Ақмола облысында техникалық және кәсіптік білім беру саласында мамандар даярлау бойынша белсенді жұмыс жүргізілуде. Бүгінгі таңда өңірдің 29 колледжінде шамамен 20 мың студент білім алуда, оның 16 мыңнан астамы тегін білім алады. Мұндай тәсіл жастарға сұранысқа ие мамандықтарды меңгеруге және өңірдің дамуына белсене араласуға мүмкіндік береді.2025 жыл жұмысшы мамандықтар жылы болып жарияланғандықтан, облыста кадрлар даярлау үшін мемлекеттік білім беру тапсырысын 5700 орынға дейін ұлғайту, сондай-ақ өңір кәсіпорындарынан мақсатты мемлекеттік тапсырысты 500-ден 600 орынға дейін көбейту жоспарлануда. Бұл шешім кәсіпорындарды жоғары білікті мамандармен қамтамасыз етуге және студенттерді кәсіби жолдың басында қолдауға бағытталған.Ақмола облысының әкімі Марат Ахметжанов Шағалалы ауылындағы Жоғары агротехникалық колледжге барып, оқу орнының қызметімен танысты. Мұнда шамамен 500 студент 10 жұмысшы мамандығы бойынша білім алуда, оның ішінде агроном және механик сияқты сұранысқа ие мамандықтар бар. Колледжде студенттер үшін қолайлы жағдайлар жасалған: жатақхана, тамақтану орындары, сондай-ақ болашақ мамандардың кәсіби дағдыларын шыңдайтын заманауи зертханалар бар. «Серпін» жобасы аясында колледжде Оңтүстік Қазақстан, Маңғыстау және басқа да облыстардан келген студенттер білім алуда.Колледж директоры Арман Оспановтың айтуынша, әлеуметтік серіктестермен тығыз байланыс орнатылған, дуалды оқыту аясында экономиканың нақты секторына кадрлар даярлау жүзеге асырылуда. Ақмола облысының компанияларымен тұрақты келісімшарттар жасалған, басқа да білім беру мекемелерімен серіктестік байланыстар дамытылуда. Сонымен қатар, Жоғары агротехникалық колледж кәсіби шеберлік бойынша халықаралық «WorldSkills Competitions» қозғалысының белсенді қатысушысы болып табылады.Өңір басшысы студенттермен кездесіп, олардың жетістіктерімен, болашаққа жоспарларымен танысты. Студенттер оқудағы жетістіктерімен бөлісіп, жұмысшы мамандықтар бойынша білім алудың маңыздылығын атап өтті. Агроном мамандығы бойынша білім алып жатқан Диас Марал өңірдің ауыл шаруашылығының дамуына өз үлесін қосқысы келетінін айтты. Техник-механик мамандығы бойынша білім алып жатқан Руслан Дыньков агрофирмада жұмыс істеуге ниетті екенін және оның мамандығы қазіргі заман талабына сай сұранысқа ие екенін тілге тиек етті.Ақмола облысының колледждерінде кадрлар даярлау бағдарламасы аймақтың дамуына берік негіз қалыптастыруға және жастарды қолдауға бағытталған. Бұл бастамалар кәсіби өсу перспективаларын ашып, еңбек нарығындағы өзекті мәселелерді шешуге ықпал етеді.Ақпарат көзі : https://www.gov.kz/memleket/entities/aqmola/press/news/details/922257

Қосшы қаласында көпбейінді жаңа облыстық аурухананың құрылысы қарқынды жүріп жатыр. Емдеу мекемесі 350 орынға шақталған және Қосшы қаласы мен елорда маңындағы жеті өңірдің тұрғындарына қызмет көрсетеді. Аурухана «Viamedis» компаниясының жеке инвестициялары есебінен салынып жатыр.Жобаның жалпы жеке инвестиция көлемі 28 млрд теңгеден асады. Оның 17 млрд теңгесі құрылыс жұмыстарына, ал 9 млрд теңгеден астамы аурухананы заманауи медициналық жабдықтармен қамтамасыз етуге жұмсалмақ. Жаңа емдеу мекемесінің базасында ауысымына 1000 адам қабылдайтын емхана, сондай-ақ хирургия, травматология, кардиохирургия, нейрохирургия, онкология және химиотерапия бөлімшелері кіреді.Аурухананың құрылысы екі бөлікке бөлінген – емхана және стационар. «Viamedis» ЖШС-нің бас директоры Әсет Ахметовтың айтуынша, негізгі құрылыс жұмыстары ақпан айының ортасына дейін аяқталады. Кейін 2025 жылдың мамыр айына дейін ғимараттың сырты мен аумағы абаттандырылатын болады.«Жыл соңына дейін қала тұрғындарына арналған емхана іске қосылады. Жоба бойынша стационар 2026 жылдың соңында іске қосылуы тиіс еді. Бірақ қазір біз жоспарланаған мерзімнен келеміз. Сондықтан 2026 жылдың үшінші тоқсанында стационарды ашуды жоспарлап отырмыз. Құрылыс материалдары бойынша жергілікті өндірушілермен жұмыс істеуге тырысамыз», – деді «Viamedis» ЖШС-нің бас директоры Әсет Ахметов.Қазіргі таңда құрылыс-монтаж жұмыстарына екі жүзге жуық адам тартылған. Олардың қатарында «Viamedis» ЖШС-нің электригі Бахтияр Ыбырайұлы да бар.«Қазіргі кезде бетон плиталарды жылыту және біріктіру жұмыстарын атқарудамыз. Біз қаншалықты маңызды нысан салып жатқанымызды түсінеміз. Себебі аурухананы Мемлекет басшысының тапсырмасы бойынша салып жатырмыз. Сонымен қатар, 2025 жыл – жұмысшы мамандықтар жылы. Сондықтан жаңа нысан сапалы салынуы керек», – деді Бахтияр Ыбырайұлы.Еске сала кетсек, көпбейінді жаңа аурухана мен емхана салу туралы шешім 2024 жылдың маусым айында қабылданған болатын. Сол кезде Ақмола облысы әкімдігі мен «Viamedis» компаниясы арасында меморандумға қол қойылған еді.Ақпарат көзі : https://www.gov.kz/memleket/entities/aqmola/press/news/details/922326

Облыс әкімі Асхат Шахаровтың төрағалығымен өткен аппарат отырысында өңірде «Таза Қазақстан» акциясын өткізу барысы қаралды.Жиынға қатысушылар «Таза Қазақстан» акциясы елімізде жалпыұлттық экочелленджге айналғанын атап өтті. Бүгінгі таңда оған еріктілер мен белсенді студенттер ғана емес, сонымен қатар әртүрлі ұйымдардың қызметкерлері де қатысып келеді. Негізгі мақсат - қоршаған ортаны сақтау және халықтың экологиялық мәдениетін қалыптастыру.Табиғи ресурстар және табиғатты пайдалануды реттеу басқармасы басшысының м.а. Бекболат Құлмағамбетов жергілікті аумақтарды жинау және көгалдандыру бойынша жаппай экологиялық акцияларға өңірдің 418 мыңнан астам тұрғыны, 7 мыңнан астам мекеме мен кәсіпорындардың қызметкерлері қатысқанын айтты. 74 мың тоннадан астам қатты тұрмыстық қалдық жиналып, 365 мыңға жуық ағаш пен 6 мың бұта отырғызылды. 291 саябақ пен алаң ретке келтіріліп, 207 су айдынының жағалауы тазартылды. Аумақтарды тазарту үшін 6 мыңнан астам техника жұмылдырылды.Бекболат Құлмағамбетов облыстық мәслихаттың шешімімен «Таза Қазақстан» экологиялық мәдениетті дамытудың 2029 жылға дейінгі өңірлік жоспары бекітілгенін алға тартты. Жоспарға сәйкес санитарлық жағдайды жақсарту, жасыл желектерді кеңейту, халықтың экологиялық әдеттерін қалыптастыру және өңірдегі қоршаған ортаны қорғау мәселелері туралы ақпараттандыруды арттыру көзделіп отыр.Қала әкімі Азамат Бекеттің айтуынша, акция аясында Ақтөбедегі 4 056 кәсіпкерлік объектісіне мониторинг жүргізілді. Нәтижесінде санитарлық тазалық ережелерін сақтамағаны үшін 2 042 нысан иесіне ескерту берілді. Ескертулерді елемеген кәсіпкерлерге қатысты жергілікті полицияның учаскелік қызметкерлері хаттамалар рәсімдеген. Акцияға барлығы 169 бірлік техника жұмылдырылып, оның көмегімен барлығы 987 тоннадан астам қоқыс шығарылды. Баяндамашыларды тыңдаған соң, өңір басшысы қала мен аудандардың әкімдеріне қыста қар тазалауға ерекше назар аудару керектігін тағы да еске салды. Автомобиль жолдарын, қоғамдық көлік аялдамаларын, автотұрақтарды, жаяу жүргіншілер жолдарын қар мен мұздан уақытылы тазарту қажет. Сондай-ақ, мүмкіндігі шектеулі азаматтар мен қарт адамдарға дер кезінде қар тазалауға көмек ұйымдастыру маңызды екендігін жеткізді.Ақпарат көзі : https://www.gov.kz/memleket/entities/aktobe/press/news/details/921034

Қазақстан Республикасының Мемлекеттік қызмет істері агенттігі және Қазақстан Республикасының Денсаулық сақтау министрлігінің келісімімен Ақтөбе облысы денсаулық сақтау басқармасының басшысы болып Ерлан Бақытұлы Сұлтангереев тағайындалды.Ол 1980 жылы Ақтөбе облысында дүниеге келген. Білімі – жоғары: 2003 жылы Марат Оспанов атындағы Батыс Қазақстан мемлекеттік медицина академиясын «Емдеу ісі», 2013 жылы Астана медицина университетін «Медицина» мамандықтары бойынша тәмамдаған. Медицина ғылымдарының докторы.Еңбек жолын 2004 жылы Жедел медициналық жәрдем ауруханасының хирургия бөлімінде дәрігер- хирург болып бастаған. 2010 жылы осы мекемеде дәрігер-ординатор лауазымына ауыстырылған. 2017-2018 жылдары Ақтөбе медициналық орталығының бас дәрігердің хирургиялық қызмет жөніндегі орынбасары; 2018-2020 жылдары Ақтөбе медициналық орталығыныңбалалар стационарының медициналық директоры қызметтерін атқарған. 2020 жылдың қазан айынан бастап – 2024 жылдың тамыз айы аралығында Ақтөбе медициналық орталығының бас дәрігері қызметінде болды.Ақпарат көзі : https://www.gov.kz/memleket/entities/aktobe/press/news/details/921911

Қазақстан Республикасының Мемлекеттік қызмет істері агенттігі және Қазақстан Республикасынының Оқу-ағарту министрлігінің келісімімен Ақтөбе облысы білім басқармасының басшысы болып Бұлбұл Бисембайқызы Күзембаева тағайындалды. Бұлбұл Күзембаева 1978 жылы Ақтөбе облысында дүниеге келген. Білімі – жоғары: 2000 жылы Батыс Қазақстан мемлекеттік университетін педагогикалық мамандығын, 2016 жылы Қ.Жұбанов атындағы Ақтөбе мемлекеттік университетін «Құқықтану» мамандығын тәмамдаған.Еңбек жолын 2000 жылы №2 Мәртөк орта мектебінің мұғалімі болып бастаған. 2003-2007 жылдары осы мектепте директордың тәрбие жұмысы бойынша орынбасары болып жалғастырған. 2007-2010 жылдары Мәртөк аудандық мәдениет және тілдерді дамыту бөлімінің басшысы; 2010-2011 жылдары Ақтөбе облысы балалардың құқықтарын қорғау департаментінің мониторинг және ақпараттық-талдау қызметі бөлімінің бастығы; 2011-2018 жылдары Мәртөк ауданы әкімінің орынбасары, Ойыл ауданының әкімі қызметтерін атқарған. 2018-2022 жылдары Қазақстан Республикасы Білім және ғылым министрлігінің Білім және ғылым саласында сапаны қамтамасыз ету комитетінің Ақтөбе облысының білім саласында сапаны қамтамасыз ету департаментінің басшысы қызметінде болды. 2022 жылдың маусым айынан бастап Қазақстан Республикасы Оқу-ағарту министрлігі Білім саласында сапаны қамтамасыз ету комитетінің Батыс Қазақстан облысының білім саласында сапаны қамтамасыз ету департаментінің басшысы қызметін атқарып келді.Ақпарат көзі : https://www.gov.kz/memleket/entities/aktobe/press/news/details/921917

Жиын барысында облыс басшысы Асхат Шахаров өңірдің авариялық-құтқару қызметтерін жоғары дайындық режиміне ауыстыруды тапсырды.Басқосу қала мен аудандар әкімдерінің, ТЖ қызметі, коммуналдық кәсіпорындар мен тіршілікті қамтамасыз ету ұйымдары өкілдерінің қатысуымен өтті.Барлық қызметтің алдағы қарлы боран мен су тасқыны кезеңіне дайындығын, төтенше жағдайлар кезіндегі іс-қимылдарды үйлестіру шараларын, сондай-ақ коммуналдық жүйелер мен көлік инфрақұрылымының үздіксіз жұмысын қамтамасыз ету жоспарлары талқыланды.Халықты ықтимал тәуекелдер туралы уақытылы хабардар ету және ауа-райының өзгеруіне жедел ден қою мәселелеріне ерекше назар аударылды.Алдағы күндері ауа райының нашарлауына байланысты облыс әкімі қар тазалайтын техниканы алдын ала дайындап, ТЖ кезінде бірден жолдарға шығу қажеттігін атап өтті.«ҚазАвтоЖол» ҰК» АҚ Ақтөбе облыстық филиалының директоры Айбол Данағұл 104 бірлік арнайы техниканың бар екендігі туралы айтып, бұдан басқа жолдарды қар мен мұздан тазарту бойынша қосымша 11 көлік жалға алынғандығын жеткізді. «КАЖсервис» ЖШС республикалық және халықаралық маңызы бар 1752 шақырым автомобиль жолдарына қызмет көрсетеді. Қызметкерлер саны - 326 адам.Бұдан бөлек, 101 елді мекенде 246 шақырым қарлы учаскелерде қар ұстауға арналған темірбетон қоршаулар немесе уақытша қалқандар орнатылды. Кептелісті болдырмау үшін Хромтау және Қарабұтақ аудандарында ұзындығы 34 шақырым айналма жолдар салынды.ТЖ Департаменті бастығының орынбасары Айбат Жаңабергеновтің хабарлауынша, қысқы кезеңде төтенше жағдайларға ден қою үшін құрамында 1 567 адам және 452 бірлік техника бар азаматтық қорғаныс күштері мен құралдары дайындалған. Қар құрсауында қалған азаматтарға көмек көрсету үшін сыйымдылығы 11 мың адамды құрайтын 161 жылыту пункті дайын. Оның ішінде 46 пункт Қобда, Хромтау, Әйтеке би және Ырғыз аудандарындағы Самара-Шымкент тас жолының бойында орналасқан. Сондай-ақ жеті мыңнан астам автотұрақ дайындалды.Кеңес барысында өңір басшысы гидротехникалық құрылыстар мен жол желісінің жай-күйін қатаң бақылау қажеттігін атап өтті, сондай-ақ қала мен аудандардың әкімдеріне жоспарланған барлық шаралардың іске асырылуын жеке бақылауды тапсырды.«Аудан әкімдеріне жағдайды тұрақты бақылауда ұстауды тапсырамын. Жолдарды қардан, оның ішінде әлеуметтік нысандар мен тұрғылықты жерлерге апаратын жолдардан үнемі тазалауды қамтамасыз ету қажет. Жолдарда көлік құралдарының жүргізушілері мен жолаушыларын эвакуациялауға дайын болу және тіршілікті қамтамасыз ету объектілерінің үздіксіз жұмысын қамтамасыз ету қажет. Әсіресе су тасқыны жағдайын бақылау керек. Облыс аумағында синоптиктердің болжамы бойынша жылы ауа райы күтілуде, осыған байланысты су тасқыны маусымы ерте басталуы мүмкін. Өзендердің, су қоймаларының және гидротехникалық құрылыстардың жай-күйіне мониторингті күшейту, сондай-ақ су басудың алдын-алу шараларын қабылдау маңызды. Жауапты қызметтерге техниканы дайындауды ұйымдастыру, құрылыс материалдарының резервтерін құру және халықты ықтимал тәуекелдер мен қабылданып жатқан шаралар туралы уақытында хабардар ету тапсырылады», - деп түйіндеді Асхат Шахаров.Жиын қорытындысы бойынша әкім ағымдағы ахуалға мониторингті күшейту және барлық қызметтердің қолайсыз ауа райы жағдайында жедел іс-қимылдарға дайындығын арттыру жөнінде нақты тапсырмалар берді.Сондай-ақ, ТЖ Департаменті жанынан туындаған мәселелерді жедел шешу үшін тәулік бойы жұмыс істейтін штаб құрылды.Ақпарат көзі : https://www.gov.kz/memleket/entities/aktobe/press/news/details/922891

Шағын және орта бизнес субъектілері арасында үздік жаңа жылдық безендіру конкурсына қатысуға өтінімдерді азық-түлік және азық-түлік емес дүкендерді, қоғамдық тамақтану және қызмет көрсету салаларын қоса алғанда, кәсіпкерліктің 60-тан астам өкілі берді.Естеріңізге сала кетейік, жаңа жыл қарсаңында байқаудың ұйымдастырушысы Алматы қаласының кәсіпкерлік және инвестициялар басқармасы болды, өтінімдерді қабылдау 2024 жылғы 26 желтоқсаннан 2025 жылғы 13 қаңтарға дейін созылды.Конкурстық комиссияның құрамына Алматы қаласы Кәсіпкерлік және инвестициялар басқармасының басшылары, Қоғамдық кеңестің, Қазақстанның рестораторлар клубы қауымдастығының және «ШОБ қорғау жөніндегі Тәуелсіз кәсіподақ» ҚҰ-ның мүшелері кірді.Келесі қатысушылар төрт номинация бойынша жеңімпаз деп танылды:* «Азық-түлік дүкенін үздік безендіру» - «Рахат Лотте» (1 млн. теңге мөлшеріндегі сертификат);* «Азық-түлік емес дүкенді үздік безендіру» - «Телли»био-бутик (1 млн. теңге мөлшеріндегі сертификат);* «Қоғамдық тамақтану саласындағы объектіні үздік безендіру» - «Aurora» кафесі (1 млн. теңге мөлшеріндегі сертификат);* «Қызмет көрсету саласындағы объектіні үздік безендіру» - «Busy Bee» сұлулық аумағы (1 млн.теңге мөлшеріндегі сертификат).Байқаудың Гран-при иегері ABR мейрамханалар желісі (2 млн. теңге көлеміндегі сертификат) болды.Жүлде қоры демеушілік қолдау есебінен қалыптастырылды.«Байқау қаламыздың кәсіпкерлері арасында жоғары белсенділік пен қызығушылықты көрсетті. Бизнес бұл бастамаға үлкен ынтамен қарады, қала тұрғындары мен қонақтары үшін ерекше жаңа жылдық көңіл-күй қалыптастыра алды. Байқаудың барлық қатысушыларына көрсеткен белсенділігі үшін алғыс айтамыз. Біз бірге қаламызды одан да әдемі әрі жайлы етеміз», - деп атап өтті марапаттау рәсімі барысында Алматы қаласы Кәсіпкерлік және инвестициялар басқармасының басшысы Әлішер Сатыбалдиев.Шағын және орта бизнес субъектілері арасында үздік жаңа жылдық безендіру конкурсын ұйымдастыру жоғары әлеуметтік және мәдени маңызға ие.Мұндай бастамалар мерекелік атмосфераны құруға, қалалық эстетиканы жақсартуға, тұрғындар үшін қолайлы ортаны нығайтуға және мегаполистің туристік тартымдылығын дамытуға ықпал етті.Ақпарат көзі : https://www.gov.kz/memleket/entities/almaty/press/news/details/922242

Алматыда жас мамандарды қолдау үшін қалалық мансап орталығы ұйымдастырған Next Generation Leaders бірегей олимпиадасы басталады. Бұл жоба кадрлық резервті қалыптастыруға және жастар жұмыссыздығының деңгейін төмендетуге бағытталған.Олимпиада үш кезеңнен тұрады: онлайн тестілеу, кейс-чемпионат және практикалық тапсырмамен жеке сұхбат. Жас мамандар түйіндеме жасауды, жұмыс берушілермен диалог жүргізуді және өздерінің кәсіби дағдыларын көрсетуді үйренеді.Қалалық мансап орталығының жұмыс берушілермен жұмыс бөлімінің басшысы Ақарыс Төребековтың айтуынша, жоба қаланың 15 жоғары оқу орнын қамтыды және қатысушылардың 70%-дан астамы барлық кезеңнен өткеннен кейін жұмыс таба алады деп күтілуде.«Next Generation Leaders олимпиадасы - бұл жай ғана байқау емес, жастардың әлеуетін ашуға арналған толыққанды алаң. Біз әрбір түлектің болашағына сенімді болғанын және лайықты жұмыс тапқанын қалаймыз», - деді Төребеков.Ол бұл бастамалар Алматыда жаңа мүмкіндіктер жасауға және жұмыссыздық деңгейін төмендетуге бағытталған жастарды қолдаудың кешенді бағдарламасының бір бөлігі екенін айтты.Бағдарламаға қатысуға өтінім қабылдау 26 қаңтарға дейін жалғасады. Тіркеу мына сілтемеге өтіңіз: https://forms.gle/6gWS8TNY8dPaxb9x9.Жоба туралы толық ақпарат алу үшін мына нөмірлерге хабарласуға болады: Ақарыс - 8 (747) 963 31 35; 8 (708) 769-19-97 Райхан.Ақпарат көзі : https://www.gov.kz/memleket/entities/almaty/press/news/details/922247

Жетісу облысында әлеуметтік сауда орындарының саны 12-ге жеткізілмек. Атап айтқанда, Талдықорған қаласында 7 стационарлық әлеуметтік нүкте, оның ішінде 5-уі әлеуметтік дүкен болса, қазір тұрғындарға ыңғайлы болу үшін тағы 5 көше сауда нысаны қосылып жатыр. Жетісу өңірінде әлеуметтік маңызы бар азық-түлік тауарларының бағасын тұрақтандырудың екі тетігі бойынша 18 мың тоннадан астам өнім қоры бар. Оның 1485 тоннасы картоп. «Жетісу» ӘКК тауарлық интервенцияларды тұрақты негізде әлеуметтік пункттерінде келісім-шарт бойынша азық-түлік өнімдерін сатумен айналысады, – деп хабарлайды Жетісу облысы әкімінің баспасөз қызметі.«Жетісу» ӘКК әлеуметтік маңызы бар азық-түлік тауарларының бағасын тұрақтандыру мақсатында жыл сайын көкөніс өнімдерінің, оның ішінде картоптың қорын қалыптастырады. Жергілікті ауыл шаруашылығы тауарын өндірушілермен келісім-шарт жасап, өңірлік тұрақтандыру қорын қалыптастыру және өндіретін шаруашылық жүргізуші субъектілерді жеңілдікпен несиелеу бойынша жұмыс жүргізеді. Мәселен, 2023-2024 жылдарға арналған жоғарыда аталған тетіктерді жүзеге асыруға жергілікті бюджеттен 9 млрд. қаржы қарастырылды. Көрсетілген мерзімде бөлінген қаражатқа 31,2 мың тонна өнім жеткізуге келісім-шарт жасалды. Оның бүгінгі таңда 12,6 мың тоннасы сатылды. Қазіргі таңда қорда 18 мың тоннадан астам азық-түлік тауарлары бар. Атап айтар болсақ, әлеуметтік нан, І сортты ұн, қант, күріш, кеспе (макароны) күнбағыс майы, қарақұмық, тұз, тауық еті, жұмыртқа, сиыр еті, картоп, пияз, сәбіз және қырыққабат.– Картоп бағасының көтерілуіне байланысты осы кезеңде тұрақтандыру қорынан тауарлық интервенция жүргізіп жатырмыз. Картоптың бағасы 180 теңгеден аспайды. Осы кезеңде Талдықорған қаласында әлеуметтік дүкендерді қосқанда 7 стационарлық әлеуметтік пунктіміз бар. Сонымен қатар, облыс әкімінің әлеуметтік маңызы бар азық-түлік тауарларының бағасын тұрақтандыру жөніндегі тапсырмасына сәйкес әлеуметтік сауда орындарын көбейту бойынша жедел шаралар қолға алынды. Біз 5 сауда нүктесін ашып жатырмыз, соның ішінде 2-уі жұмыс жасап тұр. Әзірге бұл қосымша сауда орындары алдағы 2 айда тұрақты жұмыс істейді деп жоспарлап отырмыз, – деді «Жетісу» ӘКК басқарма төрағасының бірінші орынбасары Альмира Ибраимова.Қала орталығындағы жаңа әлеуметтік сауда нүктесінің жұмысы жергілікті тұрғындардың ризашылығына бөленіп үлгерді. Талдықорған қаласының тұрғыны Эльмира Смағұлова әлеуметтік дүкеннің тұрақты тұтынушысы екенін жеткізді.- Бүгін әлеуметтік сауда нүктесінде картоп 180 теңгеге алдым. Яғни 3 есеге арзан баға. Басқа азық-түлік өнімдері мен көкөністер де сатылуда. Сәбіз, «Бақанас» күрішінің дәмді сортын да сатып алдым. Бұл күріштің түрі базардан тым сирек кездестіреміз, – деді қала тұрғыны.Жетісу облысы әкімінің баспасөз қызметі Фототілші: Жұмабай Мұсабеков «Жетісу» ӘКК АҚ әлеуметтік дүкендері мен сауда нүктелерінің ТІЗІМІ№АтауыМекен жайыЖұмыс уақыты1№1 әлеуметтік дүкенТалдықорған қаласы, Еркін ауылы, Бесшатыр көшесі, 75сейсенбі-сенбісағат 09:00-ден 18:00 дейін;жексенбі ж/е дүйсенбі - демалыс2№2 әлеуметтік дүкенТалдықорған қаласы, Еркін ауылы, «Көктал» шағын ауданы, Амангелді көшесі, 47Асейсенбі-сенбісағат 09:00-ден 18:00 дейін;жексенбі ж/е дүйсенбі - демалыс3«Жарық» әлеуметтік дүкеніТалдықорған қаласы, «Самал» шағын ауданы, 43 үйдемалыс жоқ сағат 08:00-ден 23:00-ге дейін4 «Talmart» әлеуметтік дүкеніТалдықорған қаласы, «Қаратал» шағын ауданы, 7демалыс жоқсағат 09:00-ден 23:00-ге дейін 5«Talmart» әлеуметтік дүкеніТалдықорған қаласы, Тәуелсіздік көшесі, 116демалыс жоқсағат 09:00-ден 23:00-ге дейін6 «Көк базар» сауда орталығындағы әлеуметтік сауда нүктесіТалдықорған қаласы, Біржан сал көшесі, Гаухар ана көшесінің қиылысыдемалыс жоқсағат 09:00-ден 18:00-ге дейін7Коммуналдық базардағы әлеуметтік сауда нүктесіТалдықорған қаласы, Алдабергенов көшесі, Рақышев көшесінің қиылысысейсенбі-сенбісағат 10:00-ден 17:00 дейін;жексенбі ж/е дүйсенбі - демалыс Көшедегі сауда нүктелері1Қала орталығындағы әлеуметтік сауда нүктесі («Dynasty» дүкені мен «Қарағаш» сауда орталығының маңы)Талдықорған қаласы, Ақын Сара көшесі, Қабанбай батыр көшесімен қиылысысейсенбі-сенбісағат 10:00-ден 15:00 дейін;жексенбі ж/е дүйсенбі - демалыс2«Береке» коттеджді қалашығының аумағындағы әлеуметтік сауда нүктесі («JLC» дүкенінің жанында)Талдықорған қаласы, «Береке» коттеджді қалашығы №5 көшесейсенбі-сенбісағат 10:00-ден 15:00 дейін;жексенбі ж/е дүйсенбі - демалыс Ақпарат көзі : https://www.gov.kz/memleket/entities/zhetysu-oblysy/press/news/details/921986

Ауа-райының нашарлауына байланысты бірінші ауысымның 0-9 сынып оқушылары үшін сабақтар қашықтықтан оқыту форматына көшеді, деп хабарлайды қалалық білім басқармасына сілтеме жасап әкімдіктің ресми сайты."Астана қаласының білім басқармасы хабарлайды: 22.01.2025 жылы ауа райының нашарлауына байланысты бірінші ауысымның 0-9 сынып оқушылары үшін қала мектептерінде сабақ қашықтықтан оқыту форматына көшеді", - деп хабарлады білім басқармасы.Ақпарат көзі : https://www.gov.kz/memleket/entities/astana/press/news/details/922101

Ауданда әлеуметтік маңызы бар азық-түлік тауарлары бағасының өсуіне жол бермес үшін ауыл шаруашылығы жәрмеңкесі ұйымдастырылып тұрады. Жәрмеңке сөрелеріндегі бағалар нарық құнынан төмен. Соның ішінде 19 тауар түріне тікелей жеткізушілермен келісімшарт жасауға ерекше назар аударылды. Бұл бағаны тұрақтандырып қана қоймай, тұрғындарды қолжетімді өнімдермен қамтамасыз етуге мүмкіндік береді.Аудан әкімі Айдар Ибраев Бородулиха ауылында апта сайын өткізілетін ауыл шаруашылығы жәрмеңкесіне барды. Жәрмеңкеде тұрғындар шаруалардан қалаған өнімін еш делдалсыз, қолжетімді бағада сатып ала алады.Ауданда әлеуметтік маңызы бар өнімдер бағасының өсуіне жол бермеу мәселесі күн тәртібінен түскен емес. Осы мақсатта Кәсіпкерлік және ауыл шаруашылығы бөліміне бағаға күнделікті мониторингін жүргізуді, қажет болған жағдайда әкімшілік шаралар қолдану тапсырылды. Сондай-ақ ауыл шаруашылығы өнімдерінің жәрмеңкесін ұйымдастыруды жалғастыру міндеттелді.Ақпарат көзі : https://www.gov.kz/memleket/entities/abay/press/news/details/922056

Бесқарағай ауданындағы «Қалиқанұлы» шаруа қожалығы өзінің өндірістік қуатын дамытып, кеңейтуді жалғастыруда. Жуырда аудан әкімі Нұрбек Қошқарбаев шаруашылыққа барып, алдағы жоспарларымен танысты.Қазіргі уақытта шаруашылықта 600-ге жуық ірі қара бар. Кәсіпорын Семей қаласындағы «Айша» серіктестігімен ынтымақтаса отырып, сүт өндіру мен өңдеуде айтарлықтай жетістіктерге жетті. Бүгінде олар сүт, айран, қаймақ, сүзбе, май сияқты сүт өнімдерінің кең ассортиментінен бөлек шұжық өнімдерінің 25 түрін шығарады.2024 жылы шаруа қожалығы инвестиция тарта отырып, инфрақұрылымды жаңғыртуды аяқтады. Бұл қаражат сүт-тауар фермасын кеңейтуге, электр және су жүйелерін жаңартуға, сондай-ақ жем өндірудің жаңа әдістерін енгізуге бағытталды. Атап айтқанда, жоңышқа мен сүрлем жүгерісін өсіру басталды. Бұл жануарларды тұрақты жем-шөппен қамтамасыз етеді. Ол үшін 12 заманауи спринклер машиналары мен сорғы жабдықтары сатып алынды.Кәсіпорынның негізгі мақсаты - өндіріс көлемін ұлғайту және өнім сапасын арттыру. Болашақта тек аудан көлемінде ғана емес, көрші өңірлерге сүт және шұжық өнімдерін жеткізіп, нарықты кеңейтуді жоспарлап отыр.Ақпарат көзі : https://www.gov.kz/memleket/entities/abay/press/news/details/921408

Бүгін аймақ басшысы Ермек Көшербаев жұмыс сапарымен ауа райының қалыптан тыс жылынуы салдарынан қардың еруі басталған Зайсан ауданына барды. Су тасқынының алдын алу үшін қазір жолдарды тазалау, қарды күреу және жол жиектеріндегі құбырларды тазарту, су өткізетін құрылыстарды тексеру қажет.Облыс әкімі ШҚО ТЖД, ШҚО ПД және басқа да мүдделі басқармалар өкілдерінің, сондай-ақ Тарбағатай ауданы әкімі мен Зайсан ауданы әкімінің орынбасарының қатысуымен жедел кеңес өткізді. Мамандардың айтуынша, мұндай жылы ауа райы соңғы 50 жылда тіркелмеген.Өңір басшысы Марқакөл және Күршім аудандарында қазірдің өзінде көктемгі су тасқыны қаупін барынша азайтуға көмектесетін жер асты және еріген суларды тарату әдістері сәтті қолданылып жатқанын атап өтті.— Су тасқынын алдын алу жұмыстары маңызды, ол үшін облыстағы әрбір елдімекен үшін су тасқыны қаупі картасын, оның ішінде әрбір ауылды және төтенше жағдай кезіндегі іс-қимылдардың егжей-тегжейлі алгоритмін жаңарту қажет. Әр аудан, ауыл әкімдері төтенше жағдай орын алған жағдайда бекітілген алгоритм бойынша әрекет етуі керек. Бәріне дайын болуларыңыз қажет. Басқа аудандардың да тәжірибесін қолданыңыздар, - деді Ермек Көшербаев.Су тасқынына қарсы іс-шараларға жергілікті атқарушы органдар мен аудандық төтенше жағдайлар бөлімі жұмылдырылған.— Зайсан үшін бұл қалыпты жағдай. Жер қатқан кезде, әсіресе Дайыр мен Қарабұлақ ауылдарының маңында жер асты сулары жиі шығады. Су жиналған кезде құбырға, одан әрі Кеңдірлі көліне құяды. Бұл – жыл сайын қайталанатын табиғи құбылыс, алаңдаудың қажеті жоқ, - дейді гидротехник Мирзан Иманжанов.Құтқару қызметі мен синоптиктердің мәліметінше, алдағы күндері өңірде ауа температурасының төмендеуі күтілуде. Сондықтан бұл аумақта су басу қаупі байқалмайды. Мамандар ауа-райының ықтимал өзгерістеріне жедел назар аудару үшін аталған учаскенің және жалпы облыстағы жолдардың жағдайын бақылауды жалғастырады.Тәулік бойы мониторинг жүргізу, күнделікті дайындық, кешенді алдын алу шаралары Шығыс Қазақстан облысында су тасқыны кезеңінің тұрақты өтуіне негіз болып табылады, - деді Ермек Көшербаев.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/921507

Алматының Коммуналдық инфрақұрылымды дамыту басқармасы 2024 жылдың 29 шілдесі мен 7 тамызы аралығында өткен «Алматы жастары» бағдарламасының қосымша кезеңі қорытындыланды.www.almaty-zhastary2024.kz платформасында 2757 қатысушы өтінімін түзетіп, олардың 1872-сі мына бағыттар бойынша құжат тапсырды:• денсаулық сақтау – 456,• білім беру – 773,• мәдениет – 95,• спорт – 23,• ЖОО және ҒЗИ – 196,• БАҚ – 40,• әлеуметтік сала – 75,• коммуналдық қызметтер – 139,• жұмыс істейтін жастар – 75.Қарау нәтижесі бойынша 759 өтінім мына салалар бойынша мақұлданды:* денсаулық сақтау – 210,* білім беру – 332,* мәдениет – 24,* спорт – 3,* ЖОО және ҒЗИ – 74,* БАҚ – 22,* әлеуметтік сала – 18,* коммуналдық қызметтер – 56,* жұмыс істейтін жастар – 20.Оның ішінде ең жоғары балл жинаған 183 қатысушы төлем қабілетін растау үшін жолдама алады.Жолдама алған қатысушылар 15 жұмыс күні ішінде «Отбасы банк» АҚ-ның кез келген қызмет көрсету орталығына жүгінуге тиіс. Төлем қабілетін растаған соң олар 45 күнтізбелік күн ішінде бастапқы немесе қайталама нарықтан тұрғын үй таңдай алады.Қалған 576 қатысушы алғашқы үміткерлердің төлем қабілетін растау мерзімі аяқталғанға дейін резервке енгізілді.Тұрғын үй, зейнетақы аударымдары және басқа да қажетті анықтамалардың болмауынан 1113 өтінім қабылданбады.Толық ақпарат www.almaty-zhastary2024.kz сайтында.Instagram:https://www.instagram.com/akimat_almaty/reel/DFFIYU_TFZN/ Ақпарат көзі : https://www.gov.kz/memleket/entities/almaty/press/news/details/921809

Ағымдағы жылы Алматыда қала әкімі Ерболат Досаевтың тапсырмасы бойынша әр ауданда 16-ға дейін - әр ауданда екіден комьюнити орталықтар пайда болады. Мегаполисте 2024 жылы осындай ұйымдар іске қосылды.Бұл жоба көпфункционалды. Комьюнити орталықтарда жастар өкілдеріне психологиялық және заңгерлік көмек көрсетіледі, жұмысқа орналастыру, мемлекеттік бағдарламалар, кәсіптік бағдар беру, қаржылық сауаттылықты оқыту, тілдік курстар мәселелері бойынша консультациялар беріледі. Сондай-ақ мұнда білім беру және мәдени іс-шаралар өтеді, би залдары, дыбыс жазу студиялары және TikTok аймақтары жұмыс істейді.Өткен жылы мегаполисте 380 мыңнан астам жастарды қамтитын дәрістер, семинарлар, экоакциялар, зияткерлік ойындар, акустикалық кештер, викториналар мен квиздер, шеберлік сыныптары, үстел ойындары және спорттық турнирлер түрінде 1,7 мыңнан астам іс-шаралар өткізілді. 12 мыңнан астам адам кеңес алды, оның ішінде жұмысқа орналастыру бойынша – 4,7 мың, қысқа мерзімді курстар бойынша – 3,3 мың, психологпен және заңгермен 2 мыңнан барлығы 2024 жылы Алматы комьюнити орталықтарына 112 мыңнан астам жас келді.Қала тұрғыны Болат Қисамбаев атап өткендей, комьюнити орталықтарда ол жаңа және қызықты идеяларды, стартаптарды бірлесіп іске асыратын, пікірлес адамдарды табатын белсенді балалармен танысты. «Бұл өте керемет бастама. Жастарға қолдау көрсету керек. Мұндай орталықтар жастарды жұмысқа орналастырып қана қоймай, олардың энергиясын дұрыс бағытқа бағыттауға көмектеседі. Менің ойымша, IT-технологиялар мен жасанды интеллект сияқты өзекті бағыттарға баса назар аудару керек. Қазір еңбек нарығы өзгеруде, қазақстандықтар уақытпен қатар жүруі қажет. Менің білуімше, АҚШ-та, Жапонияда және басқа да дамыған елдерде осындай жобалар бар. Бізге берілген мүмкіндіктер үшін қала әкімдігіне алғысымды білдіремін», - деп ойымен бөлісті Болат Қисамбаев.Волонтер Дилярам Асанованың айтуынша, қалалық комьюнити орталықтардың қызметіне қатысудың арқасында ол көптеген қызықты және пайдалы жандармен танысқан. «Бұл ұйымдар бей-жай қарамайтын азаматтардың күш-жігерін біріктіруге мүмкіндік береді. Біз су тасқынынан зардап шеккендерге гуманитарлық көмек жинауға қатыстық, «Таза Қазақстан» республикалық экологиялық акциясына қатыстық, блогерлер арасындағы түрлі форумдарда, «Бірлік спорт Fest» іс-шарасында және т.б. сөз сөйледік» -, деп атап өтті бойжеткен.Естеріңізге сала кетейік, өткен жылы Алматыда 8 комьюнити орталық «Алматы қаласын дамытудың 2025 жылға дейінгі бағдарламасы және 2030 жылға дейінгі орта мерзімді перспективалар» аясында іске қосылды, қалалық әкімдіктің жобалық кеңсесінің қолдауымен - әр ауданда бір-бірден.Бұдан басқа, өткен жылдан бастап әрбір комьюнити орталықта қазақстандық өндірістің фандоматтары – оларды одан әрі өңдеу үшін пластикалық бөтелкелер мен алюминий банкаларды жинау аппараттары орнатылды. Осылайша, осы жастар кеңістігіне келушілер арасында экологиялық құндылықтар қалыптасуда, ал комьюнити орталықтардың резиденттері қоршаған ортаны қорғау жөніндегі іс-шараларды қолдай отырып, экорейнджерлер қатарын белсенді толықтыруда.Ақпарат көзі : https://www.gov.kz/memleket/entities/almaty/press/news/details/921803

22 қаңтарға қараған түннен бастап екі тәулік ішінде Алматыда қар жауады, кейде қатты жауады деп болжануда. Көктайғақ күтіліп, ауа температурасы төмендейді:• 22 қаңтар түнде -7-ден -9°С-қа дейін, күндіз 0-ден -2°С-қа дейін;• 23 қаңтар түнде -15-тен -17°С-қа дейін, күндіз -5-тен -7°С-қа дейін.Осыған байланысты қаланың коммуналдық қызметтері күшейтілген жұмыс режиміне көшуде. Өндірістік базаларда тәулік бойы кезекшілік ұйымдастырылды. 204 құм таратқыш қар жауа бастағанға дейін орналасқан жерлерінде кезекші болады.Негізгі магистральдық көшелер алдын-ала сұйық реагенттермен өңделеді. Тәулік бойы 624 бірлік арнайы техника мен 1380 жол жұмысшысын тарту жоспарлануда.Бұдан басқа, жолдардың қауіпті учаскелерінде, түсулерде, көтерілулерде, жол айрықтарынан шығатын жолдарда қар көшкіндерінің уақтылы алдын алу және жою үшін 47 жедел бригаданың күшімен жол жамылғысының жай-күйін патрульдеу жөніндегі жұмыс күшейтілетін болады.Болжамды мұздануға, жолдардың жүріс бөлігіндегі қардың жайылуына, тротуарлардағы көктайғаққа байланысты автокөлік жүргізушілері мен жаяу жүргіншілерден сақтық шараларын сақтауды сұраймыз. Жүргізушілерге жылдамдықты төмендетуге, автомобильдер арасындағы қашықтықты арттыруға және өткір маневрлерден аулақ болуға кеңес береміз.Аудандық әкімдіктерде қар тазарту жұмыстарына тәулік бойы мониторинг жүргізу үшін штабтар ұйымдастырылды.Құрметті жаяу жүргіншілер!Тротуарларда абай болыңыз, шатырлардан қар мен мұздың түсу қаупіне байланысты көпқабатты ғимараттардан алшақ жүрген жөн.Алматының коммуналдық инфрақұрылымды дамыту басқармасыАқпарат көзі : https://www.gov.kz/memleket/entities/almaty/press/news/details/921819

Елордада екі күннен бері қалың қар жауып тұр. Коммуналдық қызметтер тәулік бойы қар күреу жұмысын үздіксіз жүргізіп жатыр, деп хабарлайды Астана әкімдігінің ресми сайты.21 қаңтар күні таңертеңнен бері қар күреу жұмысына 2700-ден астам жол жұмысшы мен 1600-ден астам арнайы техника жұмылдырылды.21 қаңтарға қараған түні коммуналдық қызметтер 2509 ауыр жүк көлігінің көмегімен қаладан 31 мың текше метр қар шығарды.Жалпы, қыс мезгілі басталғалы 281 541 рейспен 3,5 миллион текше метрден астам қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/921590

Астана қаласы Жастар саясаты мәселелері басқармасының басшысы Самат Ибраев Коммуникациялар қызметінде өткен брифингте ведомствоның өткен жылы атқарған шаруалары туралы айтты, деп хабарлайды елорда әкімдігінің ресми сайты.Басқарма басшысының айтуынша, былтыр ведомствоның көмегімен 13 мыңнан астам жас жұмыспен қамтылды.Негізгі бағдарламалар қатарында «Жастар практикасы», «Қоғамдық жұмыстар» және «Алғашқы жұмыс орны» бағдарламалары іске асырылды. Ал жаз мезгілінде «Жасыл ел» жобасы аясында 4 200 адам жұмысқа орналастырылып, олар елорданы абаттандыруға белсенді қатысты.Сонымен қатар, Joltap жобасы аясында 3 773 адам SMM, таргет, графикалық дизайн және видеомонтаж сияқты цифрлық мамандықтарды игерді.Сонымен қатар, 3 904 адам тігінші, бариста, сатушы-кассир және бухгалтерлік есеп негіздері сияқты мамандықтар бойынша оқудан өтті.Ұлттық статистика бюросының мәліметтері бойынша, елордада NEET санатындағы жастардың үлесі 6,1%-ды немесе 26 447 адамды құрайды. Жастарды әлеуметтендіру үшін «Жас жігер», «Үздік» жобалары жүргізіліп жатыр.«2024 жылы «Таза Қазақстан» акциясы аясында зиянды әдеттермен күресу мақсатында насыбайды өртеу бойынша ауқымды акция және «Тәуелділікті спортқа айырбаста» акциясы өткізілді. Ал есірткі заттары туралы жарнамалық жазуларды бояу бойынша рейдтер ұйымдастырылды.Экологиялық шаралар аясында жастар «Таза дүйсенбі», «Сәтті сәрсенбі», «Жасыл Астана» акцияларына белсенді қатысып, қаланы көгалдандыру және тазалау жұмыстарына атсалысты.2024 жылы ойынқұмарлықтың алдын алу бойынша жұмыстар күшейтілді. Колледж студенттерімен психиатрлар мен наркологтардың қатысуымен 8 кездесу өткізіліп, 500-ден астам ақпараттық буклет пен парақша таратылды.«Еріктілер мектебі» аясында 2024 жылы волонтер ШЫҰ саммиті (200 ерікті) және Дүниежүзілік көшпенділер ойындары (1 600 ерікті) сияқты халықаралық іс-шараларға белсенді қатысты», - дейді басқарма басшысы.Самат Ибраев сөзін жалғай отырып, «Жас сарбаз» жобасы аясында жастарды патриоттық рухта тәрбиелеу мақсатында іс-шаралар өткізілгенін, сондай-ақ 110 мектеп пен 35 колледжде 10 000-нан астам жас оқитын «Жас сарбаз» сыныптары мен клубтары ашылғанын қозғап өтті.«Отбасы институтын нығайту мақсатында «Отбасы – бақыт мекені» жобасы жүзеге асырылып жатыр. Жоба аясында аспаздық, қыш-құмыра ісі бойынша мастер-кластар, спорттық эстафеталар мен шығармашылық байқаулар өткізілді. Жастардың шығармашылық қабілетін ашу мақсатында «Жастар жалыны» фестивалі, «Жастар фест» және «Жаңа белес» жобалары ұйымдастырылды.Астана жастарына қолдау көрсету мақсатында әртүрлі жобалар мен бастамаларды жүзеге асырып, олардың дамуы мен жүзеге асыруы үшін қолайлы орта қалыптастырылып жатыр», - деп Жастар саясаты мәселелері басқармасының басшысы Самат Ибраев сөзін қорытындылады. Ақпарат көзі : https://www.gov.kz/memleket/entities/astana/press/news/details/921616

Астана қаласының әкімі Жеңіс Қасымбек Instagram парақшасында нөсер және тазарту құрылыстары салынып жатқаны туралы жазды, деп хабарлайды елорда әкімдігінің ресми сайты.«Елорданың қарқынды дамып келе жатқанын ескерер болсақ, нөсер және тазарту құрылыстарын салу – маңызды бағыт. Елордада бірқатар инженерлік инфрақұрылымның құрылысын жүргізіп жатырмыз.Мәселен, Е32 (Нұра ауданы) көшесінде кәріз сорғы станциясын (КСС) салып жатырмыз. Бұл ғимарат қуаттылығы тәулігіне 290 мың м3 болатын қаладағы ең өнімді станциялардың бірі болады. Оны іске қосу қаланың сол жағалау бөлігін су тарту жүйесімен қамтамасыз етуге мүмкіндік береді, ал бұл тұрмыстық кәріз коллекторларының су басу және толып кету қаупін азайтады. Бұл нысанды осы жылдың соңына дейін аяқтауды жоспарлап отырмыз.Сонымен қатар, осы жылдың соңына дейін Абай даңғылында кәріз сорғы станциясын пайдалануға беруді жоспарлап отырмыз, бұл 80-ші жылдардағы тозығы жеткен желілер мен құрылыстарды қолданыстан шығаруға мүмкіндік береді. Бұл станция сонымен қатар қаланың оң жағалауындағы тұрмыстық кәріз жүйесінің үздіксіз жұмысын қамтамасыз етеді.Сондай-ақ, нөсерлі кәріз жүйесін дамыту мәселесімен жүйелі түрде айналысамыз. Біз жауын-шашын кезінде ағын су жиналатын қаланың жекелеген учаскелеріндегі нөсерлі кәріз желілері мен құрылыстарының жарамдылығына байланысты нақты қиындықтарды шешеміз.Биыл Ақбұлақ шағын ауданында нөсер кәрізінің тазарту құрылысын реконструкциялау жұмысын аяқтаймыз. Жоба аясында тазарту құрылыстарының өнімділігін тәулігіне 21 мың м3 дейін арттыру, сорғы жабдығын ауыстыру, жаңбыр суы ағынының тазарту жүйесін тиісті жағдайға келтіру жұмысы орындалатын болады. Бұл жобаны іске асыру Момышұлы даңғылында және т.б. орындарда су басу қаупін азайтуға мүмкіндік береді.Жалпы, қала бойынша 2024 жылы 24 км сумен жабдықтау желісі, 11 км тұрмыстық кәріз желісі салынды, сол сияқты 8,1 км сумен жабдықтау желісі, 2,1 км тұрмыстық кәріз желісі ауыстырылды және реконструкциялаудан өтті. Бұған қоса, 3 кәріз сорғы станциясы және 7,3 км нөсер кәрізінің магистральды коллекторы салынды», - деп жазды елорда әкімі.Ақпарат көзі : https://www.gov.kz/memleket/entities/astana/press/news/details/921725

Астанада кәмелетке толмағандар арасындағы қылмыстың алдын алуға бағытталған рейдтер өтіп жатыр. Іс-шараларға аудан әкімдігінің, полиция және білім басқармаларының өкілдері қатысуда, деп хабарлайды қала әкімдігінің ресми сайты.Шараның басты мақсаты – жасөспірімдер арасындағы құқық бұзушылықтың алдын алу, бақылаусыздықты болдырмау және балалардың қауіпсіздігін қамтамасыз ету.Іс-шара барысында қатысушылар ішкі істер органдарында есепте тұрған жағдайы төмен отбасылардан шыққан кәмелетке толмағандардың, сондай-ақ өмірлік қиын жағдайға тап болған отбасылардың тұрмыстық жағдайын зерттеді. Сауда және ойын-сауық орталықтары мен компьютерлік клубтар сияқты қоғамдық орындарды тексеруге ерекше назар аударылды.Естеріңізге сала кетейік, ҚР Әкімшілік құқық бұзушылық туралы Кодексінің 442-бабы бойынша сағат 22.00-ден 6.00-ге дейін кәмелетке толмағандардың ойын-сауық орындарында заңды өкілдерінің еріп жүруінсіз, сондай-ақ сағат 23.00-ден 6.00-ге дейін кәмелетке толмағандардың заңды өкілдерінің еріп жүруінсіз тұрғын үйден тыс жерде болуына тыйым салынады.Елорданың барлық ауданында күн сайын рейд жүргізіліп, тәртіп бұзушылар жауапкершілікке тартылып жатыр. Ақпарат көзі : https://www.gov.kz/memleket/entities/astana/press/news/details/921733