Абай облысында балалардың құқықтарын қорғауға бағытталған ауқымды реформалар мен бастамалар іске асырылуда. Ел Президенті Қасым-Жомарт Тоқаев әрбір баланың бақыты және қауіпсіздігі үшін жағдай жасаудың маңызын атап өтті. Осыған байланысты бүгінгі таңда балалардың құқықтарын қорғауға қатысты заңнамалық және стратегиялық шаралар іске асырылуда.Балалар халқымыздың үштен бірін яғни, 6,8 миллион адамды құрайтындығын ескере отырып, мемлекет олардың құқықтарын қорғауға, әл-ауқаты мен қауіпсіздігін қамтамасыз етуге айтарлықтай күш салуда. Қабылданған үш Заң ата-ана қамқорлығынсыз қалған балаларды қоғамға бейімдеуге бағытталған.Мәселен, 2024 жылғы ақпанда «Бала құқықтары туралы» Заңға жетім және ата-ана қамқорлығынсыз қалған балаларға арналған тәлімгерлік институт енгізуді көздейтін өзгерістер енгізілді. Абай облысында мұндай балаларды кәсіби бағдарлауға, әлеуметтендіруге және бос уақытын ұйымдастыруға жәрдемдесетін 5 жеке және 7 корпоративтік тәлімгер көмек көрсетеді. Желтоқсан айында «кәсіби қабылдаушы отбасы» институтын енгізетін Заң қабылданды. Бұл қиын өмірлік жағдайға тап болған балаларды үйде тәрбиелеуге мүмкіндік береді. Ал кәсіби ата-аналарға әр бала үшін 10 АЕК - тен 70 АЕК мөлшерінде жәрдемақы төленеді.Балаларға қатысты зорлық-зомбылық үшін жауапкершілік күшейтілді. Ал шұғыл көмек көрсететін «111» байланыс орталығының жұмысы заңнамалық деңгейде бекітілді. Қысым көрсетуге әкімшілік жауапкершілік енгізіліп, балаларды қоғамдық көліктен түсіруге тыйым салынды.2026-2027 оқу жылынан бастап жекеменшік мектептерде оқитын халықтың әлеуметтік осал топтарынан шыққан балаларға тамақ және оқу құралдары тегін беріле бастайды. Абай облысында қорғаншылық және қамқоршылық бойынша 22 маман жұмыс істейді. Алайда қосымша 15 маман қажет.«2024 жылдың ақпан айынан бастап өңірде жетім және ата-ана қамқорлығынсыз қалған балаларды қолдауға бағытталған «Мейірім» акциясы өткізілуде. Бүгінгі таңда 222 бала мемлекеттік мекемелер мен ұйымдарға бекітіліп, 144 баланың шотына 37 млн теңгеден астам қаражат аударылды», — деп атап өтті Абай облысы әкімінің орынбасары Жасұлан Сәрсебаев.Абай облысында балаларды қосымша біліммен қамту көрсеткіші 92,4% -. құрады. 11 мыңнан астам бала білім беру мекемелері және өзге де шығармашылық үйірмелерде, сондай — ақ 6 мыңнан астам бала спорт секцияларында өз қалаулары бойынша айналысады. 309 жалпы білім беретін мектептерде оқушыларды сабақтан тыс уақытта қамту 50 666 оқушыны құрады (49,3%): 1129 үйірмеде 20773 бала (20,3%), 1760 спорт секцияларында 29 893 бала (29%) қамтылды. Әскери-патриоттық тәрбиені дамыту үшін өңірде 234 клуб және 59 «Жас сарбаз» сыныптары жұмыс істейді. Экологиялық клубтар, сондай-ақ мектеп мұражайлары мен өлкетану жасақтары белсенді жұмыс істейді. 2024 жылдың жазғы кезеңінде 12 сауықтыру лагері 5 мыңнан астам баланы қабылдады. Қала сыртындағы лагерьлердің жетіспеушілігін жою үшін әлеуметтік-экономикалық дамудың Кешенді жоспары шеңберінде Кеңгірбай ауылында жаңа лагерь құрылысы жүргізілуде.«Өңірдің барлық білім беру мекемелері бейнебақылау камералары, дабыл түймелері және турникет сынды заманауи қауіпсіздік жүйелерімен жабдықталған. Ұлттық бейнемониторинг жүйесіне қосылу аясында 23 мыңнан астам камера орнатылды. Өңірде отбасы мен балаларды қолдау орталықтары құрылды. Онда психологтар, әлеуметтік педагогтар және қамқоршылық органдарының қызметкерлері жұмыс істейді. Қосымша білім беру үшін ауылдық клубтар мен мәдениет үйлерін пайдалану ұйымдастырылды. 2024 жылы 113 өтініш бойынша көмек көрсетіліп, олардың әрқайсысы жедел шешілді», — деп толықтырды облыс әкімінің орынбасары.Аймақта бір жылда буллинг, нашақорлықтың және экстремизмнің алдын алу бойынша мыңнан астам іс-шаралар өткізілді. 2024 жылдың тамыз айында облыс мамандары үшін балалардың құқықтарын қорғау мәселелеріне арналған оқыту семинары ұйымдастырылды.Бір сөзбен айтқанда, Абай облысында әр балаға қолайлы жағдай жасау бойынша жұмыс жалғасуда.Ақпарат көзі : https://www.gov.kz/memleket/entities/abay/press/news/details/924567

Облыс әкімі Асхат Шахаровпен кездесуде Мұғалжар ауданының жастары өңірдегі экологиялық жағдайды жақсарту және абаттандыруға бағытталған республикалық акцияның өткізілуін талқылады.Жастар жыл бойы сенбіліктерге және жасыл желектерді отырғызуға белсене атсалысты.«Біз «Таза Қазақстан» акциясын қолдаймыз, себебі соның арқасында ауыл таза әрі әдемі күйге енді. Барлығы қоршаған ортаға қамқорлық жасауы керек және жастардың осы процестерге белсенді қатысуы маңызды. Осындай бастамалармен біз экожүйені жақсартып, өмір сүруге қолайлы жағдай жасай аламыз, сондай-ақ жастардытабиғатқа деген жауапкершілігін арттыруға тәрбиелейміз. Тазалық пен тәртіп әрқайсымыздан басталады», - деді аудандық жастар ресурстық орталығының басшысы Дәулет Серікбаев.Облыс әкімі жас ауыл тұрғындарына белсенді азаматтық ұстанымдары үшін алғысын білдірді.«Таза Қазақстан» акциясы - бұл жай ғана бастама емес, бұл біздің өмір сүру үшін таза және жайлы орта құруға қосқан ортақ үлесіміз. Президент еліміздің әрбір өңірі өз аумақтарының экологиясын жақсартуға және абаттандыруға қатысу керек деген міндет қойды. Жастардың осы өзгерістердің алдыңғы қатарында болуы маңызды, өйткені сіздер – еліміздің болашағысыздар. Сенбіліктер мен көгалдандыру шараларына қатысып қана қоймай, сонымен қатар қоқыстарды бөлек жинау, жасыл аймақтарды құру және қоғамдық кеңістіктерді жақсарту бастамаларына белсенді қатысу қажет.Өзіміздің және басқа да тұрғындардың табиғатқа деген жауапкершілік сезімін тәрбиелеу маңызды, өйткенібалаларымыздың болашағы бізге байланысты. Осындай жобаларға қатысу арқылы сіздер өзгелерге үлгі көрсетернағыз көшбасшы боласыздар. Сіздердің көмектеріңізбен біз өңірімізді және елімізді таза әрі әдемі ететінімізге сенімдімін», - деп атап өтті облыс әкімі.Ақпарат көзі : https://www.gov.kz/memleket/entities/aktobe/press/news/details/924582

2025 жылғы 21 қаңтарда Шығыс Қазақстан облысының жеке меншік білім беру объектілерінің басшыларына жергілікті атқарушы органдары, ҚР Ұлттық қауіпсіздік комитеті және полиция департаментері өкілдерінің қатысуымен «Кәмелетке толмағандар арасында экстремизм мен терроризмнің алдын алу жөніндегі 2024-2026 жылдарға арналған жол картасы» және Қазақстан Республикасы Білім және ғылым министрінің 2022 жылғы 30 наурыздағы №117 бұйрығымен бекітілген білім беру саласындағы террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулық бойынша түсіндірме жұмыстары жүргізілді.Соңымен қатар, іс-шара барысында келесі тақырыптар талқыланды:- экстремизм және терроризм желісі бойынша ұғымдық аппарат;- саяси, ұлттық және діни экстремизмді насихаттау белгілері бар аудио-, бейнематериалдардың үлгілері;- экстремизм мен терроризмнің алдын алуда қолдануға ұсынылатын танымал теологтар мен тарихшылардың аккаунттары;- кәмелетке толмағандар жасаған зорлық-зомбылық әрекеттерінің мысалдары;- жеке басты жете тексеруді және жеке тұлғаның өзімен бірге алып жүрген заттарын жете тексеру қойылатын талаптар;- жалған ақпарат әдістері, оның ішінде жасанды интеллектті қолдану. Жалған ақпарат орналастыру, тарату үшін жауапкершілік;- Қазақстан Республикасы Білім және ғылым министрінің 2021 жылғы 25 мамырдағы № 235 бұйрығымен бекітілген білім беру ұйымдарына және олардың аумақтарына әкелуге тыйым салынған, оларда пайдаланылуы шектелген нәрселер мен заттардың тізбесі;- Қазақстан Республикасы Үкіметінің 2021 жылғы 6 мамырдағы № 305 қаулысымен бекітілген террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар;- Қазақстан Республикасы Ұлттық қауіпсіздік комитеті Төрағасының 2020 жылғы 27 қазандағы № 69-қе бұйрығымен бекітілген Ұлттық бейнемониторинг жүйесінің жұмыс істеу қағидалары;- Террористік тұрғыдан осал объектілердің терроризмге қарсы қорғалуының паспортын Қазақстан Республикасы Ішкі істер министрінің 2023 жылғы 14 маусымдағы № 481 және Қазақстан Республикасы Ұлттық қауіпсіздік комитеті Төрағасының 2023 жылғы 26 маусымдағы № 51/қе бірлескен бұйрығымен бекітілген үлгісіне сай өзектендіру;- көрінеу жалған хабарлама үшін жазаның бұлтартпастығы;- қолдан жасалған жарылғыш құрылғының белгілері және табылған жағдайдағы іс-әрекет алгоритмі;- террористік сипаттағы қатерлердің салдарын азайту мен жоюды мақсатында кезекші қызметтерге хабарлау схемасы;- терроризм актісін болғызбауға немесе жолын кесуге көмектескен ақпарат үшін сыйақы белгілеу және төлеу қағидалары.Білім беру мекеменің басшылары біқатар өзекті сұрақтарға жауап алды. Ақпарат көзі : https://www.gov.kz/memleket/entities/akimvko/press/news/details/924565

Бүгін Жетісу облысында кезекте тұрған 19 көпбалалы отбасы Талдықорған қаласындағы «Береке» коттедж қалашығынан баспаналы болды. Өткен жылдың соңынан бері мұнда 74 отбасы қоныс тойын тойлады, - деп хабарлайды Жетісу облысы әкімінің баспасөз қызметі.Облыс әкімі Бейбіт Исабаевтың тапсырмасы бойынша аталған коттедж қалашығының проблемалық мәселелерін шешу бойынша шаралар қабылдануда. Ол негізінен құрылыс сапасына байланысты мәселелер. Атап айтқанда, жөндеу жұмыстары жүргізіліп, салынып бітпеген үйлердің құрылысы аяқталуда. Барлығы 204 проблемалық коттедж анықталды. Барлық ескертулер мен кемшіліктер жойылғаннан кейін 25 коттедж өткен жылдың соңында кезекте тұрғандарға тапсырылды, ал тағы 30 коттедж өткен аптада тапсырылды. Бүгін кезекте тұрғандарға тағы 19 кілт табыс етілді. Қалғандары кезең-кезеңмен пайдалануға берілетін болады. Жалпы, биыл коттедж қалашығының құрылысын толық аяқтау жоспарланған.Бақытты қоныс иелерінің арасында жеті баланың анасы Әлия Аталықова да бар. Оның отбасы бүгін армандаған кілтке ие болды:- Баспана кезегінде 15 жыл тұрдым. Бала-шағаммен бір жалдамалы пәтерден екіншісіне үнемі көшу қиын болды. Біз ұзақ күткенімізге қарамастан, бүгін біздің отбасымызда үлкен және бақытты қоныс тойы өтті. Сол үшін барлық қатысушыларға шынайы алғысымды білдіремін. Жаңа қоныс иелеріне амандық тілеймін, - деді көпбалалы ана.Айта кететін жайт, Жетісу облысында тұрғындарды баспанамен қамтамасыз ету жұмыстары қарқынды жүргізілуде. Талдықорған қаласының өзінде өткен жылы кезекте тұрғандардың ішінен 1283 отбасы тұрғын үймен қамтамасыз етілді, ал биыл 1400-ден астам тұрғынды қамту жоспарланған. Жалпы, биыл облыс орталығында жаңа шағынаудандарда тұрғын үй салу, жолдарды жөндеу, жылу желілерін, арық желілерін қайта жөндеу және жаңа әлеуметтік нысандарды салу жұмыстары жалғасады. Қаланың ескі шағынаудандарының архитектуралық келбетін жаңартуға, үйлердің шатыры мен қасбетін қайта жаңартудан бастап, аула аумақтарына дейін назар аударылатын болады. Оның үстіне Талдықорғанды жаңа саябақтар мен скверлер көріктендіре түседі.Жетісу облысы әкімінің баспасөз қызметі. Фототілші: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/924146

Эдуард Саламат былтыр «Ауыл аманаты» бағдарламасына қатысуға ниет білдіріп, несиеге 16 миллион теңге рәсімдеп, голландиялық құлпынай сортын өсіретін «Nazberry» жылыжай кешенін ашты. Бір маусымда ол 0,8 тонна жидекжинаған. Қазір бүкіл отбасымен жылыжай жұмысын жүргізуде.«Ұзақ уақыт бойы өз ісіммен айналысуға бел будым. Ешқандай өкінбеймін. Барлық уақытымды жылыжайды дамыту ісіне арнаймын. Мұнда суару жүйесі автоматтандырылған. Жидектерге сұраныс көп. Біз өнімді негізінен Қандыағашта сатамыз, бірақ кейде Ақтөбеге де тасымалдаймыз. Болашақта кеңейтуді жоспарлап отырмын. «Ауыл аманаты» бағдарламасы - өз бизнесіңді ашуға жақсымүмкіндік. Ең бастысы, өз ісіңнен пайда алу үшін аянбайжұмыс істеу керек», - деді облыс әкіміне жылыжай иесі.Өңір басшысы Мұғалжар ауданына сапары барысында кәсіпкердің жұмысын бағамдап, оның ісімен танысып,сәттілік тіледі.«Ауыл аманаты» бағдарламасы аудан тұрғындары үшін үлкен мүмкіндік. Бұл бағдарлама ауыл тұрғындарын қолдауға, жұмыс орындарын құруға және елді мекендерде өмір сүру жағдайларын жақсартуға бағытталған. Біз ауданда тұру үшін қолайлы жағдай жасай отырып, ауылдарда инфрақұрылымды жақсарту және тұрғын үй салу бойынша белсенді жұмыс жүргізіп келеміз. Ауыл тұрғындарының осы мүмкіндіктерді пайдаланып, туған өлкенің дамуы мен өркендеуіне өз үлестерін қосуы маңызды», - деді әкім.Ақпарат көзі : https://www.gov.kz/memleket/entities/aktobe/press/news/details/924546

«Таза Қазақстан» республикалық акциясы облысымызда үздіксіз жалғасуда. Қаңтардың қытымыр аязы мен жауған қарына қарамастан әр ауданда жұмыс қарқынды жүруде.Көкпекті ауданының коммуналдық қызметтері қыс келген сәттен күшейтілген режимде қызмет етуде. Қар күреуге 24 техника және 500-ге жуық адам жұмылдырылды. Аудан аумағынан 3 мың текше метр қар шығарылды. Бұл жұмыс наурыз айының соңына дейін жалғасады. Одан бөлек аудан аумағында жастар ұйымдары мен мектеп оқушылары 33 жалғызбасты қарияға көмек қолын созды.Жаңасемей ауданында да ішкі көшелер мен подъездік жолдарды тазарту тұрақты түрде жүргізілуде. Бұған арнайы техника тартылған. Аудан бойынша 478,5 шақырым жол қардан тазартылған. Қазіргі таңда жаяу жүргіншілер жолдарына құм мен тұз қоспасын себілуде. Атқарылған жұмыстар әлеуметтік желілер арқылы тұрғындарға жеткізіліп жатыр.«Таза Қазақстан» республикасы акциясы аясында Бородулиха ауылында аудан әкімі Айдар Ибраев бастаған мемлекеттік қызметкерлер сенбілік ұйымдастырып, хоккей‌ кортын қардан тазартты. Коньки тебушілерге ыңғай‌лы болу үшін биыл мұз айдыны жанынан аяқ киім ауыстырып, жылынуға болатын арнай‌ы орын салынды.«Ел көлеміндегі акцияға бородулихалықтар алғашқы күннен атсалысуда. Жаз айларында көшет отырғызу, абаттандыру, қоқыс шығару жұмысын атқарсақ, қазір қардан тазалауды жалғастырып жатырмыз. Акция барлығымызды біріктіреді. Сондықтан бей-жай қарамай, атсалысуға шақырамын», - деді Бородулиха ауданының әкімі Айдар Ибраев.Мақаншы ауданында қар биыл жылдағы мөлшерден кем түскен жоқ. Соған қарамастан аудан әкімдігі мен жергілікті коммуналдық қызмет 15 арнайы техника мен 60-тан астам жұмысшы жұмылдырып, қардан тазартуда. Мердігер мекемелер түнгі ауысымда жолдардың тазалығын қамтамасыз етуде.Дәл осындай жұмыс Бесқарағай ауданында да жүргізілуде. Көшелерден бөлек саябақ пен қоғамдық орындар қардан аршылуда.Курчатов қаласында 300 текше метрден астам қар шығарылды. Қаланы тазалауға «Курчатов Водоканал» МКК техникалары мен жұмысшылары тартылған.Ақпарат көзі : https://www.gov.kz/memleket/entities/abay/press/news/details/924525

Азық-түлік келісімшарт корпорациясының «Астық қоймалары» ЖШС еншілес кәсіпорнының астық базалары 2024 жылы астық қабылдау көлемін екі есеге арттырды.2024 жылғы қаңтардан желтоқсанға дейін ауыл шаруашылығы өндірушілері төрт астық қабылдау пунктінің элеваторларына 411,7 мың тонна астық тапсырды, бұл өткен жылдан 185,7 мың тоннаға артық. 2024 жылғы егінді жеткізуде 3-сыныпты бидай басым болды.Жыл ішінде кәсіпорынның астық қоймаларынан 346,4 мың тонна астық пен майлы дақылдар жөнелтіліп, тасымалданды. 2023 жылдың сәйкес кезеңімен салыстырғанда «Астық қоймалары» астық базаларында жөнелту көлемі 17,9%-ға (немесе 62 мың тонна) өсті.Кәсіпорынның астық қабылдау пункттері Ақмола, Солтүстік Қазақстан және Қостанай облыстарында орналасқан. 2025 жылғы 20 қаңтардағы жағдай бойынша төрт нан базасында 288,6 мың тонна астық сақталуда.«Астық қоймалары» ЖШС мамандары АҚП-де орналасқан ауыл шаруашылығы өнімдерінің сапа параметрлерінің сақталуына тұрақты бақылау жүргізеді. Астықты сақтау шараларын күшейту үшін астық базалары IP-бейнебақылау жүйелерімен жабдықталған, кәсіпорында өндірістік процестерді бейнетіркеу жүргізіледі.Ақпарат көзі : https://www.gov.kz/memleket/entities/moa/press/news/details/921726

Бақсай су арнасында шабақтарды құтқару шаралары жалғасуда. 21 қаңтар таңына дейін 2 млн-нан астам шабақ құтқарылды. Жалпы, бірнеше күн ішінде 8,5 млн шабақ құтқарылды.Жұмысқа 45 қызметкер мен 8 техника бірлігі жұмылдырылған. Құтқарылған, салмағы 5-6 грамм болатын балықтар тірі күйінде Жайық өзеніне жеткізілуде.Шаралар жалғасып жатыр. Жағдай Жайық-Каспий аймақаралық бассейндік балық шаруашылығы инспекциясының бақылауында.Ақпарат көзі : https://www.gov.kz/memleket/entities/moa/press/news/details/921732

Осы ұсынымдарды «Дәнді және майлы дақылдар. Қазақстан» зерттеу бюросы әзірледі.Дәнді дақылдарэлеватардан, ҚҚС-мен, тг/кгАғымдағы баға(элеватор)ӨзгерістерҰсынымМүмкінмаксМүмкін минжұмсақ бидай 3 сыныпты, 28 клк +113-САТУ14590жұмсақ бидай 3 сыныпты, 25 клк дейін71+6САТУ9570жұмсақ бидай 3 сыныпты, 23 клк дейін65-САТУ8560жұмсақ бидай 4 сыныпты, 20 клк дейін60+2САТУ8050жұмсақ бидай 5 сыныпты, 17клк дейін50+2САТУ6535арпа 2 сыныпты59+3САТУ6035Дурум (прот 14+)85-САТУ12070Дурум (прот 15+)102-САТУ15090Бір апта ішінде 25 глютенді "үштік" бағасының қазақстандық астық нарығында, сондай-ақ 4 және 5-сыныпты бидайдың өсуі тіркелуде.Респонденттердің айтуынша, нарық әлі де өзгеруде. Трейдерлер қазір азды-көпті белсенді сауда болады деп үміттенеді.Қызыл-бір апта ішінде төмендеу, жасыл-көтерілу, барлық бағалар-жаңа егін жинауҚазақстандық нарыққа қатысушылар келесі жылы Ресейде егіннің болжамды төмендеуіне байланысты бағаның өсуін күтуде, соның салдарынан Ресей Федерациясының фермерлері «оны озу үшін, бағаны көтеруде».Сұхбаттасушылардың болжауынша, «Ресей қазір өз астығын шығарады, салдарынан біздің бидай қолданылып, астық бағасы өседі» .Екінші жағынан, доллардың өскен бағамы ҚР фермерлерін астық сатуға ынталандырды. Фермерлер бидайдың хай про құны-130 мың теңге/тонна деп санайды, экспорттаушылар оның өтпейтін айтады, сондықтан, хай проны араластыру үшін отандық ұн тартқыштар сатып алады деп санайды.Импорттаушылардың ҚР ұсынылған баға белгісіне қалай жауап беретіні әлі түсініксіз. Бірақ, трейдерлердің айтуынша, әзірбайжандар 25 глютенді бидайдың бағасын тоннасына 210 доллардан 203 долларға дейін азайтты.Сарыағашта қазір 4-сыныпқа және 3-сыныпқа 25 глютенді қызығушылық бар, қатардағыға сұраныс жоқ.Майлы/Бұршақ дақылдарыМайлы дақылдар нарығында зығыр мен күнбағыс бағасы қымбаттап жатыр.Нарық әлі тұрақсыз. Көптеген трейдерлер майлы тұқымдарды сатып алуды әлі бастамаған.Солтүстікте сатып алу тек зығыр арқылы жүзеге асырылады.Трейдерлердің айтуынша, алтын зығыр аз, негізінен барлығы қоңыр зығырмен сауда жасайды.Жасымықтың бағасы да өсті (ҚҚС-пен):элеватардан, ҚҚС-мен, тг/кгАғымдағы бағаӨзгерістерҰсынымМүмкінмаксМүмкін минЗығыр213+1САТУ200170Рапс208-САТУ250180Күнбағыс165+4САТУ190160Мақсары116-САТУ11085Соя186-САТУ285200Қыша қара/ақ215-САТУ300200Бұршақ (сары)*92-САТУ17080Жасымық қызыл**191+2САТУ220180Жасымық жасыл (үлкен көлемде) **358+51САТУ450350қызыл - 180–200 мың. тенге/тонна;жасыл - 350–400 мың. тенге/тонна.* - сыйақылы сапа кезінде солтүстік өңірлер, * * - ҚҚС-сыз Курсив жаңа өнім бөліп берді Ақпарат көзі : https://www.gov.kz/memleket/entities/moa/press/news/details/921919

Қазақстан Республикасының Ауыл шаруашылығы министрі Айдарбек Сапаровтың төрағалығымен делегация құрамы Мәскеуде жұмыс сапарымен жүр.Ресей Федерациясының Ауыл шаруашылығы министрі Оксана Лутпен кездесуде агроөнеркәсіптік кешен саласындағы екіжақты ынтымақтастықтың өзекті мәселелері қаралды.Оксана Лут Ресей мен Қазақстанның аграрлық саладағы қарым-қатынасын серіктестік және достық деп сипаттады.Өз кезегінде Айдарбек Сапаров Ресей Қазақстанның аграрлық саладағы ең ірі сауда серіктесі болып табылатынын атап өтті.Соңғы жылдары екі ел арасындағы АӨК өнімінің тауар айналымының серпіні 3,4 млрд АҚШ долларынан асты. 2024 жылдың 11 айының қорытындысы бойынша АӨК өнімінің Ресеймен тауар айналымының 4,3% - ға немесе 3,4 млрд АҚШ долларына ұлғаюы байқалады."Ресей Федерациясына қазақстандық өнім экспортының көлемі жыл сайын артып келеді. Мәселен, 2024 жылдың 11 айының қорытындысы бойынша экспорт 502,9 млн АҚШ долларын құрады. Біз ауыл шаруашылығы өнімдерінің Ресей нарығында болуын арттыруға мүдделіміз және барлық бағыттар бойынша жұмысты күшейтуге дайынбыз", — деді министр.Аграрлық ведомстволардың басшылары шектеулерді алып тастау және өсімдік шаруашылығы өнімдерінің транзиті мәселелерін талқылады.Айта кетейік, бұған дейін жүргізілген келіссөздердің қорытындысы бойынша қазақстандық тарап барлық шектеулерді алып тастады. 2025 жылдың қаңтарында Россельхознадзор Қазақстанның 36 кәсіпорнынан қызанақ әкелуге уақытша шектеулерді алып тастады. Мал шаруашылығы және өсімдік шаруашылығы өнімдерін әкелуге және транзитке бірқатар шектеулерді алып тастау бойынша келіссөздер жалғасуда.Тараптар екі елдің тауар айналымы көлемінің оң серпінін сақтау үшін өзара шектеулерді алып тастау бойынша жұмыс жалғастырылатынын атап өтті.Кездесу қорытындысы бойынша АӨК саласындағы ресей-қазақстан ынтымақтастығын дамыту жөніндегі іс-шаралар жоспарына қол қойылды. Құжат АӨК-ті ғылыми-технологиялық қамтамасыз ету саласындағы өзара іс-қимылды көздейді.Бірқатар ресейлік салалық ғылыми-зерттеу институттары мен университеттері қазақстандық әріптестерімен кооперацияны дамытуға қызығушылық танытты.Бұдан басқа, жоспар агробиотехникалық паркті құру және дамыту жөніндегі бірлескен жобаны іске асыру бойынша ұсыныстарды қалыптастыруды, азық-түлікті өзара жеткізу үшін қолайлы режимді қамтамасыз етуді, ветеринариялық және фитосанитариялық бақылау саласындағы ақпараттық жүйелерді интеграциялау жөніндегі жұмысты аяқтауды және басқа да іс-шараларды көздейді.Ақпарат көзі : https://www.gov.kz/memleket/entities/moa/press/news/details/922105

ҚР АШМ ЖРБК Атырау облысының Жер ресурстарын басқару департаменті Атырау көлік прокуратурасымен бірлесіп тексеру барысында мемлекеттік жерлерді заңсыз пайдалану фактілерін анықтады. Тексеру қорытындысы бойынша шаруа қожалықтарының бірі «Әкімшілік құқық бұзушылық туралы» ҚР Кодексінің 136-бабына сәйкес 2 584 400 теңге сомасына айыппұл салумен әкімшілік жауапкершілікке тартылды. ШҚ-ның сотта шешімге қарсы шығуға қойылатын талаптары қабылданбады.Сонымен қатар, Департамент шаруа қожалығына Махамбет ауданында орналасқан 100 га аумақты игеру туралы ұйғарым берді.Алайда нұсқаманың орындалмауына байланысты жер учаскесі ҚР Жер кодексінің 94 бабына сәйкес мәжбүрлі түрде алынды.Ақпарат көзі : https://www.gov.kz/memleket/entities/moa/press/news/details/922535

ҚР Ауыл шаруашылығы министрі Айдарбек Сапаров бастаған қазақстандық делегация Ресей Федерациясына жұмыс сапары аясында ірі агроөнеркәсіптік кешендер мен ғылыми орталықтарды аралады.«Мираторг» АӨХ геномдық селекция орталығында министрге асылдандыру жұмыстарының қолданылатын әдістері туралы айтылды. Олар ДНҚ тізбегін зерттеуге негізделген, бұл ерте жастағы жануарлардың асыл тұқымды құндылығын болжауға мүмкіндік береді, ал дәстүрлі әдістер бірнеше жылға созылуы мүмкін.Орталық жылына 400 мың ДНҚ зерттеуін жүргізеді және өнімділік бойынша әлемдегі ең үздік 10 генетикалық ветеринарлық зертхананың қатарына кіреді.Абердин-ангус тұқымы мен ірі қара малдың танымал сүт тұқымдары үшін асыл тұқымды құндылықтың отандық геномдық индексін құру, ет пен сүттің сапасын жақсарту кезінде өндіріс құнын төмендету бойынша жұмыстар жүргізілуде. Жоба қысқа мерзімде асыл тұқымды жұмыстың тиімділігін арттыруға, мал өсірушілерді сапалы генетикалық материалмен қамтамасыз етуге мүмкіндік береді.Сондай-ақ, ҚР АШМ өкілдері «Смена» толық циклді селекциялық орталығына барды.Мұнда ет бағытындағы тауықтардың отандық кроссын іріктеу жолға қойылған, ең заманауи жабдықтар мен құспен жұмыс істеудің озық технологиялары пайдаланылады. Кешенге балапандар өсіруге және іріктеуге арналған құс фермасы; ересек селекциялық табынды ұстауға арналған екі ферма, жылына шамамен 26 млн тәуліктік тауық өсіруге арналған инкубаторий кіреді. «Смена» СГО- да 300-ден астам адам жұмыс істейді - бұл ғылыми қызметкерлер, селекционерлер және басқа да бейінді мамандар.Делегация жұмыс сапарын «Луховицкий көкөністері» жылыжай комбинатына барумен аяқтады.Кәсіпорын Мәскеу облысындағы қорғалған топырақ қиярының жетекші өндірушісі болып табылады. Луховицкий көкөністеріндегі жабдық жыл бойы қызанақ пен қияр өсіруге мүмкіндік береді. Бір жыл ішінде кешенде 40 мың тоннаға дейін көкөніс жиналады.Ақпарат көзі : https://www.gov.kz/memleket/entities/moa/press/news/details/922678

Ауыл шаруашылығы вице-министрі Ермек Кенжеханұлы Lidea француз компаниясының бас директоры Пол Оливье, Ресей және ТМД елдері бойынша коммерциялық директоры Дюпон Янмен кездесті.Тараптар өзара іс-қимылды кеңейту мәселелерін талқылады.Вице-министр қазіргі уақытта Қазақстан өсімдіктердің жаңа сорттарын қорғау жөніндегі халықаралық одаққа кіру бойынша жұмыс жүргізіліп жатқанын және француз делегациясының мүшелерін тұқым шаруашылығын ынталандыруға бағытталған мемлекеттік қолдау шаралары туралы хабардар етті.Шаралардың қатарында тұқымдардың, минералды тыңайтқыштардың (органикалық тыңайтқыштарды қоспағанда), пестицидтердің, биоагенттердің (энтомофагтардың), су беру жөніндегі қызметтердің және т. б. құнын арзандату бар.Өз кезегінде Пол Оливье компанияның қызметі туралы айтып, генетикалық материалды іріктеу және алмасу, тұқым өндіру және өңдеу бойынша заманауи және озық технологияларды қолдану бойынша ғылыми бағдарламаларды іске асыру саласындағы ынтымақтастыққа қызығушылық танытты.Сондай-ақ, жергілікті тұқым өндірісін дамыту мәселесі қаралды.Ақпарат көзі : https://www.gov.kz/memleket/entities/moa/press/news/details/923425

Жетісу облысындағы «Тәуелсіздік» ЖШС екі жаңа робот сатып алды.Өндіріс Солтүстік Қазақстан облысының тәжірибесін тираждау жөніндегі бағдарлама шеңберінде СТФ кеңейту және жаңғырту жөніндегі жұмысты жалғастыруда. 2024 жылы Даниядан 240 қызыл дат тұқымды сиыр және екі заманауи DeLaval роботтары сатып алынды.Сауын роботының басты артықшылықтарының бірі-оның сүт беру жылдамдығы, сиырлардың қозғалысын бақылау, сауу аралығы және аяқталмаған сауу сияқты маңызды параметрлерді дәл өлшеу мүмкіндігі. Ол сондай-ақ мастит жағдайларын анықтауға және ұрықтандыру уақытын анықтауға көмектесетін әртүрлі параметрлердің комбинациясын талдайды.Сондай-ақ фермада жануарларға арналған азық-түліктің тұрақты қолжетімділігін қамтамасыз ететін жем итергіш робот бар. Итергіш бағдарламаланған маршрут бойынша жұмыс істейді және арнайы құрылғыдан зарядталады.Жалпы, фермада 1100 сиыр бар, оның 600 -і сауын сиырлар. Бір сиырдан күніне сүт мөлшері орта есеппен 37 литрді құрайды. Қазіргі уақытта фермада 10 робот жұмыс істейді, оның ішінде екеуі жаңа.Осылайша, «Тәуелсіздік» ЖШС сүт-тауар фермасында заманауи технологияларды енгізу өндірістің тиімділігін арттырып қана қоймай, қызметкерлердің еңбек жағдайлары мен өмірін жақсартуға ықпал етеді, сондай-ақ тұтынушылар үшін өнімнің жоғары сапасын қамтамасыз етеді.Ақпарат көзі : https://www.gov.kz/memleket/entities/moa/press/news/details/924134

Грузияға жұмыс сапары барысында Қазақстанның ауыл шаруашылығы вице-министрі Аманғали Бердалин Грузияның Қоршаған ортаны қорғау және ауыл шаруашылығы вице-министрі Аполлон Какабадземен кездесу өткізді. Кездесуде ауыл шаруашылығы саласындағы екіжақты ынтымақтастық мәселелеріне баса назар аударылды.Аманғали Бердалин Қазақстан мен Грузия арасындағы аграрлық саладағы өзара іс-қимыл екі елдің қарым-қатынасында басым орын алатынын атап өтті. АӨК өнімдерінің сауда серпіні оң өсімді көрсетіп отыр: 2024 жылдың 11 айында Қазақстанның Грузиямен тауар айналымы 65,4 млн долларды құрады, бұл 2023 жылдың сәйкес кезеңімен салыстырғанда 11,1% - ға артық. Бұл ретте Қазақстаннан экспорт 28,2% - ға ұлғайды.Вице-министр қазақстандық бизнестің Грузияға астық, ұн, өсімдік майлары, ет және сүт өнімдері, бал және кондитерлік өнімдерді қоса алғанда, түрлі тауарлардың экспортын жолға қоюға мүдделілігін атап өтті.Кездесу барысында асыл тұқымды, пайдаланушылық және сойылатын ірі қара малға ветеринариялық сертификаттардың нысандарына қол қойылды, бұл сауда ынтымақтастығын кеңейту үшін қолайлы жағдай туғызады. Атап айтқанда, Грузияда ет өнімдерінің жоғары құны қазақстандық ауыл шаруашылығы өндірушілерінің өнімдерін экспорттауға жаңа мүмкіндіктер ашады.Бұдан басқа, қазақстандық тарап ведомстволар арасындағы өзара түсіністік туралы меморандум шеңберінде ынтымақтастықты жандандыруды ұсынды, бұл мал шаруашылығы, өсімдік шаруашылығы, тамақ өнімдері мен жемшөп қауіпсіздігі, ветеринария және ауыл шаруашылығы өнімдерін қайта өңдеу саласындағы өзара іс-қимылды жақсартуға мүмкіндік береді.Аполлон Какабадзе барлық ұсыныстарды қолдады және бірлескен бастамаларды жүзеге асыруда жан-жақты көмек көрсетуге уәде берді.ҚР үшін ауыл шаруашылығын цифрландыру мәселесі маңызды аспект болып қала береді. Елде өнімнің есебін, мониторингін және қадағалануын жақсарту үшін ақпараттық технологиялар белсенді енгізілуде, ауыл шаруашылығы жануарларын бірдейлендіру және етті ветеринариялық-санитариялық сараптау жүйелері жұмыс істейді. Жоспарда - Еуропалық Одақ елдерімен мал шаруашылығы өнімдерінің қозғалысын қадағалау бойынша интеграция жасау. Осыған байланысты Грузияның АӨК-дегі процестерді цифрландыру және автоматтандыру тәжірибесі ФАО-мен бірлесіп жүзеге асыратын ерекше қызығушылық тудырады.Сондай-ақ, Аманғали Бердалин ФАО-ға Қазақстандағы «Бірыңғай денсаулық» жобасы аясында «Ветеринария бойынша Ұлттық референттік орталық» үшін ветеринариялық зертханалық жабдықтар мен «Республикалық эпизоотияға қарсы отряд» үшін арнайы техника сатып алуға көрсеткен көмегі үшін алғысын білдірді.«Бұл жоба ел үшін маңызды, өйткені ол микробқа қарсы тұрақтылыққа қарсы күресте әлеуетті арттыруға, зооноздық аурулардың алдын алуға және эпидемиологиялық қадағалауды дамытуға бағытталған», - деді вице-министр.Ұлттық азық-түлік агенттігінің өкілдерімен кездесуде ветеринария саласындағы халықаралық ынтымақтастықты нығайту мәселелері қаралды.Жұмыс бағдарламасы аясында Грузияның қоршаған ортаны қорғау және ауыл шаруашылығы министрлігінің Республикалық ветеринариялық зертханасына, Ұлттық азық-түлік агенттігінің аймақтық ветеринариялық кеңсесіне және Шида Картлидегі сою алаңына барды.Ақпарат көзі : https://www.gov.kz/memleket/entities/moa/press/news/details/924159

2024 жылдың қорытындысы бойынша сою салмағында 430,0 мың тонна ІҚМ еті өндірілді, бұл 2023 жылмен салыстырғанда 7,5%-ға артық. Осы кезеңде өңделген өнімдер 270 мың тонна етті құрады.Елде өндірілетін сиыр етінің көлемі халықтың қажеттіліктерін толығымен қанағаттандырады.Сиыр еті өндірісінің өсуімен қатар ІҚМ жалпы саны да өсуде. Мәселен, 2024 жылдың қорытындысы бойынша ІҚМ саны 7,8 млн басты құрады, бұл 2023 жылмен салыстырғанда 18,5%-ға артық. Айта кету керек, малдың 55%-ы агроқұрылымдарға тиесілі, ал 5 жыл бұрын бұл көрсеткіш тек 45% құрады.Саланы дамыту үшін қажетті жағдайлар жасалуда.Етті мал шаруашылығын одан әрі дамыту мақсатында субсидиялау түрінде елеулі мемлекеттік қолдау жүзеге асырылады, оның жыл сайынғы көлемі шамамен 40,0 млрд теңгені құрайды. Етті мал шаруашылығы бойынша жобаларға жылдық 2,5% мөлшерлемемен жеңілдетілген кредит беру көзделген.Жалпы, жүргізіліп жатқан жұмыс ет өндірісінің өзіндік құнын төмендетуге бағытталған, оған күрделі шығындарды барынша азайта отырып, технологияларды енгізу есебінен қол жеткізіледі.Осыған байланысты 2024 жылдан бастап жайылымдық жерлерді ұтымды және ротациялық түрде пайдалануды, жемшөптің жануарларды ұстау орындарына жақындығын қамтамасыз етуді, құрама жем кәсіпорындарын ашу, бордақылау кезінде арнайы құрама жемді пайдалануды, сондай-ақ жаңа қайта өңдеу кәсіпорындарын жаңғыртуды және құруды көздейтін етті мал шаруашылығында австралиялық тәжірибені енгізу жөніндегі жобалар іске асырылуда.Осылайша, жем дайындаудан бастап дайын өнімді сатуға дейінгі өнімді өндіру үшін толық циклі бар ет кластерлері құрылуда. АШМ әрбір жобаны толық сүйемелдеуді жүзеге асырады.Атап айтқанда, австралиялық тәжірибе бойынша алдағы 2 жылда 98 мың ірі қара мал басына 6 бордақылау алаңын, 50 мың ірі қара малға арналған ірі бордақылау кешенін және бірінші мамандандырылған мал биржасын салу жоспарлануда.Бағаның өсуіне келетін болсақ, олар көптеген факторларға байланысты. Олардың қатарында қазақстандық өндірушілердің етіне көрші елдердің сұранысы артып отыр.Мәселен, 2024 жылдың қорытындысы бойынша сиыр етінің экспорты 8,0 мың тоннаға артып, 20,0 мың тоннаға жетті. Өндірілетін өнімді өткізудің тұрақты нарықтарының және қолайлы баға конъюнктурасының болуы саланы одан әрі дамытудың негізгі факторы болып табылады.Квоталау тетіктерін қолдану ішкі нарықта да реттеуші әсер етеді.Естеріңізге сала кетейік, 2024 жылғы 26 қазаннан бастап тірі ірі қара малды (бұқашықтарды) әкетуге квоталау түріндегі сандық шектеулер қолданылады. Бұқашықтарды әкетудің сандық лимиті 85 000 басты құрайды. Бүгінгі таңда 70 379 квота немесе 82,7% (етке аударылғанда 10 мың тоннадан астам) игерілді. Аналық малды әкетуге толық тыйым салынған.Бұдан басқа, қазіргі уақытта ауыл шаруашылығы министрінің а.ж. 9 қаңтардағы № 3 бұйрығымен етті мал шаруашылығын дамытудың өзекті мәселелерін талқылау және шешу жөніндегі жұмыс тобы құрылып, істеуде.Ақпарат көзі : https://www.gov.kz/memleket/entities/moa/press/news/details/924464

Женевадағы БҰҰ ғимаратында ҚР Парламенті Мәжілісі депутаттарының, ҚР Бала құқықтары жөніндегі уәкілдің және азаматтық қоғам өкілдерінің қатысуымен «Kazakhstan' s democratic transformations: Political and social rights» тақырыбында сайд-ивент өтті.Іс-шара Адам құқықтары жөніндегі әмбебап кезеңдік шолу аясында ҚР төртінші Ұлттық баяндамасын қорғау шеңберінде Қазақстанның демократиялық қайта құру саласындағы жетістіктерін, сондай-ақ адам құқықтарын қорғауға және инклюзивті қоғамды дамытуға бағытталған әлеуметтік және саяси реформаларды халықаралық қоғамдастыққа ұсыну мақсатында ұйымдастырылды.Іс-шараның модераторы ҚР Сенаты жанындағы Инклюзия жөніндегі кеңестің төрағасы Ләззат Қалтаева кездесуді бастама сөзімен ашып, күн тәртібінің негізгі бағыттарын белгіледі.Аталған шараның спикерлері ҚР Парламенті Мәжілісінің депутаттары Б. Нажметдинұлы, К.С. Сейтжан және Ю.В. Кучинская келесі тақырыптарда баяндама жасады:- конституциялық өзгерістерді, өлім жазасын алып тастау, сөз бостандығы мәселелерін және сайлау құқығын жақсартуды қоса алғанда, негізгі саяси реформалар.- жұмыспен қамтуды, медициналық қызметтердің қолжетімділігін, еңбекті қорғауды қоса алғанда, инклюзияға бағытталған әлеуметтік реформалар.ҚР Бала құқықтары жөніндегі уәкіл Д.Б. Закиева омбудсмен мандатын күшейту, буллингке, суицидке және жыныстық зорлық-зомбылыққа қарсы шаралар сияқты балалардың құқықтарын қорғау саласындағы жетістіктерімен бөлісті.«Кәсіби әлеуметтік қызметкерлердің ұлттық альянсы» РҚБ атқарушы директоры Д.Г. Есімова әлеуметтік саясатты нығайтудағы және осал топтардың құқықтарын қорғаудағы азаматтық қоғамның рөлі туралы айтып берді.Сайд-ивент халықаралық ұйымдардың, дипломатиялық корпустың, құқық қорғау ҮЕҰ-ның және сараптамалық қоғамдастықтың өкілдерін қоса алғанда, қатысушылардың кең ауқымын жинады, бұл Қазақстанда адам құқықтарын дамыту туралы ашық диалогқа ықпал етті.Ақпарат көзі : https://www.gov.kz/memleket/entities/adilet/press/news/details/923289

2025 жылғы 23 қаңтарда БҰҰ Адам құқықтары жөніндегі кеңесінің Жұмыс тобының Женевада өтіп жатқан 48-ші Әмбебап кезеңдік шолу (ӘКШ) сессиясы шеңберінде Қазақстан Республикасы Адам құқықтары мен бостандықтарын қорғау саласындағы халықаралық міндеттемелердің орындалуы туралы төртінші Ұлттық баяндаманы қорғау рәсімінен өтті.Қазақстан Республикасының Адам құқықтары саласындағы халықаралық міндеттемелерді іске асыруы туралы негізгі құжатты Әділет министрі Ерлан Сәрсембаев бастаған делегация ұсынды.Қазақстандық делегация құрамына Бас Прокуратура, Сот Әкімшілігі, ішкі істер, мәдениет және ақпарат, сыртқы істер, еңбек және халықты әлеуметтік қорғау, денсаулық сақтау және оқу-ағарту министрліктері басшыларының орынбасарлары мен лауазымды адамдары кірді.Қазақстандық делегация іс-шараға қатысушыларды Қазақстан Республикасының соңғы бес жылдағы адам құқықтары саласындағы негізгі жетістіктерімен және мемлекет дамуының басты басымдықтарымен таныстырды.Ерлан Сәрсембаев 2019 жылғы қарашада үшінші баяндама ұсынылған сәттен бастап, Қазақстан елімізді одан әрі демократияландыруға бағытталған бірқатар маңызды бастамаларды іске асыру арқылы адам құқықтары саласында елеулі табыстарға қол жеткізгенін атап өтті.Сот ісін жүргізуді жетілдіру мақсатында Әкімшілік әділет іске қосылды. 3 жыл ішінде ол тиімділікті дәлелдеді, әділ, тиімді және қол жетімді әділеттілікті қамтамасыз етті. Қазіргі уақытта Парламентте Әкімшілік әділет саласын кеңейтуге бағытталған заң жобалары бар. Қазіргі уақытта соттар олардың шешімдеріне, мемлекеттік органдар мен лауазымды адамдардың әрекеттері мен әрекетсіздігіне шағымдану туралы талаптардың 60% - на дейін қанағаттандырады.Конституциялық сотты қалпына келтіруден және Әкімшілік рәсімдік-процестік кодексті қабылдаудан басқа, Қазақстан азаматтардың құқықтарын қорғау үшін әкімшілік сот төрелігі институтын енгізуді қоса алғанда, сот жүйесі саласында реформалар жүргізді, сондай-ақ олардың ашықтығы мен есептілігін арттыру мақсатында құқық қорғау органдарының қызметін реформалады.Қазақстандық делегация басшысының сөзінен кейінгі интерактивті диалог барысында БҰҰ-ның мүше мемлекеттері адам құқықтарын қорғаудың заңнамалық тетігі мен практикасын жетілдіру бойынша тиісті ұсынымдарын ұсынды.Қазақстан Республикасының ресми делегациясы Ұлттық баяндаманы қорғауға қатысушылардың сұрақтарына жауап берді.Шет мемлекеттердің делегациялары Қазақстан Республикасының адам құқықтарын қорғау саласындағы заңнамалық, практикалық және басқа да шараларды дамытудағы және адам құқықтарын қорғау саласындағы негізгі халықаралық құжаттардың басшылық қағидаттарын орындаудағы үдемелі ілгерілеуін атап өтті. Ақпарат көзі : https://www.gov.kz/memleket/entities/adilet/press/news/details/923542

Женева қаласында Әмбебап кезеңдік шолудың төртінші цикліне ҚР Ұлттық баяндамасын қорғау шеңберінде ҚР Әділет министрі Ерлан Сәрсембаев БҰҰ Адам құқықтары жөніндегі Жоғарғы комиссарының орынбасары Нада Әл-Нашиф ханыммен кездесіп, Қазақстанда адам құқықтарын қамтамасыз етуді нығайту жөніндегі өзара тиімді мүмкіндіктер туралы нәтижелі диалог пен пікір алмасу өткізді.Сондай-ақ Қазақстандағы адам құқықтарының түрлі аспектілері талқыланды. Тараптар атқарылған жұмыстар туралы пікір алмасып, құқықтық жүйені жетілдіру саласындағы тәжірибелерімен бөлісті.Жоғарғы комиссардың 2023 жылғы наурыздағы Қазақстанға ресми сапарының қорытындысы бойынша берген ұсынымдарына және мемлекеттік органдардың Жоғарғы комиссар басқармасымен ынтымақтастығының перспективалық бағыттарына ерекше назар аударылды.Кездесу нәтижесінде тараптар перспективалық бағыттар шеңберінде одан әрі ынтымақтастық туралы уағдаластыққа қол жеткізді.Қазақстан өзара қызығушылық тудыратын салаларда жұмысты жалғастыруға дайын екендігін білдірді.Ақпарат көзі : https://www.gov.kz/memleket/entities/adilet/press/news/details/923792

Кездесу барысында тараптар зияткерлік меншік құқығын дамыту саласындағы ынтымақтастықтың негізгі бағыттарын талқылады.Министр Ерлан Сәрсембаев ДЗМҰ әріптестікті дамыту Қазақстан үшін зияткерлік меншіктің ұлттық жүйесін және өңірдің зияткерлік әлеуетін дамытуға ықпал ететін стратегиялық басымдық екенін атап өтті. Кездесуде осы жылдың жобалары мен бастамалары талқыланды. Олардың ішінде Технологиялар мен инновацияларды қолдаудың жаңа орталықтарын (ТИҚО) құру, зияткерлік меншік және бизнес бойынша ДЗМҰ магистрлік бағдарламасын іске асыру, сондай-ақ Қазақстанның лицензияланбаған онлайн-контентке қарсы күрес жөніндегі ALERT жобасына қатысуы талқыланды.Министр Қазақстанның зияткерлік меншік саласындағы белсенді қадамдарына тоқталды. Осындай жетістіктердің қатарында – Қазақстан Парламентінің 2025 жылғы 16 қаңтарда ДЗМҰ Марракеш шартын ратификациялауды мақұлдауы. Ол көру қабілеті бұзылған адамдардың жарияланған жұмыстарға тең қол жеткізуін қамтамасыз етудегі маңызды қадам болғанын және Қазақстанның осы саладағы халықаралық стандарттарға бейімділігін атап өтті.Ерлан Сәрсембаев ДЗМҰ-мен белсенді жұмыс істеудің арқасында Қазақстан 81-ші орыннан 78-ші орынға көтеріліп, Жаһандық инновациялық индекстегі өз позициясын жақсартқанын және осы бағыттағы жұмысты жалғастыруға ниетті екенін айтты.Сонымен қатар ДЗМҰ Бас директоры Дарен Тангтың 2025 жылғы 29-30 мамырға жоспарланған Астана халықаралық форумына қатысу үшін Қазақстанға сапары шеңберінде бірлескен халықаралық іс-шараларды өткізу жоспарлары талқыланды. Алғаш рет осы форум аясында зияткерлік меншік мәселелері бойынша жеке панелдік сессия ұйымдастырылады.Ақпарат көзі : https://www.gov.kz/memleket/entities/adilet/press/news/details/923793