Қызылорда облысында құрылыс жұмыстары республикалық орта көрсеткіштен 41 пайызға жоғары деңгейде жүзеге асырылуда. Бұл туралы Мемлекет басшысы Қасым-Жомарт Тоқаевтың төрағалығымен өткен Үкіметтің кеңейтілген отырысында облыс әкімі Нұрлыбек Нәлібаев мәлім етті.Тұрғын үй кезегіндегі азаматтарға 2 500-ден астам пәтер табысталды. Аймақта жаңа әлеуметтік нысандар бой көтеруде. 2024 жылы 69 жаңа ғимарат салынып, бүгінде 25 білім, 16 денсаулық сақтау, 11 мәдениет, 17 спорт нысаны ел игілігіне қызмет етуде. «Жайлы мектеп» ұлттық жобасы аясында 21 мектеп салу жоспарланған. Бүгінде 5 білім ордасы пайдалануға берілді, 5 мектеп жаңа оқу жылына дейін табысталады. «Ауылда денсаулық сақтауды жаңғырту» ұлттық жобасы аясында 28 нысан салынды.Облыстың барлық ауылындағы денсаулық сақтау мекемелеріне 245 жаңа санитарлық көлік алынып, жедел жәрдем мәселесі толық шешілді. Мемлекет басшысының бастамасымен құрылған «Қазақстан халқына» қоры өңірдің денсаулық сақтау саласын дамытуға 4 млрд. теңге қаржы бөлді. Бұл қаржыға Арал, Жаңақорған аудандары мен Қызылорда қаласында «Қамқорлық» оңалту орталықтары ашылды. Мұнан бөлек, қордың 1 млрд. 100 млн. теңге қаржысына скрининг жүргізуге арналған жылжымалы кешен алынып, ауыл тұрғындарына үздіксіз медициналық қызмет көрсетуде.Жергілікті кәсіпкерлердің демеушілігімен 50 млрд. теңгеге жуық қаржыға облыс орталығы мен аудандарда жаңа ғимараттар, парктер, ойын алаңдары салынып, мемлекет теңгеріміне өтті.Ақпарат көзі : https://www.gov.kz/memleket/entities/kyzylorda/press/news/details/926713

«Таза Қазақстан» республикалық экологиялық бағдарламасы аясында санитарлық тазалық, абаттандыру және тұрғындардың өмір сүруіне қолайлы жағдай жасау мақсатында өңірлік жоспар бекітіліп, кешенді жұмыс жүргізілуде.Бұл туралы Мемлекет басшысы Қасым-Жомарт Тоқаевтың төрағалығымен өткен Үкіметтің кеңейтілген отырысында облыс әкімі Нұрлыбек Нәлібаев атап өтті.«Таза Қазақстан» республикалық бағдарламасына 736 мың адам қатысып, 176 800 түп тал егілді. Акция басталғалы ауылдарды қолдау, ынталандыру мақсатында дәстүрлі түрде «Үлгілі елді мекен» конкурсы өткізіліп, 2,1 млрд. теңгеге күнделікті тұрмысқа қажетті 67 техника табысталды. Коммуналдық сала кәсіпорындарына, табиғатты қорғау мекемелеріне 309 арнайы техника сатып алынды. Қызылорда қаласының орталық алаңы, аудандарда демалыс орындары қайта жаңғыртудан өтті. Биыл бірнеше саябақ қайта жаңартылады», – деді Н.Нәлібаев.Айта кетейік, Қызылорда қаласындағы 28 ескі көпқабатты тұрғын үйдің қасбеті заманауи панельмен қапталды, 20 көпқабатты тұрғын үйдің аулалары абаттандырылды. Теміржол вокзалы ғимараты мен перроны күрделі жөндеуден өтті.Балалардың игілігі үшін 80 ойын және спорт алаңы, Жаңақорған ауданында демалыс паркі, Сырдария ауданы Нағи Ілиясов ауылында «Еңбекшілер аллеясы» пайдалануға берілді. Қармақшы ауданы Жаңажол ауылының орталық алаңы және Жалағаш ауданы Таң ауылының көшелері абаттандырылып, жарықтандырылды. Облыстық бюджеттен бөлінген 800 млн. теңгеге 17 көпқабатты тұрғын үйдің аулалары, 200 млн. теңгеге 14 спорт және ойын алаңы салынып, 7 балалар ойын алаңы жөндеуден өткізілді.Демеушілер есебінен 63 көпқабатты тұрғын үй мен 2 әлеуметтік нысанның қасбеті заманауи үлгіде әрленуде. Аудандарда 320 млн. теңгеден астам қаржыға көшелер абаттандырылып, ойын алаңдары мен скверлер салынды. Өткен жылы аймағымызда мекеме ғимараттарының қасбеті, аулалардағы балалар ойын және спорт алаңдары, көшелердегі жарықтандыру мен аялдамаларды әрлеу, сырлау, безендіруге біркелкі дизайн код бекітілді.Ақпарат көзі : https://www.gov.kz/memleket/entities/kyzylorda/press/news/details/926719

Дәрібай Оспанов – пауэрлифтингтен төрт дүркін әлем чемпионы. 75 жастағы спортшы жазда Норвегияда өтетін кезекті әлем чемпионатына дайындалуда.Ақсақал Шет ауданының Ағадыр кентінде тұрады. Пауэрлифтингпен ол 19 жыл бұрын 56 жасында айналыса бастаған.– Жас кезімде мен де спортпен – волейболмен айналыстым. Менде 1-ші разряд бар. Сонымен қатар теннис ойнағанмын, самбомен айналыстым, бірақ бұл жай ғана әуесқойлық еді. Ал кәсіби спортпен 56 жасымда ғана айналыса бастадым, – дейді ақсақал.Алдымен Дәрібай Оспанов өз үйінде жаттыққан. Кенттегі кішігірім спорт залы пауэрлифтингпен айналысуға келмейтін. Алайда, уақыт өте келе спортшы мәселені өз қолына алуды шешкен.– Біз жатып гір көтеру және басқа да жаттығуларға арналған құралдармен жабдықталған зал құруды шештік. Спорттық жабдықтар металл сынықтарынан жиналды. Осылай, ақырындап, бәрін істедік, – дейді пауэрлифтер. – Қазір де кейбір құрылғыларды өзіміз жасаймыз. Залымыз кішігірім, жабдықталуы да 100% емес, сондықтан кейбір нәрсені өзіміз жасауға тура келеді.2024 жылы әлем чемпионатындағы кезекті жеңісі үшін Дәрібай Оспанов Қасым-Жомарт Тоқаевтан сыйлыққа HS Power жиынтығын алды, ол арнайы орындық пен 450 кг арналған штангадан тұрады.Қазір ауылдың спорт залында пауэрлифтер ұлымен бірге 9 және одан жоғары жастағы балаларды тегін жаттықтыруда. Олардың арасында төрт халықаралық дәрежедегі спорт шебері, бірнеше спорт шебері, Қазақстан мен Азия чемпиондары бар.Бапкерлік қызметтен басқа, ақсақал қажырлы жаттығуларын да жалғастырады. Наурызда оны іріктеу чемпионаты күтіп тұр, онда жеңіске жетсе, Драммен қаласында (Норвегия) өтетін әлем чемпионатына қатысу құқығына ие болады.– Біз ол сайысқа баламызбен бірге қатысуды жоспарлап отырмыз. Ол пауэрлифтингтен бес дүркін әлем чемпионы. Әрине, мұның бәрі қымбат. Пауэрлифтингті олимпиадалық спорт түрлері сияқты қолдап отырса екен дейміз, – дейді Дәрібай Оспанов.Ақпарат көзі : https://www.gov.kz/memleket/entities/karaganda/press/news/details/926432

Ә. Сағынов атындағы Қарағанды техникалық университеті автобустар мен арнайы техника шығаратын QazTehna компаниясымен ұзақ мерзімді ынтымақтастық туралы уағдаласты. Стратегиялық әріптестік ғылым, білім және өнеркәсіп байланысын күшейтуге бағытталған. Бұл өңірдің кадрлық әлеуетін дамытуға ықпал етуі тиіс."Келісім аясында "QazTehna" ЖШС зауытының базасында университет филиалын ашу жоспарлануда. Бөлімше ғылыми-практикалық жұмыстарды іске асыру, өндірістің техникалық тапсырмалары бойынша жобаларды орындау және инженер-конструкторлар мен инженер-технологтар сияқты жоғары білікті мамандарды даярлау алаңына айналады", – делінген ЖОО хабарламасында.Ынтымақтастық даярлықтың барлық деңгейлерін – бакалавриатты, магистратураны және докторантураны қамтиды. Студенттер мен оқытушылар пәнаралық жобаларға қатысу мүмкіндігіне ие болады.Университетте сондай-ақ студенттер мен магистранттардың қатысуымен жолаушылар автобусының прототипін жасау жобасы талқыланды. Үлгіні таңдай отырып, материалдарды іріктеуден, бөлшектерді құюдан бастап толық құрастыруға дейінгі барлық процестермен айналысатын команда анықталады деп болжануда.Университет қызметкерлері зауытта болып, өндіріспен танысты. Ақпарат көзі : https://www.gov.kz/memleket/entities/karaganda/press/news/details/926433

Қазақстанда кәсіби суретшілер арасында «Ұлттық құндылықтар: салттың сырлы бейнесі» атты республикалық шығармашылық байқауға өтінімдер қабылдау жалғасып жатыр.ҚР Мәдениет және ақпарат министрлігі ұйымдастырған байқаудың мақсаты – ұлттық құндылықтар мен мәдени нысандарды дәріптеу, отандық суретшілердің шығармашылығын қолдау және қоғамдағы патриоттық рух пен ұлттық бірегейлікті қалыптастыру.Байқауға қазақ халқының дәстүрлі мәдени құндылықтары тақырыбында пейзаж, натюрморт және сюжеттік картина жанрында жұмыстарын ұсынған кәсіби суретшілер қатыса алады.Өтінімдерді қабылдау 2025 жылдың 24 ақпанына дейін жалғасады.Марапаттау рәсімі және іріктелген туындылар көрмесінің ашылуы 2025 жылдың 12 наурызында өтеді.Барлық қосымша сұрақтар бойынша (8-7172) 919-035, 919-036 (ішкі: 366, 643) телефон нөмірлеріне хабарласуға болады.ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/karaganda/press/news/details/926455

2025 жылғы 5 сәуірден бастап мопедтерді механикалық көлік құралдарына теңестіретін Қазақстан Республикасының заңнамасына түзетулер күшіне енеді. Сол күннен бастап бұл көлік құралымен полицияда тіркегеннен, техникалық тексеруден өткеннен, АҚЖ-ның сақтандыру полисін ресімдегеннен кейін және A1 санатындағы жүргізуші куәлігі болған кезде ғана жүруге болады.– Тіркеу үшін тұрғылықты жері бойынша арнайы ХҚКО-ға жеке басын куәландыратын құжаттармен жүгіну, сондай-ақ техникалық құжатты немесе көлік сипаттамалары туралы мәліметтерді ұсыну қажет. Содан кейін өтінішті толтырып, мемлекеттік баж салығын төлеу керек, – деп түсіндірді әкімшілік полиция басқармасының аға инспекторы полиция майоры Азамат Дайрабаев. – Бұрын сатып алынған мопедтерді тіркеу үшін Қарағанды қаласы, Мұқанов көшесі, 5 мекен-жайы бойынша мамандандырылған ХҚКО-ға техникалық тексеруден өту және барлық құжаттарды рәсімдеу үшін әкелу қажет.Сол жерде A1 санатына практикалық емтихан тапсыруға болады. Бұл үшін барлық жағдай жасалған: автодром және арнайы техника. Жалғыз ерекшелік – емтихандар қар еріп, автодром жабыны құрғағаннан кейін ғана қабылданады.Енді барлық мопедтердің жүргізушілері үшін жүргізуші куәлігі міндетті. Жалғыз ерекшелік – егер B санаты бар болса, онда қосымша құжаттар талап етілмейді.Бұдан басқа, осы күннен бастап Әкімшілік құқық бұзушылық туралы кодекске мопедшілерді көлік құралдарының жүргізушілері ретінде жауапкершілікке тартуды көздейтін түзетулер күшіне енеді. Трассаға шыққан кезде олар басқа жол қозғалысына қатысушылар сияқты барлық белгіленген талаптарды сақтауға міндетті болады.– Барлық өзгерістер мен жаңашылдықтар көлік құралдарын пайдалануды реттеуге бағытталған, – деді Өңірлік коммуникациялар қызметінде өткен брифингте әкімшілік полиция басқармасы бастығының орынбасары подполковник Елжас Жартыбаев.Олар жолдардағы қауіпсіздікті арттыруға ғана емес, мопедшілердің қатысуымен болатын жол-көлік оқиғаларының санын азайтуға да көмектесуі тиіс екенін атап өтті полиция өкілі.Полицейлер мопедтердің иелерін тіркеуге, қажетті құжаттарды алуға және оқудан өтуді алдын ала ойластыруға шақырады. Әйтпесе, 5 сәуірден бастап тиісті құжаттарсыз мопедті басқару ереже бұзушылық болып саналады және айыппұл салынады. Ақпарат көзі : https://www.gov.kz/memleket/entities/karaganda/press/news/details/926546

Латвия астанасы Ригада екінші дивизионның А тобындағы қыздар арасында хоккейден жасөспірімдер арасындағы әлем чемпионаты өтті. Қазақстанның әйелдер құрамасы бес матчта төрт жеңіске жетіп, күміс медальға ие болды. Команданың табысына қарағандылықтар өз үлесін қосты. Іріктеу нәтижесі бойынша құрамаға қарағандылық «Юность-Грация» командасының төрт өкілі кірді: қорғаушы және үш шабуылшы.Чемпионат 20–26 қаңтар аралығында өтті. Үйлеріне оралғаннан кейін қыздар «Қарағанды-Арена» мұз сарайындағы кездесуде өздерінің спорттық мансабы туралы айтып берді.Шабуылшы Анна Климованың бұл үшінші әлем чемпионаты. Бұған дейін ұлттық құрамада Болгария мен Нидерландыда өнер көрсеткен. Ол хоккейге 8 жасында келіп, 9 жылдан бері айналысып келеді.№ 3 гимназияның 10-сынып оқушысы хоккей спортын оқумен біріктіру қиын екенін мойындайды. Тұрақты сапарда болған кезде сыныптастарына ілесу үшін бағдарламаны өз бетінше меңгеруге тура келеді.– Хоккейді дамыту үшін көп нәрсе жүзеге асырылуда. Жаттығу үшін қолайлы жағдай жасалуда. Біз ілгерілеп келеміз. Меніңше, чемпион болу үшін бәрі де жеткілікті, – деп санайды Анна Климова. – Әлем чемпионатына қатысу - баға жетпес тәжірибе. Ригадағы ойындар өте қызықты болды. Келесі жылы да ұлттық құрамаға кіруге үміттенемін.Бойжеткеннің есебінде бір голы мен бір голға шайба шығару сәті бар.– Латвиядағы жарыстарға дайындық өте маңызды болды. Оқу-жаттығу жиындары Өскеменде, содан кейін Ригада өтті. Алғашқы матч Ұлыбритания құрамасымен өтті. Менің ойымша, толық жинақтала алмадық, сондықтан ұтылдық. Аздап күш салу керек болды. Бірақ Жаңа Зеландияны, Қытайдың Тайбейін, Нидерланды мен Латвияны жеңе алдық, – деді қорғаушы Калима Нығматулина.Бойжеткеннің айтуынша, ол хоккейді керемет және жылдам спорт болғандықтан таңдаған. Бесінші жыл қатарынан айналысып келеді. Ауыртпалыққа үйреніп алған: киім-кешектің салмағы шамамен 30 килограмм.Калима әйелдер хоккейінде ерлер хоккейінен гөрі қаталырақ күреседі деген пікірмен келіспейді.– Бізге күш қолдануға рұқсат етілмейді. Ұрысқа рұқсат берілген. Менің ойымша, бұл ерлер арасындағы күреске қарағанда өрескел көрінеді. Бірақ ол да қызықты, – дейді хоккейші.Қарағандылық Алина Жакулина мен Рената Лившиц те Әлем чемпионатының күміс жүлдегерлері атанды.– Қыздарымыздың барлық ойындарын бақыладық. Байқау өте қызықты болды. Бірінші орынға дейін аздап жетпей қалды. Жалпы, лайықты ойнадық, – деп бағалады «Юность-Грация» командасының аға жаттықтырушысы Василий Попов. – Сегізінші жыл қатарынан әйелдер командасын жаттықтырып келемін. Қыздармен жұмыс істеу әлдеқайда оңай, олар өте мұқият ойнайды, жаупты. Бірақ бірінші күннен бастап тәртіп пен қатаңдықты жіті бақылауға тура келеді. Міндет – тек алға шығу.«Юность-Грация» Қазақстан чемпионатында жеңіске жетуге бағытталған. Қарағандыда 10–16 ақпанда ұлттық біріншіліктің үшінші туры өтеді. Ойынға Астана, Алматы және Өскеменнен командалар келеді.Ақпарат көзі : https://www.gov.kz/memleket/entities/karaganda/press/news/details/926916

Қарағандыда бизнес иелеріне сандық менеджментті игеруге көмектеседі. Тегін курс «Террикон алқабы» IT-хабында ұйымдастырылады. Баяндамашы ретінде Microsoft Kazakhstan, «ҚазТрансКом» АҚ және Anytime.kz-те жұмыс істеген тәжірибелі басқарушы Георгий Битадзе дәріс оқиды.Сабақтар 10 ақпанда басталып, 28 ақпанға дейін жалғасады. Курстың бірінші аптасы – офлайн, қалғандары – онлайн.Қатысушыларды тіркеу сайтта басталды terricon.kz."Курс аяқталғаннан кейін бизнеске қашан және қандай ІТ-жүйелерді енгізуді түсінесіздер; ІТ қауіпсіздігі ұғымын және оны бақылаудың негізгі дағдыларын үйренесіздер; ұйымыңыздың ІТ-жобаларындағы ақшаны есептеуді меңгересіздер; бұлтты сервистердің қалай жұмыс істейтінін және оларды қолданудың шегі қайда екенін түсінесіздер", – деп уәде береді ұйымдастырушылар.«Террикон алқабы» ІТ-хабының мекенжайы: Алалыкин көшесі, 12.Іс-шара Қарағанды облысының ақпараттандыру, мемлекеттік қызмет көрсету және мұрағат басқармасының қолдауымен өткізіледі.Ақпарат көзі : https://www.gov.kz/memleket/entities/karaganda/press/news/details/927038

Ақпарат көзі : https://www.gov.kz/memleket/entities/bko/press/news/details/926880

ҚР Президенті тапсырмалары аясында Ақтөбе облысы экономиканы, инфрақұрылымды дамыту және әлеуметтік жобаларды іске асыру үшін инвестициялар тарту жөніндегі жұмысты жандандыруға кірісті.Жеке және шетелдік инвестицияларды тартуға, бизнес үшін қолайлы жағдайлар жасауға және инновациялық жобаларды қолдауға басты назар аударылатын болады.Облыс әкімі Асхат Шахаров Президенттің биылғы 28 қаңтарда Үкіметтің кеңейтілген отырысында берген тапсырмаларын іске асыру мәселелері бойынша кеңес өткізді. Қала және аудан әкімдері, басқарма басшылары қатысқан жиында инвестиция көлемін ұлғайту жөніндегі жұмыстың басым бағыттары талқыланды. Олар инвестициялық белсенділіктің төмендеуі жедел шаралар қабылдауды және мемлекеттік органдар, даму институттары мен бизнес-қауымдастық арасындағы іс-қимылдарды үйлестіруді талап ететінін атап өтті.«Инвестиция тарту мәселесіне басты назар аударылады. Облыстың салық базасын ұлғайту арқылы ғана біз халықтың әлеуметтік мәселелерін шеше аламыз. Барлық жауапты құрылымдардың жұмысқа белсенді қатысуы маңызды. Түсініспеушіліктерді болдырмау үшін салық салу мәселелері және басқа да аспектілер бойынша нақты түсініктемелер берілетін болады. Сонымен қатар, егер біз экономиканы көтергіміз келсе, барлық бағыттарды, соның ішінде туризмді дамытуымыз қажет. Біздің алдымызда нақты міндеттер тұр, олардың әрқайсысы бойынша нақты іске асыру жоспары әзірленеді», - деді облыс әкімі.Айта кету керек, 2024 жылы Ақтөбе облысында инвестиция көлемі 901,1 млрд теңгені құрады. Инвестициялардың азаюы өндірістерді жаңғырту және жабдықтарды жаңарту жөніндегі бірқатар ірі жобалардың аяқталуымен, сондай-ақ мұнай мен газ өндіру көлемінің қысқаруымен байланысты.2025 жылы өңірде 500 млрд теңгеге жуық 10 инвестициялық жобаны іске асыру жоспарлануда, бұл шамамен 1,2 мың жұмыс орнын құруға мүмкіндік береді. Бұл бастамалар өнеркәсіпті, энергетиканы және инфрақұрылымды дамытуға бағытталған, бұл облыстағы экономикалық жағдайды жақсартуға ықпал етуі тиіс.Жиын барысында өңір басшысы облыстың инвестициялық әлеуетін күшейту үшін инвестициялық штабтың жұмысы қайта қаралатынына, «Kazakh Invest», «Ақтөбе» ӘКК және бейінді басқармалармен өзара іс-қимыл жандандырылатынына баса назар аударды. Салық базасын ұлғайтуға және жаңа жұмыс орындарын құруға ықпал ететін ірі жобаларды қолдауға ерекше басымдық беріледі.Сондай-ақ, жиналғандар өңірдің инвестициялық тартымдылығын арттыру тетіктерін, соның ішінде техникалық шарттарды беруді жеңілдету, Әлия Молдағұлова атындағы Халықаралық әуежай базасында логистикалық хабты дамыту және салық салу мен мемлекеттік қолдау мәселелері бойынша бизнес арасында түсіндіру жұмыстарын жүргізуді талқылады.Облыс әкімі инвестициялық көрсеткіштерге қол жеткізу үшін жауапкершілік барлық басшыларға жүктелетінін, ал жұмыс нақты нәтижелер бойынша бағаланатынын атап өтті. Ел Үкіметі өңірге қолдау көрсетеді, алайда қойылған міндеттерді табысты іске асыру барлық мүдделі тараптардың белсенді және үйлесімді өзара іс-қимылын талап етеді.«Әр басшының жұмысына нақты баға беріледі. Осыған байланысты Үкімет қазірдің өзінде қатаң шаралар қабылдауда. Ел Президенті жауапкершілікті алудан қорықпайтын шенеуніктерге сүйенетінін айтты. Басшы шешім қабылдап, оларды соңына дейін жеткізуі керек. Бір жерде тұралап қалуға болмайды, оған жол бермеуіміз қажет», - деп қорытындылады әкім.Ақпарат көзі : https://www.gov.kz/memleket/entities/aktobe/press/news/details/927251

2025 жылғы 24 қаңтарда Астана-Мәскеу рейсінде 85 жастағы жолаушылардың бірі кенеттен қысылып, шұғыл медициналық көмек көрсету қажет болды. Астана медицина университетінің түлегі және ҚР ПІБ ЖМА отоневролог дәрігері Қарлығаш Бакированың үйлесімді іс-қимылының арқасында егде адамның өмірін сақтап қалды.Немересімен бірге ұшу кезінде Виктор Карпин жағдайы күрт нашарлағанын сезді. Әуесеріктер жолаушының жағдайына назар аударып, байланыс арқылы медицина қызметкерін шақырды. Қарлығаш Бакирова дереу көмек көсетуге кірісті.Пациент гипертониямен ауырды, бірақ дәрігердің қарап-тексеру кезінде оның қысымы 50/30 мм сын.бағ. дейін төмендегені анықталды және импульс сезілмеді. Жағдай жедел іс-қимыл жасауды қажет етті. Қарлығаш Бакирова реанимациялық іс-шараларды, оның ішінде жүрек-өкпе реанимациясын (ЖӨР) жасап, пациенттің жағдайын уақытша тұрақтандыруға мүмкіндік берді. Дәрігер шұғыл қонуды талап етті және экипаж жақын маңдағы Уфа әуежайына қонуға шешім қабылдады. Ұшып келгеннен кейін Виктор Алексеевич дәрігерлердің қолына тапсырылды, кейінірек оның жағдайы тұрақталды. Қарлығаш Бакирова дәрігерлердің оң динамикасы мен біліктілігін растаған жолаушының немересімен байланысын үзген жоқ.Бұл Астана медицина университетінің түлегі ұшақ бортында шұғыл жағдайда өмірін сақтап қалған бір айдағы екінші жағдай екенін еске сала кеткен жөн. Бұған дейін осы университеттің интерні Дінмұхамед Бектұрғанов жүрек-өкпе реанимациясын жүргізіп, Қызылорда-Астана рейсінің жолаушысының өмірін сақтап қалған еді.Ақпарат көзі : https://www.gov.kz/memleket/entities/dsm/press/news/details/926918

Демалыс күндері Астана қаласында «Барыс Арена» спорт кешенінде төрт пациенттің өмірін сақтап қалған донор Максим Войнюшті еске алуға арналған хоккей матчы өтті.15 шілдеде Максим Войнюша ауыр апаттан кейін Түркістан облыстық клиникалық ауруханасының қабылдау бөлімшесіне шұғыл жеткізілді. 18 жастағы жас жігіт көлікпен соқтығысқан мопедті басқарды. Дәрігерлердің күш-жігеріне қарамастан, оның жағдайы өте ауыр болып қалды. Бірнеше күннен кейін, 23 шілдеде Максимнің миының қайтымсыз өлімі расталды.Мидың өлімі туралы мәлімдемеден кейінгі күні Максимнің туыстарымен әңгіме өткізіліп, олар донорлық туралы шешім қабылдады.Бұл оқиға Максим мен оның отбасына алғыс білдіру және мойындау ғана емес, сонымен қатар Қазақстанда қайтыс болғаннан кейінгі ағзалардың донорлығын насихаттаудағы маңызды қадам болып табылады.Қазақстан бүгінде ағзаларды трансплантаттау бойынша жоғары технологиялық операцияларды жүргізу үшін барлық заманауи инфрақұрылымға ие. Қазіргі уақытта елімізде 7 трансплантаттау орталығы жұмыс істейді, 40 донорлық стационар, 4 иммунологиялық типтеу зертханасы ұйымдастырылған. Донорлық процесті үйлестіруді, анықтауды және ұйымдастыруды қамтамасыз ететін республикалық, өңірлік және стационарлық үйлестірушілер желісі құрылды.Алайда, қызметтің қол жеткізілген әлеуетіне қарамастан, бүгінде донорлық ағзаларды трансплантаттауды күту парағында 4117 адам, оның ішінде 96 бала бар.Соңғы 5 жылдың ішінде Қазақстанда ағзаларды трансплантаттау бойынша 1005 операция жүргізілді, онда трансплантаттаулардың 92,1%-ы туыстық донорлардан, 7,9%-ы қайтыс болғаннан кейінгі донорлардан ағзаларды трансплантаттауға тиесілі.Ақпарат көзі : https://www.gov.kz/memleket/entities/dsm/press/news/details/926926

6 сағатқа созылатын күрделі жүректі трансплантациялау операциясын кардиохирург Юрий Пяның бақылауымен Кардиология және ішкі аурулар ғылыми-зерттеу институтының дәрігерлері университет медицина орталығымен бірлесіп жасады.Ағза доноры болған. 45 жастағы Алматы облысының тұрғыны, дәрігерлер оның миы өлгенін хабарлады. Туыстарының келісімінің арқасында Қазақстанның 4 азаматының өмірі, оның ішінде «кеңейтілген кардиомиопатия (уытты)» ауыр жүрек ауруымен ауыратын 43 жастағы ер адамның өмірі құтқарылды. Науқастың жағдайының нашарлауына ықпал еткен факторлардың бірі энергетикалық сусындарды 5 жыл бойы шамадан тыс тұтыну болды, бұл дәрілік терапияға жауап бермейтін терминалдық жүрек жеткіліксіздігіне әкелді.Науқасты ентігу сезімі мазалады. және шамалы физикалық белсенділікпен, тез шаршаумен және жалпы әлсіздікпен ентігу. Мен денсаулығымның нашарлағанын 2023 жылдың желтоқсан айында байқай бастадым. Тұқым қуалаушылық аналық желіге – жүректің ишемиялық ауруы және жедел миокард инфарктісіне жүктеледі.«Біздің елімізде кардиохирургиялық және кардиологиялық реанимацияның даму деңгейі жүректі трансплантациялау бойынша операциялардың оң нәтижесіне қол жеткізуге мүмкіндік береді. Біз Юрий Владимирович басқаратын UMC командасына көмектері мен қолдаулары үшін алғыс айтамыз. «Ағзаларды трансплантациялау операциялары жоғары білікті медицина қызметкерлерін қажет етеді», - дейді Кардиология және ішкі аурулар ғылыми-зерттеу институтының басқарма төрағасы Марат Пашимов.Марат Орумбасарұлы донордың туыстарына алғысын білдірді. «Қайырымдылыққа ерікті келісім, адамдардың адам өмірін сақтап қалуға дайындығы – адамгершілік пен мейірімділіктің үлгісі. Ағзаларын алуға келісімін берген донордың туыстарының донорлық жасауы құрметке бөлейді. «Ағзалардың донорлығы – қоғам денсаулығына қосылған қомақты үлес», - деп атап өтті емхана меңгерушісі.Институттың кардиохирургия бөлімінің меңгерушісі Рүстем Төлеутаев: «Жүрек трансплантациясы – ең күрделі операциялардың бірі, бірақ тәжірибе, Біздің емханада алған дағдыларымыз бен техникалық жабдықтарымыз оларды жоғары деңгейде орындауға мүмкіндік береді».Айта кетейік, екі бүйрек, өкпе және қасаң қабық алынып тасталды. атындағы Ұлттық ғылыми орталықта Жетісу өңірінен келген 17 жастағы науқастың бүйрегі ауыстырылды. А.Сызғанов пен 18 жастағы астаналық науқас Университеттің медициналық орталығында Қостанай облысынан келген 43 жастағы науқасқа өкпесі ауыстырылды, сондай-ақ УМК-да екі реципиентке қабықтың кератопластикасы жасалды. Қазақстанда 2025 жылдың 10 қаңтарындағы мәлімет бойынша жүрек трансплантациясын күтуде 140 ересек және 5 бала бар.Ақпарат көзі : https://www.gov.kz/memleket/entities/dsm/press/news/details/927104

Бүгін Ақтөбе қаласының №56 жалпы білім беретін орта мектебінде қайта өңделген экологиялық таза материалдардан бұйымдар жасау бойынша шара өтті.«Тұрмыстық қалдықтарға екінші өмір сыйла» шарасының негізгі мақсаты – оқушылар арасында тұрмыстық қалдықтарды қайта өңдеудің және қайта өңделген материалдардан экологиялық таза бұйымдар жасаудың маңыздылығы туралы хабардарлығын арттыру.Сонымен қатар, байқау «Таза Қазақстан» жалпыұлттық бағдарламасында белгіленген әлеуметтік міндеттерді шешуге өскелең ұрпақты белсенді тартуға бағытталған.Байқауға Ақтөбе қаласының 52 мектебінен 8-11 сынып оқушылары қатысты. 90 оқушы ұсынған 24 топтық және 28 жеке жұмыс ұсынылды. Оқушылардың жобаларына мұғалімдер, психологтар және экобелсенділерден құралған қазылар алқасы бағасын берді. «Тұрмыстық қалдықтарды қайта өңдеу - бұл жай ғана сән үрдісі емес, болашағымызбен тығыз байланысты саналы қажеттілік. Экологиялық сананы қалыптастыру - бұл бір реттік акция емес, тұрақты жұмыс. Біздің педагог ретінде міндетіміз – балаларды экологиялық ойлауға шабыттандыру, олардың әр қадамы маңызды екенін көрсету. Тек бірлескен күш-жігермен ғана біз Отанымыз – Қазақстанды бағалайтын әрі қорғауға дайын ұрпақ тәрбиелей аламыз», - деп атап өтті №40 орта мектебі биология пәнінің мұғалімі Фарида Сүйін.Сондай-ақ, байқауға қатысушылардың бірі №1 орта мектептің 8 «В» сынып оқушысы Кристина Созинова өз әсерлерімен бөлісті.«Біздің команда тұрмыстық қалдықтарды қайта өңдеу тақырыбын таңдады, өйткені бұл – табиғат үшін өте маңызды мәселе. Біз қоқыстың қоршаған ортаны қалай ластайтынын жиі көреміз және оны азайту үшін не істей алатынымыз туралы ойладық. Мен бұл байқауға қатысуға қатты қызығушылық таныттым, өйткені экологияға қамқорлық жасаудың қаншалықты маңызды екенін білдім. Менің ойымша, әрқайсысымыз кішкентай бір нәрседен бастасақ, табиғатқа көмектесе аламыз деп ойлаймын», - дейді ол.Байқау қорытындысы бойынша қазылар алқасы ең үздік және ең креативті жобаларды атап өтті. Жеңімпаздарға бағалы сыйлықтар табысталды.Іс-шара соңында қатысушылар мен олардың мұғалімдері мұндай жобалар экологиялық жағдайды жақсартуға ғана емес, жауапкершілік пен ынтымақ сезімін нығайтуға ықпал ететінін алға тартты. Бүгінгі шара басқаларды экологиялық бастамаларға белсенді қатысуға шабыттандыратынына және мұндай іс-шаралар жақсы дәстүрге айналатынына сенім білдірді.Ақпарат көзі : https://www.gov.kz/memleket/entities/aktobe/press/news/details/926752

Астанада ҚР Ауыл шаруашылығы министрлігі, «Аlarko Holding» компаниясы өкілдері, Шымкент қаласының әкімдігі арасында «Alsera KZ» ЖШС-мен инвестиция тарту туралы келісімге қол қойылды. Бұл «Қазақстанда жылыжай кешенін салу және пайдалану» жобасы аясында жүзеге асып отыр.Келіссөздерге сондай-ақ Түркия Республикасының Қазақстандағы Елшісі Мұстафа Капуджу, ҚР СІМ Инвестициялар комитетінің және «Қазақ Инвест» ҰК өкілдері қатысты.«Мемлекет басшысы ауыл шаруашылығы саласына инвестиция тартудың маңыздылығын бірнеше рет атап өтті. Түркия Қазақстанның агроөнеркәсіптік кешендегі негізгі серіктестерінің бірі болып табылады. Бүгінге дейін өнімді қайта өңдеу және озық технологияларды енгізу бойынша бірқатар ірі бірлескен жобалар іске асырылды. Түрік компаниялары астық өңдеуге, ет-сүт өнеркәсібіне, жылыжай шаруашылығын дамытуға және суару жүйесіне белсенді инвестиция салуда.«Alsera KZ» компаниясымен инвестициялық келісімге қол қойдық. Келісімде көзделген ұзақмерзімді міндеттемелер жобаның 25 жылға тұрақтылығын қамтамасыз етеді», – деп атап өтті ауыл шаруашылығы министрі Айдарбек Сапаров.Түрік инвесторымен, «Alarko Holding» бас компаниясымен бірлескен жұмысты ҚР АШМ 2023 жылғы тамызда өзара Ынтымақтастық туралы Меморандумға және Жол картасына қол қоюмен бастаған еді. Сондай-ақ, Шымкент қаласының әкімдігі мен компания арасында меморандумға қол қойылды.Келісімшарт Шымкентте жылыжай кешенін салу және пайдалану жөніндегі жобаны іске асыруда өзара іс-қимылды көздейді.Кешен жылына 155 мың тонна қызанақ өсіруге қауқарлы. Жобаны іске асыру екі кезеңнен тұрады және жоспар бойынша 2028 жылы пайдалануға беріледі. Нәтижесінде, 5000-ға дейін жұмыс орны құрылады.Жобаның жалпы құны 650 млн АҚШ долларын құрайды. Қаржы 100 пайыз шетелдік инвестор есебінен.Мемлекет тарапынан салықтық преференциялар мен қажетті инфрақұрылымды дамыту арқылы инвесторларға жан-жақты қолдау шаралары қарастырылады.Сондай-ақ, министр жобаның әлеуметтік бағытын атап өтті. Инвестор әлеуметтік инфрақұрылымды дамытуды, балалар алаңдарын, балабақшаларды салуды, аумақтарды көгалдандыруды бастауды жоспарлап отыр.«Бұл жоба тиімді ынтымақтастықтың жарқын үлгісі болады. Сонымен қатар АӨК-ке одан әрі инвестиция тарту үшін жаңа көкжиектер ашуға мүмкіндік береді. Ынтымақтастық – тәжірибе алмасу, технологиялар мен аграрлық саладағы тауар айналымын ұлғайтуға жол ашады. Бірлескен күш-жігер екі елдің азық-түлік қауіпсіздігі мен ауыл шаруашылығы өнімдерінің бәсекеге қабілеттілігін арттыруға ықпал ететініне сенім мол», – деп атап өтті министр.Ақпарат көзі : https://www.gov.kz/memleket/entities/shymkent/press/news/details/926408

Бүгін Шымкент қаласында Қазақстан Республикасы Парламенті Сенаты мен Өзбекстан Республикасы Олий Мәжілісінің Сенаты арасындағы ынтымақтастық жөніндегі парламентаралық комиссияның IV отырысы өтті. Комиссия отырысына Қазақстан Республикасы Парламенті Сенаты төрағасының орынбасары, Комиссияның тең төрағасы Жақып Қажманұлы Асанов, Өзбекстан Республикасы Олий Мәжілісі Сенаты төрағасының орынбасары, Комиссияның тең төрағасы Содик Солихұлы Сафоев, Қазақстан мен Өзбекстан Республикаларының депутаттары, министрліктің өкілдері қатысты.Комиссия жұмысын ашқан Жақып Қажманұлы Қазақстан мен Өзбекстан арасындағы достық пен тату көршілікке негізделген байланыс сындарлы және сенімді диалог құруға мүмкіндік бергенін атап өтті. Қазіргі таңда екі ел арасындағы сауда-экономикалық және мәдени-гуманитарлық ынтымақтастықтың нығайып келе жатқанын, оған комиссияның қосқан үлесін атап өтті. Сондай-ақ, комиссия отырысында 2023 жылы басталған «Орталық Азия» халықаралық өнеркәсіптік кооперация орталығының жұмысы, екі ел тарапынан салынып жатқан индустриялды аймақтарға инвесторлар тарту мәселесі де қаралды.Бұдан өзге, Қазақстан Республикасы Парламентінің Сенаты мен Өзбекстан Республикасы Олий Мәжілісінің Сенаты арасындағы ынтымақтастықты дамыту жөніндегі 2025-2026 жылдарға арналған Жол картасының жобасы, Қазақстан Республикасы Парламентінің Сенаты мен Өзбекстан Республикасы Олий Мәжілісінің Сенаты арасындағы ынтымақтастық жөніндегі комиссияның 5-ші отырысында қаралатын мәселелер жан-жақты қаралып, талқыланды. Ақпарат көзі : https://www.gov.kz/memleket/entities/shymkent/press/news/details/926409

Қазақстан Президенті Қасым-Жомарт Тоқаевтың төрағалығымен Үкіметтің кеңейтілген отырысы өтті. Отырыс барысында Премьер-министр Олжас Бектенов Мемлекет басшысына 2024 жылдың қорытындысы бойынша Үкімет жұмысының негізгі нәтижелері жөнінде баяндады.Премьер-министр Президентке Қазақстан экономикасының өсу қарқыны туралы мәлімдеді. Өткен жылы аталған көрсеткіш 4,8%-ды құрады. Ауыл шаруашылығында – 13,7%, құрылыста – 13,1%, саудада – 9,1%, көлікте – 8,5% жоғары серпінге қол жеткізілді. Өңдеу өнеркәсібінің көлемі 5,9%-ға артты. Бұл ретте аграрлық сектор мен өңдеуші салада соңғы 10 жыл ішіндегі ең қарқынды өсім тіркелді.Сонымен қатар мұнай өндіру көлемі 2,4 млн тоннаға төмендеп, Жалпы ішкі өнімнің өсу қарқынына кері әсерін тигізді. Бұл көбіне еліміздің ОПЕК+ шеңберіндегі міндеттемелеріне және ірі кен орындарындағы күрделі жөндеу жұмыстарына байланысты болды.Салалар бойынша экономиканың өсуінің статистикалық көрсеткіштерінің артында нақты нәтижелер жатыр. Мәселен, Қазақстанда 29 ірі зауыт салынды, олардың қатарында Қостанай облысында шойын құю; Алматы облысында вольфрам және жылу оқшаулағыш материалдар өндіретін, Шымкентте бағалы металдарды өңдеу; Қарағанды облысында катодты мыс, автокөлік шиналары мен тұрмыстық техника шығаратын және басқа да кәсіпорындар бар. Саран қаласында заманауи өндірістердің іске қосылуы оның моноқалалар санатынан шығуына мүмкіндік берді.Ауыл шаруашылығы тауарын өндірушілер 2024 жылы 26 млн тоннадан астам астық және 3 млн тоннадан астам майлы дақылдар жинады. 4 млн тонна астық экспортқа жөнелтілді. Егіншілер толық көлемде суармалы сумен қамтамасыз етілді. Бұл ретте Арал теңізіне 2 млрд 600 млн м3 су жіберілді, бұл өткен жылдардағы көрсеткіштерден едәуір жоғары. Жалпы ұзындығы 400 шақырымнан асатын 80 су арнасын жаңғырту жұмыстары аяқталды. Су үнемдеу технологияларымен қамтылған егіс алқабы 1,5 есе артып, 470 мың гектарды құрады.Құрылыс саласында да нақты нәтижелер бар. Атап айтқанда, алғаш рет елімізде 19 млн шаршы метр тұрғын үй салынды. 397 денсаулық сақтау нысаны, 298 білім беру нысаны бой көтерді. 11 мың орынға арналған 40 студенттік жатақхана пайдалануға берілді. 12 мың шақырым автомобиль жолдары және 2,8 мың шақырым теміржол жөнделді. Алматы, Қызылорда және Шымкент әуежайларында 3 жаңа терминал пайдалануға берілді. Жалпы, өткен жылы жүк тасымалдау көлемі 10%-ға өсіп, шамамен 1 млрд тоннаға жетті.Тұрғын үй-коммуналдық секторға ерекше көңіл бөлінді. Өткен жылы қосымша 300 мыңнан астам адам газбен қамтылып, 200 мыңнан астам адам орталық су жүйесіне қосылды. 542 шақырым жылу желілері мен 55 жылу көзі жаңғыртылып, 6,5 мың шақырым инженерлік желілер жөнделді. Жалпы қуаты 700 МВт-тан асатын қосымша электр қуатын өндіру көздері іске қосылды.Инвестициялық штабта жалпы құны $50 млрд болатын 115 жоба бойынша түткілді мәселелер тез арада шешімін тапты. Бюрократиялық мәселелерге қарамастан, еліміз үшін қажетті жобаларды дер кезінде бастауға мүмкіндік беретін шешімдер қабылдануда. Инвест штаб іскерлік ахуалды жақсарту үшін нақты кейстер негізінде заңнамалық өзгерістерді әзірлейді. Қазіргі уақытта 97 түзету бойынша жұмыс жүргізіліп жатыр.Жалпы, өңірлер бойынша өткен жылдың қорытындысына сәйкес, ең жоғары экономикалық өсім Солтүстік Қазақстан, Қарағанды, Түркістан, Қызылорда облыстары мен Астана және Шымкент қалаларында тіркелді. Негізгі көрсеткіштердің төмен динамикасы Ұлытау, Атырау, Батыс Қазақстан, Жамбыл облыстарында қалыптасты.«Үкімет Мемлекет басшысының сайлауалды тұғырнамасында, жолдауларында және басқа да бағдарламалық құжаттарда белгіленген стратегиялық міндеттерді іске асыруды жалғастыруда. Сапалы экономикалық өсімді қамтамасыз ету және азаматтарымыздың әл-ауқатын жақсарту, біздің басымдықтарымыз болып қала береді», — деп атап өтті Олжас Бектенов.primeminister.kz Ақпарат көзі : https://www.gov.kz/memleket/entities/karaganda/press/news/details/925927

Қарағанды – Астана автомагистралінде, басқа да республикалық жылдам жүретін жолдардағыдай, қолайсыз ауа райы жағдайларында рұқсат етілген жылдамдықты өзгертетін жол белгілері орнатылады. Жаңа ережеге сәйкес, көріну нашарлаған немесе көктайғақ болған жағдайда жүргізушілер жылдамдықты сағатына 60 шақырымға дейін төмендетуге міндетті.Бұл шара жол-көлік оқиғаларының қауіп-қатерін азайтуға және төтенше жағдайлардың алдын алуға бағытталған.– Қолайсыз ауа райы жағдайында республикалық маңыздағы жолдарда ерекше жылдамдық режимі енгізіледі, – деп атап өтті әкімшілік полиция басқармасы бастығының орынбасары подполковник Елжас Жартыбаев – Жылдамдықты шектеу бұзушылықтарын тіркеу үшін жылдамдық режимі мен орташа жылдамдықты бақылау камераларымен біріктірілетін болады.Әдеттегі жағдайда ауа райы жақсы болған кезде трассадағы ең жоғары жылдамдық бұрынғысынша қалады – 140 шм/сағ.Орташа жылдамдыққа келер болсақ, полиция департаменті оның жүріп өткен жолды уақыт аралығына бөлу арқылы есептелетінін түсіндірді. Жолдың тік сызықты учаскелерінде бұл көрсеткіштің артуы автоматты тіркеу жүйелерімен тіркелетін болады. Қазір олар тестілік режимде республиканың 13 автожолына орнатылған. Ереже бұзғаны үшін айыппұл 5-тен 40 АЕК-ке дейін шамасында болады.Әзірге өңірде мұндай бұзушылықтар тіркелмеген, себебі қажетті жабдықтар әлі орнатылмаған.Заңнамадағы өзгерістер туралы тағы не білу керектігі туралы Өңірлік коммуникациялар қызметінде өткен брифингте айтылды. Әуесқойлар үшін әкімшілік жауапкершіліктің саралануы өзгерді.– ӘҚБтК-нің 592-бабы 3-1 және 5-тармақтармен толықтырылды, – деп нақтылады Елжас Жартыбаев. – Егер бұрын жылдамдықты арттырудың ең жоғары шамасы 40 шм/сағ және одан жоғары болып, ол үшін бір ғана айыппұл болса, енді жылдамдықты 40–60 шм/сағ диапазонында арттырған жүргізуші 20 АЕК (78 640 теңге) төлейді. Ал сағатына 60 шақырымнан асқаны үшін заңда 40 АЕК (157 280 теңге) мөлшерінде айыппұл қарастырылған. Осы мөлшерден қайта асып кеткен жағдайда айыппұл 60 АЕК (235 920 теңге) дейін өседі.Бұл жаңалық қала сыртындағы жолдарда әрбір үшінші адам жылдамдықты арттыру салдарынан қаза болатын ЖКО талдауын ескере отырып енгізілді.Ақпарат көзі : https://www.gov.kz/memleket/entities/karaganda/press/news/details/926028

Абай ауданындағы Саран су қоймасында балықтардың қырылуына қарсы іс-шаралар өткізілді: шұңқырлар бұрғыланды, қамыс байлаулары қойылды және су қоймасына оттегінің өтуіне арналған сорғыларды пайдалана отырып, су аэрациясы жүргізілді. Жұмысқа 20-дан астам адам қатысты, сондай-ақ бес бірлік техника тартылды.Қыста мұз бен қардың қалың қабатынан суға оттегі мен жарық жеткіліксіз мөлшерде түседі, сондықтан балықтың қырылу қаупі жоғары. Оның алдын алу үшін Нұра-Сарысу облысаралық бассейндік балық шаруашылығы инспекциясының мамандары Қарағанды облысының табиғи ресурстар және табиғат пайдалануды реттеу басқармасымен бірлесе отырып, балықты құтқару жұмыстарын тұрақты түрде жүргізуде.Балықтың қырылуына қарсы іс-шаралар наурыздың соңына дейін өңірдің басқа да су қоймаларында жалғасады.Қарағанды облысында барлығы 179 жергілікті және екі республикалық су қоймасы бар. Оның ішінде 104 су қоймасы табиғат пайдаланушыларға бекітілген, олар өз бетінше профилактикалық жұмыстар жүргізеді. Қалған 75 су қоймасы резервтік қорға кіреді, оларға басқарма мамандары мен балық шаруашылығы инспекторлары қамқорлық жасайды.Нұра-Сарысу облысаралық бассейндік балық шаруашылығы инспекциясының ақпараты бойынша Ақпарат көзі : https://www.gov.kz/memleket/entities/karaganda/press/news/details/926104

Президент Қасым-Жомарт Тоқаевтың төрағалығымен Үкіметтің кеңейтілген отырысы өтті. Жиынға Премьер-Министр Олжас Бектенов, Үкімет мүшелері, Ұлттық банк төрағасы, облыстар мен Астана, Алматы және Шымкент қалаларының әкімдері, орталық мемлекеттік органдар мен ұлттық компаниялардың жетекшілері қатысты.Мемлекет басшысы жиын барысында Үкімет жұмысының басты бағыттарын айқындады. Атап айтқанда, Қасым-Жомарт Тоқаев экономиканы әртараптандыру, инфрақұрылымды дамыту ісін жаңа деңгейге көтеру, цифрлық технологияны жан-жақты енгізу, энергетиканы дамыту және ядролық кластер құру, агроөнеркәсіп кешенінің әлеуетін арттыру, салық-бюджет саясатын реформалау, маңызды жобаларды қаржы көздерімен қамтамасыз ету, сондай-ақ әлеуметтік қолдау ісін реттеп, денсаулық сақтау, білім беру және ғылым саласын одан әрі дамыту жөніндегі нақты міндеттер мен жоспарларға тоқталды.Президенттің пікірінше, алға қойған міндеттерді жүзеге асыру үшін тұтас мемлекеттік аппарат тиімді жұмыс істеуі керек.– Жаңа дәуірдің сын-қатерлері аз емес. Оны еңсеру үшін бізге тиісті стратегия керек. Мен реформалардың нақты бағыты мен оны жүзеге асыру жолдары туралы осыған дейін де айттым. Үкімет ел экономикасын тұралап қалудан сақтап, орнықты дамуды қамтамасыз ету үшін күрделі шешімдер қабылдауы керек және ең бастысы сол шешімдерді іске асыруға тиіс. Бұл – жоғары білікті әрі жауапкершілік алуға дайын мемлекеттік қызметшілердің қолынан келетін жұмыс. Әлемдік тәжірибеге қарасақ, мемлекеттік аппараттың тиімділігі осындай күрделі кезеңдерде айқын көрінеді. Үкімет қаншалықты қиын болса да, жаппай үнемдеуге көшіп, бюджет қаржысын тек қана аса өзекті мәселелерді шешуге жұмсауы керек. Көрпеге қарай көсілетін уақыт келді. Орынсыз шығынды тоқтатып, аяғымызды тартып басу қажет, – деді Қасым-Жомарт Тоқаев.Жиында Премьер-Министр Олжас Бектенов еліміздің өткен кезеңдегі әлеуметтік-экономикалық дамуы мен Үкіметтің биылға арналған жоспарлары туралы баяндады. Премьер-Министрдің орынбасары – Ұлттық экономика министрі Серік Жұманғарин еліміздің фискалдық жүйесін, яғни салық және бюджет саласын реформалауға қатысты ұстанымдарды таныстырды. Ақша-несие саясатына қатысты мәселелер бойынша Ұлттық банк төрағасы Тимур Сүлейменов сөз сөйледі. «Самұрық-Қазына» қорының басқарма төрағасы Нұрлан Жақыпов қордың қызметі туралы есеп берді.Бұдан бөлек, Астана қаласының әкімі Жеңіс Қасымбек, Шымкент қаласының әкімі Ғабит Сыздықбеков және Қызылорда облысының әкімі Нұрлыбек Нәлібаев баяндама жасады.akorda.kzАқпарат көзі : https://www.gov.kz/memleket/entities/karaganda/press/news/details/926210