«Мобильді аударымдар» , «Жалпыға бірдей декларациялау» туралы тақырып.Спикерлер:Кусаинова Дина Кабдылманаповна, ҚР ҚМ Мемлекеттік кірістер комитеті Жеке тұлғалардың кірістерін әкімшілендіру басқармасының басшысы;Ерсайын Көптілеуұлы, Жеке тұлғалардың кірістерін әкімшілендіру басқармасының бас сарапшысы.⏰Уақыты: 2025 жылғы 09 қантар сағ.12:00-деӨтетін орны: Астана қ., Жеңіс д., 11, 4-қабат, 404а-кабинет, конференц-залы.БАҚ өкілдерінің аккредитациясы үшін 2025 жылғы 09 қаңтар сағат 10.00-ға дейін 8717-2-71-72-71-87-83 байланыс телефоны арқылы хабарласуға болады.     🔰Мобильді аударымдар 🔷Мобильді аударымдарды бақылау заңсыз кәсіпкерлік қызметті көлеңкеден шығаруға бағытталған.Өлшемшарты 1 (бір) жеке тұлғаның қатарынан күнтізбелік 3 (үш) айдың әрқайсысының ішінде 100 (жүз) және одан да көп әртүрлі тұлғалардан кәсіпкерлік қызметті жүзеге асыруға арналмаған банк шотына ақша қаражатын алуы болып табылады (ҚР Қаржы министрінің 29.03.2022 жылғы № 323 бұйрығына сәйкес). Бұл туралы ҚР ҚМ Мемлекеттік кірістер комитеті Жеке тұлғалардың кірістерін әкімшілендіру басқармасының бас сарапшысы Көптілеуұлы Ерсайын ҚР ҚМ Мемлекеттік кірістер комитетінде өткен баспасөз конференциясында айтып берді.🔷2025 жылдан бастап екінші деңгейлі банктер –дара кәсіпкерлер, заңды тұлғалардың басшылары және олардың жұбайлары бойынша 2024 жылдың қорытындысымен ақпарат ұсынады.Аталған шара жасырын кірістер мен тіркелмеген кәсіпкерлерді анықтауға бағытталған, өйткені көптеген кәсіпкерлер тауарлар, жұмыстар мен қызметтер үшін төлемді кәсіпкерлік қызметке арналмаған жеке шоттарға мобильді аударымдар арқылы қабылдайды.🔷Бұдан басқа, қолданыстағы өлшемшарттан дара кәсіпкер ретінде тіркелмеуге құқығы бар тұлғаларды алып тастау бойынша өзгерістер енгізіліп жатыр.Сондай-ақ, өлшемшартты «1 (бір) жеке тұлғаның қатарынан күнтізбелік 3 (үш) айдың әрқайсысының ішінде 100 (жүз) және одан да көп әртүрлі тұлғалардан банк шотына жалпы сомасы 3 ең төменгі жалақыдан асатын ақша қаражатын алуы» деп өзгерту ұсынылды (01.01.2024 жылғы жағдай бойынша 255 мың теңге).*****🔰Жалпыға бірдей декларациялау🔷Қазақстанда жеке тұлғалардың табыстары мен мүлкін жалпыға бірдей декларациялау жүйесін енгізу 2021 жылдан бастап кезең-кезеңімен іске асырылуда.Бүгінгі таңда, үш кезең шеңберінде жалпыға бірдей декларациялау жүйесіне 4 млн.-нан астам адам, оның ішінде мемлекеттік қызметшілер, квазимемлекеттік сектор басшылары, бизнес өкілдері және олардың жұбайлары кірді. Бұл туралы ҚР ҚМ Мемлекеттік кірістер комитеті Жеке тұлғалардың кірістерін әкімшілендіру басқармасының бас сарапшысы Ерсайын Көптілеуұлы ҚР ҚМ Мемлекеттік кірістер комитетінде өткен баспасөз конференциясында айтып берді.                  Ссылки: https://www.instagram.com/p/DEmQp1YOYrF/ press_kyzmet_kgd 🔷Халыққа ыңғайлы болу үшін салық төлеушінің кабинеті (cabinet.salyk.kz) «Электрондық үкімет» веб-порталы (egov.kz), «e-Salyq Azamat» (салық әмияны), «eGov mobile», «Halyk», «Банк Центр кредит» және «Kaspi» мобильді қосымшалары арқылы декларацияларды тапсыру бойынша электрондық сервистер іске асырылды.2025 жылы декларацияларды ұсыну бойынша міндеттемелер азаматтардың қалған санатында туындайды.🔷Бұл шамамен 8 млн. адам, оның ішінде жеке құрылымдардың қызметкерлері, зейнеткерлер, үй шаруасындағы әйелдер, студенттер және басқалар.Мемлекет басшысының жалпыға бірдей декларациялау тәсілдерін қайта қарау туралы тапсырмасын іске асыру мақсатында ел аумағынан тыс жерлерде активтері бар адамдарды қоспағанда, азаматтардың осы санатын активтері мен міндеттемелері туралы декларацияларды ұсынудан босату ұсынылады.🔷Бұған мемлекеттік органдардың деректерқорын цифрландыру, қолма-қол ақшасыз төлемдердің жоғары үлесі (86%), автоматтандырылған салықтық бақылау, халықаралық келісімдер шеңберінде қаржы шоттары бойынша деректер алмасу, сондай-ақ цифрлық қызметтердің кең қолжетімділігі ықпал етеді.Босату осы санаттағы жеке тұлғалардың 90%-дан астамына қатысты.🔷Жеке тұлғалардың қолда бар активтерін тіркеу үшін барлық цифрлық дерекқорлардан, оның ішінде екінші деңгейдегі банктерден мәліметтер алу тетігі қамтамасыз етіледі.Бірақ болашақта 20 000 айлық есептік көрсеткіштен асатын (74 млн. теңге) мүлік сатып алынатын болса, шығыстарды жабу көздері туралы ақпарат ашылуға тиіс.🔷Сонымен қатар, азаматтарға ерікті түрде декларациялау құқығы берілді.Жыл сайынға кірістер мен мүліктер туралы (270.00 нысан) декларациясы мемлекеттік қызметшілерге, квазимемлекеттік және жеке компаниялардың басшылары мен құрылтайшыларына және олардың жұбайларына сондай-ақ Қазақстан Республикасы аумағынан тыс жерде активтері және дербес салық салуға жататын кіріс алған жеке тұлғаларға сақталады. Ақпарат көзі : https://www.gov.kz/memleket/entities/minfin/press/news/details/915619

Осымен 2025 жылғы 9 қаңтарда «Ашық НҚА» интернет-порталында жария талқылау үшін «Нотариустардың жылжымайтын мүлікті сатып алу-сату мәмілелерін онлайн-ресімдеу жөніндегі пилоттық жобаны іске асыру» НҚА (https:legalacts.egov.kz/arm/admin/viewcard?id=15391669) орналастырылғанын хабарлаймыз. Жария талқылау 2025 жылғы 23 қаңтарға дейін өткізілетін болады. Осымен 2025 жылғы 9 қаңтарда «Ашық НҚА» интернет-порталында жария талқылау үшін «Нотариустардың жылжымайтын мүлікті сатып алу-сату мәмілелерін онлайн-ресімдеу жөніндегі пилоттық жобаны іске асыру» НҚА (https:legalacts.egov.kz/arm/admin/viewcard?id=15391669) орналастырылғанын хабарлаймыз. Жария талқылау 2025 жылғы 23 қаңтарға дейін өткізілетін болады.Ақпарат көзі : https://www.gov.kz/memleket/entities/adilet/press/news/details/915589

Жамбыл облысының әкімі Ербол Қарашөкеевтің төрағалығымен өткен аппараттық кеңесте Жұмысшы мамандықтары жылын өткізу жөніндегі іс-шаралар жоспары жүзеге асыру барысы талқыланды. Жалпы, облыстық жоспарда 120-дан аса іс-шара қаралған. Аймақ басшысы Президент жүктеген міндеттерді сапалы орындау, «Жұмысшы мамандықтары жылының» түпкі мақсатына айрықша басымдық беру, іс-шаралар тек есеп үшін емес, нақты нәтижеге негізделу керектігін баса айтты. Жиында баяндама жасаған облыстық білім басқармасының басшысы Рауан Садырқұловтың айтуынша, басқарма тарапынан жоспарға 50-ге жуық іс-шара енгізілгенін атап өтті. Барлық мақсат-міндет жұмысшы мамандықтарын дамытуға, жас түлектердің жұмысқа орналасуына жәрдемдесуге бағытталып отыр. Жұмысшы мамандықтарының жылы аясында колледж студенттері үшін 2 жатақхананың (жалпы 240 орындық) құрылысын жүргізу, 6 салалық хаб, 2 жаңа мамандық, «автомобиль құрастыру» мамандығы бойынша шетелдік білім беру ұйымының филиалын ашу, сондай-ақ «1С» сертификаттау орталығын құру көзделген. Сондай-ақ өңірде «Жаңа мамандықтардың атласы» жобасы іске қосылды. Бұл бастама өнеркәсіп, тау-кен, ауыл шаруашылығы, құрылыс, туризм салаларында пайда болатын жаңа, сұранысқа ие кәсіптер мен мамандықтарды жүйелеуге және талдауға мүмкіндік береді. Биыл колледждердің материалдық-техникалық базасын жаңарту мақсатында №10 Шу және Қаратау құрылыс-техникалық колледжін күрделі жөндеу үшін жобалық-сметалық құжаттамаға мемлекеттік сараптама жасалған. 2024-2025 оқу жылы 70 мамандық бойынша 7 486 орынға мемлекеттік білім беру тапсырысы бөлінді. Оның ішінде 455 студент кәсіпорындарға қажет мамандық бойынша оқуға қабылданды. Осы ретте колледждер мен жұмыс беруші кәсіпорындар арасында 109 келісімшарт жасалғанын айта кету керек. Сонымен бірге 13 жұмыс берушінің есебінен 26 студент білім алуда. Ербол Қарашөкеев еңбек ардагерлерін өскелең ұрпаққа үлге ету, ауылдық елді мекендерден келген студенттерді жатақханамен қамту маңызды міндет екенін алға тартты. Сонымен бірге облыс әкімі білікті маман жетіспеушілігі бар салаларды кадрлармен қамтамасыз ету үшін барлық деңгейдегі кәсіпорындардың қатысуымен бос жұмыс орындары жәрмеңкесін кең көлемде ұйымдастыруды, «Жаңа мамандықтар атласы» жобасын сапалы іске асыруды міндеттеді. Дуальды оқытудың ауқымын кеңейтіп, студенттердің кәсіби дайындығын ірі өндіріс ошақтарында жетілдіру бойынша жұмыс жүргізуді жүктеді. Аппараттық кеңесте Отбасының цифрлық картасы деректерін өзектендіру барысы қаралып, жұмыспен қамту және әлеуметтік бағдарламалар басқармасының басшысы Еркін Келесовтің баяндамасы тыңдалды.Ақпарат көзі : https://www.gov.kz/memleket/entities/zhambyl/press/news/details/914896

Кезекті облыстық әкімдікте Қостанай өңірінің әлеуметтік және мәдени дамуына қатысты негізгі мәселелер талқыланды. Ел Президенті осы бағыттарға ерекше назар аударып, оларды қоғамның тұрақты дамуының негізі деп атап өтті.   Ауылдық аумақтар: жайлы өмір және даму   Бүгінде облыс халқының шамамен 38%-ы ауылдық жерлерде тұрады, сондықтан олардың өмір сүру жағдайларын жақсарту – біздің басым міндетіміз.   «Ауыл – Ел бесігі» жобасы аймақта белсенді түрде жүзеге асырылып келеді. Оның аясында жыл сайын ауылдық жерлердің инфрақұрылымы жақсарып, жолдар жөнделіп, білім беру, мәдениет және спорт нысандары салынып, коммуналдық инфрақұрылым жаңғыртылуда.   Биылғы жылы жоспарланып отырған шаралар: •83 кіреберіс жол мен 103 елді мекендегі 382 көшені жөндеу; •Тағы 39 ауылды сапалы ауызсумен қамтамасыз ету; •2025 жылға қарай көше жарықтандыру деңгейін 90%-дан 100%-ға жеткізу; •Мектептерде күрделі жөндеу жұмыстарын жүргізу және олардың материалдық-техникалық базасын нығайту.   Спорт және мәдениет салаларына ерекше көңіл бөлінуде. Спорттық нысандардың, соның ішінде дене шынықтыру-сауықтыру кешендері мен хоккей корттарының құрылысы тұрғындардың спортпен айналысу мүмкіндігін арттырып қана қоймай, халықтың әлеуметтік бейімделуіне ықпал етеді.   Мәдениет – қоғамдық дамудың қозғаушы күші   Мәдениетті дамыту – бұл тек тарихи мұраны сақтау ғана емес, сонымен бірге ұлттық бірегейлікті қалыптастыру.   2025 жылы аймақтың маңызды оқиғасы – қазақ ағартушысы, жазушы және ақын Мыржақып Дулатовтың 140 жылдық мерейтойын атап өту болмақ. Қазіргі таңда Бидайық ауылындағы мұражай ғимаратын жаңарту жұмыстары басталды, сондай-ақ Қостанай қаласында Мыржақып Дулатовқа ескерткіш орнату мәселесі қарастырылуда.   Облыстағы мәдени саясат тұжырымдамасын іске асырудың негізгі бағыттары: •Аймақтың тарихи-мәдени мұрасын нығайту; •Тұрғындардың шығармашылық әлеуетін қолдау; •Дәстүрлерді сақтауға бағытталған мәдени іс-шараларды ұйымдастыру.   Өткен жылы шығармашылық ұжымдардың ауылдық Мәдениет үйлерінде өткізген гастрольдік бағдарламалары 48 мыңға жуық адамды қамтыды. Бұл мәдениеттің әлеуметтік байланысты нығайту факторы ретінде маңызды рөл атқаратынын көрсетеді.   Сонымен қатар, мәдениет саласы экономикалық өсімнің маңызды бағытына айналуда. Туризм, қолөнер, ұлттық музыка мен кино шағын және орта бизнестің жаңа мүмкіндіктерін ашып, жұмыс орындарын құрып, инвестиция тартады.   Өңірдің болашағына қосылған үлес   Ауылдық аумақтарды және мәдениет саласын дамыту – бұл облыстың тұрақты дамуына қосылған инвестиция. Заманауи технологияларды енгізу, дәстүрлерді сақтау және өмір сүруге жайлы жағдай жасау – өңірдің табысты болашағының негізін қалыптастырады.   Қостанай облысының әкімдігі осы бағыттарға басымдық беруді жалғастырып, әрбір тұрғын өзін үлкен әрі табысты аймақтың бір бөлігі ретінде сезінуі үшін барлық шараларды қолға алады.Ақпарат көзі : https://www.gov.kz/memleket/entities/kostanay/press/news/details/914851

Облыс әкімінің орынбасары Дарын Шамұратовтың төрағалығымен Атырау облысы әкімінің жанындағы Әйелдер істері және отбасылық демографиялық саясат жөніндегі комиссияның кезекті отырысы өтті. Күн тәртібінде ата-аналардың жауапкершілігіне ықпал етуге байланысты тәрбие жұмыстары, әйелдер кәсіпкерлігін қолдау, жас отбасылардың ажырасуының алдын алу және әйелдер көсбасшылығы туралы мәселелер қозғалды,- деп хабарлайды Өңірлік коммуникациялар қызметі.Жиында тәрбие жұмыстарының сапасын арттыру, ата-аналармен бірлескен іс-шаралар өткізу секілді мысалдар талқыланып, жаңа бастамалар ұсынылды. Өткен жылы жауапты ата-ана идеясын дамыту, отбасын қорғау және балаларға білім беру мекемелеріндегі буллинг, вандализм, лудомания, ысырапшылықпен күрес, сондай-ақ, зорлық-зомбылықтан қорғау жұмыстары қарқын алды. Бұл мақсатта 20 шақты арнаулы жоба жасалып, 100 мыңнан аса ата-ана қамтылған.- Алдымыздағы үлкен міндеттердің бірі — ерте жүктілік пен суицидтің алдын-алу жұмыстары. Бұл екеуінің шешімі — психологиялық қолдау орталығы. Ал одан кейінгі мәселе — отбасын қолдау. Осы мақсатта облыс және аудан көлемінде отбасын қорғау орталықтары ашылып жатыр. Жаңадан құрылған қос құрылым негізгі проблемаларды шешуге мүмкіндік береді деп ойлаймыз,- деді Д.Шамұратов.Отырыс барысында қатысушылар күн тәртібіндегі мәселелер бойынша ұсыныстарын білдіріп, алдағы жоспарларды нақтылады. Дарын Шамұратов өз сөзінде отбасы институтын нығайту мен әйелдердің қоғамдағы белсенділігін арттыруды мемлекеттік саясаттың маңызды бағыттарының бірі екенін атап өтті.- Осы жылғы жоспарларымыздың барлығы іске ассын. Сіздермен бірлесіп жасайтын жұмыстарымыз көп. Қолдауларыңыз бен көмектеріңіз әрқашан керек. Себебі қоғам тарапынан көшбасшы әйел азаматтар болмаса бұның барлығын іске асыру мүмкін емес. Осы жылдың жоспарын бекітеміз, аздаған өзгерістер болады. Нәтижелі жұмыс болсын,- деді облыс әкімінің орынбасары Дарын Шамұратов.Жиын соңында 2024 жылдың қорытындысы бойынша комиссия мүшелеріне ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы Аида Балаеваның, Атырау облысының әкімі Серік Шәпкеновтың және облыс әкімінің орынбасары Дарын Шамұратовтың арнайы алғыс хаттары табысталды.Ақпарат көзі : https://www.gov.kz/memleket/entities/atyrau/press/news/details/914667

Бүгін Атырау облысының әкімі Серік Шәпкеновтің және Төтенше жағдайлар министрі Шыңғыс Әріновтің қатысуымен жедел-құтқару жасағының суда құтқару станциясы ашылды,-деп хабарлайды облыс әкімінің баспасөз қызметі. Суда құтқару станциясының жаңа ғимараты Жайық өзенінің бойында орналасқан.  Жиында сөз сөйлеген Серік Шәпкенов жедел-құтқару жасағы қызметкерлеріне қолайлы еңбек жағдайын жасау мақсатындағы жасалатын жұмыстар жалғасын табарын айтты. - Құтқарушылық қызметтің маңызы қаншалықты екені баршаңызға мәлім. Былтыр су тасқыны қаупі туғанда Төтенше жағдайлар министрлігінің құтқарушылары алғы шепте қызмет еткенін атап өтіп, тағы бір мәрте ризашылығымды білдіремін. Құтқару бөлімшесінің игілігіне беріліп жатқан жаңа ғимарат жұмысқа оң септігін тигізеді деп сенемін. Біз құтқарушылардың материалдық-техникалық жарақталуына да аса мән беріп отырмыз. Былтыр осы мақсатта жергілікті бюджеттен қаржы бөлініп, техникалар мен құрал-жабдықтар сатып алынды. Бұл бағыттағы жұмыстар биыл да жалғасады,-деп атап өтті С.Шәпкенов. Шарада Шыңғыс Әрінов жаңа су көліктері мен су құтқару жабдықтарын, техникаларды және станцияның кілтін жасақ басшысы Ә. Жұмалиевке салтанатты түрде табыстады. Құтқару станциясы заманауи форматтағы бөлімшелер нұсқауына сәйкес, бірыңғай талаптарға сай салынған. Станция құрамында әкімшілік ғимарат, техника мен су көліктерінің боксы бар. Бұдан бөлек 2 қабатты 11 пәтерліжатақхана пайдалануға берілді. Оған Департаменттің 11 қызметкері отбасымен бірге орналасады. Жалпы жатақхана аумағы – 481,9 текше метр. Бұл құтқарушылардың жұмысқа ынтасын арттырып, жедел әрекет етіп, құтқару операцияларын қауіпсіз орындауға және жоғары нәтижелерді көрсетуге мүмкіндік береді.Ақпарат көзі : https://www.gov.kz/memleket/entities/atyrau/press/news/details/915496

ШҚО Табиғи ресурстар және табиғат пайдалануды реттеу басқармасының басшысы болып Арман Нағашыбайұлы Есентаев тағайындалды. Ол бұған дейін ШҚО Табиғи ресурстар және табиғат пайдалануды реттеу басқармасы басшысының орынбасары қызметін атқарған еді.Арман Есентаев – Шығыс Қазақстан облысының тумасы. 2004 жылы Шығыс Қазақстан мемлекеттік университетін, ал 2011 жылы Қазақстан-Американдық еркін университетін аяқтады.Еңбек жолын ШҚО Жер қатынастары басқармасында жетекші маман болып бастаған. Әр жылдеры бас маман, бөлім меңгерушісі қызметтерін атқарды. 2012 жылдан бастап ШҚО Табиғи ресурстар және табиғат пайдалануды реттеу басқармасында жұмыс істеп келеді. 2018 жылы басқарма басшысының орынбасары лауазымына тағайындалды.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/914729

Ішкі еңбек нарығын қорғау мақсатында Қазақстан Республикасының Еңбек және халықты әлеуметтік қорғау министрлігі жыл сайын Қазақстанға шетелдік жұмыс күшін тартуға квотаны (бұдан әрі – МКҚК) белгілейді және бөледі. жұмыс берушілердің қажеттіліктеріне сәйкес. 2025 жылы жалпы квота республикадағы жұмысшылар санына қатысты 0,2% мөлшерінде белгіленді.2025 жылы IRS тарту квотасы келесідей 4 санатқа бөлінеді: бірінші санаттағы 649 рұқсат (басшылар және олардың орынбасарлары), екінші санат бойынша 3254 (құрылымдық бөлімшелердің басшылары). Рұқсаттардың басым бөлігі үшінші (мамандар) және төртінші (білікті жұмысшылар) санаттарына қатысты – тиісінше 5 718 және 1 161 бірлік. Сондай-ақ маусымдық жұмысқа 4 097 адамға дейін тартылуы мүмкін.Сонымен қатар, 2025 жылға дейін үй шаруашылығында жұмыс істеуге еңбек мигранттарын тарту квотасы республикадағы жұмысшылар санына қатысты 3% мөлшерінде белгіленді. >Еске сала кетейік, 2024 жылы жергілікті атқарушы органдар жұмыс берушілерге IRS тартуға 14,5 мың рұқсат беріп, ұзартқан болатын. белгіленген квотаның 66%-ын құрады (22 мың). Қазіргі таңда Қазақстанда жергілікті атқарушы органдардың рұқсатымен 13 233 шетел азаматы жұмыс істейді.2024 жылы үй шаруашылығында еңбек мигранттарын тартуға квота 294,1 мың бірлік болып белгіленді. Жергілікті атқарушы билік 292 668 рұқсат берген.Ақпарат көзі : https://www.gov.kz/memleket/entities/enbek/press/news/details/914217

2024 жылы Цифрлық отбасы картасын (бұдан әрі – ДФК) енгізудің арқасында 642 мыңнан астам адам мемлекеттік қызметтерді проактивті көрсету үшін SMS-хабарлама алды. Бұл ретте 263 мың адам жәрдемақы немесе төлемді өтінішсіз алу мүмкіндігін пайдаланды.Отбасының цифрлық картасы мемлекеттік органдардың барлық қолданыстағы ақпараттық жүйелерінің деректері негізінде қалыптастырылады. Бүгінгі таңда ол Қазақстанның 20 миллион азаматы немесе 6 миллионнан астам отбасы туралы ақпарат жинақтаған.Орталық коммуникацияларды енгізудің басты мақсаты – қазақстандықтардың мемлекеттік қолдау жүйесіне тең қолжетімділігін қамтамасыз ету. Осыған орай, Қазақстан Республикасының Әлеуметтік кодексінде «Цифрлық отбасы картасы» әлеуметтік саясаттың орта мерзімді және ұзақ мерзімді міндеттері мен бағыттарын айқындайтын құрал ретінде белгіленген. Сондай-ақ КҚС азаматтардың әлеуметтік жағдайына байланысты кепілдендірілген мемлекеттік қолдаудың сол немесе басқа түрін алуға құқықтары туралы күнделікті «электрондық хабарландырушы» болып табылады.Қазіргі уақытта ҚҚС мемлекеттік қолдау шараларын алуға құқығы бар қазақстандықтарға беріледі. жәрдемақылар мен әлеуметтік төлемдердің 10 түрін: еңбек ету қабілетінен айырылған жағдайда төленетін әлеуметтік төлемдерге өтінішсіз немесе өтінішсіз жүгіну мүмкіндігі; жұмысынан айырылған жағдайда әлеуметтік төлем; әлеуметтік төлем немесе асыраушысынан айырылу бойынша жәрдемақы; мүгедек баланы тәрбиелеп отырған ата-анаға (қамқоршыға) берілетін жәрдемақы; мүгедектік бойынша жәрдемақы; көп балалы отбасыларға жәрдемақы; «Алтын алқа» және «Күміс алқа» алқаларымен марапатталған көп балалы аналарға жәрдемақы; атаулы әлеуметтік көмек, сондай-ақ жерлеуге арналған біржолғы төлем.Сонымен қатар, зейнетақы төлемдерін алу мүмкіндігі, тағайындалған/ұзартылған «кандас» мәртебесінің қолданылу мерзімі және жұмыссыздарды жұмыспен қамту шаралары туралы автоматты хабарламалар бар. КҚС арқылы жүзеге асырылды.Мемлекеттік қолдау шараларын алу құқығын белгілеу кезінде әлеуетті алушыға 1414 бірыңғай байланыс орталығынан SMS хабарлама жіберіледі. SMS-хабарлама алған азамат келісімімен жауап беруі керек. Өтініш беру және әлеуметтік төлемдерді немесе төлемдерді тағайындау ақшаны алушының банктік шотына кейіннен аудара отырып, автоматты түрде жүзеге асырылады.Алаяқтық қаупін болдырмау үшін келесіден алынған SMS хабарламаларға жауап беру қажет екенін атап өтеміз. бірыңғай байланыс орталығы 1414. Барлық сұрақтар бойынша 1414 байланыс орталығына хабарласыңыз. Қоңырау шалу тегін.Ақпарат көзі : https://www.gov.kz/memleket/entities/enbek/press/news/details/914998

/* Основной стиль для текста */ body { font-family: 'Noto Sans', sans-serif; line-height: 1.8; color: #333; margin: 0; padding: 20px; background-color: #f5f5f5; } /* Заголовок */ h2 { font-family: 'Noto Sans', sans-serif; font-weight: 700; color: #47658D; /* Приглушенный синий цвет */ font-size: 28px; text-align: center; margin-top: 10px; margin-bottom: 20px; } /* Абзацы основного текста */ p { font-size: 18px; text-align: justify; text-indent: 20px; margin: 15px 0; } /* Стиль для изображений, выровненных по ширине текста */ .inline-image { display: block; margin: 15px auto; max-width: 80%; /* Ограничение ширины до 80% от страницы */ height: auto; } /* Стиль блока цитаты */ blockquote { font-family: 'Noto Sans', sans-serif; font-size: 20px; /* Уменьшенный шрифт */ font-weight: 700; /* Жирный шрифт */ color: #47658D; /* Приглушенный синий цвет */ border-left: 5px solid #47658D; background-color: #e9ecef; padding: 15px 20px; margin: 25px 0; position: relative; text-align: justify; } /* Значок кавычек перед текстом */ blockquote::before { content: '“'; font-size: 2.5em; color: #47658D; position: absolute; left: 10px; top: -10px; font-weight: bold; } blockquote::after { content: '”'; font-size: 2.5em; color: #47658D; position: absolute; right: 10px; bottom: -10px; font-weight: bold; } 2025 ЖЫЛҒЫ ҚЫСҚЫ УНИВЕРСИАДАҒА ҚАТЫСАТЫН ҚАЗАҚСТАН ҚҰРАМА КОМАНДАСЫ АНЫҚТАЛДЫ ХХХІІ Дүниежүзілік қысқы универсиадада ел намысын қорғайтын қазақстандық студенттердің есімдері белгілі болды. Жарыс 13-23 қаңтар аралығында Туринде (Италия) өтеді. Команда құрамында 10 спорт түрі, соның ішінде биатлон, шорт-трек, шаңғы жарысы, мәнерлеп сырғанау, спорттық бағдарлау, фристайл, тау шаңғы спорты, ерлер мен әйелдер хоккейі және алғаш рет жарыс бағдарламасына енгізілген пара шаңғы бойынша еліміздің атынан өнер көрсететін 103 спортшы бар. Қазақстанның ұлттық құрамасы: универсиада қатысушылары: Биатлон Ерлер: Вадим Куралес, Владислав Киреев, Кирилл Бауэр, Ержанат Қуандық, Никита Акимов. Әйелдер: Арина Крюкова, Айша Ракишева, Милана Генева, Полина Егорова, Алина Скрипкина. Шорт-трек Ерлер: Санжар Жанисов, Алишер Абулкатимов, Дамир Курманов, Айбек Темирхан, Динмухамедалдияр Тажибай, Валерий Клименко. Әйелдер: Алина Ажгалиева, Яна Хан, Зейнеп Кумархан, Полина Омельчук, Анастасия Галечина, Малика Ермек. Шаңғы жарысы Ерлер: Святослав Матасов, Ернур Бексултан, Әмірғали Муратбеков, Ілияс Исабек, Нартай Тұрлыбекұлы, Султан Базарбеков. Әйелдер: Анастасия Ротова, Лаура Киныбаева, Мария Геращенко, Елизавета Толмачева, Асем Жумагазиева, Алеся Бочкарева. Мәнерлеп сырғанау Михаил Шайдоров, Диас Джиренбаев, Никита Кривошеев, Софья Самоделкина. Спорттық бағдарлау Ерлер: Давид Сиволапов, Иван Биткин, Александр Фирсов, Никита Иост, Илья Таганашкин. Әйелдер: Ангелина Кузьмина, Евгения Завьялова, Карина Боранбаева, Анжелика Гарифова, Валерия Чупина. Фристайл Анастасия Городко, Аяулым Амренова, Антон Бондарев, Федор Бугаков, Максим Емельянов, Семен Русаков. Тау шаңғысы Александра Скороходова, Ксения Бережная. Хоккей Ерлер командасы: 24 спортшы, оның ішінде Иван Гавриленко, Джелал-Ад-Дина Амирбеков, Абылайхан Сулейменов. Әйелдер командасы: 22 спортшы, оның ішінде Альмира Ибрагимова, Карина Амирова, Регина Салтысова. Пара шаңғы жарысы Денис Зинов, Роман Курбанов. Еске сала кетейік, 2025 жылғы қысқы универсиадаға 57 елден шамамен 2000 студент-спортшы қатысады. Жарыс бағдарламасында 11 спорт түрі бойынша 96 медаль жиынтығы сарапқа салынады. FISU ережелеріне сәйкес, қатысушылар 17-25 жас аралығында, жарысатын елдің азаматтары болуы, сондай-ақ жоғары оқу орнында оқып жүрген немесе универсиада басталғанға дейін бір жылдан ерте емес бітірген болуы тиіс.Ақпарат көзі : https://www.gov.kz/memleket/entities/sci/press/news/details/914494

ДҮНИЕЖҮЗІЛІК ҚЫСҚЫ УНИВЕРСИАДАДА ҚАЗАҚСТАН ҚҰРАМАСЫНЫҢ ТУЫН КІМДЕР ҰСТАП ШЫҒАДЫҚазақстанның ұлттық құрамасы атынан XXXII Дүниежүзілік қысқы универсиаданың (Турин, Италия) ашылу салтанатында мемлекеттік туды алып шығу мәртебесі фристайлшы Аяулым Әмренова мен хоккейші Абылайхан Сүлейменовке жүктелді.Аяулым Әмренова – фристайл бойынша ұлттық құраманың үздік спортшыларының бірі. Оның қоржынында 2017 жылғы Еуропа кубогы кезеңдерінің алтын, күміс және қола медальдары бар. Сондай-ақ ол Қазақстан атынан 2018 жылы Пхёнчханда және 2022 жылы Бейжіңде өткен екі Олимпиада ойындарына қатысқан.Абылайхан Сүлейменов – қазақстандық хоккейдің жарқын жұлдызы, «Номад» командасының ойыншысы. Оның спорттық мансабында жастар лигасы, төрт ұлттық турнир, Қазақстан кубогы, Континенталь кубогы, сондай-ақ, АҚШ-та өткен ХХХІ Дүниежүзілік қысқы универсиада бар. Сол универсиадада Қазақстанның хоккей құрамасы үшінші орынды иеленді.Еске сала кетейік, 2025 жылғы қысқы универсиада 13-23 қаңтар аралығында Туринде өтеді және әлемдегі ең ауқымды студенттік спорттық ареналардың бірі болмақ. Сайысқа 57 елден шамамен 2000 спортшы қатысып, 11 спорт түрі бойынша 96 медаль жиынтығын сарапқа салады.Ақпарат көзі : https://www.gov.kz/memleket/entities/sci/press/news/details/914569

Соңғы күндері Астанада жауын-шашын мол болды. Қар жауып, ауа температурасының төмендеуіне қарамастан, коммуналдық қызметтер тәулік бойы үздіксіз жұмысын жалғастыруда, деп хабарлайды елорда әкімдігінің ресми сайты.7-8 қаңтар аралығындағы түнгі ауысымда 360-тан астам жол жұмысшысы және т.б. Қала көшелерін қардан тазалауға 1200-ден астам арнайы техника шықты.Тәулік ішінде қала сыртына 37 мың текше метрге жуық қар шығарылды. 2 763 рейс.Қыс маусымының басынан бері елордадан 192 051 рейс бойынша 2 499 081 текше метр қар тасымалданды.Ең алдымен ережеге сәйкес көлік қозғалысы өте көп орындарды алдын алу үшін тазартылды. кептеліс. Сондай-ақ орташа қарқындылықтағы аумақтар – алаңдарды, вокзал аумақтарын, тротуарларды, әлеуметтік нысандарға кіретін жолдарды және т.б. тазалау жұмыстары жүргізілуде.Орталық көшелерді, жолаушылар көлігі бағыттарын, аялдамалар мен жаяу жүргіншілер жолын тазалау да басты назарда.Онда. қалада бірнеше жабдықталған қар жаттығу алаңдары бар. Олар көлік нөмірлерін оқуға арналған жүйемен, бейнебақылау камераларымен және жарықтандырумен жабдықталған.Елорда тұрғындары мен қонақтарын жолда сақ болуды, қауіпсіздік ережелерін сақтауды, ал егер бар болса, алыс қашықтыққа шықпауды сұраймыз. дауылды ескерту.Төтенше жағдайда 112 нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/914149

АҚШ Ауыл шаруашылығы министрлігі (USDA) мен ҚР Ауыл шаруашылығы министрлігінің (АШМ) Қазақстандағы астық өнімділігі бойынша деректеріндегі 8 млн тонна айырмашылық туралы мәлімдемелер шындыққа сәйкес келмейді. USDA мәліметі бойынша Қазақстан 18 млн тонна астық жинаған, бұл тек бидайға қатысты дерек. Ал ҚР АШМ-нің 26,7 млн тонна туралы дерегі – бұл бидайды қоса алғанда, дәнді және дәнді-бұршақты дақылдардың (арпа, сұлы, асбұршақ, жасымық және т.б.) жалпы өнімі. ҚР АШМ өз ресми хабарламаларында 2024 жылғы жалпы өнімге дәнді және дәнді-бұршақты дақылдар кіретінін үнемі ашық көрсетіп келеді, мұндай бірлескен есеп ауылшаруашылық статистикасында қалыпты тәжірибе болып табылады.Облыс әкімдіктерінің жедел мәліметтері бойынша дәнді және дәнді-бұршақты дақылдар 16,7 млн га аумақтан жиналып, орташа өнімділік 16,1 ц/га құрап, 26,7 млн тонна өнім бастапқы салмақта алынды. Сонымен қатар, «Ауыл шаруашылығы дақылдарының өнімін жинау туралы» статистикалық нысанға сәйкес деректер ауылшаруашылық тауар өндірушілерінен өз орналасқан жеріндегі статистика органдарына жылына бір рет беріледі. Қорытынды мәліметтер ҚР Ұлттық статистика бюросының сайтында ақпан айының басында жарияланады. Бастапқы салмақтағы деректер рефакцияны ескере отырып, қорытынды деректерден орта есеппен өзгеше болуы мүмкін.2024 жылғы өнім туралы деректердің асыра көрсетілгені туралы пікірлердің дәлелдері су тасқыны салдарынан өнімділік төмендеді деген тұжырымға негізделген. Алайда су басқан аумақтар ауылшаруашылық жерлерінің аз ғана бөлігін (3,8 мың га) қамтыды, бұл шығындарды комиссия растады. Бұған қоса, көптеген топырақтар ылғалды тез сіңіреді, ал оның жеткілікті мөлшері жоғары өнім алуға ықпал етеді.Минералдық тыңайтқыштар мен ауылшаруашылық техникасының жетіспеушілігі туралы басқа дәлелдер де негізсіз. Мемлекеттік қолдау шараларының арқасында минералдық тыңайтқыштарды енгізу көлемінің оң динамикасы байқалады. Соңғы 5 жылда тыңайтқыштарды қолдану көлемі 2020 жылғы 600 мың тоннадан 2024 жылы 1,2 млн тоннаға дейін 2,2 есеге артты (осы кезеңде субсидия көлемі 27,3 млрд теңгеден 46,4 млрд теңгеге дейін 1,7 есеге өсті).Сондай-ақ ауылшаруашылық техникасын жаңарту қарқыны бойынша да өсім бар. 2024 жылдың қорытындысы бойынша сала техника паркін жаңарту деңгейін 5,5%-ға жеткізді, бұл алдыңғы жылмен салыстырғанда 1 пайыздық пунктке жоғары. 2024 жылы жалпы сомасы 120 млрд теңге болатын, сыйақы мөлшерлемесі жылдық 5% және 7 жыл мерзімге жеңілдетілген лизинг бағдарламасы іске қосылды. Фермерлер 2024 жылы 22 мың бірлік техника сатып алды, бұл 2023 жылмен салыстырғанда 12%-ға көп.Ауылшаруашылық дақылдарының ауруларымен күресу үшін де қажетті шаралар қабылданды – өсімдіктерді қорғау құралдарын сатып алуға 5% мөлшерлемемен айналым қаражаты беріліп, пестицидтерге субсидия көлемі 35,9 млрд теңгені құрады.ҚР АШМ саладағы статистиканың ашықтығы мен объективтілігін қамтамасыз етуге тырысады. Осы мақсатта 2024 жылы Ұлттық статистика бюросымен бірлесіп, жалған деректерді қысқарту бойынша ауқымды жұмыс жүргізілді. Сондай-ақ, министрлік жергілікті атқарушы органдардың жұмысының сапасын бағалауда саланың ЖІӨ көрсеткіштерінен бас тарту туралы бастама көтеріп келеді.Ресми материалдарға сенім артып, ақпарат көздері мен авторларды таңдауға мұқият қарауды сұраймыз.Ақпарат көзі : https://www.gov.kz/memleket/entities/moa/press/news/details/916349

Қымбатты бауырларым!Халық жазушысы, аса көрнекті қаламгер, ғұлама ғалым, танымы терең тарихшы Мұхтар Мағауин ағамыз дүниеден озды.Қабырғамыз қайысып, қазақтың осындай біртуар перзентінің елден жырақта, алыс мемлекетте дүниеден өткендігін естіген жұрт қазір көңіл білдіруде.Алты Алашқа есімі тараған Мұхтар ағамыздың қазақ әдебиетіне, қазақ руханиятына, қазақ әдебиеттану ғылымына сіңірген еңбегі өлшеусіз еді. Бір ғана ерлігі – қазақ әдебиетінің тарихын бес ғасырға тереңдете зерттеп, әйгілі «Қобыз сарыны» зерттеуі арқылы түркі руханиятына олжа салды. Оның тарихи романдарын күллі әлем оқырмандары жатқа біледі десек артық болмайды.Жиырмасыншы ғасыр алыптарының қатарынан ойып орын алған ұлтымыздың заңғар тұлғасы, жазушы Мұхтар Мағауиннің жанұясына, ағайын-туыстарына қайғырып көңіл айтамын.Бұл – қазақ руханияты үшін орны толмас қайғы. Алла алдынан жарылқасын! Панасына алсын! Жаны жәннаттың төрінде болсын!Туған еліне, төл жұртына сабыр-қуат тілеймін!Ағамыздың қаламынан қалған құнды мұра туған елінің төрінде мәңгілік тұратын болады. Бақытжан Жұмағұлов,Мемлекет және қоғам қайраткері,ҚР Ұлттық инженерлік академиясының президенті.Ақпарат көзі : https://www.gov.kz/memleket/entities/sci/press/news/details/916323

2024 жылдың қараша айында Бейжіңде ҚР Ауыл шаруашылығы министрі Айдарбек Сапаров пен Қытай Халық Республикасының Бас кеден басқармасы (ҚХР БКБ) басшылығы арасындағы келіссөздер нәтижесінде қазақстандық ауыл шаруашылығы өнімдерін Қытай нарығына шығаруды кеңейту бойынша өзекті мәселелерді шешу үшін уақытша жұмыс тобы құрылды.Жұмыс тобының отырыстары ҚР Ауыл шаруашылығы министрлігі мен ҚХР БКБ өкілдерінің қатысуымен 2024 жылдың 25 желтоқсанында және 2025 жылдың 10 қаңтарында өтті.Келіссөздер нәтижесінде қытай тарапы 78 қазақстандық өсімдік шаруашылығы кәсіпорнын аккредитациядан өткізу туралы оң шешім қабылдады. Тіркеу процесі тиісті рәсімдерге сәйкес жүзеге асырылады және ҚХР БКБ жанындағы Жануарлар мен өсімдіктер карантині департаментінің ресми сайтында (http://dzs.customs.gov.cn) кезең-кезеңімен жарияланады.Сонымен қатар, алғашқы отырыста қытай тарапы Қазақстаннан Қытайға қант қызылшасының сығындысын экспорттау, құс етін экспорттау бойынша хаттамалар жобаларына, сондай-ақ союға арналған ірі қара малға және ірі қара малдың терісіне арналған ветеринариялық сертификаттарға ұсыныстар мен түсініктемелер енгізді.ҚР АШМ Қытайдың ветеринариялық және карантиндік талаптарына сәйкестікті тексеру, CIFER жүйесімен жұмыс істеу бойынша Қазақстанның ветеринариялық және фитосанитариялық қызметкерлерін оқытуға сұрау салды. Бұл оқыту қазақстандық мамандардың Қытайдың ауыл шаруашылығы өнімдеріне қойылатын экспорттық талаптарының ерекшеліктері туралы хабардарлығын арттыруға мүмкіндік береді.Жұмыс тобының екінші отырысында ҚХР БКБ өкілдері қазыны (қазақтың жылқы етінен жасалған өнімі) импорттауға қызығушылық білдіріп, ҚР-нан Қытайға қазы экспортын ашу процедураларын жеделдетудің маңыздылығын атап өтті.Жалпы, бұл жұмыс тобы және ҚХР БКБ басшылары деңгейінде өткен келіссөздер қазақстандық ауыл шаруашылығы өнімдерін Қытай нарығына экспорттау мәселелерін ілгерілету бойынша диалогты жандандыруға ықпал етті.Жұмыс тобының келесі отырысын 2025 жылдың ақпан айында ҚР АШМ мен ҚХР БКБ басшыларының орынбасарлары деңгейінде бетпе-бет форматта өткізу жоспарлануда.Ақпарат көзі : https://www.gov.kz/memleket/entities/moa/press/news/details/916350

Абай облысының әкімі Нұрлан Ұранхаев Жаңасемей ауданының бірнеше ауылына барды. Аудан басшысы Алмас Тастенбеков жергілікті тұрғындардың әл-ауқатын арттыруға бағытталған бірқатар маңызды жұмыстар жайлы баяндады.Мәселен, 1994 жылдан бері шәкірт тәрбиелеп келе жатқан Шаған кентіндегі № 24 негізгі жалпы білім беретін мектептің оқу процесінде заманауи әдістемелік құралдар пайдаланылады. Сондай-ақ ақпараттық технологияларға қол жеткізуді қамтамасыз ететін IT-кабинет бар.Кент тұрғындарының жаңа мектеп салынса деген өтініші бар. Кент әкімі Ирина Попованың айтуынша, елдімекенге мектеп салынса, қалада оқитын балалар ауылға қайтуға дайын. Осыған байланысты әкім Құрылыс, білім басқармалары мен аудан әкіміне мәселені жан-жақты қарастыруды тапсырды.Өңір басшысы сондай-ақ Прииртышское ауылындағы Біржан Исаділов атындағы орта мектепте де болды. 1984 жылы ашылған білім мекемесінде 17 оқу, оның ішінде IT кабинеті де бар. Мектеп оқушыларды оқулықтармен және әдістемелік құралдармен толық қамтамасыз етіп отыр.Шаған кентінде жалпы ауданы 336 шаршы метр болатын үйлердің құрылысы аяқталу сатысында. «Тұрғын үй-коммуналдық инфрақұрылымды дамытудың 2023-2029 жылдарға арналған» мемлекеттік бағдарламасы шеңберінде кентте халықтың әлеуметтік осал топтарынан шыққан азаматтар үшін 4 пәтер сатып алу жоспарлануда. Жаңасемей ауданында тұрғын үй алуға кезекте 83 адам тұрса, 4 отбасы осы кент тұрғындары.Шақаман ауылында да тұрғын үй құрылысы жобасы іске асуда. 2024 жылы жалпы ауданы 504 шаршы метр болатын 6 пәтер сатып алынды. Қазіргі уақытта үйлерді электр желілеріне қосу жұмысы жүргізілуде. Бұл пәтерлер әлеуметтік осал топтағы азаматтарға арналған. Шақаман ауылында 8 отбасы тұрғын үйге кезегінде тұр.Ақпарат көзі : https://www.gov.kz/memleket/entities/abay/press/news/details/916346

Гвардейск гарнизонының танк бригадасында бөлімшелерді жауынгерлік үйлестіру мақсатында Т-72 танкінің қару-жарағынан практикалық атыс жүргізілді.Жеке құрамның жаттығулары танк командирлерінің, механик-жүргізушілердің және көздеуші-операторлардың өзара іс-қимыл дағдыларын жетілдіруге бағытталған.Бөлімшенің атысын командирлер басқарды. Жүргізуші механиктер үш жауынгерлік машинаның іс-қимылын пысықтайды. Атыс шебімен қозғала отырып, олар қашықтықты қатаң сақтайды. Танк көздеушілері Калашников пулеметінен (ПКТ) көрінген нысандарды жояды.– Ең бастысы – бөлімшенің үйлесімді жұмысына қол жеткізу. Әркім өз міндеттерін түсініп, нақты орындауы керек. Барлық әрекеттер үйлесімді орындалған кезде тиімді жұмыс істеуге және нәтижеге қол жеткізуге болады. Мұндай жаттығулар бізге кез келген жағдайдағы өзгерістерге ден қойып, жақсы әрекет етуге ықпал етеді, – деп түсіндірді танк бригадасының командирі подполковник Асхат Шайкенов.Соңғы жылы жауынгерлік дайындықтың қарқындылығы артты. Егер бұрын сабақтар негізінен сыныптарда және оқу тренажерларында өткізілсе, енді олар полигондарда жауынгерлік жаттығуларға барынша жақын жағдайда өтеді.Кейінірек әскери қызметшілер танк қару-жарағынан штаттық снарядпен атуға кіріседі. Штаттық атыстар жылына екі рет өткізіледі, дегенмен оған дайындық тұрақты түрде жүзеге асырылады.Ақпарат көзі : https://www.gov.kz/memleket/entities/mod/press/news/details/916308

"Батыс" өңірлік қолбасшылығы әскерлері қолбасшысының кубогы үшін өткен жарысқа Ақтау, Ақтөбе, Орал, Атырау және Бейнеу гарнизондарынан жүзге жуық әскери қызметші қатысты.Чемпионат Ақтау гарнизоны теңіз жаяу әскерлері бригадасының спорт кешені базасында өтті. Спортшылар 10 салмақ дәрежесінде бақ сынасты.Жалпы командалық есепте бірінші орынды гвардия капитаны Абдулла Өмірзақовтың басшылығымен теңіз жаяу әскерлері бригадасының құрама командасы иеленді. Команда бес алтын медаль жеңіп алды және "Батыс" ӨңҚ әскерлері қолбасшысының ауыспалы кубогын алды.Өз салмақ дәрежесінде жеңіске жеткен қатардағы жауынгерлер Жалғас Әліпқалиев пен Рауан Салықтың жеңіске қосқан үлесін ерекше атап өткен жөн.– Армиялық қоян-қолтық ұрыс бұл жай ғана спорттық жарыс емес, жауынгерлік даярлықтың негізгі элементі, - деп атап өтті теңіз жаяу әскерлері бригадасының командирі подполковник Азамат Сүлейменов. - Чемпионатқа қатысушылар тамаша нәтижелер көрсетті, олардың әрқайсысы Қорғаныс министрінің кубогы үшін өтетін сацвста біздің әскери ұжымды лайықты көрсете алатынына сенімдімін.Командалық есепте екінші орынды 41433 (Атырау) әскери бөлімінің командасы, ал үшінші орынды 99116 (Бейнеу) әскери бөлімінің құрамасы иеленді. Чемпионаттың жеңімпаздары мен жүлдегерлері грамоталармен және бағалы сыйлықтармен марапатталды.Ақпарат көзі : https://www.gov.kz/memleket/entities/mod/press/news/details/916313

ҚР Еңбек және халықты әлеуметтік қорғау министрі Светлана Жақыпова Өзбекстанның Қазақстандағы Төтенше және Өкілетті Елшісі Бахтиёр Ибрагимовпен кездесу өткізді. Тараптар еңбек көші-қоны саласындағы ынтымақтастық мәселелерін талқылады.Еңбекминінің басшысы көші-қон саласындағы соңғы заңнамалық өзгерістер туралы хабардар етіп, migration.enbek.kz порталын енгізу және оның мүмкіндіктері туралы айтты.Мәселен, портал арқылы еңбекші көшіп келушілердің рұқсат алу процесі автоматтандырылды, сондай-ақ жұмыс берушілер үшін шетелдегі әлеуетті жұмыскерлерді іздеу мүмкіндіктері кеңейтілді және еңбек шартын жасасу бөлігінде тараптардың одан әрі өзара іс-қимылы жеңілдетілді.Сонымен бірге Светлана Жақыпова жоғары білікті кадрларды тарту мақсатында шетелдік мамандар үшін сұранысқа ие мамандықтар тізбесі кеңейтілгенін атап өтті.Министр сондай-ақ Бақтиёр Ибрагимовке migration.enbek.kz порталы және Skills Enbek платформасының мүмкіндіктері мен функционалдығын көрсетті.Өз кезегінде Өзбекстан Елшісі Қазақстанда еңбек көші-қоны саласында жүргізіліп жатқан жұмыстың жоғары сапасын және одан әрі ынтымақтастық қажеттілігін атап өтті. Ақпарат көзі : https://www.gov.kz/memleket/entities/enbek/press/news/details/916062

2024 жылы 107,9 мың, оның ішінде 52,4 мыңға жуық жұмыссыз азамат Skills Enbek кәсіптік оқыту платформасында (бұдан әрі – Skills Enbek) курстардан өткені туралы сертификаттар алды. Skills Enbek-те барлығы 498,7 мың қазақстандық тіркелсе, оның 135,0 мыңы – 2024 жылы тіркелді. Бұл ретте платформа жұмысының барлық кезеңінде 410,9 мың адам оқудан өтті.Оқудан өткен 52,4 мың жұмыссыз азаматтың 16,2 мыңға жуығы Ақтөбе, Қызылорда, Түркістан облыстары мен Шымкент қалаларының жастары.Skills Enbek іске қосылған сәттен бастап авторлар әртүрлі бағыттар бойынша 643 курс жариялады, оның 302-і тегін. Курстардың ұзақтығы 1-ден 72 сағатқа дейін.Ең танымал курстар – «Построение отдела продаж в отеле», «Пішу және тігу», «Продавец», «Введение в социальную работу» және «Кассир».Платформа үш тілде қол жетімді және басқа білім беру порталдарымен бірқатар интеграциялары бар онлайн-курстардың бірыңғай витринасын құруға арналған алаң болып табылады. Skills Enbek-те жұмыссыздардың, ісін жаңа бастаған кәсіпкерлердің, әлеуметтік қызметкерлердің және мүгедектігі бар адамдарды алып жүретін жеке көмекшілердің біліктілігін жаппай арттыру үшін жағдайлар жасалған. Сонымен қатар сертификатты жүктеу кезінде оған жаңа функционал қосылды, яғни Электрондық еңбек биржасына (Enbek.kz) да көшірілуі арқылы алынған дағдылар бойынша бос жұмыс орындары ұсынылады.2024 жылы Skills Enbek-те прокторинг жүйесін қолдана отырып тестілеу мүмкіндігі пайда болды. Қазіргі уақытта функционалды мүгедектік тобын беру бойынша мемлекеттік қызметті сырттай проактивті көрсетуге тартылатын дәрігерлер және ұсынылған курстарда оқу кезінде әлеуметтік қызметкерлер пайдаланады. Қыркүйек пен желтоқсан аралығында 9 мыңнан астам пайдаланушы әлеуметтік қызметкер курстары бойынша оқудан өтті. Сондай-ақ, жеке көмекшілер курстарынан өту үшін 6,1 мың адам тіркеліп, оның 5,7 мыңы оқуды сәтті аяқтап, сертификаттар алды.«Бастау Бизнес» жобасы шеңберінде кәсіпкерлік негіздері бойынша 35,3 мың адам оқуды аяқтап сертификаттар алды, оның ішінде 39,8%-ы жастар. Өз бизнесін бастауды жоспарлап жүрген қазақстандықтарға осы курс бойынша оқу қажетті базалық білім мен дағдыларды алуға көмектеседі.«Күміс жас» жобасы аясында 50 жастан асқан азаматтарға ауыл шаруашылығы, қаржы, білім беру, әлеуметтік қызмет көрсету, маркетинг және туризм, ақпараттық технологиялар бағыттары бойынша тегін курстар қолжетімді. 2024 жылы Skills Enbek-те жобаның 27 мыңнан астам қатысушысы тіркелді, оның ішінде 23,4 мың адам оқудан өтіп, сертификаттар алды.Сонымен бірге халықтың әлеуметтік осал топтары үшін Skills Enbek-те «әлеуметтік» қойындысы қосылды, онда «Qolqanat Foundation» қоғамдық қорымен ынтымақтастық шеңберінде кейбір ақылы курстар бойынша тегін оқудан өту мүмкіндігі берілді.Skills Enbek функционалдығының кеңеюін ескере отырып, жасанды интеллект пен процесті автоматтандыруды қолдана отырып, чат-бот енгізілді, ол пайдаланушының сұранысы бойынша курстарды таңдау және жылдам іздеу үшін ұсыныстар жасайды. Навигация бойынша көмек пен ұсыныстарды беттегі виджеттен алуға болады.2024 жылы Азия даму банкінің қаржылық қолдауымен Қазақстандағы БҰҰ Даму бағдарламасының «COVID-19 пандемиясымен күрестегі Қазақстан үшін ынтымақтастық қоры» бастамасы шеңберінде Data Science, Python, интернет-қауіпсіздік, product және HR-менеджмент бағыттары бойынша тегін курстардың тізбесі кеңейтілді.Жалпы, онлайн оқытуды дамыту арқылы азаматтар жаңа дағдыларды игеруге, біліктілігін арттыруға және күнделікті өмірде цифрлық құралдарды тиімдірек пайдалануға мүмкіндік алады, бұл экономиканың өнімділігі мен инновациясының өсуіне ықпал етеді.Естеріңізге сала кетейік, оқуға https://skills.enbek.kz/ сілтемесі арқылы немесе Enbek.kz сайтындағы «Онлайн оқыту» бөлімін таңдау арқылы тікелей қол жеткізуге болады. Курстарға Enbek мобильді қосымшасы арқылы қол жеткізуге болады, қосымшаны Google Play және App Store-дан жүктеуге болады. Платформада білім алушы оқытудың қолайлы қарқыны мен тілін, материалды берудің ыңғайлы принципін дербес таңдайды, білім беру үдерісіндегі өзінің ілгерілеуін бақылай алады.Оқу аяқталғаннан кейін білім алушы 70% шекті деңгеймен тестілеу тапсыруға тиіс. Онлайн курсты сәтті аяқтаған жағдайда дағдыларды игеру туралы сертификат беріледі. Курсты аяқтаудың міндетті шарты – студент тарапынан курсты бағалау.Алынған сертификат Еnbek.kz-те тіркелген кезде білім алушы жасаған түйіндемеде автоматты түрде көрсетіледі. Жұмыскерлерді іздеу кезінде әлеуетті жұмыс беруші Платформада сәтті оқудан кейін алынған сертификаттарды көре алады.Авторлар мен әзірлеушілерге арналған платформада онлайн курстарды орналастыру тегін. Курстар мемлекеттік және орыс тілдерінде орналастырылуы мүмкін, ақпарат берудің әртүрлі форматтары: мәтін, презентация, бейне және аудио материалдар, инфографика және басқа түрлері болуға тиіс. Платформа ерекше қажеттіліктері бар білім алушылар үшін интерфейсті бейімдеу мүмкіндігін болжайды.Курс авторлары үшін ыңғайлы сабақ құрастырушы, жарияланған курстардың статистикасы мен тиімділігін қарауға қолжетімді, сертификаттардың әртүрлі дизайны көзделген, сондай-ақ оқу құнын алдын ала есептеуге арналған онлайн-калькулятор бар.Skills Enbek-те тіркелу және платформада жұмыс істеуге қатысты барлық мәселелер бойынша «ЕРДО» АҚ жауапты қызметкерлерімен мына телефондары арқылы байланысуды сұраймыз: 8 (7172) 95 43 17 (ішкі: 877, 878, 888).Ақпарат көзі : https://www.gov.kz/memleket/entities/enbek/press/news/details/915713