Түркістан облысы озық ауыл шаруашылығы технологиялары мен халықаралық ынтымақтастықтың орталығына айнала отырып, агроөнеркәсіптік секторға инвестициялар тартуды жалғастыруда. Бүгін облыс әкімі Нұралхан Көшеров Корея елінен арнайы келген бір топ инвесторлармен кездесті. Келіссөздер барысында тараптар бірқатар маңызды жобаларды жан-жақты талқылады.Кәсіпкерлер құрама жем өндірісін дамытуға, ірі қара мал өсіруге және озық корей технологияларын қолдана отырып күріш өсіруге бағытталған ауқымды инвестициялық жобаларды іске қосудың жоспарларын таныстырды. Жобаны іске асыру өңірдің ауыл шаруашылығы әлеуетін нығайтуға, жаңа жұмыс орындарын құруға және аграрлық секторға заманауи технологияларды енгізуге мүмкіндік береді.Ауыл шаруашылығы өндірісіне заманауи технологияны енгізудің маңыздылығын ерекше атап өткен өңір басшысы Түркістан облысының ерекше климаттық жағдайына тоқталып, ауыл шаруашылығы саласында жүзеге асырылатын жобалар туралы жоспарларымен бөлісті. Әкім халықаралық агроөнеркәсіп саласындағы мамандандырылған компаниямен екі жақты іскерлік қарым-қатынасты орнатуға ниетті екенін жеткізді.– Бірлескен жобаларды облысымыздың оңтүстік өңірінде жүзеге асыруға болады. Ондағы бірнеше ауданның өзінде 1 миллионнан астам халық тұрады. Жұмыс күші жеткілікті. Қалдықсыз өндіріске қажетті өнімдермен өзіміздің шаруалар қамтамасыз ете алады. Сонымен қатар бірегей технологиялық әдістермен жергілікті диқандармен тәжірибе алмасуға шақырамын. Біздің өңірдің халқы өте еңбекқор, жаңашылдықты жақсы қабылдайды, - деді Нұралхан Көшеров.Түркістан облысында Мемлекет басшысының тапсырмасына сәйкес, ауыл шаруашылығын әртараптандыру, су үнемдеу технологиялары мен жаңа әдіс-тәсілдерді қолдану жұмысы қарқынды жүруде. Өңір экономикасының маңызды саласы ауыл шаруашылығында өнім көлемі былтыр 1 трлн теңгеден асып, өндірілген өнім бойынша елімізде көш бастады. Биыл ауыл шаруашылығы дақылдары 896 мың гектарға егіледі.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/927288

Елордада қар жауып тұр. Қарлы боран ертең де жалғасады. Коммуналдық қызметтер қар тазалау жұмысын үзіліссіз жүргізіп жатыр, деп хабарлайды Астана әкімдігінің ресми сайты.Елорда көшелерінде тоқтаусыз қар жауып тұр. Мұндай ауа райы алдағы екі күнде қалада жалғасады.Синоптиктердің болжамынша, 30-31 қаңтар күндері қарлы боран болады, жел күшейіп, ауа температурасы 15-17 градус аязға дейін суытады.Коммуналдық қызметтер елорданың барлық ауданында тәулік бойы қар тазалау жұмысын жүргізіп жатыр.30 қаңтарға қараған түні қар күреуге 316 жол жұмысшы мен 1557 арнайы техника шықты.29 қаңтарда күндізгі ауысымда 4127 ауыр жүк көлігімен қаладан 51 284 текше метр қар шығарылды.Қыс мезгілінің басынан бастап қар полигондарына барлығы 4 339 580 текше метр қар 341 798 рейспен шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/927279

2025 жылы негізгі салаларды дамытуға, оның ішінде экономика, кәсіпкерлік, индустриялық инфрақұрылым және туризм салаларына бағытталған ауқымды мақсаттар мен өршіл міндеттер қойылып отыр. 2025 жылы өңірдің меншікті кірістері 580,2 млрд теңгеге жетеді деп болжануда, бұл 2024 жылғы нақты көрсеткіштен 11,5%-ға артық. Кірістердің негізгі бөлігін 562,2 млрд теңге болатын салықтық түсімдер құрайды (+14,4%).Өткен жылғы бір реттік кірістердің болмауына байланысты салықтық емес түсімдер 3,8 млрд теңгеге дейін азайғанымен, капитал сатудан түсетін кірістердің айтарлықтай өсуі күтілуде — 14,2 млрд теңгеге дейін. Бұл несиеге берілетін тұрғын үйлерді сату мен жер телімдерін өткізумен байланысты.Экономиканың 6%-ға өсуіне қол жеткізу үшін жалпы өңірлік өнім көлемі 6 трлн 407 млрд теңгеге жеткізілмек. Негізгі салалар келесі көрсеткіштерді қамтамасыз етеді:Өнеркәсіп өндірісі: 2,2 трлн теңге (+7,5%).Сауда: 2,0 трлн теңге (+7,4%).Ауыл шаруашылығы: 741,5 млрд теңге (+4,5%).Құрылыс жұмыстары: 483 млрд теңге (+10%).787,5 мың шаршы метр тұрғын үй пайдалануға беріледі деп жоспарланып отыр, бұл халық үшін тұрғын үйдің қолжетімділігін айтарлықтай арттырады.2025 жылы жалпы құны 359,2 млрд теңге болатын 28 ірі жоба іске қосылады деп күтілуде. Олардың қатарында «Шин Лайн» ЖШС, «ГаланзБоттлерс» АҚ, LC Waikiki және басқа да компаниялар бар.Құны 3,3 трлн теңге болатын 41 инвестициялық жоба жүзеге асырылу үстінде, олар 7,5 мыңнан астам жұмыс орнын ашады. Ең ірі жобалар арасында Mars, Carlsberg, Hyundai Green және Fufeng Group компанияларының бастамалары бар.Индустриялық аймақтарда 210,4 млрд теңге инвестиция тартылған 22 нысанның құрылысы жоспарланған. «Қайрат» индустриялық аймағында сұйық әйнек, полиэтилен құбырлары және құрғақ құрылыс қоспаларын өндіретін зауыттарды қамтитын 5 жоба іске асырылады.Алматы тау кластерін, оның ішінде Іле-Алатау ұлттық табиғи паркі мен Заилийский және Күнгей-Алатау жоталарын дамытуға ерекше көңіл бөлінуде.2025–2032 жылдарға арналған туризмді дамыту кешенді жоспары аясында 100 км автожол, 80 км велосипед жолдары және 170 км жаяу жүргіншілер маршруттарын салу жоспарланған.Басты жобалардың бірі – «Oi-Qaragai» жыл бойы жұмыс істейтін курортын кеңейту. 2028 жылға қарай оның аумағы 105 гектардан 1000 гектарға дейін ұлғайып, туристер саны жылына 900 мың адамға дейін өседі.2025 жылы қойылған мақсаттарға қол жеткізу үшін барлық басқарма басшылары, аудан және қала әкімдері бірлесіп жұмыс істеуі қажет. Жоспарланған міндеттердің орындалуы өңірдің тұрақты өсуін қамтамасыз етіп, тұрғындардың өмір сапасын арттыратынына сенімдіміз.Ақпарат көзі : https://www.gov.kz/memleket/entities/almobl/press/news/details/927289

Қазақстан мен Сингапур: ұшқышсыз авиациялық жүйелер операторларын даярлаудағы алғашқы нәтижелерАзаматтық авиация академиясының нұсқаушылары мен студенттері Temasek политехникалық институтында (Temasek Polytechnic, Сингапур) «Unmanned Aircraft Pilot License» бағдарламасы бойынша оқудан сәтті өтті.Бұл жоба 2024 жылғы мамыр айында ҚР Президенті Қасым-Жомарт Тоқаевтың Сингапурға мемлекеттік сапары барысында қол қойылған жоғары білім беру саласындағы ынтымақтастық туралы меморандум аясында жүзеге асырылуда. ҚР Ғылым және жоғары білім министрлігі мен Сингапур Республикасының Білім министрлігі арасында жасалған құжат халықаралық білім беру тәжірибесін және озық технологияларды мамандар даярлау жүйесіне енгізуге мүмкіндік ашты.Оқу бағдарламасы 25 кг-ға дейінгі мультироторлы ұшқышсыз авиациялық жүйелерді (ҰАЖ) пайдалану бойынша тереңдетілген теориялық және практикалық дайындықты қамтыды. Бағдарламаның маңызды бөлігі Сингапурдың авиациялық билігі – CAAS ұйымында емтихан тапсыру болды. Бұл қатысушыларға халықаралық талаптарды меңгеруге және ҰАЖ операторларының біліктілігін бағалау тәжірибесін игеруге мүмкіндік берді.Бұл оқу жаңа нұсқаушыларды даярлаудың алғашқы кезеңі болды. Кәсіби даму циклі толық аяқталғаннан кейін және жеткілікті тәжірибе жинақтаған соң олар ҰАЖ операторларын барлық санаттар бойынша оқытуға, сондай-ақ қашықтан басқарылатын авиациялық жүйелердің сыртқы пилоттарын даярлауға кіріседі.Қазақстан мен Сингапур арасындағы білім беру меморандумы жоғары технологиялар саласындағы бірлескен білім беру жобаларын кеңейтуге негіз қалады. Азаматтық авиация академиясының Temasek Polytechnic-пен алғашқы ынтымақтастығы инновациялық және технологиялық тұрғыдан күрделі бағыттардағы ортақ бағдарламаларды одан әрі дамытуға жол ашады.1990 жылы негізі қаланған Temasek Polytechnic – Сингапурдағы техникалық және инженерлік білім беру саласындағы жетекші оқу орындарының бірі. Бүгінде институтта 16 000-нан астам студент білім алуда, ал оның бағдарламалары мамандарды тәжірибелік даярлауға бағытталған.Қазақстан мен Сингапур арасындағы білім беру меморандумын жүзеге асыру – еліміздегі авиация индустриясын дамыту және озық технологияларды енгізу жолындағы маңызды қадам. Бұл Қазақстандағы мамандар даярлау деңгейін жаңа белеске көтеріп, оларды ұшқышсыз авиация және басқа да жоғары технологиялық салаларда жұмыс істеуге дайындауға мүмкіндік береді.Ақпарат көзі : https://www.gov.kz/memleket/entities/sci/press/news/details/926797

Бүгін, 29 қаңтарда, ҚР Президенті жанындағы Орталық коммуникациялар қызметінде «Инженерлік кадрларды даярлаудың жаңа моделі» тақырыбында баспасөз конференциясы өтті.Брифингке ҚР ҒЖБМ Жоғары және жоғары оқу орнынан кейінгі білім комитеті төрағасының орынбасары Гүлжан Жарасова, Қ.И.Сәтбаев атындағы ҚазҰТЗУ академиялық басқару жөніндегі вице-провосты Нұрлан Қызылбаев, Д.Серікбаев атындағы ШҚТУ ғылым және инновациялар жөніндегі проректоры Жадыра Қоңырбаева қатысып, инженерлік кадрларды даярлаудың жаңа моделінің негізгі аспектілері, ұсынылған шешімдер мен күтілетін нәтижелерге тоқталды.Мемлекет басшысы Ғылым және технологиялар жөніндегі Ұлттық кеңестің отырысында халықаралық стандарттарды ескере отырып, инженерлік кадрларды даярлаудың ұлттық моделін әзірлеуді тапсырды. Қазақстанда инженерлерді даярлауды 54 ЖОО жүргізеді, онда 103 мыңнан астам студент оқиды. Білім беру бағдарламаларының тізіліміне инженерия саласындағы 1494 бағдарлама енгізілді, оның 870-і кәсіби стандарттарға сәйкес жаңартылды.Гүлжан Жарасова Қазақстанда инженерлік білім беру проблемаларын шешу үшін негізгі бастамалар іске қосылғанын атап өтті. Атап айтқанда, білім беру бағдарламаларын өзектендіру, білім беруді интернационалдандыру, цифрлық инфрақұрылымды дамыту, ерте кәсіптік бағдарлау, академиялық және зерттеу басымдық орталықтарын құру және «индустриялық PhD» тетігін енгізу. Өткен жылы бағдарламалардың 71%-ы заманауи еңбек нарығының талаптарын ескере отырып жаңартылды.Ғылым және жоғары білім министрлігі 12 елдің жоғары оқу орындарымен 34 стратегиялық әріптестік орната отырып, Қазақстанды Орталық Азияның білім беру хабына айналдыру бойынша белсенді жұмыс істеуде. Спикер шетелдік университеттердің филиалдары жергілікті деңгейде сұранысқа ие бағыттар бойынша мамандар даярлау үшін құрылатынын атап өтті.«Бағдарламалардың көпшілігі салалардың қажеттіліктері мен өңірлердің сұраныстарын ескере отырып, техникалық мамандарды даярлауға бағытталған. Мысалы, Heriot-Watt University филиалы Ақтөбе университетінің базасында электротехника, энергетика және тау-кен ісі үшін кадрлар даярлайды; Тараз университетіндегі РХТУ филиалы химия және химтехнология үшін, ал Ақтаудағы Неміс жоғары оқу орындарының консорциумы логистика, энергетика және экологиялық инжиниринг салалары бойынша мамандар даярлайды. Бұл тәсіл түлектерді жергілікті және халықаралық еңбек нарықтарында сұранысқа ие етеді», - деді Гүлжан Сағидоллақызы.БАҚ өкілдерімен кездесуде Нұрлан Қызылбаев Satbayev University-де инженерлік кадрларды даярлаудың жаңа моделін енгізу туралы айтты. Инженерлік білім беру моделі еңбек нарығының талаптарын ескере отырып, білім беру бағдарламаларын өзектендіруге бағытталған. Университет робототехника, жасанды интеллект, тұрақтылық және цифрлық технологиялар бойынша курстар ұсына отырып, заманауи зертханалар мен ғылыми орталықтар құра отырып, инновацияларды белсенді түрде енгізуде.«Satbayev University-дегі білім берудің жаңа моделінің мақсаты қазіргі заманғы өнеркәсіп пен экономикалық салалардың талаптарына толық сәйкес келетін білімі мен дағдылары бар мамандарды даярлау», - деп атап өтті Нұрлан Құттыбайұлы.Satbayev University жаңа моделі аясында халықаралық серіктестіктерді белсенді дамытып, АҚШ, Ұлыбритания, Германия, Корея және басқа елдердің жетекші университеттерімен қос дипломды бағдарламаларды ұсынады. Университет сонымен қатар KAZ Minerals, Самұрық-Энерго және Alageum Electric сияқты өндірістік серіктестермен ынтымақтасып, студенттерге нақты кәсіпорындарда тағылымдамадан өту және практика мүмкіндіктерін ұсынады. Өнеркәсіп мәселелерін шешуге бағытталған «Индустриялық PhD» бағдарламасына және дуалды оқытуға ерекше назар аударылады.Жадыра Қоңырбаева нақты өндіріс пен академиялық дайындық арасындағы «алшақтықты» азайтуға бағытталған инженерлік білім берудің ұлттық моделін іске асырудағы ШҚТУ тәжірибесі туралы айтып берді. Ол өнеркәсіппен тығыз байланысты жоғары оқу орындарында инженерлерді даярлаудың маңыздылығын атап өтті. Университет еуропалық жүйенің принциптерін ұстанады және бәсекеге қабілетті мамандарды даярлау үшін үздік тәжірибелерді біріктіре отырып, тәжірибеге бағытталған американдық білім беру жүйесінің элементтерін қамтиды. ШҚТУ тәсілінің негізінде теориялық білімді практикалық дағдылармен біріктіруге бағытталған CDIO моделі жатыр.«Біздің ЖОО-да модельді іске асыру жобалық менеджмент және желілік инженерлік мектеп, инженерлік білім беру көшбасшылары, Fab Lab және академиялық және зерттеу басымдық орталықтары сияқты жобалар арқылы жүзеге асырылады. Маңызды аспектке физика-математикалық дайындықты күшейту және өнертапқыштық есептерді шешу теориясының элементтері бар пәндерді енгізу жатады», - деп атап өтті Жадыра Түсіпханқызы.Спикер сонымен қатар миллион доллардан астам қытайлық серіктеспен жабдықталған Лу Бан шеберханасын атап өтті. Шеберхана қытайлық өндірушілердің заманауи жабдықтарымен қамтылған, онда 8 елден 400 студент білім алуда.Қоңырбаева «Көлік жасаудағы смарт-технологиялар және жасанды интеллект» сияқты жаңа бағдарламаларды енгізудің, сондай-ақ білім беру сапасын арттыруға және оның еңбек нарығының талаптарына сәйкестігіне ықпал ететін инженерлік кадрларды сертификаттау орталығын құрудың маңыздылығын атап өтті.Академиялық білімді өнеркәсіппен интеграциялау аясында еліміздің жетекші жоғары оқу орындарының базасында 25 академиялық және зерттеу басымдық орталықтары құрылды. 2024 жылғы 1 қыркүйектен бастап 8 ЖОО базасында «Қазмырыш» және «Қазхром» сияқты ірі компаниялармен бірлесіп «индустриялық PhD» бойынша дайындық басталды. Бұл бағыт өнеркәсіпке инновациялар енгізу үшін жоғары білікті мамандарды даярлауға арналған.Осылайша, Қазақстан жергілікті және халықаралық еңбек нарықтары үшін сұранысқа ие мамандарды даярлауға күш сала отырып, инженерлік білім беру жүйесін белсенді дамытуда.Ақпарат көзі : https://www.gov.kz/memleket/entities/sci/press/news/details/926910

ҚР Ғылым және жоғары білім министрінің бұйрығымен Дархан Жұмақанұлы Ахмед-Заки М. Әуезов атындағы Оңтүстік Қазақстан зерттеу университетінің ректоры болып тағайындалды.Дархан Ахмед-Заки 1981 жылы Шығыс Қазақстан облысында дүниеге келген. Әл-Фараби атындағы Қазақ Мемлекеттік университетін, Қ. Сәтбаев атындағы Қазақ Мемлекеттік Техникалық университетін бітірген.Ғылыми дәрежесі, ғылыми атағы:- техника ғылымдарының докторы, профессорЕңбек жолын 2002 жылы Алматы қаласындағы Республикалық медицина колледжінде физика және математика пәндерінің оқытушысы болып бастаған.2003 жылы Жаңаөзен қаласында «Қазақойл» ЖАҚ технологиялық зерттеулер орталығының инженер-бағдарламашысы болып жұмыс істеді.2004-2012 жылдары – Әл-Фараби атындағы ҚазҰУ механика-математика факультетінің ассистенті, оқытушысы, аға оқытушысы, доценті, деканның оқу-тәрбие жұмысы жөніндегі орынбасары, «Информатика» кафедрасының меңгерушісі.2012-2013 жылдары – Әл-Фараби атындағы ҚазҰУ механика-математика факультетінің деканы.2013-2016 жылдары – Әл-Фараби атындағы ҚазҰУ оқу жұмысы жөніндегі проректор.2016-2017 жылдары – ҚР Білім және ғылым министрлігінің Жоғары және жоғары оқу орнынан кейінгі білім департаментінің директоры.2017-2020 жылдары – Халықаралық бизнес университетінің президенті.2020 жылғы тамыздан бастап 2022 жылғы қазанға дейін Astana IT University ректоры.2022 жылғы қарашадан бастап ҚР Ғылым және жоғары білім министрлігі Ғылым комитетінің төрағасы.2023 жылғы қыркүйектен бастап ҚР Ғылым және жоғары білім вице-министрі.Ақпарат көзі : https://www.gov.kz/memleket/entities/sci/press/news/details/927261

Қазақстаннан шықпай-ақ шетелдік ЖОО-да білім алБүгін Қарағанды қаласында шетелдік ЖОО филиалдары туралы түсіндірме жұмыстарын жүргізу шарасы аясында ҚР Ғылым және жоғары білім министрлігі мен Қарағанды облысы әкімдігінің ұйымдастыруымен шетелдік ЖОО филиалдары көрмесі өтті.Шараға Қарағанды облысының жастар саясаты мәселелері жөніндегі басқармасының басшысы Нұржан Ильяш, Ғылым және жоғары білім министрінің кеңесшісі Руслан Емелбаев, ҒЖБМ Ұлттық тестілеу орталығы директорының орынбасары Наужан Дидарбекова, профориентатор Бақытжан Жұмашев пен еліміздің ЖОО өкілдері қатысып, жас түлектерге маңызды ақпараттар берді.– Бүгін Қарағанды қаласында білім саласында маңызды шара өтіп жатыр. Бұл – Қазақстанда соңғы жылдары ашылып жатқан шетелдік ЖОО филиалдарының көрмесі. Жалпы 2022-2024 жылдары аралығында елімізде 23 шетелдік ЖОО-мен стратегиялық серіктестік орнатылған болатын, биыл тағы 11 серіктестік бойынша келіссөздер жүргізіліп жатыр. Бұл – қазақстандық талапкерлер үшін керемет мүмкіндік, яғни біздің түлектер мемлекеттік грант негізінде Қазақстаннан тыс елге шықпай-ақ, өз елінде оқып жүріп халықаралық дәрежедегі дипломға ие бола алады, – деп атап өтті Ғылым және жоғары білім министрінің кеңесшісі Руслан Емелбаев.Министрлік өкілі атап өткендей, шетелдік ЖОО филиалдары өңірлерде ашылуда. Ол үшін сол өңірдің өндірістік потенциалы мен қай мамандыққа тапшылықтары бар екені ескерілуде. Бүгінгі көрмеге елімізде ашылған шетелдік ЖОО филиалдардың барлығы келді.Шара барысында қарағандылық жоғары сынып оқушылары мен олардың ата-аналары Қазақстанда ашылған шетелдік ЖОО филиалдарымен, оларға оқуға түсу және оқу талаптарымен танысты.Ақтөбенің Zhubanov University базасында 2022 жылы ашылған шотландиялық HERIOT WATT UNIVERSITY-де бүгінде 600-ге жуық студент білім алуда. Жастар арасында қызығушылық бар, себебі бұл ЖОО-ның рейтингі жоғары, ал оқуға түсу шарттары жеңіл.– HERIOT WATT UNIVERSITY-ге түсу үшін ҰБТ нәтижесі есепке алынады және де IELTS орнына университет өкілдері өздері ағылшын тілі бойынша емтихан қабылдайды. Сондықтан бұл жастар үшін керемет мүмкіндік. Бізде жатақхана мәселесі, басқа да жағдайлар қарастырылған. Бұл оқу орнының біздегі, Ақтөбедегі филиалынан басқа Малайзия, Дубай және Эдинбургта да бөлімшелері бар, біздің студенттер сол жақтағы студенттермен білім мен тәжірибе алмаса алады, – дейді Zhubanov University-дің «Математика» кафедрасының оқытушысы Асқарбек Иманшеев.Көрмеге қатыстан оқушылардың пікірінше мұндай шаралар өте қажет.– Мұндай көрменің ұйымдастырылғаны дұрыс, себебі көбіне біз мұндай мүмкіндіктер жайлы біле бермейміз. Өте керек нәрсе деп ойлаймын, әрі жиі ұйымдастырылса деген ұсыныс бар. Өзім үшін көптеген пайдалы ақпараттар алдым, шетелге бармай-ақ өз елімізде оқып қос диплом алу мүмкіндігі жайлы бірінші рет естідім. Және де менің таңдаған бағытым, яғни физика-математика бойынша бүгін көптеген ақпарат алып, қай университетті таңдасам екен деп ойланып қалдым. Керемет ұйымдастырылған шара болды, өзім үшін пайдасы зор, – деп бөлісті талапкер Анар Әлжаппар.Айта кетейік, бүгін Қарағанды қаласында бастау алған көрме 15 күнге жалғасып, ары қарай Астана, Алматы, Тараз, Шымкент, Түркістан және Қызылорда қалаларында өтеді. Бұл бірінші кезең, кейін дәл осындай көрме басқа өңірлерде де өтеді.Ақпарат көзі : https://www.gov.kz/memleket/entities/sci/press/news/details/927278

Дәрібай Оспанов – пауэрлифтингтен төрт дүркін әлем чемпионы. 75 жастағы спортшы жазда Норвегияда өтетін кезекті әлем чемпионатына дайындалуда.Ақсақал Шет ауданының Ағадыр кентінде тұрады. Пауэрлифтингпен ол 19 жыл бұрын 56 жасында айналыса бастаған.– Жас кезімде мен де спортпен – волейболмен айналыстым. Менде 1-ші разряд бар. Сонымен қатар теннис ойнағанмын, самбомен айналыстым, бірақ бұл жай ғана әуесқойлық еді. Ал кәсіби спортпен 56 жасымда ғана айналыса бастадым, – дейді ақсақал.Алдымен Дәрібай Оспанов өз үйінде жаттыққан. Кенттегі кішігірім спорт залы пауэрлифтингпен айналысуға келмейтін. Алайда, уақыт өте келе спортшы мәселені өз қолына алуды шешкен.– Біз жатып гір көтеру және басқа да жаттығуларға арналған құралдармен жабдықталған зал құруды шештік. Спорттық жабдықтар металл сынықтарынан жиналды. Осылай, ақырындап, бәрін істедік, – дейді пауэрлифтер. – Қазір де кейбір құрылғыларды өзіміз жасаймыз. Залымыз кішігірім, жабдықталуы да 100% емес, сондықтан кейбір нәрсені өзіміз жасауға тура келеді.2024 жылы әлем чемпионатындағы кезекті жеңісі үшін Дәрібай Оспанов Қасым-Жомарт Тоқаевтан сыйлыққа HS Power жиынтығын алды, ол арнайы орындық пен 450 кг арналған штангадан тұрады.Қазір ауылдың спорт залында пауэрлифтер ұлымен бірге 9 және одан жоғары жастағы балаларды тегін жаттықтыруда. Олардың арасында төрт халықаралық дәрежедегі спорт шебері, бірнеше спорт шебері, Қазақстан мен Азия чемпиондары бар.Бапкерлік қызметтен басқа, ақсақал қажырлы жаттығуларын да жалғастырады. Наурызда оны іріктеу чемпионаты күтіп тұр, онда жеңіске жетсе, Драммен қаласында (Норвегия) өтетін әлем чемпионатына қатысу құқығына ие болады.– Біз ол сайысқа баламызбен бірге қатысуды жоспарлап отырмыз. Ол пауэрлифтингтен бес дүркін әлем чемпионы. Әрине, мұның бәрі қымбат. Пауэрлифтингті олимпиадалық спорт түрлері сияқты қолдап отырса екен дейміз, – дейді Дәрібай Оспанов.Ақпарат көзі : https://www.gov.kz/memleket/entities/karaganda/press/news/details/926432

Ә. Сағынов атындағы Қарағанды техникалық университеті автобустар мен арнайы техника шығаратын QazTehna компаниясымен ұзақ мерзімді ынтымақтастық туралы уағдаласты. Стратегиялық әріптестік ғылым, білім және өнеркәсіп байланысын күшейтуге бағытталған. Бұл өңірдің кадрлық әлеуетін дамытуға ықпал етуі тиіс."Келісім аясында "QazTehna" ЖШС зауытының базасында университет филиалын ашу жоспарлануда. Бөлімше ғылыми-практикалық жұмыстарды іске асыру, өндірістің техникалық тапсырмалары бойынша жобаларды орындау және инженер-конструкторлар мен инженер-технологтар сияқты жоғары білікті мамандарды даярлау алаңына айналады", – делінген ЖОО хабарламасында.Ынтымақтастық даярлықтың барлық деңгейлерін – бакалавриатты, магистратураны және докторантураны қамтиды. Студенттер мен оқытушылар пәнаралық жобаларға қатысу мүмкіндігіне ие болады.Университетте сондай-ақ студенттер мен магистранттардың қатысуымен жолаушылар автобусының прототипін жасау жобасы талқыланды. Үлгіні таңдай отырып, материалдарды іріктеуден, бөлшектерді құюдан бастап толық құрастыруға дейінгі барлық процестермен айналысатын команда анықталады деп болжануда.Университет қызметкерлері зауытта болып, өндіріспен танысты. Ақпарат көзі : https://www.gov.kz/memleket/entities/karaganda/press/news/details/926433

Қазақстанда кәсіби суретшілер арасында «Ұлттық құндылықтар: салттың сырлы бейнесі» атты республикалық шығармашылық байқауға өтінімдер қабылдау жалғасып жатыр.ҚР Мәдениет және ақпарат министрлігі ұйымдастырған байқаудың мақсаты – ұлттық құндылықтар мен мәдени нысандарды дәріптеу, отандық суретшілердің шығармашылығын қолдау және қоғамдағы патриоттық рух пен ұлттық бірегейлікті қалыптастыру.Байқауға қазақ халқының дәстүрлі мәдени құндылықтары тақырыбында пейзаж, натюрморт және сюжеттік картина жанрында жұмыстарын ұсынған кәсіби суретшілер қатыса алады.Өтінімдерді қабылдау 2025 жылдың 24 ақпанына дейін жалғасады.Марапаттау рәсімі және іріктелген туындылар көрмесінің ашылуы 2025 жылдың 12 наурызында өтеді.Барлық қосымша сұрақтар бойынша (8-7172) 919-035, 919-036 (ішкі: 366, 643) телефон нөмірлеріне хабарласуға болады.ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/karaganda/press/news/details/926455

2025 жылғы 5 сәуірден бастап мопедтерді механикалық көлік құралдарына теңестіретін Қазақстан Республикасының заңнамасына түзетулер күшіне енеді. Сол күннен бастап бұл көлік құралымен полицияда тіркегеннен, техникалық тексеруден өткеннен, АҚЖ-ның сақтандыру полисін ресімдегеннен кейін және A1 санатындағы жүргізуші куәлігі болған кезде ғана жүруге болады.– Тіркеу үшін тұрғылықты жері бойынша арнайы ХҚКО-ға жеке басын куәландыратын құжаттармен жүгіну, сондай-ақ техникалық құжатты немесе көлік сипаттамалары туралы мәліметтерді ұсыну қажет. Содан кейін өтінішті толтырып, мемлекеттік баж салығын төлеу керек, – деп түсіндірді әкімшілік полиция басқармасының аға инспекторы полиция майоры Азамат Дайрабаев. – Бұрын сатып алынған мопедтерді тіркеу үшін Қарағанды қаласы, Мұқанов көшесі, 5 мекен-жайы бойынша мамандандырылған ХҚКО-ға техникалық тексеруден өту және барлық құжаттарды рәсімдеу үшін әкелу қажет.Сол жерде A1 санатына практикалық емтихан тапсыруға болады. Бұл үшін барлық жағдай жасалған: автодром және арнайы техника. Жалғыз ерекшелік – емтихандар қар еріп, автодром жабыны құрғағаннан кейін ғана қабылданады.Енді барлық мопедтердің жүргізушілері үшін жүргізуші куәлігі міндетті. Жалғыз ерекшелік – егер B санаты бар болса, онда қосымша құжаттар талап етілмейді.Бұдан басқа, осы күннен бастап Әкімшілік құқық бұзушылық туралы кодекске мопедшілерді көлік құралдарының жүргізушілері ретінде жауапкершілікке тартуды көздейтін түзетулер күшіне енеді. Трассаға шыққан кезде олар басқа жол қозғалысына қатысушылар сияқты барлық белгіленген талаптарды сақтауға міндетті болады.– Барлық өзгерістер мен жаңашылдықтар көлік құралдарын пайдалануды реттеуге бағытталған, – деді Өңірлік коммуникациялар қызметінде өткен брифингте әкімшілік полиция басқармасы бастығының орынбасары подполковник Елжас Жартыбаев.Олар жолдардағы қауіпсіздікті арттыруға ғана емес, мопедшілердің қатысуымен болатын жол-көлік оқиғаларының санын азайтуға да көмектесуі тиіс екенін атап өтті полиция өкілі.Полицейлер мопедтердің иелерін тіркеуге, қажетті құжаттарды алуға және оқудан өтуді алдын ала ойластыруға шақырады. Әйтпесе, 5 сәуірден бастап тиісті құжаттарсыз мопедті басқару ереже бұзушылық болып саналады және айыппұл салынады. Ақпарат көзі : https://www.gov.kz/memleket/entities/karaganda/press/news/details/926546

Латвия астанасы Ригада екінші дивизионның А тобындағы қыздар арасында хоккейден жасөспірімдер арасындағы әлем чемпионаты өтті. Қазақстанның әйелдер құрамасы бес матчта төрт жеңіске жетіп, күміс медальға ие болды. Команданың табысына қарағандылықтар өз үлесін қосты. Іріктеу нәтижесі бойынша құрамаға қарағандылық «Юность-Грация» командасының төрт өкілі кірді: қорғаушы және үш шабуылшы.Чемпионат 20–26 қаңтар аралығында өтті. Үйлеріне оралғаннан кейін қыздар «Қарағанды-Арена» мұз сарайындағы кездесуде өздерінің спорттық мансабы туралы айтып берді.Шабуылшы Анна Климованың бұл үшінші әлем чемпионаты. Бұған дейін ұлттық құрамада Болгария мен Нидерландыда өнер көрсеткен. Ол хоккейге 8 жасында келіп, 9 жылдан бері айналысып келеді.№ 3 гимназияның 10-сынып оқушысы хоккей спортын оқумен біріктіру қиын екенін мойындайды. Тұрақты сапарда болған кезде сыныптастарына ілесу үшін бағдарламаны өз бетінше меңгеруге тура келеді.– Хоккейді дамыту үшін көп нәрсе жүзеге асырылуда. Жаттығу үшін қолайлы жағдай жасалуда. Біз ілгерілеп келеміз. Меніңше, чемпион болу үшін бәрі де жеткілікті, – деп санайды Анна Климова. – Әлем чемпионатына қатысу - баға жетпес тәжірибе. Ригадағы ойындар өте қызықты болды. Келесі жылы да ұлттық құрамаға кіруге үміттенемін.Бойжеткеннің есебінде бір голы мен бір голға шайба шығару сәті бар.– Латвиядағы жарыстарға дайындық өте маңызды болды. Оқу-жаттығу жиындары Өскеменде, содан кейін Ригада өтті. Алғашқы матч Ұлыбритания құрамасымен өтті. Менің ойымша, толық жинақтала алмадық, сондықтан ұтылдық. Аздап күш салу керек болды. Бірақ Жаңа Зеландияны, Қытайдың Тайбейін, Нидерланды мен Латвияны жеңе алдық, – деді қорғаушы Калима Нығматулина.Бойжеткеннің айтуынша, ол хоккейді керемет және жылдам спорт болғандықтан таңдаған. Бесінші жыл қатарынан айналысып келеді. Ауыртпалыққа үйреніп алған: киім-кешектің салмағы шамамен 30 килограмм.Калима әйелдер хоккейінде ерлер хоккейінен гөрі қаталырақ күреседі деген пікірмен келіспейді.– Бізге күш қолдануға рұқсат етілмейді. Ұрысқа рұқсат берілген. Менің ойымша, бұл ерлер арасындағы күреске қарағанда өрескел көрінеді. Бірақ ол да қызықты, – дейді хоккейші.Қарағандылық Алина Жакулина мен Рената Лившиц те Әлем чемпионатының күміс жүлдегерлері атанды.– Қыздарымыздың барлық ойындарын бақыладық. Байқау өте қызықты болды. Бірінші орынға дейін аздап жетпей қалды. Жалпы, лайықты ойнадық, – деп бағалады «Юность-Грация» командасының аға жаттықтырушысы Василий Попов. – Сегізінші жыл қатарынан әйелдер командасын жаттықтырып келемін. Қыздармен жұмыс істеу әлдеқайда оңай, олар өте мұқият ойнайды, жаупты. Бірақ бірінші күннен бастап тәртіп пен қатаңдықты жіті бақылауға тура келеді. Міндет – тек алға шығу.«Юность-Грация» Қазақстан чемпионатында жеңіске жетуге бағытталған. Қарағандыда 10–16 ақпанда ұлттық біріншіліктің үшінші туры өтеді. Ойынға Астана, Алматы және Өскеменнен командалар келеді.Ақпарат көзі : https://www.gov.kz/memleket/entities/karaganda/press/news/details/926916

Қарағандыда бизнес иелеріне сандық менеджментті игеруге көмектеседі. Тегін курс «Террикон алқабы» IT-хабында ұйымдастырылады. Баяндамашы ретінде Microsoft Kazakhstan, «ҚазТрансКом» АҚ және Anytime.kz-те жұмыс істеген тәжірибелі басқарушы Георгий Битадзе дәріс оқиды.Сабақтар 10 ақпанда басталып, 28 ақпанға дейін жалғасады. Курстың бірінші аптасы – офлайн, қалғандары – онлайн.Қатысушыларды тіркеу сайтта басталды terricon.kz."Курс аяқталғаннан кейін бизнеске қашан және қандай ІТ-жүйелерді енгізуді түсінесіздер; ІТ қауіпсіздігі ұғымын және оны бақылаудың негізгі дағдыларын үйренесіздер; ұйымыңыздың ІТ-жобаларындағы ақшаны есептеуді меңгересіздер; бұлтты сервистердің қалай жұмыс істейтінін және оларды қолданудың шегі қайда екенін түсінесіздер", – деп уәде береді ұйымдастырушылар.«Террикон алқабы» ІТ-хабының мекенжайы: Алалыкин көшесі, 12.Іс-шара Қарағанды облысының ақпараттандыру, мемлекеттік қызмет көрсету және мұрағат басқармасының қолдауымен өткізіледі.Ақпарат көзі : https://www.gov.kz/memleket/entities/karaganda/press/news/details/927038

Ақпарат көзі : https://www.gov.kz/memleket/entities/bko/press/news/details/926880

ҚР Президенті тапсырмалары аясында Ақтөбе облысы экономиканы, инфрақұрылымды дамыту және әлеуметтік жобаларды іске асыру үшін инвестициялар тарту жөніндегі жұмысты жандандыруға кірісті.Жеке және шетелдік инвестицияларды тартуға, бизнес үшін қолайлы жағдайлар жасауға және инновациялық жобаларды қолдауға басты назар аударылатын болады.Облыс әкімі Асхат Шахаров Президенттің биылғы 28 қаңтарда Үкіметтің кеңейтілген отырысында берген тапсырмаларын іске асыру мәселелері бойынша кеңес өткізді. Қала және аудан әкімдері, басқарма басшылары қатысқан жиында инвестиция көлемін ұлғайту жөніндегі жұмыстың басым бағыттары талқыланды. Олар инвестициялық белсенділіктің төмендеуі жедел шаралар қабылдауды және мемлекеттік органдар, даму институттары мен бизнес-қауымдастық арасындағы іс-қимылдарды үйлестіруді талап ететінін атап өтті.«Инвестиция тарту мәселесіне басты назар аударылады. Облыстың салық базасын ұлғайту арқылы ғана біз халықтың әлеуметтік мәселелерін шеше аламыз. Барлық жауапты құрылымдардың жұмысқа белсенді қатысуы маңызды. Түсініспеушіліктерді болдырмау үшін салық салу мәселелері және басқа да аспектілер бойынша нақты түсініктемелер берілетін болады. Сонымен қатар, егер біз экономиканы көтергіміз келсе, барлық бағыттарды, соның ішінде туризмді дамытуымыз қажет. Біздің алдымызда нақты міндеттер тұр, олардың әрқайсысы бойынша нақты іске асыру жоспары әзірленеді», - деді облыс әкімі.Айта кету керек, 2024 жылы Ақтөбе облысында инвестиция көлемі 901,1 млрд теңгені құрады. Инвестициялардың азаюы өндірістерді жаңғырту және жабдықтарды жаңарту жөніндегі бірқатар ірі жобалардың аяқталуымен, сондай-ақ мұнай мен газ өндіру көлемінің қысқаруымен байланысты.2025 жылы өңірде 500 млрд теңгеге жуық 10 инвестициялық жобаны іске асыру жоспарлануда, бұл шамамен 1,2 мың жұмыс орнын құруға мүмкіндік береді. Бұл бастамалар өнеркәсіпті, энергетиканы және инфрақұрылымды дамытуға бағытталған, бұл облыстағы экономикалық жағдайды жақсартуға ықпал етуі тиіс.Жиын барысында өңір басшысы облыстың инвестициялық әлеуетін күшейту үшін инвестициялық штабтың жұмысы қайта қаралатынына, «Kazakh Invest», «Ақтөбе» ӘКК және бейінді басқармалармен өзара іс-қимыл жандандырылатынына баса назар аударды. Салық базасын ұлғайтуға және жаңа жұмыс орындарын құруға ықпал ететін ірі жобаларды қолдауға ерекше басымдық беріледі.Сондай-ақ, жиналғандар өңірдің инвестициялық тартымдылығын арттыру тетіктерін, соның ішінде техникалық шарттарды беруді жеңілдету, Әлия Молдағұлова атындағы Халықаралық әуежай базасында логистикалық хабты дамыту және салық салу мен мемлекеттік қолдау мәселелері бойынша бизнес арасында түсіндіру жұмыстарын жүргізуді талқылады.Облыс әкімі инвестициялық көрсеткіштерге қол жеткізу үшін жауапкершілік барлық басшыларға жүктелетінін, ал жұмыс нақты нәтижелер бойынша бағаланатынын атап өтті. Ел Үкіметі өңірге қолдау көрсетеді, алайда қойылған міндеттерді табысты іске асыру барлық мүдделі тараптардың белсенді және үйлесімді өзара іс-қимылын талап етеді.«Әр басшының жұмысына нақты баға беріледі. Осыған байланысты Үкімет қазірдің өзінде қатаң шаралар қабылдауда. Ел Президенті жауапкершілікті алудан қорықпайтын шенеуніктерге сүйенетінін айтты. Басшы шешім қабылдап, оларды соңына дейін жеткізуі керек. Бір жерде тұралап қалуға болмайды, оған жол бермеуіміз қажет», - деп қорытындылады әкім.Ақпарат көзі : https://www.gov.kz/memleket/entities/aktobe/press/news/details/927251

Асхат Қайыржанұлы Есеев 1984 жылы 13 желтоқсанда Қарағанды облысында дүниеге келген.Ө.А. Байқоңыров атындағы Жезқазған университетінде «электромеханика» факультетінде оқып, электромеханик, Қазтұтынуодағы Қарағанды экономикалық университетінің «экономика» факультетінде оқып, экономист мамандығын алып шықты.Еңбек жолын «Қазақстан жол ғылыми-зерттеу институты» АҚ Астана қаласындағы филиалының зертханасында инженер ретінде бастады. 2007 жылдан 2008 жылға дейін – Қазақстан Республикасының Көлік және коммуникация министрлігінің Көлік саясаты және халықаралық ынтымақтастық Департаментінің жетекші маманы.2008 жылдан 2009 жылға дейін – Қазақстан Республикасы Көлік және коммуникация министрлігінің Стратегиялық жоспарлау және халықаралық ынтымақтастық Департаментінің сарапшысы.2009 жылдан 2010 жылға дейін – Қазақстан Республикасы Көлік және коммуникация министрлігі Көлік-коммуникация кешенін стратегиялық жоспарлау және дамыту Департаментінің бас сарапшысы. 2010 жылдан 2011 жылға дейін – Қазақстан Республикасы Көлік және коммуникация министрлігі Көлік-коммуникация кешенін стратегиялық жоспарлау және дамыту Департаментінің басшысы.2012 жылдың наурызынан мамырға дейін Астана қаласындағы «АсСнабСервис» ЖШС-нің спутниктік мониторинг жүйесінің операторы. 2012 жылдың қарашасынан 2014 жылға дейін – Қазақстан Республикасы Көлік және коммуникация министрлігінің Автомобиль жолдары комитетінің бас сарапшысы.2014 жылдан 2015 жылға дейін – Қазақстан Республикасы Инвестициялар және даму министрлігінің Стратегиялық жоспарлау Департаментінің басшысы.2015 жылдан 2018 жылға дейін - Қазақстан Республикасы Премьер-Министрі Кеңсесінің индустриялық-инновациялық даму бөлімінің бас сарапшысы. 2018 жылдан 2020 жылға дейін – Қазақстан Республикасы Премьер-Министрі Кеңсесінің Индустриалды-инновациялық даму Департаментінің инфрақұрылымды дамыту секторының бас консультанты. 2020 жылдан 2023 жылға дейін – Қазақстан Республикасы Премьер-Министрі Кеңсесінің Индустриялық-инновациялық даму бөлімінің бас инспекторы. 2023 жылдан 2024 жылға дейін - Қазақстан Республикасы Үкіметі Аппаратының нақты секторды және өңірлерді дамыту бөлімінің аймақтық инспекторы. 2024 жылдан 2025 жылға дейін - Қазақстан Республикасы Үкіметі Аппаратының өңірлік даму және бақылау бөлімінің аймақтық инспекторы.Ақпарат көзі : https://www.gov.kz/memleket/entities/abay/press/news/details/927262

ҚР Өнеркәсіп және құрылыс министрі Қанат Шарлапаев «Jibek Joly» телеарнасына құрылыс және халықты қолжетімді баспанамен қамтамасыз ету тақырыбында сұхбат берді.Министр ең алдымен тұрғын үй құрылысы саласындағы негізгі көрсеткіштерге тоқталды. «2023 жылдың соңына қарай біз 17,8 млн шаршы метр тұрғын үйді пайдалануға беріп, сайлауалды бағдарламаның жоспарынан 2,5 млн шаршы метрге алда тұрмыз. Бұл 15,3 млн шаршы метр жылдық жоспардан 16%-ға жоғары. 2024 жылдың аяғында артықшылық 3,5 млн шаршы метр баспана құрады», – деді ол.Көрсеткіштерге қосымша қолдау құралдары, «Самұрық-Қазына» қоры арқылы 17,3 мың пәтер сатып алуға 272 млрд теңге көлемінде қаражат бөлу және «Наурыз» жаңа ипотекалық бағдарламасын іске қосу арқылы қол жеткізілді.Қанат Шарлапаев 2025 жылға құрылыс қарқынын бәсеңдетпеу басты міндет екенін айтты. Үкімет тұрғын үй құрылысының өсу қарқынын сақтауға күш салады. Бұл жоспарға «Наурыз» ипотекалық бағдарламасын жалғастыру, несиелік және жалға берілетін тұрғын үйлерді салу және сатып алу, жаңа аумақтарды инженерлік-коммуникациялық инфрақұрылыммен қамтамасыз ету арқылы қол жеткізіледі.Министр азаматтардың өмір сүру жағдайын жақсартуға бағытталған мемлекеттік бағдарламалар, соның ішінде жалға алу ақысын субсидиялау және жеңілдетілген ипотекалық несиелер беру туралы ақпаратпен бөлісті. Мәселен, «Наурыз» бағдарламасы аясында 202,7 млрд теңгеге 7 746 несие берілді.Одан бөлек, Қанат Шарлапаев жалға берілетін тұрғын үйді жекешелендіру құқығы тақырыбына тоқталды. Бұл құқық халықтың әлеуметтік осал тобына жататын 71 мыңға жуық азаматқа қатысты болады. Бүгінгі таңда 400-ге жуық пәтер жекешелендірілді. «Бұл мәңгілік жалға алу циклін болдырмайды. Баға факторы маңызды, өйткені баспана қалдық құны бойынша сатып алынады», – деп қосты ол.Министр құрылыс саласын кезең-кезеңімен цифрландыруға тоқталды. Қазіргі уақытта бас жоспарлар мен егжей-тегжейлі жайғасып дардың 90%-дан астамы цифрландырылып, E-Qurylys жүйесінде реттеуші құрылымға келтірілді. Ол дизайнерлер мен әзірлеушілерден бастап мемлекеттік органдарға дейін әртүрлі тараптардың өзара әрекетін айтарлықтай жеңілдетуге мүмкіндік береді.Қаланың әлеуметтік нысандары да бөлек айтылды. Министр Қазақстанда қала тұрғындарының өзін-өзі тануы артып келе жатқанын, бұл осы нысандарды қорғауды қамтамасыз етуге көмектесетінін атап өтті. Ақпарат көзі : https://www.gov.kz/memleket/entities/mps/press/news/details/926397

Қазіргі таңда қаптау өнімдерін өндіру саласы –нарықтық экономиканың инфрақұрылымын қалыптастыратын басты бағыттардың бірі. Бұл саланың дамуы машина жасау, азық-түлік және химия өнеркәсібі, сауда, көлік және басқа да секторлардағы шикізат өндірісінің өсу қарқынымен тығыз байланысты.Қазақстандық нарықты қаптау өнімдерінің жеткілікті көлемімен қамтамасыз ету мақсатында алдағы екі жылда жалпы инвестиция көлемі 90 миллиард теңгеден асатын бірнеше жобаны жүзеге асыру жоспарланып отыр. «QazIndustry» Қазақстандық индустрия және экспорт орталығының Жобаларды іске асыруға мониторинг жүргізу және талдау дирекциясының мәліметінше, бұл шамамен 1500 жұмыс орнын ашуға мүмкіндік береді.Атап айтар болсақ, жалпы аумағы 37 миллион шаршы метрді құрайтын әртүрлі пішін мен өлшемдегі картон қаптамасын өндіретін бес өндірісті іске қосу жоспарлануда.Үш кәсіпорын жылына 315 млн дана қағаз бен полипропилен сөмкелерін шығара бастайды.Сонымен қатар, жалпы салмағы 4,9 мың тонна болатын термоқысу, полиэтилен және стрейч-пленка өндірісін іске қосу жоспарланған.Жылдық өндірістік қуаттылығы 2 миллиард алюминий банка мен қақпақ шығара алатын кәсіпорын іске қосылады деп күтілуде.Сүт өнімдері үшін 240 млн дана полипропилен стакан мен 324 млн Pure-Pak сұйық өнімдеріне арналған қаптама шығару бойынша екі жоба іске асырылуда. Осы бағыттағы кәсіпорындар үшін, икемді қаптамаларға арналған қуаттылығы жылына 5400 тонна көлемінде болатын бояулар өндірісін іске қосу жоспарлануда.Бұдан бөлек, жылына 5 млн дана жұмыртқа қорабын өндіру жоспарлануда. Шыны ыдыстарды шығару үшін жыл сайын 220 миллион бөтелке өндіретін кәсіпорын іске қосылады.Екі жаңа кәсіпорын 150 мың тоннадан астам пакет шығарады.Пластикалық қаптамалар саласында жыл сайын 1,2 млн дана флакон, канистра, триггер үшін ыдыстар, банкалар және басқа да полиэтиленнен жасалған қаптамалар шығару жоспарлануда.Жоғарыда аталған кәсіпорындар толық жобалық қуаттылығына шыққанда өндірістердің көлемі қаржылай мәнде шамамен 100 млрд теңгені құрайды. Оның төрттен бір бөлігін экспортқа шығару жоспарланып отыр.Айта кету керек, бұған дейін гофрокағаздан жасалған қаптамалар, бигбегтер, термоқысу және стрейч-пленка, тас қағазынан жасалған қаптамалар, полиэтилен пакеттерін шығару бойынша жобалар іске асырылған болатын.Осылайша, Қазақстанда қаптау материалдарын өндіру саласы тұтыну тауарларын өндірумен қатар дамып келеді, бұл тұтынушыға отандық өнімді сапалы қаптап, тауарды уақытында ұсынуға мүмкіндік береді.Салаға инвестициялар тарту үшін республикалық және жергілікті деңгейде арнайы экономикалық аймақтар аясында инвестициялық преференциялар, жеңілдетілген несиелеу шарттары, салықтық жеңілдіктер түрінде қолдау көрсетілуде.Ақпарат көзі : https://www.gov.kz/memleket/entities/mps/press/news/details/926646

Бүгін ҚР Өнеркәсіп және құрылыс министрі Қанат Шарлапаев ҚР Парламенті Сенатындағы «Талдау мектебі – аналитика мектебі» аясында Министрлік жетекшілік ететін экономика салаларын дамыту жөніндегі мемлекеттік бағдарлама тыңдаушыларымен кездесуге қатысты.«Өңдеу өнеркәсібінің өсуі 6%-ға жетті. Бізде екі түрлі сала бар біріншісі тау-кен және мұнай, одан кейін өңдеу өнеркәсібі бар. Сол екі сала арқасында қазіргі таңда біздің жалпы ішкі өнімге қосқан үлесіміз жоғары», – атап өтті Қанат Шарлапаев.Іс-шара сұрақ-жауап форматында өтті. Достық жағдайда сарапшылар белсенді түрде сұрақтар қойып, өңдеу өнеркәсібін дамыту бойынша ұсыныстарын білдірді.Атап айтқанда, қатысушылар қамтамасыз ету сегментін цифрландыру және жасанды интеллектті пайдалану тақырыбын қозғады. Министр цифрландыру қажеттілігіне тоқталып, атқарылып жатқан жұмыстарға тоқталды.Қатысушылар химия өнеркәсібін қолдау шараларын талқылады. Қанат Шарлапаев ферроқорытпа өндірісіндегі жетістіктерге тоқталып, шоғырландырылған сода мен күкірт қышқылын өндіретін кәсіпорындарда жобаларды жүзеге асыру жоспарларымен бөлісті.Өнімділіктің артуына тікелей әсер ететін тыңайтқыштармен қамтамасыз ету мәселелері де көтерілді. Министр жұмыс істеп тұрған фосфорлы тыңайтқыштар кәсіпорны туралы, сондай-ақ азот тыңайтқыштарын өндіру желісін кеңейту және ұлғайту жоспарлары туралы айтып, калий тыңайтқыштары бойынша ресурстық базаның бар екендігін атап өтті.Күн тәртібінде ғылыми кадрларды даярлау мәселесі көтерілді. Еңбек өнімділігін арттыру арқылы мамандарға сұранысты қалыптастыру экономикалық өсуге әсер етеді. Қатысушылар жергілікті атқарушы органдардың жұмыс механизмін кеңейту арқылы тұрғын үй сапасын жақсартуға әсер ететін тұрғын үй саясатындағы өзгерістерді талқылады.Одан бөлек, аккумулятор өндірісі үшін кен өндіру мәселесі көтерілді. Сондай-ақ бар ресурстар туралы ақпарат беретін Қазақстанның IT-картасын жасау туралы ұсыныс жасалды. «Барлық кен орындары мен геологиялық ақпараты бар мұндай платформа іске қосылған. Біз қазірдің өзінде 506 өтінішті өңдедік. Ол minerals.e-qazyna.kz деп аталады. Деректер әр адамға қолжетімді», – деп жауап берді Министр.Ақпарат көзі : https://www.gov.kz/memleket/entities/mps/press/news/details/927248

2025 жылы Алмалы ауданында «Халық қатысатын бюджеті» бағдарламасы аясында 45 жоба іске асырылатын болады, оның ішінде 23 аула абаттандырылады.Абаттандыру аясында балалар мен спорт кешендері жаңартылады, жайлы орындықтар орнатылады және аулаларды безендіретін жаңа элементтер пайда болады.Сондай-ақ, қоғамдық кеңістіктерді абаттандыру және көгалдандыру бойынша 18 жобаны іске асыру жоспарлануда. Ірі жобалардың бірі Жібек жолы даңғылының Назарбаев даңғылынан Сейфуллин даңғылына дейінгі жаяу жүргіншілер аймағын және Мүсірепов театры жанындағы алаңды күрделі жөндеу болып табылады. Осы мақсаттар үшін биыл жобалық-сметалық құжаттаманы әзірлеу жоспарлануда. Жөндеуді 2025 жылдың қараша айының соңында аяқтау жоспарлануда.Алматылықтардың сүйікті орындарының бірі - Абылай хан даңғылы мен Маметова көшесі қиылысында орналасқан Иманов атындағы сквер. Сквердің жанында Мүсірепов атындағы жасөспірімдер театры, университеттер, денсаулық сақтау және білім беру нысандар орналасқан. Сквер қала тұрғындары арасында тартымдылық пен танымалдылыққа ие. Айта кетейік, өткен жылы жергілікті тұрғындардың өтініші бойынша иттерді серуендетуге арналған алаң салынды.«Халық қатысатын бюджет» жобасы қалалық инфрақұрылымды жақсартуға және Алматының барлық тұрғындары үшін қолайлы жағдай жасауға көмектеседі. Бағдарламаның тиімділігі мен тұрғындардың қызығушылығын ескере отырып, Алматы әкімдігі оның дамуын қолдауға ниетті. Биыл «ХҚБ» жобаларына қала бюджетінде 17,1 млрд теңге қарастырылған.Ақпарат көзі : https://www.gov.kz/memleket/entities/almaty/press/news/details/927227