Грузияға жұмыс сапары барысында Қазақстанның ауыл шаруашылығы вице-министрі Аманғали Бердалин Грузияның Қоршаған ортаны қорғау және ауыл шаруашылығы вице-министрі Аполлон Какабадземен кездесу өткізді. Кездесуде ауыл шаруашылығы саласындағы екіжақты ынтымақтастық мәселелеріне баса назар аударылды.Аманғали Бердалин Қазақстан мен Грузия арасындағы аграрлық саладағы өзара іс-қимыл екі елдің қарым-қатынасында басым орын алатынын атап өтті. АӨК өнімдерінің сауда серпіні оң өсімді көрсетіп отыр: 2024 жылдың 11 айында Қазақстанның Грузиямен тауар айналымы 65,4 млн долларды құрады, бұл 2023 жылдың сәйкес кезеңімен салыстырғанда 11,1% - ға артық. Бұл ретте Қазақстаннан экспорт 28,2% - ға ұлғайды.Вице-министр қазақстандық бизнестің Грузияға астық, ұн, өсімдік майлары, ет және сүт өнімдері, бал және кондитерлік өнімдерді қоса алғанда, түрлі тауарлардың экспортын жолға қоюға мүдделілігін атап өтті.Кездесу барысында асыл тұқымды, пайдаланушылық және сойылатын ірі қара малға ветеринариялық сертификаттардың нысандарына қол қойылды, бұл сауда ынтымақтастығын кеңейту үшін қолайлы жағдай туғызады. Атап айтқанда, Грузияда ет өнімдерінің жоғары құны қазақстандық ауыл шаруашылығы өндірушілерінің өнімдерін экспорттауға жаңа мүмкіндіктер ашады.Бұдан басқа, қазақстандық тарап ведомстволар арасындағы өзара түсіністік туралы меморандум шеңберінде ынтымақтастықты жандандыруды ұсынды, бұл мал шаруашылығы, өсімдік шаруашылығы, тамақ өнімдері мен жемшөп қауіпсіздігі, ветеринария және ауыл шаруашылығы өнімдерін қайта өңдеу саласындағы өзара іс-қимылды жақсартуға мүмкіндік береді.Аполлон Какабадзе барлық ұсыныстарды қолдады және бірлескен бастамаларды жүзеге асыруда жан-жақты көмек көрсетуге уәде берді.ҚР үшін ауыл шаруашылығын цифрландыру мәселесі маңызды аспект болып қала береді. Елде өнімнің есебін, мониторингін және қадағалануын жақсарту үшін ақпараттық технологиялар белсенді енгізілуде, ауыл шаруашылығы жануарларын бірдейлендіру және етті ветеринариялық-санитариялық сараптау жүйелері жұмыс істейді. Жоспарда - Еуропалық Одақ елдерімен мал шаруашылығы өнімдерінің қозғалысын қадағалау бойынша интеграция жасау. Осыған байланысты Грузияның АӨК-дегі процестерді цифрландыру және автоматтандыру тәжірибесі ФАО-мен бірлесіп жүзеге асыратын ерекше қызығушылық тудырады.Сондай-ақ, Аманғали Бердалин ФАО-ға Қазақстандағы «Бірыңғай денсаулық» жобасы аясында «Ветеринария бойынша Ұлттық референттік орталық» үшін ветеринариялық зертханалық жабдықтар мен «Республикалық эпизоотияға қарсы отряд» үшін арнайы техника сатып алуға көрсеткен көмегі үшін алғысын білдірді.«Бұл жоба ел үшін маңызды, өйткені ол микробқа қарсы тұрақтылыққа қарсы күресте әлеуетті арттыруға, зооноздық аурулардың алдын алуға және эпидемиологиялық қадағалауды дамытуға бағытталған», - деді вице-министр.Ұлттық азық-түлік агенттігінің өкілдерімен кездесуде ветеринария саласындағы халықаралық ынтымақтастықты нығайту мәселелері қаралды.Жұмыс бағдарламасы аясында Грузияның қоршаған ортаны қорғау және ауыл шаруашылығы министрлігінің Республикалық ветеринариялық зертханасына, Ұлттық азық-түлік агенттігінің аймақтық ветеринариялық кеңсесіне және Шида Картлидегі сою алаңына барды.Ақпарат көзі : https://www.gov.kz/memleket/entities/moa/press/news/details/924159

2024 жылдың қорытындысы бойынша сою салмағында 430,0 мың тонна ІҚМ еті өндірілді, бұл 2023 жылмен салыстырғанда 7,5%-ға артық. Осы кезеңде өңделген өнімдер 270 мың тонна етті құрады.Елде өндірілетін сиыр етінің көлемі халықтың қажеттіліктерін толығымен қанағаттандырады.Сиыр еті өндірісінің өсуімен қатар ІҚМ жалпы саны да өсуде. Мәселен, 2024 жылдың қорытындысы бойынша ІҚМ саны 7,8 млн басты құрады, бұл 2023 жылмен салыстырғанда 18,5%-ға артық. Айта кету керек, малдың 55%-ы агроқұрылымдарға тиесілі, ал 5 жыл бұрын бұл көрсеткіш тек 45% құрады.Саланы дамыту үшін қажетті жағдайлар жасалуда.Етті мал шаруашылығын одан әрі дамыту мақсатында субсидиялау түрінде елеулі мемлекеттік қолдау жүзеге асырылады, оның жыл сайынғы көлемі шамамен 40,0 млрд теңгені құрайды. Етті мал шаруашылығы бойынша жобаларға жылдық 2,5% мөлшерлемемен жеңілдетілген кредит беру көзделген.Жалпы, жүргізіліп жатқан жұмыс ет өндірісінің өзіндік құнын төмендетуге бағытталған, оған күрделі шығындарды барынша азайта отырып, технологияларды енгізу есебінен қол жеткізіледі.Осыған байланысты 2024 жылдан бастап жайылымдық жерлерді ұтымды және ротациялық түрде пайдалануды, жемшөптің жануарларды ұстау орындарына жақындығын қамтамасыз етуді, құрама жем кәсіпорындарын ашу, бордақылау кезінде арнайы құрама жемді пайдалануды, сондай-ақ жаңа қайта өңдеу кәсіпорындарын жаңғыртуды және құруды көздейтін етті мал шаруашылығында австралиялық тәжірибені енгізу жөніндегі жобалар іске асырылуда.Осылайша, жем дайындаудан бастап дайын өнімді сатуға дейінгі өнімді өндіру үшін толық циклі бар ет кластерлері құрылуда. АШМ әрбір жобаны толық сүйемелдеуді жүзеге асырады.Атап айтқанда, австралиялық тәжірибе бойынша алдағы 2 жылда 98 мың ірі қара мал басына 6 бордақылау алаңын, 50 мың ірі қара малға арналған ірі бордақылау кешенін және бірінші мамандандырылған мал биржасын салу жоспарлануда.Бағаның өсуіне келетін болсақ, олар көптеген факторларға байланысты. Олардың қатарында қазақстандық өндірушілердің етіне көрші елдердің сұранысы артып отыр.Мәселен, 2024 жылдың қорытындысы бойынша сиыр етінің экспорты 8,0 мың тоннаға артып, 20,0 мың тоннаға жетті. Өндірілетін өнімді өткізудің тұрақты нарықтарының және қолайлы баға конъюнктурасының болуы саланы одан әрі дамытудың негізгі факторы болып табылады.Квоталау тетіктерін қолдану ішкі нарықта да реттеуші әсер етеді.Естеріңізге сала кетейік, 2024 жылғы 26 қазаннан бастап тірі ірі қара малды (бұқашықтарды) әкетуге квоталау түріндегі сандық шектеулер қолданылады. Бұқашықтарды әкетудің сандық лимиті 85 000 басты құрайды. Бүгінгі таңда 70 379 квота немесе 82,7% (етке аударылғанда 10 мың тоннадан астам) игерілді. Аналық малды әкетуге толық тыйым салынған.Бұдан басқа, қазіргі уақытта ауыл шаруашылығы министрінің а.ж. 9 қаңтардағы № 3 бұйрығымен етті мал шаруашылығын дамытудың өзекті мәселелерін талқылау және шешу жөніндегі жұмыс тобы құрылып, істеуде.Ақпарат көзі : https://www.gov.kz/memleket/entities/moa/press/news/details/924464

Женевадағы БҰҰ ғимаратында ҚР Парламенті Мәжілісі депутаттарының, ҚР Бала құқықтары жөніндегі уәкілдің және азаматтық қоғам өкілдерінің қатысуымен «Kazakhstan' s democratic transformations: Political and social rights» тақырыбында сайд-ивент өтті.Іс-шара Адам құқықтары жөніндегі әмбебап кезеңдік шолу аясында ҚР төртінші Ұлттық баяндамасын қорғау шеңберінде Қазақстанның демократиялық қайта құру саласындағы жетістіктерін, сондай-ақ адам құқықтарын қорғауға және инклюзивті қоғамды дамытуға бағытталған әлеуметтік және саяси реформаларды халықаралық қоғамдастыққа ұсыну мақсатында ұйымдастырылды.Іс-шараның модераторы ҚР Сенаты жанындағы Инклюзия жөніндегі кеңестің төрағасы Ләззат Қалтаева кездесуді бастама сөзімен ашып, күн тәртібінің негізгі бағыттарын белгіледі.Аталған шараның спикерлері ҚР Парламенті Мәжілісінің депутаттары Б. Нажметдинұлы, К.С. Сейтжан және Ю.В. Кучинская келесі тақырыптарда баяндама жасады:- конституциялық өзгерістерді, өлім жазасын алып тастау, сөз бостандығы мәселелерін және сайлау құқығын жақсартуды қоса алғанда, негізгі саяси реформалар.- жұмыспен қамтуды, медициналық қызметтердің қолжетімділігін, еңбекті қорғауды қоса алғанда, инклюзияға бағытталған әлеуметтік реформалар.ҚР Бала құқықтары жөніндегі уәкіл Д.Б. Закиева омбудсмен мандатын күшейту, буллингке, суицидке және жыныстық зорлық-зомбылыққа қарсы шаралар сияқты балалардың құқықтарын қорғау саласындағы жетістіктерімен бөлісті.«Кәсіби әлеуметтік қызметкерлердің ұлттық альянсы» РҚБ атқарушы директоры Д.Г. Есімова әлеуметтік саясатты нығайтудағы және осал топтардың құқықтарын қорғаудағы азаматтық қоғамның рөлі туралы айтып берді.Сайд-ивент халықаралық ұйымдардың, дипломатиялық корпустың, құқық қорғау ҮЕҰ-ның және сараптамалық қоғамдастықтың өкілдерін қоса алғанда, қатысушылардың кең ауқымын жинады, бұл Қазақстанда адам құқықтарын дамыту туралы ашық диалогқа ықпал етті.Ақпарат көзі : https://www.gov.kz/memleket/entities/adilet/press/news/details/923289

2025 жылғы 23 қаңтарда БҰҰ Адам құқықтары жөніндегі кеңесінің Жұмыс тобының Женевада өтіп жатқан 48-ші Әмбебап кезеңдік шолу (ӘКШ) сессиясы шеңберінде Қазақстан Республикасы Адам құқықтары мен бостандықтарын қорғау саласындағы халықаралық міндеттемелердің орындалуы туралы төртінші Ұлттық баяндаманы қорғау рәсімінен өтті.Қазақстан Республикасының Адам құқықтары саласындағы халықаралық міндеттемелерді іске асыруы туралы негізгі құжатты Әділет министрі Ерлан Сәрсембаев бастаған делегация ұсынды.Қазақстандық делегация құрамына Бас Прокуратура, Сот Әкімшілігі, ішкі істер, мәдениет және ақпарат, сыртқы істер, еңбек және халықты әлеуметтік қорғау, денсаулық сақтау және оқу-ағарту министрліктері басшыларының орынбасарлары мен лауазымды адамдары кірді.Қазақстандық делегация іс-шараға қатысушыларды Қазақстан Республикасының соңғы бес жылдағы адам құқықтары саласындағы негізгі жетістіктерімен және мемлекет дамуының басты басымдықтарымен таныстырды.Ерлан Сәрсембаев 2019 жылғы қарашада үшінші баяндама ұсынылған сәттен бастап, Қазақстан елімізді одан әрі демократияландыруға бағытталған бірқатар маңызды бастамаларды іске асыру арқылы адам құқықтары саласында елеулі табыстарға қол жеткізгенін атап өтті.Сот ісін жүргізуді жетілдіру мақсатында Әкімшілік әділет іске қосылды. 3 жыл ішінде ол тиімділікті дәлелдеді, әділ, тиімді және қол жетімді әділеттілікті қамтамасыз етті. Қазіргі уақытта Парламентте Әкімшілік әділет саласын кеңейтуге бағытталған заң жобалары бар. Қазіргі уақытта соттар олардың шешімдеріне, мемлекеттік органдар мен лауазымды адамдардың әрекеттері мен әрекетсіздігіне шағымдану туралы талаптардың 60% - на дейін қанағаттандырады.Конституциялық сотты қалпына келтіруден және Әкімшілік рәсімдік-процестік кодексті қабылдаудан басқа, Қазақстан азаматтардың құқықтарын қорғау үшін әкімшілік сот төрелігі институтын енгізуді қоса алғанда, сот жүйесі саласында реформалар жүргізді, сондай-ақ олардың ашықтығы мен есептілігін арттыру мақсатында құқық қорғау органдарының қызметін реформалады.Қазақстандық делегация басшысының сөзінен кейінгі интерактивті диалог барысында БҰҰ-ның мүше мемлекеттері адам құқықтарын қорғаудың заңнамалық тетігі мен практикасын жетілдіру бойынша тиісті ұсынымдарын ұсынды.Қазақстан Республикасының ресми делегациясы Ұлттық баяндаманы қорғауға қатысушылардың сұрақтарына жауап берді.Шет мемлекеттердің делегациялары Қазақстан Республикасының адам құқықтарын қорғау саласындағы заңнамалық, практикалық және басқа да шараларды дамытудағы және адам құқықтарын қорғау саласындағы негізгі халықаралық құжаттардың басшылық қағидаттарын орындаудағы үдемелі ілгерілеуін атап өтті. Ақпарат көзі : https://www.gov.kz/memleket/entities/adilet/press/news/details/923542

Женева қаласында Әмбебап кезеңдік шолудың төртінші цикліне ҚР Ұлттық баяндамасын қорғау шеңберінде ҚР Әділет министрі Ерлан Сәрсембаев БҰҰ Адам құқықтары жөніндегі Жоғарғы комиссарының орынбасары Нада Әл-Нашиф ханыммен кездесіп, Қазақстанда адам құқықтарын қамтамасыз етуді нығайту жөніндегі өзара тиімді мүмкіндіктер туралы нәтижелі диалог пен пікір алмасу өткізді.Сондай-ақ Қазақстандағы адам құқықтарының түрлі аспектілері талқыланды. Тараптар атқарылған жұмыстар туралы пікір алмасып, құқықтық жүйені жетілдіру саласындағы тәжірибелерімен бөлісті.Жоғарғы комиссардың 2023 жылғы наурыздағы Қазақстанға ресми сапарының қорытындысы бойынша берген ұсынымдарына және мемлекеттік органдардың Жоғарғы комиссар басқармасымен ынтымақтастығының перспективалық бағыттарына ерекше назар аударылды.Кездесу нәтижесінде тараптар перспективалық бағыттар шеңберінде одан әрі ынтымақтастық туралы уағдаластыққа қол жеткізді.Қазақстан өзара қызығушылық тудыратын салаларда жұмысты жалғастыруға дайын екендігін білдірді.Ақпарат көзі : https://www.gov.kz/memleket/entities/adilet/press/news/details/923792

Кездесу барысында тараптар зияткерлік меншік құқығын дамыту саласындағы ынтымақтастықтың негізгі бағыттарын талқылады.Министр Ерлан Сәрсембаев ДЗМҰ әріптестікті дамыту Қазақстан үшін зияткерлік меншіктің ұлттық жүйесін және өңірдің зияткерлік әлеуетін дамытуға ықпал ететін стратегиялық басымдық екенін атап өтті. Кездесуде осы жылдың жобалары мен бастамалары талқыланды. Олардың ішінде Технологиялар мен инновацияларды қолдаудың жаңа орталықтарын (ТИҚО) құру, зияткерлік меншік және бизнес бойынша ДЗМҰ магистрлік бағдарламасын іске асыру, сондай-ақ Қазақстанның лицензияланбаған онлайн-контентке қарсы күрес жөніндегі ALERT жобасына қатысуы талқыланды.Министр Қазақстанның зияткерлік меншік саласындағы белсенді қадамдарына тоқталды. Осындай жетістіктердің қатарында – Қазақстан Парламентінің 2025 жылғы 16 қаңтарда ДЗМҰ Марракеш шартын ратификациялауды мақұлдауы. Ол көру қабілеті бұзылған адамдардың жарияланған жұмыстарға тең қол жеткізуін қамтамасыз етудегі маңызды қадам болғанын және Қазақстанның осы саладағы халықаралық стандарттарға бейімділігін атап өтті.Ерлан Сәрсембаев ДЗМҰ-мен белсенді жұмыс істеудің арқасында Қазақстан 81-ші орыннан 78-ші орынға көтеріліп, Жаһандық инновациялық индекстегі өз позициясын жақсартқанын және осы бағыттағы жұмысты жалғастыруға ниетті екенін айтты.Сонымен қатар ДЗМҰ Бас директоры Дарен Тангтың 2025 жылғы 29-30 мамырға жоспарланған Астана халықаралық форумына қатысу үшін Қазақстанға сапары шеңберінде бірлескен халықаралық іс-шараларды өткізу жоспарлары талқыланды. Алғаш рет осы форум аясында зияткерлік меншік мәселелері бойынша жеке панелдік сессия ұйымдастырылады.Ақпарат көзі : https://www.gov.kz/memleket/entities/adilet/press/news/details/923793

Соңғы бес жылда ауданның медициналық мекемесі жаңа жабдықтармен толықтырылды, бұл медициналық қызметтердің сапасына айтарлықтай әсер етті.Өңір басшысы Мұғалжар ауданына жұмыс сапары барысында аудандық ауруханаға барып, оның жұмысымен, алдағы жобаларымен және көрсетілетін қызметтердің сапасымен танысты.Аурухананың бас дәрігері Сәбит Кеулімжаев медициналық мекеменің 1989 жылдан бері жұмыс істеп келе жатқанын айтты. Штатта 74 медицина қызметкері бар. Күніне 600-ге жуық адамға қызмет көрсетіледі. Аурухана 100 керуетке шақталған, сонымен қатар 30 орындық күндізгі стационар жұмыс істейді.Соңғы бес жылда ауруханаға он арнайы көлік, оның ішінде төрт реанимобиль сатып алынды. Биылғы жылдың басында ауруларды диагностикалаудың дәлдігін едәуір арттыратын заманауи цифрлық маммограф алынды.Пациенттер мен мейірбике қызметкерлерінің жағдайын жақсартуға көп көңіл бөлінеді. Былтыр аурухана аумағын абаттандыру жұмыстары басталды. Жобаны іске асыруға жергілікті бюджеттен 129 млн.теңге бөлінген. Жұмыстар жазға дейін аяқталады.Сондай-ақ, ауруханаға қосымша құрылыс салу жобасы әзірленуде, онда тері арқылы коронарлық араласу орталығын ашу жоспарлануда. Бұл науқастарды облыс орталығына жібермей, жүрек-қан тамырлары ауруларын тиімді емдеуге мүмкіндік береді.Асхат Шахаров жаңа жабдықтарды көріп, психологиялық көмек кабинетіне барып, дәрігерлердің қабылдауына келген аудан тұрғындарымен әңгімелесті. Ауыл тұрғындары елдімекенде денсаулық сақтауды дамыту және медициналық қызмет көрсету жағдайларын жақсартуға көңіл бөлініп жатқанына алғыстарын білдірді.«Ауылдық денсаулық сақтауды жаңғырту» ұлттық жобасы аясында ауылдарда жаңа амбулаториялар салынуда, заманауи жабдықтар сатып алынуда және дәрігерлер мен пациенттер үшін жағдайлар жақсаруда. Қазір облыста ауылдық амбулаториялар салуға бағытталған бес жоба жүзеге асырылуда. Нысандар іске қосылса, халыққа медициналық қызмет көрсету қолжетімді болады. Бұл ауыл тұрғындары тұрғылықты жерінде ем ала алады деген сөз. Сонымен қатар, біз аудандық ауруханаларды заманауи цифрлық жабдықтармен жарақтандырамыз, осылайша халық үшін медициналық қызметтердің жоғары сапасын қамтамасыз етеміз. Инфаркт пен инсультке шалдыққан науқастарға көмек көрсету орталығын ашу жоспарлануда. Осы шаралардың барлығы сапалы медициналық қызмет алу жағдайларын жақсартуға және облыс тұрғындары үшін диагностиканың қолжетімділігін арттыруға бағытталған», - деді облыс әкімі.Өңір басшысы ауруханаға жапсарлас құрылыс жобасын дайындауды жеделдетуді тапсырды және мердігерлерді аурухана аумағын абаттандыру жұмыстарын сапалы және мерзімінде аяқтауға шақырды.Ақпарат көзі : https://www.gov.kz/memleket/entities/aktobe/press/news/details/924245

Мұғалжар ауданына жұмыс сапары барысында облыс әкімі Асхат Шахаров екі мектеп пен балабақшаны аралап, балалардың оқу жағдайларымен танысты.Қандыағаштағы «Жайлы мектепті» тапсыру мерзімі жосықсыз мердігерлердің кесірінен бірнеше рет ұзартылған. Ауданға жұмыс сапарында Асхат Шахаров мердігерлермен жеке сөйлесіп, мекеменің құрылысын қадағалауына алды.Білім ошағы «Жайлы мектеп» ұлттық жобасы аясында «Samruk-Kazyna Construction» қаражатына салынуда. Ол 600 орынға есептелген. «Antarium Group» ЖШС мердігерлік ұйымы нысанды осы жылдың қыркүйек айына дейін тапсыруды жоспарлап отыр. Мектептің іске қосылуымен Қандыағашта оқушы орындарының тапшылығы мәселесі ішінара шешіледі. Бүгінде қалада бес мектеп бар және олардың әрқайсысында оқушы саны көп. Жаңа мектеп заманауи жабдықтармен және инновациялық білім беру технологияларына қолжетімділікпен жабдықталады.Мектеп құрылысының барысын бағамдап шыққан Асхат Шахаров мердігерге жұмысты мерзімінде аяқтауды тапсырды.Сондай-ақ, облыс әкімі Қандыағаштағы «Күншуақ» балабақшасына барды, онда күрделі жөндеу жүргізіліп, «Қазақойл-Ақтөбе» ЖШС қаражатына жабдықтары толығымен жаңартылған. Ыдыс-аяқ, кілемдер, керуеттер, музыкалық және спорттық жабдықтар, ас үй техникасы, интерактивті тақта мен ойын жабдықтары сатып алынған. Мектепке дейінгі мекеме 320 балаға арналған.Бұдан әрі Асхат Шахаров өткен аптада Еңбек ауылдық округінің Темір-көпір ауылында ашылған мектепке барды. Мектеп заманауи стандарттарға сай салынған және химия, биология, физика және еңбек сабақтарына арналған арнайы кабинеттер мен зертханалармен жабдықталған. Оның құрылысына 680 млн. теңге бағытталды.«Президент мемлекеттік бағдарламалар арқылы ауылдық және қалалық мектептердегі балаларға тең жағдай жасау міндетін қойды. Біздің облыста биыл 11,1 мың орындық 13 жайлы мектепті ұлттық жоба аясында пайдалануға беру жоспарлануда. Жалпы, 2025 жылы аймақта үш ауысымды және екі апатты мектептің мәселесін шешу үшін 25 жаңа мектеп салынады.Жаңа мектептерде әртүрлі пәндерге арналған мамандандырылған кабинеттер мен зертханаларды қоса алғанда, заманауи білім беру инфрақұрылымы енгізіледі, бұл оқушыларға заманауи талаптарға сәйкес сапалы білім мен дағдыларды алуға мүмкіндік береді. Сондай-ақ, мектептерде оқытушыларға тиімді жұмыс істеуге және оқушылардың әлеуетін дамытуға қолайлы жағдай жасауға көңіл бөлінетін болады», - деп атап өтті әкім.Темір көпір ауылындағы мектепті аралап шыққаннан кейін облыс әкімі жергілікті тұрғындармен кездесті.«Біздің жағдайымыз жақсы. Ауылға апаратын жол, жақын жерде аялдама бар. Пойыздар үнемі жүреді. Міне балаларға жаңа мектеп ашылды. Кейде әжелер немерелерінен демалғысы келеді, сондықтан бізге медициналық пункт пен балабақша қажет. Біздің немерелеріміз балабақшада білім алып, дами алады», - деп жергілікті тұрғын Разия Қожантаева әкімге жүгінді.Еңбек ауылдық округінің әкімі Аманбай Қаюпов облыс әкіміне жергілікті тұрғындардың Сағашилідегі амбулаторияға баратынын жеткізді. Көрші ауыл Темір көпірден үш шақырым жерде орналасқан. Ал мектеп жасына дейінгі 27 бүлдіршін балабақшаның жоқтығына байланысты үйлерінде.«Биыл өңірде балабақшалар салуға 30 миллиард теңге бөлінді. Жағабұлақ ауылында бір балабақша мен Көтібар ауылында 60 орындық мектеп салуды жоспарлап отырмыз. Жобалар әзірленуде. Барлық балалар балабақшаларда орындармен қамтамасыз етілуі тиіс және біз оларды ерте жастан толыққанды тәрбиелеу мен дамыту үшін қажетті жағдайлар жасауға бар күшімізді саламыз», - деді өңір басшысы.Асхат Шахаров ескі мектеп ғимаратында балабақшаны орналастыру мәселесін қарастыруды және «Ауылдық денсаулық сақтауды жаңғырту» ұлттық жобасы аясында Темір көпірде медициналық пункт салу мәселесін енгізуді тапсырды.Ақпарат көзі : https://www.gov.kz/memleket/entities/aktobe/press/news/details/924373

Мұғалжар ауданына жұмыс сапары барысында облыс әкімі Қандыағаштағы №8 өрт сөндіру бөліміне барды.Мұғалжар ауданының ТЖ бөлімінің бастығы Мақсат Рятов әкімге өрт сөндіру бөлімінің ғимараты 1982 жылы салынғанын айтты. Соңғы рет 2013 жылы күрделі жөндеу жұмыстары жүргізілген. Бүгінде ғимаратта аудандық ТЖ бөлімі мен өрт сөндіру бөлімі орналасқан. Жеке құрамның саны 30 адамды құрайды, оның ішінде 6 офицер, 24 сержант. Өрт сөндіру бөлімінің балансында 9 техника, оның ішінде 3 өрт сөндіру көлігі, 1 автосатыбар.Облыс әкімі техникалар мен жабдықтардықарап, құтқарушылар жұмысының маңыздылығын атап өтіп, жеке құраммен әңгімелесті.«Құтқарушылардың жұмысы өте маңызды, өйткені сіздер күн сайын адамдардың қауіпсіздігі үшін өз өмірлеріңізді қатерге тігесіздер. Құтқарушы мамандығы - бұл текеңбек қана емес, бұл батылдықты, жанқиярлықты және жоғары жауапкершілікті талап ететін нағыз ерлік», - деп атап өтті әкім. Ақпарат көзі : https://www.gov.kz/memleket/entities/aktobe/press/news/details/924533

Өткен тәулікте ауа-райының нашарлауына, боранға, көктайғаққа, қатты желге және нөлдік көрінуге байланысты Қазақстанның автожолдарында ТЖМ 416 адамды, оның ішінде 12 баланы құтқарып, эвакуациялады, сондай-ақ 42-ден астам көлікті қар құрсауынан шығарды. 11 өңірдің аумағында қалыптасқан күрделі метеорологиялық жағдайдың нәтижесінде республикалық маңызы бар автожолдардың 38 учаскесінде және облыстық маңызы бар 31 учаскеде қозғалысқа шектеу енгізілді. ТЖД, ПД, ЖАО, волонтерлер мен жол қызметтерінің күштерімен автокөлік кептелісі болған орындарда тамақтану ұйымдастырылды, жылыту шатырлары орнатылды, адамдарды жылыту пункттеріне орналастыру және ауыл шаруашылығы жануарларын жақын жердегі елді мекендерге тасымалдау жұмыстары жүргізілді. Бұқаралық ақпарат құралдары, телерадиоарналар мен СМС-терді тарату арқылы ауа-райының нашарлауы және автожолдардың жабылуы туралы халықты хабардар ету жүргізілді. Еліміздің 18 өңірінде жедел штабтар ашылып, жедел желі телефондары жұмыс істейді. Құтқару жұмыстарын ерекше атап өткен жөн: Ақтөбе облысында 82 шетелдік азаматты эвакуациялау «Самара-Шымкент» тас жолында Шымкент қаласынан Ресей Федерациясына бара жатқан автобус бұзылып қалып, жолын жалғастыра алмады. Жүргізуші құтқарушылардың көмегіне жүгінді. ТЖМ қызметкерлері Өзбекстан, Тәжікстан және РФ азаматтары болып табылатын 82 жолаушыны, оның ішінде 3 баланы Құрылыс ауылының жылыту пунктіне жеткізді. Шетел азаматтары Қазақстан құтқарушыларына алғыс білдірді. Ұлытау облысында бұзылып қалған автобустың жолаушыларын құтқару Қаражал қаласынан Шалғия кентіне қарай 20 шақырым жерде құтқару операциясы жүргізілді. 50 жолаушыны тасымалдап келе жатқан автобус бұзылып, қатты боран салдарынан жолда қалып қойды. ТЖМ қызметкерлері қауіпсіздікті қамтамасыз ете отырып автобусты Қаражал қаласының №7 мектебіне жеткізді. Қолын үсік шалған автобус жүргізушісі қажетті медициналық көмек алу үшін ауруханаға жеткізілді. Жетісу облысында қар құрсауында қалған балықшыларды құтқару ТЖМ құтқарушылары патрульдеу барысында төрт балықшы отырған жеңіл көлікті анықтады. Ауа райының нашарлауына байланысты олар жолдан адасып, қар құрсауында қалған. Құтқарушылар көлікті қардан шығарып, балықшыларды қауіпсіз жерге дейін жеткізді. Жамбыл облысындағы құтқару операциялары Қар құрсауынан тағы 11 адам құтқарылды. «Алматы-Ташкент» автожолының учаскесінде қатты қарлы боран салдарынан екі жеңіл автокөліктің, жол бойындағы дәмхананың және жолаушылар автобусының жолаушылары жолда қалып қойды. ТЖМ қызметкерлері қиын жағдайға тап болған азаматтарға жедел түрде көмекке келді. Құтқару операциясын жүргізуге үш қызметкер мен бір бірлік арнайы техника жұмылдырылды. Құтқарушылардың кәсіби әрекеттерінің арқасында 11 адам эвакуацияланып, Бауыржан Момышұлы атындағы ауылға жеткізілді. Жамбылдық құтқарушы боранда бірнеше шақырымды еңсеріп, адамдарды эвакуациялады. Жуалы ауданындағы «Момышұлы-Қошқарата» автожолының жабық учаскесінде үш трактор қар құрсауында қалып қойғандықтан құтқарушылардың көмегіне жүгінді. Көмек көрсету мақсатында ТЖМ құтқарушылары «Трэкол» жол талғамайтын көлікпен шақырту орнына барды. Ауа-райының қолайсыз болғандықтан құтқарушы Рауан Ахметов қардың астындағы жолды анықтау үшін көліктің алдында жаяу жүрді. Боранға қарамастан, олар шақырту орнына жетіп, тракторлар ішіндегі алты адамды Қөлтоған ауылына эвакуациялады. Осы уақытта тракторларды шынжыр табанды тартқышымен жақын маңдағы елді мекенге сүйреп жеткізді. Сонымен қатар «Алматы-Ташкент-Термез» республикалық маңызы бар жолда қалған жолаушыларға көмек көрсетілді. Атқарылған жұмыстар барысында 10 жолаушы автокөлігіндегі жалпы саны 377 адам, оның ішінде 75 жасөспірім Тараз қаласындағы темір жол вокзалына жеткізіліп, Шымкент бағытына жөнелтілді. ТЖМ қызметкерлері ЖАО мен волонтерлер бірлесіп, Айшабибі ауылының кіреберісіндегі жолаушыларға көмек көрсетіп, ыстық тамақ ұйымдастырды. Бір отбасының 4 адамы «Алматы-Ташкент» тас жолының 6-шақырымындағы Б. Момышұлы ауылының маңында қар құрсауында қалды Автокөлікте толғағы басталған жүкті әйел, екі бала және ер адам болған. Оқиға орнына ТЖМ қызметкерлері жедел жетіп, көліктегі отбасы мүшелерін өрт сөндіру көлігіне эвакуациялап, көлікті қауіпсіз жерге сүйреп жеткізді. Одан кейін әйелді Б. Момышұлы ауылының медициналық пунктіне жеткізді. Ер адам мен балалар туыстарының үйлеріне жөнелтілді. Абай облысындағы құтқару операциялары Аягөз қаласындағы 112 пультіне Өркен ауылдық округінің әкімі хабарласып, Бақанас ауылында жүкті әйелге көмек қажет екенін хабарлады. Боран соғып, жолда жүру мүмкін болмады. ТЖМ мен жедел жәрдем қызметкерлері Аягөз қаласынан жедел түрде оқиға орнына шықты. Дәрігерлер мен құтқарушылардың үйлесімді іс-қимылдарының арқасында жүкті әйел Аягөз аудандық орталық ауруханасының перзентханасына уақтылы жеткізілді, ол босанды. Аягөз ауданы Қарағаш ауылдық округінің аумағында орналасқан «Қарағанды-Аягөз-Боғаз» республикалық маңызы бар автожолының 736-шақырымында «Ақжар-Алматы» бағытында жүріп бара жатқан жолаушылар автобусы жол жиегіне шығып кеткен. Оқиға орнына ТЖМ және ҚМ 15701 әскери бөлімінің қызметкерлері жедел түрде жетіп, бірлесіп 10 жолаушыны эвакуациялады. Барлық жолаушылар Аягөз қаласына жеткізіліп, жылыту пунктіне орналастырылды. Шығыс Қазақстан облысында жолда қар құрсауында қалған жүргізушілерге көмекке келу Глубокое ауданында «Шемонаиха Секисовка» тас жолында жеңіл автокөлік қар құрсауында қалды, оған көмек көрсетуге құтқарушылар келіп, көлікті қардан алып шықты. Шемонаиха қаласына қарасты жолда ТЖ қызметкерлері қар құсауында қалған тағы 6 автокөлікті анықтап, өтімділігі жоғары «ТРЭКОЛ» көлігімен төтенше жағдайға тап болған адамдарға көмектесті. 8 адам жақын маңдағы елді мекенге жеткізіліп, оларға ыстық тамақ ұйымдастырылды. Қарағанды облысының автожолдарындағы құтқару операциялары Шет ауданында Ақсу-Аюлы ауылынан 90 шақырым жерде қар құрсауынан 8 жеңіл автокөлік шығарылды. Автокөліктердің ішінде болған 15 адам, соның ішінде 1 бала құтқарылды. Сол ауданда Ақсу-Аюлы ауылынан 75 шақырым жерде қар құрсауында қалған жеңіл автокөліктен 2 адам Ақсу-Аюлы ауылына жеткізілді. Нұра ауданының Нұра кентінен 33 шақырым жерде Көбетей ауылының маңында қар құрсауында қалған жеңіл автокөліктен 2 адам Нұра кентіне жеткізілді. ТЖД және Апаттар медицинасы орталығының психологтары автокөлік кептелісі орын алған жерлерде 18 зардап шеккен адамға шұғыл психологиялық көмек көрсетті. ТЖД күшімен өтімділігі жоғары техникасында автожолдардың күрделі қарлы учаскелерінде адамдардың және кептелісте қалған автокөліктердің болуына патрульдеу жүргізілді. Құтқарушылар халыққа көмек көрсетіп, автожолдарда қауіпсіздікті қамтамасыз ете отырып, тәулік бойы жұмыс істеуді жалғастыруда. Қазақстан ТЖМ азаматтарды сақтық шараларын сақтауға, дауылды ескертулерді қадағалауға және қолайсыз ауа райы жағдайында алыс сапарларға шықпауға шақырады. Ауыл тұрғындарына ауа-райының нашарлауы жағдайында ұзақ серуендеуден бас тарту ұсынылады. Ақпарат көзі : https://www.gov.kz/memleket/entities/emer/press/news/details/923189

  Құтқарушылар өскелең ұрпақпен ТЖ кезінде қауіпсіздік шараларын оқыту бойынша жұмыс жүргізуде. Балалар үшін түрлі іс-шаралар өткізіледі, олар жаттығулар, тақырыптық сабақтар, әңгімелер, интерактивті сабақтар, жарыстар, ашық есік күндері және оқу-жаттығулар.    Мәселен Павлодар қаласының балабақшасының тәрбиеленушілері ТЖД қызметкерлері ұйымдастырған танымдық іс-шараға қатысты. Құтқарушылар жас қатысушыларға қауіпсіз мінез-құлық ережелері туралы айтып, сіріңке  ойыншық еместігін түсіндірді. Балалар әңгімеге белсенді қатысты, сұрақтарға қуана жауап берді, тақырыптық байқауларда өздерінің білімдері мен ептіліктерін көрсетті. Өз кезегінде балалар мен тәрбиешілер «Кошкин дом» сахналық қойылымын дайындады, онда олар әртүрлі жағдайлармен өрт қауіпсіздігі ережелерін сақтаудың маңыздылығын айқын көрсетті.   Сонымен қатар балабақшада өрт сөндіру машинасына, өрт сөндіргішке дейін барлық алғашқы өрт сөндіру құралдары бар өзінің балалар өрт қауіпсіздігі бұрышы бар, ал қабырғаларында шұғыл қызметтердің нөмірі жазылған. Облыстық ТЖД психологтары мен қызметкерлері арнайы балабақша-мектеп-интернат кешенінің тәрбиеленушілері үшін ерекше және танымдық күн өткізді. Қызметкерлер балаларға өрт қауіпсіздігі ережелері туралы айтып, өрт сөндіргішті қалай пайдалану керектігін, сондай-ақ тақырыптық бейнероликтерді көрсетті.   Өскемен қаласының балабақшасында құтқарушылар оқу-жаттығу өткізді, онда музыкалық залда қысқа тұйықталу салдарынан шартты түрде болған жануды сөндірді. Өрт сөндірушілер құтқару капюшондарын пайдаланып, 47 баланы тез арада эвакуациялады, бала мен тәрбиешіні қауіпті аймақтан уақтылы құтқарды, 30 шаршы метр аумақтағы өртті сөндірді. Балалармен және тәрбиешілермен өрт шыққан жағдайда алғашқы әрекет ету дағдылары мен эвакуация ережелері пысықталды.   Батыс Қазақстан облысы Орал қаласының бөбекжай-бақшасында кішкентай балалармен ойын сабағы ұйымдастырылды. Мақсаты - балалардың өрт сөндірушілер туралы ой-өрісін кеңейту, шығармашылық ойындар арқылы қауіпсіздік мәдениетін қалыптастыру. Балалар өз кезегінде өрт қауіпсіздігі тақырыбындағы ойындарға белсенді қатысты. Сонымен қатар Ақжайық ауданында бастауыш сынып оқушыларымен профилактикалық сабақтар ұйымдастырылды. Балалармен әңгімелесу барысында құтқарушылар тұрмыстағы қауіпсіздік, өрт кезіндегі тәртіп ережелері, ұялы байланыс бойынша шұғыл қызметтерді шақыру туралы еске салып, сұрақтарға толық жауап берді. Балалар өрт сөндірушілер мен құтқарушылардың жабдықтарына үлкен қызығушылықпен қарап, жауынгерлік киім-кешектерді киіп көрді.   «Сабақтың бұл форматы балаларға қауіпсіздік мәселелеріне жауапкершілік пен зейінді дамыта отырып, маңызды ережелерді меңгеруге және оларды іс жүзінде бекітуге көмектеседі. Мұндай кездесулер өскелең ұрпақтың бойында қауіпсіз мінез-құлық мәдениетін қалыптастыруға ықпал етеді, сондай - ақ олардың мамандықты түсінуін кеңейтеді және өрт сөндірушілердің еңбегіне құрметпен қарауға тәрбиелейді», - деп Павлодар облысы ТЖД Мемлекеттік өрт бақылау басқармасының бастығы Оразбек Уәлиханов атап өтті. Ақпарат көзі : https://www.gov.kz/memleket/entities/emer/press/news/details/923956

Бүгін ТЖ вице-министрі Батырбек Әбдішев және ТЖМ авиациясы «Қазавиақұтқару» акционерлік қоғамының бас директоры Алпамыс Камаловтың қатысуымен компанияның 20 жылдығына арналған салтанатты іс-шара өтті. Іс-шара барысында компанияның дамуына айтарлықтай үлес қосқан қызметкерлердің еңбегін атап өту мақсатында ТЖМ ведомстволық наградалары, сонымен қатар естелік медальдар мен алғыс хаттар табысталды. Бұл марапаттар олардың еңбегін, кәсібилігін және өз ісіне адалдығын мойындаудың символы болып табылады. Азаматтық қорғау органдарының мемлекеттік жүйесін дамытуға қосқан үлесі үшін және «Қазавиақұтқару» акционерлік қоғамның 20 жылдық мерейтойына орай «Төтенше жағдайлардың алдын алуда және жоюда үздік шыққаны үшін» медалімен «Қазавиақұтқару» акционерлік қоғамы әуе кемесінің командирі Арман Амантайұлы Дәулетбеков наградталды. Қазақстан Республикасы Төтенше жағдайлар министрлігінің Алғыс хатымен «Қазавиақұтқару» акционерлік қоғамы әуе кемесінің бортмеханигі Кани Манапұлы Айдаров және «Қазавиақұтқару» акционерлік қоғамы әуе кемесінің автомеханигі Владимир Михайлович Юрасов марапатталды. «ҚР ТЖМ «Казавиақұтқару» авиациясының үздігі» медалімен әуе кемесінің командирі Максат Джамгирбаевич Идигеев, ұшу жарамдылығын жоспарлау және қолдау бөлімінің жетекшісі Айгерим Мураткызы Жармухан наградталды. Ұшу бөлімшесінің командирі Жалын Жумагазинович Аязбаев, бас инженер Назгүл Жолдасқызы Сыздықова, экономикалық жоспарлау бөлімінің жетекшісі Раушан Ельшибековна Ашимбаева, маман Ерлан Ергалиевич Жапаров, оңтүстік өңірлік басқармасының жұмысшысы Данияр Бекбалович Калмурзаев, қызметтік үй-жайларды жинаушы Улболсын Идаятовна Уразова алғыс хаттармен марапатталды. Осы екі онжылдықта «Қазавиақұтқару» АҚ Қазақстан Республикасының қауіпсіздігін қамтамасыз ету жүйесінің ажырамас бөлігіне айналып, адам өмірін құтқару, төтенше жағдайлардың зардаптарын жою және қоршаған ортаны қорғау бойынша маңызды міндеттерді орындап келеді. Ақпарат көзі : https://www.gov.kz/memleket/entities/emer/press/news/details/924488

  ТЖ вице-министрі Серік Төленбергенов, Өнеркәсіптік қауіпсіздік, Мемлекеттік материалдық резервтер комитеттерінің төрағалары Рашид Дубаев пен Ермек Бейсеуов жұмыс сапарымен Алматы және Алматы облыстарында болды.   Сапар барысында олар Төтенше жағдайлар департаменттері бөлімшелерінің қызметімен танысып, өнеркәсіптік қауіпсіздік және төтенше жағдайларға ден қою саласындағы мәселелерді талқылады. Сондай-ақ ұйымдық-штаттық өзгерістердің негізгі міндеттерін түсіндіріп, жаңа мақсаттар мен міндеттерді белгіледі.   Сонымен қатар ТЖМ басшылығы өнеркәсіптік қауіпсіздік басқармасына, департаменттердің жоспарлау және жедел басқару орталығына барды, онда бөлімшелердің жұмысы, төтенше жағдайларға ден қою стратегиялары және жаңа технологиялық шешімдер туралы ақпарат берді. Сондай-ақ бөлімшелер арасындағы жұмысты ұйымдастыру және өзара іс-қимыл мәселелері талқыланды.   «Біз әрқашан барлық бөлімшелеріміздің жұмысын үйлесімді және жедел етуге тырысуымыз керек. ТЖ алдын алу жүйесін дамытуды жалғастыру, сондай - ақ қызметкерлер арасында кәсіпқойлықтың жоғары стандарттарын сақтау, кез келген төтенше жағдайларға алдын ала және тиімді ден қою маңызды», - деп вице-министр атап өтті.     Алматы облысына сапардың маңызды сәттерінің бірі жедел-құтқару жасағының құтқарушысы Қанат Қалиевті мемлекеттік награда «Ұжымдық қауіпсіздікті нығайтқаны үшін» медалімен марапаттау болды. Бұл марапат оның кәсібилігін, адалдығын және өңір тұрғындарының қауіпсіздігін қамтамасыз етуге қосқан елеулі үлесі үшін берілді.   Бұл жұмыс сапары ТЖД бөлімшелері арасындағы жедел үйлестірудің, өнеркәсіптік қауіпсіздікті нығайтудың және мамандарды даярлау деңгейін арттырудың маңыздылығын атап өтті. Сондай-ақ басым міндеттерді талқылауға және төтенше жағдайлардың алдын алу және оларды жою саласындағы жұмысты одан әрі жетілдіру үшін ұсынымдар әзірлеуге мүмкіндік берді.          Ақпарат көзі : https://www.gov.kz/memleket/entities/emer/press/news/details/924506

Елордалық «Мама ПРО» әлеуметтік осал әйелдерді қолдау және дамыту қоры ерекше балаларды тәрбиелеп отырған жүздеген әйелге бизнесте алға ұмтылуына көмектесті. Астанада осындай қайсар аналардың қатысуымен арнайы форум өтті, деп хабарлайды қала әкімдігінің ресми сайты.Қор Астана әкімдігінің қолдауымен құрылды. Жоба кәсіпкерлік жолын бастаған, бірақ қиындықтарға тап болып, ерекше баласы бар аналарға көмектесуге бағытталған. Ұйым бұл әйелдерге қысқа мерзімді курстарды ғана емес, сонымен қатар тереңдетілген оқыту бағдарламаларын, сондай-ақ бизнес жобаларын одан әрі дамыту үшін тәлімгерлік және коучинг сессияларын ұсына отырып, қолдау көрсетті.Тренинг 12 айға созылып, жеке бизнес-жобаларын бастаған түлектер қаржылық және маркетингтік жоспарлауды, бизнес үшін ЖИ-ді жүзеге асыру жолдарын үйренді, сонымен қатар 3 жыл бойы стратегиялық жоспарлауды құрастыруды үйренді.Жоба барысында Астана, Алматы және Шымкент қалаларында ерекше балаларды тәрбиелеп отырған және қазірдің өзінде өз кәсібін дөңгелетіп жатқан 100-ден астам әйел оқытылды. Масштабтау, тапсырмалар беру және бизнес-процестерді оңтайландыру қажеттілігіне тап болған кәсіпкерлер оқу кезеңінде туындаған қиындықтарды жеңіп, өз бизнесін жаңа деңгейге көтере алды.Форум ұйымдастырушыларының айтуынша, 2018 жылдан бері 143 курс өткізіліп, осы уақыт аралығында 3500-ден астам әйел осы ҮЕҰ-ның түрлі білім беру бағдарламаларына қатысып, білім алған.Ерекше балалар үшін қор сиплинг-дәрістер өткізеді, оған олардың ағалары мен әпкелері де шақырылады.«Бұл форум ауқымды жобаның аяқталуындағы маңызды кезең болды. Қала әкімдігінің қолдауының арқасында көптеген әйел жұмыс тауып, «Еңбек мобильділігі орталығы» арқылы жұмысқа орналасты. Біздің қызметкерлер арасында оқуын тәмамдап, командамызда жұмыс істеу үшін қалған аналар бар, бұл бізді қатты қуантады», - деді қордың құрылтайшысы Әсия Тикеева.Қордың білім беру жобаларына қатысушылардың бірі – Лейла Бехбудова. Ол балаларға арналған ойыншықтар тоқиды.«Мен өз жұмысымнан үлкен ләззат аламын. Ана ретінде мен үшін ең бастысы – ойыншықтардың қауіпсіз болуы. Мен оларды мақта жіптен жасаймын, ал ішін толтыру үшін холофибрді қолданамын. Тоқыған кезде бірден мықтап бекітуге тырысамын, сонда ештеңе кетпейді», - дейді Лейла Бехбудова.Оқыту курстары басқа өңірлердің тұрғындары үшін де қолжетімді: «Мама ПРО» әлеуметтік осал әйелдерді қолдау және дамыту қорының өкілдігі Астанада ғана емес, Алматы, Шымкент, Қостанай және Өскемен қалаларында да жұмыс істейді.Ақпарат көзі : https://www.gov.kz/memleket/entities/astana/press/news/details/923839

Астанада ауа райының қолайсыздығына байланысты екінші ауысымдағы 0-9 сынып оқушылары қашықтан оқыту форматына ауыстырылды, деп хабарлайды елорда әкімдігінің ресми сайты.«2025 жылғы 24 қаңтар күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады», - делінген хабарламада. Ақпарат көзі : https://www.gov.kz/memleket/entities/astana/press/news/details/923923

In Astana, public utilities are working in an enhanced mode around the clock, despite the bad weather and frost, the official website of the capital's akimat reports.On the night of January 24, public utilities removed 1,078 trucks of snow from the capital, which is 15,156 cubic meters of snow.Since the morning of January 24, 2,589 road workers and 1,518 units of special equipment have been involved in snow removal work.Since the beginning of the winter season, 3 million 850,572 cubic meters of snow have been removed from the city to landfills by 303,318 heavy-duty truck trips.First of all, according to the rules, areas with very heavy traffic are cleared in order to avoid traffic jams. Medium-intensity areas are also being cleared - squares, areas near railway stations, sidewalks, access roads to social facilities, etc.Cleaning central streets, public transport routes, stops and sidewalks is also a priority.There are several equipped snow disposal areas in the city. They are equipped with a system for reading vehicle license plates, CCTV cameras and lighting.We ask residents and visitors of the capital to be careful on the roads, follow safety rules, and not go on long trips if there is a storm warning.In case of an emergency, call 112.Ақпарат көзі : https://www.gov.kz/memleket/entities/astana/press/news/details/923929

24 қаңтар күні «Астана жастары» жастар ресурстық орталығының еріктілері «Таза Қазақстан» ауқымды экоакциясы аясында коммуналдық қызметкерлерге ыстық шай мен бауырсақ таратты, деп хабарлады қала әкімдігінің ресми сайты.«Біз бүгін, 24 қаңтарда аязды ауа райына қарамастан елорданың таза болуына атсалысып жүрген коммуналдық қызметкерлерге қолдау білдіруге шықтық. Осылайша таңнан кешке дейін жұмыс істейтін адамдарға жылулық пен жақсы көңіл күй сыйлағымыз келеді», - дейді елордалық ерікті Қайсар Құлқожахмет.Өз кезегінде коммуналдық қызметкерлер еріктілерге алғыс білдірді.«Аязды күні осындай акция ұйымдастырған еріктілерге алғыс айтамын. Олар бізге мүмкіндігінше көмектесіп, тіпті мереке күндері тәтті таратып, ықыластарын білдіріп жатады», - дейді коммуналдық қызметкер Айнагүл Қожина.Қала тазалығы жұмысында 10 жылдан бері жұмыс істеп жүрген Нұрғали Өміржан мұндай игі акциялар халықты бірлікке шақыратынын айтты.«Осындай игі акциялар қала бойынша жиі өтетінін естіп жатамыз. Бүгін ыстық шай мен бауырсақ таратып жатыр. Менің ойымша, осындай игі акциялар тұрғындарды ұйымшылдыққа шақырады. Ұйымдастырушыларға алғыс білдіремін»,- дейді Нұрғали Өміржан.Ақпарат көзі : https://www.gov.kz/memleket/entities/astana/press/news/details/924214

2024 жылдың 9 қыркүйегінде Қазақстанда букмекерлік кеңселер мен букмекерлік дүкендердің сыртқы жарнамасына тыйым салатын заң күшіне енді. Заң күшіне енгенге дейін Астана қаласы әкімдігінің «Астана-Жарнама» мемлекеттік мекемесі жарнамалық құрылымдардың иелеріне түсіндіру жұмыстарын жүргізді. Осы шаралардың арқасында елордада заң күшіне енгенге дейін букмекерлік кеңселерге арналған жарнамасы бар 290-нан астам нысан жойылды, деп хабарлайды елорда әкімдігінің ресми сайты.«Астана-Жарнама» сыртқы жарнамаларды бақылауды жалғастыруда. Аудан әкімдіктерімен бірлесе отырып, кәсіпкерлерге заң талаптарын түсіндіруге бағытталған іс-шаралар тұрақты өткізіліп тұрады. Бұзушылықтар анықталса, заңсыз жарнама жойылып, оны таратушылар әкімшілік жауапкершілікке тартылады.Кәсіпкерлерге тұрақты түрде түсіндіру жүргізіліп, заң талаптарын сақтау қажеттігі туралы кітапшалар шығарылуда.Заңға сәйкес, букмекерлік кеңселерді ғимараттың қасбеттеріне, ашық алаңқайларға, көліктерге және сыртқы құрылыстарға жарнамалауға тыйым салынады. Жарнамаға тек букмекерлік кеңселерде, спорт ғимараттарында және спорттық жабдықтарда ғана рұқсат етіледі. Букмекерлік компаниялардың логотиптері мен сауда белгілерін бизнестің басқа түрлерін жарнамалауда пайдалануға да тыйым салынады.ӘҚБтК-нің 455-бабына сәйкес, заңды бұзғаны үшін 236 мыңнан 1,5 миллион теңгеге дейін айыппұл салынады.Ақпарат көзі : https://www.gov.kz/memleket/entities/astana/press/news/details/924402

Елорданың «OzgeEpic» шығармашылық хабында «Таза Қазақстан» ауқымды экоакциясы аясында мәдениет қызметкерлерінің басын қосып, қазіргі экологиялық мәселелерді талқылау мақсатында «Астана – таза қала» тақырыбында семинар өтті. Іс-шараға қатысушылар қалдықтарды басқарудың заманауи тәсілдерін, пластикті пайдалануды азайту, «жасыл» технологияларды енгізу, сондай-ақ қаланы абаттандыру жобаларын қарастырды, деп хабарлайды қала әкімдігінің ресми сайты. Семинар қала тұрғындарының экологиялық жауапкершілігі мен мәдениетін дамытуға бағытталған «Таза Қазақстан» тұжырымдамасын жүзеге асырудың бір бөлігі болды. Іс-шара форматы лекциялар, пікірталастар және практикалық семинарларды қамтыды, онда қатысушылар қалдықтарды қайта өңдеу, қордалау және экологиялық таза технологияларды пайдалану туралы мәлімет алды. «Адамдардың қоршаған ортаға деген жауапкершілігі арта түсті. Мысалы, көптеген аулалар мен мемлекеттік мекемелерде қалдықтарды бөлек жинауға арналған контейнерлер бар. Өткен жылы мәдениет басқармасының қолдауымен 100-ден астам іс-шара ұйымдастырылса, биыл 150-ге жуық іс-шара жоспарланып отыр», - деді Астана қаласы Мәдениет басқармасының мәдениет және өнерді дамыту бөлімінің бас маманы Ермек Ағабек. Қала тазалығын сақтау бойынша қоғамның, мемлекеттік және жеке секторлардың бірлескен іс-қимылдарына ерекше назар аударылды.Ақпарат көзі : https://www.gov.kz/memleket/entities/astana/press/news/details/924466

22-23 қаңтар күндері Алматыда жауған қалың қардан кейін қала тұрғындары мен жергілікті еріктілер бір-біріне шынайы қолдау көрсетіп, қамқорлық танытты. Қаланың коммуналдық қызметі күшейтілген режимде жұмыс істеп, жолдарды қардан тазалап, негізгі магистральдарда кептелістердің алдын алуға тырысты. Қызметкерлер тәулік бойы еңбек етіп, қала тұрғындарының қауіпсіздігі мен жайлылығын қамтамасыз етті.Қолайсыз ауа райына қарамастан, жүзге жуық ерікті жалғызбасты зейнеткерлердің үйіне барып, ауласвн қардан тазалауға көмектесті.«70-тен асқан кезде қар күреу оңай емес. Еріктілердің бей-жай қалмай, көмекке келгеніне қатты риза болдым. Олар қол көмегімен қатар, жүрек жылуын жеткізді, жылы сөздері аязды күні жаныңды жадыратады. Өзімді қамқор қаланың тұрғыны сезіндім», – деді зейнеткер Елена Константиновна.Жастар коммуналдық қызметкерлерге ыстық шәй мен тамақ таратып қана қоймай, жаяу жүргіншілер жолын қардан тазалауға да көмектесті.Бұл қамқорлықты көрген қала тұрғындары да қайырымдылық шараларына атсалысты. Көпшілігі азық-түлік, қар тазалауға арналған құрал-жабдықтар ұсынып немесе көршілеріне көмектесіп, береке-бірліктің, қамқорлықтың үлгісін көрсетті.Мұндай іс-шаралар Алматы үшін таңсық емес. Қаланың еріктілері қыс мезгіліндегі табиғи апаттарда ғана емес, жылдың кез келген уақытында көмек көрсететін түрлі шараларды тұрақты түрде ұйымдастырып келеді. Олар әлеуметтік жобаларға қатысып, көпбалалы отбасыларға қолдау көрсетеді, аз қамтылған азаматтарға киім-кешек пен азық-түлік жинауды ұйымдастырады.«Біз көмек қажет екенін көріп, бей-жай қарай алмаймыз. Еріктілік – бір реттік акция емес. Бұл біздің қаламыздың дамуына, тұрғындар арасындағы жылы қарым-қатынасқа қосқан үлесіміз. Осылайша, біз кейде байқамайтын аула сыпырушылардың, тазалықшылардың, коммуналдық қызметкерлердің күнделікті еңбегін бағалауды үйренеміз. Алматы – бәріміздің ортақ үйіміз, бір-бірімізді қолдап, сүйікті қаламызға бірге қамқор болайық!» – дейді «Qamqor charity» қорының еріктісі Зере Мақсұтхан.Алматыдағы қалың қар қала үшін сынақ болғанымен, адамдарға өздерін көрсетудің тамаша мүмкіндігіне айналды. Осындай сәттерде бірлік пен бір-біріне көмек көрсету ерекше маңызға ие. Алматы еріктілері бірнеше жыл бойы күнделікті өмірде қаланың нағыз батырлары атанып, жайлы шаһарға айналдырып келеді.Ақпарат көзі : https://www.gov.kz/memleket/entities/almaty/press/news/details/924503