ЕНДІ ГАЗ ЕСЕПТЕУІШІНІҢ КӨРСЕТКІШТЕРІН EGOV MOBILE АРҚЫЛЫ ЖІБЕРУГЕ БОЛАДЫeGov Mobile мобильді қосымшасында газ есептегіш көрсеткіштерін онлайн түрде өз бетінше жолдауға мүмкіндік беретін жаңа QazaqGaz Aimaq сервисі іске қосылды. Сервис контролерді күтіп, қағаз құжат толтыру қажеттілігін жояды. Қосымша түрде жіберілген көрсеткіштердің дұрыстығын жасанды интеллект тексереді. Бұған дейін газ есептегіш көрсеткіштерін онлайн тек QazaqGaz Aimaq қосымшасы арқылы жолдауға болатын. Енді бұл мүмкіндік eGov Mobile ішінде қолжетімді, бөлек қосымша орнатудың қажеті жоқ. Сервис уақытты үнемдеуге және нақты көрсеткіштерге сүйене отырып газ төлемін дәлірек есептеуге мүмкіндік береді. Сервистің негізгі ерекшелігі – көрсеткіштерді жасанды интеллект арқылы автоматты тексеру. Жүйе есептегіштің фотосын енгізілген деректермен салыстырып, сәйкессіздіктерді жібермей тұрып анықтайды. Бұл қолмен енгізу кезіндегі дәлсіздіктерді болдырмайды, пайдаланушыны қате есептеулерден қорғайды және контролер тарапынан қосымша тексеру қажеттілігін азайтады. Көрсеткіштер ай сайын 25-інен келесі айдың 5-іне дейін қабылданады. Онлайн жолдау қолмен енгізу кезіндегі қателіктерді азайтады, газ тұтынуды дәлірек есепке алуға мүмкіндік береді және деректердің мемлекеттік цифрлық платформа арқылы қауіпсіз берілуін қамтамасыз етеді.Ақпарат көзі : https://www.gov.kz/memleket/entities/shymkent-energetika-kommunal/press/news/details/1252064?lang=ru

ҚҰРЫЛТАЙ Ақпарат көзі : https://www.gov.kz/memleket/entities/almobl/press/news/details/1251984?lang=ru

Бүгін аудан әкімі Жандос Еркінбектің төрағалығымен жаңа Конституцияның қолданысқа енгізілуіне орай аудан активінің отырысы өтті.Жиында Ата Заңның мемлекеттік басқару жүйесін жетілдірудегі маңызы және заң үстемдігін қамтамасыз етудегі рөлі талқыланды.Аудан басшысы:«Конституция – мемлекетіміздің құқықтық негізін айқындайтын, азаматтардың құқықтары мен бостандықтарына кепілдік беретін және мемлекеттік биліктің қызметін реттейтін басты құжат. Сондықтан оның жаңа редакцияда қолданысқа енгізілуі Қазақстанның саяси және құқықтық жаңғыруының жаңа кезеңін білдіреді. Алдағы уақытта ауданымызда Конституцияда белгіленген қағидаттарды басшылыққа ала отырып, әлеуметтік-экономикалық даму бағытындағы жұмыстар жүйелі түрде жалғасын табады. Инвестициялық жобаларды жүзеге асыру, кәсіпкерлікті қолдау, инженерлік және әлеуметтік инфрақұрылымды дамыту, ауылдық елді мекендердің әлеуетін күшейту, білім беру, денсаулық сақтау, мәдениет және спорт салаларының сапасын арттыру бағытындағы жұмыстар кезең-кезеңімен жүзеге асырылады. Жаңа саяси жағдайда мемлекеттік қызметшіге қойылатын талап та күшейе түседі. Әрбір қызметкер кәсібилікпен қатар адалдықты, жауапкершілікті, әділдікті және мемлекет мүддесіне қызмет етуді өзінің басты ұстанымы ретінде қабылдауы тиіс. Біздің басты мақсатымыз – тұрғындардың өмір сүру сапасын жақсарту, қоғамдық тұрақтылықты сақтау, заң үстемдігін қамтамасыз ету және ауданның тұрақты дамуына қол жеткізу»,- деп атап өтті.Күн тәртібіне сәйкес аудандық мәслихат төрағасы Әділ Қошалақов «Жаңа Конституция және жергілікті өкілді биліктің рөлі» тақырыбында баяндама жасап, жергілікті өкілді органдардың халық пен билік арасындағы байланысты нығайтудағы жауапкершілігіне тоқталды.Сондай-ақ аудан прокуроры Нұрбек Қаратаев «Жаңа Конституция – заң үстемдігі мен құқықтық тәртіптің берік кепілі» тақырыбында сөз сөйлесе, аудандық әйелдер кеңесінің төрайымы Күлжауһар Раева «Жаңа Конституция – тең құқық пен әділетті қоғамның кепілі» тақырыбындағы баяндамасында азаматтардың құқықтарын қорғау қағидаттары қоғамның тұрақты дамуына негіз болатынын атап өтті.Жиын барысында аудандық қоғамдық кеңесінің төрағасы Әбдірахман Құлдүйсенов пен «Ұлт бірлігі Қармақшы» қоғамдық бірлестігінің төрағасы Шегебай Құндақбаев пікір білдіріп, реформалардың елдің дамуы мен қоғамдық келісімді нығайтудағы маңызына тоқталды.-Баршамыз Мемлекет басшысы айқындаған стратегиялық басымдықтарды басшылыққа ала отырып, жаңа Конституцияның талаптарын сапалы жүзеге асыруға, ауданымыздың дамуына, тұрғындардың әл-ауқатының артуына және еліміздің өсіп-өркендеуіне өз үлесімізді қосамыз деп сенемін! Жаңа Конституциямыз тұғырлы, Тәуелсіз Қазақстанымыздың жаңа даму кезеңі құтты болсын,- деп аудан басшысы жиынды қорытындылады.Ақпарат көзі : https://www.gov.kz/memleket/entities/kyzylorda-karmakshy/press/news/details/1251974?lang=ru

Бүгін аудан әкімі Жандос Еркінбектің төрағалығымен кезекті аппарат мәжілісі өтті.Жиын барысында елді мекендердің санитарлық тазалығын қамтамасыз ету, Конго-Қырым геморрагиялық қызбасының алдын алу бағытында атқарылып жатқан жұмыстар, ауыл шаруашылығы саласындағы егістік алқаптары және білім саласында Ұлттық бірыңғай тестілеуді сапалы қорытындылау мәселелері талқыланды.Жиында Жандос Еркінбек әрбір сала бойынша тиісті тапсырмаларын берді. Әсіресе, кәсіпкерлік нысандардың қасбеті мен ғимараттардың тазалығы, Конго-Қырым геморрагиялық қызбасының алдын алу шараларын күшейту, сондай-ақ жазғы кезеңде балалардың қауіпсіздігін қамтамасыз ету мәселелеріне баса назар аударды.Сонымен қатар аудан басшысы жұмыстардың орындалуын жеке қадағалайтынын жеткізіп:-Әрбір сала бойынша берілген тапсырмалар уақытылы әрі сапалы орындалуы қажет. Нәтиже бірінші кезекте халыққа қызмет ету сапасынан көрінуі тиіс. Тапсырмалардың орындалу барысы тұрақты түрде менің жеке бақылауымда болады, – деп жиынды қорытындылады.Ақпарат көзі : https://www.gov.kz/memleket/entities/kyzylorda-karmakshy/press/news/details/1251975?lang=ru

Әкімшілік құқық бұзушылық жасаған тұлғаларға рақымшылық жасау басталды.Заңда белгіленген ӘҚБтК-нің баптарының тізбесі бойынша әкімшілік құқық бұзушылық жасаған тұлғалар, осы Заңның 8-бабында көрсетілгендерді қоспағанда, ӘҚБтК-нің Заңда аталған баптары бойынша ғана әкімшілік жазадан босатуға құқылы.Қазақстан Республикасының азаматтары болып табылатын жеке тұлғалар, кәсіпкерлік субъектілері (Қазақстан Республикасында дара кәсiпкер ретiнде тiркелген), жеке нотариустар, жеке сот орындаушылар, адвокаттар, заң консультанттары осы Заң күшiне енген күннен бастап әкiмшiлiк айыппұл түрiндегi әкiмшiлiк жазадан, не оның орындалмаған бөлiгiнен босатылады. Атқарушылық іс жүргізу «Атқарушылық іс жүргізу және сот орындаушыларының мәртебесі туралы» Заңына сәйкес тоқтатылады.Айыппұл салу туралы қаулылардың орындалуын, егер мұндай істерді осы баптың 1-тармағында көрсетілген мемлекеттік кірістер органдары қараған болса (осы Заңның 8-бабында көрсетілгендерді қоспағанда) мемлекеттік кірістер органдары тоқтатады. Заң басқармасы Ақпарат көзі : https://www.gov.kz/memleket/entities/kgd-zhetysu/press/news/details/1251959?lang=ru

Қазақстан Республикасының Дипломатиялық қызмет күнімен құттықтаймыз!Еліміздің халықаралық беделін нығайтып, өзара түсіністік пен ынтымақтастықты дамыту жолындағы еңбектеріңізге алғыс білдіреміз.Сіздерге кәсіби табыс, жаңа жетістіктер және ел игілігі жолындағы қызметтеріңізге толағай табыс тілейміз!Ақпарат көзі : https://www.gov.kz/memleket/entities/kazaid/press/news/details/1251935?lang=ru

2 шілдеде Қазақстанда Әскери-әуе күштері күні атап өтіледі. Бұл – әскери ұшқыштардың, инженерлердің, авиация саласы мамандарының және еліміздің әуе кеңістігін қорғауды қамтамасыз ететін барлық қызметкерлердің кәсіби мерекесі.Аталған мереке 1998 жылғы 2 шілдеде Қазақстан Республикасы Қарулы күштері Әуе қорғанысы күштерінің құрамында Әскери-әуе күштерінің құрылуына орай белгіленген.Әскери-әуе күштерінің негізгі міндеті – мемлекеттің әуе кеңістігін қорғау, әуе қарсыласын жою және маңызды бағыттарды, аудандар мен стратегиялық нысандарды әуеден жасалатын соққылардан қорғау.Өзінің даму жылдарында Әскери-әуе күштері еліміздің әскери қауіпсіздігін қамтамасыз ету жөніндегі кең ауқымды міндеттерді тиімді орындай алатын, жоғары ұтқыр әрі заманауи техникамен жарақтандырылған әскер түріне айналды.Әскери-әуе күштерінің құрамында Су-30СМ және Су-27 көпфункциялы жойғыш ұшақтары, L-39 оқу-жауынгерлік ұшақтары, Ми-171Ш және Ми-35М әскери-көліктік әрі соққы беретін тікұшақтары, ұшқышсыз ұшу аппараттары, сондай-ақ С-295, А-400 және L-410 әскери-көліктік авиация ұшақтары бар.Әскери-көліктік авиация ұшақтары арнайы міндеттерді орындауда белсенді қолданылады. А-400 ұшағы пайдалануға берілген уақыттан бері 500 тоннадан астам түрлі жүк тасымалдады. Оның ішінде Ауғанстанға жіберілген гуманитарлық көмек те бар. Сонымен қатар БҰҰ-ның бітімгерлік миссиясына қатысқан ұлттық контингенттің жеке құрамын тасымалдау жұмысы да қамтамасыз етілді.Әскери-әуе күштерінде жауынгерлік даярлық жүйесі қазіргі заманғы талаптар мен қарулы күрес сипатының өзгерістерін ескере отырып, үнемі жетілдіріліп келеді. Әскери қызметшілер жаңартылған бағдарламалар бойынша даярлықтан өтеді. Халықаралық және түрлі әскер түрлерінің қатысуымен өткізілетін оқу-жаттығулар авиациялық бөлімшелердің Қарулы күштердің өзге де әскер түрлерімен өзара іс-қимылын жетілдіруге ықпал етеді.Әскери ұшқыштардың, инженерлік-техникалық құрамның, тылдық және байланыс қамтамасыз ету мамандарының, сондай-ақ авиациялық бөлімдердің азаматтық құрамының күнделікті қызметі Әскери-әуе күштерінің жоғары жауынгерлік әзірлігін сақтауға және Қазақстан Республикасының қорғаныс қабілетін нығайтуға елеулі үлес қосып келеді.Ақпарат көзі : https://www.gov.kz/memleket/entities/mod/press/news/details/1251921?lang=ru

Облыс әкімі Мұрат Ергешбаевтың төрағалығымен Жаңақорған ауданында әлеуметтік-экономикалық көрсеткіштерге, кадрлық өзгерістерге байланысты актив отырысы өтті.Аймақ басшысы Жаңақорған ауданының әкімі қызметін атқарған Самитов Мажит Самитұлына қажырлы еңбегі үшін облыстың ең жоғары марапаты – Қызылорда облысының Құрмет грамотасын және «Қызылорда облысының дамуына қосқан үлесі үшін» медалін табыстады.Ауданның жаңа әкімі Жарқынбек Ғалымжан Жарқынбекұлын таныстырды. Жаңадан тағайындалған аудан әкіміне инвестиция тарту, салық базасын кеңейту, жаңа жұмыс орындарын ашу, кәсіпкерлікті дамыту жобаларын іске асыру және қоғамдық-саяси тұрақтылықты қамтамасыз ету бойынша нақты әрі нәтижелі жұмыс жүргізуді тапсырды.Жаңақорған ауыл шаруашылығы өнімдерін өндіретін үздік аудандардың бірі саналады. Сондықтан аграрлық әлеуетті тиімді пайдалану, өндіріс көлемін ұлғайту және саланың бәсекеге қабілеттілігін арттыру басты міндеттердің бірі болуы тиіс.Кейінгі жылдардағы су тапшылығын ескере отырып, егіс алқаптарын әртараптандыру, суды аз қажет ететін дақылдар үлесін арттыру және шаруашылықтарға ылғал үнемдейтін озық технологияларды енгізуді жүйелі ұйымдастыру қажет.Экономиканың маңызды саласы – туризм. Жаңақорған жерінің табиғи ерекшеліктері, тарихи-мәдени мұралары туристік әлеуетті арттыруға мол мүмкіндік ұсынып отыр. Бұл жаңа жұмыс орындарының ашылуына, шағын және орта бизнестің өркендеуіне, аудан экономикасының дамуына оң ықпал етеді.Ауданның жаңадан тағайындалған басшысына барлық ресурсты пайдаланып, жаңа жобаларды сапалы жүзеге асыру тапсырылды.Ғалымжан Жарқынбекұлы 1978 жылы Жаңақорған ауданында дүниеге келген. Қазақ мемлекеттік аграрлық университетін «Агрономия» мамандығы бойынша тәмамдаған.Еңбек жолын «Казагрэкс» мемлекеттік кәсіпорнында бас маман ретінде бастап, ауыл шаруашылығы саласында түрлі жауапты қызметтер атқарған.2009-2021 жылдары облыстық аумақтық инспекциясының бөлім басшысы, Қызылорда қалалық ауыл шаруашылығы және ветеринария бөлімінің басшысы, Жаңақорған ауданы әкімінің орынбасары болды.2021 жылдың қаңтар айынан осы күнге дейін Жаңақорған аудандық мәслихатының төрағасы қызметін абыроймен атқарып келді.Ақпарат көзі : https://www.gov.kz/memleket/entities/kyzylorda/press/news/details/1251928?lang=ru

ҚР ІІМ Ұлттық ұланында «BOOKGUARD» әдеби челленджі жалғасуда. Жыл басынан бері жоба қатысушылары төрт мыңнан астам кітап оқыды. Ең белсенді оқырмандардың қатарында мерзімді қызмет әскери қызметшілері бар. Олар екі мыңнан астам шығарманы оқып шыққан. Сонымен қатар челленджге келісімшарт бойынша әскери қызметшілер мен офицерлер де белсенді қатысуда.Челлендж қатысушыларының бірі елордалық 5573 әскери бөлімінің сарбазы Жасұлан Нұржанұлы. Мерзімді қызметке Шымкент қаласынан шақыртылған 19 жастағы ұландықтың кітап оқуға деген қызығушылығы бала кезінен қалыптасқан. Ол жас жауынгерлерге арналған дайындық курсынан өту барысында-ақ екі кітап оқып үлгерген.Бүгінде сарбаз Шыңғыс Айтматовтың «Ғасырдан да ұзақ күн» романын оқып жүр. Оның айтуынша, шығармадағы басты кейіпкердің тағдыры әрбір әскери қызметшіге қажетті табандылықтың және жауапкершіліктің маңызын тереңірек түсінуге көмектеседі.Жасұлан оқыған кітаптардың ішінде Бауыржан Момышұлының «Ұшқан ұя» повесі ерекше орын алады. Болашақ қолбасшының балалық шағы туралы баяндайтын шығарма Отан қорғаушыға тұлғаның қалыптасуындағы отбасы тәрбиесінің құндылығын ұғынуға мүмкіндік берген.Жасұлан болашақта жоғары білім алу үшін «Сарбаз 2.0» бағдарламасына қатысуды жоспарлап отыр. Сондықтан ол бос уақытын тиімді пайдаланып, әскери қызметті өзін-өзі дамыту және кітап оқумен ұштастыруға тырысады.Еске сала кетейік, осы жылдың 6 сәуірінде «BOOKGUARD» әдеби челленджі Ұлттық ұланның Түркістан қаласындағы 5574 әскери бөлімінде бастау алып, кейіннен еліміздің барлық өңіріндегі құқықтық тәртіп әскерлерінің бөлімдерін қамтыды. Жоба әскери қызметшілер арасында оқу мәдениетін дамытуға және өзін-өзі жетілдіруге деген қызығушылықты арттыруға бағытталған. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1251908?lang=ru

ҚР Премьер-Министрінің орынбасары-ұлттық экономика министрі Серік Жұманғарин «01.AI» компаниясының бас директоры Кай-Фу Лимен кездесті. Тараптар макроэкономикалық болжау және мемлекеттік аппараттың тиімділігін арттыру үшін ЖИ пайдалану перспективасын талқылады.Серік Жұманғарин дәстүрлі тәсілдерді қолдану кезінде сыртқы факторлардың тым құбылмалылығы есептеуді қиындататынын атап өтті.  «Біз үшін болжамдаудың сапалы болуы және экономикалық жағдайдың өзгеруін ертерек анықтау өте маңызды. Стандартты болжамдар әрқашан нарыққа сәйкес келе бермейді. Егер бұрын талдама бір айға немесе бір жылға жасалса, бүгінде икемді бағалау күнделікті қажет. Бізге кешенді сценарийлік талдау үшін бірыңғай зияткерлік модель керек»,-деді вице-премьер.Кездесуде сөз сөйлеген «01.AI» компаниясының басшысы Кай-Фу Лидің айтуынша, жасанды интеллект бұрын-соңды болмаған қарқынмен дамуда. Жыл санап ол анағұрлым мықты әрі қолжетімді бола түсуде. Оның айтуынша, жасанды интеллект адамға көп уақытты қажет ететін тапсырмаларды бірнеше минут ішінде орындай алады.Ол мемлекеттік органдар үшін жасанды интеллектті күнделікті процестерді автоматтандыру үшін ғана емес, сонымен қатар стратегиялық шешімдерді қолдау құралы ретінде пайдалану маңызды екенін атап өтті. Кай-Фу Лидің пікірінше, ЖИ технологиялары экономикалық дамуды болжауға, әртүрлі сценарийлерді модельдеуге, мемлекеттік басқарудың тиімділігін арттыруға, тәуекелдерді азайтуға және шешім қабылдау процесін жақсартуға көмектеседі.Ол мемлекеттік органдардың басшылығы деңгейінде жасанды интеллектті енгізу қажеттілігіне ерекше назар аударды. Өйткені дәл осы тәсіл технологияның әлеуетін барынша ашуға мүмкіндік береді.  Кай-Фу Ли сонымен қатар ЖИ-дің кең таралуы әлемдік экономикаға айтарлықтай әсер ететінін, экономикалық өсуді жеделдетіп, еңбек нарығын, білім беру жүйесін және мемлекеттік саясатты бейімдеуді талап ететінін атап өтті. Осыған байланысты ол Қазақстанның жасанды интеллект пен цифрлық технологияларды дамытуға көңіл бөлетінін жоғары бағаладыКездесу барысында Ұлттық экономика министрлігі үшін цифрлық шешімдер ұсынылды. Олардың ішінде 27 мемлекеттік органның деректері негізінде тәуекелдерді автоматты түрде бағалайтын және тексерулер тізімін қалыптастыратын бизнесті тексеруді автоматтандыру жүйесі, сондай-ақ нақты уақыт режимінде негізгі макроэкономикалық факторлардың экономикаға әсерін талдайтын экономикалық өсуді болжау платформасы бар.Кездесу қорытындысы бойынша тараптар Қазақстанның экономикалық саясатының болжамдылығы мен тұрақтылығын қамтамасыз ету үшін жасанды интеллект алгоритмдерін дамыту бойынша бірлескен жұмысты жалғастыруға келісті.Ақпарат көзі : https://www.gov.kz/memleket/entities/economy/press/news/details/1251910?lang=ru

Брюссель, 2026 жылғы 1 шілде – Бельгия Корольдігіндегі Қазақстан Республикасы Елшілігінде «Shanyraq Dialogue» пікірталас алаңы аясында Қазақстан Республикасының жаңа Конституциясының күшіне енуіне арналған «дөңгелек үстел» өтті.Қазақстан Республикасының Бельгия Корольдігіндегі Елшісі Роман Василенко кіріспе сөзінде жаңа Конституцияның күшіне енуі елдің саяси жаңғыруының жаңа кезеңінің басталғанын білдіретін тарихи оқиға екенін атап өтті. Сонымен қатар ол Қазақстан Президенті Қасым-Жомарт Тоқаевтың Брюссельге ресми сапарының осы маңызды оқиғаның қарсаңында өтуі Қазақстандағы ішкі реформалар мен Еуропалық Одақпен стратегиялық әріптестіктің қатар дамып келе жатқанын айқын көрсететінін айтты.Елші жаңа Конституция Қазақстандағы демократиялық институттар мен заң үстемдігін одан әрі нығайтуға, сондай-ақ Қазақстан мен Еуропалық Одақ арасындағы ынтымақтастықты кеңейтуге берік негіз қалайтынын атап өтті.Іс-шараның негізгі спикері ретінде Қазақстан Республикасы Президентінің жанындағы Қазақстандық стратегиялық зерттеулер институтының директоры Жандос Шаймарданов сөз сөйлеп, елдің жаңа конституциялық даму үлгісіне сараптамалық шолу жасады.Ол Конституцияның күшіне енуі Қазақстанның саяси-құқықтық дамуының жаңа кезеңін білдіретінін атап өтті. Оның айтуынша, жаңартылған Ата Заң кең қоғамдық диалогтың нәтижесінде қабылданып, мемлекеттік басқару жүйесінің жаңа құрылымын ғана емес, сонымен қатар адамның құқықтары, бостандықтары мен қадір-қасиетін басты құндылық ретінде айқындайтын заманауи конституциялық қағидаттарды бекітеді.Сондай-ақ Конституциялық жаңашылдықтарды іс жүзінде іске асыру, заңнаманы одан әрі жетілдіру және жүргізіліп жатқан реформалардың орнықтылығын қамтамасыз ету мәселелеріне ерекше назар аударылды.Ж. Шаймарданов Конституцияның мемлекеттің азаматтар алдындағы жауапкершілігін күшейтетінін, әділеттілік, заң үстемдігі және қоғамдық келісім қағидаттарын бекітетінін, сондай-ақ адами капиталға, білім мен инновацияларға және цифрлық трансформацияға негізделген жаңа даму моделіне көшуді айқындайтынын атап өтті.Іс-шара барысында қатысушылар конституциялық реформаларды іске асыру, Қазақстанның саяси жаңғыруының келешегі және Қазақстан мен Еуропалық одақ арасындағы ынтымақтастықты одан әрі дамыту мәселелері бойынша мазмұнды пікір алмасты.Атап айтқанда, Еуропалық одақтың Орталық Азия жөніндегі арнайы өкілі Эдуардс Стипрайс Қазақстанда жүргізіліп жатқан институционалдық реформаларды дәйекті түрде жүзеге асырудың маңыздылығын атап өтті. Өз кезегінде Еуропалық сыртқы әрекет қызметінің Орталық Азия басқармасының басшысы Дитмар Крисслер Мемлекет басшысының Брюссельге ресми сапары барысында мәлімделгендей, Еуропалық одақ Қазақстандағы саяси трансформация күн тәртібін қолдайтынын жеткізді.Іс-шара қорытындысы бойынша қатысушылар «Shanyraq Dialogue» алаңы Қазақстан мен еуропалық әріптестер арасында елдің ішкі дамуы мен халықаралық ынтымақтастықтың өзекті мәселелері бойынша ашық әрі сындарлы сарапшылық диалогты дамытуға ықпал ететін тиімді алаң болып қала беретінін атап өтті.Ақпарат көзі : https://www.gov.kz/memleket/entities/mfa-brussels/press/news/details/1251879?lang=ru

 Көктемгі шақыру науқаны аясында Қазақстанның Қарулы күштеріне, басқа да әскерлері мен әскери құралымдарына 18 бен 27 жас аралығындағы 21 мыңнан астам азамат шақырылды.Олардың ішінде 11 мыңнан астамы Қарулы күштердің қатарында мерзімді әскери қызметін өтейтін болса, 7 мыңнан астамы – ІІМ Ұлттық ұланына, 2 мыңға жуығы – Ұлттық қауіпсіздік комитетінің Шекара қызметіне, 400-ге тарта – Төтенше жағдайлар министрлігіне, ал 300 азамат – Мемлекеттік күзет қызметіне жіберілді.Әскери қызметке шақыру туралы хабарламалар азаматтарға SMS-хабарлама және eGov порталындағы жеке кабинеті арқылы жолданды. Әскерге шақыруды кейінге қалдыру және одан босату рәсімдері автоматты түрде іске асырылды.Шақыру науқаны барысында Қорғаныс министрлігінің Ұйымдастыру-жұмылдыру жұмыстары департаменті жергілікті әскери басқару органдарымен бірлесіп, азаматтарды әскерге шақыру мәселелері бойынша жан-жақты ақпараттандыру жұмыстарын жүргізді. «Қауырт желі» телефондары, азаматтарды жеке қабылдау және ақпараттық-түсіндіру кездесулері барысында шақырылушылар мен олардың ата-аналары өздерін қызықтырған барлық сұрақтарға толыққанды жауап алды.Жергілікті атқарушы органдар шақыру іс-шараларын ұйымдастыруды және өткізуді, шақыру және медициналық комиссиялардың жұмысын қамтамасыз етіп, олардың тиімді қызметі үшін қажетті жағдай жасады.Бүгінде Қарулы күштер қатарындағы қызмет жас азаматтарға еңбек нарығында сұранысқа ие жұмысшы мамандығын меңгеруге мүмкіндік беретінін айта кеткен жөн. Әскери қызмет кезінде банктер мен қаржы ұйымдары алдында міндеттемелері бар сарбаздарға несиелік демалыс беріледі. Ал әскери қызметін аяқтағаннан кейін жауынгерлік даярлықта үздік нәтиже көрсеткендер жоғары оқу орындарына мемлекеттік білім гранты негізінде түсе алады. Қалғандары ҰБТ тапсырмай-ақ ақылы бөлімге қабылдану мүмкіндігіне ие болады.Ақпарат көзі : https://www.gov.kz/memleket/entities/mod/press/news/details/1251881?lang=ru

Женева, 2026 жылғы 30 маусым – Қазақстан Республикасының БҰҰ-ның Женевадағы бөлімшесі мен басқа да халықаралық ұйымдар жанындағы Тұрақты өкілдігі БҰҰ-ның Женевадағы бөлімшесімен бірлесіп, Ұлттар Сарайында «Бұл әйелдің ісі емес пе? Елдердің, қоғамдар мен қауымдастықтардың әйел көшбасшылары» атты халықаралық фотокөрменің ашылуын ұйымдастырды.Экспозиция мемлекеттердің, қоғамдардың және жергілікті қауымдастықтардың дамуына өз еңбегі мен көшбасшылығы арқылы елеулі үлес қосып жүрген әйелдердің фотосуреттері мен өмірлік оқиғаларын біріктіреді. Жоба көшбасшылықтың гендерлік шекарасы жоқ екенін, ал әйелдердің шешім қабылдау үдерістеріне, дипломатияға, мемлекеттік басқаруға, бизнеске, ғылымға, мәдениетке және азаматтық қоғамға толыққанды қатысуы орнықты, әділетті әрі инклюзивті қоғам құрудың маңызды шарты екенін көрсетуге бағытталған.Биылғы жылы көрме халықаралық қоғамдастықтың кең қолдауына ие болды. 45-тен астам Тұрақты өкілдік әйелдердің қоғамдық және саяси өмірдегі, бейбітшілік орнатудағы, гуманитарлық қызметтегі, білім беру, мәдениет және жергілікті басқару салаларындағы рөлі туралы баяндайтын фотоматериалдарын ұсынды.Қазақстандық тарап ашылу салтанатында бұл көрме фотосуреттер мен жеке оқиғалар арқылы әйелдердің мемлекеттердің, қоғамдардың және жергілікті қауымдастықтардың болашағын қалыптастырудағы айрықша рөлін тағы бір мәрте айқындайтынын атап өтті. Сонымен қатар әйел көшбасшыларға деген құрмет Қазақстанның тарихи және мәдени мұрасында терең тамыр жайғаны айтылды. Мұның жарқын көрінісі – даналығы, батылдығы және мемлекет басқарудағы көшбасшылық қасиеттерімен бүгінгі ұрпаққа шабыт беріп келе жатқан аңызға айналған Томирис патшайым.Сондай-ақ Қазақстанда жүргізіліп жатқан және жаңартылған Конституцияда бекітілген саяси әрі институционалдық реформаларға, әйелдердің қоғамдық өмірге қатысуын кеңеюіне, олардың құқықтарын қорғау тетіктерін нығайтуға, сондай-ақ гендерлік теңдік пен тең мүмкіндіктер қағидаттарын ілгерілетуге бағытталған мемлекеттің дәйекті шараларына ерекше назар аударылды.Ашылу рәсіміне дипломатиялық миссиялардың басшылары, халықаралық ұйымдардың жетекшілері, азаматтық қоғам мен бұқаралық ақпарат құралдарының өкілдері қатысты. Қатысушылар көрменің әйел көшбасшылардың жетістіктерін мойындауға, озық тәжірибе алмасуға, гендерлік теңдік қағидаттарын ілгерілетуге және әйелдердің шешім қабылдау үдерістеріне қатысу рөлін кеңейтуге арналған халықаралық алаң ретіндегі маңызын атап өтті.Ақпарат көзі : https://www.gov.kz/memleket/entities/mfa-geneva/press/news/details/1251872?lang=ru

Ашхабад, 2026 жылғы 1 шілде – Түрікменстанға ресми сапары аясында Қазақстан Республикасы Сыртқы істер министрі Ермек Көшербаевты Президент Сердар Бердімұхамедов қабылдады.Кездесу барысында ҚР СІМ басшысы Қазақстан Республикасының Президенті Қасым-Жомарт Тоқаевтың жылы лебізі мен ізгі тілектерін жеткізді.Е.Көшербаев Астанада тату көршілік, өзара құрмет және стратегиялық серіктестік рухында дамып келе жатқан қазақ-түрікмен ынтымақтастығына ерекше мән берілетінін атап өтті.Өз кезегінде С.Бердімұхамедов екі мемлекет арасындағы ынтымақтастықтың оң серпінмен дамып келе жатқанын қанағаттанушылықпен атап өтіп, Қазақстан мен Түрікменстан арасындағы стратегиялық серіктестікті одан әрі тереңдетудің маңыздылығына тоқталды.Қазақстанның Сыртқы істер министрі биік және жоғары деңгейлерде қол жеткізілген уағдаластықтардың іске асырылу барысы туралы ақпарат берді.Кездесу барысында тараптар өңірлік және халықаралық күн тәртібінің өзекті мәселелерін де талқылады. Көпжақты форматтар аясындағы екі елдің өзара іс-қимылының жоғары деңгейі аталып өтіп, сондай-ақ Орталық Азиядағы бейбітшілік пен тұрақтылықты нығайту мақсатындағы өңірлік ынтымақтастықты одан әрі дамыту маңызды екені айтылды.Кездесудің маңызды қорытындыларының бірі – XXI ғасырда Орталық Азияны дамыту мақсатындағы Достық, тату көршілік және ынтымақтастық туралы шартқа қол қойылуы болды. Бұл тарихи қадам өңірлік ынтымақтастық пен орнықты дамудың жаңа кезеңіне жол ашты.Ақпарат көзі : https://www.gov.kz/memleket/entities/mfa/press/news/details/1251864?lang=ru

Бразилиа қ, 2026 жылғы 1 шілде - Қазақстанның Бразилиядағы Елшісі Болат Нүсіпов Бразилияның Сыртқы сауда, өнеркәсіп және қызметтер министрінің орынбасары Татьяна Празереспен кездесу өткізді.Қазақстандық дипломат сұхбаттасын соңғы саяси реформалар аясында Қазақстанның қазіргі даму барысымен, елдегі қолайлы инвестициялық ахуалмен, сондай-ақ шетелдік инвестицияларды мемлекеттік қолдау шараларымен таныстырды.Тараптар, 2021 жылы құрылған «Бразилия–Қазақстан» Іскерлік кеңесінің қызметін, Бразилияның Сыртқы істер министрі Мауро Виейраның ағымдағы жылдың мамыр айында Астанаға жасаған сапарының нәтижелерін жоғары бағалап, екіжақты тауар айналымын 1 млрд АҚШ долларына дейін жеткізуге бірлесе күш салуға келісті.Қазақстан тарапы екі мемлекет арасындағы сауда-экономикалық ынтымақтастықты жандандырудың және тауар номенклатурасын әртараптандыру арқылы экспорт пен импортты ілгерілетуге бағытталған мемлекеттік қолдау шараларын қабылдаудың маңыздылығын атап өтті.Сонымен қатар, сауда саласындағы екіжақты ынтымақтастыққа қосымша серпін беру мақсатында, қолданыстағы Үкіметаралық комиссия (ҮАК) аясында екі елдің сауда министрліктері деңгейінде ведомствоаралық жұмыс тобын құру мүмкіндігі қарастырылды.Ақпарат көзі : https://www.gov.kz/memleket/entities/mfa-brazil/press/news/details/1251865?lang=ru

Премьер-министрдің орынбасары – ұлттық экономика министрі Серік Жұманғарин Ислам даму банкінің президенті доктор Мұхаммед әл-Джассермен кездесу өткізді.Серік Жұманғарин ИДБ басшысының Қазақстанмен әріптестікті дамытуға қосқан жеке үлесін атап өтіп, сапар еліміз бен Ислам Даму Банкі арасындағы ынтымақтастықтың стратегиялық сипатын растайтынын атап өтті.«Соңғы үш жылда біздің қаржылық өзара іс-қимылымыз сапалы жаңа деңгейге көтерілді. 2024 жылы инвестиция көлемі $1,1 млрд су шаруашылығы инфрақұрылымы объектілерін салу мен жөндеудің ауқымды бағдарламасын іске асыру басталды. Биылғы ақпаннан бастап біз арнайы экономикалық және индустриялық аймақтардың инфрақұрылымын дамытуға $1,3 млрд тарту туралы Негіздемелік келісімді іске асыруға кірістік. Сонымен қатар «Қызылорда – Сексеуіл» және «Қызылорда қаласының айналма жолы» көлік жобаларын қаржыландыру мәселесі пысықталуда», — деп атап өтті вице-премьер.Қазіргі уақытта Ислам даму банкімен бірлесіп, 2027-2032 жылдарға арналған әріптестіктің жаңа стратегиясы әзірленуде. Ол Қазақстанмен одан арғы ынтымақтастығының басым бағыттарын айқындайды.ИДБ президенті Мұхаммед әл-Джассер өзара іс-қимыл әлеуеті қазірдің өзінде іске асырылып жатқан жобаларға қарағанда әлдеқайда кең екенін атап өтті.«Біздің мамандар арасындағы бірлескен жұмыс жылдарында жобалар портфелін кеңейтуге мүмкіндік беретін тиімді өзара іс-қимыл құрылды. Ислам Даму Банкі қатысушы елдердің алдында тұрған көптеген мәселе бойынша шешім іздеуде айтарлықтай икемді. Бұл ретте біз жобаларды дайындау және іске асыру үшін мемлекеттердің ішкі жүйелерін пайдалана отырып, ұлттық мүмкіндіктерді дамытуға ерекше назар аударамыз. Егер ел жобаларды негізінен өз күштерімен жүзеге асыра алса, бұл оның институттарының жетілгендігін және орнықты дамуын көрсетеді. Қазақстанмен бірге біз одан да көп нәрсе жасай алатынымызға сенімдімін», — деді ол.Доктор әл-Джассер сонымен қатар Ислам Даму Банкі тек қаржы институты ғана емес, сонымен қатар «бір терезе» қағидаты бойынша жұмыс істейтін интеграцияланған топ екенін атап өтті. Мамандандырылған құрылымдармен топ ұзақ мерзімді жобалық қаржыландыруды, сақтандыруды және сауданы қаржыландыру құралдарын біріктіре отырып, жобаларға жан-жақты қолдау көрсетеді.Кездесу барысында Серік Жұманғарин ИДБ-ның Астанада қосымша кеңсесін ашу мүмкіндігін қарастыруды ұсынды. Оның айтуынша, Алматыда жұмыс істеп тұрған өңірлік хаб өз функцияларын табысты орындауда. Алайда ынтымақтастықты едәуір кеңейту орталық мемлекеттік органдармен, оның ішінде исламдық қаржыландыру тетіктерін дамыту мәселелері бойынша тығыз өзара іс-қимылды талап етеді.«Ислам Даму Банкінің бай сараптамасы бізге инфрақұрылымды дамытуға, азық-түлік қауіпсіздігін арттыруға, су және басқа да табиғи ресурстарды тиімді басқаруға, сондай-ақ заманауи және «жасыл технологияларды» енгізуге арналған жобаларды одан әрі бірлесіп іске асыруға мүмкіндік береді деп сенеміз», — деп атап өтті вице-премьер.Кездесу соңында арнайы экономикалық және индустриялық аймақтардың инфрақұрылымын дамыту бойынша Форвардтық лизинг туралы келісімнің қол қойылған даналарымен алмасу өтті.Анықтама: Қазақстан 1995 жылдан бері Ислам Даму Банкінің мүшесі. 1997 жылы ашылған Алматыдағы ИДБ өңірлік кеңсесі Банктің Шығыс Еуропа, ТМД, Моңғолия және Қытай елдеріндегі қызметін үйлестіреді.1997 жылдан 2026 жылға дейінгі ынтымақтастық кезеңінде Қазақстанда ИДБ тарапынан жобалар мен техникалық көмекті қаржыландыру көлемі $4,2 млрд-тан асты.Қазіргі уақытта су, көлік және индустриялық секторларда жобалар бірлесіп іске асырылуда. Сондай-ақ Қазақстан мен ИДБ арасындағы 2027-2032 жылдарға арналған әріптестіктің жаңа стратегиясын әзірлеу жүргізілуде.Ақпарат көзі : https://www.gov.kz/memleket/entities/mfa-jeddah/press/news/details/1253284?lang=ru

Брно, 2026 жылғы 29 маусым - Қазақстан Республикасының Чех Республикасындағы Елшісі Қайрат Әбдірахманов Брно қаласына жұмыс сапары аясында қала мэрінің орынбасары Филип Хваталмен кездесу өткізді.Кездесу барысында Қазақстан мен Оңтүстік Моравия өлкесінің ең ірі қаласы Брно арасындағы өзара іс-қимылды кеңейту және тікелей байланыстарды нығайту перспективалары жөнінде пікір алмасу өтті. Бұл ретте өңіраралық байланыстар екіжақты ынтымақтастықтың маңызды бағыттарының бірі болып табылатыны атап өтілді.Тараптар тұрақты қалалық даму, экология, инновациялар және инвестициялар тарту салаларындағы тәжірибе алмасу, сондай-ақ бірлескен экономикалық жобаларды іске асыру, білім беру және ғылыми мекемелер арасындағы ынтымақтастықты нығайту мәселелерін талқылады. Сонымен қатар екі елдің іскер топтары, ғылыми қауымдастықтары, мәдениет және өнер қайраткерлері мен жастар өкілдері үшін жаңа мүмкіндіктер қалыптастыруға ерекше мән берілді.Кездесу барысында чех тарапына Қазақстандағы құқықтық мемлекетті нығайтуға, мемлекеттік институттардың тиімділігін арттыруға және азаматтардың қоғамдық-саяси өмірге қатысу мүмкіндіктерін кеңейтуге бағытталған ауқымды саяси және институционалдық реформалардың іске асырылу барысы туралы ақпарат берілді.Атап айтқанда, Қазақстанның жаңа Конституциясының күшіне енуі, сондай-ақ түрлі қоғамдық топтардың мүдделерін білдіруге, ашық диалог жүргізуге және азаматтардың мемлекеттің одан әрі даму бағыттарын талқылау үдерісіне қатысуына мүмкіндік беретін жаңа қоғамдық институт - Халық Кеңесінің құрылуы жөнінде егжей-тегжейлі түсіндірілді.Тарихи мэрия ғимаратында өткен жылы әрі мазмұнды кездесу барысында Брно қаласы әкімдігінің халықаралық байланыстар, стратегиялық даму және инновациялық бастамаларды қолдау бағыттарына жауапты өкілдері, сондай-ақ өңірлік сауда палатасының өкілдері қатысты.Тараптар Қазақстан мен Чех Республикасы өңірлері арасындағы жаңа байланыстарды орнатуға және өзара іс-қимылды одан әрі дамытуға ықыласты екендерін растады. Өңіраралық ынтымақтастық екі мемлекет арасындағы ұзақ мерзімді әрі өзара тиімді қатынастарды нығайтуға елеулі үлес қосатын маңызды құрал ретінде бағаланды.Ақпарат көзі : https://www.gov.kz/memleket/entities/mfa-prague/press/news/details/1251854?lang=ru

Қымбатты отандастар!Қадірлі депутаттар және Үкімет мүшелері!Бүгінгі Парламенттің қос Палатасының бірлескен отырысының тарихи мән-маңызы айрықша деп айтсақ, дұрыс болар. Бұл дүйім халқымыз үшін де айқын нәрсе, ақиқат. Бүгін біз мемлекетіміздің заң шығарушы органы – Парламенттің кезекті сессиясын аяқтап, Тәуелсіз Қазақстанның дамуындағы тұтас бір дәуірді қорытындылап отырмыз. Осылайша, тереңнен тамыр тартқан мемлекеттігіміздің жаңа кезеңіне қадам басқалы тұрмыз.Ертең Қазақстан Республикасының жаңа Конституциясы заңды күшіне енеді. Ұлт заңымен қатар, мемлекеттік билік жүйесі де түбегейлі жаңа сипатқа ие болмақ. Қос палаталы Парламенттің орнына Құрылтай келеді. Жалпы, бұл өзгеріс Қазақстанда тарихи сабақтастық бар екенін анық көрсетеді.Осыдан отыз жылдан астам уақыт бұрын елімізде тұңғыш кәсіби Парламент құрылды. Мүлде жаңа институционалдық үлгіге көшкен заң шығарушы орган мемлекеттігімізді нығайтуға елеулі үлес қосты, сондай-ақ еліміздің құқықтық негізін қалыптастыру және нарықтық экономиканы орнықтыру ісінде маңызды рөл атқарды.Қысқаша айтсақ, отыз жылдың ішінде 3,5 мыңға жуық аса қажетті заң қабылданды. Ал әрбір оныншы заңға депутаттар өздері бастамашы болды. Заң шығару жүйесінің қайнар бастауында бүкіл халқымызға және халықаралық қауымдастыққа танымал саясаткерлеріміз, көрнекті мемлекет қайраткерлері, белгілі қоғам қайраткерлері тұрды. Олардың жемісті еңбегі Парламент тарихында өшпес із қалдырды. Қажырлы қызмет халқымыздың жадында мәңгі сақталып қаларына күмән жоқ.Парламент әрдайым уақыт талабына тез бейімделіп, қоғам сұранысына лайықты жауап бере алатын жасампаз құрылым болды. Парламент – мемлекетіміздің басты өкілді органы, қоғамның түрлі саласындағы кәсіби мамандарды бір мақсатқа тоғыстырды. Елімізде саяси және заңнамалық тұрғыдан сапасы жоғары парламенттік мәдениет қалыптасты. Бұл – Қазақстанды дамыған ел ретінде айқындайтын ең маңызды көрсеткіштің бірі. Түптеп келгенде, Парламенттің әрбір шақырылымы Қазақстанның алға қарай нық сеніммен қадам басуына зор серпін берді, басқаша айтсақ, ұлтымыздың эволюциялық өрлеу жолының жарқын үлгісіне айналды.Мен Парламенттегі қайнаған еңбектің, онда қабылданған әрбір заңның Тәуелсіз еліміздің келешегі үшін қаншалықты маңызды екенін жақсы түсінемін. Осы тарихи сәтке орай, ұлт мүддесін бәрінен биік қойып, елге мінсіз әрі адал қызмет еткені үшін барлық шақырылымдағы Мәжіліс пен Сенат депутаттарына шынайы ризашылығымды білдіремін.Әсіресе, Парламенттің қазіргі құрамына, яғни сіздерге алғысым зор. Бұл шақырылымды Қазақстанның жаңа тарихындағы ең мықты құрамның бірі деп сеніммен айтамын. Себебі сіздер мемлекетіміздің дамуындағы өте күрделі және шешуші кезеңде жұмыс істедіңіздер. Баршаңыз ел өмірінде болып жатқан ауқымды өзгерістердің бастауында тұрдыңыздар. Қаншалықты қиын болса да, түбегейлі өзгерістерді жүзеге асыру жолында табанды еңбек еттіңіздер. Сын сағатта жауапкершіліктен жалтармай, мемлекетіміз үшін аса қажетті реформаларды жүргізуге ұйытқы болдыңыздар.Тек кейінгі үш жылдың өзінде 300-ден астам өте маңызды заң қабылданды. Олардың қатарында еліміздің алдағы биік белестерінің сенімді арқауы болатын, тарихи мәні зор конституциялық заңдар мен кодекстер бар. Біз біртұтас ұлт болып мемлекетімізді түбегейлі жаңғырту ісін қолға алдық. Экономикадан бастап қоғамдық құндылықтар жүйесіне дейін – ел өмірінің барлық саласында ауқымды өзгерістер жасалды. Әрине, дәуірлік ауқымдағы мұндай реформалардың бел ортасында жүру – зор мәртебе әрі үлкен жауапкершілік.Осы тұрғыдан алғанда, сіздер өздеріңізге жүктелген міндетті абыроймен атқарып шықтыңыздар. Әділетті әрі Қуатты Қазақстанды құру үшін қажырлы еңбек еттіңіздер. Сіздердің табанды, мардымды еңбектеріңіз еліміздің жылнамасында қалатынына күмән болмауы керек. Дегенмен уақыт бір орында тұрмайды, зымырап өтіп жатыр. Көз ілеспес жылдамдықпен өзгеріп жатқан қазіргі кезеңде шын мәнінде жаңашыл әрі батыл қадамдар жасалуға тиіс. Осы өзекті мәселені мен бұрын да бірнеше рет айтқам. Бұл – заман талабы.Халықаралық ахуал уақыт өткен сайын күрделеніп, құбылып, тұрақсыздық белең алғанын көріп, біліп отырсыздар. Бұл жағдай жаһандық экономикаға орасан зардабын тигізіп жатыр. Халықаралық валюта қоры мен Біріккен Ұлттар Ұйымының құзырлы агенттіктерінің болжамы бойынша алдағы екі жылда әлем қауымдастығы, соның ішінде жекелеген мемлекеттер экономикалық жоспарларын жүзеге асыру кезінде едәуір қиындыққа тап болуы мүмкін.Бірақ еңсені түсіріп, үрейге бой алдыруға болмайды. Үкімет елдің орнықты дамуын қамтамасыз ету үшін барынша белсенді және ширақ жұмыс істеуге тиіс. Инфляцияны тежеп, оны мейлінше төмен деңгейге жеткізген жөн, сондай-ақ экономиканың қарқынын төмендетпей, керісінше, оның көрсеткіштерін ұлғайту қажет.Бәріңізге белгілі, ертең мемлекеттік басқару жүйесін түбегейлі жаңғырту жұмысы ресми түрде бастау алады. Мұны кезекті әкімшілік реформа деп түсінуге болмайды. Себебі, бұл – еліміз үшін мүлде жаңа тарихи кезең басталады, яғни мақсаты да, мағынасы да мүлде бөлек, бұрын-соңды болмаған өзгерістер іске асады деген сөз. Басқаша айтсақ, біз қазақ мемлекеттігінің «ғимаратына» күрделі жөндеу жүргізуді көздеп отырмыз.Біз ел Тәуелсіздігінің мызғымас тұғыры мен іргетасын көздің қарашығындай сақтап, мемлекеттік басқару жүйесін жетілдіре түсуге міндеттіміз. Бұл – аса маңызды міндет. Оған мемлекеттік қызметте, академиялық институтта, ғылыми және саяси зерттеулер орталықтарында, үкіметтік емес секторда, халықаралық ұйымдарда қызмет ететін, осы іске қатысы бар азаматтардың барлығы атсалысуы қажет.Былтырғы Жолдауымда Қазақстанды үш жылдың ішінде дамыған цифрлық мемлекетке айналдыру жөнінде міндет қойғанымды білесіздер. Еліміздің келешегі осы мақсатты қалай іске асыратынымызға байланысты. Біз Қазақстанның Тәуелсіздігі мен Егемендігін сенімді түрде қорғау мәселесін әлі түбегейлі шешкен жоқпыз. Мұны ешқашан естен шығармайық. «Жау жоқ деме жар астында» деген тәмсілді әрқашан қаперде ұстаған жөн. Біздің басты мұратымыз – халықтың әл-ауқатын арттырып, қауіпсіздігін қамтамасыз ету, азаматтардың тұрмыс сапасын жақсарту. Бұл көрсеткіштерді ұдайы көтеріп, осы үрдісті үздіксіз жалғастыра беруіміз қажет.Сондықтан біздің мұндай кезде қол қусырып отыруға құқымыз жоқ. Алдымызда тұрған аса ауқымды әрі күрделі міндеттерді табысты жүзеге асыру үшін табанды, нәтижелі еңбек етуіміз керек.Осы тұста бірлесіп атқарған жұмысты қорытындылап, алдағы даму жоспарымызды айқындап алу қажет деп санаймын.БІРІНШІ. Мемлекеттік биліктің жаңа құрылымын қалыптастыру.Әлгінде айтып өткенімдей, осы шақырылымдағы Парламент депутаттары заң шығару ісінде сапалы жұмыс атқаруымен есте қалады. Депутаттар корпусы өз қызметінде бұрын-соңды болмаған нәтиже көрсетті. Сіздер Әділетті Қазақстанның негізін қалау үдерісіне, сондай-ақ Конституцияны әзірлеп, қабылдауға зор үлес қостыңыздар. Кез келген депутат саясаткерлер мен қоғам қайраткерлерінің келесі буынына, балалары мен немерелеріне: «Мен 2026 жылы қабылданған Конституцияны дайындауға тікелей қатысқанмын» деп еш ұялмай айта алады.Жалпы, депутаттық корпус парламенттік реформаны толық қолдады. Сол арқылы саяси және азаматтық жауапкершілік танытып, ұлт мүддесі бәрінен биік тұратынын бүкіл әлемге паш етті. Осында отырған біраз депутат Конституциялық комиссия құрамында болды. Сіздер азаматтармен кездесіп, мемлекетіміздің тұрпатын өзгертетін, экономикалық әлеуетін күшейтетін реформалардың мән-маңызын жұртшылыққа жан-жақты түсіндіріп бердіңіздер.Сіздер жалпыхалықтық референдумда Ата заңымыз қабылданған соң мемлекетіміздің құқықтық жүйесін жедел әрі сапалы жаңарту жұмысын жүргіздіңіздер. Өте қысқа мерзімде еліміздің заңнамасын жаңа Конституция нормаларына сай өзгерту жұмысын атқардыңыздар. Атап айтқанда, Парламент 9 заң топтамасын, соның ішінде 6 конституциялық заңды шұғыл әзірлеп, қабылдады. Нәтижесінде мемлекеттік биліктің «Күшті Президент – ықпалды Құрылтай – есеп беретін Үкімет» деген базалық формуласы толыққанды институционалдық мәнге ие болды.Жаңарған билік тармақтарының теңгерімді жүйесінде Президент Тәуелсіздік пен мемлекет тұтастығының символы, Конституцияны және азаматтардың заңды құқықтары мен бостандықтарын сақтаудың кепілі ретінде бұрынғыдай басты рөл атқарады.Қазақстан президенттік республика болып қала береді. Мұны түсіну, ескеру өте маңызды. Яғни Президент – мемлекеттің ең жоғары лауазымды тұлғасы, Қарулы күштердің Жоғарғы Бас қолбасшысы, барлық құқық қорғау органдарының басшыларын тағайындайды, елдің ішкі және сыртқы саясатының негізгі бағыттарын айқындайды, Қазақстан атынан халықаралық аренада өкілдік етеді.Сонымен қатар жаңғырту жұмыстары парламенттік жүйені одан әрі трансформациялау тетіктерін де қарастырады. Құрылтайдың алдында барлық бюрократиялық рәсім түріндегі кедергілерді жою, заң шығару ісінің жеделдігі мен сапасын арттыру, білікті сарапшылардың және консультанттардың қызметін тиімді ұйымдастыру міндеті тұр.Жаппай цифрландыру және жасанды интеллект дәуірінде Құрылтайға ұлттық заңнаманы тез өзгеріп жатқан цифрлық матрица жағдайына шұғыл бейімдеу үшін қарқынды жұмыс істеуге тура келеді. Бұл – өте маңызды. Қазақстанның жаһандық бәсекеге қаншалықты дайын екені осыдан көрінеді.Құрылтай технологиялық прогрестің жетекші факторы болады деп үміттенемін.Былтыр қазан айында өткен Парламенттік реформа жөніндегі жұмыс тобының алғашқы отырысында мен толыққанды e-Parlament жүйесін енгізу мәселесін көтерген едім. Қазақстан e-Government, яғни Электрондық үкіметтің даму деңгейі бойынша жаһандық рейтингте әлемдегі үздік 25 елдің қатарына кірді. Енді Электрондық Парламентті қалыптастыруға және дамытуға көп күш-жігер жұмсауымыз қажет.Жаңадан сайланған депутаттар заң шығару ісінде болжамды сараптамаға, Үлкен дерекқорды басқару арқылы кез келген шешімнің экономикалық салдары мен әлеуметтік тәуекелдерін модельдеуге баса мән беруі керек. Маңызды заң жобаларын сарапшылармен және жауапты қоғам белсенділерімен бірге талқылаған жөн. Цифрлық құралдарды пайдалану қажет. Бұл пікірталасқа қатысушылар санын көбейтіп, мәселені нағыз қоғамдық талқыға салуға мүмкіндік береді.Құрылтай жалпыұлттық деңгейдегі ашық диалог алаңы ретінде қызмет етіп, қоғамды толғандырған өзекті мәселелерге дер кезінде назар аударуы қажет. Бұл – азаматтардың дәйекті өтініштері міндетті түрде ескеріліп, нақты нормативтік-құқықтық актілерді қабылдау арқылы мемлекеттік мекемелерге тиісті тапсырмалар берілуі керек деген сөз.Шын мәнінде, тиімді жұмыс істейтін қоғамдық институттары болса ғана, Озық және Әділетті мемлекет қалыптасады. Сол себепті, мен жаңа конституциялық орган – Қазақстан Халық Кеңесін құруды ұсындым. Қазақстан Халық Кеңесі мәслихаттардың, қоғамдық кеңестердің, сарапшылар алаңы мен азаматтық қоғам ұйымдары өкілдерінің басын біріктіреді. Бұрын Қазақстан халқы ассамблеясына тиесілі болған қызметтік міндеттер енді Халық Кеңесіне өтеді. Осылайша, құрылым форматы өзгергенімен, жалпыұлттық бірлігіміздің мәні ішкі саясатымыздың маңызды бағыты ретінде сақталады.Халық Кеңесі – тарихымызда алғаш рет конституциялық деңгейде құрылған диалог алаңы. Көпұлтты және әралуан Қазақстанымыздың символы. Бұрын шашыраңқы болған құрылымдар заң шығару бастамасын көтеру құқығына ие болатын Жоғары консультативтік органның аясына бірігеді. Демек халықтың үніне құлақ асу мемлекеттік саясаттың ажырамас бөлігіне айналады.Елімізде жүргізілген реформалардың ең басты нәтижесі – азаматтардың маңызды мемлекеттік шешімдерді қабылдау үдерісіне қатыса алуы. Халықтың өз ықтиярын тікелей білдіру тетігі отыз жылға жуық уақыт бойы қолданылмай келді. Тек соңғы жылдары ғана саяси тәжірибемізге енді. 2022 жылдан бері ел тағдырына әсер ететін маңызды мәселелер бойынша үш рет жалпыұлттық референдум өтті.Бұл орайда менің ұстанымым бұрынғыдай: елдегі өзгерістердің иесі халық болуға тиіс. Алайда билік нақты бастамалар көтере алады әрі солай болуы керек. Қазірдің өзінде елімізде жүзеге асырылған реформалар билік институттарының орнықты тежемелік және теңгерім жүйесін қалыптастырды, мемлекеттік басқару сапасын арттырды деп сеніммен айта аламыз. Ал реформалардың басты мақсаты – халықтың әл-ауқатын арттыру, өңір тұрғындарының тұрмыс сапасын жақсарту. Бұл үшін Үкімет, заң шығарушы орган, тұтас қоғам жұмыла еңбек етуі қажет.ЕКІНШІ мәселе. Қазақстан экономикасын жаңа үлгіге көшіру.Бұл – аса маңызды стратегиялық міндет. Оған жедел түрде қол жеткізу үшін жаңа көзқарас, жаңа ұстаным қажет. Бұрынғы жұмыс тәсілдері мен әдістері тиімді болмайтыны анық. Бұған дейін де айттым: жаһандағы жағдай, жалпы халықаралық ахуал жыл өткен сайын ушығып барады. Түрлі қақтығыстар мен сын-қатерлер аз емес. Бірақ біз соған қарамастан, салиқалы саясат жүргізіп, нық сеніммен алға қадам басып келеміз. Біз бұл саясатты берік ұстануымыз қажет. Былтыр экономикамыз 6,5 пайызға өсті. Мұны әлем елдерінің даму қарқынымен салыстырғанда жоғары көрсеткіш деуге болады.Жалпы ішкі өнім ел тарихында алғаш рет 300 миллиард доллардан асты. Оның жан басына шаққандағы үлесі 15 мың доллардан асып, 2019 жылдан бері бір жарым есе артты. Бұл – Тәуелсіз мемлекеттер достастығы елдері арасындағы ең жоғары нәтиженің бірі.Инфляция бағамы төмендеді: биылғы бес айдың қорытындысы бойынша оның деңгейі 10,4 пайызға дейін түсті. Бірақ бұл көрсеткішті әлі де төмендету керек. Қазақстанның қаржы жүйесі тұрақты. Ұлттық валютамыз да өз тұғырында нық тұр, сыртқы қауіп-қатерлерден сенімді түрде қорғалған деп айтсақ, қате болмайды.Жалпы, Парламент Үкіметпен және Ұлттық банкпен бірлесіп, тиімді жұмыс атқарды. Қазіргі таңдағы ең өзекті мәселе – Ұлттық банктің негізгі пайыздық ставкасы. Бұл мәселені пайымдап шешу керек. Өздеріңіз қабылдаған Бюджет және Салық кодекстеріне сәйкес еліміздің экономикалық жүйесі толығымен қайта жаңғырды және мемлекет қаржысын басқаруға қатысты ұстаным түбегейлі өзгерді. Осылайша, Қазақстан экономикасының жаңа келбетіне жол ашуға қажетті негіз қалыптасты.Елімізде көлік, тұрмыстық техникалар, жүк вагондарын, құрылыс материалдарын және басқа да сапалы өнімдер шығаратын заманауи зауыттар ашылып жатыр. Тек 2023-2025 жылдардың ішінде 540 индустриялық жоба жүзеге асырылды. Олардың жалпы құны 3,7 триллион теңге болды. Алдағы екі жылда тағы 200-ден астам өндіріс орны іске қосылмақ. Осы мақсатқа шамамен 3 триллион теңге инвестиция тартылады. Бұл – қазынаға түсетін салық көлемі артады, өндіріске озық технологиялар енгізіледі және ең бастысы, жаңа жұмыс орындары ашылады деген сөз. Іске қосылған жобалардың арқасында қазірдің өзінде 50 мыңға жуық тұрақты жұмыс орны пайда болды. Қалған жобалар жүзеге асқан соң тағы 20 мыңнан астам адам жұмыспен қамтылады.Мемлекет отандық кәсіпкерлерді қолдауға баса мән беруде. Осы мақсатқа қомақты қаржы бөлініп жатыр. Жалпы, Қазақстандағы жұмысқа жарамды азаматтардың жартысына жуығы табысын шағын және орта бизнестен тауып отыр. Соңғы бес жылда осы секторда еңбек ететін адам саны 4,5 миллионға жетті. Жалпы ішкі өнімнің 40 пайыздан астамы шағын және орта бизнес саласына тиесілі. Мұны рекордтық көрсеткіш деп айтуға толық негіз бар. Былтыр «Бәйтерек» холдингі арқылы кәсіпкерлерге 8 триллион теңге көлемінде қолдау көрсетілді.Сонымен қатар елімізде түбегейлі жаңа Құрылыс және Су кодекстері қабылданды. Стратегиялық маңызы айрықша салаларды ретке келтіру үшін қабылданған құжаттардың маңызы зор.Былтыр Қазақстанда 20 миллион шаршы метрден астам тұрғын үй салынды. Бұл да – тарихымыздағы ең жоғары көрсеткіш. Ең басты нәтиже – мыңдаған отбасы баспаналы болды.Біз қалаларды абаттандырумен қатар, ауылдардың жағдайын жақсартуға басымдық беріп келеміз. Биыл шалғай елді мекендерде тұратын жарты миллионнан астам адамды ауыз сумен қамтамасыз етуге мүмкіндік беретін 12 ірі жоба іске қосылады.Мемлекет ауыл шаруашылығы тауарларын өндірушілерге бұрын-соңды болмаған ауқымда қолдау көрсетіп жатыр. Өткен жылы агроөнеркәсіп саласына жеңілдетілген несие беру үшін 1 триллион теңге қаржы тартылды. Осылайша, шаруалар алғаш рет жылына 5 пайыздық мөлшермен «ұзақмерзімді» қаражат алу мүмкіндігіне ие болды. Мұндай қадам ауыл шаруашылығы саласын жаңғыртуға ықпал еткені сөзсіз.Осындай шаралардың арқасында агроөнеркәсіп кешеніне тиесілі жалпы өнім құны шамамен 10 триллион теңгеге жетті. Ал экспорт көлемі 1,3 есе артып, 7 миллиард доллар табыс түсті. Бұл – соңғы он жылдағы ең жоғары көрсеткіш.Озық технологиялар саласы да қарқынды дамып келеді. Әсіресе, отандық фармацевтика бағытында біраз жетістіктеріміз бар. Фармацевтика индустриясына сенім деңгейі бойынша Қазақстан Тәуелсіз мемлекеттер достастығы елдері арасында көш бастап тұр. Мұндай бағаны Дүниежүзілік денсаулық сақтау ұйымы беріп отыр. Отандық дәрі-дәрмек нарығының көлемі 1 триллион теңгеден асты. Кейінгі үш жылда бұл салаға тартылған шетелдік инвестиция көлемі үш еседен астам ұлғайды. Алайда, бұған мәз болып отыра беруге болмайды, алдымызда тұрған міндет аз емес, қойылған мақсаттарға міндетті түрде жетуіміз керек.Мен осыған дейін елімізде жаңа ивестициялық кезең басталатынын айтқан едім. Біз сол арқылы экономикамызды әртараптандыруды көздеп отырмыз. Әртараптандыру, яғни, диверсификация дегеніміз, бұл – жай ғана ұран немесе жағымды сөз емес, бұл – өте күрделі және жауапты міндет, оған үстірт қарауға болмайды. Былтыр Қазақстанға тартылған тікелей шетел инвестициясының көлемі 14 пайызға артып, 20 миллиард доллардан асты. Ең бастысы, капитал негізінен өңдеу өнеркәсібі, көлік-логистика, қаржы және цифрлық инфрақұрылым сынды келешегі зор салаларға бағытталуда. Бұл ел дамуы үшін өте жақсы үдеріс екені сөзсіз.Осы орайда, мен мамыр айында қол қойған «Алатау қаласының арнаулы құқықтық режимі туралы» Конституциялық заңның маңызы зор. Аталған заң шетелдік және отандық бизнес үшін тың мүмкіндіктерге жол ашады. Сондықтан бұл бірегей заңнамалық актінің әлеуетін дұрыс пайдаланған жөн.Дамуы қарқынды цифрлық мегаполистер, инновациялық кластерлер және өнімділігі жоғары индустрия қалыптастыру Қазақстанды Еуразиядағы технологиялық тұрғыдан өркендеген іскерлік хабқа айналдыруды көздейді. Кең байтақ өңірімізде бұрын-соңды болмаған бұл жоба табысты іске асқан жағдайда (Ал біз мұны сәтті жүзеге асыруға міндеттіміз), орнықты экономикалық өсімнің мүлдем жаңа моделі пайда болады.ҮШІНШІ міндет. Еліміздің энергетикалық және инфрақұрылымдық негізін нығайту.Экономиканың жаңа үлгісіне көшу үшін алдымен энергетикалық, инженерлік және көлік-логистикалық инфрақұрылымды толыққанды дамыту қажет. Бұл маңызды үштаған кез келген елдің, соның ішінде Қазақстанның да негізгі тірегі саналады. Сондықтан біз энергетикалық және коммуналдық салаларды жан-жақты жаңғырту жұмысын қолға алдық. Осы мақсатта бұрын-соңды болмаған ауқымдағы Ұлттық жобаны іске асыру туралы шешім қабылданды. Оны жүзеге асыру үшін тек биылдың өзінде 1 триллион теңгеден астам қаржы бөлу жоспарланып отыр.Артық шығынға әкеп соғатын тиімсіз «әрлеу, яғни жөндеу» тәсілінен бас тартып, өмір сүру сапасына тікелей әсер ететін барлық нысандар мен жүйелерді түбегейлі жаңғырту жұмысы жүргізілетін болды.Қазақстанның энергетикалық балансында көмір, мұнай, газ секілді отын түрлері басым. Көмірсутегі ұлттық экономиканың негізін құрап, бюджетке валюталық түсімнің қомақты бөлігін қамтамасыз етеді. Мұнай-газ шикізаты – экспорттан пайда әкелуімен қатар қалаларымыз бен ауылдарымызды қамтамасыз ететін бағасы қолжетімді жылу мен қуат көзі. Сондықтан біз елді мекендерге газ құбырын тартуды жеделдетуді жоспарлап отырмыз. Көгілдір отынмен қамту көрсеткішін (қазір 65 пайызға жуық) 80 пайызға дейін арттыру міндеті қойылды.Үкімет дәстүрлі қуат көздерімен бірге «жасыл» энергетикаға баса мән беріп отыр. Оның энергетикалық теңгерімдегі үлесі 7 пайызға жетті. Қарқынды өсіп келе жатқан экономиканы қамтамасыз ету үшін 2029 жылға қарай 13 гигаваттан астам жаңа қуат көздерін іске қосу жоспарланған. Осы орайда, олардың кемінде төрттен бірі жаңартылатын энергия көздері есебінен жүзеге асырылмақ. Әйтсе де пайдалы қазбаларымыз, соның ішінде көмірдің мол қоры – табиғат сыйлаған артықшылығымыз саналады. Мұны толық пайдалануымыз керек. Сондықтан биыл наурыз айында Таза көмір генерациясы жөніндегі ұлттық жоба қабылданды.Алдағы үш жылда Көкшетау, Семей және Өскемен қалаларында жоғары экологиялық стандарттарға сай келетін технологияларды пайдаланатын үш жылу электр станциясын салуымыз керек. Мұны созуға болмайды. Әйтпесе істен гөрі сөз көбейіп кетті.Қазақстан әлемде уран өндіру бойынша көшбасшы және ядролық инфрақұрылымы бар ел саналады. Сондықтан атом генерациясын өте дұрыс таңдадық. 2024 жылғы тарихи референдум кезінде халық қабылдаған шешім, шын мәнінде, өркениетті сипатқа ие. Бұл – елдің энергетикалық дербестігінің кепілі, қуатты көп тұтынатын келешек цифрлық экономиканың сенімді тірегі. Келесі жылы алғашқы атом электр станциясының құрылысы басталады.Біз еліміздің инфрақұрылымдық арқауының тағы бір мызғымас тірегі – көлік-логистика саласына баса назар аударуымыз керек. Бұл сала стратегиялық маңызға ие. Біздің аймақтағы барлық елдер де осы бағытқа ден қойып жатыр, сондықтан, бәсеке күшеюде.Теміржол саласының жүк тасымалындағы рөлін ескере отырып, мемлекет жаңа магистральдар мен вокзалдар салуға және оларды жаңғыртуға баса мән беріп отыр. Былтыр Достық – Мойынты бағытының екінші желісі және Алматы қаласын айналып өтетін теміржол іске қосылды. Биыл Мойынты – Қызылжар және Дарбаза – Мақтаарал, келесі жылы Бақты – Аягөз теміржолдарының құрылысы аяқталады.Еліміздегі автокөлік жолдарының сапасын жақсарту міндетін де орындауымыз керек. Былтыр 13 мың шақырым автокөлік жолын жөндеу жұмысы басталды. Оның 6 мың шақырымы қолданысқа берілді. Мұндай ауқымды жұмыс ел тарихында бірінші рет жасалды. Келесі жылы автокөліктерді өткізу бекеттерін жаңғырту ісі аяқталуы керек.Соңғы бес жылда ел аумағы арқылы автокөлікпен тасымалданатын жүк көлемі екі есе артып, 6 миллион тоннаға жетті. Былтыр автокөлікпен жүк тасымалдаушылардың табысы 1,5 триллион теңге болды. Бұл – теміржол саласындағы кіріспен шамалас көрсеткіш. Осының өзі отандық автокөлік тасымалы саласының әлеуеті зор екенін көрсетеді. Демек мұндай кәсіпкерлерді барынша қолдау керек.Авиация саласындағы табысымыз да көбеюде. Елімізде жаңа ұшу бағыттары ашылып жатыр. Толыққанды әуе хабтарын қалыптастыру үшін нақты жұмыс жүргізілуде. Әрине, осы тұрғыдан алғанда, Астана қаласында жаңа әуежай салу – кезек күттірмейтін міндет. Көп ұзамай оның құрылысы басталуы қажет. Әуе кеңістігі арқылы жүк тасымалдайтын арнайы компания құру өте орынды шешім болды деп санаймын. Бұл маңызды қадам халықаралық логистикадағы әлеуетімізді күшейтуге ықпал етері сөзсіз.Біз аймақтағы мұнай-газ өндіретін жетекші мемлекет ретінде авиаотынға қатысты мәселелерді толық шешуге мүмкіндік беретін мықты инфрақұрылым қалыптастыруымыз қажет. Бұл – аса маңызды және шұғыл міндет.Бәріңізге мәлім, мен жақында Брюссельге жұмыс сапарымен барып, Еуропалық Одақтың басшыларымен келіссөздер жүргіздім. Транскаспий халықаралық көлік бағытын дамыту мәселесіне баса мән берілді. Орта дәліз арқылы тасымалданатын жүк көлемі кейінгі алты жылда бес есе ұлғайып, бір жылда 4 миллион тоннадан асты. Бұл, негізінен, теңіз тасымалын дамыту және порт инфрақұрылымын жаңғыртудың арқасында мүмкін болды.Әрине, Парламент тарапынан жасалған заңнамалық қолдау осы саланың қарқынды дамуына күшті серпіліс берді. Атап айтқанда, 2023 жылдан бері көлік-логистика секторын жан-жақты дамытуға бағытталған 8 заң қабылданды. Бірқатар халықаралық келісім де ратификацияланды. Осындай нақты шараларды қабылдау арқылы Қазақстан аймақтағы сенімді энергетика донорына айналмақ. Сондай-ақ еліміз алдағы уақытта аймақтағы жетекші көлік-логистика торабы ретінде жоғары қарқынмен дамитын болады. Бұл – Үкімет алдында тұрған айрықша маңызды міндет. Жалпы, біздің алдымызда аса маңызды, өте жауапты және шұғыл міндет бар: бұл – кең ауқымды құрылыс жүргізу. Елімізде неғұрлым құрылыс көп болса, Қазақстан да соғұрлым өркендей береді. Ең алдымен, бұл – негізгі инфрақұрылымға қатысты мақсат. Біз теміржолдарды, автожолдарды, әуежайларды, вокзалдарды, сумен қамтамасыз ететін ірі құрылғыларды, өндіріс және өнім кәсіпорындарын, қала ғимараттарын және тағы басқа нысандарды жоғары қарқынмен салуымыз керек. Қаражат деген уақытша дүние, оның құны жыл сайын төмендеп бара жатыр, ал оны тиімді пайдалану, бұл – нақты нәтижелерге қол жеткізу, тиісті нысандарды өскелең ұрпақтарға аманат етіп қалдыру деген сөз.Әлеуметтік мемлекет боламыз деп, қаражатты талан-таражға салуға болмайды. Осындай қысқа, шолақ ойлы саясатты біздің ұрпақтарымыз түсінбейді де, кешірмейді де. Басқа сөзбен айтқанда, Қазақстанды үлкен құрылыс алаңына айналдыруымыз керек.ТӨРТІНШІ. Алдымызда толыққанды цифрлық мемлекет құру міндеті тұр.Сіздерді тыңнан түрен салып, цифрлық дәуірге жол ашқан депутаттар деуге болады. Біздің елімізде болсын, әлемде болсын – жалпы еш жерде жасанды интеллектіні заң тұрғысынан реттейтін дайын үлгі немесе тәсіл болған жоқ. Соған қарамастан, сіздер еліміздің осы саладағы өсіп-өркендеуіне берік негіз болатын тиімді құқықтық жүйені құруға елеулі үлес қостыңыздар. Мен Мемлекет басшысы ретінде мұны жоғары бағалаймын.Жаңа Конституция азаматтардың киберкеңістіктегі дербес деректерін қорғауға кепілдік береді. Бұл – Цифрлық Қазақстанды құрудың негізгі алғышарты. Қазақстан мүлдем жаңа сипаттағы Цифрлық кодекс пен «Жасанды интеллект туралы» Заң қабылдаған жаһандағы алғашқы елдердің бірі. Бұл қадам толыққанды Цифрлық ел болу үшін заманауи инфрақұрылымдық негіз қалыптастыруға мүмкіндік берді. Біз қазірдің өзінде осы жұмыстың нақты нәтижесін көріп отырмыз.Бүгінде еліміз «Үкіметтің жасанды интеллектіге дайындық индексіне» сәйкес Орталық Азияда алдыңғы қатарда тұр. Бірақ бұл – үлкен жолдың басы ғана. Алдағы ауқымды жұмыстың негізгі бағыт-бағдары «Digital Qazaqstan» жалпыұлттық стратегиясында айқындалды. Мен бұл құжатты маусым айының басында бекіттім.Біз жасанды интеллектіні экономиканың барлық негізгі саласына енгізіп, мемлекеттік басқарудың сапасын түбегейлі жақсартуымыз керек. Осы бағытта алғашқы маңызды шаралар қолға алынды. Мен қаңтар айында банк қызметі саласына қатысты жаңа заңдарға қол қойдым. Сол арқылы цифрлық қаржы активтерін айналымға енгізудің нақты шарттары айқындалды.Сондай-ақ менің тапсырмаммен еліміздің құқықтық негізін жүйелеп, толыққанды жаңғыртуға мүмкіндік беретін Реттеу жөніндегі интеллект орталығы құрылды. Бұл қадам кәсіпкерлердің жұмысын едәуір жеңілдетпек. «Бір терезе» қағидаты бойынша қызмет көрсететін «e-Government Business» экожүйесін дамыту арқылы бизнес үшін қолайлы орта қалыптастыруға мүмкіндік туады.Еліміздегі цифрлық банктер мен финтех-компаниялар тұтынушыларға және кәсіпкерлерге арналған қолайлы экожүйенің негізін қалады. Қаржы, сауда жүйелері және мемлекеттік қызметтер арасында кедергісіз цифрлық кеңістік қалыптасты. Соның нәтижесінде соңғы бес жылда электронды коммерция нарығы шамамен сегіз есе ұлғайып, 3,7 триллион теңгеге жетті. Бұл – еліміздегі бөлшек сауда көлемінің шамамен 15 пайызы.Мұның бәрі азаматтарымыздың цифрлық жүйелерге деген сенімі жоғары екенін және олардың тұтынушылық мәдениеті өзгере бастағанын көрсетеді. Осы қарқынды бәсеңдетпеу үшін мемлекет тиісті инфрақұрылымды үздіксіз дамытып отыруы керек. Қуатты суперкомпьютерлерді іске қосу бұл бағыттағы маңызды қадам болды. Ол жасанды интеллект жөніндегі теориялық тұжырымдарды мемлекеттік басқаруға, экономикаға және ұлттық қауіпсіздікке арналған қолданбалы шешімдерге ұластырды. Дегенмен жасанды интеллект мол қуат пен есептеу кеңістігін қажет етеді. Дәл осы себепті «Деректерді өңдеу орталықтарының алқабы» мегажобасын қолға алудың мәні зор. Аталған жоба әлемдегі жетекші BigTech-корпорацияларды тартатын жойқын гравитациялық алаңға айналады. Үкімет бұл міндетті айрықша бақылауда ұстауы керек. Оның орындалуын ұдайы қадағалап отырамын.Шын мәнінде, қазір Жаңа Жібек жолының жоғары технологиялық хабы ретінде еліміздің цифрлық дербестігінің іргесі қаланып жатыр. Бұл ретте ең қуатты компьютерлерде, озық дата-орталықтарда жұмыс істейтін маман болмаса, қаржы желге ұшатынын ұмытпауымыз керек. Сондықтан болашақ архитекторлары мен бағдарлама әзірлеушілерін мектеп партасынан бастап даярлауға кірістік. Alem.ai халықаралық жасанды интеллект орталығының жанынан екі инновациялық мектеп ашылды. Осы оқу жылында Жасанды интеллект университеті ашылады. Бұл – аталған салаға маман даярлайтын Орталық Азиядағы тұңғыш арнаулы оқу орны болмақ.Цифрлық трансформация дегеніміз – жоғарыдан төмен қарай барлық басқару тармақтарын, тіпті халықтың басым бөлігін қамтитын ашық әрі қарқынды үдеріс. Қазірдің өзінде жоғары лауазымды басшылардан бастап ауыл әкімдеріне дейін он мыңдаған мемлекеттік қызметші осы салалық білім беру бағдарламасына қатысып жатыр. Біз мемлекеттік басқарудың логикасы мен философиясын түбегейлі өзгертуіміз керек. Әдеттегі бюрократиядан арылып, тиімділігі жоғары «Мемлекет-платформа» (GovTech) сервистік парадигмасына батыл түрде көшуіміз қажет. Түпкі мақсатымыз – жаһандық технологиялық ландшафтта орныққан, ұлттық мүддені табанды түрде қорғап, ілгерілететін, азаматтарына мүлтіксіз қызмет ететін озық цифрлық мемлекет құру.БЕСІНШІ мәселе. Бұл – адам капиталын дамыту.ХХІ ғасырда шикізатқа немесе халық санына ғана сеніп отыра беруге болмайды. Мұндай ұстаным кез келген мемлекетті жарға жығады. Мен бұл туралы үнемі айтып келемін. Қазір де қайталаймын: инфляцияға тәуелді емес бір ғана капитал бар: бұл – адам әлеуетінің сапасы.Сондықтан біз әлеуметтік салаға бірден-бір стратегиялық бағыт ретінде қараймыз. Бүгінде мемлекет азаматтарды жан-жақты дамытуды көздейтін негізгі салалардың барлығына қомақты қаражат бөліп отыр. Соның ішінде ғылым мен білім, мәдениет пен денсаулық, спорт және әлеуметтік қолдау саласын ерекше атап өткен жөн. Биылдың өзінде осы стратегиялық мақсатқа 19 триллион теңгеден астам қаржы бөлу жоспарланып отыр. Бұл – мемлекет бюджетінің жартысынан көбі деген сөз.Расында, Қазақстан – әлеуметтік салаға айрықша мән беріп, жүйелі әрі байыпты саясат жүргізіп келе жатқан әлемдегі аз ғана мемлекеттің бірі. Осы орайда, Парламенттің әлеуметтік бастамаларды жүзеге асыруға және қоғамда әділдік қағидатын орнықтыруға ерекше үлес қосқанын атап өткен жөн. Бірақ біз мына нәрсені дұрыс түсінуіміз керек: шынайы әділеттілік дегеніміз ел игілігін бәріне бірдей бөліп бере салу емес. Нағыз әділеттілік – әрбір азаматқа тең мүмкіндік беретін тиімді әрі мұқият ойластырылған жүйе құру деген сөз. Ең бастысы, барлығы заң алдында тең болуға тиіс. Бұл – Әділетті Қазақстанның мызғымас қағидаты.Парламенттің «Заңсыз иемделген активтерді мемлекетке қайтару туралы» заңды қабылдауы – осы қағидаттың нақты көрінісі. Аталған Заң аясында елге триллион теңгеден астам қаражат қайтарылды. Қазірдің өзінде осы қаржының жартысынан көбі халық игілігіне жұмсалды. Соның есебінен 450 аса маңызды әлеуметтік және коммуналдық нысан салынды.Біз арнайы конституциялық нормаға сүйене отырып, табиғи байлықты азаматтардың бастапқы капиталы ретінде бекіттік. Қазақстан – осындай бірегей бастаманы іске асырған аймақтағы алғашқы мемлекет. «Ұлттық қор – балаларға» бағдарламасы – соның айқын дәлелі. Бұл жобаның тиімділігі жоғары: үш жылдың ішінде 6,5 миллион баланың есепшотына 2,3 миллиард доллар аударылды. Сондай-ақ біз қамқорлық шараларының нақты жалғасы ретінде «Келешек» жинақтау жүйесін іске қостық. Дарынды балаларға, соның ішінде халықаралық олимпиада жеңімпаздарына жүйелі түрде қолдау көрсете бастадық. Болашаққа инвестиция салу дегеніміз де – осы. Ал, айналамызда, яғни Еуразия құрлығында қай мемлекет әлеуметтік мақсаттарға осыншама қомақты қаражатты бөліп беріп жатыр? Жауап белгілі сияқты.Біз қазір білім экономикасы үстемдік құрған дәуірде өмір сүріп жатырмыз. Осындай кезеңде технологиялық дербестігімізді күшейте түсу үшін ғылым саласын және жоғарғы мектеп жүйесін дамытуға баса назар аударуымыз қажет. Соған сәйкес біз еліміздегі университеттерді жаңғырту жұмысын қолға алдық. Бұдан бөлек, шетелдік жетекші жоғары оқу орындарының филиалдары ашылып жатыр.Өздеріңіз мақұлдап, қабылдаған «Ғылым және технологиялық саясат туралы» заң ғылыми инфрақұрылымды жақсартып, жас ғалымдарға мол мүмкіндіктер беруге зор ықпал етуде. Жалпы, алдымызда ғылым деңгейін, оның тиімділігін барынша көтеруге қатысты маңызды мақсат тұр.Әрине, кез келген ұлттың зияткерлік әлеуеті сол елдегі орта білімнің деңгейімен өлшенетіні ақиқат. Соңғы үш жылда республика бойынша 584 заманауи мектеп салынды. Әрбір үшінші мектеп инновациялық үлгідегі «Келешек мектептері» жобасы аясында бой көтерді. Биыл тағы 84 мектеп ашылады. Оның жартысынан көбі ауылдық жерлерде салынып жатқанын атап өту қажет.Отандық медицина саласы да дамып келеді. Жалпы, 2019 жылдан бері елімізде шамамен 1300 денсаулық сақтау нысаны ашылды. Азаматтардың орташа өмір сүру ұзақтығы 76 жасқа жуықтады. Дүниежүзілік банктің мәліметіне сәйкес, осы көрсеткіш бойынша Қазақстан осы аймақта көш бастап тұр. Бұл ел дамуының нақты көрінісі екені сөзсіз.Азаматтардың бәріне сақтандыру мәртебесіне қарамастан базалық медициналық көмек алуға кепілдік берілген. Бұдан бөлек, отандастарымызға нейрохирургиядан бастап репродуктивті медицинаға дейінгі ең жоғары технологиялық медициналық ем-шаралардың барлығы қолжетімді.Сонымен қатар қоғамға қызмет ету жолын таңдағандардың алаңсыз еңбек етуіне лайықты жағдай жасап жатырмыз. Нақты қадамдар арқылы ұстаздар мен дәрігерлердің беделін арттыра береміз. Мұғалімдердің, медициналық және әлеуметтік қызметкерлердің жалақысы кезең-кезеңімен көтеріліп келеді. Соңғы үш жылда 1,2 миллионнан астам адамның еңбекақысы 50 пайыздан 100 пайызға дейін артты.Қазақстанда атаулы әлеуметтік көмектің көп деңгейлі жүйесі жолға қойылған. Бұл көмек шын мұқтаж адамдарға берілуге тиіс. Көмек «Отбасының цифрлық картасы» технологиялық шешімі арқылы көрсетіледі.Парламент депутаттарының табандылығы арқасында зиянды өндірісте еңбек ететіндердің мәселесі шешілді. Бұл жиі көтеріліп, әбден жауыр болған түйткіл еді. Енді өндіріс еңбеккерлері арнайы әлеуметтік төлем алуға, 55 жастан бастап зейнетке шыққанға дейін жеңілірек жұмысқа ауысуға заң жүзінде қақылы.Әйелдер мен балалардың құқығын қорғауға, халықтың шамадан тыс кредит алуын азайтуға, ойынқұмарлыққа, есірткі қылмысына және кибералаяқтыққа қарсы күрес шараларына қатысты қабылданған заңнамалық шешімдеріңіз жұртшылықтың кең қолдауына ие болды.Біздің басты стратегиялық мақсатымыз – жоғары конституциялық қағидаттарды іске асыра алатын білімді, дені сау, зияткер әрі озық ойлы ұрпақ тәрбиелеу. Қашанда жаңашылдыққа ұмтылатын жасампаз ел болу үшін біз ең алдымен мызғымас құндылықтарымызға, бай тарихымыз бен мәдени мұрамызға арқа сүйеуіміз қажет.Бірнеше күннен кейін бәріміз бір ел болып «Ұлттық домбыра күнін» атап өтеміз. Бұл – болмысымызды айшықтайтын, жұртымыздың, әсіресе, өскелең ұрпақтың рухын көтеретін айрықша мереке. Көрнекті ақын Қадыр Мырза Әлінің «Нағыз қазақ – домбыра» деп жырлауы тегін емес. Расында, домбыраны ұлықтау арқылы біз төл өнерімізді төрге оздырамыз. Домбыра қастерлі құндылығымыз ретінде ұлтымызды әлемге танытатын бірегей брендке айналуы керек.Жалпы, мемлекет руханият саласын дамытуға әрдайым баса назар аударып келеді. Бұл тағылымды іске депутаттар корпусы – сіздер де зор үлес қостыңыздар. Әрине, сіздер атқарған ауқымды жұмыстың мән-маңызын бір ғана жиынның аясында жеткізу мүмкін емес.Парламент мен атап өткен заңнамалық жұмыстан бөлек, көптеген өзекті мәселені айрықша назарда ұстады. Сегізінші шақырылым депутаттары Үкіметке 2 мыңнан астам сауал жолдады. Сондай-ақ 31 Үкімет сағатын және 9 Парламент тыңдауын өткізді. Қос палатаның комитеттері белсенді әрі жемісті жұмыс істеді.Бір палаталы Құрылтай жүйесіне көшкен соң заң шығарушы органның комитеттері де мемлекет саясатының басым бағыттарын негізге ала отырып, құрылғаны жөн. Осы жылдар ішінде депутаттық корпус азаматтармен ашық әрі тиімді байланыс жүйесін қалыптастырды. Атап айтқанда, партия жобаларын табысты жүзеге асырды. Сондай-ақ тұрақты түрде аймақтарға барып, жұртшылықпен кездесіп отырды. Қоғамдық қабылдаулар кезінде азаматтардың талап-тілектерін назарға алып, өзекті мәселелердің шешім табуына ықпал етті.Парламент беделді ғалымдарды, байыпты сарапшыларды және қоғам белсенділерін ортақ мүддеге біріктірген орталыққа айналды. Сенат жанындағы сарапшылар клубы мен Мәжіліс жанындағы қоғамдық палата осы бірегей зияткерлік экожүйенің берік тірегі болды. Бұл құрылымдар сындарлы диалогті дамытып, заң жобаларын жан-жақты талдауға жол ашты.«Адал азамат» тұжырымдамасы мен «Таза Қазақстан» жалпыұлттық акциясы қоғамда жаңа этиканы қалыптастыруға арқау болды. Депутаттар осы жалпыұлттық бастамалардың мән-маңызын халыққа түсіндіруге және іске асыруға белсене атсалысты. Парламенттің қажырлы қызметінің арқасында «Заң мен тәртіп» қағидаты мемлекет саясатында түбегейлі орнығып, ұлт болмысының ажырамас бөлігіне айнала бастады.Сонымен қатар Парламент депутаттары Қазақстанның халықаралық беделін нығайтуға елеулі үлес қосты. Сол арқылы еліміздің жауапты әрі ықпалды «орта держава» ретіндегі рөлі күшейе түсті. Депутаттар парламентаралық ассамблеялардың, шетелдік сапарлар мен форумдар аясында шетелдік әріптестерімен және жаһандық институттармен сенімді әрі нәтижелі байланыс орната білді. Осы тұста Әлемдік және дәстүрлі діндер съезінің жұмысын айрықша атап өту қажет. Беделді диалог алаңының хатшылығы ұзақ жыл бойы Сенат аясында табысты жұмыс істеп келді.Құрылтай басты заң шығарушы орган ретінде барлық бағыт бойынша сабақтастықты және институционалдық дәстүрді сақтап, жылдар бойы қалыптасқан бірегей парламенттік мәдениетті жоғалтпай, оны одан әрі дамытуға баса мән беруге тиіс. Еліміздің жоғары өкілді органы – Құрылтайдың негізгі мақсаты – баршаға бірдей мүмкіндік беретін Әділетті Қазақстанды құру ісіне атсалысу және осы бағытта белсенді жұмыс істеу. Бір палаталы өкілді орган өзінің заңнамалық миссиясын табысты орындай отырып, қоғамда Заң мен Тәртіп, Еңбексүйгіштік, Тазалық, Қоршаған ортаны қорғау сынды мызғымас құндылықтарды орнықтыра түсуге барынша ықпал етеді деп сенемін.Құрметті депутаттар!Жаңа Конституцияның заңды күшіне енуі – ұлт тағдырына тікелей әсер ететін тарихи оқиға. Тұғырына қонған Ата заңымыз аса ауқымды қоғамдық-саяси үдерістер кезеңіне жол ашады. Осыған орай, мен бірқатар маңызды құжатқа, соның ішінде Құрылтай сайлауын өткізу туралы арнайы Жарлыққа қол қоямын. Соған сәйкес партиялар арасындағы бәсеке де жандана түседі. Біз жасампаз ел ретінде осы саяси науқанды да жоғары деңгейде өткізуіміз керек. Алдағы сайлауда ашық, адал және әділ бәсеке болуға тиіс.Қазақстан халқы – қоғамда жасалып жатқан түбегейлі өзгерістердің негізгі қозғаушы күші. Азаматтармыз елдің ертеңіне бей-жай қарамай, шешуші сәтте таңдау жасауға қабілетті екенін айқын көрсетіп келеді. Бұл – жауапкершілігі жоғары, бірлігі бекем, рухы және мәдениеті биік ұлттарға ғана тән қасиет. Сайлауға қатысу – елдік істен шет қалмау деген сөз. Осы ретте жұртымыз алдағы саяси науқанға белсене атсалысады деп сенемін.Құрылтай – жаңа тұрпатты Қазақстанның маңызды символы. Сондықтан оның құрамына нағыз отаншыл, бастамашыл әрі мемлекетшіл тұлғалар, яғни тек үздіктер ғана кіруі керек. Себебі халық реформалардың қаншалықты нәтижелі болғанын дәл осы Құрылтайдың қызметіне қарап бағалайды. Осындай маңызды сәтте мен тағы бір мәрте Сенат пен Мәжілістің басшылығына және депутаттарына шынайы ризашылығымды білдіремін. Себебі сіздер мемлекетіміздің игілігі үшін адал әрі қажырлы еңбек еттіңіздер. Жұрттың мұң-мұқтажын батыл көтеріп, ұлт мүддесін бәрінен биік қоя білдіңіздер.Жаңа кезең – жаңа мүмкіндіктер уақыты. Депутаттардың бірқатары Құрылтайға өтіп, ел игілігі жолында еңбек ете береді деп ойлаймын. Қазақстан Халық Кеңесінде де өздеріңіз секілді білікті азаматтар болуы керек деп санаймын.Сондай-ақ бүгін мен «AMANAT» партиясының фракциясына және барлық мүшелеріне белсенді, байсалды және жасампаз ұстанымдары үшін алғыс айтамын. Сіздер шынайы отаншылдық пен азаматтық жауапкершіліктің озық үлгісін көрсетіп келесіздер. Саяси ұйымның таяуда өткен съезінде «ӘДІЛЕТ» партиясына қосылу туралы стратегиялық шешім қабылданды. Мен бұл тарихи шешімді қолдаймын. Бүгінгі таңда барлық озық әрі жасампаз күштер жалпыұлттық құндылықтар мен ортақ мақсаттарға бірігуде. Мұндай қадам елімізде қолға алынып жатқан түбегейлі реформаларға тың серпін берері сөзсіз.Түптеп келгенде, баршамыздың мұратымыз – бір. Бұл – жас ұрпақтың жарқын болашағына жол ашатын өркениетті әрі озық мемлекет құру. Біздің Қазақстаннан басқа Отанымыз жоқ. Еліміздің ойдағыдай дамуы бізге ғана керек. Ұлт болып ұйысып, жұрт болып жұмыла білсек, біз кез келген белесті бағындырамыз, көздеген мақсатымыздың бәріне қол жеткіземіз. Қастерлі Тәуелсіздігіміздің тұғырын нығайтып, Әділетті, Қуатты, Қауіпсіз, Таза әрі Озық Қазақстанды құрамыз. Мен бұған кәміл сенемін! Осы жолда аянбай еңбек ету – әр азаматтың перзенттік парызы.Еліміз аман, жұртымыз тыныш, бірлігіміз бекем болсын!Қазақ елі мәңгі жасасын!Ақпарат көзі : https://www.gov.kz/memleket/entities/mfa-ottawa/press/news/details/1251830?lang=ru

Юрмала, Латвия - 1 шілдеде Қазақстанның Латвиядағы Елшілігінің қолдауымен «Балалар әлемді бейнелейді» қоғамдық қорының директоры  Ханзада Есенова ұйымдастырған «Өнер арқылы мәдени әртүрлілік» жазғы лагерінің салтанатты жабылуы өтті.Қазақстаннан келген дарынды балалар Латвияның тарихи, мәдени және көркем мұрасының негізгі нысандарын аралады. Жобаның басты ерекшелігі-көрнекті орындар интерактивті білім беру алаңдары болды, онда Латвияның танымал мамандары жас суретшілерге арналған эксклюзивті шеберлік сыныптарын өткізді.Жабылу салтанатына қатысқан Юрмала қаласының мэрі Янис Лединьш Қазақстан мен Латвия арасындағы одан әрі шығармашылық ынтымақтастықтың маңыздылығын атап өтіп, өткен арт-лагерьді жоғары бағалады.Ақпарат көзі : https://www.gov.kz/memleket/entities/mfa-riga/press/news/details/1251823?lang=ru

Алматы қаласы бойынша Мемлекеттік кірістер департаменті «E-Salyq Business» мобильді қосымшасының Қазақстан Республикасының жаңа Салық кодексіне сәйкес жаңартылғанын хабарлайды.Енді жеке кәсіпкерлер мен өзін-өзі жұмыспен қамтыған азаматтар негізгі салық рәсімдерін қашықтан — мобильді телефонның көмегімен, мемлекеттік кірістер органдарына бармай, кезек күтпей және артық құжаттарсыз орындай алады.Өзін-өзі жұмыспен қамтыған азаматтар үшін жұмыс тәртібі барынша жеңілдетілген. Оларға жеке кәсіпкер ретінде тіркелудің және салық есептілігін тапсырудың қажеті жоқ. Әрбір алынған табыс бойынша «E-Salyq Business» мобильді қосымшасында чек қалыптастыру жеткілікті.Әр айдың қорытындысы бойынша қосымша автоматты түрде табыстар тізілімін қалыптастырып, әлеуметтік төлемдерді есептейді. Төлем банктік қосымша арқылы жалпы 4% мөлшерлеме бойынша жүргізіледі, оның ішінде:міндетті зейнетақы жарналары (МЗЖ) — 1%;міндетті әлеуметтік медициналық сақтандыруға жарналар (МӘМС жарналары) — 1%;әлеуметтік аударымдар (ӘА) — 1%;жұмыс берушінің міндетті зейнетақы жарналары (ЖМЗЖ) — 1%.Жеке кәсіпкерлер үшін қосымшада жұмыстың барлық негізгі кезеңдері де қолжетімді. «E-Salyq Business» арқылы:жеке кәсіпкер ретінде тіркелуге;арнайы салық режимін таңдауға;чектер қалыптастырып, табыстар есебін жүргізуге;910.00-нысан бойынша салық декларациясын тапсыруға болады.Көрсетілген барлық әрекеттерді мемлекеттік органдарға бармай-ақ орындауға болады.Мобильді қосымшаны жаңартудың мақсаты — салық міндеттемелерін орындауды жеңілдету, қағаз құжат айналымын қысқарту және мемлекеттік қызметтердің электрондық форматтағы қолжетімділігін арттыру.Алматы қаласы бойынша Мемлекеттік кірістер департаменті жеке кәсіпкерлер мен өзін-өзі жұмыспен қамтыған азаматтарға салық міндеттемелерін уақтылы әрі ыңғайлы орындау үшін «E-Salyq Business» мобильді қосымшасының мүмкіндіктерін белсенді пайдалануды ұсынады.Арнайы салық режимдерін қолданудың толық шарттары Қазақстан Республикасы Салық кодексінің 16-бөлімінде көзделген.Ақпарат көзі : https://www.gov.kz/memleket/entities/kgd-almaty/press/news/details/1251791?lang=ru