Кене энцефалиті – иксод кенелерінің шағуы арқылы берілетін жедел вирустық патология. Вирустың табиғи резервуары және оның көзі-жылы қанды жабайы және үй жануарлары. Кенелер вирусты тасымалдаушы жануарлардан жұқтырады және басқа жануарлар мен адамдарға таралады.Кене энцефалитін жұқтырудың маусымдық ерекшеліктері бар, паразиттің мамырдан маусымға дейін және күздің басталу кезеңінде шағу ықтималдығы жоғары.Қазақстан Республикасындағы кене энцефалитінің табиғи ошақтары Алматы, Шығыс Қазақстан, Ақмола, Солтүстік Қазақстан облыстары және Алматы қаласы болып табылады.2025 жылдың көктемінде Қостанай облысында кенелердің маусымдық белсенділігі белгіленген күнтізбелік нормадан ертерек - сәуірде басталды. Бұл жағдай ауа-райының ерте жылынуымен байланысты, ал бұл өз кезегінде кенелердің дамуына қолайлы жағдай болды. Статистикаға сәйкес ағымдағы жылы облыс бойынша өткен жылмен салыстырғанда паразиттердің шағуы мәселесі бойынша медициналық ұйымдарға жүгіну жағдайларының ұлғаюы (3,7 есе) байқалды.Кене энцефалитінің инкубациялық кезеңі орта есеппен 1-35 күнді құрайды.Зақымданудың негізгі көріністері- әлсіздік, бастың ауыруы және ауырлығы, дене қызуының 39 градусқа дейін көтерілуі, жүрек айнуы мен құсу, буын және бұлшықет аурулары, үйлестіру проблемалары. Науқаста ауру қан айналымының бұзылуына, эпилепсияға және тіпті өлімге әкелуі мүмкін.Кене энцефалиті вирусының адам ағзасына енуінің негізгі жолдары:- трансмиссивті, кененің шағуын немесе оның қан соруын білдіреді. Патоген адамның терісіне неғұрлым ұзақ әсер етсе, инфекция қаупі соғұрлым жоғары болады;- фекальды-ауызша, онда пациент қайнатылмаған сүтті немесе ластанған сүттен жасалған сүт өнімдерін пайдаланса;- қан құю, мүшелерді трансплантациялау кезінде сирек кездесетін жағдайлар.Ересектер арасында кене энцефалиті әйелдерге қарағанда инфекциясы ауыр болатын ер адамдар арасында жиі диагноз қойылады.Кене шағуынан зардап шеккен адамдарды динамикалық бақылауды тұрғылықты жері бойынша медициналық ұйым тұрақты термометриямен күнтізбелік күннің 21 күні ішінде жүргізеді.Ауруға қарсы вакцинация патологиядан сенімді қорғаныс болып табылады. Кене энцефалитіне қарсы иммундауды медициналық ұйымдар жүзеге асырады. Қызметі кене энцефалитінің табиғи ошағында болуымен байланысты адамдар профилактикалық иммундауға жатады: геологтар, орманшылар, сигнал берушілер, шекарашылар және т.б. Вакцинация жоспарлы және шұғыл схема бойынша жүргізілуі мүмкін.Кене энцефалитінің алдын алудың негізгі шаралары:- паразиттердің белсенділігі кезеңінде жасыл аймақтарға баруды шектеу;- қауіпсіз, жабық киім мен аяқ киім, жақсырақ ашық түстер;- репелленттерді қолдану-нұсқаулыққа сәйкес кенелерді тежейтін құралдар;- үйге оралғанда денені және киімді қауіпті тіршілік иелеріне мұқият тексеру;- егер кене теріде табылса, дереу медициналық көмекке жүгініңіз немесе емдеу мүмкін болмаған жағдайда өздігінен жою шараларын қолданыңыз. Болашақта дәрігерге барып, кенені зертханаға тапсыру керек.Кенеде кене энцефалитінің вирусы анықталған жағдайда, жәбірленушіге дайындаушы зауыт препаратқа қоса берген нұсқаулыққа сәйкес мерзімдерде ауруға қарсы дайын антиденелерді (иммуноглобуллин) енгізу көрсетілген.Ақпарат көзі : https://www.gov.kz/memleket/entities/zhetysu-karatal-zholbarys-batyr/press/news/details/1017853?lang=kk

Департамент Комитета медицинского и фармацевтического контроля МЗ РК по области Жетісу сообщает, что 18 июня 2025 года состоится "День открытых дверей" по направлениям медицинской и фармацевтической деятельности. Наш адрес: г.Талдыкорган, ул.Гаухар Ана 87АТелефон для справок: 8 (7282) 24-06-49Ақпарат көзі : https://www.gov.kz/memleket/entities/dkmfk-zhetisu/press/news/details/1017855?lang=kk

Парижде ЮНЕСКО-ның штаб-пәтерінде ұлы композитор, дирижер, Халық қаһарманы, қазақ музыкасының заңғар тұлғасы Нұрғиса Тілендиевтің 100 жылдық мерейтойына арналған «Шабыт бастауы: Нұрғиса Тілендиевтің мұрасы» атты халықаралық көрменің салтанатты ашылуы өтті.Аса көрнекті өнер иесінің ғасырлық мерейтойы – тек қазақ халқы үшін ғана емес, барша өркениетті әлем үшін елеулі оқиға. Бұл маңызды дата ЮНЕСКО тарапынан халықаралық деңгейде аталып өтетін мерейтойлар қатарына енгізілді. Осы арқылы әлем жұртшылығы Нұрғиса Тілендиевтің азамзатқа сіңірген өлшеусіз еңбегін мойындап, қазақ өнерінің рухани қуатын тағы бір мәрте танып отыр.Аталмыш көрмеде Алматы қаласындағы Музейлер бірлестігінің қорынан алынған 70-ке жуық құнды жәдігер қойылған. Олардың қатарында композитордың өз қолымен жазған партитуралары, сирек фотосуреттері, жеке заттары, сондай-ақ Ахмет Жұбанов сыйға тартқан «Дариға домбыра» да бар. Айта кетейік, кезінде бала Нұрғисаның музыкалық білім алуына Ахмет Жұбанов себепкер болған еді.«Бүгінгі көрмені көріп, бойымды шексіз толқу мен мақтаныш кернеді. Әкемнің рухына көрсетілген үлкен құрмет үшін Алматы әкімдігіне, ЮНЕСКО-ға алғысым шексіз. Әкем өте қарапайым жан болатын. Оның дарыны мен адамгершілігі бір-бірінен бөлінбейтін егіз ұғым еді. Ол барлық шығармасын халқына, жеріне деген сүйіспеншілікпен жазатын. Шабыты негізінен түнде ашылатын. Табиғи есту қабілеті соншалық – шығарманың толық сарыны санасында сайрап тұратын. Тіпті сол әуенді бірден қағаз бетіне түсіріп үлгеретін», – деді қызы, Нұрғиса Тілендиев атындағы «Отырар сазы» қазақ мемлекеттік академиялық фольклорлық-этнографиялық халық аспаптары оркестрінің дирижері әрі көркемдік жетекшісі Дінзухра Тілендиева.Көрменің ашылу салтанатына ЮНЕСКО-ға мүше елдердің елшілері, дипломатиялық миссия өкілдері, халықаралық ұйым қызметкерлері, Франция жұртшылығы мен сонда тұратын қазақ диаспорасы қатысты. Көрме 19 маусымға дейін жалғасады.«Нұрғиса Тілендиев өз халқының рухани жадынан қуат ала отырып, заманауи әлемге ашық болды. Оның шығармашылығы біз барлық мәдениеттерден іздейтін құндылықты – түрлі элементтердің үйлесімін бейнелейді. Бір ғана нота өз алдына әсем болуы мүмкін, бірақ бірнеше нотаның үндестігі ғана нағыз гармония тудырады. Дәл сол сияқты, әртүрлі дауыстарға құрметпен қарап, біз шын мәнінде мағыналы дүниені бірге жасай аламыз. Бұл – ЮНЕСКО мандатының өзегі: бейбітшілікті мәдениеттер арасындағы диалог пен ынтымақтастық арқылы нығайту», – деді ЮНЕСКО Бас директорының орынбасары Эрнесто Оттоне.Көрме аясында қазақ және басқа да түркі халықтарының ұлттық музыкалық аспаптары ұсынылды. Алты тақырыптық бөлімнен тұратын көрме экспозициясы композитор шығармашылығының сан қырын аша түсіп, қазақ музыкасының терең тамыры мен өрісі кең болмысын бейнелейді.«Бұл көрме - қазақ музыкасының алтын арқауы болған тұлғаның мұрасына көрсетілген зор құрмет. Бұл - түркі дүниесінің ортақ рухани кеңістігін жаһандық деңгейде танытудың жарқын көрінісі», – деді Қазақстанның ЮНЕСКО жанындағы Тұрақты өкілі Асқар Абдрахманов.Көрмені Алматы қаласы әкімдігінің қолдауымен Музейлер бірлестігі ұйымдастырды. Жобаның жүзеге асуына Қазақстан Республикасының ЮНЕСКО жанындағы Тұрақты өкілдігі, Түркі мәдениеті және мұрасы қоры атсалысты. Жоба қазақтың бай музыкалық мұрасын шетел жұртшылығына кеңінен танытуға бағытталған.«Нұрғиса Тілендиев - ән, күй, романс, опера, балет, кантата, поэма сынды жанрларды қатар меңгерген, қазақ музыкасының заңғар тұлғасы. Бүгінде Алматыда Тілендиевтің мемориалдық музейі жұмыс істейді. Ескерткіш те орнатылған. Сондай-ақ, биыл Алматыдағы «Алатау» дәстүрлі өнер театры композитордың мерейтойына орай арнайы спектакль ұсынбақ. Жалпы Париж төріндегі көрме — әлемдік қоғамдастықтың қазақ халқының рухани құндылықтарына көрсеткен терең құрметінің белгісі. Бұл жұмыс жалғасын табады», – деді Алматы қаласы Мәдениет басқармасы Тарихи-мәдени мұраны қорғау бөлімінің басшысы Алтынай Әлімханова.Нұрғиса Тілендиевтің өмір жолы – тұтас бір дәуірдің шежіресі. Ол 500-ден астам музыкалық туынды жазып, 50-ден аса драмалық қойылым мен 20-ға жуық кинофильмге музыка жазған. 12 жасында оркестрдің концертмейстері атанып, 14 жасында дирижердің көмекшісі болды. Ұлы Отан соғысына жасына қарамастан аттанып, елге оралған соң Құрманғазы атындағы Қазақ мемлекеттік консерваториясын тәмамдады. Кейін Мәскеудегі консерваторияда оқып, сол оқу орнының алғашқы қазақ студенті атанды.«Біз бұған дейін Оңтүстік Корея, Түркия, Мажарстан, Сербия, Италия, Аустрия, Чехия елдерінде қазақ тарихы мен мәдениетін насихаттайтын көрмелер өткіздік. Франциядағы бұл көрме – біздің ортақ еңбегіміз. Қазір Тілендиев музейінде реэкспозициялық жұмыстар жүргізілуде, жастарға арналған танымдық шаралар ұйымдастырылып жатыр. Біз ұлы маэстроның мұрасын жаңаша қырынан танытып, оны болашақ буынның жүрегіне жеткізуді көздейміз», – деді Алматы қаласы музейлер бірлестігінің директоры Ләззат Сағындықова.Нұрғиса Тілендиев – Абай атындағы Қазақ мемлекеттік академиялық опера және балет театрының, Құрманғазы атындағы халық аспаптар академиялық оркестрінің бас дирижері, сондай-ақ өзі негізін қалаған «Отырар сазы» фольклорлық-этнографиялық оркестрінің көркемдік жетекшісі болған қазақ музыкасының көрнекті тұлғасы.Ақпарат көзі : https://www.gov.kz/memleket/entities/almaty-madeniet/press/news/details/1017856?lang=kk

14 маусымда Қазақстан Республикасы ІІМ Б.Бейсенов атындағы Қарағанды академиясында 53-шығарылым түлектеріне арналған диплом табыстау рәсімі өтті.Іс-шараға Қазақстан Республикасы Ішкі істер министрінің орынбасары Санжар Адилов, Қарағанды облысы әкімінің орынбасары Әлібек Әлденей, облыстың құқық қорғау органдарының басшылары мен ардагерлері, сондай-ақ түлектердің ата-аналары мен жақындары қатысты.Рәсім барысында түлектерге жоғары кәсіби білім алғанын растайтын дипломдар ресми түрде табысталды. Қонақтар жас офицерлерге құттықтау лебіздерін білдіріп, ел тыныштығы мен қоғамдық қауіпсіздікті сақтау жолында адал қызмет етуге шақырды.Шараның ерекше сәттерінің бірі - курсанттар вальсі болды. Музыка ырғағымен орындалған вальс – түлектердің академиямен қимастықпен қоштасуының символына айналды. Бұл әсерлі көрініс көрермендерге жылы сезім мен ұмытылмас әсер сыйлады.Академия басшылығы мен профессорлық-оқытушылық құрамы түлектерге жүрекжарды тілектерін арнап, олардың алдағы қызмет жолында табысты болатынына сенім білдірді.Бұл күн – түлектер үшін тек оқу кезеңінің аяқталуы ғана емес, сонымен бірге құқық қорғау саласындағы жауапты әрі абыройлы жолдың бастамасы болды.Ақпарат көзі : https://www.gov.kz/memleket/entities/qriim/press/news/details/1017857?lang=kk

15 маусым жексенбіде Глубокое кентiнде Әкелер күніне орай аудандық жарыстар өтті! Мереке отбасыларды біріктіріп, қуанышқа, спорттық құмарлыққа және жылы сәттерге толы тамаша күн сыйлады. Әкелер балаларымен бірге көңілді эстафеталарға, арқан тартуға, футбол матчтарына және басқа да қызықты жарыстарға қатысты.Барлық қатысушылар нағыз командалық бірлікті, күш-жігер мен сүйіспеншілікті көрсетті, ал көрермендер оларды қызу қолдады.Жеңіс – достық пен отбасылық бірлікте болды! Осындай жарқын әрі есте қаларлық күнге үлес қосқан баршаға алғысымызды білдіреміз!Ақпарат көзі : https://www.gov.kz/memleket/entities/vko-glubokoe/press/news/details/1017858?lang=kk

13.06.2025 жылы Сарқан аудандық қоғамдық-саяси газетінің №23 (95128) санында Ақсу ауданаралық мәжбүрлеп орындату аумақтық бөлімі филиалының сот орындаушысы Д.С. Қалибековтың «Сыбайлас жемқорлық - қоғам дерті» мақаласы жарияланды.Ақпарат көзі : https://www.gov.kz/memleket/entities/adilet-zhetysu/press/news/details/1017860?lang=kk

Арқарлы ауылдық округінде оқушылар арасында тоғызқұмалақтан жарыс ұйымдастырылып, өткізілді.Жарыс өте қызықты, әрі тартысты өтті.Аталған жарыстың жеңімпаздары Арқарлы ауылдық округінің мадақтама қағаздарымен және Спортты дамыту және бұқаралық спорттық іс-шараларды өткізу дирекциясы КММ-нің Алакөл аудандық филиалының кубок және медальдарымен марапатталды.Ақпарат көзі : https://www.gov.kz/memleket/entities/zhetysu-alakol-arkarly/press/news/details/1017863?lang=kk

13.06.2025 «Viamedis» емханасы мен Степногорск көпсалалы қалалық ауруханасында денсаулық сақтау саласы қызметкерлерінің кәсіби мерекесіне арналған іс-шаралар өтті.Іс-шара барысында қала әкімінің орынбасары Жанасыл Сабырұлы медицина ұжымдарына құттықтау лебізін жеткізді.Бағдарлама аясында концерттік нөмірлер ұсынылып, қызметкерлерге алғыс хаттар мен марапаттар табысталды.Барша медицина саласының қызметкерлерін келе жатқан кәсіби мерекелерімен шын жүректен құттықтаймыз! Дендеріңізге саулық, еңбектеріңізге табыс тілейміз!Ақпарат көзі : https://www.gov.kz/memleket/entities/aqmola-stepnogorsk/press/news/details/1017864?lang=kk

Алматы облысында қоғамдық бірлестіктердің бірінің жетекшісі алаяқтық жасады деген күдікпен ұсталды.Тергеу мәліметінше, күдікті шетелде сотталған Қазақстан азаматтарын босатуға көмек көрсету мақсатында халықтан жиналған қаражатты иемденіп алған.Сот күдіктіге қатысты қамауда ұстау түріндегі бұлтартпау шарасын санкциялады.Қазіргі уақытта аталған факті бойынша ҚР Қылмыстық кодексінің 190-бабымен (Алаяқтық) сотқа дейінгі тергеу амалдары жүргізілуде.ҚР Қылмыстық-процестік кодексінің 201-бабына сәйкес тергеу мүддесіне байланысты басқа мәліметтер жария етілмейді.Ақпарат көзі : https://www.gov.kz/memleket/entities/qriim/press/news/details/1017872?lang=kk

Жануарларды қорғаудың дүниежүзілік ұйымы (ЖҚДҰ) Қазақстан Республикасының жоғары патогенді құс тұмауынан ада ел мәртебесіне ие екендігі жөніндегі өзіндік декларациясын ресми түрде мақұлдады. Бұл маңызды мойындау – Қазақстанның ветеринариялық қызметінің эпизоотиялық қолайлылық пен биологиялық қауіпсіздікті қамтамасыз етуге бағытталған жүйелі және ғылыми негізделген жұмысының нәтижесі.Халықаралық талаптарға сәйкес, Ауыл шаруашылығы министрлігі эпидемиологиялық мониторинг, алдын алу шаралары, құс денсаулығына жүргізілген бақылау мен Қазақстан аумағында жоғары патогенді құс тұмауының ошағы болмағаны туралы мәліметтерді қамтитын толық құжаттаманы ЖҚДҰ-на жолдады.ЖҚДҰ тарапынан берілген бұл мойындау еліміздегі ветеринариялық бақылаудың жоғары деңгейде жүргізіліп отырғанын растайды және отандық құс шаруашылығы өнімдерінің экспорттық әлеуетін арттыруға, әсіресе ветеринариялық талаптары қатаң елдер нарығына шығуға қосымша мүмкіндік береді.ҚР Ауыл шаруашылығы министрлігінің Ветеринариялық бақылау және қадағалау комитеті эпизоотиялық мәртебелерді сақтау және кеңейту бойынша мақсатты жұмыстарын жалғастырып, биологиялық қауіпсіздік пен ветеринариялық қадағалау саласында жоғары стандарттарды қамтамасыз ете бермек.Ақпарат көзі : https://www.gov.kz/memleket/entities/moa/press/news/details/1017874?lang=kk

ҚР Еңбек және халықты әлеуметтік қорғау министрлігі (бұдан әрі – ЕХӘҚМ) Мемлекеттік әлеуметтік сақтандыру қорынан (бұдан әрі – МӘСҚ) төленетін кейбір әлеуметтік төлемдерді тағайындау, тағайындаудан бас тарту, қайта есептеу, тоқтата тұру және тоқтату процестерін автоматтандыру бойынша пилоттық жобаны іске қосуға бастамашылық етуде. Жоба туралы ақпарат «Ашық НҚА» порталында 2025 жылдың 27 маусымына дейін қоғамдық талқылау үшін орналастырылған.Жобада мемлекеттік қызметтерді көрсету мерзімдерін қысқарту мақсатында МӘСҚ филиалдарының қызметкерлерін шешім қабылдаудан шеттету көзделген, бұл алушылардың шотына ақшалай қаражатты аударуды жеделдетуге мүмкіндік береді, әлеуметтік төлемдерді уақтылы тоқтата тұруды және тоқтатуды қамтамасыз етеді.Айта кетерлігі, пилоттық режимде тек «Электрондық үкімет» және «Электрондық еңбек биржасы» порталдары арқылы келіп түскен электронды өтініштер, екінші деңгейдегі банктердің өтініштері және проактивті форматта әлеуметтік төлемдерді тағайындау қызметтері келісілген өтініштер қаралатын болады.Бұл ретте өтініш берушілер белгілі бір критерийлерге сәйкес келуі тиіс: тек бір төлеушіден (ЖК, шаруа қожалығының басшысын, жеке практикамен айналысатын адамды қоспағанда) әлеуметтік аударымдардың түсуі, оларды уақтылы төлеу (есеп берілетін айдан кейінгі екінші айдың 5-күнінен кешіктірмей), әлеуметтік аударымдар бойынша қызметкердің ай сайынғы табысының міндетті төлемдер бойынша ай сайынғы табысқа сәйкес келуі, сондай-ақ қажетті мәліметтерді алу үшін цифрландырылған құжаттардың толық пакетінің болуы және басқалар.Жоғарыда аталған критерийлер бизнес-процестерді оңтайландыру мен автоматтандырудың тиімділігін анықтауға көмектеседі.Пилоттық жобаның басталуы туралы қосымша хабарланатын болады.Ақпарат көзі : https://www.gov.kz/memleket/entities/enbek/press/news/details/1017879?lang=kk

Ұлттық статистика бюросының Ақтөбе облысы бойынша департаментінде Абай Құнанбаевтың туғанына 180 жыл толуына орай «Абай жаққан бір сәуле сөнбейді» атты әдеби-танымдық іс-шара өтті.Іс-шара барысында қатысушылар Абайдың өмірі мен шығармашылығына арналған бейнероликтерді тамашалады.Сонымен қатар, Департамент қызметкерлері арасында өткен Абай өлеңдерін оқу челленджінің жинақталған видеонұсқасы көрсетілді. Көрермендер назарына жас Абайдың үйіне оралу сәтін бейнелейтін сахналық қойылым ұсынылды.Әдеби-танымдық кеш барысында Абайдың өмірі мен шығармашылығына байланысты викториналық сұрақ-жауап ойыны ұйымдастырылып, қатысушылар танымдық ақпараттармен бөлісті.Ақпарат көзі : https://www.gov.kz/memleket/entities/stat/press/news/details/1017880?lang=kk

«Орталық Азия – Қытай» II Индустриялық-инвестициялық ынтымақтастық форумы аясында Ақмола облысы әкімдігі мен қытайлық Dalian Hesheng Holdings компаниясы арасында негіздемелік келісімге қол қойылып, құжат алмасу рәсімі өтті. Келісімнің мақсаты – инвестициялық ынтымақтастықты дамыту және Ақмола облысы аумағында жалпы құны 1,8 миллиард АҚШ долларын құрайтын бидайдың 1–4 сұрыптарын терең өңдейтін өндірістік кешен салу жобасын жүзеге асыру. Өндіріс орны республикалық «Aqmola» индустриялық аймағында орналастырылады. Жоба үш кезеңмен іске асырылады. Кәсіпорынның жалпы өндірістік қуаттылығы – 3 миллион тонна. Алғашқы кезеңде жылына 1 миллион тонна дайын өнім өндіру көзделіп отыр. Жобаның аясында 1000-нан астам тұрақты жұмыс орны ашылады. Ақмола облысының әкімі Марат Ахметжановтың айтуынша, бүгінде өңірлерге инвестиция тартуға айрықша мән беріліп отыр.Ақпарат көзі : https://www.gov.kz/memleket/entities/aqmola-ush/press/news/details/1019646?lang=kk

Атырауда 9-13 маусым аралығында қыз-келіншектерге арналған «TOMIRIS» ақпараттық-білім беру бағдарламасы өтті. Биыл жобаға қоғамдық өмірде белсенді, түрлі салада еңбек етіп жүрген қыз-келіншектерден 129 өтінім түсіп, 50 қатысушы іріктеліп алынды.5 күндік бағдарлама аясында қатысушылар көшбасшылық дағдыларды меңгеріп, еліміздің жетекші сарапшылары өткізген семинар-тренингтерге қатысты.Семинар барысында іскерлік коммуникация, келіссөздер жүргізу, қаржылық сауаттылық, тайм-менеджмент, жобалық менеджмент және көшбасшылық әлеуетті дамыту сынды өзекті тақырыптар қамтылды. Жоба соңында барлық қатысушыға арнайы сертификаттар табысталды.Айта кетейік, жобаны облыстық Ішкі саясат басқармасы мен Атырау облысы әкімінің жанындағы Әйелдер істері және отбасылық-демографиялық саясат жөніндегі комиссияның қолдауымен, «Шаңырақ-2008» қоғамдық бірлестігі ұйымдастырды.Ақпарат көзі : https://www.gov.kz/memleket/entities/atyrau-sayasat/press/news/details/1017883?lang=kk

Глубокое ауданында инфрақұрылымдық жобалардың іске асырылуын бақылауды жүзеге асыру шеңберінде Глубокое аудандық мәслихатының төрағасы А.С. Қалигожин Малоубинка ауылындағы сумен жабдықтау жүйесінің құрылысы бойынша жұмыстар жүргізіліп жатқан құрылыс алаңына барды. Сапар барысында ол құрылыс барысымен танысып, Орындалатын жұмыстардың қарқыны мен сапасын бағалады. Сондай-ақ, мердігер ұйым өкілдерімен және ауыл тұрғындарымен кездесу өтті. Төраға осы объектінің жобалық шешімдері мен іске асыру мерзімдерін сақтау мәселелеріне ерекше назар аударды.Ақпарат көзі : https://www.gov.kz/memleket/entities/glubokoe-maslihat/press/news/details/1017886?lang=kk

“Мобильді кеңсе” деген не?Бірыңғай жинақтаушы зейнетақы қоры “Мобильді кеңсе” жобасын 2018 жылы қолға алды. Бұл – көлікке орналастырылған шағын кеңсе. БЖЗҚ мамандары ноутбук, жоғары жылдамдықты интернет, принтер, Қор базасы сияқты түрлі қажет құрылғымен жабдықталған шағын автобуспен елді мекендерді аралап, тұрғындарға арнайы қызмет көрсетеді.Қандай қызметтер ұсынылады?“Мобильді кеңсенің” облыс, аудан орталықтарында орын тепкен БЖЗҚ-ның кәдімгі бөлімшелерінен ешқандай айырмашылығы жоқ. Дәл сол кеңселерде көрсетілетін қызметтердің барлығын ұсынады:- Зейнетақы, инвестиция портфеліне қатысты кеңестер береді;- Жеке кабинет арқылы электрондық қызмет алуға көмектеседі;- Жеке деректерді өңдеп немесе өзгерту мүмкіндігі бар;- Қажет құжаттарды, анықтамаларды шығарып алу және басқа да қызмет түрлері көрсетіледі. “Мобильді кеңсе" қызметі алыс аудандар мен Қор бөлімшесі жоқ аймақ тұрғындары, әсіресе, қалаға баруға уақыт таппай жүрген немесе мүмкіндігі шектеулі адамдар, интернеті жоқ немесе оны қолдануда қиындық көретін адамдар үшін өте ыңғайлы.Қай ауыл-аймаққа барады?“Мобильді кеңсенің" әр сапары алдын ала жоспарланады. Қай күні, қай ауылға баратыны жергілікті әкімдікпен келісіліп, тұрғындарға алдын ала хабарланады. Кеңсе таңғы 09.00-ден кешкі 18.00-ге дейін жұмыс істейді. Бұл ауыл тұрғындарына ыңғайлы болса, БЖЗҚ мамандары үшін әр адаммен тікелей байланыс орнатудың таптырмас жолы. “Мобильді кеңсе" еліміздің 13 өңірінде жұмыс істейді. Жоба іске қосылған 6 жылдан астам уақыт ішінде БЖЗҚ мамандары 5100 елдімекенге барып, 616 000 адамға қызмет көрсетіп үлгерді. Қор қызметіне, зейнетақы жүйесіне қатысты 213 000 ақпараттық таныстырылым өткізілді. Оған 5,3 миллион адам қатысты.Ақпарат көзі : https://www.gov.kz/memleket/entities/aktobe-aitekebi/press/news/details/1017887?lang=kk

  «Қазгидромет» РМК болжамдарына сәйкес еліміздің оңтүстік, батыс, орталық және шығыс өңірлерінде дауылды ескерту жарияланды. 2025 жылдың 16 маусымында және алдағы күндері қатты ыстық пен өрт қаупі жоғары болады деп күтілуде.  Осы кезеңдегі өрттің негізгі себептері - от жағу, сөндірілмеген темекі тұқылдары мен сіріңкелер, шөптер мен қоқысты рұқсатсыз жағу, балалардың отпен ойнауы. Өрт қаупі жоғары кезеңде өрт көздеріне, әсіресе орман және дала алқаптарына ерекше назар аударуға шақырамыз.  ТЖМ өрт қауіпсіздігінің қарапайым ережелерін сақтауға шақырады:  - ормандарда және ашық жерлерде от жақпаңыз;  - жанып тұрған сіріңкелер мен сөндірілмеген темекі тұқылдарын тастамаңыз;  - табиғатта шыны ыдыстарды қалдырмаңыз, өйткені күн сәулесі әйнектен өтіп, құрғақ шөпті фокустап, өртеп жіберуі мүмкін;  - өрт туралы дереу 101 немесе 112 телефонына хабарлаңыз.  Сонымен қатар шомылу маусымда су айдындарындағы жазатайым оқиғалардың көпшілігі рұқсат етілмеген және жабдықталмаған су көздерінде болады. Әрбір азамат су айдындарындағы қауіпсіздік ережелерін қатаң сақтауы тиіс.  ТЖМ судың жанында болған кезде қарапайым қауіпсіздік ережелерін сақтау қажеттігін еске салады.  - тек рұқсат етілген (жабдықталған) жерлерде шомылыңыз;  - суға шомылуға тыйым салынған жерлерге суға түсуге қатаң тыйым салынады;  - су маңындағы демалыста алкогольді, есірткі заттарын пайдаланбаңыз;  - буйкалардан асып жүзбеңіз;  - жартастардан, шатқалдардан және осы мақсаттарға арналмаған басқа жерлерден суға секірмеңіз;  - су көліктеріне жақын жүзуге болмайды;  - дабыл туралы жалған дыбыстар шығармаңыз;  - ең бастысы, балаларды қараусыз қалдырмаңыз.  Барлық азаматтарды өз өмірлері мен жақындарының өміріне барынша жауапкершілікпен қарауға шақырамыз. Жоғарыда аталған ережелерді қатаң сақтаңыз.   Ақпарат көзі : https://www.gov.kz/memleket/entities/emer/press/news/details/1017888?lang=kk

Медицина қызметкері күнінде күн сайын біреудің өмірі үшін өз өміріне қауіп төндіретіндерді есте сақтау өте маңызды. Павлодар облысының Төтенше жағдайлар департаментінің медицина қызметкерлері-дәрігерлер, фельдшерлер мен медбикелер апат кезінде бірінші болып көмекке келеді. Олар өрт сөндірушілер мен құтқарушылардың қасында, отта, суықта, қатты жаңбырда жұмыс істейді — дәл сол жерде көмек қажет болған орында табылады.Павлодар облысының Апаттар медицинасы орталығында 49 медициналық маман жұмыс істейді. Олардың міндеті-алғашқы көмек көрсету ғана емес, әр секунд сайын қиын жағдайға тап болған өмірді құтқару. Қызметкерлер тек аудан орталығында және қалаларда ғана емес, сонымен қатар үш трассалық медициналық-құтқару пунктінің құрамында кезекшілік етеді. Бұл пункттер ең ұзын және қауіпті жерлерде жедел медициналық көмек көрсету үшін орналастырылған.Сондай - ақ Жедел-құтқару жасағында екі медбике-құтқарушы жұмыс істейді. Ирина Викторовна Вдовенко мен Айгүл Серікқызы Смағұлова күрделі оқиғаларға шығуға қатысып, оқиға орнында алғашқы көмек көрсетеді. Олардың жұмысы тек жоғары кәсіпқойлықты ғана емес, сонымен бірге үлкен рухты қажет етеді.Әр оқиға орнына шығу - өмір үшін күрес. Біздің дәрігерлердің қолдары адам өмірін құтқарады, олардың білімі үміт береді, ал тыныштық пен шешімділік ең қиын сәтте сақталады. Бұл жұмыстың артында үлкен батырлық пен қайсарлыққа тең әрекет жатыр.Мереке күнінде оларға қарапайым, бірақ маңызды үлкен ризашылығымызды білдіргіміз келеді. Ең қиын сәттерде батылдық, жанқиярлық, жанашырлық танытып, тіпті ең қатал жағдайларда да айналадағы адамдарға көмек көрсетуге дайын жандар. Сіздер жай медицина қызметкерлері емессіздер. Сіздер нағыз - құтқарушысыздар.Ақпарат көзі : https://www.gov.kz/memleket/entities/emer-pavlodar/press/news/details/1017889?lang=kk

  Қайнар ауылдық округінің әкімі Қ.Жумашев "Медицина қызметкерлер күні" мерекесімен округтегі ФАП қызметкерлерін құттықтап, марапаттадыАқпарат көзі : https://www.gov.kz/memleket/entities/zhetysu-alakol-kainar/press/news/details/1017890?lang=kk

5 маусымда 2025 жылғы  Ғабит Мүсірепов атындағы ауданның қоғамдық кеңесінің отырысында "Солтүстік Қазақстан облысы Ғабит Мүсірепов атындағы аудан әкімдігінің жұмыспенқамту және әлеметтік бағдарламалар бөлімі" коммуналдық мемлекеттік мекемесінің қызметіндегі сыбайлас жемқорлық тәуекелдерін ішкі талдау нәтижелерін жария талқылау өтті.Жария талқылау қорытындысы бойынша Қоғамдық кеңес мүшелері сыбайлас жемқорлық тәуекелдерін одан әрі анықтау және оларды жою жөнінде ұсыныстар берді.Ақпарат көзі : https://www.gov.kz/memleket/entities/social-musrepov/press/news/details/1017892?lang=kk