Астанадағы Белсенді ұзақ өмір сүру орталығының зейнеткерлері қиялдарындағы қыстың әдемі келбетін қағаз бетіне түсіріп қана қоймай, «Қысқы қиял» атты арнайы көрме ұйымдастырды, деп хабарлайды елорда әкімдігінің ресми сайты.Орталықтың Алматы ауданына қарасты филиалындағы арт-студияда дәріс алып жүрген 30 зейнеткер «Қыс келбеті» тақырыбында өз картиналарын ұсынды.Бүгінде зейнеткерлердің қолымен дайындалған сурет көрмесін орталыққа келуші қызмет алушылар мен қала тұрғындары тамашалауда.Зейнеткерлер «Қысқы қиял» көрмесіне дайындықты үш ай бұрын бастаған. Алғашқы қар түскен уақыттан бастап олар қысты, алғашқы қарды, мұзды, қар үйінділерін, таңғажайып уақытты, табиғаттың сұлу құбылыстарын аңғарып, қағаз бетіне түсіре білген.«Арт-терапияның егде жастағы адамдар үшін пайдасы зор. Сурет арқылы адамның ішкі шығармашылығын іске қосуға, есте сақтау қабілетін, зейінін жақсартуға болады. Біз бейнелеу сабақтарын күн сайын өткіземіз. Студиямызға сурет салуды үйренгісі келетін зейнеткерлер келеді. Олардың арасында зейнет жасында сурет салуды үйренген, белсенді, әрі қабілетті зейнеткерлер де бар. Әсіресе, Мәдени Асатова, Мария Серимова, Салтанат Мырзабаева мен Гауһар Камалиева ынтасын ерекше атап өткім келеді», - деді үйірме жетекшісі Айгүл Қожахметова.Ақпарат көзі : https://www.gov.kz/memleket/entities/astana/press/news/details/923408

Астанада мектеп жасына дейінгі балаларды мектепке дайындауға бағытталған жоба белсенді түрде жүзеге асырылуда. Ол әртүрлі білім беру кезеңіндегі мұғалімдердің өзара қарым-қатынасын жақсартуға және балалардың мектеп өміріне бейімделуіне қолайлы жағдай жасауға ықпал ететін бірнеше бағыттан тұрады, деп хабарлайды елорда әкімдігінің ресми сайты.Жоба аясында жақын маңдағы мектептерге балабақшалар қосылған «Білім беру аудандары» құрылады. Бұл білім беру мекемелері арасындағы байланысты нығайтып, балалардың балабақшадан мектепке кедергісіз өтуіне ықпал етеді.Бағдарламаның негізгі элементі жыл сайын жүзеге асырылатын «Педагогикалық SABAQTASTYQ» шағын жобасы болып саналады. Басты мақсат – балаларды мектепке дайындаудың кешенді жүйесін құру, мектепке дейінгі тәрбие мен бастауыш мектептің мақсаттары мен міндеттерінің сәйкестігін қамтамасыз ету.Соның аясында елордада балабақша тәрбиешілері мен бастауыш сынып мұғалімдерінің қатысуымен олардың өзара қарым-қатынасын дамытуға бағытталған семинарлар топтамасы ұйымдастырылды.Осылайша, 20-24 қаңтар аралығында қаладағы барлық балабақшада «Балаларды мектепке тәрбиелеу» атты бірыңғай семинар өтіп жатыр.Іс-шараға мектеп директорының бастауыш сыныптар жөніндегі орынбасарлары мен алдағы 2025-2026 оқу жылында бірінші сыныпқа қабылдайтын төртінші сынып мұғалімдері қатысуда. Семинар барысында мектеп жасына дейінгі балалар болашақ педагогтармен кездеседі, сонымен қатар олардың балабақшадағы жетістіктері мен дағдылары көрсетеді.Бастауыш сынып мұғалімдері балабақша тәрбиешілерімен балалардың білімдері мен қажеттіліктерін ескере отырып, мектеп өміріне бейімдеудің тиімді әдістерін талқылайды.Мәселен, елордада №37 «Арман» бөбекжай-балабақшасы мен Әлімхан Ермеков атындағы №38 мектеп-лицей арасында ынтымақтастық нығайып келеді.«Біздің міндетіміз – балабақша мен мектеп біртұтас оқу процесі ретінде жұмыс істейтін жүйе құру. Бұл мақсатқа жету үшін балабақша тәрбиешілері мен бастауыш сынып мұғалімдері арасында тығыз ынтымақтастық орнату маңызды», - деп атап өтті №37 «Арман» балабақшасының меңгерушісі Айгүл Софиева.Шағын жоба аясында бірлескен әдістемелік кеңестер, консультациялар, ашық сабақтар ұйымдастырылып, педагогтар мектепке дейінгі мекемелерде қолданылатын тәрбие мен оқыту әдістерімен танысады.Балаларды балабақшаға дайындау бірнеше негізгі бағытты қамтиды. Бұл танымдық қабілеттерді дамыту, қарапайым математикалық түсініктерді қалыптастыру, логикалық ойлау мен сөйлеуді дамыту. Балаларды қоршаған әлеммен, табиғатпен, маусымдық өзгерістермен таныстыруға да маңызды көңіл бөлінеді. Сабақтар балаларға 10-ға дейін санауды, негізгі түстер мен пішіндерді ажыратуды, кеңістікте шарлауды және ересектердің қарапайым нұсқауларын орындауды үйренуге көмектеседі.Бағдарламаның тағы бір маңызды элементі – сәуір және мамыр айларында өтетін Бейімделу күндері жобасы. Бұл шара болашақ бірінші сынып оқушыларын сыныптармен, мұғалімдермен және мектептің ішкі құрылымымен таныстырады, бұл стресс деңгейін төмендетуге және оларды мектеп өміріне дайындауға көмектеседі.Сонымен қатар, жаз мезгілінде балабақшаларда балаларды бірінші сыныпқа қосымша дайындауға мүмкіндік беретін «Бөбек мектебі» курстары ұйымдастырылады.Бағдарламаның маңызды бөлігі болашақ бірінші сынып оқушылары үшін оқу жылының соңында өткізілетін экскурсиялар болып саналады. Балалар оқу бөлмелерін, спорт залын, кітапхананы және басқа да мектеп үй-жайларын аралайды.Ақпарат көзі : https://www.gov.kz/memleket/entities/astana/press/news/details/923414

Жыл басынан бері кәмелетке толмағандар арасындағы құқық бұзушылықтар мен қылмыстардың алдын алу мақсатында елорданың алты ауданында «Түнгі қаладағы балалар» жедел-профилактикалық іс-шарасы өткізілді, деп хабарлайды елорда әкімдігінің ресми сайты.Полиция қызметкерлері аудан әкімдіктерінің, қалалық прокуратураның, білім басқармасының және Астана қаласы әкімдігінің жанындағы әйелдер істері және отбасылық-демографиялық саясат жөніндегі комиссияның қызметкерлерімен бірлесе отырып, кәмелеттік жасқа толмаған жасөспірімдердің қылмыс жасау фактілерін анықтау мақсатында көшелер мен ойын-сауық орындарын тексеруде.Елорданың Сарыарқа ауданында жүргізілген рейд барысында мобильді топ сағат 23:00-ден кейін ересектердің қарауынсыз көшеде жүрген, сондай-ақ кешкі сағат 22:00-ден кейін ойын-сауық орындарын аралаған 17 жасөспірімді анықтады. Олардың ата-аналары әкімшілік жауапкершілікке тартылды. Ата-аналармен және жасөспірімдермен профилактикалық әңгімелер жүргізіліп, ресми ескертулер жасалды. Бір жыл ішінде қайталап бұзған жағдайда заңды өкілдерге айыппұл салынуы мүмкін.Есіл ауданында мониторингтік топ қызметкерлерімен 10 рейд жүргізілді, оның барысында ҚР ӘҚБтК 442-бабы бойынша 68 кәмелетке толмаған жасөспірім жауапкершілікке тартылды.Байқоңыр ауданында жедел-профилактикалық іс-шаралар барысында кәмелетке толмаған 57 жасөспірім анықталып, жергілікті полиция бөлімшелеріне жеткізілді. Бұл балалардың заңды өкілдері әкімшілік жауапкершілікке тартылды. Сондай-ақ кәмелетке толмағандарды жібергені үшін Қазақстан Республикасы ӘҚБтК-нің 132-бабына сәйкес ойын-сауық мекемелерінің иелері де әкімшілік жауапкершілікке тартылды.Нұра ауданының аумағы бойынша рейдтік іс-шаралар кезінде мынадай құқық бұзушылықтар анықталды: 92 жасөспірім сағат 23.00-ден кейін ата-анасының немесе заңды өкілдерінің еріп жүруінсіз болды, ол үшін 442-бап бойынша ескерту алды; 14 ата-ана 127-бап бойынша жауапкершілікке тартылып, 10 АЕК мөлшерінде айыппұл салды.Рейд барысында Алматы ауданында мобильді топ кәмелетке толмаған жасөспірімдердің ересектердің еріп жүруінсіз түнгі уақытта болған 6 жағдайын анықтады. Қорытындысы бойынша ата-аналарға хаттама мен әкімшілік айыппұл салынды.Еске салайық, ҚР ӘҚБтК-нің 442-бабына сәйкес, сағат 22.00-ден таңғы 6.00-ге дейін кәмелетке толмағандардың ойын-сауық мекемелерінде заңды өкілдерінсіз жүруіне немесе олардың кіруіне рұқсат етілмейді, сондай-ақ сағат 23.00-ден 6.00-ге дейін кәмелетке толмағандардың заңды өкілдерінің еріп жүруінсіз үйлерінен тыс жерде болуына тыйым салынады;Айта кетейік, Астана қаласы прокуратурасының, Құқық қорғау және мемлекеттік органдардың үйлестіруімен, Астана қаласы әкімдігі жанындағы Әйелдер істері және отбасылық-демографиялық саясат жөніндегі комиссия мүшелерімен және аудандық әкімдіктермен бірлесіп, түнгі уақытта қала көшелерінде және ойын-сауық орындарында кәмелетке толмағандарды анықтау бойынша рейдтер жалғасуда.«Заң және тәртіп» әңгімесі аясындағы іс-шаралар Астана қаласы прокуратурасының үйлестіруімен өткізіледі.Ақпарат көзі : https://www.gov.kz/memleket/entities/astana/press/news/details/923453

Астанада ауа райына байланысты мектеп оқушылары мен колледждің 1-2-курс студенттері қашықтан оқыту форматына ауыстырылды, деп хабарлайды елорда әкімдігінің ресми сайты.«2025 жылғы 24 қаңтар күні ауа райының қолайсыздығына байланысты бірінші ауысымның 0-11 (12)сынып оқушылары және колледждердің 1-2 курстың студенттері (9 сынып базасында) қашықтан оқыту форматына ауыстырылады», - делінген Білім басқармасы таратқан хабарламада.Ақпарат көзі : https://www.gov.kz/memleket/entities/astana/press/news/details/923689

Елордалық еріктілер қария кісілер тұратын үйлердің ауласының қарын күреу бойынша кезекті акция өткізді. Іс-шара «Таза Қазақстан» экологиялық акциясы аясында өтті, деп хабарлайды қала әкімдігінің ресми сайты.«Астана жастары» жастар ресурстық орталығының еріктілері Байқоңыр ауданы әкімдігімен бірлесіп, «Таза Қазақстан» акциясы аясында қария кісілер тұратын үйлердің ауласын қардан тазартуды жалғастыруда. Бірер күн бұрын елордалық еріктілер зейнеткерлер үйлерінің маңын тазарту бойынша кезекті шара өткізді.«Таза Қазақстан» акциясы аясында біз қаланың қарт тұрғындарына аулаларының қарын күреуге үнемі көмектесеміз. Соңғы аптада қалада қар көп жауды, сондықтан біз тағы бір игі іс жасау үшін қайта жиналдық», - дейді еріктілердің бірі Ерасыл Төленді.Еріктілер Лермонтов көшесінде тұратын зейнеткерге қар кереуге көмектесті.«Еріктілерімізге алғыс білдіргім келеді. Олар ауланың қарын жылдам тазалайды. Осы игі акцияға қатысқандарға көп-көп рақмет», - деді Елена Николаева.Ақпарат көзі : https://www.gov.kz/memleket/entities/astana/press/news/details/923766

Бірнеше жылдан бері елордада психоневрологиялық патологиясы бар, тірек-қозғалыс аппараты бұзылған, бір жарым жастан он сегіз жасқа дейінгі мүгедек балаларға арнаулы әлеуметтік-оңалту қызметтерінің тұтас кешенін көрсететін «Жансая» әлеуметтік қызмет көрсету орталығы жұмыс істейді. Сондай-ақ, мұнда мүмкіндігі шектеулі және психоневрологиялық ауруы бар кәмелетке толған азаматтарға көмек көрсетіледі, деп хабарлайды Астана әкімдігінің ресми сайты.Орталықта 640 балаға қызмет көрсетіледі.Басқа әлеуметтік қызмет көрсету мекемелерінен айырмашылығы «Жансая» мекемесі үйде арнаулы әлеуметтік қызмет көрсетумен ғана шектелмейді, сонымен қатар жартылай стационарлық жағдайда оңалту қызметін қосымша көрсетеді.Орталықтың негізгі мақсаты – ерекше қажеттіліктері бар балаларға үйде арнайы әлеуметтік қызмет көрсету, олардың өмір сүру жағдайында тікелей жан-жақты күтім көрсету және қолдау көрсету, сондай-ақ әлеуметтік қызметкерлердің білікті көмегін көрсету.Орталықтың әлеуметтік қызметкерлері тиісті дайындықтан өтіп, балаларға жеке сабақтар өткізеді, қамқорлық пен қолдауға, оның ішінде психоэмоционалды қолдауға және қоғамға әлеуметтік бейімделуге көмек көрсетеді.2024 жылы орталық қызметкерлері үйде 276 790 арнаулы әлеуметтік қызмет көрсетті.Жұмыстың негізгі бағыты орталық аумағында оңалту қызметін көрсету болып саналады. Білікті мамандардың – психологтардың, еңбек терапевтерінің, арнайы білім беру мұғалімдерінің, музыкалық терапевтердің, логопедтердің, массажистердің және ЛФК нұсқаушыларының көмегімен балалардың барынша дамуына, олардың әлеуметтік дағдылары мен өмір сүру сапасын арттыруға жағдай жасалуда. Кешенді оңалту қызметін көрсету нәтижесінде 2024 жылы 5 бала алғашқы қадамдарын жасай алды. Оңалту кезеңінде ата-аналар үшін тәрбиелік және консультативтік тренингтер өткізіледі. Оңалту кезінде тұрақты негізде «Аналар мектебі» ұйымдастырылып, онда 2024 жылы 174 іс-шара өткізілді.Орталықтың аумағында балаларға арналған арт-терапия, вокал және би үйірмесі жұмыс істейді.2024 жылдың басынан бері 1152 қызмет алушыға оңалту қызметі көрсетілді.Орталық сонымен қатар иппотерапия және сумен емдеу қызметтерін көрсетеді және бос уақытты өткізуге көп көңіл бөледі. Бір жыл ішінде «Жансая» орталығының 738 тәрбиеленушісі «Арғымақ» ипподромына 48 рет барды, сол сияқты 849 адам 82 рет бассейнге барды. Мәдени іс-шаралар әлеуметтік бейімделуді жақсартуға ықпал ететінін ескерсек, өткен жылы 57 іс-шара өткізіліп, 2469 қызмет алушы қамтылды. Бұл театрларға, кинотеатрларға, мұражайларға, цирктерге топпен бару, аттракциондар, табиғатқа саяхаттар, астананың көрікті жерлеріне экскурсиялар.Ақпарат көзі : https://www.gov.kz/memleket/entities/astana/press/news/details/923768

Алматыда «Қазгидромет» деректеріне сәйкес тәулігіне 18 см қар жауды, бұл қаңтардағы норманың 31% -ын құрайды. Каменское платодағы қар 21 см, ал Медеуде – 12 см.Түнгі уақытта көшелерді тазалау үшін 573 арнайы техника, сондай-ақ 711 жол жұмысшысы жұмылдырылды. Қар шығаруға 203 самосвал тартылды. 23 қаңтар күні таңертең 9 600 текше метр қар сыртқа шығарылды.22 қаңтардың кешінен бастап 26 техника колоннасы жол полициясының патрульдік машиналарымен бірге қар күреу жұмыстарын жүргізді. 23:30-да басталған қалың қардан кейін қарды қайта сыпыру таңғы 4:00-ден бастап ұйымдастырылды.Күндізгі уақытта 475 бірлік арнайы техника мен 1280 жол жұмысшысы жұмылдырылды. Шағын көлемді техниканың 95 бірлігін пайдалана отырып, тротуарларды, қоғамдық кеңістіктерді және әлеуметтік маңызы бар объектілерге кіреберістерді механикаландырылған тазалау жүргізіледі. Сондай-ақ, қоғамдық көлік аялдамалары мен жер үсті өткелдерін қолмен тазалау жұмыстары жүргізілуде.Аудан әкімдіктерінде қар тазалау жұмыстарын бақылау бойынша тәулік бойы кезекшілік ұйымдастырылды.Алматыда 22 қаңтарда таңертең қар жауа бастады. «Қазгидромет» РМК болжамы бойынша бүгін, 23 қаңтарда сағат 16:00-ден бастап тәуліктің соңына дейін қар жауады деп күтілуде. Ауа температурасы күндіз -5...-7°С болады, 24 қаңтарда жауын-шашынсыз бұлтты. Түнде ауа температурасы -18... -20°С, күндіз -12...-14°С дейін төмендейді.Ақпарат көзі : https://www.gov.kz/memleket/entities/almaty/press/news/details/923244

Алматыда Мемлекет басшысының тапсырмасы бойынша басталған «Таза Қазақстан» тұжырымдамасын іске асыру аясында елімізде алғаш рет қар еріту пункті ашылды. Жобаның ерекшелігі-Қазақстан үшін бірегей тәжірибе болып табылатын әрі, қарды ерітудің пайдаланылатын экологиялық таза технологиясы.Технология қар жауған кезде қаланы тазарту уақытын қысқартып қана қоймай, қоршаған ортаға экологиялық зиянды азайтуға мүмкіндік береді. Бұрын қала көшелерінен қар мұзға қарсы материалдармен, соның ішінде тұзды ерітінділермен бірге топыраққа түсетін. Топырақты қалпына келтіруге қосымша ресурстар жұмсалатын. Алматы қаласы Коммуналдық инфрақұрылымды дамыту басқармасы көріктендіру бөлімінің басшысы Бекежан Алмырза атап өткендей, қар еріту пунктін іске қосу — экологиялық тұрақтылықты қамтамасыз етудегі және мегаполисте өмір сүру сапасын жақсартудағы маңызды қадам. Бұл шешім қаладан тыс жерлерге қар шығаруға жұмсалатын уақыт пен ресурстарды едәуір азайтуға, сондай-ақ экологияға теріс әсерді азайтуға мүмкіндік береді.Жаңа пункттің жұмысымен және қарды кәдеге жаратудың инновациялық технологияларымен қала әкімдігі кадрлар даярлау туралы меморандум аясында ынтымақтасатын Қазақ автомобиль жолдары институтының (ҚазАЖИ) оқытушылары мен студенттері танысты. Студенттер жұмыстың негізгі кезеңдерін және инновациялық технологияларды оқу үстінде.Қала көшелерінен жиналған қар алдын ала сұрыптау үшін арнайы қабылдау құрылымына түседі, содан кейін еріту қондырғыларына жіберіледі. Маңызды аспект-жылы ағынды сулар қалалық кәріз желісі арқылы ағып, сорғы қондырғылары жүйесі арқылы еру үшін қажетті жылу мөлшерінен өтеді. Қар еріту құрылғысының қуаты - тәулігіне 1200 текше метр қарға дейін.Қарды еріту процесі қысыммен жүреді, бұл процесті жылдамдатуға және жұмыс тиімділігін арттыруға мүмкіндік береді. Қар ерігеннен кейін алынған еріген су құмнан және басқа ұсақ бөлшектерден сүзіліп, бірнеше тазарту сатыларынан өтеді. Сайып келгенде, еріген су қалалық кәріз желісіне қайта оралады, бұл экологияға жүктемені азайтады және қала ресурстарын ұтымды пайдалануға мүмкіндік береді.Қазақ автомобиль жолдары институтының (ҚазАЖИ) ректоры Дәурен Есентай көлік және экологиялық технологияларды оқитын студенттер үшін қар еріту пунктіне бару танымдық сипатқа ие және болашақта пайдалы болатынын атап өтті.«Біз қоршаған ортаға теріс әсерді айтарлықтай азайтатын экологиялық таза технологияның іс жүзінде қалай қолданылатынын көре алдық. Мұндай тәжірибе өте бағалы, әсіресе экология мен инфрақұрылым мәселелерін жедел шешу қажет заманауи қала жағдайында. Студенттер болашақта осы технологияларға сүйеніп, оларды инфрақұрылымдық нысандарды жобалауда ескеруі мүмкін», - деп атап өтті ректор.«Көлік техникасы және технологиясы» мамандығы бойынша оқитын 1 курс студенті Сұлтан Сайлауғазы қар еріту пунктіне баған кезде алған ақпараттың болашақта қаланың экологиялық және инфрақұрылымдық тиімділігін арттыруға үлес қосуға көмектесетінін атап өтті.«Біз кәріз желісі арқылы судың түсуінен бастап еріген судың соңғы сүзілуіне дейінгі барлық процесті зерттедік. Бұл қалалық қызметтердің жүктемесін азайтумен қатар экологиялық тәуекелдерді төмендетуге де көмектеседі. Менің осыған қатысты алған білімім болашақта экологиялық менеджмент саласында жұмыс істейтін кезде өте пайдалы болатынына сенімдімін. Мен алған білімімді экология мен табиғи ресурстарды басқарудың тиімді шешімдерін әзірлеу үшін пайдалануды жоспарлап отырмын», - деді студент.В свою очередь студент 1-го курса Бакытжан Алмабай, обучающийся по специальности «строительство автомобильных дорог», отметил, что посещение снегоплавильного пункта стало для него настоящим открытием.«Автомобиль жолдарын салу» мамандығы бойынша білім алып жатқан 1 курс студенті Бақытжан Алмабай, қар еріту пунктіне бару өзі үшін нағыз жаңалық болғанын атап өтті.«Мен жаңа технологиялар қалалық инфрақұрылымды жақсартуға қалай әсер ететінін білдім. Бұл жобаның қарды қаладан тыс жерге тасымалдау қажеттілігін және көлік шығындары мен атмосфераға зиянды заттардың шығарылуын азайтуға көмектесетіні ерекше маңызды. Біз бұл білімді кәсіби қызметімізде міндетті түрде қолданатын және қаламыз үшін неғұрлым тиімді шешімдер әзірлеуге ұмтылатын боламыз», - деп өз ойымен бөлісті жас жігіт.Айта кетейік, қар еріту пунктіне Алматының Әуезов, Алмалы және Бостандық аудандарының аумақтарынан қар әкелінеді. Бұл аудандарда қар үйінділері тым көп, соның салдарынан тығыз трафик орталық көшелерден қарды тиімді шығаруға мүмкіндік бермейді. Пункт іске қосылған кезден бастап 24,4 мың текше метр қар еріді.Қар еріту пунктін құру қарды кәдеге жарату жөніндегі өзекті мәселелерді шешу және «Таза Қазақстан» бағдарламасы аясында қоршаған ортаны қорғаудың ауқымды стратегиясын іске асырудағы маңызды қадам болып табылады.Ақпарат көзі : https://www.gov.kz/memleket/entities/almaty/press/news/details/923334

Мемлекеттік қор жерінде заңсыз орнатылған стационарлық емес сауда нысандарын (әрі қарай – СЕСН) жою және ретсіз саудамен күресу мақсатында Алматы қаласының Кәсіпкерлік және инвестициялар басқармасы 2025 жылдың 27 қаңтары мен 17 ақпаны аралығында СЕСН жаппай бұзу жұмыстарын жоспарлап отыр.Қаланың барлық ауданында арнайы жұмыс комиссиясы құрылды. Олардың құрамына мемлекеттік органдардың, Алматы қаласы Полиция департаментінің өкілдері, мәслихат депутаттары, Қоғамдық кеңес мүшелері және «Атамекен» ҚР ҰКП өкілдері кірді. Сонымен қатар қала прокуратурасы көше саудасының заңдылығын қамтамасыз ету бойынша шараларды күшейтті.Бұзу барысында инженерлік-коммуникациялық желілерден, электр қуатынан және сумен жабдықтау жүйелерінен ажырату көзделген. Полиция департаменті аудан әкімдіктерімен бірлесе отырып, сүру орнында қоғамдық тәртіп пен қауіпсіздікті қамтамасыз етеді.Бүгінде қалада мемлекеттік қордың жерінде 500 жуық заңсыз орнатылған СЕСН бар. Олар бойынша ерікті түрде бұзу керектігі жайлы ескертулерді беру жұмыстары басталды. СЕСН-ның алғашқы 200-ден астам иесі жазбаша ескерту алды.Еске сала кетейік, Алматы қаласы әкімдігінің 2024 жылғы 27 тамыздағы №3/469 «Алматы қаласы аумағында стационарлық емес сауда нысандарын орналасу орнын анықтау және бекіту туралы» Қаулысына сәйкес, қалада 157 СЕСН орналастыруға арналған 142 орын бекітілген. Стационарлық емес сауда нысандарында заңды негізде қызметін жалғастыруға ниет білдірген кәсіпкерлер Алматы қаласының Кәсіпкерлік және инвестициялар басқармасына 390 21 30 телефоны арқылы хабарласа алады.Сонымен қатар, қалада ретсіз сауда деңгейін төмендету бойынша жұмыстар жүргізілуде. Мониторинг нәтижесінде қаланың 49 жерінде ретсіз сауданың жаппай шоғырланған орындары анықталды (ірі базарлар, саябақтар мен алаңдардың маңында), бұл жерлерде 1,2 мыңнан астам саудагер заңсыз орналасқан. Ретсіз саудаға қатысты ҚР ӘҚБтК-нің 204-бабы («Белгіленбеген орындарда сауда жасау») және 505-бабы («Қалалар мен елді мекендердің аумақтарын абаттандыру ережелерін бұзу») бойынша әкімшілік шаралар қолданылады. 2024 жылы полициямен бірлескен рейдтер барысында 1,9 мыңнан астам ретсіз сауда субъектісіне әкімшілік жауапкершілік жүктелді.Анықтама үшін:Алматы қаласының Кәсіпкерлік және инвестициялар басқармасы Е-өтініш платформасында, Open Алматы және әлеуметтік желілерде тұрғындардың шағымы мен өтініші бойынша жүргізген мониторинг барысында заңсыз орнатылған СЕСН тарапынан көріктендіру ережелерін, өрт қауіпсіздігі және санитарлық нормаларды бұзу, нысандардың дизайн-кодқа және қаланың эстетикалық келбетіне сәйкес келмеу фактілері анықталды.Еске сала кетейік, «Алматы қаласының аумағында және қала маңы аймағында стационарлық емес сауда нысандарын орнату қағидаларына» сәйкес, сауда нысандары жер телімін жалға алу құқығы туралы шарт негізінде орнатылуға тиіс. Мына сілтеме арқылы ережемен толығырақ танысуға болады: https://adilet.zan.kz/rus/docs/V23R0001707 Ақпарат көзі : https://www.gov.kz/memleket/entities/almaty/press/news/details/923737

Ақмола облысында Ұлы Отан соғысының ардагерлеріне теңестірілген азаматтарға және басқа мемлекеттердің аумағындағы ұрыс қимылдарына қатысқан ардагерлерге қолдау көрсету бойынша жұмыстар жүргізілуде.2024 жылы облыстық бюджет қаражаты есебінен Чернобыль АЭС апатын жоюшыларға, Ауған соғысының ардагерлеріне, ТМД-ның тәжік-ауған шекарасында қызмет еткендерге, Таулы Қарабахтағы этносаралық қақтығысты реттеуге қатысқан 1439 ардагерге естелік күндер мен мерекелік күндерге орай біржолғы әлеуметтік төлемдер ретінде 198 млн теңгеден астам қаражат бөлінді.2025 жылға осы санаттағы 1426 ардагерге біржолғы әлеуметтік төлемдерге облыстық бюджеттен шамамен 140 млн теңге бөлу көзделіп отыр.Ақмола облысы әкімінің орынбасары Алтынай Әміренова ардагерлердің қоғамдық бірлестіктерінің өкілдерімен әлеуметтік қолдау мәселелері бойынша кездесу өткізді.Кездесу барысында ардагерлер санаторий-курорттық емделу, тіс протездеу, коммуналдық қызметтерге төлемақы мөлшерін облыстың барлық аймақтарында өтеу сомасын арттыру мәселелерін көтерді.Айта кету керек, әлеуметтік көмек көрсету қағидаларына сәйкес, ардагерлерге келесі қосымша қолдау шаралары ұсынылады:Жылына 1 рет санаторий-курорттық емделу шығындарын өтеу – 40 АЕК-ке дейін (157 280 теңге).Жылына 1 рет емделуге бару шығындарын өтеу:облыстың кейбір аудандарының ардагерлері үшін 20 АЕК-ке дейін (78 640 теңге).Жақсы және Жарқайың аудандарының ардагерлері үшін 10 АЕК-ке дейін (39 320 теңге).Жылына 1 рет тіс протездеуге жұмсалған шығындарды өтеу – 30 АЕК-ке дейін (117 960 теңге).Облыстың бес ауданында коммуналдық қызметтерді өтеу өтемақысы.Айта кету керек, Ақмола облысы бұл нормалар толық көлемде іске асырылатын Қазақстан Республикасының үш аймағының қатарына кіреді (соның ішінде Астана қаласы мен Солтүстік Қазақстан облысы бар).Ақпарат көзі : https://www.gov.kz/memleket/entities/aqmola/press/news/details/923396

Үржар ауданында қыс мезгілінде жол қатынасын үздіксіз қамтамасыз ету және білім беру, мәдениет, денсаулық сақтау мекемелерін қардан тазарту жұмыстары тұрақты жүргізілуде.Ауданының автомобиль жолдары мен елді-мекендердегі көшелердің жалпы ұзындығы 690,2 шақырымды құрайды. Оның ішінде аудандық маңызы бар жолдары 288, елді-мекен көшелері 402,2 шақырым.Аудандық бюджет есебінен автомобиль жолдары және елді-мекен көшелерін қысқы күтіп ұстауға қаржы бөлініп, жұмыс жүйелі атқарылуда.Жолдарды қыс мезгілінде күтіп ұстау мақсатында жыл соңына дейін мердігерлермен келісімшарт жасалды. Қардан тазалауға 70-тен астам арнайы техника және 84 адам жұмылдырылған.Ақпарат көзі : https://www.gov.kz/memleket/entities/abay/press/news/details/923226

Заңсыз құрылыспен күрес Алматы облысында жалғасуда. Соңғы екі апта ішінде мониторингтік топтар рұқсат құжаттары жоқ жеті нысанды анықтады. Құрылыстардың тағдыры енді сот шешімімен айқындалады. Барлық жиналған материалдар сотқа жолданды.«Заңсыз құрылыс – тек заң бұзушылық қана емес, тұрғындар қауіпсіздігіне төнетін қатер және қоршаған ортаға зиян. Біз бұл мәселеге немқұрайлы қарамаймыз және өз бетінше құрылыс салудың кез келген әрекетін қатаң тоқтатамыз», – деді Алматы облысы Мемлекеттік сәулет-құрылыс бақылау басқармасы бастығының міндетін атқарушы Ғабиден Узенбаев.Жергілікті тұрғындар да бұл мәселеге алаңдаулы. Олар заңсыз құрылыстардың көбейіп бара жатқанын, бұл жағдайдың елді мекендердің көркін бұзып, өмір сүру сапасына кері әсерін тигізіп отырғанын айтады. Әлеуметтік желілерде заңсыз құрылыстардың суреттері мен бейнежазбалары жиі жарияланып, наразылық пікірлер туғызуда.Мемлекеттік сәулет-құрылыс бақылау басқармасы тексеру жұмыстары жалғасатынын мәлімдеді. Заң бұзушылар айыппұл төлейді, ал заңсыз құрылыстар бұзылады. Айта кетейік, тек соңғы айдың өзінде құрылыс саласындағы заң бұзушылықтар үшін 8 843 324 теңге көлемінде айыппұл салынған.«Облыс тұрғындарын сақ болуға және заңсыз құрылыстың кез келген фактісі туралы хабарлауға шақырамыз. Тек бірлескен күш-жігермен ғана бұл теріс үрдісті тоқтатып, қолайлы өмір сүру ортасын сақтай аламыз», – деп қосты Ғабиден Узенбаев.Басқарма ресми сайты немесе сенім телефоны арқылы жасырын өтініш беру мүмкіндігі бар екенін еске салды. Әрбір өтініш мұқият тексеріледі. Аймақ билігі заңсыз құрылыспен күресуге бел буып, барлық тұрғындарды белсенді ынтымақтастыққа шақырады.Ақпарат көзі : https://www.gov.kz/memleket/entities/almobl/press/news/details/923641

Абай облысы көлік инфрақұрылымын, соның ішінде әуе, автомобиль және теміржол тасымалдарын белсенді дамытуда. Бұл өңірлер арасындағы байланысты жақсартып, туризм мен экономиканы өркендетуге ықпал етеді. Өңірде екі әуежай жұмыс істейді. Семей мен Үржардағы әуежайлар жолаушыларды тасымалдауда үлкен маңызға ие.1983 жылы салынған Семей қаласының әуежайы 2016-2018 жылдары қайта жаңғыртылғаннан кейін халықаралық стандарттарға сәйкес келеді. Соның арқасында заманауи ұшақтарды қабылдай алады. Бүгінде нысан «Fly Arystan» және «Южное небо» авиакомпанияларының Астана, Алматы және Үржар бағыттары бойынша рейстеріне қызмет көрсетеді.2025 жылдың наурыз айынан бастап жолаушылар үшін туристік маусым қарсаңында ұшақтардың ұшу жиілігін арттыру және ұшу кестесін жаңарту жоспарланған. Сондай-ақ әуежай терминалын қайта жаңғырту үшін жобалық-сметалық құжаттама әзірленді. Бұл өткізу қабілетін едәуір арттыруға және жолаушыларға қолайлы жағдай тудыруға мүмкіндік береді. Қазіргі уақытта әуежайға мүмкіндігі шектеулі азаматтарға арналған амбулаториялық лифт және жолаушылардың қолайлығы үшін автобус сатып алынды.«Абай облысының көлік инфрақұрылымын дамыту - инвестиция тартуға, жаңа жұмыс орындарын құруға, туризмді дамытуға бағытталған. Рейстердің көбеюі, әуежайларды қайта жаңғырту және қызмет көрсету сапасын жақсарту аймақ тұрғындары мен қонақтар үшін пайдалы. Туристік маршруттарды кеңейту, авиарейстерді субсидиялау және инфрақұрылым нысандарын жаңғырту өңірдің тұрақты дамуын және оның жалпыұлттық көлік желісіне кірігуін қамтамасыз етеді», - дейді Абай облысы әкімінің орынбасары Димитрий Гариков.1978 жылдан бері жұмыс істеп келе жатқан Үржар ауылының әуежайы да облыс үшін маңызды көлік торабы болып табылады. Ұшу-қону жолағы, жарық-сигналдық жабдық және бейнебақылау жүйелерін қайта жаңғырту сынды екі ірі жобадан кейін әуежай сыйымдылығы 100 жолаушыға дейінгі заманауи әуе кемелерін қабылдай алады. 2024 жылы жолаушылар терминалын қайта жаңғырту үшін жобалық-сметалық құжаттама әзірленді. Жобаны іске асыру жолаушыларға қызмет көрсетуді жақсартады. Қазірдің өзінде терминал сағатына 80-100 адамға дейін қызмет көрсетеді. Ал есептік өткізу қабілеті 35 адам.Жазғы туристік маусымда, 2025 жылғы 1 маусым мен 31 тамыз аралығында «Scat» әуекомпаниясы «Астана-Үржар – Астана» және «Алматы – Үржар – Алматы»бағыттары бойынша Bombardier CRJ – 200 әуе кемесі арқылы рейстерді орындауды жоспарлап отыр.Бұдан басқа, «Южное небо» әуекомпаниясы «Семей – Үржар – Семей» бағыттары бойынша рейстерді тұрақты негізде жүзеге асырады.Ақпарат көзі : https://www.gov.kz/memleket/entities/abay/press/news/details/923043

Көлеңкелі экономикаға қарсы іс-қимыл жөніндегі 2023-2025 жылдарға арналған іс-шаралар жоспарын орындау аясында Абай облысы әкімінің орынбасары Қанат Әділбайдың төрағалығымен кеңес өтті. Кеңеске Абай облысы бойынша Экономикалық тергеу департаменті және Мемлекеттік кірістер Департаментінің өкілдері қатысты.Кеңес барысында көлеңкелі экономика деңгейін төмендетуге бағытталған алдын алу шараларын әзірлеу мәселелері талқыланды.Алдағы уақытта көлеңкелі экономикаға қарсы іс-қимыл жөніндегі өңірлік кешенді іс-шаралар жоспары бекітілетін болады.Ақпарат көзі : https://www.gov.kz/memleket/entities/abay/press/news/details/923337

Астана қаласының әкімі Жеңіс Қасымбек Instagram парақшасында салынып жатқан нысандар туралы жазды, деп хабарлайды елорда әкімдігінің ресми сайты. «Елордада қосымша тіршілікті қамтамасыз ету нысандарының жұмысы бойынша жүйелі жұмыс жүргіземіз. Олар қалаға жылу, су, электр энергиясын және т.б. береді. Іске қосылған нысандар – «Тұран» және «Оңтүстік-Шығыс» газ жылыту станцияларының, ЖЭО-3-тің бірінші кезегі арқасында қалада жылыту маусымы штаттық режимде өтіп жатыр. Бұл тіршілікті қамтамасыз ету нысандары қалаға 1100 Гкал/сағ астам қуат берді. Қаланы қосымша жылумен қамтамасыз ету үшін алдағы жылдары «Телман» жаңа газ жылу станциясы салынып жатыр. Қазіргі уақытта іргетасы мен қадалардың бітелуі бойынша құрылыс-монтаж жұмысы жүргізіліп жатыр. Бұл жоба елордада тағы 80 мың тұрғынды тұрақты жылумен қамтамасыз етуге мүмкіндік береді. «Телман» ГЖС құрылысын 2026 жылы аяқтауды жоспарлап отырмыз. Сол сияқты биыл құрылысы ұзаққа созылған ЖЭО-3-ті аяқтауды жоспарлап отырмыз. Бұл нысанның бірінші кезеңі 2023 жылдың күзінде аяқталып, пайдалануға берілген. Сондай-ақ, электр желілері бойынша жүйелі жұмыс жүргіземіз. Біз бірқатар қосалқы электр станциясының құрылысын жүргізіп жатырмыз. Мысалы, «Арай» қосалқы станциясы 96%-ға дайын.Бұл жоба Астананы қуаттылығы 80 МВА болатын үздіксіз сапалы электрмен қамтамасыз етеді. Біз оны осы жылдың бірінші жартыжылдығында аяқтаймыз. Сонымен қатар, «Қазыбек» қосалқы станциясының құрылысын жүргізіп жатырмыз. Бұл жоба Теміржолшылар елді мекенін қуаты 80 МВА болатын сенімді әрі тоқтаусыз электрмен қамтамасыз етеді. Нысанды 2026 жылы аяқтау жоспарланып отыр. Қалада өмір сүру сапасы ең алдымен тіршілікті қамтамасыз ету нысандарының жұмысына байланысты», – деп жазды елорда әкімі.Ақпарат көзі : https://www.gov.kz/memleket/entities/astana/press/news/details/920474

Жетісу облысында облыстық мәслихат депутаттарының кезектен тыс XXV сессиясы өтіп, онда 2025-2027 жылдарға арналған облыстық бюджетті нақтылау және «Таза Қазақстан» тұжырымдамасы аясында өңірдегі экологиялық мәдениетті дамыту жөніндегі жұмыс жоспарына қатысты бірқатар мәселелер қаралды, - деп хабарлайды Жетісу облысы әкімінің баспасөз қызметі.Күн тәртібіндегі негізгі мәселе - 2025-2027 жылдарға арналған облыс бюджетін нақтылау бойынша облыс әкімінің орынбасары Әсет Қанағатов баяндама жасады.Аталып өткендей, 2024 жылдың қорытындысы бойынша қалыптасқан бюджеттік қаражаттың бос қалдықтарын өңір халқының өмір сүру сапасын жақсарту үшін басым әлеуметтік жобаларға бағыттау туралы шешім қабылданды. Олардың ішінде халықтың әлеуметтік осал топтары үшін жалға берілетін тұрғын үй сатып алу, тұрғын үй құрылысы, инженерлік-коммуникациялық желілер, жолдарды жөндеу, бұл ретте облыс әкімінің тапсырмасы бойынша облыс орталығын дамыту мен абаттандыруға ерекше көңіл бөлінеді. Қабылданатын шаралар бірінші кезекте инфрақұрылымды жаңғыртуға және жайлы қалалық орта құруға бағытталатын болады.Облыс орталығын дамыту жоспарлары туралы толығырақ қала әкімі Ернат Бәзіл баяндады. Оның айтуынша, жаңа шағынаудандарда тұрғын үй салу, жолдарды жөндеу, жылу желілерін қайта жөндеу және жаңа әлеуметтік нысандардың құрылысы жалғасады. Қаланың ескі шағынаудандарының архитектуралық келбетін жаңартуға, үйлердің шатыры мен қасбетін қайта жаңартудан бастап, аула аумақтарына дейін назар аударылатын болады. Оның үстіне Талдықорғанды жаңа саябақтар мен скверлер көріктендіріп, арық желілері де жөнделеді.Сессияны қорытындылай келе, облыс әкімі Бейбіт Исабаев 2024 жылдың қорытындысы бойынша Жетісу облысының әлеуметтік-экономикалық дамуының негізгі көрсеткіштеріне қысқаша тоқталып, 2025 жылға арналған жоспарларымен бөлісті, сондай-ақ Мемлекет басшысы алға қойған міндеттерді тиімді іске асыру жаңа жұмыс орындарын құруға, жалпы экономикалық дамуды жақсартуға мүмкіндік беретінін, бұл кешенді түрде халықтың өмір сүру сапасын арттыруға мүмкіндік беретінін атап өтті.Айта кетерлік жайт, депутаттар нақтылаушы сұрақтар қойып және өзекті мәселелер бойынша ұсыныстар енгізе отырып, облыстың басты қаржылық құжатына енгізілген өзгерістерді қолдады.Жетісу облысы әкімінің баспасөз қызметі. Фототілші: Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/922694

  2025 жылғы 15 қаңтарда кешкі уақытта Астана тұрғыны Юлия Шимон ерекше қырағылық пен азаматтық жауапкершілік танытып, қайғылы жағдайдың алдын алды. Әйел адам қалалық Төтенше жағдайлар департаментіне қоңырау шалып, Керей-Жәнібек хандар көшесіндегі көрші көпқабатты үйдің пәтерлерінің бірінде өрт болуы мүмкін екенін хабарлады.   Юлия терезенің жанындағы үстелдің үстінде жанып тұрған шамды байқады, ол өртке себеп болуы мүмкін еді. Ол болуы ықтимал салдарға алаңдап, дереу көмек сұрады. Құтқарушылар оқиға орнына жедел барды, келген кезде дабылдың себебі шын мәнінде шам екені анықталды. Әйелдің 112 шұғыл құтқару қызметі нөміріне уақтылы қоңырауының арқасында өртті болдырмауға мүмкіндік туды.   «Юлия Шимон ерекше қырағылық танытты, бұл қайғылы салдардың алдын алуға мүмкіндік берді. Оның уақтылы және шешуші әрекеті - әр азаматтың байқампаздығы мен абай болуы маңызды екенінің айқын мысалы болып табылады. Біз осындай адамдарды мақтан тұтамыз және оның әрекеті басқаларға үлгі болады деп үміттенеміз», - деп Астана қаласы ТЖ департаменті бастығының міндетін атқарушы Мадияр Мырзагелдиев атап өтті.   Оның қырағылығын, жауапкершілігін және белсенді азаматтық ұстанымын ескере отырып, ТЖМ басшысының тапсырмасы бойынша Юлия Шимон грамотамен марапатталды. Марапатты Астана қаласы Төтенше жағдайлар департаменті бастығының міндетін атқарушы Мадияр Мырзагелдиев табыс етті.   «Мен құтқарушыларға олардың кәсібилігі мен жедел әрекеті үшін алғыс айтамын», — деді Юлия Шимон. — Олардың жұмысы өте маңызды, мен елордада нағыз кәсіпқой мамандар жұмыс істейтінін мақтан тұтамын. Барлығыңызды мұқият және жауапты болуға шақырамын, өйткені қауіпсіздік бізден басталады».   Бұл оқиға уақытында көрсетілген қарапайым әрекеттердің қаншалықты маңызды екендігінің айқын мысалы болды. Айналаңыздағы әлемге назар аудару және басқаларға көмектесуге деген ұмтылыс тек азаматтық парыз ғана емес, сонымен бірге жалпы игілікке маңызды үлес болып табылады. Мұндай әрекеттер қауіпсіздік тек мамандардың жұмысы ғана емес, әрқайсымыздың жауапкершілігіміз екенін еске салады.  Ақпарат көзі : https://www.gov.kz/memleket/entities/emer/press/news/details/919876

Қазақстанның Төтенше жағдайлар министрлігі су тасқынының алдын алу жөніндегі іс-шараларды іске асыру үшін әкімдіктер мен басқа да мүдделі мемлекеттік органдардың жұмысын үйлестіреді. Өңірлерде республикалық және өңірлік кешенді жоспарлар іске асырылуда. Қазіргі уақытта су тасқыны қаупі бар учаскелер мен елді мекендердің тізбесі түзетілді. Су тасқыны кезеңіне дайындық шеңберінде инфрақұрылымды нығайтуға және тәуекелдерді азайтуға бағытталған жобалар белсенді түрде іске асырылуда. Негізгі іс-шаралар қорғаныс бөгеттері мен біліктерін салу және нығайту, су бұру арналары мен арықтарды орнату, сондай-ақ су өткізу құрылыстары мен нөсерлі кәріз жүйесін жөндеу болып табылады. Алматы облысында 2024 жылдың қараша айынан бастап су тасқыны кезеңіне дайындық жұмыстары белсенді жүргізілуде. Арық жүйесінің 77 км салу және жөндеу, сондай-ақ 79 км су бұру каналдарын механикалық тазарту жұмыстары аяқталды. Сонымен қатар 12 км су тасқыны қаупі бар өзендердің арналары нығайтылып, түзетілді. Автомобиль жолдарының астындағы 270 су өткізгіш құбыр және теміржол жолдарының астындағы 832 су өткізгіш тазартылды. Өзен арналарынан ұзындығы 2,3 км учаскеден 16 тонна қоқыс шығарылды. Жалпы ұзындығы 7,9 км болатын 5 қорғаныс бөгеті тұрғызылды және 2 автожол көпірі салынды. Су тасқыны жағдайына мониторинг жүргізу үшін 42 гидробекет орнатылды. Сонымен қатар ықтимал қауіпті учаскелерде аэровизуалды және жерүсті тексерулер тұрақты жүргізіледі. Дайындыққа төтенше жағдайлардың салдарын жою және эвакуациялау үшін техниканы қоса алғанда, ТЖД күштері мен құралдары тартылған. ТЖ аймақтарында жұмыс істеу үшін азық-түлік, дәрі-дәрмек және отын қорлары құрылуда. Сонымен қатар өзен жағалауларын нығайту және жаңа бөгеттер салу жоспарлануда. 12 су қоймасында құлақтандыру жүйесі орнатылған. Астанада Байқоңыр ауданының тұрғын алаптарында 210 погонды метр арық-науа жүйесі қар мен мұздан тазартылды. Қыстың басынан бастап коммуналдық қызметтер 500 мыңнан астам текше метр қар шығарды. Аумақтық бөлімшелердің қызметкерлері мониторинг жүргізеді. Атырау облысында Жылыой ауданындағы Жем және Құрсай өзендерінде бөгенді нығайту жұмыстары жалғасуда. ТЖ бөлімі мен прокуратура қызметкерлері су тасқынына қарсы іс-шаралар жоспарымен танысып, орындалған жұмыстарды тексерді. Көкшетауда 2-МӨС базасында гарнизонның жеке құрамы мен техникасына байқау өткізілді, олар су тасқыны кезеңінде жұмылдырылатын болады. Ақмола облысы ТЖД бастығының міндетін уақытша атқарушы Бақытжан Алашов ТЖ-ны жою үшін күштердің дайындығын тексерді. Көкшетаулық құтқарушылар КАМАЗ автокөлігіне орнатылған ЖСС-500 қоса алғанда, екі жылжымалы сорғы станциясымен жабдықталған. Бұл станция секундына 500 литрге дейін су сорады, ол су тасқынын, ірі өрттерді сөндіру және су объектілерін құрғату мәселелерін жедел шешуге мүмкіндік береді. Орал қаласында Батыс Қазақстан облысы әкімінің қатысуымен су тасқыны кезеңінде іске қосылатын күштер мен құралдардың дайындығына тексеру жүргізілді. Тексеруге облыстық қызметтер мен азаматтық қорғау құралымдары қатысты. Жалпы су тасқыны кезеңіне дайындық бойынша іс-шаралар жалғасуда және тұрақты бақылауда. Ақпарат көзі : https://www.gov.kz/memleket/entities/emer/press/news/details/920276

Биылғы жылыту маусымында газдың және жану өнімдерінің қауіпті концентрациясын анықтау датчиктерінің іске қосылуы 17 адамның улануын және қаза болуының алдын алды. Датчиктердің іске қосылуы Астана, Алматы, Шымкент қалаларында, Абай, Ақмола және Шығыс Қазақстан облыстарында тіркелді. Пеш жабдығын орнату және пайдалану кезіндегі өрт қауіпсіздігі талаптарын бұзушылық үй-жайға қауіпті газдың ағып кетуіне әкелуі мүмкін. Бұл газ көзге көрінбейді, иісі жоқ және ешбір айқын белгісіз улануды тудыруы мүмкін. Иісті газбен уланған адам неден ауырғанын білмейді. Улану оқиғаларының алдын алу ісінде газ концентрациясы датчиктері жақсы көмекші болып келеді. Бөлмеде иісті газ пайда болған жағдайда құрылғы тұрғындарды дыбыс сигналдарымен ескертеді. Бұл уақытылы әрекет етіп, газдың пайда болу себебін жоюға көмектеседі. Жылыту маусымына дайындық кезеңінде ТЖМ бөлімшелері жергілікті атқару органдарымен және волонтерлермен бірігіп, әлеуметтік осал топтардың үйлерінде 30 мыңнан астам иісті, табиғи газ датчигі және түтін хабарлағыштар орнатылды. Бұл улану қаупін едәуір азайтуға және ықтимал қайғылы жағдайлардың алдын алуға мүмкіндік берді. Датчиктерді орнату тәжірибесі енгізілгеннен бері жалпы датчиктердің іске қосылуының 55 жағдайы тіркелді, соның арқасында 248 адамның жіті улануы мен мүмкін өліміне жол берілмеді. ТЖМ датчиктерді орнату және халыққа қауіпсіздік ережелерін үйрету бойынша алдын алу іс-шараларын жүргізуді жалғастыруда. Иісті газбен улану қаупін азайту үшін бірнеше қарапайым ережені сақтау жеткілікті: - пештерді қауіпсіздік талаптарына сәйкес пайдаланыңыз; - мұржаларды уақытылы тазартыңыз және желдеткіш жүйесінің жұмысын жүйелі түрде тексеріңіз; - пештер мен каминдерді орнату мен жөндеуді мамандарға тапсырыңыз. Осы ұсынымдарды орындау қайғылы жағдайлардың алдын алуға және адам өмірін аман алып қалуға көмектеседі.Ақпарат көзі : https://www.gov.kz/memleket/entities/emer/press/news/details/920168

 Өткен екі тәулікте ауа-райының нашарлауына, боранға, көктайғаққа, қатты желге және нөлдік көрінуге байланысты Қазақстанның автожолдарында ТЖМ 700-ге жуық адамды құтқарып, эвакуациялады. 15 өңірдің аумағында қалыптасқан күрделі метеорологиялық жағдайдың нәтижесінде республикалық маңызы бар автожолдардың 62 учаскесінде және облыстық маңызы бар 65-тен астам учаскеде қозғалысқа шектеу енгізілді.   Қазгидрометтің мәліметінше соңғы тәулік ішінде елімізде 18 дауылды ескерту жарияланды, олар алдағы екі тәулікте де сақталады. Қатты қарлы боран мен қардың түсуі кезінде көріну айтарлықтай нашарлады, салдарынан автомобиль жолдарында көліктердің кептелістері орын алды.   ТЖМ қызметкерлері жергілікті атқарушы органдармен, жол және медициналық қызметтермен, волонтерлермен бірлесіп, халыққа көмек көрсету жұмыстарын ұйымдастырды. Автокөлік кептелесі орын алған орындарда жылытылатын шатырлар орналастырылды, ыстық тамақ ұйымдастырылды, сондай-ақ адамдарды орналастыру және ауыл шаруашылығы жануарларын жақын маңдағы елді мекендерге тасымалдау үшін пункттер дайындалды. Еліміздің 18 өңірінде жедел штабтар ашылды, жедел желі телефондары жұмыс істейді.   Өткен екі тәулікте Қазақстан ТЖМ күштерімен 337 шығу, іздестіру және авариялық-құтқару жұмыстарына 131 шығу жасалды. Операция барысында 685 адам, оның ішінде 40 бала құтқарылды және эвакуацияланды, сондай-ақ 60-тан астам көлік қар құрсауынан шығарылды.   Бірнеше құтқару операциясын ерекше атап өткен жөн:   Қарағанды облысындағы жүкті әйелге көмек.   Бүгін түнде қатты боран жағдайында құтқарушылар жүкті әйелді аудандық ауруханаға жеткізуге көмектесті. Ішінде  әйел адам отырған жедел жәрдем көлігі ауа-райының қолайсыздығына байланысты жолды жалғастыра алмады. Құтқарушылар жүкті әйелді Қарағанды облысының Осакаровка кентіне ТРЭКОЛ техникасымен жеткізіп, дәрігерлерге тапсырды.   Жамбыл облысындағы жеті жасар балаға көмек.   21 қаңтарға қараған түні Жамбыл облысының Жуалы ауданында температурасы жоғары көтерілген жеті жасар бала туралы хабарлама келіп түсті. Ауа-райының қолайсыздығына байланысты құтқарушылар жедел жәрдем қызметкерлерімен бірлесіп ТРЭКОЛ жол талмайтын көлігімен жолға шықты. Бала орталық аудандық ауруханаға жеткізілді, ол қазір дәрігерлердің бақылауында.   Ақтөбе облысындағы шетел азаматтарын эвакуациялау.   «Самара-Шымкент» тас жолында Өзбекстан Республикасынан Ресей Федерациясына бара жатқан шағын автобус бұзылып тұрып қалды. Жүргізуші көмек сұрап, құтқарушылар 9 жолаушыны, оның ішінде бір баланы жақын жердегі жылыту пунктіне эвакуациялады. Жолаушыларға ыстық тамақ ұйымдастырылды. Шетел азаматтары қазақстандық құтқарушыларға жеделдігі мен көрсеткен көмегі үшін алғыстарын білдірді.   Маңғыстау облысында фурларды шығару.   Маңғыстау облысының Қарақия ауданында жауын - шашынның көп түсуіне  байланысты «Қазақстан-Түрікменстан» тас жолында 52 жүк көлігі балшықта тұрып қалды. Құтқарушылар вахтада жүргізушілердің жылынуына жағдай жасап, жергілікті биліктің көмегімен көлікті жолдың тазартылған учаскелеріне сүйреп шығарды. Жүргізушілердің көпшілігі көрші елдердің азаматтары болды және құтқарушыларға көмек көрсеткені үшін алғыс айтты.   Ақмола облысындағы азаматтарды тасымалдау.   Ақмола облысында қатты боран кезінде елді мекенге қарай жаяу бара жатқан 13 адамды елордалық құтқарушылар байқады. Азаматтардың қауіпсіздігі үшін олар ТЖМ вахтасында жақын маңдағы елді мекенге жедел жеткізілді.   Ұлытау облысында «Жезқазған-Сәтбаев» автожолындағы құтқару операциясы.   «Жезқазған-Сәтбаев» автожолында ауа райының нашарлауына байланысты 1200-ден астам автокөліктің кептелісі орын алды. ТЖМ құтқарушылары полиция және жергілікті атқарушы органдардың қызметкерлерімен бірлесіп, жақын маңдағы елді мекендерге дейін автоколоннаны қауіпсіз алып жүруді ұйымдастырды. Операция барысында 24 азаматқа көмек көрсетілді, 8 көлік эвакуацияланып, сүйреп шығарылды. Барлық адамдар қауіпсіз жерге жеткізілді.   ТЖД күшімен көмек көрсете отырып өтімділігі жоғары техникасында автожолдардың күрделі қарлы учаскелерінде адамдардың және кептелісте қалған автокөліктердің болуына патрульдеу жүргізілді. Қазіргі уақытта қайтыс болғандар мен зардап шеккендер жоқ. Құтқарушылар халыққа көмек көрсетіп, автожолдарда қауіпсіздікті қамтамасыз ете отырып, тәулік бойы жұмыс жүргізуді жалғастыруда.   Қазақстан ТЖМ азаматтарды сақтық шараларын сақтауға, дауылды ескертулерді қадағалауға және қолайсыз ауа райы жағдайында алыс сапарларға шықпауға шақырады. Ауыл тұрғындарына ауа-райының нашарлауы жағдайында ұзақ серуендеуден бас тарту ұсынылады.Ақпарат көзі : https://www.gov.kz/memleket/entities/emer/press/news/details/922418