Алматы облысы делегациясының Қытай Халық Республикасына жасаған ресми сапары аясында облыс әкімі Марат Сұлтанғазиев Қытайдың жетекші компанияларының өкілдерімен кездесті. Бұл кездесу халықаралық экономикалық ынтымақтастықты кеңейтудің маңызды кезеңіне айналды.Кездесуге Zhuhai Shixi Technology Co., Ltd, Wanjia Hotel Group Co., Ltd, және AT Partner Company сияқты жоғары технологиялар мен туризм саласындағы бірлескен жобаларға қызығушылық танытқан ірі компаниялардың өкілдері қатысты.Келіссөздер барысында Алматы облысының табиғи жауһары саналатын Көлсай аймағында аспалы жолдар салу жобасына ерекше назар аударылды. Кездесу нәтижесінде инфрақұрылымды дамыту және экологиялық туризм салаларындағы ынтымақтастықты көздейтін өзара түсіністік туралы меморандумға қол қойылды.Мұнай-газ секторына инвестиция тарту мәселесі бойынша негізгі әріптес ретінде Jinxiang Investment Group компаниясы танылып, оны директорлар кеңесінің төрағасы Хуан Сян Мяо таныстырды. Сондай-ақ кездесуге қазақстандық «Слава Мұнай» ЖШС өкілдері де қатысты.Энергетика саласы да маңызды тақырыптардың бірі болды. Жасыл энергетиканы дамыту перспективалары Ronghao Energy (басшысы Эрик Гао) және Zhongtai Group компанияларының қатысуымен талқыланды.Кездесу аясында зияткерлік жүйелер, технологиялар және өнеркәсіптік автоматтандыру салаларында ұсыныстармен алмасу өтті. Іс-шараға Jiangsu Slenline Intelligent Systems, Leng Dengke, Gaosong және Helong Explosion компанияларының өкілдері қатысты. Алматы облысының агроөнеркәсіптік кешенін дамытуға ерекше қызығушылық білдірген компаниялардың бірі – Қытайда жаңғақ пен снек өнімдерінің ірі дистрибьюторы болып саналатын Three Squirrels Co., Ltd. Компания атынан Пан Даовэй (Pan Daowei) сөз сөйледі.Алматы облысы шетелдік инвестициялар үшін ашық екенін және  шетелдік серіктестерге қолайлы жағдайлар, әрі тиімді рәсімдер және жобаларды іске асырудың барлық кезеңінде кешенді қолдау көрсетуге дайын екенін облыс әкімі Марат Сұлтанғазиев атап өтті.Ақпарат көзі : https://www.gov.kz/memleket/entities/almobl/press/news/details/1003825?lang=kk

Тіл мен архив саласы бойынша білім берудегі ЖИ: республикалық сессияның қорытындыларыАбылай хан атындағы Қазақ халықаралық қатынастар және әлем тілдері университеті базасында ҚР Ғылым және жоғары білім министрлігі мен ҚР Мәдениет және ақпарат министрлігінің қолдауымен «Тілдік және архивтік бейіндегі мамандарды даярлаудағы жасанды интеллект» атты Республикалық стратегиялық сессия отырысы өтті.Отырысқа ҚР Ғылым және жоғары білім министрлігі Жоғары және жоғары оқу орнынан кейінгі білім комитетінің төрайымы Г.Көбенова, ҚР Мәдениет және ақпарат министрлігі Архивтер, құжаттама және баспа ісі комитеті төрағасының орынбасары А.Дюсекова, ҚР Ұлттық академиялық кітапханасының басшысы К.Сеитова, Ш.Шаяхметов атындағы «Тіл-Қазына» ұлттық ғылыми-практикалық орталығының Жобалық басқару орталығының жетекшісі С.Кенжебаева, Назарбаев Университеті жанындағы Ақылды жүйелер және жасанды интеллект институтының (ISSAI) атқарушы директоры Е.Абсалямов, сондай-ақ Ұлттық және мемлекеттік маңызы бар мұрағаттардың және Қазақстан Республикасы ЖОО өкілдерінің 80-нен астам өкілдері қатысты.Қатысушыларға алғы сөзімен ректордың м.а. Д.Құнанбаева Қазақстан Республикасының Үкімет Аппаратына және жетекшілік ететін министрліктерге Университеттің тілдік және архивтік бейіндегі мамандарды даярлаудағы мәселелерді шешуге арналған пікірталас алаңына айналуына мүмкіндік бергені үшін алғыс білдірді. Сондай-ақ Абылай хан атындағы ҚазХҚжӘТУ еліміздегі жетекші шет тілдері университеттерінің бірі ретінде Қазақстан мен әлемдік экономиканың сұранысына сай білікті кадрлар даярлауға жауапты екенін атап өтті.Жалпы баяндамашылар мұрағат қызметінде жасанды интеллектті дамыту мәселелеріне, электронды мұрағаттар тек сақтау қоймасы емес, құжаттарды талдаудың толыққанды интеллектуалды жүйесі болуын қамтамасыз ету үшін қандай қадамдар жасалып жатқанын, бүгінгі күні электронды құжат айналымы жүйесінде ұсынылған қосымшаларды ауқымды енгізу үшін қандай қадамдар қажет екенін, нормативтік құқықтық актілерді мемлекеттік және ағылшын тіліне оқу құжаттарын сапалы аударуды қамтамасыз ету мәселелеріне тоқталып өтті.Республикалық стратегиялық сессия отырысының қорытындысы бойынша айтылған тақырып бойынша негізгі шешімдер, даму бағыттары мен бірінші кезектегі шаралар жазылған қорытынды құжат ұсынылады.Ақпарат көзі : https://www.gov.kz/memleket/entities/sci/press/news/details/1003835?lang=kk

Астанада Cardiff University Kazakhstan ашық есік күні өттіБүгін, 25 мамырда, Астанада Cardiff University Kazakhstan филиалының ашық есік күні өтті.Іс-шараға ҚР Ғылым және жоғары білім министрі Саясат Нұрбек, Қазақстандағы Ұлыбританияның Төтенше және Өкілетті Елшісі Кэти Лич, Cardiff University бас операциялық директоры Паула Сандерсон, халықаралық ынтымақтастық жөніндегі директоры Анна Морган және университеттің өзге де өкілдері қатысты.Өз сөзінде ҚР Ғылым және жоғары білім министрі Саясат Нұрбек Мемлекет басшысының тапсырмасына сәйкес Қазақстан аумағында әлемнің жетекші жоғары оқу орындарының филиалдарын ашу бойынша министрлік белсенді жұмыс жүргізіп жатқанын атап өтті. Осы бағыттағы маңызды нәтижелердің бірі – Кардифф университетімен ынтымақтастық орнату болды. Бұл университет – Ұлыбританиядағы беделді Russell Group құрамына кіретін, QS World University Rankings және Times Higher Education секілді әлемдік рейтингтерде тұрақты жоғары орын алатын оқу орны.Айта кетейік, 2024 жылғы 14 тамызда қазақстандық делегация алғаш рет Кардифф университетіне барып, оның қорытындысы бойынша ҚР Ғылым және жоғары білім министрлігі, «Qualified Centre of Education» қоғамдық қоры және Cardiff University арасында Астанада филиал ашу туралы үшжақты меморандумға қол қойылды. Кейін 2024 жылғы 20 қарашада Кардифф университеті делегациясының Қазақстанға жауапты сапары барысында тараптар егжей-тегжейлі келіссөздер жүргізуге бағытталған екіжақты келісім жасасты. Ал 2025 жылғы 25 ақпанда Кардифф университетінің өкілдері қайта келіп, академиялық бағдарламаларды нақтылап, ынтымақтастықтың негізгі мәселелерін талқылады.2025 жылғы қыркүйекте Астанада Cardiff University Kazakhstan толыққанды білім беру кампусы ашылады. Кампус 2000-нан астам студентке арналған. Бұл – Қазақстанда шетелдік жоғары оқу орнының жоғары академиялық рейтингке ие алғашқы филиалы болмақ. Бағдарламалар тікелей негізгі университеттің басқаруымен жүзеге асырылады. Жаңа кампус академиялық артықшылықтың, ғылыми зерттеулер мен халықаралық жобалардың орталығына айналады. Мұнда Cardiff University жетекші оқытушылары мен Қазақстан мен шет елдерден келетін талантты студенттер шоғырланатын болады.Филиал 2025 жылдан бастап STEM бағыттары (ғылым, технология, инженерия, математика) мен бизнеске басымдық берілетін Foundation (дайындық) бағдарламасымен жұмысын бастайды. 2026 жылдан бастап келесі салалар бойынша бакалавриат бағдарламалары іске қосылады: компьютерлік ғылымдар, бизнес басқару, азаматтық құрылыс, геология және пайдалы қазбаларды барлау.Оқу ұзақтығы – 4 жыл: 1 жыл Foundation, одан кейін 3 жыл бакалавриат. Барлық сабақтар толықтай ағылшын тілінде өтеді, дәрістер мен практикалық сабақтарды Cardiff University академиялық құрамы жүргізеді. Астана кампусы академиялық ұтқырлықты қамтамасыз етеді және басқа қалалар мен шет елдерден келген студенттер үшін жайлы жатақханамен қамтамасыз етіледі.Foundation бағдарламасына қабылдау талаптары:✔ IELTS академиялық тесті – кемінде 5.5 (әр компоненттен – кемінде 5.0);✔ Аттестаттың орташа балы (GPA) – 5.0 жүйесі бойынша кемінде 4.0, математика пәнінен – кемінде 4;✔ ҰБТ – кемінде 50 балл (мемлекеттік грантқа түсушілер үшін).Ақпарат көзі : https://www.gov.kz/memleket/entities/sci/press/news/details/1003854?lang=kk

Прага, 2025 жылғы 23 мамыр – Чехия астанасында Қазақстан Республикасының Елшілігі мен «Kazakh Tourism» ұлттық компаниясының ұйымдастыруымен Қазақстанның туристік әлеуетін таныстыруға, сондай-ақ қазақстандық және чех туристік сала өкілдері арасындағы іскерлік байланыстарды нығайтуға арналған «Welcome to Kazakhstan» атты бизнес-семинар өтті.Іс-шара гибридті форматта ұйымдастырылып, екі елдің мемлекеттік құрылымдары, туристік агенттіктері мен кәсіби бірлестіктері өкілдерінің басын қосты. Қатысушылар алдында сөз сөйлеген Қазақстанның Чехиядағы Елшісі Бақыт Дүйсенбаев шетелдік туристердің Қазақстанға деген қызығушылығы жыл сайын артып келе жатқанын атап өтті. Осыған орай, қазақстандық дипломат чех туроператорларын бұл бағытты чех нарығында дамытудың әлеуетін қарастыруға шақырды.Семинар барысында «Kazakh Tourism» ҰК» АҚ Басқарма төрағасы Қайрат Садуақасов Қазақстанның заманауи туристік мүмкіндіктерін таныстырды. Оның ішінде мәдени, экологиялық, шытырман оқиғалы және этнотуризм бағыттарына ерекше назар аударылды. Сонымен қатар, SCAT әуе компаниясының Еуропадағы бас өкілі Виктор Войцеховский тікелей әуе рейстерінің артықшылықтары мен елімізге Чехиядан келетін туристер үшін логистикалық қолжетімділігі туралы баяндады.Raft Service, Gvidon Tour, Khan Turan Travel, Empire Travel Qazaqstan және басқа да қазақстандық туристік компаниялар өз қызметтерін таныстырды. B2B-кездесулер барысында қатысушылар өзара тиімді әріптестік орнату және жаңа бағыттарды дамыту мәселелерін талқылады.Семинар қазақтың ұлттық тағамдары ұсынылған түскі аспен қорытындыланды. Екі елдің туристік сала өкілдері Қазақстанды чех нарығында ілгерілету бойынша ынтымақтастықты әрі қарай дамытуға қызығушылық білдірді.Ақпарат көзі : https://www.gov.kz/memleket/entities/mfa-prague/press/news/details/1003862?lang=kk

       2025 жылғы 22 мамырда Алматы қаласында Қазақстан, Қытай, Қырғызстан, Тәжікстан, Түрікменстан және Өзбекстанның кеден қызметтері басшыларының «Орталық Азия – Қытай» форматындағы екінші кездесуі өтті. Іс-шараға Қазақстан Республикасы Қаржы министрлігі Мемлекеттік кірістер комитетінің төрағасы Жандос Дүйсембаев төрағалық етті.      Қатысушылар кеден рәсімдерін цифрландыру, өткізу пункттерін басқару, кадрлар даярлау және тәжірибе алмасу сияқты негізгі ынтымақтастық бағыттарын талқылады. Ерекше назар шекара маңындағы саудада «Ақылды» кеден және «Бірыңғай терезе» механизмін енгізу сияқты бірлескен жобаларды іске асыруға аударылды.      Кездесу аясында инвазивті емес тексеру, интеллектуалды бейне тану және кедендік тәуекелдерді басқару саласындағы ынтымақтастық туралы меморандумдарға қол қойылды. Тараптар сондай-ақ үшінші кездесуді 2027 жылы Қырғыз Республикасында өткізуге келісті.      Кездесу соңында қатысушылар өңірлік ынтымақтастықты нығайтуға және орнықты, қауіпсіз әрі инновациялық кедендік орта құруға бейілділігін растады.Ақпарат көзі : https://www.gov.kz/memleket/entities/kgd/press/news/details/1003886?lang=kk

Варшава, 2025 жылғы 23 мамыр – Польша астанасына жұмыс сапары аясында Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Польша Республикасының Сыртқы істер министрі Радослав Сикорскиймен келіссөздер жүргізді.Варшавадағы іс-шара 2024 жылғы қыркүйекте Нью-Йоркте БҰҰ Бас Ассамблеясының 79-шы сессиясы аясында екі елдің сыртқы істер министрлерінің кездесуінің қорытындысы бойынша қол жеткізілген уағдаластықтарды іске асыру шеңберінде өтті.Сұхбаттастар саяси диалогты одан әрі нығайтуға, сауда-экономикалық және инвестициялық байланыстарды кеңейтуге, сондай-ақ мәдени-гуманитарлық жобаларды іске асыруға деген өзара көзқарасты тағы да растады.ҚР СІМ басшысы Польша Қазақстанның Орталық Шығыс Еуропа мен Еуропалық одақтағы маңызды серіктесі екенін атап өтті. «Дипломатиялық қатынастардың 33 жылы ішінде Астана мен Варшава саяси диалогты, парламентаралық өзара іс-қимылды нығайтуда, халықаралық ұйымдардың алаңдарында сындарлы өзара іс-қимылды жолға қоюда, сондай-ақ өзара тиімді негізде сауда-инвестициялық жобаларды іске асыруда», – деп мәлімдеді М.Нұртілеу.Өз кезегінде поляк министрі екіжақты қатынастарды одан әрі дамытуға ниетін білдірді. «Польша Қазақстанмен сауда-экономикалық ынтымақтастықты кеңейтуге ғана емес, сонымен қатар Астанамен саяси диалогты нығайтуға да мүдделі», – деді Р.Сикорский.Польша тарапы Еуропалық одақ пен Қазақстан арасында визалық режимді жеңілдету бастамасына берік қолдау білдіріп, Астана мен Брюссель арасындағы тиісті келіссөздердің тезірек басталуына жәрдемдесуге дайын екенін атап өтті.Министрлер Қазақстан мен Польшаның көлік, энергетика, фармацевтика, білім беру, тамақ өнеркәсібі, құрылыс материалдарын өндіру сияқты салалардағы ынтымақтастығын тереңдету үшін қолда бар кең әлеуетке назар аударды. Осы тұрғыда Экономикалық ынтымақтастық жөніндегі қазақ-поляк үкіметаралық комиссиясының үйлестіруші рөлі аталып өтті, оның 10-шы отырысы ағымдағы жылдың күзінде жоспарланып отыр.Азия мен Еуропа арасындағы экономикалық өзара байланыста Транскаспий халықаралық көлік бағдарының өсіп келе жатқан рөлін ескере отырып, қазақ тарапы поляк іскерлік қауымдастығын жаңа сауда және инвестициялық мүмкіндіктерді ашу мақсатында бірлескен логистикалық және инфрақұрылымдық жобаларға қатысуға шақырды.Сыртқы саяси ведомстволардың басшылары өңірлік және жаһандық күн тәртібіндегі өзекті мәселелер бойынша «сағаттарын теңестіріп», көпжақты құрылымдар аясында тығыз ынтымақтастықты жалғастыруға бейілділіктерін растады.Кездесу қорытындысы бойынша Қазақстан мен Польша сыртқы істер министрліктері арасындағы 2025-2027 жылдарға арналған ынтымақтастық бағдарламасына қол қойылды.Ақпарат көзі : https://www.gov.kz/memleket/entities/mfa-warsaw/press/news/details/1004772?lang=kk

2025 жылғы 22 мамыр – Нидерланд Корольдігінің Гаага қаласында Legal & Business Insights: Dutch-Kazakh Business Relations атты бизнес іс-шарасы өтті. Оны халықаралық BUREN заң фирмасы Қазақстан Республикасының Нидерландтағы Елшілігінің қолдауымен ұйымдастырды. Кездесудің басты мақсаты – екі ел арасындағы құқықтық және іскерлік ынтымақтастықты нығайту мәселелерін талқылау болды. Іс-шара аясында Нидерландта шығатын Tulip іскерлік журналының кезекті шығарылымы таныстырылды.Қазақстанның Нидерландтағы Елшісі Қайрат Әбдірахманов өз сөзінде екіжақты серіктестікті әртараптандырудың маңыздылығын атап өтіп, кәсіби диалогқа жаңа алаң ұсынғаны үшін ұйымдастырушыларға алғыс білдірді. Ол Қазақстанның жаһандық ресурстар мен нарықтар үшін бәсекелестік жағдайында шетелдік инвесторлар, оның ішінде нидерландтық компаниялар үшін қолайлы бизнес ортасын құруға, сондай-ақ шағын және орта бизнесті қолдауға баса назар аударып отырғанын жеткізді. Кәсіпкерлер Қазақстанның транзиттік хаб ретіндегі геоэкономикалық маңызын және стратегиялық ресурстар жеткізушісі ретіндегі рөлін ескере отырып, жаңа мүмкіндіктерді пайдалануға шақырылды.Қазақстан мен Нидерландтың заң, инвестиция және бизнес өкілдері еліміздің құқықтық реттеу жүйесі мен инвесторлардың құқықтарын қорғау кепілдіктерін жан-жақты талқылады. Қазақстанда бизнес жүргізудің құқықтық аспектілері, инвестицияларды қорғау, салық салу, трансшекаралық мәмілелерді құқықтық сүйемелдеу және бірлескен кәсіпорындар құру мәселелері көтерілді.Талқылау барысында ауыл шаруашылығы, су ресурстары мен экология, фармацевтика және медицина технологиялары, логистика, сондай-ақ сирек кездесетін және сирек жер металдарын өндіру мен өңдеу сияқты өзара мүдделі негізгі салалар қозғалды. Өз кезегінде сарапшылар Нидерландтағы бизнес жүргізудің түрлі қырларын талқылап, бұл нарықтың қазақстандық кәсіпкерлер үшін де тартымдылығын атап өтті.Қатысушылар осындай кәсіби алаңдардың жаһандық экономика қарқынды өзгеріп жатқан жағдайда тәжірибе алмасу, сенімді нығайту және нақты шешімдер қабылдау үшін маңызды екенін атап өтті.Бұл іс-шара Қазақстан мен Нидерланд арасындағы тұрақты, құқықтық және ұзақ мерзімді экономикалық әріптестікті одан әрі дамыту жолындағы маңызды қадамға айналды. Қазақстан Республикасының Елшілігі кәсіби деңгейде ұйымдастырылған іс-шара үшін BUREN заң фирмасына және мазмұнды әрі сындарлы диалог жүргізген барлық қатысушыларға алғыс білдіреді. Ақпарат көзі : https://www.gov.kz/memleket/entities/mfa-hague/press/news/details/1003653?lang=kk

Вена, 2025 жылғы 19-23 мамыр – Қазақстан делегациясы Қылмыстың алдын алу және қылмыстық сот төрелігі жөніндегі БҰҰ Комиссиясының 34-ші сессиясының жұмысына белсенді қатысты.Сессияның жалпы пікірталастарында Қазақстан Республикасы Сыртқы істер министрлігінің Ерекше тапсырмалар жөніндегі Елшісі Станислав Василенко сөз сөйледі. Ол өз сөзінде Қазақстанның қылмыспен және терроризммен күрес жөніндегі халықаралық келісімдерге, оның ішінде БҰҰ-ның Сыбайлас жемқорлыққа қарсы конвенциясына, Трансұлттық ұйымдасқан қылмысқа қарсы конвенциясына және оларға қатысты хаттамаларға, сондай-ақ терроризмге қарсы іс-қимыл жөніндегі барлық 19 халықаралық-құқықтық құжатқа берік ұстанымын ерекше атап өтті.Сөз барысында «Жусан» және «Руссафа» операциялары аясында қақтығыс аймақтарынан оралған азаматтарды – әйелдер мен балаларды қосқанда, жалпы саны 754 адамды – репатриациялау және реинтеграциялау бойынша Қазақстанның табысты тәжірибесіне ерекше назар аударылды.Сондай-ақ Станислав Василенко ұлттық пенитенциарлық жүйені реформалау туралы айта келе, Есірткі және қылмыс жөніндегі БҰҰ басқармасының (БҰҰ ЕҚБ) белсенді қолдауымен Қазақстанның түрме жүйесі соңғы он жылда халықаралық стандарттарға сай дәйекті түрде жетілдіріле түскенін атап өтті.Сонымен қатар Комиссия жұмысы аясында қазақстандық делегация БҰҰ ЕҚБ Терроризмге қарсы күрес департаментінің басшысы Роберто Арбитриомен кездесіп, онда түрлі бағдарламалар, соның ішінде қылмыстық сот төрелігі жүйесін оңалту және жетілдіру және киберқылмыс жобалары бойынша одан әрі өзара іс-қимыл және тәжірибе алмасу мәселелері талқыланды.Ақпарат көзі : https://www.gov.kz/memleket/entities/mfa/press/news/details/1004303?lang=kk

Вашингтон, 2025 жылғы 22 мамыр – Қазақстан Республикасының Америка Құрама Штаттарындағы Елшісі Ержан Ашықбаев Ержан Ашықбаев бірқатар америкалық үкіметтік емес ұйымдардың, оның ішінде «LYN Community» ұйымының бастамасымен ұйымдастырылған «International Religious Freedom Builders Forum» форумына қатысты. Іс-шараға АҚШ Әкімшілігі, діни конфессиялар, азаматтық қоғам және сарапшылар қауымдастық өкілдері кеңінен қатысты.Өз сөзінде Елші Қазақстанның адам құқықтарын, соның ішінде діни сенім бостандығын қорғауға деген берік ұстанымын атап өтті. Ол «әртүрліліктегі бірлік» қағидаты Қазақстан ұлттық бірегейлігінің ажырамас бөлігі болып саналатынын айтып, конфессияаралық және этносаралық келісімді қалыптастыру мен нығайтудағы елдің бірегей тәжірибесіне ерекше назар аударды.Атап айтқанда, Елші Әлемдік және дәстүрлі діндер көшбасшыларының съезі мен Қазақстан халқы ассамблеясының мәдениеттерді жақындастыру мен диалогты ілгерілетуге бағытталған танылған алаңдар ретіндегі маңыздылығын атап өтті. Сонымен қатар, ол осы жылдың қыркүйек айында Астанада өтетін VIII Съезге дайындық барысымен бөлісті.Форум барысында сөз сөйлеген «LYN Community» ұйымының Президенті Уэйд Кьюсак Қазақстан оның ұйымымен ресми әріптестік орнатқан алғашқы ел болғанын айтты. Оның айтуынша, Қазақстан діни бостандықты дамытуда тұрақты ілгерілеу көрсетіп, бұл салада нақты қадамдарға бағытталғандығымен ерекшеленеді.Іс-шара аясында ҚР Елшілігінде қатысушылармен кездесу кездесу өтіп, конфессияаралық келісімді нығайту мен өзара тәжірибе алмасу бағытындағы ықтимал ынтымақтастық тетіктері талқыланды.Қатысушылардың ерекше назарын «Діни бостандық және бизнес қорының» Президенті Брайан Гримнің сөзі аударды. Ол Қазақстанмен көпжылдық байланыстары туралы жеке естеліктерімен бөлісіп, елде өмір сүрген кәсіби әрі жеке тәжірибесін айтып өтті. Ол көптеген жылдар бойы Қазақстанда сезінген өзара құрмет пен мейірімділік ахуалын ерекше атап өтті.Ақпарат көзі : https://www.gov.kz/memleket/entities/mfa-washington/press/news/details/1003693?lang=kk

Джакарта, 2025 жылғы 22-23 мамыр – Қазақстан Республикасы Үкіметі мен Индонезия Республикасы Үкіметі арасындағы инвестицияларды ынталандыру және өзара қорғау туралы келісімге қол қою жөніндегі төртінші келіссөздер раунды өтті. Келіссөздерге екі елдің сыртқы істер, инвестиция, әділет және қаржы министрліктерінің өкілдері қатысты.Екі күндік келіссөздер қорытындысы бойынша тараптар Келісім жобасының барлық негізгі тармақтары бойынша ортақ түсіністікке қол жеткізді.Тараптар Келісімнің жүзеге асырылуы екіжақты инвестицияларды жандандыруға, инвесторларға қосымша кепілдіктер беруге әрі Қазақстан мен Индонезия арасындағы сауда-экономикалық ынтымақтастықты нығайтуға берік құқықтық негіз қалыптастырады деген сенімдерін білдірді.Ақпарат көзі : https://www.gov.kz/memleket/entities/mfa-jakarta/press/news/details/1003718?lang=kk

Форумға ҚР Қорғаныс министрлігінің, Ұлттық ұланның, басқа да күш құрылымдарының өкілдері, Парламент депутаттары мен қоғамдық ұйымдардың мүшелері қатысты.Іс-шара барысында әскери қызметшілердің әлеуметтік-тұрмыстық жағдайларын жақсарту, медициналық қамтамасыз ету, әскери білім беру жүйесін жетілдіру, сондай-ақ армия мен әскери қызметшілердің және әскерге шақырылушылардың отбасылары арасындағы өзара қатынасты нығайту мәселелері талқыланды.— Біз әскери мемлекеттік құрылымдармен бірлесіп, біршама оң нәтижелерге жеткіздік. Аналар кез-келген уақытта әскери бөлімге келіп, ұлдарын тексере алады, демалыс күндері сарбаздармен сөйлесе алады. Ұзақ уақыт бойы аз-аздан, үздіксіз жақсы көрсеткіштерге ие болдық. Бірлескен әрекет өз жемісі мен нәтижесін берді деп санаймын, - дейді "Аналар жүрегі" сарбаз аналары комитетінің төрайымы Лилия Хайруллина.Форум қорытындысы бойынша нақты ұсыныстар дайындалып, уәкілетті мемлекеттік органдарға жіберілетін болады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1003719?lang=kk

Қазақстандық бітімгерлік контингентінің орналасқан жеріне «Біріккен Ұлттар Ұйымының бөлінген аумақты бақылау жөніндегі күштері» БҰҰ миссиясының қолбасшысы генерал-майор Анита Асма танысу сапарымен келді. Бұл қолбасшының рота ротацияға кеткеннен кейінгі бітімгерлік базаға алғашқы сапары. Генерал-майор Анита Асма қазақстандық бөлімше қолбасшылықтың резерві екенін және оқиға болған жағдайда БҰҰ персоналын эвакуациялау, құтқару және қорғау жөніндегі міндеттерді орындайтынын атап өтті.UNDOF миссиясының қолбасшысы қазақстандық бітімгерлердің кәсіби шеберлігі оларға жүктелген барлық міндеттерді ойдағыдай орындауға мүмкіндік беретініне сенім білдірді.Ақпарат көзі : https://www.gov.kz/memleket/entities/mod/press/news/details/1003720?lang=kk

Токио, 2025 жылғы 23 мамыр – ҚР Жапониядағы Елшісі Ерлан Баударбек-Қожатаев КСРО-ға күштеп жер аударылған жапондықтарды қолдау орталығының басшысы Аримицу Кэнмен кездесті.А.Кен Екінші дүниежүзілік соғыстан кейін Қазақстанға мәжбүрлі жұмыстарға жіберілген жапон сарбаздарының сүйектерін репатриациялауды жүзеге асыру барысы туралы хабардар етті. 58 900 жапон сарбазы Қазақстан аумағына жер аударылып, олардың 50 000-ға жуығы кейіннен Жапонияға оралды.Ол осы уақытқа дейін 188 жапон әскеридің сүйегі отанына қайтарылғанын айтып, қайтыс болу мән-жайын зерттеуге, жерлеу орындарын іздеуге және сот-медициналық сараптамалар жүргізуге көмектескені үшін Қазақстан тарапына ризашылығын білдірді. А.Кен Қазақстан аумағындағы еңбек лагерлерінде қаза тапқандардың төмен пайызын (2,5%) атап өтті.Елші Е.Баударбек-Қожатаев Қазақстанның жерлеу орындарына және жапондық жер аударылғандар туралы тарихи жадты сақтау мәселесіне ұқыпты қарайтынына сұхбаттасушының назарын аударып, Қазақстан сарапшылар мен жер аударылғандардың туыстарынан тұратын 30-дан астам делегацияны, сондай-ақ 4 ірі үкіметтік миссияны қабылдағанын атап өтті. Қаза тапқан жапондық жер аударылғандарға арналған Алматы, Астана, Қарағанды, Жезқазған және Кентау қалаларында мемориалдық ескерткіштер орнатылғаны атап өтілді.Екінші дүниежүзілік соғыстың аяқталғанына 80 жыл толуына орай тараптар ағымдағы жылғы шілдеде Қазақстандағы жапон әскери тұтқындарының тағдырына арналған іс-шаралар топтамасын: тарихи-деректі көрме мен дәрісті, сондай-ақ кездесуге қатысқан режиссер Шиндзю Саноның қазақстандық-жапондық «Кішкентай самурай» мен «Ақтастағы Ахико» атты фильмдерінің көрсетілімін өткізу мәселесін талқылады.Ақпарат көзі : https://www.gov.kz/memleket/entities/mfa-tokyo/press/news/details/1003723?lang=kk

68665 әскери бөлімінде жарыстар өтіп, нәтижесінде Ақтөбе қаласында өтетін XI халықаралық «Айбын» әскери-патриоттық жастар жиынына қатысатындар анықталды.Жас патриоттар белтемірге (ұлдарда) тартылу, ішті қатайту (қыздар), әскерилендірілген кросс, арқан тарту, пневматикалық мылтықтан ату, АК-74 автоматын ішінара құрастырып-бөлшектеу, жалпы әскери қорғаныс жиынтығын кию және Smart Sarbaz зияткерлік ойындары сияқты пәндерде бағын сынады.– Үш күндік далалық жиын барысында «Айбын» XI халықаралық әскери-патриоттық жастар жиынында Астананың намысын қорғайтын үздік үш команданы анықтадық. Биыл бұл сайыс Ұлы Жеңістің 80 жылдығына және Әлия Молдағұлованың туғанына 100 жыл толуына орайластырылып отыр, – деді «Жас сарбаз» әскери-патриоттық қозғалысының елордалық филиалының төрағасы Асхат Налшыбек.Жарыс қорытындысына келсек, бірінші орынды «Сарайшық» ауданының «Ақсұңқар» командасы, екінші орынды – «Сарыарқа-2» ауданының командасы, үшінші орынды – «Үміт» әскери-патриоттық клубының тәрбиеленушілері жеңіп алды.Бұдан өзге іріктеу турына 7 команда құрамында 150 ұл-қыз қатысқанын айта кетелік.Ақпарат көзі : https://www.gov.kz/memleket/entities/mod/press/news/details/1003732?lang=kk

Астана қаласында Екінші республикалық сарбаз аналар форумы өтті. Іс-шараға Қазақстан Республикасы Қорғаныс министрлігінің, Ұлттық ұланның, өзге де күштік құрылымдардың өкілдері, Парламент депутаттары және қоғамдық ұйымдардың мүшелері қатысты.Форум аясында Отан алдындағы азаматтық борышын үздік атқарып жүрген сарбаздардың аналарына құрмет көрсетілді. Құқықтық тәртіп әскерінде қызмет атқаратын сарбаздардың аналарына марапатты Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары Қайрат Үмбетов табыстады.Сахнада аналарды тағы бір жағымды тосын сый күтіп тұрды. Олар елдің әртүрлі аймақтарында қызмет ететін ұлдарымен кездесті. Әскери қызметшілер іс-шараға алдын-ала келіп, күтпеген жерден аналарымен қауышу үшін сахнаға көтерілді. Айта кетейік, сарбаздар ішкі істер министрінің орынбасары - Ұлттық ұланның Бас Қолбасшысы құқығымен грамоталармен марапатталып,  10 күндік демалыс алды. Кейбір аналар қуаныштың көз жасын жасыра алмады.– Мен Ұлттық ұланның 5573 әскери бөлімінде қызмет атқарамын. Бүгінгі шараны ұйымдастырушылар мен әскер басшылығына шексіз ризашылығымды білдіремін, – деді қатардағы жауынгер Владимир Анисимов.Тағы бір үлгілі сарбаз – қатардағы Әділ Байпақов та өз алғысын жеткізді:– Анамды көргеніме қуаныштымын. Бұл – мен үшін ең бақытты сәттердің бірі. Қызметімді жоғары бағалаған басшылыққа алғысымды айтамын, – деп атап өтті ол.Мерекелік шара Ұлттық ұланның ән-би ансамблі және басқа да күштік құрылымдардың әскери өнерпаздарының ұйымдастыруымен өткен концертпен жалғасты. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1003766?lang=kk

Женева, 2025 жылғы 22 мамыр – Қазақстанның Дүниежүзілік сауда ұйымының жанындағы Тұрақты өкілі Қайрат Төребаев Дүниежүзілік зияткерлік меншік ұйымының Бас директоры Дарен Тангқа өзінің сенім грамоталарын тапсырды.Кездесу барысында Қ. Төребаев Қазақстанның ДЗМҰ-мен ынтымақтастықты одан әрі тереңдетуге мүдделілігін білдіріп, елдің зияткерлік меншік саласындағы белсенді қатысуын, соның ішінде білім беру бастамалары мен әлеуетті арттыру бағдарламаларын ерекше атап өтті.Сондай-ақ Тараптар ДЗМҰ Бас директорының Астана қаласына жоспарланған ресми сапарын талқылады. Сұхбаттастар бұл сапар стратегиялық серіктестікті, әсіресе кадр даярлау және зияткерлік меншік саласындағы арнайы бағдарламаларды жүзеге асыру бойынша Қазақстан Республикасы Президентінің жанындағы Мемлекеттік басқару академиясымен ынтымақтастықты нығайтудың маңызды кезеңіне айналады деп сенім білдірді.Кездесу соңында тараптар екіжақты ынтымақтастықты кеңейтуге және инновацияны, білім беруді және орнықты дамуды қолдауға бағытталған бірлескен бастамаларды дамытуға өзара ниетті екендерін растады.Ақпарат көзі : https://www.gov.kz/memleket/entities/mfa/press/news/details/1003768?lang=kk

       2025 жылғы 21 мамырда Алматы қаласында Орталық Азия елдері мен Қытай кеден қызметтері басшыларының Екінші кездесуі аясында Қазақстан Республикасы Қаржы министрлігі Мемлекеттік кірістер комитетінің төрағасы Жандос Дүйсембиев пен Тәжікстан Республикасы Үкіметі жанындағы Кеден қызметінің төрағасы Хуршед  Каримзода арасында екіжақты келіссөздер өтті.       Кездесу барысында тараптар кеден саласындағы екіжақты ынтымақтастықтың қазіргі жағдайы мен даму перспективаларын талқылап, кедендік әкімшілендіруді цифрландыру мәселелеріне ерекше назар аударды.       Келіссөздердің басты нәтижесі — алдын ала кедендік ақпарат алмасу туралы Хаттамаға және ақпарат алмасудың Техникалық шарттарына қол қойылды. Бұл құжаттар деректер форматын, байланыс арналарын және ақпараттық қауіпсіздік шараларын айқындайды.        Аталған құжатты іске асыру сыртқы экономикалық қызметтің ашықтығын арттырып, тәуекелдерді алдын ала талдауға және тауарлар қозғалысын кідіріссіз бақылаудың тиімділігін арттыруға мүмкіндік береді.       Қазақстан тарапы Тәжікстан Республикасы Кеден қызметімен ынтымақтастықты одан әрі тереңдетуге, оның ішінде тұрақты жұмыс кеңестері мен көшпелі жиындар өткізуге дайын екенін білдірді. Мұндай тәсіл туындайтын мәселелерге жедел әрекет етуге, өзара түсіністікті нығайтуға және тауарлар мен көлік құралдарының қозғалысы саласындағы бірлескен жұмыстың тиімділігін арттыруға мүмкіндік береді.       Тараптар өзара құрмет пен сенімге негізделген стратегиялық әріптестікті дамытуға бейілді екендерін растады.Ақпарат көзі : https://www.gov.kz/memleket/entities/kgd/press/news/details/1003791?lang=kk

       Алматы қаласында Орталық Азия елдері мен Қытай кеден қызметтері басшыларының кездесуі аясында Қазақстан Республикасы Қаржы министрлігі Мемлекеттік кірістер комитетінің төрағасы Жандос Дүйсембаев пен Өзбекстан Республикасы Экономика және қаржы министрлігі жанындағы Кеден комитетінің төрағасы Акмалхужа Мавлонов арасында екіжақты кездесу өтті.       Кездесу барысында тараптар кеден саласындағы екіжақты ынтымақтастықтың қазіргі жағдайы мен даму перспективаларын талқылады. Әсіресе Қазақстан мен Өзбекстан арасындағы мемлекеттік шекарадағы өткізу пункттерін жаңғырту, өткізу қабілетін арттыру және көлік жүктемесін азайту мақсатында электронды кезек жүйелерін енгізу мәселелеріне ерекше назар аударылды.       Келіссөздер нәтижесінде екіжақты ынтымақтастықты дамытуға бағытталған үш негізгі құжатқа қол қойылды:       Қазақстан–Өзбекстан шекарасы арқылы құбыр көлігімен және электр беру желілері арқылы тасымалданатын энергия ресурстарын есепке алу аспаптарына қол жеткізу тәртібі;       2017 жылғы 23 ақпанда екі елдің қаржы және кеден органдары арасында қол қойылған ақпараттық өзара іс-қимылдың Техникалық шарттарына қосымша;       2025–2026 жылдарға арналған Қазақстан Республикасы Қаржы министрлігі Мемлекеттік кірістер комитеті мен Өзбекстан Республикасы Кеден комитеті арасындағы ынтымақтастық жоспары.        Қол қойылған құжаттар шекарадағы рәсімдердің ашықтығы мен тиімділігін арттыруға, техникалық өзара іс-қимылды кеңейтуге және кедендік процестерді цифрландыруға бағытталған.       Қазақстан тарапы Өзбекстан Республикасы Кеден комитетімен ынтымақтастықты одан әрі тереңдетуге, оның ішінде тұрақты жұмыс кеңестері мен көшпелі кездесулер өткізу арқылы дайын екенін білдірді.       Тараптар өзара құрмет пен сенімге негізделген стратегиялық әріптестікті дамытуға бейілділігін растады.Ақпарат көзі : https://www.gov.kz/memleket/entities/kgd/press/news/details/1003800?lang=kk

Алматы облысында 17 917 түлек үшін қоңырау соңғы рет соғылады. Олар үлкен өмірге қанат қағуға бір табан жақын тұр. Үкілеген үмітті арқалағандардың 1433-і «Алтын белгі» төсбелгісіне үмітті. Ал, 1513 оқушы «Үздік аттестат» иегері атануға құлық танытуда. 11 жылдық тәлім мен тәрбие, білім мен білік , бағы мен бабы қатар сыналар тұста алыс емес. Түлектер жылдағыдай ҰБТ тапсырады. Биыл 14 123 бала тестілеуден өтеді. Алматы облысы білім басқармасы басшысының орынбасары Диана Тетенқызы биылғы 2024-2025 оқу жылы жемісті болғанын алға тартуда. Оның айтуынша, оқушылар 17 халықаралық, 150-ге жуық республикалық білім бәйгелерінің тұғырынан көрінген. Сонымен қатар, Республика бойынша 25 оқушы 1 орын, 30 оқушы 2 орын, 75 оқушы 3 орыннан көрінген. Бірер күнде барлық білім ұяларында соңғы қоңырау соғылады. Алайда, білім саласындағы жұмыстар аяқталмақ емес. Оқушылардың жазғы демалысын ұйымдастыру да білім саласының бір бағыты. Спикер, жазғы демалыс кезеңінде 30 лагерь жұмыс жасайтынын айтты. Облыс оқушыларының 92%-ы жазғы демалыспен және сауықтырумен қамту жоспарлануда. «Жекелеген санаттағы 2017 оқушысы мен тәрбиеленушілердің жазғы демалысын ұйымдастыруға 282,3 млн. теңге бөлінді»,-деді облыстық білім басқармасы басшысының орынбасары Диана Онбырбаева. Айта кетейік, «Қазақстан халқына» қорынан 165,6 млн. теңгеге, барлығы 1400 жолдама беріледі. Балалар «Тау-Жанашар» «Альтаир» «Облыстық балалар сауықтыру лагері» сынды орындарда жазғы демалыстарын тиімді өткізетін болады.Ақпарат көзі : https://www.gov.kz/memleket/entities/almobl/press/news/details/1003467?lang=kk

Қарағанды облысында Қазақстан халқы Ассамблеясының 30 жылдығы кең көлемде атап өтілуде. Мерейтойлық жылы 50 мыңға жуық адамның қатысуымен бір жарым мыңға тарта іс-шара өтті. Олардың ішінде патриоттық, экологиялық және қайырымдылық акциялары бар. Достық үйінде өткен «Бірлік пен келісім жолындағы 30 жыл» облыстық ҚХА XXVIII сессиясында бірегей қоғамдық институттың жетістіктері мен маңызды жобалары туралы айтылды.– Біздің сессия Қазақстан халқы Ассамблеясының 30 жылдығы аясында өтуде – бұл еліміз үшін тарихи кезең. Бүгінде ассамблея жалпыұлттық келісім мен бірлікті нығайтудың мызғымас өзегіне айналды. Және де Қарағанды облысының ҚХА бұған өз үлесін қосуда, мемлекет пен қоғам арасындағы сындарлы диалогты қалыптастыруға айтарлықтай әсер етеді, – деді Қарағанды облысының әкімі Ермағанбет Бөлекпаев. – Бүгінгі таңда Достық үйінде 24 облыстық этномәдени бірлестік пен өңірдегі ҚХА барлық құрылымдары орналасқан. Жалпы, Қарағанды облысының ҚХА басшылығымен 220-дан астам құрылым жұмыс істейді, олардың жұмысы маңызды әлеуметтік міндеттерді шешуге бағытталған.Аймақ басшысы аналар мен ақсақалдар кеңесінің жұмысының тиімділігін және олардың отбасы институтын нығайтуға және жалпыұлттық құндылықтарды ілгерілетуге қосқан баға жетпес үлесін атап өтті. Мысалы, қарағандылық қоғам қайраткерлерінің бастамасымен қолға алынған «Адал азамат» тәрбиелік бағдарламасы қазір бүкіл ел бойынша енгізілуде.ҚХА жобаларына жастар да белсенді тартылады. Жас ғалымдар клубы құрылды.ҚХА өкілдері қиын жағдайларда ғана емес, дарынды жастарды қолдап, армандарын жүзеге асыруға мүмкіндік береді.Сондай-ақ этномедиация кеңесі де пайда әкеледі. ҚХА мемлекеттік тілді дәріптеуге, еңбексүйгіштік пен кәсібилік құндылықтарын ілгерілетуге үлес қосады.ҚХА мүшелері, этномәдени бірлестіктер «Таза Қазақстан» республикалық акциясын белсенді қолдады. Олар экологиялық сенбіліктер өткізіп, туған өлкелерін көгалдандыруға қатысады.ҚХА есебінде басқа да игі істер мен маңызды бастамалар көп.Бұл сессияда да жаңа идеялар болды. ҚХА мүшесі Вадим Басин Qarmet компаниясының Достық үйін ашуды ұсынды. Ермағанбет Бөлекпаев бұл идеяны қолдап, ел Президентінің қоғамдық келісім инфрақұрылымын кеңейтуді тапсырғанын еске салды. Облыс әкімі өзге қалалар мен аудандарда Достық үйлерін ашу мүмкіндіктерін қарастыруды тапсырды.Облыстық мәслихаттың «Бірлік» депутаттық тобының қызметі туралы Иван Георгиади айтып берді.– Президенттің тапсырмасын орындау мақсатында 2024 жылы Қазақстан халқы Ассамблеясы мен Ұлттық құрылтайда «Ассамблея. Парламент. Мәслихаттар» бірегей қоғамдық жоба бастау алды. Бұл жай ғана бастама емес, бұл уақыт талабына жүйелі жауап. Бұл тұрақты болашаққа бірге жету үшін өкілетті билікті, мемлекеттік органдар мен ҚХА-ны біріктіретін көпір, – деп атап өтті ол. – «Бірлік» депутаттық тобы 15 адамды біріктірді, олардың 7-і ҚХА мүшелері. Біз адамдардың немен өмір сүретінін білеміз. Ассамблея – тек диалог алаңы ғана емес. Онда түрлі этностардың тағдыры өрілген. Мен өзім грек тұрғысынан рух жағынан қазақстандық ретінде мәдениетте өскенмін, онда ана тілін, дәстүрді құрметтеу – абстракция емес, тәрбиенің негізі. Біздің күшіміз алуан түрлілікте, біз Қазақстанды бірге құрып жатырмыз, біз – біртұтаспыз!Қыркүйек айында Қарағанды облысы республикалық аналар кеңесін қабылдайды. Дайындық жақын арада басталады.Облыста ҚХА-ның өңірдің қоғамдық ұйымдарымен және институттарымен өзара іс-қимыл жасау картасы әзірленеді.ҚХА белсенділері мен этномәдени бірлестіктердің басшылары ұлтаралық бірлік пен келісімді нығайтуға қосқан үлесі үшін марапатталды. «Парасат» орденімен ҚХА мүшесі, «Видергебурт» неміс орталығы» облыстық қоғамының құрметті мүшесі Виктор Кист марапатталды.Ермағанбет Бөлекпаев сондай-ақ «Қазақстан халқы Ассамблеясына 30 жыл» мерейтойлық медальдары мен алғыс хаттарды табыс етті.Суретті түсірген: Жангелді Әбдіғалым Ақпарат көзі : https://www.gov.kz/memleket/entities/karaganda/press/news/details/1003474?lang=kk