Қарағанды қаласының Ақындар одағы өткен жылы STELLAR әдеби клубының базасында құрылған. Шығармашылық қоғамдастық облыстың түрлі қалаларынан келген поэзия әуесқойларын біріктірді. Облыстық бейнелеу өнері мұражайында алғашқы өлеңдер жинағының тұсаукесері өтті.– Біз желтоқсан айында жарық көрген алғашқы өлеңдер жинағының тұсаукесерін өткіздік. Біздің қоғамда қазір түрлі жастағы 23 ақын бар. Ақындар кешін, көрмелер өткіземіз. Әлемге әйгілі ақындардың құрметіне театрлық тақырыптық суреттемелер ұйымдастырамыз. Өткен жылы қазақтың көрнекті ақыны, жазушы және мемлекет қайраткері Сәкен Сейфуллиннің 130 жылдығы атап өтілді. Біз оның құрметіне ақындар кешін өткізіп, әдеби кездесулердің бірін «Тар жол, тайғақ кешу» шығармасына арнадық. Болашақта Қазақстанның басқа қалаларына ақындық кештермен баруды жоспарлап отырмыз, – дейді Қарағанды Ақындар одағының жетекшісі, STELLAR әдеби клубының негізін қалаушы Алёна Куринная.Тұсаукесерде авторлық өлеңдер орыс және қазақ тілдерінде орындалды. Жинаққа 19 автордың шығармалары енген.Ақпарат көзі : https://www.gov.kz/memleket/entities/karaganda/press/news/details/925061

Қарағанды облысының педагогтары қазақ тілі мен әдебиеті теориясы бойынша сайысқа түсіп, мектептерде осы пәндерді қалай тиімді оқыту керектігі туралы ойларымен бөлісті.Ләззат Бәйішқызы атындағы «Үздік идеялар» байқауының облыстық кезеңіне Қарағанды облысының қалалары мен аудандарынан 43 мұғалім қатысты. Олардың барлығы бұрын өткен байқаудың өңірлік кезеңдерінің жеңімпаздары атанды. Қатысуға қазақ және орыс тілдерінде оқытатын педагогтар жіберілді.Облыстық байқау үш кезеңнен тұрды. Біріншісінде қатысушылар эссе жазуы тиіс еді. Екіншіден – қазақ тілі теориясы бойынша сұрақтарға жауап беру, сондай-ақ үзінділер бойынша қазақ классиктерінің шығармаларын атау. Үшінші тур педагогикалық идеялар мен оқыту әдістемесін талқылауға арналды.Сәттаров атындағы Қарағанды мектеп-лицейінен Әсем Қызырова қазақ тілінде оқытатын мұғалімдер арасында бірінші орын алды.– Жалпы тапсырмалар күрделі, қызықты болды. Дұрыс жауап беру үшін тіл теориясын, қазақ классиктерінің шығармаларын терең білу керек. Маған Мұхтар Әуезовтың «Абай жолы» роман-эпосынан үзінді келді. Байқаудың үшінші турында мен Қасым-Жомарт Тоқаев Ұлттық құрылтайдың екінші отырысында айтқан «Біртұтас тәрбие» бағдарламасын енгізудің маңыздылығы туралы өз идеяларыммен бөлістім. Мұндай байқаулар өте маңызды. Олардың арқасында біз пән мұғалімдері тәжірибе алмасып, идеялармен бөлісе аламыз. Жас мамандар үшін бұл өте құнды және қажет, – деп есептейді Әсем Қызырова.Орыс тілінде оқытатын мектептерде жұмыс істейтін педагогтар арасында Бауыржан Момышұлы атындағы Қарағанды ОМ мұғалімі Жанар Төлеуғазы бірінші орын алды.Ақпарат көзі : https://www.gov.kz/memleket/entities/karaganda/press/news/details/925104

Алматыда джиу-джитсудан Қазақстан чемпионатына 1600 спортшы жиналды. Қарағандылықтар 26 медаль жеңіп алды: 6 алтын, 9 күміс және 11 қола. Біздің өңірдің он бес джитсері ұлттық құраманың құрамында халықаралық аренада ел атынан өкілдік ету құқығына ие болды.Турнирге Қарағанды облысынан 80 спортшы қатысты, олардың қатарында бірнеше мәрте жүлдегерлер мен түрлі деңгейдегі жарыстардың жеңімпаздары - жасөспірімдер арасындағы 2024 жылғы әлем чемпионы Асанәлі Абаев, сондай-ақ халықаралық және ұлттық ареналардағы жетістіктерімен танымал Жігер Алматай мен Асылмұрат Сағындық бар. Чемпионатта біздің облыстан келген халықаралық дәрежедегі төреші Елеукен Бек-Мұхаммед те төрелік етті.– Біз үшін басты міндет өзімізді танытып, Қазақстанның ұлттық құрамасына қатысуды қамтамасыз ету үшін тамаша нәтиже көрсету болды, – деп атап өтті Қарағанды облысының джиу-джитсу федерациясының президенті Аян Шермағамбетов. – Біздің спортшылар түрлі жас және салмақ санаттарында көптеген марапаттарға ие болып, жоғары дайындық деңгейі мен кәсібилігін көрсетіп қана қоймай, нағыз жауынгерлік рухын да көрсетті. Айталық, Асанәлі Абаев қарсыластарына ұпай жинауға ешқандай мүмкіндік қалдырмады. Әрбір жекпе-жекте ол басым болды.Алда джитсерлерді түрлі сайыстар күтіп тұр. Ақпан айында спортшылар Азия чемпионатына, ал күзде Бахрейндегі жасөспірімдер арасындағы Азия ойындарына қатысады. Қарағандылықтар жақсы өнер көрсетіп, жоғары нәтижелерге қол жеткізуі мүмкін Karaganda BJJ Open Championship-2025 үй турнирі де маңызды кезең болмақ. Ақпарат көзі : https://www.gov.kz/memleket/entities/karaganda/press/news/details/925127

Демалыс күндері бос орындар жәрмеңкесінде Теміртау тұрғындары жұмыс тапты. Оған 200-ге жуық жұмыс іздеуші қатысып, олардың 70-і жұмысқа орналасуға жолдама алды.Түрлі қызмет салаларындағы 30 кәсіпорын бос жұмыс орындарын ұсынды, оның ішінде Qarmet және Qarmet Service, «ҚазАрматура» зауыты, «ҚазЭнергоМаш» корпорациясы бар. Сондай-ақ, прокуратура өкілдері мен пробация қызметінің инспекторларынан кеңес алуға болады.– Бізде халықтың түрлі санаттары үшін жұмыс орындары бар. Біз ЖОО түлектері мен NEET жастарына, мүмкіндігі шектеулі жандарға, сондай-ақ бас бостандығынан айыру орындарынан оралғандарға бос жұмыс орындарын ұсынамыз. Сонымен қатар, қалада «Алтын жас» бағдарламасы да сәтті жұмыс істеуде, зейнеткерлер бұл жобаға үлкен қызығушылық танытуда. Бос жұмыс орындары баршаға жеткілікті, – дейді Теміртау қаласының Мансап орталығының директоры Мақсат Төлеутаев.Мансап орталығы өкілдерінің айтуынша, мұндай жәрмеңкелер ай сайын өткізіледі. Сонымен қатар, Теміртау тұрғындарының жұмысқа орналасу мүмкіндіктері мен жұмыссыздарға арналған бағдарламалар туралы көбірек білуі үшін ашық есік күндерін ұйымдастыру жоспарланған.Бүгінгі таңда enbek.kz Электрондық еңбек биржасында қала бойынша 1400-ге жуық бос жұмыс орны қолжетімді. Ақпарат көзі : https://www.gov.kz/memleket/entities/karaganda/press/news/details/925326

Сапар барысында облыс әкімі аудандағы бірнеше елді мекенді аралап, әлеуметтік және инфрақұрылымдық жобалардың жүзеге асу барысымен танысты.Тұздыбастау ауылына ат басын тіреген өңір басшысы 1500 орындық мектептің құрылыс жұмыстарын көріп, білім беру нысанының жағдайына ерекше көңіл бөлді. Әкім мектеп оқушылары үшін барынша қолайлы жағдай жасау қажеттігін атап өтті.Сонымен қатар, Марат Сұлтанғазиев Бесағаш ауылына барып, сумен жабдықтау жүйесінің құрылысын бақылап шықты. Ол бұл нысанның стратегиялық маңыздылығын баса айтып, құрылыс сапасын қатаң қадағалап, жұмыстарды белгіленген мерзімде аяқтауды тапсырды.Жұмыс сапарының қорытындысында облыс әкімі Талғар ауданындағы әлеуметтік мәселелерді шешу бойынша нақты шараларды қолға алуды міндеттеді. Сондай-ақ, тұрғындардың өмір сүру сапасын жақсартуға бағытталған жұмыстардың үздіксіз жалғасатынын жеткізді.Ақпарат көзі : https://www.gov.kz/memleket/entities/almobl/press/news/details/925280

ЕАЭО-ның Қытай, Өзбекстан және Түрікменстан елдерімен сыртқы шекарасында орналасқан 9 автомобиль өткізу пункттерін толыққанды жаңғырту жалғасуда.Өзбек тарапының жаңғырту жөніндегі құрылыс жұмыстарын аяқтау үшін «Гишт-Куприк» (ҚР іргелес «Жібек жолы» кеден бекеті) өткізу пунктін уақытша жабуына байланысты, «Қапланбек» (ҚР) және «Навои» (ӨР) өткізу пункттері екі тараптың келісімі бойынша жеке тұлғалардың жаяу жүруі, жеңіл автокөліктер мен автобустардың өтуі үшін ашылады.Қазақстан және Өзбекстан тарапымен «Қапланбек» және «Навои» өткізу пункттерінде бір уақытта жаңғырту мен техникалық жабдықтау жұмыстары жүргізіліп, бүгін осы өткізу пункттерінің техникалық ашылуы жүргізілді.Іске қосу жұмыстарына байланысты 27 қаңтар мен 5 ақпан аралығында жеке тұлғалардың, жолаушылар көліктері мен автобустардың өтуі шектеулі мөлшерде жүзеге асырылады. 5 ақпаннан бастап өткізу пункті толығымен жұмыс істейтін болады.Одан әрі, екінші кезеңде, тараптар келіскеннен кейін осы өткізу пункттерінде жүк автокөлік құралдарын өткізу жүзеге асырылатын болады.«Қапланбек» өткізу пункті алдыңғы қатарлы халықаралық стандарттар бойынша салынған, шекарадан өту кезінде мемлекеттік бақылау түрлерін жүзеге асыру кезінде қолданылатын ең озық технологиялық жабдықтармен жабдықталған. Жеке тұлғалардың шекарадан ыңғайлы өтуі үшін барлық жағдайлар жасалған.Көлік ағыны қозғалысының барлық циклі автоматтандырылған. Өткізу қабілеті тәулігіне 20 мың жеке тұлғаға және 800 автокөлік құралына дейін ұлғайтылуы күтілуде.«Жібек жолы» кеден бекетінің уақытша жабылу күні қосымша хабарланатын болады. Ақпарат көзі : https://www.gov.kz/memleket/entities/minfin/press/news/details/925184

«Астана-Алматы» бағыты бойынша жүретін №3/4 поездарының жолаушылары Интернетке қосылды. Бұл рейс теміржол көлігінде заманауи цифрлық технологияларды енгізу бойынша пилоттық жобасы аясында іске асты.Бұл ЦДИАӨМ мен Eutelsat-OneWeb компаниясы арасындағы келісімнің арқасында жүзеге асты. Бұлжоба интернетке дәстүрліқосылутәсілдерішектеулінемесеондай мүмкіндік жоқ елдіңшалғайөңірлерінде тұрақтыжәне жоғары жылдамдықтықолжетімділіктіқамтамасыз етуге бағытталған.Цифрлық даму министрі Жаслан Мәдиев пен «Жолаушылар тасымалы» АҚ Басқарма төрағасы Ануар Ахметжанов жаңа технологияны Wi-Fi көмегімен желіге қосылу бойынша сынады.Пойыздардағы Интернет заманауи спутниктік технологияларды пайдалана отырып қосылады, бұл жолаушыларға сапар бойы мессенджерлерді, бейне хостингтерді және басқа да онлайн-сервистерді пайдалануға мүмкіндік береді.«Біз Eutelsat-OneWeb компаниясымен спутниктік байланысты қосу бойынша ынтымақтастық аясындағы жоспарларымыздың жүзеге асырылып жатқанына қуаныштымыз. Өздеріңіз білетіндей, біздің еліміздің аумағы үлкен және дала бойынша интернет қолжетімсіз, енді пойыздарда оған қосылу және сапар барысында онлайн сервистерге қол жеткізуді пайдалану мүмкіндігі бар», - деді цифрлық даму министрі Жаслан Мәдиев жолаушылармен кездесуде.КөптегенжолаушыларWhatsApp бейне қоңырауыарқылытуыстарынабірденқоңыраушалып, YouTubeбейнелерінкөріп, басқа да танымалқызметтердіпайдалана алды.Жолаушыларжаңақызметтіңсапарды,әсіресеұзақмаршруттардаыңғайлы ететінін атап өтті.Интернеттің қосылу жылдамдығы 50-100 Мб/с болды, бұл интернетті ыңғайлы пайдалануды қамтамасыз етеді, бірақ торренттер мен ағындық жүктеулерге қол жетімділік шектеулі болады.Айта кетейік, аталмыш жоба № 3/4 «Астана-Алматы» пойызының бір құрамында іске асырылды және пилоттық кезең сәтті аяқталғаннан кейін басқа бағыттарға кеңейтілетін болады, бұл «ҚТЖ» АҚ Ұлттық тасымалдаушысының заманауи технологияларды енгізу және сервис сапасын жақсарту жөніндегі стратегиялық бағытына сәйкес келеді.Eutelsat-OneWebспутниктікжелілерінбасқаруОрталығы«Көктерек» ОКЖ-де орналасқан және тек Қазақстандығанаемес, бүкілОрталықАзияөңірінқамтудықамтамасыз етеді.Интернетті қосу жобасын Қазақстандағы OneWeb ресми серіктесі «Jusan Mobile» компаниясы іске асыруда. Eutelsat-OneWeb авиацияда, теңіз тасымалында және корпоративтік секторларда белсенді қолданылады, бұл оның әмбебаптығы мен сенімділігін көрсетеді. ҚР ЦДИАӨМ баспасөз қызметіАқпарат көзі : https://www.gov.kz/memleket/entities/mdai/press/news/details/925038

Биыл Жетісу облысының аудан-қалаларында жылумен жабдықтаудың бірнеше маңызды жобасы іске асырылады. Бұл ретте Талдықорған қаласында қуаты 49 Гкал/сағ болатын қазандықтың құрылысы қолға алынса, жеке инвестиция есебінен «Басқуат» қазандығының базасында газ турбиналық станция салынуда. Бұл жобаларды жүзеге асыру нәтижесінде қазіргі кезде жыл бойы жұмыс істейтін аталған қазандықтың жүктемесін тағы 30% азайтуға мүмкіндік туады. Атап өтсек, бұған дейін қаладағы жылу желілерін қайта жаңғырту және нысандарды кварталдық қазандықтарға қосу есебінен «Басқуаттың» жүктемесі 12% төмендетілген еді, - деп хабарлайды Жетісу облысы әкімінің баспасөз қызметі.Облыстық энергетика және тұрғын үй-коммуналдық шаруашылығы басқармасының мәліметіне қарағанда, өңірде 2024-2025 жылғы жылыту маусымы штаттық режимде өтуде. Өңірдегі әлеуметтік саланың 1330 нысанына және 1682 көп қабатты тұрғын үйге жылу үздіксіз беріліп келеді. Облыстың жылумен жабдықтаушы кәсіпорындары мен бюджеттік сала объектілері түгелдей отынның нормативтік қорымен қамтылған. Өңірде халықтың жылыту маусымындағы көмірге деген қажеттілігі 428,5 мың тонна. Бүгінге дейін аталған қажетті көлемнің 98%-ы тұрғындарға сатылды. Жылыту маусымына дайындық барысында 2 турбинаға, 40 қазандыққа, 156 км су құбыры желісі мен 13,5 км жылу жүйесіне, 1,1 мың км электр желісіне және 134 трансформаторлық қосалқы станцияларға жөндеу жұмыстары жүргізілген.«Биыл жылу жүйесінің бірқатар жобасы қолға алынады. Мәселен, жеке инвестиция есебінен Талдықорғандағы «Басқуат» қазандығының базасында қуаты 26 МВт электр энергиясын және 19 Гкал/сағ жылу энергиясын беруге жететін газ турбиналық станцияның 1-ші кезегін келесі жылыту маусымына дейін іске қосу жоспарланған. Жоба 5 кезеңде жүзеге асырылады. Оны іске асыру нәтижесінде 315 МВт электр және 252 Гкал/сағ жылу энергиясы өндіріледі. Жоба 2027 жылы толық аяқталды деп күтілуде. Сондай-ақ жеке инвестициялар есебінен Текелі қаласында қуаты 21 МВт болатын жаңа бу-газ қондырғысын орнату арқылы қолданыстағы ЖЭО-ны жаңғырту және кеңейту жобасының бірінші кезеңін іске асыру жұмыстары жүргізілуде. Бұдан бөлек, бюджет қаржысы есебінен Талдықорған қаласында қуаты 49 Гкал/сағ болатын қазандық салынып жатыр. Оның құрылысы 2025 жылғы қазан айында, яғни келесі жылыту маусымы басталғанға дейін бітеді деп жоспарланып отыр», – делінген облыстық энергетика және ТҮКШ басқармасының хабарламасында.Жалпы өңірде орталықтандырылған жылумен жабдықтау жүйесінде жалпы қуаты 540 Гкал/сағ болатын 24 негізгі энергия объектісі жұмыс істейді. Жылу желілерінің ұзындығы - 393 км.Еске салсақ, биылғы жылыту маусымының қарсаңында өрт қауіпсіздігін қамтамасыз ету үшін әлеуметтік осал топтар санатындағы отбасылар тұратын 1039 жеке тұрғын үйге улы газды анықтайтын датчиктер қойылды. Ал 2022-2024 жылдар аралығында осындай датчиктер 5 мыңға жуық үйге орнатылған болатын. Жетісу облысы әкімінің баспасөз қызметі.Ақпарат көзі : https://www.gov.kz/memleket/entities/zhetysu-oblysy/press/news/details/925444

ҚР ҒЫЛЫМ ЖӘНЕ ЖОҒАРЫ БІЛІМ МИНИСТРІ ҰЛЫБРИТАНИЯНЫҢ ЖЕТЕКШІ УНИВЕРСИТЕТТЕРІНІҢ БАСШЫЛАРЫМЕН РЕСМИ КЕЗДЕСУЛЕР ӨТКІЗДІ2025 жылғы 23-25 қаңтар аралығында министр Саясат Нұрбек бастаған ҚР Ғылым және жоғары білім министрлігінің делегациясы жұмыс сапары аясында Ұлыбританияның бірқатар жоғары оқу орындарына барды. Сапар барысында министр Кардифф, Глазго және Хериот-Уотт университеттерін қоса алғанда, жетекші жоғары оқу орындарының басшыларымен кездесулер өткізді.23 қаңтарда Саясат Нұрбек Кардифф университетінде болып, университет президенті Венди Ларнермен келіссөздер жүргізді. Тараптар ғылыми зерттеулер мен академиялық алмасулар саласындағы ынтымақтастықты нығайтуды, сондай-ақ бірлескен білім беру бағдарламаларын іске асыру перспективаларын талқылады.24 қаңтарда Рассел тобының жетекші университеттерінің бірі Глазго университетіне сапар болды. Кездесу аясында жоғары білім беру саласындағы ынтымақтастықты одан әрі дамыту жоспарлары талқыланды. Глазго университеті қазақстандық жоғары оқу орындарының бірінің базасында өз филиалын ашуға ниет білдірді, бұл халықаралық білім беру серіктестігін дамытудағы маңызды қадам болады.25 қаңтарда министр Қ.Жұбанов атындағы Ақтөбе өңірлік университеттің ұзақ мерзімді серіктесі Эдинбург қаласындағы Хериот-Уотт университетіне барды. Ағымдағы жобалар мен ғылыми зерттеулер мен білім беру бастамалары саласындағы ынтымақтастықты кеңейту мүмкіндіктері қарастырылды.Сапар аясында Жасанды интеллект (AI) технологияларын пайдалануды қоса алғанда, жоғары оқу орындарының ғылыми-зерттеу әлеуетін көрсетуге ерекше назар аударылды.Министр сондай-ақ «Болашақ» халықаралық бағдарламасы бойынша оқитын қазақстандық студенттермен, сондай-ақ шетелдік білім алушылармен кездесіп, Эдинбург университетінде Орталық Азия студенттері қауымдастығының кездесуінде сөз сөйледі. Өз сөзінде ол Қазақстанның тұрақты дамуының негізгі факторлары ретінде білім мен ғылымды интернационалдандырудың маңыздылығын атап өтті, сондай-ақ студенттерді ғылыми бастамаларды дамытуға белсенді қатысуға шақырды.ҚР Ғылым және жоғары білім министрі Саясат Нұрбектің жұмыс сапары Қазақстан мен Ұлыбритания арасындағы ғылым және жоғары білім саласындағы халықаралық ынтымақтастықты нығайтудағы маңызды қадам болды.Ақпарат көзі : https://www.gov.kz/memleket/entities/sci/press/news/details/925094

АРАЛЫҚ ҚОРЫТЫНДЫЛАР: ЕКІ АПТА ІШІНДЕ 79 МЫҢ ТАЛАПКЕР ҚАҢТАР АЙЫНДАҒЫ ҰБТ-НЫ ТАПСЫРДЫҚаңтар айындағы ҰБТ-ның екі аптасында 79 мыңнан астам адам тест тапсырды. Шекті балды 70%-ға жуық талапкер жинады. Тестілеу нәтижесі бойынша орташа балл 65 балды құрады. Ең жоғары балл – 137, оны екі оқушы жинады.Тестке қатысушылардың 76,8%-ы қазақ тілінде, 23,1%-ы орыс тілінде, 46 адам ағылшын тілінде тестілеуден өтті.Талапкерлердің басым бөлігі, 16,9%-дан «Математика-Физика» және «Биология-Химия» пәндер комбинациясын тапсырды. 10,3%-ы «Шығармашылық емтихан» комбинациясын таңдаған. Ең аз таңдалған комбинация – «Химия-Физика», оны 105 адам тапсырған.Ерекше білім беру қажеттіліктері бар оқуға түсушілер үшін қолайлы жағдай жасаудың арқасында қаңтар ҰБТ-сына 203 талапкер қатысты.Талапкерлер тестілеу аяқталғаннан кейін 30 минут ішінде апелляцияға бере алады, бұл жағдайда сертификат апелляция туралы шешім қабылданғаннан кейін тестіленушінің жеке кабинетінде қолжетімді болады.Қазіргі таңда 111 адамның нәтижесі жойылды. Оның ішінде 70 талапкер смартфон және шпаргалка сияқты тыйым салынған заттарды алып өту әрекеті салдарынан тест тапсыру мүмкіндігінен айырылды, ал тестілеу кезінде ережелерді бұзғаны үшін аудиториядан 41 адам шығарылды. Өзге тұлғалар анықталған жоқ.Айта кетсек, 2025 жылғы ҰБТ аяқталғаннан кейін күнтізбелік жылдың 31 қазанына дейін тестілеудің бейнежазбаларына талдау жүргізіледі. Тыйым салынған заттарды пайдалану немесе ережелерді бұзу фактілері анықталған жағдайда түсушінің ҰБТ нәтижелері жойылады.Естеріңізге сала кетсек, қаңтар ҰБТ-сы 13 қаңтар мен 10 ақпан аралығында өтеді. Тестілеуге қатысуға 167 мыңға жуық талапкер ниет білдірген. ҚР ҒЖБМ Ұлттық тестілеу орталығыАқпарат көзі : https://www.gov.kz/memleket/entities/sci/press/news/details/925252

Елорданың коммуналдық қызметтері тәулік бойы күшейтілген режимде жұмысын жалғастыруда. Олар күн сайын қаладан ондаған текше метр қар шығарады, деп хабарлайды Астана әкімдігінің ресми сайты.26 қаңтардан 27 қаңтарға қараған түні коммуналдық қызметтер Астанадан 48 мың текше метрден астам қарды 3 688 рейспен шығарды.27 қаңтар күні таңертең қар тазалау жұмысына 2300-ден астам жол жұмысшы мен 1700-ден астам арнайы техника жұмылдырылды.Қыс мезгілі басталғаннан бері 4 миллион текше метрден астам қар қаладан полигондарға 321 291 ауыр жүк рейсімен шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/924804

Елорданың Пригородный елді мекенінде 3-10 жас аралығындағы балаларды білім мен өнерге баулитын жаңа орталық ашылды, деп хабарлады Астана әкімдігінің ресми сайты.«AQYL Education» дамыту орталығында 10 жасқа дейінгі балалар базалық дағдылар мен шахмат, робототехника және ағылшын тілін тегін үйренетін болады.«Бұл – әр балаға өз талантын ашуға және болашағы үшін маңызды дағдыларды дамытуға мүмкіндік беретін заманауи білім беру кеңістігі. Ұстаздарымыз – балалармен жұмыс істеуде мол тәжірибесі бар жоғары білікті мамандар. Олар әр оқушының қабілет-дарынын танып, оны дамытуға және оқыту процесін қызықты етуге бар күшін салады. Әр бағдарлама балалардың жас ерекшеліктері мен жеке қажеттіліктерін ескере отырып жасалады. Кең, қауіпсіз және заманауи жабдықтармен қамтамасыз етілген оқу сыныптары балалардың білім алуға деген қызығушылығын арттырады деп ойлаймын», - дейді «AQYL Education» балаларды дамыту орталығының директоры Гүлжан Орманова.Мұнда 2 ауысымға 150 бала қабылданады. Мектепке даярлық тобынан бастап, оқушыларға арналған ұзартылған топ жұмыс істейді. Бүлдіршіндер үшін дене тәрбиесі, ойлау мен шағын моториканы дамыту сабақтары өткізіледі. Бұған қоса балалардың сөйлеу қабілетін жақсарту үшін логопед мамандар және психологтар көмек көрсетеді. Ал бастауыш сынып оқушылары үшін шахмат, ағылшын тілі мен робототехника оқытылады.«Балалардың тегін білім алуын қамтамасыз ету мақсатында мемлекет тарапынан «Даму» бағдарламасы бойынша қаржыландыруды жоспарлап отырмыз. Бұл ата-аналарға қаржылық жүктемені азайтып, балалардың сапалы білім алуына мүмкіндік береді», - деп қорытындылады Гүлжан Орманова. Ақпарат көзі : https://www.gov.kz/memleket/entities/astana/press/news/details/924889

Елордада жұмыссыз қала тұрғындарының «екі қолға бір күрек» тауып, қаржылық жағдайын жақсартуына мүмкіндік беретін JOLTAP жобасы жалғасып жатыр. Әлеуметтік жоба аясында осы уақытқа дейін 9 мыңнан астам елордалық біліктілігін арттырып, жұмысқа орналасты, деп хабарлайды Астана әкімдігінің ресми сайты.Жоба негізінде оқыту бағдарламалары еңбек нарығының сұраныстарына сүйене отырып жасалған. Мәселен, жиһаз жасау негіздерін де жоба арқылы тегін оқуға болады. Бұл дағдыны меңгеріп алған жандар жиһаз өңдіру және оны құрастыру тәсілдерін үйренеді. Себебі бүгінгі еңбек нарығында жиһазды тапсырыспен жасатуға сұраныс артып келеді.JOLTAP жобасындағы «Корпусты жиһаз жасау негіздері» курсын Марат Базарбеков жүргізеді. Осы салада 6 жылдық тәжірибесі бар оқытушы жобаға кездейсоқ келгенін айтады.«Мен басқа жиһаз жасаушылар сияқты ең алдымен өз үйіме қажетті шкаф жасадым. Нәтижесін көрген соң, бұл іспен кәсіби түрде айналыспақ болдым. Осылайша елордадағы жиһаз цехтарының біріне жұмысқа тұрдым. Онда құрастыру және монтаждау негіздерін үйреніп, қосымша осы салаға қатысты интернетте қолжетімді ақпараттарды зерттедім. Жиһаз жасағаннан кейін оны тиімді сату жолдарын білу үшін JOLTAP жобасында «Таргетолог» курсына қатысуға өтініш білдірдім. Сол уақытта жиһаз жасау курстарын өткізіп жүрген соң, жобада жиһаз жасау курсы бар-жоғын сұрадым. Әрі қарай өз ұсынымды білдіріп, осылайша жаңадан ашылған курстың оқытушысы болдым», - дейді Марат Базарбеков.Курс оқытушысының сөзінше, қатысушылар 8 күнде корпустық жиһаз жасау технологиясымен егжей-тегжейлі танысады.«Осы курсты таңдаған жандар 6 күн бойы жаһаз жасау технологиясымен танысып, тәжірибе жүзінде жиһазды өлшеу және оның дизайнын сызу тәсілдерін үйренеді. Жетінші күні студенттер алған білімдері бойынша емтихан тапсырады. Ал соңғы күні менің цехымда жиһаз жасап, оны JOLTAP жобасы атынан өзімен бірге сыйға алып кетеді», - дейді ол.Марат Базарбековтың айтуынша, аталған курсқа біліктілігін арттыру үшін дизайнерлер мен жиһаз жинаушылар да келеді.«Байқағанымдай, курсқа келген студенттер ішінде дизайнерлер мен жиһаз жинаушылар да бар. Олар осы салада біліктілігін арттырып, табыс көзін ұлғайтуды мақсат етеді. Елімізде жиһаз жасаушылар саны жетіспейді, сондықтан да олар тапсырысты мерзімінде орындауп үлгермейді. Ал мен әр қазақстандықтың сапалы жиһаз алғанын қалаймын. Сондықтан жоба аясында жиһаз жасаушыларды дайындап, нарыққа білікті шеберлер шықса деймін», - дейді ол.Айта кетейік, JOLTAP қысқа мерзімді оқыту бағдарламасы 18-50 жас аралығындағы Астана тұрғындары үшін қолжетімді. Оқудан кейін қатысушыларға сертификат беріледі. Ал түлектердің кандидатуралары JUMYS TAP Telegram-ботында тегін жарнамаланатын болады.Ақпарат көзі : https://www.gov.kz/memleket/entities/astana/press/news/details/924906

Президент бастамасымен биыл Қазақстанда Жұмысшы мамандықтар жылы болып жарияланды. Қалалардың тыныс-тіршілігін қамтамасыз етуде маңызды рөл атқаратын техникалық мамандардың жұмысына ерекше назар аударылады. Олардың қатарында елорданы үздіксіз электр қуатымен қамтамасыз етіп отырған «Астана-АЭК» АҚ қызметкерлері де бар, деп хабарлайды қала әкімдігінің ресми сайты.Кәсіпорын жұмысшыларының бірі, Байқоңыр аудандық электр желілерінің (ЖЭК) аға шебері Дархан Ыбаш энергетика саласында 10 жылдан астам еңбек етіп келеді.Дархан университетті «Электр энергетикасы» мамандығы бойынша бітірген. «Астана-АЭК» АҚ-да 2012 жылдан бері жұмыс істейді.Кәсіпорында 3-разрядты электрик мамандығынан бастаған. Кәсіби шеберлігін үздіксіз жетілдіріп, еңбекқорлығының арқасында әріптестерінің құрметі мен сеніміне ие болды.«Ауа райының қолайсыздығына, тәулік уақыты мен басқа да қиындықтарға қарамастан, берілген тапсырмаларды нақты орындаймыз. Біздің басты міндетіміз – аудандық желілердің сенімді және сапалы жұмысын қамтамасыз ету», - деді Дархан.Ол Президенттің жұмысшы мамандарды қолдау жөніндегі бастамасының маңыздылығына тоқталды.«2025 жылдың «Жұмысшы мамандықтары жылы» деп жарияланғанына қуанып жүрмін. Бұл бастама жұмысшы мамандардың маңыздылығын көрсетіп қана қоймай, жастарды техникалық мамандықтарға тартуға септігін тигізеді, бұл еліміздің дамуы үшін аса маңызды», - дейді шебер.«Астана-АЭК» мекемесінде қызметкерлердің кәсіби өсуіне ерекше көңіл бөлінеді. Мұнда олар бастамашылық пен кәсіпқойлықты бағалайды, сонымен қатар дамуды қолдайды және карьералық өсу үшін жағдай жасайды. Дарханның айтуынша, дәл осы қасиеттер компанияның өз саласында көшбасшы болып қалуына көмектесіп келеді. Ақпарат көзі : https://www.gov.kz/memleket/entities/astana/press/news/details/924917

Елордада «Халық қатысатын бюджет» жобасын жүзеге асыру жалғасуда, оның аясында азаматтар өз аулаларын абаттандыруға және жөндеуге мүмкіндік алады. Қазір аудан әкімдіктері өтініштер қабылдап жатыр, деп хабарлайды елорда әкімдігінің ресми сайты.«Халық қатысатын бюджет» жобасы азаматтардың өз аулаларын күрделі жөндеуге, скверлерді, саябақтар мен басқа да қоғамдық орындарды ашуға бағытталған бастамаларын қолдауға бағытталған.Бағдарлама 7 кезеңнен тұрады: сараптамалық кеңес құру, өтінімдерді қабылдау, жобалық ұсыныстарды талдау, дауыс беру, қорытындылау, жұмыс жоспарларын құру және іске асыру.Сарайшық ауданының әкімдігі тұрғындардан өтініш қабылдауды бастап та кетті. Ол 1 наурызға дейін жалғасады. Осы уақыт ішінде қатысушылар нақты өзгерістер мен бюджеттік есептеулерді көрсете отырып, даму жоспарын дайындауы керек.Аяқталған жобалар аудан әкімдігінің ресми сайтының «Пайдалы сілтемелер» бөлімінде жүктеледі, онда «Халық қатысатын бюджет-2025» қойындысы орналасқан. Техникалық талдау мен тексеруден кейін өтінімдер дауыс беру кезеңіне өтеді.Дауыс беру 6-24 сәуір аралығында өтеді. Ол үшін аудан әкімдігінің сайтына немесе Egov Mobile қосымшасына электрондық цифрлық қолтаңба арқылы кіру қажет.Бір тұрғын тек бір жобаға дауыс бере алады. Жеңімпаздар үш санатта анықталады: пәтерлер саны 40-қа дейін, 100-ге дейін пәтер, 100-ден астам пәтер.Елорданың Сарыарқа ауданында 20 қаңтардан бастап өтініштер қабылданып жатыр. Ауданда 2019 жылдан бері «Халық қатысатын бюджет» жобасы сәтті жүзеге асырылуда. Осы уақыт ішінде 121 тұрғынның бастамасы жүзеге асырылды. Өткен жылдың өзінде 66 аула жаңартылса, оның 43-і қала тұрғындарының атсалысуының арқасында жүзеге асты.Бағдарламаға қатысуға Нұра ауданының тұрғындары да 1 наурызға дейін өтініш бере алады. Бағдарлама аясында жыл сайын Астанада 100-ден астам аула жаңартылады. Жобаға қатысу арқылы тұрғындар ауланы абаттандыру бойынша өз идеяларын ұсына алады.Байқоңыр ауданының тұрғындары өз өтініштерін әкімдіктің www.baikonyr-astana.kz ресми интернет-ресурсына «Халық қатысатын бюджет-2025» бөліміне жібере алады.Ұсынысты жіберу үшін өтінімді толтыру керек (жобаның атын, оның сипаттамасын көрсету), эскизді және сметаны (шамамен болуы мүмкін), қазіргі жағдайының фотосуреттерін және таңдау бойынша презентацияны қосу керек. Бұл бөлімде сондай-ақ осы жобаның ережелері, үлгілік жобалық ұсыныс, жобалық іс-шараларды өткізу мерзімдері, сараптамалық кеңестің құрамы бар.Алматы ауданының әкімдігі де өтініштер қабылдайды. Жобаға тек осы ауданның тұрғындары ғана қатыса алады.Есіл ауданында 23 қаңтарда өтініштерді қабылдау басталды. Ол да 1 наурызға дейін жалғасады.Ақпарат көзі : https://www.gov.kz/memleket/entities/astana/press/news/details/924944

Астана қаласында қаңғыбас жануарлардың санын реттеу мақсатында Қазақстан Республикасының «Жануарларға жауапкершілікпен қарау туралы» Заңына сәйкес жануарларды қолға түсіру, уақытша ұстау, вакцинациялау және зарарсыздандыру жұмыстары тұрақты жүргізіліп жатыр. Бұл туралы елордалық коммуникациялар қызметінде өткен брифингте қоршаған ортаны қорғау және табиғатты пайдалануды реттеу басқармасы басшысының орынбасары Самат Абдуллин айтты, деп хабарлайды қала әкімдігінің ресми сайты.«Аулау кезінде жануардың өлуіне апармайтын тор, ілмек, тор қақпандары қолданылады.Қаңғыбас иттер мен мысықтарды аулауға өтініштер iKomek 109 мониторингтік қызмет көрсету орталығы, сондай-ақ Астана қаласы әкімдігінің «Астана ветсервис» шаруашылық жүргізу құқығындағы мемлекеттік кәсіпорнының жұмыс телефоны арқылы қабылданады.Қолға түскен жануарлар міндетті түрде чиптеліп, «Таңба» үй жануарларын есепке алудың бірыңғай базасына тіркеліп, питомникке тапсырылады. 2024 жылы 9 мың қаңғыбас жануарға микрочип салынды. Мәліметтер базасында иесі бар және қаңғыбас 37 864 жануар тіркелген, оның 19 844-і – ит, 18 020-сы – мысық», - деді Самат Абдуллин.Ветеринариялық қауіпсіздікті қамтамасыз ету мақсатында жыл сайын құтыру ауруына қарсы профилактикалық іс-шаралар және иттер мен мысықтарды дегельминтизациялау жұмыстары жүргізіледі. 2024 жылы иесі бар және ұсталған 17 мың қаңғыбас ит пен мысық вакцинацияланды.Сондай-ақ, елордада қаңғыбас жануарлардың санын гуманды тұрғыдан реттеу мақсатында 2018 жылдан бастап үй жануарларын зарарсыздандыру және кастрациялау қолданылып келеді. 2024 жылы 1997 жануар зарарсыздандырылды, оның ішінде 410 ит және 1587 мысық бар.Ақпарат көзі : https://www.gov.kz/memleket/entities/astana/press/news/details/925043

Астанада тұрмыстық зорлық-зомбылыққа қарсы жүйелі жұмыс жүргізіліп жатыр. 2024 жылы жаңа заңнамалық шаралардың, технологияларды енгізудің және әлеуметтік қызметтерді белсенді тартудың арқасында айтарлықтай жетістіктерге қол жеткізілді. Бұл жұмыс туралы брифингте Сотқа дейінгі тергеп-тексеру және қылмыстық қудалау заңдылығын қадағалау басқармасының прокуроры Ерасыл Жұмақанов пен Астана қалалық ПД Әйелдерді зорлық-зомбылықтан қорғау бөлімінің басшысы Гүлмира Шрахметова егжей-тегжейлі айтып берді, деп хабарлайды қала әкімдігінің ресми сайты.2024 жылы отбасылық-тұрмыстық зорлық-зомбылыққа қарсы күрес жөніндегі жаңа заң күшіне енді. Қылмыстық жазаланатын іс-әрекеттердің қатарына денсаулыққа қасақана жеңіл зиян келтіру (ҚР ҚК 108-1-бабы) және ұрып-соғу (ҚР ҚК 109-1-бабы) кірді. Бұл шаралар әйелдер мен балаларды агрессорлардан қорғауды күшейтуге бағытталған.Заң күшіне енген 2024 жылдың 16 маусымынан бері Астанада 1184 қылмыстық құқық бұзушылық тіркелді. Оның ішінде 676 іс денсаулыққа қасақана жеңіл зиян келтіру болса, оның 238-і отбасылық-тұрмыстық салада болған. Тағы 508 оқиға зорлық-зомбылыққа қатысты болса, оның 39-ы тұрмыстық жанжалда тіркелген.Сот жүйесі мұндай істерді белсенді түрде қарауда: жыл соңына дейін 142 іс сотқа жолданды, оның ішінде 83 адамға үкім шығарылды.2024 жылы Астанада тұрмыстық зорлық-зомбылықпен күресудің жаңа тәсілдері енгізіледі. Солардың бірі – қайталанатын зорлық-зомбылық қаупін бағалауға арналған «ODARA» жобасы.Жоба үкіметтік емес ұйымдармен бірлесіп жүзеге асырылуда. Полиция қызметкерлері зорлық-зомбылыққа бейім адамдар арасында 15 мыңнан астам сауалнама жүргізді. Оның қорытындысы бойынша аурудың қайталану қаупі жоғары 106 адам анықталып, оларға мемлекеттік органдар мен ҮЕҰ тарапынан көмек көрсетілді. Зорлық-зомбылық әрекеттерінің негізгі себептері ішімдік ішу (4496 жағдай), қызғаныш (939 жағдай), әлеуметтік тұрақсыздық (1360 жағдай) болды.«Цифрлық полиция» жобасы аясында учаскелік инспекторлар бейнетіркегіштермен қамтамасыз етілген, бұл оқиғаларды бірден түсіруге және құқық бұзушылықты жасыру әрекеттерінің алдын алуға мүмкіндік береді.Құқық қорғау органдары әлеуметтік қызметтермен бірге зорлық-зомбылық құрбандарын қорғауға назар аударады. Дағдарыс орталықтарына қорғауды қажет ететін 384 адам орналастырылды. Сонымен қатар, 1200-ден астам әйел мен балаға психологиялық қолдау мен заң көмегі көрсетілді.Алдын алудың маңызды бөлігі қала тұрғындарымен және коммуналдық қызметтермен белсенді өзара әрекеттесу болды. Құқық қорғау органдары шұғыл әрекет ету үшін азаматтарды тұрмыстық зорлық-зомбылық жағдайлары туралы хабарлауға шақырылады.Ықтимал тәртіп бұзушыларды бақылау үшін әлеуметтік мессенджерлер арқылы бейнеқоңыраулар енгізілді, бұл отбасылардағы жағдайды қашықтан бақылауға мүмкіндік береді.Зорлық-зомбылықтың қайталануын бағалау және алдын алу үшін «ODARA» бағдарламасын 2025 жылға қарай елорданың барлық ауданында кеңейту жоспарланып отыр. Сондай-ақ агрессорлардың психологиялық және әлеуметтік мінез-құлқын түзетуге болатын мамандандырылған түзету орталықтарын ашу жоспарлануда. Сол сияқты зардап шеккендерге жан-жақты қолдау көрсету үшін үкіметтік емес ұйымдармен ынтымақтастық күшейтілетін болады.Негізгі бағыттардың бірі өмірлік қиын жағдайдағы отбасылармен жұмыс істеу, сондай-ақ түнгі уақытта алкогольді сатуды бақылауды күшейту болады, бұл тұрмыстық жанжалдардың санын азайтуы тиіс.Ақпарат көзі : https://www.gov.kz/memleket/entities/astana/press/news/details/925108

Елордадағы Музыкалық жас көрермен театрының актерлері «Таза Қазақстан» акциясына қолдау білдіріп, өнер ордасының айналасын қардан тазартты, деп хабарлады Астана әкімдігінің ресми сайты.«Астана қаласы әкімдігі Музыкалық жас көрермен театрының ұжымы «Таза Қазақстан» экологиялық акциясын қолдай отырып, әріптестерімізбен бірге театрымыздың алдын қардан тазарттық. Осылайша көрермендерімізді ыстық ықыласпен, көтеріңкі көңіл күймен қарсы аламыз», - деді Музыкалық жас көрермен театры басшысының орынбасары Алмаз Шоман.Экологиялық акцияға Аян Төлепберген, Оразалы Игілік, Нұржас Садырбаев, Еламан Иманбаев және театрдың басқа да актерлері қатысып, мәдени нысанның айналасын қалыпқа келтірді.«Бірнеше сағаттан кейін Музыкалық жас көрермен театрының көрермендері бізге қарай ағылады. Мынау қар олардың спектакльден керемет әсер алып шығуына кедергі жасайды деген оймен және әріптестерімізбен бірге «Таза Қазақстан» акциясын қолдау мақсатында айналаны қардан тазартып жатырмыз. Акцияны қолдаңыздар, қарды тазалап тастаңыздар», - деді театр актері Аян Төлепберген.Ақпарат көзі : https://www.gov.kz/memleket/entities/astana/press/news/details/925308

Елорданың Сарайшық ауданында заңсыз кальян шегу фактілерін анықтау мақсатында ойын-сауық мекемелерінде рейд жүргізілді, деп хабарлайды Астана әкімдігінің ресми сайты.Профилактикалық шараны ауданы әкімдігінің қызметкерлері полиция басқармасымен бірлесіп ұйымдастырды.Сарайшық ауданындағы екі мекемеде жүргізілген рейд барысында кальян шегудің айғағы анықталды. Тәртіп бұзушыларға 117 960 теңге көлемінде әкімшілік айыппұл салынды. Құқық бұзушылыққа ықпал еткен себептер мен жағдайларды жою туралы мекемеге қарсы ұсыныс берілді. Кальяндар тәркіленді.Рейдтік іс-шаралар жоспарын әзірлеу кезінде құқық қорғау органдары қала тұрғындарының шағымдарын ескеріп, аталған аумақтарда құқық бұзушылықтарға талдау жүргізгені атап өтілді. Полиция мұндай рейдтер демалыс және мереке күндері күшейе отырып, тұрақты негізде жүргізілетінін атап өтті.«Заңбұзушылық үшін ҚР ӘҚБтК-нің 441-бабына сәйкес 15 АЕК мөлшерінде әкімшілік жауапкершілік қарастырылған», - деді учаскелік полиция майоры Ғалым Мұстаханов.Еске салайық, қоғамдық орындарда кальян шегуге тыйым салуды енгізу туралы қаулы 2013 жылдың 14 наурызында күшіне енген болатын. Тиісті талап бұзылса, кальян шегетіндерге 15 АЕК көлемінде айыппұл салынады. Қайталап бұзғаны үшін – 20 АЕК. Ал мекеме иелеріне 20-дан 60 АЕК-ке дейін айыппұл салынады.Ақпарат көзі : https://www.gov.kz/memleket/entities/astana/press/news/details/925441

Облыс әкімі Асхат Шахаровтың төрағалығымен өткен аппарат мәжілісінде өңірдегі тұрғын үй құрылысының қарқыны, сондай-ақ әлеуметтік нысандардың құрылысы қаралды.Ақтөбе облысының құрылыс, сәулет және қала құрылысы басқармасының басшысы Ержан Мұздыбаев өңірде тұрғын үйді іске қосу қарқыны жағынан өсім бар екенін атап өтті. Мәселен, былтырғы жылдың қорытындысы бойынша облыста 964 мың шаршы метр тұрғын үй тапсырылған, бұл жоспарланған межеден 14 мың шаршы метрге артық. 2025 жылы 595,3 мың шаршы метр жеке тұрғын үй, 354,7 мың шаршы метр көппәтерлі үй салу жоспарлануда. Ақтөбе мен Алға қалаларында 142 мың шаршы метр немесе 1 857 пәтер салу жоспары бар. Жалпы, 965 мың шаршы метрді құрайды.Тұрғын үй құрылысына, әлеуметтік және инфрақұрылымдық жобаларға Ұлттық қордан, республикалық және облыстық бюджеттерден 49 млрд теңгеден астам қаражат бөлінді.«Жайлы мектеп» ұлттық жобасы аясында биыл 12 мектепті пайдалануға беру жоспарлануда. 22 ауыспалы білім беру нысандарының құрылысы жалғасады және IT Хабты қоса алғанда, 3 жаңа жоба іске асырылады. Сондай-ақ, Ақтөбеде ерекше қажеттіліктері бар балаларға арналған 300 орындық балабақша құрылысы басталады.«Ауылда денсаулық сақтауды жаңғырту» ұлттық жобасы аясында 14 нысан халық игілігіне беріледі. Биыл Жаңақоныстағы ауруханаға жапсарлас құрылыс жұмыстарын аяқтау, Жемде дәрігерлік амбулатория және Қобда ауданы Өтек ауылында медпункт салу жоспарланып отыр.Сонымен қатар, Хромтауда мәдениет үйінің құрылысы аяқталмақ. Бұдан өзге, облыс орталығында 5000 орындық көпфункционалды спорт кешені мен стадионның жобасы әзірленуде. Шалқар, Хромтау, Кеңқияқта дене шынықтыру-сауықтыру кешендері мен Шұбарқұдық және басқа да бірқатар ауылдарда бассейндер тапсырылады.Облыс әкімі құрылыс, сәулет және қала құрылысы басқармасына Ақтөбе қаласы мен аудандардың әкімдерімен бірлесіп, 2025 жылға жоспарланған барлық нысанның уақытылы және сапалы аяқталуын қамтамасыз етуді тапсырды. Сондай-ақ, Асхат Шахаров кіреберіс жолдарды, тротуарларды салу және әлеуметтік нысандарды жарықтандыруды ұйымдастырудың маңыздылығын атап өтті.«Барлық құрылыс жобаларының белгіленген мерзімде және жоғары сапа деңгейінде орындалуын қамтамасыз ету үшін олардың іске асырылуын бақылауды күшейту қажет. Бұл тек мерзімдерді сақтауға ғана емес, бөлінген ресурстарды пайдаланудың тиімділігіне де қатысты, өйткені бұл жобалар өңір және жалпы ел тұрғындарының игілігіне бағытталған», - деді өңір басшысы.Ақпарат көзі : https://www.gov.kz/memleket/entities/aktobe/press/news/details/925212