2024 жылғы 22 қарашада Мемлекет басшысы «Қазақстан Республикасының кейбір заңнамалық актілеріне тұрғын үй саясатын реформалау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды. Кейбір азаматтар тобының әлеуметтік жағдайын ескере отырып, 8 категорияға жататын тұлғаларға арендалық және кредиттік тұрғын үйден кемінде 70% үлеспен бірінші кезектегі құқық беріледі:* Ұлы Отан соғысының ардагерлері;* Жетім балалар;* Көпбалалы аналар мен көпбалалы отбасылар;* 1 және 2 топтағы мүгедектер;* Мүгедек балаларды тәрбиелеп отырған отбасылар;* Ұлы Отан соғысына теңестірілген ардагерлер;* Басқа мемлекеттер аумағында әскери іс-қимылдарға қатысқан ардагерлер;* Жесірлер.Отбасы банкінің жаңа функцияларына қатысты Заңның ережелері ресми жарияланған күннен кейін алты ай өткен соң, яғни келесі жылдың 24 мамырынан бастап күшіне енеді.Ақпарат көзі : https://www.gov.kz/memleket/entities/mps/press/news/details/895511

Түркістан облысының әкімі Дархан Сатыбалды түркиялық кәсіпкер әрі инвестор Искендер Капланмен кездесті. Кездесу барысында Түркістанда ірі инвестициялық жобаларды жүзеге асыру барысы талқыланды.– Қазақстан, әсіресе, Түркістан облысы үшін Түркия Республикасының орны айрықша. Біз – бауырлас елдерміз. Түрік бауырлар үшін де Түркістан мен Қожа Ахмет Ясауидің маңызды екенін білеміз. Біз Түркістан облысында өндіріс орындарын ашу, инвестиция тартуға басымдық беріп отырмыз. Шетелдік кәсіпкерлермен келіссөздер тұрақты жүруде, жобалар жүзеге асуда. Түркиямен де іскерлік байланысты нығайтып, сіздердің өндірістік мүмкіндіктеріңізді, тәжірибелеріңізді қолданғымыз келеді. Инвестициялық бастамаларға әрдайым қолдау көрсетуге дайынбыз. Түркістанның өз өнімдерін, өз брендтерін қалыптастыруға күш саламыз, – деген Дархан Сатыбалды жауапты басшыларға жобаны жүзеге асыратын орынды әзірлеп, инфрақұрылымын реттеуді тапсырды.«Milat Hali» – халықаралық деңгейде танымал ірі компания. Кілем өндірісінде экспорттық әлеуеті жоғары. Компанияның басқарма төрағасы Искендер Каплан Түркістанда жаңа жобаны жүзеге асыруға ниетті екенін жеткізді.– Тарихи Түркістанға келгеніме қуаныштымын. Бұл шаһар мені тартып тұрады. Түркістанның Түркі әлемінде орны ерекше. Біздің компания кілем және кілем бұйымдары өндірісінде халықаралық деңгейде мойындалған. Әлемнің көптеген еліне тауар экспорттаймыз. Түркістанда да заманауи кілем фабрикасын ашуға дайынбыз. Жұмысты тез бастап кетуге ниеттіміз, – деді ол.Айта кетейік, облыс әкімі Дархан Сатыбалдының тапсырмасымен Түркістан өңірінің делегациясы Түркия елінде болып, инвесторлармен келіссөздер, меморандумдар жасаған болатын. Келіссөздер жемісін беруде. Бұл бағытта жұмыстар жалғасады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/895438

Түркістан облысы, Мақтаарал ауданында жылына 80 мың тонна мақта талшығын өндіретін «Жанасыл» зауыты ресми түрде іске қосылды. Индустриалды аймақта орналасқан кәсіпорын 150 адамды тұрақты жұмыс орнымен қамтып, тәулігіне 600 тонна таза мақтаны өңдеп шығарады. Одан бөлек, күніне 180 тонна мақта талшығы өңделеді.Салтанатты іс-шараға аудан әкімі Бақыт Асанов қатысып, өндіріс орнының ашылуымен аудан тұрғындарын шын жүректен құттықтады.«Ауданымыздың даму стратегиямызда инвестициялық жобаларға басымдық беріп отырмыз. 2024-2030 жылдарға жалпы құны 94,1 млрд. теңгеге 53 инвестициялық жобаны іске асыру жоспарланған. Оның ішінде мақта-тоқыма кластерін дамытуда жалпы құны 70 млрд. теңгені құрайтын 8 ірі жобаны жүзеге асыру көзделген. Осы арқылы 3020 адам жұмыспен қамтылып, бюджетке қосымша 1 млрд. 862 млн. теңге салықтық түсімдер түседі деп болжануда. Бүгінгі ашылып отырған зауыт – сол жобаларымыздың бірі. Ендеше, жаңа өндіріс орнының ашылуымен баршаңызды шын жүректен құттықтаймын! Халқымыз бай және бақуатты бола берсін!» деді Бақыт Насырханұлы.Бүгінде зауыттың Мақтаарал, Жетісай аудандарындағы 13 мақта қабылдау бекеті жұмыс істеп тұр. Жиын-терім науқаны басталғалы 41 мың тонна «ақ алтын» жинап үлгерген. Зауыт қазіргі таңда шитті мақтаны өңдеп, одан мақта талшығын, мақта шитін, мақта линтін және улюк өнімдерін шығарып, тікелей Қытай, Түркия, Еуропа, Тәжікстан, Иран, Қырғызстан елдеріне экспорттауда. Айта кетейік, аталған зауыт жанынан тамшылатып суғару таспасын шығаратын және мақта тұқымын өндіретін екі өндіріс орнының құрылысы да жүріп жатыр.Тамшылатып суғару таспасын шығаратын зауыттың құны 1,5 млрд. теңгені құрап, 25 адамды тұрақты жұмыс орнымен қамтиды. Ал мақта тұқымын өңдеу зауытының құны да 1,5 млрд. теңгені құрап, 17 адамды тұрақты жұмыс орнымен қамтамасыз ету жоспарлануда. Екі жоба да 2025 жылы іске қосылады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/895442

«Қазақстан Республикасының жергілікті мемлекеттік басқару және өзін-өзі басқару туралы» Қазақстан Республикасы Заңының 23-1 бабына сәйкес Қазақстан Республикасы Президенті Әкімшілігінің және Арыс қаласы мәслихатының келісімімен, Түркістан облысы әкімінің өкімімен Түркістан облысы, Арыс қаласының әкімі болып Маңқараев Қайсар Зәкірұлы тағайындалды. Түркістан облысының әкімі Дархан Сатыбалды жаңа әкімді қала активіне таныстырып, бірқатар тапсырма жүктеді.– Бүгін қаладағы кадрлық өзгерістерге байланысты жиналып отырмыз. Арыс қаласының әкімі қызметін атқарып келген Гүлжан Мамытқызы басқа жұмысқа ауысуына байланысты, қызметінен босатылды. Гүлжан Мамытқызы өзін білікті басшы ретінде таныта білді және қаланың дамуына өз үлесін қосты. Алғысымызды білдіреміз. Бүгін қалаға жаңа әкім тағайындалып отыр. Облыстың бағыты – өндіріс және жаңа жұмыс орындарын ашу, инвестиция тарту, экономиканы көтеріп, халықтың әл-ауқатын жақсарту. Қайсар Зәкірұлына осы бағытта белсенді жұмыс істеуді тапсырамын. Логистикалық әлеуеті жоғары Арыстың мүмкіндіктерін толық пайдаланып, өндірісі дамыған қалаға айналдыру қажет. «Таза Қазақстан» бағдарламасын жүзеге асыру, аймақты абаттандыру да маңызды, – деген Дархан Сатыбалды басым бағыттарды белгілеп берді.Қайсар Маңқараев 1979 жылы, 9 сәуірде дүниеге келген. Білімі – жоғары. Мамандықтары: бухгалтерлік есеп және аудит, құқықтану. Мемлекеттік қызметтегі еңбек өтілі: 16 жыл, 9 ай. Еңбек жолын 2000 жылы бастап, Шымкент қаласында, «Береке» ЖШС-інде кассир, менеджер, экономист болып жұмыс істеген. 2004 жылдан бастап Қазақстан Республикасы Қаржы министрлігінің Астана қаласы бойынша дәрменсіз борышкерлермен жұмыс жөніндегі комитеті басқармасының дәрменсіз кәсіпорындарға мониторинг бөлімінің жетекші маманы болды. Ал 2005-2010 жылдары аралығында Қазақстан Республикасының Экономикалық және сыбайлас жемқорлыққа қарсы күрес жөніндегі агенттігі органдарында еңбек еткен. 2010-2016 жылдар аралығында «Қазақстан Республикасы Парламенті шаруашылық басқармасының әкімшілік ғимараттар дирекциясы» республикалық мемлекеттік қазыналық кәсіпорны директорының орынбасары, «Орал» әлеуметтік-кәсіпкерлік корпорациясы ұлттық компаниясы» акционерлік қоғамында басшылық лауазымдарында, Орал қаласы әкімінің орынбасары болып жұмыс атқарды. 2016-2022 жылдар аралығында Батыс Қазақстан облысының экономика және бюджеттік жоспарлау басқармасының басшысы, Нұр-Сұлтан қаласы әкімінің кеңесшісі, Нұр-Сұлтан қалалық стратегиялық және бюджеттік жоспарлау басқармасының басшысы болды. 2022 жылдан бері Астана қаласының экономика және бюджеттік жоспарлау басқармасының басшысы болып қызмет атқарып келді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/895447

Түркістанда жыл сайын жаңа спорт нысандарының саны көбейіп келеді. Олардың құрылысы жіті қадағалауға алынған. Түркістан облысының әкімі Дархан Сатыбалды Бекзат Саттарханов атындағы спорт кешенінде болды. Облыс басшысы жүргізіліп жатқан жұмыстарды пысықтап, жауапты тұлғаларға кешеннің ішкі дизайны бойынша тапсырмалар жүктеді. Жаңа нысан жақын күндері ашылады.Заманауи спорт кешенінде Ә.Нұрмаханов атындағы спорт мектебінің ұжымы орналасады. Кешенде спорттық іс-шаралар мен бокс, күрес, таэквондо және ойын спорт түрлерінен оқу-жаттығу жиындары өткізілетін болады.Спорт кешені 3 қабаттан тұрады. Заманауи үлгідегі ғимаратта спорт және жаттығу залдары, 8 киім ауыстыратын бөлме, жуынатын бөлмелер, конференц-зал, асхана, медициналық көмек көрсету кабинеті, күту залы, қонақтарды күту бөлмесі, жаттықтырушыларға және әкімшілік құрамға арналған бөлмелер бар.Ғимараттың жұмыстарына «Строй Сервис–7» ЖШС жауапты. Спорт кешенінің жалпы алаңы – 1,8 гектар. Сыйымдылығы 1000 адамды құрайтын нысанның аумағы – 7 248,0 шаршы метр. Жалпы құны – 3,1 млрд. теңге.Облыс әкімі сондай-ақ жаңадан салынып жатқан заманауи ипподромның құрылыс алаңында болды. Құрылыс жұмыстары 2 кезеңнен тұрады. Бүгінгі таңда облыстық бюджеттен 2 млрд. теңге бөлініп, құрылыс жұмыстары басталған. 99 гектар жерге орналасатын жаңа атшабар (ипподром) көпфункциялы спорт нысанның құрылысының жалпы құны 13,5 млрд. теңге құрап отыр. Онда Ұлттық спортымызды дамытуға бағытталған өзге де спорт түрлеріне орын бөлінеді.Мемлекет Басшысы Қасым-Жомарт Тоқаев бұқаралық спортты дамыту мәселесіне ерекше назар аударуда. Облыста тұрғындарымыздың салауатты өмір салтын қалыптастыру және бұқаралық спортты дамыту мақсатында соңғы 3 жылда 100-ден астам спорт нысаны пайдалануға берілді. Олардың арасында «Түркістан-Арена» стадионы, «Мұз сарайы», «Теннис орталығы», «Olympic Center» спорт кешені жұртшылықтың оң бағасына ие болды. Сонымен қатар 7 теннис корты салынып, жалпы ұзындығы 51 шақырым веложол төселген. Октябрь Жарылқапов атындағы стадион жаңартылды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/895357

Бүгін Түркістан облысы әкімдігінің қолдауымен «Фараб» кітапханасында «ПарақTIMES» кітап жәрмеңкесі басталды. Онда Ұларбек Дәлейұлы, Ырысбек Дәбей, Ерлан Жүніс бастаған елімізге белгілі қаламгерлер, жергілікті зиялы қауым мен бұқаралық ақпарат құралдарының өкілдері, оқырмандар қатысып жатыр.Ашылу салтанатында сөз алған Облыстық мәдениет басқармасының басшысы Әзімхан Қойлыбаев бұл жобаның маңызы зор екенін, соңғы кезлері жастардың кітап оқуға қызығушылардың артып жатқанын атап өтті. Сондай-ақ осында өтіп жатқан челленджге қолдау танытып, «Фараб» кітапханасына бірнеше кітап сыйлады.Шара барысында түрлі байқаулар өтіп жатыр. Жаңа кітаптар таныстырылуда. Оқырман қауым өлең оқып, өз өнерлерін көрсетуде. Қазіргі күнде еліміз бойынша 10-нан астам кітап дүкендері мен баспалары жәрмеңкеге қатысуға ниет білдірген. Олардың ішінде «Алқа», «Qasym» баспа үйі, «ХАНКОМИКС», астаналық «Шұғыла» баспа үйі, «Отбасы» хрестоматиясы, «Жебе» баспасы, «Қызмет» баспасы, «Кітаптар әлемі» кітап дүкені бар.Ұйымдастырушылар жобаның атауы неден шыққанына тоқталды. «Кітап оқу – ең алдымен парақтаудан басталады. Қоғамның назарын осыған аудару. Кітап оқудан алшақтап қалған немесе оқуды енді бастамақ болып отырған адамға кітап оқы дегеннен гөрі, кітапты парақтап көріңіз деген ұсыныс жағымдырақ естіледі. Әр адам парақтау арқылы өзіне кітап әлемін ашады. Сондай-ақ, өмірдің әрбір күні жаңа парақ емес пе? Бүгінгі күніңізді кітап оқудан бастаңыз деген ұсыныстан шығады, – деді Бейсенкүл Нарымбетова.Айта кетейік, жобаның мақсаты – жастардың кітапқа деген қызығушылығын арттыру, қала тұрғындары арасында кітап оқуды насихаттау, балалар арасында кітап оқуға деген құштарлықты қалыптастыру. Осы арқылы Түркістан қаласының интеллектуалды қала атанып, түркістандық мәдениеттің қалыптасуына үлес қосу. Баспагер, баспаханалармен қатар ақын-жазушыларды жәрмеңкеге қатыстыра отырып қазақстандық баспа саласының дамуына қолқабыс ету. Рухани астананың оң иммиджінің қалыптасуына ықпал ету.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/895365

Бүгін Арыс қаласында төрт отбасы үшін ерекше күн болды. Олар көптен күткен жайлы үйлеріне қоныстанып, жаңа өмірге қадам басты. Әсем де жайлы баспаналар «Құрылысшылар» ассоциациясы бірлестігінің демеушілігімен тұрғызылды. Әрбір үйдің ішкі және сыртқы жабдықтары толықтай дайын, ауыз су мен электр жарығы орнатылған. Бұл қайырымдылық шарасы қауымдастықтың әлеуметтік жауапкершілігі мен жерлестеріне деген жанашырлығын айқын көрсетті.Жаңа қоныс иелерінің арасында 5-ші Дүниежүзілік көшпенділер ойынының жеңімпазы, Арыстың мақтанышы Азамат Мақұлбеков те бар. Өзінің спорттағы жеңістерімен бүкіл қаланың мәртебесін көтерген Азамат үшін бұл баспана – үлкен жетістіктерге жетелейтін жаңа белес.Арыс қаласының әкімі Гүлжан Құрманбекова өз сөзінде жаңа қоныс иелерін шын жүректен құттықтап, игі істі жүзеге асырған «Құрылысшылар» ассоциациясына алғысын білдірді:– Бұл тек баспана беру ғана емес, адамдардың болашағына сенім сыйлау. Осындай қамқорлық пен қайырымдылық біздің қаламыздың бірлігін нығайтып, тұрғындардың әл-ауқатын жақсартуға үлкен үлес қосады, – деді шаһар басшысы.Жаңа да жайлы баспаналы болған тұрғындар арасында мүгедектігі бар балалар асырап отқан жандар бар. Жаңа қонысқа ие болған олар өз қуаныштарымен бөлісіп, демеушілерге алғыстарын жеткізді. Олар үшін бұл күн ұмытылмас сәтке айналды.Қоныс иелерін құттықтауға қала ардагерлері де келіп, дәстүрге сай шашу шашып, жаңа шаңырақтарға ақ баталарын берді. Олар әр үйге молшылық, бірлік пен татулық тіледі.Бұл игі шара қайырымдылықтың, ел ішіндегі ынтымақ пен бірліктің айқын көрінісі болды. Арыстағы осындай бастамалар қаланың дамуына, тұрғындардың әл-ауқатының артуына үлкен үлес қосары сөзсіз.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/895370

2024 жылғы 3 желтоқсан күні ҚР Өнеркәсіп және құрылыс министрлігі Өнеркәсіп комитетінің төрағасы Азамат Панбаев Қытай Халық Республикасының Қазақстандағы Елшілігінің кеңесшісі Су Юймен кездесті.Қытай тарапынан кездесуге ҚХР Қазақстандағы Елшілігінің үшінші хатшысы Шиюй Ван, үшінші хатшысы Хань Шу және Елшіліктің атташесі Жуйци Чжэн қатысты.Кездесуде таза энергетикалық технологияларда қолданылатын стратегиялық маңызды минералдар саласындағы екіжақты ынтымақтастық мәселелері, сондай-ақ 2024 жылдың шілде айында ҚХР төрағасы Си Цзиньпиннің Қазақстанға сапары барысында қол қойылған өзара түсіністік туралы меморандумды іске асыру мәселелері талқыланды.Алдағы уақытта тараптар Қытай компаниялары мен қазақстандық кәсіпорындардың делегацияларымен кездесулер ұйымдастыруды жоспарлап отыр. Бұл кездесулер барысында екі елдің арасындағы ынтымақтастықтың өзекті мәселелері талқыланатын болады.Сондай-ақ, тараптар екі ел арасындағы байланысты дамытуға бағытталған бірқатар маңызды шараларды жүзеге асыруға келісті. Ақпарат көзі : https://www.gov.kz/memleket/entities/mps/press/news/details/895290

Осакаров кентінің мәдени-демалыс орталығында "Мама" көркем фильмінің негізінде "Қасқыр және жеті лақ" спектаклі қойылды. Мейірімді ертегіге ерекше деп аталатын жас актерлер қатысты.Олардың барлығында мүгедектігі бар. Және олардың әрқайсысы өз бетінше талантты.Қойылымға олар барында байсалдылықпен қарады: дайындық, декорацияларды, костюмдер мен гримді таңдауда салмақтылық танытты.Жас актерлер үмітті ақтады: олар рөлге еніп, өз кейіпкерлеріне айнала алды.Олардың сахнаға шығу армандары ауданның жұмыспен қамту және әлеуметтік бағдарламалар бөлімінің қызметкерлері, әлеуметтік қызметкерлер мен ата-аналардың арқасында жүзеге асты. Ақпарат көзі : https://www.gov.kz/memleket/entities/karaganda/press/news/details/895130

Қарағанды облысында "Ауыл аманаты" жобасын іске асыру жалғасуда. Фермерлікті дамыту үшін Бұқар Жырау ауданының тұрғындарына тауарлық кредиттер беріледі. Жоба ел Президенті Қасым-Жомарт Тоқаевтың тапсырмасы бойынша ауыл тұрғындарының әл-ауқатын арттыру және ауыл шаруашылығын дамыту мақсатында іске қосылды.Тауарлық несиелеу келесідей жұмыс істейді: ауыл тұрғындарына белгілі бір мөлшерде ірі қара немесе ұсақ мал беріледі. Бес жыл ішінде төлдің үш басының екеуін қарыз алушылар несие берушіге беруге міндетті. Мысалы, бес жыл ішінде бір сиыр үшін ауыл тұрғыны үш бұзауды несие өтемақысы түрінде қайтаруы керек. Осы шартты орындағаннан кейін және бес жыл өткеннен кейін тауарлық қарыз өтеледі.Бұқар Жырау ауданында жобаға алғашқылардың бірі болып "Шатан" шаруа қожалығының басшысы Евгений Апеисов қатысты. Ол бес қарыз алушыға үш ірі қара берді. Олардың қатарында жаңа иелеріне қосымша табыс әкелетін сүтті сиырлар бар.Бұқар Жырау ауданы бірінші болып тауарлық несие алды. Облыстың қалған аудандарында оны кейінірек іске қосу жоспарлануда.Ақпарат көзі : https://www.gov.kz/memleket/entities/karaganda/press/news/details/895043

Қарағанды облысының ауылдық мектептерінің оқушылары жаратылыстану-математикалық бағыт бойынша II Республикалық олимпиадада 10 медаль және төрт грамота жеңіп алды. Оқушылар математика, физика, биология, география және информатика бойынша білімдерін көрсетті.Барлық турлардың қорытындысы бойынша Бұқар Жырау ауданынан Камила Төлеуханова алтын медаль иеленді. Ол биология олимпиадасына қатысты. Математика және физика пәндерінен күміс медальдарды Шет ауданынан Асылжан Қойқатов пен Ерасыл Игілік жеңіп алды.Батырхан Алпысбай мен Айбибі Мұсахметованың қоржынында математикадан қола медаль бар. Олар да Шет ауданынан. Осакаров ауданының тұрғындары Константин Калашников пен Максим Сафин, сондай-ақ Абай ауданынан Юлия Пилипенко информатика бойынша дәл осындай марапат алды.Физика бойынша Шет ауданынан Ислам Құрманбай, география бойынша Нұра ауданынан Ернар Нұрмұхамет қола жүлдегер атанды.Олимпиадада барлығы 221 қазақстандық оқушы жүлделі орындарға ие болды.Ақпарат көзі : https://www.gov.kz/memleket/entities/karaganda/press/news/details/895032

Ел президенті Қасым-Жомарт Тоқаев инвестиция тарту мәселелеріне ерекше назар аударады. ОКҚ алаңында өткен баспасөз конференциясы барысында Ақмола облысының әкімі Марат Ахметжанов атап өткендей, биыл өңірге 550 млрд теңгеден астам инвестиция салынады, 400 млрд теңгеден астам қаражат тартылады.АӨК саласында іске асырылған негізгі жобалардан бөлек, облыс орталығында бұршақ және дәнді дақылдарды қайта өңдеу кешені пайда болды. Құрама жем зауыты мен жарма зауыты аяқталу сатысында. Орта мерзімді перспективада Зеренді ауданында құс фабрикасын, Степногорск қаласында күкірт қышқылы зауытының екінші желісін, Астрахан ауданында диірмен комбинатын, Аршалы ауданында кірпіш зауытын, Целиноград ауданында алюминий прокаттарын өндіру зауытын салу жоспарлануда. Бұдан бөлек, 460 млрд теңгеден астам сомаға инвестициялық жобаларды іске асыру туралы уағдаластықтарға қол жеткізілді. Жобалардың бірі – болашақта жылына 360 бірлік өнім шығаратын локомотивтер шығаратын зауыт салу. «Сондай-ақ біз шетелдік компаниямен астықты терең өңдеу бойынша ірі зауыт салу туралы келісімге қол қойдық. Құны 650 млн доллар болатын жоба мың жұмыс орнын құрып қана қоймай, елдің экспорттық әлеуетін арттырады. Президент атап өткендей, мұндай жобалар елдің азық-түлік қауіпсіздігін қамтамасыз ету және ауыл шаруашылығы секторында қосылған құнды ұлғайту үшін стратегиялық маңызға ие», – деп атап өтті Марат Ахметжанов. Туризмді дамытуға инвестициялар есебінен 2 көпфункционалды жоба жоспарланған: Бурабай ауданындағы коттедж-қонақ үй үлгісіндегі демалыс аймағы, сондай-ақ Ақкөл ауданында тұру объектілері және санитарлық-курорттық емдеу түріндегі туристік кешенді кеңейту. Өңірдің инвестициялық ахуалын жақсарту үшін Республикалық маңызы бар «Aqmola» индустриялық аймағы құрылды. «Қазірдің өзінде осы аумақта өз өндірістерін орналастыруға мүдделі инвесторлар пулы бар. Мысалы, көлік-логистика орталығын, ауыл шаруашылығы агрегаттарының отандық өндірісін құру. Сондай-ақ, елордада «Aqmola Invest» инвестициялар тарту орталығы ашылды. Орталық базасында 50 компаниямен кездесулер өткізілді, олардың басым бөлігі шетелдік инвесторлар», – деді әкім. Айта кетерлігі, бұл инвесторларды тартуға және сүйемелдеуге баса назар аудара отырып, елордада ұсынылған жалғыз өңірлік фронт-офис болып табылады.Ақпарат көзі : https://www.gov.kz/memleket/entities/aqmola/press/news/details/895102

Су тасқыны кезінде Ақмола облысы бойынша зардап шеккен 820-дан астам отбасыға мүлік шығыны өтелді, 715 отбасыға үйлерін жөндеуге өтемақы төленді. Сонымен қатар шамамен 2 мың отбасы атаулы әлеуметтік көмек алды. 221 отбасы үшін пәтерлер мен үйлер сатып алынды. Сондай-ақ, облыста 330 отбасы үшін жаңа үйлер салынды. Ақмола облысының әкімі Марат Ахметжанов ОКҚ алаңында өткен баспасөз конференциясында осылай деп мәлімдеді.Оның айтуынша, су тасқыны кезінде жол инфрақұрылымы да зақымданды. Барлық учаскеде көлік қатынасы дереу қалпына келтірілді. Апат кезінде зақымданған үш көпір бойынша, кейіннен жөндеу жұмыстарын жүргізу үшін жобалар әзірленуде. «Қазіргі сәтте облыста су тасқынына қарсы іс-шаралар өткен жылмен салыстырғанда үш есе ұлғайтылды. Бүгінгі таңда 174 елді мекенде 65 шақырым су өткізу арнасы жасалып, 38 шақырым өзен арнасы тазартылды, су өткізу арнасының 34 шақырымы кеңейтіліп, тереңдетілді. 110 шақырым бөгет нығайтылып, 21 шақырым жаңа бөгеу тұрғызылды, су өткізу құрылыстары жүргізіліп, су құбырлары тазартылды. 9 елді мекенде су деңгейін бақылау үшін қосымша гидробекеттер құрылды. Сонымен қатар, Атбасар қаласында қорғаныс үшін шлюздер орнатылып жатыр. Ол тасқын судың қауіпсіз ағып өтуін қамтамасыз етіп, шамамен 400 үйдің су басу қаупін азайтады», – деді спикер. Жер снарядтарын сатып алу есебінен Атбасар ауданында Жабай өзенінің түбі тереңдетіліп жатыр. Қазір өзеннің 2,5 шақырымы 5 метрге дейін тереңдетілді. Осындай жұмыстар облыс орталығындағы Қылшықты өзенінде де жүргізілді. Оның 4,3 шақырымы тазартылды. Халықтың ұсынысы ескеріліп, Целиноград ауданының Талапкер және Қоянды ауылдарында еріген суды өткізуге арналған жалпы ұзындығы 8 шақырымды құрайтын айналма каналдары салынды. «Демеу Қазақстан» қоры есебінен 3 бөгет салынуда, Жабай, Шағалалы және Қалқұтан өзендерінің жағасы нығайтылып жатыр. Тұрғын үй құрылысы – өңірдің әлеуметтік саясатының басым бағыттарының бірі. Жалпы, биыл облыста 530 мың шаршы метр пайдалануға берілді, яғни бес мыңнан астам отбасы тұрғын үй жағдайын жақсартып отыр. Соның ішінде бюджет есебінен 9 көппәтерлі тұрғын үй іске қосылды. Жылдың аяғына дейін тағы 16 үй іске қосылатын болады. Мемлекет басшысының тапсырмасы бойынша халықтың әлеуметтік осал топтары баспанамен дайын пәтерлерді сатып алу арқылы қамтамасыз етіледі. «Бұл механизм көпбалалы отбасылар, жетім балалар және басқа да азаматтар үшін тұрғын үй мәселесін жедел шешуге мүмкіндік береді. Биыл 736 пәтер сатып алынды. Жылдың аяғына дейін тағы 104 пәтер сатып алмақшымыз. Жалпы, соңғы 5 жылда 2064 отбасы баспанамен қамтамасыз етілсе, биыл 2 270 отбасын үймен қамтыдық. Сонымен қатар биыл облыс орталығы – Көкшетау қаласында Тұрғын үй қорын жаңарту бағдарламасы басталды. Жалпы, Көкшетау қаласында 11 аймақты анықтадық. Онда ескі 150 үйді кезең-кезеңмен реновациялауға кірістік. Бұл жаңа әлеуметтік нысандар, тұрғын үйлер, саябақтар мен балалар алаңдарын салуға мүмкіндік береді. Осылайша, біз қаланың жаңа келбетін қалыптастырамыз», – деді өңір басшысы. Көлік инфрақұрылымын дамыту да аса маңызды әрі өңір экономикасын дамытудың ажырамас бөлігі саналады. Биыл жергілікті және республикалық маңызы бар жолдарды салу мен жөндеуге 104 млрд теңгеге жуық қаражат бөлінді. Бұл 800 шақырым жолды қамтиды. Мұнда елді мекендердің, соның ішінде астанаға іргелес ауылдардың жол желісін жаңартуға баса назар аударылды. Көкшетау қаласында Қопа көлінің жағалауында демеушілік қаржы есебінен жоғары сыныпты автожол салынып, жарық шамдары орнатылды. Ол болашақта қаланың негізгі жолдарындағы көлік ағынын жеңілдететін жолға айналады. Сонымен қатар жағалау бойы жаңаша абаттандырылып жатыр. Бұл – тұрғындар үшін сүйікті демалыс орнына айналатын маңызды жоба. Ақпарат көзі : https://www.gov.kz/memleket/entities/aqmola/press/news/details/895107

«Астана әкімдігімен меморандумға қол қойдық. Астана агломерациясы туралы заңның құқықтық мүмкіндіктерін пайдалану туралы шешім қабылданды. Қазір үлкен учаске бөліп жатырмыз, ал Астана қаласы иттерге арналған мемлекеттік панажай салады», – деді Ақмола облысының әкімі Марат Ахметжанов ОКҚ алаңындағы баспасөз конференциясында журналистің өңірде қаңғыбас жануарлар мәселесі қалай шешіліп жатыр деген сұрағына жауап бере отырып.Пана құрылысын келесі жылы бастау жоспарланып отыр. @ortcom_kz #CCSАқпарат көзі : https://www.gov.kz/memleket/entities/aqmola/press/news/details/895112

Ақмола облысы – еліміздің тек астықты аймағы ғана емес, сонымен қатар өзінің сұлу табиғатымен – Бурабай, Зеренді курорттық аймақтарымен, Қорғалжын қорығымен танымал. Бурабай курорты өңірде туризмді дамытудың негізгі көшбасшысы саналады. Бұл аймақ Алматы және Маңғыстау облыстарының туристік дестинацияларымен қатар, елімізде туризмді дамытудың үш негізгі орталықтарының бірі ретінде белгіленген. Президент алға қойған міндеттер аясында Үкіметпен бірлесіп, Бурабай курортының жаңа концептін құру бойынша 2025-2029 жылдарға арналған кешенді жоспар әзірленуде. Ақмола облысының әкімі Марат Ахметжанов ОКҚ брифингінде осылай деді.Оның хабарлауынша, Бурабайда биыл алғаш рет «Атырау Авеню» демалыс аймағы және «Тары Бурабай» этно-рестораны ашылды. Шағын авиацияны дамыту аясында келесі жылдан бастап курорттық аймақта тікұшақпен шолу саяхаттары іске қосылады.«Жайлы мектеп» ұлттық жобасы аясында 7 200 орындық 6 мектеп салынды. Онда қазір білім беру процесі жүргізілуде. Целиноград ауданының Қоянды ауылында 2 мың орындық және Көкшетау қаласында 3 мың орындық 2 мектептің құрылысы аяқталды. «Осы елді мекендердің бәрі елордаға жақын орналасқан. Осылайша ата-аналар үшін көптеген мәселе шешіліп, елордалық білім беру объектілерінің жүктемесі азаяды. Жайлы мектептердің аумағы қарапайым мектептерден артықшылықтары бар. Сонымен қатар биыл Қосшы қаласында 1200 орындық мектеп құрылысы аяқталды. Облыс орталығында 446 орындық екі балабақша іске қосылды. Келесі жылы тағы үш балабақша пайдалануға беріледі», – деді облыс әкімі. «Ауылдық денсаулық сақтауды жаңғырту» ұлттық жобасы бойынша бастапқы медициналық-санитариялық көмек объектілері салынып жатыр. Осы объектілер 38 ауылдық елді мекенде тұратын 43 мың адамды қамтиды. Степняк қаласында аудандық аурухана құрылысы жалғасуда. Келесі жылы Көкшетау қаласында 630 орындық өңіраралық көпбейінді аурухана құрылыс басталады. Лизингке 3,7 млрд теңгеге 50 жедел медициналық жәрдем автомобильдері сатып алынды. Биыл өңір үшін жарқын спорттық жаңалықтарға толы жыл болды. Облыс спортшылары Парижде өткен Жазғы Паралимпиадада лайықты өнер көрсетті. Давид Дегтярев, Еркін Ғаббасов пен Әмір Мұратбеков жақсы нәтижеге қол жеткізді. Жақында Қосшы және Есіл қалаларында, сондай-ақ Мәдениет ауылында спорт кешендері пайдалануға берілді. Осы айда Степногорск қаласында жаңа спорт кешені есігін ашады. Сонымен қатар Мемлекет басшысының тапсырмасы бойынша Үкімет Зеренді ауылында спорт кешенінің құрылысын салуға Арнайы мемлекеттік қордан қаржы бөлу туралы шешім қабылдады. Бұл бастама халықты жаппай спортпен қамтуға және ауылдық жерлердегі әлеуметтік инфрақұрылымды дамытуға бағытталған. Ақпарат көзі : https://www.gov.kz/memleket/entities/aqmola/press/news/details/895117

Ақмола облысында ағымдағы жылыту маусымына дайындыққа 40 млрд теңге бөлінді. Оның ішінде алғаш рет меншік иесінің есебінен 8 млрд теңге берілді. Фокус жылумен жабдықтау көздері мен желілерінің тозуы жоғары аймақтарға бағытталған. Биыл Степногорск қаласында 8 шақырым желі жөнделді, бұл тозуды 82%-дан 73%-ға дейін төмендетуге мүмкіндік берді. Осындай жұмыстар Атбасарда да жүргізілді. Жылу көздері мен желілері бойынша жоспарланған жұмыстар 100% орындалды. Бұл туралы ОКҚ алаңында сөйлеген сөзінде Ақмола облысының әкімі Марат Ахметжанов баяндады.Оның айтуынша, Көкшетауда ЖЭО салу жұмыстары белсенді кезеңде. Инженерлік-геологиялық ізденістер және уақытша құрылыстарға арналған алаңды ұйымдастыру басталды. Тұрақты және сапалы сумен қамтамасыз ету мәселесіне ерекше назар аударылады. Осы мақсаттарға ағымдағы жылы 34 млрд теңгеден астам қаржы бөлінді. Биыл Егіндікөл ауданында Нұра топтық су құбырын ауқымды қайта құру аяқталды, 70 шақырымға жуық желі салынды. Олар қазірдің өзінде ауылдарды сумен қамтамасыз етеді. Сондай-ақ биыл Үкімет резервінен Егіндікөл және Қорғалжын аудандары үшін бас су тартқышты қайта жаңартуға қосымша қаражат бөлінді. «Сондай-ақ облыс орталығының су тазарту құрылыстарын салу жобасы аяқталу сатысында тұр. Желтоқсан айында құрылыс-монтаждау жұмыстарын аяқтаймыз, содан кейін персоналды оқытумен іске қосу-реттеу жұмыстарын бастаймыз. Электр энергетикасын дамытуға 6 млрд теңге бағытталды. Биыл ұзындығы 43 шақырым болатын 3 жоба пайдалануға беріледі. Келесі жылы электр энергиясының тапшылығын жою үшін Қосшы және Көкшетау қалаларында төрт қосалқы станцияны жобалау аяқталады, оның екеуінің құрылысын бастау жоспарлануда», – деді өңір басшысы. Марат Ахметжанов елорда маңындағы елді мекендерді газдандыру жұмыстары жалғасып жатқанын атап өтті. Бұған дейін жүйеге Аршалы ауданының 16 ауылы қосылған болатын. Биыл 4 елді мекенді қосу қамтамасыз етіледі: Жібек жолы, Шұбар, Қоянды, «Нұрлы» ӨК. Келесі жылы 68 мың адамды қамтитын 6 елді мекен газбен қамтамасыз етіледі – Аққайың, Алтынсарин, Талапкер, Қаражар, Қызылсуат, Қосшы қаласы. 2026 жылы Целиноград ауданы Қараөткел және Ақмол ауылдарын, Аршалы ауданы Ақбұлақ ауылын және Тайтөбе ауылын газдандыру жоспарлануда. Ақпарат көзі : https://www.gov.kz/memleket/entities/aqmola/press/news/details/895123

Түркістан облысының әкімі Дархан Сатыбалды «EsVilla Prefabik Hafif Çelik Yapı Sistemleri Ltd. Şti.» компаниясының бас директоры Ибрагим Тюйлюді қабылдады. Кездесуде Түркістанда жаңа зауыт салу мәселесі талқыланды.– Түркі әлемі үшін қасиетті Түркістанның орны айрықша. Түркістан – Тұран даласындағы ең көне қалалардың бірі. Мұнда Ахмет Ясауи бабамыз өмір сүрген. Бұл шаһар Қазақ хандығының астанасы болған. Қазақтың хандары мен билері, батырлары осында мәңгі қоныс тепкен. Алты жыл бұрын Түркістан қаласы облыс орталығына айналды. Мұнда жаңа инвестициялық жобаларды жүзеге асыруға қолайлы жағдай жасалған. Түркия елінен келетін инвесторлармен бірлесе жұмыс істеуге әрқашан дайынбыз, – деді Дархан Сатыбалды.Ибрагим Тюйлю Түркістан облысы әкімдігінің делегациясымен Түркияда кездескенін, жобаларды талқылағанын атап өтті.– Сіздің өңірдің делегациясымен Түркиядағы кездесуде Түркістанның инвестициялық әлеуеті туралы ақпарат алдық. Соны көзбен көру үшін арнайы келіп отырмын. «Өндірістік паркті» аралап, ғимараттарды көрдім. Жеделсаты өндірісін жолға қоюды жоспарлап отырмыз. Жобаны жылдам жүзеге асырып, жұмыс істеуге ниеттімін. Бұл кәсіпорында қазақ жастары жұмыс істейді. Қожа Ахмет Ясауи кесенесіне зиярат еттім. Сізді де Түркия еліне маңызды жобаларды бірге талқылауға шақырамын. Іскерлік байланыс нығайып, бауырлас елде инвестициялық жобалар көбейе берсін, – деді түркиялық инвестор.Айта кетейік, Түркістан облысындағы арнайы экономикалық аймақ пен индустриалды аймақта, «Өндірістік парк» аумағында инвесторлар тартып, кәсіпорындар ашу жұмыстары жалғасуда. Жыл басынан бері Түркістан облысына 888,5 млрд. теңге инвестиция тартылып, өткен жылдың тиісті кезеңімен салыстырғанда 17,7%-ға артты.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/895068

Түркістан облысына инвестиция тарту, жаңа зауыттар мен өндіріс орындарын ашу бағытында қарқынды жұмыс жүріп жатыр. Облыс әкімі Дархан Сатыбалды бір топ шетелдік инвестор мен кәсіпкерді қабылдап, келіссөздер жүргізді.– Тарихы тереңде жатқан Түркістанға қош келдіңіздер. Алты жыл бұрын Түркістан облысы құрылып, аймақтың жаңа даму жоспары жасалды. Мақсатымыз – тұрғындардың әл-ауқатын көтеру, өңірдің экономикасын көтеру. Осы мақсатта бірнеше мемлекетке барып, келіссөздер жүргіздік. Байланысқа, әріптестікке әрдайым ашықпыз. Өңірімізде қолайлы бизнес-климат қалыптасқан. Арнайы экономикалық аймақ, индустриалды аймақтар бар. «Шағын өнеркәсіптік парк» жобасы жүзеге асырылуда. Инвесторларға тез жобасын жүзеге асыруға жағдай жасалған, – деді Дархан Сатыбалды.«Shaanxi Zhonghuang Huancheng Technologi Co., Ltd» компаниясының бас директоры Ли Хайнан жоғары деңгейде қарсы алып, жобаларды талқылауға мүмкіндік тапқан облыс әкіміне алғысын білдірді. Кәсіпкерлер Түркістан қаласының сәулетіне, инвестициялық әлеуетіне жоғары бағаларын берді. Бірнеше сала бойынша әріптестік орнатуға дайын екендерін жеткізді.Айта кетейік, Түркістан облысында алғаш рет 100 гектар аумақта «Шағын өнеркәсіптік парк» жобасы жүзеге аса бастады. Жоба аясында 308 млрд. теңге инвестиция тартылып, 151 өндірістік ғимарат салынады (10 нысан салынды). 6 мыңға жуық жаңа жұмыс орны құрылады деп күтіліп отыр. Сонымен бірге Арнайы экономикалық аймақта да маңызды жобалар жүзеге асырылмақ.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/895074

Дін саласындағы кәсіби мамандарды даярлау және аймақтағы діни ахуалды нығайту мақсатында Түркістан облыстық дін істері басқармасының делегациясы «Нұр-Мүбарак» Египет ислам мәдениеті университетіне арнайы сапармен барды.Облыс әкімінің тапсырмасымен барған делегация құрамында Түркістан облыстық дін істері басқармасының басшысы Рүстем Сабыржанұлы, басқарманың «Дін мәселелерін зерттеу орталығы» КММ директоры Халықов Медет, сондай-ақ, орталықтың директор орынбасары Ағабеков Дархан болды.Кездесу барысында университет ректоры, профессор Ахмед Хусейн Мухаммад делегацияны қабылдап, бірқатар маңызды мәселелерді талқылады. Жиынның нәтижесінде тараптар дін саласындағы білікті мамандарды даярлау, исламтану, дінтану және теология бағыттарында тәжірибе алмасу, студенттерді болашақ жұмыс орындарымен қамтамасыз ету мәселелері бойынша ынтымақтастық меморандумына қол қойды.Бұдан бөлек, басқарма басшылары университетте білім алып жатқан өңірлік шәкірттермен арнайы жүздесіп, оларды діни құрылымдарында жұмыс істеуге шақырды. Бұл кездесулер жас мамандардың кәсіби өсіміне бағыт-бағдар беру және елдің рухани дамуына үлес қосуға шабыттандыру мақсатында ұйымдастырылды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/895077

«Таза Қазақстан» шарасы аясында Түркістан облысындағы республикалық және облыстық маңызы бар жолдарға тазалық жұмыстары қарқынды жүргізілген. Бұл туралы брифингте облыстық жолаушылар көлігі және автомобиль жолдары басқарма басшысының орынбасары Мейіржан Жалайыров мәлімдеді.«Акция аясында Түркістан облысындағы республикалық маңызы бар жолдар бойынша «Қазавтожол ҰҚ» АҚ облыстық филиалы, облыстық маңызы бар жолдарда басқармадағы «Оңтүстік жолдары» мекемесі тарапынан тиісті жұмыстар жүргізілді. Сонымен қатар, аудандық маңызы бар жолдар мен елді мекен көшелерінде тазалық шаралары атқарылды. Тарқата айтсақ, 65 679 ағаш әктеліп, 32 74 құраған тал кесілген. Сондай-ақ, 2 963 тонна қоқыс шығарылып, 5 407,9 шақырым көше бойлары мен 811,5 шақырым аяқ жолдар тазаланды. Одан бөлек, 42,8 шақырым ирригация жүйелері тазаланды. Аталған жұмыстарға жалпы 542 арнайы техника мен 14 600 жұмысшы жұмылдырылған»,- деді Мейіржан Серікбайұлы.Брифингке қатысқан облыстық санитариялық-эпидемиологиялық бақылау департаменті басшысының орынбасары Асқар Ысқақов «Таза Қазақстан» шарасы аясында өңірде санитариялық-эпидемиологиялық қызмет тарапынан тиісті жұмыстар жүргізіліп, аудандық, қалалық санитариялық-эпидемиологиялық бақылау басқармалары өз аулалары мен іргелес аумақтарында ауқымды сенбіліктер өткізгендігін айтты.Бұдан бөлек, брифингте облыстық мәдениет басқармасы басшысының орынбасары Исатаев Ержан басқармаға қарасты Тарихи-мәдени мұраны қорғау, қалпына келтіру және пайдалану жөніндегі жұмыс тобы құрылғандығын мәләмдеді. Сондай-ақ, аудан-қаладағы зияратшылар мен туристер көп баратын 28 нысанның инфрақұрылымы, тазалығы мен сервистик қызметтеріне мониторинг жұмыстары басталғандығын айтты.Сонымен қатар, облыстық аумақтық инспекциясының тамақ өнімдері қауіпсіздігі бөлімінің басшысы Мейірхан Смағұловтың айтуынша, облыс аумағындағы мал сою орындарына тексеру жұмыстары қарқынды жүргізілетіндігін айтты.Айта кетейік, бағдарлама басталғаннан бері сенбіліктер мен тазалық жұмыстарына 300 мыңнан астам тұрғын қатысып, 1 500-ден астам техника жұмылдырылған. Нәтижесінде, 1 милионға жуық тал отырғызылып, 3 389 тонна қоқыс шығарылған.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/895079