Бүгін Рудный қаласында маңызды оқиға болды – көппәтерлі екі тұрғын үй пайдалануға берілді. 122 жаңа пәтердің кілтін көпбалалы отбасылар мен мүмкіндігі шектеулі жандар алды. Облыс әкімі жаңа қоныс иелерін құттықтап, оларға бақыт, денсаулық және жаңа үйлерінде жайлылық тіледі.Мемлекет басшысының тапсырмасын жүзеге асыруАзаматтарды сапалы баспанамен қамтамасыз ету – бұл Мемлекет басшысының негізгі бағыттарының бірі. Қостанай облысында тиісті тапсырмалар табысты жүзеге асырылуда. Нәтижелер көз қуантады:2024 жылы 500 мың шаршы метр тұрғын үй пайдалануға берілді, бұл 5 мыңнан астам отбасының жаңа пәтер алуына мүмкіндік берді.Жалға берілетін тұрғын үй сатып алуға қомақты қаражат бөлінді. Өткен жылы 940 пәтер сатып алынды, бұл 2023 жылмен салыстырғанда 5,7 есе көп.Биыл тағы 1500 пәтер сатып алу жоспарланған, бұл одан да көп мұқтаж отбасыларды баспанамен қамтамасыз етеді.Сонымен қатар, Рудный қаласында ескі ғимараттарды қалпына келтіру жұмыстары жалғасуда. 2023 жылдан бастап жалпы ауданы 28 мың шаршы метрден асатын 11 көппәтерлі үй қалпына келтірілді. Қала инфрақұрылымына жаңа тыныс беру үшін бұл жұмыс жалғасуда.Өнеркәсіптік әлеуетті дамытуРудный қаласындағы тағы бір маңызды нысан – «Қазөртөк-2015» зауыты, ол өнеркәсіпке арналған отқа төзімді материалдар өндіреді. Зауыт өнімдері Қазақстанда ғана емес, халықаралық нарықтарда да сұранысқа ие: өнімнің шамамен 70%-ы экспортталады.Кәсіпорын белсенді жаңғыртылуда. Өнімділік пен бәсекеге қабілеттілікті арттыруға бағытталған техникалық қайта жарақтандыру бағдарламасы жүзеге асырылуда:Қайта құру мен дамуға жалпы инвестиция көлемі 6,9 млрд теңгені құрайды.2023 жылы 1,7 млрд теңге, 2024 жылы – 3,2 млрд теңге салынды, ал 2025 жылы тағы 2 млрд теңге инвестициялау жоспарланған.Жаңа өндірістік желілерді іске қосу өнім көлемін 2 есе арттыруға мүмкіндік береді.Мемлекеттік қолдау кәсіпорынның дамуына маңызды рөл атқаруда. 2024 жылы шикізат бағасының тұрақтандырылуы арқасында зауыт өндірісті тұрақтандырып, жоғары табысты өнім көлемін арттыра алды.Өңір басшылығының бақылауындаБұл жобалардың әрқайсысы – азаматтарды баспанамен қамтамасыз етуден бастап өнеркәсіптік әлеуетті дамытуға дейін – облыс әкімінің жеке бақылауында. Мұндай тәсіл мәселелерді жедел шешуге, міндеттердің тиімді орындалуын қамтамасыз етуге және жоғары нәтижелерге қол жеткізуге мүмкіндік береді.Қостанай облысы ауқымды жобаларды жүзеге асыра отырып, сенімді түрде алға жылжуда. Бұл жобалар тұрғындарға жайлы жағдайлар жасап, өңір экономикасын нығайтады. Тұрғын үй құрылысы мен өнеркәсіптік нысандарды жаңғырту – өңірдің одан әрі дамуына негіз болатын негізгі бағыттар. Ақпарат көзі : https://www.gov.kz/memleket/entities/kostanay/press/news/details/922919

Қарағанды облысында дауылды ескерту жалғасуда. Өңірдің басым бөлігінде қатты жел соғып, боран сақталуда. Сонымен қатар, 22–24 қаңтарда облыс аумағында ауа температурасы -34 градусқа дейін төмендейді.Осындай ауа райында жылыту аспаптарын дұрыс пайдаланбау, электр желілерін артық жүктеу және осыған байланысты өрт қауіпсіздігі ережелерін бұзу салдарынан өрт шығу қаупі артады, деп атап өтті Қарағанды облысы ТЖД өкілдері Өңірлік коммуникациялар қызметінде өткен брифингте.– Үйлерін жылыту үшін біздің тұрғындар кейде өрт қауіпсіздігі ережелерін елемей, бір желіге бірнеше электр аспабын қосады, бұл қысқа тұйықталуларға және одан әрі өрттің туындауына алып келеді, – дейді Қарағанды облысы бойынша ТЖД бастығының орынбасары Думан Далешев. – Осыған байланысты тұрғын үйде қарастырылған жылыту көздерін ғана пайдалануға кеңес береміз.ТЖ департаментінің мәліметінше, жылыту маусымы басталғалы облыс аумағында тұрғын секторында 139 өрт тіркелді, онда тоғыз адам зардап шегіп, 11 адам қаза тапты. Сонымен қатар, алты адам улы газбен уланған.Құтқарушылар өрт қауіпсіздігі шараларын қатаң сақтауды сұрайды:- өшірілмеген темекі мен сіріңкелерді қалдырмау;- жарамды пештерді, газ және электр аспаптарын ғана пайдалануға;- мұржаларды күйеден уақтылы тазарту (үш айда бір рет);- пешті қыздырмау және жылыту пештерін қыздырмау;- балаларға пеш жағуды тапсырмау керек.Сонымен қатар, ТЖ департаменті тұрғындардан тұрмыстық газ құралдарын пайдалану ережелерінің сақталуына баса назар аударуды сұрады:- газ баллондарын жылыту аспаптарының жанына орналастырмауға, әсіресе оларды салқын жерден жылы үй-жайға кіргізген кезде;- жұмыс істеп тұрған газ аспаптарын қараусыз қалдырмауға;- газдың шығуын анықтау үшін ашық отты пайдаланбауға;- балалардың газ аспаптарын пайдалануына қатаң тыйым салуды өтінді.Ақпарат көзі : https://www.gov.kz/memleket/entities/karaganda/press/news/details/921833

26 қаңтарда Қарағандыдағы «Шалқыма» концерт залында Қазақстан Республикасының еңбек сіңірген қайраткері Азамат Желтырғұзов өнер көрсетеді. Музыкалық кеш сағат 17:00 басталады.Ұлы композитор Петр Ильич Чайковскийдің шығармаларын қарағандылықтар үшін баритон Азамат Желтырғұзов орындайды. Ол Е. Рахмадиев атындағы Мемлекеттік академиялық филармонияның және К. Байсейітова атындағы Ұлттық опера және балет театрының солисі. Соңғысында Азамат Желтырғұзов Чайковскийдің «Евгений Онегин» және «Иоланта» операларындағы партияларды тұрақты түрде орындайды.Бұл кеште қарағандылықтар үшін танымал пианиношы Роза Шотқалиева фортепианода ойнайды. Ол да Азамат Желтырғұзов сияқты Е. Рахмадиев атындағы Мемлекеттік академиялық филармонияның әртісі. Роза Шоткалиева – республикалық және халықаралық конкурстардың жеңімпазы әрі лауреаты.Концертке Е. Рахмадиев атындағы филармонияның солисті Фируза Рахметова мен Қ. Байжанов атындағы Қарағанды концерт бірлестігінің вокалисті Рысты Рахымжан қатысады.Ақпарат көзі : https://www.gov.kz/memleket/entities/karaganda/press/news/details/922125

Әбілқас Сағынов атындағы Қарағанды техникалық университетінің «Политех» командасы Екібастұзда өткен футзалдан республикалық турнирде екінші орынды иеленді. Жарысқа Қазақстанның түрлі қалаларынан 30 спорттық ұжым қатысты.«Политех» турнирді «А» тобында бастады, онда ол «Арлан» (Павлодар), «1994» (Екібастұз) және «Самғау» (Павлодар) командаларын жеңіп, 1/4 финалға шығуын қамтамасыз етті.Ширек финалда қарағандылықтар Павлодар облысының «Номадын» 5:2 есебімен жеңді. Жартылай финалда олар мықты қарсылас - павлодарлық «Әлім» командасымен кездесті. Бұл матч оңай болмады және бірінші таймда пенальтиден соққан жалғыз гол «Политех» пайдасы үшін шешуші болды.Ақтық сайыс команда үшін нағыз сынаққа айналды. Соңғы минутқа дейін созылған шиеленіскен ойында «Политех» «Әлім» командасынан 2:4 есебімен жеңіліп, екінші орынды иеленді.Финалда есе жіберіп алғанына қарамастан, команда тамаша ойын көрсетті.Әбілқас Сағынов атындағы Қарағанды техникалық университетінің баспасөз қызметінің ақпараты бойыншаАқпарат көзі : https://www.gov.kz/memleket/entities/karaganda/press/news/details/922198

Қарағанды облысында су тасқынына дайындық барысында 180-ге жуық іс-шара орындалды. 65 шақырым қорғаныс бөгеттері мен біліктері тұрғызылды және бекітілді, 26 шақырым дренаж және су бұру жүйелері тазартылды, сондай-ақ 18 километрден астам өзен арналарына санация жүргізілді. Автожолдардың 75 учаскесінде су өткізу қабілеті ұлғайтылды. Жанар-жағармай және инертті материалдар, қаптар мен азық-түлік қоры құрылды.Қарағанды облысының әкімі Ермағанбет Бөлекпаевқа су тасқыны кезеңіне дайындық бойынша атқарылған жұмыстар туралы жауапты ведомстволардың өкілдері, сондай-ақ қалалар мен аудандардың әкімдері баяндады.– 1 наурыздан бастап азаматтық қорғаудың аумақтық кіші жүйесінің күштері мен құралдары жоғары әзірлікке келтіріледі, – дейді ТЖ департаментінің бастығы Марғұлан Аманбаев. – Бұл ТЖМ бөлімшелерін, әскери қолбасшылық органдарын және полиция департаментінің жеке құрамынан 4125 адам және 1754 бірлік техника.Бүгінгі таңда жағдай тұрақты: өзендер қысқы режимде, қар деңгейі облыс аумағын 100% қамтиды. Судың толып кетуiн болдырмау үшiн Самарқанд және Ынтымақ су қоймаларынан суды санитарлық ағызу жүргiзiледi.Қазгидрометтің мәліметінше, қардағы су қоры Нұра өзені бойынша нормадан асып түседі, бірақ Шерубай-Нұра мен Тоқырауын бойынша нормаға жақын қалып отыр. Топырақтың қату тереңдігі өткен жылғы көрсеткіштен аз, бұл су басу қаупін төмендетеді.– Туындауы мүмкін кез келген тәуекелдер егжей-тегжейлі пысықталуы тиіс. Біз кез келген жағдайға дайын болуымыз керек, – деп атап өтті өңір басшысы. – Бізде іс-шаралар жоспары бар және ол бойынша су тасқыны кезінде облыс тұрғындарының қауіпсіздігін қамтамасыз ету үшін барлық қызметтер нақты жұмыс істеуі тиіс.Ақпарат көзі : https://www.gov.kz/memleket/entities/karaganda/press/news/details/922209

Қарағанды облысы Осакаров ауданында орналасқан «Бұйратау» ұлттық табиғи паркінің «Белодымовский» филиалының қызметкерлері қысқы аяз кезінде маралдар мен бизондарды тамақсыз қалдырмайды. Жануарлар парктің 400 гектар аумағында жайылады.Қыста қарлы және аяз күндері жергілікті жануарларға адамдардың көмегінсіз аман қалу өте қиын болар еді: оларға өз бетінше азық табуға беті мұздап қалған қалың қар кедергі келтіреді. Сондықтан қорықшылар астық, шөп және қайың сыпырғыштары салынған оттықтар қояды.Ұлттық паркте олар үшін нағыз орман асханасы ашылды. Мәзір әтүрлі. Мысалы, маралдар дәнді жем жесе, басқа орман тұрғындары – түлкілер мен қояндар да назардан тыс қалмайды. Соңғылары қыста азығын өздері таба алады, бірақ қорықшылар толтырған оттықтан да қоректене алады.Осакаров ауданы әкімдігінің ақпараты бойыншаАқпарат көзі : https://www.gov.kz/memleket/entities/karaganda/press/news/details/922405

Қарағанды облысында картоп бағасын тұрақтандыру және әлеуметтік маңызы бар өнімдер бағасының өсуіне жол бермеу үшін шаралар қабылдануда. Облыс әкімі Ермағанбет Бөлекпаев ауыл шаруашылығы құрылымдарымен белгіленген бағамен сауда орындарына картоп жеткізуге кепілдік беретін меморандумдар жасасуды тапсырды. Сондай-ақ, көтеріңкі үстеме баға қоюдың жолын кесу үшін әлеуметтік маңызы бар тауарлар бағасына мониторинг жүргізуді жалғастыру керек.Облыстың ауыл шаруашылығы кәсіпорындарының қоймаларында 53 мың тонна картоп сақталуда, ал тұрақтандыру қоры мен сауда желілерін қоса алғанда, жалпы қор 61,6 мың тоннаны құрайды – бұл халықтың маусымаралық қажеттіліктерін жабу үшін жеткілікті.Қазіргі уақытта форвардтық келісімшарттар бойынша 3,2 мың тонна картоп, сондай-ақ басқа да көкөністердің қажетті мөлшері жеткізілді, бұл өңірдің маусымаралық қажеттілігін толығымен жабады. Айналым схемасы бойынша да жеткізу жалғасуда.Облыстың сауда және тұтынушылардың құқықтарын қорғау департаменті мен Қарағанды әкімдігі әлеуметтік маңызы бар азық-түлік тауарларына, соның ішінде картопқа сауда үстемесінің 15%-дан асуына жол бермеу үшін сауда желілерінің өкілдерімен кездесу өткізді. Бүгінгі таңда екі кәсіпкер картоптың сауда үстемесін асыра пайдаланғаны үшін әкімшілік жауапкершілікке тартылды. Тағы бір сауда нүктесіне қатысты тексеру белгіленді.Экономикалық тергеу департаментіне сауда үстеме бағасын сақтамау фактілерін зерттеу тапсырылды. Барлық бұзушылықтар бойынша шаралар қабылданады.Облыста тұрғындардың қажеттіліктерін қамтамасыз ету үшін бірінші кезекте қажетті тауарлар қоры жеткілікті, ал бағаларды тұрақтандыру жөніндегі жұмыс жалғасатын болады. Ақпарат көзі : https://www.gov.kz/memleket/entities/karaganda/press/news/details/922554

Абай атындағы Қарағанды балалар кітапханасында кітап витриналарының бірі облыстың белгілі мерейтой иелеріне арналды. Онда қала мен өңірдің дамуына елеулі үлес қосқан адамдар туралы кітаптар ұсынылған.Биыл көрме мемлекет және қоғам қайраткері, Қарағанды облысының тумасы Нығмет Нұрмақовтың 130 жылдығына арналған; Химия және металлургия саласындағы ғалым, жазушы, ақын Евней Бөкетовтың 100 жылдығы; белгілі журналист, публицист, Қазақстан журналистер одағының мүшесі, жазушы және ақын Валерий Могильницкийдің 85 жылдығына; ақын, аудармашы және мемлекеттік сыйлықтың лауреаты Серік Ақсұңқарұлының 75 жылдығы.Көрме жыл соңына дейін жалғасады және жаңа басылымдардың түсуіне қарай жаңартылады.Жас қарағандылықтарды өңірдегі танымал адамдардың өмірімен және қызметімен танысуға шақырады.Ақпарат көзі : https://www.gov.kz/memleket/entities/karaganda/press/news/details/922571

Қарағанды облыстық бейнелеу өнері мұражайында "қыс, ол тек АҚ болып көрінеді" көрмесі өтеді. 4 жастан 17 жасқа дейінгі балалар өз жұмыстарын ұсынады.Олардың барлығы әртүрлі жанрлар мен әдістерде жасалған. Олардың авторлары - Қарағанды "Натурим" даму және шығармашылық орталығының тәрбиеленушілері.Экспозицияда кескіндеме, графика, композиция, мүсін және т. б. жанрында барлығы 400-ден астам жұмыс болады.Көрменің ашылуы-23 қаңтар сағат 15:00. Ол 2 ақпанға дейін созылады.Ақпарат көзі : https://www.gov.kz/memleket/entities/karaganda/press/news/details/922655

Бүгін СҚО әкімі Ғауез Нұрмұхамбетовтың төрағалығымен өткен әкімдіктің кеңейтілген отырысында 2024 жылдағы облыстың даму қорытындылары қаралып, биылғы жылға арналған негізгі бағыттар айқындалды.2025 жылы өңірде инвестжобаларды жүзеге асыру жалғасады. Петропавлда 10 мың тонналық құс фабрикасы және «Евразиан Милк» қоюландырылған сүт цехі салынуда. «Зенченко и К» 8 мың бас малға арналған мега-ферма тұрғызуда. Сонымен қатар, нан-тоқаш өнімдерін өндіретін зауыт, саңырауқұлақ фермасы және компост зауыты, көпір жабдықтарын шығаратын кәсіпорын салынуда. Шетелдік инвестор ОСП өнімін шығаруды жоспарлап отыр. Ал «Радуга» базасында қоқыс сұрыптау және қайта өңдеу үшін техноэкопарк құрылмақ.Инфрақұрылымдық нысандар бойынша автожол өткелі мен қайта жаңғыртылған бірінші көтергіш сорғы станциясы іске қосылып, облыс орталығын резервтік су жүйесімен қамту жоспарлануда. Күзде 2-ші ЖЭО-да жаңа мұржа іске қосылады.Әлеуметтік сала бойынша, «Берекеде» жайлы мектеп ашылады, «Жас Өркенде» балабақшаның құрылысы басталады. Аудандарда спорт кешені, жабық бассейн мен екі жабық хоккей алаңы салынуда. «Қарасай» стадионын жаңғыртудың екінші кезеңі аяқталады. Петропавлда мұз сарайының құрылысы басталды. Сондай-ақ, жабық футбол манежі бар футбол академиясын салу жобасы жоспарлануда.Ақпарат көзі : https://www.gov.kz/memleket/entities/sko/press/news/details/922337

Президент тапсырмасына сәйкес ішкі туризмді және жолаушылар әуе тасымалын дамыту мақсатында 2025 жылы Зайсан, Қатонқарағай және Кендірлі курорттық аймақтарында жаңа үш әуежайдың құрылысы басталды.Көлік министрлігінің хабарлауынша, бұл жобалардың іске асырылуы өңірлердегі экономиканың дамуына жаңа импульс береді, сондай-ақ отандық және шетелдік туристер ағынын арттыруға және аталған жобалар жергілікті тұрғындарды қосымша жұмыс орындарымен қамтамасыз етуге септігін тигізеді.Сонымен қатар, 2024 жылы ірі хабтарды дамыту мақсатында әуе көлігі инфрақұрылымын жаңғырту аясында үш жаңа жолаушылар терминалы пайдалануға берілді. Мәселен Алматы, Шымкент және Қызылорда қалаларында жолаушылар терминалының өткізу қабілеті ұлғайды.Ақпарат көзі : https://www.gov.kz/memleket/entities/mangystau/press/news/details/922523

Бүгін, 22 қаңтарда Маңғыстау облысының әкімі Нұрдәулет Қилыбайдың өкімімен облыстық білім басқармасының жаңа басшысы болып Амантай Кумбаев тағайындалды.Амантай Кумбаев 1979 жылы туған. Білімі жоғары. 2001 жылы Ш.Есенов атындағы Ақтау мемлекеттік университетін тарих пәнінің мұғалімі, 2020 жылы құқықтану мамандығы бойынша бітірген.Еңбек жолын 2000 жылы «Фемина» ЖШС-де шебер болып бастап, 2012 жылға дейін жеке секторларда жұмыс істеген. 2012-2015 жылдар аралығында Ақтау қаласындағы №10 орта мектеп директорының оқу ісі жөніндегі орынбасары болды.2015-2020 жылдар аралығында Маңғыстау облысының білім саласындағы бақылау департаментінде жетекші маманы, ҚР Білім және ғылым министрлігінің Білім және ғылым саласындағы Бақылау комитеті Маңғыстау облысының білім саласындағы бақылау департаментінде оқу сапасын сырттай бағалау бөлімінің жетекші маманы, бас маманы қызметін атқарды.2020 жылы ҚР Білім және ғылым министірлігі Білім және ғылым саласында сапаны қамтамасыз ету комитетінің Маңғыстау облысының білім саласында сапаны қамтамасыз ету департаментінің Білім беру қызметін лицензиялау бөлімінің басшысы болды.2021-2024 жылдар аралығында Қарақия ауданы мен Ақтау қаласы әкімінің аппаратында бас инспектор, Өмірзақ ауылы әкімінің орынбасары, Ақтау қалалық мәдениет, дене шынықтыру және спорт бөлімі мемлекеттік мекемесінің бөлім басшысы лауазымын атқарды.2024 жылы Ақтау қаласы бойынша білімі бөлімінің жалпы білім және мемлекеттік қызмет көрсету секторының сектор меңгерушісі, Ақтау қаласы әкімінің аппаратының мемлекеттік-құқықтық жұмыс бөлімінің басшысы болды.Осыған дейін Маңғыстау облысы әкімінің аппараты өңірлік саясат және ұйымдастыру жұмысы бөлімінің басшысы қызметін атқарып келді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/922753

2025 жыл Мемлекет басшысының Жарлығымен Қазақстанда “Жұмысшы мамандықтар жылы” деп жарияланды. Бұл бастама еңбекқорлық пен кәсіби шеберлікті дәріптеп, жұмысшы мамандықтардың беделін арттыруға бағытталған екені айқын. Осыған орай, Шымкент қаласының әкімдігі бірқатар маңызды жобаларды жүзеге асыруды қолға алды. Бұл жобалар Шымкент қаласы әкімінің орынбасары Сәрсен Құранбек және жоғары оқу орындарының ректорлары, колледж басшылары басқосқан көшпелі-брифингте айтылды.Қала әкімінің орынбасары Сәрсен Құранбек Шымкент қаласының арнайы өңірлік жоспары дайындалып, Үкіметтің жеті негізгі бағытына сай шаралар кешені іске асырылатынын мәлімдеді. Жалпы жоспар 6 бөлімнен және 59 тармақтан тұрады. Оның ішінде жұмысшы мамандықтарды насихаттау, кәсіптік бағдар беру, жұмысшы кадрларды даярлау және жастардың әлеуметтік белсенділігін арттыру сияқты бағыттар қамтылған. Штаб құрамы мен ережесі бекітіліп, әкімдіктің тиісті салалық басқармалары жоспар бойынша жұмыстарын бастап кеткен. - Қалада 39 колледжде 49 780 студент білім алуда. Олардың басым бөлігі жұмысшы мамандықтарын игеріп жатыр. 2024-2025 оқу жылында республикалық және жергілікті бюджеттерден бөлінген 11 500 гранттың 67,5%-ы осы салаға бағытталған. Бұл жұмысшы мамандықтарға деген сұраныстың артып келе жатқанын көрсетеді. Сонымен қатар, 53 талапкер жұмыс берушілердің тапсырысымен оқуға қабылданып, бизнестің есебінен тегін білім алуда, - дейді Сәрсен Абайұлы.Тағы бір көңіл көншіткен жаңалық, 2025 жылдың 1 қыркүйегінен бастап студенттердің шәкіртақысы өсетін болады. Бакалавриат студенттері 52 372 теңге, ал педагогикалық және медициналық мамандықтар бойынша оқып жатқан студенттер 84 000 теңгеге дейін шәкіртақы алатын болады. Магистранттардың шәкіртақысы 117 098 теңгеге, докторанттардікі 262 500 теңгеге дейін артпақ. Әлеуметтік осал топтар үшін де шәкіртақы мөлшері едәуір ұлғайтылады. Жетім балалардың шәкіртақысы 30%-ға, мүгедектігі бар студенттердің шәкіртақысы 50%-ға артады. Бұл шаралар білім алушылардың оқу сапасын жақсартып, олардың әлеуметтік жағдайын жеңілдетуге бағытталған.- Студенттердің жатақханамен қамтылу мәселесі де күн тәртібінен түскен емес. Жоғары оқу орындарының жатақханаларында студенттердің сиымдылығы – 10 009 орынды құрайды. Дегенмен, қазіргі уақытта студенттер үшін жатақханаға тапшылық мәселесі жоқ. Алайда, қаламыздың үлкеюі және халық санының өсуіне байланысты 2025-2029 жылдарға 5 мың орындық жатақхана құрылысын салу жоспарланған, - деді Сәрсен Абайұлы.Жиында Мемлекет басшысының тапсырмасымен әзірленген "Келешек" бағдарламасы да сөз болып, бірыңғай ерікті жинақтау жүйесі жастарға болашақта жоғары білім алуға және баспана мәселесін шешуге мүмкіндік беретіні айтылды. Бағдарлама балалардың болашақта жоғары оқу орнында білім алуына немесе кәмелетке толғаннан кейін үй сатып алуы үшін еліміздегі кез келген екінші деңгейлі банктерде немесе сақтандыру компанияларында 5 жастан бастап қажетті қаражатты жинауға мүмкіндік береді. Бұл жүйе қаржылық сауаттылықты арттырумен қатар, студенттердің өз мамандығын саналы түрде таңдауына ықпал етеді.Жұмысшы мамандықтарды дамыту ел экономикасының тұрақты дамуы мен болашақ ұрпақтың әлеуметтік жағдайын жақсартуға маңызды үлес қосары сөзсіз. Шымкент қаласының бұл бағыттағы бастамалары өз нәтижесін беріп, еңбекқорлық пен кәсіби шеберлікті арттыруға серпін беретіні анық.Басқосуда жұмысшы мамандарды даярлау, оларды жұмыспен қамту, кәсіптік және техникалық білім берудегі жаңашылдықтар, ЖОО және колледждердің маман даярлаудағы мүмкіндігі жайы талқыланды. Қаладағы жоғарғы оқу орындарында еңбек нарығына қажетті мамандарды даярлауда ауқымды жұмыстар атқарылуда. Басқосуға қатысқан жоғарғы оқу орындарының басшылары журналистердің тарапынан осы бағытта қойылған сауалдарына нақты жауап берді.Ақпарат көзі : https://www.gov.kz/memleket/entities/shymkent/press/news/details/922908

Облыс әкімі Асхат Шахаровтың төрағалығымен өткен аппарат отырысында өңірде «Таза Қазақстан» акциясын өткізу барысы қаралды.Жиынға қатысушылар «Таза Қазақстан» акциясы елімізде жалпыұлттық экочелленджге айналғанын атап өтті. Бүгінгі таңда оған еріктілер мен белсенді студенттер ғана емес, сонымен қатар әртүрлі ұйымдардың қызметкерлері де қатысып келеді. Негізгі мақсат - қоршаған ортаны сақтау және халықтың экологиялық мәдениетін қалыптастыру.Табиғи ресурстар және табиғатты пайдалануды реттеу басқармасы басшысының м.а. Бекболат Құлмағамбетов жергілікті аумақтарды жинау және көгалдандыру бойынша жаппай экологиялық акцияларға өңірдің 418 мыңнан астам тұрғыны, 7 мыңнан астам мекеме мен кәсіпорындардың қызметкерлері қатысқанын айтты. 74 мың тоннадан астам қатты тұрмыстық қалдық жиналып, 365 мыңға жуық ағаш пен 6 мың бұта отырғызылды. 291 саябақ пен алаң ретке келтіріліп, 207 су айдынының жағалауы тазартылды. Аумақтарды тазарту үшін 6 мыңнан астам техника жұмылдырылды.Бекболат Құлмағамбетов облыстық мәслихаттың шешімімен «Таза Қазақстан» экологиялық мәдениетті дамытудың 2029 жылға дейінгі өңірлік жоспары бекітілгенін алға тартты. Жоспарға сәйкес санитарлық жағдайды жақсарту, жасыл желектерді кеңейту, халықтың экологиялық әдеттерін қалыптастыру және өңірдегі қоршаған ортаны қорғау мәселелері туралы ақпараттандыруды арттыру көзделіп отыр.Қала әкімі Азамат Бекеттің айтуынша, акция аясында Ақтөбедегі 4 056 кәсіпкерлік объектісіне мониторинг жүргізілді. Нәтижесінде санитарлық тазалық ережелерін сақтамағаны үшін 2 042 нысан иесіне ескерту берілді. Ескертулерді елемеген кәсіпкерлерге қатысты жергілікті полицияның учаскелік қызметкерлері хаттамалар рәсімдеген. Акцияға барлығы 169 бірлік техника жұмылдырылып, оның көмегімен барлығы 987 тоннадан астам қоқыс шығарылды. Баяндамашыларды тыңдаған соң, өңір басшысы қала мен аудандардың әкімдеріне қыста қар тазалауға ерекше назар аудару керектігін тағы да еске салды. Автомобиль жолдарын, қоғамдық көлік аялдамаларын, автотұрақтарды, жаяу жүргіншілер жолдарын қар мен мұздан уақытылы тазарту қажет. Сондай-ақ, мүмкіндігі шектеулі азаматтар мен қарт адамдарға дер кезінде қар тазалауға көмек ұйымдастыру маңызды екендігін жеткізді.Ақпарат көзі : https://www.gov.kz/memleket/entities/aktobe/press/news/details/921034

Қазақстан Республикасының Мемлекеттік қызмет істері агенттігі және Қазақстан Республикасының Денсаулық сақтау министрлігінің келісімімен Ақтөбе облысы денсаулық сақтау басқармасының басшысы болып Ерлан Бақытұлы Сұлтангереев тағайындалды.Ол 1980 жылы Ақтөбе облысында дүниеге келген. Білімі – жоғары: 2003 жылы Марат Оспанов атындағы Батыс Қазақстан мемлекеттік медицина академиясын «Емдеу ісі», 2013 жылы Астана медицина университетін «Медицина» мамандықтары бойынша тәмамдаған. Медицина ғылымдарының докторы.Еңбек жолын 2004 жылы Жедел медициналық жәрдем ауруханасының хирургия бөлімінде дәрігер- хирург болып бастаған. 2010 жылы осы мекемеде дәрігер-ординатор лауазымына ауыстырылған. 2017-2018 жылдары Ақтөбе медициналық орталығының бас дәрігердің хирургиялық қызмет жөніндегі орынбасары; 2018-2020 жылдары Ақтөбе медициналық орталығыныңбалалар стационарының медициналық директоры қызметтерін атқарған. 2020 жылдың қазан айынан бастап – 2024 жылдың тамыз айы аралығында Ақтөбе медициналық орталығының бас дәрігері қызметінде болды.Ақпарат көзі : https://www.gov.kz/memleket/entities/aktobe/press/news/details/921911

Қазақстан Республикасының Мемлекеттік қызмет істері агенттігі және Қазақстан Республикасынының Оқу-ағарту министрлігінің келісімімен Ақтөбе облысы білім басқармасының басшысы болып Бұлбұл Бисембайқызы Күзембаева тағайындалды. Бұлбұл Күзембаева 1978 жылы Ақтөбе облысында дүниеге келген. Білімі – жоғары: 2000 жылы Батыс Қазақстан мемлекеттік университетін педагогикалық мамандығын, 2016 жылы Қ.Жұбанов атындағы Ақтөбе мемлекеттік университетін «Құқықтану» мамандығын тәмамдаған.Еңбек жолын 2000 жылы №2 Мәртөк орта мектебінің мұғалімі болып бастаған. 2003-2007 жылдары осы мектепте директордың тәрбие жұмысы бойынша орынбасары болып жалғастырған. 2007-2010 жылдары Мәртөк аудандық мәдениет және тілдерді дамыту бөлімінің басшысы; 2010-2011 жылдары Ақтөбе облысы балалардың құқықтарын қорғау департаментінің мониторинг және ақпараттық-талдау қызметі бөлімінің бастығы; 2011-2018 жылдары Мәртөк ауданы әкімінің орынбасары, Ойыл ауданының әкімі қызметтерін атқарған. 2018-2022 жылдары Қазақстан Республикасы Білім және ғылым министрлігінің Білім және ғылым саласында сапаны қамтамасыз ету комитетінің Ақтөбе облысының білім саласында сапаны қамтамасыз ету департаментінің басшысы қызметінде болды. 2022 жылдың маусым айынан бастап Қазақстан Республикасы Оқу-ағарту министрлігі Білім саласында сапаны қамтамасыз ету комитетінің Батыс Қазақстан облысының білім саласында сапаны қамтамасыз ету департаментінің басшысы қызметін атқарып келді.Ақпарат көзі : https://www.gov.kz/memleket/entities/aktobe/press/news/details/921917

Жиын барысында облыс басшысы Асхат Шахаров өңірдің авариялық-құтқару қызметтерін жоғары дайындық режиміне ауыстыруды тапсырды.Басқосу қала мен аудандар әкімдерінің, ТЖ қызметі, коммуналдық кәсіпорындар мен тіршілікті қамтамасыз ету ұйымдары өкілдерінің қатысуымен өтті.Барлық қызметтің алдағы қарлы боран мен су тасқыны кезеңіне дайындығын, төтенше жағдайлар кезіндегі іс-қимылдарды үйлестіру шараларын, сондай-ақ коммуналдық жүйелер мен көлік инфрақұрылымының үздіксіз жұмысын қамтамасыз ету жоспарлары талқыланды.Халықты ықтимал тәуекелдер туралы уақытылы хабардар ету және ауа-райының өзгеруіне жедел ден қою мәселелеріне ерекше назар аударылды.Алдағы күндері ауа райының нашарлауына байланысты облыс әкімі қар тазалайтын техниканы алдын ала дайындап, ТЖ кезінде бірден жолдарға шығу қажеттігін атап өтті.«ҚазАвтоЖол» ҰК» АҚ Ақтөбе облыстық филиалының директоры Айбол Данағұл 104 бірлік арнайы техниканың бар екендігі туралы айтып, бұдан басқа жолдарды қар мен мұздан тазарту бойынша қосымша 11 көлік жалға алынғандығын жеткізді. «КАЖсервис» ЖШС республикалық және халықаралық маңызы бар 1752 шақырым автомобиль жолдарына қызмет көрсетеді. Қызметкерлер саны - 326 адам.Бұдан бөлек, 101 елді мекенде 246 шақырым қарлы учаскелерде қар ұстауға арналған темірбетон қоршаулар немесе уақытша қалқандар орнатылды. Кептелісті болдырмау үшін Хромтау және Қарабұтақ аудандарында ұзындығы 34 шақырым айналма жолдар салынды.ТЖ Департаменті бастығының орынбасары Айбат Жаңабергеновтің хабарлауынша, қысқы кезеңде төтенше жағдайларға ден қою үшін құрамында 1 567 адам және 452 бірлік техника бар азаматтық қорғаныс күштері мен құралдары дайындалған. Қар құрсауында қалған азаматтарға көмек көрсету үшін сыйымдылығы 11 мың адамды құрайтын 161 жылыту пункті дайын. Оның ішінде 46 пункт Қобда, Хромтау, Әйтеке би және Ырғыз аудандарындағы Самара-Шымкент тас жолының бойында орналасқан. Сондай-ақ жеті мыңнан астам автотұрақ дайындалды.Кеңес барысында өңір басшысы гидротехникалық құрылыстар мен жол желісінің жай-күйін қатаң бақылау қажеттігін атап өтті, сондай-ақ қала мен аудандардың әкімдеріне жоспарланған барлық шаралардың іске асырылуын жеке бақылауды тапсырды.«Аудан әкімдеріне жағдайды тұрақты бақылауда ұстауды тапсырамын. Жолдарды қардан, оның ішінде әлеуметтік нысандар мен тұрғылықты жерлерге апаратын жолдардан үнемі тазалауды қамтамасыз ету қажет. Жолдарда көлік құралдарының жүргізушілері мен жолаушыларын эвакуациялауға дайын болу және тіршілікті қамтамасыз ету объектілерінің үздіксіз жұмысын қамтамасыз ету қажет. Әсіресе су тасқыны жағдайын бақылау керек. Облыс аумағында синоптиктердің болжамы бойынша жылы ауа райы күтілуде, осыған байланысты су тасқыны маусымы ерте басталуы мүмкін. Өзендердің, су қоймаларының және гидротехникалық құрылыстардың жай-күйіне мониторингті күшейту, сондай-ақ су басудың алдын-алу шараларын қабылдау маңызды. Жауапты қызметтерге техниканы дайындауды ұйымдастыру, құрылыс материалдарының резервтерін құру және халықты ықтимал тәуекелдер мен қабылданып жатқан шаралар туралы уақытында хабардар ету тапсырылады», - деп түйіндеді Асхат Шахаров.Жиын қорытындысы бойынша әкім ағымдағы ахуалға мониторингті күшейту және барлық қызметтердің қолайсыз ауа райы жағдайында жедел іс-қимылдарға дайындығын арттыру жөнінде нақты тапсырмалар берді.Сондай-ақ, ТЖ Департаменті жанынан туындаған мәселелерді жедел шешу үшін тәулік бойы жұмыс істейтін штаб құрылды.Ақпарат көзі : https://www.gov.kz/memleket/entities/aktobe/press/news/details/922891

Шымкентте "Таза Қазақстан" республикалық экологиялық бағдарламасының акциясы стандартты емес форматта басталды. Ауа-райын ескере отырып және тұрғындардың денсаулығына қамқорлық жасай отырып, іс-шараны қаланың оқу орындарының қабырғасында өткізу туралы шешім қабылданды.Қаланың бірнеше мектептерінде тақырыптық сынып сағаттары өтті, онда педагогтар мен оқушылар Шымкент қаласының табиғаты мен экологиялық болашағына ұқыпты қараудың маңыздылығын талқылады. Мұғалімдер атап өтті: шынайы патриотизм сөзбен емес, істерде көрінеді. Акцияға қатысушылар туған қаланың тазалығына әрбір салымның маңыздылығы туралы айтты.Қаратау ауданының №72 орта мектебінде оқушылар ардагер-мұғалім Ахметбаев Аманбектің, мектеп парламентінің экология министрі Жансай намаздың және мектеп белсендісі Әбдіманап Бидаулеттің сөздерін тыңдады."Табиғат-біздің Отанымыз, біздің жеріміз. Көшелердің, өзен жағалауларының, саябақтар мен аулалардың тазалығы-Отанға деген сүйіспеншілігіміздің көрсеткіші. Табиғатты елемей, біз ауыр зардаптарға тап болуымыз мүмкін. Сондықтан әрқайсымыз-оқушылардан бастап ересектерге дейін-осындай акцияларға қатысуымыз керек. Экологияны жақсартуға бағытталған игі еңбек адамдарды біріктіреді", - деп атап өтті Ахметбаев Аманбек.Қаланың колледждері де бастамаға қосылды. Жол-көлік колледжінде студенттер директордың тәрбие работе жөніндегі орынбасары Берик Ешімовпен және "Жастар ресурстық орталығы" директорының орынбасары Әлжан Аружанмен мәңгілік құндылықтарды – патриотизмді, достықты және қоршаған орта үшін жауапкершілікті талқылады.Шымкент жастар арасында Табиғат пен экологиялық сауаттылықты сақтау жөніндегі күш – жігерімен шабыттандыруды жалғастырып, табиғатқа қамқорлық жасау-әркімнің болашағына қосқан үлесі екенін растайды.Ақпарат көзі : https://www.gov.kz/memleket/entities/shymkent/press/news/details/922438

«Әлеуметтік әмиян» бағдарламасы бойынша пилоттық жоба аясында Батыс Қазақстан облысында атаулы әлеуметтік көмек (АӘК) пен тұрғын үй көмегін (ТК) алатын 840 тұрғын газға жеңілдік алу үшін цифрлық ваучерлерді пайдаланды. Жеңілдік мөлшері 24%-ды құрады. Жобаны жүзеге асырудың алғашқы айының қорытындысы бойынша Шымкент қаласы мен БҚО-ның 2 573 азаматына көмек көрсетілді.Еске сала кетейік, 2024 жылдың желтоқсанына дейін жеңілдік беру механизмі қолмен жүзеге асырылды: алушылардың тізімдерін әкімдіктер жіберіп, олардың деректері абоненттер базасымен салыстырылды. Алайда, мекенжай ауыстыру, деректердегі қателіктер немесе меншік құқығының болмауы сияқты факторлардың салдарынан көмекке мұқтаж кейбір азаматтар көмек ала алмады. 2024 жылдың желтоқсанынан бастап ҚР Энергетика министрлігі, ҚР Еңбек және халықты әлеуметтік қорғау министрлігі, ҚР Цифрлық даму, инновациялар және аэроғарыш өнеркәсібі министрлігі және «QazaqGaz Aimaq» АҚ қолдауымен eGov Mobile қосымшасындағы «Әлеуметтік әмиян» арқылы жаңа цифрлық механизм енгізілді.Енді процесс автоматтандырылды:Азаматтарға 1414 нөмірінен жеңілдік туралы ақпараты бар SMS-хабарлама келеді.Қатысуды растау үшін азаматтар өздерінің жеке шоттарын көрсетеді.Бұл тәсіл бірқатар қателіктерді жояды және көмектің ашықтығы мен қол жетімділігін қамтамасыз ете отырып, процесті едәуір жылдамдатады.Пилоттық жоба аясында цифрлық тәсілді енгізу әлеуметтік қолдауды дамытудағы маңызды қадам болды. «QazaqGaz Aimaq» АҚ әрбір мұқтаж азаматтың көмекті алуын қамтамасыз ету үшін мониторинг пен жүйені жақсартуды жалғастырады.Айта кетейік, Батыс Қазақстан облысының газдандыру деңгейі 99,8%-ды құрайды. Газ құбырларының жалпы ұзындығы – 10 063 км. Газды тұтынушыға қауіпсіз әрі үздіксіз жеткізу үшін «QazaqGaz Aimaq» АҚ-ның БҚО өндірістік филиалының 536 қызметкері қызмет көрсетеді. Ақпарат көзі : https://www.gov.kz/memleket/entities/bko/press/news/details/922291

Жетісу облысында әлеуметтік сауда орындарының саны 12-ге жеткізілмек. Атап айтқанда, Талдықорған қаласында 7 стационарлық әлеуметтік нүкте, оның ішінде 5-уі әлеуметтік дүкен болса, қазір тұрғындарға ыңғайлы болу үшін тағы 5 көше сауда нысаны қосылып жатыр. Жетісу өңірінде әлеуметтік маңызы бар азық-түлік тауарларының бағасын тұрақтандырудың екі тетігі бойынша 18 мың тоннадан астам өнім қоры бар. Оның 1485 тоннасы картоп. «Жетісу» ӘКК тауарлық интервенцияларды тұрақты негізде әлеуметтік пункттерінде келісім-шарт бойынша азық-түлік өнімдерін сатумен айналысады, – деп хабарлайды Жетісу облысы әкімінің баспасөз қызметі.«Жетісу» ӘКК әлеуметтік маңызы бар азық-түлік тауарларының бағасын тұрақтандыру мақсатында жыл сайын көкөніс өнімдерінің, оның ішінде картоптың қорын қалыптастырады. Жергілікті ауыл шаруашылығы тауарын өндірушілермен келісім-шарт жасап, өңірлік тұрақтандыру қорын қалыптастыру және өндіретін шаруашылық жүргізуші субъектілерді жеңілдікпен несиелеу бойынша жұмыс жүргізеді. Мәселен, 2023-2024 жылдарға арналған жоғарыда аталған тетіктерді жүзеге асыруға жергілікті бюджеттен 9 млрд. қаржы қарастырылды. Көрсетілген мерзімде бөлінген қаражатқа 31,2 мың тонна өнім жеткізуге келісім-шарт жасалды. Оның бүгінгі таңда 12,6 мың тоннасы сатылды. Қазіргі таңда қорда 18 мың тоннадан астам азық-түлік тауарлары бар. Атап айтар болсақ, әлеуметтік нан, І сортты ұн, қант, күріш, кеспе (макароны) күнбағыс майы, қарақұмық, тұз, тауық еті, жұмыртқа, сиыр еті, картоп, пияз, сәбіз және қырыққабат.– Картоп бағасының көтерілуіне байланысты осы кезеңде тұрақтандыру қорынан тауарлық интервенция жүргізіп жатырмыз. Картоптың бағасы 180 теңгеден аспайды. Осы кезеңде Талдықорған қаласында әлеуметтік дүкендерді қосқанда 7 стационарлық әлеуметтік пунктіміз бар. Сонымен қатар, облыс әкімінің әлеуметтік маңызы бар азық-түлік тауарларының бағасын тұрақтандыру жөніндегі тапсырмасына сәйкес әлеуметтік сауда орындарын көбейту бойынша жедел шаралар қолға алынды. Біз 5 сауда нүктесін ашып жатырмыз, соның ішінде 2-уі жұмыс жасап тұр. Әзірге бұл қосымша сауда орындары алдағы 2 айда тұрақты жұмыс істейді деп жоспарлап отырмыз, – деді «Жетісу» ӘКК басқарма төрағасының бірінші орынбасары Альмира Ибраимова.Қала орталығындағы жаңа әлеуметтік сауда нүктесінің жұмысы жергілікті тұрғындардың ризашылығына бөленіп үлгерді. Талдықорған қаласының тұрғыны Эльмира Смағұлова әлеуметтік дүкеннің тұрақты тұтынушысы екенін жеткізді.- Бүгін әлеуметтік сауда нүктесінде картоп 180 теңгеге алдым. Яғни 3 есеге арзан баға. Басқа азық-түлік өнімдері мен көкөністер де сатылуда. Сәбіз, «Бақанас» күрішінің дәмді сортын да сатып алдым. Бұл күріштің түрі базардан тым сирек кездестіреміз, – деді қала тұрғыны.Жетісу облысы әкімінің баспасөз қызметі Фототілші: Жұмабай Мұсабеков «Жетісу» ӘКК АҚ әлеуметтік дүкендері мен сауда нүктелерінің ТІЗІМІ№АтауыМекен жайыЖұмыс уақыты1№1 әлеуметтік дүкенТалдықорған қаласы, Еркін ауылы, Бесшатыр көшесі, 75сейсенбі-сенбісағат 09:00-ден 18:00 дейін;жексенбі ж/е дүйсенбі - демалыс2№2 әлеуметтік дүкенТалдықорған қаласы, Еркін ауылы, «Көктал» шағын ауданы, Амангелді көшесі, 47Асейсенбі-сенбісағат 09:00-ден 18:00 дейін;жексенбі ж/е дүйсенбі - демалыс3«Жарық» әлеуметтік дүкеніТалдықорған қаласы, «Самал» шағын ауданы, 43 үйдемалыс жоқ сағат 08:00-ден 23:00-ге дейін4 «Talmart» әлеуметтік дүкеніТалдықорған қаласы, «Қаратал» шағын ауданы, 7демалыс жоқсағат 09:00-ден 23:00-ге дейін 5«Talmart» әлеуметтік дүкеніТалдықорған қаласы, Тәуелсіздік көшесі, 116демалыс жоқсағат 09:00-ден 23:00-ге дейін6 «Көк базар» сауда орталығындағы әлеуметтік сауда нүктесіТалдықорған қаласы, Біржан сал көшесі, Гаухар ана көшесінің қиылысыдемалыс жоқсағат 09:00-ден 18:00-ге дейін7Коммуналдық базардағы әлеуметтік сауда нүктесіТалдықорған қаласы, Алдабергенов көшесі, Рақышев көшесінің қиылысысейсенбі-сенбісағат 10:00-ден 17:00 дейін;жексенбі ж/е дүйсенбі - демалыс Көшедегі сауда нүктелері1Қала орталығындағы әлеуметтік сауда нүктесі («Dynasty» дүкені мен «Қарағаш» сауда орталығының маңы)Талдықорған қаласы, Ақын Сара көшесі, Қабанбай батыр көшесімен қиылысысейсенбі-сенбісағат 10:00-ден 15:00 дейін;жексенбі ж/е дүйсенбі - демалыс2«Береке» коттеджді қалашығының аумағындағы әлеуметтік сауда нүктесі («JLC» дүкенінің жанында)Талдықорған қаласы, «Береке» коттеджді қалашығы №5 көшесейсенбі-сенбісағат 10:00-ден 15:00 дейін;жексенбі ж/е дүйсенбі - демалыс Ақпарат көзі : https://www.gov.kz/memleket/entities/zhetysu-oblysy/press/news/details/921986