Өңірде егіс науқанына дайындық жоспарлы түрде жүргізілуде: ауыл шаруашылығы дақылдарын 612,7 мың гектар алқапқа егу көзделген.Егіс алқаптарының негізгі бөлігін дәнді дақылдар алады — 290,6 мың гектар. Майлы дақылдар 118,9 мың гектарға, картоп, көкөніс және бақша дақылдары 4,2 мың гектарға егіледі. Жем-шөп дақылдары 199 мың гектарды құрайды.2024 жылдың күзіне қарай егіс жұмыстарына дайындық аясында 91,5 мың гектар алқапқа күздік дәнді дақылдар егілген. Оның ішінде 83,9 мың гектарға күздік бидай, 6,7 мың гектарға қара бидай және 0,9 мың гектарға тритикале себілген.Көктемгі дала жұмыстарын жүргізу үшін 29,4 мың тонна тұқым қажет. Облыс қажетті тұқыммен толық қамтамасыз етілген, олар зертханалық тексерістен өтіп, егуге жарамды жағдайға келтірілген.Егіс науқанын сәтті жүргізу үшін 8,4 мың тонна дизель отыны бөлінді. Ауыл шаруашылығы жұмыстарына 3 136 трактор, 2 097 тұқым сепкіш, 646 культиватор және басқа да арнайы техника тартылатын болады.Мемлекет басшысының ауыл шаруашылығы өнімдерін 2 есе арттыру тапсырмасын орындау аясында өңірде ғылыми негізделген нормаларға сәйкес минералды тыңайтқыштарды енгізу көлемін арттыру жоспарланған. 2025 жылы облыс аграршылары жоғары өнім алу үшін 8 500 тонна тыңайтқыш сатып алады.Көктемгі егіс жұмыстарына дайындық пен олардың өткізілуі барлық жоспарға сай қатаң түрде жүргізілуде. Бұл аграрлық маусымның сәтті басталуына және ауыл шаруашылығы өндірісін арттыруға қажетті жағдайларды жасауға мүмкіндік береді.Ақпарат көзі : https://www.gov.kz/memleket/entities/moa/press/news/details/970977?lang=kk

ҚР Ауыл шаруашылығы вице-министрі Бағлан Бекбауовтың төрағалық етуімен ауыл шаруашылығында мемлекеттік қызмет көрсету процесін жақсарту мәселелері бойынша кеңес өтті. Кеңеске Ауыл шаруашылығы министрлігінің комитеттері мен оның аумақтық бөлімшелерінің өкілдері, облыс әкімдерінің орынбасарлары, ауыл шаруашылығы және ветеринария басқармаларының басшылары қатысты.ҚР АШМ Мемлекеттік қызметтерді дамыту және агроөнеркәсіп кешенін цифрландыру департаментінің директоры Бернат Алпысбеков 2024 жылғы мемлекеттік қызметтерді көрсету қорытындысын шығарды. Сонымен қатар, жергілікті атқарушы органдардың өкілдерінің ұсыныстары тыңдалды.Кеңес қорытындысы бойынша Баглан Бекбауов жергілікті атқарушы органдар мен министрлік комитеттеріне ауыл шаруашылығында мемлекеттік қызметтер көрсету кезінде құқық бұзушылықтардың алдын алу үшін кешенді шаралар қабылдауды тапсырды. Сондай-ақ, заңнаманың қатаң сақталуы мен мемлекеттік қызметтердің сапасын ішкі бақылаудың жүйелі түрде жүргізілуі қажеттілігі ерекше атап өтілді.«Біз қызмет көрсету саласында ашықтық пен тиімділікті қамтамасыз етуіміз керек, әрбір фермер мемлекеттік қолдау шараларын толық пайдалана алуы қажет», — деп атап өтті Бағлан Бекбауов.Кеңес мемлекеттік қызмет көрсету жүйесін жақсарту және ауыл шаруашылығы саласындағы мемлекеттік органдарға деген азаматтардың сенімін арттыру бойынша іс-шаралар жоспарын бекітумен аяқталды.Ақпарат көзі : https://www.gov.kz/memleket/entities/moa/press/news/details/970809?lang=kk

Қазақстан биыл суару кезеңінде Сырдария өзені арқылы шамамен 3,7 млрд текше метр су алады. Су ресурстары және ирригация министрі Нұржан Нұржігітов Өзбекстан, Тәжікстан және Түрікменстан мемлекеттеріндегі әріптестерімен осы жөнінде келісімге келді.Самарқандта Орталық Азияның Мемлекетаралық су шаруашылығын үйлестіру комиссиясының 89-шы отырысы өтті.Ал, «Достық» мемлекетаралық каналымен суару кезеңінде Қазақстанға 909 млн текше метр су келеді. Солтүстік Аралға 975 млн текше метр су жіберу жоспарланып отыр.«Қазір біз тасқын суды өзен-көлдерге бағыттап, оны су қоймаларына жинап жатырмыз. Алайда, оңтүстік аймақтарға келетін болсақ, су дипломатиясы өте маңызды. Жазғы суару кезеңіне дайындық аясында біз былтырдан келіссөз жүргіздік. Сырдария өзені арқылы Қазақстанға келетін су Шардара қоймасынан жиналып, оңтүстік облыстардың шаруаларын қамтамасыз ету үшін пайдаланылады. Былтыр суды тиімді бөлу, су үнемдеу технологияларын енгізу және көрші елдермен уақтылы келіссөз жүргізу арқылы біз шаруа қожалықтарының суармалы суға деген қажеттіліктерін толық қанағаттандыра алдық. Биыл да осыған қол жеткізуге ниеттіміз», - деді Су ресурстары және ирригация министрі Нұржан Нұржігітов.Еске сала кетсек, өткен жылдың қазан айынан бері осы жылдың 1 сәуіріне дейін Өзбекстан Қазақстанға 12,6 млрд текше метр су жіберген болатын. Бұл жоспарланған көлемнен 1,7 млрд текше метрге артық.Ақпарат көзі : https://www.gov.kz/memleket/entities/water/press/news/details/970607?lang=kk

Шығыс Қазақстан облысы әкімінің орынбасары Дархан Сапанов өңірде 2025 жылы денсаулық сақтау саласында жүзеге асырылатын жоспарлар туралы айтты. Басты назар ауруханалардың материалдық-техникалық базасын жақсартуға, кредиторлық қарыздарды өтеуге және жаңа кадрларды тартуға аударылады.Кредиторлық қарыздар жойылады– Денсаулық сақтау жүйесінің басты мәселелерінің бірі – медицина ұйымдарының кредиторлық қарыздары. Бұл жағдай біздің өңірге де тән, – деді Дархан Сапанов.2024 жылдың қорытындысы бойынша өңірдегі медицина ұйымдарының жалпы қарызы 2,5 миллиард теңгені құрады, оның 1,3 миллиард теңгесі – мерзімі өтіп кеткен берешек.Қарыздарын толық өтей алған сегіз мекеме бар: Катонқарағай аудандық ауруханасы, Ана мен бала орталығы, Өскемен қаласының №4 ауруханасы, Күршім аудандық ауруханасы, Риддер қалалық ауруханасы, Психикалық денсаулық орталығы, Облыстық жедел жәрдем станциясы және Самар аудандық ауруханасы.Ал кредиторлық берешегі сақталған ұйымдарға Медицина орталығы, Алтай ауданаралық ауруханасы, Шемонаиха аудандық ауруханасы, Серебрянск қалалық ауруханасы және Үлкен Нарын аудандық ауруханасы жатады. Алайда бұл ұйымдарда жалақы мен салық бойынша қарыздар туындамаған.Жаңа қарыздар Өскемендегі Балаларға арналғанстоматологиялық емханада және ШҚО Фтизиопульмонология орталығында пайда болды.Дархан Сапанов медицина мекемелерінің басшыларына осы жылдың соңына дейін барлық қарыздарды жою туралы тапсырма берді. Өлім-жітім азайдыБылтыр ШҚО-да жалпы өлім көрсеткіші 2%-ға өсіп, туу2,6%-ға азайды. Дегенмен обырдан (ісік) қайтыс болу 4,2%-ға, ал туберкулезден өлім 18,2%-ға азайған.Қан айналымы жүйесі ауруларынан өлім 3,4%-ға артқан, ал жарақаттан қайтыс болу 1,4%-ға төмендеген.Ана мен нәресте өлімі де азайды. 2024 жылы өңірде бір әйел босану кезінде қайтыс болған. Бұл жағдай облыс орталығында тіркеліп, алдағы уақытта республикалық штабта қаралатын болады.Нәрестелер өлімінің негізгі себептері: перинаталдық кезеңдегі асқынулар, туа біткен ақаулар және тыныс алу органдары аурулары.– Аналар өлімі 65%-ға, нәресте өлімі 31,5%-ға азайғаны – медицина мекемелерінің жаңартылып, алдын алу шараларының күшеюінің нәтижесі. Осы жылы аудандық ауруханалардың деңгейін көтеріп, заманауи құрал-жабдықтар сатып алу көзделіп отыр, – деді Сапанов.Денсаулық сақтау басқармасы бұл көрсеткіштерді төмендету үшін жүйелі жұмыстар атқарып жатыр: мамандарды оқытуға жібереді, материалдық-техникалық базаны нығайтады, сирек аурулары бар балаларға арналған дәрілер мен арнайы тағамдар сатып алады.Бүгінде ШҚО-да 13 босандыру ұйымы жұмыс істейді: 9-ы – І деңгейлі, 2-еуі – ІІ деңгейлі, 2-еуі – ІІІ деңгейлі. Осыжылдың І тоқсанында Тарбағатай аудандық ауруханасын ІІ деңгейге ауыстыру жоспарланған.Қан айналымы жүйесі ауруларымен сырқаттанушылық 2024 жылы 2023 жылмен салыстырғанда 8,25%-ға өсті. Обыр аурулары 4,29%-ға төмендеді. Жарақаттар мен улану 7,63%-ға артты, ал туберкулезбен сырқаттанушылық 4,44%-ға азайды. Кадр мәселесі – басты назардаҚазіргі кезде өңірдің денсаулық сақтау жүйесінде 10 842 маман жұмыс істейді, оның ішінде 3 021-і – дәрігер, 7 821-і – орта буын медицина қызметкері.Облыста 152 маман тапшы, оның ішінде 75-і ауылдық жерлерге қажет.– Осы жылдың 13 ақпанында Денсаулық сақтау басқармасы 150-ден астам интерн мен резидентпен кездесу өткізді. «Семей» медицина университетінің 42 түлегімен алдын ала келісімдер жасалды, – деді әкім орынбасары.Сондай-ақ биыл облыс 70 маманды шетелге оқуға жібереді. Бұл мақсатқа 420 миллион теңгеден астам қаржы бөлінген. Оқыту бағыттарын Денсаулық сақтау басқармасы мен облыстың бас мамандарынан құралған комиссия анықтайды.Материалдық-техникалық база нығайып келедіӨткен жылы өңірде 21 медицина ұйымының материалдық-техникалық базасын жаңартуға 3,3 миллиард теңге бөлінді. 7 денсаулық сақтау нысанын күрделі жөндеуге 2,5 миллиард теңге қарастырылып, 6 нысанда жөндеу аяқталды. Қалған бір нысанда жұмыс жыл соңына дейін аяқталады.Осы жылдың соңына дейін 18 денсаулық сақтау ұйымы жаңа медициналық жабдықпен қамтамасыз етіледі. Бұл үшін 4,8 миллиард теңге бөлінді.Сондай-ақ 16 нысанды күрделі жөнделмек, оның құны – 3,8 миллиард теңге.«Ауылдық денсаулық сақтауды жаңғырту» ұлттық жобасы аясында өңірде 36 медицина нысаны салынып жатыр. Оның 35-і пайдалануға берілді, қалған біреуі биыл аяқталады.Өңір үшін маңызды бірнеше ірі жоба жүзеге асуда. Солардың қатарында Өскемендегі гематология орталығы, Риддер қаласындағы200 орындық көпсалалы аурухана мен 500 адам қабылдайтын емхана құрылысы, сондай-ақ Онкология және хирургия орталығы хирургиялық корпусының 1-3 қабаттарын жаңғырту, Ұлан ауданының Қасым Қайсенов кентіндегі ауысымына 150 адам қабылдайтын емхана құрылысы бар.Төсек-орын қорын тиімді қолданған жөн2024 жылғы талдау барысында өңірдегі кейбір ауруханаларда төсек-орындардыңжоғары жүктемемен, ал кейбірінде төмен жүктемемен қолданылып отырғаны анықталды.Күршім аудандық ауруханасы мен облыстық реабилитациялық орталықта төсек-орындаржоғары жүктемемен жұмыс істеп жатыр.Ал Защита теміржол ауруханасында (10 төсек-орнының 5-і бос), Ұлан аудандық ауруханасында (15 орынның 7-і бос) керісінше төмен жүктеме байқалды.– Медициналық мекеме басшылары уақытылы сараптама жасап, науқастар ағынын реттеп, төсек-орын қорын тиімді пайдалану үшін қайта бейіндеу жұмыстарын жүргізуге тиіс, – деп түйіндеді Дархан Сапанов.Ақпарат көзі : https://www.gov.kz/memleket/entities/akimvko/press/news/details/970525?lang=kk

Қазақстан Республикасы Премьер-Министрінің кеңесшісі Ералы Тоғжанов Үкімет басшысының тапсырмасымен Бұланды ауданындағы ахуалмен танысты.Ақмола облысының әкімі Марат Ахметжанов және Төтенше жағдайлар вице-министрі Рамиль Камаловпен бірге Макинск қаласындағы су тасқыны қаупі бар барлық аумақтар араланып, жағдай жіті тексерілді.Бүгінде ауданда су тасқынының салдарын жою бағытындағы жұмыстар қарқынды жүргізіліп жатыр. Макинск қаласында қалпына келтіру іс-шаралары белсенді түрде атқарылуда. Облыстық жедел тасқынға қарсы штабтың шешімімен су еркін өтуі және тұрғын үйлерді су басудан сақтау мақсатында облыстық маңыздағы автожолдың белгілі бір бөлігі бұзылып, суға жол ашылды. Жедел қабылданған шаралардың арқасында су деңгейі бір метрге төмендеді.Қазіргі таңда Макинск қаласының 12 учаскесінде жұмыс жүріп жатыр. Құтқару шараларына Көкшетау, Қарағанды, Астана және Атбасар қалаларынан келген ТЖ бөлімшелері, жергілікті атқарушы органдар мен М. Ғабдуллин атындағы азаматтық қорғау академиясының курсанттары жұмылдырылған. Барлығы 319 адам, 86 техника, 30 мотопомпа, 5 ПНС және 2 жүзу құралы тартылған.Сапар қорытындысы бойынша су тасқынының салдарын жою жұмыстарын жедел жүргізу, аулалар мен жеке тұрғын үйлерден суды толық сорғызып, бағыттау, су деңгейі түскеннен кейін бүлінген жол учаскелерін қалпына келтіру бойынша нақты тапсырмалар берілді.Аталған мәселе Үкіметтің жіті бақылауында.Ақпарат көзі : https://www.gov.kz/memleket/entities/aqmola/press/news/details/970448?lang=kk

Өзбекстан өткен жылдың қазан айынан бері 1 сәуірге дейін Қазақстанға 12,6 млрд текше метр су жіберді. Бұл жоспарланған көлемнен 1,7 млрд текше метрге артық.Бұл туралы Су ресурстары және ирригация министрі Нұржан Нұржігітов мәлімдеді. Ол Самарқандтағы форумның үшінші пленарлық сессиясында сөз сөйледі.«Бұл су суару кезеңінде еліміздің оңтүстігіндегі шаруаларды қамтамасыз ету үшін пайдаланылады. Су дипломатиясы және халықаралық ынтымақтастық - біздің министрлік жұмысының негізгі бағыттарының бірі. Трансшекаралық суларды бөлу және басқару, тәжірибе алмасу, озық технологияларды бірлесіп енгізу бүкіл Орталық Азияның су қауіпсіздігін қамтамасыз етуде маңызды рөл атқарады», – деді Су ресурстары және ирригация министрі Нұржан Нұржігітов.Еске салсақ, Өзбекстанда «Орталық Азия — Еуропалық Одақ» саммиті аясында Мемлекет басшысы Қасым-Жомарт Тоқаевтың және Өзбекстан, Қырғызстан, Тәжікстан, Түрікменстан Президенттерінің, Еуропалық Кеңес Төрағасы Антониу Кошта мен Еуропалық комиссия Төрағасы Урсула фон дер Ляйеннің қатысуымен Самарқанд халықаралық климаттық форумы өтті.Сондай-ақ, Су ресурстары және ирригация министрі климаттық өзгерістерге бейімделу, су ресурстарын басқарудың жаңа тәсілдерін енгізу, сондай-ақ су тапшылығы мәселесін бірлесіп шешу үшін өңірлік ынтымақтастықты нығайтудың маңызына тоқталды.Айта кету керек, екіжақты су ынтымақтастығын нығайту жөніндегі бірлескен жұмыс тобының XII отырысында Нұржан Нұржігітов пен Өзбекстан Су шаруашылығы министрі Шавкат Хамраев 2024 жылдың қазанынан 2025 жылдың қазанына дейін Қазақстанға 16 млрд текше метрден артық су жіберіледі деп келіскен болатын.Солтүстік Арал теңізіне шамамен 1,8 млрд текше метр су жіберілді, бұл жоспарланған көлемнен 120 млн текше метрге артық. Ал, «Достық» мемлекетаралық каналы арқылы Қазақстанға 490 млн текше метр су келді.Ақпарат көзі : https://www.gov.kz/memleket/entities/water/press/news/details/970401?lang=kk

ҚР Ауыл шаруашылығы министрі Айдарбек Сапаров «Global Olive Corporation» компаниясының президенті Георгий Сванидзе мен Қазақстанда зәйтүн ағаштарын өсіру және зәйтүн майын өндіру жобасын жүзеге асырудың негізгі кезеңдерін талқылады.Жоба 2023 жылы «QVM Technology» ЖШС, «Ordabasy Group» және «Ервира» қазақстандық компаниялары «Olive Georgia» грузин компаниясымен бірлесіп Түркістан, Маңғыстау және Жетісу облыстарында зәйтүн көшеттерін тәжірибелік отырғызуды бастаған кезде қолға алынған. 6 мыңнан астам көшет отырғызылып, олардың тіршілік ету деңгейі 99,7% құрады. Алғашқы өнім бес жылдан кейін алынады деп күтілуде.2024 жылдың көктемінде жоба кеңейтіліп, Испания мен Түркиядан қосымша зәйтүн көшеттері отырғызылды. 2025 жылдың соңына қарай Қазақстанда зәйтүн алқабының аумағы 100 гектарға жетеді деп жоспарлануда.Министр жобаның маңыздылығын атап өтті, бұл 2025 жылдың ақпан айында Қазақстан мен Грузияның Премьер-Министрлері арасында қол жеткізілген келісімдердің жалғасы болып табылады.«Министрлік алдында өңделген өнімнің үлесін 70%-ға дейін арттыру міндеті тұр, және зәйтүн саласын дамыту агроөнеркәсіп кешені үшін стратегиялық маңызға ие. Біз осы жобаны жүзеге асыруда барлық қажетті жағдайларды жасап, жан-жақты қолдау көрсетуге дайынбыз», — деп атап өтті Айдарбек Сапаров.Георгий Сванидзе зәйтүн өсіру жобасы елдің ауыл шаруашылығын дамытуға айтарлықтай әсер ететініне сенім білдірді.«Біздің мақсатымыз — Қазақстандағы зәйтүн саласын дамыту. Жалпы алғанда, біз көшеттердің санын миллионға дейін арттыруды жоспарлап отырмыз, жас агрономдарды технологияларға үйретуге, өз мамандарымызды тартуға дайынбыз. Жоба аясында зәйтүн майын өндіретін зауыт және көшеттер өсіру питомнигін салу жоспарлануда», — деді «Global Olive Corporation» президенті.Грузин компаниясының Қазақстандағы серіктесі — ТОО «QVM Technology» өкілдері Ауыл шаруашылығы министрлігі жобаны іске асыруда барынша жәрдемдесетінін атап өтті.Кездесудің қорытындысы бойынша өзара түсіністік және ынтымақтастық туралы меморандумға қол қойылды. Сондай-ақ, жобаны сәтті жүзеге асыру үшін мерзімдер мен шараларды айқындайтын Жол картасы әзірленеді.Жобаның құны 20 миллион долларды құрайтынын атап өтсек. Келешекте бұл жоба жылына 150 мың тонна зәйтүн өнімін алу мүмкіндігін береді, оның ішінен шамамен 30 мың тонна зәйтүн майы өндірілетін болады.Ақпарат көзі : https://www.gov.kz/memleket/entities/moa/press/news/details/969531?lang=kk

Жұмыс сапары аясында Премьер-Министр Мемлекет басшысының көктемгі су тасқыны кезеңіне дайындықты қамтамасыз ету жөніндегі тапсырмаларының орындалу барысымен танысты. А. Мамин көру алаңына барды, онда Қорғас өзенінде селден және су тасқыны қаупінен қорғану жобаларының іске асырылу барысын тексерді. Төтенше жағдайларды ескерту және алдын алу шараларына ерекше көңіл бөлінді.   Премьер-Министр Қазақстан–Қытай шекарасында елдер арасында тауар айналымын ұлғайтуға, ҚР транзиттік әлеуетін арттыруға бағытталған Орталық Азиядағы аса ірі «Нұр жолы» өткізу пунктіне және «Қорғас — Шығыс қақпасы» АЭА құрғақ портына барды.Бұдан өзге, А. Маминге жұмыс істеп тұрған өнеркәсіптік кәсіпорындардың жұмысының негізгі көрсеткіштері және жаңа нысандардың жобалары таныстырылды: терминал складских помещений «KIF Warehouses -» қойма орындарының терминалы, «Феникс Фид Миллс» құрама жем шығаратын зауыт, «Заря Ltd» астық терминалы.Сонымен қатар, «Қорғас» Халықаралық шекара маңы ынтымақтастығы орталығы мен ХШЫО аумағында орналасқан қазақстандық сауда нысандарына барды. Премьер-Министрге сонымен қатар ХШЫО аумағындағы келушілерді, тауарлар мен көлік құралдарының қозғалысын есепке алу мен бақылаудың автоматтандырылған жүйесі таныстырлды, жоба кедендік әкімшілендіру тиімділігін арттыруға мүмкіндік береді.   Талдықорған қаласының Асқар Мамин азаматтардың әл-ауқаты деңгейін арттыруға арналған әлеуметтік нысандарды аралады және өңірде индустрияландырудың дамуымен танысты.Салынып жатқан тұрғын үй алабын аралау кезінде Премьер-Министр өңірде тұрғын үйдің қолжетімділігін арттыру және мұқтаж жандардың, оның ішінде көп балалы отбасылардың баспана мәселесін шешу бойынша қабылданып жатқан шаралармен танысты. Осында Премьер-Министрге қаланы абаттандыру жоспары ұсынылып, құрылыс барысы туралы баяндалды. Атап айтқанда, өңірлік және қалалық газдандыру сұлбаларын іске асыру мәселелері қаралды.Өңірде медициналық қызметтердің қолжетімділігі мен сапасын көтеру бойынша қабылданып жатқан шаралармен А. Мамин көпбейінді аурухана жұмысының мысалында танысты. Магнитті-резонансты томография кабинеті мен онкологиялық ауруларды ерте анықтауға мүмкіндік беретін жаңа ахуал орталығы қаралды.Облыс орталығында А. Мамин сонымен қатар «Талдықорған» индустриялық аймағын аралады, бүгінгі таңда мұнда ауыл шаруашылығы, құрылыс, химия және тамақ өнеркәсібі салаларында ірі жобалар іске асырылып жатыр. Премьер-Министрге сонымен қатар Алматы облысында алты индустриялық аймақтың («Талдықорған», «Береке», «Боролдай», «Қайрат», «Арна» және «Қазбек бек») даму жобалары таныстырылды.Индустрияландырудың дамуымен танысу «Қайнар АКБ» аккумулятор шығару зауытында жалғасты. А. Мамин жұмыс цехтарын аралау кезінде технологиялық процеспен және шығарылатын өнім желісімен танысты.Жұмыс сапарының соңында А. Мамин Кәсіпкерлерге қызмет көрсету орталығына барып, онда қызмет көрсету бойынша жұмыстармен және ШОБ даму қарқынымен танысты. Сонымен қатар, қаланың әлеуметтік-экономикалық дамуы, оның ішінде туризмді, АӨК, Алматы қ. маңын дамыту бойынша жобалар таныстырылды.   Ақпарат көзі : https://www.gov.kz/memleket/entities/almobl/press/news/details/19411?lang=kk

Сәтбаев көшесі, 4а мекенжайындағы Juz кафесінің жанындағы құрылыс рұқсат құжаттарынсыз салынған. Сонымен қатар, ол ерекше қажеттіліктері бар адамдарға арналған пандусты қосып алып, жалпы аумақта орналасқан. Бұл туралы Алматының қала құрылысын бақылау басқармасынан хабарлады.2024 жылғы 4 қазанда жоспардан тыс тексеру барысында «ALMA Construction and Design» ЖШС жалға алушысына қатысты тұрғынның өтініші негізінде басқарма әкімшілік құқық бұзушылық жөніндегі мамандандырылған ауданаралық сотқа материалдарды жіберді әрі әкімшілік шаралар қабылдады.2024 жылғы 22 қарашада сот заңсыз тұрғызылған құрылыстарды бұзу туралы қаулы шығарды және бір айдан кейін, 27 желтоқсанда Алматы қалалық сотының қаулысымен бірінші сатыдағы шешім өзгеріссіз қалды.Бұзу бүгін қаланың Әділет департаментінің сот орындаушыларының қатысуымен басталды.Естеріңізге сала кетейік, Алматы әкімі Ерболат Досаевтың құрылысқа бақылауды күшейту жөніндегі тапсырмасы аясында 2023 жылдың басынан бері 70 заңсыз нысан, оның ішінде «Мечта», KHAN және басқа да тұрғын үй кешендері толығымен немесе ішінара бұзылған.Ақпарат көзі : https://www.gov.kz/memleket/entities/almaty/press/news/details/969125?lang=kk

Әуезов ауданы тұрғындарының денсаулығын қамтамасыз ету және денсаулық сақтау жүйесінің тиімділігін арттыру мақсатында медициналық қызметтің сапасын жақсарту мәселесі қала әкімдігінің тұрақты бақылауында. Бұл туралы Алматы әкімі Ерболат Досаев аудан тұрғындарымен кездесу барысында мәлімдеді.Қала басшысының айтуынша, 2025 жылдың сәуір айында Таугүл-3 шағын ауданында орналасқан №18 қалалық емхананың филиалының күрделі жөндеуі аяқталады. Сондай-ақ, №16 қалалық емханада сейсмикалық күшейту жұмыстарымен бірге күрделі жөндеу жүргізілуде. 2024 жылдың мамыр айында №2 корпустың Б блогының жөндеуі аяқталады, ал маусым айында №1 корпус пен А блогында жөндеу жұмыстары басталады. Бұл жергілікті тұрғындар үшін медициналық қызметтің қолжетімділігі мен сапасын арттыруға мүмкіндік береді.Бұған қоса, ақпан айында Жетісу-3 шағын ауданында «Парасат» әлеуметтік қызмет көрсету орталығының жаңа ғимараты ашылды. Жалпы аумағы 1760 шаршы метр болатын бұл орталық ерекше қажеттілігі бар балаларды оңалтуға арналған заманауи құрал-жабдықтармен қамтамасыз етілген.Айта кетейік, 2024 жылы Алматыда Мамыр, Кемел және Нұршашқан шағын аудандарында үш алғашқы медициналық-санитарлық көмек орталығы және Балалар шұғыл медициналық жәрдем орталығының жаңа қабылдау бөлімшесі пайдалануға берілді.Сонымен қатар, Саялы шағын ауданында емхана, Айбасов көшесінде алғашқы медициналық-санитарлық көмек орталығы және №4 жедел жәрдем қосалқы станциясы салынып жатыр. №4 қалалық клиникалық аурухананы, сондай-ақ Бостандық және Наурызбай аудандарындағы емханаларды реконструкциялау жобаларына оң сараптамалық қорытынды берілді.2024 жылдың желтоқсан айында Денсаулық сақтау министрлігімен бірлесіп, 2030 жылға дейін медициналық нысандарды салу және жаңарту бойынша кезең-кезеңмен іске асатын жоспар бекітілді. Жоспарға сәйкес, 32 жаңа денсаулық сақтау нысаны салынып, 14 мекеме жаңғыртылады.Ақпарат көзі : https://www.gov.kz/memleket/entities/almaty/press/news/details/969101?lang=kk

Әуезов ауданының тұрғындарымен кездесу барысында Алматы әкімі Ерболат Досаев жол және көлік инфрақұрылымын дамыту жұмыстары туралы айтып берді.Қала басшысы 2024 жылы ауданның 12,2 шақырымдық 16 көшесіне орташа жөндеу жүргізілгенін, ал ағымдағы жылы 10 шақырымдық 13 көшені қамту жоспарланғанын айтты.Сондай-ақ, өткен жылы ауданда 27 мың шаршы метр жол төсемі люк ауыстырылды.Биыл тағы 26 мың шаршы метр жолды жөндеу, 16 мың шаршы метр техникалық тротуарды жабдықтау, 34,5 шақырым арық желілерін салу және 200 «иілмелі» люк орнату жоспарлануда. Ағымдағы жылдың мамыр айында 5 жер үсті жаяу жүргіншілер өткеліне күрделі жөндеу жұмыстары аяқталады.«Қоғамдық көлік қызметтерінің сапасын арттыру үшін 2024 жылы жылжымалы құрам 238 бірлікке 1 325 автобустан 1 563 автобусқа дейін ұлғайтылды, бұл 8 жаңа маршрутты ұйымдастыруға, 13 қолданыстағы маршрутты жаңартуға және күшейтуге мүмкіндік берді», - деп атап өтті Ерболат Досаев.Сонымен қатар, кездесу барысында Алматы әкімі аудан тұрғындарын тәртіп пен қауіпсіздікті қамтамасыз ету бойынша жүргізіліп жатқан жұмыстар туралы хабардар етті. Мәселен, 2024 жылы «Сергек» жаңа 32 аппараттық-бағдарламалық кешені және бейне-мониторинг жүйесінің 1 027 камерасы орнатылды.Ақпарат көзі : https://www.gov.kz/memleket/entities/almaty/press/news/details/969090?lang=kk

Әуезов ауданының тұрғындарымен кездесу барысында Алматы әкімі Ерболат Досаев ауданның тұрғын үй-коммуналдық инфрақұрылымын жаңғырту және жақсарту бойынша қабылданып жатқан шаралар туралы айтты.Әкімнің айтуынша, 2024 жылы 36 тұрғын үйдің қасбетіне декоративті жарықтандыру орнатылып, 28 үйдің қасбеті ағымдағы жөндеуден өтті. 2025 жылы 42 үйдің қасбетіне декоративті жарықтандыру орнатылып, 12 үйдің қасбеті ағымдағы жөндеуден өтеді деп жоспарланған.«Тұрғындардың қауіпсіздігі мен жайлы өмір сүру шарттарын қамтамасыз ету үшін 2024 жылы 39 көпқабатты тұрғын үйге күрделі жөндеу жүргізіліп, 20 көпқабатты үйде 30 жеделсаты ауыстырылды. 2025 жылы 45 көпқабатты тұрғын үйге күрделі жөндеу жүргізіліп, 32 көпқабатты үйде 34 жеделсаты ауыстыру жоспарлануда», – деді Алматы әкімі.Айта кетейік, Ерболат Досаевтың тапсырмасымен 2022-2024 жылдар аралығында қалада 355 үйдің қасбеті жөнделген болатын. Жалпы, 2025-2026 жылдары тағы 296 қасбетіне жөндеу жоспарланған. Бұл шаралар қала көркін жақсартуға бағытталған.Ақпарат көзі : https://www.gov.kz/memleket/entities/almaty/press/news/details/968957?lang=kk

Қазақстанда Қостанайдағы Локализациялық орталық базасында John Deere өздігінен жүретін, тіркемелі және аспалы техника өндірісі ресми түрде іске қосылды.Жаңа өндірістің іске қосылуы отандық машина жасауды дамытудағы және Қазақстанның аграрлық секторына озық технологияларды енгізудегі маңызды қадамды білдіреді. John Deere – ауыл шаруашылығы техникасын өндіруде әлемдік көшбасшы және оның өнімдерін Қазақстанда оқшаулау саланы дамытудың негізгі кезеңі болады. Өндіріс «AGROMAŞ» зауытының Локализация орталығында іске қосылады, бұл еліміздегі ауылшаруашылық техникасы саласындағы ең ірі локализацияланған өнеркәсіп алаңы болып табылады, ол жоғары өндіріс деңгейі мен техникалық қолдауды қамтамасыз етеді. «Елімізде жүзеге асып жатқан саяси және экономикалық реформалардың арқасында біз АҚШ-тың ауылшаруашылық техникасының озық бренді – John Deere-мен өндірістік кооперация құру мүмкіндігіне ие болдық. Бұл – тарихи оқиға. Мұндай жоғары технологиялық жобалар нәтижесінде біз тек жаңа жұмыс орындарын ашып, инновациялық технологияларды меңгеріп қана қоймай, қазақстандықтарда инженерлік ойлау қабілетін қалыптастырып жатырмыз», – деп атап өтті AGROMASH зауытының президенті Динара Шукижанова.John Deere бренді бойынша жергілікті өндірісінің іске қосылуы Қазақстан фермерлері үшін жаңа мүмкіндіктерді ашады, оның ішінде: жергілікті жағдайларға бейімделген ауылшаруашылық техникаларының ассортиментін кеңейту, сондай-ақ барлық мемлекеттік бағдарламалар бойынша техника сатып алу мүмкіндігі.John Deere брендінің Қазақстандағы ресми өкілі – «Eurasia Group» компаниясы. Жоба аясында олар ауылшаруашылық техникаларын Қазақстанда өндірілген өнімдер ретінде сатуды жалғастырып, сонымен қатар сервис қызметтерін көрсетуді және аграрлық секторға цифрлық шешімдерді енгізуді қамтамасыз етеді. Сонымен қатар, жобаны жүзеге асыру экономика мен білім саласының дамуына қосымша ресурстар жұмсауды, оның ішінде ауылшаруашылығында қызмет көрсету және арнайы мамандарды, агрономдар, инженерлер, механизаторлар және IT мамандарын даярлауды көздейді.Алдағы 5 жылда үш заманауи сервис орталығы салынып, олар цифрлық технологияларды енгізу және агроөнеркәсіп кешенінің тиімділігін арттыру үшін негізгі алаңдарға айналатын болады.Өз кезегінде, AGROMASH өнеркәсіптік кооперацияны кеңейту аясында басқа да батыс брендерін локализациялауды жалғастырады, бұл Қазақстан нарығында локализацияланған ауылшаруашылық техникаларының үлесін айтарлықтай арттыруға мүмкіндік береді. Бүгінде Локализация орталығы базасында әлемнің жетекші брендтерінің, соның ішінде JOHN DEERE, LOVOL, DEUTZ-FAHR, КИРОВЕЦ, ГОМСЕЛЬМАШ, AMAZONE, CLAAS және басқалардың ауылшаруашылық техникасы мен компоненттері өндірісі шоғырланған.Осылайша, Қостанай облысы Қазақстандағы ауылшаруашылық техникасын өндіру бойынша ең ірі кластер ретінде өз орнын бекітеді және елдің индустриалды және аграрлық секторындағы маңызды орталыққа айналады.Ақпарат көзі : https://www.gov.kz/memleket/entities/moa/press/news/details/968949?lang=kk

Қостанай облысында пайдаланылмай жатқан ауыл шаруашылығы жерлерін мемлекеттік меншікке қайтару жұмыстары жалғасуда. 2025 жылдың бірінші тоқсанының қорытындысы бойынша ерікті түрде 43 мың гектарға жуық жер қайтарылды, оның ішінде: 10 мың гектар егістік жер, 33 мың гектар жайылымдық алқап.Жерді түгендеу шаралары ауыл шаруашылығы тауарын өндірушілерге өндірістік процесте қолданылмайтын жер учаскелерін анықтауға және шаруашылық қызметін оңтайландыру бойынша қажетті шаралар қабылдауға мүмкіндік береді. Мұндай жерлерді ерікті түрде қайтару жер пайдалануды реттеуге ықпал етеді және салық мөлшерлемесінің артуынан сақтайды.Қолданыстағы заңнамаға сәйкес, пайдаланылмайтын ауыл шаруашылығы жерлеріне жер салығының 20 есе жоғары базалық мөлшерлемесі қолданылады.2022–2023 жылдары Қостанай облысының Жер ресурстарын басқару департаментінің нұсқамалары негізінде салық органдары 132,5 млн теңге көлемінде қосымша салық есептеген, оның 127,8 млн теңгесі мемлекет кірісіне өндірілді.Жерді мақсатты пайдаланбағаны үшін қолданылатын санкциялар туралы шаруашылық жүргізуші субъектілерге түсіндіру жұмыстары тұрақты негізде жүргізіледі.Мемлекеттік органдар мен жер пайдаланушылар арасындағы өзара іс-қимыл тетігі заңнаманың сақталуын қамтамасыз етіп, жер ресурстарын тиімді пайдалануға бағытталған.Ақпарат көзі : https://www.gov.kz/memleket/entities/moa/press/news/details/968766?lang=kk

Шығыс Қазақстан облысының Қоғамдық кеңесі 2025 жылғы  7 сәуірде сағат 14-00 де Өскемен қаласы, М.Горький көшесі, 40 мекен-жайында (мәжіліс залы, 108 каб.) Қоғамдық кеңес отырысы өтетіні туралы хабарлайды.Қаралатын мәселелер:1.Нормативтік құқықтық актілердің жобаларын қарау және ұсынымдар беру.2.Әртүрлі.          Ақпарат алуға арналған байланыс телефоны: (8-7232) 713-195 Ақпарат көзі : https://www.gov.kz/memleket/entities/akimvko/press/news/details/968573?lang=kk

ҚР АШМ Ветеринариялық бақылау және қадағалау комитетінің төрағасы Қазбек Тәшімов Boehringer Ingelheim Animal Health France өкілдерімен кездесу өткізді. Компания ветеринариялық фармацевтика саласындағы әлемдік көшбасшылардың бірі.Қазбек Тәшімов Boehringer Ingelheim-пен ынтымақтастық жоғары сенім деңгейінде құрылғанын және практикалық нәтижелер беретінін атап өтті. 2024 жылы Boehringer Ingelheim мен QazBioPharm қазақстандық компаниясы арасындағы серіктестік туралы келісімге қол қойылды. Бұл ынтымақтастықтың негізгі бағыттарының бірі аусылға қарсы вакциналарды өндіру бойынша технологиялар трансферті болады, бұл Қазақстанда да, Орталық Азия өңірінде де локализацияланған инновациялық өндірісті құруға және эпизоотиялық салауаттылықты нығайтуға мүмкіндік береді.Жануарлардың аса қауіпті ауруларымен күресте екіжақты ынтымақтастықтың келешегі талқыланды. Комитет елдегі Ветеринариялық қауіпсіздік жүйесін күшейту мақсатында бірлескен бастамаларды, оның ішінде қолданыстағы заңнама шеңберінде іске асыруға жан-жақты қолдау көрсетуге дайын екенін білдірді.Соңында тараптар ветеринарлық әл-ауқатты нығайтуға және өңірдегі мал шаруашылығының қауіпсіздігін қамтамасыз етуге ұмтыла отырып, ұзақ мерзімді негізде стратегиялық әріптестікті дамыту ниеттерін растады.Ақпарат көзі : https://www.gov.kz/memleket/entities/moa/press/news/details/968507?lang=kk

Қосшы қаласында, «Лесная поляна» тұрғын үй массивінде республикалық «Таза Қазақстан» экологиялық акциясы аясында облыстық сенбілік өтті. Акция  барысында Қосшы қаласы аумағын қоқыстан тазарту, көгалдандыру және қоғамдық орындарды абаттандыру жұмыстарын жүргізді.Іс-шара «Адал адам – Адал еңбек – Адал табыс» тұжырымдамасы негізінде ұйымдастырылып, қала тұрғындарын экологиялық тазалыққа баулу бағытында жүргізілді. Тазалық шарасына  250-ге жуық адам қатысты.  Олардың қатарында қалалық мәслихат депутаттары, «Аманат» партиясының өкілдері, волонтерлер, белсенді жастар және азаматтық қоғам мүшелері болды.Қосшы қаласында тазалық ацкиялары үнемі өткізіліп келеді. Соның ішінде «таза бейсенбі» және сенбіліктер, сондай-ақ Сарқырама өзені маңын тазарту, тарихи-мәдени нысандарды қалпына келтіру және балалар алаңдарын абаттандыру жұмыстары атқарылып келеді.«Бүгін «Лесная поляна» шағын ауданында өткен #ТазаҚазақстан экологиялық бейсенбілігі өте сәтті өтті. Қала тұрғындарының белсенді қатысуымен ауламызды тазалап, табиғатымызға деген қамқорлығымызды көрсеттік. Мұндай іс-шаралар қаламызға жаңа тыныс береді», – деді қалалық мәслихат депутаты Сәбит Дүкенбаев.Ал қалалық мәслихат депутаты Динара Райханова табиғатты таза ұстаудың маңыздылығына тоқталып, Қосшы қаласының тазалығын ұстауға барлық тұрғынын атсалысуға  шақырды.«Өкінішке орай, қоқыс тастау мен табиғатты ластау әлі де кездесетін жағдайлар. Бірақ егер біз бірлесе күш жұмсасақ, Қосшы қаласын таза әрі әдемі қалаға айналдыра аламыз. Таза қала – бұл жақсы өмір сүру ортасы. Сондықтан, мұндай сенбіліктер тек бір күндік шара емес, тұрақты түрде өткізіліп отыруы керек» – деді ол.«Таза Қазақстан» акциясы аясында қосшылықтар ауызбіршілктерін көрсете білді. Олар көпшілкке ас дайындап, түрлі көңіл күй көтеретін шаралар да ұйымдастырды. Қосшы қаласының мәслихат депутаты И.С. Осипова және экологиялық белсенді Шасалим Шагалимовтың бастамасымен мектептер арасында ПЭТ бөтелкелерін жинау бойынша жарыс өтті. Нәтижесінде, 746 кг пластик жиналып, жеңімпаз мектептер ақшалай сыйлықтармен марапатталды. Бұл үрдіс қала тазалығына арналған шараларға қатысушылар қатарын көбейтуге ынталандырмақ.Ақпарат көзі : https://www.gov.kz/memleket/entities/aqmola/press/news/details/968279?lang=kk

Қалада заңсыз көше саудасына қарсы күрес жалғасуда.Бүгінгі таңда Алматыда 341 заңсыз СЕСН және 239 силомер бұзылды. Алмалы ауданында 19 СЕСН және 28 силомер, Әуезов ауданында - 67 СЕСН және 30 силомер, Алатау ауданында - 111 СЕСН және 40 силомер, Бостандық ауданында - 56 СЕСН және 64 силомер, Жетісу ауданында - 22 СЕСН және 24 силомер, Медеу ауданында - 11 СЕСН және 14 силомер, Наурызбай ауданында - 19 СЕСН және 23 силомер, Түрксіб тілінде - 36 СЕСН және 16 силомер.Сондай-ақ, қалада жер учаскелерінде берік бекітілген 32 күрделі құрылыс тіркелген. Жұмыс тобы мән-жайларды анықтау үшін уәкілетті органдарға тиісті материалдар жолдады.«Мен бұл жұмысты маңызды деп санаймын, өйткені қала ұзақ уақыт бойы дүңгіршектерге байланысты заңсыз саудадан, антисанитариядан тазартуды қажет етеді. Жалпы, көшелердің таза әрі еркін болғаны байқалады», - дейді Алматы тұрғыны Светлана Константинова.СЕСН бұзу Ерболат Досаевтың тапсырмасы бойынша Алматы қаласы әкімдігінің бастамасымен өз бетінше орнатылған дүңгіршектерді жою жөніндегі науқан аясында жүргізілді. 2025 жылғы 4 ақпаннан бастап Алматы қаласының Кәсіпкерлік және инвестициялар басқармасы жұмыс тобының қатысушыларымен бірлесіп көше саудасы объектілерін жоюға кірісті. Қалған СЕСН-ын бөлшектеу жұмыстары жалғасуда.Ақпарат көзі : https://www.gov.kz/memleket/entities/almaty/press/news/details/968025?lang=kk

Солтүстік-Каспий аймақтық көрмеге еліміздің және Австрия, Германия, Италия, Қытай, Нидерланды, БАӘ, Пәкістан, Ресей, Сингапурдан 97 компанияның өнімдері қойылды. Мекемелердің 61%-і тауарын алғаш рет ұсынып отыр.Аймақта мұнай-газ және құрылыс саласындағы көрме осымен 22-рет ұйымдастырылып отыр. Оған облыс әкімінің орынбасары Дарын Шамұратов қатысты.Бұл — салалардағы ұлттық міндеттерді жүзеге асыратын негізгі алаң. Халықаралық әріптестікті нығайтып, қатысушыларға жаңа технологияларды енгізуде және капитал тартуда тиімді платформалар ұсынылады.Көрмеде мұнай-газ өндіруші компаниялар, мұнай-газ жабдықтарын өндірушілер, жеке және өнеркәсіптік қорғау құралдарын өндірушілер, бақылау-өлшеу аспаптары және автоматика өндірушілері мен IT компаниялар өнімдерін ұсынады.Солтүстік Каспий аймақтық «Atyrau Oil and Gas» және «Atyrau Build» құрылыс және интерьер көрмесі үш күнге жалғасады. Шара қаладағы Әбілхайыр хан даңғылы 79 мекенжайында өтіп жатыр.Ақпарат көзі : https://www.gov.kz/memleket/entities/atyrau/press/news/details/967829?lang=kk

Су ресурстары және ирригация министрлігі су тасқынымен бірлесіп күресу үшін қытайлық әріптестерімен трансшекаралық өзендер бойынша ақпарат алмасуда. 2005 жылдан бері Қазақстан мен ҚХР арасында трансшекаралық өзендердегі табиғи апаттар туралы шұғыл хабарлау туралы Келісім бар. Тараптар бір-біріне су тасқыны, мұз қозғалысы мен құбылыстары туралы ақпарат беруге міндетті. Іле өзеніндегі «Саньдаохэцзы», Ертіс өзеніндегі «Наньвань» және Текес өзеніндегі «Текес» су бекеттерінде бақылау жүргізіледі.«Министрлік Қытай, Ресей Федерациясы және Орталық Азия елдерінің су ведомстволарымен үнемі байланыста. Барлық трансшекаралық өзендер бойынша ақпарат алмасып отырмыз. Бұл деректер әкімдіктерге және ТЖД-ға беріледі. Гидротехникалық құрылыстарда тәулік бойы кезекшілік ұйымдастырылған. Төтенше жағдай туындаған жағдайда «Қазсушар» және бассейндік инспекциялардың мамандары қажетті іс-шараларды қабылдауға дайын»,- деді Су ресурстары және ирригация министрі Нұржан Нұржігітов.Еске салсақ, наурыз айында Қазақстан мен Қытайдың су ведомстволары алғаш рет су ресурстары саласында өзара түсіністік пен ынтымақтастық туралы Меморандумға қол қойды. Құжат суды ұтымды және тұрақты пайдалану, заманауи технологияларды енгізу, баламалы су көздерін бөлу және оны игеру, сондай-ақ тәжірибе алмасу және бірлесіп маман даярлау бағыттарындағы екіжақты ынтымақтастықты нығайтуды көздейді.Ақпарат көзі : https://www.gov.kz/memleket/entities/water/press/news/details/967637?lang=kk