Қызылорда әуежайының жаңа жолаушылар терминалы экологиялық және технологиялық стандарттарға сәйкес келеді. Нысан жеке инвестиция есебінен салынды.Жаңа жолаушылар терминалының ерекшеліктерін атап өтер болсақ:Бірінші. Терминалдың ауданы 3 есеге дерлік ұлғайды (2720-дан 7500 шаршы метрге дейін). Шатыры құстың қанатына ұқсас заманауи әрі ерекше сәулеттік нақыштағы ғимарат екенін атап өткен жөн. Бірінші қабатта (5700 м2) тіркеу орындары, сауда нүктелері мен дәмханалар, ал екінші қабатта (1800 м2) әуе кемесіне тікелей кіруге болатын күту залдары орналасқан. Сондай-ақ транзиттік жолаушыларға арналған алаңдар мен заманауи CIP залы, Duty Free аймағы, дәмханалар, сауда нүктелері, намазханалар, ана мен бала бөлмелері, жүк сақтау бөлмесі, фельдшерлік пункт және басқа да әлеуметтік инфрақұрылым нысандары бар.Екінші. Бұл EDGE экологиялық ғимараттарының халықаралық стандарттарына сәйкес келетін еліміздегі алғашқы аймақтық терминал. Құрылыс барысында энергияны үнемдейтін материалдар пайдаланылды. Терминал ғимараты IATA және ICAO стандарттарына сәйкес келеді және жолаушыларға жайлы Optimum деңгейін қамтамасыз етеді.Үшінші. Терминал германиялық ThyssenKrupp компаниясының екі телескопиялық өтпе жолымен, NUCTECH тексеру құрылғысы және француздық ALSTEF компаниясының автоматтандырылған багаж беру жүйесімен жабдықталғанын атап өткен жөн. Сондай-ақ финдік KONE өндірушісінің эскалаторлары мен лифтілері және BEMO неміс компаниясының конструкциялары орнатылды.Жаңа әуежай еліміздегі ең заманауи және техникалық тұрғыда озық әуежайлардың бірі болып есептеледі.Ақпарат көзі : https://www.gov.kz/memleket/entities/transport/press/news/details/882493

Қарағандыда «Таза Қазақстан» акциясы аясында ұйымдастырылған «Экоқаһарман-2024» байқауы мәреге жетті. Үздік атану үшін қаланың 33 мектебінің 1–7 сынып оқушылары бақ сынады.Ұйымдастырушылардың айтуынша, байқаудың негізгі мақсаты балалар мен жасөспірімдерге қалдықтарды сұрыптау негіздерін үйрету. Макулатура мен пластикалық бөтелкелерді жинауға тарту экомәдениетке баулу.Байқау екі негізгі аталым бойынша өтті. Бұл "Макулатураны жинаңыз-ағашты сақтаңыз!" және "Пластикті қайта өңдеу – планетаға ауа қажет!" номинациялары. Жеңімпаз болып № 45 гимназияның оқушылары атанды.Біздің гимназия 2017 жылдан бері экологиялық акцияларға ұатысады. Біз макулатура, пластик, қақпақтар, батарейкаларды жыл бойы жинаймыз. Біздің бірінші қабатта контейнерлер орнатылған. Балалар қоқысты дұрыс сұрыптау жолын біледі. Бұл жолы ең белсенді оқушылар, яғни 356 адамнан құралған команда, 1 тонна 600 кг макулатура, 65 кг пластик жинаған. Instagram-да 300-ден астам жарияланым жасаған. Мұндай байқаулар тек сыныптың, school's оқушылары мен ұстаздарын ғана емес, сондай-ақ ата-аналарды да біріктіреді, – дейді № 45 гимназиясының тәрбие ісі жөніндегі орынбасары Ирина Деева. – Енді жеңімпаздар өздерінің төмен сыныптарда оқитын кішкентай балаларға қоқысты дұрыс сұрыптауды үйретуге дайын.«Экомотивация» номинациясында Б. Момышұлы атындағы мектептің оқушылары жеңіске жетті. «Экоамбассадор» атағын Абай атындағы гимназия иеленді. «Командалық рух» аталымында Шәкәрім атындағы гимназияның оқушылары үздік деп танылды. «Жас экологтар» номинациясында № 13 қосымша білім беру орталығының оқушылары жүзден жүйрік шықты.Мектеп командалары өз тәжірибелерімен әлеуметтік желілерде бөлісті. Instagram желісінде байқау барысы жайлы 500-ден астам пост жарияланды. Мұндай жазба басқа оқушыларды экологияға жауапкершілікпен қарауға бағыттайды. Ең белсенді мектеп ретінде № 45 гимназиясының оқушылары танылды.Байқаудың нәтижесі бойынша – 3573,52 келі макулатура мен 540,75 келі пластикалық бөтелке жиналды. Барлық қалдықтар қайта өңдеуге жіберілді. Ұйымдастырушылар – Қарағанды облысының табиғи ресурстар және табиғат пайдалануды реттеу басқармасы, Қарағанды қаласы білім бөлімі мен «ВторСырьё Караганда» ЖШС. Ақпарат көзі : https://www.gov.kz/memleket/entities/karaganda/press/news/details/882332

Қарағандыда "Террикон алқабы" стартап-экожүйесі ұйымдастырған бастаушы және тәжірибелі әзірлеушілерге арналған байқау өтті. 48 сағат ішінде қатысушылар инновациялық технологиялық шешімдерді жасау бойынша жұмыс жасады. Жүлде-ақшалай сыйлық.Байқау талабы бойынша хакантоншылар бос жұмыс орындарына үміткерлерді іздеу және іріктеу жүйесіне арналған жобаларды әзірлеуі керек.Байқауға 230 үміткерден 80 команда қатысты. Ақтық мәреге 40 команда өтті. Олардың әрқайсысы өз шешімдері мен ұсыныстарын қазылар алқасына ұсынды– Әр команда өздерінің прототиптерін таныстырды. Біз функционалдылықты, жасанды интеллектіні қолдануды, пайдаланушы интерфейсінің ыңғайлылығын, дизайнын бағаладық. Сондай-ақ, масштабталу және адаптивтілік маңызды болды. Әрбір критерий бойынша ұпайлар берілді. Инновациялар үшін қосымша жеке баға берілді. Мысалы, 8-ші команда жасанды интеллектпен жүргізілген сұхбатты қамтитын ерекше шешім ұсынды, – деп баяндады «Террикон алқабы» стартап-экожүйесінің басқарушы серіктесі Диана Салехова. Бірінші орынды №47-ші команда (Арман Сергазин мен Рахат Балтабеков) жеңіп алып, 500 мың теңге көлемінде басты жүлдені иеленді.– Мен геологпын, сондай-ақ бұдан басқа бірнеше мамандықтарым бар. Олардың ішінде fullstack-әзірлеуші, мобильді әзірлеуші, жүйелік әкімші, жоба менеджері тәрізді саланы меңгергенмін. Бұл хакатон мен үшін 12-ші байқау. Олардың жетеуінде мен жеңіске жеттім. Үздік шығуыма тәжірибем мен нейрондық желілерді пайдаланудағы ұтымды шешімім басты рөл атқарды деп ойлаймын. Мен үшін бұл тәжірбиемді шыңдау ғана емес, сонымен қатар ақша табу мүмкіндігі. Демек, менің мансабымда бір қадам алға жылжу бар деген сөз, – дейді Арман Серғазин.Екінші орын және 300 мың теңге жүлдені № 8 команда (Ерасыл Базарбаев, Әлімжан Жорабек, Айжас Сериков және Алинур Толбаев) жеңіп алды. Үшінші орын және 200 мың теңге № 74 командасына (Руслан Анасов пен Малик Абдулов) бұйырды.Жекелеген марапаттар «Көрермендер көзайымы» аталымында үздік шыққан жобаларға берілді. № 14 және № 28 командалары әрқайсысы 100 мың теңге жүлдені иеленді. Байқаудың серіктестері – Freedom Bank және Freedom Telecom. Ұйымдастырушылар мен серіктестер қатысушылардың дайындығын жоғары бағалап, үздік жобалардың бизнеске енгізілу мүмкіндігіне сенім білдірді. Осыған байланысты жобаларды пилоттық режимде іске қосу мүмкіндігі бар үздік 15 командаға арналған қосымша жоба жарнамаланады.Ақпарат көзі : https://www.gov.kz/memleket/entities/karaganda/press/news/details/882245

Қарағандылық мамандар эндоскопиялық зерттеудің озық әдісі – капсулалық эндоскопияны игеруде. Тұңғыш рет ұйымдастырылған оқу Қарағандының көпсалалы облыстық балалар ауруханасында өтті. Дәрігерлер астаналық штаттан тыс балалар хирургы Ринат Байғыреев пен хирург, бейнекапсулалар өндіруші компанияның өкілі Виктор Исаковтан практикалық білім алды.Капсульды эндоскопия – асқазан-ішек жолдарын зерттеудің заманауи және қауіпсіз әдісі. Бұл әдіс 2001 жылы пайда болды. Дәрігерлердің айтуынша, бұл инвазивтілігі төмен әрі ыңғайлы диагностикалық тәсіл, әсіресе балаларға өте ыңғайлы.«Егер кәдімгі гастроскопия немесе колоноскопия тек асқазан-ішек жолдарының белгілі бір бөліктерін қарауға мүмкіндік берсе (гастроскопия – өңеш, асқазан және он екі елі ішек, колоноскопия – тоқ ішек), капсульды эндоскопия бүкіл асқазан-ішек жолдарын зерттеуге көмектеседі. Науқасқа арнайы белдік тағылып, ол шамамен бір сантиметрден сәл үлкен капсуланы жұтады. Капсула жоғары рұқсаттама камерасымен (4K) және жарықдиодты шамдармен жабдықталған. Олар жарықты қамтамасыз етеді. Қозғалыс жылдамдығына байланысты капсула секундына 2-ден 18-ге дейін сурет түсіреді», – дейді дәрігерлер.Зерттеу процесі видеотіркеумен бірге жүреді. Капсула шамамен 80 мың сурет түсіреді. Олар біріккен видеқатарға айналады. Нәтижесінде науқастың ішкі жағдайы туралы тұтас «фильмі» яғни көрінісі шығады. Егер зерттеу барысында ауытқулар анықталса, олар хаттамаға тіркеледі. Әдетте, мұндай зерттеу шамамен 8 сағатқа созылады.kgp.odkb.krg Ақпарат көзі : https://www.gov.kz/memleket/entities/karaganda/press/news/details/882376

Түркістан облысында отбасын қолдау орталықтары қызметкерлері және мобильді топтар үшін республикалық оқыту-семинары басталды. Мәдениет және ақпарат министрлігінің бастамасымен Қазақстан бойынша 2024 жылдың 15 қазан мен 13 желтоқсан аралығында жүргізіледі. Түркістан қаласында 12-15 қараша күндері Шымкент қаласы, Жамбыл және Түркістан облыстары өкілдерінің қатысуымен оқыту-семинарын өткізу жоспарланған.Дәрістің ашылуына Мәдениет және ақпарат министрлігінің Жастар және отбасы істері комитеті Отбасы саясатын үйлестіру басқармасының бас сарапшысы Іңкәр Тұрсын, облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Күміс Мирова арнайы қатысып, сәттілік тіледі.Тренингтердің мақсаты – қиын өмірлік жағдайдағы отбасыларға сапалы көмек көрсету үшін ведомствоаралық үйлестіру барысында қызметкерлердің кәсіби құзыреттілігінің сапасын жақсарту. Іс-шара аясында қатысушылар отбасылармен жеке жұмыс жоспарларын құру, практикалық дағдыларын қалыптастыру, диагностика, жоспарлау және көмек көрсету мониторингін жақсартуды меңгереді. Жоспарға сәйкес теориялық және практикалық сабақтар оқытылады. Біліктілікті арттыру курсын «Qoldau» ҚБ сарапшысы, оқыту тренері Фарида Сағындық өткізуде.Семинарға үш аймақтан өмірлік қиын жағдайға тап болған отбасылармен жұмыс жасайтын әлеуметтік қорғау, білім, денсаулық сақтау, ішкі істер салаларының мамандары, балалар қүқықтары жөніндегі уәкілдері, кәмелетке толмаған балалар, әйелдер істері мен отбасылық демографиялық саясат жөніндегі комиссия хатшылары мен жергілікті жерлерде құрылған мобильдік топтардың жетекшілері және өкілдері келді.Жалпы елімізде 43 отбасын қолдау орталығы бар. Оның төртеуі Түркістан өңірінде құрылған. Бүгінде Жетісай, Келес Шардара, мен Сайрам аудандарында «Отбасын қолдау орталығы» КММ ретінде ашылып, азаматтарға қызмет көрсетуде. Сонымен қатар аудандық, қалалық жұмыспен қамту және әлеуметтік бағдарламалар бөлімдері жанынан 9 «Отбасын қолдау секторы» құрылған.Аталған орталықтардың негізгі қызметі - мемлекеттің отбасылық саясат шараларын іске асыру, өмірлік қиын жағдайға тап болған адамдарды (отбасыларды) қолдау бойынша жұмысты үйлестіру, тұрмыстық зорлық-зомбылық белгілері бар адамдарға қолдау көрсету және мобильді топтардың жұмысын ұйымдастыру.Жалпы облыстағы орталықтар мен секторларда 130-ға жуық маман жұмыс істейді. Онда бүгінге дейін 3400-ден астам адамға көмек көрсетілген. Орталықтарда аз қамтылған, көп балалы, мүгедектігі бар баланы тәрбиелеп отырған аналарға денсаулық сақтау мәселелері, жұмыспен қамту, мүгедектерге көрсетілетін әлеуметтік төлемдер, тұрғын үйге кезекке тұру, сертификаттар алу, құқықтық және медиаторлық кеңес, материалдық көмек, психологиялық қолдау, түрлі психологиялық және мотивациялық тренингтер, өзге де оқу курстары, шағын кәсіп ашу, грант алу, өз-өзіне қызмет көрсету бұрыштарын қолдану және басқа да шаралар ұйымдастырылды.Ақпарат көзі : https://www.gov.kz/memleket/entities/ontustik/press/news/details/882204

Бүгін Арыс қаласында «Таза Қазақстан» бағдарламасы аясында қалалық зират аумағын абаттандыру мақсатында сенбілік ұйымдастырылды. Бұған дейін тұрғындар қала әкіміне мазаратты қоршау және қорғау жөнінде бірнеше өтініштер білдірген болатын. Тұрғындардың сұранысы негізге алынып, абаттандыру, қоршау жұмыстары басталды.Сенбілікке қала тұрғындары, діни қызметкерлер және мекеме қызметкерлері бірлесіп қатысып, аумақты тазалап, абаттандыру жұмыстарына қолғабыс етуде. Ал қоршауға қажетті құрал-жабдықтар мен материалдарды «Жасыл Арыс» КММ мекемесі қамтамасыз етуде. Бұл өз кезегінде жұмыстардың тиімді әрі сапалы жүргізілуіне ықпал етеді.Қала әкімі Гүлжан Құрманбекова жұмыстардың барысымен арнайы танысып, сенбілікке қатысқан азаматтарға алғысын білдірді. Әкім өз сөзінде ортақ істе тұрғындардың ұйымшылдығы мен тазалықты сақтау жөніндегі үлесі ерекше маңызға ие екенін атап өтті.Қоршау жұмыстарының аяқталуы мазаратты тәртіпке келтіруге және оны қорғауға мүмкіндік беріп, рухани орынның тазалығын сақтауға септігін тигізбек.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/882213

Түркістан қаласының айналасына «Жасыл белдеу» қалыптастыру ісі Мемлекет басшысының тапсырмасына сәйкес 2019 жылы бастау алған. Облыс әкімінің тұрақты бақылауының нәтижесінде бүгінге дейін 28 335 гектар жер мемлекеттік орман қоры санатына ауыстырылып, 17 019 га жерге ағаш көшеттері отырғызылды.«Жасыл белдеуде» күзгі ағаш отырғызу барысын бүгін облыс әкімінің орынбасары Нұрбол Тұрашбеков аралап тексерді.Қазіргі таңда әуежай бағытындағы жолдың бойы жаңа көшеттермен толықтырылуда. Мұнда 252 га жер толықтай тамшылатып суғару жүйесіне қосылған.Облыстық табиғи ресурстар және табиғат пайдалануды реттеу басқармасының басшысы Қайрат Абдуалиевтің мәлімдеуінше, топырақ құнарын арттыру үшін минералды және органикалық тыңайтқыштар қолданылып, ағаштардың өсіуіне және жерсінуін арттыруға жағдай жасалған.Жұмыстың баяу атқарылып жатқанын сынға алған Нұрбол Тұрашбеков «Көшеттердің тек саны мен сапасына ғана емес, оның егілуіне де мән беру керек. Тереңдігі, тамырының орналасуы, барлығы бақылауда болуы тиіс. Қадап кеткен ағаш қармана береді деген ойдан арылыңыздар. Ауа райының ерекшелігін есепке алып, ағаштардың жерсіну көрсеткішін көтеруге күш салу қажет», дей келе жауаптыларға бірқатар тапсырма берді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/882221

Түркістан облысында тұрғындарды арендалық үймен қамту жұмысы жалғасуда. 2024 жылдың жоспары бойынша облыс көлемінде 2590 пәтерлі арендалық тұрғын үйлерді сатып алуға 47,5 млрд. теңге бөлінген. Бөлінген қаржыға облыс бойынша 191 мың шаршы метрден асатын 247 көпқабатты тұрғын үй сатып алу көзделген. Облыс әкімі Дархан Сатыбалдының төрағалығымен өткен мәжілісте тұрғын үйлердің құрылыс барысы пысықталып, мәселелер талқыланды. Өңір басшысы жұмысты дұрыс үйлестіре алмаған аудан, қала әкімдері мен басқарма басшыларына және мердігерлерге сын-ескертпе айтып, жұмысты ширатуды тапсырды.– Үйлердің құрылысы сапалы әрі уақтылы аяқталуы тиіс. Мен жұмыстарды қысқа дейін бітіруді тапсырғанмын. Бюджет қаржысын тиімді игеріп, үйлерді жыл соңына дейін толық тапсырыңыздар. Бұл үйлерді ел күтіп отыр. Талай тұрғын үй кезегінде тұр. Сондықтан жұмысты жауапкершілікпен атқарыңыздар. Үйлердің қасбетін бір үлгіде жасау мәселесі назардан түспеуі тиіс. Абаттандыру жұмыстарын да сапалы орындау қажет, – деді Дархан Сатыбалды.Түркістан облыстық құрылыс басқармасы басшысының міндетін атқарушы Абай Тұрхановтың айтуынша, бүгінгі таңда 935 пәтер сатып алынған (Жетісай – 2, Қазығұрт – 16, Мақтаарал – 43, Ордабасы – 12, Созақ – 24, Шардара – 24, Кентау – 30, Түркістан – 768, Сауран – 16). Жоспарға сәйкес қараша айында 616 пәтер, ал желтоқсан айында 1039 пәтер сатып алынады деп күтіліп отыр. Бұл нысандардың құрылысы қатаң бақылауға алынған.Құрылыс жұмыстары 12 ауданда (882 пәтер) қарқынды жүргізілуде. Негізгі жұмыстары аяқталып, әрлеу жұмыстары 80% атқарылған. Ал 3 ауданда 4 үйдің (88 пәтер) құрылыс қарқыны төмен. Атап айтқанда, Бәйдібек, Сайрам және Сауран аудандарындағы ғимараттар кестеден кешігіп жатыр. Аталған аудандардың әкімдеріне тиісті сын-ескертпе айтылып, жұмысты ширату тапсырылды. Жұмысшылар саның көбейтіп, құрылысты екі ауысымда ұйымдастыру міндеттелді.Түркістан қаласында 20 үй, жалпы 1716 пәтердің құрылыс жұмыстары атқарылуда. Оның ішінде 16 үйді (1376 пәтер) жыл соңына дейін сатып алу жоспарланған. Шаһардағы 4 үй (340 пәтер) 2025 жылға өтпелі. Мәжілісте жауапты мердігер мекеме басшыларының да есептері тыңдалып, оларға жұмысты ширату жөнінде тапсырма берілді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/882227

Карағанды академиялық музыкалық комедия театры жаңа қойылым әзірлеп жатыр. Оперетта жанкүйерлері үшін 13 және 14 желтоқсанда «Ах, Оффенбах!» атты оперетта кешінің премьерасы өтеді. Жак Оффенбах – француз опереттасының негізін қалаушы және ең көрнекті өкілі. Сыншылардың пікірінше, музыка тарихындағы ең ұлы сатириктердің бірі. Классиктің тапқыр туындылары бүгінгі күнге дейін өз танымалдығын жоғалтқан жоқ.Оның ең танымал шығармалары – «Орфей тозақта», «Сұлу Елена», «Гофман ертегілері» және басқалар. Театр өкілдері Жак Оффенбахтың басқа сахналарда көп қойылмаған екі опереттасын таңдағанын атап өтті. Бірінші бөлімде көрермендерге «Тромб-аль-Казар» музыкалық комедиясы ұсынылады. Оффенбах бұл шығарманы 1856 жылы жазған. Сахналық қойылым сюжеті негізі – театр әртістерінің өмірінен алынған.Екінші бөлімде актерлер Оффенбахтың 1861 жылы жазған «Фортунио әні» атты шағын опереттасын орындайды. Қойылым желісі Людовик XIV билік құрған кезеңде, Францияның бір қаласындағы Фортунионың бағында өтеді. Қойылымды сахналау үшін Ресейден мамандар шақырылды. Режиссер – Николай Покотыло (Мәскеу). Музыкалық жетекші және дирижер-қоюшы – Андрей Алексеев (Санкт-Петербург).Ақпарат көзі : https://www.gov.kz/memleket/entities/karaganda/press/news/details/882051

Ақмола облысының әкімі Марат Ахметжанов Қорғалжын ауданының халқымен кездесу өткізіп, әлеуметтік-экономикалық даму мен Қазақстан Республикасының Президенті тапсырмалары аясындағы негізгі міндеттер туралы айтты.Аудан астық өндіру, мал шаруашылығы және ауыл шаруашылығы өнімдерін өңдеуге маманданған.Ауданның өнеркәсіп секторы бір орта кәсіпорын – «Астана-Агропродукт» ЖШС және 21 шағын кәсіпорынмен ұсынылған. Ірі өндіріс орындары болмағандықтан, ауданның облыстың жалпы өнеркәсіп өндірісіндегі үлесі өте төмен – 0,1%.Өңір басшысы жұмысты ішкі нарыққа бағдарлай отырып қайта қалыптастыру қажеттігін атап өтті. Сапалы ет өнімдеріне деген сұранысты халық пен қоғамдық тамақтандыру секторы қамтамасыз етеді. Сонымен қатар, кәсіпорынмен тығыз байланыста жұмыс істеу, жергілікті атқарушы орган тарапынан көмек пен қолдау көрсету маңызды.Жергілікті билікке азық-түлік өнімдерін, соның ішінде ет, сүт өнімдерін және дайын жартылай фабрикаттарды өндіруді дамыту тапсырылды. «Kazbeef» компаниясының толық өндірістік циклді ұйымдастыру тәжірибесін қолдана отырып ішкі және экспорт нарықтарына табысты өнім шығару маңызды.Әкімдіктің негізгі міндеттерінің бірі – инвестиция тарту. Құрылыс құмының үлкен қорын ескере отырып, ауданға құрылыс материалдарын өндіруді ұйымдастыру қажет.Ауыл шаруашылығын дамыту жөнінде облыс әкімі егін жинау науқанының нәтижелеріне тоқталды. Биыл Қорғалжын ауданында жалпы астық түсімі 180 мың тоннадан асып, орташа өнімділік 12 ц/га құрады. Мемлекеттік қолдау, агротехнологияларды сақтау және қолайлы ауа райы өнімділікке оң әсер етті. Қазірдің өзінде аграршылар болашақ агромаусымға дайындықты бастап, қаржы институттары алдындағы міндеттемелерін ұмытпауы қажет.Айта кету керек, биыл облыстың АӨК мемлекеттік қолдауы шамамен 140 млрд теңгеден асты, оның ішінде 46,5 млрд теңге – қайтарымсыз субсидиялар. Биыл Қорғалжын ауданының АӨК қолдауға 4,3 млрд теңге бөлінді, бұл өткен жылмен салыстырғанда екі есе көп.Аудан аумағында орналасқан Қорғалжын мемлекеттік табиғи қорығы туризмді дамытуға үлкен мүмкіндік береді. Аудан әкімдігіне туризм саласына инвестиция тарту мүмкіндіктерін қарастыру, елді мекендерді, соның ішінде аудан орталығын дамыту бойынша бас жоспарларды әзірлеу тапсырылды.Инфрақұрылымды дамыту саласында аудандық маңызы бар «Қорғалжын-Баршын» автожолына орташа жөндеу жұмыстарына қажетті құжаттар әзірленуде. Сапалы ауыз су және электрмен қамтамасыз ету бойынша ауқымды жұмыстар жүргізілуде.Қорғалжын ауданының тұрғындары тұрғын үй құрылысы және инфрақұрылым, тұрғын үй-коммуналдық шаруашылық мәселелері бойынша проблемалық сұрақтар көтерді.Кездесу соңында Марат Ахметжанов азаматтарды жеке мәселелері бойынша қабылдады.Ақпарат көзі : https://www.gov.kz/memleket/entities/aqmola/press/news/details/882033

Астанада мемлекеттік органдардың, бизнес қауымдастықтың және Қазақстанның барлық өңірлерінен келген табысты кәсіпкерлердің негізгі өкілдерін біріктірген «Адал азамат. Адал еңбек. Адал бизнес» шағын және орта бизнес форумы аясында Премьер-министр Олжас Бектенов пен «Атамекен» ҰКП Президиумының төрағасы Райымбек Баталовтың қатысуымен «Адал азамат» сыйлығының иегерлерін марапаттау рәсімі өтті. Құрметті марапатқа ие болғандардың қатарында Көкшетау қаласында қауіпсіз қалдықтарды өңдеумен және жоюмен айналысатын Ақмола облысының «ЭКО-DUMP» ЖШС бар.2023 жылы кәсіпорынның басшысы Мариям Әбішева полигонды заңдастыру, рұқсат құжаттарын сәйкестендіру жұмыстарын жүргізді, себебі полигон бірнеше жыл бойы тоқтап тұрды. Полигон аумағындағы өрттерді жоюға шамамен жарты жыл уақыт кетті, өйткені қатты тұрмыстық қалдықтардың жалпы көлемінде тек 24%-ы қайта өңделетін екінші реттік шикізат болып табылады. Қалған бөлігі – биоотын жасап, қоқыстың тұтануына себепші болатын өтпейтін қалдықтар. Полигонда жұмыс тәулік бойы жүргізіледі, күніне шамамен 150 тонна қоқыс әкелінеді. Сонымен қатар, жылдар бойы жиналған қатты тұрмыстық қалдықтар тұрақты түрде жойылуда. Жалпы алғанда кәсіпорынға шамамен 400 млн теңге инвестиция салынған. Кәсіпорында қоқыс шығару бойынша 70 адам, полигонда 21 адам жұмыс істейді.Бүгінгі таңда бұл кешенді кәсіпорын заңды және жеке тұлғалардан қатты тұрмыстық қалдықтарды қабылдау, сұрыптау, сақтау, жинау және тасымалдау, оларды оқшаулау, көму жұмыстарын жүзеге асырады. Бұл қоршаған ортаның экожүйесіне зиянды әсерді азайту және азаматтардың тұрмыс жағдайларын жақсарту мақсатында жасалып отыр.Кәсіпорын «Таза Қазақстан» акциясына белсенді қатысады.«ЭКО-DUMP» ЖШС Көкшетау қаласының тұрғындарынан қатты тұрмыстық қалдықтарды жинаумен айналысады және қалдықтарды бөлек жинауды алғашқылардың бірі болып енгізді. Осы мақсатта кәсіпорынның өз қаражатына 1000 еуроконтейнер сатып алынған. Биылғы жылы кәсіпорын Көкшетау қаласы, Бурабай және Зеренді аудандарында жылына 150 мың тонна қуаты бар 3 қоқыс сұрыптау және қайта өңдеу кешенін салу бойынша бірегей жобаны алғашқы болып қолға алды. Сондай-ақ, Көкшетау қаласындағы бұл жобада бөлек жинау, 500 торлы контейнер және 10 электр қоқыс тасымалдағыш сатып алу бойынша пилоттық жоба іске асырылады.Жобаның құны – 7,2 млрд теңге. Ол «Жасыл даму» АҚ (70%), «Өнеркәсіпті дамыту қоры» АҚ арқылы қаржыландырылуда және мемлекеттік-жекешелік әріптестік шеңберінде Ақмола облысы әкімдігімен (30%) бірлесіп жүзеге асырылуда. Жобаны іске асыру шамамен 200 жұмыс орнын ашуға мүмкіндік береді, сондай-ақ қоқысты екінші реттік шикізат ретінде өңдеу үлесін ұлғайтып, бұл облыс бойынша қалдықтарды көму көлемін жалпы көлемнің үштен біріне дейін азайтады.Әлеуметтік жауапты кәсіпорын ретінде «ЭКО-DUMP» ЖШС Красный Яр селолық округіне қарасты Элита ауылының су құбырын тартуға 2 млн теңге бөлді. Тағы 2 млн теңге Красный Яр ауылындағы №1 мектепке жылыжай сатып алуға жұмсалды. Биылғы жылғы су тасқыны салдарын жою кезінде кәсіпорын азық-түлік, жанар-жағармай материалдарын, арнайы техниканы сатып алуға 2 млн теңге және инертті материалдар алуға 1,5 млн теңге көмек көрсетті.«Компания қызметінің жоғары бағалануы – барлық қызметкерлердің ұжымдық еңбегінің нәтижесі. Қалдықтарды басқару саласы экологиялық маңызды салалардың бірі болып табылады. Біздің командамыз үшін осы байқаудағы жеңіс алдағы қызметімізге үлкен ынта сыйлайды», - деп атап өтті Мариям Әбішева.«Ақмолалық компанияның жеңісін заңды деп санаймыз. «ЭКО-DUMP» ЖШС-нің инновациялық жобаны енгізуі өңірде жаңа полигондардың салынуын болдырмауға, қолданыстағы қатты тұрмыстық қалдықтар полигондарын рекультивациялауды жақсартуға мүмкіндік береді. Бұл жалпы алғанда қоқысты өңдеуге байланысты экологиялық және санитарлық-эпидемиологиялық мәселелерді шешуге ықпал етеді», - деді Ақмола облысы кәсіпкерлер палатасының директоры.Ақпарат көзі : https://www.gov.kz/memleket/entities/aqmola/press/news/details/882032

Digital Transport Day іс-шарасы аясында Көлік министрлігі өкілдері автомобиль, теміржол, теңіз және әуе көлігі, сондай-ақ автожол саласындағы цифрлық шешімдер мен инновациялар туралы егжей-тегжейлі айтып берді.Digital Transport Day-ға Қазақстан Республикасы Президентінің кеңесшісі Қуанышбек Бақытбекұлы Есекеев, ҚР Парламенті Мәжілісінің депутаттары, ҚР Президенті Әкімшілігінің және Үкімет Аппаратының қызметкерлері, Цифрлық даму вице-министрі, министрліктердің цифрлық салаға жауапты орынбасарлары, сондай-ақ мемлекеттік және жеке ұйымдардың IT-қызметкерлері қатысты.Іс-шара барысында автожол саласындағы цифрлық технологиялар туралы айтылды. Мәселен, олардың қатарында:- автожолдарды салу, жөндеу кезінде орындалған жұмыстар мен материалдарға сараптама жүргізу рәсімдерін автоматтандыру;- бизнеске арналған жол-құрылыс материалдарының жалпыға қолжетімді дерекқоры;- жолдың жай күйін диагностикалау мәселелерінде жасанды интеллектті қолдану;- республикалық трассалардың ақылы учаскелерінде қолданылатын ақпараттық жүйелер бар.Мемлекет басшысының тапсырмасына сәйкес 95 мың шақырым автожолдың барлық цифрлық аспектілерін қамтитын бірыңғай жалпыға қолжетімді жүйені іске асыру жоспарлары да көрсетілді.Автокөлікпен жүк тасымалдау саласындағы цифрлық мәселелерге ерекше назар аударылды:- электрондық тауар-көлік жүкқұжаттары мен жол парақтарына көшуге мүмкіндік беретін Көлік құжаттарын басқарудың бірыңғай жүйесін енгізу;- Өзбекстанмен электрондық рұқсат беру бланкілерін өзара алмасу, сондай-ақ ҚХР және Түркі мемлекеттері ұйымдарының елдерімен жобаны масштабтау жоспарлары;- 2024 жылы ел жолдарында 20-дан астам автоматтандырылған өлшеу станцияларын орнату арқылы автоматты салмақтық бақылауды күшейту туралы айтылды.Еліміздің теңіз порттарында жобаларды енгізу бойынша жұмыстар, сондай-ақ Каспий секторы мен мультимодальды көлік дәліздерін цифрлық дамыту жоспарлары да талқыланды.Әуежайлар мен әуе компаниялардың цифрлық жобалары көрсетілді. Әуе құралдарының ұшуын жоспарлау кезінде қолданылатын технологиялар, сондай-ақ E-freight жүйесінде жүк тасымалын электрондық рәсімдеу мәселесі атап өтілді.Көлік вице-министрі Қалиақпаров Мақсат Қайыржанұлы іс-шараға қатысушыларға алғысын айтып, көлік саласын цифрландыру қоғам мен экономика үшін қажет екенін атап өтті. Сондай-ақ, еліміздің транзиттік дәліздерін дамыту және Қазақстанның көлік-логистикалық әлеуетін арттыру аясында заманауи цифрлық технологияларды енгізудің маңызы туралы айтты.Ақпарат көзі : https://www.gov.kz/memleket/entities/transport/press/news/details/882019

Президент Қасым-Жомарт Тоқаев Біріккен Ұлттар Ұйымының Климаттың өзгеруі туралы негіздемелік конвенциясына қосылушы тараптардың 29-шы конференциясы аясында өтіп жатқан климат саласындағы іс-қимыл жөніндегі әлем көшбасшыларының саммитіне қатысты.Пленарлық сессияның ашылуынан кейінгі алғашқы сөз Қазақстан Президентіне берілді.Қасым-Жомарт Тоқаев, ең алдымен, Қазақстан жаһандық климат күн тәртібін қолдайтынын растап, табиғаттың өзгеруіне қарсы күресте халықаралық ынтымақтастықтың маңызы зор екенін атап өтті. Мемлекет басшысы еліміздің 2060 жылға қарай көміртегі бейтараптығына қол жеткізу жөнінде биік мақсат қойғанын еске салды.Қасым-Жомарт Тоқаев бұл міндетті орындау үшін нақты қаржыландыру көздері мен заманауи технологияларға арқа сүйейтінін айтты. Сондай-ақ «Климаттық қаржыландыру бойынша жаңа ұжымдық мақсат» (NCQG) аясында табиғат өзгерістеріне осал аймақтарға, әсіресе, теңізге шығатын жолы жоқ дамушы елдерге айрықша мән берілуі қажеттігіне тоқталды.– Әлемдегі зиянды шығарындылардың 1 пайызы ғана Орталық Азия елдеріне тиесілі. Соған қарамастан бұл аймақ көптеген климаттық қатерге ұшырап отыр. Табиғаттағы өзгерістерге қарай әрекет ету шараларының тиімділігін арттыру үшін біз жасанды интеллект, жерсерік арқылы мониторингтің озық технологияларын, қауіпті алдын ала ескертетін, су және жер ресурстарын анағұрлым тиімді басқаратын басқа да цифрлық құралдарды белсенді қолдануға тиіспіз, – деді Президент.Мемлекет басшысы ауыл шаруашылығын тұрақты дамытуға көшу маңызды екенін жеткізді. Қазақстан «көміртекті егіншілікке», яғни ауаға таралатын парниктік газдардың мөлшерін азайту және топырақты құнарландыру арқылы ауыл шаруашылығын жүргізу әдістерін енгізуге қай жағынан да қолайлы мемлекет. Бұған еліміздегі ауыл шаруашылығына жарамды 200 миллион гектар жер мүмкіндік береді. Президент қызығушылық танытқан тараптарды Қазақстанның осы саладағы әлеуетін зерттеуге шақырды.– Еліміз әлемдік уран жеткізу ісінің 43 пайызын қамтамасыз етеді және көміртегі мөлшері төмен қуат көзі саналатын ядролық энергетиканы дамытуда маңызды рөл атқарады. Биыл қазан айында өткен жалпыұлттық референдумда халқымыздың басым бөлігі Қазақстанда атом электр станциясын салуды қолдады. Біз осы саладағы жетекші технологиялық алпауыттармен серіктесе отырып, аталған жобаның қауіпсіздігі мен тиімділігін қамтамасыз етуге ұмтыламыз, – деді Мемлекет басшысы.Қасым-Жомарт Тоқаев дүние жүзіндегі су ресурстарына қатысты проблемаға тоқталды.– Климаттың өзгеруі жаһандық су цикліне әсер етіп отыр. Әлемдегі табиғат апаттарының 80 пайыздан астамы су төңірегінде орын алады. Биыл біздің еліміз бұрын-соңды болмаған алапат су тасқынымен бетпе-бет келді. Келешекте осындай төтенше жағдайлар кезінде жедел әрекет етіп, одан кейінгі қайта қалпына келтіру жұмыстарын тез атқару үшін қауіп-қатерді басқарудың кешенді жүйесін енгіземіз. Су мәселесіне жаһан назарын аудару мақсатында биыл желтоқсан айында Франциямен бірлесіп One Water саммитін өткіземіз. Форумға қатысушылар су ресурстарын жаһандық деңгейде басқару мәселелерін талқылайды. Бүгінде Каспий теңізіне қауіп төніп тұр. Әлемдегі ең үлкен көлді құтқару – баршаға ортақ міндет әрі бұл ұзақмерзімді халықаралық ынтымақтастықты талап етеді. Осы орайда Президент Ильхам Әлиевтің Каспий маңы мемлекеттерінің сарапшылар тобын құру туралы ұсынысын қолдаймыз. Сонымен қатар Қазақстан Арал теңізін құтқару үшін нақты шаралар қабылдап жатыр, – деді Президент.Қасым-Жомарт Тоқаев сөзін қорытындылай келе, Әзербайжанның СOP29-ға табысты төрағалық еткені және саммитті жоғары деңгейде ұйымдастырғаны үшін Президент Ильхам Әлиевке ризашылық білдірді. Мемлекет басшысы әділ, инклюзивті әрі ашық климаттық күн тәртібін қалыптастыруда Қазақстанның халықаралық серіктестермен ықпалдастықты одан әрі нығайтуға дайын екенін жеткізді.Саммитте 80-нен астам мемлекеттің басшылары, халықаралық және өңірлік ұйымдардың жетекшілері сөз сөйлейді деп жоспарланып отыр.Ақпарат көзі : https://www.gov.kz/memleket/entities/ontustik/press/news/details/881996

Қарағанды облысында жыл басынан бері 332 есірткі қылмысы анықталып, 445 кг есірткі тәркіленді. Екі жерасты фотолабораториясы жойылды. Есірткі бизнесімен айналысқандардың қызметі тоқтатылды: жылдық қаржы көлемі 2,5 млрд теңгеден асқан 16 күдікті ұсталды.Аймақ аралық штабтың отырысында есірткіге қарсы саясат қаншалықты деңгейде жүзеге асырылып жатқандығы айтылды. Кеңесте мемлекеттік органдардың өкілдері облысты есірткіден таза аймаққа айналдыру үшін тағы қандай шаралар қабылдау керектігі талқыланды.Полицейлер наркограффити-мен күрес жүргізуде.– Бұл бағыттағы жұмыстарды жандандыру мақсатында Қарағанды, Теміртау, Саран, Шахтинск және Балқаш қалаларында еріктілер мен қоғамдық ұйымдардың қолдауымен «СТОП-граффити» ұранымен ауқымды акциялар өткізілді. 2024 жылдың 16 қазанына дейін 410 рейд жүргізіліп, 11 902 наркограффити бояп тастады, – деп хабарлады облыстық полиция департаменті басшысының міндетін атқарушы Жасқайрат Қайыров.Заманауи технологиялар дәуірінде қылмыскерлер есірткіні тарату үшін әлеуметтік желілер мен мессенджерлерді көбірек пайдаланады. Облыстық полиция департамент өкілдері есірткіні жарнамалайтын 177 сайт пен парақшаны бұғаттады.Отырыста есірткіден емдеу мен оның алдын алу мәселелеріне ерекше назар аударылды. Жақын арада облыстық психикалық денсаулық орталығында газды хроматограф жұмыс істей бастайды. Денсаулық сақтау басқармасының басшысы Бибігүл Төлегенова бұл құралдың көмегімен адамның ағзасында 100-ден астам есірткі түрін анықтауға болатынын айтады.Аймақ басшысы есірткіге қарсы профилактика жоғары оқу орындарында, колледждер мен мектептерде қолжетімді формада жүргізілуі керектігін атап өтті. Сондай-ақ, ата-аналармен ақпараттық-түсіндіру жұмыстарын күшейту қажет екендігін ескертті.– Полиция қызметкерлері қала және аудан әкімдерімен бірге үнемі аулаларды аралап, есірткіні жарнамалайтын орындарды алдын ала анықтауы қажет. Денсаулық сақтау басқармасы мектеп оқушылары мен студенттер арасында үнемі скрининг ұйымдастыруы тиіс. Облыстық диспансер жанынан анонимді кеңес беретін консультациялық орталық ашу қажет. Аймақта есірткіге қарсы күрестің негізгі мақсаты – қоғамды есірткіге тәуелділікпен күресуге шақыратын қоғамдық қозғалыс құру керек. Қарағанды облысы есірткіден таза аймаққа айналуы тиіс, – деп атап өтті Ермағанбет Бөлекпаев.Ақпарат көзі : https://www.gov.kz/memleket/entities/karaganda/press/news/details/881731

Қарағанды облыстық клиникалық ауруханасының консультативтік – диагностикалық орталығында өкпе функцияларын жан-жақта зерттеп, тексеретін заманауи сараптамалық класс аппарат-бодиплетизмограф орнатылды. Бұл аппараттан міндетті әлеуметтік сақтандыру аясында тегін өтуге болады. Тек емдеуші дәрігердің жолдамасы болуы керек.Процедурадан адам жеңіл өтеді. Адам ағзасына кері әсері жоқ.– Аппарат компьютерлік томографиядан бұрын кеуде қуысының функционалдық бұзылуын анықтайды. Өкпенің функцияларын тереңірек зерттеуге арналған. Атап айтқанда, ол қанның оттегімен қанығуын тікелей анықтайды. Өкпедегі өзгерістер болса, газдардың диффузиясы, газ алмасуын көрсетеді.Тексеруден кез-келген облыс тұрғыны өте алады. Бірақ пульмонологтар нақты диагнозы бар науқастарды жіберіп жатыр. Олар өкпенің интерстициальды ауруы бар азаматтар. Ауыр обструктивті өкпе ауруына шалдыққандар. Бронхиалды астмамен, жүрек-қантамыр жүйесінің патологиясымен сырқаттанғандар, – деді консультативті-диагностикалық емхананың меңгерушісі Ляззат Шоланова.Бодиплетизмограф өкпенің көлемін өлшеуге, тыныс алу жолдарының бітелуін анықтауға мүмкіндік береді. Тыныс алу жүйесі ауруларын диагностикалау мен бақылау үшін маңызды көрсеткіштерді бағалауға жол ашады.Мұндай аппарат Қазақстанның екі медициналық орталығы Қарағанды мен Астанада қалаларында ғана бар. Ақпарат көзі : https://www.gov.kz/memleket/entities/karaganda/press/news/details/881741

Қарағандыға түрлі жағдайда азаматтарды құтқарып қалған антына адал Ұлттық ұлан мен полиция қызметкерлері жиналды.Ішкі істер министрлігінің бастамасымен еліміздің әр өңірінде «Қазіргі заман қаһармандары» республикалық акциясы өтеді. Оның мақсаты – ел үшін туған ерлердің нағыз патриотизмін үлгі ету. Акция «Халық қаһарманы» Ғазиз Байтасовтың ерлігіне арналады. Тараздық полиция қызметкері терроршыны ұстау кезінде қаза тапқан.Акцияға қатысушылар қайтыс болған полиция қызметкерлеріне арналған мемориалға гүл шоқтарын қойды. Б. Бейсенова атындағы ҚР ІІМ академиясында өткен дөңгелек үстелге қтысты. Қазіргі заман қаһармандары – батылдық сабағында оқушылармен кездесті. Елімізде өскелең ұрпақты тәрбиелеу үшін жүзден астам "Жас сақшы" кадет сыныптары жұмыс істейді. Аталған кадет сыныптарына қаза болған қызметкерлердің есімі берілген.Акция Кеншілер мәдениет сарайында өткен салтанатты іс-шарамен аяқталды. Онда еңбегі еленген тәртіп сақшысына марапаттар табысталды.– Бүгін біз батылдық, ар-намыс және адалдықтарымен мемлекеттің күші мен әділдігіне деген сенімді нығайтатын азаматтарға құрмет көрсету үшін осында жиналдық. Сіздер батырсыздар, нағыз қорғаушысыздар. Көшелердегі қауіпсіздігі мен тұрғындардың тыныштығын сіздер орнатып жүрсіздер. Сіздер қазіргі заманғы полицияның қандай болуы тиіс екендігінің жарқын үлгісісіздер, – деді Қарағанды облысының әкімі Ермағанбет Бөлекпаев.Ішкі істер министрі 2024 жылды кадрлық әлеуетті арттыру жылы деп белгіледі. "Қазіргі заман қаһармандары" акциясы – осы ауқымды науқанның жалғасы.– Акцияның діттеген мақсаты полицейлердің батырлығын еске алып қана қоймай, қоғамға қызмет етудің шынайы құндылықтарын насихаттау, – деп атап өтті ҚР ІІМ ақпараттық саясат департаментінің бастығы Шыңғыс Алекешев. - Күн сайын 10 мыңнан астам полиция қызметкері қоғам қауіпсіздігі үшін сапқа тұрады. Олар қызмет бабында халықтың қауіпсіздігі жолында өз өмірлерін қауіп қатерге тігіп қана қоймай, кей кездері жандарын беруге де дайын екенін атап өткен жөн. Оларға қоғамдық қауіпсіздікті қамтамасыз ету, заң мен құқықтық тәртіпті сақтау жауапкершілігі жүктелген.Сахнаға 15 полиция қызметкері мен гвария өкілдері шықты. Олар ерлік көрсеткені үшін мемлекеттік және ведомстволық наградалармен марапатталған. Денис Шемет, өз өміріне қауіп төндіре отырып, жаттығу кезінде мерзімді қызметтегі сарбазды гранатаның жарылысынан жарақат алудан аман алып қалған. Қазақстан Республикасы Президентінің Жарлығымен ол «Айбын» орденімен марапатталды. Патрульдік полиция инспекторы Бүркіт Алшынбаев өз өмірін қатерге тігіп, автобус пен балаларды тасымалдайтын жүк көлігінің соқтығысуының алдын алды.Учасковый инспектор полициясы Дамир Қорғанбаев өрттен адамдарды құтқарып қалған. Кездесуге сондай-ақ суға батып бара жатқан балаларға көмек көрсету үшін суға түсіп, құтқаруға талпынған азаматтар да қатысты. Салтанатты жиында қызмет бабында қаза тапқан полиция қызметкерлерінің туыстары да болды. Халық қаһарманы Ғазиз Байтасовтың кіші ұлы Әділжан Байтасов та келді. Оларға да естелік сыйлықтар табыс етілді.Тәуелсіздік жылдарында елімізде қызметтік борышын өтеу кезінде 819 тәртіп сақшысы қаза тапты.Кеш мерекелік концертпен аяқталды.Ақпарат көзі : https://www.gov.kz/memleket/entities/karaganda/press/news/details/881839

ҚР Өнеркәсіп және құрылыс вице-министрі Қуандық Қажкенов а. ж. 12 қарашасында Үкіметтің Азаматтарды қабылдау орталығында азаматтарды жеке мәселелері бойынша қабылдау жүргізді.Келген азаматтар «көпбалалы отбасылар, көпбалалы аналар» санаты бойынша тұрғын үй кезегі мәселелері және су пайдаланушылар кооперативін басқару нысаны, бау-бақша және саяжай құрылысы туралы Заң мәселесі бойынша вице-министрге жүгінді. Сондай-ақ құрылыс-монтаждық жұмыстармен айналысуға арналған лицензиаттардың біліктілік талаптарын қайта қарау мәселелері бойынша сұрақтарын қойды.Вице-министр халықтың негізгі мәселелерін тыңдап, барлық азаматтарға толық жауап беріп, көтерілген мәселелерді қолданыстағы заңнама шеңберінде оңтайлы шешу механизмдерін түсіндірді. Сонымен қатар, ол құрылымдық бөлімшелердің басшыларына нақты тапсырмалар беріп, өтініш білдірушілердің көтерген мәселелерін өзінің жеке бақылауына алатынын жеткізді.Ақпарат көзі : https://www.gov.kz/memleket/entities/mps/press/news/details/881948

2024 жылғы 13 қараша күні ҚР Көлік министрі Қарабаев Марат Кәрімжанұлы Шымкент қаласының тұрғындарымен кездеседі.Күн тәртібінде ҚР Көлік министрлігінің құзыретіне кіретін мәселелер қаралады.Кездесу сағат 15:00-де Шымкент қаласы, Алатау батыр көшесі, 101/1 мекенжайы бойынша орналасқан «Tulip Hall» конгресс холлында өтеді, ғимаратқа кіру G корпусы арқылы.Өңір тұрғындары мен бұқаралық ақпарат құралдары өкілдерін кездесуге шақырамыз.Толық ақпарат үшін телефон: +7 707 808 60 70, Дәулет СәмбетбаевАқпарат көзі : https://www.gov.kz/memleket/entities/transport/press/news/details/881860

Түркістан облысының әкімі Дархан Сатыбалды Кентаудағы №5 Жылу энерго орталығына барып, жылу беру барысымен және қазандықтарды жөндеу жұмыстарымен танысты. Мердігер мен осы салаға жауапты басшылардың, қала әкімінің осы бағыттағы есебін, ұсыныс-пікірлерін тыңдады. Тиісті тапсырмалар берді.– Кентаудағы жылыту маусымы еш кедергісіз әрі кемшіліксіз өтуі тиіс. Қазандықтардың жұмысын күндіз-түні қадағалап, тиісті жұмысты жүргізіңіздер. Ал құрылысы жүріп жатқан қазандықтар уақтылы әрі сапалы аяқталуы қажет. Бұл мәселе қатаң бақылауда тұр. Тұрғындардың қыстан қымтырылмай шығуына барлық жағдай жасалуы керек, – деді Дархан Сатыбалды.Бүгінде Кентау қаласының №5 Жылу энерго орталығындағы жөндеу жұмыстары күнделікті қадағалануда. Қазіргі таңда 2 қазандықтың жөндеу жұмыстары аяқталып, іске қосылды. Сондай-ақ №8, 9, 10 және 11 қазандықтардың құрылыс жұмыстары аяқталып, іске қосылған. Қазір кешенді сынақ жұмыстары жүргізілуде. Ал, желтоқсан айының соңына дейін №7, 12 қазандықтарда жүргізіліп жатқан жұмыстарды аяқтап, іске қосу жоспарланып отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/881756

Түркістанда теннистен 12 жасқа дейінгі балалар арасында «Turkestan Open 12 & under» республикалық ашық турнирінің ашылу салтанаты өтті. Бірінші дәрежелі республикалық ашық турнирге Астана, Алматы, Атырау, Ақтөбе, Шымкент, Талдықорған, Тараз, Көкшетау, Түркістан қалалары мен өңірлерінен 64 спортшы (32 ұлдар, 32 қыздар) қатысуда. Олар бес күн бойы өзара бәскеге түседі.Биыл төртінші мәрте ұйымдастырылған турнир теннис спортын дамыту, жас спортшыларға қолдау көрсету мақсатында өтіп отыр.Ашылу салтанатына Түркістан облысының дене шынықтыру және спорт басқармасы басшысының орынбасары Жазира Мусимова қатысып, спортшыларға сәттілік тіледі.– Киелі Түркістан төрінде басталғалы тұрған «Turkestan Open 12 & under» республикалық ашық турниріне қош келдіңіздер. Өздеріңізге мәлім, еліміздің Президенті Қасым-Жомарт Тоқаев өз Жолдауында «Бұқаралық спортқа, дене тәрбиесіне және балаларға басымдық беру керек. Әр облыста, ірі аудан орталықтарында спорт үйірмелерін ашу қажет», деген болатын. Осы бағытта Түркістан облысының спорт саласында айтулы істер атқарылып жатыр. Бүгінгі жарыста баршаңызға сәттілік тілеймін. Тек мықтылар ғана жеңіске жетсін, – деді Жазира Рүстемқызы.Республикалық теннис турнирінің ашылу салтанатында теннистің дамуына елеулі үлес қосқаны үшін Шымкент қаласының жетекші жаттықтырушысы Сергей Игнатовқа ұйымдастырушылар тарапынан сый-сияпат табыс етілді.Жалпы аталған жарыс жеке және жұптық сында ұйымдастырылуда. Сайыс соңында жеңімпаздар мен жүлдегерлерге диплом, медальдар табысталады.Айта кетейік, жалпы бүгінгі таңда «Теннис орталығында» 300-ге жуық шәкірт спорттың үш түрімен кәсіби тұрғыда шұғылдануда. Мұнда үстел теннисі, үлкен теннис және бадмитон спорт түрлері дамытылады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/881764