Өскемен қаласында қоғамдық көліктерге орнатылған бейнебақылау камералары Шығыс Қазақстан облыстық Полиция департаментінің Жедел басқару орталығының жүйесіне интеграцияланбақ. Тиісті тапсырманы ШҚО әкімі Нұрымбет Сақтағанов «ONAY!» халыққа қызмет көрсету орталығының ашылуында берді.Қала ішінде қатынайтын жаңа автобустарда қазірдің өзінде сегіз камерадан орнатылған, сондай-ақ мұндай бақылау жүйелері басқа да көлік құралдарында бар.- Камераларды Жедел басқару орталығының жүйесіне қосу құқық қорғау органдарына ақпаратты жедел түрде жеткізуге, бұзақылық әрекеттерге шұғыл әрекет етуге және қоғамдық көліктегі азаматтардың қауіпсіздігін қамтамасыз етуге мүмкіндік береді, – деп атап өтті облыс әкімі.Бұл жобаны іске асыру жұмыстары жақын арада басталады.ШҚО әкімінің баспасөз қызметіАқпарат көзі : https://www.gov.kz/memleket/entities/vko-oskemen/press/news/details/962703?lang=kk

Қала тазалығы – әрбір тұрғынның мәдениеті мен жауапкершілігінің айнасы. Өкінішке қарай, соңғы уақытта Үшарал көшелерінде бейберекет тасталған қоқыс, қаланың экологиялық жағдайына немқұрайлы қарау мәселесі жиі кездесуде. Қазіргі таңда қала бойынша 11 қоқыс төгетін жәшік қойылған. Бірақ, соған қарамастан, кейбір тұрғындар тұрмыстық және басқа да қалдықтарды арнайы орындарға емес, көшеге, жол жиегіне, саябақтарға немесе аулаларға тастауды әдетке айналдырған.Қоқыстың ретсіз шашылуы – тек қана эстетикалық жағынан жағымсыз көрініс емес, сонымен қатар қоршаған ортаға орасан зор зиян келтіреді. Желмен ұшқан пластик пакеттер, сынған бөтелкелер мен басқа да тұрмыстық қалдықтар қала келбетін бұзып қана қоймай, экожүйеге кері әсерін тигізеді. Аулада немесе көше бойында шіріп жатқан қалдықтар түрлі аурулардың таралуына себепші болуы мүмкін. Табиғатымыздың тазалығын сақтау – өзімізге жасаған жақсылық.Қала тазалығы тек әкімдікке немесе коммуналдық қызметтерге ғана байланысты емес. Әрбір тұрғын өз ауласын, көшесін таза ұстаса, қоқысты арнайы жәшіктерге ғана тастаса, біздің Үшаралымыз әлдеқайда көрікті әрі жайлы болар еді.Сонымен қатар, жергілікті билік пен еріктілер тобы қаланың тазалығын жақсарту мақсатында түрлі сенбіліктер ұйымдастырып келеді. Дегенмен, ең бастысы – әр адам тазалықты сақтауға өз үлесін қосуы керек. Табиғатымыздың көркін сақтау – болашақ ұрпаққа қалдырар ең асыл мұра.Тазалық мәдениетін қалыптастыру – ортақ жауапкершілік. Балаларымызға үлгі болу үшін, өзіміз тазалық сақтай білуіміз керек. Егер сіз көшеде немесе қоғамдық орындарда біреудің қоқыс тастағанын көрсеңіз, оларға сыпайы түрде ескерту жасаңыз.Баршамыз бірігіп, туған қаламыздың тазалығын сақтауға атсалысайық! Үшарал – біздің ортақ үйіміз, оны таза ұстау – әрқайсымыздың міндетіміз!Наркен ЫБЫРАЙХАНОВ.Үшарал қалалық округі әкімдігінің бас маманы.Ақпарат көзі : https://www.gov.kz/memleket/entities/zhetysu-alakol-usharal/press/news/details/962699?lang=kk

Қаракеткен ауылдық округінде Наурыз мейрамына орай мерекелік шара өткізілдіАқпарат көзі : https://www.gov.kz/memleket/entities/kyzylorda-zhalagash-qaraketken/press/news/details/962698?lang=kk

Өскемен қаласында жаңа электронды «ONAY!» жүйесі тестілік режимде іске қосылды. Ашылу рәсіміне ШҚО әкімі Нұрымбет Сақтағанов пен Өскемен қаласының әкімі Алмат Ақышов қатысты. «ONAY!» жүйесі жолаушылардың қозғалысын, маршруттардың жүктелуін және қоғамдық көліктің қозғалыс қарқындылығын бақылауға, мәліметтерді жинауға және өңдеуге мүмкіндік береді. Бұл автобустардың жұмысын оңтайландыруға және тасымалдаудың тиімділігін арттыруға жол ашады.📌Цифрлық платформа мамандарға қала тұрғындарының қозғалыс динамикасын зерттеуге, ең сұранысқа ие бағыттарды анықтауға және қарбалас уақытты белгілеуге мүмкіндік береді. Бұл жолаушылар саны көп бағыттарды айқындап, кейбір маршруттарды күшейту немесе түзету қажет екенін көрсетеді. Мысалы, белгілі бір аймақта таңертең және кешке жолаушылар ағыны жоғары болса, автобус санын көбейтуге немесе кестені өзгертуге болады.Сонымен қатар, жүйе төлем процесін ашық етеді, жүргізушілердің жүктемесін азайтады, қолма-қол төлемді қажет етпейді және билетсіз жүру жағдайларын барынша төмендетеді. Уақыт өте келе жиналған деректер жолаушылар ағынын дәлірек болжауға және халықтың нақты қажеттіліктерін ескере отырып, көлік желісін дамытуға мүмкіндік береді.🎥Жолаушылар мобильді қосымшада виртуалды картаны шығарып, пластикалық картаны сатып алу қажеттілігінсіз онлайн-картаны пайдалана алады, виртуалды картаны ONAY! мобильді қосымшасында толтыруға болады. Сонымен қатар, 9909 нөміріне SMS-хабарлама арқылы жол ақысын төлеу жүзеге асырылады. Келесі карталар қолжетімді: «Бірыңғай» көлік картасы, «7 жастан 18-ге дейінгі балалар» картасы, «Оқушы» картасы, «Студент» картасы, «Зейнеткер» картасы, Әлеуметтік карта, Республикалық жеңілдік картасы. 🌍 «ONAY!» Өскемен қаласында бірыңғай көлік картасын сатып алу нүктелерінің мекенжайлары: 1. «Металлург» СҮ, Н. Назарбаев даңғылы 37.2. Н. Назарбаев даңғылы 83/1, «Мыломойка» бөлімі.3. Өскемен қаласының теміржол вокзалы, Мызы көшесі, н/ж.4. «Әлем» СҮ, 2 қабат, «Ежевика» бөлімі, Қабанбай батыр даңғылы 142.5. ЦУМ СО, 1 қабат, Максим Горький көшесі 71.6. «АДК River» СҮ, 1 қабат, ұялы телефондарды жөндеу, Қазақстан көшесі 62.7. «Эмилия» СҮ, Әуезов даңғылы 11/1.8. Шағын маркет «ХанТоғас», Б. Момышұлы көшесі 17.9. «Береке» дүкені, Рига көшесі 19 (Сол жағалау).10. «Әділ» дүкені, Аблакетка, Островский көшесі 6.11. «Бағдаршам», Защита, Теміржолшылар көшесі, 114.12. «Харизма» дүкені, Бажов көшесі, 333.13. «Ел-еңбек» СҮ, Б. Шаяхметов көшесі, 12.14. «Мұхит» СҮ, 1 қабат, балалар тағамы бөлімі, Өтепов көшесі, 25/2.15. Қаныш Сәтпаев даңғылы 14/2, 1 қабат, «Belle jardin» бөлімі.Карталарды ЦТУ мекенжайлары бойынша сатып алуға болады.Ақпарат көзі : https://www.gov.kz/memleket/entities/vko-oskemen/press/news/details/962695?lang=kk

Өскеменде Наурыз мейрамы ерекше сән-салтанатпен тойланып, көктемнің жаңаруы мен халықтың бірлігін айшықтайтын басты мерекеге айналды. Қала тұрғындары мен қонақтары ұлттық дәстүрлерге толы, қызықты ойындар мен әсерлі қойылымдар ұсынылған мерекелік атмосфераға бөленді.Мерекенің басты алаңы 15 қазақтың дәстүрлі киіз үйінен тұратын киіз үй қалашығы болды. Мұнда келген қонақтар ұлттық тағамдардан дәм татып, ата-баба мәдениеті мен тұрмыс-тіршілігі туралы танымдық мәліметтер алды. Қалашықтың ерекшелігі – Қазақстандағы ең үлкен, 500 адамға арналған алып киіз үйдің тігілуі болды.Биылғы Наурыз мерекесіне 20 мыңнан астам адам қатысты. Қала тұрғындары мен қонақтары қазақ халқының тарихы мен салт-дәстүріне арналған театрландырылған қойылымдарды тамашалады.Мерекенің маңызды шараларының бірі қолөнер көрмесі болды. Мұнда шеберлер өз қолдарымен жасаған бұйымдарын, ұлттық әшекейлер мен киімдерді, тұрмыстық заттарды ұсынды. Сондай-ақ, шеберлік сабақтары ұйымдастырылып, кез келген адам дәстүрлі қолөнер түрлерін үйренуге мүмкіндік алды.Ұлттық тағамдарды ұнататындар үшін фуд-корттар жұмыс істеді. Ал «Бауырсақ пати» аясында қонақтарға жаңа піскен бауырсақтар ұсынылып, қазақы қонақжайлықтың ерекше атмосферасы жасалды.Ауыл шаруашылығы жәрмеңкесінде өңір фермерлері өз өнімдерін – ет, сүт, көкөніс пен жемістерді ұсынды. Бұл шара мерекелік көңіл-күй сыйлап қана қоймай, жергілікті кәсіпкерлерді қолдауға мүмкіндік берді.Белсенді демалысты ұнататындар үшін спорттық сайыстар ұйымдастырылды. Олардың ішінде асық ату, көкпар, қазақша күрес, арқан тарту және басқа да ұлттық ойындар ерекше қызығушылық тудырды.Өскеменде Наурыз мейрамы бір күнмен шектелмейді. Арнайы әзірленген бағдарламаға сәйкес, мерекелік шаралар қаланың шағын аудандары мен ауылдарында жалғасады.Ақпарат көзі : https://www.gov.kz/memleket/entities/vko-oskemen/press/news/details/962674?lang=kk

Өскемен қаласында мерекелік шаралардың басты орталығына айналған киіз үй қалашығы бой көтерді. Онда қазақтың дәстүрлі 15 киіз үйі тігілді, әрқайсысы өз алдына бөлек тақырыпты қамтып, қазақ халқының мәдениеті, тұрмысы мен тарихы туралы сыр шертті.Елдегі ең үлкен, 500 адамға арналған киіз үй ерекше назар аудартты. Оның ішінде мәдени іс-шаралар, халықтық қойылымдар, көрмелер және басқа да шаралар ұйымдастырылды.Киіз үй қалашығын ШҚО әкімі Нұрымбет Сақтағанов пен Өскемен қаласының әкімі Алмат Ақышов аралап, экспозициялармен танысты, қолөнер шеберлерімен тілдесіп, ұлттық дәстүрлер мен қолөнер бұйымдарын тамашалады.Ақпарат көзі : https://www.gov.kz/memleket/entities/vko-oskemen/press/news/details/962669?lang=kk

Өскеменде ұлттық спорт түрлерінен жарыстар өтіп, тәжірибелі спортшылар мен әуесқойларды бір алаңға жинады.Жарыс бағдарламасына: қазақ күресі, арқан тартыс, асық ату, қол күресі, бағанаға өрмелеу, өгіз көтеру, таяқ тартыс, гір көтеру, ләңгі ату.Жарыстар достық пен адал бәсеке атмосферасында өтті. Қатысушылар күш, төзімділік пен шеберліктерін көрсетті.Мұндай іс-шаралардың басты мақсаты – ұлттық спорт түрлерін дәріптеу, жас ұрпаққа ата-баба мұрасын насихаттау және ұрпақтар сабақтастығын нығайту.Ақпарат көзі : https://www.gov.kz/memleket/entities/vko-oskemen/press/news/details/962665?lang=kk

Өскеменде Наурыз мейрамы аясында жарқын әрі дәмді бауырсақ-пати өтті. Іс-шара барысында қонақтарға 1000-нан астам жаңа піскен бауырсақ ұсынылды.Мерекенің басты мақсаты – қазақтың дәстүрлі асханасын насихаттау және бірлік пен қуанышқа толы жылы атмосфера қалыптастыру болды.Жарыс нәтижесінде Гран-при иегері 50 мектеп атанды.Қосымша номинациялар бойынша жеңімпаздар:🏆 «Ең үлкен бауырсақ» – 30 мектеп;🎭 «Ең үздік шығармашылық таныстырылым» – №106 «Қарлығаш» балабақшасы;🍽 «Ең үздік тағам безендіру» – 33 мектеп.Мереке қонақтары бауырсақтың дәмін татып қана қоймай, дәстүрлі әндер, билер мен ұлттық ойындар қамтылған концерттік бағдарламадан ерекше әсер алды.Ақпарат көзі : https://www.gov.kz/memleket/entities/vko-oskemen/press/news/details/962658?lang=kk

Су тасқыны - бұл табиғат күштерінің әрекеті нәтижесінде құрлықтың едәуір бөлігін сумен уақытша су басу. Бұл құбылыс нәтижесінде пайда болуы мүмкін: * гидротехникалық құрылыстардан су ағызу; * қардың тез еруі, мұз кептелісінің пайда болуы; * мол ұзақ жауын-шашын немесе қысқа мерзімді, бірақ өте қарқынды; * теңізден немесе үлкен өзендерден жағалауларға және өзендердің сағаларына қатты желмен немесе толқынмен су ағады. Су тасқынын болжауға болады, яғни алдын алу шараларын қолдануға болады. Ықтимал су тасқыны туралы болжамды ала отырып, халықты сиреналардың көмегімен, радио және телевизиялық хабар тарату желісі арқылы және басқа да мүмкін құралдармен хабардар ету жүзеге асырылады. Су тасқыны қаупі туралы ескерту алғаннан кейін, жақындарыңызға, көршілеріңізге хабарлаңыз, қарттар мен науқастарға көмек көрсетіңіз. Ақпаратта су басудың уақыты мен шекаралары, тұрғындарға эвакуацияның орынды тәртібі мен тәртібі туралы ұсыныстар туралы хабарланатын болады. Эвакуация алдында үйіңізді сақтау үшін: * суды, газды, электр қуатын өшіру; * пештердегі отты сөндіріңіз; * ғимараттардың жоғарғы қабаттарына (шатырларына) бағалы заттар мен мүліктерді көшіру; * терезелер мен есіктерді жабыңыз, қажет болған жағдайда бірінші қабаттың терезелері мен есіктерін тақталармен немесе фанермен жабыңыз. Эвакуацияның басталғаны туралы сигнал алған кезде оны тез жинап өзіңізбен бірге алып жүру керек: * құжаттар (герметикалық қаптамада), құндылықтар, дәрі-дәрмектер; * маусымға арналған киім мен аяқ киім жиынтығы; * азық-түлік қоры бірнеше күн, содан кейін қауіпсіз аудандарға жөнелту үшін жарияланған эвакуациялық пунктке барыңыз. Су тасқыны кезінде, егер ауылдағы немесе жеке сектордағы су тасқыны болса, малды су басу аймағынан алыс қауіпсіз жерлерге мүмкіндігінше тезірек айдау қажет. Ең жақын қауіпсіз биік орынды алыңыз және ұйымдастырылған су эвакуациясына дайын болыңыз. Құтқарушыларға сумен кесілген және көмекке мұқтаж адамдарды уақтылы анықтауға мүмкіндік беретін шаралар қабылдау қажет: а) Жарық уақытта-матаны жоғары жерге іліп қойыңыз; б) қараңғы уақытта - жарық сигналдарын беру. Егер су далада, орманда ұсталса, онда биік жерлерге шығу керек, егер мұндай биіктік болмаса - ағашқа көтерілу керек. Адамды суда ұстауға қабілетті барлық заттар қолданылады (бөренелер, тақталар, ағаш есіктер, бөшкелер, автомобиль шиналары және т. б.) Есіңізде болсын! Су басқан жерлерде келіп түскен сумен жанасатын тағамдарды жеуге және қайнатылмаған су ішуге болмайды. Кез-келген жағдайда ашуланбаңыз, үрейленбеңіз, тез әрекет етіңіз, бірақ әбігерсіз және сенімді болыңыз! АҚ және ТЖ істері жөніндегі басқару органдарының сөйлеу хабарламаларына мұқият болыңыз!Ақпарат көзі : https://www.gov.kz/memleket/entities/vko-kurchum/press/news/details/962651?lang=kk

Ұлттық спорт күні аясында ұйымдастырылған «Әкелер мектебі» жарыстарында түрлі ұлттық спорт түрлері қамтылды. Жарыс барысында әкелер мен балалар бірлесіп ұлттық ойындарда бақ сынасты. Бұл тек физикалық тұрғыдан ғана емес, рухани жағынан да әкелер мен балалар арасындағы байланысты нығайтты, дәстүрлі ойындардың маңыздылығын насихаттады.Осындай шаралар ұрпақтар арасындағы байланысты күшейтіп, ұлттық спорт түрлерінің қоғамдағы орны мен мәнін арттырады.Ақпарат көзі : https://www.gov.kz/memleket/entities/zhetysu-alakol-kabanbai/press/news/details/962649?lang=kk

ЦТУ 8 пен ДПК «Teenager» Наурыз мейрамына арналған мерекелік іс-шара өткізді.Мереке қонақтарын талантты өнерпаздардың орындауындағы жарқын музыкалық нөмірлер күтіп тұрды. Ұлттық әуендер, көңілді билер мен жанды дауыстағы өнер көрсету залды қуаныш пен жылулыққа бөледі.Мерекенің ажырамас бөлігі – дәстүрлі дастархан болды. Барша қатысушыларға Наурыз көже ұсынылды – бұл молшылық пен берекенің символы. Сондай-ақ, қонақтар хош иісті бауырсақ пен дәмді палаудан дәм татты.Ақпарат көзі : https://www.gov.kz/memleket/entities/vko-oskemen/press/news/details/962645?lang=kk

Қонаев қаласы мәслихатының №3 сайлау округінің депутаты А.Ракишева бекітілген кестеге сәйкес 22 ақпанда өз округінің сайлаушыларымен кездесу өткізді.Ақпарат көзі : https://www.gov.kz/memleket/entities/maslihat-qonaev/press/news/details/962631?lang=kk

Өскемен қаласының сәулеттік-көркемдік келбетін қалыптастыру мақсатында орталық көшелерді кешенді абаттандыру жобалары әзірленді. Жоба Чехов, С. Нұрмұхамбетов көшелері, Шәкәрім және Абай даңғылдары, Қазақстан, Крылов, Қасым Қайсенов, Қабанбай батыр, Гоголь және Теміржолшылар көшелерін қамтиды.Кешенді абаттандыру жобалары қалалық ортаны жақсартуға бағытталған бірқатар шараларды қарастырады: ғимараттардың қасбеттерін түрлі түске бояу, кіреберістерді ретке келтіру және кедергісіз орта қалыптастыру ұсынылады.Сондай-ақ, маңдайшаларды біріздендіру, қасбеттерді безендіру, түнгі уақытта сәулеттік жарықтандыру ұйымдастыру, ғимараттарға іргелес аумақтарды абаттандыру және көгалдандыру жоспарланған.Ақпарат көзі : https://www.gov.kz/memleket/entities/vko-oskemen/press/news/details/962627?lang=kk

Қазақстан Республикасы Энергетика министрлігі отын-энергетикалық кешеннің өндірістік қалдықтары – көмір электр станцияларындағы күл-қож және мұнай өңдеу зауыттарындағы мұнай шламдары мәселелерін шешуге күш салуда.Бүгін Қазақстан Республикасы Үкіметінің отырысында ҚР Энергетика министрі Ерлан Ақкенженов отын-энергетикалық кешеннің өндірістік қалдықтарын басқару саласындағы жағдай мен қабылданып жатқан шаралар туралы есеп берді. Баяндамада жылу электр станцияларындағы күл-қож қалдықтары мен мұнай өңдеу зауыттарындағы мұнай шламдарын басқарудың негізгі аспектілері қарастырылды. Бұл мәселелер мемлекеттің экологиялық қауіпсіздігін қамтамасыз етуде басымдыққа ие.Күл-қож қалдықтары: кәдеге жаратудың қиындықтары мен кедергілеріЕрлан Аккенженов көмірден электр энергиясын өндіру нәтижесінде жиналатын қалдықтардың ауқымды экологиялық мәселеге айналғанын атап өтті. Республикада 21 ірі көмір электр станциясы жұмыс істейді, олардың қызметі нәтижесінде жалпы аумағы 18,2 мың гектарды қамтитын 27 күл-қож үйіндісі (золоотвал) қалыптасқан.«Қазіргі таңда бұл күл үйінділерінде жиналған күл-қож қалдықтарының жалпы көлемі 1,41 миллиард текше метрді құрайды. Бұл – орасан зор көрсеткіш, ол біз бетпе-бет келіп отырған экологиялық қауіптің ауқымын айқын көрсетеді. 2024 жылы күлді қайта өңдеу көлемі 69,2 мың тоннаға жетті, негізінен цемент өндірісінің қажеттіліктері үшін пайдаланылды. Дегенмен, бұл көрсеткіш жиналған күлдің жалпы көлемімен салыстырғанда өте аз үлесті құрайды», – деді министр.Министр қалдықтарды қайта өңдеу көлемін арттыруға кедергі келтіретін негізгі факторларды талдады. Басты мәселе – күлдің сапасы. Қазақстанда қолданылатын көмірдің ерекшелігі күлдің құрамында қоспалардың, күкіртті қосылыстардың және ауыр металдардың жоғары болуына әкеледі. Бұл күлді тікелей өнеркәсіпте, әсіресе құрылыс индустриясында пайдалану мүмкіндігін шектейді, өйткені оны өңдеу үшін қосымша шығынды қажет ететін тазарту технологиялары керек. Соның салдарынан бұл шикізатқа деген сұраныс төмен болып отыр.Қосымша қиындықтар ретінде қажетті инфрақұрылымның жеткіліксіздігі, күлді терең өңдейтін кәсіпорындардың тапшылығы, тиімді логистикалық жүйенің болмауы және бизнесті осы салаға тарту үшін экономикалық ынталандыру шараларының әлсіздігі аталды. Сонымен қатар, экологиялық таза технологияларға көшу, соның ішінде «құрғақ күл шығару» технологиясын енгізу, электр станцияларын жаңғыртуға үлкен қаржы талап етеді және әзірге тұрақты ірі тұтынушылардың жоқтығымен шектеліп отыр.«Күлді қайта өңдеу мәселесін кешенді түрде шешу қажет. Жай ғана қайта өңдеу зауытын салу жеткіліксіз. Біз шикізат сапасын жақсартудан бастап, сұранысты ынталандыруға, инфрақұрылымды дамытуға және экономикалық тиімді технологияларды енгізуге дейін  бүкіл экожүйені қалыптастыруымыз керек. Сонымен қатар, ескі күл-қож қоймаларын қалпына келтіру жұмыстарын жүргізуіміз керек. Бұл жерлерді шаруашылық айналымға қайтарып, олардың қоршаған ортаға кері әсерін азайтуға мүмкіндік береді», – деп атап өтті министр.Мұнай шламдарын басқару: жүйелі шешімдер және «тарихи мұрадан» арылуМұнай өңдеу өнеркәсібінің қалдықтарын басқару мәселесі бойынша министр ірі мұнай өңдеу зауыттарында жүйелі тәсіл қолданылып жатқанын айтты. Мұнай шламы жиналмайды, оны дереу арнайы құрылғылар арқылы өңдеу жүзеге асырылады. Шлам құрамындағы көмірсутектер қайта өңделіп, өндірістік циклге қайтарылады. Қалған қатты қалдықтар (жылына шамамен 5,3 мың тонна) қоршаған ортаға қауіпсіз жолмен жою үшін тиісті рұқсаты бар мамандандырылған ұйымдарға беріледі. Министр Қазақстан Республикасында мұнай шламдарын көмуге заң жүзінде тыйым салынғанын ерекше атап өтті.Сонымен қатар, бұрынғы жылдары жиналып қалған «тарихи» мұнай қалдықтарын жоюға ерекше көңіл бөлінуде. Жер қойнауын пайдаланушы компаниялар, оның ішінде «ҚазМұнайГаз» ұлттық компаниясы тобына кіретін кәсіпорындар, ластанған жерлерді қалпына келтіру жұмыстарын жүйелі түрде жүргізуде. Бұл үшін әртүрлі технологиялар, соның ішінде көмірсутектерді бөліп алу мақсатында сепарация әдісі, сондай-ақ биологиялық тазарту әдісі қолданылады. Соңғысы мұнайды ыдырататын арнайы микроорганизмдерді пайдаланады. Мұндай өңдеуден кейін тазартылған топырақ шаруашылық мақсаттарға, мысалы, жерлерді қайта қалпына келтіру үшін пайдаланылуы мүмкін.«Біз «тарихи» мұнай қалдықтарын жою бойынша айтарлықтай прогресті байқап отырмыз. 2018 жылдан 2024 жылға дейін 4,5 миллион тонна осындай қалдық қайта өңделді, оның 1 миллион тоннасы тек 2024 жылы жойылды. Бұл жетістіктер мұнай-газ компанияларының жүйелі жұмысының және экологиялық бақылаудың күшеюінің нәтижесі. Министрлік экологиялық заңнаманың сақталуын қадағалауды жалғастырады, сондай-ақ өнеркәсіптің қоршаған ортаға әсерін азайту үшін ең озық қолжетімді технологияларды енгізуді қолдайтын болады», – деп қорытындылады министр Ерлан Аккенженов.Қазақстан Республикасы Энергетика министрлігі өндірістік қалдықтарды қайта өңдеу көлемін арттыру үшін нормативтік-құқықтық базаны жетілдіру және қажетті жағдайлар жасау жұмыстарын жалғастырады. Бұл бағыт Қазақстанның «жасыл» экономикаға көшуінің маңызды элементі және елдің ұзақ мерзімді экологиялық тұрақтылығын қамтамасыз етудің басты тетігі ретінде қарастырылады.Ақпарат көзі : https://www.gov.kz/memleket/entities/energo/press/news/details/962622?lang=kk

Қарағанды облысының санитариялық-эпидемиологиялық бақылау департаменті  2025 жылғы 10 сәуір мен 27 мамыр аралығында Департамент пен оның аумақтық басқармалары қызметінің сыбайлас жемқорлық тәуекелдеріне ішкі талдау жүргізілетінін хабарлайды.2024 жылдың қорытындысы бойынша талдау келесі бағыттар бойынша жүргізілетін болады:1) Бақылау-қадағалау қызметін жүзеге асыру (Қарағанды облысы бойынша Құқықтық статистика және арнайы есепке алу комитеті басқармасының тексерулерді тіркеуден бас тартуы бойынша, оның ішінде тіркеу және тексеру жүргізу) және т.б.;2) анықталған бұзушылықтарды жою жөніндегі нұсқамалардың орындалуын бақылау;3) әкімшілік практиканы, оның ішінде жеке, лауазымды немесе заңды тұлғалардың кінәсін айқындаудың заңдылығын жүзеге асыру;4) наразылық-талап қою жұмысын, оның ішінде Департаменттің және/немесе аумақтық басқармалардың пайдасына шығарылмаған шешімдер бойынша жүзеге асыру;5) мемлекеттік қызметтер көрсету, оның ішінде көрсетілген мемлекеттік қызметтердің мерзімдері мен тәртібін бұзу, заңсыз санитариялық-эпидемиологиялық қорытындылар беру, сондай-ақ мемлекеттік қызметтер көрсетуден заңсыз бас тарту және жасырын мемлекеттік қызметтерді анықтау;6) жеке және заңды тұлғалардың өтініштерін қарау, оның ішінде артықшылық беру фактілерін анықтау, мерзімдерді бұзу және т. б.;7) еңбек жағдайларының санитариялық-эпидемиологиялық сипаттамаларын беру;8) персоналды басқару мәселелері, оның ішінде кадрлардың ауысуы;9) Департамент бөлімдерінің және оның аумақтық басқармаларының ұйымдастыру-басқару қызметі;10) мемлекеттік қызметшілердің кәсіпкерлік немесе өзге де ақы төленетін қызметпен айналысуы, оның ішінде Департаменттің және аумақтық басқармалардың барлық қызметкерлерінің кірістері туралы декларацияларды уақтылы тапсыруы;11) тәртіптік жаза қолданудың заңдылығы мен уақтылығы, оның ішінде оларды алу кезіндегі негізділігі;12) мүдделер қақтығысын реттеу;13) Департаменттің Қаржы-шаруашылық қызметі, сыйлықақы беру тәртібі, оның ішінде үстемеақы төлеу кезіндегі заңдылық;14) мемлекеттік мұқтажды қамтамасыз ету үшін тауарларды, жұмыстарды, көрсетілетін қызметтерді сатып алу саласында.Ақпарат көзі : https://www.gov.kz/memleket/entities/departament-kkbtu-karaganda/press/news/details/962617?lang=kk

⚜️«Таза Қазақстан», «Таза жағалау» акциясы аясында жергілікті атқарушы органдардың бастамасымен мемлекеттік қызметкерлер және тазалыққа жанашыр жастар сенбілік жұмыстарын кешенді түрде жүргізді.⚜️Ауданымыздың тазалық мәселесін басты орынға қойған олар теңіз жағалауы мен саябақтарды қоқыстан тазартты.Сондай-ақ, саябаққа тал көшеттерін егіп, түбін қопсытып және тазалық жұмыстарын жасады.⚜️Сонымен қатар, ауданға қарасты барлық ауылдық елдімекендерде сенбілік жұмыстары ұйымдастырылып, нәтижесінде 5 техника, 30 тоннаға жуық қоқыстар мен тұрмыстық қатты қалдықтар шығарылып, 360 - қа жуық адам қатысып, 80 дана тал көшеттері егілді.⚜️Бұл шара табиғатқа деген жақсы қарым-қатынасын қалыптастыруға және санитарлық жағдайын жақсартуға бағытталды.Қарақия ауданы әкімдігінің баспасөз қызметіАқпарат көзі : https://www.gov.kz/memleket/entities/akimat-karakiya/press/news/details/962598?lang=kk

🌿 23 наурыз – "таза Қазақстан".Наурызнамның онкүндігі аясында 23 наурызда ауыл аумағын тазалауға арналған "таза Қазақстан" акциясы өтті.Бей-жай қарамайтын тұрғындар, ұйымдардың ұжымдары өздерінің туған жерін таза әрі жайлы ету үшін сенбілікке шықты. Қоғамдық орындарды тазарту жұмыстары жүргізілді.Қатысқандардың барлығына рахмет! Біз бірге таза және әдемі болашақ жасаймыз!🌍✨Ақпарат көзі : https://www.gov.kz/memleket/entities/kostanai-denisov-kyrym/press/news/details/962592?lang=kk

⚜️Жетібай ауылында жекелеген шағын аудандарында техногенді жағдайдан тоқ желісі зақымданып, істен шыққан болатын.⚜️Қазіргі таңда, «Тұрмыс-Сервис» МКК, «МаңғыстауэнергоМұнай» ЖШС-нің мамандары арнайы техникалардың көмегімен орын алған ақауларды анықтау мақсатында жұмыстар атқарды.⚜️Сонымен қатар, тұрғындардың тыныс тіршілігін қамтамасыз ету мақсатында, істен шыққан трансформатордың орнына демеушілік есеппен «МаңғыстауэнергоМұнай» ЖШС жаңа трансформатор (КТП) тарту етті.⚜️Осы орайда, «МаңғыстауэнергоМұнай» ЖШС  басшылығына және ұжымына ризашылығымызды білдіреміз!Қарақия ауданы әкімдігінің баспасөз қызметіАқпарат көзі : https://www.gov.kz/memleket/entities/akimat-karakiya/press/news/details/962591?lang=kk

⚜️«Таза Қазақстан» республикалық экологиялық акциясы аясында  Құрық ауылына қарасты, Қарақия станциясы елді мекеніндегі жаңадан салынған саябаққа 80 - ге жуық жеміс  ағаштары мен ива, ирга және қаратал көшеттері отырғызылды.⚜️Өңірдің экологиялық жағдайын жақсартуға бағытталған шараға аудан әкімі, әкім орынбасары, аппарат басшысы, ауыл әкімі, мемлекеттік қызметшілер және ауыл тұрғындары қатысты.⚜️Саябаққа егілген ағаштар жергілікті жерді жерсінген көшеттер. Сонымен қатар саябаққа суару жүйесі тартылып, күтіп ұстауға жауапты тұлғалар бекітілді.⚜️Шара соңында тұрғындар ризашылығын жеткізіп, мәуелі баққа айналуына тілектестік білдірді.Қарақия ауданы әкімдігінің баспасөз қызметіАқпарат көзі : https://www.gov.kz/memleket/entities/akimat-karakiya/press/news/details/962577?lang=kk

“Наурызнаманың онкүндігі” аясында 21 Наурыз - Ынтымақ күні береке, бірлік, татулықтың үлгісін көрсеткен кентаулықтар қара тал көшеттерін отырғызды.Игі шараға қатысқан қала әкімі Жандос Тасов қала тұрғындарын Наурыз мерекесімен құттықтап, Ынтымақ күніндегі ауызбіршіліктегі ынтымақты іске алғыс білдірді.Одан бөлек, қалалық маслихат депутаттары, қалалық “Amanat” партиясы, қаланың зиялы қауым өкілдері, полиция қызметкерлері, ұлағатты ұстаздар, барлық саладағы мемлекеттік қызметкерлері мен мекеме жұмысшылары, спортшылар мен қала жастары қатысып қаланың көгалдандыруына атсалысты.Қаланың кіре беріс бағытындағы жол бойына 6 жүзден аса қара тал көшеттері егілді. Қала әкімімен бірге тал еккен егіз балалар Бекарыс пен Жанарыстың қадамын жақсылыққа балап, елағалары ақбатасын берді.Осылайша Ұлыстың ұлы күні жасыл желекті Кентаудың көгалдануына үлес қосқан шарада көпшілікке ақдастархан жайылып, көже таратылды.Ақпарат көзі : https://www.gov.kz/memleket/entities/turkestan-kentau-kalasy/press/news/details/962570?lang=kk