2025 жылдың 21 сәуірінде ұлы қазақ ақыны, философы, ағартушысы Абай Құнанбайұлының туғанына 180 жыл толуына орай Қостанай облысы Әділет департаментінің жетекші маманы К.С. Ермагамбетова КМҚК «Қостанай автомобиль көлігі колледжінде» студенттермен дәріс өткізді. Тақырыпқа сай студенттерге блиц-сұрақтар легі ұсынылды. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/982506?lang=kk

Телеграмм КС - https://t.me/consot_kz   Конституциялық Сотта азаматтың өтініші бойынша «Құқық қорғау қызметі туралы» Заңның 6-бабы 2-тармағы 9) тармақшасының Конституцияға сәйкестігін қарау жөнінде отырыс өтті. Бұл норма белгілі бір құқық бұзушылықтарды жасаған адамдарды құқық қорғау органдарына қызметке қабылдамауды көздейді.Өтініш иесінің пікірі:Дауланып отырған нормаға сәйкес қызметке қайта кіргенге дейін үш жыл ішінде жасаған бұзушылықтардың жекелеген түрлері үшін жауапкершілікке тартылғанына қарамастан, құқық қорғау органдарына қайта оралуы мүмкін басқа адамдарға қатысты құқықтық салдарларға пропорционалды емес.Өтініштің мән-жайы:Өтініш беруші құқық қорғау органының қызметкері бола тұра көлік құралын мас күйінде жүргізгені үшін әкімшілік құқық бұзушылық жасағаны үшін кінәлі деп танылды. Бұл факт оны теріс себептермен жұмыстан шығаруға және құқық қорғау органдарына қызметке қайта қабылдауды шектеуге әкелді.Отырысқа қатысқандар:Өтініш иесі және оның адвокаты, Парламент Палаталарының, Бас прокуратураның, қаржы мониторингі, сыбайлас жемқорлыққа қарсы іс-қимыл агенттіктерінің, ішкі істер, әділет министрліктерінің, Адам құқықтары жөніндегі ұлттық орталықтың, Заңнама және құқықтық ақпарат институтының өкілдері.Баяндамашы-судья: Жақыпбаев Қ.Т.Конституциялық Соттың қорытынды шешімі Конституциялық заңның 65-бабына сәйкес КС ресми сайтында, «Егемен Қазақстан» және «Казахстанская правда» газеттерінде жарияланатын болады. Ақпарат көзі : https://www.gov.kz/memleket/entities/ksrk/press/news/details/982507?lang=kk

Алматыда KITF халықаралық көрмесі өтуде. Экспозиция Орталық Азиядағы туризм бойынша ең ірі кәсіби алаң және еліміздің туристік саласының басты оқиғасы болып табылады. Оған әлемнің 30 елінен мыңнан астам туристік компания қатысады.Қарағанды облысынан кәсіпкерлік басқармасы, Қарқаралы ұлттық паркі, R-TOUR туристік агенттігі, «Балқаш» емдеу-сауықтыру кешені, «Nomads Club» ЖШС ішкі туризм туристік агенттігі, «Орман» қонақ үйі, Visit Qaraganda туристік ақпараттық орталығы өкілдік етеді.Алаңда Қарағанды өңірінің бай мәдени және табиғи мұрасы таныстырылды. Қазақстандықтар мен шетелдік қонақтардың демалуы үшін танымал орындар Қарқаралы саябағы мен Балқаш көлінің жағалауы болып табылады.Егер Қарқаралы ұлттық паркі – таулы-орманды оазис және белсенді туризм үшін өте қолайлы болса, онда Қазақстанның үздік 20 туристік орнының қатарына кіретін Балқаш көлі су спортын сүйетіндердің де, тынығып уақыт өткізуді қалайтындардың да көңілінен шығуы мүмкін. Бұл бағыттар үшін инфрақұрылымды дамыту бойынша жол карталары әзірленді.Көрме аясында пленарлық отырыстар, роуд-шоу, семинарлар, тұсаукесерлер және басқа да салалық іс-шаралар өтеді.KITF – бұл меморандумдарға қол қою, елдер арасындағы өңіраралық және шекара маңы ынтымақтастығы бағдарламаларын дамыту үшін тамаша мүмкіндік.Қарағанды облысы кәсіпкерлік басқармасының ақпараты бойыншаАқпарат көзі : https://www.gov.kz/memleket/entities/karaganda/press/news/details/982512?lang=kk

23 сәуірде Қарағанды облысының тұрғындары Жеңіс күнінің 80 жылдығына арналған «Тарих үні» жалпыреспубликалық флешмобына белсене қатысты.Акция Жеңіс күнін мерекелеуге дайындықтың маңызды бөлігіне айналды және тарихи естелікті сақтауға, ардагерлердің ерлігін құрметтеуге және осы құндылықтарды жаңа ұрпаққа беруге бағытталған.Флешмоб аясында қатысушылар майдангерлердің естеліктерінен, майданнан келген хаттардан және Ұлы Отан соғысы кезіндегі мұрағат құжаттарынан қысқа, бірақ терең үзінділерді таңдады. Бұл мәтіндер дауыстап, жан-тәнімен және мәнерлеп оқылып, аудио мен бейнеге жазылды. Содан кейін қатысушылар #ГолосИстории80 және #ТарихҮні80 хештегімен әлеуметтік желілердегі жеке аккаунттарына жазбаларды жариялады.Қатысушылар арасында мектеп оқушылары мен студенттерден бастап ардагерлер мен қамқор азаматтарға дейін әр түрлі буын өкілдері болғаны өте қуанышты. Осылайша, Қарағанды облысының тұрғындары кезекті рет азаматтық белсенділігі мен тарихты дәріптейтінін көрсетті.Ақпарат көзі : https://www.gov.kz/memleket/entities/karaganda/press/news/details/982513?lang=kk

   2025 жылдың 21 сәуірінде Ұлы Отан соғысындағы Жеңістің 80 жылдық мерекесіне орай Қостанай облысы Әділет департаментінің жетекші маманы Челябі мемлекеттік университетінің Қостанай филиалында «Соғыс кезеңінің батырлары туралы» зияткерлік ойынын өткізді. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/982519?lang=kk

Қазақстан Республикасы ІІМ Ұлттық ұлан әскерлерін даярлаудың 2025 жылға арналған жоспарына сәйкес 6654 оқу бригадасында құқықтық тәртіп әскерінің орта медициналық персоналының біліктілігін арттыру бойынша оқу-әдістемелік жиын өтті. Бұған дейін ҚР ІІМ Ұлттық ұланында тактикалық медицина бойынша хаттама әзірлеу және бекіту туралы бастама көтергенін, сондай-ақ телемедицинаны дамытуды ұсынғанын атап өткен жөн. Оқу жиыны аясында эпидемиология, алғашқы медициналық көмек көрсету, медициналық қамтамасыз етуді ұйымдастыру және тактикалық медицина бойынша практикалық сабақтарға ерекше назар аударылды. Оқытудың бұл бағыты 2025 жылы Ұлттық ұлан жүйесінде тактикалық медицина қызметінің құрылуына тікелей байланысты болды.Бұл қызметтің мақсаты — жеке құрамды жауынгерлік жағдайларда медициналық көмек көрсету жөніндегі іс-қимылдарға оқыту болып табылады.Тактикалық медицина бойынша сабақтардың тәжірибелік бөлігі 6654 әскери бөлімінің оқу орталығында "Бүркіт"арнайы мақсаттағы бөлімшесі нұсқаушыларының қатысуымен өтті. Шынайы оқиғаларға барынша жақын жағдайларда әскери қызметшілер шұғыл көмек көрсету, гемостатикалық турникеттер салу дағдыларын, жаралыларды тасымалдау және эвакуациялау тәсілдерін пысықтады.- Төтенше жағдайларда алғашқы көмек көрсету бойынша әдістемелік дайындық жеке құрамда психологиялық тұрақтылықты қалыптастыруға, өзін - өзі ұстай білуге және стресс пен жауынгерлік факторлардың әсерінен тиімді әрекет ете білуге көмектеседі. Сонымен қатар, жауынгерлік шығындарды азайтуға ықпал етеді, - дейді Ұлттық ұлан Әскери-медициналық басқармасының бастығы Талғат Сыдырманов.Тактикалық дайындықтан басқа, жиын шеңберінде объектілердің санитарлық жай-күйін медициналық бақылау, дәрі-дәрмектермен жұмыс істеу тәртібі, жауынгерлік кезекшілік кезінде медициналық көмекті ұйымдастыру, санитарлық өңдеу, инфекциялар мен тамақтан уланудың алдын алу, сондай-ақ жаралар мен қан кетулер кезінде алғашқы көмек көрсету бойынша теориялық және практикалық сабақтар өтті.Айта кету керек, мұндай жиындарды өткізу Ұлттық ұлан жеке құрамының медициналық даярлығының жоғары деңгейін ұстап тұруда маңызды рөл атқарады және әскери қызметшілердің денсаулығы мен жауынгерлік дайындығын қамтамасыз етуге елеулі үлес қосады.ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/982525?lang=kk

Қаржылық мониторинг агенттігінің Қостанай облысы бойынша департаменті заңсыз микрокаржылық қызметін атқару фактісі бойынша сотқа дейінгі тергеу жүргіуде.Күдікті 2020 жылдан бастап тиісті лицензиясыз азаматтарға пайызбен және мүлік кепілдігімен «OLX» пен «Instagram» мобилді қосымшалары арқылы қарыз берген.Келісімшарт жасасу кезінде несиелік мәмілені заңды етіп көрсету үшін ол қарыз сомасын шын мәніндегі сомадан әлдеқайда көп етіп көрсеткен. Себебі бұл сомаға жылдық 100%-ға дейін баратын алдын ала есептелген сыйақылар енгізілген.Осылайша күдікті жалпы көлемі 100 миллион теңгеден астам қаражатты қарызға берген.Айта кету керек, оның заңсыз әрекеттерінің салдарынан қарапайым азаматтардың құқықтары мен мүдделері бұзылған. Олар қарыз алудың тиімсіз, ауыр шарттарының құрбанына айналған.Жедел қаржылық көмек іздеген олар жоғары пайыздық мөлшердер мен мүлкінен айырылу қаупі бар қаржылық тұзаққа түсткен.Заңсыз жолмен алынған табыстың көзін жасыру үшін күдікті таныс бухгалтерді тартқан. Бірігіп, олар ақшаны жылыстатудың схемасын жасап, табысты көлік жөндеу қызметімен айналысатын кәсіпорынның заңды кірісі ретінде көрсеткен.Ол үшін күдікті жеке кәсіпкер ретінде тіркеліп, шын мәнінде жұмыс істемейтін көлік жөндеу станциясының атынан фискалдық чектер шығарып отырған.Нәтижесінде, күдікті заңсыз қызметінен түскен 60,6 миллион теңгеден астам кірісті заңдастырған.Соттың санкциясымен тәркілеу мақсатында оның пәтеріне және банктік шоттарындағы 28 миллион теңге сомасындағы қаражатына тыйым салынды.Тергеу жұмыстары жалғасуда.ҚР Қылмыстық-процестік кодексінің 201-бабына сәйкес өзге ақпарат жариялауға жатпайды. ҚР ҚМА Баспасөз қызметі Ақпарат көзі : https://www.gov.kz/memleket/entities/afm/press/news/details/982538?lang=kk

2025 жылғы 21 мамырда Осакаров ауданының білім бөлімі инклюзивті білім беру мәселелері бойынша ата - аналар жұртшылығымен кезекті онлайн-кездесу өткізді. Кездесуге 18 қатысушы қатысты. Кездесу барысында қатысушылар бүгінгі күннің өзекті мәселесін – ерекше білім беру қажеттіліктері бар балалар үшін қорытынды аттестаттауды өткізу туралы.Қорытындысында ауданның ата-аналар жұртшылығы берілген ақпарат үшін алғыстарын білдірді.Ақпарат көзі : https://www.gov.kz/memleket/entities/edu-osakarovka/press/news/details/1002173?lang=kk

ҚР Жоғары Сот Кеңесінде Кеңес Төрағасы Д. Малаховтың бастамасымен «Заманауи коммуникациялар» тақырыбында семинар-тренинг өткізілді.Іс-шара бекітілген оқыту семинарларының кестесі шеңберінде ұйымдастырылып, «Халық үніне құлақ асатын мемлекет» Тұжырымдамасын іске асырудың бір бөлігіне айналды. Кеңес қоғаммен тұрақты және сенімді диалог орнатуға ұмтыла отырып, ашықтық пен айқындық қағидаттарын белсенді түрде енгізуде.Семинарды іскерлік және қоғамдық коммуникациялар бойынша шақырылған жаттықтырушы — маман, PR-технолог Ақерке Берлібай өткізді.Іс — шараның негізгі мақсаты- Кеңес мүшелерінің және оның аппаратының қызметкерлерін тиімді, ашық және нәтижелі коммуникация құру дағдыларын дамыту.Тренинг барысында қатысушылар көпшілік алдында сөйлеу және аудиториямен жұмыс істеу дағдыларын пысықтады: сөйлеуді құрылымдауды, тыңдаушылардың назарын аударуды, әңгімелесу динамикасын басқаруды және күрделі сұрақтарға жауап беруді, сондай-ақ презентация форматын әртүрлі мақсатты топтарға бейімдеуді үйренді.Тікелей диалог билік пен қоғам арасындағы кері байланыстың негізгі нысандарының бірі ретінде азаматтарды жеке қабылдауға ерекше назар аударылды.Семинарға Жоғарғы Сот Кеңесінің мүшелері мен Кеңес аппаратының қызметкерлері қатысты.                                                                   Ақпарат көзі : https://www.gov.kz/memleket/entities/vss/press/news/details/982567?lang=kk

Ә.Тәжібаев атындағы облыстық әмбебап ғылыми кітапханасында Ұлттық кітап күніне орай «Үздіктер салтанаты» атты фестиваль өтті.Шараға облыс әкімінің орынбасары Шахмардан Байманов, облыстық ардагерлер кеңесінің төрағасы Серік Дүйсенбаев, «AMANAT» партиясы Қызылорда облыстық филиалының төрағасы Алмасбек Есмаханов және зиялы қауым өкілдері, оқырмандар қатысты.Фестивальде Шахмардан Байманов сөз сөйлеп, Ұлттық кітап күніне арналған облыс әкімі Нұрлыбек Машбекұлының құттықтауын жеткізді.–Бұл күн Мемлекет басшысы Қасым-Жомарт Кемелұлының үшінші Ұлттық құрылтайда қоғамда оқу мәдениетін қалыптастыру мақсатында берген тапсырмасына сәйкес белгіленді.Бүгінде облыстағы 209 кітапханада 5 миллионға жуық кітап қоры бар. Былтыр облыста жарияланған «Руханият жылы» аясында аймақ басшысы Нұрлыбек Машбекұлының тікелей бастамасымен аудандарда салынған «Руханият орталықтарына» аудандық кітапханалар да көшірілді. Осылайша кітапхана ісін дамыту, халықтың оқу белсенділігін арттыру бағытында мәдени жауһарлар, рухани құндылықтар, экспонаттар мен басқа да түрлі жәдігерлер, мәдени мұралар бір жерге шоғырландырылды. Бұрын аудандық кітапханалардың қор бөлімдерінің сыйымдылығы 55 мың кітапқа арналса, жаңа ғимаратта 200 мың кітап сақтауға мүмкіндік бар, – деді облыс әкімінің орынбасары.Айта кетейік, аймақ басшысы Нұрлыбек Нәлібаев облыстық кітапханаға өзінің жеке кітапханасынан 700-ден астам кітапты сыйға тартты.Іс-шарада тұрақты оқырмандар мен мәдени-көпшілік шараларға белсенді қатысатын азаматтар «Үздік оқырман-2025», «Отбасылық оқудың қуанышы», «Ардагер оқырман», «Ең көп оқитын отбасы», «Ең кішкентай оқырман», «Белсенді оқырман» номинацияларымен марапатталды.Сондай-ақ, кітапхана ғимаратының алаңында «Кітап – жан азығы, өмір қазығы» атты көрме, жас ақындар аллеясы, «Менің сүйікті кейіпкерім» тақырыбында асфальтқа сурет салу, «Кітапханаға кітап сыйла» акциялары, «Арт-территория» шығармашылық алаңы және түрлі интеллектуалды ойындар мен кітап инсталляциялары көпшілік назарына ұсынылды. Мерекелік жиын концерттік бағдарламаға ұласты.Айта кетейік, Ұлттық кітап күніне орай барлық аудандағы "Руханият орталықтарында" іс-шаралар ұйымдастырылып, кітап оқудың маңызы насихатталды.Ақпарат көзі : https://www.gov.kz/memleket/entities/kyzylorda/press/news/details/982572?lang=kk

Құрметті пайдаланушылар!        Қазақстан Республикасы Қаржы министрлігі Мемлекеттік кірістер комитеті 2025 жылғы 22 сәуір сағат 21:00 бастап 22:00-ға дейін "Орталықтандырылған сәйкестендірілген дербес шоттар" ақпараттық жүйесінде (ОСДШ АЖ) техникалық жұмыстар жүргізілетінін хабарлайды.    Осыған байланысты, жоғарыда көрсетілген кезеңде ОСДШ АЖ ақпараттық жүйесінің сервистері қолжетімсіз болады.Тудырған қолайсыздықтар үшін кешірім сұраймыз.Ақпарат көзі : https://www.gov.kz/memleket/entities/kgd-zhambyl/press/news/details/982320?lang=kk

Құрметті пайдаланушылар!Қазақстан Республикасы Қаржы министрлігі Мемлекеттік кірістер комитеті2025 жылғы 23 сәуірде сағат 18:00 бастап 22:00-ге дейін «Бірыңғай деректер қоймасы» ақпараттық жүйесінде (АЖ БДҚ) техникалық жұмыстар жүргізілетінін хабарлайды.Осыған байланысты, жоғарыда көрсетілген кезеңде АЖ «БДҚ» ақпараттық жүйесінің сервистері қолжетімсіз болады.Тудырған қолайсыздықтар үшін кешірім сұраймыз!Ақпарат көзі : https://www.gov.kz/memleket/entities/kgd-zhambyl/press/news/details/982333?lang=kk

АҚПАРАТТЫҚ ХАБАРЛАМА Отандастарымыздың зейнетақы жинақтары 22,75 трлн теңгеге жетті  2025 жылғы 1 сәуірдегі жағдай бойынша қазақстандықтардың шоттарына түсетін жарналардан және инвестициялық кірістерден жинақталған зейнетақы жинақтарының көлемі  22,75 трлн теңгеге жетті. Бір жылда 3,86 трлн теңгеге немесе 20,5%-ға артты.Міндетті зейнетақы жарналары есебінен қалыптасқан зейнетақы жинақтарының көлемі 2025 жылдың 1 сәуіріне - 21,76 трлн теңге. 12 айдағы өсімі – 19,3%.Міндетті кәсіптік зейнетақы жарналары (МКЗЖ) есебінен зейнетақы жинақтары – 653,83 млрд теңге, 12 айдағы өсім – 9%.Өткен бір жыл ішінде ең үлкен өсімді (39,5%) ерікті зейнетақы жарналары (ЕЗЖ) бойынша жинақтар көрсетті, 2025 жылдың 1 сәуіріне олардың көлемі 8,19 млрд теңге.Салымшылардың (алушылардың) зейнетақы шоттарына 2024 жылғы 1 қаңтардан түсе бастаған жұмыс берушінің міндетті зейнетақы жарналары (ЖМЗЖ) 2025 жылдың 1 сәуіріне  329,12 млрд теңге болды.ТүсімдерЗейнетақы жинақтарының көлемі зейнетақы жарналары мен инвестициялық кіріс түріндегі кіріс ағындары есебінен ұлғаяды. Бұл ретте салымшылардың жеке және шартты шоттарына есепті жыл ішінде түскен қаражат мөлшері – 762,22 млрд теңге (өткен жылмен салыстырғандағы өсім 22,2% немесе 138,62 млрд теңге).Жыл басынан бері МЗЖ есебі жүргізілетін жеке зейнетақы шоттарына (ЖЗШ) 2025 жылдың 1-сәуіріне 630,91 млрд теңге (өткен жылдың сәйкес кезеңімен салыстырғанда МЗЖ көлемі 13,3%-ға ұлғайды), МКЗЖ – 35,31 млрд теңге (өсім - 22,4%), ЕЗЖ - 809 млн теңге (өсім - 14,8%) түсті. 2025 жылдың алғашқы 3 айында ЖМЗЖ есебінен жарналар 95,18 млрд теңгені құрады. Төлемдер мен аударымдар2025 жылдың 3 айында БЖЗҚ-дан жарналардың барлық түрлері бойынша жасалған төлемдер мен сақтандыру ұйымдарына аударымдар 371,44 млрд теңгені құрады. Бұл былтыр жасалған төлемдер көлемінен 92,5% немесе 178,47 млрд теңгеге көп.Төлемдердің басым бөлігі тұрғын үй жағдайларын жақсартуға және емделуге арналған біржолғы зейнетақы төлемдерінің (БЗТ) еншісінде – 219,10 млрд теңге.  Зейнет жасына толуына байланысты төлемдер жыл бойына 23,10% ұлғайып, 01.04.2025ж. 56,40 млрд теңгеге жетті. БЖЗҚ-дан зейнет жасына толуына байланысты берілетін орташа айлық төлем – 35 638 теңге. Жыл басынан бастап 01.04.2025ж. дейін мұрагерлік бойынша төлемдер – 16,63 млрд теңге, ҚР шегінен тыс тұрақты тұруға кетуге байланысты төлемдер – 8,46 млрд теңге, мүгедектігі бар адамдарға төлемдер – 801,25 млн теңге, жерлеуге төлемдер – 2,63 млрд теңге жүзеге асырылды. Сақтандыру ұйымдарына 67,43 млрд теңге сомасы аударылды. ЖЗШ саны2025 жылдың 1 сәуіріндегі жағдай бойынша БЖЗҚ-дағы зейнетақы шоттарының жалпы саны - 17,44 млн. бірлік (жыл бойғы өсім – 1,66 млн бірлік немесе 10,5%). Бұл ретте салымшылардың (алушылардың) БЖЗҚ-дағы ЖЗШ саны 2025 жылдың 1 сәуіріне 12,54 млн бірлік болды. Оның ішінде: 11,17 млн - МЗЖ бойынша, 729,35 мыңы - МКЗЖ бойынша, 446,65 мыңы - ЕЗЖ есептелетін шоттар.Ал БЖЗҚ-дағы Қазақстан Республикасының заңнамасына сәйкес келіп түскен ЖМЗЖ туралы мәліметтер ескерілетін шартты зейнетақы шоттарының саны -  4,91 млн бірлік.  Зейнетақы активтеріне қатысты барлық өзекті ақпарат, соның ішінде республика өңірлері бойынша мәліметтер enpf.kz сайтындағы «Көрсеткіштер» бөлімінде орналастырылған.  БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).    Ақпарат көзі : https://www.gov.kz/memleket/entities/vko-tarbagatay/press/news/details/994380?lang=kk

📢ҚЫЗЫЛТӨБЕ АУЫЛЫ ТҰРҒЫНДАРЫ НАЗАРЫНА!🔸Қазақстан Республикасының 2001 жылғы 23 қаңтардағы “Қазақстан Республикасындағы жергілікті мемлекеттік басқару және өзін-өзі басқару туралы” заңының талаптарына сай, ағымдағы жылдың сәуір айының 25 күні сағ 10:00-де Қызылтөбе ауылдық округі әкімі аппаратының ғимаратында жергілікті қоғамдастықтың мүшелерінің қатысуымен жиналыс өтеді. 🔸Жиналыстың күн тәртібінде келесі мәселелер талқыланатын болады: - Ағымдағы жылы жоспарланған композиция орнатуды шағын саябақ салуға ауыстыру.- Қызылтөбе-2, Қызылтөбе-3 елді мекенінің атауын беру- 2025 жылға арналған жылжымайтын мүлік салығы бойынша аймақтарға бөлу коэффициентін бекіту.- ⁠Ағымдағы жылдың басқа да өзекті мәселелеріАқпарат көзі : https://www.gov.kz/memleket/entities/mangystau-munaily-qyzyltobe/press/news/details/982362?lang=kk

Стокгольм, 2025 жылғы 23 сәуір – Швециядағы (Дания бойынша қоса атқарушы) Қазақстан Республикасының Елшісі Олжас Сүлейменов Данияның «Силькеборг» клубында ойнайтын қазақстандық футболшы Рамазан Оразовпен кездесу өткізді.Кездесу барысында Елші Р.Оразовқа шетелде Қазақстанның спорттық имиджін дамытуға қосқан үлесі үшін алғысын білдіріп, қазақстандық спортшылардың халықаралық лигаларға қатысуы мәдени байланыстарды нығайту және ұлттық спортты насихаттау үшін маңызды екенін атап өтті.Р.Оразов - жартылай қорғаушы, Қазақстанның түрлі клубтарында және ұлттық құрамасында ойнаған тәжірибелі спортшы. Оның кәсіби шеберлігі мен спорттағы жетістіктері Қазақстанның халықаралық аренадағы оң имиджін нығайтуға үлес қосуда. Ақпарат көзі : https://www.gov.kz/memleket/entities/mfa-stockholm/press/news/details/982372?lang=kk

Бүгін Алматы қаласының Алатау ауданындағы комьюнити орталығында «Сыбайлас жемқорлыққа қарсы волонтерлік» жобасының фронт-офисі ашылды. Жоба Алматы қаласы әкімдігі мен ҚР Сыбайлас жемқорлыққа қарсы іс-қимыл агенттігінің Алматы қаласы бойынша департаментінің қолдауымен жүзеге асырылып келеді.Ашылу рәсіміне ҚР Сыбайлас жемқорлыққа қарсы іс-қимыл агенттігінің Алматы қаласы бойынша департаменті Превенция басқармасының басшысы Қанат Сәлімбаев, белсенді волонтерлер мен қоғам өкілдері қатысты.Салтанатты шара барысында Қанат Сәлімбаев жоба аясында атқарылған жұмыстарға тоқталып, оның негізгі бағыттарын нақтылап өтті. Сонымен қатар, волонтерлерге тәжірибелік кеңестер беріп, бастамаларына сәттілік тіледі.«Бұл фронт-офистер жастардың сыбайлас жемқорлыққа қарсы мәдениетін қалыптастыруға, азаматтық жауапкершілігін арттыруға арналған маңызды алаң. Волонтерлер – қоғамдық сананы жаңартатын, өзгеріс әкелетін жаңа буын өкілдері», – деді Қанат Сәлімбаев.Айта кетейік, жоба іске қосылғаннан бері Алматы қаласындағы  комьюнити орталықтарында, жоғары оқу орындарында 200-ден астам волонтер бірігіп, 10-нан астам семинар, дөңгелек үстел және ақпараттық кездесу өткізген. Аталған шаралар арқылы 1 000-нан астам азамат қамтылды. Волонтерлер қоғаммен тығыз байланыста жұмыс істеп, тек ақпараттық-ағартушылық шаралармен шектелмей, нақты нәтижелерге де қол жеткізуде.Мәселен, жоба басталғалы бері жалпы сомасы 2,3 млрд теңгеге бағаланған артық бағамен сатып алу әрекеттері анықталып, тиісті органдардың назарына ұсынылды. Бұл – волонтерлердің сыбайлас жемқорлықтың алдын алуға бағытталған нақты үлесінің айқын көрінісі.Ұйымдастырушылардың айтуынша, мұндай фронт-офистер алдағы уақытта қаланың барлық ауданында ашылады. Бұл бастама жастардың белсенділігін арттырып қана қоймай, қоғамда әділдік, ашықтық пен сенім атмосферасын қалыптастыруға серпін бермек.Ақпарат көзі : https://www.gov.kz/memleket/entities/anticorruption-almaty/press/news/details/982376?lang=kk

Өтініштерді қабылдау және лицензиялар беру www.egov.kz электронды үкімет веб-порталы, «Е-лицензиялау» мемлекеттік деректер базасы АЖ, http://internal.elicense.kz арқылы жүзеге асырылады.Қазақстан Республикасының Қаржы министрлігі Мемлекеттік кірістер комитетінің облыстар, Астана, Алматы және Шымкент қалалары бойынша аумақтық органдары алкоголь өнімін сақтауға, көтерме және бөлшек саудада өткізуге лицензия береді (беру мерзімі – 1 (бір) жұмыс күнінен кешіктірмей).Астанада, республикалық және облыстық маңызы бар қалаларда алкоголь өнімдерін сақтауға және бөлшек саудада өткізуге лицензия бергені үшін лицензиялық алымның мөлшерлемесі – 100 АЕК;аудандық маңызы бар қалалар мен ауылдарда – 70 АЕК;ауылдық жерлерде – 30 АЕК.Алкоголь өнімдерін сақтауға және көтерме саудаға лицензия беру үшін лицензиялық алым мөлшерлемесі – 200 АЕК құрайды.Құжаттар тізбесі:- электронды құжат түріндегі өтініш;- лицензиялық алымның бюджетке төленгенін растайтын құжаттың электрондық көшірмесі;денсаулық сақтау, білім беру ұйымдарының, денешынықтыру-сауықтыру, спорттық және спорттық-техникалық құрылыстардың, автожанармай құю станцияларының, сауда базарларының, мәдени-демалыс ұйымдарының ғимараттарынан тысқары және аумақтарында орналасқан, меншік құқығындағы немесе уақытша иелік ету (пайдалану), өтеусіз пайдалану құқығындағы, тұрақты тұруға қарағанда өзге мақсатқа пайдалануға арналған стационарлық үй-жайлар (бөлшек саудада өткізу үшін), қойма үй-жайларын (көтерме саудада өткізу үшін) шартының электрондық көшірмесі;- біліктілік талаптарына мәліметтер нысаны электрондық құжат нысанында толтырылады.Анықтама үшін: Алым сомалары белгіленген мөлшерлемелер бойынша есептеледі және уәкілетті мемлекеттік органға тиісті құжаттарды тапсырғанға дейін немесе лицензияны алғанға дейін алым төлеушінің орналасқан жері бойынша төленеді (БСК 105402).Алкоголь өнімін бөлшек саудада өткізу – алкоголь өнімін кейіннен тұтыну немесе коммерциялық емес пайдалану үшін фискальдық жады бар бақылау-касса машинасымен жарақтандырылған, сауда залымен жабдықталған стационарлық үй-жайларда және мейрамханалар, барлар мен дәмханалар аумағында, сондай-ақ жолаушылар тасымалдайтын әуе кемелерінде, жолаушылар тасымалдайтын теңіз көлігі кемелерінде, жолаушылар пойызының вагон-мейрамханаларында жүзеге асырылатын сату.Алкоголь өнімін көтерме саудада өткізу – алкоголь өнімін лицензияда көрсетілген мекенжай бойынша қойма үй-жайларынан шектеусіз көлемде босату.   Ақпарат көзі : https://www.gov.kz/memleket/entities/kgd/press/news/details/982412?lang=kk

Жетісу облысының Сәкен Сейфуллин атындағы орталық кітапханасының зағип және нашар көретін азаматтарға арналған бөлімінде қазақтың көрнекті жазушысы, қоғам қайраткері, XX ғасырдағы қазақ әдебиетінің ірі тұлғаларының бірі – Сәбит Мұқановтың туғанына 125 жыл толуына орай «Қазақтың ұлттық әдебиетінің майталманы» атты тарихи сағат өткізілді.Шара барысында бөлім меңгерушісі Гаухар Скабайқызы қатысушыларға жазушының өмірі мен шығармашылық жолы жайлы кеңінен әңгімелеп берді. Сәбит Мұқанов – тек жазушы ғана емес, сонымен қатар қазақ әдебиетінің дамуына зор үлес қосқан ғалым, ұстаз, қоғам қайраткері. Оның шығармаларында қазақ халқының тұрмыс-тіршілігі, салт-дәстүрі, тарихи оқиғалар мен заман тынысы кеңінен көрініс табады.Іс-шара барысында жазушының еңбектері, атап айтқанда «Ботагөз», «Сұлушаш», «Аққан жұлдыз» романдары мен өмірбаяндық жазбалары жөнінде мағлұматтар беріліп, қатысушылар оның шығармаларынан үзінділер тыңдады.Ақпарат көзі : https://www.gov.kz/memleket/entities/zhetysu-archive/press/news/details/982417?lang=kk

Астана, 2025 жылғы 23 сәуір – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Пәкістан Ислам Республикасының Қарулы күштері Құрлық әскерлерінің бас қолбасшысы Сайед Асим Мунирмен кездесу өткізді.Тараптар Қазақстан мен Пәкістан арасындағы серіктестіктің жай-күйі мен даму перспективаларын талқылап, екі ел арасындағы сауда-инвестициялық және көлік-логистикалық ынтымақтастық мәселелеріне ерекше назар аударды.Атап айтқанда, екіжақты іскерлік байланыстардың әлеуетін ашуға ықпал ететін транзит-көліктік өзара іс-қимылын кеңейту мүмкіндіктері және осы бағыттағы нақты жобалар қарастырылды.М.Нұртілеу ауыл шаруашылығы, логистика, денсаулық сақтау, фармацевтика және ақпараттық технологиялар салаларындағы бірлескен жобаларды іске асырудың маңыздылығын атап өтті.Ақпарат көзі : https://www.gov.kz/memleket/entities/mfa/press/news/details/982440?lang=kk

2025 жылғы 14-17 сәуір аралығында Халықаралық азаматтық авиация ұйымы (бұдан әрі – ИКАО) жанындағы Қазақстан Республикасының Тұрақты өкілі Тимур Тлегенов Формальдылықты оңайлату жөніндегі ИКАО конференциясына (FALC-2025) қатысу үшін Катар Мемлекетінің астанасы Доха қаласына жұмыс сапарымен барды.Іс-шараға ИКАО Кеңесінің президенті Сальваторе Шаккитано, ИКАО Бас хатшысы Хуан Карлос Саласар, Катар Көлік министрі шейх Мұхаммед бен Абдалла бен Мұхаммед Әл Тани, Катар Авиациялық билігінің президенті Мұхаммед Фалех Әл Хажри, сондай-ақ басқа мемлекеттердің авиациялық билік органдарының басшылары, көлік және азаматтық авиация министрлері мен вице-министрлері, ИКАО-ға мүше елдердің тұрақты өкілдері және ИКАО құрылымдық бөлімшелерінің басшылары мен БАҚ өкілдері қатысты.Қазақстандық делегацияның құрамында министрлердің қатысуымен өткен жоғары деңгейлі отырысында баяндама жасаған Көлік вице-министрі Талғат Ластаев, Көлік министрлігі Азаматтық авиация комитетінің төрағасы Салтанат Томпиева және «Қазақстанның авиациялық әкімшілігі» АҚ өкілдері болды.Конференция алаңында қазақстандық делегация ИКАО Бас хатшысы Хуан Карлос Саласармен кездесті.ИКАО басшысы өткен жылдың желтоқсан айында Ақтау қаласында Әзербайжан әуе көлігінің апатқа ұшырау себептері туралы алдын ала жарияланған баяндаманы және осы авиациялық оқиғаға тергеу жүргізу бойынша атқарылған жұмыстардың нәтижелерін жоғары бағалады. Қазақстанның азаматтық авиацияны дамытудағы өңірдегі көшбасшылығы аталып, Қазақстанның азаматтық авиациясын дамытудың Мастер-жоспарын әзірлеу және Қазақстанда өңірлік ИКАО іс-шараларын өткізудегі ынтымақтастық талқыланды.Қазақстандық тарап ИКАО бастамаларын қолдауға өзінің бейілділігін растады.Сонымен қатар, Әуе көлік бюросының (ATB) директоры Мұхамед Рахмамен және Катар Мемлекетінің авиациялық билік органдарының басшысымен кездесулер өтті. Олардың барысында Әмбебап аудит бағдарламасы (USAP-CMA) аясында Қазақстандағы алдағы ИКАО-ның авиациялық қауіпсіздік бойынша аудит мәселелері мен халықаралық авиация саласындағы өзара қолдау және екіжақты ынтымақтастықтың өзекті мәселелері талқыланды.Конференция барысында мемлекеттік шекараны кесіп өту кезінде әуежайдағы формальдылықты жеңілдету, жолаушыларды идентификациялау, төлқұжаттарды тексеру және т.б. кең ауқымды мәселелердің қарастырылғанын бөлек атап өткен жөн.Конференцияға қатысушылар формальдылықты жеңілдету жүйесін одан әрі жетілдіру бойынша өздерінің ой-пікірлерімен және көзқарастармен бөлісті.Конференцияның қорытындысы бойынша Дохалық декларация қабылданды.Ақпарат көзі : https://www.gov.kz/memleket/entities/kazakhstanicao/press/news/details/982453?lang=kk