Алматы облысында мемлекеттік тілді қашықтан үйренуге мүмкіндік беретін "TilOquBot" атты инновациялық Telegram-бот іске қосылды. Жаңа цифрлық құрал Президенттің цифрландыру жөніндегі тапсырмасы аясында әзірленіп, бүгінде өңір тұрғындары арасында кеңінен қолданылуда. Алматы облысы Тілдерді дамыту басқармасының мәліметінше, чат-бот құрамында қазақ тілін меңгерудің төрт деңгейін қамтитын 100 сағаттық оқу бағдарламасы мен іс жүргізу курстары бар. Қазіргі уақытта жүйеге 3 146 адам тіркелген, олардың 58 пайызы облыстың шалғай аудандарында тұрады. – Басты мақсатымыз – қазақ тілін үйренуді әр азаматқа, оның тұрғылықты жеріне қарамастан, қолжетімді ету."TilOquBot" өзінің тиімділігін дәлелдеді: енді ең шалғай ауыл тұрғындарының өзі ыңғайлы форматта білім ала алады. Бұл – цифрлық трансформация жағдайында ерекше маңызды, – деді Тілдерді дамыту басқармасының басшысы Данияр Ахметов. Оның айтуынша, чат-бот мемлекеттік тіл саясатын жүзеге асыру жолындағы кешенді жұмыстың бір бөлігіне айналды. Цифрлық жобалармен қатар, облыста тілдер фестиваліне дайындық басталған.Аталған шара аясында түрлі байқаулар, үздік оқытушылар мен белсенділерді марапаттау, сондай-ақ мемлекеттік тілді насихаттауға бағытталған креативті жобаларды қолдау жоспарланып отыр. – Біз әрбір азаматтың қазақ тілін дамыту ісіне үлес қосып жатқанын сезінуіне жағдай жасауға тырысамыз. Бүгінде тіл – тек дәстүр мен мәдениеттің көрінісі ғана емес, сонымен қатар технология, жаңа форматтар мен жастардың әлемі. "TilOquBot" – осы заман талабына сай келетін, құндылықтар мен тілді ұштастыратын тамаша мысал, – деп түйіндеді Ахметов. Басқарма өкілдерінің хабарлауынша, қыркүйек айында Ұйғыр ауданында тіл фестивалінің қорытынды шарасы өтеді. Алты номинация бойынша жеңімпаздар анықталып, оларға 300 мыңнан 1,5 миллион теңгеге дейінгі ақшалай сыйлықтар табысталмақ.  Ақпарат көзі : https://www.gov.kz/memleket/entities/almobl/press/news/details/975369?lang=kk

     «Заң және Тәртіп» идеологиясын іске асыру аясында Ақтөбе облысының прокуратурасы жүргізілген талдау нәтижелері бойынша 300-ден астам азаматтың конституциялық құқықтарының бұзылғанын анықтады.Заңнамаға сәйкес еңбек шарттары қызметкер зейнеткерлік жасқа толғаннан кейін, қызметкерді кемінде бір ай бұрын хабардар ете отырып, бір лауазымдық жалақы мөлшерінде өтемақы төлеумен бұзылады.Облыс аудандарының білім бөлімдері ұжымдық шартта көрсетілген бір лауазымдық жалақы (тарифтік мөлшерлеме) мөлшерінде өтемақы төлемейтіні анықталды.Мысалы, Шалқар ауданының білім бөлімі 116 қызметкерге жалпы сомасы 12 млн теңгеден асатын бір лауазымдық жалақы мөлшерінде өтемақы төлемеген.Осындай бұзушылықтар Хромтау, Мәртөк, Алға, Әйтекеби және Мұғалжар аудандарында да анықталды.Прокурорлық қадағалау актісі бойынша 300-ден астам қызметкердің конституциялық құқықтары қалпына келтірілді, жалпы сомасы 25 млн теңгеден астам өтемақы төленді.Бұзушылыққа жол берген лауазымды тұлғалар қатаң тәртіптік жауапкершілікке тартылды.Азаматтардың конституциялық құқықтарын қорғау жұмысы жалғасуда.#Заң_мен_Тәртіп#ЗАҢменТӘРТІП #ЖауапкершілікАқпарат көзі : https://www.gov.kz/memleket/entities/prokuratura-aktobe/press/news/details/975352?lang=kk

Ұлы Жеңістің 80 жылдығы аясында Целиноград ауданында, қазақтың қаһарман қызы, Кеңес Одағының Батыры Әлия Молдағұлованың 100 жылдығына арналған танымал әнші, актер, режиссер, драматург, ақын, «Үздік драматург» номинациясының иегері Қанат Жүнісовтың «Әлия» драмасымен, тұңғыш халықтық театрының тұсау кесері өтті.Халықтық театрының алғашқы қойылымының кейіпкерлерін сомдаған әуесқой актерлар: мемлекеттік қызметкерлер, аудандық мәдениет үйінің қызметкерлері, 44813 әскери бөлімшесінің қызметкерлері, мектеп оқушылары және жергілікті тұрғындар жоғары деңгейде сахналаса, Әлия рөлін сомдаған Ақмол ауылы мектеп гимназиясының оқушысы Байрақ Гүлжамал көрерменнің ыстық ықыласына бөленді.Әлия Молдағұлованың тартысқа толы қиын кезеңдегі тағдырын, биік, қайталанбас дара тұлға екендігін, майдан даласына аттануын, мергендерді даярлау мектебінен өтуін, жауынгер достарымен, балалар үйіндегі тәрбиешілерімен және командирлерімен қарым-қатынасын қойылым авторы көркемдеп бейнелесе, қоюшы-режиссер Қ.Қуанышбаев атындағы Мемлекеттік Академиялық музыкалық  драма театры режиссерінің көмекшісі,  сонымен қатар Целиноград аудандық мәдениет үйінің үйірме жетекішісі, «Мәдениет саласының үздігі» төсбелгісінің иегері Гүлжан Абдибаева халыққа шебер жеткізіп, көрерменнің жүрегіне жол тапты.Айта кететін болсақ, Ұлы Жеңістің 80 жылдығына мерекелеу аясында, ұрпаққа патриоттық сезімді ояту, туған елге, жерге деген сүйіспеншілікті арттыру, батырларымыздың ерлігін насихаттау мақсатында Ақмола облысында республикалық, облыстық және аудандық деңгейде 600-ге жуық іс-шара жоспарланып, оның 400-ден астамы өткізілді.Бүгінгі өткен «Әлия» спектаклінің премьерасы іс-шара легінің тамаша бөлігіне айналды. Ақпарат көзі : https://www.gov.kz/memleket/entities/aqmola-madeniet/press/news/details/975326?lang=kk

  ТҰРҒЫНДАРМЕН КЕЗДЕСУМұнайлы ауданының әкімі Қанат Құлжанов пен Баянды ауылының әкімі Қадырбек Жексенбаев тұрғындармен кездеседі.🗓️13 сәуір, сағат 15:00📍Баянды ауылы, №3 мектепАқпарат көзі : https://www.gov.kz/memleket/entities/mangystau-munaily-bayandy/press/news/details/1199183?lang=kk

eGov Mobile қосымшасында шетелде алынған жоғары және жоғары оқу орнынан кейінгі білім туралы дипломдарды тану қызметі қолжетімді болды. Қызмет шетелдік жоғары оқу орындарының түлектеріне Қазақстанда жұмысқа орналасу немесе оқуын жалғастыру үшін дипломын ресми түрде растауға мүмкіндік береді.Бұрын дипломды тану рәсімі жеке өтініш беруді және қағаз құжаттарды жинауды талап етсе, енді бүкіл процесс онлайн форматта қолжетімді. Бұл өтінішті қарау мерзімін едәуір қысқартып, қызметті пайдаланушылар үшін ыңғайлы етеді.Қызметті пайдалану үшін:eGov Mobile қосымшасында авторизациядан өту қажет;«Қызметтер» – «Білім» бөлімінде «Жоғары және жоғары оқу орнынан кейінгі білім туралы құжаттарды тану» қызметін таңдау;өтінішті толтырып, қажетті құжаттарды тіркеп және төлем жасау қажет;өтінішті қол қоюдың қолжетімді әдістерінің бірімен растау.Өтініш заңнамада белгіленген мерзімде қаралады. Нәтижесінде, пайдаланушы дипломды тану туралы электрондық құжатты алады немесе заңда көзделген негіздер бойынша дәлелді жауап беріледі.Жаңартылған қызмет ҚР Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті, «Ұлттық ақпараттық технологиялар» АҚ және ҚР Ғылым және жоғары білім министрлігімен бірлесіп жүзеге асырылды.Ақпарат көзі : https://www.gov.kz/memleket/entities/aqmola-selinograd/press/news/details/980260?lang=kk

ҚР ҚМ Мемлекеттік кірістер комитеті «Keden» кедендік ақпараттық жүйесін кезең-кезеңімен енгізу шеңберінде «Жолаушы кедендік декларациясы» функционалын іске қосуда..2025 жылдың 21 сәуірі сағат 00:00-ден бастап, мұндай декларацияларды кедендік ресімдеу «Keden» ақпараттық жүйесінде кедендік декларация толтыру арқылы жүзеге асырылады. Ақпарат көзі : https://www.gov.kz/memleket/entities/kgd-akmola/press/news/details/981442?lang=kk

Жеке тұлғаларға Қазақстан Республикасынан 10 000 АҚШ долларынан аспайтын (немесе басқа валютадағы баламасы) әкетуге рұқсат етіледі.Декларацияның немесе растайтын құжаттардың болуына қарамастан, белгіленген лимиттен асатын соманы әкетуге тыйым салынады.Бұзушылық үшін Қазақстан Республикасының заңнамасына сәйкес жауапкершілік көзделген.Ақпарат көзі : https://www.gov.kz/memleket/entities/kgd-mangistau/press/news/details/975944?lang=kk

Адам папилломавирусының алдын алуБүкіл әлемде АPV инфекциясы ең көп таралған инфекция болып табылады. Адам папилломавирусы жатыр мойны обыры, тік ішек обыры және басқа да қатерлі ісіктер сияқты ауыр аурулардың дамуына себеп болады. HPV-нің 200-ден астам түрі бар, онкогендік қаупі жоғары түрлері деп аталатын HPV-нің кем дегенде 14 түрі шырышты қабық арқылы таралады және жатыр мойны обыры мен басқа да қатерлі ісіктерді тудыруы мүмкін. Кез келген түрдегі АPV инфекцияларының көпшілігі симптомсыз. Жатыр мойны обырының 10 жағдайының 7-і 16 немесе 18 типті АPV-ден туындайды. АPV таралу жолдары: 1.байланыс-тұрмыстық-қол алысу, поцелуй, терінің зақымдануы арқылы. Вирус ылғалды ортада тез таралады, сондықтан қоғамдық орындарға - сауналарға, ванналарға, спортзалдарға, бассейндерге, дәретханаларға барған кезде мұқият болу керек.2. жыныстық жол-жыныстық жолмен берілетін вирустардың онкогендік түрлері жыныс мүшелерінде орналасқан сүйелдерді тудырады. 3. тік жол-вирус туу каналы арқылы өту кезінде анадан балаға беріледі. Сүйелдер көбінесе нәрестелерде өмірдің алғашқы жылдарында аузында немесе терісінде пайда болады.4.өзін - өзі жұқтыру жолы-көбінесе қырыну немесе эпиляция кезінде АPV дененің бір аймағынан екіншісіне ауысады.Жатыр мойны обыры-бұл әйелдің жатыр мойнының қатерлі ісігі, бұл аурудың барлық дерлік жағдайлары АPV инфекциясынан туындайды. .  Жыл сайын бүкіл әлемде жатыр мойны обырының 600 мың жағдайы және жатыр мойны обырынан 300 мың өлім тіркеледі. Қазақстанда жыл сайын жатыр мойны обырының 1900-ге жуық жаңа жағдайы тіркеледі немесе жатыр мойны обырының 5 жаңа жағдайы күн сайын диагноз қойылады , жылына 600-ден астам әйел осы патологиядан қайтыс болады. Жатыр мойны обыры 25 пен 44 жас аралығындағы әйелдерде Қазақстандағы әйелдер арасында ең көп таралған екінші қатерлі ісік түрі болып табылады. Бүгінгі таңда АPV лечения жоқ, алдын алудың жалғыз әдісі - вакцинация. Дене вакцинаға иммундық жүйеге АPV инфекциясымен күресуге көмектесетін антиденелер жасау арқылы жауап береді. Вакцина қатерлі ісік тудыруы мүмкін емес, құрамында вирустың жеке ақуыздары бар, олар ағзаға еніп, иммунитетті белсендіреді. Иммундық жүйенің жасушалары адам папилломавирусымен күресуге бағытталған антиденелер шығарады.  Әйелдің құнарлылығына (репродуктивті функциясына), ерте менопаузаның басталуына, АPV вакцинасын алған аналардан туған балаларда аутизмнің пайда болуына олар әсер етпейді. HPV вакцинациясына қарсы адамдар вакциналардың қауіпті, тиімсіз, бедеулікке, жыныстық азғындыққа, вакцинаның құрамында рак клеткалары бар және қатерлі ісік тудыруы мүмкін екендігі туралы теріс ақпарат таратады.негізсіз және миф болып табылады. Фактілер-бұл вакцинаны 2006 жылдан бастап әлемде қолдану, әйелдер арасында АPV таралуының төмендеуі. 2024 жылғы қыркүйектен бастап Қазақстанда Ұлттық егу күнтізбесіне сәйкес 11 жастағы қыздарға вакцинация жүргізіледі, сондай-ақ 12-13 жастағы қыздарға иммундау жүргізіледі. Вакцинацияның негізгі мақсаты-Жатыр мойны обырынан қорғау. Қыздарды вакцинациялау олардың болашақ серіктестерін қорғауды, сондай-ақ табын иммунитетін қамтамасыз етеді. Вакцинация вакцинаның 2 дозасынан тұрады, қарсы көрсетілімдер болмаған кезде дәрігердің қарауынан кейін ата-аналарының немесе қамқоршыларының ақпараттандырылған келісімімен тегін негізде жүргізіледі. Ата-аналар, балаларыңызды осы аурудан қорғаңыз. Басшы     Ярушко Н.А.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/975470?lang=kk

Астанада Ішкі істер министрінің орынбасары – Ұлттық ұланның Бас қолбасшысы Аңсаған Балтабековтың төрағалығымен әскердің басшылық құрамының қатысуымен кеңейтілген кеңес өтті.Отырыста құқықтық тәртіп әскерлерінің 2025 жылдың бірінші тоқсанындағы қызметтік-жауынгерлік қызметінің қорытындылары егжей-тегжейлі талданды. Кеңес барысында өңірлік қолбасшылықтар қолбасшыларының, бөліністер басшыларының баяндамалары тыңдалды. Есептердің тыңдалуы әскердің ағымдағы жай-күйін жан-жақты бағалауға және алдағы кезеңге арналған жоспарларды белгілеуге мүмкіндік берді.Мәселен, 2025 жылдың бірінші тоқсанында Ұлттық ұлан бақылаушыларының қарауылдары мен әскери жасақтары 400-ге жуық ұялы телефон, 220-дан астам суық қару мен пышақтау-кесу құралдарын, 750 граммға жуық есірткі заттары мен 50 литрден аса спирті бар сұйықтық тәркіледі. Әскер қарауылдары түрмеге тыйым салынған заттарды кіргізудің 35 фактісіне тосқауыл болған. Сондай-ақ Қылмыстық-атқару жүйесі мекемесіне заңсыз жолмен рұқсат етілмеген зат алып кірмек болған 26 азаматты ұстаған.Бұдан бөлек, ұландықтар өрт сөндірудің және адамдарды құтқарудың 11 жағдайына тікелей атсалысқан. Әскери қызметшілер алғашқы тоқсанда 45 жоғалған зат пен 91 смартфон тауып, иелеріне қайтарды. Қызмет атқару кезінде жауынгерлер жүрек талмасы, демікпесі мен ұстамасы бар және басқа да себептерден зардап шеккен адамдарға жедел көмек көрсетті. Сондай-ақ өз-өзіне қол жұмсамақ болған немесе суға батып бара жатқан азаматтардың өмірін сақтап қалды.Өз сөзінде генерал-майор Аңсаған Балтабеков елордада өтетін әскери шерудің, сондай-ақ еліміздің аумағында Ұжымдық қауіпсіздік туралы шарт ұйымының қолдауымен өтетін "Кобальт-2025" халықаралық жаттығуларының дайындығына назар аударды.— Қазақстан Республикасының Президенті Қасым-Жомарт Тоқаев пен Ішкі істер министрі алдағы басымдықты нақты белгіледі: ішкі істер органдары мен Ұлттық ұлан әрқашан заңдылық пен тәртіптің үлгісі болуы тиіс. Құқықтық тәртіп әскері елдегі құқықтық тәртіпті нығайтуға және тұрақтылықты қамтамасыз етуге елеулі үлес қосуға міндетті. Бұл ретте бізге үлкен сенім артылып, жауапкершілік жүктелді. Қойылған міндеттердің көлемі жыл сайын артып келеді, сондықтан бүгінгі күні кәсіби, құзыретті кадрларды даярлау ісі қарқынды жүргізілуі қажет, — деді генерал-майор А.Балтабеков.Кеңес барысында Мемлекет басшысының ҚР ІІМ Ұлттық ұланын сандық және сапалық тұрғыда дамытуға бойынша тапсырмаларының іске асырылуына ерекше назар аударылды. Бас қолбасшы басшылық құрамға осы бағыттағы мақсаттардың орындалуын қатаң бақылауды тапсырды.Айта кетейік, бұған дейін Қазақстан Республикасы Ұлттық ұлан академиясында "Қазақстанның әскери қауіпсіздігін қамтамасыз ету аясында әскери білім беруді дамыту” тақырыбында VII Халықаралық ғылыми-практикалық конференция өткен болатын.Конференция барысында офицерлердің құқықтық мәдениетіне, әскери кадрларды даярлау бағдарламаларын жетілдіру және халықаралық ынтымақтастықты дамыту мәселелеріне ерекше назар аударылды.Кеңес қорытындысында генерал-майор Аңсаған Балтабеков алдағы кезеңге арналған бірқатар басым міндеттерді белгіледі. Негізгі тапсырмалардың бірі көктемгі әскерге шақыру науқанын жоғары деңгейде ұйымдастыру болды. Бұл құқықтық тәртіп әскерлерін жасақтау мен олардың жауынгерлік қабілетін сақтаудың маңызды аспектісі болып табылады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/975148?lang=kk

Бастаушы ауылдық кітапханасында 11 сәуір күні 1 - сыныбымен Ғарышкерлер күніне арналған тәрбие сағаты өтті.Іс-шараның мақсаты: балалардың ғарышкерлік тарихына деген танымдық қызығушылығын қалыптастыру, оқушылардың зияткерлік және шығармашылық қабілеттерін дамыту. Бұл күні басты кейіпкер Юрий Алексеевич Гагарин болды, ол әлем тарихындағы ғарыш кеңістігіне ұшқан алғашқы адам. Балалар ғылымның дамуына баға жетпес үлес қосқан біздің қазақстандық ғарышкерлердің ғарышқа ұшуы туралы білді. Балалар ғарышкерлердің өмірінен қызықты деректерді білді, ғарыштық викторина сұрақтарына жауап берді.Ақпарат көзі : https://www.gov.kz/memleket/entities/vko-samar-bastaushy/press/news/details/975182?lang=kk

Ақмола облысының Ауыл шаруашылығы және жер қатынастары басқармасы сіздің назарыңызға облыстың ауыл шаруашылығы тауарын өндірушілер мен астық қабылдау кәсіпорындарына астық кептіруге арзандатылған дизель отынын           (10,0 мың тонна) алу үшін қысқа мерзімде "gosagro.kz" сайтта (ағымдағы жылғы 3 кыркүйектен) өтінім беріп және оператор таңдау қажет екенін Сіздің назарыңызға жеткізеді.Ақпарат көзі : https://www.gov.kz/memleket/entities/aqmola-ush/press/news/details/1061447?lang=kk

Алматыда Ұлы Отан соғысындағы Жеңістің 80 жылдығына арналған «Менің Жеңіс тарихым» челленджі басталды. Онлайн-акцияға мектеп оқушылары, жастар мен алматылықтар белсенді қатысып жатыр. Олар соғысқа қатысқан туыстарының немесе әскери жылдардағы отбасылық мұрағаттағы фотосуреттерін әлеуметтік желілерге жариялап, оларды қысқаша әңгімелермен немесе естеліктермен бірге ұсынуда.Алматылықтардың әрбір отбасы дерлік өз атасы мен әжесінің естелігін қастерлеп сақтайды – бұл қара-ақ фотосуреттер, сарғайған хаттар, жеке заттар болуы мүмкін. Біздің бейбіт күніміз үшін жанын қиған батыр ата-бабаларымыздың ерліктері, Отанына адал болған жүздеген мың қазақстандықтардың жадында мәңгілікке қалады!Мысалы, Алматы тұрғыны Ирина Амирова өз аталарының оқиғасымен бөлісті.«Біздің отбасымызда соғысқа екі арғы атам қатысқан. Бірі – жаяу әскер, екіншісі – сапер болған. Олар бір-бірімен таныс болмаған, бірақ олардың жолдары Жеңіске деген сенімде түйісті. Бірі аяғынан айырылып, бірақ өмірге деген сүйіспеншілікпен оралды. Екіншісі 1943 жылы Смоленск түбінде хабар-ошарсыз кеткен. Оның есімі обелискке қашап жазылған, біз жыл сайын мамырда сол жерге гүл апарамыз. Бұл екі тағдыр – соғыстың қос қыры: қаза қайғысы мен төзім. Отбасымыз олардың естелігін сақтайды, өйткені бұл бейбіт өмір бізге қандай бағамен келгенін ешкім ұмытпауы керек. Бұл – менің Жеңіс тарихым».Тағы бір әлеуметтік желі қолданушысы Айжан Маратова атасының ағасы туралы айтып берді.«Атамның ағасы Ленинградты жанкештілікпен қорғағандардың бірі болған. Соғыс жайлы сирек айтатын, көбіне үнсіз қалатын, ішкі жан-дүниесінде көп нәрсені жасырып жүретін. Жеңіс күні ол әрқашан сабырлы болатын. Бірақ бір жылы, бүкіл отбасымызбен қаза тапқандар ескерткішіне барғанда, оның ерні дірілдеп, көзінде жас жылтырап тұрғанын көрдім. Ол жай ғана былай деді: "Шынайы жеңіс – тек қалаларды азат етуде емес, фашизмді жеңуде емес. Жеңіс – халықтың бәрін бастан өткеріп, адамшылықтан айырылмай, аман қалғанында". Бұл сөздер мәңгі есімде қалды».Әлеуметтік желілерде алматылықтар өздерінің ата-әжелерінің соғыс жылдарындағы оқиғаларымен белсенді бөлісуде. Дәл осы жерде ерлікпен Отанын қорғаған атақты атқыштар дивизиялары құрылған болатын.Соғыстың алғашқы күндерінде Алматы маңында оқ ату мен қазіргі заманғы соғыс өнеріне үйрететін оқу-жаттығу алаңдары пайда болды. 1941 жылы тек Алматыдағы атқыштар-пулеметшілер училищесі ғана армияға 2429 жас офицер дайындады.Әскерге шақырылғандар мен еріктілер қатарынан генерал-майор Иван Панфилов басқарған аты аңызға айналған 316-атқыштар дивизиясы құрылды. Бұл дивизия соғыстың шешуші шайқастарында иық тірестіре ерлік көрсетті.1942 жылдың 13 тамызында Алматыдан майданға 100-атқыштар бригадасы аттанды. Ол алғашқы ұлттық құрамалардың бірі болды.Ақпарат көзі : https://www.gov.kz/memleket/entities/almaty-almaly/press/news/details/975126?lang=kk

Брюссель, 2025 жылғы 12 сәуір — Еуропалық Одақтың астанасы Брюссель қаласында Наурыз мейрамы салтанатты түрде аталып өтті. Іс-шараны Қазақстан Республикасының Бельгия Корольдігі мен Люксембург Ұлы Герцогтігіндегі Елшілігі ұйымдастырды. Демеушілік көмек көрсеткендер: Eurasian Resources Group (ERG), Jan De Nul, Ahlers, Turkish Airlines, Валлондық Брабанттағы Қазақстанның құрметті консулы А. Сусарова және т.б.Мерекелік шараға қазақ диаспорасының өкілдері, қазақстандық студенттер, Бельгия мен Люксембургтің мемлекеттік, қоғамдық ұйымдары мен іскер топтарының өкілдері, сондай-ақ бұқаралық ақпарат құралдарының өкілдері қатысты.Іс-шарада Қазақстан Республикасының Бельгиядағы Төтенше және Өкілетті Елшісі Марғұлан Баймұхан құттықтау сөз сөйледі. Ол, Наурыздың жаңару, бейбітшілік, келісім мен бірліктің символы екендігін атап өтіп, бұл мейрам Орталық Азия халықтарының терең мәдени дәстүрлерін бейнелейтінін және елдер арасындағы мәдени диалогты нығайтуға маңызды үлес қосатынын айтты.Қонақтарға мазмұнды мәдени бағдарлама ұсынылды: қазақтың салт-дәстүрлері, ұлттық ойындар (қанат тартыс, асық ату, садақ ату), музыкалық шығармалар көрсетілді. Көрнекті суретші Г. Тұрлымұратованың көркем шығармалар көрмесі мен ұлттық киімдер көрсетілімі үлкен қызығушылық тудырды. Сонымен қатар, спорттық шаралар (волейбол) және демеушілердің (Turkish Airlines) қолдауымен Қазақстанға авиабилеттің ұтыс ойыны өткізілді.Іс-шара аясында қазақтың ұлттық тағамдарының, соның ішінде молшылық пен берекенің символы — басты тағам саналатын наурыз-көженің дәмін тату ұйымдастырылды.Мереке аясында қайта жөнделіп, жаңғыртылған «Kazakhstan Born Bold» атты көпфункционалды спорт алаңының тұсау кесері өтті.Брюссельдегі Наурыз мейрамы Қазақстан мәдениетінің байлығы мен халықтар арасындағы достық байланыстарды нығайтудың, өзара түсіністік пен мәдениетаралық құрмет қағидаттарын ілгерілетудің жарқын көрінісіне айналды. Ақпарат көзі : https://www.gov.kz/memleket/entities/mfa-brussels/press/news/details/975097?lang=kk

Ұлттық ұлан спорт командасын даярлау орталығының аға маманы (дене шынықтыру және спорт бойынша аға нұсқаушысы) Милад Карими Хорватияның Осиек қаласында өткен спорттық гимнастикадан әлем кубогында қола медаль жеңіп алды.Едендегі еркін жаттығулар финалында ефрейтор Карими 13,966 ұпай жинап, жоғары шеберлік көрсетті. Бұл оған үшінші орынды жеңіп, құрмет тұғырына көтерілуге мүмкіндік берді.Хорватияда өткен дода Әлем кубогы сериясындағы төртінші кезең болды және қатысушылардың рекордтық санын жинады — яғни 35 ел спортшылары бақ сынады. Қазақстан құрамасының құрамында Нариман Құрбанов, Зейнолла Ыдырысов (атқа міну жаттығулары), Асан Сәлімов (тірек секіру) және Милад Карими өнер көрсетті. Милад тек едендегі еркін жаттығуларда ғана емес, сонымен қатар зілтемірде де бақ сынасты.Кезең қорытындысы бойынша Қазақстан екі қола медаль жеңіп алды. Нариман Құрбанов 14,233 ұпаймен ат спорты бойынша финалда үштікке ілінді.Ұландық Милад Каримидің жетістігі — оның жеке көрсеткіші ғана емес, сондай-ақ қатарында нағыз чемпиондар қызмет ететін Ұлттық ұлан үшін де үлкен мақтаныш. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/975096?lang=kk

Кеңес Одағының Батыры, Халық қаһарманы армия генералы Сағадат Нұрмағамбетов атындағы әскери колледжде көшет отырғызылды.Экологиялық акцияға Тәрбие және идеологиялық жұмыстар департаментінің бастығы әділет полковнигі Тілеухан Басқожаев, Әскери білім және ғылым департаментінің бастығы полковник Мұрат Олжабаев, армия генералы Сағадат Нұрмағамбетов атындағы әскери колледждің бастығы полковник Ғазиз Төлеушев, әскери қызметшілер мен кадеттер қатысты.– Бұл күндері "Таза Қазақстан" акциясы аясында Қарулы күштердің барлық әскери бөлімдерінде экологиялық акциялар өтуде. Әрбір отырғызылған көшет, ол тыл еңбеккерлері мен жалпы Жеңіс үшін күрескен жауынгерлерге құрмет пен ризашылықтың символы іспеттес, - деп атап өтті әділет поковнигі Тілеухан Басқожаев.  Әскери колледж бастығы полковник Ғазиз Төлеушев атап өткендей, оқу орнының аумағын көгалдандыру кадеттер үшін маңызды оқиға болып саналады.– Біз үшін де, тәрбиеленушілеріміз үшін де бұл көшеттер Ұлы Отан соғысының батырлары сыйлаған бейбітшіліктің символына айналады. Ал, бүгінгі күні елдің тыныштығын қорғауда тұрған қазіргі әскери қызметшілерге алғыс пен құрмет іспеттес, сондай-ақ ол болашақ ұрпаққа қазақстандық жауынгерлердің ерлігін  еске салады, – деді Ғазиз Төлеушев.Естеріңізге сала кетейік, "Таза Қазақстан" акциясы аясында Ұлы Отан соғысының батырларын еске алу үшін бүкіл ел бойынша мыңдаған көшеттер отырғызылады. Ақпарат көзі : https://www.gov.kz/memleket/entities/mod/press/news/details/975093?lang=kk

Телеграмм КС - https://t.me/consot_kz   Страсбург, 2025 жылғы 9-10 сәуір – ҚР Конституциялық Сотының Төрайымы Э.Азимова және ҚР Парламенті Сенатының Төраға орынбасары О.Перепечина Еуропа Кеңесінің (ЕК) штаб-пәтеріне жұмыс іссапарымен барды.Іссапар аясында қазақстандық делегация ЕК Бас хатшысы А.Берсе, ЕК Адам құқықтары жөніндегі комиссары М.О’Флаэрти, Еуропа Кеңесінің Парламенттік Ассамблеясы (ЕКПА) Президенті Т.Русопулос, ЕКПА-ның "Еуропалық консерваторлар, патриоттар және одақтастары" саяси фракциясының Төрағасы, Қазақстан бойынша баяндамашы Ж.Немет, Адам құқықтары жөніндегі Еуропалық сотының судьясы А.Арутюнян, Венеция комиссиясы хатшысының орынбасары Д.Фрейманн және Страсбург сотының төрағасы Ф.Бабомен кездесті.А.Берсемен кездесуде Қазақстан мен Еуропа Кеңесінің екіжақты ынтымақтастығын одан әрі дамыту мәселелері қарастырылды. Еуропалық ұйымның басшысы Қазақстандағы демократиялық процестер, конституциялық реформалар мен Парламент қызметі туралы жан-жақты ақпарат алды.Өз кезегінде ЕК Бас хатшысы А.Берсе Қазақстанды ұйымның маңызды серіктесі ретінде атап өтті. Оның айтуынша, Қазақстан мен Еуропа Кеңесін адам құқықтарын нығайтуға деген ортақ ұмтылыс біріктіреді. Ол Қазақстанның ұйым шеңберіндегі түрлі бастамаларға, соның ішінде сыбайлас жемқорлыққа қарсы күреске белсенді қатысуын жоғары бағалады. А.Берсе Еуропа Кеңесінің түрлі бағыттары бойынша бірлескен жұмысты жалғастырудың маңыздылығын атап өтті.Қазақстан делегациясы Адам құқықтары жөніндегі Комиссарға Президент Қ.Тоқаевтың елдің саяси және әлеуметтік-экономикалық жүйесін түбегейлі өзгертуге бағытталған бастамалары туралы ақпарат берді. Қазақстандағы реформалар халық сұранысымен байланысты екені және мемлекет қоғаммен ашық диалог орнатуға және адам құқықтарын сақтау тұрғысынан азаматтардың сұраныстарына жедел әрекет етуге ерекше көңіл бөлетіні айтылды.М.О’Флаэрти Қазақстандағы реформалардың оң нәтижелерін, өлім жазасының жойылуын ризашылықпен атап өтті. Ол билікті орталықсыздандыру процесінің маңыздылығын және Конституциялық соттың ұлттық құқық қорғау жүйесіндегі рөлін ерекше атап өтті. Мемлекеттің әлеуметтік осал топтарды қолдау жөніндегі бастамаларын қолдайтынын білдірді.ЕКПА Президентімен кездесуде парламентаралық ынтымақтастық мәселелері талқыланды. Парламенттік дипломатияның тікелей байланыстар орнатуда және маңызды мәселелерді шешуде маңызды рөл атқаратыны айтылды. Т.Русопулосқа ҚР Парламентінің реформаларды жүзеге асыру, заңнаманы жетілдіру және құқық үстемдігін нығайту бағытындағы заң шығару қызметі туралы ақпарат берілді. Сонымен қатар, ЕКПА Президентіне Қазақстанда Әлемдік және дәстүрлі діндер лидерлерінің съезі туралы айтылды.ЕКПА-дағы саяси фракция төрағасы Ж.Неметпен кездесуде Қазақстандағы адам құқықтарын қорғау жағдайы талқыланды. Еуропалық депутат адам құқықтары саласындағы реформаларды іске асырудың маңыздылығын атап өтіп, Қазақстанмен ынтымақтастықты дамытуға қолдау білдірді. Бұл контексте көршілестік саясаты шеңберінде Қазақстанмен ынтымақтастықтың басымдықтарын іске асыруға ерекше көңіл бөлінеді.Адам құқықтары жөніндегі Еуропалық сотта Қазақстандағы реформалар туралы егжей-тегжейлі әңгіме өтті. Судья А.Арутюнянға Конституциялық соттың қызметі және реформалар туралы жан-жақты ақпарат берілді. Конституциялық бақылаудың рөлі мен оны іске асыру тетіктері бойынша сындарлы пікір алмасу болды.Венециялық комиссияда өткен кездесуде одан әрі ынтымақтастықтың практикалық қадамдары қарастырылып, өзара іс-қимылдың басым бағыттары белгіленді.Қазақстанда Конституциялық соттың құрылуына байланысты реформалар Страсбург сотының Төрағасы Ф.Бабомен кездесу барысында талқыланды. Екі тарап өзара тиімді ынтымақтастықты дамытуға ұмтылысын растады. https://www.gov.kz/memleket/entities/mfa-strasbourg/press/news/details/975091?lang=kk Ақпарат көзі : https://www.gov.kz/memleket/entities/ksrk/press/news/details/975258?lang=kk

Облыс орталығындағы Кеңес Одағының Батыры Иманғали Білтабанов көшесіндегі ескерткіш тақтаға гүл шоқтарын қою рәсімі өтті. Ақтөбеліктер 10 сәуірде 100 жылдығы болған Ұлы Отан соғысының жауынгері, Кеңес Одағының Батыры Иманғали Білтабановты еске алуға арналған шараға көптеп жиналды. Олардың қатарында әскери қызметшілер, Қарулы күштердің ардагерлері, Ауған соғысына қатысушылар, сондай-ақ батырдың туыстары мен жақындары бар.Иманғали Білтабанов 1925 жылы Қобда ауданы Қосөткел ауылында дүниеге келген. 1943 жылы майданға шақырылып, 289-шы Нарва атқыштар полкінің құрамында соғысқан.Польша жеріндегі ұрыс қимылдары кезінде пулемет есептобының командирі сержант Иманғали Білтабанов Оппельн қаласының оңтүстігіндегі Одер өзенінен сәтті өтті. 1945 жылы 25 қаңтарда Батыс жағалаудағы Одерфельд ауылының маңындағы жағажайды ұстап тұру үшін болған шайқаста пулеметпен ондаған жау сарбазы мен офицерінің көзін жойды. Осы ұрыста жараланып, контузия алса да ұрыс алаңын тастап кетпеді. 1945 жылы 26 ақпандағы шайқаста ерлікпен қаза тапты.Көрсеткен ерлігі үшін КСРО Жоғарғы Кеңесі Президиумының Жарлығымен Иманғали Білтабановқа қаза тапқаннан кейін Кеңес Одағының Батыры атағы берілді.Қосөткел ауылындағы ауылдық округ батырдың есімімен аталады. Бір минут үнсіздікпен басталған салтанатты шара Иманғали Білтабановтың ескерткіш тақтасына гүл шоқтарын қоюмен аяқталды.Ақпарат көзі : https://www.gov.kz/memleket/entities/mod/press/news/details/975090?lang=kk

Елордалық әскери авиабазада БҰҰ миссиясы аясында (UNDOF) Голан жоталарында қызмет атқарып, бір жылдан кейін елге оралған Қазақстанның тұңғыш бітімгерлік контингентін салтанатты қарсы алу рәсімі өтті.Құрмет қарауыл ротасының сүйемелдеуімен бітімгерлік қызмет атқарған әскери қызметшілерді Қорғаныс министрлігінің басшылығы, Қарулы күштердің ардагерлері мен әріптестері қарсы алды.Қорғаныс министрі генерал-полковник Руслан Жақсылықов әр бітімгердің қолын алып, жеке құрамға алғысын білдірді. Ол сондай-ақ, Қазақстан армиясының тарихында алғаш рет Голан жоталарында "БҰҰ-ның бөлінуді бақылау жөніндегі күштері" миссиясында өзінің қару-жарағы мен техникасымен дербес ұлттық контингент орналастырылғанын атап өтті.- Бұл миссия аласапыран аймақта халықаралық бейбітшілік пен тұрақтылықты сақтау жөніндегі маңызды міндет болды. Сіздердің күш-жігерлеріңіз назардан тыс қалмай, халықаралық аренада Қазақстанның беделін жауапты, әрі бейбіт мемлекет ретінде одан әрі нығайтуға негіз болды. Адал қызметтеріңіз бен жауынгерлік тапсырманы орындаудағы жауапкершіліктеріңіз, сондай-ақ, қазіргі таңда басынан қиын кезеңді өткеріп жатқан адамдарға көмек қолын созғандарыңыз үшін алғыс айтамын, – деп атап өтті қорғаныс ведомствосының басшысы.Бітімгерлік ротасының командирі подполковник Жігер Аипов Фауар базасында миссияны орындау барысында қазақстандық контингент 600-ден астам тапсырманы орындағанын атап өтті.- Осыдан бір жыл бұрын біздің 139 адамнан тұратын алғашқы бітімгерлік контингентіміз Голан жоталарына аттанды. Жауапкершілік аймағында ротаның жеке құрамы жүктерді алып жүру бойынша патрульдік және гуманитарлық қызмет атқарды. Біз 4 эвакуация жасадық және 400-ден астам жарылмаған заттардың жойдық, - деді ол.Қиын-қыстау кезеңде ер адамдармен бірге БҰҰ-ның Голан жоталарындағы миссиясында 7 әйел әскери қызметші қызмет атқарды.Алға қойылған міндеттерді ойдағыдай орындағаны үшін қазақстандық бітімгерілік контингенттің жеке құрамы БҰҰ Миссиясы мен Хатшылығы басшылығының  жоғары бағасына ие болды.Ақпарат көзі : https://www.gov.kz/memleket/entities/mod/press/news/details/975054?lang=kk

Страсбург, 2025 жылғы 10 сәуір – Еуропа Кеңесінің Парламенттік Ассамблеясының (ЕКПА) көктемгі сессиясы аясында Қазақстандағы демократиялық өзгерістерді іске асыруға арналған «Демократиялық реформалар – тұрақтылық пен өркендеудің негізі» атты дөңгелек үстел өтті.Іс-шараға Қазақстан Республикасы Конституциялық Сотының Төрайымы Э.Әзімова, ҚР Сенаты Төрағасының орынбасары О.Перепечина, ЕКПА саяси тобының Төрағасы Ж.Немет, Венеция Комиссиясы хатшылығының директоры С.Гранат-Менгини, GRECO Атқарушы хатшысы Л.Стойка, Еуропа Кеңесі бағдарламаларын үйлестіру Директорат бөлімінің басшысы Ш.Дюрр, Қазақстан халқы Ассамблеясының өкілдері және халықаралық зерттеу орталықтарының сарапшылары қатысты.Э.Әзімова өз сөзінде Конституцияның үстемдігін нығайту үдерісін, конституциялық бақылау институтының дамуын және Қазақстандағы адам құқықтары мен бостандықтарын қорғаудағы сот билігінің рөлін атап өтті.Іс-шараға қатысушылары Президент Қ.Тоқаевтың Қазақстанның саяси жүйесін жаңғыртуға, ұлттық құқық қорғау тетіктерін күшейтуге, мемлекеттік басқару жүйесінің жауапкершілігін арттыруға бағытталған бастамаларының іске асырылу барысын талқылады.Сонымен қатар, адам құқықтарының күн тәртібіне, сот жүйесінің тәуелсіздігін қамтамасыз етуге, сыбайлас жемқорлыққа қарсы саясатқа және демократиялық құндылықтарды ілгерілету саласындағы халықаралық ынтымақтастыққа назар аударылды.Жүргізілген реформалардың нәтижесінде айтарлықтай оң өзгерістер орын алғаны атап өтілді.Еуропа Кеңесінің өкілдері Қазақстанмен өзара тиімді ынтымақтастықты дамытуға дайын екендіктерін растады және елдің құқық қорғау тәжірибелерін жетілдіру, адам құқықтары мен заң үстемдігін нығайту саласындағы ілгерілеуін ерекше атап өтті.Ақпарат көзі : https://www.gov.kz/memleket/entities/mfa-strasbourg/press/news/details/975085?lang=kk

2025 жылғы 11 сәуірде онлайн-форматта ҚР Цифрлық даму, инновациялар және аэроғарыш өнеркәсібінің бірінші вице-министрі Қаныш Төлеушин мен ПИР Ақпараттық технологиялар және телекоммуникацияның бірінші вице-министрі – федералды хатшысы Хан Заррар Хашам арасында келіссөздер өтті.Тараптар АТ саласындағы ынтымақтастықты жолға қою перспективаларын егжей-тегжейлі талқылап, нақты бағыттарды айқындады.Қаныш Төлеушин Қазақстанның ІТ-нарығындағы ағымдағы жағдай, онлайн-форматта мемлекеттік қызметтерді ілгерілетудегі прогресс, жасанды интеллект, блокчейн технологиялары, финтех және т.б. дамыту тұрғысында жүргізіліп жатқан жұмыстар туралы айтып берді.Өз кезегінде Федералды хатшы ПИР үкіметінің басымдықтары мен АТ секторында жүзеге асырылып жатқан саясат туралы хабардар етті.Х. З. Хашам Қазақстан тарапының айтылған ұсыныстарын қолдап, ҚР-мен ынтымақтастықты жандандыруға қызығушылық білдірді.Өз кезегінде, ҚР Елшісі Е.Қыстафин 2025 жылға жоспарланған іс-шаралар туралы айтып, осы жылдың сәуір айында Үкіметаралық Комиссия отырысы шеңберінде қол қоюға жоспарланған құжаттарды келісуді жеделдетуді ұсынды.Кездесу қорытындысы бойынша а.ж. сәуір айының соңында ақпараттық технологиялар және телекоммуникациялар жөніндегі Бірлескен жұмыс тобының 1-ші отырысын ұйымдастыруға уағдаластыққа қол жеткізілді, онда бірлесіп іске асыру үшін нақты жобалар қарастырылатын болады.Ақпарат көзі : https://www.gov.kz/memleket/entities/mfa-islamabad/press/news/details/975081?lang=kk