Братислава, 2026 жылғы 23 ақпан – Қазақстанның Словакиядағы Төтенше және Өкілетті Елшісі Жанна Сағынова Словак Республикасының Инвестициялар, өңірлік даму және цифрландыру министрі Самуэль Мигальмен кездесу өткізді.Кездесу барысында тараптар цифрлық трансформация және жасанды интеллект салаларындағы екіжақты ынтымақтастықты одан әрі дамыту перспективаларын жан-жақты талқылады. Қазақстан Елшісі 2026 жыл Қазақстанда Цифрландыру және жасанды интеллектті дамыту жылы деп жарияланғанын атап өтті. Бұл бастама цифрлық трансформация саласындағы халықаралық ынтымақтастықты кеңейтуге, озық технологиялар алмасуға және жаңа стратегиялық серіктестіктерді қалыптастыруға қосымша серпін береді.Сонымен қатар Елші мемлекеттік саясатты іске асыру шеңберінде 2024-2029 жылдарға арналған Жасанды интеллектті дамыту тұжырымдамасы бекітілгенін атап өтті. Аталған құжат жасанды интеллект технологияларын өнеркәсіп, ауыл шаруашылығы, энергетика, көлік, денсаулық сақтау және білім беру салаларына кезең-кезеңімен енгізуді көздейтінін жеткізді.Елші Қазақстанда заманауи цифрлық инфрақұрылым қалыптасқанын айтты. Атап айтқанда, Орталық Азиядағы ең ірі технологиялық парк – Astana Hub қызмет атқаруда. Сонымен қатар Орталық Азия өңірінің тарихында алғаш рет екі суперкомпьютер іске қосылып, ғылыми зерттеулерді дамытуға және ұлттық инновациялық экожүйені нығайтуға тың мүмкіндіктер ашты.Қазақстан тарапы словакиялық серіктестермен, соның ішінде цифрлық шешімдер мен үлкен деректерді талдау (Big Data Analytics) саласында бірлескен жобаларды жүзеге асыруға қызығушылық білдірді. Мемлекеттік басқару жүйесінде үлкен деректерді тиімді пайдалану елдің мемлекеттік басқару сапасы мен тиімділігін арттырудың, сондай-ақ оның халықаралық бәсекеге қабілеттілігін нығайтудың стратегиялық факторы екені ерекше атап өтілді.Сонымен қатар екі елдің бейінді министрліктері цифрландыру және жасанды интеллект саласындағы ынтымақтастық туралы меморандум жобасын келісу жұмыстарын жалғастыруда.Кездесу қорытындысы бойынша тараптар айқындалған бағыттар бойынша әріптестікті одан әрі ілгерілетуге, бірлескен жобаларды іске асыруға және практикалық өзара іс-қимылды кеңейтуге уағдаласты. Ақпарат көзі : https://www.gov.kz/memleket/entities/mfa-bratislava/press/news/details/1168221?lang=kk

Президент құттықтау жеделхатында Алар Каристің былтыр Қазақстанға жасаған мемлекеттік сапары өзара ынтымақтастықты дамытуға тың серпін беріп, екі ел арасындағы саяси, сауда-экономикалық және мәдени-гуманитарлық байланысты нығайтуға ықпал еткеніне тоқталған.Қасым-Жомарт Тоқаев Алар Каристің жауапты мемлекеттік қызметіне толайым табыс, ал достас эстон халқына бақ-береке тіледі.Ақпарат көзі : https://www.gov.kz/memleket/entities/mfa-tallin/press/news/details/1168222?lang=kk

Дәулет ауылдық округінің әкімі Жанболат Елубайұлы Қазақстан Республикасының «Алтын алқа» мемлекеттік наградасымен көпбалалы ананы салтанатты түрде марапаттады.Ақпарат көзі : https://www.gov.kz/memleket/entities/mangystau-munaily-daulet/press/news/details/1168282?lang=kk

Қабылдау барысында ауыл тұрғындары тарапынан әлеуметтік мәселелер, инфрақұрылым, жер қатынастары және өзге де өзекті сұрақтар көтерілді. Әрбір өтініш пен ұсыныс заңнама талаптарына сәйкес қаралып, тиісті түсіндірмелер берілді.Кейбір мәселелер бойынша жауапты сала мамандарына нақты тапсырмалар жүктеліп, бақылауға алынды. Тұрғындармен кері байланыс орнату және халықтың ұсыныс-пікірлерін ескеру жұмыстары алдағы уақытта да жалғасын табатын болады.⚜️Дәулет ауылы әкімі аппаратының баспасөз қызметі.Қабылдау барысында ауыл тұрғындары тарапынан әлеуметтік мәселелер, инфрақұрылым, жер қатынастары және өзге де өзекті сұрақтар көтерілді. Әрбір өтініш пен ұсыныс заңнама талаптарына сәйкес қаралып, тиісті түсіндірмелер берілді.Кейбір мәселелер бойынша жауапты сала мамандарына нақты тапсырмалар жүктеліп, бақылауға алынды. Тұрғындармен кері байланыс орнату және халықтың ұсыныс-пікірлерін ескеру жұмыстары алдағы уақытта да жалғасын табатын болады.⚜️Дәулет ауылы әкімі аппаратының баспасөз қызметі.Қабылдау барысында ауыл тұрғындары тарапынан әлеуметтік мәселелер, инфрақұрылым, жер қатынастары және өзге де өзекті сұрақтар көтерілді. Әрбір өтініш пен ұсыныс заңнама талаптарына сәйкес қаралып, тиісті түсіндірмелер берілді.Кейбір мәселелер бойынша жауапты сала мамандарына нақты тапсырмалар жүктеліп, бақылауға алынды. Тұрғындармен кері байланыс орнату және халықтың ұсыныс-пікірлерін ескеру жұмыстары алдағы уақытта да жалғасын табатын болады.⚜️Дәулет ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-daulet/press/news/details/1168290?lang=kk

Құрметті кәсіпкерлер! 2026 жылғы 28 ақпан – салық режимі туралы хабарлама берудің соңғы күні.Егер хабарламаны уақытында жібермесеңіз, сіз автоматты түрде 2026 жылдың 1 қаңтарынан бастап жалпыға бірдей белгіленген салық салу тәртібіне ауысасыз.Қазақстан Республикасының жаңа Салық кодексі үш арнаулы салық режимін көздейді: өзін-өзі жұмыспен қамтығандар үшін, оңайлатылған декларация негізінде және шаруа және фермер қожалықтары үшін.Жеңілдетілген декларация негізінде АСР қолдануды жоспарлап отырсыз ба?Хабарламаны 2026 жылдың 28 ақпанына дейін жіберіңіз:- салық төлеушінің кабинеті арқылы (СӘАЖ АЖ-да "Құжаттарды тапсыру" бөлімінде – "Қолданылатын салық салу режимі туралы хабарлама");- "e-Salyq Business" мобильді қосымшасы арқылы ("қызмет" – "ЖК салық режимін өзгерту");- орналасқан жері бойынша МКБ-да (қағаз жеткізгіште);- екінші деңгейдегі банктердің қосымшалары арқылы ("мемлекеттік қызметтер" бөлімінде – "ЖК деректемелері мен салық режимін өзгерту").Өзін-өзі жұмыспен қамтығандар үшін режимге көшу2026 жылғы 1 наурыздан бастап патент бойынша немесе арнайы мобильді қосымшаны пайдалана отырып жұмыс істеген ЖК автоматты түрде есептен шығарылады (есептен шығару күні – 2026 жылғы 1 қаңтар).Автоматты аударымдар мен қайта есептеулерді болдырмау үшін соңғы күнді кейінге қалдырмаңыз! Павлодар облысы бойынша МКД Түсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1168298?lang=kk

Қызылорда қаласындағы облыстық тарихи-өлкетану музейінде Ілияс Жансүгіровтің әдеби музейінің «Ілияс Жансүгіров және Қызылорда кезеңі» атты жылжымалы көрмесі құрылып, салтанатты ашылуы өтті. Көрме «Музей tour: экспонаттар экспедициясы» жобасы аясында ұйымдастырылды.  Тағылымды шараға зиялы қауым өкілдері, мәдениет саласының мамандары, жоғары оқу орындарының оқытушылары мен студенттері, БАҚ өкілдері қатысты. Сондай-ақ, көрмеге Қорқыт Ата атындағы Қызылорда университетінің аға оқытушысы, филология ғылымдарының кандидаты Айман Айтбаева және Түркістан облыстық тарихи-өлкетану музейі қызметкерлері арнайы қатысты. Көрмеге Ілияс Жансүгіровтің жеке тұтынған заттары, сирек қолжазбалары, фотосуреттері мен құнды архивтік құжаттары көпшілік назарына ұсынылды. Ақынның Қызылорда кезеңіндегі шығармашылық ізденістері мен қоғамдық қызметі көрме мазмұнында кеңінен қамтылып, сол дәуірдің әдеби-рухани тынысы айқын көрініс тапты.Бұл игі шара музейаралық ынтымақтастықты нығайтуға, тарихи тұлғалар арасындағы рухани байланысты насихаттауға бағытталған. Көрме 2026 жылдың 25 ақпанына дейін жалғасады. Ақпарат көзі : https://www.gov.kz/memleket/entities/zhetysu-archive/press/news/details/1168306?lang=kk

Құрметті салық төлеушілер!2026 жылғы 25 ақпанда сағат 15:00-де Департаменттің «Instagram» әлеуметтік желісіндегі @pavlodar_mkd парақшасында "Арнаулы салық режимдеріне көшу" тақырыбына тікелей эфир өтеді.Спикерлер: өндірістік емес төлемдер басқармасының басшысы Арман Таболдыұлы Увалиев және арнаулы салық режимдерін әкімшілендіру бөлімінің басшысы Елена Сергеевна Довбняк сөз сөйлейді.Трансляцияны жіберіп алмау үшін Павлодар облысы бойынша мемлекеттік кірістер Департаментінің Instagram парақшасына – pavlodar_mkd жазылыңыз.Павлодар облысы бойынша МКД түсіндіру жұмысыжәне Байланыс-орталығы басқармасы  Ақпарат көзі : https://www.gov.kz/memleket/entities/kgd-pavlodar/press/news/details/1168310?lang=kk

Құрметті салық төлеушілер!Ақмола облысы бойынша Мемлекеттік кірістер департаменті ҚР Қаржы министрінің 2018 жылғы 16 ақпандағы №208 бұйрығына енгізілген өзгерістерге сәйкес 2025 жылғы 20 маусымнан бастап 2.0.3 нұсқасының деректерді беру хаттамасы қолданысқа енгізілгенін хабарлайды.Бақылау-кассалық машиналардың (БКМ) барлық пайдаланушылары 2.0.3 нұсқасының хаттамасы бойынша жұмысқа көшуді қамтамасыз етуі қажет.2.0.3 нұсқалы хаттамада БКМ-нің Ұлттық тауар каталогына (бұдан әрі – ҰТК) автоматты қосылуын және БКМ нақты орналасқан жерін анықтайтын ФДО жағындағы геолокацияны анықтау қызметі қарастырылған.БКМ үшін деректерді бекіту және беру функциясы бар электрондық құрылғылар түрінде ("темір кассалар" деп аталады) қайта бағдарламалау техникалық қызмет көрсету орталықтарында жүргізілуі керек.2.0.3 нұсқасының хаттамасымен жұмыс істейтін фискалдық деректер операторларының тізбесі: "Қазақтелеком" АҚ, "Транстелеком" АҚ, "Кар-Тел" ЖШС, "Kaspi Bank" АҚ, "IT ANALYTICS" ЖШС, "ЖШС Бухта.kz", "Smartcontract" ЖШС, "Kcell" АҚ ("ЖШСJusan Mobile"), "Beeline" ЖШС ("Кар-Тел"), "Вайпойнт"ЖШС.Ауысу мерзімі, 2026 жылдың 1 наурызына дейін аяқталуы керек.Салық төлеушілерден 2.0.3 нұсқасының хаттамасына уақтылы көшуді қамтамасыз етуді және барлық қажетті техникалық жұмыстарды белгіленген мерзімде орындауды сұраймыз.   Ақпарат көзі : https://www.gov.kz/memleket/entities/kgd-akmola/press/news/details/1168335?lang=kk

«Су – тіршілік көзі» дейді дана халқымыз. Расында, табиғаттың баға жетпес байлығы саналатын су ресурстарын тиімді пайдалану – бүгінгі күннің ең өзекті мәселелерінің бірі. Климаттық өзгерістер мен су тапшылығы жағдайында су үнемдеу мәдениетін қалыптастыру, заманауи технологияларды кеңінен енгізу және әрбір тамшы судың қадірін арттыру – стратегиялық маңызы бар бағыт.Қазіргі таңда су ресурстарын тиімді пайдалану – өңірлік дамудың басты бағыттарының бірі. Осы орайда Жамбыл облысы аумағында су үнемдеу технологияларын кеңінен ендіру бойынша жүйелі жұмыстар жүргізілуде.Суармалы суды тиімді пайдалану мақсатында су үнемдеу технологиялары енгізілген алқап көлемін жыл сайын ұлғайту бағытында нақты шаралар атқарылуда. 2024 жылы өңірде 55,4 мың гектар алқапқа су үнемдеу технологиялары енгізіліп, 2023 жылғы 40 мың гектар көрсеткішпен салыстырғанда 15,4 мың гектарға артты. Бұл – шаруалардың жаңа тәсілдерге деген қызығушылығының артып келе жатқанын көрсетеді.2025 жылы да бұл бағыттағы жұмыс жалғасын тауып, шаруалар тарапынан қосымша 11 мың гектар алқапқа су үнемдеу технологиялары енгізілді. Нәтижесінде жалпы көрсеткіш 66,5 мың гектарға жетті.Оның ішінде:тамшылатып суғару – 44,6 мың гектар;жаңбырлатып суғару – 19,3 мың гектар;лазерлік жоспарлау – 2,6 мың гектар.Бұл технологиялар суды дәл мөлшермен беруге, шығынды азайтуға және өнімділікті арттыруға мүмкіндік береді.2026 жылға су үнемдеу технологияларын 10 мың гектарға енгізіп, жалпы көрсеткішті 76,6 мың га жеткізу жоспарлануда.Бұл жұмыстар өңірдің су қауіпсіздігін қамтамасыз етуге, ауыл шаруашылығы өндірісінің тиімділігін арттыруға және табиғи ресурстарды ұтымды пайдалануға бағытталған маңызды қадам болып табылады.Бүгінде су үнемдеу – тек ауыл шаруашылығы саласының міндеті емес, ол – қоғамның ортақ жауапкершілігі. Су ресурстарын ұқыпты пайдалану арқылы біз болашақ ұрпаққа табиғи байлығымызды сақтап қаламыз. «Судың да сұрауы бар» деген қағиданы берік ұстанған жағдайда ғана тұрақты даму жолына сенімді қадам басамыз.Ақпарат көзі : https://www.gov.kz/memleket/entities/zhambyl-tabigat/press/news/details/1168342?lang=kk

Биыл, екі мәрте Социалистік Еңбек Ері, дала акдемигі атанған Нұрмолда Алдабергеновтың туғанына 120 жыл.Осыған орай, 24 ақпан күні Қызылорда облысы, Шиелу ауданындағы Ыбырай Жақаев атындағы күріш өсіру тарихы музейінде Нұрмолда Алдабергеновтың мемориалды музейінің «Еңбекпен ер атанған Нұрмолда» атты  жылжымалы көрменің салтанатты ашылуы өтті. Шараға Шиелі ауданының бас мамандары, Нартай Бекежанов атындағы мемориалды өнер музейінің және Шиелі аудандық тарихи-өлкетану музейінің қызметкерлері, мәдениет саласының өкілдері, сондай-ақ мектеп оқушылары қатысты.Шара барысында екі мәрте Социалистік Еңбек Ері, «Ақ күріштің атасы» атанған Ыбырай Жақаевтың ұрпағы, Шиелі ауданының құрметті азаматы Жақаев Сейітбек Ыбырайұлы  жылы лебізін білдірді.Көрмеде Нұрмолда Алдабергеновтың өмірі мен еңбек жолын айшықтайтын фотосуреттер, мұрағат құжаттары, марапаттары және жеке қолданған заттары көпшілік назарына ұсынылды.Бұл игі шара музейаралық ынтымақтастықты нығайтуға, тарихи тұлғалар арасындағы рухани байланысты насихаттауға бағытталған.Көрме 2026 жылдың 25 ақпанына дейін жалғасады. Ақпарат көзі : https://www.gov.kz/memleket/entities/zhetysu-archive/press/news/details/1168349?lang=kk

«Су – өмірдің бастауы» дейді дана халқымыз. Шындығында, әрбір өзен, көл және су қоймасы – тіршілік көзі ғана емес, ауыл шаруашылығы мен экономика үшін де маңызды ресурс. Осы орайда Жамбыл облысы аумағында су объектілерін қорғау және судың экологиялық тұрақтылығын қамтамасыз ету мақсатында жүйелі шаралар атқарылуда.Жамбыл облысының жер үсті су объектілерінде су қорғау аймақтары мен белдеулерін белгілеу жөніндегі 2024–2026 жылдарға арналған Жол карта облыс әкімімен бекітілді. Бұл Жол карта бойынша облыс аумағындағы 103 су объектісіне су қорғау аймақтары мен белдеулерін белгілеу көзделген.2024 жылғы жоспарға сәйкес, облыста орналасқан 57 су нысаны бойынша су қорғау аймақтары мен белдеулерін белгілеу жұмыс жобасы әзірленіп, Жамбыл облысы әкімдігінің 30 желтоқсандағы № 35 және № 318 Қаулыларымен бекітілді. Осы мәліметтер мемлекеттік жер кадастрының автоматтандырылған ақпараттық жүйесіне енгізілді.Бекітілген 57 су нысанында, Қазақстан Республикасының Су Кодексінің 86-бабына сәйкес, қызметіне тыйым салынған 668 нысан анықталды. Бұл нысандардың қауіпсіздігін қамтамасыз ету және суды ластамау мақсатында, тиісті іс-шараларды атқаруға Су ресурстарын реттеу, қорғау және пайдалануды жөніндегі Шу-Талас бассейндік су инспекциясы, ҚР АШМ Жер ресурстарын басқару комитеті Жамбыл облысының жер ресурстарын басқару департаменті, сондай-ақ қала және аудан әкімдіктеріне (Жамбыл, Жуалы, Байзақ, Сарысу, Талас, Меркі, Т. Рысқұлов, Шу, Қордай аудандары, жер қатынастары бөлімдері) жолданған хаттар арқылы ұсынылды.Ал 2025 жылға арналған жоспарға сәйкес, облыстағы 40 су нысаны үшін су қорғау аймақтары мен белдеулерін белгілеу жобасы әзірленіп, Жамбыл облысы әкімдігінің 2 желтоқсандағы № 247 Қаулысымен бекітілді. Кеңістік деректері мемлекеттік жер кадастрының автоматтандырылған ақпараттық жүйесіне енгізіліп, Су Кодексінің 86-бабы негізінде қызметіне тыйым салынған 162 нысан анықталды.Осы жұмыстардың барлығы судың таза қалпын сақтау, экологиялық тұрақтылықты қамтамасыз ету және тұрғындардың қауіпсіз өмір сүруіне жағдай жасауға бағытталған. Су ресурстарын қорғау – бұл тек мемлекеттік органдардың міндеті ғана емес, әрбір тұрғынның да жауапкершілігі. Қорғалатын аймақтарды белгілеу және оларды сақтау арқылы біз табиғат байлығын сақтап, болашақ ұрпаққа таза және қолжетімді су қалдырамыз.Ақпарат көзі : https://www.gov.kz/memleket/entities/zhambyl-tabigat/press/news/details/1168358?lang=kk

2026 жылғы 28 ақпанда Қостанай қаласында қалалар мен аудандардың ауыл шаруашылығы тауар өндірушілерінің қатысуымен ауыл шаруашылығы жәрмеңкесі өтеді.Жәрмеңкеде жаңа піскен көкөністер, жемістер, ет өнімдері, бал, сүт өнімдері және басқа да өнімдер сатылады.Өтетін орны: «Сити Центр» орталық алаңы.Басталуы: сағат 9:00.Ақпарат көзі : https://www.gov.kz/memleket/entities/kostanai-kalasy-akimat/press/news/details/1168481?lang=kk

     Подгорица, 2026 жылғы 24 ақпан. Қазақстан Республикасының Черногориядағы Бас консулы Ғабиден Темірбек Черногориядағы Біріккен Ұлттар Ұйымының Даму бағдарламасының Тұрақты өкілі Екатерина Паникловамен кездесу өткізді. Кездесу барысында тараптар Қазақстан Республикасы мен БҰҰ Даму бағдарламасы арасындағы қазіргі және перспективалық ынтымақтастық мәселелерін, сондай-ақ БҰҰДБ-ның Черногориядағы қызметінің басым бағыттарын талқылады.Ақпарат көзі : https://www.gov.kz/memleket/entities/mfa-podgorica/press/news/details/1168548?lang=kk

Астана, 2026 жылғы 24 ақпан – Қазақстан Республикасы Сыртқы істер министрінің орынбасары Арман Исетов Италия Республикасының Елшісі Антонелло Де Риумен кездесті.Тараптар қазақ-итальян стратегиялық серіктестігін одан әрі нығайту мәселелерін талқылап, саяси диалогты дамытуға, сауда-экономикалық ынтымақтастықты кеңейтуге, сондай-ақ мәдени-гуманитарлық саладағы бірлескен жобаларды іске асыруға ерекше назар аударды.«Италия Қазақстанның Еуропадағы негізгі серіктестерінің бірі әрі экономикамыздағы жетекші инвестор болып қала береді. 2025 жылы екіжақты сауда көлемі шамамен 17 млрд АҚШ долларын құрады, бұл экономикалық ынтымақтастығымыздың тереңдігі мен тұрақтылығын айқын көрсетеді. Соңғы отыз жыл ішінде италиялық инвестициялар көлемі 9,5 млрд АҚШ долларынан асты. Қазіргі уақытта елімізде стратегиялық секторлардың кең ауқымында 267 италиялық компания жұмыс істейді», – деп атап өтті А.Исетов.Министрдің орынбасары сондай-ақ Антонелло Де Риуды қысқы Олимпиада ойындарының табысты өтуімен және Италия құрамасының жоғары нәтижелерімен құттықтады.«Ойындар ең жоғары деңгейде ұйымдастырылып, бүкіл әлемде олимпиадалық құндылықтарды ілгерілетуге елеулі үлес қосты», – деді А.Исетов.Сұхбаттастар өзара қызығушылық тудыратын бағыттар бойынша тығыз ынтымақтастықты жалғастыруға мүдделігін білдіріп, 2026 жылға арналған екіжақты іс-шаралар кестесін қарастырды.Кездесу қорытындысы бойынша дипломаттар Астана мен Рим арасындағы стратегиялық серіктестікті одан әрі тереңдетуге ниеттерін растады.Ақпарат көзі : https://www.gov.kz/memleket/entities/mfa/press/news/details/1168549?lang=kk

 Будапешт, 2025 жылғы 12 ақпан - Қазақстан Республикасының Мажарстандағы Елшісі Абзал Сапарбекұлы Мажарларды зерттеу институтының (https://mki.gov.hu/en/) директоры Габриэлла М. Лежак ханыммен кездесті.Сұхбат барысында, тарихи зерттеу саласында өзара тиімді ғылыми әріптестікті дамыту, ортақ ғылыми жобалар әзірлеу, бірлесе жас ғалымдар даярлау, оларды тағылымдамадан өткізу, сондай-ақ алдағы ынтымақтастық мүмкіндіктерін талқылады.Сонымен қатар, тараптар екі елдің қорларындағы тарихи, құнды деректер, қолжазбалар мен құжаттарды зерттеуде, сондай-ақ археология саласындағы екі жақты әріптестікті дамыту жолдарын талқылады.Ақпарат көзі : https://www.gov.kz/memleket/entities/mfa-budapest/press/news/details/1168556?lang=kk

Будапешт, 2026 жылғы 12 ақпан - Қазақстан Елшісі ауыл шаруашылығы жануарларының халықаралық саудасы және асыл тұқымды мал шаруашылығын дамыту саласында маманданған Hunland Group мажар компаниясының басшылығымен кездесу өткізді.Кездесу барысында тараптар Қазақстандағы асыл тұқымды мал шаруашылығы саласындағы ынтымақтастықты кеңейту перспективаларын талқылады. Малдың генетикалық әлеуетін жаңғырту, өнімділікті арттыру және етті-сүтті бағыттағы мал шаруашылығына озық технологияларды енгізу мәселелеріне ерекше назар аударылды.Қазақстан тарапы мал шаруашылығы елдің аграрлық секторын дамытудың басым бағыттарының бірі екенін атап өтті. Соңғы жылдары салада ет пен сүт өндірісінің ұлғаюы, сондай-ақ ауыл шаруашылығы жануарлары санының тұрақты өсуі байқалуда. Сонымен қатар, Қазақстанның 200 миллион гектардан астам ауыл шаруашылығы алқаптары, оның ішінде кең көлемді жайылымдық жерлері бар екені атап өтілді. Бұл ауқымды мал шаруашылығын өнеркәсіптік деңгейде дамытуға қолайлы жағдай жасайды.Кездесу аясында мажар әріптестерге агроөнеркәсіптік кешенді мемлекеттік қолдау шаралары туралы ақпарат ұсынылды. Атап айтқанда, асыл тұқымды мал басын сатып алуды субсидиялау тетіктері, мал шаруашылығы өнімін өндіруді қолдау құралдары, сондай-ақ жеңілдетілген несиелеу және лизингтік бағдарламалар талқыланды. Бұдан бөлек, ұлттық даму институттары арқылы инвестициялық жобаларды қаржылық сүйемелдеу мүмкіндіктері қарастырылды.Кездесу қорытындысы бойынша тараптар консультацияларды жалғастыру және өзара іс-қимылдың нақты бағыттарын пысықтау туралы уағдаласты. Қазақстан Елшілігі асыл тұқымды мал шаруашылығын дамытуға және Қазақстан мен Мажарстан арасындағы инвестициялық ынтымақтастықты нығайтуға бағытталған бірлескен бастамаларды іске асыруда жан-жақты қолдау көрсетуге дайын екенін растады.Ақпарат көзі : https://www.gov.kz/memleket/entities/mfa-budapest/press/news/details/1168561?lang=kk

2026 жылғы 20 ақпан. Қазақстан Республикасының Молдова Республикасындағы Елшілігінде Қазақстан Республикасының жаңа Конституциясы жобасы бойынша алдағы республикалық референдумға арналған брифинг өтті. Іс-шараға қазақстандық диаспора өкілдері, сондай-ақ Молдованың жоғары оқу орындарында білім алып жатқан студенттер қатысты.Кездесудің негізгі мақсаты азаматтарды жаңа Конституция жобасының мазмұны және оны әзірлеудің алғышарттары туралы жан-жақты әрі түсінікті түрде хабардар ету болды. Жаңа Негізгі заңды әзірлеу бастамасы Мемлекет басшысының өткен жылғы 8 қыркүйектегі Жолдауында жарияланғаны, осыдан кейін арнайы комиссия құрылғаны атап өтілді.Жаңартылған Конституцияның басты мақсаты – адам өмірін, оның құқықтары мен бостандықтарын ең жоғары құндылық ретінде тану қағидатын бекіту екені атап өтілді. Мемлекет азаматқа қызмет етуі тиіс, заң баршаға ортақ болуы керек, ал әрбір адам өз құқықтарын қорғаудың тиімді тетіктеріне ие болуы тиіс екені айтылды.Қатысушылар Қазақстанда жүргізіліп жатқан саяси және әлеуметтік-экономикалық реформалар туралы да хабардар етілді. Іс-шара барысында пікір алмасу өтіп, қатысушылардың ұсыныстары мен сұрақтары тыңдалды.Кездесу соңында қатысушыларға ағымдағы жылғы 15 наурызда өтетін республикалық референдумға белсенді қатысу ұсынылды.Ақпарат көзі : https://www.gov.kz/memleket/entities/mfa-kishinev/press/news/details/1168564?lang=kk

ҚР Ұлттық экономика министрлігі «Ашық НҚА» порталында жария талқылау үшін орналастырылған «Қазақстан Республикасының кейбір заңнамалық актілеріне Мемлекеттік мүлік мәселелері бойынша өзгерістер мен толықтырулар енгізу туралы» Заң жобасын ұсынды.Құжат мемлекеттік активтерді басқару жүйесін кешенді жаңғыртуды көздейді және Азаматтық кодекске, Бюджет кодексіне, «Мемлекеттік мүлік туралы» Заңға және басқа да бірқатар заңнамалық актілерге түзетулерді қамтиды.Мемлекеттік активтерді басқарудың бірыңғай жүйесін енгізуЖобамен мемлекеттік мүлікті басқарудың базалық қағидаттары бекітіледі: активтердің толық және шынайы есебін қамтамасыз ету, белгіленген өлшемдерге сәйкес оларды иелену, жекешелендіру, қайта ұйымдастыру және тарату арқылы бәсекелестік секторларға мемлекеттің қатысуын қысқарту, корпоративтік басқарудың қазіргі заманғы стандарттарын енгізу және есептіліктің ашық жүйесін қалыптастыру.Үкіметке Мемлекеттік активтерді басқарудың бірыңғай жүйесін бекіту бойынша өкілеттіктер беріледі.Стратегиялық объектілерді басқарудың жаңа тәсілдеріОбъектілерді стратегиялық объектілерге жатқызудың, сондай-ақ оларды республикалық және өңірлік маңызы бар объектілерге бөлудің нақты критерийлері енгізіледі. Салалық қорытындылар негізінде тиісті тізбелерді енгізудің және одан шығарудың ашық тәртібі белгіленеді.Стратегиялық объектілерге ауыртпалық салу немесе иеліктен шығару туралы шешім қабылдау кезінде жергілікті атқарушы органдардың өкілеттіктері кеңейтіледі.Мәміле жасалғаннан кейін мұндай объектілерге міндетті бес жылдық мониторинг енгізіледі.Мемлекеттік кәсіпорындарды реттеуді жетілдіруТиісті нарықта бәсекелестік болмаған немесе төмен болған кезде және тек монополияға қарсы органның келісімімен шаруашылық жүргізу құқығындағы кәсіпорындарды құру шарттары нақтыланады.Жедел басқару құқығында, атап айтқанда білім беру, жұмыспен қамту, мәдениет, спорт және арнаулы әлеуметтік қызметтер көрсету салаларындағы әлеуметтік міндеттерді шешу үшін кәсіпорындар құру жағдайлары қайта қаралды.ӘКК қызметін жүйелі реттеуЖоба әлеуметтік-кәсіпкерлік корпорациялардың (ӘКК) қызметін кешенді реттейтін жаңа тарауды енгізеді.Олардың мақсаттары, мәртебесі, жұмыс принциптері, функционалдығы, мүлікті қалыптастыру тәртібі және есептілікке қойылатын талаптар анықталады.Ашықтық, есептілік, жеке бизнеспен бәсекелестікке жол бермеу және мемлекет пен кәсіпкерлердің тең құқылы әріптестігі қағидаттары бекітіледі.ӘКК-ге инвестициялар тарту, инвесторларды "бір терезе" қағидаты бойынша сүйемелдеу, экспорттық әлеуетті қолдау бойынша функциялар беріледі.ӘКК-нің даму жоспарлары жаңа функционалға байланысты тиімділіктің негізгі көрсеткіштерін (KPI) қамтитын болады, сондай - ақ корпоративтік басқару күшейтіледі-инвестициялық құзыреттері бар Тәуелсіз директорларды енгізу және директорлар Кеңесі жанынан инвестициялық комитет құру көзделеді.Өтпелі ережелер жыл ішінде активтерді түгендеуді, бейінді емес және тиімсіз активтерді қайта құрылымдауды және одан шығуды, сондай-ақ ӘКК қызметін жаңа заңнамаға сәйкес келтіруді міндеттейді.Мемлекеттік мүлікті есепке алудың ашықтығын арттыруМемлекеттік мүлік тізіліміне енгізуге жататын мәліметтер тізбесі кеңейтіледі. Оған резидент компанийстерді қоса алғанда, холдингтік компаниялардың корпоративтік құрылымы туралы деректер енгізілетін болады.Ұсынылған өзгерістер квазимемлекеттік сектордың ашықтығын арттырады, активтерді басқаруды бақылауды күшейтеді және мемлекеттік меншікке жүйелі көзқарасты қамтамасыз етеді деп күтілуде.​​​«Қазақстан Республикасының кейбір заңнамалық актілеріне Мемлекеттік мүлік мәселелері бойынша өзгерістер мен толықтырулар енгізу туралы» Заң жобасына сілтеме.Құжат келесі сілтеме бойынша орналастырылған: https://legalacts.egov.kz/npa/view?id=15771240 Ақпарат көзі : https://www.gov.kz/memleket/entities/economy/press/news/details/1168565?lang=kk

Ташкент, 2026 жылғы 24 ақпан – Қазақстан Республикасының Өзбекстан Республикасындағы Төтенше және Өкілетті Елшісі Бейбіт Атамқұлов Өзбекстан Республикасы Цифрлық технологиялар министрлігі жанындағы Ғарыштық зерттеулер және технологиялар агенттігінің директоры Шухрат Қодировпен кездесу өткізді.Кездесу барысында ғарыш қызметі саласындағы өзара іс-қимылдың өзекті мәселелері және ғарыштық технологияларды әлеуметтік-экономикалық даму мүддесінде қолдану мәселелері қаралды. Екі елдің бейінді құрылымдары арасындағы институционалдық кооперацияның жоғары деңгейі атап өтілді. Оның нәтижелері заманауи басқарушылық және технологиялық шешімдерге енгізіліп, ғарыштық деректерді пайдалану тиімділігін арттыруға ықпал етуде.Ынтымақтастық ұлттық ғарыш инфрақұрылымын дамыту, цифрлық платформаларды енгізу және Жерді қашықтықтан зондтау деректерін ауыл шаруашылығы, экология, қала құрылысы және төтенше жағдайларды басқару салаларында практикалық қолдануды қамтиды.Елші Өзбекстан Республикасының ел тарихындағы алғашқы ғарышкерді даярлау жоспарларын оң бағалап, бұл қадамды ұлттық ғарыш бағдарламасын дамытудың стратегиялық кезеңі ретінде атап өтті. Пилотты ғарыш саласында бірегей тәжірибеге ие Қазақстан бұл бағытты құзыреттер алмасу және өзара іс-қимылды тереңдету үшін перспективалы сала ретінде қарастырады.Өңірлік бастамаларға бірлесіп қатысу мәселесіне ерекше назар аударылды. Түркі мемлекеттері ұйымына мүше елдермен бірлесіп CubeSat форматындағы шағын спутниктерді жасау жобасы аясындағы өзбек тарапының жұмысы атап өтілді, сондай-ақ ұқсас ғылыми-техникалық жобалар шеңберінде қазақстандық-өзбек кооперациясын кеңейту мүмкіндіктері талқыланды.Сонымен қатар, Орталық Азиядағы ғарыш саласында ғылыми-техникалық әлеуетті шоғырландыруға, бірлескен зерттеулерді іске асыруға және институционалдық өзара іс-қимылды дамытуға бағытталған өңірлік кооперациялық модельді қалыптастыру мәселесіне ерекше мән берілді.Кездесу қорытындысы бойынша тараптар ынтымақтастықты одан әрі дамытуға және тұрақты жұмыс байланыстарын қолдауға өзара мүдделілік білдірді.Ақпарат көзі : https://www.gov.kz/memleket/entities/mfa-tashkent/press/news/details/1168567?lang=kk

Рига, 2026 жылғы 24 ақпан – Елші Дәурен Кәріповтің болу еліндегі ең ірі конфессияның өкілі – Рига және Латвия Архиепископы (Латвия Евангелиялық-лютеран шіркеуі) Риналдс Грантспен кездесуі өтті.Д.Кәріпов сұхбаттасын Қазақстан-Латвия қатынастарының жәй-күйі мен даму перспективалары, сондай-ақ Қазақстанның бейбітшілік пен конфессияаралық келісім саласындағы саясаты туралы хабардар етті. Ол Қазақстан түрлі діндер мен конфессиялардың үйлесімді қатар өмір сүруіне негізделген бірегей моделінің арқасында жаһандық деңгейде де олардың арасындағы диалогты нығайтуға белсенді түрде ықпал етіп отырғанын атап өтті. Бұл үдерісте Қазақстанның бастамасымен құрылған Әлемдік және дәстүрлі діндер лидерлерінің Съезі және оның аясында қабылданған шешімдер мен құжаттар, соның ішінде «Астана бейбітшілік декларациясының» маңызды рөл атқаратынын да жеткізді.Архиепископ Р.Грантс жан-жақты ақпарат пен Қазақстанның конфессияаралық диалогты ілгерілетуге қосқан үлесі үшін алғыс білдірді. Ол Әлемдік және дәстүрлі діндер лидерлерінің Cъезін бейбітшілік, төзімділік және діндер арасындағы өзара құрмет құндылықтарын ілгерілететін маңызды халықаралық алаң ретінде жоғары бағалайтынын айтты.Ақпарат көзі : https://www.gov.kz/memleket/entities/mfa-riga/press/news/details/1168577?lang=kk