Жетісу облысы бойынша «Қазсушар» филиалы инертті және құрылыс материалдарын тасуға арналған жүк көліктерін жаңартты. Арнайы техника гидротехникалық құрылыстарды реконструкциялау және жөндеу кезінде пайдаланылады. Сондай-ақ су тасқыны кезінде шұғыл іс-шараларды неғұрлым жылдам орындауға мүмкіндік береді.Дереккөз: ҚР Су ресурстары және ирригация министрлігінің ресми сайтыЖетісу облысы бойынша «Қазсушар» филиалы инертті және құрылыс материалдарын тасуға арналған жүк көліктерін жаңартты.Ақпарат көзі : https://www.gov.kz/memleket/entities/zhetysu-oblysy/press/news/details/907297

Бүгін Жетісу облысының әкімі Бейбіт Исабаев азаматтарды жеке мәселелері бойынша қабылдады. Қабылдауға келген тұрғындар негізінен мемлекеттік тұрғын үй қорынан үй алу, денсаулық сақтау мәселелері бойынша жүгінді, - деп хабарлайды Жетісу облысы әкімінің баспасөз қызметі.Облыс әкімінің қабылдауына кіргендердің дені – баспана кезегінде тұрған азаматтар. Олардың үй алуға қатысты сұрақтарына байланысты тұрғын үй заң аясында кезек ретімен берілетіні, «Отбасы банк» АҚ арқылы мемлекеттік тұрғын үй бағдарламаларына қатысу мүмкіндіктері түсіндірілді.Сонымен қатар мүгедектік тобын өзгертуге қатысты екі азаматтың қосымша сауалдарына орай олардың денсаулық жағдайын комиссиялы түрде қайта қарау облыстық денсаулық сақтау басқармасына тапсырылды. Жетісу облысы әкімінің баспасөз қызметі. Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/907710

Жетісу облысында әлеуметтік осал топтар санатындағы 57 отбасы баспаналы болды. Атап айтқанда, Талдықорғанда 37 жаңа пәтердің, Сарқан қаласында 20 жеке тұрғын үйдің кілттері тапсырылды, - деп хабарлайды Жетісу облысы әкімінің баспасөз қызметі. Сарқан ауданы әкімдігінің хабарлауынша, аудан орталығында баспана салу мәселесіне соңғы жылдары баса назар аударылып, ауқымды жұмыстар атқарылуда.- 2022 жылы тұрғын үй кезегінде тұрған азаматтар үшін 5 қабатты 50 пәтерлі үй, өткен жылы «Болашақ» шағын ауданында екі қабатты 20 пәтерлі тұрғын үй қолданысқа берілді. Бұған қоса, ауданның әлеуметтік осал топтағы азаматтары үшін 24 тұрғын үй сатып алынып, берілді. Бүгін 20 үйдің кілті тапсырылса, бұдан бөлек, жақын арада осы типтегі 30 тұрғын үйдің құрылысы аяқталып, қолданысқа беріледі, - дейді Сарқан ауданының тұрғын үй-коммуналдық шаруашылығы, автомобиль жолдары, жолаушылар көлігі және тұрғын үй инспекциясы бөлімінің басшысы Әсет Қанапиянов.Осы күні жаңа үйге ие болғандар қатарында жетім балалар, мүгедектігі бар баланы тәрбиелеуші отбасылар, мүгедектігі бар азаматтар, көп балалы аналар, толық емес отбасылар, Ұлы Отан соғысының ардагерлеріне теңестірілгендер бар.Сарқандық көп балалы ана Толқын Мантекова қоныстой қуанышына кенелгендердің бірі.- Тұрғын үй кезегіне 2019 жылы көп балалы ана ретінде тұрғанмын. Бүгін жаңа жыл қарсаңында арманымызға жетіп, үйлі болдық. Мемлекет тарапынан берілген үй кең, жайлы, қолайлы. Баспаналы болғанымызға әсіресе балаларым ерекше қуанып жатыр, - дейді.Облыс орталығы Талдықорған қаласындағы «Құлагер» шағын ауданынан жаңа пәтерге ие болған Жанар Болатбекова да ой бөлісті. - Бүгін көптен күткен пәтерімізді алдық. Мүгедектігі бар баламыздың денсаулық жағдайына қолайлы жаңа пәтерге ие болғанымызға қуаныштымыз. Кезекте 10 жылдан аса уақыт тұрып, осы күнді күттік. Сол күнге де жеттік, рақмет, - деді Ж. Болатбекова.Жалпы Жетісу облысында биыл тұрғын үй құрылысына 7,6 млрд. теңге бөлінді. Бұл қаржы 56 көп қабатты мен 214 жеке тұрғын үй салуға бағытталды. Бұдан бөлек, халықтың әлеуметтік осал топтары үшін 866 пәтер сатып алынды, оған 15,9 млрд. теңге бөліндіЖетісу облысы әкімінің баспасөз қызметі.Фотосуреттерді түсіргендер: Олжас Құрмашев, Қанат БайдрахымовАқпарат көзі : https://www.gov.kz/memleket/entities/zhetysu-oblysy/press/news/details/907855

Бүгін Талдықорғанда ел Президентінің балаларға арналған «Қош келдің, Жаңа жыл!» атты Жаңа жыл шыршасы өтіп, онда аудан-қалалардан келген 200 баланы облыс әкімі Бейбіт Исабаев құттықтады,- деп хабарлайды Жетісу облысы әкімінің баспасөз қызметі.«Жастар» Спорт сарайында өткен мерекелік шараға көп балалы, аз қамтылған, толық емес отбасыларынан шыққан балалар, жетім балалар, ерекше қажеттілігі бар балалар, оқу озаттары, өнерлі өрендер келді.Мерекелік шара флешмоб биімен басталды. Мұнан соң экранда ел Президентінің фотосы мен балаларды Жаңа жылмен құттықтауы көрсетілді.Балаларға құттықтау тілегін жеткізген облыс әкімі:- Жаңа жыл көңілге қуаныш, жүрекке үміт сыйлайтын, игі арман-тілектер еселенетін мереке. Сондықтан әрқашан армандарың асқақ, алар асуларың биік болсын дегім келеді. Мемлекет басшысы Қасым-Жомарт Кемелұлы Тоқаев өздеріңді ыстық ықыласпен құттықтап, жақсы тілегін білдіруде. Мен өз замандастарының ішінде мол білімімен, жарқын өнерімен алда жүретін жетісулық бүлдіршіндердің болашақта ел игілігі үшін аянбай қызмет ететін азамат болып өсетіндігіне сенімім мол, - деді ол.Бұдан әрі шырша шамы жағылып, облыс әкімі балалармен бірге шыршаны айналып, қуаныштарын бөлісті. Балаларға Президенттің атынан Жаңа жылдық сыйлықтар, атап айтқанда планшет, рюкзак, жаңа жылдық тәттілер, құттықтау хатын тапсырды.Түрлі өнер ұжымдары, аниматорлар, колундар, ертегілер мен мультфильмдер кейіпкерлері мерекелік қойылымдарын көрсетті. Балаларға түрлі ойындар ұйымдастырылып, тәтті дәмдер ұсынылды.Бүгінгі мерекеге келген балалар тамаша көңіл күйде пікір білдірді.- Мен көп балалы отбасынан шыққан оқу озатымын. Үйде 8 қызбыз, бәріміз бір-бірімізбен татумыз. Бүгінгі Президенттің жаңа жыл мерекесі өте көңілді өтіп жатыр. Барша достарымды жаңа жыл мерекесімен құттықтаймын, - деді Панфилов ауданы Басқұншы ауылындағы мектептің оқушысы Айша Алжанбек.«Айналайын» балалар үйінің тәрбиеленушісі Людмила Ким:- Бүгінгі мереке маған өте ұнады. Көпшіліктің алдына шығып, тілегімді айттым. Бізге Жаңа жылға планшет сыйға тартты. Шырша тойы бізге көтеріңкі көңіл күй сыйлады, - деді ол. Сәкен Әбілмансұр, Талдықорған қаласының № 16 мектеп-гимназиясының 4 сынып оқушысы:- Мен «Алтын сақа», «Ақбота», «Кенгуру» олимпиадаларының жеңімпазымын. Бүгінгі мерекеге қуана-қуана келдім. Аяз Атамен, Ақшақармен, түрлі ертегі кейіпкерлерімен бірге ән айтып, билеп, ойын ойнап, Жаңа жылды көтеріңкі көңіл күймен тойладық, - деді.Жетісу облысы әкімінің баспасөз қызметі.Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/908352

Жетісу облысында 5735 тұрғыны бар екі ауылдың тұрғындары газға қосылуға мүмкіндік алды. Жаңа жыл қарсаңында Ескелді ауданының Шымыр және Абай ауылдарына көптен күткен көгілдір отын жеткізілді, - деп хабарлайды Жетісу облысы әкімінің баспасөз қызметі.- Бүгінде Ескелді ауданының 14 елді мекені газдандырылды. Газға 39 мың адам немесе 10 354 абонент қол жеткізді. Көкжазық, Теректі, Қаратал, Жастар, Ақтасты ауылдарында газ желілерін салу жұмыстары жүргізілуде. Келесі жылға Қайнарлы, Жалғызағаш ауылдарын газдандыру жұмыстары жоспарланған, - деді облыстық энергетика және тұрғын үй-коммуналдық шаруашылық басқармасы басшысының орынбасары Азамат Бейісбаев.Салтанатты жағдайда өткен газ қосу шарасына қатысқан ауыл тұрғындары пікір бөлісті.- Мен 50 жылдан бері осы ауылда тұрамын. Бүгін біздің ауылымызда қуанышты жаңалық - табиғи газ жеткізілді. Енді тұрмысымызды жақсартуға оң ықпалын тигізеді деп ойлаймын, - деді Абай ауылының тұрғыны Людмила Ясинская.Ал Ескелді ауданы Шымыр ауылында зейнеткер Асылбике Аязбаеваның шаңырағы алғашқылардың бірі болып газға қосылды. Бұл үйді мердігер ұйым демеушілік көрсетіп, газға тегін қосып берді.- Жасым 82-де. Өмір бақи көмір тасып, от жағып келгенбіз. Оның өз қиындығы бар. Енді, міне, көптен күткен газға қолымыз жетті. Үйімді газға қосып берген азаматтарға рахметімді айтамын, - деді А. Аязбаева.Атап өтсек, Ескелді ауданының Шымыр, Абай ауылдарында газ құбырларын салу жұмыстары өткен жылдың қараша айында басталған. Газ құбырының жалпы ұзындығы – 47 км.Еске салсақ, Жетісу облысының газдандыру деңгейі жыл қорытындысында 56,9% құрап отыр. Жетісу облысы әкімінің баспасөз қызметі. Фотосуреттерді түсірген: Дмитрий Ерофеев, Жұмабай МұсабековАқпарат көзі : https://www.gov.kz/memleket/entities/zhetysu-oblysy/press/news/details/908512

Сағат 10:00 – Еркінқала мәдениет үйінде қала тұрғындарымен кездеседі.Сағат 12:00 — азаматтарды жеке мәселелері бойынша қабылдау.Облыс әкімінің тұрғындармен кездесуі Атырау қаласы әкімдігінің Facebook, Instagram желісіндегі ресми парақшаларында тікелей эфирде көрсетіледі.Қосымша ақпарат үшін байланыс нөмірі: 8 (7122)-27-10-30Ақпарат көзі : https://www.gov.kz/memleket/entities/atyrau/press/news/details/908476

Астанада жауынгерлердің туған күніне орай Кеңес Одағының батырлары – Иван Панфилов пен Бауыржан Момышұлының ескерткіштеріне гүл шоқтарын қою рәсімі өтті, деп хабарлайды елорда әкімдігінің ресми сайты.Іс-шараны Қазақстан халқы ассамблеясының қалалық филиалы ұйымдастырды. Оған ҚР Парламентінің депутаттары, Астана әкімдігінің өкілдері, әскери қызметшілер, ҚХА мүшелері, жас белсенділер мен елорда тұрғындары қатысты.Іс-шараның мақсаты – соғыс жылдарында фашистік басқыншыларды жеңуге үлес қосқан аңызға айналған жауынгер батырлардың қаһармандығы мен ерлігін еске алу, өскелең ұрпақтың бойында патриотизмді нығайту.Рәсім әнұранды салтанатты түрде орындаудан басталды.«Бүгінгі гүл қою рәсімі – Ұлы Отан соғысы жылдарында елімізді қорғаған батырларымызға деген құрмет. Бұл іс-шара Достық үйінің бастамасы болып саналады. Алдымен біз Иван Васильевич Панфиловтың ескерткішіне гүл шоқтарын қойдық, содан кейін ҚР Қорғаныс министрлігімен бірлесіп, даңқты батырымыз Бауыржан Момышұлының туған күніне орай гүл шоқтарын қойдық. Олардың әрқайсысы – тәуелсіз Қазақстан тарихына өз үлесін қосқан көрнекті тұлғалар. Осылайша біз олардың Отан алдындағы еңбегін еске алып, ерліктерін жас ұрпаққа насихаттап отырмыз. Іс-шараның басты мақсаты – жастарымызға патриоттық тәрбие беру. Сонымен қатар, Ұлы Отан соғысындағы Жеңістің 80 жылдығы қарсаңында алдағы жоспарымызды талқылаймыз», - деді Астана қаласы ішкі саясат басқармасы басшысының орынбасары Ләззат Құсайынова.Елордалық ҚХА төрағасының орынбасары Әміржан Әлпейісовтың айтуынша, Иван Панфилов пен Бауыржан Момышұлы сияқты батырлардың туған күндері өткенімізді насихаттауда маңызы бар тарихи күндер.«Батырлар туралы айтатын болсақ, ең алдымен 1941-1945 жылдардағы Ұлы Отан соғысы кезеңіндегі Отан қорғаушыларды еске аламыз. Бүгін біз 1 қаңтарда туған күні атап өтілетін генерал Панфиловқа гүл шоқтарын қойдық.Генерал Панфилов туралы ой қозғай отырып, Алматыда құрылған 316-шы атқыштар дивизиясы жайлы еске аламыз. Оның құрамында 80% Қазақстан мен Қырғызстан азаматтары болды.Айта кетейік, біз жақында Қазақстанның Тәуелсіздік күнін атап өттік. Енді жаңа жыл қарсаңында Қазақстан халқы ассамблеясы осындай маңызы зор шараны ұйымдастыру туралы шешім қабылдады. Сонымен қатар, бүгін біз тағы бір тарихи күнді – генерал Панфиловтың шәкірті Бауыржан Момышұлының туған күнін атап өтеміз.Біз жауынгерлердің Отанға деген сүйіспеншілігі мен соғыс кезінде көрсеткен ерліктерін еске аламыз. Бұл оқиға бүкіл адамзат үшін де маңызды. Мұндай тұлғалардың өмірі мен еңбегі нағыз патриотизмнің үлгісі болып саналады», — деп атап өтті Әміржан Әлпейісов.Іс-шара соңында қатысушылар Астана әкімдігінің, Қорғаныс министрлігінің және қалалық ардагерлер кеңесінің атынан ескерткіштерге гүл шоқтарын қойды. Ақпарат көзі : https://www.gov.kz/memleket/entities/astana/press/news/details/908323

JOLTAP жобасы елорда тұрғындарының отбасылық бизнес бастамаларына қолдау көрсетуді жалғастырып келеді. Осындай мысалдардың бірі – елордада жеке кофехана ашуға мүмкіндік алған көпбалалы ана Жанат Майшинаның оқиғасы, деп хабарлайды Астана әкімдігінің ресми сайты.Жеке кофехана ашу идеясы Жанат Майшинаға декреттік демалыста жүргенде келеді. Елорда тұрғыны отбасылық кәсіп құру идеясын күйеуімен талқылайды.Алдымен Жанат мейрамхана бизнесін жүргізуді үйренуге бел буады. Әлеуметтік желіде қолайлы курстарды іздеп жүріп, бариста дағдыларын ұсынатын JOLTAP жобасының жарнамасына кқщі түседі.Курс жеті күнге созылды. Бір аптаның ішінде Жанат бариста ретінде теория мен практиканы аяқтады.«Сабақтарды тәжірибелі мамандар жүргізді, олар маған және өзгелерге бариста мамандығын нөлден бастап меңгеруге көмектесті. Бір апта ішінде біз болашақта пайдалы болатын барлық қажетті білімді меңгердік», - деп баса айтты кәсіпкер.Курсты бітірген соң Жанат күйеуімен көліктерін сатып, үй-жай сатып алды. Нәтижесінде олар Алматы облысында хош иісті кофе, десерт және түскі ас ұсынатын жайлы кофехана ашты.Бариста курсынан басқа, Жанат сонымен қатар әмбебап тамақтану қызметінің маманы бағдарламасы бойынша оқудан өтпек болады. Бұл оған кофехананы тиімді басқару үшін қажетті білім алуға мүмкіндік берді.«Курс маған даяшы қызметінен бастап мейрамхана менеджментіне дейін барлығын үйренуге мүмкіндік берді. Бұл білім маған жұмыс жоспарын құруға және кофеханада ерекше атмосфера жасауға көмектесті. Мен JOLTAP жобасына жоғары сапалы және қолжетімді білім алуға мүмкіндік бергені үшін өте ризамын. Мұндай бастамалар адамдарға өз өнерлерін шыңдап, армандарын жүзеге асыруға мүмкіндік береді деп ойлаймын», - дейді кәсіпкер.Айта кету керек, JOLTAP арқасында ондаған елорда тұрғыны өз жолын тауып, кәсіптерін ашып, жобаның сәтті жүзеге асуының үлгісін көрсетіп жүр.Ақпарат көзі : https://www.gov.kz/memleket/entities/astana/press/news/details/908412

Астанада 28-31 желтоқсан аралығында кезекті соғым FEST өтеді. Оған Ақмола, Абай және Павлодар облыстарының фермерлері қатысады, деп хабарлайды елорда әкімдігінің ресми сайты.Іс-шара Нұрғиса Тілендиев даңғылы, 12а мекенжайындағы «Koktal» СОО тұрағында өтеді.Сондай-ақ, сауда-ойын-сауық орталығында осы күндері қалалық ауылшаруашылық жәрмеңкесі өтеді. Мұнда Қазақстанның түрлі өңірлерінен – Ақмола, Абай, Шығыс Қазақстан және Қызылорда облыстарынан жергілікті фермерлер мен өндірушілердің өнімдері ұсынылатын болады. Қала тұрғындары мен қонақтары көкөністер мен жемістерді, ет, ұн және сүт өнімдерін, кондитерлік өнімдерді, табиғи шырындарды, джемдерді және т.б. сатып ала алады.Жәрмеңке 28-31 желтоқсан күндері таңғы 10:00-ден кешкі 22:00-ге дейін жұмыс істейді.Соғым FEST 28-31 желтоқсанда сағат 07:00-ден 17:00-ге дейін өтеді.Ақпарат көзі : https://www.gov.kz/memleket/entities/astana/press/news/details/908449

Астанада Президенттік орталығында елорданың бүлдіршіндерге арналған жаңа жылдық шырша мерекесі өтті, деп хабарлайды қала әкімдігінің ресми сайты.Іс-шара Қазақстан Республикасы Президентінің және Астана қаласы әкімдігінің тапсырмасымен ұйымдастырылды.Астана қаласы әкімінің орынбасары Есет Бәйкен қаланың жас тұрғындарын келе жатқан Жаңа жыл мерекесімен құттықтап, олардың дамуы мен табысқа жетуіне қолайлы жағдай жасаудың маңыздылығына тоқталды.«Құрметті достар, біздің жас таланттар! Жаңа жыл құтты болсын! Біз сіздердің әрқайсысыңыз өз таланаттарыңызды жүзеге асыруға, үйренуге, дамытуға және жаңа достар табуға мүмкіндік беретіндей жағдай жасауға тырысамыз. Осы мақсатта қаламызда жаңа мектептер, шығармашылық сарайлар, спорт алаңдары салынып, жаңа саябақтар мен скверлер бой көтеріп жатыр. Біз өскелең ұрпағымыздың, яғни өздеріңіз дені сау, білімді, ақылды болып өскенін қалаймыз. Алдағы уақытта бұдан да биік белестерді бағындыра берулеріңізге тілектеспін», – деді Есет Байкен.Мерекелік іс-шараға 300 бала, оның ішінде жетім балалар, ата-анасының қамқорлығынсыз қалған балалар, әлеуметтік аз қамтылған және көпбалалы отбасылардың өкілдері, мүмкіндігі шектеулі, ерекше білім беруді қажет ететін балалар, сондай-ақ мектепте, спортта, шығармашылықта және әлеуметтік салада жетістіктерге жеткен дарынды балалар қатысты.«Жаңа жыл – әрбір бала өзін ерекше бақытты сезінетін уақыт. Бұл адами әрі ұлттық құндылықтарға негізделген тәрбиені ұштастырған тамаша бастама. Іс-шараның сценарийі балалардың талантын дамытуға көмектесіп қана қоймайды, сонымен қатар оларға үлкенді сыйлау, өзгелерді құрметтеу сияқты маңызды өмірлік ұстанымдарды үйретеді», - деді Астана қаласы Білім басқармасының басшысы Қасымхан Сенғазиев.Мерекелік бағдарлама мазмұнды әрі жан-жақты өтті. Қатысушылар үшін «Витебсктегі славян базары» халықаралық байқауларының жеңімпаздары мен «Голос» телешоуы, сондай-ақ танымал қазақ эстрада жұлдыздары өнер көрсетті. Жүргізушілер мен аниматорлар қазақ және әлемдік ертегілер кейіпкерлерінің киімдерін киіп өнер көрсетті.Жаңа жыл қарсаңында аудан әкімдіктері де елорданың жас тұрғындарына арнап шырша мерекесін өткізеді.Ақпарат көзі : https://www.gov.kz/memleket/entities/astana/press/news/details/908598

Елордада стихиялық қоқыс орындарымен жүйелі күрес жүріп жатыр. 2024 жылдың басынан бері елорда аудандарынан рұқсат етілмеген қоқыс орындарының 415 орны анықталды. Олардан 200 мың тонна қоқыс полигондарға шығарылды, деп хабарлайды Астана әкімдігінің ресми сайты.Қаланың барлық аумағында рұқсат етілмеген үйінділердің болуына күн сайын мониторинг жүргізіледі. Тәртіп бұзушылардың бәрі әкімшілік жауапкершілікке тартылды.Мысалы, Алматы және Сарайшық аудандарында анықталған 115 учаскенің барлығы жойылып, 58,5 мың тоннаға жуық қоқыс шығарылды (8 мыңға жуық рейс).Байқоңыр ауданында 67 учаске жойылып, одан 10 мың тонна қоқыс шығарылды.Есіл ауданында 55 қоқыс орны жойылып, 35 мың тоннадан астам қоқыс полигонға жөнелтілді.Сарыарқа ауданында 43 стихиялық қоқыс орны тазартылып, 37 мың тоннаға жуық қоқыс шығарылды. Жұмыс жалғасуда.Нұра ауданынан жойылған 135 орыннан 40 мың тонна қоқыс шығарылды.Ikomek арқылы құрылыс алаңдарынан шығару және рұқсат етілмеген орындарға қалдықтарды түсіру фактілері анықталып, құқық қорғау органдарымен бірлесіп рейдтер жүргізіліп жатыр.Жыл басынан бері рұқсат етілмеген орындарға қоқыс шығарғаны үшін 400-ге жуық жүк көлігінің жүргізушілері әкімшілік жауапкершілікке тартылып, оларға жалпы сомасы 8 миллион теңгеден астам айыппұл салынды.Қоғамдық тәртіпті бұзғаны үшін 20 мыңнан астам құқық бұзушыға 58 миллион теңгеден астам айыппұл салынды. Қоғамдық орындарды ластағаны үшін ҚР Әкімшілік құқық бұзушылық туралы кодексінің 434-2 бабы бойынша 15 мыңға жуық құқық бұзушы жазаланып, 273 млн теңге айыппұл салынды.Заңсыз қоқыстарды жою жұмыстары жалғасуда. Бұл жаңа ошақтардың пайда болуының алдын алу үшін де маңызды.Елордада «Таза Қазақстан. Астана – тазалық пен тәртіптің үлгісі» акциясы өтіп жатыр.Экологиялық акция аясында қалада нөсер және арық кәріз желілерін санитарлық тазалау, көшелерді, тротуарларды, кварталішілік аумақтарды, қоғамдық орындар мен аулаларды тазалау жұмыстары жүргізілуде.Ақпарат көзі : https://www.gov.kz/memleket/entities/astana/press/news/details/908604

«Жолаушылар тасымалы» АҚ мерекелік тақырыпта безендірілген Жаңа жылдық электропойызды жолға шығарды. Электропойыз аптасына бес рет №6803/6804 «Астана-Атбасар» және №7507/7508 «Астана-Көкшетау» бағыттарында қатынайды. Бұл туралы елорда әкімдігінің ресми сайты «Жолаушылар тасымалы» АҚ-ға сілтеме жасап хабарлайды.Биылғы жаңа жылдық электропойыздың сыртқы безендіруі қар ұшқындары мен Аяз ата және Ақшақардың бейнелерімен ерекшеленеді. Вагондардың ішкі бөлігі шырша ойыншықтары, гирляндалар және қар өрнектерімен әсемделіп, жолаушыларға мерекелік көңіл-күй сыйлайды.Балалар үшін арнайы пошта жәшігі орнатылған, онда олар өз тілектерін жазып, Аяз атаға хат жібере алады. Сондай-ақ, жолаушылардың жайлылығы үшін пойызда жаңа піскен нан-тоқаш, сусындар мен тәттілерді қолжетімді бағамен ұсынатын буфет қарастырылған.Электропойыз екі бағытта ұйымдастырылған, бұл мерекелік сапарды мүмкіндігінше көп жолаушыға қолжетімді етеді. Атбасарға пойыз дүйсенбі, бейсенбі және жұма күндері, ал Көкшетауға сенбі және жексенбі күндері қатынайды. Жөнелту Астанадағы Нұрлы жол және Астана-1 вокзалдарынан жүзеге асырылады.Билеттерді bilet.railways.kz сайтынан немесе вокзал кассаларынан сатып алуға болады. Қосымша ақпаратты 1433 нөміріне қоңырау шалу арқылы алуға болады.Ақпарат көзі : https://www.gov.kz/memleket/entities/astana/press/news/details/908628

Райымбек ауданы, Нарынқол ауылында кезекті отбасын қолдау орталығы өз жұмысын бастады.Дәл осындай орталықтар 2023, жылы, Қарасай, Талғар, Еңбекшіқазақ, 2024 жылы Іле ауданы мен Қонаев қаласында, сонымен қатар Жамбыл және Райымбек аудандарында ашылуда.Мемлекет басшысы: “Отбасындағы тұрмыстық зорлық-зомбылықтың алдын алу жұмысының тиімділігін арттыруға ерекше назар аудару және алдын алу шараларын кешенді түрде жүргізу қажет.Бұл мәселе әділетті мемлекет құру үшін өте маңызды. Көптеген әлеуметтік кеселдің түп тамыры, соның ішінде қылмыс көбіне тұрмысы нашар отбасылардан бастау алады. Мұндай отбасылардағы зорлық-зомбылықтар балалардың сана-сезіміне және психикасына кері әсерін тигізеді” деген болатын.Президенттің тапсырмасына сәйкес, “Отбасын қолдау орталықтары” өмірлік қиын жағдайда қалған отбасыларға кешенді қызмет көрсетіп келеді.Халықтың әл-ауқатын жақсарту бойынша, орталық мамандары “Участок” жедел алдын алу шараларындағы анықталған, тұрмысы төмен, әр-түрлі қиыншылықтары бар отбасыларға заң аясында толыққанды қызмет көрсетуде.Ақпарат көзі : https://www.gov.kz/memleket/entities/almobl/press/news/details/908574

Алматыда бір мезетте 80 жаңа жылдық шыршаның шамы жағылып, бұл мерекелік маусымның символдық басталуын көрсетті.Абай алаңында Алматының басты жаңа жылдық шыршаның шамын жағу рәсімі өтті. Оның биіктігі 25 метр. Биыл мегаполис шыршасы алғаш рет классикалық стильде жасалып, қаңқалы емес, табиғи діңді болды. Шыршаны безендіру үшін алты метр гирлянда, түрлі-түсті шарлар мен жаңа жылдық ойыншықтар қолданылған.Рәсімге ауа райы ертегідей ерекше атмосфера сыйлады: жаңа жылдық арудың айналасын сиқырлы қар қоршап тұрды, ал мамықтай аппақ қар ұлпалары мегаполистің басты шыршасын безендіріп тұрды.8 мыңнан астам алматылық пен мегаполис қонақтары қазақстандық эстрада жұлдыздарының қатысуымен өткен керемет шоуды тамашалады.«Мен жас орындаушыларды қолдап, құттықтау үшін келдім. Шырша өте әдемі, бәрі тамаша ұйымдастырылған. Концерт те керемет өтті, ал қарлы ауа райы нағыз жаңажылдық көңіл-күй сыйлады», – деді мегаполис тұрғыны Сергей Дмитриевич.Концерттік бағдарламаны «BS band» үрмелі оркестрі ашып, жаңажылдық әуендерден попурри орындады. Роза Рымбаеваның сахнаға шығуы ерекше мерекелік көңіл-күй сыйлады. Халық әртісі «Снег идет» және «Жұлдызды жаңа жыл» әндерін орындап, кешті жылулық пен жағымды эмоцияға толтырды.Бүгін алматылықтар мен қала қонақтарына жаңажылдық көңіл-күйді Назым Әбілдина, Мәди Рымбаев, Динара және Балжан Бидаш сыйлады. Әсіресе жастар «ALPHA» тобы, Dakelot, «ASTRA» тобы, Малика YES және Adil өнерін асыға күтті.«Мен Жаңа жылды қатты жақсы көремін. Мұндай шаралар бақыт сыйлайды. Мұндай керемет мерекені ұйымдастырған әкімдікке алғысым шексіз. Жауған қар да ерекше атмосфера сыйлап, бәрі өте ертегідей болды», – деді Алматы тұрғыны.Turar-дың «Жаңа жыл» әнімен қаладағы алғашқы жаңажылдық концерт аяқталып, көрермендерге мереке алдындағы керемет көңіл-күй сыйлады.Ертегідегідей атмосфераны күймедегі Күлбике, Зімбір адам, бұғылар және басқа да кейіпкерлер бейнеленген көркем безендіру элементтері, жарқыраған фотоаймақтар мен жарық инсталляциялары толықтырды.Айта кетейік, қаладағы барлық ауданда шырша жағу рәсімдері концерттер мен әртүрлі шаралармен бірге ұйымдастырылып, тұрғындар мен қонақтарға мерекелік көңіл-күй сыйлады.Сондай-ақ бүгін Абай алаңында басты жаңа жылдық жәрмеңке ашылды. Ол 2025 жылдың 5 қаңтарына дейін жұмыс істеп, тұрғындар мен қонақтарға кәдесыйлар, қолөнер шеберлерінің бұйымдары мен мерекелік әшекейлер ұсынады.Ақпарат көзі : https://www.gov.kz/memleket/entities/almaty/press/news/details/907339

Республика Сарайында опера және кино өнерінің тірі аңызы, халық артисі әрі ұстаз Бибігүл Төлегенованың мерейтойына арналған концерт өтті. Биыл 95 жасқа толған әйгілі өнерпаз 75 жылын сахнаға арнап, Қазақстанның рухани өнерінің символына айналды.Салтанатты кештің бағдарламасын Александр Беляков басқарған эстрадалық-симфониялық оркестр ашты. Олар Шәмші Қалдаяқовтың мәңгілік туындыларына негізделген увертюраны орындады. Оркестрдің әуенін танымал виолончелист Бақытжан Октябрь жалғастырып, қазақтың халық әні «Япурайды» тамаша орындап шықты.Сондай-ақ, концертке «Астана Опера» мемлекеттік опера және балет театры мен Абай атындағы Қазақ ұлттық опера және балет театрының солистері, халықаралық байқаулардың лауреаттары – Дамир Садуақасов, Дана Таласпекова, Әлихан Зейнулла, Жандарбек Еркінбаев, Балуан Беркенов, Зарина Алтынбаева, Олег Татамиров, Расул Жармағамбетов және Таир Тәжі қатысты. Олар Моцарт, Жорж Бизе, Джоаккино Россини және Александр Зацепиннің опералық туындыларынан үзінділер орындады. Сахнада «Салтанат» ансамблінің «Шашу» биі мерекелік көңіл-күй сыйлады.Латиф Хамидидің атақты «Бұлбұл» романсы да орындалды. Бұл шығарма арқылы Бибігүл Ахметқызы «қазақтың бұлбұлы» атанып, тек Қазақстанда емес, әлемнің көптеген елінде танылған болатын. Бұл жолы романсты Қазақстанның еңбек сіңірген қайраткері Толқын Забирова орындады.Концерттің соңында кештің басты кейіпкері – Бибігүл Ахметқызы сахнаға барлық қатысушымен бірге шықты. Ол Джузеппе Вердидің «Травиата» операсынан «Застольная» ариясын және көпшіліктің сүйікті әуеніне айналған «Көктем әнін» орындады.Айта кетейік, бұған дейін, 16 желтоқсан – аңызға айналған опера әншісінің туған күнінде, Алматы әкімі Ерболат Досаев Бибігүл Төлегенованы Мемлекет басшысы Қасым-Жомарт Тоқаевтың атынан 95 жылдық мерейтойымен құттықтады.Ақпарат көзі : https://www.gov.kz/memleket/entities/almaty/press/news/details/907352

Алматы қаласында биыл тұрғындар мен қонақтарға ыңғайлы әрі экологиялық көлік жүйесін қалыптастыру бойынша ауқымды жұмыстар жүргізілуде. Жыл бойы қалада көлік инфрақұрылымын жақсартуға, жолаушылар тасымалын экологияландыруға және жолдардың өткізу қабілетін арттыруға бағытталған бірқатар маңызды жобалар жүзеге асырылды. Атап айтқанда, 25 шақырым жаңа жол салынды, Құлжа тас жолы 6 жолаққа дейін кеңейтілді, 255 көшедегі 250 шақырым жолға орташа жөндеу жұмыстары жүргізілді, 770 газбен жүретін автобус және 115 электр автобусы сатып алынды. Құлжа трактісінің кеңейтілуі. Бұл жоба учаскенің өткізу қабілетін екі есе арттыруға мүмкіндік берді – тәулігіне 40 мыңнан 80 мыңға дейін. Сонымен қатар, жол жиектеріне тосқауыл қоршаулары, жарықтандыру орнатылды. Құлжа трактісінің кеңейтілуі қаладағы көлік қозғалысын жеңілдетуге, кептелістерді азайтуға және қала орталығы мен қала маңындағы аудандар арасындағы байланысты жақсартуға өз септігін тигізді. Жолайрықтарын жаңғырту. 2024 жылы Абай даңғылын ұзарту аумағы және Саин – Мөңке би жолайырығы бойынша қозғалыс ашылды. Сонымен қатар, Рысқұлов даңғылынан ұзындығы 3,2 шақырымдық жол айрығы бағытында салынып жатқан Сайна көшесін салу жұмыстары жалғасуда. Бұл Момышұлы көшесінен келетін көлік жүктемесін үштен бірге азайтуы керек. Әкімдік әр бағытта үш жолақты, жаяу жүргіншілер жолы мен велосипед жолдары бар жол салуды жоспарлап отыр.Келесі жылы 35 км жаңа жол салынып, 300 км жолға орташа жөндеу жұмыстары жоспарланған. Сейфуллин – Жансүгіров жолайырығын іске қосу, 2 радиалды (және 2 магистральдық көшелерді ұзарту сапалы, тиімді көлік байланысын қамтамасыз етпек. Бұл жұмыстар сапалы жолдардың үлесін 2024 жылғы 92%-тен 2025 жылы 95%-ке дейін ұлғайтуға мүмкіндік береді. Көшелердің орташа жөндеуі. Алматы қаласының көше-жол желісін жаңғырту аясында 2024 жылы, 255 көшеде 250 шақырым жол орташа жөндеуден өтті. Жөндеу жұмыстары тек жолдардың сапасын жақсартып қана қоймай, көлік құралдарының қозғалысы мен жаяу жүргіншілер қауіпсіздігін арттырды. Қоғамдық көлікті экологияға қауіпсіз ету. Атмосфералық ауаның сапасын жақсарту – әкімдік жұмысының күн тәртібіндегі маңызды мәселелердің бірі болып қала береді. Бүгінгі таңда ауаны ластаушы заттардың 60%-і автокөлікке тиесілі. Негізгі жұмыс қала тұрғындарын қоғамдық көлікке көшуге ынталандыруға, оның тиімділігін қамтамасыз етуге бағытталған. Осы шаралардың нәтижесінде 2024 жылы қоғамдық көліктегі жолаушылар саны 33%-ке артып, күніне олармен 1,6 млн жолаушыға дейін қатынайтын болды, бұл – рекордтық көрсеткіш.2024 жылы экологияландыру мақсатында 770 газ және 115 электр автобусы сатып алынды. Осының арқасында автобустардың эксплутациялық мерзімі 6 жылдан 2,5 жылға дейін қысқарды. Осыған қоса, 112 жаңа троллейбус сатып алынып, троллейбус паркі 100%-ға жаңартылды. Келесі жылы 800 газбен жүретін автобус және 260 электр автобусы сатып алынбақ, бұл орташа пайдалану мерзімін 2 жылға дейін төмендетуге мүмкіндік береді. Қала маңы маршруттарын көбейту. Алматы агломерацияның орталығы ретінде тығыз көлік байланысын қамтамасыз етуге аса мүдделі. Биыл 20 жаңа қала маңындағы маршруттар ұйымдастырылды. 2025 жылы қоғамдық көлік үшін жаңа тарифтік мәзірді және «Bus/km» қағидатына көшумен субсидиялаудың жаңа қағидаларын енгізу жоспарлануда. Бұл өзгерістер қала мен оның маңындағы аудандар арасындағы байланысты нығайтып, көлік шығындарын азайтуға ықпал етпек. Ақпарат көзі : https://www.gov.kz/memleket/entities/almaty/press/news/details/907399

Алматыда Саин – Төле би – Өтеген батыр – Райымбек көшелерінің ауқымындағы аула іші аумағы бойынша төселген құбыр ауыстырылды. Биыл жаңғыртылған учаскенің ұзындығы 901 метрді құрайды.Ауыстырылған құбыр 1983 жылы пайдалануға берілген еді, ол 17 көппәтерлі тұрғын үйді, 2 жеке тұрғын үйді, 1 балабақшаны және басқа да 4 нысанды жылу және ыстық сумен қамтамасыз етіп отыр.Жалпы, биыл қалада Алматы әкімі Ерболат Досаевтың тапсырмасымен ұзындығы 20 шақырым жылу желілері қайта жаңғыртылды. Жаңғырту жұмыстары жыл сайын жылытуаралық кезеңде жүргізіледі, биыл олар Алматы қаласының 6 ауданында атқарылды.Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram-арнасында, аудан әкімдіктері мен басқармаларының әлеуметтік желілерінде, сондай-ақ «2GIS» және «Яндекс карталары» сервистерінде орналастырылған.Ақпарат көзі : https://www.gov.kz/memleket/entities/almaty/press/news/details/907923

Алматының Арбаты Жаңа жылдық мерекеге орай Лондонның әйгілі Карнаби көшесінен шабыт алған жарқын арт-нысанға айналды. Тұрғындардың сүйікті жаяу жүргіншілер көшесі мыңдаған гирлянд шамы мен жарық қондырғылармен көмкеріліп, жайлы әрі сиқырлы атмосфераны қалыптастырды.«Жаңа жылыңызбен», «Бақытты бол», «Жұлдызың жансын» деген жарқыраған жазулар тілектер ерекше назар аудартады. Бұл жүрекжарды лебіздер мұнда келген әрбір адамға арналғандай, мейірім мен көтеріңкі көңіл-күй сыйлайды. Қаланың тұрғындары мен қонақтары ерекше безендіруді жоғары бағалады.«Балалармен бірге біз де өте қуаныштымыз! Қаншама әдемі сурет түсіріп үлгердік. Өзім де бала сияқты осы әшекейлерге қуанамын. Шынымды айтсам, қала әрқайсымызды құшақ жая қарсы алуға дайындалып жатқандай көрінеді. Мұнда керемет әдемі әрі бәрі жарқырап тұр», - деді алматылық Алуа Жомарт.Жібек жолы көшесінде де жарықтандырылған аққала мүсіндері, жарқыраған жұлдыздар және сәулелі бұғылар орнатылған. Олар балалар мен ересектердің жүздеріне қуаныш пен күлкі сыйлайды. Мерекелік безендіруді сәндік аюлар мен басқа да элементтер толықтырып, Арбаттағы серуенді ерекше жайлы етеді. Ең әсерлі қондырғының бірі – «2025» сандары бар алып жарқыраған шар.Арбаттың орталық шыршасы түрлі-түсті шарлармен, жарқыраған шамдармен және жұлдыздармен безендірілген. Оның етегінде орналасқан алып сыйлық қораптары кеңістікке ертегідей ерекше атмосфера береді.Ақпарат көзі : https://www.gov.kz/memleket/entities/almaty/press/news/details/907925

Еске салсақ, «Таза Қазақстан» жалпы республикалық бағдарламасы аясында Алматыда пластикалық қақпақтарды жинау жөніндегі экологиялық акцияның 2 айға жуық уақытқа созылған бірінші маусымы сәтті аяқталды. Экология мәселелеріне назар аударуға бағытталған бастама 200-ге жуық мектеп пен балабақша оқушыларын біріктірді.- Акцияға көптеген оқушылар мен ата-аналар қатысқанына қуаныштымыз. Бұл балалардың қоршаған ортаға ұқыпты қарайтындығының белгісі. Қызықты әңгімелер болды - маған ата - аналар қоңырау шалды, олар үйде балалар сусынның қақпағын алып жатыр деп айтты, - дейді Eco Network стартапының негізін қалаушы Евгений Мұхамеджанов күлімсіреп, - ата-аналардың балаларының арқасында экологияға қызығушылық танытуы да қуантады. Біз әкімдіктің осындай жобаны іске қосқанына қуаныштымыз және ол өте сәтті болды.Білескен күш-жігердің нәтижесінде қатысушылар 1,26 миллионнан астам пластикалық қақпақтарды жинады.Акцияның көшбасшылары қаланың үш ауданы болды:Жетісу ауданы - 570 кг (жалпы көлемнің 22,7%);Алмалы ауданы - 484 кг (19,3%);Әуезов ауданы - 328 кг (13,0%).Қала бойынша барлық қатысушылардың ішінен топ-3 жеңімпаз анықталды:1 орын - №6 мектеп;2 орын - №144 мектеп;3 орын - №132 балабақша.Әуезов ауданының №6 мектеп-гимназиясының жеңімпаздары 2 ай ішінде 120 келі қақпақ жинап, барлық 200 қатысушыны басып озды.- Біз акцияға бірінші жыл қатысып отырған жоқпыз, бұл туралы білім бөлімінен білдік. Біздің балалар бұл акцияға өте белсенді қатысты-тіпті сыныптар арасында да олар бір-бірімен жарысты. Біз олардың қақпақтарды қай жерде болса да үлкен қызығушылықпен жинағанын көрдік, -дейді №6 мектеп-гимназия директорының тәрбие работе жөніндегі орынбасары Роза Досанова. - Акцияға ата-аналар да қатысты. Осындай іс-шаралар арқылы балалар қоқыстың қандай екендігі, оны қалай қайта пайдалануға болатындығы және оны не үшін сұрыптайтынымыз туралы білім алады. Бұл науқан өте жақсы! Барлық ұйымдастырушыларға көп рахмет! Біздің мектеп алдағы уақытта осындай акцияларға қатысатын болады, - деді ол.Барық үш жеңімпазға сыйлық ретінде вело-ұсақтағыштар беріледі, соның арқасында олар қақпақтарды ұсақтап, шикізатты өңдеу және әртүрлі заттарды жасау үшін эко-хабқа жібере алады.Сонымен қатар, эко-хабтағы жеңімпаздар үшін экология бойынша дәрістер ұйымдастырылады, сондай-ақ олар өз қолдарымен қайта өңделген пластиктен шырша ойыншықтарын жасай алады.Іс-шара барысында бірегей бұйымдары бар эко-жәрмеңке және қалдықтарды қайта өңдеу бойынша мастер-класстар, экологиялық тәжірибелер бойынша оқыту сессиялары өтті.Ұйымдастырушылар 2025 жылы пластикалық қақпақтарды жинау акциясы Алматының экологиялық мәдениетін қалыптастыру жөніндегі жалпы науқанның тұрақты бөлігіне айналатынын атап өтті. Мұндай бастамалар қаланы көркейтіп қана қоймай, қайта өңдеудің маңыздылығын еске түсіріп, қоршаған ортаны сақтау жауапкершілігін де оятады. Ақпарат көзі : https://www.gov.kz/memleket/entities/almaty/press/news/details/907926

Жаңа жыл жақындаған сайын Алматыдағы Панфилов көшесі қылқан жапырақтың иісі мен мерекелік көңіл-күйге толы нағыз қысқы базарға айналды. Жәрмеңке әркім үйіне жаңа жылдық шырша таңдай алатын алматылықтардың сүйікті орнына айналды.Жәрмеңкеде сатып алушыларға биік шыршадан бастап шағын ыдыстағы ағаштарға дейін түрлі тауар ұсынылған.– Мен жыл сайын базардан шырша сатып аламын, бірақ биыл дәл осы жерден сатып алуды шештім, өйткені бағасы бірдей. Балалармен келіп шырша таңдап жатырмыз, пірәндіктерден дәм татып, жарқыраған қондырғылардың жанында суретке түстік. Мұндағы атмосфера керемет, шаршағаныңды ұмытасың, суық та сезілмейді. Жаңа жылдың жақындап қалғаны анық сезіледі, – деді Ерлан Қасымов.Жәрмеңкеде классикалық қылқан жапырақ ағаштарымен қатар қармен көмкерілгендей сәнделген дизайнерлік шыршаларды да сатып алуға болады. Мұндағы ассортименттің молдығын қала тұрғындары ерекше атап өтуде.– Біз құрбымызбен жай ғана көріп қайтуға келген едік, бірақ қызығып, шырша, ойыншықтар мен гирляндалар сатып алдық. Енді бірге жиналып, шыршаны безендіріп, какао ішеміз. Мұнда сондай әдемі, жылы әрі жайлы, кеткің келмейді. Бұл жәрмеңке қаланың ең керемет орындарының біріне айналғанына сенімдімін, – деді студент Алина Әбілдаева.Жәрмеңкенің безендірілуі ерекше әсер қалдырады: гирляндалар, жарқыраған шамдар, фотоаймақтар – мұның бәрі ғажайып мерекелік көңіл-күй сыйлайды. Әсіресе, қар басқан шаналар, жарқыраған аққалалар мен бұғының мүсіндері балаларды қуантады.Ақпарат көзі : https://www.gov.kz/memleket/entities/almaty/press/news/details/908187