10 сәуір мен 6 мамыр аралығында еліміздің барлық өңірлерінде балаларды қорғауға бағытталған жедел алдыналу іс-шарасы өтуде.Іс-шараның мақсаты:жасөспірімдер арасындағы құқықбұзушылықтардың алдын алу, отбасындағы қиын жағдайларды анықтау,көмекке мұқтаж жандарға қолдау көрсету.Полиция мен мемлекеттік органдар не істейді:мектептер мен аулаларды аралайды,балалар және ата-аналармен түсіндіру жұмыстарын жүргізеді,есепте тұрған отбасыларды тексереді,жасөспірімдердің қайда, кіммен жүргенін қадағалайды,тәрбиелеу мен қауіпсіздікке назар аударады.Құрметті ата-аналар!Балаларыңыздың қайда, кіммен жүргеніне жауапкершілікпен қараңыздар!Сенімді қарым-қатынас орнатыңыз!Есіңізде болсын: сіздің назарыңыз — балаға ең жақсы қорған!Бірге!Балалық шақты қауіпсіз етейік.#ЖасөспірімІсшарасы #БалаларҚауіпсіздігі#АлдынАлу #ЖауаптыАтаАна#Қазақстан #ЖасөспірімдерАқпарат көзі : https://www.gov.kz/memleket/entities/almaty-almaly/press/news/details/976083?lang=kk

Скопье, 2025 жылғы 9 сәуір – Қазақстанның Солтүстік Македониядағы Елшісі Сатыбалды Бұршақов «Alkaloid» фармацевтикалық компаниясында болды.Компанияның президенті және басқарушысы Живко Мукаетовпен кездесу барысында Елші Қазақстанның сыртқы және ішкі саясаттағы, сондай-ақ еліміздің әлеуметтік-экономикалық дамуындағы жетістіктері туралы хабардар етті. Қазақстандық дипломат денсаулық сақтау саласы Қазақстанның инвестициялық даму күн тәртібіндегі басым бағыттардың бірі болып табылатынын атап өтті. Македониялық компанияның өкілдерін еліміздегі фармацевтикалық бизнес үшін бәсекелестік артықшылықтармен таныстырып, олардың ішінде аймақтық нарықтарға қол жеткізу, дамыған логистика, салық және кедендік жеңілдіктер сияқты артықшылықтар бар екенін айтты.Өз кезегінде Ж.Мукаетов Елшіні Alkaloid компаниясының 88 жылдық тарихымен таныстырып, фармкомпанияның ағымдағы қызметі және оның алдағы жоспарлары туралы ақпаратпен бөлісті. Әлемнің 20 елінде тіркелген «Alkaloid», Қазақстан азаматтары үшін қосымша жұмыс орындарын құра отырып, Алматыдағы өз өкілдігін кеңейткенін хабарлады.  Елші Alkaloid президентіне ү.ж. 29-30 мамырда өтетін Астана халықаралық форумына ресми шақыру табыс етті.Фармацевтикалық компанияға сапары барысында Қазақстан Елшісі компанияның еуропалық және халықаралық стандарттарға сай келетін өндірістік-технологиялық желілермен, зертханалары және ғылыми-зерттеу орталықтарымен танысты.Анықтама: «Алкалоид» - 80 жылдан астам уақыт бойы медициналық препараттар, өсімдіктерге күтім жасау құралдары, косметика және тұрмыстық химия өнімдерін өндірумен айналысатын македониялық фармацевтикалық компания.Ақпарат көзі : https://www.gov.kz/memleket/entities/mfa-skopje/press/news/details/976082?lang=kk

Бүгін аймақ басшысы Нұрлыбек Нәлібаевтың тапсырмасына сәйкес облыстық мәслихат төрағасы мен облыс әкімінің орынбасарлары, облыс әкімі аппаратының басшысы Қызылорда қаласындағы нысандарды аралап, құрылыс жұмыстарының барысын тексерді.Алдымен «Қорқыт Ата әуежайының» жаңа терминалы мен "Өнер орталығына" барды. Жаңа терминалға «Болат Өтемұратов қоры» 16,6 млрд теңге инвестиция салды, жергілікті бюджеттен инженерлік-коммуникациялық инфрақұрылымға 4,3 млрд теңгеден астам қаражат бөлінді. Ал, 1000 келушіге арналған "Өнер орталығы" былтыр пайдалануға берілді. Зәулім ғимаратта симфониялық, эстрадалық және ұлттық өнер бағытындағы концерттік бағдарламалар, түрлі форматтағы қоғамдық іс-шаралар өткізілуде.«Жаңадария», «Сыздық», «Шіркейлі» каналдарындағы көпірлерді қайта жаңғырту қарқын алған. «BSJ инжиниринг» ЖШС «Жаңадария» каналындағы көпірді жаңғыртуда. Осы көпірмен тұрғындар «АвтоЦонға», «Қорқыт ата әуежайына» Амангелді, «Бесарық», «Иіркөл», «Қоғалыкөл», «Жетікөл», «Айдарлы» елді мекендеріне, қала маңындағы саяжайларға қатынайды. «Сыздық», «Шіркейлі» каналдарындағы жұмысты «Жылу 21» ЖШС қолға алған.Сонымен қатар, 13,5 шақырым автокөлік жолын төрт жолақты етіп қайта жаңғыртуға бюджеттен қаржы қаралған. Қазіргі таңда құрылыс аймағы қоршалып, каналдың арнасына су өткізу құбырлары салынды. Одан кейін жұмысшы топ нан, кондитерлік және макарон өндіру кешенінің, 11 мың орындық жаңа стадионның, физика-математика мектеп-интернатының, музыкалық колледждің құрылысына барды.Нан, кондитерлік және макарон өндіру кешенінің жоба бастамашысы «Қызылорда Нан» серіктестігі 3,8 млрд теңгеге аумағы 6166 шаршы метр нысан салуда. Кондитерлік цехта жылына 2520 тонна өнім дайындалады. Ал, макаронның 15-тен астам түрін шығару жоспарланған.Сол жағалаудағы жаңа стадионның шығыс және батыс трибуналарының металл конструкцияларын монтаждау аяқталып, қабырғасы мен ішкі бөлімдері, сыртқы витраждары қалануда. Сыртқы инженерлік желілер жеткізілген. Жылу, су құбырлары, электр, желдеткіштің ішкі желілері орнатылуда. Ғимараттың сыртқы қабырғасы, ішкі инженерлік желілерін жүргізу аяқталып, футбол алаңын монтаждау және абаттандыру басталады. Физика-математика мектеп-интернаты құрылысы өткен жылы басталған, биыл аяқталады деп жоспарлануда. Ал, музыкалық колледждің құрылысы былтыр басталды. «Саутс Ойл» компаниясының демеушілігімен қолға алынған оқу орнының жаңа ғимаратын бас мердігер «Алтын констркшн» ЖШС жуырда пайдалануға береді.Ақпарат көзі : https://www.gov.kz/memleket/entities/kyzylorda/press/news/details/976073?lang=kk

Литва, Португалия және Түркияның жоғары аудит органдарының мамандары Португалия Аудиторлар сотының вице-президенті Антонио Мартинстың басшылығымен ҚР Жоғарғы аудиторлық палатасының қызметін «дәрежесі бойынша тең» форматында тексерудің 2-кезеңін өткізу үшін Астанаға жұмыс сапарымен келді. Бұл топтың елімізге алғашқы жұмыс сапары 2024 жылғы шілдеде өткен болатын.Аудиттің халықаралық стандарттарына сәйкестігін анықтауға бағытталған мұндай тексерулерді көптеген ел белгілі бір кезең сайын өткізіп отырады. Бағалауды «дәрежесі бойынша тең» шетелдік ведомстволардың өкілдері жүргізеді. Бұл бағалаудың сапасы мен объективтілігін қамтамасыз етеді. Мұндай шаралар тәжірибе алмасуға және қабылдаушы елде мемлекеттік аудит деңгейін арттыруға септігін тигізеді.Жұмыс сапары барысында шетелдік аудиторларЖоғары аудиторлық палата төрағасы және мүшелерімен, сондай-ақ негізгі мүдделі тараптармен және аудит объектілерімен кездесті. Атап айтқанда, Мәжіліс депутаттары, Қаржы министрлігінің қызметкерлері және Astana Hub технопаркінің өкілдерімен кездесулер өтті.Серіктес елдердің жоғары аудит органдарының өкілдері Жоғары аудиторлық палатаның жұмысын терең зерделеді. Олар аудиттердің сапасы қалай қамтамасыз етілетінін, әдістеменің қандай қағидаттарға негізделетінін, тексерілетін нысандар қалай таңдалатынын және басқа да мәселелерді талдады. Ішкі бақылау жүйесіне, аудит процестеріне және нақты тексерулердің материалдарына ерекше назар аударды. Сонымен қатар сарапшылар Палатаның қоғаммен байланыс тәсілдерін және цифрлық шешімдерді енгізуін бағалады.Шетелдік аудиторлармен кездесуде Әлихан Смайылов Жоғарғы аудиторлық палатаның объективті талдамалық орталық ретіндегі рөлін біртіндеп нығайтып келе жатқанын атап өтті.«Біз аудит есептерінде тексерушілік функциялардан алыстап, экономиканың нақты салаларында немесе жекелеген өңірлерде реформалардың орындалуына баға беруге ерекше назар аударудамыз. Осы жұмысты үйлестіру үшін Жоғары аудиторлық палата мүшелері экономиканың әрбір саласына жеке жауапты болады», — деді ол.«Дәрежесі бойынша тең» тексерудің қарқыны мен ауқымын жоғары бағалаған Әлихан Смайылов бұл шараның Қазақстандағы мемлекеттік аудит жүйесін дамыту үшін маңызы зор екенін айтты.«Сіздердің бұл сапарларыңыз Жоғарғы аудиторлық палатаның жұмысын жетілдіруге бағытталған аса маңызды әрі пайдалы ұсынымдарды қалыптастыруға мүмкіндік беретініне сенімдімін», — деді ҚР Жоғары аудиторлық палатасының төрағасы.Келесі жұмыс сапары 2025 жылғы қазан айына жоспарланған. Жиында «дәрежесі бойынша тең» форматында жүргізілген тексерудің есебі қорытындыланады.Telegram-каналға жазылуАқпарат көзі : https://www.gov.kz/memleket/entities/esep/press/news/details/976007?lang=kk

2025 ж. 12 сәуірде Швеция астанасының жетекші мәдени орталықтарының бірінде көктемнің, жаңарудың және үндестіктің ежелгі мейрамы — Наурыз салтанатты түрде аталып өтті. Бұл жарқын шараға жүзден астам қонақ — мәдени және қоғамдық ұйымдардың өкілдері мен Қазақстанның достары жиналды. Олардың бәрін мәдени сан алуандыққа құрмет және өзара түсіністікке ұмтылыс біріктірді.Іс-шараның бастамашылары мен ұйымдастырушылары – Швециядағы «Достар» қазақстандықтар қауымдастығы, Швециядағы Қазақ мәдениеті қауымдастығы және Қазақстанның Швециядағы Елшілігі болды.Табиғаттың оянып, жаңа өмір кезеңінің басталуын бейнелейтін Наурыз осы күні диалог, мәдени алмасу және адам арасындағы байланысты нығайтудың алаңына айналды.Құттықтау сөздерде Наурыздың біріктіруші және жасампаз мәні, келісім, үміт және дәстүрлерге құрмет философиясы ерекше аталды.Іс-шараны ашқан Қазақстанның Елшісі Наурыздың бейбітшілік пен келісімнің символы ретіндегі маңызын атап өтіп, оның Қазақстан мен Швеция арасындағы мәдени байланыстарды дамытудағы рөлін ерекше атап көрсетті.Қонақтар қазақтың дарқан қонақжайлығын сезініп, ұлттық тағамдардан дәм татты — наурыз көже, палау, шығыс тәттілері мен шай шөлмектеліп, оңтүстік даланың стилінде ұсынылды. Бағдарлама ұлттық аспаптар — домбыра мен қобыздың сүйемелдеуімен орындалған музыкалық қойылымдармен және ересектер мен балалар да қуана қатысқан әсерлі ұлттық билермен толықты.Мерекенің ерекше сәті — Димаш Құдайбергеннің шведтік жанкүйерлер клубының мүшелері швед халық әнін қазақ тілінде орындап, Абайдың “Көктем” өлеңінің швед тіліне аудармасын таныстырған сәт болды. Бұл қадам — халықтар арасындағы мәдени сұхбат пен өзара ықыластың жарқын белгісі болды.Мереке аясында арнайы интерактивті аймақтар ұйымдастырылды — көркемөнер шеберлік сыныптары, караоке және “тілек қабырғасы”. Қонақтар ұлттық киімдер мен дәстүрлі тұрмыс заттары қойылған фотоаймақта естелік суретке түсіп қана қоймай, қазақ мәдениетінің эстетикасын да терең сезіне алды.Наурыз мейрамының Швецияда аталып өтуі — көпұлтты қоғамда мәдени дәстүрлерді сақтау маңызын айқындап, халықтар арасындағы өзара түсіністік пен достықты нығайтуға сеп болды. Бұл іс-шара мәдени мұраның ынтымақтастық, құрмет пен өзара баюдың алтын көпіріне айнала алатынын айқын көрсетті.Ақпарат көзі : https://www.gov.kz/memleket/entities/mfa-stockholm/press/news/details/976003?lang=kk

Жақсы ауданының әкімдігі «Сыбайлас жемқорлыққа қарсы іс-қимыл туралы» ҚР Заңына сәйкес, сыбайлас жемқорлық құқық бұзушылықтардың себептері мен жағдайларын анықтау және зерделеу мақсатында 2025 жылдың мамыр айында сыбайлас жемқорлық тәуекелдеріне ішкі талдау жүргізуді жоспарлап отыр.Барлық мүдделі тұлғалар жұмыс тобының құрамында сыбайлас жемқорлық тәуекелдерін талдауға қатыса алады.Талдауға қатысу мәселелері бойынша 2025 жылғы 18 сәуірге дейін «Жақсы ауданы әкімінің аппараты» ММ мемлекеттік құқықтық бөлім басшысының міндетін атқарушы Кравец Арман Владимирович келесі телефон нөмірлері бойынша хабарласуға болады: 21-5-06, 21-5-01.Ақпарат көзі : https://www.gov.kz/memleket/entities/aqmola-zhaksy/press/news/details/975999?lang=kk

📢 Қазақстаннан малды әкетуге шектеуҚР АШМ 2025 жылғы 4 сәуірдегі № 100 және Қаржы министрінің м.а. 2025 жылғы 7 сәуірдегі № 155 бірлескен бұйрығына сәйкес.🚫 2025 жылғы 9 сәуірден бастап 6 айға Қазақстан Республикасының аумағынан әкетуге тыйым салынады:* Ірі қара малдың аналық басын (ЕАЭО СЭҚ ТН коды 0102);* Ұсақ малдың аналық басын (ЕАЭО СЭҚ ТН коды 0104).📌 Шаралар Қазақстан Республикасының заңнамасына және Еуразиялық экономикалық одақ шеңберіндегі халықаралық міндеттемелерге сәйкес қабылданды.🔗 Толығырақ-ҚР Ауыл шаруашылығы министрлігінің ресми сайтында.Ақпарат көзі : https://www.gov.kz/memleket/entities/kgd-zko/press/news/details/975958?lang=kk

      Қазақстаннан тыс жерлерге тұрақты тұруға кетуіне байланысты «БЖЗҚ» АҚ-дан (БЖЗҚ, Қор) зейнетақы төлемдерін алу құқығын Қазақстан Республикасының заңдарында және Қазақстан Республикасы ратификациялаған халықаралық шарттарда басқаша көзделмесе, елден тыс жерлерге тұрақты тұруға кеткен, БЖЗҚ-да міндетті, міндетті кәсіптік (МЗЖ, МКЗЖ) және ерікті зейнетақы жарналары (ЕЗЖ) есебінен зейнетақы жинақтары бар шетелдіктер мен азаматтығы жоқ адамдар пайдалана алады.      Төлем рәсімдеу үшін Қорға құжаттар тапсыру керек. Оның 3 түрлі тәсілі бар:   БЖЗҚ-ның кеңсесіне өзіңіз барсаңыз болады;Шетелдіктің немесе азаматтығы жоқ адамның өкілі (сенім білдірілген адам) БЖЗҚ кеңсесіне құжаттар топтамасымен жеке өзі жүгіне алады.Қажетті құжаттарды БЖЗҚ облыстық (өңірлік) филиалдарының бірінің пошталық мекенжайына жіберуге болады.      БЖЗҚ сайтында Қорға беру тәсіліне қарай төлемдерді алуға қажетті құжаттардың тізбесі, оларды ресімдеуге қойылатын талаптар, сондай-ақ, өтініш бланкілері мен оларды толтыру үлгілері, сенімхат үлгісі орналастырылған. Қордың "Төлемге құжаттарды алдын ала тексеру" электрондық қызметін пайдалана отырып, БЖЗҚ-дан берілетін зейнетақы төлемдеріне жіберілетін құжаттарды алдын ала тексеруге болады.      Құжаттарды алған кезде БЖЗҚ Қазақстанның мемлекеттік органдарының ақпараттық жүйелерінен өтініш берген шетелдіктің немесе азаматтығы жоқ адамның Қазақстан азаматының жеке басын куәландыратын құжаттарының не шетелдіктің Қазақстанда тұруға ықтиярхатының не уәкілетті қазақстандық орган берген азаматтығы жоқ адамның куәлігінің болуы және олардың жарамдылығы туралы мәліметтерді сұратады. Егер көрсетілген құжаттар өтініш білдірген шетелдіктің немесе азаматтығы жоқ адамның Қазақстан Республикасынан тыс жерге тұрақты тұруға кетуіне не шетелдікке немесе азаматтығы жоқ адамға Қазақстан Республикасында тұрақты тұруға берілген рұқсаттың күшінің жойылуына, не Қазақстан Республикасының азаматтығынан айырылуына, Қазақстан Республикасының азаматтығынан шығуына байланысты жарамсыз болса, БЖЗҚ зейнетақы төлемін құжаттар Қорға қабылданған не түскен күннен бастап 10 күн ішінде жүзеге асырады.       Зейнетақы жинақтарының төлемі зейнетақы төлемдерін алушы әрекетке қабілетсіз/әрекет қабілеті шектеулі кәмелетке толған тұлға болса да, тек сол алушының банктік шотына аударылады. Зейнетақы жинақтары төлемін заңды өкілдің (қорғаншының/қамқоршының), сондай-ақ, сенім білдірілген тұлғаның банк шотына аударуға жол берілмейді. Осылайша, басқа елде тұрақты тұруды рәсімдеуші адам өзінің зейнетақы жинақтарын жақын туыстарына немесе басқа адамдарға бере алмайды.      БЖЗҚ зейнетақы төлемдерін деректемелері өтініште көрсетілген алушының банктік шотына тек ұлттық валютада – Қазақстан аумағындағы екінші деңгейлі банктерде/банктік операциялардың жекелеген түрлерін жүзеге асыратын ұйымдарда ашылған банктік шоттарға аударған кезде; сондай-ақ АҚШ долларымен, еуромен, фунт стерлингпен немесе Ресей рублімен – Қазақстаннан тыс жерлердегі шетелдік банктерде ашылған банктік шоттарға аударған кезде жүзеге асырады.               БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, X(Twitter), Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).      Ақпарат көзі : https://www.gov.kz/memleket/entities/abay/press/news/details/975945?lang=kk

Жөндеу жұмыстарының жүргізілуіне байланысты 11–13 маусым аралығында Пушкин көшесінің Алтынсарин көшесінен Абай даңғылына дейінгі бөлігінде автокөлік қозғалысы уақытша тоқтатылады.Жұмыстар жүргізілетін кезеңде №13 және №21 қалалық автобус бағыттарының қозғалыс сызбаларына уақытша өзгерістер енгізіледі.Қала тұрғындары мен қонақтарынан өз бағыттарын алдын ала жоспарлап, уақытша қолайсыздықтарға түсіністікпен қарауды сұраймыз.Ақпарат көзі : https://www.gov.kz/memleket/entities/kostanai-kalasy-akimat/press/news/details/1239067?lang=ru

Бүгін «Таза Қазақстан» экологиялық акциясы аясында Қармақшы ауданында жалпыаудандық сенбілік өткізілді. Сенбілік жұмыстары Жосалы кентіндегі Қобыз монументі аумағынан бастау алып, аудан аумағында жалғасын тапты.Аталған шараға аудан әкімі Жандос Еркінбек қатысып, ағаш отырғызу жұмыстарына белсене атсалысты. Сонымен қатар, сенбілікке аудан әкімдігінің бөлім басшылары мен қызметкерлері, ардагерлер, жастар және еріктілер де тартылды. Қатысушылар қоршаған ортаны қоқыстан тазартып, санитарлық тазалау және көгалдандыру жұмыстарын жүргізді.Бұдан бөлек, ауданның барлық елді мекендерінде сенбілік шеңберінде тазалық жұмыстары ұйымдастырылып, жасыл желектер отырғызылды. Бұл жұмыстар ауданның экологиялық жағдайын жақсартуға және тұрғындар арасында табиғатқа деген жауапкершілік пен қамқорлық мәдениетін қалыптастыруға бағытталған.Ақпарат көзі : https://www.gov.kz/memleket/entities/kyzylorda-karmakshy/press/news/details/975823?lang=kk

2025 жылдың мамыр айында Алматы облысында өтетін «Ұлы дала жорығы» халықаралық марафон-бәйгесіне дайындықтар белсенді түрде жүріп жатыр.500 шақырым қашықтықты қамтитын марафонға 15-ке жуық ел қатысады деп күтілуде. Ресей, Қырғызстан, Түркия, Иран, Мажарстан және тағы басқа елдерден спортшылар қатысады. Бұл шара тек спорттық тұрғыдан ғана емес, еліміздің мәдениеті мен тарихын насихаттау мақсатында да үлкен маңызға ие.«Ұлы дала жорығы» марафонының ұзақтығы бес күнді құрайды, ал жалпы қашықтық 500 км-ді қамтиды. Жарыс Алматы - Өскемен тас жолындағы Бақанас көпірінен басталады. Марафон барысында қатысушылар Балқаш, Жамбыл, Іле аудандарының бірнеше ауылдарын кесіп өтеді. Балқаш ауданында Миялы, Бақбақты, Бақанас, Ақдала, Бояулы, Береке, Бура, Үшжарма, Ақжар, Аралтөбе, Желтораңғы, Топар ауылдары арқылы өтеді. Жамбыл ауданы Қаншеңгел, Ащысу, Айдарлы, Бозой ауылдарын қамтып, Іле ауданы Ақши ауылынан өтіп, марафон Қонаев қаласының «Қарлығаш» шағын ауданында аяқталады. Жорықтың жабылу салтанаты мен марапаттау рәсімі Қонаев қаласының орталық алаңында өтеді.Марафон аясында ұйымдастырылатын маңызды шаралардың бірі – асыл тұқымды жылқылар көрмесі. Бұл көрмеде ұлттық жылқы тұқымдары, олардың ерекшеліктері мен тарихы таныстырылады. Жылқылардың сәні мен күшін көрсететін бұл көрме қатысушылар мен қонақтар үшін ерекше қызығушылық туғызары сөзсіз. Ұлттық қолөнер көрмесі де марафонның ажырамас бөлігіне айналады. Қазақ халқының бай қолөнер мұраларын көрсету мақсатында ұйымдастырылатын бұл көрмеде шеберлер өз жұмыстарын ұсынып, келушілерге ұлттық өнерді таныстырады. Туристер үшін арнайы қалашықтар мен фотозоналар да ұйымдастырылатын болады. Шетелден келген қонақтарға еліміздің мәдениеті мен салт-дәстүрі туралы қызықты әрі көрнекті ақпарат ұсынылады.Мұндай халықаралық шаралар еліміздің туризм саласын дамытуға зор үлес қосып, Алматы облысының мәдени және тарихи мұрасын танытуға мүмкіндік береді. Марафонның маңыздылығын атап өткен спорт басқармасы басшысының орынбасары Рахман Шахарбек: «Бұл марафон тек спорттық жетістіктермен шектелмейді, ол еліміздің мәдени және туристік әлеуетін көрсетуге мүмкіндік береді. Жарыс арқылы біз Алматы облысының тарихи және мәдени мұрасын әлемге таныстырып, халықаралық қатысушылар мен туристер үшін маңызды оқиғаға айналдырамыз. Сонымен қатар, ұлттық қолөнер мен жылқы тұқымдары көрмесі, фотозоналар мен туристік қалашықтар осы шараның айрықша бөліктері болып табылады.із үшін бұл — тек спорттық іс-шара емес, сонымен қатар ұлттық бірегейлікті көрсету мүмкіндігі», — деп атап өтті.«Ұлы дала жорығы» марафоны еліміздің спорттық имиджін көтеріп қана қоймай, туризм саласына да жаңа серпін береді. Әлемнің әртүрлі елдерінен келген қонақтар мен қатысушылар бұл шараға қатыса отырып, Қазақстанның бай мәдени мұрасын тамашалай алады.Ақпарат көзі : https://www.gov.kz/memleket/entities/almobl/press/news/details/975733?lang=kk

📌 Мемлекет басшысының тапсырмасы бойынша елімізде энергетика саласын дамыту шаралары жүзеге асырылып келеді. Аталған тапсырманы орындау аясында 2024-2025 жылдардағы күзгі-қысқы кезең аяқталды, сондай-ақ инфрақұрылымды ауқымды жаңартуға және «жасыл» энергетиканы дамытуға дайындық жұмыстары басталды.⚡️ Күзгі-қысқы маусымның жылумен қамтуда іркілістерсіз өтуі Үкімет қабылдаған шаралар тиімділігін көрсетті. Ауқымды дайындық жұмыстары жүргізілді: 10 энергия блогына, 55 қазандыққа және 45 турбинаға күрделі жөндеу жұмыстары жүргізілді, бұл ЖЭО мен жылу желілеріндегі жоғары тозуды азайту үдерісін бастауға мүмкіндік берді.Қабылданған шаралар электр стансаларындағы технологиялық бұзушылықтар санын 27%-ға (1070-тен 782-ке дейін), ал температуралық кестені сақтамау жағдайларын 67%-ға (215-тен 65-ке дейін) төмендетуге мүмкіндік берді.🔷 Маңызды жетістік ретінде 12 ЖЭО жағдайының жақсаруын атап өтуге болады: оның 9-ы «қызыл» аймақтан «сары» аймаққа, ал 3-уі «сары» аймақтан «жасыл» аймаққа өтті. Нәтижесінде, «қызыл» аймақта 10 ЖЭО (бұрын 19), «сары» аймақта 17 ЖЭО (бұрын 11), «жасыл» аймақта 10 ЖЭО (бұрын 7) қалды. Көрсеткіштерін жақсартқандар қатарында Екібастұз, Өскемен, Жезқазған, Балқаш, Атырау, Риддер, Кентау және басқа да стансалар бар. Айрықша назар «МАЭК» ЖШС, Ақтау жылу желілеріне және Степногорск, Теміртау ЖЭО жұмысына аударылды.✔️ 2024 жылы Екібастұз 1-ГРЭС-ті қалпына келтірген блогын (500 МВт), Атырау ЖЭО жаңа турбинасын (65 МВт) және Жезқазғандағы (+43 МВт) жаңартылған қазандықты қоса алғанда, 771 МВт жаңа қуат енгізілді. Сондай-ақ жалпы қуаты 163,35 Мвт болатын жаңартылатын энергия көздері бойынша жобалар іске қосылды.Энергетика министрлігі электр энергиясы үшін шекті тарифтерді қайта қарады, электр қуаты нарығындағы шекті тариф арттырылды, қайтарылатын инвестициялардың жылдық лимиті ұлғайтылды. 2024 жылы қабылданған шаралар жөндеу жұмыстарын қаржыландыруды былтырғы деңгеймен салыстырғанда 44%-ға ұлғайтып, 327 млрд теңгеге жеткізуге мүмкіндік берді.🔘 Сонымен қатар келесі жылыту маусымына дайындық жұмыстары басталып кетті. Аталған жұмыстар аясында 10 энергетикалық блок, 63 қазандық және 39 турбинаны жөндеу жұмыстары жоспарланған, кейбір жұмыстар қазірдің өзінде жүріп жатыр. Орталықтандырылған жылумен қамту аймағындағы 66 жылу орталығында 53 қазандықты жөндеу және реконструкциялау жұмыстары жоспарланған.⏩ Күн жылынған соң 17 мың шақырым электр желісі мен 323 шақырым жылу құбырын жаңарту жұмыстары басталады.✔️ Ұлттық энергетиканы жаңғырту ұлттық жобасы аясында жалпы бюджеті 4 трлн теңге болатын 77,5 мың шақырым электр желілері мен 1,6 мың шақырым жылу желілері жаңартылады. 2029 жылға дейін бұл электр желілерінің тозуын 45%-ға, жылу желілерінің тозуын 42%-ға төмендетуге мүмкіндік береді. Генерация саласында 7,3 ГВт жаңа қуат енгізу, оның ішінде қолданыстағы стансаларды жаңарту және жаңа стансалар салу жоспарлануда. 2029 жылға дейін 29 жобаны аяқтау жоспарланған, бұл электр стансаларының орташа тозуын 40%-ға дейін төмендетуге мүмкіндік береді.Жаңартылатын энергия көздерін дамыту да басым бағыт болып қала береді: 2024 жылы 153 нысан 7,58 млрд кВт·сағ немесе жалпы өндірістің 6,43%-ы өндірді. 8 жаңа станса (163,35 МВт) іске қосылды, ал 2025 жылдың соңына дейін тағы 9 ЖЭК жобасы (455,5 МВт) іске қосылады. Қазірдің өзінде биылғы жылдың ақпан айында Қарағанды облысында «Гиперборея» ЖШС-мен қуаты 50 МВт жел электр стансасы іске қосылды.Ақпарат көзі : https://www.gov.kz/memleket/entities/kaenk/press/news/details/975703?lang=kk

Соңғы жылдары Президент Қ.К.Тоқаевтың Әкімшілігі «Әділетті Қазақстанды» құруға бағытталған ауқымды саяси, экономикалық және әлеуметтік реформалар жүргізді: басқару жүйесін жаңғыртудан бастап азаматтардың әл-ауқатын жақсартуға және бәсекеге қабілетті экономиканы дамытуға дейін.Мемлекет басшысы 2021 жылғы 1 қыркүйектегі «Халық бірлігі және жүйелі реформалар — ел өркендеуінің берік негізі» атты Халыққа жолдауында Үкіметке «бюджеттік бағдарламалар әкімшілерінің жауапкершілігін арттыра отырып, бөлшектенген (блоктық) бюджетті енгізуді» тапсырды.Бұл маңызды бастама «бюджет үдерістерді жеңілдету және бюрократияны барынша азайту» деп күтілуде. Бөлшектенген бюджетті жоспарлау және атқару процестерінде мемлекеттік органдардың икемділігі мен тәуелсіздігін арттыруды көздейді.Блоктық бюджеттеу практикалық іске асыру кезеңіне жақындаған сайын, Сингапур ынтымақтастық бюросы (SCE) Стратегиялық бастамалар орталығымен (CSI) (Қазақстан), Сингапур Ұлттық университетінің Ли Куан Ю атындағы Мемлекеттік саясат мектебімен (LKYSPP) және Сингапурдағы Қазақстан Елшілігімен бірлесе отырып, 2025 жылдың 7-11 сәуірі аралығында «Мемлекеттік қаржылық менеджменттің үздіктерін зерттеу бағдарламасын» ұйымдастырды.Бұл курс Сингапурдың фискалдық және мемлекеттік қаржылық басқаруға деген көзқарасы туралы құнды түсінік беру үшін әзірленген. Ол қатысушыларға келесі мақсаттарға жетуге көмектесуге бағытталған:Сингапурдың қаржылық менеджменті мен бюджеттеу процестерін, соның ішінде Сингапурдың тұрақты және тәртіпті қаржылық жүйесін қалыптастырған принциптерді тереңірек түсіну.Сингапурға ұзақ мерзімді қаржылық тұрақтылықты қамтамасыз ете отырып, жаһандық экономикалық өзгерістерге бейімделуге мүмкіндік берген инновациялық фискалдық саясатты зерттеу.Сингапурдың мемлекеттік қаржылық менеджментін нығайтатын сенімді аудит, цифрлық трансформация және стратегиялық инвестициялық бастамалар сияқты қосымша жүйелер мен басқару тетіктері туралы ақпарат алу.Сингапурдың қаржылық менеджмент моделін Қазақстанның экономикалық және әкімшілік жағдайына бейімдеу жолдарын талқылау, практикалық және тиімді қолдануға ықпал ету.Сингапурдағы 5-күндік қарқынды курс барысында қазақстандық ұжым Сингапурлық саясаткерлермен, қаржы сарапшыларымен және ой көшбасшыларымен өзара әрекеттесті, олар өз тәжірибелері мен түсініктерімен бөлісті. Сингапурда алынған жаңа құнды тәжірибе Қазақстанның мемлекеттік қаржыны басқару саласындағы ілгерілеуіне айтарлықтай үлес қосатынына күмән жоқ.Сонымен қатар, бұл бағдарлама Президент Қ.К.Тоқаевтың 2024 жылдың мамырында Сингапур қаласына тарихи сапарынан кейін жанданған Қазақстан мен Сингапур арасындағы берік серіктестіктің тағы бір дәлелі.Бағдарлама сәтті аяқталғандықтан, біз SCE Бас директоры Конг Уай Мун мырзаға және оның командасына, соның ішінде Орталық және Оңтүстік Азия бойынша директор Дэйзи Бун ханымға және Орталық және Оңтүстік Азия бойынша аға менеджер Ивонн Лим ханымға ерекше алғыс айтамыз. Біз сондай-ақ LKYSPP деканының орынбасары, профессор Франческо Манчиниге шын жүректен ризашылығымызды білдіргіміз келеді. Олардың барлығы осы бағдарламаны жүзеге асыруда маңызды рөл атқарды.Алдағы жылдары Қазақстанның Сингапурдағы Елшілігі біздің екі достас елдеріміз арасындағы білім мен озық тәжірибе алмасуды жалғастыруды асыға күтеді.Ақпарат көзі : https://www.gov.kz/memleket/entities/mfa-singapore/press/news/details/975700?lang=kk

Алматы облысы білім беру саласында қарқынды дамып келеді. 2025 жылы Жұмысшы мамандықтар жылы аясында өңірде студенттер мен оқушылардың білім сапасын және кәсіби дағдыларын арттыруға бағытталған бірқатар іс-шаралар жүзеге асырылуда.Солардың бірі – 2025 жылғы 2-4 сәуір аралығында өткен алғашқы халықаралық кәсіптік шеберлік фестивалі TAIQAZAN-2025. Бұл байқауға колледж студенттері қатысып, қатысушылардың жұмыстарын Сауд Арабиясы, Түркия, Италия және Ресейден келген 25 халықаралық сарапшы бағалады. Байқау нәтижесінде түрлі номинациялар бойынша жеңімпаздар анықталды. Олардың қатарында Алматы облысы, Алматы қаласы, Түркістан, Павлодар облыстары мен Шымкент қаласының өкілдері бар. Атап айтқанда, «Тігін өндірісі және киім үлгілеу» номинациясында бірінші орынды Алматы облысының командасы жеңіп алды.Бұл – өңір студенттерінің жоғары деңгейде дайындалғанын көрсетеді. Сонымен қатар, облыста 2025-2026 жаңа оқу жылына бірінші сыныпқа қабылдау науқаны белсенді түрде жүргізілуде. 1 сәуірден бастап балаларды электронды платформалар арқылы (eGov.kz және iac.kz) және дәстүрлі қағаз форматта тіркеу басталды. Қазіргі уақытта 2 451 өтініш түскен. Жалпы алғанда, облыс бойынша 35 500 бірінші сынып оқушысын қабылдау жоспарланып отыр. Ерекше назар көптілді білім беру мәселесіне аударылуда: берілген өтініштердің 78,9%-ы қазақ тілінде оқытуға арналған. 1 сәуірден бастап аймақта PISA-2025 халықаралық зерттеуі басталды. Бұл зерттеуге облыстың 25 мектебі мен 2 колледжі қатысуда. Зерттеуді Экономикалық ынтымақтастық және даму ұйымы жүзеге асырып жатыр және ол білім беру жүйелерінің тиімділігін бағалауға бағытталған. Сонымен қатар, PIRLS-2026 зерттеуінің апробациясы өтіп жатыр.Бұл зерттеу 7 мектепті қамтып, оқушылардың оқу және әдеби сауаттылығын бағалауға бағытталған. Өңірдегі маңызды бастамалардың бірі – мектепке дейінгі білім беру саласында 1000 жаңа орын ашу. 2025 жылдың ақпан-наурыз айларында балабақшаларда жан басына қаржыландыру негізінде мемлекеттік тапсырыс орналастыру байқауы өткізілді. Бұл шара балабақшадағы орындардың қолжетімділігі мен сапасын арттыруға мүмкіндік береді. Алматы облысы оқушылары республикалық және халықаралық олимпиадаларда жоғары нәтижелер көрсетуде.Биыл табиғи ғылымдар пәндері бойынша республикалық олимпиадада облыс оқушылары 7 медаль жеңіп алды. Сонымен қатар, «Жібек жолы» халықаралық математика олимпиадасында облыстағы «Білім-Инновация» мамандандырылған мектебінің 11-сынып оқушысы Халел Мүслім 3-орын иеленді. Алматы облысы Білім басқармасының басшысы Салтанат Беспаева өңірдің қазіргі жетістіктерін атап өтіп: «Біз тек балаларымыздың білім алуына қолайлы жағдай жасауды ғана емес, сонымен қатар кәсіби білім беруді де дамытып жатырмыз. Жұмысшы мамандықтар жылы жастар үшін жаңа мүмкіндіктер ашты.Студенттеріміздің халықаралық байқаулардағы жетістіктеріне мақтанамыз. Сондай-ақ, PISA-2025 секілді зерттеулер білім беру сапасын арттыру және болашаққа дайын оқушыларды қалыптастыру үшін қандай нақты шаралар қабылдау қажет екенін жақсы түсінуге көмектеседі деп сенеміз», – деді. Ақпарат көзі : https://www.gov.kz/memleket/entities/almobl/press/news/details/975693?lang=kk

Портал пайдаланушыларға https://portal.kgd.gov.kz сілтеме арқылы қолжетімді.Порталда салықтық және кедендік мемлекеттік қызметтерді алу мүмкіндігі бар (СТ тіркеу, ЖСО-мен айналысатын адамды тіркеу есебі, кедендік декларацияларды қабылдау және т.б.), сондай-ақ салық төлеушіні іздеу бойынша сервистер, калькулятор, сауалнамалар, СЕН бланкілері және басқалары орналастырылған.Ақпарат көзі : https://www.gov.kz/memleket/entities/kgd-mangistau/press/news/details/975692?lang=kk

Қарағанды қаласы Қазыбек би ауданының қорғаныс істері жөніндегі бөлімінің бастығы полковник Қайрат Тәттекенов майдангер Александр Ильич Балабасқа Қорғаныс министрінің құттықтау хатын табыстады. Қорғаныс ведомствосының өкілі мерейтой иесіне ерлігі, батылдығы мен Отанға адал қызметі үшін шынайы алғысын жеткізді.– Сіздің өмір жолыңыз – табандылықтың, еңбекқорлық пен елге деген адалдықтың үлгісі. Сол себепті талайлы  тағдырыңызды келешек ұрпаққа жеткізу маңызды деп білеміз, – деді ол.Александр Ильич Балабас 1926 жылы дүниеге келген. 1942 жылы 5 сыныпты аяқтағаннан кейін шахтада маркшейдерлік бөлімде сызбашы болып еңбек жолын бастады. 1943 жылы Қызыл Армия қатарына шақырылды. Оқуын аяқтаған соң 1944 жылы даңқты маршал Константин Рокоссовскийдің қолбасшылығындағы 2-Беларусь майданы 1-Брест дивизиясының 415-атқыштар полкіне жіберілді. Майдан құрамында көптеген ұрыс қимылдарына қатысты.Көрсеткен ерлігі үшін Александр Ильич Қызыл Жұлдыз,, І дәрежелі Отан соғысы ордендерімен және бірқатар  медальдармен марапатталған.Соғыстан кейін елді қалпына келтіруге өз үлесін қосып, бейбіт еңбекке араласты. Қарағандының түрлі ұйымдарында ұзақ жылдар қызмет етті.№1 құрылыс басқармасында, «Саранскпромстрой» басқармасында жүргізуші, облыстық клиникалық ауруханада бухгалтер, «Қарағандыуглесбыт» басқармасында экономист болып жұмыс істеп, кейін жоспарлау бөлімін басқарды. 1991 жылдан бері зейнет демалысында.Александр Ильич тек ардагер ғана емес, үлкен әрі тату отбасының иесі. Ол үш бала тәрбиелеп, олардан төрт немере, бес шөбере сүйіп отырған сүйікті ата. Олар да отбасылық дәстүрлерді сақтап, майдангер аталарын әрдайым мақтан тұтады.Ақпарат көзі : https://www.gov.kz/memleket/entities/mod/press/news/details/1187172?lang=kk

2025 жылғы 14 сәуір сағат 15:00-де «Жетісу облысының мемлекеттік сатып алу басқармасы» ММ қызметіндегі сыбайлас жемқорлық тәуекелдеріне ішкі талдау нәтижелерін қоғамдық талқылау өтті.Ақпарат көзі : https://www.gov.kz/memleket/entities/zhetysu-sp/press/news/details/975629?lang=kk

      Қазақстаннан тыс жерлерге тұрақты тұруға кетуіне байланысты «БЖЗҚ» АҚ-дан (БЖЗҚ, Қор) зейнетақы төлемдерін алу құқығынҚазақстан Республикасының заңдарында және Қазақстан Республикасы ратификациялаған халықаралық шарттарда басқаша көзделмесе, елден тыс жерлерге тұрақты тұруға кеткен, БЖЗҚ-да міндетті, міндетті кәсіптік (МЗЖ, МКЗЖ) және ерікті зейнетақы жарналары (ЕЗЖ) есебінен зейнетақы жинақтары бар шетелдіктер мен азаматтығы жоқ адамдар пайдалана алады.Төлем рәсімдеу үшін Қорға құжаттар тапсыру керек. Оның 3 түрлі тәсілі бар: БЖЗҚ-ның кеңсесіне өзіңіз барсаңыз болады;Шетелдіктің немесе азаматтығы жоқ адамның өкілі (сенім білдірілген адам) БЖЗҚ кеңсесіне құжаттар топтамасымен жеке өзі жүгіне алады.Қажетті құжаттарды БЖЗҚ облыстық (өңірлік) филиалдарының бірінің пошталық мекенжайына жіберуге болады.БЖЗҚ сайтында Қорға беру тәсіліне қарай төлемдерді алуға қажетті құжаттардың тізбесі, оларды ресімдеуге қойылатын талаптар, сондай-ақ, өтініш бланкілері мен оларды толтыру үлгілері, сенімхат үлгісі орналастырылған. Қордың "Төлемге құжаттарды алдын ала тексеру" электрондық қызметін пайдалана отырып, БЖЗҚ-дан берілетін зейнетақы төлемдеріне жіберілетін құжаттарды алдын ала тексеруге болады.Құжаттарды алған кезде БЖЗҚ Қазақстанның мемлекеттік органдарының ақпараттық жүйелерінен өтініш берген шетелдіктің немесе азаматтығы жоқ адамның Қазақстан азаматының жеке басын куәландыратын құжаттарының не шетелдіктің Қазақстанда тұруға ықтиярхатының не уәкілетті қазақстандық орган берген азаматтығы жоқ адамның куәлігінің болуы және олардың жарамдылығы туралы мәліметтерді сұратады.Егер көрсетілген құжаттар өтініш білдірген шетелдіктің немесе азаматтығы жоқ адамның Қазақстан Республикасынан тыс жерге тұрақты тұруға кетуіне не шетелдікке немесе азаматтығы жоқ адамға Қазақстан Республикасында тұрақты тұруға берілген рұқсаттың күшінің жойылуына, не Қазақстан Республикасының азаматтығынан айырылуына, Қазақстан Республикасының азаматтығынан шығуына байланысты жарамсыз болса, БЖЗҚ зейнетақы төлемін құжаттар Қорға қабылданған не түскен күннен бастап10 күн ішінде жүзеге асырады. Зейнетақы жинақтарының төлемі зейнетақы төлемдерін алушы әрекетке қабілетсіз/әрекет қабілеті шектеулі кәмелетке толған тұлға болса да, тек сол алушының банктік шотына аударылады. Зейнетақы жинақтары төлемін заңды өкілдің (қорғаншының/қамқоршының), сондай-ақ, сенім білдірілген тұлғаның банк шотына аударуға жол берілмейді. Осылайша, басқа елде тұрақты тұруды рәсімдеуші адам өзінің зейнетақы жинақтарын жақын туыстарына немесе басқа адамдарға бере алмайды.БЖЗҚ зейнетақы төлемдерін деректемелері өтініште көрсетілген алушының банктік шотына тек ұлттық валютада – Қазақстан аумағындағы екінші деңгейлі банктерде/банктік операциялардың жекелеген түрлерін жүзеге асыратын ұйымдарда ашылған банктік шоттарға аударған кезде; сондай-ақ АҚШ долларымен, еуромен, фунт стерлингпен немесе Ресей рублімен – Қазақстаннан тыс жерлердегі шетелдік банктерде ашылған банктік шоттарға аударған кезде жүзеге асырады.       БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, X(Twitter), Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).       Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/979199?lang=kk

АҚПАРАТТЫҚ ХАБАРЛАМА Кәмелетке толған немесе 18 жасқа 2025 жылы толатын отандастарымыз «Ұлттық қор  - балаларға» бағдарламасы бойынша тиесілі қаржысын өз бетінше тексере алады    Ұлттық қордың инвестициялық кірісіндегі валюталық бөлігінің 50%-ы жыл сайын еліміздің азаматы болып есептелетін, 2006 жылы және одан кейін туған балаларға теңдей бөлініп берілетін «Ұлттық қор – балаларға» бағдарламасы екінші жыл іске асырылуда. 2006-2007 жылдары туған, 2024-2025 жылдары 18 жасқа толған/толатын жас қазақстандықтардың «БЖЗҚ» АҚ-да (бұдан әрі – Қор, БЖЗҚ) ашылған нысаналы жинақтау шоттарына (НЖШ) нысаналы жинақтар (НЖ) есептелді. Олар бұл қаражатты тұрғын үй жағдайларын жақсарту және (немесе) білім беру ақысын төлеу үшін пайдалана алады.Қорға Бағдарламаға қатысушылардың заңды өкілдерінен электрондық үкіметтің интернет-ресурстарында (EGOV Mobile сайты мен ұялы қосымшасында) 2006-2007 жылдары туған балаларына есептелген НЖ туралы ақпараттың болмауы мәселесіне қатысты өтініштердің жиі түсуіне орай, БЖЗҚ кәмелетке толған немесе 18 жасқа 2025 жылы толатын азаматтар өздерінің НЖ туралы ақпаратты Қордың немесе электрондық үкіметтің интернет-ресурсындағы жеке кабинеті арқылы өз бетінше алуы тиіс екенін ескертеді. Осылайша, БЖЗҚ қазақстандық заңнамаға сәйкес нысаналы жинақтардың қалдықтары мен қозғалысы туралы мәліметтерді қоса алғанда, НЖ алушыларға қатысты ақпараттың құпиялылығына кепілдік береді.   НЖ төлемі мен оларды тұрғын үй жағдайларын жақсарту және/немесе білім алуға ақы төлеу мақсатында пайдалану тәртібі:- Қазақстан Республикасы Үкіметінің 2024 жылғы 18 қаңтардағы №16 қаулысымен бекітілген Нысаналы талаптарды, нысаналы жинақтарды және нысаналы жинақ төлемдерін қалыптастыру мен есепке алу, сондай-ақ нысаналы талаптарды есепке жазу қағидаларында;- Қазақстан Республикасы Өнеркәсіп және құрылыс министрінің 2024 жылғы 26 ақпандағы №76 бұйрығымен бекітілген Қазақстан Республикасының заңнамасына сәйкес тұрғын үй жағдайларын жақсарту мақсатында Бірыңғай жинақтаушы зейнетақы қорынан нысаналы жинақ төлемдерін пайдалану қағидаларында;- Қазақстан Республикасы Ғылым және жоғары білім министрінің 2024 жылғы 7 ақпандағы № 51 және Қазақстан Республикасы Білім Министрінің 2024 жылғы 12 ақпандағы бірлескен бұйрығымен бекітілген Қазақстан Республикасының заңнамасына сәйкес білім беру ақысын төлеу мақсатында Бірыңғай жинақтаушы зейнетақы қорынан нысаналы жинақтар төлемдерін пайдалану қағидаларында көзделген.НЖ пайдаланудың қадамдық алгоритмі мынадай сипатқа ие:18 жасқа толған НЖ алушы БЖЗҚ немесе электрондық үкіметтің интернет-ресурстарында, сондай-ақ БЖЗҚ бөлімшесіне жүгіну арқылы өзінің НЖ сомасын дербес тексере алады.Қосымша мәлімет ретінде, 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға ағымдағы жылы 3,04 АҚШ доллары мөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағы 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды.НЖ алушы (не оның заңды өкілі) уәкілетті оператордың (УО) интернет-ресурсы арқылы УО-ға жүгінеді, НЖ алушының атына АҚШ долларымен банк шотын ашады, НЖ төлеміне онлайн-өтініш береді.УО төлемге өтініш қаралғаннан және мақұлданғаннан кейін 2 жұмыс күні ішінде төлемге өтініштің тіркелгені туралы БЖЗҚ-ға электрондық хабарлама жібереді.БЖЗҚ УО-дан электрондық хабарламаны алған күннен бастап 5 жұмыс күні ішінде УО-ға өтініште көрсетілген НЖ төлемінің сомасын НЖ алушының атына АҚШ долларында ашылған банк шотына одан әрі есептеу үшін аударады не себебін көрсете отырып, аударудан бас тартатыны туралы хабарлайды.НЖ алушы немесе оның заңды өкілі НЖ сомасы банк шотына түскен күннен бастап 45 жұмыс күні ішінде УО-ға НЖ төлемдерінің нысаналы пайдаланылуын растайтын құжаттарды ұсынады.УО НЖ алушы құжаттарды ұсынған күннен бастап 10 жұмыс күні ішінде оларды тексеріп, НЖ төлемдерін олардың нысаналы мақсаты бойынша аударады.НЖ алушы (немесе оның заңды өкілі) құжаттарды 45 жұмыс күні ішінде ұсынбаған жағдайда, УО-дағы НЖ төлемінің сомасы БЖЗҚ-ға қайтарылады.Естеріңізге сала кетейік, нысаналы жинақтар БЖЗҚ-дағы нысаналы жинақтау шотында АҚШ долларымен 10 жыл бойына сақталуы мүмкін. Егер осы мерзім ішінде азамат өзіне тиесілі қаражатты пайдаланбаса, бұл сома БЖЗҚ-да алушының атына автоматты түрде ашылатын ерікті зейнетақы жарналарын (ЕЗЖ) есепке алатын жеке зейнетақы шотына аударылады. Қаражат ҚР Ұлттық банкінің аударым күніндегі ресми бағамы бойынша теңгемен есептеледі. Ерікті зейнетақы жинақтарын пайдалану шарттары мен тәртібі ҚР зейнетақы заңнамасында көзделген. Бағдарламаның шарттарымен, қажетті нұсқаулықтармен kids.enpf.kz сайтында және БЖЗҚ/ЕНПФ YouTube-арнасында танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OM  сілтемесі бойынша көруге болады. Нысаналы жинақтарды тұрғын үй жағдайларын жақсарту және (немесе) білім алу ақысын төлеу үшін пайдалануға қатысты уәкілетті операторлар, өңірлер және қосалқы мақсаттар бөлінісіндегі толық ақпаратпен enpf.kz сайтында танысуға болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/vko-tarbagatay/press/news/details/975597?lang=kk

2025 ж. 11-13 сәуір аралығында ҚХР Гонконг АӘА-да шахматтан II-ші «SJC Кубогы» халықаралық чемпионаты өтті.Іс-шараға 8 ойыншы қатысты, оның ішінде екі танымал қазақстандық чемпион - Әбілмансұр Әбділхайыр және Жұбан Бигабылов болды.Екі күндік шиеленісті күрестен кейін, «SJC кубогының» абсолютті чемпионы қазақстандық Ә.Әбділхайыр болды, ол жылдам және блиц-шахмат санаттарында 14-ші рет жеңіске жетті.Ақпарат көзі : https://www.gov.kz/memleket/entities/mfa-hongkong/press/news/details/975590?lang=kk