Жаңа Салық кодексін түсіндіру бойынша cеминар2025 жылғы 15 қазанда «Банк Центр Кредит» АҚ алаңында 2026 жылғы 1 қаңтардан бастап күшіне енетін Қазақстан Республикасының жаңа Салық кодексінің ережелерін түсіндіруге арналған шағын және орта бизнес өкілдеріне арналған семинар өтті.Семинарға салық төлеушілер, іскер қоғамдастық өкілдері, консалтингтік компаниялар, қоғам қайраткерлері және салық салу саласындағы сарапшылар қатысты.Іс-шара барысында Департамент өкілдері негізгі өзгерістерді егжей-тегжейлі атап өтті:әділ салық салу қағидатын қамтамасыз ету;салықтық әкімшілендіруді жеңілдету;салықтық бақылауды цифрландыру.Келесі аспектілерге ерекше назар аударылды:корпоративтік табыс салығы бойынша сараланған мөлшерлемелер, жеке табыс салығының (ЖТС) үдемелі шкаласын енгізу, 2026 жылғы 1 қаңтардан бастап күшіне енетін өзгерістер: мөлшерлемелер, шегерімдер, сондай-ақ әлеуметтік салық бойынша;қосылған құн салығы (ҚҚС) бөлігіндегі өзгерістер: мөлшерлемелер, есепке қою тәртібі, асып кеткен сомаларды қайтару рәсімі;камералдық мониторинг және арнаулы салық режимдерін реформалау мәселелері бойынша;бақылау-кассалық машиналар (БКМ) үшін жаңа 2.0.3 хаттамаға көшу.Семинар соңында қатысушылар тікелей салық органдарының өкілдеріне сұрақтар қоюға және өзекті тақырыптар бойынша түсініктемелер алуға мүмкіндік алды.Мұндай іс-шараларды өткізу кәсіпкерлер арасында салық сауаттылығын арттыруға және бизнес пен мемлекет арасында ашық диалог қалыптастыруға ықпал етеді.Ақпарат көзі : https://www.gov.kz/memleket/entities/kgd-vko/press/news/details/1087353?lang=kk

2025 жылдың 15 қазан күні Бөрлі ауданы қоғамдық кеңесінің отырысы кеңес төрағасы Б.Макеевтің төрағалығымен өтті. Отырысқа мәслихат төрағасы К.Ермекбаев, аудан әкімінің орынбасары А.Тукжанов, бөлім басшылары, қала және ауылдық округ әкімдері қатысты.             Қоғамдық кеңестің күні тәртібі бойынша    Кеңтүбек  және Приурал ауылдық округ әкімі аппараттарының атқарған жұмысы мен көрсететін      мемлекеттік қызметтері туралы мәселелері қаралып, есептері тыңдалды.           Сонымен қатар «2025 жылғы 9 айы бойынша Бөрлі аудандық бюджеттің орындалуы туралы» ақпараты талқыланды.            Бұдан соң қоғамдық кеңес мүшелері   Бөрлі аудандық әкімдігінің «Қоғамдық жұмыстардың түрлерін және қоғамдық жұмыстар орындалуы тиіс ұйымдардың тізбесін бекіту туралы», “Бөрлі ауданы аумағында сайлау учаскелерін құру  туралы» шешіміне өзгеріс енгізу туралы қаулы мен шешім жобаларын  қолдады.Ақпарат көзі : https://www.gov.kz/memleket/entities/burlin-maslihat/press/news/details/1087359?lang=kk

Астана қаласының №13 жалпы білім беретін мектебінде 15 жетінші сынып оқушысының «Жас сарбаз» балалар-жасөспірімдер әскери-патриоттық қозғалысы қатарына қосылу рәсімі салтанатты түрде өтті. Іс-шара отансүйгіштікке тәрбиелеуге және ұлттық бірлікті нығайтуға бағытталған «Біртұтас ел – біртұтас жер» идеологиялық қағидатын іске асыру шеңберінде өтті.Салтанатты шара құрамында Қорғаныс министрлігі Тәрбие және идеологиялық жұмыс, Әскери білім және ғылым департаменттері офицерлерінің, Ұлттық әскери-патриоттық орталық, Әскери-тарихи музейдің және осы мектепті қолдаушы Арнайы операциялар күштерінің өкілдері бар ақпараттық-түсіндіру тобының белсенді қолдауымен ұйымдастырылды.Оқушылар жас патриоттың ант сөздерін толқып, мақтанышпен айтты. Оларды 32039 әскери бөлімінің офицері подполковник Ризабек Еламанов айтулы күнмен құттықтап, балаларға Арнайы операциялар күштері қолбасшысының алғыс хаттарын табыс етті.– Бүгін сендердің алдарыңда үлкен мүмкіндіктер ашылып отыр. Барлық күш-жігерлерің мен қабілеттеріңді биік мақсатқа – еліміздің лайықты азаматтары болуға жұмсаңдар. Отанымыздың көркею жолындағы сендердің әр жетістіктерің бізді қуантады, – деді подполковник Р. Еламанов.Тәрбие және идеологиялық жұмыс департаменті басқармасының аға офицері полковник Талғат Құлманов жас патриоттарға арнаған сөзінде жастармен жүйелі жұмыстың маңыздылығын атап өтті.– Патриотизм жәй сөз емес. Бұл еңбек ету, борышты өтеу және Отанға қорғауға дайын болу. «Жас сарбаз» қозғалысының арқасында біз еліміздің нағыз патриоттарының санасын оятып, рухын қалыптастырамыз, – деді ол.Әскери білім және ғылым департаментінің майоры Рүстем Төлегенов еліміздің жоғары әскери оқу орындарына түсу мәселелеріне қатысты оқушыларға түсіндірме әңгіме өткізіп, мерзімді әскери қызмет өткергендерге мемлекеттік қолдау шаралары туралы айтып берді.-– Әскери мансап – жауапкершіліктің, тәртіптің және Отанға қызмет етудің жолы. Мемлекет жастардың еліміздің Қарулы күштерінде өз әлеуетін іске асыруы үшін барлық жағдай жасайды, – деді майор Р. Төлегенов.Іс-шара барысында балаларды дрондармен және роботтандырылған жүйелердің жұмысын, қоян-қолтық ұрыс элементтерін, медициналық көмек көрсету, сондай-ақ жауынгерлік техниканың тұсаукесері ерекше қызықтырды.Аталмыш шара ел Қарулы күштерінің жауынгерлік дәстүрлері мен абыройын бейнелейтін құрмет қарауыл ротасының дефилесімен аяқталды.Ақпарат көзі : https://www.gov.kz/memleket/entities/mod/press/news/details/1087309?lang=kk

Рим, 2025 жылғы 15 қазан – Батыс Африка мәселелеріне арналған Акаба процесі саммиті аясында Қазақстан Республикасының Сыртқы істер министрі Ермек Көшербаев Италия Республикасының Министрлер кеңесі төрағасының орынбасары – Сыртқы істер министрі Антонио Таянимен кездесу өткізді.Е.Көшербаев Қазақстанның Еуропадағы сенімді серіктесі болып табылатын Италиямен көпжылдық қатынастарға зор мән беретінін атап өтті. Энергетика, «жасыл» технологиялар, машина жасау, агроөнеркәсіп кешені, білім және ғылым, сондай-ақ инфрақұрылым салаларындағы ынтымақтастықты одан әрі кеңейтудің маңыздылығына назар аударылды.Өз кезегінде А.Таяни итальян тарапының Қазақстанмен сауда-экономикалық және инвестициялық ынтымақтастықты нығайтуға дайын екенін білдірді.Кездесу барысында Италияның Еуропалық одақтағы Қазақстанның негізгі стратегиялық серіктестерінің бірі және Оңтүстік Еуропа елдері арасындағы ең ірі сауда-экономикалық серіктесі екені аталып өтті (2024 жылы екі ел арасындағы тауар айналымы 20 млрд АҚШ долларын құрады). Өз кезегінде Қазақстан да Орталық Азиядағы Италияның маңызды серіктесі болып қала береді және айтарлықтай энергетикалық әрі инвестициялық әлеуетке ие.Келіссөздердің қорытындысы бойынша тараптар Қазақстан мен Италия арасындағы стратегиялық серіктестікті одан әрі нығайтуға бағытталған сындарлы диалог пен бірлескен күш-жігерді жалғастыруға өзара мүдделілігін растады.Ақпарат көзі : https://www.gov.kz/memleket/entities/mfa/press/news/details/1087273?lang=kk

Егер сіз Біржолғы зейнетақы төлемдерін (БЗТ) тұрғын үй сатып алуға немесе емделуге пайдаланған болсаңыз және сол сомаға ЖТС (жеке табыс салығы) ұсталса – сіз үшін маңызды жаңалық бар!Егер сіз әлеуметтік осал санатқа жататын болсаңыз, ұсталған ЖТС қайтаруға құқығыңыз бар.Ең бастысы – өтініш беру мерзімі 5 жылға дейін ұзартылды!(бұрын 3 жыл болатын – көп адам үлгермей қалған)Кімдер салықты қайтара алады?Егер сіз төмендегі санаттардың біріне кірсеңіз:•1, 2 немесе 3 топтағы мүгедектігі бар адам•Мүгедек баланы тәрбиелеп отырған ата-ана, қорғаншы немесе қамқоршы•Асырап алушы– Соғыс ардагері (толық тізбесі Салық кодексінің 346-бабында көрсетілген)Салықты қалай қайтаруға болады?•Жақын жердегі БЖЗҚ филиалына барыңыз;•Өтініш толтырыңыз;•Құжаттарыңызды өткізіңіз;•Егер салық бұрын ұсталған болса, ЖТС жеке зейнетақы шотыңызға қайтарылады.Ал егер салық кейінге қалдырылған болса, оны төлеудің қажеті болмайды.Мерзімі – 2025 жылғы 31 желтоқсанға дейін2026 жылғы 1 қаңтАқпарат көзі : https://www.gov.kz/memleket/entities/aktobe-shalkar/press/news/details/1087235?lang=kk

2025 жылғы 13–15 қазан - Қазақстан Республикасының Бразилиядағы Елшісі Болат Нүсіпов БҰҰ-ның Климаттың өзгеруі жөніндегі конференциясына (PreCOP) дайындық аясында Бразилиада өткізілген алдын ала сессияға қатысты.Дайындық министрлік кездесудің барысында Ғаламдық түгендеу, Әділетті өтпелі кезең және Бейімделу мәселелері бойынша тақырыптық сессиялар өтті. Аталған алаң тараптарға басым бағыттарды жан-жақты талқылауға, өзара ұқсас көзқарастарды айқындауға және мүдделі тараптар мен қоғамдық ұйымдар өкілдерімен климат пен даму, бейімделу және энергетика салаларындағы негізгі тақырыптар бойынша пікір алмасуға мүмкіндік берді. Талқылаулардың негізгі мақсаты – климаттың өзгеруіне қарсы күрестегі нақты шешімдер мен практикалық шараларды айқындау болды.Бұдан бөлек, COP30 төрағасы ретінде Бразилия негізгі бастамалардың іске асырылу барысын ұсынды. Олардың қатарында «Іс-қимыл күн тәртібі» және COP29 төрағалығымен бірлесіп әзірленген «Бакуден Беленге дейінгі 1,3 трлн» жол картасы бар.6–7 қарашада Белен қаласында өтетін СОР30 көшбасшылар саммитіне Қазақстан Республикасы делегациясын ҚР Экология және табиғи ресурстар министрі бастап қатысады. Ақпарат көзі : https://www.gov.kz/memleket/entities/mfa-brazil/press/news/details/1087248?lang=kk

Саарбрюккен, 2025 жылғы 14 қазан – Германияның Саарбрюккен қаласында «25 қазан – Қазақстан Республикасы күніне» арналған салтанатты мәдени шара өтті. Кеш аясында Жамбыл облысы әкімдігінің қолдауымен Кенен Әзірбаев атындағы Жамбыл облыстық филармониясының «Қазақ елі» ансамблі мен өнер шеберлері «Қазақстан – құтты мекенім!» атты мазмұнды концерттік бағдарламасын көрермен назарына ұсынды.Іс-шараны Қазақстан Республикасының Германия Федеративтік Республикасындағы Елшілігі, Майндағы Франкфурт қаласындағы Бас консулдығы мен Саар өңірлік өнеркәсіп-сауда палатасы (IHK Saarland) бірлесе ұйымдастырды. Бұл шара Қазақстан мен Германия арасындағы мәдени ынтымақтастықтың айқын көрінісіне айналып, екі ел арасындағы достық көпірін одан әрі нығайта түсті. Қазақ халқының дәстүрлі музыкасы мен рухани мұрасын дәріптеген бұл кеш көрермендерге ұмытылмас әсер сыйлады.Мәдени кешке Саар жері билігінің, мәдениет,  өнер және білім салаларының өкілдері, Германиядағы қазақ диаспорасының мүшелері, жергілікті іскерлік қауымдастық, сондай-ақ Саарбрюккен тұрғындары мен қонақтары қатысты.Кештің ашылуында Қазақстан Республикасының Майндағы Франкфурт қаласындағы Бас консулы Таубалды Умбетбаев сөз сөйлеп, екі ел арасындағы стратегиялық байланыстар мен жоғары деңгейдегі өзара сенімнің дамуына тоқталды:«Қазақстан мен Германияны көпжылдық тығыз әрі сенімді қарым-қатынас байланыстырады. Германия – біз үшін Еуропадағы стратегиялық әріптес. Бүгінде бұл байланыс тек саясат пен экономика аясында ғана емес, мәдениет, білім, ғылым салаларында да кең өріс алып келеді. Бүгінгі мәдени кеш – осы серіктестіктің жүрекке жылы, шынайы көрінісі. Өнер – халықтар арасындағы жүректен жүрекке жол табатын ең қуатты құрал», – деді Таубалды Умбетбаев.Сонымен қатар, IHK Saarland Саар жерінің Сауда-өнеркәсіп палатасының Бас атқарушы директоры доктор Франк Томе Қазақстан мен Саар өңірі арасындағы экономикалық байланыстардың қарқынды дамып келе жатқанын атап өтті:«Саарланд пен Қазақстан арасындағы сауда көлемі соңғы жылдары едәуір артты. Біз өзара тиімді экономикалық жобалармен ғана шектеліп қалмай, бүгінгідей мәдени іс-шаралар арқылы да достық пен өзара түсіністікті тереңдетуге мүдделіміз. Өнер – экономикалық әріптестікті де, адами байланысты да жандандыратын ортақ тіл», – деді доктор Томе өз сөзінде.Сахна төрінде өнер көрсеткен Жамбыл өнерпаздары неміс көрерменін ұлттық әуенмен тербетіп, домбыра, жетіген мен қобыздың үні арқылы қазақ даласының терең философиясы мен тұмса табиғатын сезіндіре алды.Кештің репертуары қазақ классикасы мен заманауи шығармаларды, халық күйлері мен әлемдік туындыларды қатар қамтыды. Абайдың «Желсіз түнде жарық-ай» мен «Көзімнің қарасы», Құрманғазының «Серпері», Қазанғаптың «Ақжелеңі», сондай-ақ Paul Lincke-нің әйгілі «Berliner Luft» туындысы – барлығы жоғары кәсіби деңгейде орындалып, мәдениеттер үндестігін ерекше сездірді. Концерттің финалында орындалған «Атамекен» әні – көрермендерді ерекше тебірентіп, залда шынайы ұлттық мақтаныш сезімін оятты.Іс-шара екі ел арасындағы достықты, өзара сыйластықты арттыруға, сондай-ақ қазақ өнерін халықаралық деңгейде кеңінен насихаттауға бағытталған маңызды мәдени оқиға ретінде тарихта қалмақ.Ақпарат көзі : https://www.gov.kz/memleket/entities/mfa-frankfurt/press/news/details/1087258?lang=kk

Рим, 2025 жылғы 15 қазан – Қазақстан Республикасының Сыртқы істер министрі Ермек Көшербаев Батыс Африка жөніндегі Акаба процесі аясындағы мемлекет және үкімет басшыларының кездесуіне қатысу үшін Италияға жасаған сапары барысында Иордания Королі Абдалла II бен әл-Хусейннің қабылдауында болды.Кездесу барысында Е.Көшербаев Иордания Короліне Қазақстан Президенті Қасым-Жомарт Тоқаевтың жолдауын және ізгі сәлемін жеткізді, сондай-ақ терроризммен, экстремизммен және трансұлттық қылмыспен күрес мәселелерін талқылауға арналған маңызды алаң ретінде Акаба процесін жан-жақты қолдайтынын білдірді. Тараптар сондай-ақ жаһандық және өңірлік қауіпсіздік мәселелері жөнінде пікір алмасты.Сұхбаттастар екіжақты өзара іс-қимылдың жоғары деңгейін, биік және жоғары деңгейдегі тұрақты саяси диалогтың дамуын, сонымен қатар екіжақты және халықаралық құрылымдар аясындағы тиімді ынтымақтастықты қанағаттанушылықпен атап өтті.Форум аясында ҚР Сыртқы істер министрі сондай-ақ Италия Министрлер Кеңесінің Төрағасы Джорджа Мелонимен кездесу өткізді. Сұхбат барысында Министр Қазақстан Президенті Қ.Тоқаевтың жолдауын табыстап, 2025 жылы Италия Премьер-министрі және Президенті Серджо Маттарелланың Қазақстанға жасаған сапарларының қорытындылары бойынша қол жеткізілген уағдаластықтардың орындалу барысын талқылады.Италия Үкіметінің басшысы жолдау үшін алғыс білдіріп, елдеріміз арасындағы өзара тиімді ынтымақтастықты, соның ішінде «Орталық Азия – Италия» форматындағы серіктестікті одан әрі жалғастырудың маңыздылығын атап өтті.Кездесу соңында тараптар халықаралық деңгейде бейбітшілік, тұрақтылық және қауіпсіздікті қолдауға бағытталған өзара күш-жігерді жалғастыруға уағдаласты. Ақпарат көзі : https://www.gov.kz/memleket/entities/mfa/press/news/details/1087271?lang=kk

01.01.2025 ж. - 31.07.2025 ж. аралығында БЖЗҚ салымшыларға шамамен 27,9 млн қызмет көрсетті. Оның ішінде:✅ 15,6 млн - электрондық форматта✅ 11,4 млн - автоматты түрде✅ 565,8 мың - қызмет жүзбе-жүз🔹 Осылайша, автоматты, электрондық және қашықтықтан көрсетілген қызметтердің үлесі – 98%.Ең танымал қызмет - ЖЗШ, ШЗШ, НЖШ бойынша үзінді көшірме алу. Жыл басынан бері 17,2 млн үзінді көшірме берілді, оның ішінде 14,3 млн - электронды түрде.Қызметтерді алу үшін салымшылар:•Қордың сайты мен мобильді қосымшасын,•egov.kz порталы мен мобильді қосымшасын пайдалана алады.💡 Қағаз түріндегі жыл сайынғы үзінді көшірмелер 2025 жылдан бастап пошта арқылы жіберілмейді, бірақ сұраныс жасаған жағдайда Қордан пошта арқылы алуға болады.Сондай-ақ, Жеке кабинет арқылы:* деректемелерге өзгерістер енгізу,* анықтама алу,* зейнетақы төлемдерін тағайындауға өтініш беру,* жарналардың мәртебесін қадағалау,* ИПБ-ға жинақтардың бір бөлігін аудару,* зейнетақы калькуляторын пайдалануАқпарат көзі : https://www.gov.kz/memleket/entities/aktobe-shalkar/press/news/details/1087233?lang=kk

Қонаев қалалық көпсалалы ауруханасында Жапонияның жетекші мамандарының қатысуымен операциялық эндоскопия бойынша халықаралық мастер-класс басталды. Бұл шара — еліміздегі медицинаны дамыту мен заманауи халықаралық стандарттарды енгізудегі маңызды қадам.Алматы облысының денсаулық сақтау басқармасының басшысы Ержан Сүлейменовтің айтуынша, мастер-класс тек тәжірибе алмасу емес, аймақтың медицина жүйесін дамытуға нақты үлес болып табылады.«Қазір жапондық ғылыми орталықпен келісімге келу жұмыстарының соңғы кезеңіне жеттік. 2026 жылдан бастап облыс дәрігерлері мен эндоскопистері Жапонияда тегін оқып, тағылымдамадан өте алады. Негізгі талаптардың бірі – ағылшын тілін білу. Бұл жас мамандар үшін қосымша ынталандыру болмақ», – деді Ержан Сүлейменов.Оның сөзінше, аймақ дәрігерлері Астанадағы Ұлттық онкологиялық орталықта да кәсіби біліктілігін арттырады.«Басты мақсат – медициналық кадрлардың үздіксіз кәсіби дамуын қамтамасыз ету және озық технологияларды енгізу», – деп атап өтті ол.Мастер-класқа Жапониядан келген екі жетекші хирург пен еліміздің бас эндоскописті, профессор Қанат Батырбеков қатысып жатыр. Екі күн бойы шеберлік сабақтары, клиникалық жағдайларды талдау және нақты операциялар көрсетілуде.Қонаев қалалық ауруханасының эндоскопия орталығының меңгерушісі Тахир Шүкірәлиев жапондық эндоскопия мектебі дәлдік пен ұқыптылыққа негізделгенін айтты.«Біз тек технологияны емес, дәрігердің ойлау жүйесін, пациентке деген қатынасты да үйреніп жатырмыз. Бұл – өңірдегі эндоскопия қызметі үшін жаңа кезең», – деді ол.Ал профессор Қанат Батырбеков шетелдік мамандармен бірлесіп өткізілетін осындай «тірі» операциялар мен клиникалық талқылаулар медициналық көмектің сапасын арттыратынын айтты.Мастер-класс аясында екінші күні қосымша хирургиялық демонстрациялар мен пациенттерге кеңес беру жоспарланған. Осындай деңгейдегі халықаралық іс-шараның Қонаевта өткізілуі — отандық дәрігерлердің жоғары кәсіби дайындығы мен қазақстандық медицинаның ашықтығын айқын көрсетті.Ақпарат көзі : https://www.gov.kz/memleket/entities/almobl/press/news/details/1087225?lang=kk

Салауатты өмір салтын насихаттау аясында Солтүстік Қазақстан облысы бойынша ҚАЖ департаменті қызметкерлері үшін спорттық шеберлік сағатын ұйымдастырды. Іс-шараға өңірдің танымал спортшылары — 2025 жылғы бокс бойынша әлем чемпионы Наталья Богданова, оның жаттықтырушысы, еңбегі сіңген спорт шебері Дастан Кабделов, сондай-ақ кикбоксингтен бес дүркін әлем кубогының жеңімпазы Аслан Асылбеков шақырылды.Шеберлік сағатына департамент пен оған қарасты мекемелердің 25 қызметкері қатысты. Қонақтар өздерінің спорттағы жолдары туралы әңгімелеп, тәжірибелік жаттығулар өткізді: қатысушылар чемпиондардың жетекшілігімен қызу жаттығу жасап, бокс пен кикбоксингтің негізгі тәсілдерін үйреніп, соққы мен қорғаныс элементтерін пысықтады.Наталья Богданова 2025 жылы бокстан әлем чемпионы атағын жеңіп алып, мұндай жоғары нәтижеге қол жеткізген Солтүстік Қазақстан облысынан шыққан алғашқы спортшы атанды. Бұл жетістік өңір тарихындағы маңызды оқиға болды. Оның жаттықтырушысы Дастан Кабделов — еңбегі сіңген спорт шебері, халықаралық деңгейдегі көптеген чемпиондарды тәрбиелеген тәжірибелі маман.Аслан Асылбеков — кикбоксингтен бес дүркін әлем кубогының иегері, халықаралық жарыстардың бірнеше мәрте жеңімпазы, табандылығы мен еңбекқорлығымен танылған спортшы.— «Бұл іс-шара бізге спортпен айналысуға және салауатты өмір салтына басқаша қарауға шабыт берді. Чемпиондармен бірге жаттығу — зор мотивация!» — деп әсерімен бөлісті қызметкерлердің бірі.Іс-шара соңында қонақтар барлық қызметкерлерге мықты денсаулық, табыс және өз күшіне сенім тіледі.— «Ең бастысы — тоқтамау. Жеңіс кішкентай қадамдардан басталады, кеше болғаннан бүгін жақсырақ болуға деген ниеттен туындайды», — деді Наталья Богданова.Шеберлік сағаты тек спорттық шара ғана емес, сонымен қатар спорттың адамдарды біріктіріп, ұжымдық рухты нығайтып, денсаулықты сақтауға көмектесетін жарқын үлгісіне айналды. Ақпарат көзі : https://www.gov.kz/memleket/entities/duissko/press/news/details/1087216?lang=kk

Валетта (Мальта), 2025 жылғы 8-9 қазан – Еуропа Кеңесінің жастар істері жөніндегі министрлердің 10-конференциясы өтті. Конференция «Демократия үшін жастар: жастар көзқарасы» тақырыбында өтті. Оған Еуропа Кеңесіне мүше мемлекеттердің министрлері мен ресми өкілдері, сондай-ақ халықаралық жастар ұйымдары мен Еуропа Кеңесінің құрылымдарының басшылары қатысты.Қазақстан Республикасын аталған іс-шарада ҚР Страсбург қаласындағы Бас консулы Анель Бақытбекқызы және Еуропа Кеңесінің Жастар істері жөніндегі Еуропалық Басқару комитеті (ЕРКДМ) Бюросының мүшесі Валихан Бахретдинов ұсынды. Пленарлық отырыс барысында А.Бақытбекқызы сөз сөйлеп, Қазақстанның жастар саясаты саласындағы басым бағыттарын таныстырды және 2023-2029 жылдарға арналған Мемлекеттік жастар саясаты тұжырымдамасының іске асырылуы туралы айтты. Ол Қазақстанның жастардың шешім қабылдау процесіне белсенді қатысу қағидатын дәйекті түрде ілгерілетіп, демократия, инклюзия және орнықты даму құндылықтарына негізделген халықаралық серіктестік қатынастар орнатып отырғанын атап өтті.Конференция барысында қазақстандық делегация жастар өлшемін мемлекеттік саясат қалыптастыру процестеріне енгізу, жастардың жергілікті және өңірлік деңгейдегі өмірге қатысуының Еуропалық хартиясын жаңарту, сондай-ақ жастар мобильділігі мен азаматтық белсенділікті дамыту мәселелерін талқылауға қатысты. Сонымен қатар, қазақстандық тарап Еуропалық жастар карталары қауымдастығының (EYCA) қызметіне арналған іс-шараларға қатысты.Қазақстанның бұл конференцияға қатысуы Еуропа Кеңесімен және оның жастар құрылымдарымен диалогты нығайтуға, сондай-ақ елдің инклюзивті, ашық және болашаққа бағытталған жастар саясатын дамытуға бейілділігін тағы бір рет дәлелдеуге мүмкіндік берді.Ақпарат көзі : https://www.gov.kz/memleket/entities/mfa-strasbourg/press/news/details/1087212?lang=kk

Алматы облысында құрылыс нысандарының саласында анықталған заңбұзушылықтар санының едәуір азайғаны байқалады. Ведомство мәліметінше, күшейтілген мониторинг пен кешенді бақылау шараларының арқасында рұқсат беру құжаттарынсыз құрылыс-монтаж жұмыстарын бастаудың фактілері айтарлықтай қысқарған.– Жүйелі тәсіл мен инспекторлардың мұқият жұмысы өз бетінше салынған нысандар мен рұқсатсыз жүргізіліп жатқан құрылыстарды дер кезінде анықтауға мүмкіндік береді. Мемлекеттік нормалар бұзылған және жобадан ауытқу жағдайлары тіркелген кезде, заңбұзушылар Қазақстан Республикасының заңнамасына сәйкес жауапкершілікке тартылады, – деді облыстық мемлекеттік сәулет-құрылыс бақылау басқармасының басшысы Айдын Әуесбай.Биылғы жылы құрылыс саласындағы заңбұзушылықтар бойынша мамандандырылған ауданаралық әкімшілік соттарға 127 материал жолданған. Тексеру нәтижесінде салынған айыппұлдардың жалпы сомасы 100 миллион теңгеден асты.Заңсыз (рұқсатсыз) салынған нысандарды анықтауға ерекше назар аударылуда. Мәселен, Қонаев қаласында құрылыс нормалары бұзылып салынған коммерциялық нысан бұзылды. Осындай шаралар Талғар (2 нысан), Райымбек (1 нысан), Жамбыл (1 нысан) және Қарасай (2 нысан) аудандарында да қабылданды.Сонымен қатар, облыстың аудандық соттарында өз бетінше салынған құрылыстарды бұзу жөніндегі 14 талап арыз қаралу үстінде.Бұдан бөлек, әлеуметтік нысандардың құрылысы барысына ерекше бақылау жүргізілуде. Бұл бағытта құрылыс сапасына тұрақты мониторинг жасалып отыр.Алматы облысының мемлекеттік сәулет-құрылыс бақылау басқармасы құрылыс заңнамасының сақталуын қамтамасыз ету және рұқсатсыз құрылысқа жол бермеу бағытындағы жүйелі жұмыстарын жалғастыруда.Ақпарат көзі : https://www.gov.kz/memleket/entities/almobl/press/news/details/1087201?lang=kk

Қостанай қаласы әкімдігінің «Қостанай жылу энергетикалық компаниясы» ШЖҚ КМК хабарлайды:2025 жылғы 16 қазан күні сағат 9:00-ден 23:00-ге дейін «Қостанай Су» ШЖҚ КМК жаңа тұтынушыларды жоспарлы қосуға байланысты қазандыққа су беру тоқтатылады.Осыған байланысты аталған уақытта «Kostanay Plaza» сауда орталығында және келесі 14 көпқабатты тұрғын үйде ыстық су беру уақытша тоқтатылады:Назарбаев даңғылы №195,197,199,205,207,209,211,213,215,223,225,227,229,231.Қазандық жылу беру режимінде жұмысын жалғастырады.Көпқабатты тұрғын үйлердің жауапты тұлғалары мен МИБ төрағаларынан ыстық су жүйесінің жылу алмастырғыш жабдығын сенімді түрде ажыратуды сұраймыз.Су беру қалпына келтірілгеннен кейін ыстық су қайта қосылады.Ақпарат көзі : https://www.gov.kz/memleket/entities/kostanai-kalasy-akimat/press/news/details/1087172?lang=kk

 2025 жылғы 1 қазандағы жағдай бойынша бағдарлама басталған сәттен бері (2024 жылғы 1 ақпан) уәкілетті оператор 22,29 млн АҚШ долларынан астам сомаға 156 956 өтініш орындады. Қаражат уәкілетті операторларға өтініш берушілердің банктік шоттарына есептеу үшін аударылды. Оның ішінде тұрғын үй мәселелерін шешу үшін 14,14 млн доллар сомасына 98 046 өтініш, білім алу ақысын төлеуге шамамен 8,15 млн доллар сомасына 58 910 өтініш орындалды. Естеріңізге сала кетейік, нысаналы жинақтарды (НЖ) алушы барлық соманы немесе оның бір бөлігін пайдалануға құқылы. Пайдаланылмаған қалдық нысаналы жинақтау шотында (НЖШ) сақталады. Тұрғын үй жағдайларын жақсарту аясында қазақстандықтар қаржыларын көбінесе мынадай мақсатта пайдаланды: одан әрі жинақтау үшін тұрғын үй құрылысы жинақтарындағы салымды толықтыруға 13,85 млн АҚШ долларына 95 786 өтініш, тұрғын үй сатып алуға ипотекалық тұрғын үй қарызын алу үшін бастапқы жарнаны енгізуге 101,44 мың АҚШ долларына 755 өтініш және азаматтық-құқықтық мәмілелер бойынша меншікке тұрғын үй сатып алуға (түпкілікті есеп айырысу) 69,88 мың АҚШ долларына 553 өтініш орындалды. Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (7,38 млн АҚШ долларына 52 574 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (527,67 мың АҚШ долларына 4 477 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (194,54 мың АҚШ долларына 1 526 өтініш орындалды).           Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады. Нысаналы жинақтар төлемін алу үшін алушыға не оның заңды өкіліне БЖЗҚ-мен тиісті келісім жасаған уәкілетті операторға жүгіну қажет. Өтінішті "Отбасы банкі" АҚ, "Қазақстан Халық банкі" АҚ-ның бірінің интернет-ресурсы немесе   мобильді қосымшасы арқылы беруге болады. Айта кетейік, 01.08.2025ж. бастап аталған тізім "Банк ЦентрКредит" АҚ жаңа уәкілетті операторымен толықтырылды. Естеріңізге сала кетейік, "Ұлттық қор - балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға биыл 3,04 АҚШ долларымөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағындағы қаражат 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды.Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады.Нысаналы жинақтар төлемін рәсімдеу үшін алушы не оның заңды өкілі БЖЗҚ-мен тиісті келісім жасалған уәкілетті операторға жүгінуі қажет. Өтінішті интернет-ресурс немесе "Отбасы банк" АҚ (тұрғын үй жағдайларын жақсарту және білім беру ақысын төлеу мақсатында), "Қазақстан Халық банкі" АҚ, "Банк ЦентрКредит" АҚ (білім беру ақысын төлеу мақсатында) уәкілетті операторларының бірінің мобильді қосымшасы арқылы беруге болады. kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OMсілтемесі бойынша көруге болады.  БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1087179?lang=kk

«БЖЗҚ» АҚ 2024 жылға арналған жылдық актуарлық есебін жариялады Қазақстан демографиялық қартаю дәуіріне аяқ басып келеді және ғасырдың орта тұсына қарай ол демографиялық қартаю деңгейі өте жоғары елдер санатына енеді: республика халқы санының 2050 жылдың соңына қарай 26,5 млн адамға дейін өсуі мүмкін екенін ескерсек, елдің әрбір алтыншы тұрғыны 60 жастан асады – егде жастағы адамдардың үлесі халықтың жалпы санының 18,8% құрайды.Бұл ретте БЖЗҚ-дан зейнетақы төлемдерін алушылардың саны 2025 жылдан 2050 жылға дейінгі кезеңде 4 есеге артады - 520 мыңнан 2 млн-ға дейін. Бұл деректер "БЖЗҚ" АҚ (бұдан әрі – БЖЗҚ, Қор) жариялаған "2024 жылғы актуарлық есепте" (бұдан әрі – есеп) келтірілген. Онда Қазақстанның зейнетақы жүйесін одан әрі дамытуға байланысты кешенді актуарлық есептеулер мен болжамдардың нәтижелері көрсетілген. Демографиялық өзгерістердің зейнетақымен қамсыздандыру жүйесіне салатын  салмағы айтарлықтай. Сондықтан мемлекеттің маңызды міндеттерінің бірі – халықаралық стандарттарға сай келетін және лайықты зейнетақы төлемдерін қамтамасыз ететін зейнетақы жүйесін қалыптастыру. Жүйенің тиімділігі есепте талданып, болжанатын бірқатар көрсеткіштер бойынша бағаланады. Ұсынылған жылдық актуарлық есеп мемлекеттік органдар, сарапшылар және жалпы жұртшылық үшін маңызды деректер көзі саналады. Демографиялық трендтер  Есептің бірінші бөлімінде демографиялық өзгерістер және олардың зейнетақы жүйесіне әсері сипатталған. Есепте 2025 жылдың басындағы демографиялық жағдай және стохастикалық және детерминистік модельдерді қолдана отырып жасалған 2050 жылға дейінгі ұзақ мерзімді болжамдар келтірілген. Жалпы тенденциялар – өмір сүру ұзақтығы артады, туу деңгейі төмендейді – болжам бойынша 2050 жылға қарай халықтың құрылымындағы егде жастағы азаматтардың үлес салмағы өседі, ал еңбекке қабілетті халықтың саны азаяды. Бұл өзгерістер зейнетақы жүйесінің жинақтаушы компонентінің рөлін арттыруды талап етеді. Қазақстан Республикасының зейнетақы жүйесіЕсептің екінші бөлімі Қазақстанның қолданыстағы көпдеңгейлі зейнетақы моделін сипаттауға, оны халықаралық рейтингтерде бағалауға, сондай-ақ барабар зейнетақы табысын қалыптастыру үшін зейнетақы жарналарының оңтайлы мөлшерлемелерін талдауға арналған. Республикада Қаржы нарығы мен жинақтаушы зейнетақы жүйесін қалыптастырудың бастауында тұрған сарапшылардың жүйені одан әрі жетілдіру жолдары туралы пікірлері келтірілген. Зейнетақы ағындарына болжамҮшінші бөлімде зейнетақы ағындарын модельдеу және болжау нәтижелері, атап айтқанда KazPRESTO кешенді актуарлық моделі және оның болжамды нәтижелері, демографияны, еңбек нарығын, міндетті зейнетақы жарналарының 10% есебінен зейнетақы төлемдерін модельдеу көрсетілген. Болжамды есептеулер жинақтаушы жүйедегі зейнетақы ағындарының ұзақмерзімді перспективада тұрақты өсуін көрсетеді. Сонымен қатар, жинақтарды мерзімінен бұрын пайдалану саясатын бақылау, жарналардың жүйелілік деңгейін арттыру, халықты зейнетақы жүйесімен қамту, сондай-ақ инвестициялық басқарудың тиімділігін арттыру қажеттілігіне, әсіресе нақты табыстылығы төмен болған кезде баса назар аударылады. БЖЗҚ-ның жылдық актуарлық есебі – Қазақстанның зейнетақы жүйесін дамытудың ағымдағы жай-күйі мен ұзақмерзімді перспективаларын кешенді бағалауға мүмкіндік беретін маңызды құжат. Ондағы тұжырымдар зейнетақы жүйесінің тұрақтылығын және зейнетақы төлемдерінің лайықтылығын арттыруға бағытталған тиімді шешімдерді әзірлеу үшін негіз болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/abay-kokpekti-ulkenboken/press/news/details/1092954?lang=kk

Қорғаныс министрінің тәрбие және идеологиялық жұмыс жөніндегі орынбасары вице-адмирал Серік Борамбаев Алматы гарнизонына жұмыс сапары барысында "Бітімгер" оқу орталығы мен Қорғаныс министрлігіне қарасты білім беру мекемелерінде болды.Сапар аясында вице-адмирал Біріккен Ұлттар Ұйымы миссиясы аясында тапсырмаларды орындауға дайындалып жатқан үшінші қазақстандық біріккен бітімгершілік контингентінің даярлық барысымен танысты.Қорғаныс министрлігінің өкілі оқу орталығының материалдық-техникалық базасын, сондай-ақ бітімгерлердің сапалы дайындық жүргізуіне арналған тұрмыстық жағдайларды аралап көрді.«Бітімгер» оқу орталығындағы салтанатты сап түзеу барысында Серік Борамбаев қазақстандық бітімгерлердің халықаралық қауіпсіздікті нығайтудағы және елдің әлемдік аренадағы беделін арттырудағы маңызды рөлін атап өтті.– Біріккен Ұлттар Ұйымы туы астындағы бітімгершілік операцияларға қатысу – бұл жаһандық тұрақтылыққа қосылған үлес қана емес, сонымен қатар Қазақстанның әлемдік қауымдастық алдындағы жауапты әрі сенімді серіктес екенін дәлелдейді, – деді вице-адмирал.Сол күні Қорғаныс министрінің орынбасары Радиоэлектроника және байланыс әскери-инженерлік институтында және Бауыржан Момышұлы атындағы әскери-спорт колледжінде болды. Ол оқу орындарының материалдық-техникалық базасымен, оқу процесін ұйымдастыру және курсанттар мен сарбаздардың казармадағы тұрмыс жағдайларымен танысты.Институтта Серік Борамбаев академиялық ұтқырлық бөлімі мен конструкторлық бюроның жұмысымен танысып, профессор-оқытушылар құрамы мен курсанттардың бірлесіп жүзеге асырып жатқан ғылыми-зерттеу және жобалық жұмыстарын көрді. Кейбір ғылыми әзірлемелер қазірдің өзінде Қарулы Күштердің бөлімшелерінде қолданылуда.Сапар қорытындысы бойынша Қорғаныс министрінің орынбасары әскери ұжымдардағы моральдық-психологиялық ахуалды нығайту, әскери-патриоттық тәрбие мен мәдени-демалыс жұмысын жетілдіру бойынша бірқатар тапсырмалар берді.Ақпарат көзі : https://www.gov.kz/memleket/entities/mod/press/news/details/1087194?lang=kk

2025 жылғы 15 қазанда Осакаров ауданының білім бөлімі инклюзивті білім беру мәселелері бойынша ата - аналар жұртшылығымен кезекті онлайн-кездесу өткізді. Кездесуге 20-дан астам ата-ана қатысты. Кездесу барысында бүгінгі күннің өзекті мәселелері, атап айтқанда: «Инклюзивті білім беру кеңістігіндегі педагог пен ата-аналардың өзара іс-қимылы» мәселелер қаралды. Барлық сұрақтарға толық және ашық жауаптар берілді. Қорытындысында ауданның ата-аналар жұртшылығы берілген ақпарат үшін алғыстарын білдірді.Ақпарат көзі : https://www.gov.kz/memleket/entities/edu-osakarovka/press/news/details/1087124?lang=kk

2025 жылғы 06 қарашада Қарағанды облысы бойынша барлық аумақтық мемлекеттік кірістер басқармаларында салық төлеушілер үшін Ашық есік күндері өткізілді, олардың мақсаты салық заңнамасындағы өзекті өзгерістерді ақпараттандыру және түсіндіру болып табылады.Іс-шара аясында салық төлеушілерге 2026 жылғы 1 қаңтардан бастап енгізілетін салық кодексіндегі инновациялар бойынша егжей-тегжейлі кеңес берілді.Кездесулер барысында қатысушылар салық заңнамасындағы алдағы өзгерістермен танысуға, бұл инновациялардың олардың бизнесіне немесе жеке міндеттемелеріне қалай әсер ететінін түсінуге, сондай-ақ өз сұрақтарын қоюға және жауап алуға мүмкіндік алды.Іс-шара жұмыстың ашықтығын және қаржылық сауаттылық деңгейін арттыруға ықпал ететін салық төлеушілермен ашық қарым-қатынас үшін диалог алаңын құруға ұмтылысын атап өтті.Ақпарат көзі : https://www.gov.kz/memleket/entities/kgd-karaganda/press/news/details/1100479?lang=kk

Қазақстан Республикасы Салық кодексінің 88-бабы 1-тармағына сәйкес, жекелеген қызмет түрлерін (бұдан әрі – ЖҚТ) жүзеге асыратын тұлғалар салық төлеуші ретінде міндетті түрде тіркелуге тиіс, бұл қызмет түрлерінің тізбесі аталған тармақта белгіленген.Қазақстан Республикасы Салық кодексінің 88-бабы 6-тармағына сәйкес, салық органы салық төлеушіні жекелеген қызмет түрлерін жүзеге асыратын ретінде тіркеуге қоюды үш жұмыс күні ішінде жүзеге асырады:хабарламаны тапсырған күннен бастап;Лицензиялауға жататын қызмет түрлері бойынша рұқсаттар мен хабарламалардың мемлекеттік электрондық тізілімінен мәліметтер алынған күннен бастап.Жеке қызмет түрлерін жүзеге асыратын салық төлеуші ретінде қызметті бастау немесе тоқтату туралы хабарламалар https://www.elicense.kz сайты арқылы ұсынылады.Қазақстан Республикасы Ұлттық экономика министрінің 2015 жылғы 6 қаңтардағы №4 бұйрығымен бекітілген «Хабарламалардың нысандарын және мемлекеттік органдардың хабарламаларды қабылдау қағидаларын бекіту,                     сондай-ақ хабарламаларды қабылдауды жүзеге асыратын мемлекеттік органдарды айқындау туралы» қаулысының 1-қосымшасына сәйкес, хабарлама электрондық немесе қағаз түрінде жолданады.Бұрын ҚР-сы БАСЖ ақпараттық жүйесінде «elicense.kz» жүйесімен толыққанды интеграция болмаған.  Қазіргі уақытта СӘИЖ ақпараттық жүйесінде «elicense.kz» жүйесімен деректер алмасуды автоматтандырылған түрде қамтамасыз ететін интеграция жүзеге асырылған. Аталған функционал осы жылдың сәуір айында, соның ішінде мекенжай тіркелімі кодының көмегімен енгізіледі.Мәлімет ретінде хабарлаймыз:Егер ИС АР анықтамалығында мекенжайдың тіркеу коды (бұдан әрі – МТК) жоқ болса, жылжымайтын мүлік иесі өтініш беруші ретінде объектінің мекенжай коды берілуі үшін сәулет және қала құрылысы бөлімдеріне жүгінуі тиіс немесе «электрондық үкімет» порталы арқылы мына сілтемеде өтініш бере алады: https://egov.kz/cms/ru/services/buy_sale/passP2203_mps.Сонымен қатар, «электрондық үкімет» порталында өтініш берушіге мына сілтеме бойынша мекенжайды нақтылау туралы анықтама (беру/жою) беріледі: https://egov.kz/cms/ru/services/pass668_mir.     Ақпарат көзі : https://www.gov.kz/memleket/entities/kgd-akmola/press/news/details/1087132?lang=kk