынады.Техникалық регламент талаптарына сәйкес келмейтін өнімді айналымға шығарғаны үшін, сондай-ақ сәйкестікті бағалау құжаттарында көрсетілген мәліметтерге сәйкес келмейтін немесе тиісті бағалаудан өтпеген өнімді өткізгені үшін әкімшілік жауапкершілік қарастырылған.Құқықбұзушылық жасаған тұлғаларға айыппұл салынады: жеке тұлғаларға – 90 айлық есептік көрсеткіш, лауазымды тұлғаларға, шағын кәсіпкерлік субъектілеріне немесе коммерциялық емес ұйымдарға – 195 АЕК, орта кәсіпкерлік субъектілеріне – 310 АЕК, ірі кәсіпкерлік субъектілеріне – 600 АЕК мөлшерінде.Ақпарат көзі : https://www.gov.kz/memleket/entities/mti-ktrm/press/news/details/1198562?lang=kk