Шығыс Қазақстан облысының авариялық-құтқару қызметтері улы заттарды құю апатын жою дағдыларын шыңдады. Аңыз бойынша, теміржол цистернасының апаттық қысымын төмендету нәтижесінде сұйық аммиак төгіліп, улы газдың қауіпті бұлты пайда болды. Оқу-жаттығу орнында төтенше жағдайды жою штабы құрылды. Құтқарушылар тобы шартты зардап шеккендерді қауіпсіз аймаққа қорғауды және эвакуациялауды қамтамасыз етіп, жедел әрекет етті. Апаттар медицинасы орталығының филиалы шартты жарақат алған қызметкерлерге алғашқы медициналық көмек көрсетті.«ҚТЖ» АҚ мемлекеттік емес өрт сөндіру қызметімен бірлесіп, аммиак бұлтына тұндыру жүргізілді, аммиактың булануын болдырмау үшін көбік жастық жасалды және цистернаға авариялық бандаж орнатылды. Көліктегі санитарлық-эпидемиологиялық бақылау департаментінің қызметкерлері техника мен жеке құрамды өлшеу, топырақ іріктеу және газсыздандыру жұмыстарын жүргізді.Авариялық-құтқару қызметтерінің үйлесімді іс-қимылдары барысында төтенше жағдай жойылды. Улы сұйықтықтарды құю апаты болған жағдайда, іргелес аумақтағы аймақтардың газдануы орын алады, бұл объектінің жанында тұратын адамдарға қауіп төндіруі мүмкін. Шығыс Қазақстан облысының ТЖД бөлімшелер өз дағдыларын ғана емес, сондай-ақ осындай төтенше жағдайда қажетті теміржол және басқа да қызметтердің өкілдерімен өзара іс-қимылды пысықтады.Сондай-ақ, Қарағанды облысының ТЖД бөлімшелері теміржолда хлордың ағуы кезіндегі авариялық жағдай бойынша бірлескен іс-қимылдарды пысықтады. «ҚТЖ - Жүк тасымалы» - «ЖТ Қарағанды бөлімшесі» ЖШС базасында хлордың ағу салдырын жою, су пердесін орнату, өрт сөндіру пойызы сұйық хлордың бетіне көбік шашу арқылы бейтараптандыру, зарддап шеккендерге көмек көрсету, ықтимал улану аймағын анықтау және жеке құрам мен техниканы санитарлық тазалаудан өткізу бойынша іс-қимылдар жүргізілді. Жаттығу барысында аңыз бойынша орын алған төтенше жағдай толығымен жойылды. Жұмылдырылған қызметтер жинақы, жылдам әрі кәсіби әрекет етті. Ақпарат көзі : https://www.gov.kz/memleket/entities/emer/press/news/details/875572

Ақтөбе облысы Алға ауданының Алға қаласында қуаттылығы жылына 2 миллион тонна өнім шығаратын цемент зауыты салынады. Зауыт іске қосылса, 500-ден астам жұмыс орны құрылады.Өңір басшысы Асхат Шахаров Сингапур мен Қазақстан инвесторларымен кездесіп, жобаны әзірлеудің егжей-тегжейін, оның ішінде қаржыландыру мәселесін, құрылыс мерзімдері мен экологиялық стандарттарды талқылады.«Біз цемент зауытын салу жобасын іске асыру үшін қолдау көрсетуге дайынбыз. Кәсіпорын жергілікті нарықты сапалы цементпен қамтамасыз етіп, жаңа жұмыс орындарын құра отырып, өңірдің құрылыс саласын дамытуға елеулі үлес қосады. Сонымен қатар, бұл жобаны іске асыру қосымша инвестициялар тартады және біздің өңірдің экономикалық өсуіне ықпал етеді», - деп атап өтті инвесторлармен кездесуде Асхат Шахаров.Сондай-ақ, облыс әкімі бұл зауыттың батыс өңіріндегі қуаттылығы жылына 2 миллион өнімді құрайтын жалғыз ірі кәсіпорын болатынын, Ақтөбе өңірі үшін бірегей жоба екенін тілге тиек етті. Бүгінгі таңда тек Ақтауда жылына 800 мың тонна цемент өндіретін зауыт жұмыс істейді. Жаңа кәсіпорынның іске қосылуы цементке деген артып жатқан сұранысты қанағаттандырып қана қоймайды, сонымен қатар жергілікті құрылыс компаниялары үшін жаңа мүмкіндіктер ашады.Әкіммен кездесуде «Aktobecem» ЖШС құрылтайшысы Нұржан Шәкіров зауыт құрылысына инвесторлар 70 миллиард теңге өз қаражатын салуды жоспарлап отырғанын айтты. Кәсіпорында 500-ден астам жұмыс орны ашылады. Кадрларды іріктеу кезінде Алға ауданы және жалпы Ақтөбе облысының тұрғындарына басымдық берілмек.«Aqtobecem цемент зауытын іске қосу Ақтөбе облысында цемент өнімдеріне деген қажеттілікті 100% жабуға, сондай-ақ логистикалық шығындарды азайтуға және өнім бағасының маусымдық ауытқуын теңестіруге мүмкіндік береді. Бұдан бөлек, зауыт ағынды сулары жоқ қалдықсыз өндіріс, бұл оның экологиялық жауапкершілігінің деңгейі жоғарылығын көрсетеді», - деп Нұржан Шәкіров инвестициялық жобаның тартымдылығын сөз етті. Айта кету керек, осы жылдың тамыз айында Алға қаласындағы бұрынғы химзауыт алаңдарының бірінде символдық уақыт капсуласын салу салтанатты рәсімі өтті. Aktobecem құрылыс-монтаж жұмыстарын 2025 жылдың көктемінде бастауды жоспарлап отыр, ал цемент зауытын толыққанды іске қосу 2026 жылға жоспарланған.Ақпарат көзі : https://www.gov.kz/memleket/entities/aktobe/press/news/details/875356

Азаматтарды қабылдау орталығында Әділет вице-министрі Лаура Мерсалимова Астана қаласы, Қостанай және Қарағанды облыстарының тұрғындарын қабылдады.Қабылдауға келген азаматтар кейбір заңнамалық актілерге өзгерістер мен толықтырулар енгізуге қатысты бірқатар өзекті мәселелерді көтеріп, құқықтық реттеудің түрлі аспектілері бойынша өз сауалдарын қойды. Сондай-ақ адвокаттардың әрекетіне шағымдарын жеткізді.Сонымен қатар, азаматтар лицензия алудағы тестілеуге қатысты қызығушылық танытып, оның ашықтығы мен қолжетімділігіне қатысты өз сұрақтарын қойды.Азаматтардың өтініштерін тыңдаған Лаура Мерсалимова өз құзыреті шегінде түсіндірме жұмыстарын жүргізіп жауап берді.Кездесу қорытындысы бойынша вице-министр құрылымдық бөлімшелердің басшыларына тиісті тапсырмалар бердіАқпарат көзі : https://www.gov.kz/memleket/entities/adilet/press/news/details/875283

Әділет министрлігі құқықтарды ұжымдық негізде басқару мәселелеріне арналған халықаралық семинар өткіздіАқпарат көзі : https://www.gov.kz/memleket/entities/adilet/press/news/details/875284

Бүгін Алматы қаласында Дүниежүзілік зияткерлік меншік ұйымының (ДЗМҰ) қолдауымен ұйымдастырылған құқықтарды ұжымдық негізде басқару мәселелеріне арналған халықаралық семинар өтті. Іс-шара зияткерлік меншік саласындағы халықаралық және ұлттық сарапшыларды, мемлекеттік органдар мен халықаралық ұйымдардың өкілдерін, қоғамдық ұйымдар мен авторларды жинады.Семинар авторлардың, орындаушылардың және басқа да құқық иеленушілердің құқықтарын ұжымдық негізде басқаруға байланысты өзекті мәселелер мен сын-қатерлерді талқылауға бағытталған. Қатысушылар жаһандану және экономиканы цифрландыру жағдайында авторлық құқықты қорғау және ілгерілету тетіктерін талқылады.Семинарды Қазақстан Республикасының Әділет вице-министрі Ботагөз Жақселекова ашып, авторлар мен құқық иеленушілердің мәдениет пен креативті индустрияларды дамыту үшін әділ сыйақы алу құқығын қамтамасыз етудің маңыздылығын атап өтті.Семинарда ДЗМҰ сарапшысы Миюки Монроиг, Еуропалық одақтан Галатея Капеллакоу, Малайзиядан Нур Алиф Бин Муса, сондай-ақ құқықтарды ұжымдық негізде басқару ұйымдарының (ҚҰБҰ) өкілдерін қоса алғанда, құқықтарды ұжымдық негізде басқару саласындағы отандық мамандар сөз сөйледі.Қазақстан Республикасы Әділет министрлігінің Зияткерлік меншік құқықтары комитетінің төрағасы Шолпан Абдреева Қазақстандағы авторлық және сабақтас құқықтарды ұжымдық басқаруды реттейтін заңнаманың шолуын ұсынды. Ол осы институттың ерекшеліктеріне тоқталып, ҚҰБҰ-ның көптігі, ашықтықты арттыру және олардың тиімділігін күшейту сияқты өзекті мәселелерге назар аударды.Миюки Монроиг, ДЗМҰ-ның Авторлық құқықтарды басқару бөлімінің кеңесшісі, ұжымдық құқықтарды басқарудың әртүрлі модельдерін, сондай-ақ мүліктік құқықтарды басқаратын ұйымдарға қойылатын талаптарды атап өтті. Ол ДЗМҰ әзірлеген цифрлық өнімдер туралы, олар сыйақыларды бөлуді және төлеуді жеңілдетіп, процестерді ашық әрі тиімді етуге мүмкіндік беретінін айтты.Галатея Капеллакоу, Еуропа Одағының сарапшысы және зияткерлік меншік мәселелері бойынша аға заңгері авторлардың құқықтарын толық қамтамасыз ету үшін ҚҰБҰ-ның ашықтығы мен тиімділігін арттыру қажеттігін атап өтті. Ол сондай-ақ ЕО-ның ҚҰБҰ-ның қызметін реттейтін директиваларына және осы ұйымдарға деген сенімділікті арттыруға көмектесетін стандарттарға назар аударды.Нур Алиф Бин Муса, Малайзияның Зияткерлік меншік корпорациясының Авторлық құқық департаменті директорының көмекшісі, авторлық және ссабақтас құқықтарды пайдаланушылар тарапынан құқық иелеріне әділ сыйақы беру үшін дәл есептер ұсынудың маңыздылығын атап айтты. Ол сондай-ақ құқықтарды тиімді басқарудың негізгі аспектілерінің бірі болып табылатын ҚҰБҰ қызметінің ашықтығын арттыруға бағытталған шаралар туралы айттыКомпозиторлар Артық Тоқсанбай мен Алим Заиров композиторлардың құқықтарын қорғаудың өзекті мәселелерін көтерді. Олар көтерген тақырыптардың бірі кинофильмдер үшін арнайы музыка жасайтын авторлардың құқықтарын қамтамасыз ету, сондай-ақ олардың тиімділігін арттыру үшін бар ҚҰБҰ-ларды шоғырландыру қажеттілігі болды.Ботагөз Қалдаякова өз сөзінде ұжымдық басқару саласындағы мәселелерді қозғап, ұйымдардың қызметінің ашық еместігін, оның ішінде жалпы жиналыстарды өткізу мәселелеріне ерекше назар аударды.Осылайша, кездесуге қатысушылар барлық мүдделі тараптардың ашықтығына, тиімділігіне және мүдделерін қорғауға ерекше назар аудара отырып, құқықтарды ұжымдық басқару жүйесін реформалауға кешенді көзқарастың маңыздылығын атап өтті.Семинарда Қазақстандағы ұжымдық басқару жүйесін дамыту мен зияткерлік меншік құқықтарын қорғау заңнамасын жетілдіруге ерекше назар аударылды. Авторлық және сабақтас құқықтарды ұжымдық басқару саласындағы мәселелердің бірі – Қазақстанда 15 ҚҰБҰ-ның бар болуы. Қатысушылар ашықтықтың, құқықтарды басқарудағы цифрландырудың және авторлар мен құқық иелеріне сыйақыларды уақтылы әділ бөлу мен төлеудің маңыздылығын талқылады. Қазақстан аумағындағы 15 ҚҰБҰ қызметі авторлар мен құқық иелеріне, сондай-ақ кәсіпкерлер атынан пайдаланушыларға таңдауды қиындатады. ҚҰБҰ-ның алдында тұрған негізгі міндет, сыйақыны жинауды жүзеге асыру, авторлар мен құқық иелеріне сыйақыны уақтылы бөлу және төлеу. Бұл міндетті іске асыру авторларды жаңа туындылар жасауға және тұтастай алғанда мәдениетті дамытуға ынталандырудың кепілі болып табылады.Бұл сұхбат алаңы ұжымдық құқықтарды басқару жүйесін жетілдіру мен өңірдегі зияткерлік меншік құқықтарын дамыту жолындағы маңызды қадам болды.Ақпарат көзі : https://www.gov.kz/memleket/entities/adilet/press/news/details/875324

Астана қаласы 30 қазан күні Visit Astana туристік бренді ретінде Дүниежүзілік туристік альянстың (WTA) ресми мүшесі болды, деп хабарлайды елорда әкімдігінің ресми сайты.Астананың халықаралық ұйымға кіруі Қытайдың Хайнань провинциясының Санья қаласында 29 қазан мен 1 қараша аралығында өтіп жатқан WTA • Xianghu Dialogue 2024 халықаралық туристік форумы аясындағы WTA Annual Meeting аясында өтті.Астана WTA-ға кіру арқылы туризм саласындағы халықаралық ынтымақтастықты нығайтады және Қазақстан астанасының туристік әлеуетін жаһандық деңгейде дамыту үшін жаңа перспективалар ашады. 2024 жылы WTA-ға 22 жаңа ұйым қосылды.Астана Дүниежүзілік туристік альянстың жаңа мүшесі ретінде халықаралық туризмді дамыту және шетелдік қонақтарды тарту үшін жаңа мүмкіндіктер ашады, Қазақстанның әлемдік туристік аренадағы тартымдылығын арттыруға ықпал етеді.«Xianghu Dialogue 2024» форумы 1 қарашаға дейін жалғасады, оның барысында әлемнің 45 елінен келген туристік индустрия мен халықаралық ұйымдардың жетекші өкілдері қазіргі экономикалық үрдістер мен туризмнің жаңа бағыттарын талқылайды. Биылғы форум қатысушыларды туризм индустриясының қазіргі жағдайы мен даму перспективаларын талқылауға шақыратын «Geared Up for a New Venture – The Future is Now» тақырыбымен өтіп жатыр.Негізгі тақырыптарға мыналар жатады: туризмді тұрақты дамыту, халықаралық ынтымақтастықты нығайту, елдер арасындағы туристік өзара іс-қимылды кеңейту, сонымен қатар туристік индустриядағы инновациялар мен жасыл технологиялардың рөлі.Дүниежүзілік туристік альянс – Қытайда құрылған халықаралық ұйым, ол ұлттық және аймақтық туристік бірлестіктерді, туристік компанияларды, дестинацияларды, ғылыми-зерттеу институттарын, БАҚ және басқа да мемлекеттік және жеке туристік субъектілерді біріктіреді.Қазіргі уақытта WTA-ға 44 елден 242 мүше, оның ішінде 45-тен астам салалық қауымдастық, 80 ірі туристік компания және 14 оқу орны бар. WTA мүшелеріне CNN International, Qatar Tourism, Los Angeles Tourism & Convention Board, Japan Airlines, United Airlines, Hyatt Hotels, Aeroflot, Airbnb және басқалары сияқты танымал ұйымдар кіреді.Ақпарат көзі : https://www.gov.kz/memleket/entities/astana/press/news/details/875218

Үржар ауданы Жансүгіров атындағы орта мектебінде IQanat олимпиадасының бірінші кезеңі өтті. Олимпиада ауыл оқушыларының логикалық, математикалық ойлау, оқу сауаттылығы және қазақ тілін меңгеру қабілеттерін бағалауға бағытталған. Дәстүрлі тестілеуден ерекшелігі – академиялық жетістіктер мен бағаларға қарамастан, әр оқушыға қатысу мүмкіндігі беріледі.Биыл жетінші рет өткізіліп жатқан IQanat олимпиадасы Абай облысының барлық ауданын қамтып, 1943 қатысушыға білім додасында бақ сынауға мүмкіндік берді.Республика көлемінде 170 ауданнан 56 мыңнан астам ауыл оқушылары қатысуға тіркелді. Бірінші тур нәтижесінде облыстық кезеңге өткен қатысушылар анықталып, олардың жеңімпаздары 2025 жылдың жазында өтетін финалда бақ сынасады. Финалға өткен оқушыларды ағылшын тілі, IT жобалар, кәсіптік бағдар беру, ҰБТ және IELTS дайындықтарын қамтитын қарқынды білім беру бағдарламасы күтеді.IQanat жобасы аясында дайындықтан өткен оқушылар Қазақстан мен шетелдегі үздік жоғары оқу орындарына грантқа түсіп, әлемнің 17 елінде білім алуда. Бұл – Қазақстанның барлық өңіріндегі ауыл оқушыларын қолдауға бағытталған 150-ден астам қазақстандық кәсіпкердің әлеуметтік-білім беру жобасы.Ақпарат көзі : https://www.gov.kz/memleket/entities/abay/press/news/details/875293

Ақсуат ауданында орталық аудандық аурухана жанынан күндізгі амбулаторлық диализ бөлімі ашылды. Енді созылмалы бүйрек сырқаты бар науқастар қажетті көмекті ала алады.Бөлім облыс әкімі Нұрлан Ұранхаевтың тапсырмасымен, облыстық денсаулық сақтау басқармасы мен облыстық бүйрек орталығының қолдауымен ашылды. Салтанатты шараға амбулаториялық көмек көрсету бөлімінің меңгерушісі, облыстық бүйрек орталығының директоры және жоғары санатты нефролог дәрігері, аудан әкімінің орынбасары Ахмет Аққазин, сондай-ақ медицина қызметкерлері мен аудан тұрғындары қатысты.Бөлім заманауи қондырғылармен жабдықталған. Мұнда екі науқасты бірден қабылдауға мүмкіндік беретін Fresenius Medical Care диализ аппараттары, емдеудің жоғары сапасын қамтамасыз ететін суды сүзуге арналған арнайы германиялық құрылғы бар.Жаңа амбулаториялық-диализ бөлімі мамандандырылған көмекті қажет ететін аудан мен басқа да өңірлердің тұрғындары үшін маңызы зор. Мекеме медициналық қызметтерге қолжетімділікті және науқастардың өмір сүру сапасын айтарлықтай жақсартады.Ақпарат көзі : https://www.gov.kz/memleket/entities/abay/press/news/details/875294

Астана қаласы ТЖД Алматы ауданы Төтенше жағдайлар басқармасының қызметкерлері өрттің алдын алу мақсатында көппәтерлі тұрғын үйлерді аралайды, деп хабарлайды Астана әкімдігінің ресми сайты.Осылайша, өрт сөндірушілер Шәкәрім Құдайбердіұлы даңғылы 36/2 мекенжайында орналасқан көппәтерлі тұрғын үй кешенінде профилактикалық іс-шара ұйымдастырды. Аралауға құтқарушылардан басқа, аудан әкімдігінің өкілдері мен Алматы ауданы полиция басқармасының қызметкерлері қатысты. Акция барысында мамандар тұрғын үйді өрт қауіпсіздігі бойынша кемшіліктерді анықтау үшін тексерді, өртке қарсы жүйелердің жарамдылығын тексерді, тұрғындармен профилактикалық әңгіме жүргізді, оларға жадынамалар табысталды."Бүгінгі таңда Алматы ауданында 128 ұйымға (ПИК, ЖШС, ЖК, ТҚК) және мүлік иелерінің 267 бірлестігіне (МИБ) қызмет көрсететін 885 көппәтерлі тұрғын үй бар. 255 үйдің биіктігі 28 метрден асады. 2023 жылы осындай 204 үй болған", - деді Алматы ауданы ТЖБ бас маманы азаматтық қорғау аға лейтенанты Дария Байзулова.Астана ТЖД мәліметінше, биыл елорданың көппәтерлі тұрғын үйлерінде 89 өрт оқиғасы тіркелген, бұл ретте өрттің пайда болуының басты себебі адами фактор болып саналады.Ақпарат көзі : https://www.gov.kz/memleket/entities/astana/press/news/details/875143

Елорда төрінде көркем гимнастикадан кезекті қалалық ашық чемпионат өтіп жатыр. Чемпионатта 320 көркем гимнасшы сынға түсуде. Олардың ең жасы - 9-да, деп хабарлады қала әкімдігінің ресми сайты.Чемпионаттың ашылу салтанатына Астана қаласының Дене шынықтыру және спорт басқармасы басшысының орынбасары Исламбек Байманов, № 1 Балалар мен жасөспірімдердің мамандандырылған олимпиадалық резерв спорт мектебінің директоры Данияр Тулегенов қатысып, жарыс қатысушыларына сәттілік тіледі.«Сіздерді көркем гимнастикадан Астана қаласының ашық чемпионатының ашылуымен құттықтаймын! Бұл чемпионат – жай ғана жарыс емес, ол нағыз шеберлік, өнер және кемелдікке ұмтылыстың көрінісі. Бүгін мұнда қаламыздың намысын қорғауға, өз шеберліктерін паш етіп, лайықты жүлделерге қол жеткізуге ұмтылған жас гимнастшылар жиналып отыр. Әрбір өнер көрсету сұлулық пен үйлесімге, жаңа биіктерге ұмтылумен толы.Барлық қатысушыларға сәттілік, шабыт және тамаша өнер көрсетулерін тілеймін! Әрқайсыңыз өз жетістіктеріңізбен мақтан тұтыңыздар және жаңа биіктерге ұмтыла беріңіздер», - деді Исламбек Байманов.Қалалық біріншілікке қатысып жатқандардың арасында ұлттық құрамамыздың намысын қорғап жүрген Эрика Жайлауова, Ақмарал Ерекешева да бар. Тек Айбота Ертайқызына ғана демалыс берілді.«Жарысқа қаламыздан бөлек, Абай облысынан да келген арнайы қатысушымыз бар. Турнирдің мақсаты - 2025 жылғы ірі бәсекелерге қатысатын үздіктерді іріктеу. Алдағы Қазақстан чемпионатында ақпан айында өтетін жастар арасындағы додаға құрам таңдалады. 2015 жылға дейінгі қатысушылардың спорт шебері, спорт шеберлігіне үміткер, түрлі разрядтары бар», - деді көркем гимнастикадан Астана қаласының аға бапкері Әсел Мұстафина.Қазіргі сәтте елордамыздағы 16 көркем гимнастика мектебінде 5000-нан астам спортшы жаттығады. Олардың қатарында Астана қаласының Дене шынықтыру және спорт басқармасына қарасты № 1 Балалар мен жасөспірімдердің мамандандырылған олимпиадалық резерв спорт мектебінде 300-ге жуық гимнасшылр тегін түрде қатысады. Қаламыздың жас таланттары Республикалық чемпионатта басты фавориттердің қатарына кіреді.Айта кетейік жарыс қарашаның 2-не дейін жалғасады. Ақпарат көзі : https://www.gov.kz/memleket/entities/astana/press/news/details/875155

16 қазанда облыстық перинаталдық орталықта Ахмад, Ибрагим және Әбдікәрім есімді ұлдар туылды. Сәбилердің туған кездегі салмағы 2655, 2255 және 2355 гр.15 күн бойы жаңа туған нәрестелер мен 32 жастағы ананың денсаулығын орталық мамандары бақылап отырды.Айсана мен Батыржан енді 7 баланың ата-анасы. Жас отбасы үшемдерге дейін 3 қыз бен бір ұл тәрбиеледі.Айта кетейік, жыл басынан бері өңірде 13 618 жаңа туған нәресте дүние есігін ашты. Облыстық перинаталдық орталық дәрігерлерінің көмегімен 10 айда 74 егіз және 3 үшем туылды.Ақпарат көзі : https://www.gov.kz/memleket/entities/aktobe/press/news/details/875259

Алматыда Тұрғұт Өзал көшесінен Мұқанов көшесіне дейінгі ұзындығы 2,6 км, жалпы аумағы 5,2 гектар болатын бөлінген жолақта абаттандыру жұмыстары аяқталды. Соңғы рет бұл жерде жөндеу 15 жыл бұрын жүргізілген еді.Естеріңізге сала кетейік, биыл мамырда Алматы әкімі Ерболат Досаев көріктендіру жобасымен танысып, оның тапсырмасына сәйкес жаңғырту барысында сапалы материалдар қолданылды. Жол мен жаяу жүргіншілерге арналған аймақтарды жайлы ету мақсатында ыңғайлы орындықтар, функционалды шамдар және берік жабын төселді.Бұл «Халық қатысатын бюджет» бағдарламасының жобасы тұрғындардың бастамасы мен биліктің қолдауы арқылы қаланы қалай өзгертуге болатынын, оны барлық тұрғындарға тартымды әрі жайлы ете алатынын көрсетті. – Әрқайсымыз «Халық қатысатын бюджет» бағдарламасына қатысу туралы ойлануымыз керек. Бұл қаланы көркейтуге үлес қосудың тамаша мүмкіндігі. Осындай жобалардың арқасында тұрғындардың идеясы шындыққа айналып жатқанын көріп отырмыз, – деп жобаның маңыздылығын атап өткен сәулетші Владислав Филатов азаматтардың мұндай жобаға атсалысуы сапалы қалалық ортаны қалыптастыруға ықпал ететінін жеткізді.Көріктендіру аясында 7810 м² жаңа кеспе тас төселіп, 4882 метр жиектас орнатылды, бұл аллеяның көркін келтіріп, жаяу жүргіншілер үшін ыңғайлы етті. Ұзындығы 10 800 метр болатын су құбыры жасыл желекті суаруға арналған. 21 000 м² аумақта көгал егіліп, 2500 бұта отырғызылды, 110 қоқыс жәшігі және 150 жарықтандыру бағанасы орнатылды, бұл қауіпсіздік пен жайлылықты арттырады.– Қала тұрғындары мен қонақтарына ыңғайлы болу үшін түрлі демалыс аймақтары қарастырылған: аллея бойына орнатылған әткеншектер студенттер мен зейнеткерлерге таза ауада демалуға мүмкіндік береді. Сондай-ақ, мұнда алты пергола, он жартылай шеңберлі орындық, үш бақбақ пішініндегі орындық, екі алтыбақан, сегіз бір жақты және 75 жалғыз орындық орнатылған, бұл қала тұрғындарына жайлы демалыс орындарын құруға мүмкіндік береді, – деді Владислав Филатов.Алматылықтар барша ұрпақтың қажеттілігіне сай келетін жаңа кеңістікті жоғары бағалады.– Аллеяның осылайша өзгергеніне қуаныштымыз, – дейді тұрғын Серік Ержанов. – Мұнда серуендеп қана қоймай, спортпен де айналысуға болады, жақсы жарықтың арқасында кез келген уақытта демалуға мүмкіндік бар. Ыңғайлы орындықтар мен әткеншектер аллеяны ерекше жайлы етіп, студенттерден бастап зейнеткерлерге дейін бәрімізді қуантады. Қала әр адамға одан да қайырымды әрі жайлы бола түсті.Басқа тұрғындар да жаңартулардың маңыздылығын атап өтті.– Ана ретінде балалармен қауіпсіз әрі көрікті жерде демалудың маңызы зор, – дейді қала тұрғыны Айжан Қасымова. – Біз мұнда отбасымызбен жиі келеміз, енді балалар ойнап жатқанда уақытты тиімді өткізуге мүмкіндік бар. Қалада әркімге арналған демалыс орындары көбейіп жатқанына қуаныштымыз. Алматы әкімдігіне алғысым шексіз.Тіпті, ең жас тұрғындар да жаңа аллеяға жоғары баға берді:– Мен жақын жерде тұрамын, достарыммен осында келіп ойнай алатынымызға қуаныштымын. Аллея өте әдемі болды. Мұнда әткеншек тепкенді жақсы көремін, – деді Айдар Санжар.Осылайша, көріктендіру жұмыстарының нәтижесінде жаңартылған аллея қаланың функционалды және эстетикалық бөлігіне айналды. «Халық қатысатын бюджет» бағдарламасы тағы да қала тұрғындарының идеясы жүзеге асып, белсенді өмір салты мен демалысқа арналған сапалы қоғамдық кеңістіктер құруға ықпал ететінін дәлелдеді. Ақпарат көзі : https://www.gov.kz/memleket/entities/almaty/press/news/details/875200

Алматыда қаланың көше-жол желісіне орташа жөндеу жұмыстары аяқталып қалды. Биыл мегаполис әкімі Ерболат Досаевтың тапсырмасы бойынша қаланың басты көрікті жерлерінің бірі – «Медеу» биік таулы спорт кешеніне апаратын жол учаскесі жөнделді.Керей Жәнібек хандар көшесін, «Медеу» БСК-не дейінгі жалғыз жолды жөндеу 15 жылға жуық жүргізілген жоқ. Бұл ретте Алматыдағы жолдардың жөндеу аралық мерзімі - 5 жыл.Ағымдағы жылы ұзындығы 10 км жол учаскесінде асфальтбетон жабыны толығымен ауыстырылды. Сонымен қатар, жаяу жүргіншілердің қауіпсіздігін қамтамасыз ету үшін алғаш рет 14 шақырымға жуық тротуар жасалды. Сондай-ақ, 37 өздігінен жүретін немесе «қалқымалы» кәріз люктері орнатылды. Бүгінгі таңда барлық жөнделген учаскеде жол белгілері бар.«Бұл көшені жөндеу кезінде полимерасфальтбетон пайдаланылды, ол жабынның калибрге төзімділігін, сондай-ақ оның беріктік сипаттамалары мен жарықтарға төзімділігін арттырды. Полимерлері бар асфальттың жұмсарту температурасы әдеттегіден жоғары, сондықтан ол ыстыққа төзімді, әрі ұзақ қызмет етеді», - деп атап өтті жол ғылыми-өндірістік орталығы басшысының орынбасары Азамат Жайсанбаев.«Жалпы жол» Жол қозғалысы қауіпсіздігі қауымдастығы» қоғамдық бірлестігінің басшысы Арсен Шакуовтың айтуынша, аталған учаскедегі жаңа тротуарлар жаяу жүргіншілерге жайлы.«Туристер мен қала қонақтары үнемі жүретін бұл жолды жөндеу ерте жөндеу керек еді. Өйткені, «Медеу» - қаланың басты көрікті жерлерінің бірі. Демалыс күндері қала тұрғындарының өздері осы жаққа барғанды ұнатады, көбісі жаяу жүреді, қоғамдық көліктер мен тротуарлар, жаңа белгілер мен жақсы жол қажеттілік», – деп атап өтті Арсен Шакуов.Ақпарат көзі : https://www.gov.kz/memleket/entities/almaty/press/news/details/875203

2024 жылы Алматыда магистральді көшелерде 45 км сыртқы жарықтандыру желілері жөнделді. Жұмыс барысында зақымданған желілер қалпына келтірілді, күйіп кеткен шамдар ауыстырылды, жаңа кабель тартылды.Тек қазан айында Достық, Рысқұлов және әл-Фараби даңғылдарында, Керей-Жәнібек хандар, Бұқтырма және Майлин көшелерінде, сондай-ақ Шығыс айналма автомобиль жолында (ШААЖ) 700-ден астам жұмыс істемейтін шам ауыстырылды.Осы уақытта әл-Фараби даңғылының Розыбакиев, Жароков, Дулати, Сейфуллин, Назарбаев, Достық көшелері және ШААЖ қиылысындағы автомобиль тоннельдері мен көпірлер толық жарықтандырылды. Бұл учаскелерде 220 ескі шам, оның ішінде күйіп кеткендері, жаңа светодиодты прожекторларға ауыстырылды.«Алматы Қала Жарық» бас инженері Әлмұхамед Жалпақов алматылықтарды сапалы сыртқы жарықтандырумен қамтамасыз ету жұмыстары тек магистральді көшелерде емес, қаланың барлық жерінде жүргізілуде екендігін атап өтті. Оның айтуынша, көшелердің категориясына қарамастан, жөндеу бригадалары барлық түскен шақыруларға бірдей жылдамдықпен жауап береді.«Мысалы, жақында Жетісу ауданындағы Кокжиек ықшам ауданында 120 шам, Алмалы ауданындағы Брусиловский көшесінде 90 шам, Алатау ауданында Досманов көшесінде 80 жаңа шам орнатылды», - деді Жалпақов.Жалпы, жылдың басынан бері Алматыда 30 мыңнан астам шам ауыстырылып, 300 км-ден астам кабель тартылды. Қаланың көшелері маңызына қарай үш категорияға бөлінеді. «А» категориясына қалааралық маңызы бар магистральді жолдар мен көшелер (даңғылдар) және олардың бойындағы жаяу жүргіншілер аймақтары жатады. Бұларға Құлжа және Іле тас жолдары, ШААЖ, әл-Фараби, Рысқұлов, Абай, Достық, Назарбаев, Сейфуллин, Абылай хан, Сүйінбай, Майлин, Сайын, Тимирязев, Бұқтырма көшелері және басқалары кіреді.«Б» категориясына жүк қозғалысына арналған жолдар мен аудандық маңызы бар көшелер жатады. Бұл тізімге Қабанбай батыр, Әуезов, Қонаев, Қалдаяқов, Гагарин, Розыбакиев, Шаляпин, Халиуллин, Мақатаев, Байтұрсынов, Мұстафин, Дулати, Момышұлы және т.б. көшелер мен даңғылдар кіреді.«В» категориясына жергілікті маңызы бар жолдар мен көшелер, аулалық аумақтар мен ішкі аулалық өтпелер, саябақтар мен бақ объектілері жатады.Құрылыс нормалары әр категориядағы көшелер үшін жарықтандырудың белгілі көрсеткіштерін қарастырады. Мысалы, «А» категориясындағы объектілерде 15-20 люкс, «Б» категориясында 10-15 люкс, «В» категориясында 5-10 люкс болуы тиіс. АҚЖ осы нормалардың қалада сақталуын қатаң бақылауда ұстайды.Ақпарат көзі : https://www.gov.kz/memleket/entities/almaty/press/news/details/875207

Биыл Жетісу облысында 200 шақырымнан астам канал механикалық әдіспен тазартылды. Бұл туралы журналистермен кездесу барысында Жетісу облысы бойынша «Қазсушар» филиалының директоры Саят Құдайбергенов мәлімдеді.Бұдан бөлек, 22 гидротехникалық құрылыс пен 21 гидрометриялық бекет жөнделді. Көксу ауданында суару желілерін реконструкциялау басталды. Филиал Алмалы, Ақешкі, Ашыбұлақ су қоймалары мен Тентек, Биен өзендеріндегі су тораптарын, Үштөбе магистральдық каналын реконструкциялау бойынша жобалық-сметалық құжаттама әзірлеп жатыр.«Биыл облыста суару кезеңі сәтті өтті. Шаруалардың сұранысына сай 1,37 млрд текше метр су берілді. 130 мың гектарға жуық егіс алқабы суарылды. Бүгінгі таңда филиал келесі жылғы вегетация кезеңіне дайындық жұмыстарын жүргізіп жатыр»,-деді Жетісу облысы бойынша «Қазсушар» филиалының директоры Саят Құдайбергенов.Ақпарат көзі : https://www.gov.kz/memleket/entities/water/press/news/details/875141

Жылыту кезеңінде тұрғындар арасында өрттің алдын алу қызу жүріп жатыр және оны елордалық ТЖД халықтың әлеуметтік осал топтарына жататын отбасылар арасында, көппәтерлі тұрғын үйлерде, жыл бойы тұратын саяжай алаптарында, жатақханаларда, барак-жалдамалы тұрғын үйлерде және жеке меншік тұрғын үйлер арасында. Ағымдағы жылдың 15 тамызынан бастап тұрғын үй қорында өрттің алдын алу және әрбір тұрғынмен жеке өмірді құтқару бойынша түсіндіру жұмыстарын ұйымдастыруға мүмкіндік беретін аулаларды аралау басталды, нәтижесінде 9 мыңнан астам жеке үй, 4 мың саяжай үйі, 820-ға жуық әлеуметтік осал отбасы қамтылды, онда 15 мыңнан астам адамға нұсқау берілді.Жалға берілетін тұрғын үйлер ерекше назар аударуды талап етеді, өйткені мұндай үйлерде көбінесе қайғылы салдарға әкелетін өрттер орын алады, осыған байланысты өз құзыреті шеңберінде шаралар қабылдайтын құқық қорғау органдарымен, жергілікті атқарушы органдармен бірлесіп, және тұрғындармен түсіндіру жұмыстарына жәрдемдесетін еріктілер мен қоғамдық қызметкерлердің қатысуымен елордалық жатақханалар мен барак үлгісіндегі тұрғын үйлерді рейдтік аралау белсенді жүргізілуде. Бүгінгі таңда есепте тұрған 1065 жатақхананың 450-ге жуығы профилактикалық жұмыстармен қамтылды, онда халықтың әлеуметтік осал топтары да тұрады.Жалпы, жылыту кезеңі басталғаннан бері 828 әлеуметтік осал топтағы отбасыларда профилактикалық аралау жүргізілді, бұл жергілікті атқарушы органдар тарапынан атаулы әлеуметтік көмек көрсетуге мүмкіндік берді, оның ішінде 255 көміртегі тотығын анықтау датчигі орнатылды.«Төтенше жағдайлардың алдын алу және адамдардың өмірін құтқару үшін біздің қызметкерлер белсенді түрде профилактикалық жұмыстар жүргізеді және жүргізетін болады, өйткені ең құнды ол – адамның өмірі!», - деп атап өтті Астана қаласы ТЖД бастығының орынбасары Мадияр Мырзагелдиев. Ақпарат көзі : https://www.gov.kz/memleket/entities/emer/press/news/details/875171

Макинск қаласында Ақмола облысының әкімі Марат Ахметжановтың Бұланды ауданының тұрғындарымен есептік кездесуі өтті, онда өңірдің әлеуметтік-экономикалық дамуының негізгі мәселелері талқыланды.Өңір басшысы өз сөзінде іске асырылып жатқан жобаларға егжей-тегжейлі тоқталып, аудан дамуының негізгі үрдістері туралы айтып берді.«Ел Президенті өз Жолдауында өнеркәсіптік әлеуетті ашудың маңыздылығын атап өтті. Ауданның өнеркәсіп секторы жақсы өсімге ие, оның аумағында Орталық Азиядағы ең ірі құс фабрикасы — Макинск құс фабрикасы орналасқан. Облыстың өнеркәсіптік өндірісінің жалпы көлеміндегі аудан үлесі 5,9% құрайды, бұл ауданның оң имиджін қалыптастырады. Алайда, осы кәсіпорынды есепке алмағанда, бұл көрсеткіш 1,8%-ға дейін төмендейді. Ауданның әлеуеті тиімді пайдаланылмай келеді. Жалғыз ірі өндіріске тәуелді болмай, өнеркәсіпті әртараптандыру қажет», - деп атап өтті Марат Ахметжанов.Аймақтың ыңғайлы логистикалық орналасуына байланысты астықты терең өңдеу бойынша тиімді өндірісті құру үшін қолайлы жағдайлар бар. Ұн мен макарон өнімдерін шығаруға инвестиция тарту мәселесін қарастыру маңызды. Сонымен қатар, Ақмола облысы бидай өсіру және ұн өндіру бойынша ел көшбасшыларының қатарына кіреді, бұл макарон, нан-тоқаш өнімдері мен жартылай фабрикаттар өндірісінде жергілікті шикізатты пайдалану үшін кең мүмкіндіктер ашады.Ауданның әлеуметтік және инфрақұрылымдық мәселелерін шешу үшін инвестицияларды тартуға ерекше назар аударылады. Осы жылы 10-ға жуық жоба – қонақ үй кешені, кафе, материалдық-техникалық қоймалар, сауда үйі, электр беру желілері және т. б. құрылысы туралы мәлімделді.Ауданда ауыл шаруашылығы саласы белсенді дамып келеді, өсімдік шаруашылығы саласына ерекше көңіл бөлінеді. Егін жинау қорытындысы бойынша аудандағы жалпы астық көлемі 390 мың тоннаны құрады. Астықтың орташа өнімділігі 20 ц/га. Өңір басшысы ауданда жеткілікті экономикалық әлеует бар екенін, аудан басшылығына ет және сүт бағытындағы мал шаруашылығы саласын дамыту қажеттігін атап өтті.«Жеңілдетілген қаржыландыру ауыл тұрғындарының өмір сүру сапасына әсер етуі тиіс, бөлінген ақшаны Ауыл шаруашылығын дамытуға, еңбек өнімділігін арттыруға, қосымша жұмыс орындарын құруға, елді мекендердің инфрақұрылымын жақсартуға бағыттау қажет. Бірте-бірте қайтарымсыз субсидиялардың орнына жеңілдікті кредиттеу жүйесі әзірленетін болады, мұны Президент Қасым-Жомарт Тоқаев бірнеше рет атап өтті» - деп мәлімдеді өңір басшысы.Марат Ахметжанов ауыл тұрғындарының өмірін жақсартуға және табысын арттыруға бағытталған мемлекеттік қолдаудың рөліне ерекше тоқталды. Бұл «Ауыл аманаты», «Кең дала», «Дипломмен ауылға» және т. б. бағдарламалар шеңберінде жеңілдетілген қаржыландыруды меңзейді.Сондай-ақ, кездесу барысында тұрғын үй және жол құрылысы, ТКШ, білім беру, Прохоровка-Колоколовка бөгетін күрделі жөндеу, Иванковка бөгетінің су төгетін арнасын кеңейту және нығайту бойынша жүргізілген жұмыстар туралы мәселелер қозғалды.Марат Ахметжанов аудан әкіміне жұмыс тәсілдерін қайта қарауды және түпкілікті нәтижеге бағдарлана отырып, ЖАО-ның барлық құрылымдарының қызметін мұқият жоспарлауды, қажет болған жағдайда бизнес-құрылымдарды сүйемелдеуді және іске асырылып жатқан жобалар мен мемлекеттік қолдау шаралары туралы халықты уақытылы хабардар етуді тапсырды.Тұрғындар залда сұрақтар қоюға мүмкіндік алды. Атап айтқанда, тұрғын үй беру, инфрақұрылымды дамыту бойынша және басқа сұрақтар қойылды.Кездесу соңында облыс әкімінің алғыс хаттарымен ауданның әлеуметтік-экономикалық дамуына үлес қосқан бірқатар тұрғындар марапатталды.Жеке қабылдауда аудан тұрғындары тұрғын үй, ауылдық елді мекендерде инфрақұрылым жүргізу және т. б. мәселелерді көтерді. Ақпарат көзі : https://www.gov.kz/memleket/entities/aqmola/press/news/details/874948

✔️ Облыстың әлеуметтік қорғау жүйесінде 3 мыңнан астам адам жұмыс істейді, оның 704 әлеуметтік қызметкерлер. Облыс филармониясында әлеуметтік қызмет ардагерлерін, медициналық-әлеуметтік мекемелердің қызметкерлерін, үйде әлеуметтік көмек көрсету бөлімшелерінде, орталықтарда және жұмыспен қамту бөлімдерінде жұмыс істейтіндерді марапаттады.✔️Шығыс Қазақстан облысының әкімі Ермек Көшербаев әлеуметтік сала қызметкерлеріне ведомстволық наградалар, Еңбек және халықты әлеуметтік қорғау министрлігінің Құрмет грамоталары, сондай-ақ алғыс хаттар табыс етті.- Әлеуметтік қызметкер - ерекше қамқорлықты қажет ететін маман. Күн сайын мұқтаж жандарға көмек көрсететін, жүректері жылу мен мейірімділікке толы адамдардың мерекесі. Сала қызметкерлерінің абыройлы еңбектері арқасында өмірлік қиын жағдайға тап болған азаматтар қажетті қолдау алып, еңсесін тіктеуде. Олардың басты миссиясы – адамдарға жақсылық істеу. Әлеуметтік қызметкерлер облыс халқының өмір сүру сапасын арттыру және қиын өмірлік жағдайға тап болғандарға көмек көрсету жолында аянбай еңбек етіп келед, - деді аймақ басшысы.✔️Өңір басшысы азаматтардың әл-ауқаты мен жайлы тұрмысын қамтамасыз ету биліктің тікелей міндеті, ал оған қол жеткізу қоғамның өмір сүру сапасына байланысты екенін атап өтті. Ол адал еңбегімен, мейірімділігімен қарт адамдарға, мүмкіндігі шектеулі балалар мен ересектерге, аз қамтылған және көпбалалы отбасыларына үлкен көмек көрсетіп, ұдайы қамқор болып жүретін әлеуметтік сала қызметкерлеріне жылы лебізін білдірді.Ақпарат көзі : https://www.gov.kz/memleket/entities/akimvko/press/news/details/875002

✔️Бүгін облыс әкімі Ермек Көшербаев Өскемендегі «Үлбі» қалалық аумақтық халыққа әлеуметтік қызмет көрсету орталығына барып қайтты. Аймақ басшысы орталық ғимаратын аралап көріп, қызметкерлермен және балалармен әңгімелесті.– Облыс орталығында ерекше балаларға арналған дәл осындай орталықтың болуы өте маңызды. Себебі, мұндай орталықтарға келген балалар тек көмек алумен шектелмей, әлеуметтік бейімделу мүмкіндігіне де ие болады, – деді орталықтың кабинеттерін аралап, қызметкерлермен және балалармен сұхбат құрған облыс әкімі Ермек Көшербаев.✔️Сонымен қатар аймақ басшысы орталықта қажетті көмек алып жатқан балаларға иппотерапия қызметі де қолжетімді болуы керек екенін айтып, құзырлы органдарға бұл жөнінде тиісті тапсырма берді.✔️Мекеме екі жыл бұрын мүгедектігі бар балаларды оңалтуға деген қажеттіліктің өскенін ескере отырып, нысанның мақсаты мен міндеттерін өзгерту жөнінде шешім қабылданған. Қазір аталмыш орталықта аутизм спектрі бұзылған және ақыл-ой кемістігі бар балаларға қажетті көмек көрсетілуде.– Аутизм спектрі бұзылған және ақыл-ой кемістігі бар балаларға арналған күндізгі бөлімшесі бар орталық өз жұмысын 2022 жылдың қазан айынан бастады. Өздеріңіз көріп отырғандай, біздің орталық төрт қабатты ғимаратта орналасқан. Біз балалардың мінез-құлқы мен әлеуметтік өзара әрекет етуін түзетуге, сөйлеу мен танымдық белсенділігін дамытуға бағытталған кешенді көмек көрсетеміз. Бізде өте сирек кездесетін мамандар да жұмыс істейді. Сондықтан біз кез келген балаға қажетті көмек бере аламыз деп санаймын, – дейді орталық директоры Сәния Әубәкірова.✔️Орталықта, сондай-ақ жеке және топтық сабақтарға арналған кабинеттер жабдықталған, әр топтағы баланың саны алтаудан аспайды. Барлығы орталық қызметкерлерінің көмегіне 1 мен 18 жас аралығындағы 130 бала жүгініп, қажетті оңалтудан өтеді.Ақпарат көзі : https://www.gov.kz/memleket/entities/akimvko/press/news/details/875013

Семей қаласында «Дамуында ерекшеліктері бар балалардың ата-аналары» қоғамдық бірлестігінің базасында ментальды бұзылыстары бар балаларға арналған әлеуметтік-тұрмыстық бағдарлау кабинеті ашылды. Кабинеттің ашылуына Абай облысы әкімінің бірінші орынбасары Шалқар Байбеков, Германияның Қазақстандағы Елшісінің орынбасары Ульрих Кинне, жергілікті атқарушы билік өкілдері, құрметті қонақтар мен ерекше білім беруді қажет ететін балалардың ата-аналары қатысты.Кабинеттің ашылуы Астанадағы Германия елшілігінің үй-жайларды жабдықтауға бағытталған 2 005 000 теңге көлемінде гранттық қолдауының арқасында іске асырылды. Сондай-ақ жобаны «Абай облыстық еңбек ұтқырлығы орталығы» ММ және «Абай облысының жұмыспен қамтуды үйлестіру және әлеуметтік бағдарламалар басқармасы» мемлекеттік мекемесі де қолдап, әлеуметтік салада бизнес-идеяларды дамыту үшін 1 476 800 теңге көлемінде грант бөлді.Жоба аясында үш бөлме жасақталды. Олардың ішінде күнделікті өмірлік маңызды дағдыларды үйренетін әлеуметтік бағдарлау бөлмесі (ӘББ), сөйлеуді дамыту және психоэмоционалды дамытумен жұмыс істейтін психолог және логопед-дефектолог кабинеті, дене дамуы мен үйлестіруге бағытталған бейімделген дене шынықтыру кабинеті бар.Тілі мүкіс, аутизм және басқа да психикалық ерекшеліктері бар балалар үшін сыныптардағы сабақтар аптасына екі рет тегін өткізіледі. ӘӘБ кабинетінде әртүрлі жастағы балалар үшін 4 адамнан тұратын үш топ, психолог кабинетінде 6 бала, логопедке 5 бала, бейімделген дене шынықтыру сабағына 6 баладан екі топ қабылданады. Жыл соңына дейін қолдауды қажет ететін 100-ден астам баланы қамту жоспарлануда.Ақпарат көзі : https://www.gov.kz/memleket/entities/abay/press/news/details/874958