ҚР ТЖМ "СБЗҰҒО" ЖШС сейсмикалық станциялар желісімен 2024 жылғы 5 қараша Астана уақыты бойынша 10 сағат 00 минут 30 секундта жер сілкінісі тіркелді. Жер сілкінісінің координаттары: 43.261 с.е. 77.310 ш.б. Жер сілкінісі ошағы Қазақстан аумағында Алматы қаласынан шығысқа қарай 33 км. жерде орналасқан. Есептік қарқындылығы:Алматы қаласында 3 балл, Алматы облысының Талғар, Есік қалаларында 4 балл, Алатау (Жетіген), Қарасай (Қаскелен) қалаларында 2 балл, Түрген, Өтеген-Батыр ауылдарында 3 балл, Боралдай, Маловодное, Ж. Қайыпова ауылдарында 2 балл.Жер сілкінісі кезіндегі 10 қарапайым қадам:1. Жер дүмпуі кезінде үрейленбеңіз;2. Жер сілкіну кезінде лифт және баспалдақпен қолданбаңыз;3. Жиhаздан, терезеден, ары тұрыңыз;4. Жасырынатын жерді табыңыз - жоғарғы қабаттарда негізгі іргелі қабырғалардың бұрышында орын алып жасырыңыз;5. Ғимараттан шығыңыз (төменгі қабаттарда);- көп қабатты үйлерде жер сілкіс аяқталған соң ғимараттан шығыңыз;6. Кетер алдында суды, газды, электр қуатын мүмкіндігіңізше өшіріңіз;7. Дабыл жол сандығын алыңыз (алдын ала дайындау қажет);8. Электр желілерден , ғимарат, ағаштардан аулақ болыңыз;9. Жер сілкінуіне дайын болыңыз;10. Қарт адамдарға, балаларға, мүмкіндігі шектеулі адамдарға көмек көрсетіңіз.Алматы облысының Талғар қаласында қираулар мен зардап шеккендер туралы ақпарат түскен жоқ. Тыныс-тіршілікті қамтамасыз ету нысандары штаттық режимде жұмыс істеуде.«Қазселденқорғау» АТЭТУ мамандары өзен арналарын, гидротехникалық құрылыстарды, көшкін қауіпті және сел қауіпті учаскелерді зерттеу бойынша мониторинг жүргізді.Сондай-ақ, Алматы қаласының патрульдік полиция қызметкерлері тіршілікті қамтамасыз ету нысандарын аралап, тексеру жұмыстарын жүргізді.Тексеру нәтижелері бойынша зақымдану табылған жоқ, қазіргі уақытта аталған объектілер штаттық режимде жұмыс істейді.Қираулар мен зардап шеккендер туралы мәлімет түскен жоқ. Жағдай тұрақты.Алматы облысының ТЖД командалық орталығының базасында жедел желі телефоны ашылды 8 (7277) 22-60-97.Қала тұрғындарынан «112» желісіне Алматы қаласында 104, Алматы облысында ақпараттық сипаттағы 120-ге жуық қоңырау келіп түсті.Ақпарат көзі : https://www.gov.kz/memleket/entities/emer/press/news/details/877438

Жасөспірімдердің денсаулығына төнген заманауи қатерлер Астанада өткен дөңгелек үстелдегі талқылаудың басты тақырыбына айналды. Жиынның қатысушылары жастардың психикалық денсаулығын бұзуы мүмкін лудомания, ішімдік, нашақорлық және цифрлық тәуелділіктер туралы айтты, деп хабарлайды елорда әкімдігінің ресми сайты.Дөңгелек үстелде қатысушылар жасөспірімдердің когнитивті дамуына тәуелділіктің салдарын талқылады. Олар зейінді төмендетеді, ұйқының сапасын төмендетеді, депрессия мен мазасыздыққа әкеледі.Шындықты қабылдауды бұзатын және тұрақты әлеуметтік байланыстардың қалыптасуына кедергі келтіретін интернетке тәуелділікке ерекше назар аударылды."Әртүрлі тәуелділіктердің жасөспірімдердің психикалық денсаулығына әсері барған сайын байқалады. Лудомания, ішімдік, нашақорлық, әлеуметтік желілерге тәуелділік және порнография - осы факторлардың әрқайсысы жастардың эмоционалды тұрақтылығы мен танымдық дамуын бұзады. Біз мұндай проблемалары бар жасөспірімдерден мазасыздық пен депрессиялық бұзылуларды, ұйқының бұзылуын, өзін-өзі бағалаудың төмендеуін және қарым-қатынас қиындықтарын жиі байқаймыз. Бұл тәуелділіктер шындықты қабылдауда бұрмалануды қалыптастырады және салауатты әдеттер мен өмірлік дағдылардың дамуына кедергі келтіреді. Нашақорлықты жеңуге және психологиялық денсаулықты қалпына келтіруге көмектесу үшін тәуелді мінез-құлықтың алғашқы белгілерін уақытында анықтап, жасөспірімдерге де, олардың отбасыларына да қолдау көрсету маңызды", - деп атап өтті Қалалық психикалық денсаулық орталығының психиатры Күнсая Әріпбаева.Жиынға қатысушылар жасөспірімдерді қолдаудың кешенді тәсілінің қажеттілігін, білім беру мекемелерінің, медициналық ұйымдардың өзара іс-қимылының және ата-аналардың белсенді қатысуының маңыздылығын атап өтті. Мұндай бағдарламалар жастардың тұрақтылығын қалыптастыруға, эмоционалды және әлеуметтік тұрақтылықты қолдайтын күйзелісті басқару дағдылары мен салауатты әдеттерді дамытуға ықпал етуі керек.Ақпарат көзі : https://www.gov.kz/memleket/entities/astana/press/news/details/877409

26 қазан мен 2 қараша аралығында бокстан АҚШ-тың Колорадо штатында алғаш рет өткен 19 жасқа дейінгі әлем чемпионатының жүлдегерін жанкүйерлер Астана әуежайында қошеметпен қарсы алды, деп хабарлайды елорда әкімдігінің ресми сайты.2023 жылы жаңадан құрылған World Boxing ұйымы биыл АҚШ елінде 19 жасқа дейінгі әлем чемпионатын ұйымдастырып, әлемнің 30 елінен 178 боксшының басын қосты.Байрақты бәсекеге Қазақстан атынан 4 боксшы сынға түсіп, 2 күміс жүлдені иеленді. Оның арасында 85 келіде жұдырықтасқан елордалық Даниял Райымбеков бар. Ол финалдық жекпе-жекте Уэльс өкілі Дэниэл Питке есе жіберді.«Бұл - менің халықаралық деңгейдегі екінші жарысым. Бұған дейін Сербия еліне барған едім. 19 жасқа дейінгі әлем чемпионатына іріктеу оқу-жаттығу жиыны жүргізіліп, нәтижесінде АҚШ-қа бару бақыты бұйырды. Эмоциямды айтып жеткізе алмаймын. Психологиялық, тәжірибе жағынан үлкен сабақ болды. Енді қателіктермен жұмыс істеп, Ақтау қаласында өтетін ел чемпионатына дайындығымды пысықтаймын», - деді Даниял Райымбеков.Айта кетейік, Қазақстанның бокс федерациясы күні кеше ғана ресми түрде World Boxing-тің толыққанды мүшесі атанған болатын.Енді Қазақстанның бокс федерациясы Лос-Анджелестегі Олимпиада ойындарына іріктеу турнирі ретінде 2027 жылғы бокс бойынша әлем чемпионатын өткізуге ниетті.Ақпарат көзі : https://www.gov.kz/memleket/entities/astana/press/news/details/877416

Халықаралық студенттер күніне орай Астанада Жастар саясаты мәселелері басқармасы жыл сайынғы «Jastar Jalyny-2024» студенттік фестивалін ұйымдастырды, деп хабарлайды елорда әкімдігінің ресми сайты.Бүгінгі іс-шараның ашылу салтанатында студенттер өз оқу орынын таныстырды.Ұйымдастырушылардың айтуынша, осы жылғы фестивальдің ерекшелігі – спорттық номинациялардың қосылуы.Аталған фестиваль елордада 5-14 қараша аралығында өтеді. Әр күн белгілі бір номинацияға арналған: футбол, волейбол, үстел теннисі, шахмат, эстрада, ұлттық би, заманауи би, ұлттық аспаптар (домбыра), театр, мобилография. Ал 14 қарашада гала-концерт өтеді деп жоспарланған.Әр номинация бойынша жүлделі орынға ие болған қатысушыларға қаржылай сыйлықтар қарастырылған: 1-орынға 100 мың теңге; 2-орынға 70 мың теңге; 3-орынға 50 мың теңге. Ал жоғарыда аталған 10 номинация бойынша ең үздік атанған жоғары оқу орнына бас жүлде – 500 000 теңге беріледі.«JASTAR JALYNY» фестивалі жастардың шығармашылық әлеуетін ашу, дарынды жастарды анықтау, дарынды балалар мен ұжымдардың шығармашылық дамуына қолдау көрсету және жағдай жасау, рухани әрі мәдени әлеуетін дамыту, студенттерге эстетикалық және этикалық тәрбие беру жүйесін жетілдіру, азаматтық, әлеуметтік жауапкершілік, патриоттық сезім, адамгершілік құндылықтар мен көшбасшылық қасиеттерді арттыру мақсатында өткізіліп келеді», - деді Жастар саясаты мәселелері басқармасының баспасөз хатшысы Әнел Мансұрова.Ақпарат көзі : https://www.gov.kz/memleket/entities/astana/press/news/details/877422

Жылыту маусымының қауіпсіз өту мақсатында ТЖМ «Көмек қолы» акциясын өткізуде, оның барысында аз қамтылған отбасыларға, жалғызбасты зейнеткерлер мен мүгедектігі бар адамдарға атаулы өрт-профилактикалық көмек көрсетіледі.ТЖМ қызметкерлері жергілікті атқарушы органдармен және еріктілермен бірлесіп түтін мұржаларын күйеден тазарту, жылыту пештерін жөндеу, пештің алдындағы қаңылтырды орнату, аула аумағын жанғыш қоқыстардан тазарту, электр жүйелерін жөндеу және т. б. жұмыстараң жүргізуде.Сондай-ақ мұқтаж отбасыларға отын мен көмір жеткізу бойынша іс-шаралар ұйымдастырылды.Акциямен бір ай ішінде 2450 үй және қарттарға арналған пансионат қамтылды.Сонымен қатар, жылу беру маусымына дайындық және қауіпсіз өту шеңберінде халықтың әлеуметтік осал топтарының 15 668 үйінде улы газ, табиғи газ және түтін датчиктері орнатылды.Акция аясында түсіндіру жұмыстары да жүргізілуде, азаматтарға тұрмыстағы өрт қауіпсіздігінің қарапайым ережелері жеткізіледі.ТЖМ еске салады:- тек жұмыс істейтін пештерді қолданыңыз;- пештің қызып кетуіне жол бермеңіз;- мұржаны күйеден уақытында тазалаңыз;- пеш пен мұржаны үнемі тексеріп отырыңыз;- балаларға пешті жағуға тапсырмаңыз;- жиһазды пештен алыстатыңыз;- пештің жанында ағаш, киім және басқа жанғыш заттарды кептірмеңіз;- пешті жағу үшін оңай жанғыш сұйықтықтарды пайдаланбаңыз.Әркім өз үйін қауіпсіз ете алады.Ақпарат көзі : https://www.gov.kz/memleket/entities/emer/press/news/details/876928

Бүгін Жетісу облысының Панфилов ауданы Жаркент қаласында «Жайлы мектеп» ұлттық жобасы аясында салынған 1200 орынды жаңа мектеп пайдалануға берілді, - деп хабарлайды Жетісу облысы әкімінің баспасөз қызметі.Мектептің ашылу салтанатына Жетісу облысы әкімінің орынбасары Диас Есдәулетов, ардагер ұстаздар, мектеп ұжымы, ата-аналар мен оқушылар, аудан жұртшылығы қатысты.- Бұл – Президент тапсырмасымен «Жайлы мектеп» ұлттық жобасы аясында салынған облысымыздағы алғашқы білім ошағы. Панфилов ауданы – облыстағы оқушы саны көп аудандардың бірі. Жаңадан пайдалануға беріліп отырған бұл мектепке Жаркент қаласының бала саны көп 9 мектебінен 1100 жуық бала қабылданып отыр. Осындай замануи мектепте біліммен сусындайтын оқушылар облысымыздан топ жарып шығатынына сенімім зор. Мектеп ұстаздарына еліміздің болашақ білімді, еңбекқор патриоттарын тәрбиелеу жолында сәттілік тілеймін! - деді Д. Есдәулетов.Жаңа да жайлы мектептің ашылғанына ата-аналар да қуанышты.- Біздің Жаркент қаласына осындай жайлы мектеп салып бергендеріңіз үшін барша ата-аналардың атынан алғыс айтамыз. Менің қызым қазір 11 сыныпта оқиды. Балалардың ҰБТ-ға, емтихандарға сапалы дайындалуына мұнда барлық мүмкіндіктер жасалған, оқу залдары бар кітапханасы, материалдық базасы мықты пән кабинеттері – бәрі де оқушылардың сапалы білім алуына өзінің үлкен ықпалын тигізеді деп ойлаймын, - деді ата-аналар комитетінің төрағасы Айдар Бектемірұлы.Мұнан соң мектептің лентасы қиылып, жиналған көпшілік жаңа ғимараттың ішін аралап көрді.Мектеп заманауи талапқа сай жабдықталған. Мұнда 64 кабинет болса, оның 6-ы жаңа модификациялық кабинет, соның ішінде химия, физика, биология, робототехника, STEAM кабинеттері, нано технология т.б. бар. Жалпы барлық пән кабинеттері қажетті әдістемелік, техникалық құралдармен жабықталған. Сонымен қатар ағаш, металл, тігін және басқа да шеберханалар қарастырылған. Акт залы, 2 оқу залы бар кітапхана, 230 орынды асхана, 2 спорт залы, 1 би залы оқушылардың игілігіне қызмет етеді. Оған қоса оқушылардың оқу құралдарына, киімге арналған жеке шкафтар, сондай-ақ кітап оқуға, балалардың шығармашылық дамуы мен демалуына коворкинг аймақтар қарастырылған.Мектеп директорының міндетін атқарушы Айгүл Дарубаеваның айтуынша, қазіргі кезде мектепте 46 жиынтық класс ашылған. Жаркент қаласындағы бала саны көп тоғыз мектептен сыныптар жетекшілерімен бірге ауысып келген. Бүгінгі күні педагогтер үшін 30 бос орын, техникалық қызметкерлерге 20 орынға конкурс жарияланып, жұмысқа қабылдану үстінде.- Мектептегі физика, химия, биология және робототехника пәндері бойынша заманауи кабинеттерде touch-экрандар орнатылып, мектептің кез келген жерінен жылдамдығы жоғары интернетке қосылу мүмкіндігі беріледі. Ерекше білім алуды қажет ететін балаларға тиісті жағдайлар жасалған. Бастауыш және жоғары сынып оқушылары мектепте бөлек блоктарда оқиды. Ғимаратта балалар үшін бейнебақылау, дыбыстық хабарлау және басқа да күшейтілген қауіпсіздік шараларына арналған жабдықтар орнатылған, - дейді А. Дарубаева.Жалпы биыл облыста 5 мектептің құрылысы жүрді. Бұған дейін осы оқу жылында Көксу ауданы, Қаратал ауылында 120 орынды мектеп іске қосылған болса, жыл соңына дейін Ақсу ауданы, Көшкентал ауылында 180 орынды жаңа мектеп ашылады. Ал қалған 2 мектеп, яғни Алакөл ауданы, Достық ауылындағы 600 орынды және Панфилов ауданы, Талды ауылындағы 300 орынды мектептер 2025 жылғы жаңа оқу жылында іске қосылады деп жоспарланған. Жетісу облысы әкімінің баспасөз қызметі.Фотосуреттерді түсіргендер: Жеңіс Ысқабай, Нұрбол ҚанағатАқпарат көзі : https://www.gov.kz/memleket/entities/zhetysu-oblysy/press/news/details/877360

Астанада 9-10 қараша күндері қалалық ауыл шаруашылығы жәрмеңкесі өз жұмысын жалғастырады, деп хабарлайды елорда әкімдігінің ресми сайты.Ауыл шаруашылығы жәрмеңкесі Нұрғиса Тілендиев даңғылы, 12а мекенжайындағы «Koktal» СОО-да өтеді. жәрмеңке әр демалыс күндері сағат 10:00-ден 22:00-ге дейін өтеді.Келушілер Қазақстанның түрлі өңірлерінен – Ақмола, Абай, Шығыс Қазақстан және Қызылорда облыстарынан жергілікті фермерлер мен өндірушілерден жаңа өнімдер сатып ала алады.Жәрмеңкеге қатысушылар жаңа піскен көкөністер мен жемістерді, ет, ұн және сүт өнімдерін, кондитерлік өнімдерді, табиғи шырындарды және т.б. ұсынады.Ақпарат көзі : https://www.gov.kz/memleket/entities/astana/press/news/details/877383

Астанада өткен дөңгелек үстелге қатысушылар жасөспірімдердің денсаулығына төнген заманауи қауіп-қатер мәселелерін талқылады. Іс-шараға қоғам қайраткерлері, ата-аналар мен мектеп психологтары қатысты, деп хабарлайды елорда әкімдігінің ресми сайты.Дөңгелек үстелге қатысушыларға жасөспірімдерді есірткі қылмысына тартудан қалай аулақ болу керектігін полиция подполковнигі, ҚР ІІМ есірткі қылмысына қарсы іс-қимыл комитеті басқармасының аға жедел уәкілі Ұлжан Қабылдина айтып берді.«Жыл сайын елордада 10 мыңнан астам профилактикалық іс-шара – акциялар, семинарлар мен дәрістер өткізіледі. Бірақ бұл жұмыста басты назар орта мектеп оқушылары мен колледж студенттеріне аударылады. Есірткі қылмысына қарсы күрес бойынша 1,5 мың іс-шара 15 мың белсенді азаматтың қатысуымен өткізіледі. Мақсаты – балаларды есірткіні қолданудың зиянды әсерлері туралы хабардар ету және олардың заңсыз мінез-құлықтан бас тартуын қалыптастыру. Өйткені, жастар өздерінің тәжірибесіздігіне байланысты есірткі сатушылардың негізгі нысанасына айналады. Сонымен қатар, басқа да іс-шаралар жалғасуда. Мысалы, қызметтік иттердің көмегімен жатақханалар мен сәлемдемелерді жеткізетін логистикалық компанияларды тексеру жүргізіледі. Сондай-ақ, еріктілермен және үкіметтік емес ұйымдардың өкілдерімен есірткі жарнамасын анықтау, граффити бояу және басқа да іс-шаралар жалғасуда», - деді Ұлжан Қабылдина.Оның айтуынша, жыл сайын есірткі қылмысы үшін ұсталған кәмелетке толмағандар саны артып келеді.«Биыл ғана 39-дан астам кәмелетке толмаған адам ұсталды. Оның ішінде 13-і – оқушы, 22-сі – колледж студенті, 1-еуі – ЖОО студенті және үшеуі оқымайды. Айта кету керек, 9-сынып оқушылары да есірткі қоюмен айналысқан жағдайлар бар. Сондықтан біз оқушылармен және студенттерге түсіндіру жұмысын жүргіземіз, онда есірткі қылмыстарына қатысудың салдары туралы айтамыз. Жекелеген іс-шаралар негізінен ата-аналармен өткізіледі. Ата-аналар балаларымен жұмыс істеуі керек, не істеп жатқанын білуі тиіс және оларды бақылауда ұстауы қажет. Жастар өздерінің білместігінен олардың қатарына қосылып кетеді. Бұл үшін 10 жылдан астам мерзімге бас бостандығынан айыру қылмыстық жауапкершілікке тартылуы мүмкін екенін түсіндіру қажет», — деп атап өтті ол.Құқық қорғау органдарының өкілі ата-аналарға, психологтарға және мүдделі органдардың қызметкерлеріне балаларға көбірек уақыт бөлу керек екенін айтты.Ақпарат көзі : https://www.gov.kz/memleket/entities/astana/press/news/details/877390

Сапар аясында Шығыс Қазақстан облысының әкімі Ермек Көшербаев «Өскемен титан-магний комбинаты» АҚ мен үнді мемлекеттік компаниясы IREL Limited және «IREUK Titanium Limited» арасында титан қожы өндірісі бойынша Қазақстан-Үнді бірлескен кәсіпорнын құру туралы келісім-шарттың ресми рәсіміне қатысты.- Үндістан Шығыс Қазақстанның сыртқы саудасында динамикалық өсімді көрсетіп отыр. Бүгін біз Қазақстан мен Үнді арасындағы берік байланысты көрсететін маңызды кездесуде басымыз қосылып отыр. Өскемен титан-магний комбинаты мен үнді компаниясы IREL Limited арасындағы бірлескен кәсіпорын құру туралы келісімшарт біздің өзара әрекеттесуіміз үшін жаңа мүмкіндіктерді ашады және екі елдің дамуына елеулі үлес қосады. Бұл келісім біздің ортақ мақсаттарымызды атап көрсетеді және жоғары технологиялар мен тұрақты даму саласындағы басқа жобаларды жүзеге асыру үшін серпін береді, - деді облыс басшысы Ермек Көшербаев.Бұл келісім «УКТМК» АҚ-ның шикізат базасын кеңейтуіне мүмкіндік береді, бұл Қазақстан титанының әлемдік нарықта бәсекеге қабілеттілігін арттыруға септігін тигізеді. Өз кезегінде, бұл Қазақстан мен Үнді Республикасының экономикалық өсімін және әл-ауқатын қамтамасыз етуге ықпал етеді.«УКТМК» АҚ атынан келісімді компания президенті Асем Мамутова, ал IREL Limited компаниясы атынан басқарушы директор Дипендра Сингх мырза қол қойды.Рәсімге Қазақстан Республикасының Индустрия және құрылыс вице-министрі Иран Шархан, Қазақстан Республикасының Үндістан Республикасындағы Төтенше және Өкілетті Елшісі Нурлан Жалғасбаев, Мумбайдағы ҚР Құрметті консулы Махендра Кумар Сангхи және Мумбайдағы ҚР Құрметті консулының орынбасары Ассиф Навруз, Шығыс Қазақстан облысының индустрия басқармасының басшысы Ардақ Мәдиев, Өскемен қаласы әкімінің орынбасары Нұрсұлтан Маратов, сондай-ақ «УКТМК» АҚ директорлар кеңесінің төрағасы Сильван Гелер мырза қатысты.Ақпарат көзі : https://www.gov.kz/memleket/entities/akimvko/press/news/details/877351

«Елімай» ФК мен облыстық Денсаулық сақтау басқармасы өңірдегі медициналық мекемелердің материалдық-техникалық базасын нығайтуға бағытталған меморандумға қол қойды. Бұл әлеуметтік маңызы бар жобаның бастамашысы — Абай облысының әкімі Нұрлан Ұранхаев.Осы келісім аясында Абай ауданы орталық аудандық ауруханасына жалпы құны 4,6 миллион теңгені құрайтын заманауи стоматологиялық құрал-жабдықтар мен физиотерапиялық бөлімше берілді. Бұл медициналық қызметтердің сапасын жақсартып, оларды аудан тұрғындарына қолжетімді етпек. Және науқастарды емдеу және алдын алу мүмкіндіктерін кеңейтеді.Жиналғандар алдында сөз сөйлеген футбол клубының өкілдері бұл жай ғана қаржылай көмек емес, халықтың денсаулығы мен тұрмысына деген шынайы қамқорлықтың көрінісі екенін баса айтты. Олар бұл акцияның өңірдегі өмір сүру жағдайын жақсартуға бағытталған кешенді іс-шараның бір бөлігіне айналғанын айтып, медициналық мекемелермен ынтымақтастықтың жалғасатынына өз сенімдерін білдірді.Ақпарат көзі : https://www.gov.kz/memleket/entities/abay/press/news/details/877379

Ұсынымдарды «дәнді және майлы дақылдар» зерттеу бюросы дайындады және таныстыру сипатына ие.Қазақстанның картоп пен пияз нарықтары шығындардың өсуіне, қорлардың шектелуіне, сондай-ақ қысқы кезеңде сұраныстың ұлғаюына байланысты бағаларға айтарлықтай қысымға ұшырайды.Картоп Көтерме баға (теңге) Павлодар облысы75 - 100Сұраныстың артуына және қорлардың біртіндеп азаюына байланысты өсім байқаладыАлматы облысы150Қорлар шектеулі, сұраныс жоғарыАстана (Ақмола облысы)40Картоптың барлық дерлік қоры сатылдыСолтүстік Қазақстан облысы100–140Өндірушілер бағаның одан әрі өсуін күтіп, қалдықтарды ұстайдыҚостанай облысы120 - 180Тауарлық-материалдық құндылықтар шектеулі, бұл бағаға қысым жасайдыПияз Көтерме баға (теңге) Жамбыл облысы75–100Жоғары сұраныс аясында бағаның өсуі байқалады, өндірушілер қорларды одан әрі өсуді күтудеАлматы облысы65–70Тауарлы материалдық қорлардың азаюы және өндіріс шығындарының артуы кейбір өндірушілердің сатылымын тоқтаттыАқпарат көзі : https://www.gov.kz/memleket/entities/moa/press/news/details/877341

Астана қаласының аумағында «Борышкер» жедел-алдын алу іс-шарасы өтіп жатыр, деп хабарлайды елорда әкімдігінің ресми сайты.Аталған іс-шараға Астана қаласының Әділет департаменті, Астана қаласының полиция департаменті, сондай-ақ Астана қаласының атқарушы округінің жеке сот орындаушылары қатысады.Іс-шараның мақсаты – алимент, мемлекет кірісіне әкімшілік айыппұлдар, салық берешектері бойынша төленбеген берешектері бар адамдарды анықтау. Мәселен, іс-шараны өткізу барысында полиция қызметкерлері 114 автокөлікті тоқтатты, олардың иелері жоғарыда аталған санаттар бойынша төленбеген берешектері бар.Көп жағдайда, тәжірибе көрсеткендей, иелері, сондай-ақ көлік жүргізушілері төленбеген салық берешектері, айыппұлдары бар екенін білгеннен кейін ғана төлейді. Алайда, борышкерлердің алимент берешектерін және 1 млн теңгеден астам берешегі бар ЖҚЕ қасақана бұзушыларды төлеуден қасақана жалтару жағдайлары да болды.Барлығы 7 автокөлік ұсталып, коммуналдық тұраққа қамалды, олардың иелері ұзақ уақыт бойы жол қозғалысы ережелерін қасақана бұзған, сол сияқты айыппұлдары мен алименттерін төлемеген.Ақпарат көзі : https://www.gov.kz/memleket/entities/astana/press/news/details/877259

Красный Яр ауылында 10 алаңның құрылысы аяқталды. Бүгінгі таңда «Кен дала» және «АзимутСтрой» ЖШС мердігерлік ұйымдары алаңдар аумағын абаттандырумен айналысады.Төрт алаң тұрғындарға ашық ауада спортпен шұғылдануға мүмкіндік беретін заманауи воркаут жабдықтарымен жабдықталған. Футбол алаңы да төрт метрлік тормен қоршалған.Тағы алты алаң балаларға арналған және қауіпсіз тартанмен, құм жәшіктерімен, әткеншектермен және басқа ойын элементтерімен жабдықталған. Барлық алаңдар жоғары сапалы материалдардан – екі қабатты бетоннан және тартаннан жасалған.Жаңа нысандар ауылдың 15-тен астам көшелерін қамтиды, бұл бүкіл елді мекен тұрғындары үшін спорт және ойын аймақтарына қол жеткізуге мүмкіндік береді.Бұл алаңдардың ашылуы өңірде жүзеге асырылып жатқан абаттандыру бағдарламасының бір бөлігі болып табылады. Естеріңізге сала кетейік, ағымдағы жылы Көкшетау қаласында осындай 12 нысан пайдалануға берілді, қараша айының соңына дейін 15 алаң бойынша жұмысты аяқтау жоспарланған.Ақпарат көзі : https://www.gov.kz/memleket/entities/aqmola/press/news/details/877244

85 жасында Ақмола облысының денсаулық сақтау саласының ардагері, Көкшетау қаласының Құрметті азаматы Болат Сүлейменұлы Жанәділов дүниеден озды.Ол өзінің өмірінің 50 жылдан астам уақытын денсаулық сақтау саласына арнап, тек Ақмола облысында ғана емес, бүкіл елде осы саланың дамуына үлкен үлес қосты.Болат Жанәділов 1940 жылы 14 маусымда Көкшетау облысы Айыртау ауданы Қазгородок ауылында дүниеге келген. Қарағанды медициналық институтының емдеу факультетін 1965 жылы бітірген соң, дәрігер-анестезиолог болып еңбек жолын бастады. 1968 жылы Көкшетау облыстық ауруханасының анестезиология бөлімінің меңгерушісі болды.1970 жылы емдеу жұмыстары жөніндегі бас дәрігердің орынбасары болып тағайындалды. 1973 жылдан 1992 жылға дейін – Көкшетау облыстық ауруханасының бас дәрігері болып қызмет етті.1992 жылдың ақпанында Б.Жанәділов Көкшетау облысы әкімшілігі басшысының орынбасары қызметіне ұсынылды. 1995 жылдың қараша айынан 1997 жылдың ақпанына дейін Көкшетау облысы әкімінің орынбасары қызметін атқарды.Болат Жанәділов басшылықта болған жылдары облыстық аурухананың материалдық-техникалық базасы айтарлықтай нығайды, жаңа корпустар салынды, сол кездегі заманауи диагностика және емдеу технологиялары енгізілді. Көкшетауда Болат Сүлейменұлының белсенді қолдауымен «Мейірім» мейірбике күтімінің ауруханасы, жүйке аурулары бар балаларға арналған «Болашақ» оңалту орталығы, медициналық-генетикалық орталық, облыстық қазақ драмалық театры ашылды.1997 жылдан бастап Болат Жанәділов Көкшетау облыстық ауруханасында емхана жұмыстары бойынша бас дәрігердің орынбасары, кейінірек Ақмола облыстық ауруханасының мұражай меңгерушісі болып жұмыс істеді. 2015 жылы 75 жасында зейнетке шықты.Болат Сүлейменұлы Жанәділов – жоғары біліктілік санатындағы дәрігер, Көкшетау қаласының Құрметті азаматы. Ол «Құрмет», «Халықтар достығы» ордендерімен, «Тың жерлерді игергені үшін», «Қазақстан Республикасының тәуелсіздігіне 10 жыл», «Қазақстан Республикасы Конституциясына 10 жыл», «Астанаға 10 жыл», «Тыңның 50 жылдығы» мерейтойлық медалімен, «Денсаулық сақтау үздігі», «И.И. Пирогов 1810–1881 жж.», «Қазақстан Республикасының денсаулық сақтау үздігі» төсбелгілерімен марапатталған.Болат Сүлейменұлы өзінің басты өмірлік мақсатын жұртшылыққа қызмет ету деп санап, медициналық қызмет көрсету сапасын арттыру, ауруханаларды кадрлармен қамтамасыз ету, заманауи медициналық жабдықтармен жабдықтау бағытында талмай жұмыс істеп, кәсібіни қағидаларына адал болып қалды.Оның жарқын бейнесі туыстарының, әріптестерінің, шәкірттерінің жүрегінде мәңгі сақталады.Ақпарат көзі : https://www.gov.kz/memleket/entities/aqmola/press/news/details/877282

Алматыда қаласында First Tech Challenge аймақтық чемпионаты аяқталды. Абай облысы Электротехникалық колледжінің «ALASH» командасы жарыста жоғары нәтиже көрсетіп, республикалық рейтингте 1 орынды, ал әлемдік есепте 18 орынды иеленді.Чемпионатқа Абай және Алматы облыстары мен Қырғызстаннан келген 26 команда қатысты. «ALASH» командасы инженерлік жобалауда ерекше жетістіктері үшін «Design Award Winner» және «Final Alliance Captain Award» номинациялары бойынша жоғары марапаттарға ие болды.Турнир қорытындысы бойынша «ALASH» командасы әлемдік топ-4 қатарына кіріп, Қазақстан бойынша топ-1 орынды иеленді. Осылайша, Абай облысының командасы робототехника саласында халықаралық деңгейде бәсекеге қабілетті екенін дәлелдеді. Команда алдағы уақытта Орталық Азия чемпионатына қатысуға және әлемдік аренада өнер көрсетуге ниетті.Ақпарат көзі : https://www.gov.kz/memleket/entities/abay/press/news/details/877205

Жетісу облысында Қызыл кітапқа кірген құландарға арналған бірегей фестиваль екінші жыл қатарынан өтуде. Жануарлар популяциясының көп бөлігі осы аймаққа тиесілі, яғни 3600-дей құлан Кербұлақ ауданының «Алтынемел» ұлттық табиғи паркінің аумағын мекен етеді. Туристер жыл сайын осы әсем жаратылысты көруге мұнда арнайы келеді. Жыл басынан бері саябаққа 24 мың адам табан тіреген, соның 7 мыңы – Үндістан, Қытай, Корея, Франция, Германия және ТМД елдерінен келген шетелдік туристер, - деп хабарлайды Жетісу облысы әкімінің баспасөз қызметі.Бұл іс-шараның бастамашылары мен ұйымдастырушылары - Ұлттық парк басшылығы, облыс әкімдігі және «Visit Zhetysu» туристік ақпараттық орталығы.Биылғы жылы фестиваль саябақтың тағы бір табиғи тылсымы – Айғайқұмның жанында өтті. 10-12 мың жыл бұрын пайда болған ұзындығы 3 км, биіктігі 150 метр бұл құм тау саябақтың айрықша белгісі іспеттес, Жетісу өлкесінің табиғи кереметтерінің бірі. Фестивальда ниет білдірушілер марафонға қатысып, ағартушы ғалым Шоқан Уәлиханов бұлағынан құм төбене дейінгі аралыққа жүгірді. Шыңға жете алғандар Іле өзенін биіктен бақылап, саябақтың керемет көріністерін үстінен тамашалады, тіпті құмның «әнін» де ести алғандар бар. Сондай-ақ арқан тартыс, кір көтеру сияқты спорттық ойындар ұйымдастырылып, концерттік нөмірлер ұсынылды.– «Алтынемел - құландар мекені» фестивалі екінші жыл қатарынан өтіп отыр. Фестивальға жыл сайын 1 мыңға жуық адам қатысады, Алматы қаласынан да, басқа өңірлерден де арнайы келеді. Былтыр фестивальді «Алтынемел» визит орталығының жанында өткіздік, ол жерде келушілер құландар табынын табиғи мекендейтін жерлерден тамашалады. Ал биылғы жылы фестивальді Жетісу өңіріндегі бірегей туристік нысандардың бірі Айғайқұмның жанында ұйымдастырдық. Қатысушылар құландарды, қарақұйрықтарды, сәті келсе, саябақтың басқа да ерекше жануарларын тамашалау үшін оларға фото -, видео сафари ұйымдастырылды. Мұның бәрі экологиялық туризмді дамытуға ықпал етеді, өйткені ұлттық парктер Жетісу облысындағы 5 туристік бағыттың бірі, - деді «Visit Zhetysu» туристік ақпараттық орталығының жетекшісі Жандос Нұриев.Ұйымдастырушылардың айтуынша, фестивальді өткізу ең алдымен Қызыл кітапқа енген жануарларды, соның ішінде құландарды сақтап қалуға бағытталған. Біршама жылдар бұрын Түркіменстаннан ұлттық паркке 30-ға жуық құлан әкелінген, ал қазір бұл жердегі құландар саны едәуір көбейді. Мысалы, өткен жылы саябақ аумағын 3 мыңға жуық құлан мекендесе, биыл олардың саны 3600-ге жетті. Бұл биологиялық түрдің бір бөлігі ұлттық парктен басқа аймақтарға да таралуда.- Жануарлар популяциясының көбеюіне, саябақтың дамуына, бірінші кезекте туристер санының артуына мемлекет тарапынан қолдау көрсетіліп келеді. Қауіпсіздікті жақсарту үшін 14 жаңа мотоцикл мен моторлы қайық сатып алынды, сонымен қатар 10 трактор, қарда жүретін көліктер, дрон алдық, дронды түнде де ұшыруға болады. Фестиваль аясында біздің саябаққа 14 жол талғамайтын көлік келді. Жол инфрақұрылымын жақсартуда облыс әкімдігі тарапынан көрсетілетін қолдаудың маңызы зор. Өткізілетін имидждік іс-шаралар арқылы туристерді көптеп тарта бастадық. Мұның бәрі саябақтың дамуына, фауна мен флораның сақталуына оң әсерін тигізіп отыр. Былтыр саябаққа 16 мың турист келсе, биыл жыл басынан бері олардың саны 24 мыңға жетті, - деп атап өтті «Алтынемел» мемлекеттік ұлттық табиғи паркінің бас директоры Қуат Байтұрбаев.Ұлттық парктің жалпы аумағы 307 мың гектардан асады. Бірегей табиғатын, сирек кездесетін жануарларын, тарихи-мәдени мұра ескерткіштерін сақтау үшін «Алтынемел» ЮНЕСКО биосфералық резерватының халықаралық мәртебесін иеленген. Мұнда сирек кездесетін өсімдіктердің 31 түрі, Қазақстанның Қызыл кітабына және халықаралық табиғатты қорғау одағының Қызыл тізіміне енгізілген жануарлардың 66 түрі кездеседі. Соның ішінде барыс, құлан, қарақұйрық және т.б. бар. Жақында таулы жерлерге қоңыр аюдың келгені байқалған. Ұлттық саябақ бірегей табиғи нысандарымен де танымал. Олардың қатарында «Айғайқұм», Ақтау бор таулары, Қатутау шөлді лава таулары, 700 жылдық тал, Бесшатыр сақ қорғандары, Таңбалы тас петроглифтері бар. Қонақтар фестивальдің екінші күні осы бірегей табиғи нысандардың бірқатарын тамашалауға мүмкіндік алды.- Қазір Қазақстан әсіресе көркем табиғатының арқасында Үндістанда жақсы танымал. Біз Шымбұлақта, Көлсай, Қайыңды көлдерінің жағасында болдық, ал бүгін «Алтынемел» ұлттық саябағы мен Айғайқұмның тамашасын көзбен көріп, зерттеп-біліп жатырмыз. Әсерімізді сөзбен айтып жеткізу мүмкін емес, - дейді Үндістаннан келген турист Намбутасеха.Фестиваль туралы Алматыдан келген жас қонақ Рената Линник те ой бөлісті:- Мен мұнда алғаш рет 5 жыл бұрын отбасыммен бірге келгенмін. Соңғы келгенімде Айғайқұмның «әнін» ести алмай кеттім. Бірақ бұл жолы жолым болып, құмның дауысын естідім. Оның биігіне шыққандағы әсерің тіпті бөлек болады. Ондағы мүлгіген тыныштық, зәу биіктен қарағандағы көрініс ғажап. Мұндай фестивальдар осы әлеміміздің, табиғатымыздың кереметтігін танытып, бізді біріктіре түседі деп ойлаймын, - деді ол.Атап өтсек, биыл жол инфрақұрылымын жақсарту мақсатында республикалық маңызы бар «Сарыөзек – Көктал» жолының ұзындығы 23 шақырым болатын Алтынемел асуындағы учаскесіне күрделі жөндеу жүргізілді. Сондай-ақ, осы жолдың 0-45 км учаскесіне ағымдағы жөндеу жұмыстары басталды, оны келесі жылы аяқтау жоспарланған. Жетісу облысы әкімінің баспасөз қызметіФотосуреттер мен бейнетүсірілімдерді «Visit Zhetysu» туристік ақпараттық орталығы ұсындыАқпарат көзі : https://www.gov.kz/memleket/entities/zhetysu-oblysy/press/news/details/877175

Қоғамдық денсаулық сақтау басқармасында Алматыда әлеуметтік нысандардың инфрақұрылымын жақсарту бойынша қабылданып жатқан шаралар туралы айтылды.Мәселен, осы жылдың тамыз айында Қазақстанда алғаш рет балалар арасында (3 жасқа дейін) мүгедектікті төмендету үшін ведомствоаралық өзара іс-қимыл негізінде ерте араласу орталығы құрылды. 2 МСАК орталығы мен 1 емхана, сондай-ақ Балалар шұғыл медициналық көмек орталығының жаңа корпусы ашылды.2024 жылдың соңына дейін 2 жаңа емхана салуға және 5 ірі аурухананы жаңғыртуға жобалау-сметалық құжаттама әзірлеу аяқталады. Құрылыс-монтаж жұмыстары 2025-2026 жылдары жүргізілетін болады.Айта кетерлігі, 2024 жылы денсаулық сақтау инфрақұрылымын жаңғыртуды қаржыландыру 2,5 есеге 26,3 млрд теңгеге, 2025 жылы тағы 2,6 есеге 69,4 млрд теңгеге дейін ұлғайтылды.Ақпарат көзі : https://www.gov.kz/memleket/entities/almaty/press/news/details/877141

Су ресурстары және ирригация министрі Нұржан Нұржігітов Қазақстандағы Еуропалық Қайта Құру және Даму банкі (ЕҚДБ) басшысының орынбасары Асқар Намазбаевпен кездесті. Тараптар бірлескен жобаларды іске асыру және одан әрі ынтымақтастық мүмкіндіктерін талқылады.Мәселен, министрлік пен Еуропалық Қайта Құру және Даму банкі Ақтөбе, Жамбыл және Түркістан облыстарында су шаруашылығы нысандарын реконструкциялау бойынша 53 жобаны іске асыруда. Бүгінгі таңда 19 жоба толығымен аяқталды. Жыл соңына дейін тағы 23 жобаны аяқтау жоспарлануда, оның 17-сі пайдалануға беріледі.Қалған жобалар бойынша құрылыс жұмыстарын келесі жылы аяқтау жоспарланып отыр.«Біз Еуропалық Қайта Құру және Даму банкімен ынтымақтастықты жалғастыруға ниеттіміз. Біздің министрліктің алдында Қазақстанның су саласын трансформациялау міндеті тұр, біз бұл жұмысты халықаралық қаржы институттарымен бірге жүзеге асыруды жоспарлап отырмыз»,– деді Су ресурстары және ирригация министрі Нұржан Нұржігітов.Ақпарат көзі : https://www.gov.kz/memleket/entities/water/press/news/details/877135

Алматы облысының цифрлық технологиялар басқармасының қолдауымен "Меганет" компаниясы Алматы қаласын ғана емес, жақын маңдағы аудандарды да қамтитын талшықты-оптикалық байланыс желісін салу жобасын белсенді іске асыруда. Бұл жоба аймақтың цифрлық инфрақұрылымын жақсартуға және тұрғындарды жоғары жылдамдықты интернетпен қамтамасыз етуге бағытталған маңызды қадам болып табылады.2024 жылы "Меганет" Қонаев, Есік, Талғар, Қаскелең, Ұзынағаш, Өтеген батыр, Түрген, Шамалған, Шалқар, Жандосов, Долан, Қарғалы, Тузыбастау сияқты бірқатар елді мекендерге жоғары жылдамдықты интернетті сәтті жеткізді. Бұл маңызды жетістік жергілікті тұрғындар мен бизнес үшін жаңа мүмкіндіктер ашады.Жоғары жылдамдықты Интернетке қол жеткізу - бұл ыңғайлы байланыс пен жұмыс істеу мүмкіндігі ғана емес, сонымен қатар цифрлық қызметтерге, соның ішінде электрондық мемлекеттік басқару мен сандық теледидарға қол жетімділік. Мұндай қызметтерге қол жеткізуді жеңілдету халықтың өмір сүру сапасын едәуір жақсартады және жергілікті экономиканың дамуына ықпал етеді.Талшықты-оптикалық байланыс желісінің құрылысы білім беруді, денсаулық сақтауды және басқа да маңызды салаларды цифрландыру және жаңғырту жөніндегі бастамаларды қолдайды. Шалғай аудандарда сенімді интернет байланысын орнату тұрғындарға заманауи білім беру және медициналық ресурстарға қол жеткізуге мүмкіндік береді, бұл әсіресе қарқынды технологиялық прогресс жағдайында өзекті.Осылайша, "Меганет" жобасы байланыс мәселелерін шешіп қана қоймай, Алматы облысы тұрғындарының өмір сүру сапасын одан әрі цифрлық қайта құру және жақсарту үшін база құра отырып, өңірдің жалпы дамуына елеулі үлес қосады.Ақпарат көзі : https://www.gov.kz/memleket/entities/almobl/press/news/details/877068

Облыс әкімі Асхат Шахаровтың төрағалығымен өткен аппарат мәжілісінде өңірдегі автомобиль жолдарын қысқы күтіп ұстауға дайындық шаралары қаралды.Ақтөбе облысының жолаушылар көлігі және автомобиль жолдары басқармасының басшысы Айбек Қайыр жергілікті жолдарды күтіп ұстау үшін 2025 жылға 2,7 млрд. теңге қарастырылғанын хабарлады. Бұл сома облыстық мәслихаттың таяудағы сессиясында бекітіледі.Облыстағы жолдардың жалпы ұзындығы – 4 440 шақырым, оның ішінде облыстық маңызы бары – 1 265 шақырым және аудандық маңызы бары – 3 175 шақырым. Бұл жолдарды қыста күтіп ұстауға 43 мердігер ұйым жауапты. 401 бірлік техника, бес мың тонна инертті материал, 965 тонна дизель отыны әзірленді. Айбек Қайыр атап өткендей, жылу пункттерін дайындау және оларды қажетті азық-түлік қорымен қамтамасыз ету, сондай-ақ жол бойындағы су өткізу құбырларын тазалау жұмыстары аяқталып қалды.«ҚазАвтоЖол» ҰК» АҚ облыстық филиалының директоры Айбол Данағұлдың айтуынша, компания республикалық маңызы бар 1869 шақырым жолға қызмет көрсетеді. Оның 117 шақырымы қазір жөнделуде. Жұмысты аяқтау процесін жеделдету үшін қосымша техника тартылды.«Жолдарда 101 қарлы учаске бар. Оның 28 учаскесінде 86 шақырым темірбетон қоршаулар орнатылды. Қалған учаскелерге уақытша ағаш қалқандар қойылады. Сондай-ақ, қар құрсауында қалған жүргізушілер мен жолаушылар үшін 15 жылыту пункті дайындалды. 28 арнайы техника жұмылдырылды. Жетіспейтін техника жалға алынады. Қазір инертті материалдар дайындалуда. Жалпы 9400 тонна құм мен 2020 тонна тұз дайындау жоспарлануда», - деді Айбол Данағұл.Қыста көлік кептелісін болдырмас үшін «Самара-Шымкент» республикалық маңызы бар автожолының «Ақтөбе-Хромтау-Қарабұтақ» бағытындағы учаскелерде айналма жолдар жасалды. Сонымен қатар, қарлы боран болған жағдайда көлік үшін қосалқы тұрақтар дайындалады. Олардың бірі - Хромтау ауданы Ақжар ауылының тұсында ашылған. Қала әкімінің орынбасары Жұлдызбек Бисембин өз кезегінде облыс орталығындағы жолдарды күтіп ұстау мәселесі туралы баяндады. Қала 24 учаскеге бөлінген, олардың әрқайсысын қыста күтіп ұстауға жауапты мердігер ұйым бекітілген. Қыста көшелерді тазалауға 350 бірлік техника шығады. Қаланы қардан тазарту үшін күндізгі ауысымда 30 бригада (40 тиегіш, 150 жүк көлігі) және түнде 20 бригада (20 тиегіш, 60 жүк көлігі) жұмылдырылады. Мердігерлер қазірдің өзінде 1250 тонна тұз, 1830 тонна құм-тұз қоспасы және 2000 тоннадан астам құм жинаған.Дайындық шаралары туралы айта келе, қала әкімінің орынбасары ел бойынша ең төмен саналатын жолдарды қысқы күтіп ұстау тарифтерін қайта қарау қажеттігін атап өтті.Асхат Шахаров облыста жолдарды қысқы күтіп ұстауға дайындық туралы баяндамаларды тыңдап болған соң, толық дайындықты, ауа райы жағдайларына уақытылы ден қоюды және қозғалыстың барлық қатысушылары үшін қауіпсіздікті қамтамасыз етуді тапсырды.«Жолдарда қауіпсіздікті қамтамасыз ету және қыс мезгілінде жүргізушілер үшін тәуекелдерді азайту қажет. Жолдарды жөндеуді уақытылы аяқтауға және қолайсыз ауа-райына жедел ден қоюға ерекше назар аудару маңызды. Барлық жұмыс ауа райы жағдайлары мен халықтың қажеттіліктерін ескере отырып жүргізілуі тиіс. Қардың салдарын тез арада жою ғана емес, сонымен қатар алдын-ала дайындалу – жылу пункттерін, құм мен тұз қорын ұйымдастыру, қоршаулар мен арнайы техниканың болуын қамтамасыз ету керекпіз. Жолдарда қауіпсіз жүру үшін жағдайлар барлық негізгі учаскелерде қамтамасыз етілуі тиіс», - деп атап өтті әкім.Ақпарат көзі : https://www.gov.kz/memleket/entities/aktobe/press/news/details/877112