ҚР ІІМ Ұлттық ұланы Бас қолбасшылығының спорт залында мини-футболдан командалық чемпионат өтті.Турнирге құқықтық тәртіп әскерлерінің басқармалары, қызметтері мен орталықтарынан құралған 15 команданың 120 әскери қызметшісі қатысты.Жарыстың басты мақсаты — әскери ұжым арасында командалық рухты нығайту және салауатты өмір салтын насихаттау.Турнир қорытындысы бойынша:I орын — Әскерлерді басқару орталығының командасы;II орын — Автоматтандыру басқармасының командасы;III орын —Жауынгерлік даярлық бас басқармасы, Әскер қызметі және әскери қызметтің қауіпсіздігі бөлімі командасы иеленді Жеке номинациялар бойынша:Үздік ойыншы — серверлік жабдықтар бойынша техникалық көмек тобының маманы (технигі) қатардағы Әділ Жандәулет;Үздік қорғаушы — ақпараттық-баспа бөлімі бейнестудия бөлімшесінің бастығы капитан Ұлан Борамбаев;Үздік қақпашы — Әскерлерді басқару орталығы қызметі бастығының көмекшісі сержант Еркін Қабылов;Ең үздік гол авторы — ИТЖ орталығы техникалық күзет құралдары тобының маманы (технигі) аға сержант Сәбит Жақсыбаев үздік деп танылды. Жеңімпаздар мен жүлдегерлер кубоктармен, дипломдармен және алғыс хаттармен марапатталды.Спартакиада — Ұлттық ұлан әскери қызметшілері арасында бірлік, кәсібилік пен спорттық шеберлікті нығайтуда. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/997882?lang=kk

Женева, 2025 жылғы 16 мамыр – Дүниежүзілік метеорологиялық ұйымның (ДМҰ) штаб-пәтерінде Қазақстан Республикасының ДСҰ жанындағы Тұрақты өкілі Қайрат Төребаев пен ДМҰ Бас хатшысы Селеста Сауло ханымның кездесуі өтті. Тараптар гидрометеорология, табиғи апаттар туралы ерте ескерту жүйелері және су ресурстарын орнықты басқару салаларындағы ынтымақтастықтың басым бағыттарын талқылады.Қазақстан CARFFGS жобасына – Орталық Азиядағы жылдам дамитын сел тасқындарын болжау жөніндегі өңірлік жүйеге қатысуды жалғастыруға мүдделілік білдірді. Сыртқы қаржыландырудың тоқтатылуына байланысты жоба тоқтап қалу қаупіне тап болды. Осыған орай, Қазақстан бұл жүйені 2016 жылдан бері Орталық Азия өңірлік орталығы ретінде қабылдап отырған Қазгидромет базасында жалғастыру тетіктерін қарастыруда ДМҰ-ның қолдауын сұрады.Сонымен қатар, өңірде көпқатерлі ерте ескерту жүйелерін дамытуға қолдау білдірілді. Ерекше назар жүйелерді цифрландыруға, кадрлар даярлауға және ескерту тетіктерін өңірлік ерекшеліктерге бейімдеуге аударылды.Кездесу барысында су ресурстары мәселесіне ерекше көңіл бөлінді. Қазақстан трансшекаралық мәселелерді қоса алғанда, гидрологиялық мониторинг пен су ресурстарын орнықты басқару бағытындағы ынтымақтастықты тереңдетуге дайын екендігін білдірді.Кездесу соңында Қазақстан тарапы 2026 жылы Астанада өтетін Өңірлік климаттық саммитке ДМҰ-ны қатысуға шақырып, ұйымның саммит күн тәртібін және ұсыныстарын қалыптастыруда сараптамалық қолдау көрсетуіне үміт білдірді.Өз кезегінде, ДМҰ Қазақстанның орнықты даму мәселелеріне бейілділігін жоғары бағалап, ынтымақтастықты одан әрі нығайтуға дайын екендігін растады.Ақпарат көзі : https://www.gov.kz/memleket/entities/mfa-wto/press/news/details/997849?lang=kk

Прага, 2025 жылғы 15 мамыр – Қазақстан Республикасының Чех Республикасындағы Елшісі Бақыт Дүйсенбаев Чех Республикасының Ұлттық кітапханасының Бас директоры Томаш Фолтынмен кездесу өткізді.Кездесу барысында қазақ және чех мәдениеттерін ілгерілетуге, сондай-ақ екіжақты гуманитарлық байланыстарды нығайтуға бағытталған бірлескен жобаларды іске асыру перспективалары талқыланды. Осы орайда Қазақстан Республикасының Ұлттық кітапханасы мен Чех Республикасының Ұлттық кітапханасы арасында институционалдық әріптестік орнатуға өзара қызығушылық білдірілді. Ынтымақтастық аясында бірлескен көрмелер ұйымдастыру, баспа өнімдерімен алмасу, кітапхана қорларын цифрландыру және кітапхана-ақпараттық технологиялар саласында кәсіби өзара іс-қимылды дамыту көзделуде.Томаш Фолтын чех тарапының ынтымақтастықты кеңейтуге және тиісті меморандумға қол қоюға дайын екендігін растады. Сонымен қатар, ол 2025 жылғы 18–22 тамыз аралығында Астанада өтетін Дүниежүзілік кітапхана және ақпарат конгресіне чех делегациясының қатысу жоспарлары туралы хабарлап, қазақстандық әріптестермен мазмұнды диалогты жалғастыруға мүдделі екенін жеткізді.Кездесу аясында қазақтың ұлы ақыны және ағартушысы Абай Құнанбайұлының 180 жылдығын атап өту аясындағы мәдени алмасу мәселелеріне ерекше назар аударылды. Осыған байланысты Елші Елшіліктің чех тілінде Абайдың «Қара сөздерінің» арнайы басылымын жарыққа шығаруды жоспарлап отырғанын және оны Чех Ұлттық кітапханасының ғимаратында таныстыру мүмкіндігін қарастыруды ұсынды.Кездесу Қазақстан мен Чехия арасындағы мәдени және ғылыми байланыстарды кеңейтуге өзара қызығушылықты растап, екі елдің ұлттық кітапханалары арасындағы тұрақты әріптестіктің негізін қалады.Ақпарат көзі : https://www.gov.kz/memleket/entities/mfa-prague/press/news/details/997852?lang=kk

Астана, 2025 жылғы 16 мамыр – Қазақстан Республикасы Сыртқы істер министрінің орынбасары Ермұхамбет Қонысбаев Қазақстан халықаралық мектебі (Kazakhstan International School – KIS) директорлар кеңесінің төрағасы Ханс Деваелемен кездесу өткізді.Сұхбаттастар халықаралық білім беру саласындағы ынтымақтастықты нығайту, мәдениетаралық түсіністікті кеңейту және Қазақстан балаларына сапалы білім беру мүмкіндіктерін арттыру мәселелерін талқылады.Мектеп өкілдері шетелдік және отандық оқытушылардың бірлескен еңбегі арқылы оқу орны жоғары халықаралық стандарттарға сай білім беріп келе жатқанын атап өтті.Кездесу қорытындысы бойынша тараптар өзара түсіністік туралы меморандумға қол қойып, білім беру саласындағы серіктестікті одан әрі дамытуға ниетті екенін білдірді.KIS – халықаралық стандарттар бойынша оқытатын жеке халықаралық мектеп. 2024 жылы Астанада мектептің жаңа кампусы ашылды.Ақпарат көзі : https://www.gov.kz/memleket/entities/mfa/press/news/details/997859?lang=kk

Мадрид – Кадис, 2025 ж. 15 мамыр – Кадис университетінде Шығыс Еуропа және Орталық Азия бойынша халықаралық зерттеулер орталығы ұйымдастырған «Қазақстанның Орталық Азиядағы рөлі» тақырыбындағы конференция өтті.Іс-шара барысында Қазақстанның Испаниядағы Елшісі Данат Мұсаев сөз сөйлеп, Қазақстанның сыртқы саясаттағы басымдықтарын, сондай-ақ жаһандық тұрақтылық пен орнықты дамуға қолдау көрсету бағытындағы халықаралық сахнадағы бастамаларын таныстырды.Елші өз сөзінде Қазақстанның көпжақты ынтымақтастық қағидаттарына бейілділігін айқындайтын «Астана халықаралық форумы» (AIF2025) мен БҰҰ аясында Биологиялық қауіпсіздік жөніндегі халықаралық агенттік құру бастамаларына ерекше назар аударды.Өңірлік күн тәртібі туралы айта келіп, қазақстандық дипломат Орталық Азияның жаһандық үдерістердегі өсіп келе жатқан маңыздылығын және Қазақстанның Еуропалық Одақпен ынтымақтастықты нығайтуға бағытталған ұмтылысын атап өтті. Осы тұрғыда Еуропа мен Азия арасындағы байланыстарды кеңейтудің перспективалық бағыттарының бірі ретінде Қазақстанның Транскаспий халықаралық көлік бағытын (ТХКМ) дамытудағы рөліне айрықша мән берілді.Конференцияға қатысушылар Қазақстанның өңірдегі сындарлы рөліне тоқталып, елдің ЕО-ның негізгі серіктесі ретіндегі маңызын атап өтті. Сондай-ақ пікірталас аясында Қазақстанның өңірлік тұрақтылықты нығайтуға қосқан үлесі мен халықаралық қатынастар жүйесіндегі «орта держава» ретінде орнығуы оң бағаланды.Ақпарат көзі : https://www.gov.kz/memleket/entities/mfa-madrid/press/news/details/997860?lang=kk

Қостанай облысына жұмыс сапары аясында Қазақстан Республикасының Премьер-Министрі Олжас Бектенов Арқалық қаласына барып, Мемлекет басшысының тапсырмалары негізінде жүзеге асырылып жатқан инфрақұрылымдық жобалардың барысын тексерді.Сапар барысында Үкімет басшысы облыс әкімі Құмар Ақсақаловпен бірге қаладағы бірқатар маңызды нысандарды аралап, көлік, энергетика, білім беру және денсаулық сақтау салаларындағы жұмыстардың жүзеге асырылу барысымен танысты.⸻Көлік инфрақұрылымын дамытуАрқалықта орналасқан әуежайды қайта жаңғырту жобасы таныстырылды. Жобада жаңа жолаушылар терминалын салу, ұшу-қону жолағын, перрон мен рульдік жолақты қайта жаңарту көзделген. Жоба аяқталғаннан кейін әуежай АН-24, Q400 және CRJ 200 сияқты әуе кемелерін қабылдай алады. Сағатына 70 жолаушыға дейін қызмет көрсету мүмкіндігі қарастырылған.Сондай-ақ, Арқалық арқылы өтетін «Орталық – Батыс» автомагистралінің құрылысы өңірдің көлік байланысын жақсартып, елорданы Транскаспий халықаралық дәлізімен тікелей байланыстырады. Бұл жоба қаланың логистикалық әлеуетін күшейтіп, экономикалық дамуға серпін береді.⸻Энергетика және жылумен қамтуАрқалық қаласында жылумен жабдықтау жүйесін жаңғырту жұмыстары қарқынды жүргізілуде. Соңғы екі жылда 17 шақырым жылу желісі ауыстырылды, ағымдағы жылы тағы 9,9 шақырым жаңартылады. Сонымен қатар, мазуттан көмірге көшу арқылы кәсіпорын 2,2 млрд теңге көлемінде үнемге қол жеткізді. Бұл 2024–2025 жылғы жылыту маусымын апатсыз өткізуге мүмкіндік берді.⸻Әлеуметтік инфрақұрылымды дамытуҰлттық «Комфортты мектеп» жобасы аясында Арқалық қаласында 300 орындық жаңа мектеп пайдалануға берілді. Оқу орнында STEM зертханасы, цифрлық кітапхана, робототехника кабинеті және шығармашылық студиялар жұмыс істейді.Ыбырай Алтынсарин атындағы Арқалық педагогикалық университетінің инфрақұрылымы да кеңейтілуде. Университеттің бір ғимараты қайта жаңғыртылып, заманауи оқу-зертханалық кешенге айналмақ. Жоба іске асқаннан кейін білім алушылар саны 2,6 мыңнан 5,2 мыңға дейін өседі, жаңа білім беру бағыттары ашылады.Қалалық аурухананың құрамындағы перзентхана ғимаратына күрделі жөндеу жүргізілуде. Шатыр, жылыту, су және кәріз жүйелері жаңартылып жатыр. Қазіргі таңда жұмыстардың 70%-ы аяқталған. Жөндеу аяқталғаннан кейін нысан заманауи медициналық жабдықтармен қамтамасыз етіледі.⸻Арқалық – даму әлеуеті жоғары өңірлік орталықАрқалық қаласы стратегиялық маңызға ие өңірлік орталық ретінде жаңаша дамып келеді. Мемлекеттік қолдаудың және жоспарлы жұмыстың арқасында қалада инфрақұрылым жаңартылып, халықтың өмір сапасы жақсарып келеді. Жүзеге асырылып жатқан жобалар өңірдің әлеуметтік-экономикалық дамуына негіз болуда.Ақпарат көзі : https://www.gov.kz/memleket/entities/kostanay/press/news/details/997838?lang=kk

Облыс орталығында Вернадский мен Әшімов көшелерінің қиылысында орналасқан 45 пәтерлі екі жаңа тұрғын үйдің құрылысы аяқталуға жақын. Бұл үйлер қала тұрғындары үшін ерекше сәулет үлгісінде салынған және қолайлы жоспарымен, заманауи жобалық шешімдерімен ерекшеленеді.Қазіргі таңда үйлердің құрылысы толық аяқталып, абаттандыру жұмыстары жүргізілуде. Жақын күндері жаңа пәтер кілттері иелеріне табысталмақ.Ақмола облысының әкімі Марат Ахметжанов тұрғын үйлердің құрылыс барысымен танысты.«Integra» құрылыс компаниясының өкілі Дәурен Тлеубердиновтің айтуынша, бүгінде аумақты абаттандыру жұмыстары жүріп жатыр. Апта соңына дейін асфальт төсеу жоспарланған. Аулада спорт және балалар алаңдары қарастырылған.Айта кету керек, бұл көпқабатты тұрғын үй кешені төрт үйден тұрады. Екі тұрғын үйдің тұрғындары облыс әкіміне алғыстарын білдірді.«Жаңа ойын алаңында күні бойы балалар ойнап жүреді. Аула көркейіп, жайлы әрі тартымды бола түсті», – деді шағынаудан тұрғыны Сәкен Төканов. Ақпарат көзі : https://www.gov.kz/memleket/entities/aqmola/press/news/details/997844?lang=kk

Қазақстан Қарулы күштері Бас штабы бастығының орынбасары – Қорғанысты басқару ұлттық орталығының бастығы генерал-майор Фазылолла Баденов бастаған әскери делегация Әзербайжан Қорғаныс министрлігінің жауынгерлік басқару орталығының қызметімен танысты. Сапар аясында Қазақстан әскери қызметшілері Шехидтер аллеясына барып, Әзербайжанның тәуелсіздігі мен аумақтық тұтастығы үшін өмірін қиған батырларға тағзым етті.Сондай-ақ, қазақстандық делегация Қорғаныс министрлігінің жауынгерлік басқару орталығына, Әзербайжан Қарулы күштері Әскери-әуе және Әскери-теңіз күштерінің командалық пункттерінде болды. Әскери қызметшілер үшін әскерлердің күнделікті қызметі туралы, сондай-ақ дағдарыс және төтенше жағдайлар кезінде басқарудың қолданыстағы алгоритмі туралы брифинг ұйымдастырылды.Тараптар мұндай байланыстар мен тәжірибе алмасу сенімді нығайтуға ықпал ететінін және екі елдің қарулы күштерін орталықтандырылған жауынгерлік басқару саласын жетілдіруге жұмыс істейтінін атап өтті.Жұмыс сапары Әзербайжан мен Қазақстан Қорғаныс министрліктері арасындағы 2025 жылға арналған екіжақты ынтымақтастық жоспарына сәйкес өтті. Ақпарат көзі : https://www.gov.kz/memleket/entities/mod/press/news/details/997786?lang=kk

Исламабад, 2025 жылғы 16 мамыр — Қазақстан Республикасы Мәдениет және ақпарат вице-министрі Қанат Ысқаков пен Пәкістан Ислам Республикасының Ақпарат және телерадиохабар тарату министрінің бірінші орынбасары Амбрин Жан ханымның қатысуымен бейнеконференция форматында кездесу өтті.Кездесуде Қазақстанның Пәкістандағы Елшісі Ержан Қыстафин ақпарат және медиаконтент алмасу саласындағы екіжақты ынтымақтастықты нығайтудың маңыздылығын атап өтті. Сондай-ақ, ағымдағы жылғы 29 сәуірде өткен Қазақстан-Пәкістан үкіметаралық комиссиясының 13-отырысы аясында ақпарат саласындағы ынтымақтастық туралы Меморандумға қол қойылғанын хабарлады.Тараптар «Хабар» ұлттық телеарнасының Исламабадта және PTV телеарнасының Астанада тілшілік кеңсесін ашу; теледидар және медиаконтентпен өзара алмасу перспективалары; музыкалық телеарналар арасындағы ынтымақтастық, сондай-ақ биылғы жылы Қазақстан киносы күндерін Пәкістанда және Пәкістан киносы күндерін Қазақстанда өткізу мәселелерін талқылады.Кездесу қорытындысы бойынша тараптар Қазақстан мен Пәкістан халықтарына қазіргі жағдай мен екіжақты өзара іс-қимылдың мүмкіндіктері туралы шынайы ақпарат беру мақсатында ақпарат саласындағы ынтымақтастықты кеңейтуге келісті. Ақпарат көзі : https://www.gov.kz/memleket/entities/mfa-islamabad/press/news/details/997768?lang=kk

Қостанайда Халықаралық Отбасы күніне және ҚР ІІМ жариялаған Профилактика жылына орайластырылған флешмоб пен мерекелік концерт өтті. Ауқымды акция "Заң мен тәртіп – полиция бақылауында" ұранымен ұйымдастырылып, "Отбасында зорлық-зомбылықсыз Қазақстан" челленджінің бір бөлігіне айналды.Қостанай облысы ПД Отбасылық-тұрмыстық зорлық-зомбылыққа қарсы күрес бөлімінің бастығы Мадина Валиеваның айтуынша, іс-шараның мақсаты – қоғамда тұрмыстық зорлық-зомбылыққа нөлдік төзімділік қалыптастыру, отбасы құндылықтарын нығайту және ведомствоаралық ынтымақтастықты кеңейту.Облыс әкімдігі ғимаратының алдындағы алаңға 300-ге жуық колледж студенті жиналды. Олар "Зорлық-зомбылыққа жол жоқ!" деген жазуды бейнелеп, шарлар мен жалаушаларды бұлғап, қала тұрғындарының назарын аударған жарқын әрі есте қаларлық көрініс жасады.Бастамаға облыстық мәдениет және спорт басқармасының өкілдері, әскери қызметшілер, ТЖД қызметкерлері, дәрігерлер, "БАРС" және "ДОС" іздестіру-құтқару жасақтарының еріктілері, сондай-ақ "Әйелдер күштері альянсы" үкіметтік емес ұйымы қолдау білдірді.Іс-шараның жарқын сәттерінің бірі – Бүкілқазақстандық кекушинкай каратэ ұйымының Қостанай филиалының жас каратэшілерінің көрсетілімдік нөмірі болды. Олардың өнері агрессияны күшке, тәртіпке және өзін-өзі басқаруға айналдыруға болатынын символдық түрде көрсетті.Бас сенсей Айсұлу Әбілханова атап өткендей:"Спорт – бақылауды, тәртіпті, сыйластықты үйретеді. Бұл – агрессиясыз күш! Зорлық-зомбылыққа жол жоқ!"Іс-шара барысында полиция қызметкерлері отбасылық зорлық-зомбылық жағдайында көмекке жүгінуге болатын сенім телефондары мен қызметтердің байланыс нөмірлері жазылған ақпараттық жадынамалар таратты.Қостанай облысы әкімінің аппаратындағы әйелдер мен балалар істері жөніндегі бас инспектор Айсұлу Исмаилова мұндай акциялардың ағарту мен алдын алу құралы ретіндегі маңызын атап өтіп, барлық отбасыларға өзара түсіністік, үйлесімділік пен сүйіспеншілік тіледі.Іс-шара қаланың шығармашылық ұжымдарының қатысуымен өткен мерекелік концертпен аяқталды.Ақпарат көзі : https://www.gov.kz/memleket/entities/kostanay/press/news/details/997760?lang=kk

Денисов ауданы бойынша көрсетілетін қызметті алушылардың мәліметі алу үшін, «ҚР АШМ ВБ және ҚК  Денисов  ААИ»   ММ   келесі мемлекеттік қызметтерді ұсынады:1.«Экспорттау кезінде орны ауыстырылатын (тасымалданатын) объектілерге ветеринариялық сертификат беру».2.«Мемлекеттік ветеринариялық-санитариялық бақылау және қадағалау объектілеріне ветеринариялық-санитариялық қорытынды беру».3.«Жануарларды өсіруді, жануарларды союға дайындауды (союды), сақтауды, өңдеуді және сатуды жүзеге асыратын өндіріс объектілеріне, сондай-ақ ветеринариялық препараттарды, жем және жемазық қоспаларын өндіру, сақтау және сату бойынша өндіріс объектілеріне тіркеу нөмірлерін беру».4.«Ветеринариялық зертханалар (сынау хаттамалары) беретін сараптама актiлерiн беру».5.«Тиісті аумақтағы эпизоотиялық жағдайды бағалауды ескере отырып, орны ауыстырылатын (тасымалданатын) объектілердің экспортына, импортына және транзитіне рұқсат беру». «ҚР АШМ ВБ және ҚК Денисов ААИ» ММ, 2025 жылдың басынан бастап жалпы саны 401 ветеринариялық сертификат, оның ішінде 12520,29 тонна көлемінде Иранға жемдік арпа экспорттау үшін 197 ветеринариялық сертификат; 9763,56 тонна көлемінде Қытайға бидай жем ұны экспорттау үшін 204 ветеринариялық сертификат берілді. Кәсіпорындардың ветеринариялық-санитариялық Ережелерді сақтауы (сәйкессіздігі) бойынша 6 ветеринариялық-санитариялық қорытынды берілді. Ветеринариялық препараттарды сақтау және өткізу жөніндегі ұйымға 1  (бір) тіркеу нөмірі берілді. Жануарларды союды және өткізуді жүзеге асыратын өндіріс орындарына (сою алаңдары) 5 тіркеу нөмірінің қолданылу мерзімі ұзартылды. Иранға жемдік арпаны сатуға 24 рұқсат, Қытайға бидай жем ұны сатуға 8 рұқсат берілді. Мал шаруашылығы өнімдерінің қауіпсіздігіне 8 сараптама актісі (сынақ хаттамалары) берілді.Көрсетілген қызметті алушыларды қызықтыратын сұрақтарға жауап алу үшін Денисов ауылында Калинин көш.58, орналасқан «ҚР АШМ ВБ және ҚК Денисов ААИ» ММ жүгіну қажет, байланыс тел. 8(71434)2-11-48.Ақпарат көзі : https://www.gov.kz/memleket/entities/kostanai-denisov-kyrym/press/news/details/997743?lang=kk

2025 жылдың 13 мамырында Шығыс Қазақстан облысы бойынша Мемлекеттік кірістер департаментінде оқыту іс-шарасы өтті. Іс-шараға ШҚО әкімі аппаратының Терроризмге қарсы комиссиясының қызметін қамтамасыз ету бөлімінің басшысы Туткушев К.Т., сондай-ақ ҰҚК, ІІД және Мемлекеттік кірістер департаменті қызметкерлері қатысты.Террористік қауіп туындаған жағдайда осал нысандарда жұмыс істейтін қызметкерлердің алғашқы әрекеттері бойынша оқыту жүргізілді.Қазақстан Республикасы Қаржы министрлігінің қарауындағы терроризмге осал нысандарды қорғауды ұйымдастыру бойынша нұсқаулық өткізілді.Оқыту барысында террористік қауіп төнген жағдайда әрекет ету тәртібі және терроризмге қарсы іс-қимылды реттейтін нормативтік құқықтық актілердің талаптары түсіндірілді.Қолдан жасалған жарылғыш құрылғылардың белгілері, иесіз заттарды анықтаған кезде мемлекеттік органдарға хабарлау тәртібі, сондай-ақ террористік қауіп туралы жалған хабарламаларға жауап беру рәсімдері мен эвакуация кезінде атқарылатын іс-әрекеттер мәселелері талқыланды.Сондай-ақ, қатысушылар өздерін қызықтырған сұрақтарға жауап алды.Ақпарат көзі : https://www.gov.kz/memleket/entities/kgd-vko/press/news/details/997727?lang=kk

Астана, 2025 жылғы 16 мамыр – Қазақстан Республикасы Сыртқы істер министрінің орынбасары Роман Василенко Ұлыбритания және Солтүстік Ирландия Біріккен Корольдігінің Қорғаныс министрінің орынбасары Лорд Вернон Кокермен кездесу өткізді.Тараптар қауіпсіздік, қорғаныс және бітімгершілік салаларындағы өзара іс-қимылды қоса алғанда, қазақ-британ ынтымақтастықтың негізгі бағыттарын талқылады.Р.Василенко Қазақстан Қарулы күштері өкілдерінің Біріккен Ұлттар Ұйымының бітімгершілік миссияларына қатысу тәжірибесі және осы бағыттағы қызметтің тиімділігін арттыру мақсатында халықаралық серіктестермен бірлесіп әскери қызметшілерді даярлау жұмысы туралы ақпарат берді.Министрдің орынбасары Қазақстанның БҰҰ аясында бейбітшілік пен тұрақтылықты нығайтуға одан әрі үлес қосуға мүдделі екенін растады.Кездесу аясында көпжақты мәселелер мен өңірлік және жаһандық күн тәртібіндегі өзекті тақырыптар бойынша пікір алмасу өтті.Тараптар екіжақты және көпжақты серіктестіктің бүкіл спектрі бойынша конструктивті диалогты жалғастыруға өзара дайын екенін растады.2014 жылдан бастап Қазақстан Республикасы Қарулы күштері БҰҰ-ның бітімгершілік операцияларына қатысып келеді. Қазақстанның 80 азаматы әскери бақылаушы және штаб офицері ретінде миссияларға қатысқан. 700-ге жуық әскери қызметші БҰҰ-ның әртүрлі елдердегі арнайы операцияларына жұмылдырылған. Қазіргі уақытта 158 қазақстандық Африка мен Таяу Шығыстағы бітімгершілік күштер құрамында қызмет етуде.Ақпарат көзі : https://www.gov.kz/memleket/entities/mfa-london/press/news/details/997848?lang=kk

Құрметті азаматтар!2025 жылдың 3 сәуірінен бастап «Чек талап ет – жүлде ұтып ал» Республикалық акциясы басталды!Енді сіздердің әрқайсысыңыз күнделікті сатып алулар жасай отырып немесе ақылы қызметтерді ала отырып, тек фискалдық түбіртек алып қана қоймай, бағалы сыйлықтарды, соның ішінде ақшалай сыйлықтарды ұтып ала аласыз. Алынған түбіртекті «Amian» мобильді қосымшасында тіркесеңіз болғаны.Сондай-ақ, 2025 жылдың 1 мамырынан бастап «Бәйге» атты жаңа мотивациялық науқан күшіне енеді.Осы науқан аясында еліміздің әр өңірінде тоқсан сайын жеңімпаздар анықталатын болады 100 000 теңге жүлдесі random.org сайты арқылы Instagram парақшасында тікелей эфирде ұтыс ойыны арқылы аймақтағы ең үздік 50 пайдаланушының біріне беріледі - барлығы 20 жеңімпаз.  «Бәйге» акциясы үш кезеңде өтеді:Бірінші кезең – 1 мамырдан 30 маусымға дейін;екінші – үшінші тоқсанда;Ал үшінші – 2025 жылдың төртінші тоқсанында. Сонымен қатар, 2025 жылдың 19 мамырынан бастап Ақмола облысында Halyk Bank ұтыс ойыны басталады.  Оған Банктің POS терминалдарында Банк карталарымен жасалған операциялардан чектер қатысады.Әрбір жүктеп салынған чек ұтып алудың бір мүмкіндігі.Ай сайын – 10 жеңімпазға дейін, әрқайсысы 100 000 бонус алады.Қатысу оңай: тауарларды сатып алу немесе қызметтерге ақы төлеу кезінде фискалдық түбіртек сұраңыз және оны «Amian» қолданбасында тіркеңіз. Неғұрлым көп чектерді тіркесеңіз, ұтып алу мүмкіндігіңіз соғұрлым жоғары болады.Сондай-ақ, Жақсы, Аршалы, Астрахан, Есіл, Біржан сал және Целиноград аудандарының тұрғындары «Салық кэшбэк» пилоттық жобасына қатысып, Amian мобильді қосымшасында сатып алу сомасының 2% көлемінде кэшбэк ала алатынын еске саламыз. Алынған қаражатты банк картасына аударуға немесе ұялы телефон балансына аударуға болады.Ақпарат көзі : https://www.gov.kz/memleket/entities/kgd-akmola/press/news/details/1000755?lang=kk

ШҚО ББ «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ-нің 2025 жылға арналған жұмыс жоспарына сәйкес, ағымдағы жылдың 15-16 мамыр күндері меншік нысаны мен ведомстволық бағыныстылығына қарамастан мектепке дейінгі ұйымның барлық педагог қызметкерлері арасында республикалық «Мектепке дейінгі ұйымның үздік педагогі»   байқауының облыстық кезеңін өткізді.Байқауға қатысушылардың Ережеге сәйкес Е-портфолиолары, «Мектеп жасына дейінгі балаларды дамыту мен тәрбиелеудегі заманауи педагогтің рөлі»  тақырыбындағы эсселері және кіріктіріле ұйымдастырылған іс-әрекеттері қаралды.       Байқаудың комиссия мүшелерінің  шешімі:  Бас жүлде – Ляшова А. Е. - ШҚО ББ «Тарбағатай ауданы бойынша білім бөлімінің «Балауса-Балғын» бөбекжайы» КМҚК;1-орын – Демидова Т.В. ШҚО ББ «Өскемен қаласы бойынша білім бөлімінің «№ 11 «Айгөлек» балабақша-бөбекжайы» КМҚК және Толеуханова Г.С. ШҚО ББ «Зайсан ауданы бойынша білім бөлімінің «Ертөстік» бөбекжайы» КМКҚ;2-орын – Мамиева С.К. ШҚО ББ «Үлкен Нарын ауданы бойынша білім бөлімінің «Балауса балабақшасы» КМҚК, Нургазина К.К.- ШҚО ББ «Күршім ауданы бойынша білім бөлімінің «Күршім ауылының балабақшасы» КМҚК және Тоқтарова Е.Б. ШҚО ББ «Катонқарағай ауданы бойынша білім бөлімінің «Айгөлек» бөбекжйы» КМҚК;3-орын – Сапина Г.С. ШҚО ББ «Риддер қаласы бойынша білім бөлімінің «Балапан бөбекжайы» КМҚК және Бородавкина Е.В. ШҚО ББ «Глубокое ауданы бойынша білім бөлімінің «Пчелка» бөбекжай-бақшасы» КМҚК;«Шығармашыл педагог» номинациясы - Сапабаева Н.Б. - ШҚО ББ «Марқакөл ауданының бойынша білім бөлімінің «Марқакөл аулының балабақшасы» КМҚК.Жүлделі орын алған педагогтер ШҚО ББ дипломдарымен, мадақтамаларымен марапатталды.Байқау жеңімпазы - ШҚО ББ «Тарбағатай ауданы бойынша білім бөлімінің «Балауса-Балғын» бөбекжайы» КМҚК А. Е. Ляшованың байқау материалдары республикалық кезеңге жолдама алды.Жеңімпаздарды құттықтай отыра, шығармашылық табыстар тілейміз!Ақпарат көзі : https://www.gov.kz/memleket/entities/vko-bilim/press/news/details/997639?lang=kk

Берлинде өткен БҰҰ-ның бейбітшілікті сақтау жөніндегі министрлік конференциясы аясында Қазақстан Қорғаныс министрі генерал-полковник Руслан Жақсылықовтың шетелдік әріптестерімен екіжақты келіссөздері өтті. Италияның Қорғаныс министрі Гвидо Крозеттомен келіссөздер барысында тараптар әскери білім беру, әскери-техникалық және бітімгерлік саласындағы екіжақты әскери ынтымақтастықты талқылады. Кездесу соңында Қазақстанның Қорғаныс министрі итальяндық әріптесін Астанаға шақырды.Бұдан өзге, іс-шара барысында Қазақстан Қорғаныс министрі генерал-полковник Руслан Жақсылықовтың Германия Қорғаныс министрі Борис Писториуспен және Қытай Халық Республикасының Ұлттық қорғаныс министрі адмирал Дун Цзюньмен хаттамалық кездесулері өткізіліп, онда әскери ынтымақтастықтың ағымдағы аспектілері талқыланды.Ақпарат көзі : https://www.gov.kz/memleket/entities/mod/press/news/details/997624?lang=kk

Сіздерге 2025 жылдың мамырынан 2026 жылдың маусымына дейінгі кезеңге, 20 маусымға дейін, ауылдық округтер мен селолардың әкімдіктерінде, мемлекеттік мекемелер мен жергілікті атқарушы органдардың қарамағында болатын ұйымдарда сыбайлас жемқорлық тәуекелдерін ішкі талдау жүргізілетіні туралы хабарлаймыз.Сыбайлас жемқорлық тәуекелдерін талдау жыл сайын өткізіледі және сыбайлас жемқорлыққа қарсы іс-шаралардың бірі болып табылады, ол тікелей ұйымдардың өздерімен қоғамдық өкілдер мен сарапшыларды тарту арқылы жүргізіледі.Талдау барысында профильдік заңнамада және ұйымдастырушылық- басқарушылық қызметте әртүрлі коррупциялық тәуекелдер анықталады, оған персоналды басқару, мемлекеттік қызметтер көрсету, қаржылық- шаруашылық қызмет, мемлекеттік сатып алуларды жүзеге асыру және т.б. мәселелері жатады.Егер сізде аталған ұйымдарда коррупцияға қарсы іс-қимылға қатысты ұсыныстарыңыз немесе сіз білетін коррупциялық тәуекелдер туралы мәліметтеріңіз болса, оларды s.sabitova@kostanay.gov.kz электрондық поштасына «Ішкі талдау бойынша ұсыныстар» тақырыбымен жібере аласыз. Ақпарат көзі : https://www.gov.kz/memleket/entities/kostanai-denisov-audany-akimat/press/news/details/1218950?lang=kk

Джакарта, 2025 жылғы 14-15 мамыр – Қазақстандық делегация Қазақстан Республикасы Парламенті Сенатының депутаты Амангелді Толамисовтың басшылығымен Ислам ынтымақтастығы ұйымына (ИЫҰ) мүше мемлекеттердің Парламенттік одағы (PUIC) конференциясының Джакартада өткен 19-шы сессиясына қатысты.Сессия жұмысы барысында парламенттер арасындағы өзара іс-қимылды нығайту, ИЫҰ-ға мүше елдер арасындағы ынтымақтастықты дамыту, сондай-ақ ислам әлемі алдында тұрған өзекті сын-тегеуріндер талқыланды. Қазақстан тарапы PUIC аясында ынтымақтастық, өзара түсіністік пен сындарлы диалог қағидаттарына бейілділік білдірді.PUIC 19-шы сессиясының басты қорытындыларының бірі – Джакарта декларациясының қабылдануы болды. Бұл құжатта парламентаралық ынтымақтастықты күшейту, жаһандық сын-қатерлерге бірлескен жауап беру және әлемдегі мұсылман қауымдастықтарының құқықтарын қорғау қажеттігі ерекше атап өтілді. Бұдан бөлек, конференция аясында ИЫҰ Парламенттік одағының 2025 жылға арналған бюджетін бекіту, әкімшілік және ұйымдастырушылық рәсімдерді реттеу, сондай-ақ PUIC Бас хатшысының орынбасарларын сайлау іске асырылды. Отырыс ұйымның құрылғанына 25 жыл толуымен тұспа-тұс келіп, бұл шараға символдық мән беріп, PUIC-тің қазіргі халықаралық жағдайда атқаратын рөлін қайта қарастыруға мүмкіндік берді.Өз сөзінде Қазақстан Республикасы Парламенті Сенатының депутаты Амангелді Толамисов парламентаралық дипломатияның халықаралық ынтымақтастықты нығайтудағы маңызды құрал екенін атап өтіп, тұрақты даму, қауіпсіздік, білім беру және адам құқықтары мәселелерін бірлесіп шешуге шақырды. Сонымен қатар, ол еліміздің Президенті Қасым-Жомарт Тоқаевтың экономикалық тұрғыдан қуатты, өркендеген және әділетті Қазақстанды құруға бағытталған жасампаз әрі реформаторлық қызметін атап көрсетті.Шара аясында сенатор Әзербайжан, Қырғызстан және өзге де елдердің парламент өкілдерімен кездесіп, өзара мүдделі мәселелерді талқылады.Ақпарат көзі : https://www.gov.kz/memleket/entities/mfa-jakarta/press/news/details/997613?lang=kk

Қазақстан Республикасының Қаржы нарығын реттеу және дамыту агенттігі Төрағасының орынбасарының 2024 жылғы 15 мамырдағы №2 бұйрығына сәйкес «DEBEX (ДЕБЕКС)» жауапкершілігі шектеулі серіктестігіне Банктік және микроқаржы активтерін сататын электрондық сауда алаңы операторының қызметін жүзеге асыру құқығына рұқсат берілдіАқпарат көзі : https://www.gov.kz/memleket/entities/ardfm/press/news/details/997595?lang=kk

Шығыс Қазақстан облысы білім басқармасының дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы 2025 жылғы 13-15 мамыр аралығында «Дене шынықтыру» пәні бойынша оқушылардың республикалық олимпиадасының облыстық кезеңін өткізді.Олимпиаданың мақсаты – оқушылардың физикалық денсаулығының, физикалық және функционалдық дайындығының деңгейін анықтау.Олимпиадаға жалпы білім беретін мектептердің, гимназиялар мен лицейлердің 5-6, 7-8 сынып оқушылары – аудандық/қалалық кезеңнің жеңімпаздары мен жүлдегерлері қатысты.Олимпиада екі кезеңде өткізілді:1 кезең – теориялық бөлім;2 кезең – практикалық бөлім.Олимпиада қорытындысы бойынша орындар келесідегідей бөлінді:5-6 сынып:І орын – Өскемен қаласының командасы;ІІ орын – Тарбағатай ауданының командасы;ІІІ орын – Ұлан ауданының командасы.7-8 сынып:І орын – Өскемен қаласының командасы;ІІ орын – Тарбағатай ауданының командасы;ІІІ орын – Ұлан ауданының командасы.Жеңімпаздарды жоғары нәтижелерге қол жеткізуімен құттықтаймыз!Ақпарат көзі : https://www.gov.kz/memleket/entities/vko-bilim/press/news/details/997563?lang=kk