Соңғы бес жылда ауданның медициналық мекемесі жаңа жабдықтармен толықтырылды, бұл медициналық қызметтердің сапасына айтарлықтай әсер етті.Өңір басшысы Мұғалжар ауданына жұмыс сапары барысында аудандық ауруханаға барып, оның жұмысымен, алдағы жобаларымен және көрсетілетін қызметтердің сапасымен танысты.Аурухананың бас дәрігері Сәбит Кеулімжаев медициналық мекеменің 1989 жылдан бері жұмыс істеп келе жатқанын айтты. Штатта 74 медицина қызметкері бар. Күніне 600-ге жуық адамға қызмет көрсетіледі. Аурухана 100 керуетке шақталған, сонымен қатар 30 орындық күндізгі стационар жұмыс істейді.Соңғы бес жылда ауруханаға он арнайы көлік, оның ішінде төрт реанимобиль сатып алынды. Биылғы жылдың басында ауруларды диагностикалаудың дәлдігін едәуір арттыратын заманауи цифрлық маммограф алынды.Пациенттер мен мейірбике қызметкерлерінің жағдайын жақсартуға көп көңіл бөлінеді. Былтыр аурухана аумағын абаттандыру жұмыстары басталды. Жобаны іске асыруға жергілікті бюджеттен 129 млн.теңге бөлінген. Жұмыстар жазға дейін аяқталады.Сондай-ақ, ауруханаға қосымша құрылыс салу жобасы әзірленуде, онда тері арқылы коронарлық араласу орталығын ашу жоспарлануда. Бұл науқастарды облыс орталығына жібермей, жүрек-қан тамырлары ауруларын тиімді емдеуге мүмкіндік береді.Асхат Шахаров жаңа жабдықтарды көріп, психологиялық көмек кабинетіне барып, дәрігерлердің қабылдауына келген аудан тұрғындарымен әңгімелесті. Ауыл тұрғындары елдімекенде денсаулық сақтауды дамыту және медициналық қызмет көрсету жағдайларын жақсартуға көңіл бөлініп жатқанына алғыстарын білдірді.«Ауылдық денсаулық сақтауды жаңғырту» ұлттық жобасы аясында ауылдарда жаңа амбулаториялар салынуда, заманауи жабдықтар сатып алынуда және дәрігерлер мен пациенттер үшін жағдайлар жақсаруда. Қазір облыста ауылдық амбулаториялар салуға бағытталған бес жоба жүзеге асырылуда. Нысандар іске қосылса, халыққа медициналық қызмет көрсету қолжетімді болады. Бұл ауыл тұрғындары тұрғылықты жерінде ем ала алады деген сөз. Сонымен қатар, біз аудандық ауруханаларды заманауи цифрлық жабдықтармен жарақтандырамыз, осылайша халық үшін медициналық қызметтердің жоғары сапасын қамтамасыз етеміз. Инфаркт пен инсультке шалдыққан науқастарға көмек көрсету орталығын ашу жоспарлануда. Осы шаралардың барлығы сапалы медициналық қызмет алу жағдайларын жақсартуға және облыс тұрғындары үшін диагностиканың қолжетімділігін арттыруға бағытталған», - деді облыс әкімі.Өңір басшысы ауруханаға жапсарлас құрылыс жобасын дайындауды жеделдетуді тапсырды және мердігерлерді аурухана аумағын абаттандыру жұмыстарын сапалы және мерзімінде аяқтауға шақырды.Ақпарат көзі : https://www.gov.kz/memleket/entities/aktobe/press/news/details/924245

Мұғалжар ауданына жұмыс сапары барысында облыс әкімі Асхат Шахаров екі мектеп пен балабақшаны аралап, балалардың оқу жағдайларымен танысты.Қандыағаштағы «Жайлы мектепті» тапсыру мерзімі жосықсыз мердігерлердің кесірінен бірнеше рет ұзартылған. Ауданға жұмыс сапарында Асхат Шахаров мердігерлермен жеке сөйлесіп, мекеменің құрылысын қадағалауына алды.Білім ошағы «Жайлы мектеп» ұлттық жобасы аясында «Samruk-Kazyna Construction» қаражатына салынуда. Ол 600 орынға есептелген. «Antarium Group» ЖШС мердігерлік ұйымы нысанды осы жылдың қыркүйек айына дейін тапсыруды жоспарлап отыр. Мектептің іске қосылуымен Қандыағашта оқушы орындарының тапшылығы мәселесі ішінара шешіледі. Бүгінде қалада бес мектеп бар және олардың әрқайсысында оқушы саны көп. Жаңа мектеп заманауи жабдықтармен және инновациялық білім беру технологияларына қолжетімділікпен жабдықталады.Мектеп құрылысының барысын бағамдап шыққан Асхат Шахаров мердігерге жұмысты мерзімінде аяқтауды тапсырды.Сондай-ақ, облыс әкімі Қандыағаштағы «Күншуақ» балабақшасына барды, онда күрделі жөндеу жүргізіліп, «Қазақойл-Ақтөбе» ЖШС қаражатына жабдықтары толығымен жаңартылған. Ыдыс-аяқ, кілемдер, керуеттер, музыкалық және спорттық жабдықтар, ас үй техникасы, интерактивті тақта мен ойын жабдықтары сатып алынған. Мектепке дейінгі мекеме 320 балаға арналған.Бұдан әрі Асхат Шахаров өткен аптада Еңбек ауылдық округінің Темір-көпір ауылында ашылған мектепке барды. Мектеп заманауи стандарттарға сай салынған және химия, биология, физика және еңбек сабақтарына арналған арнайы кабинеттер мен зертханалармен жабдықталған. Оның құрылысына 680 млн. теңге бағытталды.«Президент мемлекеттік бағдарламалар арқылы ауылдық және қалалық мектептердегі балаларға тең жағдай жасау міндетін қойды. Біздің облыста биыл 11,1 мың орындық 13 жайлы мектепті ұлттық жоба аясында пайдалануға беру жоспарлануда. Жалпы, 2025 жылы аймақта үш ауысымды және екі апатты мектептің мәселесін шешу үшін 25 жаңа мектеп салынады.Жаңа мектептерде әртүрлі пәндерге арналған мамандандырылған кабинеттер мен зертханаларды қоса алғанда, заманауи білім беру инфрақұрылымы енгізіледі, бұл оқушыларға заманауи талаптарға сәйкес сапалы білім мен дағдыларды алуға мүмкіндік береді. Сондай-ақ, мектептерде оқытушыларға тиімді жұмыс істеуге және оқушылардың әлеуетін дамытуға қолайлы жағдай жасауға көңіл бөлінетін болады», - деп атап өтті әкім.Темір көпір ауылындағы мектепті аралап шыққаннан кейін облыс әкімі жергілікті тұрғындармен кездесті.«Біздің жағдайымыз жақсы. Ауылға апаратын жол, жақын жерде аялдама бар. Пойыздар үнемі жүреді. Міне балаларға жаңа мектеп ашылды. Кейде әжелер немерелерінен демалғысы келеді, сондықтан бізге медициналық пункт пен балабақша қажет. Біздің немерелеріміз балабақшада білім алып, дами алады», - деп жергілікті тұрғын Разия Қожантаева әкімге жүгінді.Еңбек ауылдық округінің әкімі Аманбай Қаюпов облыс әкіміне жергілікті тұрғындардың Сағашилідегі амбулаторияға баратынын жеткізді. Көрші ауыл Темір көпірден үш шақырым жерде орналасқан. Ал мектеп жасына дейінгі 27 бүлдіршін балабақшаның жоқтығына байланысты үйлерінде.«Биыл өңірде балабақшалар салуға 30 миллиард теңге бөлінді. Жағабұлақ ауылында бір балабақша мен Көтібар ауылында 60 орындық мектеп салуды жоспарлап отырмыз. Жобалар әзірленуде. Барлық балалар балабақшаларда орындармен қамтамасыз етілуі тиіс және біз оларды ерте жастан толыққанды тәрбиелеу мен дамыту үшін қажетті жағдайлар жасауға бар күшімізді саламыз», - деді өңір басшысы.Асхат Шахаров ескі мектеп ғимаратында балабақшаны орналастыру мәселесін қарастыруды және «Ауылдық денсаулық сақтауды жаңғырту» ұлттық жобасы аясында Темір көпірде медициналық пункт салу мәселесін енгізуді тапсырды.Ақпарат көзі : https://www.gov.kz/memleket/entities/aktobe/press/news/details/924373

Мұғалжар ауданына жұмыс сапары барысында облыс әкімі Қандыағаштағы №8 өрт сөндіру бөліміне барды.Мұғалжар ауданының ТЖ бөлімінің бастығы Мақсат Рятов әкімге өрт сөндіру бөлімінің ғимараты 1982 жылы салынғанын айтты. Соңғы рет 2013 жылы күрделі жөндеу жұмыстары жүргізілген. Бүгінде ғимаратта аудандық ТЖ бөлімі мен өрт сөндіру бөлімі орналасқан. Жеке құрамның саны 30 адамды құрайды, оның ішінде 6 офицер, 24 сержант. Өрт сөндіру бөлімінің балансында 9 техника, оның ішінде 3 өрт сөндіру көлігі, 1 автосатыбар.Облыс әкімі техникалар мен жабдықтардықарап, құтқарушылар жұмысының маңыздылығын атап өтіп, жеке құраммен әңгімелесті.«Құтқарушылардың жұмысы өте маңызды, өйткені сіздер күн сайын адамдардың қауіпсіздігі үшін өз өмірлеріңізді қатерге тігесіздер. Құтқарушы мамандығы - бұл текеңбек қана емес, бұл батылдықты, жанқиярлықты және жоғары жауапкершілікті талап ететін нағыз ерлік», - деп атап өтті әкім. Ақпарат көзі : https://www.gov.kz/memleket/entities/aktobe/press/news/details/924533

Әлеуметтік маңызы бар азық-түлік тауарларының бағасын тұрақтандыру мақсатында ҚР Сауда және интеграция министрлігі кешенді жұмыстар атқаруда. Жыл басынан сауда үстемесін 15%-дан асырмау бойынша 20 аймақтық комиссия өтіп, олардың барысында әлеуметтік маңызы бар өнім саналатын картопқа қатысты 49 заң бұзушылық анықталды. Анықталған барлық фактілер бойынша тиісті әкімшілік шаралар қабылданатын болады.Сауда министрлігінің, Ауыл шаруашылығының ірі сауда желілерімен, атап айтқанда, Small және Magnum желілерімен өткізілген кездесулердің нәтижесінде, бүгінгі күні Астанадағы Small желісінде картоптың орташа бағасы 280 теңгеге, ал Magnum желісінде 185 теңгеге дейін төмендеді. Сауда комитетінің мониторингі бойынша, бүгінгі күні Қазақстан бойынша картоптың орташа бағасы 322 теңге. Әлеуметтік дүкендер мен ӘКК серіктестерінде – елдің барлық аймақтарында картоптың көлемі жеткілікті және нарықтағы бағадан төмен сатылуда.Аймақтардың тұрақтандыру қорларында жинақталған картопты сату жалғасуда. 2024 жылғы желтоқсаннан 2025 жылғы 19 қаңтарға дейін жалпы көлемі 85,4 мың тоннаны құрайтын картоптың 23,6 мың тоннасы сатылды. Соңғы 3 күнде шамамен 3 мың тонна картоп сатылды, оның ішінде Алматы қаласында – 300 тонна, Шымкентте – 600 тонна, Түркістан облысында – 300 тонна және т.б. Бүгінгі күні тұрақтандыру қорларында 62 мың тонна картоп бар.Аталған шаралар ішкі нарықтағы бағаның төмендеуіне ықпал етті.Ақпарат көзі : https://www.gov.kz/memleket/entities/mti/press/news/details/922126

Астанада Қоғамдық кеңестің төрағасы Руслан Шаекин мен ҚР Сауда және интеграция министрі Арман Шаққалиевтің төрағалығымен 2025 жылы Сауда және интеграция мәселелері жөніндегі қоғамдық кеңестің бірінші отырысы өтті.Іс-шараға Қаржы нарығын реттеу және дамыту агенттігін, Ұлттық банкті, сондай-ақ Ішкі істер, Ғылым және жоғары білім, Ауыл шаруашылығы, Мәдениет және ақпарат, Денсаулық сақтау министрліктерін қоса алғанда, негізгі мемлекеттік құрылымдардың өкілдері қатысты.Отырыста сауда мен интеграцияны дамытуға қатысты өзекті мәселелер көтерілді. Осы салалардағы сын-қатерлер мен перспективалар талқыланды. Негізгі міндеттерді шешуге және әртүрлі мемлекеттік органдар мен жұртшылық арасындағы өзара байланысты нығайтуға бағытталған Қоғамдық кеңестің 2025 жылға арналған жұмыс жоспарын талқылауға ерекше назар аударылды.Қоғамдық кеңестің келесі отырысы ағымдағы жылдың ақпан айының соңында өтеді.Ақпарат көзі : https://www.gov.kz/memleket/entities/mti/press/news/details/922594

22 қаңтарда онлайн форматта өткен ЕЭК Кеңесінің отырысында, Қазақстан тарапынан Қазақстан Республикасының Премьер-Министрінің орынбасары – Ұлттық экономика министрі Серік Жұманғарин төрағалық етті. Отырыс барысында қазақстандық Kazrost Engineering Ltd. ЖК-ның ауыл шаруашылығы техникасын өндіру бойынша жобасын қаржыландыруға арналған Өнеркәсіпті дамыту қорының өтінімі мақұлданды.Бірлескен кооперациялық жоба аясында компания Ресейдің «Ростсельмаш» комбайн зауытымен және Беларусьтің «КУВО» кәсіпорынымен бірлесіп, Қазақстанда комбайн кабиналарын өндіруді локализациялау және жабдықтарды сатып алуды жоспарлап отыр.Осы жобаның арқасында комбайн өндірудегі зауыттың жобалық қуаттылығы жылына 700 данадан 1000 данаға дейін артпақ.Осы мақсатта ЕЭК Кеңесінің мүшелері алғаш рет Ұлттық банктің негізгі мөлшерлемесінің100%-ы көлемінде несие бойынша пайыздық мөлшерлемені субсидиялауға теңдессіз жағдайлар ұсынды. Қаржылық қолдау сомасы шамамен 192 миллион теңгені құрайды және ЕАЭО бюджетінен бөлінеді.Тағы бір қазақстандық компания – «Астана Қала Құрылысы» ЖШС, ресейлік кәсіпорын жүзеге асыратын жобаға қатысады. Бұл жоба да ЕЭК Кеңесінің отырысында жеңілдетілген қаржыландыру алуға мақұлданды. Бұл Мәскеу - Санкт-Петербург жоғары жылдамдықты теміржол магистралін салуға арналған өнімді шығару үшін өндірістік қуаттарды құру жөніндегі Муром бағыттамалық зауытының жобасы. Қазақстандық компания инжинирингтік және құрылыс қызметтерін ұсынбақ.Жалпы, бірлескен кооперациялық жобаларды қаржылық қолдаудың жаңа механизмі Қазақстан Республикасының Президенті Қасым-Жомарт Кемелұлы Тоқаевтың 2023 жылдың мамыр айында өткен Жоғары Еуразиялық экономикалық кеңес отырысында айтылған, Қазақстанның Еуразиялық өнеркәсіптік кооперацияның орталығы болуға дайындығы туралы бастамасының қисынды жалғасы болып табылады.Сонымен қатар, ЕЭК Кеңесінің отырысында кино және бейнефильмдерді шығару мен таратуға байланысты қызмет көрсету саласындағы әкімшілік ынтымақтастық туралы келісім жобасы мақұлданды. Құжатта Интернетте еркін қолжетімді ақпараттар тізбесін айқындайды, мысалы, НҚА, прокатқа рұқсат етілген фильмдердің және ЕАЭО елдерінің нарық қатысушылары арасында алмасуға арналған басқа да ақпараттар бар. Бұл құжат тараптар арасындағы кинематография саласындағы ынтымақтастықты дамытуға, қызмет көрсетушілердің тұтынушылардың құқықтары мен заңды мүдделерін, сондай-ақ адал нарық қатысушыларын қорғау механизмін енгізуге бағытталған. Жақын арада бұл құжат ЕАЭО елдеріне мемлекетішілік келісу рәсімдерінен өту үшін жіберіледі.ЕАЭО мүше мемлекеттердің интеллектуалды көлік жүйелерінің өзара әрекеттесуін жетілдіру тұжырымдамасы мақұлданды. Құжат интеграцияланған ақпараттық және телематика технологияларының даму деңгейін ескере отырып, қатысушы елдердің үйлестірілген көлік саясатын әзірлеу мақсатында қабылданды. Интеллектуалды көлік жүйелерінің өзара әрекеттесуі пайдаланушыларды техникалық қолдауды ұйымдастыруға, жол қауіпсіздігін арттыруға және көлік ағындарын оңтайландыруға мүмкіндік береді.Сондай-ақ, адам денсаулығына, жануарларға, мүлікке, қоршаған ортаға зиян келтірген немесе қауіпті өнімдердің айналымы туралы ақпаратты жинау, жинақтау және ұсыну тәртібі қабылданды. Құжат мұндай өнімдердің тұрмыста және еркін айналымда болу тәуекелін азайтуға мүмкіндік береді.Отырыс барысында сондай-ақ кедендік реттеу, техникалық реттеу, макроэкономика және бәсекелестік салаларындағы мәселелер талқыланды.Ақпарат көзі : https://www.gov.kz/memleket/entities/mti/press/news/details/923521

Қазақстан Республикасының Сауда және интеграция бірінші вице-министрі Айжан Бижанова ауыл шаруашылығы министрлігі, әкімдіктер, сауда желілері мен әлеуметтік-кәсіпкерлік корпорациялар өкілдерімен жиын өткізді. Жиында нарықты картоппен қамту және бағаны тұрақтандыру шаралары талқыланды.Айжан Бижанованың айтуынша, еліміздегі ірі сауда желілері, оның ішінде «Магнум», «Смолл», «Анвар» және «Дина», фермерлерден тікелей 1,5 мың тонна картоп сатып алу бойынша келісімшарт жасауға дайын екенін жеткізді. Сонымен қатар, сауда желілері өнімді шаруашылықтан өздері алып кетуге дайын.«Әкімдіктер өздерінің қажеттіліктерін, соның ішінде сауда желілеріне арналған көлемдерді көрсетуі қажет, бұл нарықтағы сұранысты жылдам қанағаттандыру үшін маңызды. Сондай-ақ, ауыл шаруашылығы өнімдерін өндірушілер мен сауда нүктелері арасында тығыз байланыс орнату өте маңызды», - деп атап өтті сауда және интеграция бірінші вице-министрі.Сондай-ақ ол азық-түлік тауарларының бағасын қалыптастыру тізбегіндегі делдалдық схемаларды зерттейтін өңірлік комиссиялардың жұмысын күшейту қажеттілігіне назар аударды. Сонымен бірге, бірінші вице-министр фермерлермен жұмыс жүргізуді, картоп пен басқа да өнімдердің көтерме бағасының негізсіз өсуіне жол бермеу мәселелерін қарастыруды тапсырды.Айта кету керек, биылғы жылы Сауда комитетінің өңірлік департаменттері 20 өңірлік комиссия өткізіп, оның нәтижесінде 49 заңбұзушылық анықталды. Олардың арасында картоптың әлеуметтік маңызы бар өнім ретінде сауда үстемесін 15%-дан арттыру фактілері тіркелді.Ақпарат көзі : https://www.gov.kz/memleket/entities/mti/press/news/details/923734

Жамбыл облысының әкімі Ербол Қарашөкеев жеке қабылдауға жазылған 15 азаматтың мәселесін тыңдады. Олардың қатарында Тараз қаласы мен Байзақ, Жамбыл, Т.Рысқұлов, Меркі, Жуалы, Талас ауданының тұрғындары бар.Қабылдауда болған азаматтар тұрғын үй-коммуналдық шаруашылық, жұмыспен қамту, денсаулық сақтау, білім, кәсіпкерлік, тұрғын үй, жол және жер саласына қатысты ұсыныстар мен өтініш-тілектерін айтты. Өзге де мәселелер бойынша шағымдарын білдірді.Ербол Қарашөкеев жауаптыларға өтініш иелерінің мәселелерін мұқият зерделеп, заң талаптарына сәйкес шешім қабылдау бойынша тапсырма берді.Ақпарат көзі : https://www.gov.kz/memleket/entities/zhambyl/press/news/details/924388

Сенат Төрағасы Мәулен Әшімбаев Солтүстік Қазақстан облысының еңбек ұжымдарымен, мәслихат депутаттарымен, Қазақстан халқы Ассамблеясының мүшелерімен, қоғамдық және діни бірлестіктердің өкілдерімен кездесті. Өңірге сапар барысында Мемлекет басшысының Жұмысшы мамандықтар жылы аясындағы және аймақтардың өсіп-өркендеуіне жол ашатын жаңа өндіріс орындарын дамыту жөніндегі тапсырмаларын іске асыруға қатысты мәселелер де талқыланды. Бұл ретте маңызды бағыттар бойынша Сенат пен мәслихаттардың бірлескен жұмысы ерекше мәнге ие екені айтылды.Палата Төрағасы «Қазақстан өңірлерінде еңбек ресурстарын дамыту: қазіргі жағдайы мен келешегі» тақырыбына арналған дөңгелек үстелге қатысты. Ол өз сөзінде Мемлекет басшысы Жолдауда белгілеп берген басымдықтардың бірі – аймақтардың өсіп-өркендеуіне жол ашатын жаңа өндіріс орындарын дамытудың маңызына назар аударды. Мәулен Әшімбаев атап өткендей, бұлмақсатқа қол жеткізу үшін білікті, кәсіби мамандар мен барлық деңгейде кешенді жұмыс жүргізу қажет.«Президентіміз Қасым-Жомарт Кемелұлы Тоқаев «Ana tili» газетіне берген сұхбатында экономиканың өсуін қамтамасыз ету – алдымызда тұрған басты міндет екенін атап өтті. Қазіргі таңда елімізде салалық мамандар – инженерлер, энергетиктер, су шаруашылығы мамандары, агрономдар, мал дәрігерлері және басқа да маңызды мамандықтардың өкілдері сұранысқа ие. Сондықтан Мемлекет басшысы 2025 жылды Жұмысшы мамандықтар жылы деп жариялады. Бұл ретте аталған мамандарды даярлап қана қоймай, елімізде ерекше еңбек мәдениетін қалыптастыру, еңбек адамдарына құрмет көрсетуге тәрбиелеу, еңбексүйгіштік пен кәсіпқойлық құндылықтарын дәріптеу асамаңызды. Еңбек адамдары – ел дамуыныңнегізі. Сол себепті, жұмысшы мамандықтардың беделі жоғары деңгейде болуы керек», – деді Сенат Спикері.Осы орайда облыстардың сапалы экономикалық дамуын олардың ерекшеліктері мен бүгінгі проблемаларын ескере отырып қамтамасыз етуді көздейтін нақты шараларға баса мән берілді. Мәулен Әшімбаевтың айтуынша, еңбек ресурстарының тапшылығы, әртүрлі өңірлер, қала мен ауыл және мамандықтар арасындағы еңбек диспропорциясы, теңгерімсіз урбанизация, демографиялық дағдарыс қазіргі таңдағы ең өзекті мәселелер болып саналады. Оларды шешу үшін барлық мүдделі тараптың күш-жігерін ортақ мақсатқа жұмылдыру қажет.«Өңірлер арасындағы еңбек ресурстарының теңгерімін қамтамасыз ету – маңызды міндет. Түркістан, Жамбыл облыстары сияқты еңбек ресурстары артық өңірлер мен жұмыс күші жетіспейтін аймақтар бар. Мысалы, Солтүстік Қазақстан облысы. Аталған мәселеге бұл өңірдегі халықтың табиғи кему үдерісі де өз салдарын тигізуде. Бүгінде Солтүстік Қазақстан облысында туу көрсеткіші төмен, ал, өлім-жітім жоғары деңгейде. Бұл экономикалық өсудің баяулауына және өндіріс әлеуетінің төмендеуіне әкелетін проблемалар туындатады. Демографиялық үрдістер мен экономикамыздың қажеттіліктерін ескере отырып, еңбек ресурстарының ішкі көші-қонын жүйелеу, кадрларды ротациялау, жастарды оқыту және жұмысқа орналастыру бағдарламаларын жандандырудың маңызы зор екенін аңғарамыз. Бұрынғы тәжірибені талдап, ол бағдарламалардың неге тиімсіз болғанын зерделеп, елімізде еңбек көші-қонының ауқымын арттыруға қажетті қадамдар мен тетіктерді пысықтаған жөн», – деп, Палата Төрағасы еңбек көші-қоны бағдарламаларын одан әрі дамыту керек екенін атап өтті.Мәслихат депутаттарымен және өңір жұртшылығымен кездесу кезінде Мәулен Әшімбаев Солтүстік Қазақстан облысының агроөнеркәсіптік әлеуетіне тоқталып, Сенат депутаттары оны іске асыруға заңнамалық деңгейде қолдау көрсетуге дайын екенін жеткізді. Осыған байланысты индустриялық және инфрақұрылымдық жобалар, сондай-ақ, бірлескен жұмыстың басқа да негізгі бағыттары сөз болды. Сонымен қатар кездесуде инфрақұрылымды жаңғырту, оның ішінде ауылдардағы электр желілерін жаңарту мәселесі аса маңызды екені айтылды.«Облыста инфрақұрылымды жаңғыртуға да баса мән беріліп отыр. Атап айтқанда, былтыр2-ші ЖЭО-да жаңа мұржаның құрылысы аяқталды. Ауылдық жерлерде электр желілерін жаңарту жұмыстары жүргізіліп жатыр. Сенаторлар 2025 жылға арналған республикалық бюджетті қарау барысындаСолтүстік Қазақстан облысының ұсыныстарын назарға алды. Соның нәтижесінде маңызды инфрақұрылымдық жобаларды іске асыруға қосымша қаражат бөлінді. Нақты айтар болсақ, олар – ауылдарды сумен, жылумен жабдықтауға және өңірлік даму салаларына қатысты жобалар. Алдағы уақытта Палата осы өңірден сайланған сенаторлармен бірге Солтүстік Қазақстан облысының жан-жақты дамуына қажетті көмек пен қолдау көрсетуді жалғастырабереді», – деп, Мәулен Әшімбаев мәслихат депутаттарын Парламенттің заңнамалық жұмысына белсенді қатысуға және өңірлердегі өзекті проблемаларды шешуге арналған тұжырымдамалық ұсыныстар әзірлеуге шақырды.Кездесуге Қазақстан халқы Ассамблеясының мүшелері мен өңірдегі дін өкілдері де қатысты. Парламент депутаттары олармен бірге рухани дипломатияны дамытуға қатысты маңыздымәселелерді талқылап, Әлемдік және дәстүрлі діндер көшбасшыларының VIII Съезі аясындағы мақсат-міндеттерді іске асыру жөнінде пікір алмасты.«Еліміздегі барлық этникалық топтың рухани, мәдени, гуманитарлық мүдделерін қамтамасыз ету үшін бірлескен жұмысымызды одан әрі жалғастыра береміз. Бұл істе ең маңызды міндеттердің бірі мемлекеттік тілді ілгерілету және қолдау екені анық. Қазақ тілі – Қазақстандағы барлық этникалық топты ортақ мұратқа жұмылдыратын басты тетіктердің бірі. Оған ешқандай күмән жоқ. Жалпы, қазіргі таңда бәріміз мемлекеттілік, Тәуелсіздік және Президентіміздің елдегі бірлік пен келісімді нығайтуға арналған саясаты сияқты ортақ құндылықтар төңірегінде бірігуіміз керек. Бұл ретте Солтүстік Қазақстан облысы өзге өңірлерге үлгі көрсетеді деп сенемін», – деді Сенат Төрағасы.Сонымен қатар сапар аясында сенаторлар 6 мыңнан астам студент оқитын Манаш Қозыбаев атындағы Солтүстік Қазақстан университетіне барып, оқу орнының білім беру ісімен, ғылыми-зерттеу қызметімен және одан әрі даму стратегиясымен танысты. Сондай-ақ депутаттарға мал, өсімдік шаруашылықтарына арналған зертханалары бар оқу-зертханалық корпустың қызметі таныстырылды. Онда тәжірибелер мен ғылыми зерттеулер жүргізіледі.Сенат Төрағасы Азаматтарды қабылдау орталығының қызметімен де танысты. Одан бөлек, «Зеленый Север» ЖШС жылыжай кешені мен «Nord Panels» ЖШС ағашты терең өңдеу зауытының еңбек ұжымдарымен жүздесті.Мәулен Әшімбаев «Qyzyljar Creative Center» креативті индустрия орталығында «Sensitive» инклюзивті би тобының ұжымымен және Бочча өңірлік бөлімшесінің параспортшыларымен де кездесті. Мемлекет басшысының тапсырмасын орындау мақсатымен іске асырылған бұл жоба жастардың өңірден кетуін азайту үшін тиісті жағдай жасай отырып, креативті экономикаға қажетті мамандар даярлауға, жас таланттардың қабілеттерін шыңдауға және оларға қолдау көрсетуге ықпал етіп келеді.Ақпарат көзі : https://www.gov.kz/memleket/entities/sko/press/news/details/924171

2025 жылғы 24 қаңтарда Қостанай облысының әкімі Құмар Ақсақалов Алтынсарин ауданына жұмыс сапарымен барды. Сапардың мақсаты – ауылдық жерлердің әлеуметтік-экономикалық дамуына ықпал ететін жобалардың жүзеге асырылуын бағалау. Сапар барысында әкім бірқатар нысандармен танысты: салынып жатқан сүт-тауар фермасы, жаңа Мәдениет үйі және жаңа тұрғын үйлер. Бұл жобалар Мемлекет басшысының тапсырмаларын тікелей орындауға бағытталған және өңір тұрғындары үшін үлкен пайда әкелуде. Басбек ауылындағы ферма: азық-түлік қауіпсіздігіне сенімді қадам Қостанай облысы Алтынсарин ауданы Басбек ауылында 660 бас ірі қара малға арналған сүт-тауар фермасының құрылысы басталды. Жобаның құны – 3,5 млрд теңге, оның 500 млн теңгесі кәсіпорынның өз қаражаты, ал 3 млрд теңге мемлекеттік қолдау шаралары аясында 2,5% мөлшерлемемен несие ретінде бөлінді. Қостанай облысының әкімі Құмар Ақсақалов бұл жобаның агроөнеркәсіп кешенінде өңделген өнімнің үлесін 2026 жылға қарай 70%-ға дейін арттыру жөніндегі Мемлекет басшысының тапсырмасын орындауға бағытталғанын атап өтті. Ферма жылына 4,5 мың тонна сүт өндіруге мүмкіндік береді. «Бұл жоба азық-түлік қауіпсіздігін қамтамасыз етуге, импортқа тәуелділікті төмендетуге және ауыл шаруашылығы экономикасын дамыту үшін жаңа мүмкіндіктер жасауға бағытталған. Біз Мемлекет басшысының агроөнеркәсіп кешенінің тұрақты өсуі мен ауылдық жерлердегі өмір сапасын жақсартуға бағытталған стратегиясын іске асырып жатырмыз», – деді өңір басшысы. Айта кету керек, бұл облыстағы Мемлекет басшысының тапсырмаларын іске асыруға бағытталған жалғыз жоба емес.Қостанай облысында жоғары сапалы сүт өндірісі үшін Федоров, Қарабалық, Мендіқара және Алтынсарин аудандарында тағы 6 заманауи өнеркәсіптік сүт-тауар фермаларының құрылысы жүргізілуде.Аталған фермалардың іске қосылуы сүт өндірісін 43 мың тоннаға арттырады, ал облыстағы сүт өңдеу кәсіпорындарының жүктемесі 80%-дан 95%-ға дейін өседі. Ферма директоры Талғат Тапаев та жобаның аудан үшін маңыздылығын атап өтті:   «Тек өсімдік шаруашылығына басымдық беру – бұл тәуекелдерге және әлеуетті банкротқа әкелетін жол. Нарықтық ауытқулар мен климаттық өзгерістер мұндай шаруашылықты тұрақсыз етеді. Диверсификация – бұл жай ғана таңдау емес, бұл өмір сүру мен өсудің қажеттілігі. Сүт шаруашылығын дамыту – өз шаруашылығыңызды нығайту, бір бағытқа тәуелділікті азайту және ұзақ мерзімді тұрақтылықты қамтамасыз етудің нақты жолы.Мұны түсініп, әрине, мемлекеттік қолдаудың арқасында 600 басқа арналған сүт-тауар фермасының құрылысын қолға алдық. Ол жылына 4,5 мың тонна сүт өндіреді және 30-дан астам жергілікті тұрғынды жұмыспен қамтамасыз етеді. Өзгеруге дайын болмағандар артта қалады. Біздің мысалымыз өзгерістердің мүмкін екенін және олардың тек шаруашылық үшін ғана емес, бүкіл өңір үшін табыс әкелетінін көрсетеді. Біздің міндетіміз – жобаны уақытында аяқтап, ферманы толық қуатында іске қосу», – деді ол. Осындай жобаларды жүзеге асыру өңірдің экономикалық дамуына ғана емес, әлеуметтік инфрақұрылымның жақсаруына да ықпал етіп, ауыл тұрғындарының өмір сүру деңгейін арттыруға жағдай жасайды.   Мәдениет үйі: шығармашылық пен бірліктің орталығы Облыс әкімі Құмар Ақсақаловтың жұмыс сапарының келесі нысаны – Большая Чураковка ауылында жаңа Мәдениет үйінің салтанатты ашылуы болды. «Ауыл – Ел бесігі» бағдарламасы аясында жүзеге асырылған бұл жоба ауыл тұрғындары үшін маңызды оқиғаға айналды. Нысанның құрылысына 404 миллион теңге бөлінді.Мәдениет үйі күн сайын 100 адамға дейін қабылдай алады, бұл шығармашылық дамуға, бос уақытты тиімді өткізуге және дәстүрлерді сақтауға мүмкіндік береді. Салтанатты ашылу рәсімінде Құмар Ақсақалов осындай жобалардың маңыздылығын атап өтті: «Жаңа Мәдениет үйі – бұл жай ғана ғимарат емес. Бұл – өмірдің, шығармашылық пен шабыттың орталығы. Біз ауылдық жерлердегі мәдени инфрақұрылымды жақсартып, тұрғындарға өздерін дамытуға және дәстүрлерін сақтауға жағдай жасап жатырмыз. Өйткені, мәдениеттің дамуы экономиканың дамуымен тығыз байланысты. Мәдени және интеллектуалдық тұрғыдан дамыған адам – бұл елдің экономикалық дамуының негізгі қозғаушы күші». Мәслихат депутаты Ботакөз Бидаулетова да бұл нысанның ауданның мәдени өмірінде алар орны ерекше екенін атап өтті: «Бүгінгі оқиға – Мемлекет басшысының мәдениетті дамыту жөніндегі тапсырмаларының жергілікті жерлерде қалай жүзеге асырылып жатқандығының көрнекі мысалы. Мәдениет үйі ауыл тұрғындарын біріктіріп, барлық буын өкілдері үшін шығармашылық пен шабыт орталығына айналады». Сонымен қатар, ауыл тұрғыны, жастар өкілі Талғат Қапиятов өз әсерімен бөлісті: «Мәдениет үйінің ашылуы – жастар үшін өте маңызды оқиға. Мұнда шығармашылықпен айналысуға, спортпен шұғылдануға және қарым-қатынас жасауға барлық жағдай жасалған. Бізде хореография, күрес үйірмелеріне қатысу, үстел теннисі ойнау, тіпті тренажер залында жаттығу мүмкіндігі бар. Бұл жер бізді біріктіріп, даму үшін жаңа мүмкіндіктер сыйлайды. Біз осындай сыйлық үшін ризашылығымызды білдіреміз және Мәдениет үйі әрбір тұрғын үшін шабыт пен белсенділік орталығына айналатынына сенімдіміз». Большая Чураковка ауылындағы Мәдениет үйінің ашылуы – бұл ауылдың әлеуметтік инфрақұрылымын дамытуға қосылған үлес. Нысан тұрғындардың күнделікті өмірінің маңызды бөлігіне айналып, дәстүрлерді сақтауға, шығармашылық әлеуетті ашуға және ауыл қоғамының бірлігін нығайтуға мүмкіндік жасайды. Өткен жылы Қостанай облысында мәдениет саласын қаржыландыру 24,3%-ға артып, 16,9 млрд теңгені құрады. Мәдениет нысандарының инфрақұрылымын жақсартуға ерекше көңіл бөлінуде, бұл жаңа Мәдениет үйінің құрылысы сияқты жобаларды жүзеге асыруға мүмкіндік береді.Осындай ауқымды жобалар мемлекеттік қолдаудың ауылдық аймақтарды дамытуға бағытталған нақты қадам екенін көрсетеді. Бұл жай ғана сөз емес, өмір сүру, жұмыс істеу және шығармашылықпен айналысу үшін қолайлы жағдай жасау жолындағы шынайы әрекеттер.   Көпбалалы отбасыларға арналған тұрғын үйлер: Убаған ауылындағы жаңа үйлер Облыс әкімінің жұмыс сапарының соңғы нысаны Алтынсарин ауданының Убаған ауылы болды. Мұнда сегіз жаңа екі пәтерлі үйдің кілттері салтанатты түрде табысталды. Бұл жоба Мемлекет басшысының тапсырмаларын орындау мақсатында жүзеге асырылып жатқан қолжетімді тұрғын үймен қамтамасыз етуге арналған мемлекеттік бағдарлама аясында іске асырылды. Құрылысқа жалпы 298,2 миллион теңге жұмсалды. Әр пәтердің орташа ауданы – 85 шаршы метр. Үйлер таза әрлеумен салынған, барлық қажетті коммуникациялармен қамтамасыз етілген және толықтай қоныстануға дайын. Жаңа үйлердің иелері қатарында көпбалалы отбасылар, жетім балалар және әлеуметтік осал топтардың өкілдері бар. Салтанатты рәсімде Қостанай облысының әкімі Құмар Ақсақалов атап өтті: «Біз жыл сайын тұрғын үй құрылысын арттырып келеміз. 2024 жылдың қорытындысы бойынша 500 мың шаршы метрге жуық тұрғын үй пайдалануға беріліп, 5 мыңнан астам отбасы пәтермен қамтамасыз етілді. Өткен жылы Мемлекет басшысының тапсырмасы бойынша жалдамалы тұрғын үй сатып алуға қаражат бөлінді. Өңірде 18 миллиард теңгеден астам сомаға 940 пәтер сатып алынды, бұл 2023 жылмен салыстырғанда 5,7 есе көп. Биыл кезекте тұрған азаматтарға 1000 пәтер сатып алу жоспарланып отыр». Әкімнің айтуынша, азаматтарды қолжетімді тұрғын үймен қамтамасыз ету – ел басшылығы тапсырмаларын жүзеге асырудың маңызды бағыттарының бірі. Жаңа үйлер – бұл жай ғана баспана емес, ертеңгі күнге деген сенімділік пен өмір сапасының жақсаруының символы. Біз тұрғын үй мәселелерін шешу жолындағы жұмысты жалғастырамыз, әр отбасының жайлы үйге қол жеткізіп, тұрақты болашақ құруы үшін жағдай жасаймыз. Жаңа үйдің кілттерін алған көпбалалы ана Гүлшат Сүйесенова өз қуанышымен бөлісті: «Бұл біздің отбасымыз үшін үлкен бақыт. Енді бізде өзіміздің жайлы үйіміз бар, мұнда балаларымыз жақсы жағдайда өсіп-өнеді. Көпбалалы отбасыларға қолдау көрсетіп жатқан мемлекетке және ел басшылығына алғысымыз шексіз. Бұл – біздің өміріміздің жаңа кезеңі, біз бұл сәтті әрдайым есте сақтаймыз». Сегіз үйдің құрылысы – бұл тек бастама ғана. Биылғы жылы аудан билігі тағы 7 екі пәтерлі үй салуды жоспарлап отыр, бұл одан да көп отбасыларды тұрғын үймен қамтамасыз етуге мүмкіндік береді. Бұл жобалар – ауылдық аймақтарды қолдауға бағытталған мемлекеттік бағдарламаның табысты орындалып жатқанының айқын мысалы. Әр жаңа үй – ауыл тұрғындарының тұрақтылығы мен болашаққа деген сенімінің кепілі. Сапардың қорытындысы Әкімнің жұмыс сапары мемлекеттік қолдаудың ауыл тұрғындарының өмірін қалай өзгертетінін көрсетті. Бұл жобалар жайлы өмір сүруге, экономиканы нығайтуға және ауыл жастарының дамуына жағдай жасауға бағытталған. Осындай бастамалардың арқасында ауылдар – өмір сүргің, жұмыс істегің және болашағыңды құрғың келетін мекенге айналуда.Ақпарат көзі : https://www.gov.kz/memleket/entities/kostanay/press/news/details/924480

Қазіргі жастар жаңа технологиялар мен көне дәстүрлерді біріктіре отырып, инновациялар мен ата-бабалар мұрасы арасында тепе-теңдік табуды қолға алып жатыр. Әйгерім Асылбекова Қарағанды облысы әкімінің грантына халық шығармашылығын жандандыру үшін «Алтын мұра» кесте студиясын ашуды жоспарлап отыр.– Студия ашу идеясы кестеге деген сүйіспеншіліктен туындады, – дейді Әйгерім. – Мен үшін бұл әдемі заттар жасау процесі ғана емес, ою-өрнектер арқылы жан дүниенің бір бөлігін жеткізу, дәстүрлерді сақтау және оларға заманауи идеяларды енгізу тәсілі. Кесте эстетиканы, тарихты және жеке тұлғаны біріктіруге мүмкіндік береді, бұл бүгінде ерекше бағаланады.Әйгерім қолөнер қайтадан жандануда деп санайды, ал жан-тәніңмен жасалған бұйымдар барған сайын құнды болып келеді. Оның студиясы тек бірегей бұйымдарды жасау орны ғана емес, сонымен қатар оқыту мен шабыттандыру кеңістігі болады. Бірнеше бағытта жұмыс істеу жоспарланған: киімге арналған қолмен және машинамен кестелеу, интерьер заттарын безендіру, заттарды кастомизациялау, сондай-ақ барлық ниет білдірушілер үшін шеберлік сыныптарын өткізу көзделген.– Жіптер мен маталар арқылы тарихты айтып, масмаркеттен кездестірмейтін шынымен де бірегей нәрсе жасауға болады, – дейді бойжеткен. – Мен студиямызда жасалған өрнектер затты әшекейлеп қана қоймай, әрбір клиент үшін жеке нәрсеге айналғанын қалаймын. Бұл үйлену тойына арналған үлгілер, сондай-ақ үйге арналған сәндік элементтер – жастықтар, дастархандар немесе сүлгілер болуы мүмкін.Қазір Әйгерім студияның тұжырымдамасымен жұмыс істеп, ұйымдастыру үдерістерін зерттеуде. Болашақта ол өз идеяларын жүзеге асыру және адамдарды қуантатын сапалы өнімдер жасау үшін шеберлер, дизайнерлер және ілгерілету жөніндегі мамандар командасын жинауды жоспарлап отыр.Бұл арманды жүзеге асыруға Әйгерімге облыс әкімінің «Тәуелсіздік ұрпақтары» жобасы бойынша алған гранты көмектеседі. 2024 жылы байқауға 407 жас қатысып, олардың 25-і жеңімпаз атанды.Ақпарат көзі : https://www.gov.kz/memleket/entities/karaganda/press/news/details/923808

Қарағанды облыстық футбол қауымдастығының президенті болып өңір әкімі Ермағанбет Бөлекпаев сайланды. Облыс басшысы облыстағы футбол қозғалысын жандандыруға және «Шахтер» ФК-ын Премьер-лигаға қайтаруға көмектесетін міндеттерді алға қойды.Ермағанбет Бөлекпаев балалар мен жасөспірімдер футболын дамыту бойынша жұмысты күшейтуді тапсырды. Ол үшін Теміртау, Балқаш және Саран стадиондарының базасында «Шахтер» ФК филиалдары ашылады. Бұл футбол клубына өз спортшыларын тәрбиелеуге және әлеуеті жоғары ойыншыларды клуб академиясына іріктеуге мүмкіндік береді.Балалар мен жасөспірімдер командалары арасында турнирлер, сондай-ақ шахтер мен металлург күндері сияқты өңір үшін маңызды мерекелерге орайластырылған матчтар ұйымдастырылады. Бұл да жас дарынды футболшыларды іздеуге көмектеседі.Еске салайық, Қарағандыда УЕФА стандарттарына сәйкес заманауи стадион, жыл бойы жаттығуға арналған футбол манежін салу жоспарлануда. Сонымен қатар, биыл обоыс орталығында бас стадионды және өңірдің бірқатар қалаларындағы стадиондарды жаңғырту жоспарланған.Ақпарат көзі : https://www.gov.kz/memleket/entities/karaganda/press/news/details/923880

Шет ауданының Ақсу-Аюлы ауылында биыл 25 бейнебақылау камерасы орнатылды. Жабдықтар аудан орталығының негізгі көшелерінде, сондай-ақ елді мекенге кіреберістерде және адамдар көп жиналатын жерлерде орналасқан.Ақсу-Аюлы әкімі Дархан Смаиловтың айтуынша, қондырылған құрылғылар замануи функциялармен, соның ішінде адамдардың беті мен автомобильдерді дәл тану атқарымымен жабдықталған. Камералар автономерлерді талдау арқылы көлік құралының немесе оның иесінің іздеуде екенін анықтауға қабілетті.Камералардан барлық ақпарат полиция бөліміне келіп түседі, онда қызметкерлер тәулік бойы қоғамдық тәртіпті қадағалайды.Жаңа бейнебақылау жүйелерінің мүмкіндіктері мен жұмыс алгоритмін көрсету үшін Дархан Смайылов жергілікті полиция бөлімі мен аудандық прокуратураның басшылығына арнайы тұсаукесер ұйымдастырды.– Мұндай жүйелерді енгізу оқиғаларға жедел ден қоюға, қылмыстың алдын алуға және біздің тұрғындарымызға неғұрлым қауіпсіз жағдай жасауға мүмкіндік береді, – дейді аудан орталығының басшысы. – Сонымен қатар, камералар халықтың құқық қорғау органдарына деген сенімін арттыруға көмектеседі. Ақпарат көзі : https://www.gov.kz/memleket/entities/karaganda/press/news/details/923934

Тілдерді дамыту басқармасының мамандары TilQazynaKaragandy өңірлік жобасы аясында қазақ тілін білуге арналған онлайн-байқау ұйымдастырды. Саран тілдерді дамыту орталығының курстарында оқитын Анастасия Абрамович және «Мәміле» сөйлесу клубының қатысушысы жеңімпаз атанды.Орталықта ол қазақ тілін небәрі жарты жыл оқыған. Осы уақыт ішінде ол мемлекеттік тілді А2 деңгейінде игере алды.Анастасия байқау туралы естіген бетте, оған қатысу туралы шешім қабылдаған. Байқауға қатысушылар Дулат Исабековтың «Гауһар тас» әңгімесін түпнұсқада оқып, оның мазмұны бойынша 25 сұраққа жауап беруі тиіс еді.– Әрине, мен кейде сөздікпен оқуыма тура келді, бірақ бұл тек оң нәтижесін берді деп есептеймін. Бұл тәжірибе менің сөздік қорымды және жалпы қазақ тілін түсінуімді кеңейтті. Әңгіменің өзі маған өте ұнады. Ол бүгінгі таңда өзекті проблемаларды сипаттайды және бізді қолымызда барды бағалауға үйретеді, – дейді Анастасия.Жеңімпазды Қарағанды облысының Тілдерді дамыту басқармасынан құттықтап, диплом мен естелік сыйлық табыс етілді.Анастасияның өзі қазақ тілін үйренуді жалғастыра беруге ниетті екенін айтады.Ақпарат көзі : https://www.gov.kz/memleket/entities/karaganda/press/news/details/923931

Балқашта әуежайды қайта жаңарту жұмыстары жалғасуда. Әуежай инфрақұрылымын жаңғырту қала мен туризмді дамытуға жаңа мүмкіндіктер береді деп күтілуде. Жоспар бойынша жолаушылар ағыны жылына 13 мыңнан 40 мыңға дейін үш есеге өсуі тиіс.Жоба екі негізгі кезеңнен тұрады: рульдік жолдар мен перронды реконструкциялау, сондай-ақ аэровокзал ғимаратын күрделі жөндеу және арнайы автокөлік қызметі үшін нысан салу. Бірінші кезең бойынша жұмыстар өткен жылдың желтоқсан айының соңында аяқталды.Құрылысшылар бетон жабынының екі қабатын, яғни шамамен 114 мың шаршы метр төседі, заманауи жарық-сигналдық жабдықтар орнатылды, қауіпсіздік жолақтары, дренаж жүйелері мен тазарту құрылыстары орнатылды. Қыркүйектен бастап аэровокзалды қайта жөндеу және арнайы көлік қызметі ғимаратының құрылысы жалғасуда. Барлық жөндеу-құрылыс жұмыстарын аяқтау осы жылға жоспарланған.Жолаушылар көлігі және автомобиль жолдары басқармасында түсіндіргендей, жобаны іске асыру әуежайдың өткізу қабілетін сағатына 60-тан 80 жолаушыға дейін арттыруға, оларға қолайлы жағдай жасауға және мүмкіндігі шектеулі азаматтар үшін қолжетімділікті қамтамасыз етуге, сондай-ақ әуеайлақ құрылыстарының сипаттамалары мен параметрлерін Халықаралық азаматтық авиация ұйымы ұсынатын тәжірибеге сәйкес келтіруге мүмкіндік береді.Бұдан басқа, жер бетінде қызмет көрсетудің толық спектрін көрсету үшін бюджет қаражаты есебінен мамандандырылған әуеайлақ техникасын кезең-кезеңімен сатып алу мәселесі пысықталуда. Бірінші кезекте қажетті арнайы техниканы сатып алу жоспарланған: әуеайлақтық өрт сөндіру автомобилі, жүк тартқыш, отын құюшы және өздігінен жүретін трап.Барлық жұмыстар аяқталғаннан кейін Балқаштан Шымкент, Жезқазған және Түркістан қалаларына ұшу географиясын кеңейту жоспарланып отыр. Әуежайды қайта құру ұшуларды ыңғайлы және қолжетімді етеді.Еске салайық, әуежайды ауқымды жаңарту қажеттілігі бұрыннан туындаған: ол 1967 жылы салынған, соңғы рет әуе айлағы 2007 жылы жөнделген болатын.Ақпарат көзі : https://www.gov.kz/memleket/entities/karaganda/press/news/details/924105

Қарағанды облысының әкімі Ермағанбет Бөлекпаев жұмыс орындарындағы кездесулерін жалғастыруда. Бұл жолы ол басқармалар мен ведомстволардың басшыларымен бірге «Қазақстан» шахтасына келді.  Ашық диалогқа кәсіподақ өкілдері, Qarmet компаниясының басшылығы қатысты. – Өздеріңіз білетіндей, жыл бойы тұрғындармен кездесулер өткіземін, бірақ қатысушылар арасында кәсіпорындардың қызметкерлері аз екенін байқадым. Біз еңбек ұжымдарына келіп, мәселелерді ашық диалог барысында талқылау керек деп шештік, – деді Ермағанбет Бөлекпаев. – Мен сіздердің мамандықтарыңызда тәуекелдер бар екенін түсінемін және біздің міндетіміз, басшылықтарыңыздың міндеті – оларды барынша азайту. Сондықтан біз әлеуметтік қорғау, қауіпсіздік және еңбек жағдайын жақсарту шараларын дамытуды жалғастырамыз. Атқарылған жұмыс туралы мемлекеттік еңбек инспекциясы департаментінің басшысы Медеу Ахметов есеп берді. Жұмысшы мамандықтарын қолдау және дамыту шаралары туралы жұмыспен қамтуды үйлестіру және әлеуметтік бағдарламалар басқармасының басшысы Төлеу Мұхтар баяндады. «Қазақстан» шахтасында көбінесе Шахтинск өңірінің тұрғындары жұмыс істейді, сондықтан әңгіме негізінен осы аймақты дамыту туралы қозғалды. Ермағанбет Бөлекпаев Шахтинскіні жылумен жабдықтауды жақсарту үшін не жасалып жатқанын айтты. Өткен жылы ЖЭО-ын жөндеуге арналған қаржыландыру бірнеше есеге арттырылды. Бүгінде станция тұрақты жұмыс істеп тұр. Үйлердің жылы болуы үшін 4 шақырым жылу желілерін ауыстырып, жылу оқшаулағыштар қалпына келтіріле бастады. Бұдан басқа, Шахтинск қаласын газдандыруға дайындық жүріп жатыр. Су құбыры желілерін қайта жаңарту жалғасуда. Көлік инфрақұрылымы да жақсартылып келеді: соңғы екі жылда қала мен іргелес ауылдардың 30 км жолы жөнделді. Кездесуге қатысушылар тұрғын үй мәселесін көтерді. Облыс әкімдігі «Отбасы банкімен» бірлесіп іске қосқан жеңілдікті ипотека бағдарламасы бойынша 116 шахтер мен 113 металлургтер Қарағанды, Саран, Теміртау, Шахтинск, Абай қалаларынан пәтер сатып алды. Облыстық бюджеттен бұл бағдарламаға 2 млрд теңге бөлінді. «Отбасы банкі» филиалының директоры Бауыржан Жуасбаев жұмысшы мамандарға арналған «Наурыз жұмыскер» жаңа тұрғын үй бағдарламасы туралы айтып берді. Ол 2025 жылдың 17 наурызында басталады. Артықшылықтары: бастапқы жарна – 10% -дан (әрленген бастапқы нарықтағы тұрғын үй), 20%-дан (жартылай әрленген және қайталама нарықтағы тұрғын үй); мөлшерлеме - әлеуметтік осал санаттар үшін 7%, қалғандары үшін 9%. Кездесуде сондай-ақ Шахтинскідегі абаттандыру, қоқыс жинау, жарықтандыру, балалар алаңдарын абаттандыруға қатысты сұрақтар қойылды. Оларға қала әкімі Мұрат Қыдырғанбеков бірден жауап берді. Таңертең Шахтинскіден Қарағандыға дейін автобустардың жетіспеушілігіне шағымдар айтылды. Ермағанбет Бөлекпаев шешуді қажет ететін мәселелер бойынша тапсырмалар берді. Шахтерлер Шахтинск ауруханасында медициналық қызмет көрсету мәселесін көтерді. Сондықтан, кездесуден кейін облыс әкімі сол жерге барып, медицина нысанын көріп қайтты. Кеңес заманында салынған ғимарат бірнеше жылдан бері жаңартуды қажет етіп келеді. Өткен жылы емхананы күрделі жөндеу басталды. Қазір 4 және 5-ші қабаттар дайын, 3-ші жартылай дайын. Оны биыл аяқтау көзделіп отыр. Аурухана директоры Талғат Жүкен жабдықтардың жаңартылуы туралы айтып берді.  Реанимация, операциялық бөлме, сондай-ақ жүрек ауруларын диагностикалау үшін жаңа техника алынған. Ермағанбет Бөлекпаев медицина мамандарының жетіспеушілігі мәселесін шешуді тапсырды.Ақпарат көзі : https://www.gov.kz/memleket/entities/karaganda/press/news/details/924158

Шымкент қаласының әкімі Ғабит Сыздықбеков тұрғындармен бірге Қайтпас-1 және Тәуелсіздікке 20 жыл тұрғын алаптарына газ беруге қатысты. Тұрғын алаптары мен шағын аудандарды кезең-кезеңімен газдандыру аясында 1250-ден астам абонент табиғи газға қол жеткізді.Бұл бағыттағы жұмыстар 5000-нан астам адамның өмір сүру сапасын жақсартуға мүмкіндік берді. Тұрғын үй алаптарында газ құбырларының құрылысы өткен жылдың көктемінде басталып, олардың жалпы ұзындығы шамамен 40 шақырымды құрады.Мегаполис басшысы қала тұрғындарының қуанышына ортақтасып, жауаптыларға алғысын білдірді. Сондай-ақ күнделікті өмірде табиғи газды пайдалану ережелерін сақтау және газ жабдықтарының жай-күйін уақтылы тексеру қажеттігіне тоқталды.Айта кету керек, тұрғын алаптарын газдандыру көмірге тәуелділікті азайтып, ластаушы заттар шығарындыларының деңгейін төмендетуге және мегаполистегі экологиялық жағдайды жақсартуға мүмкіндік береді. Газға қосылуды жеделдету үшін тұрғындар «QazaqGaz Aimaq» АҚ-на өтінімдері мен құжаттарын ұсыну қажет.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/923857

Маңғыстау облысының әкімі Нұрдәулет Қилыбай өңірдегі ауыл әкімдіктерінің жұмыс сапасын арттырып, аймақ халқының өмір сүру деңгейін көтеру мақсатында “Ең үздік ауылды” анықтап, “Үздік ауыл әкімдігі” рейтингін өткізуді тапсырды.-Қазақстан Республикасы Президентінің жолдауында айқындалған ауыл халқының тұрмыс-тіршілігін көтеру мақсатында облысымыздағы ауыл әкімдіктері арасында байқау жариялауды жөн санадық. Негізгі мақсат - ауыл мәртебесін көтеру, жағдайын ілгерілету, экономикасын дамыту, ауыл әкімдері мен қызметкерлерін жігерлендіру, дербестігін және жауапкершілігін арттыру, - деді аймақ басшысы Нұрдәулет Қилыбай.“Үздік ауыл” жобасы ауылдың тұрғын үй-коммуналдық шаруашылық жағдайы (газ, су, тоқ, интернет, қоқыс),қаржылық тұрақтылық, шағын және орта бизнесті қолдау, ауыл шаруашылығының өркендеуі, жұмыспен қамтылған халық саны, қоғамдық тәртіп, әлеуметтік сала көрсеткіштері, ауылдағы мектеп түлектерінің ҰБТ нәтижесі негізінде қорытындыланады.Үздіктерді мәслихат депутаттары мен қоғам белсенділерінен құрылған арнайы комиссия анықтайды. Байқау жылдың соңында қорытындыланып, жеңімпаздар салтанатты түрде марапатталады.Өңірде алғаш рет бастау алатын жоба жыл сайын өткізілмек. Қазіргі таңда Маңғыстау облысында 46 елді мекен бар.Көрсеткіштері жоғары үздік ауыл әкімдері мен әкімдіктерге:- 1 орынға - коммуналдық шаруашылық техникасы беріледі және әкімшілік ұжымы (ауыл әкімінен бастап техникалық қызметкерлерге дейін) 6 лауазымдық жалақымен марапатталады, ауыл әкіміне қызметтік автокөлік беріледі;- 2 орынға - әкімдік ұжымы (ауыл әкімінен бастап техникалық қызметкерлерге дейін) 4 лауазымдық жалақымен марапатталады;- 3 орынға - әкімдік ұжымы (ауыл әкімінен бастап техникалық қызметкерлерге дейін) 2 лауазымдық жалақымен марапатталады.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/924008

Қарағанды облысының әкімі Ермағанбет Бөлекпаев еңбек ұжымдарымен кездесулер өткізуде. Басқосулар зауыттар мен кәсіпорындардың қызметкерлерін жұмыстан үзбеу үшін жұмыс орындарында өткізіледі.  Мұндай алғашқы кездесу Maker компаниясының машина жасау зауытында өтті, онда өңір басшысы негізгі басқармалар мен ведомстволардың басшыларымен бірге келді. – Біз сіздермен кез келген тақырыптағы мәселелерді талқылауға дайынбыз. Кәсіпорын қызметкерлері, әдетте, менің тұрақты кездесулеріме келе алмайды. Сондықтан мен әріптестеріммен осылай кездесу өткізу туралы шешім қабылдадым, – деді Ермағанбет Бөлекпаев еңбек ұжымына. – Президент биылғы жылды Жұмысшы мамандықтары жылы деп жариялады. Бұл қарапайым жұмыскерлердің, мамандардың қаншалықты маңызды екенін көрсетеді: онсыз мықты өнеркәсіп пен тұрақты экономиканы елестету қиын. Біздің міндетіміз – лайықты еңбек жағдайларын, әлеуметтік қорғауды және әрбір қызметкердің кәсіби өсуі үшін мүмкіндіктерді қамтамасыз ету. Ол өңірдегі еңбекке қабілетті халықтың жартысына жуығы жұмысшы мамандықтарымен айналысатынын атап өтті. Облыс әкімі колледждерді кластерлеу және бұл жұмысшы кадрларды даярлауға қалай әсер ететіні туралы да айтып берді. Әрбір салада тірек колледждері анықталған, бар-жоғы өңірде осындай 8 колледж бар. Олардың материалдық-техникалық базасын жақсартып, шеберханалар мен зертханалар үшін заманауи жабдықтар сатып алатын болады. Басқармалар мен департаменттердің басшылары өз бағыттары бойынша: кәсіптік және техникалық білім беруді трансформациялауға, жұмысшы кәсіптерін қолдау мен дамытуға, еңбек қауіпсіздігін жақсартуға және т. б. бағытталған шаралар туралы баяндады. Зауыт жұмысшыларына «Отбасы банкі» мен облыс әкімдігінің бірлескен жеңілдікті ипотекалық бағдарламасы таныстырылды. Қазір ол шахтерлар мен металлургтер үшін қол детімді. Оған машина жасаушыларды да қосылуға шақырды. «Отбасы банк» пен әкімдік кез келген ірі компаниялардың ұсыныстарын қарауға дайын. Жұмысшылар Үлкен Михайловканы дамыту мәселесіне қызығушылық танытты. Сондай-ақ, қаладағы кәріздің жағдайына да алаңдаулы. Облыс әкімі қазіргі міндет – қаланы орталықтандырылған сумен 100% қамтамасыз ету, содан кейін коллекторларды жөндеуді қолға алатынын атап өтті. Биыл жұмыстарды бастау жоспарланған. Кездесуде апатты деп танылғаннан кейін бұзылған 44 мектеп туралы сұрады. Олардың орнына жаңасы салынады. Қазір ЖСҚ жасалуда. Зауыт қызметкерлері осындай кездесу үшін алғыс айтып, өз жетістіктерімен бөлісті.  «Maker» ЖШС директоры Жәнібек Байғабеловтың айтуынша, кәсіпорын өндіріс көлемін арттырған, зауытта 822 адам еңбек етеді, жағдайлары жақсы, сондықтан қызметкерлер өз орындарын сақтап қалуға тырысады, кадрлар ағымы аз.Ақпарат көзі : https://www.gov.kz/memleket/entities/karaganda/press/news/details/923643

Жетісу облысында 1,5 жас пен 18 жас аралығындағы ерекше қажеттіліктері бар балаларға мамандандырылған әлеуметтік қызмет көрсететін күндізгі емдеу орталығының мүмкіндігі ұлғайды. Талдықорған қаласында орналасқан орталықта ашылған жаңа бөлімнің арқасында оның сыйымдылығы 110 жатын орынға өсті, - деп хабарлайды Жетісу облысы әкімінің баспасөз қызметі.Аумағы шамамен 470 шаршы метрді құрайтын жаңа ғимарат заманауи стандарттар мен талаптарға толық сәйкеседі. Онда ем алатын балалар жасына және денсаулық жағдайына қарай екі топқа бөлінген.– Бөлімді ашудағы басты мақсат – мүгедек балалардың қоғам үшін маңызды екендігін ұғындыру және оларды өмірге бейімдеу. Біз мұнда әлеуметтік-медициналық, әлеуметтік-психологиялық және әлеуметтік-педагогикалық көмекті қосқанда, 8 түрлі қызмет көрсетеміз. Сонымен қатар, отбасыларға ыңғайлы болу үшін әлеуметтік такси қызметтері ұсынылады. Балаларды орталыққа апаратын және қайтып әкелетін 4 автокөлік таңғы сағат 8:00-ден 17:00-ге дейін, сенбі және жексенбі күндері де жұмыс істейді, – дейді орталық директорының әлеуметтік жұмыс жөніндегі орынбасары Назгүл Бүркітбаева.Жаңадан ашылған орталыққа келіп жүрген балалардың ата-аналары осындай мүмкіндікке ризашылық білдіріп, алғыс жаудыруда. Сондай ананың бірі Сәния Теңізбаева:– Біз үшін «Бәйтерек» орталығының тоқтаусыз жұмыс істеуі үлкен қолдау. Міне, орталықтың жанынан жайлы, жарық, жылы жаңа бөлімше ашылды. Қызым орталықтан кәсіби көмек алып қана қоймай, өзін ұжымның бір бөлшегі, үлкен және тату отбасының бір мүшесі ретінде сезініп келеді. Ана ретінде қызым үшін орталық мамандарының әрқашан қасында болып, көмектесіп, бағыт-бағдар беріп отыруы маңызды деп есептеймін, – деп өз ойын ортаға салды.Қарлығаш Тұтқабаева есімді ана да өз тілегін былай жеткізді:– Жаңа филиалдың ашылуы – біз үшін шын мәнінде үлкен және қуанышты оқиға. Өйткені, мұнда балаларымыз өзіне сеніп, өмірден өз орнын табуына көмектесетін мамандардың кеңесін алады.Жетісу жерінде мүмкіндігі шектеулі жандарға арнаулы әлеуметтік қызмет көрсететін 1566 орындық 13 мекеме бар. Былтыр бұл мекемелер 1512 әлеуметтік қызмет көрсетіп, мүгедектердің емін-еркін жүріп-тұруына мүмкіндіктер ұсынды. Сондай-ақ, өткен жылы 168 нысанда мүмкіндігі шектеулі жандарға бейімдеу жұмыстары жүргізілді.Естеріңізге сала кетейік 2025 жылы Талдықорған қаласында мүмкіндігі шектеулі жандарға арналған 150 орындық оңалту орталығының құрылысын бастау жоспарлануда.Жетісу облысы әкімінің баспасөз қызметі Фототілші: Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/923661