Цифрлық технологиялардың дамуымен инвестициялау барлығына бірдей қолжетімді бола бастады. Инвестицияларға деген қызығушылықтың өсуімен қатар, қаржы сарапшыларының атын жамылған алаяқтардың да белсенділігі артты. Олар әсіресе әлеуметтік желілер арқылы белсенді жұмыс істейді.Кең тараған сценарийлердің бірі – фейк инвестициялық платформа. Қаскүнемдер белгілі компанияларды көрнекі түрде көшіріп, ірі банктердің атынан сайттар жасайды.Әлеуметтік желілерде белсенді түрде жарнама жасау арқылы мұндай «жобалар» қысқа мерзімде, кейде ең аз инвестициямен жоғары кіріске уәде етеді. Көбіне посттардың астында «көңілі толған инвесторлардың» жалған пікірлерін жариялайды. Роликтерде танымал тұлғалардың нейрожелілердің көмегімен жасалған бейнелерін пайдаланады.Басты мақсат – сенім ұялату және фейк инвестициялық платформаға ақша салуға көндіру.Фейк платформаның белгілері:бейресми аккаунттардан жарнама;сілтеме ресми сайтқа емес, тысқары тараптың ресурсына апарады;«кепілдендірілген» жоғары табысқа уәде береді;шұғыл әрекет етуге шақырады;қосымшаны AppStore немесе GooglePlay арқылы емес, басқа жолмен жүктеу қажеттігі.Кеңестер:Қаржы ұйымдарының лицензияларын ҚР Қаржы нарығын реттеу және дамыту агенттігінің сайтында тексеріңіз.Банктер мен компаниялардың ресми сайттарында растамайынша, жарнамаға сенбеңіз.Платформаны толық тексермейінше, жеке деректеріңізді немесе ақшаны ешқайда жібермеңіз.Қосымша пайдалы материалдар Fingramota.kz сайтында қол жетімді Сыртқы коммуникациялар басқармасыpress@finreg.kzАқпарат көзі : https://www.gov.kz/memleket/entities/ardfm/press/news/details/996433?lang=kk

Алматы облысында фермерлерды жеңілдетілген несиелеу бағдарламасы – «Кең дала 2»-ге қатысу үшін өтінімдер қабылдау басталды. Аймақта бұл бағдарламаны жүзеге асырушы оператор – «Қонаев» әлеуметтік-кәсіпкерлік корпорациясы» АҚ.Несиелеу бағдарламасы көктемгі егіс және күзгі жиын-терін жұмыстарын (КЕЖТЖ) жүргізуге ауыл шаруашылығы өндірушілерін қолдауға бағытталған. Жеңілдетілген қаржыландырудың мақсатты арналуы – егіс және жиын-терін жұмыстарын жүргізу үшін айналым қаражатын толықтыру.Несиелер 18 айға дейінгі мерзімге, жылдық 5 % жеңілдетілген мөлшерлемемен беріледі. Қарыз сомасы егістік алқаптың 1 гектарына шаққандағы шығын нормативтері негізінде жеке есептеледі.Бағдарлама шарттарына сәйкес несие қамсыздандыру ретінде:жылжымайтын мүлік;немесе «Даму» кәсіпкерлікті дамыту қорының қарыз сомасының 85 %-ына дейінгі кепілдігі қабылданады.Қарызды өтеу кестесі:негізгі қарыздың 50 %-ы – ауыл шаруашылығы жұмыстары жүргізілген жылдың 1 желтоқсанына дейін;қалған 50 %-ы – келесі жылдың 20 ақпанына дейін.Қарызды мерзімінен бұрын ішінара немесе толық өтеуге болады. Сыйақы сол мерзімдерде немесе несие комитетінің шешімімен жеке кесте бойынша төленеді.Қарыз алушыларға қойылатын негізгі талаптар:аграрлық салада кемінде 3 жылдық тәжірибе;егістік алқаптарының болуы (меншікте, жалға алу немесе бірлесіп пайдалану шарттары бойынша);соңғы 24 айда 180 күннен астам мерзімі өткен берешектің болмауы;соңғы есептілік бойынша оң қаржылық нәтиже;100 % кепілзат қамтамасыздығының болуы.Барлық қарыз қаражаты қаржыландыру жылының 1 тамызына дейін игерілуі тиіс.«Кең дала 2» бағдарламасы агроөнеркәсіптік кешенді мемлекеттік қолдау аясында жүзеге асырылып, фермерлердің қаржылық тұрақтылығын арттыруға, өнімділікті көтеруге және азық-түлік қауіпсіздігін қамтамасыз етуге бағытталған.Ақпарат көзі : https://www.gov.kz/memleket/entities/almobl/press/news/details/996408?lang=kk

Тұйық ауылдық округінің әкімі Ж.Алиасқаров 8 наурыз Халықаралық Әйелдер күні мерекесіне орай ауылымыздағы қарт аналар мен қыз-келіншектерді айтулы мерекесімен құттықтап, марапаттады.Ақпарат көзі : https://www.gov.kz/memleket/entities/kegen-tuiyk/press/news/details/996367?lang=kk

Сеул, 2025 жылғы 15 мамыр – Оңтүстік Кореяның астанасында SCAT әуе компаниясының Шымкент – Сеул бағытындағы жаңа тікелей рейсінің таныстырылымы өтті. 2025 жылғы 29 мамырда іске қосылатын бұл рейстің тұсаукесеріне 70-тен астам жетекші корей туроператорлары мен БАҚ өкілдері қатысып, екі ел арасындағы туристік және іскерлік алмасуды кеңейтуге деген жоғары қызығушылықты көрсетті.Аталған бағыттың ашылуымен, Астана мен Алматыдан ұшатын рейстерді қосқанда, Қазақстан мен Кореяны апта сайынғы 15 тікелей рейс байланыстыратын болады. Жаңа бағыт екі ел арасындағы ынтымақтастықты нығайтуға, іскерлік байланыстарды, мәдени және гуманитарлық қатынастарды дамытуға серпін береді.Рейстің таныстырылым рәсімінде сөз сөйлеген Қазақстан Елшісі Нұрғали Арыстанов бұл бағыттың ашылуы екі ел халықтарының жақындасуына ықпал ететінін атап өтті: «Бұл – Қазақстан-Корея қарым-қатынастарының дамуындағы тарихи сәт. Мәдениеті мен тарихы бай Шымкент қаласынан тікелей рейстің ашылуы туристерге, студенттерге және кәсіпкерлерге жаңа мүмкіндіктер ашады. Біз туристік ағынның жыл сайын 12%-ға тұрақты өсіп келе жатқанын байқап отырмыз және бұл рейс туризмді, іскерлік байланысты және азаматтар арасындағы тікелей қарым-қатынасты дамытудың жаңа ынталандырушысы болады деп сенеміз».Сонымен қатар Елші Қазақстанның туристік тартымдылығына тоқталып, еліміз ЮНЕСКО-ның Бүкіләлемдік мұра тізіміне енген алты нысанымен әйгілі екенін айтты. Олардың қатарында Түркістандағы Қожа Ахмет Ясауи кесенесі, Тамғалы петроглифтері және Сарыарқа экожүйесі бар. Елші туроператорларды Қазақстанның мәдени және табиғи байлығын ашатын жаңа туристік пакеттерді әзірлеуге шақырды.Қазақ дипломаты Қазақстан басшылығы тарапынан туризм саласына берілетін саяси қолдауға назар аударып, Президент Қасым-Жомарт Тоқаевтың бастамасымен елде туризмді тұрақты дамытудың стратегиялық бағыты жүзеге асырылып жатқанын атап өтті. Бұл бағыт Қазақстан экономикасының өсуінің және мәдени мұраны халықаралық деңгейде ілгерілетудің маңызды тірегіне айналуда.Туризм саласындағы ынтымақтастықты айта келе, Елші 2025 жылы екі елдің туроператорлары мен компаниялары қатысатын маңызды іс-шараларды атады. Олардың қатарында Қазақстан халықаралық туристік көрмесі (KITF, 23–25 сәуір), Астана халықаралық форумы (AIF-2025, 29–30 мамыр), Kazakhstan Tourism Road Show (Сеул, маусым), және Сеул халықаралық туристік көрмесі (SITF-2025, 5–8 маусым) бар.Сондай-ақ, Елші екіжақты экономикалық ынтымақтастыққа да ерекше назар аударды. Ол 2024 жылдың қорытындысы бойынша Корея Республикасы Қазақстан экономикасына инвестиция құйған ең ірі үш елдің қатарына енгенін атап өтті.Өз кезегінде SCAT компаниясының Кореядағы өкілі Андрей Цыганков: «Бүгін біз тек жаңа рейсті таныстырып отырған жоқпыз – бұл екі халық арасындағы достық пен жақындасудың мерекесі. Шымкент – Қазақстандағы үшінші ең ірі қала, қарқынды дамып келе жатқан мегаполис, жуырда жылына 2 миллион жолаушыны қабылдай алатын заманауи әуежайға ие болды. Біз аптасына екі рет ұшатын жаңа Boeing 737 MAX ұшақтарындағы жайлы рейстерді ұсынуға қуаныштымыз» деп мәлімдеді.Ол SCAT компаниясы жыл сайын 2 миллионнан астам жолаушыны тасымалдайтынын, Қазақстан ішкі нарығындағы жетекші әуекомпаниялардың бірі екенін және жаңа рейстің туристерге ғана емес, сонымен қатар бизнес өкілдері, студенттер мен отбасылар үшін де жоғары сұранысқа ие болатынына сенім білдірді.Іс-шара аясында SCAT әуе компаниясының қызметі мен Шымкент қаласы, сондай-ақ Қазақстанның туристік әлеуеті таныстырылды. Қонақтар туристік брошюралармен танысып, елдің табиғи сұлулығы мен мәдени мұрасы туралы бейнероликтерді тамашалады.Шымкент – Сеул бағытындағы тікелей рейстің ашылуы Қазақстан мен Корея арасындағы кеңейтілген стратегиялық серіктестікті нығайтуға қосылған маңызды үлес болды.Ақпарат көзі : https://www.gov.kz/memleket/entities/mfa-seoul/press/news/details/996318?lang=kk

📍 Мемлекеттік кірістер комитеті 2025 жылғы 15 наурыздан басталған «Salyq кэшбэк» пилоттық жобасының кеңеюі туралы хабардар етеміз. Жоба сыйақы төлеу арқылы микро және шағын бизнес субъектілерінен фискалдық чектер алуды ынталандыруға бағытталған.2025 жылғы 15 қазаннан бастап жобаға Талдықорған қаласы (Жетісу облысы) қосылады. ℹ️ Естеріңізге сала кетейік, ағымдағы жылы «Salyq кэшбэк» жобасы 2025 жылғы 15 наурыз, сәуір, мамыр, маусым және 15 шілдеден бастап кезең-кезеңімен іске қосылды. «Salyq кэшбэк» жобасына кез келген адам қатыса алады. Ол үшін сізге қажет:✅ Тауарларға немесе қызметтерге ақы төлеу кезінде фискалдық чек алыңыз;📲 «Amian» арнайы мобильді қосымшасындағы чектен штрих-кодты сканерлеңіз және сатып алу сомасының 2% мөлшерінде кэшбэк алыңыз.💰 Алынған қаражатты банк картасына аударуға немесе ұялы телефонның балансына аударуға болады.2025 жылғы қазандағы жағдай бойынша төленген кэшбэк сомасы 127 млн теңгеден асты.Бұдан басқа, пилоттық жоба іске асырылатын аумақтарда оң динамика байқалады: берілген чектер саны 48% — ға, ал олар бойынша жалпы сома — 38% - ға ұлғайды. 📢 Комитет бүкіл ел аумағында «Amian» мобильдік қосымшасын пайдалана отырып, фискалдық чектерді алуды ынталандыру бойынша өзге де іс-шараларды іске асыратынын қосымша хабарлаймыз:«Чекті талап ет — жүлдені ұтып ал!»«Бәйге» акциясы«Чекті талап ет — Halyk Bank сыйлығын ұтып ал!» 🔹 Сыйақыларды есептеуді «IT Analytics» ЖШС операторы App Store және Google Play дүкендерінде тегін жүктеу үшін қолжетімді «Amian» мобильді қосымшасы арқылы жүзеге асырады. 🤝 Мемлекеттік кірістер комитеті азаматтарды есептеулердің ашықтығын дамытуға және салық мәдениетін қалыптастыруға ықпал ететін аталған жобалар мен акцияларға белсенді қатысуға шақырады.Ақпарат көзі : https://www.gov.kz/memleket/entities/kgd-zhetysu/press/news/details/1087085?lang=kk

2025 жылғы 29 мамырда  Меңдіқара ауданы әкімі Ғ.М.Бекбаевтың Боровское ауылының  тұрғындарымен  кездесуі  өткізіледі.          Өткізілетін орны: Боровское  ауылы, балалар өнер мектебінің  ғимараты, сағат 11:00.          Халықпен  кездесуге дайындық барысында тұрғындардан сауалдар түсуде.  Сұрақтар мен ұсыныстар 8-705-162-80-87 нөмірі бойынша  WhatsApp чаттары арқылы қабылданады.Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/996293?lang=kk

Құрметті салық төлеушілер!Естеріңізге сала кетейік, салық есептілігін тапсыру мерзімі жақындап келеді. Салық міндеттемелерін уақтылы орындауды ұмытпаңыздар, бұзушылықтарды болдырмау үшін қажетті құжаттарды алдын-ала дайындап, тапсыруды ұсынамыз.Есептілік15 мамыр101.03 нысаны – төлем көзіне салынатын ККП бойынша резиденттің табысынан ұсталатын есеп;101.04 нысаны – төлем көзіне салынатын ККП бойынша резидент еместің табысынан ұсталатын есеп;200.00 нысаны – ЖТС және әлеуметтік салық бойынша декларация;300.00 нысаны – ҚҚС бойынша декларация;400.00, 421.00 нысандары  — акциз бойынша декларация; құрылымдық бөлімшелер мен салық салуға жататын объектілер бойынша есеп.500.00 нысаны – роялти және өндіру бонусы бойынша декларация;531.00 – нысаны-салық міндеттемесін заттай нысанда орындау туралы декларация (есеп): - жер қойнауын пайдаланушылар 531.01-қосымша бойынша 2025 жылдың 1 тоқсанына декларация тапсырады- алушылар мемлекет атынан 531.02, 531.03 қосымшалары бойынша 2025 жылғы 1 тоқсандағы ағымдағы төлемдердің есебін ұсынады;560-нысан – егер тарихи шығындарды өтеу бойынша төлем мөлшері 10 000 АЕК-тен асатын болса, 2025 жылғы 1 тоқсандағы тарихи шығындарды өтеу жөніндегі төлем бойынша декларация;570.00 нысаны – экспортқа салынатын ренталық салық бойынша декларация;590.00 нысаны – пайдалы қазбаларды өндіру салығы бойынша декларация;701.01 нысаны – 2025 жылғы 1 мамырдағы жағдай бойынша салық міндеттемелері туындаған немесе өзгерген объектілер бойынша 2025 жылға арналған жер учаскесі және мүлік салығы бойынша ағымдағы төлемдерді есептеу;710.00 нысаны – ойын бизнесі салығы бойынша декларация;860.00 нысаны – су ресурстарын пайдаланғаны үшін төлем бойынша декларация;870.00 нысаны – қоршаған ортаға теріс әсері үшін төлем бойынша декларация;880.00 нысаны – цифрлық майнинг үшін төлем бойынша декларация;913.00 нысаны – бөлшек салықтың арнаулы салық режимін қолданатын салық төлеушілер үшін декларация.    Ақпарат көзі : https://www.gov.kz/memleket/entities/kgd-pavlodar/press/news/details/996274?lang=kk

Үйірлі шегірткелер - Итальяндық прус   ИТАЛЬЯНДЫҚ ПРУС - итальяндық шегіртке, кәдімгі немесе оазис прус (Calliptamus italicus L.). Қазақстанда кең таралған, бірақ солтүстік және батыс Қазақстанда ең көп шоғырланған. Қазақстанның дәнді-жусанды, жиі құмды далаларының, дала және шөл аймақтарының учаскелерін мекендейді. Жоңышқа, мақта, күнбағыс, көкөніс дақылдары мен дәнді дақылдарды зақымдайды.Ересек жәндіктердің (ересектердің) денесі орташа, ұрғашылары еркектерге қарағанда екі есе үлкен (еркектердің денесінің ұзындығы – 14,5-28,7 мм, аналықтары-21,9-41,6 мм). Бояу өте алуан түрлі. Қоңыр, сұр-қоңыр, сирек ашық және ақшыл реңктер басым. Кеудедегі аяқ-қолдардың арасында доғал бұлтық бар. Қанаттары қанат қалқанынан қысқа, түбінде сұр-қызғылт түсті. Артқы сирағы ашық қызыл немесе қызғылт түсті.Жылына бір ұрпақ дамиды. Ересектердің жаппай пайда болуы маусым айының соңында байқалады. Аз мөлшерде ересектер бөлек тұрады, бірақ олардың саны едәуір артқан кезде олар үйірлі өмір сүру режиміне өтеді. Үйірлер көтеріліп ұзақ қашықтыққа ұша алады.Олар шілде айының соңында жыныстық жетілуге жетеді, жұптасады және тамыз айында жұмыртқа сала бастайды. Ілінісу кезінде ұрғашылары  көбікті зат көпіршік текше бөледі, оңың ішінде – 30-45 жұмыртқа болады, солай қыста аман қалады.2025 жылы Федоров ауданында табын шегірткелері бойынша мониторингтік тексерулер 70 000 га алаңда жоспарланған,  көктемгі-жазғы тексеру - 30 000 га, жазғы тексеру - 40 000 га.Шегірткелерге қарсы әр түрлі өңдеу әдістері қолданылады: толық - зиянкестермен қоныстанған барлық аумақ өңделеді; тосқауылды - шегірткелердің қозғалыс бағыты бойынша белгілі бір жолақтар өңделеді, тосқауыл аралық кеңістікті өңдеусіз қалдырады; жергілікті - тек дернәсілдердің шоғырлану ошақтары (кулигалар) өңделеді; шеткі - ауылшаруашылық дақылдары егістіктерінің айналасында орындалады.Химиялық заттармен (инсектицидтермен) бүрку шегірткелермен күресудің негізгі әдісі болып табылады. 2025 жылға республикалық бюджет қаражаты есебінен табын шегірткелеріне қарсы химиялық өндеу жоспарланбаған.    Шегіртке зиянкестері анықталса, төмендегі телефондарға хабарласыңыз: Ұйымның атауыТ.А.ӘЛауазымыБайланыс телефоны«РФДжБӘО» РММФедоров  аудандық филиалы Назарчук ИванВладимировичБасшы8-71442-33099ҚР АШМ АӨК МИК «Федоров ААИ» ММДжагалтаеваСаулеЕсенгельдыевнаБас маман- өсідіктерді қорғау және карантині жөніндегі мемлекеттік инспектор8-71442-21-6-98  «ҚР АШМ АӨК МИКФедоров ААИ» ММбасшысы                                                                               Шишимбаев С.А.Ақпарат көзі : https://www.gov.kz/memleket/entities/kostanay-fedorov/press/news/details/1222056?lang=kk

2025 жылғы 26-27 маусымда Иркутск қаласында өнертапқыштарды, рационализаторларды, ғалымдарды, кәсіпкерлерді, билік, бизнес, білім беру және бұқаралық ақпарат құралдарының өкілдерін біріктіретін "Байкал самалы" Еуразиялық өнертабыстар мен инновациялар салоны өтеді. Іс-шараны "өнертапқыштық бастамаларды іске асыруға жәрдемдесу орталығы"өнертапқыштық және инновациялық қызмет саласындағы дербес коммерциялық емес ұйым ұйымдастырады. Салон Еуразиялық патенттік ұйымның, Ресейдің өнертапқыштар мен рационализаторлар Одағының, Шығыс Сібірдің сауда-өнеркәсіп палаталарының Одағының және басқа да бірқатар аймақтық және федералды құрылымдардың қолдауымен өткізіледі. Салон бағдарламасына мыналар кіреді: 1. Инновациялық әзірлемелердің бетпе бет презентациялары; 2. Патенттеу, кооперация және технологияларды енгізу мәселелері бойынша панельдік пікірталастар; 3."Экологиялық салауаттылық", "адам денсаулығы", "Агроөнеркәсіптік кешен", "Қорғаныс және қауіпсіздік", "креативті индустриялар"секциялары бойынша жобалардың көрме-тұсаукесері. Қатысуға шақырылады: 1. Өнертабыстар мен инновациялардың авторлары; 2. Ғылыми және білім беру мекемелерінің өкілдері; 3. Әзірлеушілер, инженерлер, стартаптар; 4. Зияткерлік меншік саласындағы сарапшылар; 5. Меншіктің әртүрлі нысандарындағы ұйымдар. Салонға қатысу тегін. Барлық берілген өтінімдерді сараптамалық кеңес қарайды, ал үздік әзірлемелер салонның қорытынды каталогына енгізіледі. Ұйымдастырушылар барлық мүдделі адамдарды Еуразияның өнертапқыштық және инновациялық қоғамдастығы үшін осы маңызды оқиғаға қатысуға шақырады!Байланыс және өтінім беру үшін байланыс деректер: 📧 baikalbreez@mail.ru 📱 +7-950-120-84-82 (Viber, WhatsApp, Telegram) 🔗 t.me/SALONBAIKALBRIZАқпарат көзі : https://www.gov.kz/memleket/entities/adilet-kis/press/news/details/996270?lang=kk

Астана, 2025 жылғы 15 мамыр – Ауған тарапының бастамасымен Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Ауғанстан Сыртқы істер министрінің міндетін атқарушы Амир Хан Муттакимен телефон арқылы сөйлесті.Сұхбат барысында министрлер екіжақты ынтымақтастықты одан әрі нығайтуға ұмтылысын растап, сауда, логистика, білім беру және өңірлік қауіпсіздік салаларындағы өзара іс-қимылдың маңыздылығын атап өтті.Көлік инфрақұрылымын дамыту мәселесіне, оның ішінде өңірлік сауданы жандандыруға бағытталған маңызды бастама ретінде Трансауған темір жолы жобасына ерекше назар аударылды.Қазақстан Ауғанстандағы азық-түлік қауіпсіздігін арттыру, медициналық қызметтер мен білім алуға қолжетімділікті қамтамасыз етуге бағытталған гуманитарлық бағдарламаларды дамытуға дайын екенін растады.Ауған тарапы көрсетіліп жатқан гуманитарлық көмек үшін алғыс білдіріп, Қазақстанның елді қалпына келтіру бойынша халықаралық күш-жігерге қосқан үлесін жоғары бағалады, сондай-ақ Алматыда Орталық Азия мен Ауғанстан үшін Орнықты даму мақсаттары бойынша БҰҰ Өңірлік орталығын құруды толықтай қолдады.Тараптар алға қойылған жоспарларды табысты іске асыру үшін сындарлы диалог пен жан-жақты ынтымақтастықты жалғастыруға уағдаласты.Ақпарат көзі : https://www.gov.kz/memleket/entities/mfa/press/news/details/996233?lang=kk

Ұлы Жеңіс-80 жыл!Үлкен Нарын ауылының орталық саябағында Отан үшін күрескен батырларымызды құрметтеп, еске алып, гүл шоқтарын қою рәсімін өткіздік.Олардың ерлігі - ұрпақтың ерлігі. Мәңгілік алғыс және шексіз құрмет!Жеңіс Күні Құтты Болсын!🇰🇿Ақпарат көзі : https://www.gov.kz/memleket/entities/maslikhat-ulken-naryn/press/news/details/996251?lang=kk

Фестивальге биыл 20 жыл толып отыр. Осы жылдар ішінде «Жұлдызай» ерекше білім беру қажеттіліктері бар еліміздің түкпір-түкпірінен келген мыңдаған баланы біріктіріп, олардың бойындағы дарынын ашуға, өзіне деген сенімін нығайтуға және жарқын болашаққа үміт сыйлауға жағдай жасады.Биыл байқау нәтижелері мен кәсіби қазылар алқасының шешімі бойынша ең үздік қатысушылар финалға өтіп, https://fest.juldizai.kz/ сайтында ашық халықтық дауыс беру арқылы Гран-при үшін бақ сынауда (дауыс беру үшін сайтқа кіріп, бейнероликтерді қарап шығып, үш номинантты таңдап, дауыс беру қажет).Біздің өңірден финалға өткен қатысушылар:«Мерей» квартеті – Қостанай облысы әкімдігінің білім басқармасы «Рудный қаласының ерекше білім беруге қажеттілігі бар балаларды қолдау орталығы» КММГалиев Руслан Андреевич – Қостанай облысы әкімдігінің білім басқармасы «Рудный қаласының білім бөлімінің №1 жалпы білім беретін мектебі» КММЖерлестерімізді қолдайық!Ақпарат көзі : https://www.gov.kz/memleket/entities/kostanai-madeniet/press/news/details/996227?lang=kk

2025 жылғы 30 мамырда сағат 10:00-де "Ақтөбе облысының тілдерді дамыту басқармасы" ММ қызметінде сыбайлас жемқорлық тәуекелдеріне ішкі талдау нәтижелері бойынша талқылау өткізіледі.Сұрақтар болған жағдайда:Ономастикалық жұмыстар және талдау бөлімінің басшысы – Әбиева Бақтыгүл Ботайқызы, жұмыс телефоны: 46-76-61Тілдерді дамыту және үйлестіру бөлімінің басшысы – Жанасова Маржан Алғабекқызы, жұмыс телефоны: 46-75-02Ономастикалық жұмыстар және талдау бөлімінің бас маманы – Нұрбаева Арайлым Гайдарханқызы, жұмыс телефоны: 46-76-61Мекен-жайы: Ақтөбе қаласы, Әбілхайыр хан даңғылы, 40Қабылдау бөлімінің телефоны: 46-75-00Ақпарат көзі : https://www.gov.kz/memleket/entities/aktobe-til/press/news/details/996228?lang=kk

Вена, 2025 жылғы 14 мамыр – Қазақстан Республикасының Венадағы халықаралық ұйымдар жанындағы Тұрақты өкілі Мұхтар Тілеуберді ОПЕК-тің Халықаралық даму қорының Президенті Абдулахамид Аль-Халифамен кездесу өткізді.Кездесу барысында тараптар 2024 жылы жоғары деңгейде өткен келіссөздер нәтижесінде қол жеткізілген уағдаластықтарды іске асыру аясында өзара іс-қимылдың жандана түскенін атап өтті.Сондай-ақ Абдулахамид Аль-Халифаның 2025 жылы өтетін Астана халықаралық форумына қатысуына байланысты Қазақстанға сапарын ұйымдастыру мәселелері талқыланды.Тараптар көлік инфрақұрылымын дамыту, денсаулық сақтау, ауыл шаруашылығы, жаңартылатын энергия көздері және басқа да басым салалардағы ынтымақтастықты кеңейту перспективаларына ерекше назар аударды.Ақпарат көзі : https://www.gov.kz/memleket/entities/mfa-vienna/press/news/details/996207?lang=kk

«Абай облысы Курчатов қаласының ауыл шаруашылығы, жер қатынастары және кәсіпкерлік бөлімі» "Ашық бюджет" порталында 2026-2028 жылдарға арналған бюджеттік бағдарламаларды талқылаудың басталғаны туралы хабарлайды»:1. 806001 «Ауыл шаруашылығы, жер қатынастары және кәсіпкерлік саласында жергілікті деңгейде мемлекеттік саясатты іске асыру бойынша қызметтер»Ссылка:https://budget.egov.kz/budgetprogram/budgetprogram?govAgencyId=3647268&budgetId=3883232Ақпарат көзі : https://www.gov.kz/memleket/entities/abay-kurchatov/press/news/details/996182?lang=kk

«Абай облысы Курчатов қаласының ішкі саясат бөлімі» ММ ашық бюджеттер порталында 2026-2028 жылдарға арналған бюджеттік бағдарламаларды талқылаудың басталғанын хабарлайды.Бюджеттік бағдарламаларды іске асыру туралы есептің мәтініне көшу үшін келесі сілтемеге өту қажет:456 001 "Жергілікті деңгейде ақпарат, мемлекеттілікті нығайту және азаматтардың әлеуметтік оптимизмін қалыптастыру саласындағы мемлекеттік саясатты іске асыру жөніндегі қызметтер"https://budget.egov.kz/arm/#/admin/budget-programs/list/published/budget-program/38823492) 456 002 "Мемлекеттік ақпараттық саясатты жүргізу жөніндегі қызметтер"https://budget.egov.kz/arm/#/admin/budget-programs/list/published/budget-program/3882559456 003 "Жастар саясаты саласындағы іс-шараларды іске асыру"https://budget.egov.kz/arm/#/admin/budget-programs/list/published/budget-program/3882638Ақпарат көзі : https://www.gov.kz/memleket/entities/abay-kurchatov/press/news/details/996167?lang=kk

«Абай облысы Курчатов қаласының жұмыспен қамту және әлеуметтік бағдарламалар бөлімі» ММ ашық бюджеттер порталында 2026-2028 жылдарға арналған бюджеттік бағдарламаларды талқылаудың басталғанын хабарлайды.Бюджеттік бағдарламаларды іске асыру туралы есептің мәтініне көшу үшін келесі сілтемеге өту қажет:1) 451001 «Жергілікті деңгейде жұмыспен қамтуды қамтамасыз ету және халық үшін әлеуметтік бағдарламаларды іске асыру саласындағы мемлекеттік саясатты іске асыру жөніндегі қызметтер» https://budget.egov.kz/budgetprogram/budgetprogram?govAgencyId=3549120&budgetId=3855173&budgetState=PROJECT2) 451005 «Мемлекеттік атаулы әлеуметтік көмек»https://budget.egov.kz/budgetprogram/budgetprogram?govAgencyId=3549120&budgetId=3855173&budgetState=PROJECT3) 451006 «Тұрғын үй көмегін көрсету»https://budget.egov.kz/budgetprogram/budgetprogram?govAgencyId=3549120&budgetId=3855291&budgetState=PROJECT4) 451007 «Жергілікті өкілетті органдардың шешімдері бойынша мұқтаж азаматтардың жекелеген санаттарына әлеуметтік көмек»https://budget.egov.kz/budgetprogram/budgetprogram?govAgencyId=3549120&budgetId=3855726&budgetState=PROJECT5) 451010 «Үйде тәрбиеленетін және оқитын мүгедек балаларды материалдық қамтамасыз ету»https://budget.egov.kz/budgetprogram/budgetprogram?govAgencyId=3549120&budgetId=3855737&budgetState=PROJECT6) 451011 «Жәрдемақылар мен басқа да әлеуметтік төлемдерді есепке жатқызу, төлеу және жеткізу жөніндегі қызметтерге ақы төлеу»https://budget.egov.kz/budgetprogram/budgetprogram?govAgencyId=3549120&budgetId=3855746&budgetState=PROJECT7) 451014 «Мұқтаж азаматтарға үйде әлеуметтік көмек көрсету»https://budget.egov.kz/budgetprogram/budgetprogram?govAgencyId=3549120&budgetId=3855756&budgetState=PROJECT8) 451017 «Аз қамтылған мүгедектігі бар тұлғаларды протездік-ортопедиялық, сурдотехникалық және тифлотехникалық құралдармен, арнайы көлік құралдарымен, міндетті гигиеналық құралдармен, сондай-ақ санаториялық-шипажайлық емдеу қызметтерімен, ымдау тілі мамандарымен және науқасты оңалтудың жеке бағдарламасына сәйкес жеке көмекшілермен қамтамасыз ету.»https://budget.egov.kz/budgetprogram/budgetprogram?govAgencyId=3549120&budgetId=3855783&budgetState=PROJECTАқпарат көзі : https://www.gov.kz/memleket/entities/abay-kurchatov/press/news/details/996129?lang=kk

Исламабад, 2025 жылғы 14 мамыр – Қазақстанның Пәкістандағы Елшісі Ержан Кистафиннің Пәкістан темір жол министрі Мұхаммад Аббасимен кездесуі өтті.  Көлік саласындағы ынтымақтастықты одан әрі дамыту перспективалары талқыланды. Екі тарап Ауғанстан арқылы ҚР мен ПИР арасындағы теміржол қатынасын дамыту жөніндегі бастамаларды қолдап, бұл екіжақты ғана емес, өңірлік форматта да сауданы нығайтуға ықпал ететін болатынына сенім білдірді.Тиімді, қауіпсіз және орнықты дәліздерді, оның ішінде транзиттік мақсаттағы маршруттарды құруға баса назар аудара отырып, теміржол көлігі саласындағы ынтымақтастық жөніндегі нақты жоспарлар белгіленді.Ақпарат көзі : https://www.gov.kz/memleket/entities/mfa-islamabad/press/news/details/996037?lang=kk

Астанада 99255 әскери бөлімінің базасында запастағы әскери міндеттілердің кезекті жоспарлы оқу-жаттығу жиыны басталды. Әскери жиынға шақырылған астаналықтар жеке құрамды жинау пунктіне келіп, әскери киім-кешек алды. Жұмылдырылған ресурстарды хабардар ету, қабылдау және шақыру барысында әкімдіктің құрылымдық бөлімшелері мен елордалық аумақтық қорғаныс бригадасының өзара іс-қимыл мәселелері пысықталды.– Жиынның негізгі мақсаты - жұмылдыру ресурстарын дайындау және қайта даярлау, әскери міндеттілердің далалық білімін және олардың іс-қимылдарының үйлесімділігін арттыру. Жиын бригада басқармасы басшылық құрамының жұмылдыру іс-шараларын ұйымдастыру және өткізу саласындағы білімдерін жетілдіруге бағытталған, – деп түсіндірді Астана қаласы қорғаныс істері жөніндегі департаментінің бастығы полковник Фархат Құрманғажинов.Астана қаласының аумақтық қорғаныс бригадасына даярлықтан өту үшін 70 әскери міндетті офицер мен 30 сержант шақырылды. Олардың арасында әртүрлі кәсіптер мен қызмет түрлерінің өкілдері бар.– Он сегіз жыл Қарулы күштердің түрлі әскери бөлімдерінде қызмет еттім. Бүгін елорда әкімдігінің бұйрығымен әскери жиынға шақырылдым. Мұндай іс-шаралардан ешқашан қашпауымыз керек. Біздің көпшілігімізде пандемия кезінде жиыннан өту тәжірибесі бар. Біз, запастағы офицерлер, жастарға үлгі болуға тырысамыз, – деді «Толағай алыптары» жобасының авторы запастағы майор Тимур Спатаев.Жиынға шақырылған белгілі әнші запастағы аға лейтенант Ибрагим Ескендірдің айтуынша, әскери міндеттілер өздерінің кәсіби шеберліктерін үнемі жетілдіріп отыруы қажет.– Жастар өз елінің тірегі болуы керек. Жиынға өз Отанын сүйетін және оның алдындағы жауапкершілікті сезінетін нағыз жауынгерлер шақырылады. Алдымызға қойылған барлық міндеттерді ойдағыдай орындайтынымызға сенімдімін, – деді И. Ескендір.Әскери міндеттілердің он күндік жиыны жұмылдыру және күзет ротасын жауынгерлік әзірліктің жоғары дәрежесіне келтіру тақырыптарын пысықтауды көздейді. Бұдан басқа, тактикалық-арнайы оқу-жаттығу барысында жауынгерлік үйлестіруді жүргізу, әскери және мемлекеттік маңызы бар нысандарды күзету мен қорғауды ұйымдастыру мәселелері пысықталатын болады. Жиын 2025 жылдың 23 мамырына дейін жалғасады.Астананың қорғаныс істері жөніндегі департаменті әскери міндеттілер үшін әскери жиын кезінде орташа айлық жалақы сақталатынын еске салды. Оқу бағдарламасын сәтті меңгергендерге кезекті әскери атақтар берілетін болады.Ақпарат көзі : https://www.gov.kz/memleket/entities/mod/press/news/details/995971?lang=kk

2025 жылғы 14 мамырда А. С. Пушкин атындағы Шығыс Қазақстан облыстық кітапханасында қазақ әдебиетін оқытуда өзіндік мектеп қалыптастырған дара педагог, ҚР еңбек сіңірген қайраткері, ұлт ұстазы Қанипа Омарғалиқызы Бітібаеваның 80 жылдығына арналған «Аңызға айналған ұстаз» атты еске алу кеші өтті.Көрермен назарына Қанипа Омарғалиқызының өмір жолы мен ұлт руханиятына сіңірген өлшеусіз еңбегі жайлы бейнематериалмен ұсынылды. Жүректерге жол тартқан бұл шара – тек еске алу ғана емес, кемел тұлғаға тағзым, парасат биігінен үн қату болды.Кеш аясында Қанипа Омарғалиқызының шәкірт жүрегіне шырақ жаққан ұстаздық болмысы жайлы тағылымды естеліктер мен жүрекжарды лебіздер айтылды. Ұлт ұстазының ұлағатты жолы, әдебиетке қосқан үлесі мен жаңашыл әдістемелік мектебі жайында пайымды пікірлерімен:Қазақстан Республикасының Жазушылар және журналистер одағының мүшесі, Катонқарағай ауданының Құрметті азаматы, 2007 ж. Шығыс Қазақстан облыстық Мәдениет басқармасы сыйлығының лауреаты Қаңтарбаев Әлібек Қалиұлына сөз берілді.Ұлағатты ұстаздың көзін көрген, еңбегін бағалаған қаламгер ағаларымыздың бірі Ақанов Сағымбек, өз естеліктерімен бөлісіп, ұстаз бейнесін сан қырынан ашты.С.Аманжолов атындағы Шығыс Қазақстан университетінің филология ғылымдарының докторы, профессор, «Абайтану» ғылыми-зерттеу институтының директоры - Картаева Айжан Маратбекқызы Хан апа жайында, оның ұстаздық жолы туралы сөз сөйледі.Қанипа апайдың шәкірті Қуаныш Еркін ұстазы жайлы естелігімен бөлісіп, арнауын арнады. Әр айтылған сөз – Қанипа Омарғалиқызының рухына арналған құрмет пен тағзымның жарқын көрінісі болды.Сонымен қатар, Қанипа апайдың туған сіңлілері Жаңыл апай, Бақыт апай және Бақытгүл Омарғалиқызы апайлары жайлы жүрекжарды сөз сөйлеп, отбасы, өскен ортасы, тұлғалық болмысынан сыр шертті.Ақындар жыр арнап, әндер шырқалды. Шәкірт жүрегінен түлеген сағыныш пен сыйластық, әріптестердің құрметке толы лебізі – ұстаз рухына арналған шынайы алғыс іспетті өрілді.Қанипа Бітібаеваның есімі – қазақ әдебиетін ұрпақ бойына сіңірудегі жаңашылдық пен жанкештіліктің символы. Ол – оқытушы ғана емес, әдебиетпен тыныстаған, шәкірт жүрегіне шырақ жаққан шамшырақ еді. Оның ұстаздық болмысы – әдебиетпен өрілген тағдыр, жүректерге сәуле сыйлаған шынайы шырақ екені тағы бір мәрте дәлелденді.Кеш соңында Жамбыл атындағы гимназия оқушылары Қанипа Бітібаеваға арналған Серік Ғабдуллаұлының «Алтын адам» атты тебіреністі жырын ерекше ықыласпен оқып, ұстаз рухына деген мәңгілік тағзымды жүрекпен жеткізді. Шәкірт үні мен ақын сөзі үндесе өріліп, тыңдарманды толғаныс пен тағзымға бөлеп, кеш пердесін рухты жырмен жапты.Ақпарат көзі : https://www.gov.kz/memleket/entities/vko-cultura-arhiv/press/news/details/995974?lang=kk