Эдуард Саламат былтыр «Ауыл аманаты» бағдарламасына қатысуға ниет білдіріп, несиеге 16 миллион теңге рәсімдеп, голландиялық құлпынай сортын өсіретін «Nazberry» жылыжай кешенін ашты. Бір маусымда ол 0,8 тонна жидекжинаған. Қазір бүкіл отбасымен жылыжай жұмысын жүргізуде.«Ұзақ уақыт бойы өз ісіммен айналысуға бел будым. Ешқандай өкінбеймін. Барлық уақытымды жылыжайды дамыту ісіне арнаймын. Мұнда суару жүйесі автоматтандырылған. Жидектерге сұраныс көп. Біз өнімді негізінен Қандыағашта сатамыз, бірақ кейде Ақтөбеге де тасымалдаймыз. Болашақта кеңейтуді жоспарлап отырмын. «Ауыл аманаты» бағдарламасы - өз бизнесіңді ашуға жақсымүмкіндік. Ең бастысы, өз ісіңнен пайда алу үшін аянбайжұмыс істеу керек», - деді облыс әкіміне жылыжай иесі.Өңір басшысы Мұғалжар ауданына сапары барысында кәсіпкердің жұмысын бағамдап, оның ісімен танысып,сәттілік тіледі.«Ауыл аманаты» бағдарламасы аудан тұрғындары үшін үлкен мүмкіндік. Бұл бағдарлама ауыл тұрғындарын қолдауға, жұмыс орындарын құруға және елді мекендерде өмір сүру жағдайларын жақсартуға бағытталған. Біз ауданда тұру үшін қолайлы жағдай жасай отырып, ауылдарда инфрақұрылымды жақсарту және тұрғын үй салу бойынша белсенді жұмыс жүргізіп келеміз. Ауыл тұрғындарының осы мүмкіндіктерді пайдаланып, туған өлкенің дамуы мен өркендеуіне өз үлестерін қосуы маңызды», - деді әкім.Ақпарат көзі : https://www.gov.kz/memleket/entities/aktobe/press/news/details/924546

Бүгін Жамбыл облысы, Т.Рысқұлов ауданы, Р.Сабденов ауылында Ақбұлақ дәрігерлік-амбулаториясы ашылып, ауыл тұрғындарының қолданысына берілді.Бұл - Жамбыл облысының Т.Рысқұлов ауданында соңғы жылдары салынып, ел игілігіне берілген үшінші медициналық нысан.Ауылдықтарға медициналық қызмет көрсететін нысанда халыққа дәрігердің қабылдауы, ем-шара қабылдау, акушердің тарапынан пациент қабылдау, массаж, түрлі медициналық талдамалар жасау сынды көмек түрлері көрсетіледі.Мұнда тіркелген тұрғындардың жалпы саны - 2237 адам. 14 қызметкер жұмыс жасайтын емдеу мекемесі алғашқы және амбулаторлы ем көрсету үшін тиісті құрал-жабдықтармен қажетінше жабдықталған.Атап айтқанда, жүрек соғысын тексеру құрылғысы, электрондық аквадистиллятор, волюметриялық инфузиялық сорғы, хирургиялық электрлік сорғы, ультрадыбыстық терапияға арналған бір арналы құрылғы, сенсорлық экраны бар қос арналы магнитотерапия аппараты, ингалятор, мультифункционалды физиотерапиялық аппарат, оптикалық кольпоскоп және т.б. бар. Ақпарат көзі : https://www.gov.kz/memleket/entities/dsm/press/news/details/920417

Денсаулық сақтау министрлігі жалпы практика дәрігерлеріне, инфекционистерге, терапевттерге, акушер-гинекологқа тұмау, ЖРВИ, АЖРИ, пневмония жағдайларында жүкті әйелдерге консультациялық - диагностикалық көмек көрсету бойынша ұсынымдар берді.Жамбыл, Түркістан облыстары мен Шымкент қаласының 300 медицина қызметкері үшін «Астана медицина университеті» КеАҚ профессоры, медицина ғылымдарының докторы, ҚР ДСМ бас инфекционисті Бақыт Көшерова мен Ұлттық шұғыл медицина орталығының (ҰШМҮО) бас маманы Ғұмырбек Ағыбаевтың қатысуымен оқыту семинарлары ұйымдастырылып, 10-нан астам жүкті және босанған әйелді қадағалап-қарау тәсілі бойынша консультация берілді.Мамандардың айтуынша, респираторлық инфекциялардың көтерілу маусымық аурудың дамуымен ғана емес, асқынулармен және қолайсыз болжамдармен де қауіп төндіреді.Қазіргі жағдайда респираторлық инфекциялармен қатар халықтың арасында пневмонияның тіркелуі, ауыр жіті респираторлық синдромның (АЖРИ) жағдайлары байқалады. Ауыр және күрделі курс бойынша ең осал контингент-жүкті әйелдер.МСАК дәрігерлері, стационарлардың қабылдау бөлімшелері үшін негізгі клиникалық белгілерді, оның ішінде жүкті әйелдердегі мазасыздық белгілерін білу өте маңызды, бұл ерте диагностика мен уақтылы терапияға ықпал етеді.Медициналық ұйымдардың материалдық-техникалық базасын жақсарту, заманауи жабдықтармен жабдықтау диагностикалық зерттеулердің кең спектрін жүргізуге мүмкіндік береді, оларды қолдану жүкті әйелдерде тұмау, ЖРВИ, АЖРИ, пневмония, сепсисті ерте диагностикалауға, уақтылы маршруттауға, зертханалық зерттеу әдістерін түсіндіруге және жеке терапияға мүмкіндік береді.Анестезиолог-реаниматологтар үшін жүкті әйелдерде қан кетуді емдеу, респиратордықолдау бойынша семинарлар өткізілді.Оқыту семинары дәрігерлердің тұмау, ЖРВИ, пневмония, қан кету және жүкті әйелдерді респираторлық қолдауды диагностикалау, сараланған диагностикалау және емдеу бойынша клиникалық құзыреттілігін арттыруға ықпал етті.Ақпарат көзі : https://www.gov.kz/memleket/entities/dsm/press/news/details/920959

«Ауылдық денсаулық сақтауды жаңғырту» ұлттық жобасының шеңберінде Ақтөбе облысының Ақсай және Алтықарасу ауылдарында екі жаңа дәрігерлік амбулатория ашылды.Жаңа амбулаторияларда ауыл тұрғындары медицина қызметкерлерінен консультация ала алады, қажетті емдеу және диагностикалық ем-шаралардан өтіп, медициналық талдауларынан өте алады.Білікті медициналық персонал жұмыс істейтін мекеменің медициналық қызметі амбулаториялық медициналық көмек көрсету үшін заманауи жабдықтармен жарақталған.Атап айтқанда, жүрек соғу жиілігін өлшейтін құрылғылар, ингаляторлар, көпфункционалды физиотерапиялық аппараттар және басқа да қажетті медициналық құрылғылар бар.Ақсай және Алтықарасу ауылдарының тұрғындары аудан шегінен шықпай-ақ медициналық қызметтердің қажетті спектрін алуға болатын заманауи медициналық нысандардың құрылысына алғыстарын білдірді.«Бүгін біз үшін қуанышты күн. Жаңа жылда біздің ауылда амбулатория ашылды. Барлық кабинеттер заманауи жабдықтармен жарақталған. Мен мұнда 35 жыл жұмыс істедім және зейнетке шықтым. Қазір бізге жас мамандар - мейіргерлер, дәрігерлер келеді. Біз медицина қызметкерлері мен жаңа амбулатория халықтың игілігі үшін қызмет ететініне сенімдіміз», - деді Алтықарасу ауылының тұрғыны Гүлжан Мырзағұлова.Ақпарат көзі : https://www.gov.kz/memleket/entities/dsm/press/news/details/920976

Алматы Орталық қалалық клиникалық ауруханасына ауыр жағдайда науқас түсті.Жедел жәрдем бригадасы науқасты іштің аорта аневризмасының жыртылу және ретроперитонеалді гематома белгілерімен жеткізді.Науқастың жағдайы өте ауыр болды - гемоглобин деңгейі мен қан қысымы айтарлықтай төмендеп, оның өміріне қауіп төндірді.Шұғыл түрде компьютерлік томография жасалды, ол жыртылған аневризма мен ретроперитонеалді гематоманың болуын растады. Дәрігерлердің консилиумынан кейін жоғары технологиялық ота - стент-графтты имплантаттау туралы шешім қабылданды.Ота сәтті өтті. Ол 3 сағатқа созылды және жергілікті анестезиямен жүргізілді, бұл жалпы анестезиямен жасалатын дәстүрлі ашық араласумен салыстырғанда аз травматикалық әдіс. Шап аймағы арқылы шағын қолжетімдікті пайдалану үлкен кесусіз жасалады, бұл оңалту кезеңін едәуір қысқартады және науқастың денесіне жүктемені азайтадыОтаны қан тамырлары хирургтары Сұлтан Илиев пен Дәулет Алдакешев жүргізді. Олардың кәсібилігі мен озық технологияны қолдануының арқасында науқастың жағдайы тұрақтанды, ол өзін жақсы сезінеді және үйге шығуға дайындалып жатыр.Отаның бұл түрі жоғары технологиялық әдіс әрі қымбат ота түрі. Құны шамамен 5 миллион теңгені құрайды, алайда ол тегін медициналық көмектің кепілдендірілген көлемі (ТМККК) шеңберінде тегін орындалды, бұл азаматтар үшін сапалы медицинаның қолжетімдігін тағы да растайды.Бұрын мұндай жағдай ашық ота көмегімен ғана емделіп, отадан кейінгі ауыр кезең және ұзақ қалпына келтірумен сипатталған.Бүгінде заманауи әдістерді қолдану науқастардың денсаулығына аз қауіп төндіріп, оларлың өмірін сақтап қалуға мүмкіндік береді.Ақпарат көзі : https://www.gov.kz/memleket/entities/dsm/press/news/details/921138

Қазақстанда ТМККК, МӘМС шеңберінде ем алатынпациенттерді қамтамасыз ету үшін және дәріханалардың бөлшек сауда желісінде сатылатын препараттардың шекті құнын төмендетуді көздейтін дәрілік заттардың бағасын реттеудің жаңа тетігі жұмыс істейтін болады, деп хабарлады Денсаулық сақтау вице-министрі Ержан Нұрлыбаев Орталық коммуникациялар қызметінің алаңында өткен баспасөз брифингі барысында. Дәрі-дәрмектің шекті құнын төмендету құралдарының бірі бұрын дәрі-дәрмектің құнына енгізілген қосымша шығыстарды алып тастау болады: маркетинг (30%-ға дейін), көлік (15%-ға дейін) және сапаны бағалау шығындары. Үстеме бағалардың регрессивті шкаласын қайта қарау нәтижесінде оларды қолдану шегі айтарлықтай төмендеді: тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) шеңберінде олар 20%-ға дейін, көтерме сату үшін – 25%-ға дейін, ал бөлшек сауда үшін - 30%-ға дейін (бұрын 55%-бен салыстырғанда).Реттеу, шекті бағалар мен үстеме бағаларды қалыптастыру қағидаларының жаңа редакциясында генериктерге бағаны бастапқы дәрілік зат бағасынан 30 %-ға төмендету көзделген. Егер бастапқы препарат нарықта болмаған жағдайда, отандық аналогтың шекті құны импортталатын дәрілердің орташа бағасынан аспауға тиіс. Мұндай саясат бәсекелестікті ынталандыруға және барлық тараптар мүдделерінің теңгерімін қамтамасыз ете отырып, отандық өндірушілер үшін жағдайларды жақсартуға мүмкіндік береді. Жүйенің ашықтығын арттыру үшін мемлекеттік ақпараттық порталдармен, атап айтқанда, Мемлекеттік кірістер комитетімен интеграция енгізілетін болады. Бұл шара дәріханалардың кедендік декларациялары мен кассалық чектерінің деректерін мониторингтеу арқылы дәрілік заттардың бағасын тиімді бақылауға мүмкіндік береді. Сонымен қатар, референттік елдердің тізімі қайта қаралды: 16-ның орнына Түркия, Ресей, Польша, Беларусь және басқалары сияқты экономикалық жағынан салыстырмалы 10 мемлекет кіреді. Бұл әлемдік тәжірибені ескере отырып, бағаларды дәлірек және өзекті талдауға мүмкіндік береді.Ержан Нұрлыбаев атап өткендей, халықты дәрі-дәрмекпен қамтамасыз ету саласындағы заңнамалық бастамалардың негізгі міндеті - бұл дәрі-дәрмек бағасының негізсіз өсуін тежеуге, нарықтың ашықтығы мен әділ бәсекелестікті қамтамасыз етуге мүмкіндік беретін баға белгілеудің тиімді тетіктерін қалыптастыру. Вице-министр сондай-ақ фармацевтикалық нарықта дәрілік заттардың қолжетімділігін арттыру мақсатында Денсаулық сақтау министрлігі монополияға қарсы органмен бірлесіп, Жол картасы шеңберінде көтерме және бөлшек саудада өткізу үшін дәрілік заттардың бағасын кезең-кезеңімен реттеу жөніндегі іс-шаралар жүргізіліп жатқанын еске салды. Осылайша, 2023 жылы бәсекелестік ортаға рецептсіз сатылатын дәрілік заттардың 302 атауы, ал 2024 жылы – рецептсіз сатылатын дәрілік заттардың 952 атауы шығарылды. Тегін медициналық көмектің кепілдік берілген көлемі шеңберінде және 2020 жылғы 11 желтоқсандағы № ҚР ДСМ-247/2020 міндетті әлеуметтік медициналық сақтандыру жүйесінде дәрілік заттар мен медициналық бұйымдарға шекті бағаларды және үстеме бағаны реттеу, қалыптастыру қағидаларына тиісті өзгерістер (бұдан әрі – Қағидалар) қазірдің өзінде ҚР Денсаулық сақтау министрінің 25 желтоқсандағы № 110 бұйрығымен бекітілген.Ақпарат көзі : https://www.gov.kz/memleket/entities/dsm/press/news/details/921706

Дәрілік заттарды тіркеу процестерінің реинжинирингі - тиімді және ашық жүйені құрудың негізгі қадамы. Рәсімдерді жеңілдету мен автоматтандырудыңарқасында препараттардың нарыққа шығу мерзімі 5 жылдан 2 жылға дейін қысқарады, бұл реттесараптамалық жұмыстардың сапасы артады.Барлық процестерді цифрландыру фармацевтикалықбизнес үшін жағдайды жақсартады және денсаулықсақтауды одан әрі дамыту үшін негіз болады. Бұл өзгерістер мемлекеттің басымдығын – азаматтардың денсаулығына қамқорлық жасауды жәнезаманауи және сапалы дәрі-дәрмектерге қол жеткізудікөрсетеді. Ақпарат көзі : https://www.gov.kz/memleket/entities/dsm/press/news/details/921771

Бірыңғай дистрибьютор қазірдің өзінде 1 581 дәрілікзаттар мен медициналық бұйымдарды сатып алды, бұл жылдық жоспардың 91,5 %-ын құрайды.2025 жылғы 5 қаңтардан бастап медициналық ұйымдарға 18,14 млрд теңге сомасына дәрі-дәрмектерді жөнелтубасталды. Сатып алу қорытындысы бойынша бюджеттіүнемдеу 56,6 млрд теңгеден асты. Бұл қаражат басым бағыттар бойынша препараттарды сатып алуғабағытталатын болады. Бір мезгілде белгілі бір аурулары бар азаматтардытегін және жеңілдікпен қамтамасыз ету үшін дәрілікзаттар мен бұйымдардың тізбесін өзектендіружүргізілуде. Өзгерістердің негізі халықаралық тәжірибеболды және медициналық көмектің қолжетімділігі мен тиімділігін арттыратын пациентке бағытталған тәсілгебаса назар аударылды. Қажеттіліктерді дәл есепке алу үшін Министрлік дәрі-дәрмектерді автоматтандырылған есептеудің жаңаәдістемесін әзірледі.Учаскелік дәрігерлер ақпараттықжүйелердегі пациенттер туралы деректердітолтырады, бұл дербестендірілген тәсілді жәнеуақтылы толықтыруды қамтамасыз етеді.Ақпарат көзі : https://www.gov.kz/memleket/entities/dsm/press/news/details/921776

2024 жылғы 1 шілдеден бастап дәрілік заттардың163 млн. қаптамасына, оның ішінде 96,4 млн.импорттық препаратқа, 66,4 млн. қаптама – отандық өндіріске таңбалау кодтары енгізілді.Бүгінгі таңда 163 млн. таңбаланған дәрі-дәрмекқаптамасының 67,5 млн. қаптамасы айналымғаенгізілді. Бұл мәліметтер Бірыңғай таңбалауоператорының ақпараттық жүйесінде бақыланады.Денсаулық сақтау жүйесінің ерекшелігін ескереотырып, ДЗ таңбалануы мен қадағалануы пациентке бағдарланған дәрілік қамтамасыз ету жүйесін құруға, көлеңкелі нарық үлесін төмендетуге, дәрілікқамтамасыз етудің деңгейі мен ашықтығын жаңадеңгейге көтеруге және бюджет қаражатын едәуірүнемдеуге мүмкіндік береді. Дәрі-дәрмектерді электрондық беру бойынша «Әлеуметтік әмиян» сервисін енгізу шеңберіндепациенттер QR-код арқылы республика бойынша 700-ден астам медициналық ұйым қатысатын 1, 7 млн рецепттің негізінде препараттар алды. «Әлеуметтік әмиянды» пайдалану азаматтардыамбулаториялық деңгейде тегін дәрілік заттарменқамтамасыз ету саласының қолжетімділігі мен толықашықтығына жағдай жасайды.обеспечения граждан бесплатными лекарственными средствами на амбулаторном уровне. Ақпарат көзі : https://www.gov.kz/memleket/entities/dsm/press/news/details/921781

Шымкентте шетелдік науқасқа күрделі оталардың бірі жасалып, бас миынан 6 см ісік алынды. Тәжікістаннан арнайы ем іздеп келген 18-жасар науқасты бас ауруы көптен бері мазалап жүрген. Ал соңғы жылдары дерт тіптен асқынып, шыдатпайтын халге жеткен. Мидан алынған ісіктің көлемі үлкен болғандықтан, ота кезіндегі қауіп те басым болған. Ақ халаттылардың айтуынша, мұндай ауру сирек кездеседі.«Қазіргі таңда науқастын жағдайы бір қалыпты. Есін біледі, сөйлейді. Жақсы өзгерістер болып жатқаны байқалуда. Енді Алла жазса келесі сейсенбі науқасты өз отаны Тәжікістанға жіберу алдағы мақсатымыз. Ары қарай ол науқасқа Тәжікістанда, я болмаса осы Шымкент қаласында өздерінің қалауларына байланысты ары қарай реалибитациялық көмек қажет болады», - дейді нейрохирургия бөлімшесінің меңгерушісі Марат ҚұлмырзаевСоңғы кездері елімізге ем іздеп келетін шетелдіктер саны артқан. Науқастар арасында нейро және кардиохирургия, перинаталды медицина, нейрология, ортопедия, стоматология саласына сұраныс жоғары дейді дәрігерлер.«Қазіргі таңда Шымкент қалалық №2 ауруханасында біз медициналық туризімді өте белсенді түрде дамытып келе жатырмыз. Соның жақын көрінісі ретінде нейрохирургиялық операциялар, нейрохирургиялық диагностикалар. Мысалы ретінде біздің ауруханада былтырғы жылы Молдова, Швецариядан, Тәжікістаннан, Өзбекстаннан көптеген науқастар келіп диагностикадан өтіп, біздің дәрігерлер операцияларын жасап отыр», дейді Шымкент қалалық №2 ауруханасының бас дәрігері Бақытжан Позилов.Айта кетейік, елімізде соның ішінде Шымкент қаласында шет елден ем іздеп келіп, дертінен айығып кеткен азаматтардың қатары көбейген. Дәрігерлер мұны медицина сапасының жақсаруымен және қызмет көрсету жағындағы бәсекелестіктің мықты болуымен байланыстырады.Ақпарат көзі : https://www.gov.kz/memleket/entities/dsm/press/news/details/924320

Денсаулық сақтау министрлігінің бастамасымен Ұлттық тәуелсіз емтихан орталығының (ҰТЕО) базасында еліміздің 20 өңірін қамтитын босандыру ұйымдарының мультидисциплиналық командалары мамандарының білімі мен дағдыларын бағалау бағдарламасы басталды. Тестілеу мен тренингтердің негізгі мақсаты аналар мен жаңа туған нәрестелерге медициналық көмек көрсету саласындағы мамандардың негізгі дағдыларын дамыту және кәсіби құзыреттерін жетілдіру болып табылады. Бағдарламаның шеңберінде жоғары білікті сарапшылар мен бейінді медициналық қауымдастықтардың өкілдерінен тұратын жаттықтырушылар тобы құрылды. Заманауи әдістер мен халықаралық стандарттарға негізделген бұл тәсіл пациенттердің қауіпсіздік деңгейін арттыруға және перинаталдық медицинада үздік практикаларды енгізуге ықпал етеді. Соңғы 10 жылдың ішінде алғаш рет 2024 жылы ана мен бала денсаулығын сақтау саласында нәресте өлімін 6,7%-ға, ана өлімін 11,4%-ға төмендету бойынша ең жоғары көрсеткіштерге қол жеткізілді. Босандыру қызметінің барлық мамандарының кәсіби және үйлесімді жұмысының арқасында өткен жылы әйелдерді 367 мың қауіпсіз босандыру жүргізілді. Алайда, қол жеткізілген жетістіктерге қарамастан, қызмет мамандарының біліктілігін арттырудың есебінен ана мен бала денсаулығын сақтау саласындағы медициналық көмектің сапасын жақсарту бойынша жұмыс жалғасуда.Ақпарат көзі : https://www.gov.kz/memleket/entities/dsm/press/news/details/924485

Соңғы бес жылда ауданның медициналық мекемесі жаңа жабдықтармен толықтырылды, бұл медициналық қызметтердің сапасына айтарлықтай әсер етті.Өңір басшысы Мұғалжар ауданына жұмыс сапары барысында аудандық ауруханаға барып, оның жұмысымен, алдағы жобаларымен және көрсетілетін қызметтердің сапасымен танысты.Аурухананың бас дәрігері Сәбит Кеулімжаев медициналық мекеменің 1989 жылдан бері жұмыс істеп келе жатқанын айтты. Штатта 74 медицина қызметкері бар. Күніне 600-ге жуық адамға қызмет көрсетіледі. Аурухана 100 керуетке шақталған, сонымен қатар 30 орындық күндізгі стационар жұмыс істейді.Соңғы бес жылда ауруханаға он арнайы көлік, оның ішінде төрт реанимобиль сатып алынды. Биылғы жылдың басында ауруларды диагностикалаудың дәлдігін едәуір арттыратын заманауи цифрлық маммограф алынды.Пациенттер мен мейірбике қызметкерлерінің жағдайын жақсартуға көп көңіл бөлінеді. Былтыр аурухана аумағын абаттандыру жұмыстары басталды. Жобаны іске асыруға жергілікті бюджеттен 129 млн.теңге бөлінген. Жұмыстар жазға дейін аяқталады.Сондай-ақ, ауруханаға қосымша құрылыс салу жобасы әзірленуде, онда тері арқылы коронарлық араласу орталығын ашу жоспарлануда. Бұл науқастарды облыс орталығына жібермей, жүрек-қан тамырлары ауруларын тиімді емдеуге мүмкіндік береді.Асхат Шахаров жаңа жабдықтарды көріп, психологиялық көмек кабинетіне барып, дәрігерлердің қабылдауына келген аудан тұрғындарымен әңгімелесті. Ауыл тұрғындары елдімекенде денсаулық сақтауды дамыту және медициналық қызмет көрсету жағдайларын жақсартуға көңіл бөлініп жатқанына алғыстарын білдірді.«Ауылдық денсаулық сақтауды жаңғырту» ұлттық жобасы аясында ауылдарда жаңа амбулаториялар салынуда, заманауи жабдықтар сатып алынуда және дәрігерлер мен пациенттер үшін жағдайлар жақсаруда. Қазір облыста ауылдық амбулаториялар салуға бағытталған бес жоба жүзеге асырылуда. Нысандар іске қосылса, халыққа медициналық қызмет көрсету қолжетімді болады. Бұл ауыл тұрғындары тұрғылықты жерінде ем ала алады деген сөз. Сонымен қатар, біз аудандық ауруханаларды заманауи цифрлық жабдықтармен жарақтандырамыз, осылайша халық үшін медициналық қызметтердің жоғары сапасын қамтамасыз етеміз. Инфаркт пен инсультке шалдыққан науқастарға көмек көрсету орталығын ашу жоспарлануда. Осы шаралардың барлығы сапалы медициналық қызмет алу жағдайларын жақсартуға және облыс тұрғындары үшін диагностиканың қолжетімділігін арттыруға бағытталған», - деді облыс әкімі.Өңір басшысы ауруханаға жапсарлас құрылыс жобасын дайындауды жеделдетуді тапсырды және мердігерлерді аурухана аумағын абаттандыру жұмыстарын сапалы және мерзімінде аяқтауға шақырды.Ақпарат көзі : https://www.gov.kz/memleket/entities/aktobe/press/news/details/924245

Мұғалжар ауданына жұмыс сапары барысында облыс әкімі Асхат Шахаров екі мектеп пен балабақшаны аралап, балалардың оқу жағдайларымен танысты.Қандыағаштағы «Жайлы мектепті» тапсыру мерзімі жосықсыз мердігерлердің кесірінен бірнеше рет ұзартылған. Ауданға жұмыс сапарында Асхат Шахаров мердігерлермен жеке сөйлесіп, мекеменің құрылысын қадағалауына алды.Білім ошағы «Жайлы мектеп» ұлттық жобасы аясында «Samruk-Kazyna Construction» қаражатына салынуда. Ол 600 орынға есептелген. «Antarium Group» ЖШС мердігерлік ұйымы нысанды осы жылдың қыркүйек айына дейін тапсыруды жоспарлап отыр. Мектептің іске қосылуымен Қандыағашта оқушы орындарының тапшылығы мәселесі ішінара шешіледі. Бүгінде қалада бес мектеп бар және олардың әрқайсысында оқушы саны көп. Жаңа мектеп заманауи жабдықтармен және инновациялық білім беру технологияларына қолжетімділікпен жабдықталады.Мектеп құрылысының барысын бағамдап шыққан Асхат Шахаров мердігерге жұмысты мерзімінде аяқтауды тапсырды.Сондай-ақ, облыс әкімі Қандыағаштағы «Күншуақ» балабақшасына барды, онда күрделі жөндеу жүргізіліп, «Қазақойл-Ақтөбе» ЖШС қаражатына жабдықтары толығымен жаңартылған. Ыдыс-аяқ, кілемдер, керуеттер, музыкалық және спорттық жабдықтар, ас үй техникасы, интерактивті тақта мен ойын жабдықтары сатып алынған. Мектепке дейінгі мекеме 320 балаға арналған.Бұдан әрі Асхат Шахаров өткен аптада Еңбек ауылдық округінің Темір-көпір ауылында ашылған мектепке барды. Мектеп заманауи стандарттарға сай салынған және химия, биология, физика және еңбек сабақтарына арналған арнайы кабинеттер мен зертханалармен жабдықталған. Оның құрылысына 680 млн. теңге бағытталды.«Президент мемлекеттік бағдарламалар арқылы ауылдық және қалалық мектептердегі балаларға тең жағдай жасау міндетін қойды. Біздің облыста биыл 11,1 мың орындық 13 жайлы мектепті ұлттық жоба аясында пайдалануға беру жоспарлануда. Жалпы, 2025 жылы аймақта үш ауысымды және екі апатты мектептің мәселесін шешу үшін 25 жаңа мектеп салынады.Жаңа мектептерде әртүрлі пәндерге арналған мамандандырылған кабинеттер мен зертханаларды қоса алғанда, заманауи білім беру инфрақұрылымы енгізіледі, бұл оқушыларға заманауи талаптарға сәйкес сапалы білім мен дағдыларды алуға мүмкіндік береді. Сондай-ақ, мектептерде оқытушыларға тиімді жұмыс істеуге және оқушылардың әлеуетін дамытуға қолайлы жағдай жасауға көңіл бөлінетін болады», - деп атап өтті әкім.Темір көпір ауылындағы мектепті аралап шыққаннан кейін облыс әкімі жергілікті тұрғындармен кездесті.«Біздің жағдайымыз жақсы. Ауылға апаратын жол, жақын жерде аялдама бар. Пойыздар үнемі жүреді. Міне балаларға жаңа мектеп ашылды. Кейде әжелер немерелерінен демалғысы келеді, сондықтан бізге медициналық пункт пен балабақша қажет. Біздің немерелеріміз балабақшада білім алып, дами алады», - деп жергілікті тұрғын Разия Қожантаева әкімге жүгінді.Еңбек ауылдық округінің әкімі Аманбай Қаюпов облыс әкіміне жергілікті тұрғындардың Сағашилідегі амбулаторияға баратынын жеткізді. Көрші ауыл Темір көпірден үш шақырым жерде орналасқан. Ал мектеп жасына дейінгі 27 бүлдіршін балабақшаның жоқтығына байланысты үйлерінде.«Биыл өңірде балабақшалар салуға 30 миллиард теңге бөлінді. Жағабұлақ ауылында бір балабақша мен Көтібар ауылында 60 орындық мектеп салуды жоспарлап отырмыз. Жобалар әзірленуде. Барлық балалар балабақшаларда орындармен қамтамасыз етілуі тиіс және біз оларды ерте жастан толыққанды тәрбиелеу мен дамыту үшін қажетті жағдайлар жасауға бар күшімізді саламыз», - деді өңір басшысы.Асхат Шахаров ескі мектеп ғимаратында балабақшаны орналастыру мәселесін қарастыруды және «Ауылдық денсаулық сақтауды жаңғырту» ұлттық жобасы аясында Темір көпірде медициналық пункт салу мәселесін енгізуді тапсырды.Ақпарат көзі : https://www.gov.kz/memleket/entities/aktobe/press/news/details/924373

Мұғалжар ауданына жұмыс сапары барысында облыс әкімі Қандыағаштағы №8 өрт сөндіру бөліміне барды.Мұғалжар ауданының ТЖ бөлімінің бастығы Мақсат Рятов әкімге өрт сөндіру бөлімінің ғимараты 1982 жылы салынғанын айтты. Соңғы рет 2013 жылы күрделі жөндеу жұмыстары жүргізілген. Бүгінде ғимаратта аудандық ТЖ бөлімі мен өрт сөндіру бөлімі орналасқан. Жеке құрамның саны 30 адамды құрайды, оның ішінде 6 офицер, 24 сержант. Өрт сөндіру бөлімінің балансында 9 техника, оның ішінде 3 өрт сөндіру көлігі, 1 автосатыбар.Облыс әкімі техникалар мен жабдықтардықарап, құтқарушылар жұмысының маңыздылығын атап өтіп, жеке құраммен әңгімелесті.«Құтқарушылардың жұмысы өте маңызды, өйткені сіздер күн сайын адамдардың қауіпсіздігі үшін өз өмірлеріңізді қатерге тігесіздер. Құтқарушы мамандығы - бұл текеңбек қана емес, бұл батылдықты, жанқиярлықты және жоғары жауапкершілікті талап ететін нағыз ерлік», - деп атап өтті әкім. Ақпарат көзі : https://www.gov.kz/memleket/entities/aktobe/press/news/details/924533

Әлеуметтік маңызы бар азық-түлік тауарларының бағасын тұрақтандыру мақсатында ҚР Сауда және интеграция министрлігі кешенді жұмыстар атқаруда. Жыл басынан сауда үстемесін 15%-дан асырмау бойынша 20 аймақтық комиссия өтіп, олардың барысында әлеуметтік маңызы бар өнім саналатын картопқа қатысты 49 заң бұзушылық анықталды. Анықталған барлық фактілер бойынша тиісті әкімшілік шаралар қабылданатын болады.Сауда министрлігінің, Ауыл шаруашылығының ірі сауда желілерімен, атап айтқанда, Small және Magnum желілерімен өткізілген кездесулердің нәтижесінде, бүгінгі күні Астанадағы Small желісінде картоптың орташа бағасы 280 теңгеге, ал Magnum желісінде 185 теңгеге дейін төмендеді. Сауда комитетінің мониторингі бойынша, бүгінгі күні Қазақстан бойынша картоптың орташа бағасы 322 теңге. Әлеуметтік дүкендер мен ӘКК серіктестерінде – елдің барлық аймақтарында картоптың көлемі жеткілікті және нарықтағы бағадан төмен сатылуда.Аймақтардың тұрақтандыру қорларында жинақталған картопты сату жалғасуда. 2024 жылғы желтоқсаннан 2025 жылғы 19 қаңтарға дейін жалпы көлемі 85,4 мың тоннаны құрайтын картоптың 23,6 мың тоннасы сатылды. Соңғы 3 күнде шамамен 3 мың тонна картоп сатылды, оның ішінде Алматы қаласында – 300 тонна, Шымкентте – 600 тонна, Түркістан облысында – 300 тонна және т.б. Бүгінгі күні тұрақтандыру қорларында 62 мың тонна картоп бар.Аталған шаралар ішкі нарықтағы бағаның төмендеуіне ықпал етті.Ақпарат көзі : https://www.gov.kz/memleket/entities/mti/press/news/details/922126

Астанада Қоғамдық кеңестің төрағасы Руслан Шаекин мен ҚР Сауда және интеграция министрі Арман Шаққалиевтің төрағалығымен 2025 жылы Сауда және интеграция мәселелері жөніндегі қоғамдық кеңестің бірінші отырысы өтті.Іс-шараға Қаржы нарығын реттеу және дамыту агенттігін, Ұлттық банкті, сондай-ақ Ішкі істер, Ғылым және жоғары білім, Ауыл шаруашылығы, Мәдениет және ақпарат, Денсаулық сақтау министрліктерін қоса алғанда, негізгі мемлекеттік құрылымдардың өкілдері қатысты.Отырыста сауда мен интеграцияны дамытуға қатысты өзекті мәселелер көтерілді. Осы салалардағы сын-қатерлер мен перспективалар талқыланды. Негізгі міндеттерді шешуге және әртүрлі мемлекеттік органдар мен жұртшылық арасындағы өзара байланысты нығайтуға бағытталған Қоғамдық кеңестің 2025 жылға арналған жұмыс жоспарын талқылауға ерекше назар аударылды.Қоғамдық кеңестің келесі отырысы ағымдағы жылдың ақпан айының соңында өтеді.Ақпарат көзі : https://www.gov.kz/memleket/entities/mti/press/news/details/922594

22 қаңтарда онлайн форматта өткен ЕЭК Кеңесінің отырысында, Қазақстан тарапынан Қазақстан Республикасының Премьер-Министрінің орынбасары – Ұлттық экономика министрі Серік Жұманғарин төрағалық етті. Отырыс барысында қазақстандық Kazrost Engineering Ltd. ЖК-ның ауыл шаруашылығы техникасын өндіру бойынша жобасын қаржыландыруға арналған Өнеркәсіпті дамыту қорының өтінімі мақұлданды.Бірлескен кооперациялық жоба аясында компания Ресейдің «Ростсельмаш» комбайн зауытымен және Беларусьтің «КУВО» кәсіпорынымен бірлесіп, Қазақстанда комбайн кабиналарын өндіруді локализациялау және жабдықтарды сатып алуды жоспарлап отыр.Осы жобаның арқасында комбайн өндірудегі зауыттың жобалық қуаттылығы жылына 700 данадан 1000 данаға дейін артпақ.Осы мақсатта ЕЭК Кеңесінің мүшелері алғаш рет Ұлттық банктің негізгі мөлшерлемесінің100%-ы көлемінде несие бойынша пайыздық мөлшерлемені субсидиялауға теңдессіз жағдайлар ұсынды. Қаржылық қолдау сомасы шамамен 192 миллион теңгені құрайды және ЕАЭО бюджетінен бөлінеді.Тағы бір қазақстандық компания – «Астана Қала Құрылысы» ЖШС, ресейлік кәсіпорын жүзеге асыратын жобаға қатысады. Бұл жоба да ЕЭК Кеңесінің отырысында жеңілдетілген қаржыландыру алуға мақұлданды. Бұл Мәскеу - Санкт-Петербург жоғары жылдамдықты теміржол магистралін салуға арналған өнімді шығару үшін өндірістік қуаттарды құру жөніндегі Муром бағыттамалық зауытының жобасы. Қазақстандық компания инжинирингтік және құрылыс қызметтерін ұсынбақ.Жалпы, бірлескен кооперациялық жобаларды қаржылық қолдаудың жаңа механизмі Қазақстан Республикасының Президенті Қасым-Жомарт Кемелұлы Тоқаевтың 2023 жылдың мамыр айында өткен Жоғары Еуразиялық экономикалық кеңес отырысында айтылған, Қазақстанның Еуразиялық өнеркәсіптік кооперацияның орталығы болуға дайындығы туралы бастамасының қисынды жалғасы болып табылады.Сонымен қатар, ЕЭК Кеңесінің отырысында кино және бейнефильмдерді шығару мен таратуға байланысты қызмет көрсету саласындағы әкімшілік ынтымақтастық туралы келісім жобасы мақұлданды. Құжатта Интернетте еркін қолжетімді ақпараттар тізбесін айқындайды, мысалы, НҚА, прокатқа рұқсат етілген фильмдердің және ЕАЭО елдерінің нарық қатысушылары арасында алмасуға арналған басқа да ақпараттар бар. Бұл құжат тараптар арасындағы кинематография саласындағы ынтымақтастықты дамытуға, қызмет көрсетушілердің тұтынушылардың құқықтары мен заңды мүдделерін, сондай-ақ адал нарық қатысушыларын қорғау механизмін енгізуге бағытталған. Жақын арада бұл құжат ЕАЭО елдеріне мемлекетішілік келісу рәсімдерінен өту үшін жіберіледі.ЕАЭО мүше мемлекеттердің интеллектуалды көлік жүйелерінің өзара әрекеттесуін жетілдіру тұжырымдамасы мақұлданды. Құжат интеграцияланған ақпараттық және телематика технологияларының даму деңгейін ескере отырып, қатысушы елдердің үйлестірілген көлік саясатын әзірлеу мақсатында қабылданды. Интеллектуалды көлік жүйелерінің өзара әрекеттесуі пайдаланушыларды техникалық қолдауды ұйымдастыруға, жол қауіпсіздігін арттыруға және көлік ағындарын оңтайландыруға мүмкіндік береді.Сондай-ақ, адам денсаулығына, жануарларға, мүлікке, қоршаған ортаға зиян келтірген немесе қауіпті өнімдердің айналымы туралы ақпаратты жинау, жинақтау және ұсыну тәртібі қабылданды. Құжат мұндай өнімдердің тұрмыста және еркін айналымда болу тәуекелін азайтуға мүмкіндік береді.Отырыс барысында сондай-ақ кедендік реттеу, техникалық реттеу, макроэкономика және бәсекелестік салаларындағы мәселелер талқыланды.Ақпарат көзі : https://www.gov.kz/memleket/entities/mti/press/news/details/923521

Қазақстан Республикасының Сауда және интеграция бірінші вице-министрі Айжан Бижанова ауыл шаруашылығы министрлігі, әкімдіктер, сауда желілері мен әлеуметтік-кәсіпкерлік корпорациялар өкілдерімен жиын өткізді. Жиында нарықты картоппен қамту және бағаны тұрақтандыру шаралары талқыланды.Айжан Бижанованың айтуынша, еліміздегі ірі сауда желілері, оның ішінде «Магнум», «Смолл», «Анвар» және «Дина», фермерлерден тікелей 1,5 мың тонна картоп сатып алу бойынша келісімшарт жасауға дайын екенін жеткізді. Сонымен қатар, сауда желілері өнімді шаруашылықтан өздері алып кетуге дайын.«Әкімдіктер өздерінің қажеттіліктерін, соның ішінде сауда желілеріне арналған көлемдерді көрсетуі қажет, бұл нарықтағы сұранысты жылдам қанағаттандыру үшін маңызды. Сондай-ақ, ауыл шаруашылығы өнімдерін өндірушілер мен сауда нүктелері арасында тығыз байланыс орнату өте маңызды», - деп атап өтті сауда және интеграция бірінші вице-министрі.Сондай-ақ ол азық-түлік тауарларының бағасын қалыптастыру тізбегіндегі делдалдық схемаларды зерттейтін өңірлік комиссиялардың жұмысын күшейту қажеттілігіне назар аударды. Сонымен бірге, бірінші вице-министр фермерлермен жұмыс жүргізуді, картоп пен басқа да өнімдердің көтерме бағасының негізсіз өсуіне жол бермеу мәселелерін қарастыруды тапсырды.Айта кету керек, биылғы жылы Сауда комитетінің өңірлік департаменттері 20 өңірлік комиссия өткізіп, оның нәтижесінде 49 заңбұзушылық анықталды. Олардың арасында картоптың әлеуметтік маңызы бар өнім ретінде сауда үстемесін 15%-дан арттыру фактілері тіркелді.Ақпарат көзі : https://www.gov.kz/memleket/entities/mti/press/news/details/923734

Жамбыл облысының әкімі Ербол Қарашөкеев жеке қабылдауға жазылған 15 азаматтың мәселесін тыңдады. Олардың қатарында Тараз қаласы мен Байзақ, Жамбыл, Т.Рысқұлов, Меркі, Жуалы, Талас ауданының тұрғындары бар.Қабылдауда болған азаматтар тұрғын үй-коммуналдық шаруашылық, жұмыспен қамту, денсаулық сақтау, білім, кәсіпкерлік, тұрғын үй, жол және жер саласына қатысты ұсыныстар мен өтініш-тілектерін айтты. Өзге де мәселелер бойынша шағымдарын білдірді.Ербол Қарашөкеев жауаптыларға өтініш иелерінің мәселелерін мұқият зерделеп, заң талаптарына сәйкес шешім қабылдау бойынша тапсырма берді.Ақпарат көзі : https://www.gov.kz/memleket/entities/zhambyl/press/news/details/924388

Сенат Төрағасы Мәулен Әшімбаев Солтүстік Қазақстан облысының еңбек ұжымдарымен, мәслихат депутаттарымен, Қазақстан халқы Ассамблеясының мүшелерімен, қоғамдық және діни бірлестіктердің өкілдерімен кездесті. Өңірге сапар барысында Мемлекет басшысының Жұмысшы мамандықтар жылы аясындағы және аймақтардың өсіп-өркендеуіне жол ашатын жаңа өндіріс орындарын дамыту жөніндегі тапсырмаларын іске асыруға қатысты мәселелер де талқыланды. Бұл ретте маңызды бағыттар бойынша Сенат пен мәслихаттардың бірлескен жұмысы ерекше мәнге ие екені айтылды.Палата Төрағасы «Қазақстан өңірлерінде еңбек ресурстарын дамыту: қазіргі жағдайы мен келешегі» тақырыбына арналған дөңгелек үстелге қатысты. Ол өз сөзінде Мемлекет басшысы Жолдауда белгілеп берген басымдықтардың бірі – аймақтардың өсіп-өркендеуіне жол ашатын жаңа өндіріс орындарын дамытудың маңызына назар аударды. Мәулен Әшімбаев атап өткендей, бұлмақсатқа қол жеткізу үшін білікті, кәсіби мамандар мен барлық деңгейде кешенді жұмыс жүргізу қажет.«Президентіміз Қасым-Жомарт Кемелұлы Тоқаев «Ana tili» газетіне берген сұхбатында экономиканың өсуін қамтамасыз ету – алдымызда тұрған басты міндет екенін атап өтті. Қазіргі таңда елімізде салалық мамандар – инженерлер, энергетиктер, су шаруашылығы мамандары, агрономдар, мал дәрігерлері және басқа да маңызды мамандықтардың өкілдері сұранысқа ие. Сондықтан Мемлекет басшысы 2025 жылды Жұмысшы мамандықтар жылы деп жариялады. Бұл ретте аталған мамандарды даярлап қана қоймай, елімізде ерекше еңбек мәдениетін қалыптастыру, еңбек адамдарына құрмет көрсетуге тәрбиелеу, еңбексүйгіштік пен кәсіпқойлық құндылықтарын дәріптеу асамаңызды. Еңбек адамдары – ел дамуыныңнегізі. Сол себепті, жұмысшы мамандықтардың беделі жоғары деңгейде болуы керек», – деді Сенат Спикері.Осы орайда облыстардың сапалы экономикалық дамуын олардың ерекшеліктері мен бүгінгі проблемаларын ескере отырып қамтамасыз етуді көздейтін нақты шараларға баса мән берілді. Мәулен Әшімбаевтың айтуынша, еңбек ресурстарының тапшылығы, әртүрлі өңірлер, қала мен ауыл және мамандықтар арасындағы еңбек диспропорциясы, теңгерімсіз урбанизация, демографиялық дағдарыс қазіргі таңдағы ең өзекті мәселелер болып саналады. Оларды шешу үшін барлық мүдделі тараптың күш-жігерін ортақ мақсатқа жұмылдыру қажет.«Өңірлер арасындағы еңбек ресурстарының теңгерімін қамтамасыз ету – маңызды міндет. Түркістан, Жамбыл облыстары сияқты еңбек ресурстары артық өңірлер мен жұмыс күші жетіспейтін аймақтар бар. Мысалы, Солтүстік Қазақстан облысы. Аталған мәселеге бұл өңірдегі халықтың табиғи кему үдерісі де өз салдарын тигізуде. Бүгінде Солтүстік Қазақстан облысында туу көрсеткіші төмен, ал, өлім-жітім жоғары деңгейде. Бұл экономикалық өсудің баяулауына және өндіріс әлеуетінің төмендеуіне әкелетін проблемалар туындатады. Демографиялық үрдістер мен экономикамыздың қажеттіліктерін ескере отырып, еңбек ресурстарының ішкі көші-қонын жүйелеу, кадрларды ротациялау, жастарды оқыту және жұмысқа орналастыру бағдарламаларын жандандырудың маңызы зор екенін аңғарамыз. Бұрынғы тәжірибені талдап, ол бағдарламалардың неге тиімсіз болғанын зерделеп, елімізде еңбек көші-қонының ауқымын арттыруға қажетті қадамдар мен тетіктерді пысықтаған жөн», – деп, Палата Төрағасы еңбек көші-қоны бағдарламаларын одан әрі дамыту керек екенін атап өтті.Мәслихат депутаттарымен және өңір жұртшылығымен кездесу кезінде Мәулен Әшімбаев Солтүстік Қазақстан облысының агроөнеркәсіптік әлеуетіне тоқталып, Сенат депутаттары оны іске асыруға заңнамалық деңгейде қолдау көрсетуге дайын екенін жеткізді. Осыған байланысты индустриялық және инфрақұрылымдық жобалар, сондай-ақ, бірлескен жұмыстың басқа да негізгі бағыттары сөз болды. Сонымен қатар кездесуде инфрақұрылымды жаңғырту, оның ішінде ауылдардағы электр желілерін жаңарту мәселесі аса маңызды екені айтылды.«Облыста инфрақұрылымды жаңғыртуға да баса мән беріліп отыр. Атап айтқанда, былтыр2-ші ЖЭО-да жаңа мұржаның құрылысы аяқталды. Ауылдық жерлерде электр желілерін жаңарту жұмыстары жүргізіліп жатыр. Сенаторлар 2025 жылға арналған республикалық бюджетті қарау барысындаСолтүстік Қазақстан облысының ұсыныстарын назарға алды. Соның нәтижесінде маңызды инфрақұрылымдық жобаларды іске асыруға қосымша қаражат бөлінді. Нақты айтар болсақ, олар – ауылдарды сумен, жылумен жабдықтауға және өңірлік даму салаларына қатысты жобалар. Алдағы уақытта Палата осы өңірден сайланған сенаторлармен бірге Солтүстік Қазақстан облысының жан-жақты дамуына қажетті көмек пен қолдау көрсетуді жалғастырабереді», – деп, Мәулен Әшімбаев мәслихат депутаттарын Парламенттің заңнамалық жұмысына белсенді қатысуға және өңірлердегі өзекті проблемаларды шешуге арналған тұжырымдамалық ұсыныстар әзірлеуге шақырды.Кездесуге Қазақстан халқы Ассамблеясының мүшелері мен өңірдегі дін өкілдері де қатысты. Парламент депутаттары олармен бірге рухани дипломатияны дамытуға қатысты маңыздымәселелерді талқылап, Әлемдік және дәстүрлі діндер көшбасшыларының VIII Съезі аясындағы мақсат-міндеттерді іске асыру жөнінде пікір алмасты.«Еліміздегі барлық этникалық топтың рухани, мәдени, гуманитарлық мүдделерін қамтамасыз ету үшін бірлескен жұмысымызды одан әрі жалғастыра береміз. Бұл істе ең маңызды міндеттердің бірі мемлекеттік тілді ілгерілету және қолдау екені анық. Қазақ тілі – Қазақстандағы барлық этникалық топты ортақ мұратқа жұмылдыратын басты тетіктердің бірі. Оған ешқандай күмән жоқ. Жалпы, қазіргі таңда бәріміз мемлекеттілік, Тәуелсіздік және Президентіміздің елдегі бірлік пен келісімді нығайтуға арналған саясаты сияқты ортақ құндылықтар төңірегінде бірігуіміз керек. Бұл ретте Солтүстік Қазақстан облысы өзге өңірлерге үлгі көрсетеді деп сенемін», – деді Сенат Төрағасы.Сонымен қатар сапар аясында сенаторлар 6 мыңнан астам студент оқитын Манаш Қозыбаев атындағы Солтүстік Қазақстан университетіне барып, оқу орнының білім беру ісімен, ғылыми-зерттеу қызметімен және одан әрі даму стратегиясымен танысты. Сондай-ақ депутаттарға мал, өсімдік шаруашылықтарына арналған зертханалары бар оқу-зертханалық корпустың қызметі таныстырылды. Онда тәжірибелер мен ғылыми зерттеулер жүргізіледі.Сенат Төрағасы Азаматтарды қабылдау орталығының қызметімен де танысты. Одан бөлек, «Зеленый Север» ЖШС жылыжай кешені мен «Nord Panels» ЖШС ағашты терең өңдеу зауытының еңбек ұжымдарымен жүздесті.Мәулен Әшімбаев «Qyzyljar Creative Center» креативті индустрия орталығында «Sensitive» инклюзивті би тобының ұжымымен және Бочча өңірлік бөлімшесінің параспортшыларымен де кездесті. Мемлекет басшысының тапсырмасын орындау мақсатымен іске асырылған бұл жоба жастардың өңірден кетуін азайту үшін тиісті жағдай жасай отырып, креативті экономикаға қажетті мамандар даярлауға, жас таланттардың қабілеттерін шыңдауға және оларға қолдау көрсетуге ықпал етіп келеді.Ақпарат көзі : https://www.gov.kz/memleket/entities/sko/press/news/details/924171