Астанада «JASTAR FEST» ауқымды фестивалі өтті, оның аясында «JOLTAP» әлеуметтік жобасының жетекшісі Дана Жүнісова жастарға цифрлық кәсіптерді оқыту және жұмысқа орналастыру мүмкіндіктері туралы толығырақ айтып берді, деп хабарлайды елорда әкімдігінің ресми сайты.Дана Жүнісованың айтуынша, «JOLTAP» әлеуметтік жобасы тегін курстардан өтуге, өмірден өз жолын табуға және табысын арттыруға мүмкіндік береді.«JOLTAP» жобасы аясында 18 қысқа мерзімді курс ұсынылады: 8 цифрлық және 10 жұмысшы мамандығы. Мысалы, тігінші, бариста, майды автокөлік майын ауыстыру және шиномонтаж, мобилография, SMM, таргетинг, видеомонтаж, графикалық дизайн курстары. Айта кету керек, курстар тегін өткізіледі», - деді жоба басшысы.Жоба жетекшісі айтқандай, елордада оқуға жазылуға болатын бірнеше модульдік пункт жұмыс істейді.«Оқу курсқа байланысты 5-тен 22 күнге дейін созылады. Оқудан кейін сертификат беріледі, шығын материалдары мен жабдықтар беріледі. Курс аяқталғаннан кейін біз жастарға JUMYSTAP платформасында орналасқан жұмыстарға орналасуға көмектесеміз.Платформада елорданың 1600 жұмыс берушісінен 2000-нан астам өзекті бос жұмыс орындары ұсынылған.JUMYSTAP платформасын қазірдің өзінде 10 мыңнан астам адам пайдаланады», - дейді Дана Жүнісова.Ол сондай-ақ жоба жұмыс істеген жылы модульдік пунктерге 24 мыңнан астам адам жүгінгенін, оның 20 мыңы оқуға жазылғанын атап өтті. Қазіргі уақытта 8 мыңға жуық адам оқудан өтті.Естеріңізге сала кетейік, елордада «JASTAR FEST» жастар фестивалі өтті, ол елорда әкімдігі мен қаланың Жастар саясаты мәселелері басқармасының қолдауымен ұйымдастырылды.Ақпарат көзі : https://www.gov.kz/memleket/entities/astana/press/news/details/873661

Елордалық Төтенше жағдайлар департаменті Астана қаласының Байқоңыр ауданындағы жеке тұрғын үй секторы мен жатақханаларды профилактикалық жолмен аралап көрді, деп хабарлайды елорда әкімдігінің ресми сайты.Іс-шара барысында тұрғындарға өрт қауіпсіздігі ережелері түсіндірілді, сонымен қатар мамандар пеш пен газ жабдықтарын тексерді.Аралау барысында ТЖД қызметкерлері халықтың әлеуметтік осал топтарының үйлеріне улы газға қарсы датчиктер орнатты. Бұл құрылғылар өртті ерте анықтауға мүмкіндік береді.«Қазіргі уақытта біздің есепте халықтың әлеуметтік осал топтарына жататын 800-ден астам отбасы бар. Олардың үйлерінде 650-ге жуық көміртегі тотығы датчигі орнатылған. Бұл тұрғындарды өрттің туындауы туралы ескертуге және өрттің алдын алуға мүмкіндік береді. Қалған отбасыларға улы газға қарсы датчиктерді орнату жұмысы айдың соңына дейін аяқталады және аудан әкімдігімен бірлесіп жүргізіледі», - деді Астана қаласы Төтенше жағдайлар департаменті мемлекеттік өрт бақылау басқармасының бастығы Ажар Рүстемова.Ақпарат көзі : https://www.gov.kz/memleket/entities/astana/press/news/details/873665

Астанада әлеуметтік қорғау жүйесі қызметкерлерінің күніне арналған салтанатты кеш өтті, деп хабарлады елорда әкімдігінің ресми сайты.Оған Астана қаласы әкімінің орынбасары Ерік Мейірханов, қалалық Жұмыспен қамту және әлеуметтік қорғау басқармасы басшысы Илья Скуб, кәсіподақ төрағасының орынбасары, Астана қаласы бойынша филиал төрағасы Атақозы Нұрланов, сондай-ақ сала мамандары қатысты.Қала әкімінің орынбасары Ерік Мейірханов Еңбек және халықты әлеуметтік қорғау министрінің Құрмет грамоталары мен алғыс хаттарын және Астана қаласы әкімінің алғыс хаттарын табыстады.«Құрметті әлеуметтік қорғау жүйесі қызметкерлері! Сіздерді кәсіби мерекелеріңізбен шын жүректен құттықтаймын. Қазіргі таңда елордада бұл салада 2 мыңға жуық маман қызмет етеді. Сіздер қарт адамдарға, ерекше жандарға, әлеуметтік аз қамтылған және көпбалалы отбасыларға көмек көрсетесіздер. Сіздерге көмекке мұқтаж жандарға қамқорлық көрсеткендеріңіз үшін шын жүректен алғыс білдіремін. Отбасыларыңызға амандық, жұмыстарыңызға табыс тілеймін!» - деді қала әкімінің орынбасары.Әлеуметтік қорғау жүйесі қызметкерлері «Елеулі еңбек үшін», «Кәсіподақ қайраткері», «Әлеуметтік саласының үздігі», «Өз ісінің маманы» секілді медальдармен марапатталды.Сондай-ақ Астана қаласының Жұмыспен қамту және әлеуметтік қорғау басқармасының ұйымдастыруымен Әлеуметтік қорғау жүйесі қызметкерлерінің күнін мерекелеу қарсаңында дойбы, шахмат, волейбол, тоғызқұмалақ, үстел теннисі, шағын футбол сынды спорт түрлерінен өткен спартакиада жеңімпаздарын Астана қаласының Жұмыспен қамту және әлеуметтік қорғау басқармасының басшысы Илья Скуб марапаттады. Ақпарат көзі : https://www.gov.kz/memleket/entities/astana/press/news/details/873664

"JASTAR FEST" фестивалі аясында маркетолог және ҚР жастар саясаты жөніндегі кеңесінің мүшесі Расул Абдуллаев жастарға әлеуметтік желілерді қалай тиімді пайдалану керектігі туралы айттв, деп хабарлайды Астана әкімдігінің ресми сайты.Оның айтуынша, маркетолог мамандығы қазіргі уақытта өзекті."Егер сіз математиканы жақсы көрсеңіз, онда маркетинг саласы сізге сәйкес келеді. Математиктер сатумен, таргетпен, талдаулармен айналысады. Егер сіз тарих пен географияны жақсы көрсеңіз, онда сіз, мысалы, бренд менеджері мамандығын таңдай аласыз. Сонымен қатар бұл мамандық қазақстандықтар үшін өте қолайлы. Біздің ұлт өте креативті", - деді Расул Абдуллаев.Ол сондай-ақ әлеуметтік желілердің арқасында жас қазақстандықтар қосымша табыс таба алатынын атап өтті."Қазір көптеген мүмкіндік бар - ақылды мектептер, университеттер, тегін курстар, онлайн оқыту. Біз үш тілді – қазақ, орыс, ағылшын тілдерін білетіндігімізбен бірегейміз. Осылайша, сіз әлеуметтік желілерде ақша таба аласыз, ағылшын тілін үйрену бойынша чек-парақ құрып, мақсат қоя аласыз", - деп бөлісті сарапшы.Естеріңізге сала кетейік, Жастар саясаты мәселелері басқармасының қолдауымен елордада "JASTAR FEST" жастар фестивалі өтті.Ақпарат көзі : https://www.gov.kz/memleket/entities/astana/press/news/details/873677

Республика күніне орай астаналық куберлер «Mega silk way» сауда-ойын сауық орталығында мемлекеттік ту мен Қазақстан картасының бейнесін рубик текшелерінен құрастырды, деп хабарлайды елорда әкімдігінің ресми сайты.Паноны салу үшін 3 мың текше қолданылды. Көрерменнің айтуынша, креативті жоба ерекше мерекелік көңіл күй сыйлады.Салмағы 500 келі болатын картинаны куберлер 6 сағатта құрастырды. Республикалық спидкубинг федерациясының мүшелері жастар мен балаларға шеберлік сабағын ұйымдастырды.“Республика күніне орай MEGA SILK WAY сауда, ойын-сауық орталығының ұсынысын қабыл алып, Қазақстан картасында орналасқан еліміздің туын рубик текшелерімен жинаймыз деп шештік. Барлығы алты жігіт қатысты. Біздің мақсатымыз - Қазақстанда спидкубинг спортын дамыту және еліміздің туын, елге қатысты басқа да суреттерді құрастыру арқылы көрерменнің патриоттық сезімін арттыруға ат салысу”, - деді Республикалық спидкубинг федерациясының мүшесі Шыңғыс Қайырылбаширов.“Бізге қатты ұнап жатыр. Жастардың талантына, осындай рухты көтерертін дүниелер жасауға талпынысына тәнті болдық”, - деді қала тұрғыны Гүлзима Ибрагимова.Куберлердің өнерінен соң іс-шара мерекелік концертке ұласты.Ақпарат көзі : https://www.gov.kz/memleket/entities/astana/press/news/details/873702

Күрес түрлерінен 23-29 қазан күндері Албания елінің астанасы Тиранада өткен 23 жасқа дейінгі әлем чемпионатында бақ сынаған Ризабек Айтмұханды жанкүйерлер мен күрес жанашырлары әуежайдан зор қошеметпен қарсы алды, деп хабарлайды елорда әкімдігінің ресми сайты.Еркін күрестен 97 келіде бақ сынаған Ризабек Айтмұхан бір айдың ішінде 2 түрлі санатта қарсылас шақ келтірмеді. Қыркүйекте Испания елінде өткен 20 жасқа дейінгі әлем чемпионатында топ жарса, енді Албания елінен де жеңіспен оралды.Білекті балуанымыз жарыс жолында Каллум Виллиам Нокс (Канада) пен Владислав Козловты мерзімінен бұрын жеңсе, жартылай финалда Шамил Имам Гаджалиев (7:4) айтарлықтай қарсылық танытты. Ал финалда Иран спортшысы Махди Морафахтан 11:6 есебімен басым түсті.«Әлем чемпионы атану – кез келген спортшының арманы, мақсаты. 20 жасымда үшінші рет жаһандық додада қазақтың көк туын желбіреткеніме қуаныштымын. Өкінішке қарай Париж Олимпиадасына бару бұйырмады. Бірақ 20 және 23 жасқа дейінгі Әлем чемпионатына барып та, топ жардым. Бұл жерде де өзіндік мықты бәсекелестік бар. Жеңемін деген мақсатым болды. Енді ең биік тұғырдан көріну – мен үшін үлкен қуаныш. Ал жарыс жолындағы ең мықты қарсылас ретінде финалдағы Иран спортшысы Махди Морафахты айтар едім. Себебі бұл елдің спортшылары әлемде мықтылардың қатарынан саналады әрі жанкүйерлер менен тек қана жеңіс күткендіктен, психологиялық қысым болды», - деді Ризабек Айтмұхан эмоциясымен бөлісіп.Осылайша, 2024 жылы түпкілікті 97 келіге ауысқан Ризабек Айтмұхан ірі жарыстар саналатын Азия чемпионатында күміс, U20 және U23 жасқа дейінгі Әлем чемпионатында бірінші орынға ие болды. Ақпарат көзі : https://www.gov.kz/memleket/entities/astana/press/news/details/873955

Қарасай ауданы, Қаскелең қаласы, «Қарлығаш» тұрғын-үй кешенінде әлеуметтік осал топтағы санаты бойынша отбасыларға пәтер кілттерін табыстау рәсімі өтті.Қазақстан Республикасы Үкіметінің «Тұрғын үй-коммуналдық инфрақұрылымды дамытудың 2023 - 2029 жылдарға арналған тұжырымдамасын бекіту туралы» қаулысына сәйкес, республикалық және жергілікті бюджеттен «Халықтың әлеуметтiк жағынан осал топтар» санаты бойынша сатып алу құқығынсыз жыл басынан Қарасай ауданы, Қаскелең қаласы, Жазира көшесінен "Қарлығаш" тұрғын үйінен жалпы саны 30 үйдің кілті табыс етілген болатын. Бүгін жүйелі жұмыстар жалғасын тауып, мемлекеттік тұрғын үй қорынан баспанаға мұқтаж кезекте тұрған 10 отбасыға пәтерлер кілті табыс етілді.Ақпарат көзі : https://www.gov.kz/memleket/entities/almobl/press/news/details/871544

Алматы облысында Республика күніне арналған салтанатты іс-шаралар өтіп жатыр. Мемлекеттік мерекенің маңызы ерекше, себебі ол Қазақстанның егемендігіне жол ашқан тарихи оқиғаларды еске салып, ел бірлігін нығайтуға ықпал етеді. Президент Қасым-Жомарт Тоқаев атап өткендей, «Республика күні – халқымыздың рухын көтеріп, елдігімізді нығайтатын, бірлігімізді бекемдеп, ынтымағымызды арттыратын айшықты мереке».1990 жылғы 25 қазанда «Егемендік туралы» декларацияның қабылдануы Қазақстанның тәуелсіздікке деген ұмтылысының алғашқы қадамы болды. Бұл маңызды құжат еліміздің мемлекеттік рәміздерін, шекарасын, азаматтығын және халықаралық қатынастардағы дербестігін айқындап, еліміздің егемендігін ресми түрде мәлім етті. Сол тарихи оқиға Қазақстанның тәуелсіздікке қарай бет алуын қамтамасыз етіп, бүгінде Республика күні ретінде жыл сайын атап өтілуде.Алматы облысының тұрғындары да бұл мерекені мақтанышпен қарсы алуда. Облыс орталығы Қонаев қаласында өткізілген салтанатты жиынға өңірдің Құрметті азаматтары, ел тәуелсіздігіне куәгер болған ардагерлер қатысты. Олардың арасында Ызғарбек Бектұрсынұлы, Серік Кәтенұлы, Әлихан Әбдіханұлы және Нұрлан Ильясұлы бар. Бұл тұлғалар сол кезеңнің куәгерлері ретінде жастарға үлгі боларлық тарихты баяндауда.Экономикалық дамудың жаңа белестері Алматы облысы тәуелсіздік жылдары еліміздің әлеуметтік-экономикалық дамуына айтарлықтай үлес қосты. Биылғы жылдың алғашқы 9 айында өңір экономикасына 615,0 млрд. теңге инвестиция тартылып, бұл көрсеткіш өткен жылмен салыстырғанда 32,8%-ға артты. Өнеркәсіп өндірісінің көлемі 1,4 трлн. теңгеге жетсе, ауыл шаруашылығының жалпы өнімі 480,6 млрд. теңгеге бағаланып, 1,9%-ға өсті. Құрылыс саласында да қарқын байқалады: 243,8 млрд. теңге көлемінде құрылыс жұмыстары орындалып, 777,1 мың шаршы метр тұрғын үй пайдалануға берілді. Жалпы, экономиканың әртүрлі салаларында 45 мыңнан астам жаңа жұмыс орны құрылды, оның ішінде 33,6 мыңнан астамы тұрақты жұмыс орындары.Тәуелсіздік жылдары бойы елдегі ұлтаралық татулықты сақтау, қоғамдық келісімді нығайту – Қазақстанның басты жетістіктерінің бірі. Бүгінгі таңда халықтың бірлігі мен ынтымағы мемлекет дамуының іргетасын қалап, Қазақстанның саяси және экономикалық салалардағы жетістіктеріне негіз болып отыр. Алматы облысының бұл бағыттағы жетістіктері де республика бойынша үлгі аларлықтай.-“Республика күні – тек мереке ғана емес, әрбір азамат үшін өткеннің маңызды беттерін еске түсіретін, еліміздің болашағына сенім артатын күн. Алматы облысы биылғы жылы да бұл мерекені лайықты түрде атап өтуде, әрі алдағы уақытта да облыстың дамуына жаңа серпін беретін жобаларды жүзеге асыруды жоспарлап отыр”, - деді Марат Сұлтанғазиев өз сөзінде.Салтанатты шара барысында мемлекеттік және қоғамдық қызметтегі cіңірген еңбегі, елдің әлеуметтік-экономикалық және мәдени дамуына қосқан елеулі үлесі үшін«Білім және ғылым қызметкерлерінің «Демеу» Алматылық жергілікті кәсіподағының төрағасы - Естенов Тоққожа «Парасат» орденімен марапатталды. Сонымен қатар облысымыздың бірталай азаматтары «Құрмет», III дәрежелі «Еңбек даңқы» орденімен, «Ерен еңбегі үшін», «Шапағат» медалдарымен, жалпы 30-дан астам азаматқа мемлекеттік наградалар табыс етілді.«Алматы облысының құрметті азаматы» атағы Жамбыл ауданынының еңбек ардагері - Әмірғалиев Орынтай Қырғызбайұлына, Еңбекшіқазақ ауданы, «Жақыпбек» ШҚ төрағасы - Даутқұлов Аянбекке, Іле-Алатау мемлекеттік ұлттық табиғи паркінің бас директоры - Қонақбаев Айбек Сапарбекұлына берілді.Салтанатты іс-шарада мерекелік концертпен жалғасты. Жалпы облыста Республика күніне орай 170-тен астам нысанда іс-шара ұйымдастырылуда.Ақпарат көзі : https://www.gov.kz/memleket/entities/almobl/press/news/details/871617

Ақдала ауылында жаңа фельдшерлік-акушерлік пункттің ашылуы — ауыл өмірінде жаңа бір кезеңнің бастамасы. Бұл нысанның құрылысын «ГрадСтройСервис» ЖШС жүзеге асырды, ал оның жалпы құны 195 млн 148 мың теңгені құрайды.Ауыл тұрғындары үшін күтпеген қуанышты хабар жетті: жаңа фельдшерлік-акушерлік пункттің есігі ашылып, тұрғындардың игілігіне қызмет көрсетуге дайын. Өткен жылы басталған құрылыс жұмыстарының нәтижесінде, бұл ғимарат қазіргі заманның барлық талаптарына сай келетін медициналық құрал-жабдықтармен жабдықталған. Бір ауысымда 30 адамды қабылдай алатын пункт, ауылдағы медициналық көмекке деген қажеттілікті толықтай қанағаттандыру үшін ашылды.Фельдшерлік-акушерлік пункттің ашылуында сөз сөйлеген Балқаш ауданының әкімі А.Құтпанбетов: Еліміздің Президенті өз Жолдауында денсаулық сақтау саласына ерекше көңіл бөліп отыр. Ауданымыздың денсаулық сақтау жүйесі де үнемі нығайтылып келеді. Салаға бөлінетін қаржы да жылдан жылға артып, аудандағы емдеу мекемелерінің материалдық-техникалық базасы да жаңартылуда. Бүгінгі жаңа ғимараттарыңыз құтты болсын! Халықтың игілігіне қызмет ете берсін. Мұнда жұмыс істейтін ақ халатты абзал жандардың да жұмысына табыс, абырой тілеймін! Аналар мен балалардың, жалпы ауыл халқының денсаулығын нығайтуда аянбай еңбек етіп, ел сенімін ақтай беріңіздер», -деді.Ауылдағы әйелдер мен балаларға арналған медициналық қызметтердің сапасы, жаңа пункттің арқасында айтарлықтай жақсарады. Мұнда тәжірибелі мамандардың және заманауи құрал-жабдықтардың болуы, тұрғындарға жедел әрі сапалы медициналық көмек көрсетуге мүмкіндік береді. Ауыл тұрғындарының денсаулығын сақтау мен нығайту, әсіресе, ауылдық жерлерде аса маңызды.Жаңа пункттің ашылуы — тек медициналық қызмет көрсету ғана емес, сонымен қатар ауылдың әлеуметтік-экономикалық дамуына да оң әсер ететін ерекше оқиға. Тұрғындар уақытылы медициналық көмек алып, денсаулықтарын бақылауда ұстай алады. Ауылдың тыныс-тіршілігіне жаңалық енгізіп, тұрғындардың өмір сапасын арттыруға бағытталған бұл жоба, мемлекет пен жеке сектордың бірлескен жұмысының жемісі болып табылады.Ақдала ауылының тұрғындары үшін, жаңа фельдшерлік-акушерлік пункт — денсаулық сақтау саласындағы тың серпін, ауылдың дамуында жаңа мүмкіндіктердің бастауы. Осының нәтижесінде, ауыл тұрғындарының денсаулығын сақтау мен нығайту жолында жаңа мүмкіндіктер туындайды. Жаңа пункттің есігі ауылға үміт сыйлап, тұрғындардың денсаулығын жақсартуға бағытталған маңызды қадам болып табылады.Ақпарат көзі : https://www.gov.kz/memleket/entities/almobl/press/news/details/871687

Республика күні қарсаңында Райымбек ауданындағы Көміршіде медициналық пункт есігін ашты — бұл ауыл тұрғындарының денсаулығы мен әл-ауқаты үшін маңызды оқиға. Ел игілігіне берілген бұл нысан, «Amanat» партиясының сайлауалды бағдарламасы аясында жүзеге асырылып, жалпы құны 118 239 464,34 теңгені құрайды.Медициналық пункттің жобаланған аумағы 3000 м²-ді қамтиды, оның ішінде ғимараттың құрылыс алаңы 288,55 м², көгалдандыру аймағы 1445,06 м², ал қаптау аймағы 1266,39 м² болады. Жаңа ғимараттың тікбұрышты пішіні, бір қабатты және жертөлесіз салынған. 13х18 м өлшемдерімен салынған пункт, өзінің жайлы бөлмелерімен және заманауи инфрақұрылымымен ерекшеленеді.Ғимараттың ішіне кіргенде, көз алдымызға заманауи медициналық жабдықтар мен жылулық шуағы шашылған кең бөлмелерді көрдік.Мұнда орта медицина қызметкерлерінің кабинеті, егу кабинеті, процедуралық кабинет, акушерлік қабылдау кабинеті, мүгедектер мен келушілерге арналған санитарлық тораптар, дәріхана пункті, қызметкерлерге арналған гардероб және жуу бөлмелері, сондай-ақ медициналық қалдықтарды уақытша сақтау және құралдарды дезинфекциялау мен дайындау бөлмелері бар.Әр бөлмеде санитарлық талаптарға сай раковиналар орнатылып, қызмет көрсету сапасы мен тазалыққа ерекше көңіл бөлінген. Бұл жаңа медициналық пункт, ауыл тұрғындарына алғашқы медициналық көмек көрсетуді жақсартуға, сондай-ақ аймақтағы денсаулық сақтау қызметтерінің сапасын арттыруға арналған.Көмірші ауылының тұрғыны Е.Нурмуханбетов: «Биылғы жыл біздің ауылымыз үшін өте табысты да қуанышты жыл болды. Ауылымызда көптің көңілінен шығатын еңсесі биік фельдшерлік амбулаториялық пункт салынды. Ел игіліне пайдалануға беріліп, қуанышымыз еселену де. Жеке-жеке кабинеттер заманауи техникалармен жабдықталған. Заман талабына сай соңғы үлгідегі салынған кешенде ем алушылар да халық та ризашылығын білдіруде. Егемен еліміздің болашағы жарқын болатынына зор сенімдімін»,-деп ризалық сөзін айтты.Көмірші ауылының жаңа медициналық пункті — бұл тек ғимарат қана емес, сонымен қатар ауыл өміріндегі жаңа серпін. Көгалдандырылған аумақ, жасыл желектер мен гүлдердің иісімен толып, келушілер мен медициналық қызметкерлер үшін қолайлы жағдайлар жасайды. Мұнда әрбір тұрғынның денсаулығына көңіл бөлініп, жедел және сапалы медициналық көмек алуға мүмкіндік туады.Ауылдағы мектепте мұғалім болып істейтін Қ.Асанбаева: «Көмірші ауылында көптен күткен қуаныш орын алды. Тұрғындардың талап-тілегі мақұлданып, үстіміздегі жылы ауыл тұрғындарына арналған медициналық пункттің құрылысы аяқталып, пайдалануға берілді. Тұрғындар өз ауылынан осындай әлеуметтік нысанның ашылғанына дән риза. Ең бірінші адамның денсаулығы жақсы болуы керек. Ол үшін ақ халатты абзал жандар аянбай еңбек етеді деген сенім мол. Міне, бүгін тәуелсіздіктің ақ таңы атқан күні қуаныштың үстіне қуаныш қосылуда. Мерекелеріңіз құтты болсын! Тәуелсіздігіміз тұғырлы болып, еліміз тыныш, жұртымыз аман болсын»,- деген ізгі ниетін білдірді.Осылайша, Көмірші ауылындағы жаңа медициналық пункт, ауыл тұрғындарының денсаулығын жақсартуға бағытталған маңызды қадам болып табылады. Бұл нысан — елдің денсаулық сақтау саласындағы жаңалықтар мен жетістіктерінің жарқын үлгісі, ауылдағы өмірдің сапасын арттыруға арналған сенімді бастама.Ақпарат көзі : https://www.gov.kz/memleket/entities/almobl/press/news/details/871758

2024 жылдың 25 қазанында Еңбекшіқазақ ауданы, Ащысай ауылында көптен күткен 50 орындық заманауи спорт кешенінің ашылу салтанаты өтті. Бұл оқиға, жергілікті инфрақұрылымды дамытудағы елеулі қадам болып табылады және облыс тұрғындарының спортпен шұғылдануына, белсенді демалысқа жаңа мүмкіндіктер ашады.Айтулы оқиғаға ат басын тіреген Алматы облысы әкімінің орынбасары Нұржан Құдайбергенов: "Жаңа спорт кешенінде халқымызды әлемге танытар атақты чемпиондар шығуына тілектеспін! Бұл ғимарат саналы ұрпақ тәрбиелеп, саламатты ұлт қалыптастыратын орталыққа айналатыны сөзсіз! Тәуелсіз еліміздің көк туын биікте ұстар ұландарымыз көп болғай!", - деп жылы лебізін білдірді.Спорт кешені Алматы облысы құрылыс басқармасының тапсырысымен салынды, ал бас мердігері — «СМУ Шығыс» ЖШС. Кешеннің құрылысы 2023 жылы басталып, бір жарым жыл ішінде спорттық шараларды ұйымдастыруға қойылатын барлық талаптарға сай заманауи нысанға айналды. Спорт кешенінің жалпы ауданы 1538,6 м², оның ішінде бокс, күрес, волейбол, баскетбол, футбол және гандбол залдары бар.Құрылыстың жалпы құны 907, 2 млн теңге болды. Жаңа спорт кешенінің ашылуы тек жаңа жұмыс орындарын ашып қана қоймай, жергілікті тұрғындардың өмір сүру сапасын да айтарлықтай жақсартуға ықпал етеді. Кешен, ауыл тұрғындары мен жастардың денсаулығын нығайтуға, дене шынықтырумен айналысуға арналған спорт түрлерімен шұғылданатын орталыққа айналмақ.Сонымен қатар, спорт кешені жастар мен ересектер арасында спортты насихаттауға арналған жарыстар, оқу-жаттығулар және басқа да іс-шараларды өткізу үшін идеалды алаң болып табылады. Бұл жағдай, дене белсенділігінің қоғамдағы маңыздылығын және оның жалпы әл-ауқатқа тигізетін оң әсерін айқын көрсетеді.Ащысайдағы жаңа спорт нысаны жергілікті тұрғындарды қуанышқа бөлеп қана қоймай, Алматы облысының спорт инфрақұрылымын жақсартуға бағытталған маңызды қадам болып табылады. Спорт кешенінің ашылуы ауылда спорт пен белсенді өмір салтын табысқа жеткізу үшін жаңа мүмкіндік береді, бұл ауылдың болашағы үшін жасалған жарқын да нық қадам болып отыр.Ақпарат көзі : https://www.gov.kz/memleket/entities/almobl/press/news/details/871903

Бүгін, Республика күні мерекесінде, Еңбекшіқазақ ауданының Есік қаласындағы Ту тұғыры жанындағы Мемлекеттік рәміздер алаңында, Мемлекеттік Ту көтеру салтанатты рәсімі өтті. Отансүйгіштік пен мақтаныштың символы болып табылатын бұл айтулы оқиға Республика күнін мерекелеудің бастамасы ретінде ерекше мәнге ие болды.Салтанатты шараға мәслихат депутаттары, жергілікті әскери гарнизонның қызметкерлері, құқық қорғау органдарының өкілдері, зиялы қауым және аудан тұрғындары қатысты. Олардың барлығы азаматтық келісімді, ұлттық бірлікті және ел тағдыры үшін жауапкершілікті білдіретін осы маңызды күнді, бірге атап өтуді мақсат етті.Алматы облысы әкімінің орынбасары Нұржан Құдайбергенов сөзінде: «Құрметті жерлестер, баршаңызды Республика күнімен шын жүректен құттықтаймын! 1990 жылы 25 қазанда еліміз мемлекеттік егемендік туралы Декларация қабылдап, тәуелсіздікке алғашқы қадам жасады. Осы уақыт ішінде Қазақстан қуатты, тұрақты мемлекетке айналды. Бірлік пен келісім – біздің басты байлығымыз. Қоғамдық келісімді сақтай отырып, біз жетістіктерімізді арттырып, жарқын болашақты қамтамасыз етеміз. Бүгінгі ту көтеру рәсімі – ұлттық рух пен патриотизмнің белгісі. Туымыз әрқашан биікте желбірей берсін!» – деді.Республика күнін мерекелеу – еліміздің өркендеуіне негіз болған құндылықтардың маңыздылығын көрсетеді. Бірлік пен келісім – ұлтымыздың басты тірегі. Осы бірліктің арқасында біз түрлі қиындықтарды жеңіп, болашаққа сеніммен қараймыз. Бұл күн – әр азаматтың жүрегінде отанға деген сүйіспеншілікті, патриотизм мен мақтаныш сезімін оятып, еліміздің тарихында жарқын беттерді ашуға жол сілтейтін ерекше сәт.Салтанат барысында Туымыздың желбіреуі – халықтың бірлігі мен тұтастығының белгісі, ал еліміздің болашағының жарқын болуы әрқайсымыздың ортақ міндетіміз.Ақпарат көзі : https://www.gov.kz/memleket/entities/almobl/press/news/details/871905

Жастардың «Таза Қазақстан» экологиялық бағдарламасын қолдауы қоршаған ортаны қорғауға және орнықты дамуға деген қызығушылықтың артып келе жатқанын айғақтайды. Облыс жастары сенбіліктер, экологиялық акциялар, білім беру науқандары және еріктілер жобалары сияқты түрлі іс-шараларға белсенді қатысады. Бұл экологиялық жағдайды жақсартуға көмектесіп қана қоймай, табиғатқа жауапкершілікпен қарауды қалыптастырады.Жергілікті билік пен қоғамдық ұйымдардың қолдауымен осындай іс-шараларды ұйымдастыру экология мен тұрақты даму саласындағы одан әрі күш-жігерге оң серпін береді. Мұндай белсенділік болашақта жалғасады, бұл аймақтың барлық тұрғындары үшін таза және сау орта құруға ықпал етеді.Іс — шараның негізгі мақсаты-қоршаған ортаны таза және әдемі ету арқылы өзгерту. Іс-шараға қатысушылар экологиялық мәселелерді шешуге және табиғатты қорғауға бағытталған, бұл өмір сүруге қолайлы жағдай жасау және болашақ ұрпақ үшін табиғи ресурстарды сақтау үшін маңызды.Жамбыл ауданында аймақ аумақтарын, қоғамдық орындарды, көшелерді, базарларды, су айдындарының жағалауларын санитарлық тазалау және абаттандыру жұмыстары жүргізілді. Іс-шараға 100-ден астам жергілікті жастар белсенді қатысты. Жастардың санитарлық тазалау мен абаттандыруға қатысуы қоршаған ортаны жақсартуға ғана емес, азаматтық жауапкершілікті қалыптастыруға да ықпал етеді. Мұндай іс-шаралар қоғамдастықты нығайтады және табиғатқа қамқорлық жасаудың маңыздылығына назар аударады. Мұндай іс-шаралар адамдар арасындағы байланысты нығайтады, қоғамдастық пен бірлескен мақсат сезімін тудырады.Сенбілік аяқталғаннан кейін қатысушылар челлендж ұйымдастырды, акцияға орайластырылған іс-шараларға 50-ден астам адам қатысты. Барлық іс-шаралар аяқталғаннан кейін қатысушыларға символдық сыйлықтар табыс етілді, бұл экологиялық оқиғаның жағымды аяқталуына және мерекеге көңілге мотивация берді. Бұл іс-шара экологиялық жауапкершіліктің маңыздылығына назар аударуға көмектеседі және адамдарды өз елді мекендерінде тазалықты сақтау бойынша тұрақты күш-жігерге шабыттандырады.«Таза Қазақстан» бағдарламасын қолдау мақсатында Алматы облысы Азаматтық альянсының төрағасы Досалы Балжан сөз сөйледі.«Біздің жердің тазалығы, табиғаттың сұлулығы-үлкен құндылық. Баршаңызды «Таза Қазақстан» экологиялық бағдарламасын қолдауға шақырамын» -деп атап өтті Досалы Балжан.«Таза Қазақстан» республикалық бағдарламасына мемлекеттік мекемелер, жеке ұйымдар, шаруа қожалықтары, жастар, волонтерлік және үкіметтік емес ұйымдар белсенді қатысуда.Ақпарат көзі : https://www.gov.kz/memleket/entities/almobl/press/news/details/872693

Ағымдағы жылы Алматы облысында ауыл шаруашылығы дақылдарының егіс алаңы 419,5 мың гектарды құрады, бұл өткен жылғы 457,4 мың гектармен салыстырғанда 8,2%-ға азайған. Дәнді және масақты дақылдар 112,0 мың гектарды, жүгері 50,4 мың гектарды, күріш 6,7 мың гектарды, майлы дақылдар 23,7 мың гектарды, картоп 10,4 мың гектарды, көкөніс 15,6 мың гектарды, бақша дақылдары 1,8 мың гектарды, ал азықтық дақылдар 198,4 мың гектарды қамтиды.2023 жылы дәнді дақылдарды жинау алаңы 169,2 мың гектарды құрады. Қазіргі таңда 119,1 мың гектар жиналып, 271,2 мың тонна астық бастырылды. Жүгеріден 28,4 мың тонна, күріштен 18,5 мың тонна, майлы дақылдардан 20,5 мың тонна өнім алынды. Картоп өнімділігі 242,1 ц/га, көкөніс өнімділігі 250,8 ц/га деңгейінде болды.Облыста жалпы сақтау көлемі 128,6 мың тонна болатын 71 жеміс-көкөніс және картоп қоймасы бар. 55 жылыжай шаруашылығы жұмыс істейді, оның 20-сы өнеркәсіптік бағытта. Жылыжай шаруашылықтарын дамыту маусымаралық кезеңде жаңа көкөністермен қамтамасыз етуге бағытталған.Күзгі дала жұмыстарын жүргізу үшін 5 454 тонна дизель отыны бөлініп, оның 1 311,5 тоннасы ауыл шаруашылығы тауарын өндірушілерге жеткізілді. Техникалар саны 10,7 мың бірлікті құрайды, оның 61,4%-ы 25 жылдан астам уақыт пайдаланылуда.Мал шаруашылығында ірі қара мал саны 639,9 мың басты, ұсақ мал 2,8 млн. басты, жылқы 233,9 мың басты, құстар 9,7 млн. басты құрады. 2023 жылдың қаңтар-тамыз айларында ет өндірісі 160,4 мың тоннаға жетіп, 15,7% өсті. Сүт өндірісі 189,2 мың тоннаға, тауық жұмыртқасы 340,1 млн. данаға жетті.Облыстағы суармалы жер көлемі 270,5 мың гектарды құрайды, суару желілерінің жалпы ұзындығы 9,4 мың шақырым. 2023 жылы 3 суару желісін жаңарту жұмыстарына 3,5 млрд теңге бөлініп, нәтижесінде 17,9 мың гектар пайдаланылмай жатқан суармалы жер айналымға енгізіледі.Су үнемдеу технологияларын енгізу жоспары 42,6 мың гектарға бағытталған, қазіргі таңда 38,0 мың гектар аумақта енгізілді.2024-2026 жылдарға арналған агроөнеркәсіп саласындағы инвестициялық жобалар бойынша Жол картасы әзірленді. 2023 жылы 7,1 млрд теңгеге 10 инвестициялық жоба іске асырылмақ.«Ауыл аманаты» бағдарламасы аясында 8,3 млрд теңге бөлініп, 1 090 шағын несие берілді. Ағымдағы жылы Алматы облысында 17,6 млрд теңге қарастырылып, 2 514 шағын несие беру жоспарланған, нәтижесінде 4 002 жаңа жұмыс орны ашылады.Мемлекеттік қолдау мен инвестициялар ауыл шаруашылығы мен мал шаруашылығын дамытуға, өнімділікті арттыруға, жаңа технологияларды енгізуге мүмкіндік береді. Бұл ауыл халқының табысын арттыруға оң әсер етеді. «Әр әкім ауыл шаруашылығының өкілдерімен мемлекеттік құрылымдардың арасындағы көпір сынды болуы керек. Ауылдық округтердің әкімдіктері ауыл шаруашылығы өнімдерін өндірушілердің сұрақтарына жауап беріп, субсидиялар алу жолында көмек көрсететін консалтингтік орталық ретінде жұмыс істеуі керек. Тығыз қарым-қатынас болса, ауыл шаруашылығы сөзсіз дамиды», – деді Марат Сұлтанғазиев. Ол жергілікті өзекті мәселелерді облыстық және республикалық деңгейде көтеру және шешу, ауылдық округ әкімдері қызметін бағалаудың бір бағыты ретінде атап өтті.Сонымен қатар, Алматы облысы әкімінің тапсырмасына сәйкес, барлық ауылдық округтердің ғимараттарында субсидиялар және басқа да мемлекеттік қолдау шаралары жөнінде ақпараттық стендтер орнатылған.Ақпарат көзі : https://www.gov.kz/memleket/entities/almobl/press/news/details/872701

Алматы облысында қала құрылысы бастамалары белсенді түрде жүзеге асырылып, 373 елді мекенді, соның ішінде жаңадан құрылған Алатау қаласын қамтиды.Ұйымдастыру шаралары аясында қоғамдық тыңдаулар өткізіліп, бірнеше елді мекендердің қала құрылысы құжаттамасы бекітілді. Атап айтқанда, Алмалыбақ, Қошманбет, Қырғауылды, Қаскелең және Елтай ауылдарының бас жоспарлары 2024 жылдың ақпан айының басында жергілікті өкілді органдармен сәтті бекітілді.Қазақстан Республикасы Президенті Әкімшілігінің тапсырмасы бойынша, сондай-ақ ауылдық аумақтарды дамытудың 2023–2027 жылдарға арналған тұжырымдамасы аясында 51 қала құрылысы құжаттамасын әзірлеу және түзету бойынша келісімдер жасалды. Бұл елді мекендердің, соның ішінде саяжай аумақтарының бас жоспарларын әзірлеуді қамтиды. Кеген ауданындағы Саты және Жалағаш ауылдарының бас жоспарларын түзету бойынша жұмыстар да жүргізілуде.Сонымен қатар, Алатау қаласының шығыс бөлігін жоспарлау жобасы әзірленуде, бұл өңірге инвестиция тарту стратегиясының бір бөлігі. Индустрия және инфрақұрылымдық даму министрінің бұйрығына сәйкес, 2024 жылдың 25 қыркүйегі мен 18 қазаны аралығында қала құрылысы жобаларының қоғамдық талқылаулары өткізілді. 2024 жылдың мамырында Үкімет қаулысымен Алатау қаласының бас жоспары бекітіліп, цифрлық деректер базасы «ГосГрадкадастр» РММ-ға тапсырылды.Алматы агломерациясын аумақтық дамытудың өңіраралық схемасы бекітіліп, әртүрлі аумақтарды біріктіру мен сауатты басқарудың маңыздылығы атап өтілді. Қонаев қаласының бас жоспарын түзету үшін қосымша келісімдер жасалды.Мемлекет басшысы мен Премьер-Министрдің индустриялық логистикалық хаб жобасын іске асыру жөніндегі тапсырмасы аясында Алатау қаласының негізгі аймақтарын жобалауға бюджеттік өтінімдер жолданды. Қала құрылысы құжаттамасын жаңарту бойынша жұмыс жалғасуда, бұл ретте талаптар мен стандарттардың сақталуына баса назар аударылуда. Алматы облысының прокуратурасымен бірлескен тексерулер нәтижесінде жергілікті атқарушы органдардың қызметіне қатысты қорытындылар жасалды, бұл қала құрылысы жобаларын іске асыру барысын бақылау мен талдауды жетілдіреді.Алматы қаласы мәслихатының депутаттарына Алматы агломерациясының схемасын таныстыру — қала құрылысы бастамаларын талқылау және жүзеге асыру үшін маңызды қадам. Ветеринария басқармасымен бірлесіп жерлеу орындарын талдау және картаға түсіру бойынша таныстыру сапарлары да ұйымдастырылуда, бұл қала құрылысы саясатын нығайтуға септігін тигізеді.Алматы облысының қала құрылысы басты назарында болып, халықтың өмір сүру сапасын жақсарту және өңірдің тұрақты дамуы үшін жаңа мүмкіндіктер ашады.Ақпарат көзі : https://www.gov.kz/memleket/entities/almobl/press/news/details/873368

99220 әскери бөлімінің аумақтық қорғаныс бригадасы 2024 жылдың есепті кезеңінде негізгі іс-шаралар жоспарына сәйкес жыл қортындысына орай әскери бөлімнің дайындығына тексеріс өткізді.Қорытынды тексеру нәтижелері бойынша бригаданың жауынгерлік дайындық жағдайы, бригаданы басқарудың дайындық деңгейі, техникалық (арнайы) дайындық, оқ ату дайындығы, дене шынықтыру дайындығы, жалпы әскери жарғылар бойынша теориялық білім дайындығы, радиациялық, химиялық және биологиялық қорғау дайындығы мен бөлімшенің үйлесімділік деңгейі анықталып «жақсы» деген бағамен бағаланды.Ақпарат көзі : https://www.gov.kz/memleket/entities/almobl/press/news/details/873485

Алматыда «Бірыңғай бейнемониторинг жүйесі» (ББЖ) жобасын жүзеге асыру жалғасып келеді. Бұл туралы қаланың цифрландыру басқармасы мен Алматы әкімдігінің жобалық кеңсесі хабарлады.ББЖ жобасының негізгі міндеті – қаладағы барлық бейнебақылау камераларын бір платформаға біріктіріп, түрлі тапсырмаларға арналған бейнеағындарды көп мәрте пайдалану және нақты уақыт режимінде бейне талдау қалыптастыру.Бейне талдау түтінді, отты, қалған заттарды, табиғи және техногендік сипаттағы төтенше оқиғаларды, киімді, жынысты және бет-әлпетті тану және т.б. негізінде қалыптасады.Қазіргі уақытта 603 мемлекеттік және 906 жеке нысан бейнеағындарын ББЖ-ға қосу жұмыстары жүргізілуде.Бүгінде Бірыңғай бейнемониторинг жүйесіне 45 мың бейнекамера қосылған.Биыл екінші тоқсанда «Сергек» зияткерлік қауіпсіздік жүйесінің қосымша 300 аппараттық-бағдарламалық кешені орнатылды.Айта кетейік, қалада 9034 бейнекамерадан тұратын 1641 «Сергек» кешені жұмыс істеп тұр.Ақпарат көзі : https://www.gov.kz/memleket/entities/almaty/press/news/details/872516

Алматыда мегаполистің агломерациямен көлік байланысын арттыру аясында қала маңындағы қоғамдық көлік маршруттары ашылып жатыр.Осылайша, 28 қазаннан бастап №237, №257 және №258 маршруты іске қосылды, ал 1 қарашадан бастап №239 маршруты іске қосылады деп жоспарланып отыр.№237 «Барлық базары – Қаратөбе ауылы» бағытындағы маршрутта үлкен сыйымдылықтағы 5 автобус қызмет көрсетеді. Маршруттың жұмыс басталу уақыты – 5:30, аяқталу уақыты – 23:05. Тасымалдаушы – «Қаскелең автобус паркі» ЖШС.№257 «№7 қалалық аурухана – Еңбекші ауылы» бағытындағы маршрутта да үлкен сыйымдылықтағы 5 автобус қызмет көрсетеді. Маршруттың жұмыс басталу уақыты – 5:30, аяқталу уақыты – 23:01. Тасымалдаушы – «Қаскелең автобус паркі» ЖШС.№258 «Жетісу базары – Өстемір ауылы» бағытындағы маршрутта 2 автобус қызмет көрсетеді. Маршруттың жұмыс басталу уақыты – 5:40, аяқталу уақыты – 22:01. Тасымалдаушы – «Самат-Транс» ЖШС.№239 «Б. Момышұлы метро бекеті – Долан ауылы» бағытындағы маршрутта 18 автобус қызмет көрсетеді. Маршруттың жұмыс басталу уақыты – 5:30, аяқталу уақыты – 23:01. Тасымалдаушы – «Neo City Trans» ЖШС.Автомобиль көлігімен жолаушылар мен багажды тасымалдау ережесіне сәйкес, бұл маршруттар конкурстар өткізілгенге дейін тасымалдаушыларға берілді және тестілік режимде жұмыс істейтін болады. Соның нәтижесінде жолаушылар легі мен халықтың қажеттілігі ескеріліп, қозғалыс схемаларына өзгерістер енгізіледі.Естеріңізге сала кетейік, былтыр шаһар басшысы Ерболат Досаевтың тапсырмасымен әкімдік 600 автобус пен 100 троллейбус сатып алып, 22 жаңа маршрут, оның ішінде 10 қала маңындағы бағыт ұйымдастырып, 50-ге жуық елді мекенді қамтыды. Биыл тағы 600 автобус, 112 троллейбус және 100 электроавтобус сатып алу жоспарланып отыр.Ақпарат көзі : https://www.gov.kz/memleket/entities/almaty/press/news/details/872517

Алматыда 27 қазанда түнгі сағат 3-тен бастап жаңбыр жауа бастады, ол 28 қазан күнгі кешкі сағат 5-ке дейін жалғасады.Қалада 12 мм жауын-шашын, Каменское платода 23 мм жауын-шашын болды.28 қазандағы жағдай бойынша Алматыда қазан айында 61 мм түсті, айлық нормасы 50 мм, бұл 122%-ды құрайды.ТЖ-дың жедел кезекшісінің ақпараты бойынша басып қалу фактісі тіркелген жоқ.Ықтимал су басып қалудың алдын алу және жою мақсатында мотопомпалармен, багралармен және басқа да қажетті құралдарымен жабдықталған 42 жедел мобильді бригаданың кезекшілігі ұйымдастырылды. Арық өткелдеріндегі кездейсоқ қоқыстардың барлық кептелістері 15-20 минут ішінде жойылады.470 бірлік арнайы техника мен 1020 жол жұмысшысы жұмылдырылды, 2,1 мың қап құм дайындалды.«Қазгидромет» РМК ақпараты бойынша бүгін кешке дейін қалада биіктігі 8 мм-ге дейін жаңбыр жауады, сағат 11-ге дейін қатты жауын болады, кейін біртіндеп бәсеңдей. Тауларға қар түседі. Солтүстік-шығыс жел 3-8 м/с. ауа температурасы +6...+ 8°С.Алматы қаласының коммуналдық инфрақұрылымды дамыту басқармасыАқпарат көзі : https://www.gov.kz/memleket/entities/almaty/press/news/details/872519

Алматыда 18-24 қазан аралығында республикалық «Таза Қазақстан» бағдарламасы мен қалалық «Жарқын күз» науқаны аясында пластик ыдыстарды жинау бойынша «Plastic Reboot» акциясы өтті. Бір апта ішінде қала тұрғындары экологиялық жағдайды жақсартуға деген қызығушылықтарын білдіріп, 26 950 дана пластик тапсырды. Әсіресе, Жетісу және Алмалы аудандарының тұрғындары белсенділік танытты.«Plastic Reboot» акциясы қайта өңдеу идеясын насихаттауға және қоқысты бөлек жинау мәдениетін қалыптастыруға бағытталған. Науқан барысында жиналған пластик қайта өңдеуге жіберіліп, табиғатқа кері әсерін тигізетін пластик қалдықтарының көлемін азайтуға мүмкіндік береді.Сондай-ақ, қалада пластик бөтелкелердің қақпағын жинау бойынша «Мейірімді қақпақ» акциясы жалғасуда, ол қаладағы оқу орындарында өтуде. Акция осы жылдың желтоқсанына дейін жалғасады, оған балабақша тәрбиеленушілері, оқушылар мен студенттер белсенді түрде қатысып отыр. Ұйымдастырушылар балалардың эко-жобада маңызды рөл атқаратынын айтады, себебі олардың қатысуы арқылы табиғатқа деген оң көзқарас жас кезінен қалыптасады.Қақпақтарды жинау нәтижесінде қайта өңделген пластиктен жасалған ерекше жаңажылдық шырша құру жоспарланып отыр. Бұл символикалық арт-нысан Жаңа жыл мерекелерінде қала алаңдарының біріне орнатылып, тұрғындардың назарын қайта өңдеудің және экологиялық өмір салтының маңыздылығына аударуға бағытталады.Ақпарат көзі : https://www.gov.kz/memleket/entities/almaty/press/news/details/873022