Әрбір өнеркәсіп пен кәсіпорын, ондағы мыңдаған маман күнделікті жұмысы арқылы ел экономикасының дамуына өлшеусіз үлес қосып жатыр. Өндіріс циклінің үздіксіз жүруін тікелей қамтамасыз ететін – жұмысшы мамандық иелері. Солардың бірі – Астанадағы медициналық құрал-жабдықтар шығаратын заманауи фармацевтикалық кешенде жұмыс істейтін елорда тұрғыны Гүлжан Мұсабаева, деп хабарлайды елорда әкімдігінің ресми сайты.Гүлжан Мұсабаева медициналық құрал-жабдықтар шығаратын фармацевтикалық кешенінде 3 жылдан бері жұмыс істеп жүр. Қан құятын, дайындайтын және бөлетін құтылар мен өзге де медициналық жабдықтар шығаратын зауытта қазір 160-қа жуық маман қызмет етеді. Бұрын донорлық салада қолданылатын контейнерлер шетелден әкелінсе, енді оны астаналық жұмысшылар шығарып, құрастырып жүр.«Өзімнің жұмысым қатты ұнайды. Жұмысымды бағалаймын. Мұнда қан орталығының донорларына арналған жабдықтар, атап айтқанда стерильді контейнерлер құрастырумен айналысамын. 3 жылдан бері осы жерде еңбек етемін, ұжымым да жақсы, ауызбіршілігіміз бар. Мұнда ауысымдық жұмыс, яғни бір апта бойы жұмыс істеген соң, екінші ауысымдағы әріптестеріміз әрі қарай жалғастырады», - деді ол.Гүлжан Мұсабаева Мемлекет басшысы Қасым-Жомарт Тоқаев биылғы жылды Жұмысшы мамандықтары жылы деп жариялағанын жылы қабылдаған, себебі еңбек адамдарының қоғамдағы орны өз деңгейінде бағалануы керек деп санайды.Естеріңізге сала кетейік, Президент Қасым-Жомарт Тоқаев 2025 жылды Жұмысшы мамандықтар жылы деп жариялаған болатын. Соған сәйкес республикалық және өңірлік деңгейде көптеген шаралар қолға алынып, кешенді жоспар жасалды. Оны іске асыру арқылы жұмысшы мамандықтарын даярлаумен айналысатын кәсіптік білім беру жүйесінен бастап еңбекпен қамтуға дейінгі салаларға реформа жасалады.Ақпарат көзі : https://www.gov.kz/memleket/entities/astana/press/news/details/927660

30 қаңтардан бастап 41 разъезд бен Теміржол вокзалы аралығында қызмет көрсететін №14 бағытқа 8 жаңа автобус шығады. Қоғамдық көліктің аралық жиілігі орташа есеппен 15 минутты құрайды.Бұдан бөлек, 31 қаңтарда №26 бағытқа қатынайтын жаңа 10 автобус жолға шығады. Оның аралық жиілігі - 10 минут.Жаңа автобустар - ыңғайлы әрі сыйымды. 80 адамға арналған. Кез-келген климаттық жағдайларға төзімді, кондиционер, пандусы бар, жайлы орындықтар және ақпараттық табломен жабдықталған.«Автопарк» ЖШС директоры Ақарыс Тілеулесов қала тұрғындарынан қоғамдық көліктерде тазалық сақтап, жол төлемдерін уақытылы төлеуді сұрайды.Естеріңізде болса, кәсіпорын қоғамдық көлік қызметін жақсарту мақсатында «Өнеркәсіпті қолдау қоры» арқылы «QazTehna» компаниясымен келісімшартқа отырып, былтырғы жылы 50 «Yutong» маркалы автобус сатып алды. Бір автобустың құны – 64 миллион теңге.Жалпы, «Автопарк» қала бойынша 18 бағытқа, сондай-ақ, маусымдық 2 бағытқа қызмет көрсетеді. Ал күн сайын желіге 153 автобус шығады.Ақпарат көзі : https://www.gov.kz/memleket/entities/aktobe/press/news/details/927608

Жүзуден олимпиадалық резервтің мамандандырылған балалар-жасөспірімдер спорт мектебінде күрделі жөндеу жұмыстары аяқталып, бассейнге техникалық есеп берілді. Бекітілген кестеге сәйкес балаларға арналған тренингтер басталды.Бассейнге 500-ге жуық бала қатысады. Оларды 13 білікті жаттықтырушы кәсіби деңгейде оқытады. Жаттықтырушылар барлығы дене шынықтыру саласының мамандары, олардың 11-і жоғары білімді, 2-уі жоғары санатты.Ақтөбедегі «Достық» спорт кешенінде де күрделі жөндеу жұмыстары жүргізілуде. Мердігер жұмыстарды 1 ақпанда аяқтап, нысанды тапсыруды жоспарлап отыр.Айта кетейік, өткен аптада облыс әкімі Асхат Шахаров екі нысанды да аралап, жауапты тұлғаларға тез арада пайдалануға беруді тапсырған болатын. Балалардың спортпен шұғылдануына кедергі жасамау, кесте жасап, осы аптадан бастап жаттығуларды бастау керек.«Достық» спорт кешенінде күрделі жөндеу жұмыстарын «Альтаир-СК 7» ЖШС жүргізді. Жұмыстың құны 388,12 млн теңгені құрады. «Шағала» бассейнін жөндеуге 287,05 миллион теңге бөлінді.Ақпарат көзі : https://www.gov.kz/memleket/entities/aktobe/press/news/details/927623

enpf.kz сайтында ҚР ҰБ пен ИПБ-лардың зейнетақы активтерін басқару нәтижелері туралы 2025 жылғы 1 қаңтардағы жағдай бойынша есебі жарияланды2024 жылдың қорытындысы бойынша БЖЗҚ зейнетақы активтерін сенімгерлікпен басқарушылар: Қазақстан Республикасының Ұлттық Банкі (ҚРҰБ) және инвестициялық портфельді басқарушылар (ИПБ) алдыңғы жылғы көрсеткіштен де, 2024 жылғы инфляция деңгейінен де (8,6%) едәуір асатын кірістілікті паш етті. Бұл зейнетақы активтерінің тиімді басқарылуы мен экономикалық жағдайларға бейімделу қабілетін көрсетсе керек. Қол жеткізілген көрсеткіштер портфельді инвестициялау мен әртараптандыру стратегиясын ұтымды таңдау нәтижесі. 2025 жылғы 1 қаңтардағы жағдай бойынша ҚРҰБ пен ИПБ басқаруындағы зейнетақы активтерінің жалпы көлемі – 22 736,05 млрд теңге. Осы күнгі жағдай бойынша міндетті зейнетақы жарналары (бұдан әрі - МЗЖ), міндетті кәсіптік зейнетақы жарналары (бұдан әрі - МКЗЖ), ерікті зейнетақы жарналары (бұдан әрі - ЕЗЖ) есебінен қалыптастырылған, ҚРҰБ сенімгерлік басқаруындағы БЖЗҚ зейнетақы активтері 22 415 млрд теңге[1] болды. ҚРҰБ сенімгерлік басқаруындағы жұмыс берушінің міндетті зейнетақы жарналары (бұдан әрі – ЖМЗЖ) есебінен қалыптастырылған зейнетақы активтерінің көлемі – 255,81 млрд теңге. ИПБ басқаруындағы зейнетақы активтері шамамен 65,24 млрд теңге.ҚРҰБ басқаруындағы зейнетақы активтерінің инвестициялық портфеліҰлттық Банк, БЖЗҚ зейнетақы активтерін сенімгерлікпен басқарушы ретінде теңгерімді инвестициялық саясатты ұстанады: валюталар, елдер, секторлар және эмитенттер бойынша қаржы құралдарының сан-алуан түрлеріне инвестициялайды.2025 жылғы 1 қаңтарға МЗЖ, МКЗЖ, ЕЗЖ есебінен қалыптастырылған зейнетақы активтерін инвестициялаудың негізгі бағыттары мынадай: ҚР Қаржы министрлігінің мемлекеттік бағалы қағаздары – 41,57%, квазимемлекеттік компаниялардың облигациялары – 8,84%, Қазақстан Республикасының екінші деңгейдегі банктерінің облигациялары – 4,28%, ҚРҰБ депозиттері - 3,11%, ҚР эмитенттерінің акциялары мен депозитарлық қолхаттары – 1,69%, МҚҰ - 1,27%.2025 жылғы 1 қаңтардағы жағдай бойынша МЗЖ, МКЗЖ, ЕЗЖ есебінен сатып алынған қаржы құралдары номиналданған валюталар бөлінісіндегі инвестициялық портфель мынадай: ұлттық валютадағы инвестициялар – 59,79%, АҚШ долларымен – зейнетақы активтері портфелінің 40,21%. Алынған кірістің құрылымын талдаудан бағалы қағаздар бойынша сыйақы түріндегі, оның ішінде орналастырылған салымдар мен "кері РЕПО" операциялары бойынша түскен кірістер – 1 570,92 млрд теңге, бағалы қағаздарды нарықтық қайта бағалау – 200,58 млрд теңге, шетел валютасын қайта бағалаудан – 578,42 млрд теңге, сыртқы басқарудағы активтер бойынша – 1 039,72 млрд теңге болды. Басқа кірістер – 5,88 млрд теңге. Инвестициялық қызметтің нәтижесінде, сондай-ақ, шетел валюталары бағамдарының құбылмалылығы және қаржы құралдарының нарықтық құнының өзгеруі салдарынан 2024 жылы есептелген инвестициялық кірістің мөлшері 3,40 трлн теңге. Салымшылардың (алушылардың) шоттарына бөлінген БЖЗҚ зейнетақы активтерінің 2024 жылдың басынан бастап 01.01.2025ж. кірістілігі 17,84%, инфляция деңгейі 8,60% көрсетті. 2025 жылғы 1 қаңтардағы ЖМЗЖ инвестициялау бағыттары мынадай: ҚР Қаржы министрлігінің мемлекеттік бағалы қағаздары – 78,30%, РЕПО операциялары – 15,70%, ҚРҰБ депозиттері – 5,95%, инвестициялық шоттардағы ақшалай қаражат – 0,04%.ЖМЗЖ есебінен инвестициялық портфель тек ұлттық валютада номиналданған қаржы құралдарынан тұрады. 2024 жылы ЖМЗЖ есебінен алынған инвестициялық кіріс – 26,83 млрд теңге. ЖМЗЖ бойынша кірістілік – 17,96%. Естеріңізге сала кетейік, зейнетақы жинақтарының оң нақты (жинақталған инфляциядан асатын) кірістілігі орта және ұзақ мерзімді перспективада қамтамасыз етіледі.ҚРҰБ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы және инвестициялық қызметке шолу БЖЗҚ-ның ресми сайтында берілген. Сондай-ақ, enpf.kz сайтында ЖМЗЖ есебінен қалыптастырылған зейнетақы активтері бойынша портфель құрылымы туралы ақпарат орналастырылды.Инвестициялық портфельді басқарушыларИПБ басқаруындағы зейнетақы активтерінің жалпы көлемі 65,24 млрд теңгеден асады.01.01.2025ж. жағдай бойынша "Jusan Invest" АҚ сенімгерлік басқаруындағы зейнетақы активтері шамамен – 10,73 млрд теңге.Компанияның негізгі инвестициялары: ҚР ҚМ МБҚ – 29,55%, Exchange Traded Funds (ETF) пайлары – 22,08%, ҚР екінші деңгейдегі банктерінің облигациялары – 15,86%, шетелдік эмитенттердің корпоративтік облигациялары - 8,20%, ҚР эмитенттерінің корпоративтік облигациялары – 5,75%, шет мемлекеттердің МБҚ – 5,16%, МҚҰ - 4,31%, РЕПО – 3,18%. Атап кетейік, портфельдің 69,57% теңгемен, 29,04% АҚШ долларымен, 1,39% - басқа валюталарда ұсынылған. Инвестициялық қызмет нәтижесінде 2024 жылы есептелген инвестициялық кіріс мөлшері 1,52 млрд теңге болды. Зейнетақы активтерінің кірістілігі – 17,30%."Jusan Invest" АҚ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы БЖЗҚ сайтында ұсынылған.01.01.2025ж. жағдай бойынша "Halyk Global Markets" АҚ сенімгерлік басқаруындағы зейнетақы активтері шамамен 4,85 млрд теңге болды.Портфель құрылымындағы негізгі инвестициялар: ҚР Қаржы министрлігінің мемлекеттік бағалы қағаздары – 19,62%, "кері РЕПО" (күнтізбелік 90 күннен аспайтын) – 18,41%, шетелдік эмитенттердің корпоративтік облигациялары – 16,29%, ҚР екінші деңгейдегі банктерінің облигациялары – 13,02%, ҚР квазимемлекеттік ұйымдарының облигациялары – 12,32%, ҚР ұйымдарының корпоративтік облигациялары – 11,63%, Қазақстан Республикасының ұйымдары шығарған акциялар мен депозитарлық қолхаттар – 3,13%. Ұлттық валютадағы инвестициялар портфельдің 79,72%, АҚШ долларымен 20,28% тең.Инвестициялық қызметтің нәтижесінде 2024 жылы есептелген инвестициялық кіріс мөлшері 702,26 млн теңгеге жетті. Зейнетақы активтерінің кірістілігі – 16,71%."Halyk Global Markets" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.01.2025ж. жағдай бойынша "BCC Invest" АҚ сенімгерлік басқаруындағы БЖЗҚ зейнетақы активтері - шамамен 5,51 млрд теңге.Инвестициялардың негізгі бағыттары: Қазақстан Республикасының квазимемлекеттік ұйымдарының облигациялары – 25,06%, ҚР ЕДБ облигациялары – 19,38%, ҚР резидент-эмитенттерінің корпоративтік облигациялары – 15,84%, ҚР ҚМ МБҚ – 10,75%, РЕПО – 7,83%, шетелдік эмитенттердің корпоративтік облигациялары – 7,77%, пайлар (ETF индекстеріне) – 5,04%.Ұлттық валютадағы инвестициялар - портфельдің 82,79%, АҚШ долларымен 17,21%. Инвестициялық қызметтің нәтижесінде 2024 жылы есептелген инвестициялық кіріс мөлшері 726,32 млн теңгеге жетті. Зейнетақы активтерінің кірістілігі – 15,21%."BCC Invest" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.01.2025ж. жағдай бойынша "Сентрас Секьюритиз" АҚ сенімгерлік басқаруындағы БЖЗҚ зейнетақы активтері шамамен 1,91 млрд теңге.ҚР ҚМ МБҚ-ға активтердің 30,50% инвестицияланды, РЕПО – 16,13%, ҚР эмитенттерінің корпоративтік облигацияларына – 11,54%, квазимемлекеттік ұйымдардың облигацияларына – 10,45%, ҚР ЕДБ облигациялары – 9,22%, ҚР эмитенттерінің акциялары мен депозитарлық қолхаттарына – 8,67%, АҚШ мемлекеттік облигациялары – 5,33%.Ұлттық валютадағы құралдарға портфельдің 77,29%, АҚШ долларында – 21,23%, канадалық долларда - 1,48% инвестицияланды.Инвестициялық қызмет және қаржы құралдарының нарықтық құнының өзгеруі нәтижесінде 2024 жылы есептелген инвестициялық кіріс мөлшері 250,93 млн теңгеге жетті. Зейнетақы активтерінің кірістілігі – 17,84%."Сентрас Секьюритиз" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.2025 жылғы 1 қаңтардағы жағдай бойынша "Қазақстан Халық Банкінің ЕҰ "Halyk Finance" АҚ сенімгерлік басқаруындағы зейнетақы активтері 42,24 млрд теңгеден асты.Портфель құрылымындағы негізгі инвестициялардың сипаты мынадай: ҚР ҚМ МБҚ – 25,89%, Exchange Traded Funds (ETF) пайлары – 12,89%, ҚР эмитенттерінің корпоративтік облигациялары – 11,69%, Қазақстан Республикасының квазимемлекеттік ұйымдарының облигациялары – 10,42%, ҚР екінші деңгейдегі банктерінің облигациялары – 10,31%, шетелдік эмитенттердің корпоративтік облигациялары – 8,46%, шет мемлекеттердің МБҚ – 7,12%, "кері РЕПО" (күнтізбелік 90 күннен аспайтын) – 4,87%.Ұлттық валютадағы құралдарға портфельдің 64,99%, АҚШ долларында – 35,01% инвестицияланды.Инвестициялық қызмет нәтижесінде 2024 жылы есептелген инвестициялық кіріс мөлшері 6,12 млрд теңге болды. Зейнетақы активтерінің кірістілігі – 18,07%."Қазақстан Халық Банкінің ЕҰ "Halyk Finance" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.Естеріңізге сала кетейік, 2023 жылғы 1 шілдеден бастап салымшылар инвестициялық портфельді басқарушының (ИПБ) сенімгерлік басқаруына міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған зейнетақы жинақтарының 50%-дан аспайтын бөлігін ең төменгі жеткіліктілік шегін есепке алмастан бере алады. Ал ерікті зейнетақы жинақтары бар салымшыларға оны ИПБ-ға 100% көлемінде беруге болады.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). [1] зейнетақы жарналары мен төлемдер шоттарындағы ақшаны есепке алмағандаАқпарат көзі : https://www.gov.kz/memleket/entities/abay/press/news/details/927355

Абай облысының әкімі Нұрлан Ұранхаев татарстандық делегация өкілдерімен кездесті. Делегация құрамында Татарстан Республикасының Премьер-Министрінің орынбасары – Ауыл шаруашылығы және азық-түлік министрі Марат Зяббаров, министрлік өкілдері, республиканың жетекші қайта өңдеу кәсіпорындарының басшылары, ауылдық кооперацияны дамыту жөніндегі мамандар мен ауыл шаруашылығының кәсіпкерлері бар.Үш күндік жұмыс сапарының аясында қонақтар Семей қаласы мен облыстағы бірнеше шаруа қожалықтары мен ауыл шаруашылығы өнімдерін өңдеумен айналысатын кәсіпорындарда болып, жұмыс барысымен танысты.Сондай-ақ етті мал шаруашылығын дамытуда еңбек етіп жатқан кәсіпкерлермен кездесіп, тәжірибе алмасу жайын талқылады.Мәртебелі меймандарды Абай облысында көргеніне қуанышты екенін жеткізген аймақ басшысы өңірде атқарылған жұмыстар мен алдағы жоспарлар туралы құлағдар етті.«Бүгінгі кездесу екі мемлекет, екі өңір арасындағы достық қарым-қатынастың жаңа бір деңгейге шыққанын көрсетеді. Әр кездесу тараптар үшін пайдалы әрі сапалы нәтиже беретініне күмәніміз жоқ. Бұл жолы ауыл шаруашылығы саласы бойынша еркін пікір алмасып, озық тәжірибелерімізді бөлісудің сәті түсті. Абай облысы – ертеден мал шаруашылығына ден қойған аймақ. Сіздердің республикадағы әсіресе өсімдік шаруашылығы саласынан үйренеріміз көп. Осы бағытта шаруаларыңыз табысты еңбек етуде. Оған сіздердегі жердің құнарлығы өз әсерін тигізеді. Қазір біздің облыста ауыл шаруашылығынан бөлек өзге де салаларда даму қарқыны бар. Өңірімізді жан-жақты дамыту үшін нақты жоспарларымыз бар», - деді облыс әкімі.Татарстандық шаруалар етті мал шаруашылығын дамытуда Абай облысының тәжірибесіне сүйенбек. Соның аясында малды асылдандыру жұмысын бірлесе жүргізуге мүдделі. Сондай-ақ жылқы шаруашылығын дамыту үшін біздің облыс кәсіпкерлерінен үлгі алуды жоспарлап отыр.Ауыл шаруашылығы басқармасының ақпаратына сәйкес аймақтың ауыл шаруашылық өнімдерінің экспорт көлемі алдағы 3 жылда 2 есеге артады. Бұл өңірімізде салынатын 2 ет комбинаты, 1 етті бағыттағы тауық фабрикасы мен 20 мың басқа арналған өндірістік бордақылау алаңы есебінен болмақ. Аталған кәсіпорындар өз өнімдерін республикамыздан бөлек алыс-жақын шет елдерге тасымалдауды жоспарлап отыр.Әкіммен кездесуде Татарстан Республикасының Премьер-Министрінің орынбасары – Ауыл шаруашылығы және азық-түлік министрі Марат Зяббаров облыстың әлеуметтік-экономикалық, мәдениет саласында атқарылған жұмыстарға жоғары баға беріп, делегация атынан жылы қабылдау үшін алғыс білдірді. Екі жақты қарым-қатынас одан әрі жандана беретіндігіне сенім білдірді.Ақпарат көзі : https://www.gov.kz/memleket/entities/abay/press/news/details/927702

Westfalia компаниясының қатысуымен «Атамекен-Агро-Корнеевка» ЖШС іске асырған жоба өңірдің сүт өндірісін дамытудағы маңызды қадам болды. 2500 бас ІҚМ СТФ жылдық қуаты 7500 тонна сүтті құрайды, бұл өндіріс көлемін едәуір ұлғайтуға және сүт өнімдеріне өсіп келе жатқан сұранысты қанағаттандыруға мүмкіндік береді. Жобаның құны 11,7 млрд теңгені құрады.Westfalia Қазақстан ферманы озық технологиялармен, соның ішінде жоғары өнімділікті қамтамасыз ететін T8900 заманауи сауу каруселімен, жануарлардың жайлылығын арттыру үшін әзірленген инновациялық қора жабдықтарымен, сиырларды ұстау үшін оңтайлы жағдай жасайтын климаттық бақылау жүйесімен жабдықтады.Бұл ферманы іске қосу «Атамекен-Агро-Корнеевка» ЖШС-нің нарықтағы позициясын нығайтып қана қоймай, Солтүстік Қазақстан облысының агроөнеркәсіптік кешенінің дамуына үлес қосады.Ақпарат көзі : https://www.gov.kz/memleket/entities/moa/press/news/details/926943

Қостанайда қуаттылығы жылына 13 мың тонна тәттілер болатын «Кондитерлік астана» өндірістік кешенінің құрылысы басталды.Жобаны «Баян Сұлу» АҚ кондитерлік өнімдерінің ірі өндірушісі жүзеге асыруда және кәсіпорынның өндірістік қуатын жылына 100 мың тоннаға дейін арттыруға мүмкіндік береді. Екі ауысымдық режимде жаңа нысанда 260 адам жұмыс істейтін болады.Негізгі мақсаты инновациялық технологияларды пайдалана отырып, жаңа жабдықты іске қосу, өнім ассортиментін кеңейту, ауыл шаруашылығы шикізатын қайта өңдеу болып табылатын жобаның құны - 14,3 млрд.теңге.Сондай-ақ, жоба импортты алмастыруды, шығарылатын өнім сапасының жоғары деңгейін, оның өзіндік құнын төмендетуді, еңбек өнімділігін арттыруды, жаңа нарықтарға шығуды көздейді.Оны іске асыру Қостанай облысының әлеуметтік-экономикалық дамуына серпін береді, кәсіпорын маңында тұратын азаматтарды сапалы инфрақұрылыммен, сумен, газбен және электрмен қамтамасыз етуге мүмкіндік береді деп күтілуде.Бүгінгі таңда «Баян Сұлу» АҚ кондитерлік өнімдердің 300-ден астам түрін шығарады. Кәсіпорын үшін негізгі өткізу нарығы Қазақстанда жалпы сату көлемінің 55% үлесін алады. Экспорттық өнімнің негізгі тұтынушысы- Ресей, экспорттың жалпы көлемінің 78% үлесін құрайды.Ақпарат көзі : https://www.gov.kz/memleket/entities/moa/press/news/details/927178

Премьер-министр Олжас Бектенов Мемлекет басшысының биылғы 28 қаңтарда өткен Үкіметтің кеңейтілген отырысында берген тапсырмаларын іске асыру мәселелері бойынша кеңес өткізді.Премьер-министрдің орынбасарлары, министрлер мен бірқатар ұйым басшылығы экономика салаларының өсуін қамтамасыз ету, инвесторлар үшін заңнамалық жағдайларды жетілдіру, сирек жер металдары өндірісін дамыту, ядролық кластер құру, жер қойнауын пайдалану саласын реформалау, жол және көлік-логистикалық, инженерлік инфрақұрылымды жаңғырту, «Заң және Тәртіп» қағидатын қамтамасыз ету, цифрлық шешімдер мен жасанды интеллект енгізу, білім беру және медициналық қызметтер сапасын одан әрі арттыру жөніндегі жоспарлар туралы баяндады.Премьер-министр алдағы кезеңдегі жұмыстың басты бағыты азаматтардың тұрмыс сапасын жақсартуға бағытталған экономиканың өсуін қамтамасыз ету екенін атап өтті. Үкімет барлық бағыт бойынша жедел шешімдер қабылдап, Президент тапсырмаларының уақтылы іске асырылуын қамтамасыз етеді.«Біз инвестицияларды тарту, салық-бюджет саясатын және жер қойнауын пайдалану саласын реформалау, еліміздің бәсекелестік артықшылықтарын күшейту, іскерлік ахуалды жақсарту, инфрақұрылымдық және энергетикалық даму, цифрландырудың тұтас жүйесін және халықты әлеуметтік қамсыздандыру жүйесін қайта қарау бағытында белсенді жұмыс істеуіміз керек. Ол үшін Үкіметте өкілеттіктер жеткілікті. Министрлер мен әкімдер жедел шешімдер қабылдауға және қойылған міндеттерді іске асыруға толық жауапты болуға тиіс. Мемлекет басшысы кеше айтқан әрбір бағыт бойынша нақты нәтиже, орталықта да, жергілікті жерлерде де әрбір басшының тиімді жұмысы қажет. Инвесторлардың нақты мәселелерін шешумен айналысып, әуре-сарсаңға салмай, керісінше – кәсіпкерлердің келуіне, дамуына, зауыттар, кәсіпорындар, өндірістер салуына көмектесу керек. Әрбір басшы мұны өз жұмысының басты қағидаты деп білуі тиіс. Тек нақты жұмыс қажет. Ескі, бюрократиялық жұмыс әдістерін, формализмді қолдана отырып, жаңа жағдайларда оң нәтижеге қол жеткізу мүмкін емес. Мемлекеттік органдарға Мемлекет басшысы жүктеген міндеттерді сапалы орындауға көңіл бөлуді, басы артық қазағазбастылықсыз және көпке созбай батыл шаралар қабылдауды тапсырамын. Біздің бәрімізден нақты нәтиже күтіп отыр», — деп атап өтті Олжас Бектенов.Премьер-министр бюджеттік тәртіпті қатаң нығайтуға және мемлекеттік бюджетті басым бағыттар бойынша теңгерімді бөлуге баса назар аудара отырып, жұмыстың бірінші кезектегі бірқатар бағытына назар аударды.Ақпарат көзі : https://www.gov.kz/memleket/entities/aqmola/press/news/details/927259

Көкшетау қаласының әкімдігі зейнеткерлік жастағы адамдарға анықтамалар беру бойынша белсенді жұмысын жалғастыруда.Еске сала кетейік, 2025 жылдың қаңтар айынан бастап Көкшетау қаласының зейнеткерлері қала ішіндегі қоғамдық көлікте тегін жүру мүмкіндігін алды. Бұл жоба зейнеткерлерге қажетті орындарға, медициналық мекемелерге, дүкендерге немесе әлеуметтік мекемелерге оңай және тегін баруға мүмкіндік береді.Жыл басынан бері 10 847 анықтама берілді, оның ішінде 5 266 зейнеткер «Көкше Bus Tөlem» жүйесінде өз карталарын алып, тегін жол жүру құқығын пайдалана алады.Әлеуметтік қызметкерлер мен қалалық еріктілер ұйымдастырған көшпелі іс-шаралардың маңызы зор. Олар зейнеткерлік жастағы адамдардың кең ауқымын қамтиды, бұл анықтамалар мен жол жүру карталарын мұқтаж адамдарға тиімді және жедел түрде беруге мүмкіндік береді. Әлеуметтік қызметкерлер мен еріктілер 27 зейнеткерге анықтама алуына көмек көрсетті.«Бүгін тегін жол жүру картасы үшін анықтама алуға келдім. Бізге осындай қолдау көрсетіп жатқандығына қуаныштымын. Әкімдікке осындай бастамасы үшін алғыс айтамын» – деп атап өтті Көкшетау қаласының тұрғыны.Кеңес алу үшін 8 716 2 29-81-00, 8 716 2 29 81 08 нөмірлеріне хабарласа аласыздар немесе Шалқар көшесі 9 А, операциялық зал, 1, 2, 3 терезелеріне жүгінуге болады.Ақпарат көзі : https://www.gov.kz/memleket/entities/aqmola/press/news/details/927291

Елордада қар жауып тұр. Қарлы боран ертең де жалғасады. Коммуналдық қызметтер қар тазалау жұмысын үзіліссіз жүргізіп жатыр, деп хабарлайды Астана әкімдігінің ресми сайты.Елорда көшелерінде тоқтаусыз қар жауып тұр. Мұндай ауа райы алдағы екі күнде қалада жалғасады.Синоптиктердің болжамынша, 30-31 қаңтар күндері қарлы боран болады, жел күшейіп, ауа температурасы 15-17 градус аязға дейін суытады.Коммуналдық қызметтер елорданың барлық ауданында тәулік бойы қар тазалау жұмысын жүргізіп жатыр.30 қаңтарға қараған түні қар күреуге 316 жол жұмысшы мен 1557 арнайы техника шықты.29 қаңтарда күндізгі ауысымда 4127 ауыр жүк көлігімен қаладан 51 284 текше метр қар шығарылды.Қыс мезгілінің басынан бастап қар полигондарына барлығы 4 339 580 текше метр қар 341 798 рейспен шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/927279

2025 жылы негізгі салаларды дамытуға, оның ішінде экономика, кәсіпкерлік, индустриялық инфрақұрылым және туризм салаларына бағытталған ауқымды мақсаттар мен өршіл міндеттер қойылып отыр. 2025 жылы өңірдің меншікті кірістері 580,2 млрд теңгеге жетеді деп болжануда, бұл 2024 жылғы нақты көрсеткіштен 11,5%-ға артық. Кірістердің негізгі бөлігін 562,2 млрд теңге болатын салықтық түсімдер құрайды (+14,4%).Өткен жылғы бір реттік кірістердің болмауына байланысты салықтық емес түсімдер 3,8 млрд теңгеге дейін азайғанымен, капитал сатудан түсетін кірістердің айтарлықтай өсуі күтілуде — 14,2 млрд теңгеге дейін. Бұл несиеге берілетін тұрғын үйлерді сату мен жер телімдерін өткізумен байланысты.Экономиканың 6%-ға өсуіне қол жеткізу үшін жалпы өңірлік өнім көлемі 6 трлн 407 млрд теңгеге жеткізілмек. Негізгі салалар келесі көрсеткіштерді қамтамасыз етеді:Өнеркәсіп өндірісі: 2,2 трлн теңге (+7,5%).Сауда: 2,0 трлн теңге (+7,4%).Ауыл шаруашылығы: 741,5 млрд теңге (+4,5%).Құрылыс жұмыстары: 483 млрд теңге (+10%).787,5 мың шаршы метр тұрғын үй пайдалануға беріледі деп жоспарланып отыр, бұл халық үшін тұрғын үйдің қолжетімділігін айтарлықтай арттырады.2025 жылы жалпы құны 359,2 млрд теңге болатын 28 ірі жоба іске қосылады деп күтілуде. Олардың қатарында «Шин Лайн» ЖШС, «ГаланзБоттлерс» АҚ, LC Waikiki және басқа да компаниялар бар.Құны 3,3 трлн теңге болатын 41 инвестициялық жоба жүзеге асырылу үстінде, олар 7,5 мыңнан астам жұмыс орнын ашады. Ең ірі жобалар арасында Mars, Carlsberg, Hyundai Green және Fufeng Group компанияларының бастамалары бар.Индустриялық аймақтарда 210,4 млрд теңге инвестиция тартылған 22 нысанның құрылысы жоспарланған. «Қайрат» индустриялық аймағында сұйық әйнек, полиэтилен құбырлары және құрғақ құрылыс қоспаларын өндіретін зауыттарды қамтитын 5 жоба іске асырылады.Алматы тау кластерін, оның ішінде Іле-Алатау ұлттық табиғи паркі мен Заилийский және Күнгей-Алатау жоталарын дамытуға ерекше көңіл бөлінуде.2025–2032 жылдарға арналған туризмді дамыту кешенді жоспары аясында 100 км автожол, 80 км велосипед жолдары және 170 км жаяу жүргіншілер маршруттарын салу жоспарланған.Басты жобалардың бірі – «Oi-Qaragai» жыл бойы жұмыс істейтін курортын кеңейту. 2028 жылға қарай оның аумағы 105 гектардан 1000 гектарға дейін ұлғайып, туристер саны жылына 900 мың адамға дейін өседі.2025 жылы қойылған мақсаттарға қол жеткізу үшін барлық басқарма басшылары, аудан және қала әкімдері бірлесіп жұмыс істеуі қажет. Жоспарланған міндеттердің орындалуы өңірдің тұрақты өсуін қамтамасыз етіп, тұрғындардың өмір сапасын арттыратынына сенімдіміз.Ақпарат көзі : https://www.gov.kz/memleket/entities/almobl/press/news/details/927289

ҚР Президенті тапсырмалары аясында Ақтөбе облысы экономиканы, инфрақұрылымды дамыту және әлеуметтік жобаларды іске асыру үшін инвестициялар тарту жөніндегі жұмысты жандандыруға кірісті.Жеке және шетелдік инвестицияларды тартуға, бизнес үшін қолайлы жағдайлар жасауға және инновациялық жобаларды қолдауға басты назар аударылатын болады.Облыс әкімі Асхат Шахаров Президенттің биылғы 28 қаңтарда Үкіметтің кеңейтілген отырысында берген тапсырмаларын іске асыру мәселелері бойынша кеңес өткізді. Қала және аудан әкімдері, басқарма басшылары қатысқан жиында инвестиция көлемін ұлғайту жөніндегі жұмыстың басым бағыттары талқыланды. Олар инвестициялық белсенділіктің төмендеуі жедел шаралар қабылдауды және мемлекеттік органдар, даму институттары мен бизнес-қауымдастық арасындағы іс-қимылдарды үйлестіруді талап ететінін атап өтті.«Инвестиция тарту мәселесіне басты назар аударылады. Облыстың салық базасын ұлғайту арқылы ғана біз халықтың әлеуметтік мәселелерін шеше аламыз. Барлық жауапты құрылымдардың жұмысқа белсенді қатысуы маңызды. Түсініспеушіліктерді болдырмау үшін салық салу мәселелері және басқа да аспектілер бойынша нақты түсініктемелер берілетін болады. Сонымен қатар, егер біз экономиканы көтергіміз келсе, барлық бағыттарды, соның ішінде туризмді дамытуымыз қажет. Біздің алдымызда нақты міндеттер тұр, олардың әрқайсысы бойынша нақты іске асыру жоспары әзірленеді», - деді облыс әкімі.Айта кету керек, 2024 жылы Ақтөбе облысында инвестиция көлемі 901,1 млрд теңгені құрады. Инвестициялардың азаюы өндірістерді жаңғырту және жабдықтарды жаңарту жөніндегі бірқатар ірі жобалардың аяқталуымен, сондай-ақ мұнай мен газ өндіру көлемінің қысқаруымен байланысты.2025 жылы өңірде 500 млрд теңгеге жуық 10 инвестициялық жобаны іске асыру жоспарлануда, бұл шамамен 1,2 мың жұмыс орнын құруға мүмкіндік береді. Бұл бастамалар өнеркәсіпті, энергетиканы және инфрақұрылымды дамытуға бағытталған, бұл облыстағы экономикалық жағдайды жақсартуға ықпал етуі тиіс.Жиын барысында өңір басшысы облыстың инвестициялық әлеуетін күшейту үшін инвестициялық штабтың жұмысы қайта қаралатынына, «Kazakh Invest», «Ақтөбе» ӘКК және бейінді басқармалармен өзара іс-қимыл жандандырылатынына баса назар аударды. Салық базасын ұлғайтуға және жаңа жұмыс орындарын құруға ықпал ететін ірі жобаларды қолдауға ерекше басымдық беріледі.Сондай-ақ, жиналғандар өңірдің инвестициялық тартымдылығын арттыру тетіктерін, соның ішінде техникалық шарттарды беруді жеңілдету, Әлия Молдағұлова атындағы Халықаралық әуежай базасында логистикалық хабты дамыту және салық салу мен мемлекеттік қолдау мәселелері бойынша бизнес арасында түсіндіру жұмыстарын жүргізуді талқылады.Облыс әкімі инвестициялық көрсеткіштерге қол жеткізу үшін жауапкершілік барлық басшыларға жүктелетінін, ал жұмыс нақты нәтижелер бойынша бағаланатынын атап өтті. Ел Үкіметі өңірге қолдау көрсетеді, алайда қойылған міндеттерді табысты іске асыру барлық мүдделі тараптардың белсенді және үйлесімді өзара іс-қимылын талап етеді.«Әр басшының жұмысына нақты баға беріледі. Осыған байланысты Үкімет қазірдің өзінде қатаң шаралар қабылдауда. Ел Президенті жауапкершілікті алудан қорықпайтын шенеуніктерге сүйенетінін айтты. Басшы шешім қабылдап, оларды соңына дейін жеткізуі керек. Бір жерде тұралап қалуға болмайды, оған жол бермеуіміз қажет», - деп қорытындылады әкім.Ақпарат көзі : https://www.gov.kz/memleket/entities/aktobe/press/news/details/927251

Асхат Қайыржанұлы Есеев 1984 жылы 13 желтоқсанда Қарағанды облысында дүниеге келген.Ө.А. Байқоңыров атындағы Жезқазған университетінде «электромеханика» факультетінде оқып, электромеханик, Қазтұтынуодағы Қарағанды экономикалық университетінің «экономика» факультетінде оқып, экономист мамандығын алып шықты.Еңбек жолын «Қазақстан жол ғылыми-зерттеу институты» АҚ Астана қаласындағы филиалының зертханасында инженер ретінде бастады. 2007 жылдан 2008 жылға дейін – Қазақстан Республикасының Көлік және коммуникация министрлігінің Көлік саясаты және халықаралық ынтымақтастық Департаментінің жетекші маманы.2008 жылдан 2009 жылға дейін – Қазақстан Республикасы Көлік және коммуникация министрлігінің Стратегиялық жоспарлау және халықаралық ынтымақтастық Департаментінің сарапшысы.2009 жылдан 2010 жылға дейін – Қазақстан Республикасы Көлік және коммуникация министрлігі Көлік-коммуникация кешенін стратегиялық жоспарлау және дамыту Департаментінің бас сарапшысы. 2010 жылдан 2011 жылға дейін – Қазақстан Республикасы Көлік және коммуникация министрлігі Көлік-коммуникация кешенін стратегиялық жоспарлау және дамыту Департаментінің басшысы.2012 жылдың наурызынан мамырға дейін Астана қаласындағы «АсСнабСервис» ЖШС-нің спутниктік мониторинг жүйесінің операторы. 2012 жылдың қарашасынан 2014 жылға дейін – Қазақстан Республикасы Көлік және коммуникация министрлігінің Автомобиль жолдары комитетінің бас сарапшысы.2014 жылдан 2015 жылға дейін – Қазақстан Республикасы Инвестициялар және даму министрлігінің Стратегиялық жоспарлау Департаментінің басшысы.2015 жылдан 2018 жылға дейін - Қазақстан Республикасы Премьер-Министрі Кеңсесінің индустриялық-инновациялық даму бөлімінің бас сарапшысы. 2018 жылдан 2020 жылға дейін – Қазақстан Республикасы Премьер-Министрі Кеңсесінің Индустриалды-инновациялық даму Департаментінің инфрақұрылымды дамыту секторының бас консультанты. 2020 жылдан 2023 жылға дейін – Қазақстан Республикасы Премьер-Министрі Кеңсесінің Индустриялық-инновациялық даму бөлімінің бас инспекторы. 2023 жылдан 2024 жылға дейін - Қазақстан Республикасы Үкіметі Аппаратының нақты секторды және өңірлерді дамыту бөлімінің аймақтық инспекторы. 2024 жылдан 2025 жылға дейін - Қазақстан Республикасы Үкіметі Аппаратының өңірлік даму және бақылау бөлімінің аймақтық инспекторы.Ақпарат көзі : https://www.gov.kz/memleket/entities/abay/press/news/details/927262

2025 жылы Алмалы ауданында «Халық қатысатын бюджеті» бағдарламасы аясында 45 жоба іске асырылатын болады, оның ішінде 23 аула абаттандырылады.Абаттандыру аясында балалар мен спорт кешендері жаңартылады, жайлы орындықтар орнатылады және аулаларды безендіретін жаңа элементтер пайда болады.Сондай-ақ, қоғамдық кеңістіктерді абаттандыру және көгалдандыру бойынша 18 жобаны іске асыру жоспарлануда. Ірі жобалардың бірі Жібек жолы даңғылының Назарбаев даңғылынан Сейфуллин даңғылына дейінгі жаяу жүргіншілер аймағын және Мүсірепов театры жанындағы алаңды күрделі жөндеу болып табылады. Осы мақсаттар үшін биыл жобалық-сметалық құжаттаманы әзірлеу жоспарлануда. Жөндеуді 2025 жылдың қараша айының соңында аяқтау жоспарлануда.Алматылықтардың сүйікті орындарының бірі - Абылай хан даңғылы мен Маметова көшесі қиылысында орналасқан Иманов атындағы сквер. Сквердің жанында Мүсірепов атындағы жасөспірімдер театры, университеттер, денсаулық сақтау және білім беру нысандар орналасқан. Сквер қала тұрғындары арасында тартымдылық пен танымалдылыққа ие. Айта кетейік, өткен жылы жергілікті тұрғындардың өтініші бойынша иттерді серуендетуге арналған алаң салынды.«Халық қатысатын бюджет» жобасы қалалық инфрақұрылымды жақсартуға және Алматының барлық тұрғындары үшін қолайлы жағдай жасауға көмектеседі. Бағдарламаның тиімділігі мен тұрғындардың қызығушылығын ескере отырып, Алматы әкімдігі оның дамуын қолдауға ниетті. Биыл «ХҚБ» жобаларына қала бюджетінде 17,1 млрд теңге қарастырылған.Ақпарат көзі : https://www.gov.kz/memleket/entities/almaty/press/news/details/927227

Астана қаласының Сервис және туризм колледжінде Жұмысшы мамандықтар жылы аясында «Техникалық және кәсіптік білім беру жүйесінде мамандар даярлаудың заманауи тәсілдері» атты ауқымды іс-шара өтті, деп хабарлады елорда әкімдігінің ресми сайты.Астана қаласы Білім басқармасы Әдістемелік орталығының ұйымдастыруымен жүзеге асқан ғылыми-тәжірибелік конференцияға қала колледждерінен 200-ден астам оқытушы қатысты.Сондай-ақ аталған іс-шараға Қазақстан Республикасы Оқу-ағарту министрлігінің, Ы.Алтынсарин атындағы Ұлттық білім академиясының, «Таlап» КЕАҚ, Республикалық «Жас Ұлан» бірыңғай балалар мен жасөспірімдер ұйымының, кәсіпкерлер палатасының, қоғамдық ұйымдардың өкілдері, қалалық мәслихат депутаттары атсалысты.«Ауқымды конференция қатысушылары жұмысшы кадрлар даярлау тәжірибесі және колледждердің даму перспективалары, қоғамның экономикалық дамуы және соған орай кәсіби кадрларды даярлау; цифрландырудағы жаңа трендтерді оқу процесіне енгізу тәжірибесі бойынша тақырыптарды талқылады. Осы іс-шараға біздің колледждің атынан қатысқан оқутушылар мен студенттер флорист мамандығы бойынша шеберлік сыныптарын көрсетті. Мұғалімдер бір-бірімен тәжірибе алмасып, сол арқылы жас ұрпаққа білім беру сапасы артады деп ойлаймын», - деді Астана қаласының Сервис және туризм колледжі директоры Салтанат Басығараева.Ғылыми-тәжірибелік конференцияға қатысушылар Жұмысшы мамандықтар жылы аясында биыл жүзеге асырылатын жүздеген іс-шаралар барысымен танысты.Іс-шарада қонақтар «Жас дизайнерлердің идеялары», «Дәмді нан құпиялары» жұмыстарының көрмелерін көріп, «Мамандықтар әлемін ашу» шеберлік сыныптарына, «Ұстаз болу – өнер» педагогикалық коллоквиумына, бук-кроссингтерге қатысты.«Мен осы колледжде туризм мамандығы бойынша 1-курста оқимын. Мұнда арнайы бағдарламаны меңгеріп, агенттіктерде жұмыс істеуге, турларды ұйымдастыруға дағдыланамыз. Оқу тегін, стипендиямыз бар. Сондай-ақ ыстық тамаққа ақы төленеді. Ал факультатив сабақтарда флористика үйірмесінде түрлі гүлдерден композиция жасап үйренеміз. Сонымен қатар қажет емес заттарға «екінші өмір» сыйлап, оларды әрлеп, әдемілеп, сәнді бұйым істейміз. Осы колледжге оқуға түскеніме қуаныштымын», - деді колледж студенті Айжан Дүйсембекова.Ақпарат көзі : https://www.gov.kz/memleket/entities/astana/press/news/details/926453

Елордада отбасылық құндылықтарды дәріптейтін фронт-офис пен отбасылық қатынастар саласындағы сарапшылардың кәсіби пулын құру мәселесі талқыланды. Тиісті отырыс Ішкі саясат басқармасы мен Астана қаласы әкімдігінің жанындағы Әйелдер істері және отбасылық-демографиялық саясат жөніндегі комиссияның бастамасымен өтті, деп хабарлайды қала әкімдігінің ресми сайты.Жиын мемлекеттік және қоғамдық құрылымдардың күш-жігерін біріктіру арқылы әлеуметтік мәселелерді шешуге жүйелі көзқарасты қалыптастыру мақсатында ұйымдастырылды.Жиынға елордалық Әкелер одағы мен Аналар кеңесінің, облыстық сот орындаушылар палатасының, қоғамдық қорлардың, спорт саласының, ата-аналар қауымы мен зорлық-зомбылықпен күрес мәселелерімен айналысатын қоғамдық бірлестіктердің өкілдері қатысты.Жиында айтылған негізгі ұсыныстардың бірі – әйелдер істері және отбасылық-демографиялық саясат жөніндегі комиссия жанынан фронт-офис құру. Іс-шараға қатысушылар зорлық-зомбылықтың алдын алу және оған қарсы тұру, балаларға қауіпсіз орта құру, отбасыларды қолдау, алимент өндіруді жеңілдету, ерекше қажеттіліктері бар балалар мен оларды тәрбиелеп отырған отбасылардың құқықтарын қорғау саласындағы фронт-офистің міндеттерін талқылады.«Әр үкіметтік емес ұйым өз саласындағы проблемаларды шеше отырып, өз жұмысын жергілікті орында өткізеді. Дегенмен, өзара іс-қимылдың біртұтас форматын құру қажеттілігі айқын. Комиссия консультативтік-кеңесші орган ретінде мүшелерінің шектеулі санына ие және барлық міндетті қамти алмайды. Дегенмен, заманауи сын-қатерлердің күрделілігі барлық мүдделі тараптың өзара үйлестірілген әрекетін талап етеді. Отырыста қоғамдағы келеңсіз факторлармен күресу бойынша күш-жігерді біріктіру, халықтың осал топтарын қолдау және әлеуметтік маңызы бар оқиғаларға әрекет етудің бірыңғай тетігін әзірлеу бойынша қадамдарды талқыладық», - деді Астана қаласы әкімдігі жанындағы Әйелдер істері және отбасылық-демографиялық саясат жөніндегі комиссия төрағасының орынбасары Назгүл Мақжан.Кездесуге қатысушылар Астанада отбасылық қатынастар және отбасылық құндылықтарды насихаттау бағытындағы сарапшылардың кәсіби пулын құру қажет деп бірауыздан есептейді.Пул жалған ақпаратқа қарсы тұруға, отбасылық құндылықтарды, тәрбиелік бастамаларды белсенді насихаттауға, әлеуметтік ортаны мониторингілеуге және талдауға бағытталатын болады.«Заманауи сын-қатерлер жағдайында отбасы, білім және құндылықтарға қатысты ақпаратты тек білімі мен тәжірибесі дәлелденген кәсіпқойлар тарататын жағдайларды қамтамасыз ету маңызды. Сарапшылар пулын қалыптастыру отбасы институтын нығайту және қоғамды дамыту үшін сапалы және қауіпсіз орта құруға мүмкіндік береді», - деп атап өтті Назгүл Мақжан.Ақпарат көзі : https://www.gov.kz/memleket/entities/astana/press/news/details/926548

Астанада өткен түнде қар мол жауды. Коммуналдық қызметтер тәулік бойы күшейтілген режимде жұмыс істеп жатыр, қар тазалау жұмысы үздіксіз жүргізілуде, деп хабарлайды елорда әкімдігінің ресми сайты.29 қаңтар күні таңертең елордада қар тазалауға 2 629 жол жұмысшы мен 1 789 арнайы техника шықты.29 қаңтарға қараған түні коммуналдық қызметтер қаладан 44 мың текше метрден астам қарды 3 539 рейспен алып шықты.Қыс мезгілінің басынан бастап полигондарға 4,28 млн текше метрден астам қар 337 617 ауыр жүк рейсімен шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/926553

Елордада «Таза Қазақстан. Астана – тазалық пен тәртіптің үлгісі» кең ауқымды эко-акциясы аясында «Қар десанттары» тақырыбында қар күреуге арналған еріктілер эстафетасы өтті. Іс-шара 113 елордалық білім беру ұйымының аумағында ұйымдастырылды, деп хабарлайды қала әкімдігінің ресми сайты.Осымен үшінші жыл ауқымды және бір мезетте елорданың барлық оқушысының қатысуымен өтіп жатыр. Білім алушылар көптеген қатысушыны тарту үшін плакаттар мен ақпараттық парақшалар дайындап, барлығына қауіпсіздік техникасы бойынша тренинг өткізді.«Жыл сайынғы дәстүрге айналған және мектебімізде үшінші жыл қатарынан өтіп жатқан маңызды эстафетаға қатыстық. Акцияның басты мақсаты – жастардың назарын қаланың экологиясы мен тазалығына аудару. Алдағы уақытта бұл бастамаға мектеп оқушылары көбірек қатысады деп ойлаймыз», - дейді №86 мектеп-гимназиясының оқушысы Жанел Тастемірова.Астананың мектеп және студенттік парламентінің өкілдері өз ұйымдарының әкелер кеңесіне осыған қатысты эстафета жіберді.Ақпарат көзі : https://www.gov.kz/memleket/entities/astana/press/news/details/926627

Елордада әлеуметтік осал топтарды қолдау мен олардың мәселесін шешуге ықпал ету үшін көптеген шара қолға алынған. Жергілікті атқарушы органмен қатар қоғамдық қорлар мен бірлестіктер осы бағытта бірлесіп жұмыс істейді. Солардың бірі – «Бақытты Шаңырақ» қоғамдық қоры. Қордың жұмысы мен көрсетілетін қызметтер туралы оның жетекшісі Ботагөз Сұлтанова айтып берді, деп хабарлады елорда әкімдігінің ресми сайты.Еркеше балалары бар жанұяларға қолдау көрсететін «Бақытты Шаңырақ» қоғамдық қоры 2020 жылы құрылған. Содан бері ол денсаулығында кінәраты бар балалар мен олардың отбасына жан-жақты көмек беріп келеді.«Біздің қоғамдық қордың ерекшелігі тек балаларға көмек берумен шектелмейміз, олардың туғандары да назардан тыс қалмайды. Балаларды оңалту-сауықтыру, білім мен өнерге баулу сабақтарымен қатар, ата-анасы үшін арнайы курстар ұйымдастырылған және қажет болған жағдайда психологиялық-құқықтық көмек беріледі. Менің ойымша, баламен жұмыс істеу маңызды, алайда онымен тікелей байланыстағы, барлық уақытын баласына арнайтын ата-анасының эмоционалдық-психологиялық жай-күйін де ұмытпауымыз керек», - деді Ботагөз Серікбайқызы.«Бақытты Шаңыраққа» келушілердің қатары уақыт өткен сайын артып келеді. Аналар бір-бірімен танысып, байланыс орнатуға мүмкіндік беретін орта қалыптасқан, олар әрқашан бір-бірін қолдауға дайын.Ботагөз Сұлтанованың айтуынша, балаларын қосымша сабаққа алып келетін аналар өз уақытын тиімді пайдаланып, орталықтағы курстарда жаңа кәсіп игеріп, біліктіліктерін арттыра алады.«Мүмкіндігі шектеулі балалары бар 40 ана тігін курсын оқып, қосымша табыс табу мүмкіндігіне ие болды. Бұған қоса біліктілікті арттыру курстары да ашылған. Қазір біз жалпы 1059 отбасыға көмек көрсетеміз. Бұл отбасылардағы балалардың саны – 3 мыңға жуық, оның ішінде мүмкіндігі шектеулі балалардың саны – 1138. Барлығын көмекпен қамтуға тырысамыз, әрине. Азық-түлік себеті мен гигиеналық құралдар беріледі, өмірлік қиын жағдайға тап болған жанұяларға материалдық көмек көрсетіледі», - деді қоғамдық қор жетекшісі.Қазіргі таңда «Бақытты Шаңырақ» қоғамдық қорында дефектолог, эрготерапевт, психолог мүмкіндігі шектеулі балалармен жұмыс істейді, сондай-ақ массаж, АВА-терапия, сенсорлық интеграция сияқты қызмет түрлері бар. Қазірдің өзінде 600-ге жуық бала оңалту-сауықтыру курсынан өткен. Сонымен қатар түрлі аурулар мен жарақаттан кейін қалпына келу үшін емдік-дене шынықтыру сабақтары өткізіледі. 163 бала ағылшын тілі, цифрлық сауаттылық пен басқа да пәндер бойынша қосымша білім алып жүр. Ал 150 бала шахмат, қолөнер, арт-терапия, домбыра үйірмелерімен қамтылған. Заңгерлік консультация берілген ата-аналардың жалпы саны 300-ден асады.Ақпарат көзі : https://www.gov.kz/memleket/entities/astana/press/news/details/926633

Елордалық оқушылар мен волонтерлер №1 Индустриалдық паркте орналасқан Metal Former шатыр және қаптау материалдарын шығаратын зауытқа барып, кәсіпорын жұмысымен танысты, деп хабарлады қала әкімдігінің ресми сайты.Экскурсия оқушыларды еңбек нарығында сұранысқа ие өзекті мамандықтармен таныстыру және техникалық мамандықтарға деген қызығушылықты қалыптастыру мақсатында ұйымдастырылды.Metal Former зауытының өндіріс директоры Әділет Беркінбаевтің сөзінше, зауыт «Жайлы мектеп» ұлттық жобасын іске асыруға атсалысып жатыр.«Біздің зауыт – республикадағы қасбет материалдарын өндіретін алғашқы кәсіпорын. 2023 жылдың желтоқсан айында Мемлекет басшысының қатысуымен ашылу салтанаты өтті. Қазіргі таңда зауытта 110 адам жұмыс істейді. Біздің басты бағытымыз – үйлердің сыртын қаптайтын және төбесін жабатын құрылыс материалдарын өндіру. Сонымен қатар біз «Жайлы мектеп» жобасы бойынша жұмыс істеп жатырмыз. Атап айтқанда, еліміз бойынша құрылысы жоспарланған 82 мектептің сыртын қаптайтын материал дайындаудамыз», - деді Әділет Беркінбаев.Экскурсия барысында оқушылар мен волонтерлер зауыттың заманауи технологиялық процестерімен танысып, кәсіпорын мамандарына сұрақ қоюға мүмкіндік алды.Ақпарат көзі : https://www.gov.kz/memleket/entities/astana/press/news/details/926637