Ақпарат көзі : https://www.gov.kz/memleket/entities/mangystau/press/news/details/898580

Қазақстан Республикасының Цифрлық даму министрлігі байланыс операторларымен талқылау нәтижесінде байланыс қызметтерінің қолданыстағы тарифтерін 2024 жылдың соңына дейін сақтап қалу туралы келісімге келгенін хабарлайды.Министрліктің бұл бастамасы азаматтар мен бизнеске қолдау көрсетуге бағытталған, себебі байланыс құнының тұрақтылығы цифрлық қызметтердің қолжетімділігін қамтамасыз ететін маңызды шарттардың бірі болып табылады. Байланыс операторлары мемлекет бастамасына қолдау көрсетіп, экономикалық қиындықтарға қарамастан, қолданыстағы тарифтерді сақтап қалуға дайын екендіктерін білдірді.«Байланыс – күнделікті өмірдің, жұмыстың және оқудың негізі. Байланыс қызметтерінің тарифтерін тұрақты деңгейде сақтау – азаматтардың мүдделерін қорғауға және әлеуметтік маңызды бастамаларды қолдауға деген ұстанымымыздың айқын дәлелі», – деп атап өтті министрлікте.Министрлік міндеттемелердің орындалуын қадағалауды жалғастырып, елдің телекоммуникациялық инфрақұрылымын одан әрі дамыту бойынша шаралар қабылдайды. Ақпарат көзі : https://www.gov.kz/memleket/entities/mdai/press/news/details/898361

Ресми статистикалық мәліметтерге сәйкес, биылғы қаңтар-қыркүйек аралығында 5 млн 973 мың қазақстандық ел ішінде саяхаттаған. Ішкі туристер саны өткен жылдың сәйкес кезеңімен салыстырғанда 562 мың адамға артқан. 2023 жылы осы көрсеткіш 5,4 миллион адамды құрады.Алматы, Астана қалалары мен Ақмола облысы ішкі туризм бағыттары арасында көш бастап тұр. Бұл аймақтар туристерді ерекше табиғатымен, дамыған инфрақұрылымымен және алуан түрлі туристік мүмкіндіктерімен тартып келеді.«Ішкі туристер санының артуы қазақстандықтардың ел бойынша жиі саяхаттайтынын көрсетеді. Яғни, өз елін танып-білуге деген қызығушылығының артқанын байқауға болады. Ішкі туризмді әр азамат үшін қолжетімді, тартымды және жайлы етуге жұмыстар жасалуда. Осы мақсатта инфрақұрылымды дамытып, жаңа бастамаларды қолдап келеміз», – деді Туризм индустриясы комитетінің төрағасы Нұртас Кәріпбаев.Ақпарат көзі : https://www.gov.kz/memleket/entities/tsm/press/news/details/898051

Бүгін Бахрейн астанасы Манамада ауыр атлетикадан әлем чемпионатының алауы тұтанады. Жыл сайын дәстүрлі түрде ұйымдастырылатын жаһандық додаға биыл әлемнің 92 елінен 471 ауыратлет қатысады. Олардың қатарында Қазақстан ұлттық құрамасының спортшылары да бар. Манамадағы толағайлар тартысында ел намысын ерлер – 10, әйелдер – 5 салмақ дәрежесінде қорғайды.Былтыр Сауд Арабиясының Эр-Рияд қаласындағы әлем чемпионатына 12 отандасымыз бақ сынап, өкінішке қарай, олардың бірде-біреуі жүлдегерлер қатарынан көріне алмаған еді. Ал 2022 жылы Колумбияның Богота қаласында өткен жаһандық додада жерлестеріміз бір күміс, бір қола медаль олжалап, жалпыкомандалық есепте 14-орынға тұрақтаған болатын.Сол жылы ел құрамасынан 96 келіде өнер көрсеткен Нұрғиса Әділетұлы ел қоржынына – күміс, 73 келіде сынға түскен Алексей Чуркин қола жүлде салған еді. Нұрғиса Әділетұлы қоссайыста 383 (174+209) келіні еңсерсе, Алексей Чуркин 343 (153+190) келі зілтемірді басынан асыра көтерген болатын.Манамадағы биылғы аламанда екі отандасымыз да бақ сынап, екі жыл бұрынғы нәтижелерін жақсартуға тырысады.Әлем чемпионатына қатысатын Қазақстан ерлер құрамасы:67 кг: Ақмолда Сайрамкез81 кг: Александр Уваров81 кг: Алексей Чуркин89 кг: Денис Уланов86 кг: Денис Полубояринов96 кг: Кирилл Староверкин96 кг: Нұрғиса Әділетұлы102 кг: Артем Антропов109 кг: Андат Самарқанов109 кг: Мейрам СұлтанҚазақстан әйелдер құрамасы:64 кг: Карина Горичева71 кг: Арай Нұрлыбекова76 кг: Аянат Жұмағали76 кг: Айша Омарова+87 кг: Любовь КовальчукАйта кетейік, Бахрейндегі әлем чемпионаты 6-15 желтоқсан аралығында өтеді. Ел құрамасынан жарыс жолына бірінші болып 8 желтоқсанда Ақмолда Сайрамкез шығады.Ақпарат көзі : https://www.gov.kz/memleket/entities/tsm/press/news/details/898063

Аталған іс-шара Түркі мемлекеттері ұйымының 10-шы саммитінің шешімдерін жүзеге асыру жөніндегі іс-қимыл жоспарына сәйкес ұйымдастырылды.Семинарға Әзірбайжан, Қырғызстан, Өзбекстан елдерінің және ТМҰ Хатшылығының туризм саласындағы сарапшылары қатысты. Спикер ретінде ҚР Туризм және спорт министрлігі Туризм индустриясы комитетінің төрағасы Нұртас Кәріпбаев, Халықаралық туризм және меймандостық университетінің ректоры Әлібек Шоқпаров, Қожа Ахмет Ясауи атындағы Халықаралық қазақ-түрік университетінің профессоры Кемал Кантарджи, Түркістан облысы Туризм басқармасының басшысы Нұрдәулет Медеуов, Open Turkistan туристік ақпарат орталығының бас директорының міндетін атқарушы Темур Мұратов, Turkistan Invest бас директоры Берік Кенжебаев және Kazakh Tourism ұлттық компаниясының өкілі Ернұр Кенжебеков сөз сөйледі.Іс-шара барысында қатысушылар Қазақстан туризмін дамыту, кадр даярлау, цифрландыру, үлкен деректерді өңдеу және басқа да мәселелерді талқылады. Сондай-ақ шетелдік мамандар өз елдерінің туристік әлеуетімен бөлісіп, туризмді дамыту бойынша пікірлері мен тәжірибелерін ортаға салды.Семинарға қатысушылар Түркістан қаласына сапары барысында Халықаралық туризм және меймандостық университетінің спорт клубымен, Turkistan телеарнасының жұмысымен, Түркістан облысындағы туристік кластердің дамуымен және Open Turkistan туристік ақпарат орталығының қызметімен танысты. Сонымен қатар оларға Түркістан облысының инвестициялық мүмкіндіктері таныстырылды.Сонымен қатар шетелдік меймандарға Түркістан облысының көрікті жерлеріне, сондай-ақ Отырар және Сауран аудандарына экскурсиялық бағдарлама ұсынылды.Айта кетейік, Түркістан қаласы 2024 жылы Түркі әлемінің туристік астанасы мәртебесіне ие болды.Ақпарат көзі : https://www.gov.kz/memleket/entities/tsm/press/news/details/898106

Премьер-министр Олжас Бектенов Маңғыстау облысын дамыту мәселелері бойынша кеңес өткізді. Басты міндет – Президенттің «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында айтылған, өңірлердегі халықтың әл-ауқатын арттыру және стратегиялық мәселелерді шешу арқылы орнықты әлеуметтік-экономикалық прогресті қамтамасыз ету жөніндегі тапсырмаларын орындау. Маңғыстау облысы әкімінің, салалық министрліктер басшыларының баяндамалары тыңдалды.Көлік және логистика, отын-энергетика кешені, коммуналдық инфрақұрылым, туристік кластерді қосқанда, облыс экономикасының негізгі салаларын дамыту жөніндегі шаралар талқыланды.Премьер-министрге Маңғыстау облысының 2021-2023 жылдар аралығындағы әлеуметтік-экономикалық дамуының кешенді жоспары өңірлік өнімнің 50%-ға – 4,5 трлн теңгеге дейін өсуін қамтамасыз еткені баяндалды.2025 жылға дейінгі кезеңде 1,8 трлн теңге сомасына 259 іс-шараны іске асыру көзделген.Маңғыстау облысының еліміздегі көлік-логистика саласы үшін стратегиялық маңызын ескере отырып, республикалық маңызы бар ұзындығы 680 шақырымды құрайтын автожолдар учаскелерін жоспарлы реконструкциялауды қосқанда, Ақтау порты базасында контейнерлік хаб салу және басқа да инфрақұрылымды дамыту мәселелері қаралды. Теңіз портын, әуе және теміржол инфрақұрылымын кеңейту, түрлі қызмет көрсету және олардың сапасын арттыру басымдыққа ие болуы тиіс.Көлік министрі Марат Қарабаев биылғы 10 айда ТХКБ дәлізі бойынша тасымалдау көлемі 68%-ға, ал контейнерлік тасымалдау 2,7 есеге артқанын баяндады.Теміржол көлігімен 2,3 млн тонна, теңіз жолымен — 6,3 млн тонна жүк тасымалданды, бұл 2023 жылмен салыстырғанда 3%-ға артық.Премьер-министр Маңғыстау облысында авиациялық хабты дамыту қажеттігіне тоқталды. Көлік министрлігіне Энергетика министрлігімен және «ҚазМұнайГазбен» бірлесіп өңірге авиаотынды тікелей жеткізу, сондай-ақ шетелдік авиакомпанияларды тарта отырып, жаңа бағыттар бойынша субсидияланатын ішкі авиарейстерді ұлғайту мәселелерін пысықтау тапсырылды. Сонымен қатар Маңғыстау облысына басқа өңірлерден жолаушылар маршруттарын көбейту үшін теміржол инфрақұрылымын дамыту маңызды.Олжас Бектенов «Ақтау теңіз порты» еркін экономикалық аймағын кеңейту үшін әлеуетті инвесторларды тарту жөніндегі жұмысты күшейтудің маңызына назар аударды. Бұл ретте жобаларды іске асыру барысында облыс тұрғындары үшін тұрақты жұмыс орындарын ашу маңызды. Осы жылдың 11 айының қорытындысы бойынша 525 жұмыс орнын ашқан 14 жоба іске қосылды.Бүгінгі таңда өңірдің өңдеу өнеркәсібінде 17,2 мың адам жұмыс істейді. Өнеркәсіп және құрылыс министрі Қанат Шарлапаев салада тұрақты жұмыс орындарын ашу мақсатында инвесторларды іздеу жұмыстары жүргізіліп жатқанын айтты. Қазіргі уақытта 3,9 мың жұмыс орнын ашатын 1,5 трлн теңге сомасына 19 перспективалық жоба пысықталуда.Энергетика саласында жауапты министрліктің алдына «қызыл тәуекел аймағындағы» 19 энергия көзінің, жылу және электр магистралды және орамішілік желілердің тізбесіне кіретін МАЭК-ті жаңғырту бойынша міндеттер қойылды. Бұған дейін МАЭК-тің тұрақты жұмысы үшін республикалық бюджеттен 5 млрд теңге бөлінген болатын. Жиында жылу және сумен қамтамасыз ету мәселелерін шешу қажеттігі атап өтілді.«Өңірде жылумен жабдықтаудың ішкі кварталдық желілерінің жоғары деңгейде тозуы – үлкен мәселе. Жылыту маусымы басталғаннан бері 225 екпін тіркелді. Ақтау қаласының сумен жабдықтау желілерінің тозу деңгейі 82% құрайды. Біз қала тұрғындарының су тапшылығына шағымданатынын білеміз. Бұл мәселелерді бірінші кезекте облыс әкімдігі шешуі керек. Үкімет тарапынан қолдау көрсетіліп келеді», — деп атап өтті Олжас Бектенов.Өнеркәсіп және құрылыс министрлігіне әкімдікке көмек көрсету тапсырылды.Сондай-ақ Президенттің туризмді, оның ішінде «Кендірлі» курорттық аймағын дамыту бойынша қойған міндетін іске асыру бойынша жүргізіліп жатқан жұмыстар барысы қаралды. Маңғыстау облысын жағажай туризмінің халықаралық орталығы ретінде ұзақмерзімді дамытуға бағытталған кешенді жоспар шеңберінде 2030 жылға дейін жеке инвестициялар тарта отырып, жалпы сомасы 165,1 млрд теңгені құрайтын 64 іс-шара жоспарланған.Басым жобалар қатарында «Жылы жағажай» және «Кендірлі» курорттық аймақтарын құру. Аталған шаралар туристер санын 1,3 млн адамға дейін арттыруға және өңірдің қонақ үй инфрақұрылымын кеңейтуге мүмкіндік береді.Туризм және спорт министрлігіне Облыстағы туризмді дамытудың мастер-жоспарын әзірлеуде әкімдікке барынша жәрдем көрсету тапсырылды. @KZgovernmentАқпарат көзі : https://www.gov.kz/memleket/entities/tsm/press/news/details/898198

Астанада туризм саласындағы инвестициялық жобалардың дамуын тежейтін негізгі мәселелер мен кедергілерді анықтауға бағытталған акселерация форматында кездесу өтті. Іс-шараға қатысушылар аталған мәселелерді шешу және саланы тиімді дамыту үшін жағдай жасау бойынша ұсынымдар әзірлеуге ерекше назар аударды.Басқосуға мемлекеттік органдардың, квазимемлекеттік сектордың және бизнес өкілдерінің, оның ішінде ҚР Сыртқы істер министрінің орынбасары Әлібек Қуантыров, ҚР ТСМ Туризм индустриясы комитетінің төрағасы Нұртас Кәріпбаев, сондай-ақ туризм және меймандостық саласындағы жетекші компаниялардың басшылары қатысты.Жиын барысында туризм саласындағы бизнесті мемлекеттік қолдаудың қазіргі шаралары, саланың даму динамикасы мен негізгі көрсеткіштері, соның ішінде инвестиция тарту, инфрақұрылымды дамыту, сондай-ақ инвестициялық жобаларды іске асырудағы негізгі мәселелер талқыланды.Акселерация форматы қатысушыларға қазіргі сын-қатерлерді талқылап қана қоймай, командалық жұмыс арқылы идеялар ұсынуға және Қазақстанның туризм саласының тартымдылығын арттыру үшін практикалық шешімдер әзірлеуге мүмкіндік берді.ҚР Туризм және спорт министрлігі бизнес өкілдерімен және мүдделі тараптармен ашық диалог орнатуға, сондай-ақ елдегі туризмді тұрақты дамыту үшін қолайлы жағдай жасау жөніндегі жұмыстарды жалғастыратынын атап өтті.Ақпарат көзі : https://www.gov.kz/memleket/entities/tsm/press/news/details/898309

Премьер-министр Олжас Бектенов Маңғыстау облысын дамыту мәселелері бойынша кеңес өткізді. Басты міндет – Президенттің «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында айтылған, өңірлердегі халықтың әл-ауқатын арттыру және стратегиялық мәселелерді шешу арқылы орнықты әлеуметтік-экономикалық прогресті қамтамасыз ету жөніндегі тапсырмаларын орындау. Маңғыстау облысы әкімінің, салалық министрліктер басшыларының баяндамалары тыңдалды.Көлік және логистика, отын-энергетика кешені, коммуналдық инфрақұрылым, туристік кластерді қосқанда, облыс экономикасының негізгі салаларын дамыту жөніндегі шаралар талқыланды.Премьер-министрге Маңғыстау облысының 2021-2023 жылдар аралығындағы әлеуметтік-экономикалық дамуының кешенді жоспары өңірлік өнімнің 50%-ға – 4,5 трлн теңгеге дейін өсуін қамтамасыз еткені баяндалды.2025 жылға дейінгі кезеңде 1,8 трлн теңге сомасына 259 іс-шараны іске асыру көзделген.Маңғыстау облысының еліміздегі көлік-логистика саласы үшін стратегиялық маңызын ескере отырып, республикалық маңызы бар ұзындығы 680 шақырымды құрайтын автожолдар учаскелерін жоспарлы реконструкциялауды қосқанда, Ақтау порты базасында контейнерлік хаб салу және басқа да инфрақұрылымды дамыту мәселелері қаралды. Теңіз портын, әуе және теміржол инфрақұрылымын кеңейту, түрлі қызмет көрсету және олардың сапасын арттыру басымдыққа ие болуы тиіс.Көлік министрі Марат Қарабаев биылғы 10 айда ТХКБ дәлізі бойынша тасымалдау көлемі 68%-ға, ал контейнерлік тасымалдау 2,7 есеге артқанын баяндады.Теміржол көлігімен 2,3 млн тонна, теңіз жолымен — 6,3 млн тонна жүк тасымалданды, бұл 2023 жылмен салыстырғанда 3%-ға артық.Премьер-министр Маңғыстау облысында авиациялық хабты дамыту қажеттігіне тоқталды. Көлік министрлігіне Энергетика министрлігімен және «ҚазМұнайГазбен» бірлесіп өңірге авиаотынды тікелей жеткізу, сондай-ақ шетелдік авиакомпанияларды тарта отырып, жаңа бағыттар бойынша субсидияланатын ішкі авиарейстерді ұлғайту мәселелерін пысықтау тапсырылды. Сонымен қатар Маңғыстау облысына басқа өңірлерден жолаушылар маршруттарын көбейту үшін теміржол инфрақұрылымын дамыту маңызды.Олжас Бектенов «Ақтау теңіз порты» еркін экономикалық аймағын кеңейту үшін әлеуетті инвесторларды тарту жөніндегі жұмысты күшейтудің маңызына назар аударды. Бұл ретте жобаларды іске асыру барысында облыс тұрғындары үшін тұрақты жұмыс орындарын ашу маңызды. Осы жылдың 11 айының қорытындысы бойынша 525 жұмыс орнын ашқан 14 жоба іске қосылды.Бүгінгі таңда өңірдің өңдеу өнеркәсібінде 17,2 мың адам жұмыс істейді. Өнеркәсіп және құрылыс министрі Қанат Шарлапаев салада тұрақты жұмыс орындарын ашу мақсатында инвесторларды іздеу жұмыстары жүргізіліп жатқанын айтты. Қазіргі уақытта 3,9 мың жұмыс орнын ашатын 1,5 трлн теңге сомасына 19 перспективалық жоба пысықталуда. Энергетика саласында жауапты министрліктің алдына «қызыл тәуекел аймағындағы» 19 энергия көзінің, жылу және электр магистралды және орамішілік желілердің тізбесіне кіретін МАЭК-ті жаңғырту бойынша міндеттер қойылды. Бұған дейін МАЭК-тің тұрақты жұмысы үшін республикалық бюджеттен 5 млрд теңге бөлінген болатын. Жиында жылу және сумен қамтамасыз ету мәселелерін шешу қажеттігі атап өтілді.«Өңірде жылумен жабдықтаудың ішкі кварталдық желілерінің жоғары деңгейде тозуы – үлкен мәселе. Жылыту маусымы басталғаннан бері 225 екпін тіркелді. Ақтау қаласының сумен жабдықтау желілерінің тозу деңгейі 82% құрайды. Біз қала тұрғындарының су тапшылығына шағымданатынын білеміз. Бұл мәселелерді бірінші кезекте облыс әкімдігі шешуі керек. Үкімет тарапынан қолдау көрсетіліп келеді», — деп атап өтті Олжас Бектенов.Өнеркәсіп және құрылыс министрлігіне әкімдікке көмек көрсету тапсырылды.Сондай-ақ Президенттің туризмді, оның ішінде «Кендірлі» курорттық аймағын дамыту бойынша қойған міндетін іске асыру бойынша жүргізіліп жатқан жұмыстар барысы қаралды.Маңғыстау облысын жағажай туризмінің халықаралық орталығы ретінде ұзақмерзімді дамытуға бағытталған кешенді жоспар шеңберінде 2030 жылға дейін жеке инвестициялар тарта отырып, жалпы сомасы 165,1 млрд теңгені құрайтын 64 іс-шара жоспарланған. Басым жобалар қатарында «Жылы жағажай» және «Кендірлі» курорттық аймақтарын құру. Аталған шаралар туристер санын 1,3 млн адамға дейін арттыруға және өңірдің қонақ үй инфрақұрылымын кеңейтуге мүмкіндік береді. Туризм және спорт министрлігіне Облыстағы туризмді дамытудың мастер-жоспарын әзірлеуде әкімдікке барынша жәрдем көрсету тапсырылды.Ақпарат көзі : https://www.gov.kz/memleket/entities/mangystau/press/news/details/898251

Бүгін Петропавл қаласында SKO Hub — Қазақстанның 18-өңірлік IT-хабының ашылу салтанаты өтті. IT-хаб Astana Hub, Цифрлық даму, инновациялар және аэроғарыш өнеркәсібі министрлігі мен Солтүстік Қазақстан облысы әкімдігінің қолдауымен құрылып, өңірдің технологиялық экожүйесін нығайтудағы маңызды қадам болды.Хаб стартаптардың дамуы үшін қажетті қолдау ұсынатын кеңістікті құруға бағытталса, жас таланттар IT-саласында табысты мансапқа қажет білім мен дағдыларды ала алады. Хаб міндеттеріне IT-білім беруді дамыту ғана емес, сонымен қатар технологиялық кәсіпкерлікке қолайлы экожүйені қалыптастыру, цифрлық бастамаларды ынталандыру мен Солтүстік Қазақстан облысындағы цифрлық трансформация процестерін жеделдету кіреді.«SKO Hub — өңіріміздің IT-экожүйесін дамытудағы жаңа қадам. Ол жастар мен IT-инфрақұрылымды дамытуға мүдделі тұлғалар үшін тартылыс орталығына айналады деп күтіліп отыр. Өйткені оларда өзгеріс пен дамуға қажет зор әлеует бар», — деді Руслан Әлішев, Солтүстік Қазақстан облысы әкімі аппаратының басшысы.Хаб жұмысы аясында технологиялық экожүйеге қатысушылар арасында білім мен тәжірибе алмасуды қамтамасыз ететін инкубациялық бағдарламалар, білім беру курстары, семинарлар мен митаптар, воркшоптар, форумдар, хакатондар және басқа да іс-шаралар ұйымдастырылады.«SKO Hub-тың ашылуы — Қазақстанда тұрақты технологиялық инфрақұрылымды құру жөніндегі стратегияның бір бөлігі. 2024 жылы Astana Hub он сегізінші хабты ашты, бұл ел көлемінде инновациялық жобаларды қолдау орталықтарының бірыңғай желісін құрудағы маңызды бастама болады», — деп қосты Аида Дусова, Astana Hub Өңірлік даму кеңсесінің директоры.Қазіргі уақытта Қазақстанда 18 өңірлік IT-хаб белсенді жұмыс істеп тұр, 1700-ден астам іс-шара, оның ішінде 18 халықаралық форум өткізілді. Бұл бастамалар 50 мыңнан астам қатысушыны тартты және 440 стартап-жобалардың құрылуына ықпал етті. 200-ге жуық IT-компания Astana Hub экожүйесіне қосылды, бұл елдегі цифрлық технологиялар мен инновациялардың дамуына септігін тигізеді.Өңірлік хабтар ашылғаннан бері 450 стартап-идея әзірленді, Qostanai Hub және Kyzylorda Hub-та GameDev орталықтары бар. Сонымен қатар, 1555 IT-компания, оның ішінде 186-сы Қазақстан өңірлерінен Astana Hub-та технологиялық экожүйенің қатысушылары ретінде тіркелген, бұл өңірлердегі IT-сектордың дамуына үлес қосады.SKO Hub-тың ашылуы Қазақстан Президенті Қасым-Жомарт Тоқаевтың өңірлерде инновациялық инфрақұрылым құруға және жас таланттар мен технологиялық кәсіпкерлікті қолдауға бағытталған стратегиясын қолдайды.Ақпарат үшін: SKO Hub Ж.Жабаев көшесі, 195-ғимарат мекенжайында орналасқан. Хаб технологиялар мен инновациялар саласында өз идеялары мен жобаларын дамытуға ұмтылатындардың барлығын қарсы алуға сақадай сай.Ақпарат көзі : https://www.gov.kz/memleket/entities/mdai/press/news/details/898040

Маңғыстау облысының әкімі Нұрдәулет Қилыбайдың төрағалығымен нашақорлық пен есірткі бизнесіне қарсы күрес жөніндегі ведомствоаралық штабтың отырысы өтті. Жиында есірткі қылмыстарының алдын алу, есірткі контрабандасымен күрес мәселелері талқыланды.ҚР ҰҚК Шекара қызметінің Маңғыстау облысы бойынша департаментінің жедел басқарма бастығы Ақылбек Саматовтың айтуынша, биылғы жылы мемлекеттік органдардың аумақтық бөлімшелерімен бірлесіп есірткі тасымалының 25 фактісінің жолы кесіліп, заңсыз айналымнан есірткі заттары тәркіленді.Сонымен қатар, есірткіні анықтау мен оны елге кіргізбеудің ең тиімді тәсілдерінің бірі – интрузивті емес тексеру құралдарын қолдану екені атап өтілді.Отырыс барысында Маңғыстау облысы Полиция Департаменті бастығының орынбасары полиция полковнигі Ильяс Жумагулов 2024 жылдың 11 айында облыста 428 есірткіге қатысты құқықбұзушылық тіркелгенін мәлімдеді. Оның ішінде 100 жағдай есірткі қылмысы ретінде анықталса, қалған 328-і әкімшілік теріс қылықтарға жатады.Есірткінің алдын алу мақсатында облыс бойынша 699 профилактикалық іс-шара ұйымдастырылған. Бұл шараларға 17 302 адам, соның ішінде оқушылар, студенттер, жастар және әскери қызметшілер қатысқан.Сондай-ақ, облыс әкімдігі, прокуратура және полиция департаментінің жастар саясаты басқармасымен бірлесіп, есірткі қылмысы туралы анонимді ақпарат алуға арналған «Stop Synthetic Mangystau» Telegram-боты іске қосылғаны хабарланды.Облыс әкімі Нұрдәулет Қилыбай нашақорлықпен күрес жөніндегі жұмыстарды жандандыру қажеттігін атап өтіп, бұл бағыттағы бірлескен жұмыстың маңыздылығына тоқталды.- Нашақорлық – ұлттың болашағына төнген қауіп. Біз бұл нәрсемен тек бірлескен жұмыспен және жауапкершілікпен ғана күресе аламыз. Әрбір азамат бұл мәселеге немқұрайлы қарамауы тиіс, - деді Нұрдәулет Қилыбай.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/897869

Бүгін, 5 желтоқсанда, Маңғыстау облысының әкімі Нұрдәулет Қилыбайдың төрағалығымен сыбайлас жемқорлыққа қарсы іс-қимыл мәселелері жөніндегі комиссияның кезекті отырысы өтті. Жиын барысында өңірдегі автожол саласындағы сыбайлас жемқорлық тәуекелдері мен оларды жою шаралары кеңінен талқыланды.ҚР Сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің Превенция басқармасының басшысы Али Абдулов өңірдегі жол сапасына қатысты мәселелердің маңыздылығын атап өтіп, саладағы бірқатар құқық бұзушылықтарға тоқталды.- Биылғы мамыр айында Мемлекет басшысы отандық жолдардың сапасыздығы туралы сын айтқан болатын. Маңғыстау облысы бойынша жалпы пайдаланымдағы автомобиль жолдарының ұзындығы 2844,1 шақырымды құрайды. Жүргізілген талдау нәтижесінде осы салада бірнеше сыбайлас жемқорлық тәуекелі анықталды. Мәселен, өңірде жалпы құны 2 жылға кепілдік берілген автожолдарды салу және реконструкциялау бойынша 9 заңбұзушылық, ал кепілдік мерзімі мүлде көрсетілмеген 5 факт тіркелді. Департаменттің ұсынысы негізінде уәкілетті органдар жол құрылысына кепілдік беру мерзімін 84 айға, ал орташа жөндеу жұмыстары бойынша 60 айға дейін ұзартты, – деді Али Абдулов.Сонымен қатар, жиында Құрылыс, сәулет және қала құрылысы басқармасының басшысы Айдос Хамиев өңірдегі әлеуметтік маңызы бар 11 проблемалық нысанның жай-күйін баяндады.Облыс әкімі Нұрдәулет Қилыбай автожол саласындағы жұмыстарды жетілдіру қажеттігін ерекше атап өтіп, жауапты органдарға нақты тапсырмалар жүктеді.- Жол сапасы – тұрғындардың өмір сапасын анықтайтын маңызды фактор. Сондықтан бұл бағыттағы кемшіліктерді жою, сыбайлас жемқорлықтың алдын алу және құрылыс жұмыстарын уақытында аяқтау біздің басты міндетіміз. Жауапты органдар мен мердігерлер бұл мәселені ерекше бақылауда ұстауы тиіс, – деді Нұрдәулет Қилыбай.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/897741

5 желтоқсан күні Маңғыстау облысының әкімі Нұрдәулет Қилыбай «Arm Wind» компаниясының Бас директоры Федерико Пульезе және Eni компаниясының Қазақстандағы техникалық директоры Андреа Римольди бастаған делегацияны қабылдады. Кездесу барысында «ҚазМұнайГаз» ҰК АҚ және италиялық Eni S.p.A. энергетикалық компаниясы Жаңаөзенде құрылысын бастаған заманауи технологияларға негізделген гибридті электр станциясының жобасы талқыланды.Жиында компания өкілдері станцияның құрылымымен таныстырып, оның тиімділігі және болашақтағы маңыздылығын атап өтті. Аталған станция күн, жел және газ электр станцияларын біріктіру арқылы тұрақты әрі төмен көміртекті электр энергиясын өндіруді қамтамасыз етеді.Жобаның ерекшелігі – әртүрлі энергия көздерін тиімді үйлестіру. Мәселен, 50 МВт қуаттылыққа ие күн электр станциясына 82 000 заманауи күн панелі орнатылады, бұл күн энергиясын электр энергиясына тиімді түрлендіруге мүмкіндік береді. Сондай-ақ, 77 МВт қуатты жел электр станциясының құрамына әрқайсысы 7 МВт болатын 11 жел турбинасы кіреді. Аймақтың тұрақты жел ағынын (орташа жылдамдығы – 8,5 м/с) пайдалана отырып, турбиналар жоғары өнімділікті қамтамасыз етеді. Сонымен қатар, 120 МВт қуатты газ электр станциясы 20 МВт қуатқа ие 6 газ турбинасымен жабдықталады.Күн электр станциясын 2025 жылдың III тоқсанында, ГазЭС-ті 2026 жылдың II тоқсанында, ал ЖЭС-ті 2026 жылдың IV тоқсанында іске қосу жоспарланып отыр.Облыс әкімі Нұрдәулет Қилыбай Жаңаөзен қаласында салынып жатқан гибридті электр станциясының аймақ үшін маңыздылығын ерекше атап өтіп, өңірдің дамуына бағытталған жобаларды қолдауға дайын екенін айтты.— Гибридті электр станциясы Маңғыстау облысының энергетикалық қауіпсіздігін нығайтып, тұрғындардың әл-ауқатын арттыруға ықпал етеді деп сенеміз. Сонымен қатар, бұл жоба аймақтың мұнай-газ саласына тәуелділігін азайтып, табиғи ресурстарды тиімді пайдалануға мүмкіндік береді. Өз тарапымыздан өңір дамуына бағытталған барлық бастамаларды қолдауға әрқашан дайынбыз, — деді Нұрдәулет Қилыбай.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/897744

5 желтоқсанда облыс әкімі Нұрдәулет Қилыбайдың төрағалығымен Құқықбұзушылық профилактикасы жөніндегі ведомствоаралық комиссияның отырысы өтті. Басқосуда құқық қорғау органдарының адам саудасына қарсы күрес, қоғамдық қауіпсіздікті қамтамасыз ету және сервистік тәсілдерді енгізу бойынша атқарған жұмыстары қаралды.Маңғыстау облыстық Полиция департаменті бастығының орынбасары Ильяс Жұмағұлов облыста адам саудасына қарсы күрес бағдарламасының жүзеге асырылу барысын баяндады.- Жыл басынан бері 1062 шаруа қожалығы қамтылған түсіндіру шаралары ұйымдастырылды. Ал, мобильді топтар «Адам саудасына қарсы іс-қимыл» тақырыбында тұрақты акциялар өткізуде. Сонымен қатар, жезөкшелік пен притондарды ұйымдастырудың алдын алу шаралары белсенді жүргізілуде. Нәтижесінде биыл Маңғыстау облысы бойынша адам саудасына қатысты 8 қылмыстық іс қозғалды, - деді Ильяс Жұмағұлов.Сонымен қатар, Маңғыстау облысы Полиция департаментінің Жергілікті полиция қызметі бастығы Нұрсейт Оразов сервистік тәсілдерді енгізу бойынша жұмыстардың нәтижелерін мәлімдеді. 2023 жылдың ақпанында құрылған аналитикалық жұмыс тобы кәсіпкерлік нысандар, білім беру және спорт ұйымдары, сондай-ақ шағын аудандардағы тұрғындармен кездесулер ұйымдастырған.Кездесулер барысында 1341 сауалнама жүргізіліп, 257 азаматтың сұрақтары мен ұсыныстары тыңдалған.Облыс басшысы Нұрдәулет Қилыбай құқықбұзушылықтардың алдын алу және оларды азайту бойынша жұмыстарды күшейту үшін бірлесе әрекет етудің маңыздылығын атап өтті.- Құқықбұзушылықтардың алдын алу – қоғам тұрақтылығы мен қауіпсіздігінің басты кепілі. Біз адам саудасы, тұрмыстық зорлық-зомбылық және басқа да құқықбұзушылықтарға қарсы күресті жүйелі түрде жүргізуіміз қажет. Бұл бағыттағы жұмыстарды мемлекеттік органдар ғана емес, азаматтық қоғам да белсенді түрде қолдауы тиіс, – деді Нұрдәулет Қилыбай.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/897746

6 желтоқсанда Маңғыстау облысында “Таза Қазақстан” республикалық бағдарламасы аясында “ЭкоМаңғыстау” үкіметтік емес ұйымы ұйымдастырған экологиялық акция өтті. Шара Ақтау қаласының маңында орналасқан табиғаты көркем Саура шатқалында өтті.Акцияның негізгі мақсаты – жастардың қоршаған ортаны қорғауға деген назарын аударып, экологиялық жауапкершілік сезімін қалыптастыру және Маңғыстау облысының табиғи байлығын сақтауға үлес қосу. Іс-шараға Ш. Есенов атындағы Каспий технологиялар және инжиниринг университетінің 50 студенті қатысып, ұйымдастырушылармен бірге шатқал аумағын тазалап, қоқысты сұрыптап, өңірдің қайталанбас табиғатын сақтау ісіне өз үлестерін қосты.Каспий теңізінің батыс жағалауынан 90 шақырым жерде орналасқан Саура шатқалы өзінің табиғи сұлулығымен, ерекше экожүйесімен және тарихи мәнімен тартымды орын. Бұл аймақтың басты көрікті жері – мөлдір тас қабырғалармен қоршалған көл. Онда сирек кездесетін реликтті батпақты тасбақалар мекендейді. Саура жайлы көптеген аңыздар айтылған. Соның бірі бойынша, бұл көл қайғыдан көз жұмған әйелдің көз жасынан пайда болған делінеді. Тағы бір аңызда Бекет ата “сенімсіздік аққуларымен” Саураға ұшып келіп, өзінің сенімінің мықтылығын дәлелдегені туралы баяндалады.Сонымен қатар, шатқал аумағында қола дәуірінен қалған бекініс қалдықтары, ежелгі қорымдар және Ұлы Жібек жолы керуендерінің іздері сақталған. Археологиялық қазбалар барысында жерлеу орындары, артефактілер және ежелгі жер сілкіністерінің іздері табылып, бұл бекіністің жойылуына себеп болғаны анықталған. Саура – табиғат, тарих және аңыздар бір-бірімен үйлескен, туристер мен зерттеушілерді ерекше атмосферасымен баурайтын аймақ.Экологиялық мәдениетті дамытудағы маңызды қадам“ЭкоМаңғыстау” үкіметтік емес ұйымының жобалар менеджері Джавид Зейнелабдинұлы Әлиевтің айтуынша, “Таза Қазақстан” бағдарламасы халық арасында экологиялық мәдениетті дамытуда үлкен рөл атқарады:– Бүгін біз жастардың экологиялық шараларға қатысуы тек аумақтарды тазарту емес, табиғатымыздың болашағына саналы үлес қосу екенін көріп отырмыз. Әрбіріміз қоршаған ортаны сақтау сияқты үлкен істің бір бөлігі бола аламыз. Баршаңызды қала аумағындағы кез келген экологиялық шараларға қатысуға шақырамыз. Сіздің белсенділігіңіз – таза әрі экологиялық қауіпсіз Қазақстан құру жолындағы маңызды қадам.Сондай-ақ, Маңғыстау облысында “ЭкоЛидер” клубының бастамасымен, облыстық жастар саясаты мәселелері басқармасының шағын гранттар бағдарламасы аясында “Қаракөл сақшылары” жобасы жүзеге асырылды. Жобаның мақсаты – Қаракөл көлінің биоалуантүрлілігін зерттеу, экожүйенің жағдайына жедел талдау жүргізу және құстардың тіршілік ету ортасын зерттеу.Жобаны іске асыруға отбасылық үлгідегі балалар үйінің тәрбиеленушілері, дарынды балаларға арналған мектеп-интернат оқушылары, Ш. Есенов атындағы университеттің экология және биология мамандықтарының студенттері мен туризм колледжінің оқушылары қатысты. Жоба аясында 135 ерікті жиналып, көлдегі 15 000-ға жуық поганка, 10 000 аққу, сонымен қатар фламинго, шағала, үйрек, қоқиқаз сияқты құстардың популяциясын бақылауға алды.Жобаның нәтижесінде жиналған деректер мен жасалған сызбалар оқушылар мен студенттердің жаңа ғылыми жобаларының негізіне айналды. Мысалы, Маңғыстау облысынан шыққан екі оқушы “Қаракөл” мәселесіне арналған зерттеу жұмыстарымен республикалық ғылыми жобалар байқауының облыстық кезеңінде жеңімпаз атанды.“ЭкоЛидер” еріктілер клубының жетекшісі және “EcoJer” қауымдастығының өңірлік экологиялық кеңесінің мүшесі Бақытгүл Өмірханқызы мұндай бастамалардың маңыздылығын ерекше атап өтті:– Өткен жылы Маңғыстау облысында біз 1200-ден астам аққудың және 2000-ға жуық Каспий итбалықтарының қырылу себептерін тәуелсіз зерттеуге бастамашы болдық. Мұндай экологиялық апаттардың алдын алу үшін халықтың экологиялық сауатын арттыру қажет. “ЭкоЛидер” клубы “Таза Қазақстан” бағдарламасы аясында белсенді түрде қоқысты жинау, сұрыптау және өңдеу жұмыстарымен айналысады.Сонымен қатар, біз мектеп оқушыларын табиғатты қорғау және зерттеумен байланысты мамандықтарға бағыттау бойынша жұмыс жүргізіп келеміз, – деді ол.“Таза Қазақстан” – жаңа форматтағы экологиялық бағдарламаАйта кетейік, 2024 жылы Мемлекет басшысының тапсырмасы бойынша жүзеге асырылып жатқан “Таза Қазақстан” бағдарламасы сенбіліктердің ауқымын кеңейтіп, жаңа форматқа көшті. Экоапталықтарға 168 мыңнан астам адам қатысып, 27 462 тонна қоқыс шығарылды. Ақтауда 45 632 шаршы метр жол жөнделіп, өңірде 20 300 ағаш отырғызылды. Сонымен қатар, 137 тарихи-мәдени нысан қалпына келтіріліп, әлеуметтік ғимараттар абаттандырылды. Каспий теңізінің жағалауындағы кепкен шөптер мен қамыстар арнайы техникамен тазаланды.Ақпарат көзі : https://www.gov.kz/memleket/entities/mangystau/press/news/details/897747

Жаңа жылдық мерекелер мен қысқы демалыс қарсаңында шетелде қазақстандық туристерді қорғауға бағытталған шаралар туралы еске саламыз.2016 жылдан бері Қазақстан Республикасы азаматтарының шығу туризмі саласындағы құқықтарына кепілдік беру жүйесі жұмыс істеп келеді, оның әкімшісі – «Туристік Қамқор» қоры болып табылады. Бұл жүйеге сыртқы туризммен айналысатын туроператорлар қатысады, олар әрбір туристке туркод беруге міндетті.🔷 Туркод – бұл әріптер мен сандардан тұратын бірегей код, оны тексеру арқылы турист туроператордың ұшу мен тұру шығындарын қабылдаушы тарапқа және әуе компаниясына төленгеніне көз жеткізе алады. Бұл бірегей механизм туроператордың өз міндеттемелерін орындай алмауы немесе төтенше жағдайлар/оқыс оқиғалар орын алған жағдайда туристердің елге қайта оралуын кепілдендіреді. Туркодты әкімші сайтында немесе «Туркод» мобильді қосымшасында тексеруге болады. Қосымшада сонымен қатар турагенттіктердің тізімі, баратын ел туралы ақпарат, Қазақстанның елшіліктері мен консулдықтарының байланыс мәліметтері бар.❗️Қосымшаны AppStore және GooglePlay арқылы жүктеп алуға болады.🔻 Бұдан бөлек, туркодты тек туроператор жасаған және турагент сатқан турды сатып алған туристке ғана беріледі. Агенттікті таңдаған кезде олар туркод беретінін міндетті түрде анықтаңыз. Туристік қызмет көрсету туралы келісімшарт жасаңыз және құжаттарды сұраңыз (төлемді растайтын кассалық чек, ваучер, сақтандыру полисі және т.б.).Ақпарат көзі : https://www.gov.kz/memleket/entities/tsm/press/news/details/897357

Елордада ҚР Туризм және спорт министрі Ербол Мырзабосыновтың төрағалығымен өңірлік спорт басқармаларының басшысын тағайындау бойынша комиссияның кезекті отырысы өтті. Отырыста Қызылорда облысының дене шынықтыру, спорт және туризм басқармасы басшылығына ұсынылған төрт үміткердің кандидатурасы қарастырылды.Атап айтқанда, Қызылорда облысының дене шынықтыру, спорт және туризм басқармасы басшылығына бокстан Афины Олимпиадасының чемпионы Бақтияр Артаевтың, Қызылорда облысының дене шынықтыру, спорт және туризм басқармасы басшысының міндетін атқарушы Жігер Айекешовтің, «Қайсар» футбол клубының директоры Садық Мұстафаевтың және Астана қаласы әкімдігінің «Мүмкіндіктері шектеулі тұлғаларға арналған «Елорда» спорт клубы» КММ басшысы Азамат Тагаевтың кандидатурасы ұсынылды.Жиын барысында комиссия мүшелері үміткерлердің саладағы тәжірибесі, өңір спортын дамытуға қатысты жоспарлары, сондай-ақ спорт ғылымы мен менеджмент негіздерін меңгеру деңгейіне қатысты сұрақтар қойды.Кандидаттарды жергілікті атқарушы орган ұсынады, ал тағайындау тек Туризм және спорт министрлігі жанынан құрылған комиссияның оң қорытындысын алған жағдайда жүзеге асырылады.Ақпарат көзі : https://www.gov.kz/memleket/entities/tsm/press/news/details/897360

Білім беру саласындағы инновациялық шешімдерге маманданған Astana Hub резиденті – CodiPlay стартабы Қазақстан Республикасының Премьер-Министрі Олжас Бектенов тарапынан жоғары бағаланды. Ол Қазақстан Республикасы Оқу-ағарту министрлігіне жергілікті атқарушы органдармен бірлесіп, CodiPlay жобасының шешімдерін қазақстандық мектептерге енгізуді тапсырды. Бұған дейін Оңтүстік Корея, Сауд Арабиясы және Түркия сияқты елдердің оқу орындарында іске асырылған жоба енді қазақстандық оқушылардың цифрлық дағдыларын дамытуға үлес қосады.Премьер-Министр Назарбаев Университеті жанындағы технопаркті аралау барысында ғылыми жобалар жетекшілерінің әзірлемелерді коммерцияландыру және ілгерілету саласындағы жетістіктерімен танысты. CodiPlay жобасы TRL (технологиялық дайындық деңгейі) шкаласы бойынша ең жоғары баға алды.Олжас Бектенов ел экономикасы мен өмір сапасын жақсартуға бағытталған инновациялық жобаларға Үкімет тарапынан қолдау көрсетілетінін атап өтті. Аталған стартапқа Қазақстан Республикасы Цифрлық даму, инновациялар және аэроғарыш өнеркәсібі министрлігі тарапынан Astana Hub резиденті мәртебесі аясында жан-жақты қолдау көрсетіліп келеді, сондай-ақ Seed Money бағдарламасы аясында қаржыландыру берілді.CodiPlay әлемнің 10 еліндегі 450-ден астам оқу орнын қамтиды, олардың қатарында Ұлыбритания, Оңтүстік Корея, Сауд Арабиясы, Түркия және Әзербайжан бар. 2024 жылдың соңына дейін Түркістан облысындағы 10 білім беру ұйымы CodiPlay экожүйесіне қосылса, 2025 жылы тағы 60 мектеп, оның ішінде Ақтөбе және Қарағанды облыстары қамтылады. «CodiPlay жобасына жоғары баға берілгені үшін алғысымыз шексіз. Жобаның қазақстандық мектептерде іске асырылуы білім сапасын айтарлықтай арттырып, оқушыларымызды цифрлық әлемнің сын-қатерлеріне дайындайды», – деді CodiPlay жобасының жетекшісі Жанәділ Талдыбаев. «Мақсатымыз – балаларға тек білім беріп қана қоймай, халықаралық деңгейде бәсекеге қабілетті болуға көмектесетін дағдыларды да үйрету».Жоба Ы. Алтынсарин атындағы Ұлттық білім академиясының мақұлдауын алды, ал компанияның Coditeach атты өнімі UNICEF тарапынан цифрлық қоғамдық игілік (Digital Public Good) ретінде танылып, халықаралық нарыққа шығу мүмкіндіктерін кеңейтті.Қазақстан мектептерінде CodiPlay-ды іске асыру – білім беру саласындағы маңызды қадам. Бұл оқушыларға білімді ғана емес, оны тәжірибеде қолдану мүмкіндігін де береді. Осындай бағдарламаларды енгізу елде бәсекеге қабілетті білім беру ортасын қалыптастыруға ықпал етеді.Жоба туралыCodiPlay – 2021 жылы құрылған білім беру технологиялары (EdTech) саласындағы қазақстандық стартап. Жоба жас ұрпақты цифрлық сауаттылыққа үйретудің ерекше әрі инновациялық шешімін ұсынады. CodiPlay жобасының құны 100 миллион долларға бағаланған, бұл – Қазақстанның білім беру компаниялары үшін рекордтық көрсеткіш. Ақпарат көзі : https://www.gov.kz/memleket/entities/mdai/press/news/details/897097

Бүгін, 4 желтоқсан күні Маңғыстау облысының әкімі Нұрдәулет Қилыбай «Orhun Medical» ЖШС-нің бас директоры Дирик Гёненчті қабылдады. Кездесу барысында компанияның аймақтағы денсаулық сақтау саласын дамытуға бағытталған жобалары мен бастамалары талқыланды.Жиында халықтың шетелде емделуге жұмсайтын шығындарын азайту және ел ішінде медициналық қызметтердің қолжетімділігін арттыру мақсатында бірқатар маңызды мәселелер қаралды. Компания өкілдері ұзақ мерзімді онкологиялық орталықтың қызметкерлерін арнайы оқыту бойынша бастамаларды ұсынды.Нұрдәулет Қилыбай облыс тұрғындарының сапалы медициналық қызмет алуын өңірдің басты басымдықтарының бірі екенін атап өтіп, ұсынылған жобаларды іске асыру үшін әкімдік тарапынан жан-жақты қолдау көрсетуге дайын екенін жеткізді.- Маңғыстау халқы өзге елге барып ем іздемей, өз жерінде сапалы медициналық қызмет алуы тиіс. Осы мақсатта облыс әкімдігі тарапынан қолдау көрсетуге дайынбыз. Ең бастысы, бұл бастамалар халықтың игілігіне бағытталып, олардың денсаулығын жақсартуға септігін тигізуі қажет, – деді Нұрдәулет Қилыбай.Айта кетейік, «Orhun Medical» – Қазақстандағы жетекші медициналық компаниялардың бірі. 2015 жылдан бері компания Қазақстан аумағында 14 медициналық нысан ашып, 705 жаңа жұмыс орнын құрды. Онкологиялық ауруларды диагностикалау және емдеу мақсатында ПЭТ/КТ және ОФЭКТ/КТ орталықтарын іске қосуда. Енді, облыс тұрғындары Астана, Алматы қалаларына бармай-ақ, позитронды-эмиссионды томографпен (ПЭТ) зерттейтін онкологиялық диагностикалық орталықтың қызметіне жүгіне алады.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/896743

Жылы жағажай – Ақтау қаласының туристік әлеуетке ие бірден-бір аймағы. Аталған жағажай Ақтау қаласы құрылғалы бері адамдардың сүйікті демалыс орны болып табылады. Себебі, Каспий теңізінің шомылуға ыңғайлы құм жағажайлары осы аумақта орналасқан.Мемлекет басшысының тапсырмасына сәйкес облыс орталығының туристік әлеуетін арттыру мақсатында облыс әкімдігі «Жылы жағажай» аумағында орналасқан туристік нысандарға апаратын бірден-бір көліктік инфрақұрылым ұзындығы 27 км автомобиль жолын реконструкциялау жұмыстарын 2019 жылы бастады.Айта кету керек, Жылы жағажайды қажетті инфрақұрылыммен қамтамасыз ету үшін жұмыстар кешенді сипат алды. Атап айтқанда, автомобиль жолымен қатар, су, кәріз, электр энергиясы және газ желілерінің де құрылысы қатар жүргізілді.Реконструкцияланғанға дейін автомобиль жолы 1980 жылдары салынған 2 жолақты жарықтандырылмаған, жаяу жүргінші және веложолдары жоқ, заман талабына сәйкес келмейтін жол еді.Реконструкциядан соң автомобиль жолының техникалық сипаттамасы мынадай: жол бөлігінің ені– 14 метр, қозғалыс жолағының саны– 4, жарықтандыру жүйесі орнатылып, автотұрақтар, аялдамалар, жаяу жүргіншілер жолы мен веложол салынды.Жылы жағажайға баратын жолаушыларды тұрақты маршруттық автобуспен қамтамасыз ету мақсатында №6 «Әуежай-Ақтау-Жылы жағажай» тұрақты маршруты іске қосылды.Осылайша, «МАЭК» су алғышынан «Құрық» теңіз портына дейін автомобиль жолынреконструкциялау жобасы аяқталып, 2024 жылдың қыркүйек айында пайдалануға берілді. Жобаны жүзеге асыруға республикалық және жергілікті бюджеттен 9,3 млрд. теңге жұмсалды. Құрылыс жұмыстары жергілікті мердігер компаниямен жүзеге асырылды.Өңірдің туристік әлеуетін толық ашуға бағытталған кешенді жұмыстар одан әрі жалғасуда.Осы орайда, облыс әкімдігімен жоғарыда аталған жобаның логикалық жалғасы ретінде «МАЭК» су алғышынан Құрық теңіз портына дейінгі автомобиль жолын реконструкциялау 34 км (ІІ кезек)» жобасы жүзеге асырылуда.Бұл жобаны аяқтау 2026 жылға жоспарланып отыр және автомобиль жолы Ақтау порты мен Құрық портын тікелей жалғастыра отырып, Ақтау қаласының Жылы жағажай, Мұнайлы ауданының Қызылқұм жеріндегі, Қарақия ауданының Сарша жеріндегі туристік нысандардың дамуына тың серпін береді деп күтілуде.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/895946

Спорттық атақтар мен разрядтарды беру жүйесін жетілдіру аясында спорттың барлық түрі бойынша, оның ішінде спорттық акробатика және көркем гимнастика сияқты спорт түрлеріне өзгерістер енгізуді көздейтін жаңа бұйрық жобасы әзірленді.Спорттық атақтарды, разрядтарды және біліктілік санаттарын беру «Спорттық атақтарды, разрядтарды және біліктілік санаттарын беру нормалары мен талаптарын бекіту туралы» Қазақстан Республикасы Мәдениет және спорт министрі міндетін атқарушының 2014 жылғы 28 қазандағы № 56 бұйрығымен (бұдан әрі – бұйрық) бекітілген нормалар мен талаптармен реттеледі.Бұл ретте өтінімдерді беру тәртібін қоса алғанда, өтінім беру жүйесінің өзі спорттық атақтар, разрядтар және біліктілік санаттарын беру мен олардан айырудың барлық тетігін реттейтін 2014 жылғы 29 шілдедегі № 300 бұйрықпен айқындалады.Өзгерістер енгізіліп жатқан жаңа бұйрық көптеген спорт түрі бойынша нормаларды, соның ішінде республикалық аккредиттелген спорт федерациялары әзірлеген көркем гимнастика және спорттық акробатика бойынша балдық бағалау жүйесін енгізуді көздейді. Осы уақытқа дейін аталған спорт түрлеріндегі атақтар мен разрядтар тек жүлделі орындар негізінде берілетін.Сонымен қатар жаңа нормалар спорттың барлық санаттары: олимпиадалық, паралимпиадалық, ұлттық, олимпиадалық емес, техникалық, әскери-қолданбалы және басқалар үшін атақтар мен разрядтарды беруге бірыңғай тәсілді енгізуді көздейді. Бұйрық жобасында бейінді спорт федерацияларымен ынтымақтастықта әзірленген барлық спорт түріне қойылатын талаптар нақтыланады.Жаңа бұйрықтың талаптарын орындаған спортшылар жаңартылған нормалар күшіне енгенге дейін жарыстарда қол жеткізген нәтижелерді қоса алғанда, атақтар мен разрядтарды беру құқығын сақтайды.Қазіргі уақытта бұйрық жобасы ҚР Туризм және спорт министрлігінің Заң қызметі департаментіне келісуге жіберілді. Құжат 2025 жылдың қаңтарында бекітіледі деп күтілуде.Ақпарат көзі : https://www.gov.kz/memleket/entities/tsm/press/news/details/896376