Қоғамдық даму басқармасымен Қостанай облысының тұрғындары арасында әділ мемлекеттің сындарлы құндылықтарын қалыптастыру және нығайту (бірлікте және заң бойынша өмір сүру), патриоттық тәрбие беру, ҚР Мемлекеттік рәміздерін құрметтеуді қалыптастыру, мемлекеттік тілде сөйлеуге ұмтылу, азаматтардың салт-дәстүрлерге деген қызығушылығы мен құрметін сақтау үшін ұлттық дәстүрлер мен әдет-ғұрыптарды насихаттау мақсатында «Бір Отан. Бір тағдыр. Бір болашақ.» жобасы жүзеге асырылуда.Жоба аясында, Қостанай облысының шекаралық аудандары: Жітіқара ауданы, Пригородный ауылы, Денисов ауданы, Жалтыркөл ауылы және Бейімбет Майлин ауданы, Нововильинов ауылдарында идеологиялық-танымдық жиындар өтті.  Жиын барысында ауыл тұрғындарына ҚР Мемлекеттік рәміздеріне құрмет флэшмобы ұйымдастырылып, ақпараттық-танымды брошюралар мен ҚР жалаушалары таратылып, ҚР Мемлекеттік Гимні орындалды.«Адал азамат» тақырыбында «Қостанай облысы әкімдігінің қоғамдық даму басқармасының «Қоғамдық келісім» КММ басшысы - Рамазанова Наталья Сергеевна, Ахмет Байтұрсынұлы атындағы Қостанай өңірлік университетінің профессоры, тарих ғылымдарының кандидаты - Шалғымбеков Айбек Батырханович сынды спикерлер дәріс оқыды.Сонымен қатар, мемлекеттік тіл мен салт-дәстүрді білу бойынша ауыл тұрғындары арасында викторина өткізіліп, белсенді қатысқандары сыйлыққа ие болды. Ұлттық фольклор дәріптеліп, «Сыңсу», «Сырға салу» және «Бесікке салу» дәстүрлерінің театрланған қойылымы көрсетілді. Мәдениет саласының үздігі, «Құрмет» орденінің иегері, дәстүрлі әнші - Манапбек Кәдіров, «Ақжелең» фольклорлық ансамблінің жетекшісі, домбырашы - Есжанов Ыбырай,  жетігенші - Төлеген Алтынай Рүстемқызы және т.б. өнерпаздардың орындауындағы ұлттық аспап әуендері мен халық әндері орындалды.Кеш соңында Қазақстандық «Анаға апарар жол», «Хиуаз Доспанова», «Рақымжан Қошқарбаев» деректі фильмдері көрсетілді.Жоба аясында тамыз, қыркүйек айларында Қарабалық, Федоров, Меңдіқара және Ұзынкөл аудандарына сапар жоспарланған. Ақпарат көзі : https://www.gov.kz/memleket/entities/kostanai-ishki-sayasat/press/news/details/1039471?lang=kk

«Заң және тәртіп» қағидатын іске асыру аясында 2025 жылдың 23 шілдесінде Қостанай облысы Әділет департаментінің сот орындаушыларының қызметін реттеу және бақылау бөлімі жергілікті атқарушы органдармен бірлесе отырып, «Отбасыны бейімдеу және қолдау орталығы» КММ-де тұратын азаматтар үшін кеңес беру шарасын ұйымдастырды.Іс-шараның мақсаты - өмірлік қиын жағдайға тап болған азаматтарға құқықтық көмек көрсету.Кездесу барысында азаматтарға заңнамада көзделген әлеуметтік және құқықтық қолдау шаралары бойынша түсіндіру жұмыстары жүргізілді.Сондай-ақ, атқарушылық іс жүргізу мәселелері бойынша жеке құқықтық көмек көрсетілді.Мұндай іс-шараларды өткізу азаматтардың құқықтық ақпаратқа қолжетімділігін кеңейтуге, құқықтық сана деңгейін арттыруға және әділет органдары қызметінің негізгі басымдықтарының бірі - әлеуметтік әділеттілік қағидатын іске асыруға ықпал етеді. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/1039475?lang=kk

Афина, 2025 жылғы 11 шілде – Қазақстан Республикасының Грек Республикасындағы Елшісі Тимур Сұлтанғожин Грекия Әскери академиясына барып, академия бастығы генерал-майор Анастасиос Полихронос мырзамен және профессорлық-оқытушылық құрам өкілдерімен кездесу өткізді.Сапар барысында тараптар әскери білім беру және кадр даярлау саласындағы екіжақты ынтымақтастықтың перспективаларын талқылады. Елші Сұлтанғожин Қазақстанның жоғары білікті әскери мамандарды даярлауға баса мән беретінін атап өтті. Бұл елдің қарулы күштерін жаңғырту және халықаралық әскери ынтымақтастықты тереңдету жөніндегі стратегиялық басымдықтарын көрсетеді.Кездесу барысында қазақстандық тарап Қазақстан Республикасындағы әскери білім беру жүйесі туралы ақпарат ұсынды, оның ішінде офицерлерді даярлау бағдарламалары, оқытудың инновациялық әдістері және әскери даярлықтың заманауи тәсілдері. Академиялық алмасу және бірлескен бағдарламалар мәселелеріне ерекше көңіл бөлінді, оның ішінде екі елдің курсанттары мен оқытушыларының білім беру және тілдік курстарға қатысуы, сондай-ақ бірлескен семинарлар мен ғылыми-тәжірибелік іс-шараларды өткізу мүмкіндіктері қарастырылды.Сапар аясында Елші академияның инфрақұрылымымен танысты: тактикалық дайындыққа арналған мамандандырылған полигондар, оқу зертханалары, заманауи аудиториялар мен алдыңғы қатарлы технологиялармен жабдықталған сыныптар.Тараптар Қазақстан мен Грекияның әскери оқу орындары арасында тікелей байланыстар орнатуға өзара мүдделілік білдірді. Бұл тәжірибе алмасуға жаңа мүмкіндіктер ашып, қорғаныс саласындағы екіжақты ынтымақтастықтың білім беру құрамдасын нығайтады.Анықтама: 1828 жылы негізі қаланған Грекия Әскери академиясы (Hellenic Army Academy) елдегі ең көне және беделді жоғары оқу орындарының бірі болып табылады және Грекия Қарулы Күштерінің құрлық әскерлеріне офицерлер даярлауды жүзеге асырады.Қазақстан Республикасының Грек Республикасындағы ЕлшілігіАқпарат көзі : https://www.gov.kz/memleket/entities/mfa-athens/press/news/details/1039449?lang=kk

Будапешт, 2025 жылғы 22 шілде – Қазақстанның Мажарстандағы Елшісі Абзал Сапарбекұлы Мажарстан Ауыл шаруашылығы министрлігінің Биоәртүрлілік пен гендік қорды сақтау департаментінің директоры Левенте Кёрёшимен кездесті.Кездесу барысында тараптар қоршаған ортаны қорғау, тұрақты ауыл шаруашылығы және биоәртүрлілікті сақтау салаларындағы екіжақты ынтымақтастықтың перспективаларын талқылады. Әсіресе, сайғақ популяциясын сақтау және осы салада екі елдің мамандандырылған мекемелері арасындағы ынтымақтастық орнату мәселелеріне ерекше назар аударылды.Осыған орай, Абзал Сапарбекұлы Қазақстанда сайғақтарды қорғау мен санын қалпына келтіру бойынша қабылданып жатқан шаралар туралы хабарлап, бұл бағыттағы халықаралық бастамаларда мажар тарапынан қолдау болатынына үміт білдірді. Сонымен қатар, Елші 2025 жылғы маусымда Пржевальский жылқыларын Мажарстандағы Хортобадь қорықтарынан Қазақстанға жеткізу бойынша Мажарстанмен жемісті ынтымақтастықты атап өтті.Анықтама: Бұл жабайы жылқылардың әлемдегі ең ірі популяциясы (265 бас) Мажарстанда тіркелген. Қазақстанда жабайы жылқылар популяциясын қалпына келтіру жобасы 2024 жылы Қазақстанның Экология және табиғи ресурстар министрлігі Орман шаруашылығы және жануарлар дүниесі комитетінің бастамасымен, Прага хайуанаттар бағы, Қазақстан биоәртүрлілігін сақтау қауымдастығы, Франкфурт зоологиялық қоғамы, Нюрнберг және Берлин хайуанаттар бағы, сондай-ақ Мажарстандағы Хортобадь ұлттық паркімен бірлесіп іске қосылды. Өз кезегінде, Левенте Кёрёши Мажарстанның көпжақты табиғатты қорғау платформалары аясында Қазақстанмен ынтымақтастықты нығайтуға мүдделі екенін растап, практикалық өзара іс-қимыл жасауға дайын екенін білдірді.Кездесу конструктивті атмосферада өтіп, табиғатты қорғау және тұрақты даму саласындағы Қазақстан мен Мажарстан арасындағы ынтымақтастықты кеңейтуге өзара мүдделілікті көрсетті.Ақпарат көзі : https://www.gov.kz/memleket/entities/mfa-budapest/press/news/details/1039451?lang=kk

Құрметті қала тұрғындары!2025 жылғы 25 шілде күні сағат 09:00-ден 22:00-ге дейін Темірбаев–Майлин көшелерінің аралығындағы Гоголь көшесінде су құбыры желілерін қайта қосу бойынша күрделі жөндеу жұмыстарына байланысты төмендегі мекенжайларда ауыз су беру уақытша тоқтатылады:Тұрғын үйлер:Темірбаев көшесі: 10, 12, 13аӘл-Фараби даңғылы: 139, 139а, 141, 141/1–141/7, 143, 143а, 145Перронная көшесі: 8, 10Әлеуметтік нысандар:Перронная көшесі, 7 — теміржол вокзалыТемірбаев көшесі, 13/1 — автомойкаТолстой көшесі, 135А— «Транстелеком» АҚ«Қостанай-Су» ШГК келтірілген уақытша қолайсыздықтар үшін кешірім сұрайды және ауыз суды алдын ала жинап алуыңызды сұрайды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1039392?lang=kk

«Таным» орталығы 2025 жылдың бірінші жартыжылдығында мемлекеттік органдар мен ұйымдардың 4000-нан астам қызметкерін оқытты «Азаматтарға арналған үкімет» Мемлекеттік корпорациясының «Таным» корпоративтік оқу орталығы 2025 жылдың бірінші жартыжылдығын қорытындылады. Қаңтар айынан маусымға дейін орталықта 30 мемлекеттік орган мен квазимемлекеттік сектор ұйымдарынаң 4000-нан астам қызметкер оқытылды. Сабақтар Qosyl meet платформасында онлайн форматта өтті.Оқыту бағдарламасы азаматтардың өтініштерімен жұмыс істеу барысындағы қызметкерлердің жауапкершілігі туралы нақты түсінік қалыптастыруға бағытталды. Қазақстандықтардың әрбір сұранысы жан-жақты қаралып, өтініш берушілер сапалы, толық жауап алуы үшін процестердің ашықтығы мен тиімділігін қамтамасыз етуге ерекше назар аударылды.Осы мақсатта «Таным» орталығы Бас прокуратураның, ЦДИАӨМ мемлекеттік қызметтер комитетінің, Әділет министрлігінің, Мәдениет және ақпарат министрлігінің, сондай-ақ Мемлекеттік корпорацияның сарапшыларын шақырды.Сабақ барысында спикерлер әкімшілік рәсімдердің қағидаттарын қоса алғанда, өтініштерді тіркеу және есепке алу жөніндегі заңнаманың талаптарын, сондай-ақ өтініштермен жұмыс істеудің құқықтық негіздерін түсіндірді. Бұл білім мамандарға азаматтармен қарым-қатынасты сауатты құруға және бюрократиялық кедергілерді азайтуға көмектеседі.Азаматтар мен бизнес өкілдерін жеке қабылдау бойынша арнайы оқу блогы да қарастырылды. Тыңдаушылар мұндай кездесулерді өткізудің үздік тәжірибелерімен, тиімді диалог құру және қиын жағдайларды реттеу тәсілдерімен танысты. Бұл өте маңызды тақырыптар, себебі қатысушылар үшін «e-Өтініш» жүйесінде жұмыс істеуден басқа, ерекше дағдыларды талап ететін халықпен тікелей қарым-қатынас форматы да сұранысқа ие болып қала береді.Сонымен қатар, қатысушылар жасырын Мемлекеттік қызметтерді анықтау әдістемелерін және олардың қолжетімділігін арттыру үшін цифрлық құралдарды пайдалануды зерттеді. Мемлекеттік корпорация арқылы әртүрлі мемлекеттік органдардың 50-ден астам ақпараттық жүйелердің қатысуымен мемлекеттік қызметтердің кең спектрі ұсынылатындықтан бұл тақырып та маңызды. Мемлекеттік қызметтер азаматтарға жылдам әрі сапалы көрсетілу үшін ведомстволар арасындағы үйлесімді өзара іс-қимылды талап етеді.Тәжірибелік сабақтар мен жасалатын қателіктерді талдау тыңдаушыларға бірлесіп жұмыс жасаудың, бюрократиялық кедергілерді азайтудың және барлық кезеңдерде жүйелі қызмет көрсету үшін жағдай жасаудың маңызын түсінуге көмектесті.«Таным» корпоративтік оқу орталығы кадрлық әлеуетті дамытуға және оқытуға, заманауи тәсілдерді енгізуге баса назар аудара отырып, осы бағыттағы жұмысты жалғастырады.Ақпарат көзі : https://www.gov.kz/memleket/entities/kostanai-kamysty-klochkov/press/news/details/1039383?lang=kk

Павлодар облысында 2025 жылдың басынан бастап 5600-ден астам жеке кәсіпкер тіркелген.Тіркеу- ЖК міндетті мемлекеттік тіркеуге жатады-онлайн eGov.kz, e-license.kz порталдар, "Е-salyq бизнес" мобильді қосымшасы, екінші деңгейдегі банктердің Kaspi.kz, Halyk мобильді қосымшалары арқылы жүзеге асырылады.- Тіркеу кезінде салық салу нысанын (оңайлатылған декларация негізінде арнайы салық режимі, бөлшек салықтың арнайы салық режимі, арнайы мобильді қосымшаны пайдалана отырып арнайы салық режимі, патент негізінде арнайы салық режимі, тіркелген шегерімді пайдалана отырып арнайы салық режимі) таңдау қажет. ЖК негізгі міндеттері:Жалпыға бірдей белгіленген заңнама шеңберінде қызмет жүргізу.Салықесептілігінуақтылытапсыружәнесалықтарменміндеттітөлемдерді төлеу.Салықесебінжүргізу(салық салу режимінебайланысты). Салықтар және міндетті төлемдер:Салық салу режиміне байланысты ЖК мыналарды төлеуге міндетті:- Жеке табыс салығы (ЖТС), бюджеттік сыныптама коды (БСК 101202);- Әлеуметтік салық (ӘС), БСК 103101;- Міндетті зейнетақы жарналары (МЗЖ), БСК 901101;- Әлеуметтік аударымдар (ӘА), БСК 902101;- Міндетті медициналық сақтандыру жарналары (МӘМСЖ), БСК 904101;- Жұмыс берушінің міндетті зейнетақы жарналары (ЖМЗЖ), БСК 905101;- ҚҚС-белгілі бір айналымнан асқан немесе ерікті тіркелген кезде;- Жалдамалы жұмыскерлер болған кезде ЖТС және әлеуметтік төлемдерді (МЗЖ, МӘМСЖ, МӘМСА, ӘС, ЖМЗЖ) аударуды жүргізуге. Салық кезеңі:- Патент – 1 айдан 1 күнтізбелік жылға дейін;- Тіркелген шегерім-күнтізбелік жыл;- Арнайы мобильді қосымша-1 ай;- Жалпы белгіленген режим-күнтізбелік жыл;- Оңайлатылған декларация – жартыжылдық. Есеп беру мерзімі:- Патент-патент алған кезде;- Тіркелген шегерім – тоқсан сайын (1 тоқсан үшін 15 мамырдан кешіктірмей; 2 тоқсан үшін 15 тамыздан кешіктірмей; 3 тоқсан үшін 15 қарашадан кешіктірмей; 4 тоқсан үшін 15 ақпаннан кешіктірмей), жыл сайын-келесі жылдың 31 наурызынан кешіктірмей (2025 жыл үшін 31.03.2026 жылдан кешіктірмей);- Арнайы мобильді қосымша – есептілік қарастырылмаған;- Оңайлатылған режим – жартыжылдықта бір рет (1 жартыжылдық үшін 15 тамыздан кешіктірмей, 2 жартыжылдық үшін 15 ақпаннан кешіктірмей);- Жалпыға бірдей белгіленген режим – тоқсан сайын (1 тоқсан үшін 15 мамырдан кешіктірмей; 2 тоқсан үшін  15 тамыздан кешіктірмей; 3 тоқсан үшін  15 қарашадан кешіктірмей; 4 тоқсан үшін 15 ақпаннан кешіктірмей), жыл сайын – келесі жылдың 31 наурызынан кешіктірмей (2025 жыл үшін 31.03.2026 жылдан кешіктірмей).Өзекті мерзімдерді portal.kgd.gov.kz сайтында немесе салық төлеушінің кабинетінде тексеріңіздер. Салықтар мен бюджетке төлемдерді төлеу мерзімдері:- патент бойынша – патент алған кезде;- тоқсан сайынғы салықтар: 1 тоқсан үшін 25 мамырдан кешіктірмей; 2 тоқсан үшін 25 тамыздан кешіктірмей; 3 тоқсан үшін 25 қарашадан кешіктірмей; 4 тоқсан үшін 25 ақпаннан кешіктірмей;- жыл сайынғы салықтар – келесі жылдың 10 сәуірі (2025 жыл үшін 10.04.2026 жылдан кешіктірмей);- арнайы мобильді қосымшада ЖТС келесі айдың 25-і күнінен кешіктірілмей төленеді (қаңтар үшін 25 ақпаннан кешіктірмей, ақпан үшін                  25 наурыздан кешіктірмей және т. б.);- оңайлатылған режимде ЖТС пен ӘС -  25 тамыздан және 25 ақпаннан кешіктірілмей төленеді;- МЗЖ, МӘМСЖ, МӘМСА, ӘС, ЖМЗЖ – келесі айдың 25-күнінен кешіктірмей (қаңтар үшін 25 ақпаннан кешіктірмей, ақпан үшін 25 наурыздан кешіктірмей және т.б.). Электрондық қызметтер:- Салық кабинеті (cabinet.salyk.kz, knp.kgd.gov.kz) – дербес шоттарға кіру (есептеулер, берешектер туралы мәліметтер), хабарламаларды алу, өтініштер мен есептіліктерді жіберу және т. б.;- eGov.kz – ЭЦҚ алу, лицензияға өтініш беру, лицензия алу, мемлекеттік бажды төлеу, есептілік пен өтініш беру, салықтарды, төлемдерді есепке алу және қайтару және т. б.;- e-salyq Azamat (мобильді қосымша) – хабарламалар алу, салықтарды төлеу, салық берешегінің жоқ болуы, кірістері туралы анықтамалар алу және т. б.Ұсыныстар:- Есеп беру және салық төлеу мерзімдерін мұқият қадағалаңыз;- Барлық тапсырылған есептер мен түбіртектердің көшірмелерін сақтаңыз;- Салық төлеушінің кабинетіндегі хабарламаларға жазылыңыз;- Салық төлеушінің кабинетіне апта сайын кіріңіз;- Техникалық ақаулар кезінде скриншоттар жасап және/немесе Мемлекеттік кірістер комитетінің қолдау қызметіне хабарласыңыз.Павлодар облысы бойынша МКДтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1039341?lang=kk

2025 жылғы 17-18 шілдеде Әзербайжанның Баку қаласында Азия жоғарғы аудит органдары ұйымының (АЗОСАИ) Басқарма кеңесінің 62-отырысы және АЗОСАИ-АРАБОСАИ біріккен 1-отырысы өтті. Іс-шараға Қазақстан, Әзербайжан, Қытай, Үндістан, БАӘ, Пәкістан және Азия мен Таяу Шығыстың басқа да елдерінің жоғарғы аудит органдарының өкілдері, сондай-ақ халықаралық ұйымдардың бақылаушылары қатысты.Отырыс барысында алдыңғы жиналыстардың хаттамалары бекітіліп, АЗОСАИ қызметі туралы есептер, соның ішінде 2024 жылғы қаржылық есеп және 2026-2028 жылдарға бюджеттік жоспары таныстырылды. Сонымен қатар басқа аймақтық ұйымдармен ынтымақтастықты нығайту механизмдері талқыланды.АЗОСАИ жұмыс топтарының экологиялық аудит, Орнықты даму мақсаттары, дағдарысқа қарсы басқару, АТ-аудит сияқты өзекті мәселелер бойынша баяндамалары тыңдалды.Қаржылық тұрақтылық мәселелеріне ерекше назар аударылды. Қатысушылар инфляция мен қарыз алу құнының өсуінің мемлекеттік бюджеттерге әсерін талқылап, қаржылық тәуекелдерді азайтудың үздік тәжірибелерімен алмасты.АЗОСАИ Хатшылығы 2026 жылы АЗОСАИ Басқарма кеңесінің 63-отырысының Қазақстан Республикасының Астана қаласында өтетінін ресми түрде жариялады.«Келесі отырыстың Қазақстанда өткізілуі біздің ынтымақтастығымызды нығайтуға және бірлескен жобаларды ілгерілетуге жаңа мүмкіндіктер ашады», — деп атап өтті Жоғарғы аудиторлық палатаның мүшесі Рүстем Нұрпейісов.Сонымен қатар,һ отырыс аясында 2025-2031 жылдар аралығында ИНТОСАИ Басқарма кеңесіндегі АЗОСАИ өкілдері мен 2026-2028 жылдар аралығында ИНТОСАИ сыртқы аудиторы лауазымдарына сайлау өтті. Дауыс беру нәтижесі бойынша БАӘ мен Пәкістан жоғарғы аудит органдары ИНТОСАИ Басқарма кеңесіндегі АЗОСАИ өкілдері, ал Корея Республикасының жоғарғы аудит органы ИНТОСАИ сыртқы аудиторы болып сайланды.Telegram-каналға жазылуАқпарат көзі : https://www.gov.kz/memleket/entities/esep/press/news/details/1039241?lang=kk

Алматы облысының әкімі Марат Сұлтанғазиевтің төрағалығымен өткен өңірлік әкімдік отырысында инвестиция тарту бойынша бірінші жартыжылдықтың қорытындылары қаралып, екінші жартыжылдыққа арналған басым бағыттар белгіленді.Облыс тұрақты өсім қарқынын көрсетуде: негізгі капиталға салынған инвестиция көлемі 6 айда 421,6 млрд теңгені құрап, өткен жылдың сәйкес кезеңімен салыстырғанда 24,7%-ға артты. Оның ішінде жекеменшік инвестициялар көлемі 288,6 млрд теңгені құрады, ал облыстың республикадағы инвестициялар үлесі 5,2%-ға жетті.Тікелей шетелдік инвестициялар көлемі де айтарлықтай өсті – I тоқсанның қорытындысы бойынша өңірге 210,7 млн АҚШ доллары көлемінде инвестиция тартылған, бұл өткен жылдың деңгейінен 1,5 есе көп.Марат Сұлтанғазиев инвестициялардың тұрақты экономикалық өсімнің негізгі қозғаушы күштерінің бірі екенін атап өтті. Оның айтуынша, облыста проактивті тәсіл қолданылады: цифрлық инвестициялық платформа іске қосылған, өңірлік штаб жұмыс істейді, нақты жобалар портфелі қалыптастырылған.Ақпарат көзі : https://www.gov.kz/memleket/entities/almobl/press/news/details/1039195?lang=kk

Ақмола облысында Астана – Көкшетау тас жолында алғашқы энергияға тәуелсіз базалық станция іске қосылдыРеспубликалық А-1 [Астана – Көкшетау] автожолында өңірдегі алғаш рет толықтай жаңартылатын энергия көздерімен жұмыс істейтін базалық станция іске қосылды. Бұл қадам Қазақстан жолдарындағы цифрлық инфрақұрылымды дамытуда жаңа мүмкіндіктерге жол ашады.Трассалардағы цифрландыру – болашаққа жасалған қадамЖоба автожол бойындағы байланысты дамытуға арналған пилоттық бастама аясында жүзеге асырылды. Оған Ақмола облысы Цифрландыру басқармасы, Шортанды ауданы әкімдігі, сондай-ақ “КаР-Тел” ЖШС (Beeline сауда белгісі) мен ZTE Corporation компаниялары қолдау көрсетті.Басты мақсат – орталықтандырылған электрмен жабдықтау қолжетімсіз болатын учаскелерде тұрақты ұялы байланысты қамтамасыз ету.Бұл қалай жұмыс істейді?Базалық станция күн панельдері мен жел генераторы арқылы автономды түрде энергиямен қамтылады. Мұндай тәсіл шалғай орналасқан, электр желісіне қосылу мүмкін емес немесе тиімсіз жерлерде де тұрақты сигналды сақтауға мүмкіндік береді.Жаңа шешімнің басты артықшылықтары:• Автономдылық – орталықтандырылған электр желісіне тәуелсіз жұмыс.• Экологиялық таза – “жасыл” энергия көміртегі ізіне теріс әсер етпейді.• Экономикалық тиімділік – электр қуатына кететін шығындар аз.• Сенімділік – энергия үзілістері кезінде де үздіксіз жұмыс істейді.Алда не күтіп тұр?Егер бұл пилоттық жоба өз тиімділігін көрсетсе, мұндай станциялар тек Ақмола облысында ғана емес, бүкіл республика бойынша автожолдар бойында орнатылады. Әсіресе қазіргі таңда мобильді байланыс мәселесі өзекті болып тұрған алыс елді мекендерге баса назар аудару жоспарлануда.Ақпарат көзі : https://www.gov.kz/memleket/entities/aqmola-digital/press/news/details/1039151?lang=kk

 Автомеханик — бұл жай ғана көлік жөндеуші емес. Бұл — темірдің тілін ұғып, мотордың даусынан ақауды аңғаратын нағыз маман. Ол күнделікті тынымсыз еңбегімен мыңдаған адамның жол үстіндегі қауіпсіздігіне кепіл болады.Көлік — тек жүріп-тұру құралы емес, бұл — адамның серігі, уақыты мен еңбегінің үнемдеушісі. Ал оны сенімді ету — автомеханиктің қолында. Жаңашылдықты меңгеріп, әр бөлшекті жетік білетін шебер ғана бұл мамандықтың ауыртпалығын арқалай алады.Биыл – жұмысшы мамандықтарының мәртебесі артып, бағаланатын жыл. Осындай сәтте автомеханик сынды нағыз еңбек адамдарының еңбегін дәріптеу — біздің ортақ парызымыз.Кез келген жетістік — елеусіз қалған еңбекпен басталады. Сол еңбектің иесі – автомеханик.#ЖұмысшыМамандықтарЖылы#ГодРабочихПрофессий

1 тамыздан 30 қыркүйекке дейін "Мектепке жол"республикалық акциясы басталады. Мақсаты-аз қамтылған және көп балалы отбасылардан шыққан мектеп оқушыларына, жетім балаларға, сондай-ақ ата-анасының қамқорлығынсыз қалған балаларға оқу жылының басына дайындық кезінде материалдық қолдау көрсету және әлеуметтік себептер бойынша балалардың мектепке келмеуінің алдын алу. Акцияға еріктілерді, кәсіпкерлерді, меценаттарды, үкіметтік емес ұйымдарды және басқаларды қоса алғанда, барлық бей-жай қарамайтын азаматтар қатыса алады. Балаларға мектепке дайындалуға көмек көрсеткісі келетіндер білім бөліміне немесе тікелей мектепке жүгіне алады: 8/72149/41373Ақпарат көзі : https://www.gov.kz/memleket/entities/edu-osakarovka/press/news/details/1039084?lang=kk

Экологиялық мәдениетті арттыру және табиғатқа жауапкершілікпен қарауды дамыту мақсатында Орман шаруашылығы және жануарлар дүниесі комитетінің төрағасы Д. Тұрғамбаев республикалық «Менің қоршаған ортаны қорғауға қосқан үлесім» челленджін бастады.Аталмыш экочеллендж табиғатты сақтауда әр адамның үлесінің маңызды екенін еске салуға бағытталған. Ағаш отырғызу, бір реттік пластиктен бас тарту, қоқыс жинау, су айдындарының тазалығын сақтап, балалардың бойына экологиялық мәдениетті сіңдіру сынды күнделікті қарапайым әрекеттердің өзі экологиялық жағдайды жақсарту мен қоршаған ортаға жауапкершілікпен қарауды қалыптастыру жолында маңызды рөл атқарады.Барлық азаматтарды, қоғамдық ұйымдарды, волонтерлерді және эко-активистерді челленджді қолдауға шақырамыз. Қатысу үшін экологияға пайдалы іс-әрекетті жасап жатқан сәтіңізде (мәселен қоқысты сұрыптау, велосипедпен жүру, сенбілікке қатысу, ағаш отырғызу немесе күнделікті өмірде экологиялық саналы әрекеттер жасау) суретке түсіп, онымен әлеуметтік желілерде бөлісу қажет. Ең бастысы - фотосурет сіздің жеке белсенділігіңіз бен табиғатқа деген қамқорлығыңызды көрсетуі керек.Хэштегтерді ұмытпаңыз:👉 #табиғаттысақтауғақосқанүлесім👉#экологияғақосқанүлесімЧелленджді қолдап, табиғатқа жасаған игі істеріңізбен бөлісіп, айналаңызға үлгі болыңыз! Табиғи байлығымызды өскелең ұрпаққа бірге сақтап қалайық. Қазақстан Республикасы Экология және табиғи ресурстар министрлігіАқпарат көзі : https://www.gov.kz/memleket/entities/almobl-zkh/press/news/details/1039086?lang=kk

«Азаматтарға арналған үкімет» Мемлекеттік корпорациясының «Таным» корпоративтік оқу орталығы 2025 жылдың бірінші жартыжылдығын қорытындылады. Қаңтар айынан маусымға дейін орталықта 30 мемлекеттік орган мен квазимемлекеттік сектор ұйымдарынаң 4000-нан астам қызметкер оқытылды. Сабақтар Qosyl meet платформасында онлайн форматта өтті.Оқыту бағдарламасы азаматтардың өтініштерімен жұмыс істеу барысындағы қызметкерлердің жауапкершілігі туралы нақты түсінік қалыптастыруға бағытталды. Қазақстандықтардың әрбір сұранысы жан-жақты қаралып, өтініш берушілер сапалы, толық жауап алуы үшін процестердің ашықтығы мен тиімділігін қамтамасыз етуге ерекше назар аударылды.Осы мақсатта «Таным» орталығы Бас прокуратураның, ЦДИАӨМ мемлекеттік қызметтер комитетінің, Әділет министрлігінің, Мәдениет және ақпарат министрлігінің, сондай-ақ Мемлекеттік корпорацияның сарапшыларын шақырды.Сабақ барысында спикерлер әкімшілік рәсімдердің қағидаттарын қоса алғанда, өтініштерді тіркеу және есепке алу жөніндегі заңнаманың талаптарын, сондай-ақ өтініштермен жұмыс істеудің құқықтық негіздерін түсіндірді. Бұл білім мамандарға азаматтармен қарым-қатынасты сауатты құруға және бюрократиялық кедергілерді азайтуға көмектеседі.Азаматтар мен бизнес өкілдерін жеке қабылдау бойынша арнайы оқу блогы да қарастырылды. Тыңдаушылар мұндай кездесулерді өткізудің үздік тәжірибелерімен, тиімді диалог құру және қиын жағдайларды реттеу тәсілдерімен танысты. Бұл өте маңызды тақырыптар, себебі қатысушылар үшін «e-Өтініш» жүйесінде жұмыс істеуден басқа, ерекше дағдыларды талап ететін халықпен тікелей қарым-қатынас форматы да сұранысқа ие болып қала береді.Сонымен қатар, қатысушылар жасырын Мемлекеттік қызметтерді анықтау әдістемелерін және олардың қолжетімділігін арттыру үшін цифрлық құралдарды пайдалануды зерттеді. Мемлекеттік корпорация арқылы әртүрлі мемлекеттік органдардың 50-ден астам ақпараттық жүйелердің қатысуымен мемлекеттік қызметтердің кең спектрі ұсынылатындықтан бұл тақырып та маңызды. Мемлекеттік қызметтер азаматтарға жылдам әрі сапалы көрсетілу үшін ведомстволар арасындағы үйлесімді өзара іс-қимылды талап етеді.Тәжірибелік сабақтар мен жасалатын қателіктерді талдау тыңдаушыларға бірлесіп жұмыс жасаудың, бюрократиялық кедергілерді азайтудың және барлық кезеңдерде жүйелі қызмет көрсету үшін жағдай жасаудың маңызын түсінуге көмектесті.«Таным» корпоративтік оқу орталығы кадрлық әлеуетті дамытуға және оқытуға, заманауи тәсілдерді енгізуге баса назар аудара отырып, осы бағыттағы жұмысты жалғастырады.   Ақпарат көзі : https://www.gov.kz/memleket/entities/akimat-munayli/press/news/details/1042772?lang=kk

Алматы облысында қоршаған ортаны қорғауға және экологиялық мәдениетті қалыптастыруға бағытталған «Таза Қазақстан» республикалық экологиялық акциясы белсенді жүзеге асырылуда.Жыл басынан бері бұл акция аясындағы шараларға 220,8 мың адам мен 8 836 кәсіпорын және ұйым қатысты. Нәтижесінде 6,6 мың тонна қоқыс жиналып, 76 702 түп ағаш пен 14 мың келі түрлі ағаш тұқымдары егілді. Әсіресе, мектеп оқушылары белсенділік танытты: облыстың 429 мектебінде 11,2 мың ағаш отырғызылды.Тұрғын үйлер мен әлеуметтік нысандардың айналасын абаттандыру мен тазалау жұмыстары да жүйелі түрде жүргізілді. Атап айтқанда, 3 048 көпқабатты тұрғын үйдің ауласы, 55 саябақ пен сквер, 781 тарихи-мәдени нысан және 1 055 әлеуметтік нысан тазаланды. Бұл жұмыстарға 2 395 арнайы техника тартылды.Халық арасында экологиялық мәдениетті қалыптастыру мақсатында арнайы медиажоспар бекітіліп, 2025 жылдың басынан бері әлеуметтік желілер мен бұқаралық ақпарат құралдарында 21 мыңнан астам материал жарияланды.Сондай-ақ, экологиялық заңбұзушылықтарды анықтауға арналған телеграм-бот туралы түсіндіру жұмыстары жүргізілді. Ресми интернет-ресурстарда, әлеуметтік желілерде, жергілікті тұрғындардың ПИК чаттарында, квазимемлекеттік сектор ұйымдарының жұмыс чаттарында, «Жетісу» телеарнасында, облыстық сайттар мен баспа басылымдарда 200-ден астам мақала жарық көрді.Бұған қоса, облыс бойынша 43 тақырыптық баннер орнатылып, тұрғындарды қоршаған ортаға ұқыпты қарауға үндеді.«Таза Қазақстан» акциясы — бұл табиғатты қорғауға немқұрайлы қарамайтын мыңдаған адамның ортақ мақсаты мен күш-жігерін біріктірген кең ауқымды бастама. Бұл жұмыс келешек ұрпақ үшін таза әрі жайлы өмір сүру ортасын қалыптастыруға бағытталған.Ақпарат көзі : https://www.gov.kz/memleket/entities/almobl/press/news/details/1039081?lang=kk

Қостанай облысы Меңдіқара ауданында ұзақ өмір мен сергектіктің шынайы эликсирі - «Каменскуралький саумалы» өндірілуде.Меңдіқара ауданының әкімі Ғабит Бекбаевтың қолдауымен «Каменскуралький саумалы» географиялық көрсеткіші тіркелді.2025 жылдың 20 шілдесінде Астана қаласында өткен «BaiQymyz» гастрономиялық фестивалінде ҚР Әділет министрлігі Зияткерлік меншік құқықтары комитеті төрағасының орынбасары Гүлнар Какен «Каменскуральский саумалы» географиялық көрсеткішін тіркеу туралы куәлікті табыстады.Сублимациялық әдіспен өңделген бие сүті өзінің тағамдық және емдік қасиеттерін, құрылымын, түсін, тез қалпына келу қабілетін дерлік жоғалтпайды. Инертті газ ортасындағы герметикалық қаптама саумалдың айрықша сапасын ұзақ уақыт бойы сақтауға мүмкіндік береді. Қостанай облысыӘділет департаментінің Баспасөз қызметіАқпарат көзі : https://www.gov.kz/memleket/entities/adilet-kst/press/news/details/1039068?lang=kk

2025 жылғы 21-22 шілдеде Грузияның Экономика және тұрақты даму министрі Мариам Квривишвилидің Қазақстан Республикасына ресми сапары өтті.Сапар барысында ҚР Премьер-министрі О.Бектенов, Көлік министрі Н.Сауранбаев, Энергетика министрі Е. Ақкенженовпен келіссөздер өтті. Сонымен қатар, сапар аясында екі елдің теміржол басшыларының жеке кездесулері өтті.https://primeminister.kz/news/olzhas-bektenov-gruziyanyn-ekonomika-ministri-mariam-kvrivishvilimen-sauda-ekonomikalyk-yntymaktastykty-nygaytu-zhane-transkaspiy-bagytyn-damytu-maselelerin-talkylady-30307Премьер-министр Олжас Бектенов Грузияның экономика және тұрақты даму министрі Мариам Квривишвилимен кездесу өткізді. Онда сауда мен инвестицияларды дамытуды, инфрақұрылымдық жобаларды жүзеге асыруды, көлік-логистикалық байланыстарды кеңейтуді, оның ішінде Транскаспий халықаралық көлік бағыты (ТХКБ) шеңберінде, сондай-ақ АӨК-дегі тауар айналымын арттыруды қоса алғанда, екіжақты ынтымақтастық мәселелері қаралды.Премьер-министр Қазақстан Грузияны тұрақты және өзара тиімді диалог құратын сенімді экономикалық әріптес ретінде қарастыратынын атап өтті. 2025 жылғы қаңтар-мамыр айларында екі ел арасындағы тауар айналымы $75,2 млн-ды құрады, бұл өткен жылдың сәйкес кезеңімен салыстырғанда 35,7%-ға артық.Кездесу барысында көліктік-логистикалық өзара іс-қимылды нығайтуға көңіл бөлінді. 2025 жылдың бірінші жартыжылдығында елдер арасындағы теміржол жүк тасымалының көлемі 159,5 мың тоннадан асты, бұл 2024 жылдың сәйкес кезеңімен салыстырғанда 67%-ға артық.ТХКБ-ны дамытудағы маңызды қадам PTC Holding компаниясы салған жобалық қуаты жылына 120 мың ЖФЭ құрайтын Грузияның  Поти портында жаңа қазақстандық контейнер терминалының іске қосылуы болды. Бұл Грузияның негізгі теңіз хабтарының бірінің аумағында жүзеге асырылған алғашқы қазақстандық инфрақұрылымдық жоба.«Бұл орта дәліз бойынша жүк ағынының көлемін арттыруда маңызды рөл атқаратын бірлескен табысты жұмыстың жарқын мысалы. Аталмыш жоба Қытайдың Ляньюньган және Сиань қалаларындағы логистикалық терминалдарды қоса алғанда, ТХКБ шеңберінде Қазақстанның қолданыстағы инфрақұрылымын үйлесімді түрде толықтырып отырғанын атап өту маңызды. Осылайша, Шығыс Азияны Еуропамен байланыстыратын біртұтас, дәйекті логистикалық тізбек құрылуда», — деп атап өтті Олжас Бектенов.Маршрутты одан әрі дамыту дәліздің тиімділігін арттыруға, қосымша транзиттік жүктер мен инвестицияларды тартуға, сондай-ақ Қазақстан мен Грузияның өңірдің негізгі логистикалық орталықтары ретіндегі позициясын нығайтуға мүмкіндік береді.Сонымен қатар, Батуми мұнай терминалы мен портының қуатын кеңейту, қазақстандық ауыл шаруашылығы өнімдерін - астық, ұн, ет-сүт және кондитерлік өнімдерді грузин нарығына жеткізуді ұлғайту мүмкіндіктері талқыланды.Грузияның Экономика және тұрақты даму министрі Мариам Квривишвили Қазақстанмен сауда, туризм және логистикалық инфрақұрылым салаларында әріптестікті кеңейтудің маңыздылығына тоқталды. Сонымен қатар туристік байланыстарды нығайтудың, экономикалық өсімді ынталандыру мен көлік желісін дамытудың маңыздылығы атап өтілді.Кездесу қорытындысы бойынша тараптар қол жеткізілген уағдаластықтарды іске асыруға және Үкіметаралық комиссия шеңберінде жұмысты жалғастыруға дайын екендіктерін жеткізді.Ақпарат көзі : https://www.gov.kz/memleket/entities/mfa-tbilisi/press/news/details/1039058?lang=kk

Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1039049?lang=kk

Бүгін Қызылорда облысының Өңірлік коммуникациялар қызметінде Қармақшы ауданының әкімі Жандос Еркінбек ауданның 6 айында атқарылған жұмыстардың әлеуметтік-экономикалық даму қорытындысы бойынша баспасөз мәслихатын өткізді. Онда аудан әкімі ағымдағы жылы ауданымыздың экономикалық және әлеуметтік салаларында атқарылған жұмыстар туралы баяндап, БАҚ өкілдерінің сауалдарына жауап берді.Аудан басшысының баяндамасында келесі негізгі бағыттар қамтылды:Ауыл шаруашылығы: Биылғы егін егу жұмыстары мен мал шаруашылығындағы жетістіктерге тоқталып, жаңа агроинновациялық жобалар туралы айтты.Білім беру және денсаулық сақтау: Ауданда жаңа мектеп пен медициналық нысандардың салынуы, материалдық-техникалық базаның жаңартылуы сөз болды.Жол-көлік инфрақұрылымы: Аудан жолдарын жөндеу, елді мекендерді көгілдір отынмен қамтамасыз ету және жарықтандыру жұмыстарының жүргізіліп жатқаны айтылды.Жұмыспен қамту және кәсіпкерлік: «Ауыл – ел бесігі» және басқа мемлекеттік бағдарламалар арқылы жаңа жұмыс орындарының ашылғаны, шағын және орта бизнесті қолдау шаралары баяндалды.Мәдениет пен спорт: Жастардың бос уақытын тиімді ұйымдастыру, мәдени іс-шаралар мен спорттық жарыстардың жиі өткізіліп жатқаны жөнінде ақпарат берілді.Сонымен қатар, әкім халықтың ұсыныс-пікірлері үнемі ескерілетінін жеткізді. Жиын соңында журналистер аудан басшысына түрлі салаға қатысты сұрақтар қойып, нақты жауаптар алды.Ақпарат көзі : https://www.gov.kz/memleket/entities/kyzylorda-karmakshy/press/news/details/1039052?lang=kk

Бүгін аудан әкімі Жандос Еркінбек ауыр атлетикадан жастар арасындағы Азия чемпионатының жеңімпазы, жерлесіміз Ерасыл Сәулебековті арнайы қабылдады.Өз сөзінде аудан басшысы:“Ерасыл – Қармақшының мақтанышы. Бұл жеңіс – тек спорттық табыс емес, жастарымыздың биікке ұмтылуына үлгі болатын тарихи сәт. Аудан атынан сіздерге алғыс айтып, жаңа белестерді бағындыруларыңызға тілектеспін,” – деп атап өтті.Аудан әкімі халықаралық аренада ел абыройын асқақтатқан Ерасылға Алғыс хат пен қаржылай сертификат табыстады. Сондай-ақ, қажырлы еңбегі мен табандылығы үшін жеке бапкері Айдар Ералиевке де құрмет көрсетілді.Шара барысында Қармақшы ауданының мәслихат төрағасы Әділ Қошалақов пен аудандық ардагерлер кеңесінің төрағасы Асқар Мереков құттықтау сөз сөйлеп, Ерасылдың жеңісі – аудан ғана емес, күллі Сыр өңірінің мерейін үстем еткен үлкен жетістік екенін жеткізіп, жас спортшымызға баталарын берді.Айта кету керек, қазіргі таңда Қармақшы ауданында бұқаралық спортты дамыту мақсатында жүйелі жұмыстар атқарылуда. Оның ішінде ауыр атлетика бөлімі 2014 жылдан бастап құрылып, әлем және ел біріншіліктерінің жеңімпаздары тәрбиеленіп шығуда. Бүгінде онда 50-ге жуық жас спортшы кәсіби деңгейге жету жолында еңбек етіп келеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1039054?lang=kk